زمهرير الاوجاع الفصل السادس والعشرون 26 - بقلم قدر ال هاشم

زمهرير الاوجاع

حفصه الهاشم..

ــــــــــــــــــــــــ

// ابوج العينتين رايدج ..لازمين الرجال ويريدج ترجعين ..

كمت على حيلي من الصدمه.. //الرجاال..يعني الساايق لكوا الله عليك ابو رامي صدوك هههه

باوعلي بهدوء سحب نفس وجاوبني //اي الرجال لزمنا قبل كم يوم .

قدر// ههه صدوك الله يرفحك مثل مافرحتني يعني راح ارجع لاهلي موو ..؟ شوكت نرجع هاا.؟

باوعلي بصمت وحواجبه معكوده بضوجه // اشو حيل متحمسه للرجعه ..؟
جاوبته بضحكه// هههه اي والله مشتاقه لامي وبيبي اريد اشوف ابويه هم هههه..شوكت نرجع.؟

ضل صافن عليه ومعصب..! هسه بدال ما يفرحلي كاعد ومعصب عليه..! اوس بأغتضاب// انشالله بعد يومين الله كريم... اردف وهوه يغطي راسه// طفي المهجوم اريد انام..

كمت بلا كلام طفيت الضوه وهوه نام.. فرحتي ما توصف من كلي لكينه الرجال.. بسرعه التخيلات كامت تنرسم ابالي شراح اسوي من ارجع يم اهلي وشنو راح تكون ردة فعلهم من يعرفون الحقيقه.. بقيت طول الليل اتكلب بالفراش والابتسامه شاكه حلكي من الفرحه..هههه

.................

ثاني يوم الجمعه .. كالعاده لبسنه وطلعنه لبيت عمهم .. اوس افندي مدلغم بوجهي..هسه غير نفتهم ليش معصب.. ولو اربعه وعشرين ساعه عاقد حواجبه ..وبعدين هوه من نفسه يهدأ..

وصلنه لبيت عمهم الباب جان مفتوح والعالم ملتمه يم البيت..! نزل اوس وهوه يسويلنه طريق فتنه للطرمه والامه العربيه كلها طالعه للطرمه.. ابو سهند و ولد عمها وابن خالتها سيف هم جان موجود والعيطه كابه بينهم.. وهذا ابن خالتها سيف..

مجثي على ركبتيه كدامه وهوه مثل الجليد ما اتحرك انش واحد ولا هزته دموعه المتناثره بألم على وجهه بقينه واكفين بالطرمه وسهند واكفه ورا الشباك تقطعت نياط قلبها على منظره مستحيل تكدر تشوفه بهاي الحاله مستحيل تكدر تشوفه مكسور ويترجى بالناس اردف بصوت مخنوك حابس العبره بروحه

/// ابوو ازلل لا تكسر بكليبي الله يخليك انته رجال جبير وفاهم و واعي هاي السوالف ما تحرمنه من انو ننجمع لا تصير ضالم وتمنعني منها والله ما اخليها الا اموتها واموت وراها اذا انطيتها لويلاد اخوك واثمنه يوكع بركبتك والله

دفعه ابوها بكل قسوه وهوه يتحرك من يمه بعدم مبالاة ويكوله ،،// روح بابا روح الله يهديك انته لو تبقه اخر رجال مانطيها عنااد ظلم شتريد تسمي سمي ولي منا لميت العالم علينه ماتستحي انته..

لزم سلاحه بعصبيه وهوه يصيح على ابوها بصوت عالي و ولد عمامها والجيران كولها ملتمه صاروا فرجه للعالم الصغير والجبير واكف يباوع عليهم //ابووو اززل والله اضرب نفسي والله واثمي بركبتك

طلعت من باب الكنيدور بخوف وهيه تسمع صوت الاقسام مال السلاح دتنسحب اردف ابوها بكل غضب وعصبيه /// ابن عمها ناهيي عليهاا ما انطيها الك لو تطلع نخله براسك.. زين وازوجها كدام عينك وهسه همم .. اكتل نفسك وخلصنه من شرك يالله اضرببب اضررب طيح الله حضك يا اغبر لو تموت هسه ما انطيها الك

باوع على ابوها بكل حقد واصرار وتحدي كلمات ابوها ونظراته وهوه يتحدا انو يضرب عمت عيونه وخلت الشياطين تصيطر عليهِ وجهه السلاح لناحيتها وضغط على الزناد ورجع وجهه على نفسه وضرب صدره بجرأه

وسقطت زهرتين متباعدتين من البستان
سقطوا كل واحد مغشي عليه

وكف الكل بصدمه ودهشه وهمه يشوفون دماء العاشقين تختلط مع بعضها على الارض ..

ركض عبد الجبار على بنته السبحت بدمها وصوته يرجف من الخوف //سهننند بنتتتي وللك كووواد الله يهلكك سهنند شو ابويه افتحي عينج.. انهار ابوها بالبجي .

.والنسووان بدت بالعياط.. من الصدمه مالتي لزكت نفسي بالحايط .. فات اخو سيف وهوه يصيح ..قطع صياحه وهوه يشوف اخو نايم بالارض وسابح بدمه كعد يمه على الارض وكام يصيح ويبجي عبالك طفل صغير

سرمد// ياابوويه يوول يسسييف منوو سووه بيك هييج يووول يخووي كووم اكععد..

............

لحظات مرت بلمح البصر العالم التمت ماصار حتى مجال لسيارة الاسعاف تفوت بالفرع... اخذوهم ثنينهم وراحوا.. وكل هذا اوس واخو سيف لزموها بس يتمالخون..

اجتي سيارة الاسعاف وكل واحد راح ويه قريبه .. فتنه جوه على صياح علياء.. فتت اركض ورا ميقات عبالي صاير شي لو طلقه ثالثه فايته للبيت من هذا ابن خالتها المخبل.. ما عنده حل غير القتل ..! حتى لو جان اكو امل ينطيها بعد السوا مستحيل ينطيها..

بيبيتهم خطيه اتخربطت..ولزمناها نكعد بيها ماكو.. ورا دقايق كعدت ولسانها ثكيل من الصدمه.. قاستلها علياء االضغط والسكر.. وثنينهن متخربطات من الصدمه.. بقينه كاعدين يمها والنسوان منهن التبجي ومنهن الي اخذتها بالكلام والاستفسار..

خطيه الحجيه لسانها ثكيل انريدها تنطق ماكو.. علياء// طااح حضج سهنند كله من وراهااا شوفوا شصاار ابيبييي..

فات ساهر على صياحها وعيونه حمر من البجي خزرها وهوه يصيح عليها/// عليااء اقسم بااالله تحجين كلمه زاايده جثتج ادززها للمقاابر هديييه احننا بياا حال هااي بداال ماتدعيلهااا ادبسزز..

كامت عليهِ وهيه تريد تدفعه // انته صااير فرد مره مستهتر سااهر لاعبالك نبتلك شارب تصير عليه رجاال تررا اكول لفرااهد يفرك حلكك.. مدت ايدها تريد تدفه بس هوه لزمها ولوها وهيه تصيح من الالم ماعرف من الزوم.. ساهر/// قنندرره حسسج نصييي اييدددج هاي القذره اكسررلجياها اذا تمديها

اجتي امها تركض عليهم ام فراهد// ياا يممه يااا يمه ولك حقيرر شدتسووي بيهااا عووف ايدهاا الا اكوول لابووك عليك اليووم.. دفعها بقرف وهوه يطلع من الصاله// لخرا عليها من فوك ليجوا القندره..بلا مستحه..

طلع وعافهن وحده تواسي بالثانيه..لزمنه اكس مربع غلط وفشار..

......

ماعرف شنو من كلب عدهن .. البنيه بالمستشفى ومانعرف مصيرها شنو وهنه هنانه كاعدات يتمالخن .. ام يوسف خطيه انهارت تجيب وتلطم على رجليها وتدعي على سيف.. هبه اول مارجعت وسمعت بالخبر اخذتلها مكان بصف بيبيتها وتخربطت.. خابرت ميقات على زوجها بس محد يجاوب..خابرنه على يوسف اوس ماكو.. انوب القلق والتوتر اكلنه...

شنو من حظ عندج يسهند... اذا اليحبه قتلها شلون يريد اهله يأمنون عليها يمه..؟!

مرت ساعات واحنه كاعدين على نار ماكو اي خبر منهم.. والبيت كله انكلب عبالك بي فاتحه..

ـــــــــــــــــ

يوسف..

منظر سهند وهيه سابحه بدمها ابد ما انسا.. كرهت سيف وعشيرته كلها من ورا فعلته.. شكد حاولنه انهدي بس ماكو الشيطان ركب راسه الاثول ضيع نفسه وضيع سهند ويا..

اخذناهم للمستشفى رأساً دخلوهم بالعمليات,, عبد الجبار انهد حيله كعد على الارض وهوه يبجي ويصيح لبنته // ياابوي بنيتيي رااحت ..يااابويه رااحت الغاااليه ..

رحت عليهِ مهما يكون مو مال زعل ومكابره بهيج وضع لزمت من جتفه واني احاول اهدي// كول يا الله عمي انشاالله مابيهم شي استهدي بالرحمن واكعد ادعيلها.. جاوبني بحده// لانعل شيب الخلفه خله يموت عسا بنار جهنم الارعن .

اجه ابويه وكومه وهم حالته ما تنقس عن ابوها.. بقينه ننتظر الدكاتره وابوها كل شويه ويرجع يبجي بحركه وبندم.. اي ندم يعبد الجبار ندم هسه تندم بعد خراب البصره..

فات اخو سيف سرمد للصاله وهوه يصيح علينه/// الا اعفننكم بالسجنن كووواويد دمم اخووي مايبقه هدددر ..الا ادفعك الثمممن عبدد الجباااار وللك الا اخلليك تتعفن بالسجنن يااا نااقص

اوس سمعه لو انكلب شيطان.. اول ما سمعه وكامله بخطوه صار سرمد جوا واستلمه بوكسيات.. اوس/// وللك كوواد ازززينه الشاااربك ابن القنندره لسااانك الزفرر اكصه واعلكه بركبتتتك نننغل

نسحب بأوس من فوكا وهوه اضخم من سرمد .. انكلب وحش بري التموا العالم علينه وهمه يفاككون بيهم..وسرمد لسانه وسخ مثل اوس هذا يفشر واوس يفشر وهوه فوكا سرمد /// لانعل ابووك انته هم ويااا لا تخاااف شاااربك الووسخ انه ازينوو الك كووواد.. لززمه اوس من وجها وهوه يصيح عليه/// يوووسف جيب السجيننن الا اكصله لسااانه النغغللل خررب ببليسك اذا عفتتتك ..جيب السجيين انعل والدينك هسسسه

سحبته اني والولد من جتفه واجوي الحراس واوس لازمه لزمة كفار قريش طلعوهم من المستشفى وبعدهم واحد يسب بالثاني .. يوسف // يمعووود يبوو الغيره هسه وگت عرراك ماتشوف عمك شصاير بحاله وكت امالخ هسسه

فتح عينه عليه بعصبيه /// متشوف الكوواد شديحجي النغل. الا اخلي هذا ابن الزفره سيف بالسجن. هاي اذا طلع عايش.

يوسف // استهدي بالرحمن وعوف هالسوالف مو كلشي ينحل. بالعصبيه جاوبني بأصرار // لا هوه هيج تنحل كواويد بنت عمي. مانعرف تعيش تموت من وره هالكواويد ازين شاربي اذا ما شمرته بالأنفرادي .. اجانه ابويه معصب شراره طاير ورا // وللكك انته خبل. احنه بيا حال. وانته گاضيها. عركات ويه الرجال

اوس// يخسسه اذا هوه رجال يخسسه .. هز راسه بعدم قبول// ماكو فايده منك انته ارعن اررررعن .. عافنه ورجع فات للمستشفى. وفتت اني ورا اجتي الشرطه تريد تحقق وتسأل بس محد بينه حجه واخذنه الصدمه كحجه وطبعا اوس لان معروف. بهذاك الوقت ابغداد. سدوا الموضوع شويه. بين ما نشوف الدكاتره شيكولون

...

ورا مده طلع الدكتور من عملية سهند والحمدالله طمنه عليها الضربه جايه بجتفها. مو هاللكد خطره عمي من الفرحه مالته سجد بنص المستشفى وكعد يبجي ... خابرت على امي اطمنهم عليها وهيه استلمتني بجي ونوح اكيد هسه البيت مشتعل يمهم . نقلو سهند لغير غرفه بس سيف الارعن بعده بالعمليات ..

محد موجود من اهله بس. اخو سرمد .. مايهون عليه. اتركه صح. هوه الغلط بس هوه جان صاحبي لفتره من الزمن ما معقوله اعوفه هسه .. رحت كعدت مقابيل اخو وهوه مثل الثور الهايج بس ينافخ سرمدد // شعنددك كااعد هيينه امشي ولي من جداامي. اختك الزفره وطلعت عدله. على ياهوو جاي. هين??

جاوبته واني اخنزر عليهِ // لساانك لا اجيبلك اوس هسه يكصلكيا اخاف ما كصه ذيج الساعه ... هز رجله بسرعه وهوه يباوعلي .. عاب لهالخلقه منين جايبي هذا اشو سيف ينجرع وحلو هم هذا الاغبر حلو بس اخلاقه تنگط زبل ماشالله

بقيت متجاهله وهوه حار بنفسه ساعه يوكف ساعه ييكعد ويهز برجله .. هم حقه اخو وخايف عليهِ ... طلع الدكتور وهوه يسحب نفس بتعب .. //// الحمدالله نجحت العمليه بس حالته تحتاجله شويه مدارا. الله ستر جان وصلت الطلقه لأمعائه الحمدالله طلعنه منها بأقل الخسائر ...

عفته هوه والدكتور ورحت يم عمي وابوي .. سعدون // لحالك خويه لو منطيهيا وفاض السالفه من البدايه .. عبد الجبار // ياكل تبن ترس حلكه لو يصعد للسمه هم ما انطيهيا. ولي يسلمك سعدوون دتشوف حالتي لا تجيبلي سيرته الزماال .. عسا بالموت ..

جاوبته واني اكعد // لا الرجال عاش الحمدالله .. وكف بغضب وهوه يباوعلي بحده /// لعد خلي يتمنه الموت اذا ما اخلي يگتل نفسه وهوه بالسجن ما يطلع اسمي الشيخ عبد الجبار

سعدون // خويه اهدئ الامور ماتنحل هيج ولا تنسى هوه اقاربها. ولاتنسو الفضل بينكم لا تته.. عبد الجبار /// اتهوور ما اتهوور محد اله شغل يمي. بنتي واني حر بيها ... اردف وهوه يلتفت عليه // وينه هذا اوس. داشوف شغلي ويا ..

أشرتله بمعنى برا واني اباوعله بأستهزاء قبل شويه جان يلطملي على بنته وهسه تحولي ثور هايج.
كعد ابويه وهوه يصفك ايد بأيد // لاحول ولا قوة الا بالله. هذا عمك مع الاسف مايعرف يتصرف ..

.................................

مر اسبوع

سهند الحمدالله صحت حالتها مستقره بس حالتها النفسيه زفت صايره
اول ماكعدت لهسه يجوز حاجيتلها كلمه كلمتين ... ابوها دائما فوك راسها ومرات يكعد يحشي براسها. هذا سيف لو يحبج ما يذبحج وهذا مو رجال طلعي من بالج لا تفكرين بواحد يكتلج علمود لايشوفج سعيده ويبقى يعبي هاللكلام براسها وهيه ساكته وتباوعله بجمود

.. اما سيف .. هذا هم ابتله بينه واحنه ابتلينه بي هم

عبد الجبار ركب راسه والا يشتكي عليهِ وهذا اوس بدال ما يهدي الوضع لا يحطله تيزاب وبانزين ويكعد يتفرج على الحريق .. عمي يصيح اشتكي عليهِ واوس يكوله فوت عمي. واني بظهرك وما ارتاحوا الا اشتكوا. على الرجال الشرطه وكفت على بابه وحراسه عليهِ علمود من يتشافه يسجنوا ..

واخو سرمد تخبل اكثر من مره يتلازم هوه واوي برا المستشفى. ويكعد واحد يملخ بالثاني كمت من يم عمي ورحت لغرفته اريد اشوفه ارزله على سوايته صح اكبر مني بس يوازي الواحد على الحجي ماعرف الحق ويا. مدري ...

ردت افوت اشوفه والحراس صارولي شريفين براسي // وين وين فايت ممنوع زيارته اوامر الضابط اوس ...
جاوبته واني ادفعه بملل /// شوو دوخر من خلقتي الزفره ماناقصك اني ..

اجه اوس وهوه يتبختر بمشيته وحاط ايده بجيوبه على اساس مسوي فد انجاز /// هاا يووسف شعندك هناا؟

جاوبته بحده لان من اشتكه عليهِ اني ما حاجي ويا /// وخر زلمك اريد اشووف الرجاال .. اوس ببرود // لااع ممنوع.

باوعتله واني مخنزر عليهِ /// اووس خلي افووت اشوف الرجااال عااد. وخرر زلممك مناا ..
كعد على الكرسي // شتريد منه؟

مسحت على وجهي واني استغفر الله من هالجليد .. // اريد ارزله هيج زين ..! أشر بأصابيعه بدون ما يحجي على حراسه وهذوله راحو اوس/// اي مادام ترزله الساحه الك. انعلي شيبه. لهالارعن ..

باوعتله بطرف عيني وفتت اللهم صبرج ياروح على هالعائله المجنونه ..

..............................

جان صافن على الفراغ وما منتبه الي ..

سحبت كرسي وكعدت يمه وجهه اصفر وضعيف مو عبالك سيف الحلو .. شصاير بحاله. ماكل عليهِ الدهر

باوعلي بعدم مبلاة ورجع دار وجها ثواني ورجع باوعلي بصدمه سيف // يوسسف شجاابك هين. ؟ شلوونها سهند كلي خوما تأذت حيل؟

باوعتله بطرف عيني وجاوبتي واني ارهي ظهري على الكرسي وادير عيني عنه // اذا انته ضاربها طلقه. شلون بلا ما تريدها تتأذى؟ !! جاوبني بتعب // ولي يسلمك لا تصير مثل ابن عمك الحگره. كلي شلونها صحت مو؟ بيتين الزفره. اسألهم محد يجاوبتي

//اي زينه وصحت من زمان الضربه جايه بجتفها الحمدالله. الله ستر
جاوبني بأرتياح // اي عجل اضربها بكلبها غبي عاقل ههههه! عمك الفاين شسوه بعده راسه فوك النخل مانزل ؟

// لااع
جاوبته وباوعت على غير مكان جاوبني بحده // يوول يالارعن جاوبني عدل اجدي منك الجلمات انه.

يوسف // انته بس كولي شلون تسوي هيج بيها وبنفسك مو تحبها هوه اليحب هيجي يتخبل؟ !!
// اي انه من احب اتخبل اصير اغبر بالحب .. انه ادري بالجيله وين طاحت ماني غبي وانهي حياتها. بس هاي جرة اذن لعمك الفاين

... يوسف // اي عاد لو تطلع براسه نخله ما ينطيكيتها هسه
سيف // عجل ارجع اضربها بجيلتين بدل الوحده ...

يوسف // عوفك من هاي. وتعال طلع نفسك من السجن ..!

سيف // يا ارعن اشتكى عمك مو ...

فات بغرور وهوه حاط ايده بجيوب البنطرون باوعله بنظرات. استهزاء وهوه يجاوبه اوس // اني اشتكيت عليك. ...

سحبت نفس واني استلهم الصبر عاد اوس اذا لح بشغله لو تنطبق السمه على الارض ما نفكه منها سحبته من ايده واني اطلع // امشي امشي الرجال تعبان خلي يرتاح .. اسحب بي وهوه واكف يخزر بسيف وهذاك ماشالله هم ماعليهِ قصور عيونه عيون الصگر سحبته وطلعت ..

اوس // لا يكون مقهور على هذا المجرم ..؟ باوعتله بطرف عيني ومشيت من يمه ..
اوس // يكوواد داحجي ويااك تعاال؟

مجاوبته كملت مشي وهوه يصيح ورايه. اني ابن عمك. ساقط تزعل علمود واحد غريب ..يقندره ولك. سااقط تعاال ..

عفته وطلعت ... ورا يومين كتبلنه الدكتور خروجيه لسهند .. رجعناها للبيت وبدت يمها القال والقيل ... لزمنها النسوان اول ما رجعت دك بوس وبجي .. كعدناها يم بيبي. وبدن هاي تبجي وبيبي تبجي ... عفتهن وطلعت.

... اوس بعده معند الا يسجن سيف. وعمي ماناسي السالفه يفوت ويطلع يسأله شوكت تسجنه وشوكت تسجنه ابوي حاول يفوت بينهم بالخير بس هذوله عبد الجبار واوس ابد مايحبون المشاكل ماشاالله وصدوك سوها اول ما طلع الرجال من المستشفى اعتقلوا ..

بوقتها صدوك ضججت من اوس الارعن على كولة الاغبر سيف .. رحتلهم للمغفر داشوفه واوس افندي مانع الزيارات عنه .. تلاغينه اني ويا بالمغفر هوه يفشر واني اصيح عليهِ الحقنه ولا فك شويه قافل عليهِ ...

.........................................

قدر

مرت ايام وسهند الحمدالله صحتها اتحسنت بس صارت كئيبببه ولاعبالك هذيج ام الضحكه الحلوه طلعوها من المستشفى وذبحولها طلي على سلامتها كعدناها يم بيبيتهم. والنسوان كل شويه وحده فايتتلها تسلم عليها تفوت تسلم عليها وتطلع تحجي عليها .. رحت كعدنه يمها اني وعلياء على اساس دنطلعها من جو البؤس الي هيه بي. بس علياء ماشالله مو بس عمتها لا طلعت عينها هم

علياء // شفتي شفتي سهندد شسوه بيج هذا المستهتر .. هذا ولج ما يحبج كم مره كتلج بس انتي راسج يابس .جاوبتها بتعب /// علياااء الله يخليج سدي هالموضوع مابيه حيل زين ..

ضربتها على ايدها بخفه // ثووله بس لا بعدج تحببي هااا
صاحت بألم وهيه تدفع ايدها // اااخ عليااء ايددي ... علياء // اووي عمري اسفه عبالي بهذيج ايدج .. خوما تأذيتي؟ !!

سهند // لامتأذيت. متأذيت .. كامت علياء واخذت تيلفونها // اروح اخابر صديقتي هسه اجي .. بقينه اني وياها وهيه تباوع على الفراغ وساكته .. سهند // يوسف وين اريد احجي ويا ..

قدر // والله ماعرف بس الولد كالو طلع
حطت ايدها على عيونها وكامت تبجي // شلوون وررطه هااي .... اريد احجي ويا ...

احتاريت شسوي وياها كمت بستها من راسها واحجي وياها // سهندد لاتبجين يمعوده. هسه يجي واحجي ويا يلا شو اسكتي ترا اوس وصاني كال اذا تبجي اروح ابتلي بسيف لخاطر عيونها هههه

وخرت ايدها عن عيونها // شيسوووي وينه سييف ليش؟ خوماا سووله شي؟ !!

قدر // ها لا يكولون بعده بالمستشفى ..

سحبت نفس بضيق وسكتت .. حالتها نفسها كل يوم اوس يجيبنه يمها .. ويوصينه عليها بس هيه نفس نفسيتها التعبانه من اول ما فتحت عيونها ... والعجيب ابوها ابد ما دخل عليها لو فات شافها شلونها شلون صارت ؟ خطيه عماتها لزمنها اكس مربع شوف شمسويه ويه الرجال وهيج متمسك بيها .. شوف شنو منطيته علمود راغبها هيجي ؟!!

وو كومه كلام. يصدمني من يحجون هيج عليها وهيه بنت اخوهن والعجيبه علياء ادافع عنها. مع العلم جانت قبل تحجي عليها .. الله يهديها. وتفك عنها ياخه ..

طلعت من الحمام دانشف بشعري فات اوس للغرفه وهوه معصب .. كعد على الجربايه وكام يهز برجله .. انداريت عليهِ منزل راسه ورافع بس عيونه عليه يا ستار شبي هذا عبالك جني .. اخذت المنشفه واني انهزم من نظراته سويت نفسي داروح اشرها وهوه على نفس الكعده منزل راسه وبس عيونه تتبعني. افلتي قدرر هذا تخببل ..

فتحت الباب بسرعه داخلص منه اوس // تعاااي ..

انداريت عليهِ واني ابتسم بخفوت // ههه هاا اوس
// وعررجا تعايي هنا اطرشيتي انشالله ..

مشيت بخطوات بطيئه ورحت يمه كعدت بصفه وهوه بعده يهز برجله ومتجي بأديه على رجله الثانيه ومخنزر عليه ... هسه غير اعرف شمسويه ..! اوس /// قسسماً بالله. قدر اذا اجوو اهلج وسمعتج. تريدين تروحين وياااهم ظهررح اقسسمه نصييين. زين

// هاا اوس // وعرررجا التعرجج. لااا تصيرييين فاااهيه ..
قدر // حاضر حاضر ... يعني هسه اهلي راح يجون ياخذوني ههههه

اوس /// منا ليباجر اذا ما اجوي احنه نروح .. نحل الموضوع هناكه احسن هنانه محد يدري بسالفتج .. وديري بااالج. اسممعج تريدين تبقين يم اهلج قددر انتي مرتي تبقين ابيتي زييين وهاي سوالف المسلسلات العاطله مال اطلكج وماعرف شنو شيليها من بالج

نزلت راسي وسكتت رجع هوه عاط عليه /// مفهوووم
قدر // حااضر ..

كام وهوه ينزع بحزامه // خووش حضريلي الحمام ..

طلع للحمام واني كمت داحضرله ملابسه ههه مو هوه بكيفه ابو لسان الزفر

بس يغلط هسه اني بس خلي اشوف اهلي واشوفك منو الترجع وياك. اوس افندي ..

ثاني يوم. ابويه خابر عليهِ كاله مانكدر نجي عاد احنه حضرنه نفسنه وطلعنه الهم ... مو هيج متوتره جسمي برد من التوتر والخوف .. صح فرحانه لانو لكو الرجال بس هم تبقه رهبة الموقف بيه .. طول الطريق هوه ساكت وبس يجر حسرات ... واني اخذتها نومه وحدها .. اوس // يلا قدر اكعدي ابويه وصلنه ..

فتحت عيني بنعاس عدلت كعدتي واني اتمطه .. قدر // اي بلا وين وصلنه؟
اوس // ولج اكعدي بنت الاوادم وصلنه لاهلج ..

فتحت عيوني بسرعه // اهلي ... يلاا خلي ننزل. تجي ويايه موو

باوعلي بطرف عينه والوضع امبين ما عاجبه // لا خبل علمود اعوفج هنا وارجع ..

نزلنه وباب اهلي جان مفتوح وصوت الزلم وصياحهم من المضيف خابص الدنيه خبص .. اول ما فتنه صار كدامنه السايق ..

باوعلي وابتسامه خبيثه على شفايفه القذره غمزلي بعينه وهوه يضحك // هاا قدووره الورده. مشتاقلج يووول

_________________________________

♥ رأيكم وتوقعاتكم الحلوه

احبنكم جثيرررر يداداا

حفصه الهاشم