تحميل رواية زين الصعيد بقلم مي محمد pdf

_زين حسن الجبالي :يبلغ من العمر 30 سنة يعمل ضابط في الشرطة وهو من أصول صعيدية ويعتبر كبير العائلة قاسي وفي بلده فهو صارم وحاد الطبع نظراً لكثير من قاعدات الصلح العرفية اللتي يحضرها وفي المدينة فهو عصري وموكب جدا ...

_جنة عز الدين :تبلغ من العمر 26 سنة متخرجة من كلية الطب وتعمل في مستشفي في قطاع الطب العسكري فتاة مرحة جدا وكاتبة أيضاً معروفة بعشقها للروايات والحكايات ولديها مكتبة خاصة بها في غرفتها ومن عائلة ثرية للغاية

_ماجد قدري :دكتور في نفس المستشفي اللتي تعمل بها جنة في القطاع ويكون أيضا خطيب جنة فهو شخصية اهتزازية وانتهازية وتكد تكون مستغلة

_باقي الشخصيات سوف نتعرف عليها من خلال القصة

.....

الام :يلا ي جنة اصحي الفطار جاهز

جنة :يوووه بقا اي ي ماما في اي مصحيني بدري ليه

الام :يلا بلاش دلع اصحي علشان نفطر وباباكي عاوزك تحت في موضوع

جنة :حاضر خلاص انزلي وانا نازلة اهو

الام :متتأخريش مستنيناك

.....

جنة صحيت لبست بنطلون جينز وعليه بلوزة بيضاا وشعرها كحكة ووضعت احمر الشفاه فقط وبعد كدا نزلت

جنة :ي صباح الهنا ع حبيبي انا

الاب :صباح الجمال عليكي يا جميل

الام :الله الله اي شغل المحن ده ع الصبح

جنة :ده مش كحن ي ست الكل ده عشق وجمال بابا

الاب : حبيبة بابا وضحك

الام :بقا كدا طيب يلا شوفي كان عاوز منك اي بقا ي حبيبة بابا

جنة :احم احم خير ي باشا في اي قلبي مش مطمن

الاب :ماجد كلمني امبارح بليل وبيقول انك متغيرة معاه كدا ليه في اي بس

جنة :اه هو رايح يشتكيلك مني يعني

الاب :يستي مش بيشتكي ولا حاجة بس مش مديله اي أهمية كدا ليه علشان خاطري بطلي تنشفي دماغك معاه هو كويس وأخلاقه كويسة وانا عارفاه

جنة :يووه حاضر ي بابا

الاب :حاضر وخلاص ولا حاضر اي

جنة :لا حاضر هكلمه ماشي

ابتسم الاب ابتسامة لطيفة

الاب :يلا بقا تعالي افطري

جنة :لا مش جايلي نفس هخرج مع ملك هجيب شوية حاجات كدا وهرجع اجهز شنطتي علشان مسافرة بكرا الصبح القطاع أن شاء الله

الاب :بدري كدا ده لسه ع اجازتك خمس ايام

جنة :اتصلوا عليااا علشان فيه عجز ومشاكل ف القطاع هناك ولازم الكل يكون موجود

الاب :ماشي ي حبيبتي خلي بالك ع نفسك

جنة :حاضر ي حبيبي

يلا سلام

.......

ابو جنة عنده أكبر شركة إدارة أعمال في البلد وليه مكانته في المجتمع المرموق

.....

جميلة :عايزة اقولك ع حاجة ي عز

عز :قولي ي في اي

جميلة :معرفش قلبي مش بيرتاح للي اسمه ماجد ده ليه

عز :ليه كدا ده كويس جدا وابن ناس محترمة وليهم مكانة في المجتمع

جميلة :انا مرضتش اتكلم قدام جنة علشان متخدش بالها

عز :في اي قلقتيني ...

جميلة : لا لا مفيش مش تقلق انا بس خايفة علي جنة

عز :ي شيخة خضتيني لا مش تخافي ولو حصل اي حاجة جنة هتعرف تتعامل كويس جدا

جميلة :ربنا معاها ي رب ويحفظها

عز :ياارب يلا انا رايح الشغل عاوزة حاجة

جميلة : عاوزة سلامتك مع السلام

.....

ملك :انا تعبت من المشي بقا حرام عليكي تعالي نقعد

جنة :تعبتي اي لسه ماشين يلا بلاش كسل

ملك :ي بت تعبت اووي كفاية لف لفيتي محلات مصر كلها تعالي نسترياح في اي كافية رجلي تعبت

جنة : انا مسافرة بكرا مفيش وقت اخلصي فيه حاجات لسه عايزة اشتريها

ملك :لا مع نفسك بقا انا راحة اقعد ع الكافيه ده مستنية هناك

جنة :روحي ادي آخرة اللي يجيبك معاه مصحابكي ع الفاضي وضربتها ع كتفها

ملك : راحة ع الأقل هرياح رجلياا بعيد عنك وطلعت لسانها وضحكت لها ومشيت

جنة :والله مصاحبة مجنونة وضحكت عليها

ويت شوية كدا ...

ملك :بتكون اقرب واحدة لجنة يعتبر اختها ملك مش عندها اخوات هي وحيدة هي وملك بيخرجوا دايما مع بعض في كل مكان يعتبر مكملين بعض كدا رغم اختلاف شخصية كل واحدة منهم يعني ملك هادئة مش بتتكلم كتير مش بتحب تعمل شاوبينج ع عكس جنة ملك بتكون دكتورة صيدلانية فاتحة صيدلية وشاغلة في مستشفي حكومي ومن عائلة متوسطة بس ده عمره ما فارق مع جنة كل اللي م بينهم حب ومودة وصداقة وأخوة هم الاتنين بيكملوا بعض ملك هي كمان بتحب جنة وبتعتبرها زي اختها تماما

باك

وبعدها جنة راحت تكمل الحاجات اللي عايزها من المول

وهي ماشية في المول وبتشوف الحاجات اللي عايزها حصلت حاجة غريبة اووي كانت صدمة بالنسبالها ...

وبعدها جنة راحت تكمل الحاجات اللي عايزها من المول وهي ماشية في المول وبتشوف الحاجات اللي عايزها حصلت حاجة غريبة اووي كانت صدمة بالنسبالها ...

شافت بنت بتاخد بلوزة وبتحطها في شنطتها كان فيه علامات ع وش جنة وانها ليه بتعمل كدا ع طول من غير تفكير جنة راحت عندها وقالت ليها لو سمحتي

البنت كانت ارتبكت وعاملة تبص في الأرض وقالت ااااانا

جنة :ايوه انتي ع فكرة هتتمسكي

البنت بخوف : ايييه بتقولي أي مش فاهمة

جنة بإبتسامة :متخافيش بس بقولك حطي الحاجة اللي خدتيها مكانها علشان صدقيني انا خايفة عليكي ولو مفكرة أن الكاميرات مش شايفاكي فجاهز الأنزار هيشتغل وانتي خارجة بالحاجة دي انا عايزة مصلحتك وانا معاكي مش تقلقي

البنت بشعور الخوف والقلق مكنتش عارفة ترد تقول اي

جنة :وهي تطمنها وتمسك بإيديها مالك اتكلمي مش تخافي بس اتمنااا ترجعي عن اللي بتعمليه ده علشان كدا هيكون فيه خاطر عليكي

البنت مفكرتش في ثواني كانت طلعت البلوزة من شنطتها وحطتها مكانها تاني وراحت ماشية

وهي ماشية جنة بتنادي عليها

جنة :لو سمحتي استني استني

البنت وهي عينيها في الأرض :نعم عايزة حاجة

جنة :ايوه عايزة اتكلم معاكي شوية وارجوكي توافقي يلا تعالي

البنت طبعا مش قادرت تقول لا وراحت معاها

_جنة وهي راحوا قاعدوا في كافيه في المول

جنة : انتي اسمك اي وكنتي بتعملي كدا ليه انتي باين عليكي بنت ناس وطيبة

البنت وهي بتعيط وباصة في الارض

جنة جات قعدت جمبها :وطبطبت عليها وقالت لها احكي انا جمبك وهسمعك وبترفع رأسها بأيديها

البنت :في اللحظة دي حاست بيها وفعلا أن جنة عايزة تسمعها فبدأت تحكي قصتها

_انا اسمي ندي حاتم انا مش عارفة اعمل اي كل اللي بعمله أن اي حاجة بتعجبني بخدها انا مش وحشة خالص لا انا طيبة انا بس محدش بيحبني كل صحابي بعدوا عني حتي اهلي كل واحد فيهم في وادي تاني ايوه عايشين في نفس البيت بس محدش مهتم بياا ولا بروح فين ولا بجاي منين

وهي بتعيط انا فكرت في الانتحار بس مقدرتش علشان جبانة مقدرتش مفيش حد عدل في حياتي مفيش حد واقف جمبي ولا بيساعدني وبتعيط وتتكلم بحرقة يا رامي م جيت ع الدنيا يرتني موت وارتاح

جنة :ياااه كل ده شايله لوحدك بس مين قالك انك وحشة انتي في خير جواكي انتي طيبة وقلبك ابيض كل اللي سابوكي وحشين مكنوش يستاهلوا حبك ليهم انتي احلي منهم بكتير وهتتعالجي كمان وانا معاكي ومن النهاردة اعتبريني صحبتك وابتسمت لها جنة

ندي بإطمئنان : بجد صحبتي بجد !!بس انتي قولتي اتعالج اتعالج من اي !!

جنة :طبعا بجد هو انا اطول ي ست البنات وضحكت ليها مش هتتعالجي بالمفهوم العام انتي هتروحي لدكتور تتكلمي معاه وهيساعدك تتخطي الحالة اللي عندك دي متخافيش وانا برضوا هساعدك ومعاكي لحد ما تتخطي كل حاجة بتمري بيها

ندي بفرح :بجد انا مش عارفة اشكرك ازي

جنة وهي تبتسم ليها وبتاخدها في حضنها :تشكرين ع اي هو انا عملت اي وبعدنا بقا خلاص احنا بقينا صحاب خلاص

ندي :شكرا انك سمعتيني اول مرة اتكلم كدا مع حد وطلعت كل اللي في قلبي وارتحت علي الاقل اكيد بقينا صحاب وابتسمت

_وتبادلوا ارقامهم مع بعض وكل واحدة سلمت علي التانية ومشيت

......ويت

(ندي من عيلة غنية هي عندها مرض السرقة اي حاجة بتشوفها بتسرقها وفي اعتقادها أنها كدا بتشبع رغباتها الحاجة دي مع انها تقدر تشتري مليون واحدة منها باباها راجل اعمال كبير وطبعا ولا ف باله كل اللي في باله يديها وتصرف وخلاص ولا حب ولا حنية والام طبعا بتهتم بنفسها وبشكلها علشان تكون من سيدات المجتمع الراقي ......ندي مرضها ده ساعات بيخليها تعمل حاجات وتاخد حاجات تكد تكون مش مهمة بس بتكون مبسوطة وهي. بتعمل كدا يمكن ربنا باعت ليها جنة في الوقت المناسب ده علشان تكون سبب نجاة ليها قدام وده اللي هنعرفه بعدين في روايتنا )

باك...

_جنة وهي ماشية في المول فونها رن

جنة :الو

ملك :انتي فين ي زفته انتي

جنة :يووه يلهوي ده انا نسيتك خالص

ملك :لا والله اخلصي اتأخرت اي بقالك سنة بتشتري يلا انا زهقت من القعدة

جنة :طيب طيب خلاص جاية سلام

جنة وهي ماشية بسرعة علشان مش تتأخر ع ملك خبطت في واحد

جنة :اه مش تفتح ي اعمي انت كمان

الشاب :مين فينا اللي اعمي برضوا

جنة :تقصد اي أما بجح بصحيح

الشاب :لو بجح يبقا طالع ليكي مش كدا

جنة بعصبية :انت واحد قليل الادب ومش محترم

الشاب :وانتي بسم الله محترمة ومتربية ولسانك عايزة قصاه وسابها ومشي

جنة بنرفزة داهية تاخدك يخي

ومشيت وراحت لعند ملك وقعدت ع الكرسي بعصبية وغضب

ملك :مالك في اي شكلك مش مطمني

جنة بغصب :مفيش واحد متخلف باين عليه المول بقا بيلم

اشكال تقرف سيبك انتي يلا علشان نمشي

ملك :نمشي اي مش هناكل الاول

جنة برفع حجاب :نعم ي روحي اومال اي الاكل اللي علي الترابية ده !

ملك وهي بتغمز عينيها :ده كنت بتسلي ل حد م تيجي الله

جنة وهي بتفتح بوقها وبتبص علي الترابيزة ع كمية الأكل اللي عليها كل ده وبتسلي اه قولتيلي يلا اخلصي خلينا نمشي بدل م اتعصب عليكي

ملك :لا تتعصبي ع اي الطيب احسن يلا عارفكي ممكن تشلوحيني هنا وراحت ضحكت ومشيوا. هم الاتنين

.........

_ملك روحت البيت

ملك :اذيك ي ماما

الام :الحمد لله يحبيتي اتأخرتي كدا ليه

ملك :كنت مع جنة بتشتري شوية حاجات

الام :ماشي ي حبيبتي يلا اما أقوم احطلك العشاا

ملك :اي ده هو بابا لسه مجاش

الام :لا يحبيتي لسه

ملك :طيب خلاص هستناه انا هدخل اغير واصلي لحد م يكون جاه

الام :ادخلي ي حبيبتي

_مامت ملك اسمها نرجس بتكون ربة منزل ست بتحب بنتها وجوزها اووي علشان ملهاش غيرهم في الدنيا فضلت مع جوزها وكفحت معاه ظروف الحياة والمشاكل والضغوطات

ولسه معاه وفي ضهره

_بعد ساعة كان والدها جاه

نرجس :حمدالله ع السلامة ي حاج

الحاج:الله يسلمك ي ست الكل ملك جات

نرجس : ايوه جوه دخلت تغير مرضتش تتعشاا غير لما تيجي

الحاج :هي ع طول كدا طيب يلا جهزي العشاا لما ادخله انديها .....

نرجس :حاضر

_والد ملك اسمه رءؤف فاتح ورشة ميكانيكا الصبح وبعد العصر شاغل ع تاكسي علشان يقدر يعيش ملك دايما في مستوي كويس ومش يحرمها من حاجة رغم أنهم ع قد حالهم ع قد م يقدر بيحاول يساعد معاها في البيت وكمان مصاريف ايجار الصيدلية بتاعتها وغير مصاريف قسط التاكسي اللي عليه

رءؤف :خبط ع الباب

ملك :ادخل

رءؤف : حبيبة بابا عاملة اي

ملك تنط من ع السرير وبتشعلق في حضنه الحمد لله ي بابا وحشتني اووي اووي

رءؤف بضحك :اه ي بكشة بقا كدا مش تسألي علياا ولا تصبحي علياا ع الصبح

ملك :اعمل اي بس م انت عارف روحت ما جنة الصبح بدري وبعدين انا أقدر برضوا وراحت باسته

رءؤف :ايوه أضحكي علياا بكلمتين وراح ضحك يلا علشان نتعشااا سوا ولا اتعشيتي وسبتيني بقا

ملك :هو انا أقدر برضوا ي عمهم

رءرف بضحك :عمهم !!! اه يلا ي حلوة علشان امك زمانها كلت الاكل كله .......

وطلعوا علشان يتعشوا ......

........_نروح بقا عند جنة اللي بتحضر شنطتها علشان مسافرة بكرا الصبح القطاع

وتلفونها بيرن

جنة :الو

ماجد :الو ي جنة اذيك

جنة :الحمد لله ي ماجد خير في حاجة

ماجد : بطمن عليكي هتيجي بكرا القطاع مش كدا

جنة :ايوه لما نشوف اي اخرة العجز والمشاكل دي

ماجد :الدنيا مقلوبة هنا وفيها دكاترة جديدة ومديرين وضباط اتعينوا

جنة بلا مبالاة :هنعمل اي يعني

ماجد : وحشتيني اووي

جنة :وانت لا روح نام ي ماجد يلا

ماجد :الله مالك في اي

جنة :علشان تبقي تروح تشتكي ل بابا مني حلو وبعدين قولتلك ميت مرة مبحبش الكلام ده يلا سلام وراحت قافلة السكة

وبعدنا راحت علي السرير ونامت

_تاني يوم الصبح

جنة صحيت جهزت ولبست بنطلون جينز اسود وعليه بلوزة سوداء في ابيض وكوتشي ابيض وفردت شعرها وخدت شنطتها ونزلت

جنة :صباح الخير ي مامي

جميلة :صباح الخير يروحي ماشية

جنة :ايوه اومال فين بابا علشان اسلم عليه قبل م امشي

جميلة :نزل من بدري راح الشركة

جنة : يعني كدا همشي من غير م اشوفه طيب يلا عايزة حاجة

جميلة :عايزة سلامتك يروحي وقامت حاضنها خلي بالك ع نفسك ي جنة

جنة :حاضر ي ماما متخافيش وانا هبقا اتصل ب بابا يلا سلام

جميلة :سلام ي قلبي

........

جنة وصلت الشغل

وقبلت هناك ماجد

ماجد :حمدالله ع السلامة

جنة :الله يسلمك

ماجد :فيكي اي ي جنة بتعمليني كدا ليه

جنة:انت عارف انا بعملك كدا ليه قولتلك ميت مرة لما يكون في بينا اي حاجة مش تجري علي بابا تشتكيله ولا اي

ماجد :اعمل اي بس مكنش قدامي حاجة غير كدا وانا حاسس اني مش مهم في حياتك

جنة :ده ملوش علاقة برضوا ع العموم احنا هنا في الشغل ومش هنتكلم في المسائل الشخصية دي هنا عن اذنك

وسابته ومشيت .....

وجاه وقت مرور اللجنة ع القطاع

وكل واحد في القطاع لازم يتجمع علشان يكون عارف اللي هيتعينوا جدد فيه ومنهم كانت جنة وماجد موجودين طبعا

واللجنة بتدخل وهم في قاعة المؤتمرات داخل قطاع القوات المسلحة

جنة برأقت وفتحت بوقها بصدمة

وماجد بصلها بإستغراب و.......

_وهنا كانت الصدمة ل جنة لما لاقت ان واحد من اللجنة هو نفس الشخص اللي خبطت فيه في المول وفضلت تبص ليه من تحت ل فوق واللجنة بتعرف اللي اتعينوا جديد من دكاترة وضباط في القطاع واحد من مديري اللجنة بيقدم الشخص ده ...

المدير :دلوقتي احب اعرفكم بالضابط /زين حسن الجبالي منقول من الصعيد للقاهرة هنا عندنا في القطاع وماسك رئيس مكافحة الإرهاب ولسه واصل امبارح من الصعيد و يعتبر من أكفأ الضباط معانا هنا ولينا الشرف أنه معانا هنا والكل صقف وبعد ما المدير عرف زين وباقي الدكاترة والضباط المؤتمر خالص والكل مشي وطبعا زين كان واخد باله من جنة وعرف انها دكتورة هنا معاهم في القطاع وابتسم بخبث ...

ماجد :كان مالك كدا واحنا جواه مع اللجنة

جنة :بلا رد ...

ماجد :جنة جنة

جنة :هااا في حاجة ي ماجد

ماجد :ياااه بقالي ساعة بنادي عليكي سرحانة في اي !

جنة :لا ولا حاجة عن اذنك هروح أمر ع العنبر

.............

_في الوقت ده كان زين بيتعرف علي باقية الزملاء ومنهم كان صديقه المقرب عاصم اللي كان معاه في أكاديمية الشرطة بس عاصم كان بيخدم في نفس مكانه في القاهرة أما زين راح يخدم في الصعيد واتنقل في نفس قطاع عاصم ...

_ويت ....

عاصم علام يبلغ من العمر 30 سنة نفس عمر زين بالضبط بيكون ضابط شرطة شاب وسيم من أصول مصرية جدا ملامحه جميلة للغاية مفتول العضلات ذو شعر ناعم اسود غامق وعيونه عسلي ووجه أشعل يعشق كرة القدم ولا يفوت ماتش لأي نادي من الأندية وأعزب يحب السهر والخروجات فهذا من طبع ولاد القاهرة زي م احنا عارفين والباقي هنتعرف عليه مع الرواية وهيكون شقي اووي اووي يعني يلا ما علينا ...

_باك ...

عاصم بإبتسامه :ياااه زين باشا عندنا هنا في القطاع ي جدعان لا مش معقول

زين بضحك : حبيبي ي واد ي عاصم عامل اي والله واحشني

عاصم :وحشك بس ي راجل تعال بالحضن وعاصم خد زين بالحضن والبوسات الكتير اووي 😂🫡

زين وهو ماسكه من قفاه : جرا اي يالا مالك م خلاص بتبوس خالتك

عاصم :الله اي ي جدع بقولك واحشني اخيرا انتقلت معايا

زين :اعمل اي بس يسيدي حظي كدا

عاصم :واحلي حظ طبعا انت تطول ي بني تخدم معايا هنا

زين :اخدم مع مين هم حطوني معاك !

عاصم :اومال مش دفعة واحدة وأكفأ اتنين في مكافحة الإرهاب ولا اي علشان تعرف بس وراح غمز له وضحك

زين : اللهم صلي ع النبي لا جامد

مش لقوا غيرك وحطوني معاه ي مصراوي انت

عاصم :هاا بتقول حاجة !

زين :لا ولا حاجة حبيبي ي عصومي وراح ضاحك وحدوا تحت دراعه وفضلوا يغلسوا ع بعض بقا زي م انتوا عارفين

_عاصم مش بس صديق زين المقرب ده يعتبر اخوات عاصم بيكون اول واحد زين اتعرف عليه وحبه جدا وبقوا زي الاتنين مع بعض في كل حاجة بس لجل الحظ كل واحد كان بيخدم في مكان غير التاني والحظ جمعهم من تاني وبقوا مع بعض لا وكمان بيخدموا سوا في نفس القسم ...

________نروح بقا لملك

ملك واقفة في الصيدلية بعد م خلصت شغل المستشفي الصبح

_لو سمحتي ي ملك ممكن اتكلم معاكي

ملك :ايوه ي أحمد عايزة حاجة !؟

أحمد :ايوه عايزاك

ملك :أفندم !؟ازي !؟

أحمد : بقالي سنين عايزاك وبحبك ي ملك ونفسي تحسي بياا زي م انا حاسس بيكي كدا وانتي عارفة اني بحبك

ملك بصدمة من كلامه وبتتكلم بحدة :انت اتجننت انت مدرك بتقول اي اتفضل اطلع برا

أحمد بحزن:ايوه اتجننت بحبك وهواكي انتي أي مش بتحسي بقولك بحبك وعايزاك في الحلال ومستعد اطلع فوق لابوكي اطلبك منه دلوقتي

ملك بحدة وعنيها في عينه :قسمنابالله لو م مشيت برا حالا لاصوت وألم عليك الناس وشوف بقا اللي هيحصل اطلع برا دلوقتي امشي من قدامي امشي

أحمد بتوعد ويجز ع سنانه :طيب بقا كدا همشي بس مش تبقي تزعلي للي هيحصل بعد كدا وافتكري اني جيت ومدت ادياا ليكي وانتي رفضتي

سلام ي حلوة ومشي

ملك بغضب :غور يخي منك لله

طبعا ملك كانت بتحاول تباين أنها قوية قدامه ولما قالها الكلام ده بس من جواها مرعوبة وخايفة ليعمل فيها حاجة وهي لوحدها في الصيدلية وشكرت ربنا أنه ساترها معاها ...

_ويت :احمد ده بيكون جار ملك بيحبها اووي لدرجة بقا بيمشي وراها في كل مكان ومش سايباها في حالها ابدا وعايزة يتجوزها بالعافية وطبعا ملك رافضة تماما لانه عاطل وبيشرب وعليه سوابق من الاخر حاجة مش تشرف ابدا ...

_________

جنة وهي بتمر ع العنبر

_ العنبر هو اسمه كدا في مستشفي متخصصين الشرطة (مش عنبر المسجين لا ده حاجة وده حاجة تانية خالص )بيكون عبارة عن سراير كتير جم بعض وفي منهم اوض لوحدها برضوا والدكاترة بقا بيعلجوهم من اي اصابات بتنتج عن مداهمات أو أي حادثة تبع المهمات اللي بيقوموا بيها ...

جنة بإبتسامة :عامل اي دلوقتي ي باشا دلوقتي

العقيد نادر :باشا اي م خلاص بقا راحت علينا

جنة بضحك : راحت اي بس ده صحتك جات ع الإصابة ي باشا شد حيلك انت بس يلا وقوم كدا

العقيد نادر :طول م انا بشوفك صحتي هتبقا زي الفل حد يشوف القمر ده ويكون تعبان برضوا وبصلها بحب وضحك

جنة بتضحك و بتغمض عنيها وهي بتتكلم اي ده انا بتعاكس كدا عيني عينك لا انا كدا اتأكدت انك بقيت بخير وضحكت

العقيد نادر : وماله لو مش هعاكس بنتي هعاكس مين يعني

جنة بحب :طبعا لياا الشرف اني اكون بنت حضرتك حضرتك يعتبر زي والدي بالضبط وانا بحبك وبحترمك جدا

العقيد نادر بإبتسامة :ربنا يخليكي ي جنة الدنيا كلها مش انا زي والدك هاتيلي حتة شيكولاته بقا صغير من العلبة اللي هناك دي وغمز لها ..

جنة وهي بتفتح بوقها اااااه فهمت بتفتح معايا سكة علشان كدا والله م جيبلك حاجة يلا ي باشا علشان تاخد الدوا وتخف بسرعة ي بتاع الشيكولاته انت

العقيد نادر :طاب واحدة بس طيب واحدة

جنة بحدة :قولت لا يلا اتفضل الدوا وراحت برأقت ليه خلته ياخده في ثانية اه والله بجد أصلها بتخوفهم هناك بعيد عنكم لا مسيطرة برضوا

_العقيد نادر الوالي بيكون متصاب في رجله وهو طالع عملية في إحباط عناصر إرهابية وقد والد جنة وبيحب جنة جددا زي بنته وبيفضل يهزار معاها وبيستريح معاها في الكلام اووي وجنة كمان بتحبه .....

جنة خلصت ومرت ع باقي العنابر والاوض التانية .....

جنة خلصت الشيفت بتاعهاا وراحت علي اوضتها طلعت رواية تقرأها زي م متعودة كل يوم ي أما تكتب أو تقرأ رواية وفي نص ما هي مندمجة ف الرواية سرحت شوية في زين وبتتكلم في سرها وتنهيدة طالعه من قلبها بقا انت جاي من الصعيد ي زين الجبالي ود*يني لاوريك مين اللي قليلة الادب ومش محترمة واطلع عليك القديم والجديد انا هخليك تل*عن اليوم اللي شوفتني فيه في المول وانتقلت هنا ده انت حظك عال اووي وابتسمت بخبث .....

_وطبعا المعروف عن جنة انها مش بتسيب حقها حتي لو حد قالها أقل كلمة لازم تردها ليه الطق طاقين .....

زين وهو قاعد في المكتب عاصم داخل عليه ...

عاصم:اي يعم فينك

زين :تعال تعال هكون فين يعني اديني برجع ملف القضية دي

عاصم:طاب سيبك من القضية دلوقتي وتعال علشان اللواء جمال عايزنا في مكتبه

زين :متعرفش عايزنا في ايه

عاصم :الله اعلم ادينا هنروح وهنعرف

زين :يلا بينا يسيدي

................

_جنة وهي بترجع كشوفات خاصة بالشغل داخل عليها هدي

هدي :اهلا اذيك ي جنة

جنة :الحمد لله اهلا

هدي :انتي وماجد عاملين اي حددتوا الفرح ولا لسه

جنة :لا والله لسه

هدي بتبص ل جنة من تحت ل فوق :انا معرفش مين الشخص الاهبل اللي يتخطب دلوقتي كدا أو يتجوز ده بيدفن نفسه والله

جنة بإبتسامة :اهو ع الأقل مخطوبة مش زي ناس ماشية علي حل شعرها مع ده وده وبتركب عربيات كمان ولا اي ي هدهد

هدي بعصبية :تقصدي اي بكلامك ده !

جنة وهي حاطة رجل علي رجل :والله بقا اللي علي رأسه بطحه يروحي شوفي انتي بقا أقصد اي

هدي بنرفزة :طيب ي جنة خليكي فاكرة أن انتي اللي بدأتي وكلامك ده انا مش هعديه كدا بالساهل

جنة وهي بترفع رأسها بتكبر :يا مامي اتصدقي خوفت بجد

هدي اتعصبت من طريقتها وراحت ماشية

_جنة وهي بتكلم نفسها يشيخة غوري معرفش شايفة نفسك ع اي والله لنشوف مين فينا اللي هيوري التاني ي ام صور*م

_ويت ........

هدي دي بتكون دكتورة مع جنة في الشغل بس بتكره جنة لابعد الحدود وعندها تطيق العمي ولا تطيق سيرتها وعلي بتشوفها أو تتكلم معاها اللي لما ترخم عليها ونفسها جنة تبقي مكسورة أو تمسك عليها حاجة وتخليها تسيب الشغل هدي من نوعية بتحب تصاحب ده وده زي دكتور زميلها في الشغل تكلمه وتخرج معاه أو ضابط من اللي بيتعالجوا في القطاع تتمايص عليه وتتدلع وتتعرف عليه اكتر واكتر علشان يكون ليها معارف ووسياط منهم لها في اي حاجة لدرجة مش بتكتفي بالمعارف بس لا دي علاقات كمان زي م احنا عارفين في السر .....

_باك.........

مريم :اي مالك ي جميل

جنة :لا مفيش

مريم بإستغراب :لا بجد مالك شكلك مضايق

جنة :كل الحكاية اللي اسمها هدي دي معرفش مالها كل م تشوفني تقعد تقول كلام اهبل ومالوش لازمة

مريم :هو ده ي ستي اللي مضايقك سيبك منها ولا يهمك اللي فيه داء مش هيبطله ابدا المهم انتي خلصتي مراجعة الكشوفات

جنة :لا لسه فاضلي شوية

مريم : طيب اساعدك فيهم

جنة :لا لا مش مستهلة انتي كنتي جاية في ايه كدا

مريم :جاية اشوف الورق بتاع اوضة 9 علشان اعرف الحالة انا استلمتها بدل دكتور انور علشان واخد إجازة

جنة بضحك: كان الله في العون

مريم :اضحكي يختي اضحكي

جنة :انا بضحك ع نفسي انا كمان اسكتي انا زهقت من مراجعة الورق اصلا نطلع برا شوية

مريم :وانا هاخد الورق واروح للحالة وارجع تكوني عملتيلي النسكافيه زي كل يوم انتي فاهمة

جنة :اه انا شاغلة عندك بقا لاحظي انك اتعودتي هااا

مريم : عيب ي حبيبتي مش تقولي كدا طبعا شاغلة عندي

جنة :اه ي ويلي منك لو مسكتك طاب اناولك بإيه دلوقتي

مريم بضحك :حبيتي ي جوري مش تقدري يلا بقا بلاش دلع انا ماشية وارجع الاقي سندوتشات كمان وراحت ماشية

وهي ماشية نداهت ع جنة .....جنة وراحت مديرها بوسة في الهووا

جنة بضحك :والنبي قولت هبلة محدش صدقني

_ويت :....

مريم بنوتة جميلة اووي وطيبة وصاحبة جنة في الشغل وجنة بترتاح كمان معاها في الكلام زي ملك كدا بالضبط وقريبة ل جنة وهم في الشغل بحكم انهم ع طول مع بعض

_باك:...

__في مكتب اللواء جمال

اللواء جمال :زي م انتوا عارفين اننا بنراقب من فترة عمارة شاكين فيها وبعد الرصد والمتابعة اكتشفنا وجود عناصر. إرهار*بية بتخطط لانفجار كبير

زين:فين العمارة دي ي فندم طاب م نتحرك حالا يلا

اللواء جمال :لا مش دلوقتي لازم ندرس مداخل ومخارج العمارة كويس لمنع حدوث أي خطأ

زين :قولنا ي فندم اي المطلوب واحنا هنفذ فورا

عاصم :كمان ي فندم متنساش أن العناصر اكيد معاها متفجر*ات واي حركة مننا في الوقت ده هيعمل خطر كبير والشئ المؤكد أنهم مأمنين ع نفسهم جامد وحاطين اي واحد يراقب المكان لو حصل هجوم عليهم ينبهم

اللواء جمال :طبعا حاجة زي دي مش هتغفل عليهم علشان كدا بقول لازم نكون مستعدين أكف الاستعداد ونبلغ رجالتنا يستعدوا

_الباب خبط

اللواء جمال : ادخل

الشخص :اتفضل ي فندم دي الصور اللي حضرتك طلبتها

اللواء جمال : تمام شكرا

الشخص :تؤمرني ب حاجة تانية ي فندم

اللواء جمال :لا اتفضل انت دلوقتي

الشخص :تحت امرك ي فندم

................اللواء جمال :دلوقتي هعرض عليكم الصور بتاعت العمارة والمداخل والمخارج ولازم تعرفوها كويس جدا وبعد م اللواء جمال وراهم الصور وقاعدوا فترة كبيرة اووي وكله تمام قالهم يلا اتوكلوا ع الله واستعدوا

عاصم :تحت امرك ي فندم بعد اذن حضرتك

زين :تمام ي فندم

_زين وعاصم خرجوا من المكتب

زين بيقول ل عاصم :عايزين نأمن كويس اووي ي جامد مش عايز اي غلطة ولازم نجيب العيال دي بسرعة

عاصم :متخافش ي عم زين هي أول مرة كله ع الله وان شاء الله هيتجبوا

زين :والنبي انا م خايف غير منك انت انا عارفاك

عاصم:ي باشا ثقة في الله نجاح وراح ضاحك

يلا بقا انا همشي هروح اقول الرجالة تستعد وابلغهم بالمعلومات وراح ماشي

في الوقت ده كانت جنة خارجة رايحة تودي ملفات للقطاع خاصة بالضباط وحالتهم وهي خارجة شافت زين وزين شافها

_زين حاب يغلس عليها اول م شافها علشان طولة لسانها

لما شافته اول مرة

زين : ايه مش ناوية تخبطي فياا المرادي

جنة برفع حاجب :وانت مالك هو مين اللي كان غلطان

زين :ايوه هو انا اللي كنت ماشي بتكلم في التليفون وصوتي عالي ولا باصص قدامي صح! لا وكمان قلت أدبي مش كدا

جنة بلا مبالاة :والله الاعمي هو اللي كان ماشي زي التايه وقل ادبه علشان معندوش ذوق وازي يعامل الجن *س اللطيف بالشكل ده

زين بضحك :اعمي بس قمر وهو فين الجنس اللطيف ده ده لسانك طوله مترين وعايز يتقص منه اه منك انتي وفضل يضحك

جنة :المفروض اضحك صح امشي يلا ي عسل من هنا بدل م ادعي عليك

زين :معرفش مين اللي عينك دكتورة هنا وبعدين اهون عليكي انا طالع مأمورية دلوقتي عايزة دعوة حلوة كدا زيك

جنة :مأمورية طاب حلو علشان نخلص بقا

زين :بقا كدا ع العموم يستي شكرا بس قاعد ع قلبك وراجع اغلس عليكي متخافيش

جنة :ولا مترجعش حاجة مش تهمني وراحت ماشية

زين :لا دي مجنونة راسمي من الاخر وراح يجهز علشان العملية

........جنة بعد م سابته ومشيت بتفكر في كلامها اللي قالته

وبتتكلم في سرها

يعني كان لازم اكون دبش معاها كدا لا ما هو كمان اللي غلس عليا الاول الله انا كنت ماشية في حالي وهو بدأ الكلام يستحمل بقا كلامي وعقلها بيقولها بس كلامك مش حلو لما تقوليله ي رب م ترجع ونخلص مكنش ينفع

جنة اهو اللي حصل بقا ده يستاهل علشان قل*يل الاد*ب ومش عاملني كويس وبعدنا اي ده انا بكلم نفسي

وراحت مكملة تشوف شغلها ...

_زين:جاهزين ي رجالة

_جاهزين ي فندم

_زين :زي م قولت مش عايز أي خطأ وكلكم عارفين الإشارة كويس فاهمين

_فاهمين ي فندم

زين :يلا اتوكلنا علي الله

زين بيقول ل عاصم يلا ي عاصم اجهز برجالتك وانا هروح تبع الرجالة التانية في العربية

عاصم :حاضر يلا بينااا

_ووصلوا هناك المكان وكان الجو هادي خالص مفيش اي حركة وكانوا بيتوصلوا مع بعض في جهاز اللاسلكي

زين :ايوه يا عاصم انا هخلي الرجالة تأمني وانا طالع وانت اطلع علي السطوح علشان لو هربوا من عليه

عاصم :ماشي تمام خلي بالك ع نفسك

زين :تمام سلام

.......في الوقت ده كان رجالة زين دخلت تأمنه وفتحت باب الشقة ولاقت العناصر الإرهاب*ية وأس*لحة وحش*يش وقنا*بل ...

زين بجمود :اثبت يالا انت وهو اثبت مكانك

العناصر الإرهابية ثبت كل حاجة من ايديها

زين :يلا كل واحد أيده ولا ضهره ي حلو منك ليه

وزين أمر رجالته بأنهم يجبوهم

واحد من العناصر الإرهاب*يه حاب يتذكي راح جايب سلا*ح بسرعة وضر*ب علي رجالة الأمن وحصل اشتباكات ما بينهم

خطيرة وضرب نا*ر كتير

_عاصم سمع ضر*ب النا*ر من تحت جري هو ورجالته علي تحت بسرعة وبصدمة شاف ....

_عاصم سمع صوت ضر*ب النا*ر

جاي علي تحت جري هو ورجالته بسرعة وبصدمة شاف ...

زين مرمي علي الارض ومتصاب برصا*صة في جمب*ه وبينزف جامد

عاصم بخوف :زين زين رد علياا انت كويس قوم

زين وهو بياخد نفسه :عا..صم متخافش انا بخير

عاصم بقلق :قوم معايا قوم أطلبوا الإسعاف بسرعة انتوا واقفين تتفرجوا

في الوقت ده كانت رجالة عاصم أمنوا المكان وقبضوا علي العناصر الإرهاب*ية والاسعاف جات ونقلوا زين في العربية وطلعوا بيه علي المستشفي

...............

هدي شافت ماجد قاعد في ريسيبشن الدكاترة

هدي :اذيك ي ماجد

ماجد :الحمد لله ي هدي اخبارك اي

هدي :تمام اي يعم من ساعة ما خطبت وانت ولا معابرنا احنا مش قد المقام ولا اي

ماجد :لا ودي تيجي مقامك عالي اووي عندنا طبعا

هدي :هتنزل إجازة امتاا

ماجد :الاسبوع الجاي

هدي :خلاص أكيد هتيجي عيد ميلادي اجازتي الاسبوع الجاي كمان

ماجد :والله هشوف كدا جنة وهقولك

هدي :لا انا مش قولت لجنة

ماجد :ليه

هدي: عادي ما انت عارف جنة مش بتحبني معرفش بتكرهني ليه كل ما احاول اقر*ب منها ونكون أصحاب تبعد عني

ماجد :معلش ي هدي ويستي حقك علياا انا

هدي راحت تتماي*ص عليه وتد*لع علشان تلفت نظره أكثر حقك ده ف قلبي وانا خلاص مش زعلانة

ماجد طبعا مكنش ع بعضه من طريقة هدي قدامه

ماجد:احم احم طاب انا ورايا شغل دلوقتي عن اذنك وراح مشي

هدي في سرها روح يحبيبي روح هتيجي يعني هتيجي ولما نشوف بقا الست جنة هتعمل اي

..............

جنة :الو اذيك ي ندي

ندي :الحمد لله ي جنة

جنة :عاملة اي دلوقتي

ندي :الحمد لله بخير ي جنة والله فرحت اووي لما لقيتك بتتصلي بيا انا قولت انك نسيتيني

جنة :لا مش تقولي كدا طمنيني عليكي وايه اخبار العلاج ماشية عليه والدكتور كويس من

ندي :الحمد لله ماشية بإنتظام حقيقي الدكتور شخص محترم وكويس جدا وبدأت أتحسن بشكرك اووي ع واقفتك معاي وانك سمعتيني وساعدتيني انا لا عندي اخت مش هتعمل معايا كدا

جنة بحب :احنا اخوات مش تقولي كدا لو عاوزة اي حاجة اتصلي بياا في اي وقت وان شاء الله لما انزل إجازة هقبلك ونقعد ونتكلم انا حاليا عندي شغل عايزة حاجة مني

ندي بحب :عاوزة سلامتك ي جنة مع الف سلامة

وقفلت بعد كدا ....

_جنة شخصية طيبة اووي ايوه ساعات بتكون رافعة رأسها في السماا بس ده لما حد بيضايقها شخصية رغم أنها مجنونة شوية بس عاقلة اووي في اي موقف تتحط فيه حتي لما قبلت ندي في المول كان ممكن تنادي حد من الأمان عادي جدا بس لا حبت تروح وتتكلم معاها وكانت بسيطة معاها جدا وحبتها اووي وارتحت كمان وحبت فعلا تساعدها زي م جوه كل واحد فين حتة كدا مركونة ع جمب مش بتطلع غير في المواقف اللي زي دي ساعاتها بس بتحاس بكمية فرحة وحب كدا رهيبة وأنك كنت سبب رئيسي انك تسمع شخص معين قدامك وتساعده والمساعدة مش شرط تكون مادياً لا بالعكس ممكن تكون معنوياً ونفسياً اسمعوا بعض وخافوا ع بعض واعرفوا ازي تقفوا جمب بعض في الشدة عاود نفسك تساعد غيرك حتي لو مش تعرفه شخصياً ولو لقيت حد بيعمل غلط روحله واتكلم معاه وانصحه وعارفاه الصح من الغلط يمكن تكون انت السبب أنه يقوم تاني ويفكر ويعيد حساباته بلاش نعالج الغلط اللي نشوفه بغلط اكبر منه أننا نف*ضح حد شوفناه بيعمل حاجة غلط علشان نبان روشين وواه مفيش زينا في الروشنة كلنا بنغلط عادي محدش كبير ع الغلط المهم انك تعرف تفرق بين الاتنين الصح والغلط وتفرق بين النصيحة و الكلام اللي بيكون من تحت ل لفوق وتحساس اللي قدامك انك بتداري عليه وكاسر عينه .....

حبوا بعض وخليكم دايما ضهر وسند وعزوه لبعض حبوا الخير لغيركم علشان ربنا يبعتلك الشخص اللي يحبك صح حلوا فيه روح حلوة كدا م بينكم والشاطر اللي يعرف يتعامل مع اي حد يقابله ويتعامل مع أي موقف ويسيب ذكري حلوة كدا للي قدامه حاجة في قمة الجمال والسعادة بجد ...

....................

نيجي بقا لأحمد

قاعد مع أصحابه علي القهوة

الشاب ١:ايه يعم مالك

احمد بضيق :مفيش

الشاب ٢:يعم تلاقي ال*بت ملك حاطة عليه جامد اووي ومش مديله ريق حلو وفضلوا يضحكوا

احمد اتعصب :مين دي ده ما عاش ولا كان انا لو عايزة اجابها هجابها

الشاب ٢:طاب م تجبها يسطا حد قالك حاجة وهنعمل رهان كمان عليها ولو عرفت تجبها هتكسب الرهان

احمد بضحكة خبيثة :بكرا تشوفوا وفضلوا يهزروا ويضحكوا

_احمد و صحابه دول فاضيين مش وراهم حاجة غير القعدة علي القهاوي ويعك*سوا في دي ودي بمعني اصح صايعي*ن مش وراهم شغلة ولا مشغلاة مالهمش هدف في الحياة عايشين علي قفاا أهليهم ...

..................

الاسعاف نقلت زين المستشفي

كان بينزف جامد اووي من الرصاصة اللي صابت جمبه ومغمي عليه

دخلوه أوضة العمليات بسرعة

مرت ساعة وساعتين وتلاته

وبعدين الدكتور خرج

عاصم بخوف :هاا اي الاخبار ي دكتور

الدكتور بإطمئنان :الحمد لله طلعنا الرصا*صة منه بس لسه في آثار جروح وكدمات كدا في وشه وجسمه مكان الرصا*صة مع الوقت والأدوية هتروح

عاصم :تمام ي دكتور هيقعد قد اي علي لما يخف

الدكتور :ده بيرجع علي حسب استمراره ع الدواء أن شاء الله يخف ويقوم بسرعة دلوقتي هننقله من اوضة العمليات ع أوضة يرتاح فيها واهم حاجة الراحة التامة وانا هخلي دكتورة تتبع معاه ميعاد الأدوية

عاصم :ماشي ي دكتور شكرا

الدكتور :العفو ع اي ده واجبي عن اذنك

............

عاصم راح يطمن اللواء جمال علي المهمة ويبلغه كمان أن زين اتصاب

عاصم بيخبط ع الباب

اللواء جمال :ادخل

عاصم :تمام ي فندم

اللواء جمال :هاا طمني ي عاصم عملتوا اي

عاصم :الحمد لله ي فندم قبضنا ع العناصر الإرها*بية وحولنهم علي القطاع عندنا بس زين اتصاب ي فندم أثناء العملية

اللواء جمال بقلق :زين !!اي اللي حصله هو فين دلوقتي

عاصم :الحمد لله هو بخير دلوقتي ي فندم اتصاب ب رصا*صة ولسه طلع من العمليات حالا

اللواء جمال :المهم يكون بخير وتابع مع الدكتور علشان يخف بسرعة وانا بنفسي هروح اطمن عليه

عاصم :تمام ي فندم حضرتك تؤمر بأي حاجة

اللواء جمال :لا اتفضل انت دلوقتي

..............

الدكتور :ي دكتورة جنة عايزاك تبشاري الحالة اللي في غرفة 9 وتجبيلي تقرير اول بأول عنها

جنة :تمام ي فندم هي الحالة اي بالضبط

الدكتور :ضابط كان متصا*ب في عملية انا خرجت الرصا*صة من جمبه الحمد لله عدت ع خير وهو حاليا في فقرة نقهة عايز متابعة منك بإنتظام وتديله الدواء اول بأول ولو في اي حاجة بلغيني

جنة :تمام ي دكتور

الدكتور :اتفضلي دلوقتي روحي شوفي الحالة ولو في اي ملاحظة عارفيني

جنة :حاضر عن اذن حضرتك

وراحت جنة ع غرفة الحالة اللي الدكتور قال عليها

خبطت علي الباب محدش رد

فدخلت وبصدمة .....

_خبطت علي الباب محدش رد فدخلت ولاقت زين كان بيحاول يمشي ومرمي ع الأرض جنة جريت عليه وقومته بسرعة

جنة بخوف :انت ازي تتحرك انت مش عارف انك لسه تعبان تعال حاول تتساند عليا براحة وراحت سانده وحطت دراعه علي كتفها وحطته علي السرير

جنة :براحة براحة هات رجلك ومسكت رجله وطلعتها ع السرير ببطئ ممكن اعرف ايه خلك تتحرك من السرير انت مش عارف انك متصاب واي حركة هتأثر ع الجرح

زين :انا مش عايز اقعد في السرير انا خلاص خفت وبقيت كويس وعايز أخرج

جنة وهي بتبص ليه بحدة وباين علي وشها العصبية هو اللي مش عايز تقعد هو انا بخيارك ولا اي !!هو مش بمزاجك ع فكرة أنا بقولك انت تعبان والحركة غلط عليك ايه بتكبر ليه هو الوجع فيه تكبر كمان !

زين اضايق من كلامها وأنها عايزة تعمل نفسها مسطرة في اعتقده وانتي يهمك في اي أخف ولا لا مالك انتي علشان تتحكمي وتمشي كلامك علياا انتي هنا بتشوفي شغلك وبس

جنة بنرفزة:وشغلي إني أخلي بالي منك وتسمع كلامي انت فاهم سواء برضاك أو غصب عنك وبعدنا متتكلمش معايا بالطريقة ال*همجيه دي تاني وسابته ومشيت

وراحت رازعة الباب وراها وهي خارجة ...

زين بعصبية :مابقاش واحدة زي دي تمشي كلامها علياا هي كمان أنا خلاص اقدر اقوم لوحدي واخف كمان

زين في الوقت ده كان مضايق من جنة اووي بس في نفس الوقت في شعور جواه متناقض بين قلبه وعقله هل عنده حق وأنها مالهاش دعوة بيه وطريقة كلامها !!ولا هو زودها شوية كمان شعور مختلط ومش عارف يحدد اللي حاسس بيه بس اللي زين ناوي عليه مش هيكون سهل بعد كدا وقرر ازي ينتقم منها ع كلامها معاه وتحكمها فيه ...

.................................

كان والد ملك لسه راجع من الشغل

رءؤف :ي ام ملك انتي فين

نرجس :ايوه انا في المطبخ جاية

راحت ام ملك لجوزها رءؤف تشوفه عايز اي

نعم ي رءؤف حمدلله ع السلامة خير في اي

رءؤف :اومال فين ملك

نرجس :لسه جاية من الشغل يدوب بتغير علشان تتغدا وتنزل الصيدلية

رءؤف :طاب خشي قوليلها اني عايزها وهاتيها وتعالي

نرجس :ماشي

وبعد م نرجس وملك قاعدوا

ملك :حمد لله ع السلامة ع بابا ماما قالت ليا أن حضرتك عايزني

رءؤف:ايوه ي حبيبتي النهاردة وانا في الشغل فيه عريس طلب ايدك مني

نرجس بفرحة :لووولوي ي الف نهار ابيض وماله هو مين ده حد نعرفه

رءؤف: ده ابن واحد صحبي معايا في الشغل فاتحني النهاردة وقالي عايز بنتك ملك لحسام ابني قولتله هشوف الجماعة في البيت الاول وهرد عليك هو ولد محترم وكويس شوفته مرة أو مرتين لما كان بيجاي لوالده في الشغل بيشتغل مهندس وجاهز من كل حاجة هاا اي رأيك ي ملك

نرجس :قالت اي اكيد موافقة طبعا م دام الشاب كويس وابن ناس خلاص اي اللي يمانع

رءؤف:اي ي ملك ساكتة ليه

ملك :مفيش ي بابا بس حاسة أنه لسه بدري شوية ع خطوة الجواز دي

نرجس :بدري اي ي حبيبتي خلاص انتي بقيتي عروسة وحلوة وبتشتغلي كمان وفاتحة صيدلية ناقص اي تاني بقا غير انك تتجوزي بصي لحياتك ومستقبلك ي قلب امك

رءؤف:بصي ي ملك فكري وخدي وقتك وبراحتك في الرد انا مش عايز اي رد منك دلوقتي انا مش بقول جواز كدا ع طول اقعدي معاه وشوفيه الاول واتكلموا سوا وربنا يقدم اللي فيه الخير

ملك بحب :حاضر ي بابا اوعدك إني هفكر في الموضوع

رءؤف: ي قلب بابا انتي ي ملوكتي يلا بقا مش هنتغدا ولا اي انا ع لحم بطني

ملك :بس كدا من عنيا حاضر دقيقة والأكل يكون جاهز ع السفرة حالا وراحت تجهز الاكل ...

.....................

جنة بعد م خرجت من عند زين وهي متعصبة

كان ماجد بينادي عليها ...

ماجد :جنة جنة استني عايزاك

جنة :خير م ماجد في حاجة !

ماجد :انا نازل النهاردة بليل إجازة مش عايزة حاجة

اه صحيح هي هدي عزمتك ع عيد ميلادها

جنة :لا شكرا مش عايزة انا كدا كدا نازلة بكرا الصبح لا وحتي لو عزمتني مين قالك اني هروح اصلا

ماجد :عزمتني وكنت عايز نروح احنا الاتنين سوا وكدا

جنة :وتعزمك بإمارة اي

ماجد :هو اللي بإمارة اي انتي ناسية أننا زمايل ولا اي وبعدنا مالك مضايقة كدا ليه

جنة بعدم اهتمام :لا ولا مضايقة ولا حاجة تروح مترحش براحتك

ماجد :يعني مش هتزعلي لو روحت

جنة: لا طبعا براحتك ي ماجد زي م قولت ليك عن اذنك بقا علشان مريم عايزاني

وراحت ماشية بعد كدا

...............

جنة راحت اوضة الدكاتره لقت مريم بتدور ع اوراق

جنة :اي بتعملي اي عندك

مريم:بدور ع الفايل اللي فيه الحالات بتاعت الاسبوع اللي فاتت علشان الدكتور طلباها مني

جنة :ماشي

مريم بتبص ع جنة لاقتها سرحانة كدا ومش ع طبيعتها

اي ي جنة مالك

جنة :مفيش

مريم:هو اللي مفيش انا مش عارفكي ولا اي

جنة :والله بجد مفيش تعبانة بس شوية من ضغط الشغل

مريم :خلاص يعم هتنزلي إجازة بكرا والضغط هيخف وراحت ضاحكة

جنة :فايقة اووي انتي

مريم :طاب انا راحة اودي الاوراق واجاي

جنة :ماشي

جنة لقت مزاجها مش اووي وقامت تعمل ليها نسكافية تشربه

وجهزته وطلعت برا تجيب حاجة تأكلها

كانت مريم جات بعدها بخمس دقايق بس مش لاقت جنة في الأوضة وشافت النسكافيه وافتكرت أن جنة عملته ليها وفعلا بتشربه وبصريخ ووجع ....

بعد ما مريم شربت النسكافيه حست بوجع في بطنها وبتصرخ جامد اووي وماسكه بطنها

جنة سمعت صوت الصريخ وراحت تشوف في اي وكام حد من الدكاترة طلع يجري ع الأوضة

لقوا مريم بتتلوي من بطنها ومش فاهمين هي مالها وفي اي

جنة دخلت جري عليها وكانت خايفة عليها اووي :مريم مريم مالك ردي عليا اي اللي حصلك

مريم طبعا من الوجع والصريخ مفيش رد وكانت بتنزف دم من بوقها

جنة والدكاتره لما لاقوا دم نازل من بوقها بسرعة شالوها ودخولها اوضة العمليات علشان يعرفوا سبب النزيف ده ايه واغمي عليها كانت شبه ميته

والدكتور جوه مع مريم

وجنة واقفة برا وراحة جاية كل شوية قلقانة ع مريم اووي

وبتدعي انها تكون كويسة وتتطمن عليها ...

.......................

نيجي عند عاصم اللي كان قاعد في مكتبه وبيكلم خطيبته

عاصم :الو ي ورد عاملة اي

ورد :كويس انك لسه فاكراني

عاصم :في اي مالك بتتكلمي كدا ليه

ورد :اومال اتكلم ازي انشالله مش كفاية محبوسة بين أربع حيطان وحضرتك ولا بتسال فياا ولا معبراني

عاصم : غصب عني م انتي عارفة ضغط الشغل مش بأدياا اي الجديد يعني

ورد بعصبية : الجديد اني مبقتش مستحملة الوضع ده كفاية لحد كدا

عاصم بعدم فهم : كفاية ايه!!مش فاهم!!

ورد :كفاية كلام اووي واعتبر اللي بينا انتهي

عاصم :انتي مدركة بتقولي أي!! انا هسيبك تهدي دلوقتي ونتكلم بعدنا

ورد بعصبية :ولا أهدأ ولا بعدنا انا خلاص زهقت ومش عايزة اكمل سلام

عاصم في الوقت ده كان مستغرب طريقة ورد معاه زي م يكون اول مرة يعرفها ده حتي مش استنت تسمع منه وقفلت السكة !! كل مرة نفس المشكلة ونفس الخناقة بس عادي بيرجعوا تاني بس اللي حاسه عاصم في كلامها المرة دي غير كل مرة وفعلا في حاجة غريبة ! وصوتها كمان ! قرر أنه لازم يعرف اي سبب تغيرها واشمعنا اتصلت بيه بالذات في الميعاد ده وفجأة كدا تقرر تنهي كل حاجة م بينهم ...

......................

الدكتور طلع من اوضة العمليات

جنة بقلق :هاا ي دكتور طمني مريم عاملة اي

الدكتور :للاسف .............

جنة بخوف وصدمة :لا مستحيل

الدكتور:للأسف كان عندها حالة تس*مم

جنة بخوف وصدمة:تس*مم!! مستحيل ازي

الدكتور :عملنا لها الفحوصات الطبية والاشاعات اللي هنعرف منها سبب الت*سمم ده

جنة بخوف :طمني ي دكتور هي عاملة اي دلوقتي

الدكتور بإطمئنان :الحمد لله ي جنة لولا أننا لحقناها في آخر لحظة معرفش كان ايه اللي ممكن يحصل ادتها إبرة وقفت مفعول التسمم وعملنا لها غسيل معدة وحاليا هي نايمة من البينج اللي خدته والابرة ومش هتفوق غير بعد تلات ساعات علي الاقل ادعي لها تقوم بالسلامة أن شاء الله

جنة :طاب ي دكتور ممكن ادخل اطمن عليها من بعيد

الدكتور :صدقيني صعب ي جنة مش لها لأزمة انك تدخلي هي نايمة ومش هتحاس بيكي اصلا وبعدنا أنتي دكتورة وعارفة القوانين ولا اي !

جنة :ماشي ي دكتور خلاص انا هستنا هنا ل حد ما تفوق

الدكتور :مش تتعبي نفسك استني لحد م تفوق ويستي ابقي تعالي اطمني عليها براحتك روحي دلوقتي شوفي شغلك وانا هخلي حد من الممرضين ها انا عندي حالات لازم أمر عليها كمان يلا عن اذنك ي دكتورة

جنة :اتفضل ي دكتور ....

الدكتور مشي وجنة فضلت محتارة وخايفة علي مريم اووي وبتدعي انها تقوم بالسلامة وتطمن عليها

في الوقت ده كان فون جنة بيرن

جنة :الو

عز الدين والدها:الو اذيك ي حبيبة بابا

جنة :اهلا ي بابا الحمد لله

عز الدين :مال صوتك ي جنة في اي

جنة :مفيش ي بابا

عز الدين :علي بابا برضوا صوتك مش عاجبني في حاجة حصلت معاكي قوليلي

جنة :لا ضغط الشغل بس متخافش يحبيبي انا بخير طمني عليك انت وماما عاملين اي

عز الدين : كويسين الحمد لله هاا ناوية تنزلي بكرا الساعة كام علشان ابعتلك السواق بالعربية يستناكي

جنة وهي بتفكر

عز الدين :اي ي جنة مبترديش ليه !

جنة :بصراحة كدا ي بابا انا مش عارفة انزل بكرا ولا لا واحدة صحبتي جالها تسمم معايا هنا في الشغل ولسه مش فاقت وانا لازم اطمن عليها قبل م انزل إجازة

عز الدين بخوف :اه فهمت علشان كدا مضايقة وصوتك متغيرة هي عاملة اي دلوقتي طمنيني عليها

جنة :الحمد لله الدكتور قال بقت كويسة وقدامها ع الأقل تلات ساعات لحد م تفوق من البنج

عز الدين :طيب ي حبيبتي خلي بالك ع نفسك وخليكي جمب صحبتك لحد م تفوق وشوفي عايزة تنزلي امتاا

جنة :أن شاء الله اول م اطمن عليها هنزل ع طول

عز الدين :ماشي ي حبيبتي مش عايزة اي حاجة

جنة بحب :سلامتك ي حبيبي مع السلامة

.....................

عاصم راح يطمن علي زين

عاصم :اي ي وحش حمد لله على السلامه

زين :الله يسلمك ي عاصم تعال اقعد

عاصم بضحك :ايه ي وحش بقا رصا*صة تعمل فيك كدا

زين :هنعمل اي كله علشان خاطر الشغل يسيدي

عاصم بضحك :طلعت فرفور اووي

زين بضحك :فرفور اه مسير الايام جاية وهنشوف مين فينا الفرفور ي حلو

طمني عملت اي مع العيال اللي مساكنهم

عاصم :ولا تقلق ي باشا عملنا معاهم الصح طبعا وعرفنا نطلع منهم المعلومات، انت بس قوم بالسلامة علشان المكتب وحش اووي من غيري ي زينو

زين :يا*ض قولت ليك مش بحب الدلع ده

عاصم بضحك علشان ينرفز زين :ماشي ي زينو

زين بنرفزة :اطلع برا ياض انت

عاصم بضحك :طيب طيب خلاص ،اللواء جمال هيجي بنفسه يزوك كمان افرح ي بطل

زين :ملوش لازمة انا خلاص بقيت كويس

ماجد :حد يطول اللواء جمال يزوره بذات نفسه طاب يرتني كنت انضر*بت انا علي الاقل مشي هلاقي احسن من كدا واكل ،شارب،نايم ،ومأنتخ ،ولا علي بالك وراح ضربه مكان الرصا*صة (عنيف اووي عاصم ده )

زين بو*جع:اه يخربيتك غور يالا غور من هنا

عاصم بضحك :ايه ده وجعتك مش خلاص الرصا*صة طلعت وبقيت كويس باطل دلع

زين راح ماسكه من لايقته :احسلك غور من وشي بدل ما اقوملك واغورك بطريقتي منك لله

ماجد بضحك :لا وعلي ايه امشي بكرامتي احسن سلام ي زينو وطلع يجري ...

زين : عليا النعمة مصاحب بلوة في حياتي

.........................

جنة كانت بترجع حالة مريض في القطاع وفجأة جات لها ممرضة

الممرضة :ي دكتورة جنة

جنة بإنتباه :ايوه في حاجة

الممرضة :الدكتور عايز حضرتك علشان الدكتورة مريم فاقت

جنة بفرح :بجد! طيب روحي وانا جاية حالا

الممرضة :تمام

جنة راحت لقت الدكتور واقف علي باب الأوضة بيتكلم مع الممرضة

جنة :ايوه ي دكتور

الدكتور قال للممرضة طيب روحي انتي دلوقتي ومتنسيش الاوراق اللي قولتلك عليها

الممرضة :حاضر ي دكتور..........ومشيت

الدكتور :الحمد لله الدكتورة مريم فاقت وبعد الفحص والإشاعة طلع النسكافيه اللي شربته مسموم وهو ده السبب

جنة بصدمة :النسكافيه !!طاب ازي وانا اللي عملته مستحيل

الدكتور : انتي !! اكيد كان فاسد الحمد لله لحقناها بسرعة وهي دلوقتي بخير تقدري تدخلي لها

جنة :ماشي ي دكتور

ودخلت جنة لمريم

جنة بحب : حمدالله علي السلامة قلقتيني عليكي اووي

الحمد لله ربنا قومك بالسلامة ي عيوني

مريم :الله يسلمك ي روحي

جنة : الدكتور بيقولي برا ان كان عندك تسمم بسبب انك شربتي النسكافيه !! ازي انا كنت عملاه لياا وسابته وروحت اجيب حاجة اكلها اي اللي حصل بالضبط

مريم :بعد ما ودت الاوراق اللي الدكتور طالبها مني ورجعت مش لاقيتك في الأوضة كانت ........

مريم :بعد ما ودت الاوراق اللي الدكتور طالبها مني ورجعت مش لاقيتك في الأوضة كانت هدي موجودة معرفش كانت بتعمل اي بس لحظت أن انا اول ما دخلت ارتبكت كدا لما شافتني وسألتها عليكي قالت معرفش وخرجت علي طول بس وشوفت كوباية النسكافيه كانت علي المكتب فكرت عملتيها لياا ولما شربت حسيت بو*جع ولاقيت نفسي بصر*خ والباقي بقا انتي عارفاه ...

جنة :بس ليه هدي ارتبكت هي كانت بتعمل ايه

مريم :مخدتش بالي اووي منها علشان كان ضهرها لياا

مريم وهي بتبص ل جنة لاقتها سرحت كدا وزي ما تكون بتفكر في حاجة وسألتها مالك بتفكري في ايه كدا

جنة :بصي ي مريم انا معرفش هتصدقيني ولا لا،بس أنا متأكدة أن هدي اللي ورا العملة دي

مريم بإستغراب :ليه بتقولي كدا !

جنة :كلامك بيدل علي كدا تقدري تقوليلي ليه ارتبكت اول ما شافتك طاب بلاش دي قولتي كمان أنها كانت مديكي ضهرها وقت ما دخلتي يعني كانت بتحط حاجة في النسكافيه وقتها وكان ال*سم

مريم بصدمة :معقولة !!هدي ممكن تعمل كدا !طاب ليه انا عملت لها ايه !

جنة وهي بتخبط علي كتفها :يا هبلة افهمي بقا هدي مش كانت قصداكي انتي دي كانت قصداني انا وطبعا علشان انتي اللي شربتي النسكافيه فبالتالي الفخ جاه فيكي بدلالي

وبتعمل كدا ليه اظن معروفة اووي علشان يتكرهني ونفسها بأي طريقة ابعد عنها علشان تكون هنا في القطاع الكل في الكل

مريم بتردد :لا بس برضوا ممكن تفكيرك وتوقعاتك تكون مجرد احساس مش اكتر !

جنة :ده مش احساس ده تأكيد وحتي لو بنسبة صغيرة فلازم أتأكد

مريم بضحك :وهتتأكدي ازي بقا يا مفتش كرمبو

جنة :اضحكي اضحكي يختي علي الله النسكافيه يكون طلع حلو يا طفسه

مريم :ما خلاص بقا الله

جنة بضحك :بكرش همك ع بطنك وخلاص اروح اجيب حاجة أكلها أرجع الاقيكي بتجعري لينا هنا

مريم وهي بتخبط بخفة ع كتفها :بقا انا بجعر ماشي غوري من هنا يلا ي عسل مش عايزاكي روحي شوفي راحة فين وبعدنا أنتي مش المفروض تنزلي إجازة بكرا !

جنة :اممم المفروض ،بس قولت اطمن عليكي الاول شوفتي بقا مش خلصني اسيبك ازي وبتضحك

مريم بضحك :كتر خيرك يستي والله طمرت فيكي العشرة

الحمد لله بقيت كويسة

جنة بضحك :ما لازم تكوني كويسة طبعا مش شربتي النسكافيه كله ي ام كرش

مريم بتنهيدة :يدي ام النسكافيه كان يوم اسو*د يوم ما شربته يختي بلا بقا امشي زهقتيني

جنة بضحك :طيب مش تزقي كدا يلا سلام ي كرشو

وطلعت جنة من عند مريم وراحت تضبط حاجاتها علشان الإجازة...

.................

اللواء جمال راح يطمن علي زين

اللواء جمال :اذيك ي بطل عامل اي دلوقتي

زين وهو بيحاول يتعدل علشان يسلم علي اللواء جمال

الحمد لله ي فندم مكنش في لازوم تتعب نفسك وتيجي لحد هنا

اللواء جمال بحب : ولا تعب ولا حاجة وبعدنا انت زي ابني بالضبط ي زين كل واحد هنا في القطاع ابني ويمكن اكتر كمان طمني صحتك تمام لو تعبان أو فيك حاجة قولي

زين :لا ابدا ي فندم الحمد لله بقيت احسن

اللواء جمال :ماشي ي بطل قوم بالسلامة وانا ادتلك إجازة اسبوع علشان تسترياح كدا وترجع لنا قوي

زين :مش لها لأزمة الإجازة ي فندم انا كمان يومين وهخرج خلاص

اللواء جمال :مفيش نقاش انا خلاص طلعت قرار الإجازة

زين بضحك :لا خلاص ما دام القرار طلع مينفعش نرفض

اللواء جمال بخفة : يا واد قال يعني مكنتش عاوز اجازة حظك اهي جاتلك لحد عندك اهي بس مش تاخد الإجازة وتأنتخ

زين بضحك :لا متخافش ي فندم مش أأنتخ

اللواء جمال :يلا ي بطل انا همشي واشوفك لما ترجع من الإجازة سلام

زين :سلام ي فندم ...

...............

نيجي بقا ل ماجد

كان نزل إجازة قبل جنة وقتها

ماجد هو صاحبه في الكافيه

صاحبه خالد :ايه يا ميجو بتفكر في ايه

ماجد :ولا حاجة يعم بس مش عارف لو روحت عيد ميلاد هدي جنة هتزعل ولا لا

خالد :وايه عرف جنة ما تروح يعم وخلاص وبعدنا هي هدي دي حلو*ة يعني

ماجد حلو*ة بس ،دي تقول القمر قوم وانا اقعد مكانك دي عليها ج*سم ملبن انما ايه يودي اللو*مان وحياتك ده جس*مها كر*باج

خالد بضحك :يخر*بيتك بقا الملبن معاك في الشغل وساكت كل ده شو*قتيني أشوفها ي ميجو والله بقولك اي ما تاخدني معاك العيد ميلاد وعارفني عليها وينوبك فيا ثواب

ماجد :أخدك فين يعم هي رحلة علي الاقل انا زميلها في الشغل واحنا دكاترة زي بعض لسه العيد ميلاد الاسبوع الجاي بس مش عارف أمتي

خالد :يا بختك ي واد ي ميجو

ماجد :يبختي ايه يعم بس حتي لو اللي في بالك انت ناسي اني خاطب ولا ايه

خالد :علي اساس بتحب جنة يعني ما انا عارف اللي فيها

ماجد بضحك :ما دام عارف بتسال ليه بقا

خالد بخبث :طاب انا عندي فكرة إنما اي بمليون جنيه

ماجد بإستغراب :فكرة ايه !

خالد: طاب انا عندي فكرة إنما إي بمليون جنيه

ماجد بإستغراب:فكرة إيه!!

خالد :بص يسيدي انت لازم تحاول تقدم ميعاد الفرح أو علي الاقل تحدد ميعاد كتب الكتاب المهم أن تربط جنة بيك

ماجد بإستعجاب :ليه يعني بتقول كدا!!

خالد بخبث :يعم افهم كل م الميعاد يقرب كل م تعرف تمسك جنة من ايديها اللي بتوجعها ساعاتها خلاص هتكون مراتك وتحت طوعك وتعرف تمشي كلامك عليها كويس اووي وانت ناسي ابوها شاغل اي وعنده اي ده كفاية الملايين اللي عنده من شقق وعمارات وشركات كل ده هيروح لمين في الاخر ما لك بمناسبة انك هتبقي جوز بنته والكل في الكل وقتها

ماجد ساعاتها كان بيفكر في كلام خالد

ايوه هو مش بينكر أن دي كانت خطته من الاول بس الطريقة نفسها مش كانت الداخله علي جنة

وفاق من سرحانه علي صوت خالد

خالد :هااا إيه رأيك !!

ماجد بإنتباه:هو تمام وكل حاجة بس تفتكر جنة هتوافق نقدم ميعاد كتب الكتاب

خالد :ومين قالك إنك هتقولها انت منك لابوها علي طول هو اللي هيعرف يقنعها وتطلع انت برا خالص والكلام يجي منه هي ساعاتها هتوافق وبس كدا ...

ماجد بضحك :دماغ لعيبه ناصح اووي

خالد بضحك :طبعا يا ميجو يا حبيبي المهم متنساش الحلاوة بقا لما تكوش علي المصلحة

ماجد :ما هو بالقر بتاعك ده شكلي مش هطول حاجة

خالد :يعم ولا قر ولا حاجة ،أهم حاجة عندي مصلحتك ومصلحتي انا كمان والكل يطلع كسبان في الاخر ولا ايه وراح غمز له...

هنسبهم بقا يتكلموا ونروح لابطال تانية في روايتنا ...

.....................

في بيت عز الدين والد جنة

عز الدين بينادي علي السواق

السواق :ايوه يا بيه

عز الدين :عايزك تروح تجيب جنة

السواق : هي جنة هانم جاية النهاردة ي بيه

عز الدين :ايوه يلا جهز العربية واستناها في نفس المكان

السواق :تحت امرك ي بيه عن اذنك

...............

جميلة :بقولك ايه ي عز إيه رأيك تتصل بماجد يجاي يتغدا معانا ويقعد هو وجنة سوا كدا ويتكلموا انا حاسة أنهم مخطوبين بالاسم وخلاص ومش بيشوفوا بعض غير في الشغل وبس

عز الدين : والله فكرة حلوة عندك حق ماشي هتصل عليه وانا داخل اخلص شوية اوراق في المكتب

جميلة : تمام وانا رايحة اشوف عملوا اي في الأكل ...

.................

ملك :بابا انا نازلة عايز حاجة

رءؤف بحب :لا ي حبيبتي عايز سلامتك خلي بالك ع نفسك

ملك :ماشي يا بابا وأه أبقي أتصل بالناس وبلغهم إني موافقة

رءؤف بإندهاش :إيه ده بجد موافقة غريبة بس اشمعنا غيرتي رأيك!

ملك بتوهان :اممم عادي بقا يا بابا يلا سلام علشان متأخرش علي المستشفي ومشيت

رءؤف في نفسه مستغرب ملك كان مفكر لما اتكلم معاها في الموضوع وقالت هتفكر كانت بتقول كدا وخلاص علشان كدا محبش يفتحه تاني غير لما يكون الرد منها هي بس مكناش متخيل أنه الرد هيكون بالسرعة دي وكمان لاحظ أن كان باين ع وشها علامات الفرح وهي بتقول انها موافقة وبيفكر ويقول تفتكر يا رءؤف ملك بنتك وافقت ليه !

_ملك خرجت من البيت وراحت علشان تركب وركبت العربية كانت لسه بتحمل وقتها سندت رأسها علي الازاز وسرحت ...

انا معرفش ايه اللي خلاني اوافق المرادي كل مرة برفض من غير ما اقعد مع اللي بيتقدم يمكن علشان دايما عندي احساس الخوف أو يمكن علشان رافضة الفكرة من الأساس معرفش ..... لما بسمع كلمة في عريس متقدم تلقائيا كدا بطني بتوجعني وخوف وتوتر زي م يكون حد حاططلي المشنقة وخايفة منه حتي وانا سرحانة برضوا خايفة وعندي رهبة وقلبي بيدق مش فرح بس خوف انا قولت ل بابا اني موافقة وكان باين عليا اني فرحانة!!!اي ده هو انا فرحانة بجد ولا فعلا بتصنع لا انا بتصنع دي حقيقة حاطه حاجز بيني وبين فكرة الجواز أو الارتباط بوجه عام هفضل كدا لحد امتي وفوقت من سرحاني علي صوت جمبي ........

الفصل