زمهرير الاوجاع الفصل السابع والعشرون 27 - بقلم قدر ال هاشم

زمهرير الاوجاع..

حفصه الهاشم

@hafsa03987 .. . تابعوا حسابي ليصلكم كل ماهو جديدي

ــــــــــــــــــــــ

اول ما فتنه جان لازمه ابن عمتي الجبير ديفوته للمضيف هوه من شافني غمزلي بعينه وهوه يضحك

// هاا قدووره الورده. مشتاقلج يووول وين هالغيبه..

ختلت ورا اوس ونزلت راسي عنه .. شكد حيوان هذا ..ميخاف هسه يدفنوا وهوه عايش.. من كال هيج ركعه ابن عمتي بالباب وهوه يفشر عليهِ.. واوس يباوعله بنظرات عبالك راح ياكله بيهن.. سحبني من ايدي ودفعني بالمطبخ بحده // فووتي يم النسوووان مااريد طلعه لامناا ولامنا..
قدر//حاضر..

عافني وطلع يم الزلم.. فتت للهول جانوا كاعدين النسوان كلهم.. امي اول ما شافتني كامت على حيله وهيه ما مصدكه..
ام قدر// ياايممه ..ياايمه هاي غدرر يممه بنيتي.. ركضت عليها المسافه عبالك صارت سنه مو خطوتين واوصللها..

شمرت نفسي بحضنها واني ابجي.. وهيه تبوس بيه وتبجي.. ام قدر// ياا يمه بنيتي ..لويش ماكتولي جايه غدرر ولكم ليش ماكتولي.. بستها من راسها واني اجاوبها// ههه مفاجئه امي شلونج حبييه .. قبل ما تجاوبني سحبتني بيبيتي وهيه تبوس بيه بوسات العجايز مال قبل نص البوسه تفال..

/// ولل غديرره يول شعلوومج يممه افادي نااطه علليج يايممه (يعني مشتاقتلها)
بوستها من ايدها واني ابجي واضحك قدر// حبيبيتي بيبي مشتاقتلج كوومه شلونج انتي شلون صحتج.. // زينه يممه زينه عجل رجلج ويننه يوولي بس لا طلكج يمصكووعه..؟ جاوبتها امي بسرعه// حجيه ليش تفاوليين عليها يااستار.. بيبي// يوول هااي اممج العررمه شتكوول ما اسممع..

تقربت من اذاني وجاوبتها..// لا بيبي مااطلكنني بسسس اجييت اشوووفكم دفعتني وهيه تضربني بعصاتها/// يمثبوووره شني هالصووت العالي حسباالج ما اسممع لاااع ابيج وداني لين الدكتر ماعرف شنهو وانطانه علاج يكول عنه زين بس ادري بي انه جذاب يمشي علاجه براسنه..

ضحكت عليها وبست ايدها// ههههه حجيه غير تنطين صبر خوما من اول مرا تشوفين فرق.. باوعت على عمتي ام جميل وصيحت عليها// يوول شتكوول هالمثبوره غديرره ماسممع.. والله بيبي عليج سوالف متبطليها.. ههههه مرات تسوي نفسها ماتسمع من تكعد يم جنانينها وهذني يبدن يحشن بيها ورا مايكملن يلا تكوملهن بالعصايه ..

سلمت على بناات عمي وبنات عماتي وماشالله عماتي مايحبن يسألن هذا يااهو الوياج ..؟هذا رجلج يخاايبه..؟ وماكو ماعافني الا احجيلهن كل الصار ويايه بهالسنه اذا مو اكثر.. ادري بيهن يكعدن يمي ياا خطيه ليش هيج هذا السايق مايخاف من الله ومن اطلع من يمهن يبدن يحجن عليه.. هنه كل هاي الفتره امي ماسلمت منهن عاد من ارجع يعوفني ..!

بقينه كاعدين بالهول وصوت الزلم وصياحهم واصل ليمنه.. وصوت ابويه يصيح على السايق وحسب ماعرفنه لازمي وهوه سكران مايدري الله وين حاطه الاثول..

عشيرة الرجال طالبوا بي وكالو احنه عدنه طلابه ويا وحك بنتكم حنه ناخذه بس ابوي ماقبل وكال هذا وصخ شرفي ودمه حلال علينه.. بعد كلام وصيااح ماخلص الا بالليل.. وعمامي قنعوا ابوي الرجال يروح ويه عشيرته .. اني مايهمني اذا قتلوا او لا اليهمني انو ابوي واهلي يعرفون اني بريئه..

بالعشره يلا صاحوني بالديوان فتت عليهم وكولهم كاعدين ابوي وعمامي والزلم جاين من كل حدب وصوب.. اول ما فتت ابويه اجه عليه وحضني قوي واني هم بادلته ومحد حجه شي .. اني اكتفيت بدموعي وهوه هم اجتافه كامت تنهز من البجي .. ابويه يبجي..!!

صعبه عليه لو حته هوه ظلمني ..مايهون عليه دموعه اشوفهن نازله.. ابو قدر// ياابويه قدرر بنيتي الظالمهاا يولوو.. بسته من راسها واني اجاوبه ببجي// ياابه لاتكوول هيج ماصار شي انشالله حضني اكثر // ياامصاار يبووي ياا مصاار زووجتج لواحد مانعرف اصلوا فصلوا منوين شمرتج سنه ياابوي ماسألت عنج عن علموج شني الماصار شي بوويه..

عمو جمال// يااخووي الفات مات وهياتها بنيتك كدامك والايام جدامكم اشبع منها هههه..حطني جوه ايده وهوه يجاوبه// اي خوويه اي انشالله اعوضها على كل هالمده .. باوعلي بندم واني بعدني ابجي واباوعله ..كبران ابويه واني مو يمه.

.مشتاقتله كوومه رجعت حضنته واني ابجي وهوه يمسح على ظهري ويشاقه ويايه بس دموعه بعيونه واكفات .. كعدني بصفه وبده يتشكر من اوس.. ابو قدر// ماعرف شكلك يابو رامي ..ماعرف شلون اجازيك صاحب نخوه وشاربك بألف رجال تزوجت بنيتي وصنت الامانه لو واحد غيرك جان هسع مانعرف اراضيها وين ..

جاوبه وهوه يباوعلي// لا يابو جبار هاي مريتي بعد شلون ما اصونها قدر تأـمر واحنه الي نلبي ..
باوعله ابويه بأستغراب// عجل سمعت تطلكون من نكض السايق.. اندار على جميل وسأله// يوول يجمميل مو كتلي راح يطلكوون وينوو حجيك .؟

جاوبه اوس بأغتضاب// شييخ صلي على النببي شطللك منها مرتي صارلها اكثر من سنه بنص بيتي شطلك منها الكالك جذاب مايعرف الله وين حاطه نبقه يمكم يوم وباجر انشالله نتوكل لبغداد

هز ابويه براسه بعدم رضى وهوه ساكت.. اردف وهوه يطبطب على رجلي //بس انه بنيتي رايدها يممي هالفتره خلها يمنه اذا عندك شغل انته توكل وهيه خلها يمنه فتره..

باوعلي وهوه يخنزر عليه.. هسه اني شلي دخل..؟ مسح على وجها بعصبيه وهوه يستغفر.. اوس// عمي لخاطرك ابقيها كم يو.. قاطعه ابويه // خلهاا اننه شوكت مايعجبني اردهاا الك مدتها مفتوحه ابو رامي..

فتح عيونه على ابويه بعصبيه عبالك راح ياكله.. قبض ايده بغضب وجاوبه// ابوو جبار مده مفتوحه شنو هااي اني مرتي رايدها يمي اخليها اسبوع وارجع اخذها

جميل// الرجال يريد بننته ترا زودتها حيل وانته اصلا رايد اطلكها ..
ابو قدر// جممييل يوول لا تجاادل انته يااهو يمك ..؟ ابوو راامي انه كلت جلمتي غيرها ماكو ..

راد يجاوبه اوس قاطعته اني بسرعه.. قدر/// ءءابو ...ابو رامي خليني يمهم هم اني مشتاقتلهم وهمه هم ..

باوعلي ثواني وهوه عاقد حواجبه.. كام وكف واحنه هم وكفنه ويا.. اوس// اخليها يمك ابو جبار فتره وارجع اخذها ومال اطلكها هاي شيلوها من بالكم ..في امان الله.. سلموا عليهِ وطلع..

......................

من هذاك اليوم وهاي صارلي اسبوع اوس ماشافته ولاحتى حجيت ويا.. منوين احجي ويا حتى تيلفون ما انطاني.. بس اسمعه يخابر على اخويه الجبير عباس مرات بس اني ما احجي ويا... طول هاي الفتره البقيت بيها يم اهلي حسيت نفسي رجعت عمري خمس سنوات..

امي تكوم وتكعد غدوره وغدر .. وعاد بنات عمي يستلمنها اي غدر مو قدر.. لو مرات يصحلي الغداره عود ديعيبن على امي مالات العمه..

عاد هنه شلونهن خليني ساكته عنهن احسن..

اما جميل .. اربعه وعشرين ساعه كاعد يمنه ولافي ابيتنه .. اريد فد يوم انزل الكا ماكو لا صبح وليل كاعد بالهول... بس اني مو مثل قبل من يحجي ويايه ما ادك ويا ميانه.. بأعتبار متزوجه...حرام عليه..

بس على كد السلام وهوه مرات يتجاوز خطوطه الحمر عاد اني اعوفه واطلع وخواته جوريه وسماح كل مايجن يمي يعبن براسي هذا حبيبج الاول وهذا جميل ابو عيون الخضر تشوفي شلون متكرضم عليج..طلكي زوجج وتزوجي ابن عمج اولى بيج.. مره مرتين الا كلت لامي عليهن ورزلتهن..

صح اني جنت ناويه اطلك.. بس كل ما اتذكر اوس احس بفراغ بحياتي.. جان مالي هوه يومي بأكمله هوه ومشاكساته ههههه بس مع ذالك بعدني على قراري .. احنه متفقين من البدايه نطلك.. وابويه هم ما واكف بوجهي بالعكس يكولي هذا قرارج بس انتي اذا الرجال زين وياج مايجوز تطلكين منه هيج بدون سبب..

زين هوه كل هاللمده ما مخابرني جان يكدر يحجي ويايه من تيلفون اخويه.. الافكار براسي مو افكار شيطانيه لا ابليسيه هم .. وكل هاي الافكار تتمحور يم نور..

مرات اكول يجوز رجع يدور عليها لو يحنلها ما معقوله نساها هيج وهوه قبل جان كاتل نفسه عليها! ! وهم مشتاقه للبنات خاصة سهند اريد اعرف شصار على سالفتها تزوجت حبيبها لا! !

______________________

سهند ...

وماليَ لا ارى احزاني تصل لمن أُعاتبهُ !؟
فجميعهم كصخرةٍ صماءِ فصمتاً يا قلب ..
فما عادت المدامع بنافعةٍ للأحزانِ

بقلمي ..حفصه الهاشم

_______

كل شي صار ويايه ابد ما جنت محسبتله حساب ابويه ودراستي وامي وسيف! !

اصفن على الفراغ احس نفسي بحلم وراح اكعد منه شلون هيج يسوي سيف ويايه معقوله يوصل لحد القتل! ! مرات ايام واني منطويه على نفسي بالغرفه ابويه ما يحجي ويايه بس اسمعه يسألهم عليه. يوسف يتهرب من عندي كم مره دزيت الولد عليهِ اريد احجي ويا اسأله عن سيف شصارله. بس هوه ماكو دائماً من يجي بس يسلم ويطلع ركض عبالك شايفله جني .

.ماعرف ليش هيج ديسوي ويايه وينهزم مني. زعلان لو اكو شي صاير ويا؟ !!
حياتي صارت عباره عن نوم خو الدراسه اصلاً وطارت الاحلام وطارت الطبيه من حياتي .. ابويه مستحيل يرجعني للدراسه من بعد الي صار لو تطلع نخله براسي ..

نزلت على الدرج بصمت وصوتهم جوه الكل مجتمع عسى ولعل اشوف يوسف .. فتت للهول وسلمت عليهم جاوبوا كلهم بس ابويه دار وجها ضايج مني اليشوفه عباله اني كلت لسيف تعال اضربني طلقه ..

كعدت مقابيل يوسف واباوعله بترقب .. حسيته توتر من نظراتي احتار شنو يسوي ساعه ينزل راسه ويرجع يرفعه لو يباوعلي ويرجع يشتت نظراته بأرتباك ..؟! بس لو اعرف شبي ..؟!

كام ابويه وباس بيبيتي وصعد فوك دينام ولحكته ميقاتو وهيه تسحب هبه. وياها وبطنها كبرانه من الحمل..!... هبه بهاي الفتره كبرانه فارت فور ولاعبالك هاي الصغيرونه .. هيه تكبر ويوسف يتگرضم عليها ..

وره ابويه بشويه كام واستأذن علمرد يروح ينام .. عاد اني كمت لحكته قبل ما يروح لغرفته شنو هيه خوما گوتره ينهزم صارلي بالشهر انتظره احجي ويا وهوه يطلعلي اعذار من جوه الگاع //يوسف. يووسف اصبرر خلي احجيي ويااك هيي يووسف .. احجي ويا واصيحه وهوه ولاكأنو يمشي ويسوي نفسه مديسمع فات للغرفه ديسد الباب قبل مايسدها حطيت راسي بسرعه وهوه يدفع بالباب سهند// اخخ خررب. يووسف افتح الباب ..

// شنوو انتي. فااره اجتي وحطيتي راسج شبييج ماتكولين العالم تريد تنطمر ..
جاوبته واني افوت //لا ادري بيهم العالم ما ينطمرون هسه يبقون سهرانين ..اريد احجي وياك ليش كل ما تشوفني تنهزم. ها ??! باوعلي بطرف عينه وجاوبني // خبله انتي وليش انهزم منج. يعني هاللگد تعرفين نفسج سعلوه والعالم تنهزم منج ..؟!

تربعت مقابيله على الارض. وجاوبته/// هاها ها اصبر خلي اضحك ..
// لا تضحكين استري علينه انوب تروح تفتح البلوعه شيسدها ..!

سهند // يوووسف عووفك من هااي السوالف .. سيف وينه؟ شلونه اشو ماكو خبر منه تعرف وين اكيد تحجي ويا؟ ! شمر تيلفونه على الميز وكام // شمعرفني وين اني. ماكو حس ولا نفس

// يعني ما خابرك؟ ! ما معقوله يوسف // لا لا معقوله. اخابره ميجاوب عوفي السالفه انتي. وروحي نامي يلا يلا برا ..
دفعني من جتفي وطلعني برا الغرفه ..! شنو يعني ماكو! ! معقوله مل مني !

وحقه يمل اذا ابويه ماشالله مابقه شي ما سوا بي. بس على الاقل اعرف هوه وين اشوفه بخير لا ..!
لو مسائله يوسف هواي احسن جوابه زاد الطين بله .. بقيت يومين افكر بي هوه اصلا ماطلع من بالي علمود ارجع افكر بي .. بس هاللمره امالي كلها كامت تتحول لبؤس..

اليوم مخبوصين عماتي هنانه هنه وجهالهن .. والسنه خلصت وبلشت العطله .. نزلت اني وهبه دنساعدهم .. بيت عمو ابو فراهد هم اجوي بس قدر ما اجتي مشتاقتلها جانت خوش بنيه والله.

جانو كلهن بالمطبخ صايره لخه واوس جان كاعد على الكرسي وعمتي ام سميه تحجي ويا .. ام سميه // ولك عيني اخذها مني هسه تطلع مريتك مابيها ضنه. دجيب وحده غيرها وتزوجها مادامها يم اهلها ..

اوس // جليله ما تسدين الموضوع رحمه لوالدينج ..اني حاير شلون ارجعها وانتي خابصتني تزوج وتزوج ..

عافت المكشاره وضربته على ايده // يمثبور اني تصيحلي جليله عمتك يول عمتك. ..
اوس // يعني اطكلج تحيه يا جليله دخلينه هيج صحوواب ..

جليله // مايفيد وياك الحجي انته مصكوع من كاعك

.. شافتني كاعده بصف اوس اندارت عليه بسرعه وحطت ايدها على خصرها التارسته الشحوم جليله // وانتي خاتوونه راح تبقين تلطمين ورا هذا الذبحج؟

باوعتله بملل ودرت عيني عنها // عمه ما تسدين الموضوع رحمه لوالدينج ..
شالت ايدها وطمت عليه // اهمدااج يا ثوله انتي بس لا تريدين تصيرين مثل علياء العانس تزوجي فرهود وفضيها ..

علياء // ياااا عمه انوب كلبتي عليه ما تسدين الموضوع رحمه لوالدينج ..

اخذت المكشاره ورجعت تكشر بالبتيته. وهيه تحجي بزعل // ثول اليثولكم ياهو الاحاجي يكلي سدي الموضع ماتعرفون مصلحتكم انتو .. ضحك عليها اوس بصوت عالي وهوه يطلع جكارته // ههههه وبس لا انتي تعرفين مصلحتنه جلييلتنه ?!

جليله /// يول يالحگره لا تندهلي جليله بكدك اني بكدك ... رجعت تكشر وهيه تحجي بصوت ناصي ...انته فايتك طن كتل. بس ماحد يعرف شلون يكتلك يول ..

اوس // اي انتظرج تجين تكتليني انتي جليلتنه ..
علياء // والله عمه لو تحجين ويا اريد اصير عمه عاد

جليله // اي مو احاجي ادورله مره بس عقله مايفهم متمدد بي مطي جبير ..
اوس // انتي انجبي للج اشتغلي انتي سااكته ..

باوع عليه وسألني // انتي شلونج؟ !
سهند//الحمدالله..

طلع تيلفونه شويه وخابر على شخص. بقه يسلم عليه شويه وكاله انطيني قدر. ثواني ورجع انطاني التيلفون // هاج احجي ويه قدر اسأليها شلونها اخبارها شمحتاجه ما محتاجه اخذت التيلفون منه وطلعت من المطبخ عاد هوه صاح عليه

اوس // وللج وين تعااي هناننه احجي وياهاا لعد اني ليش خاابرتلجياهااا ..

عفته وصعدت لغرفتي احجي وياها انوب يريدني احجي وياها بنص المطبخ وهالهوسه كلها .. قدر // الوو ابو. رامي

ابو رامي مو؟

سهند // ههههه لا ولج اني سهند مو ابوو رامي بس لو اعرف شوكت تبطلين هاي ابو رامي تحسسيني انتي مرة اخو مو زوجته .. قدر // ههههه سهند حبيبتي شلونج؟ شلون صحتج ..

سهند // بخير حبيبي انتي شلونج شلون اهلج .. مرتاحه هناك ناقصج شي
قدر // لا والله ما محتاجه شي الحمدالله. .. اهلي كولهم زينين انتو شلونكم. بيت عمج شلونهم ..

سهند /// كولهم زينين يسلمون عليج ..
قدر // الله يسلمهم ..ءء. شسمه .. ابو .. اقصد اوس شلونه ..؟
سهند // زين اوس اشو تسألين عنه ليش متحجين ويا؟ !

قدر // لا والله صارلي فتره محاجيه ويا؟...
// ها واكول هذا شبي يكولي اسألي عنها وخابريها .. خوش يابه ليش متحجون سوه
قدر // لا بس هوه مشغول يعني .. انتي احجيلي اوس ماطلع سيف من السجن لو لا .

سهند// يااسجن؟ !! .... الو قدر مو احجي وياج يا سجن هذا ??
جاوبتني بتوتر // ها والله ماعر..

سهند /// قدررر لا تحلفيين ياا سجنن اوس سجننه ?؟
قدر // والله ماعرف سهند بس سمعت اوس ساجنه من زمان ليش ماطلعه؟ !

سديت التيلفون بدون ما اجاوبها ونزلت على اوس ...

من العصبيه ماكمت اشوف منو موجود كدامي احس الدخان كام يطلع من اذاناتي ..
طول هاي الفتره وهوه بالسجن واني ما اعرف ..!
واني عبالي. نساني والرجال عاش حياته .. فوك كل هذا يسجنوا؟ !

فتت للمطبخ وانطيت ظهري للباب شمرت اليتلفون على الميز واني فاتحه عيوني على اوس بعصبيه

اوس // ياستار شبيج؟ !
سهند /// سيييييف. شلووون تسجننننه اووووس ...

باوعلي بصدمه وكام اخذ تيلفونن بسرعه // مالج دخل انتي هذا شغلي ..

ديريد يطلع رجعت لزمته من ايده وعيوني احسها انعمت ماتشوف بس اوس
سهند/// اووووس. ترروح هسه. اطلع سيييف زيين هسسسه ترروح اطلعه

نتر ايدي بعصبيه /// صوووتج لا تعليي قندددره ماا يطلع من السجن الا ياااخذ جزاااته شنو هيه هيته خووما ه

قاطعته بسرعه // لاا اطلعه وغصباً عننك موو بكيفك تسجننه اني ام الراهي وما اريد اسجننه زييين لو لا. سييف اطلعه من السجن يعننني اطلللعه. لا تسويلي دور الضاابط الشرريف. براااسي. ...

عبد الجبار /// سهنننند

__________________

بنوتات تابعوا هاي البنوته لبوه روايتها هم نشرتها كولش حلوه Labua18

الاحداث راح تنقلب 180 درجه.
اي نعم احبنكم جثير يداداااا ♥

حفصه الهاشم