تحميل رواية «زين وليل» PDF

رواية زين وليل الفصل الأول

قولى انى حلوة

حلوة

اووى اووى

اووى اووى

هتتقدم ليا امتى بقا ده عنوان بيتنا.....ماتتاخرش لان ابن عمى هيتجوزنى بالعافية قالت كلامها ومشيت

وقف مكانه مصدوم مش عارف مين دى ولا هى مجنونة ولا فيها ايه

روحت فين ياروحى

هااا موجود يا تاليا

بكلمك من بدرى

معلش سرحت شوية

مين البنت اللى كنت واقف معاها دى

بتسأل على عنوان

اوكييه يلا بينا عايزه اشترى حاجات من المول

مش اشتريتى امبارح

ايه ياحبيبى يعنى مااشتريش تانى زعلت منك

خلاص خدى الفلوس وانزلى انتى

نو بروبلم يلا وصلنى

تمام اتفضلى

حمد الله على السلامة يازين

الله يسلمك ياماما

مش بترد على التليفون ليه

معلش كنت عامله صامت كان عندى اجتماع مهم

اجتماع ولا مع الصايعة بتاعتك ست تاليا اللى ماتعرفش حاجه عن الأخلاق ولا الدين

يوووه هو كل يوم ياماما

ايوه كل يوم لحد ماتختار بنت كويسة وتتجوزها

انا اختارت تاليا

على جثتى البنت دى تدخل بيتنا انت فااهم

انا ماشى

ايوه يامراد

مالك يازين فيك ايه

مافيش

اتخانقت مع مرات عمى برضو

كالعاده ايه الجديد

هى عندها حق برضو يا زين

مراد لو هتقول نفس الكلام يبقا تقفل احسن

طيب انا عندى حل

سمعنى

ايه رأيك تتجوز واحدة و ماوالدتك عايزه و

نععععم

يابنى استنى أكمل كلامى

اتفضل يااخويا

وتتجوز بعدها بفترة تاليا برضو يبقا راضيت والدتك واتجوزت اللى بتحبها

تاليا هترفض

طالما بتصرف عليها وهتتجوزها هتوافق مش هيفرق معاها وجود واحده تانيه قال كلامه بسخرية

يوووه بقا يامراد سلام دلوقتى وقفل معاه وبدأ يتنفس بصوت عالى دليل على غضبه

زين فضل يتمشى على البحر وهو سرحان وافتكر اللى حصل معاه الصبح والبنت اللى ظهرتله قد ايه ملامحها كانت جميلة ورقيقة مش فاهم هى ليه طلبت منه كده وهى ماتعرفهوش ابتسم على برائتها وتلقائى بص فى الساعه كانت 8الا ربع كده فاضل ربع ساعه على الميعاد اللى بنت قالتله ييجى يتقدملها فيه افتكر كلام مراد ومافيش وقت كان ركب عربيته واتحرك على العنوان اللى قالتله عليه قبل ماتمشى وتسيبه

فين العريس قالها بتهكم وسخريه

الدموع فى عنيها وماسكه نفسها بالعافية وماردتش

منا قولتلك يابابا ده كلام اتصل بالمأذون خليه ييجى ونكتب الكتاب اتكلم وهو بيدخن سيجارته

مستحييل اتجوزك انت فاهم

اخرسي يابت ليكى عين تتكلمى قولتى العريس جاى الساعه8 واهى دقت بالظبط فين بقا قطع كلام عمها جرس الباب ومرات عمها قامت تفتح وليل بتستغفر ربها وبتدعى إنه ينجدها من عمها وابنه فاقت من سرحانها على صوته

انا جاى اطلب ايد الآنسة ليل

بصتله وهى مصدومة مش مصدقة انه الشاب بتاع الصبح وانه فعلا واقف دلوقتى وبينقذها مهما كان وحش مش هيبقا زى جهنم عمها وابنه...........

..........

رواية زين وليل الفصل الثاني

شكر على التفاعل الجميل ده ولو التفاعل والتعليقات زادت هنزلكم جزء كمان النهارده

تفاعلووووووو💥💥💥 😍

فاقت ليل من صدمتها على صوتهم بعد مادخلوا وهى لسه واقفه عند الباب مش فاهمة حاجه ومش مصدقة ان ربنا انقذها من اللى كانت فيه من دقائق وازاى كل حاجه تتغير فى ثوانى كده فعلا ربنا فوق كل شئ دخلت بهدوء وقعدت فى اوضتها لحد ماينادوا عليها

مين ده ياليل

مش عارفه يامرات عمى

يعنى انتى ماشوفتهوش قبل كده

لاشوفته مره واحده الصبح بس مش عارفه اسمه ولااى حاجه عنه وبدأت تحكيلها اللى حصل معاها الصبح

انتى تعملى كده ياليل

ليل ودموعها نزلت على وشها كان عندك حل تانى

لو كان فيه كنت ساعدتك والله يابنتى من الأول

مش فاهمة ازاى انتى حنينة عليا وعمى لا

عمك الطمع عاميه يابنتى ادعيله بالهدايا واهو واخد ابنه فى سكته يا عالم هيفوقوا امته سيبك منهم بس شكله ابن ناس اووى

حتى لو كان ايه هيبقا ارحم من هنا

عندك حق ياحبيبتى وحضنتها

أميرة جمال

وانت تطلع مين بقا ياعريس

زين الالفى

ايه صاحب أكبر شركات

بالظبط كده

وانت بقا عايز تتجوز ليل ليه كنت عارفها قبل كده وبتصلح غلطتك مثلا

انا مش هرد عليك لأنك راجل كبير مش اكتر كان بيتكلم وهو حاطط رجل على رجل

هشام ابن عم ليل بعصبيه وبتتكلم كده ليه يالا فاكر نفسك مين انت مرفوض أساسا

فى لحظه كان زين موقعه على الأرض وواقف بثبات

جابر عم ليل اتكلم يلا من هنا يازين باشا ليل هتتجوز هشام

زين ببرود هديك مليون جنيه واسبوع كده وهنكتب الكتاب

هااا جابر كان مصدوم من الرقم وفرحان من جواه بالصفقه دى فرد بسرعه موافق بس هاخد الفلوس الأول

هتاخدها يوم كتب الكتاب

موافق على بركة الله

ومشى زين بعد ماانهى كلامه وخرج من البيت من غير حتى مايقعد مع ليل او يتكلم معاها خلص كلامه ووصل لحد البيت وقال حاجه لجابر وهو خارج

هشام بعصبية انت عارف انى عايزها اديتهاله ليه

جابر بطمع لأنه هيدفع كتير

الفلوس اهم من ابنك

هجوزك ست ستها

مش عايز غيرها

انت صدقت نفسك احنا أخدنا كل اللى وراها واللى قدامها

وانا هاخدها هى

انت اتجننت ماتعرفش مين زين الالفى ده حوت فى السوق ماحدش بيقدر يقف قصاده واللى عايزه بياخده

اشمعن هى اللى عايزها

شوف انت بقى قال كلامه وغمز لهشام اللى الغضب عماه وبصوت جهورى هز العمارة كلها

لييييل

ايه فى ايه

زين الالفى عايز يتجوزك ليه

يعنى ايه ليه

عامله فيها شريفة عليا انا بس ودايرة على حل شعرك معاه وقبل ماترد ليل كان هشام خلاص مش شايف قدامه ونزل ضرب فيها وامه بتحاول تبعده عنها وبتاخد الضرب بدالها وجابر قاعد بيدخن سيجارته بشراهة وبيفكر ان المليون جنيه هتنقل شركته ناقلة تانية وفاق من سرحانه على صوت ليل وصراخها وافتكر كلام زين ليه وهو ماشى وجرى بسرعه بعد ابنه عنها وخرجه بره البيت وبص لليل ببرود وطلب من نجاة مراته تاخدها وتخليها ترتاح

نجاة نفذت كلامه واخدت ليل رغم استغرابها من حنيته عليها دى اول مرة من ساعه عيلتها ماتوفت فى حادثة

جابر بغضب من اللى عمله ابنه وهو بيكلم نفسه غبى هيفضل طول عمره غبى هشام ده مش عارف يشوف مصلحته فين وافتكر كلام زين

فلاش بااااااك

جابر موصل زين للباب

اهم حاجه المليون جنيه من غيرهم مافيش جواه

علشان الناس للي بتسأل اللي محتاج با. قي الر. وايه موجو. ده كلها هنا في مقهي الروايات 2💁‍♀️💁‍♂️✍️♥ اضغط علي الاسم ده بسرعه

زين بصله باحتقار كده انا لو عايز هاخدها من غير فلوس خالص بس عضمة لكلاب ماعنديش مشكلة

ولو انك بتغلط بس مقبولة منك يازين بيه

حتى لو مش مقبولة مش هتعرف تعمل حاجه

ماشى كلامك

ده غصب عنك مش برضاك

جابر بنفاذ صبر شرفت ياباشا

منا عارف واه قبل ماانسى من مصلحتك ماحدش يضايق ليل او يلمس شعره منها هيبقى رد فعلى وحش اووى

حاضر اى أوامر تانية

حاليا لا

جابر رجع للواقع منك لله ياهشام

فى صباح يوم جديد

صباح الخير ياماما

......

حقك عليا انى اتعصبت عليكى

........

طيب ده انا عملت حاجه تراضيكى

..........

اممم طيب مش هتردى برضو حتى لو عرفتى انى طلب ايد بنت زى اللى بتتمنيها امبارح

بتقول كده علشان اكلمك

لا والله واسمها ليل كمان وكويسه جدا واتفقت مع عمها ان كتب الكتاب الأسبوع الجاى

ليه مالكش اهل مش تاخدنى معاك

ياست الكل عملهالك مفاجأة

وتاليا

مالهوش لزوم الكلام عنها دلوقتى ياامى

المهم ياابنى ماتظلمش معاك بنات الناس

حاضر

الف مبروووووك ياحبيبى دلوقتى انت ابنى فعلا

وقبل كده كنت ابن اختك هههههه

قوم يلا من هنا

ههههه خلاص سلام ياقمر رايح الشركة

ربنا يكرمك ياحبيبى

عملتى ايه مع حماتك المستقبليه

ولااى حاجه تتفلق

تاليا هى ممكن تأثر على زين

تؤتؤ ياعمرى ده زى الخاتم فى صباعى

الاحتياط واجب

امممم افكرلها بعدين المهم عزماكى النهارده فى مطعم....

ده غالى اووى

هو احنا اللى بندفع وارتفعت أصوات ضحكاتهم وقاطع كلامهم واحد من شلتهم جاى عليهم

مروان:عرفتوا الجديد

ندى صاحبة تاليا:خير

مفاجأة بجد

تاليا:اخلص يامارو

مروان:بيقولوا زين الالفى خطب وهيتجوز الاسبوع الجاى

تاليا:انت بتقول ايه واخدت شنطتها بسرعه ووراها ندى

.....

.............

رواية زين وليل الفصل الثالث

زين سمع دوشه وهو فى مكتبه طلع بره يشوف فيه ايه اتفاجئ بتاليا وباين عليها الغضب فاتوقع إنها عرفت كل حاجه

تعالى يا تاليا

دخلت من غير ماتعلق على كلامه

ممكن تهدى

عايز تسيبنى بعد كل ده يازين

يا تاليا اسمعينى

اسمع ايه انك كنت بتتسلى بيا

انتى عارفه انى مش النوع ده

امال من انهى نوع هااا بعد كل الحب ده ياخاين

يا تاليا بقا خلينى اتكلم

هتتكلم تقول ايه انك مش راجل وبتسمع كلام ماما ومش عندك رأى

زين كان بيبصلها وعروقه بارزة والغضب باين عليه

تاليا حست أنها عكت الدنيا وهتخسر زين فى لحظه فكان لازم تصلح اللى عملته ده بدأت تمثل وعنيها تدمع وقعدت على كرسي قريب ليها وبدأت تتكلم وهى بصاله للدرجه دى قدرت تبعد عنى يازين هان عليك حبى وكل الوعود اللى بينا وحياتنا اللى قررناها سوا كل ده بعته فى لحظه هى هتحبك اكتر منى مستحيل والله وفضلت تعيط وهى منهاره

زين قعد جنبها واخد نفس وطلعه بقوة من غضبه وبدأ يتكلم

تاليا انتى عارفه مكانتك عندى وانا مستحيل اسيبك بعد كل اللى بينا ده كل الحكايه انى عايز ارضيكى انتى وامى فى نفس الوقت فقررت اتجوز واحده وأرضى امى وبعدها هتجوزك وامى ساعتها مش هتتكلم معايا لانى حققتلها امنيتها انا بعمل كل ده علشانك علشان ابقى معاكى

تاليا وبدأت تمسح دموعها طيب واللى هتتجوزها مش هترفض

ده جواز على ورق بس هى عندها ظروف وانا بساعدها فيها وهى تساعدني فى موضوع والدتى ده

وايه يضمنلى ده

حبى ليكى يا تاليا

بس انا برضو زعلانه منك ولازم تصالحنى

اؤمرينى ياحبيبتى

فيه كوليه تحفه عاجبنى اووى شوفته عند سمير الجواهرجى ممكن تجيبهولى وهعتبره هديه تصالحنى بيها

حاضر

هروح انا بقا لندى أصلها كانت قلقانه عليا مووت وانا ماشيه منهارة

تمام وماتقلقيش هنبقا مع بعض قريب اووى

مستنيه ده بفارغ الصبر ياحبيبى باى وبعتتله بوسه فى الهوا وخرجت

زين كان بيفتكر كلام مراد وان تاليا بتحبه بس علشان خاطر فلوسه لكن نفض الفكرة دى من دماغه وبرر اللى بتعمله انها بتغير عليه وخايفه انه يضيع منها شغل نفسه فى الورق اللى قدامه علشان مايديش فرصه لدماغه للتفكير فى اللى بيحصل

**********أميرة جمال*********

ليل صحت من النوم بتجر فى رجلها من التعب من ضرب هشام ليها اتحاملت على نفسها ودخلت اتوضت وبدأت تصلى وهى بتعيط وتدعى ربنا انه ينجيها من اللى هى فيه وان زين يكون رحيم بيها عن عمها خلصت صلاتها وبدأت تقرأ قراءن وقطعها صوت عمها اللى دخل عندها وقالها زين على التليفون وطلب منها تتكلم بطبيعتها وماتبينش اى تعب وهى هزت رأسها بالموافقه

السلام عليكم

وعليكم السلام انا هعدى عليكى كمان ساعه هاخدك نشترى الشبكه والفستان ووالدتى هتكون معايا

تمام

اجيبلك فستان وانا جاى

لاشكرا عندى

تمام اجهزى فى الوقت سلام

مع السلامه وقفلت

عمها خطف منها التليفون وهو الشر باين فى عنيه بتقوليلوا ايه اللى عندك يابت

ده ده

اخلصى اتكلمى

كان بيقولى يجبلى فستان فقولتله لاعندى

انتى هتفضلى طول عمرك غبية اللى يقولك عليه ماتقوليش لا انتى فاهمه خدى منه على قد ماتقدرى ده بحر فلوس مابيخلصش يااختى وسابها ومشى وهو بيسب ويلعن فيه

ليل لنفسها مش كفايه انه هينقذنى من العيشة دى والعذاب اللى انا فيه كمان عايزنى استغله ده انا المفروض اعيش خدامه ليه طول عمرى يارب نجينى منهم انا مش عارفه اعمل ايه وبدأت تشوف هتلبس ايه وتستعد لمقابلته

عمها قالها ان زين مستنيها تحت نزلت ليه بسرعه علشان ماتتأخرش عليه وهى قلبها بيدق جامد مش عارفه ازاى هتتعامل معاه بعد الموقف اللى هى حطته فيه ده

زين خرج من العربيه وبصلها بصدمه وهى جايه ناحيته ووالدته كمان كانت مستغربه وبتبص لليل وترجع عينها لزين…..

رواية زين وليل الفصل الرابع

ليل نزلت كانت شبه الأميرات بفستانها اقل مايقال عنها ملاك زين كان بيبصلها بانبهار مااخدش باله قبل كده من ملامحها قد ايه هى هادية ورقيقة

والدة زين ماكنتش اقل منه فى صدمتها ماتوقعتش ان زين فعلا هيتجوز بنت زى مابتتمناها حجابها مجملها مش شبه تاليا اللى لبسها بيكشف اكتر مابيستر فرحت من جواها وفي لحظه كانت قطعت الصمت واتجهت ناحية ليل

انتى ليل

اه ياطنط

انا خديجة حماتك ياحبيبتى وفى لحظه كانت وخداها فى حضنها وليل كأنها ماصدقت واتمسكت بيها جامد كانت محرومة من الحضن من زمان اووى نسيت يعنى ايه حنان من وقت وصولها بيت عمها بالرغم من حب مرات عمها ليها وحنانها عليها بس لاحول ليها ولاقوة قصاد عمها جابر وابنه هشام

مش يلا ولاايه

فرحت قلبى يازين ياابنى دى جميلة الجميلات

شكرا ياطنط اتكلمت ليل بكسوف

احم اه جميله طبعا يلا نتحرك علشان نلحق

فى الاتيليه

انا هروح اتفرج على الفساتين هناك ياولاد وانتوا شوفوا هنا ومشيت من غير ماتسمع رد

نقى الفستان اللى تحبيه

اى حاجه مش مهم

ليه ده فستان فرحك

انا اسفه

على ايه

انى لغبطلك حياتك ودخلتك فى حاجه ملكش ذنب فيها وشكرا على وقوفك جنبى

انتى مالغبطليش حاجه بالعكس ده وجودك حللى مشكلة ووالدتى رجعت راضيه عنى

هى كانت عايزاك تتجوز يعنى وانت رافض

مش بالظبط كده بس هى رافضه جوازى من البنت اللى بحبها

طيب والبنت عملت معاها ايه(بتسأل وكان نفسها فى اجابه تريحها من التعب اللى عانت منه لسنين طويلة )

عادى عرفتها ان جوازنا لظروف معينه وأنه إرضاء لامى وبعد مانتجوز شهر كده ولااتنين هبقا اقنع امى واتجوزها

كان جردل ميه ساقعه وقعت عليه فى عز طوبة هى حتى مالحقتش تفرح يعنى هتخلص من سجن عمها لمده شهر او اتنين بالكتير وترجعله تانى ماهو اكيد حبيبته مش هتقبل بوجودى على زمته ممكن يطردنى او يطلقنى او….. كذا سيناريو بدأوا يترسموا فى خيالها كلهم اسوء من بعض بلعت ريقها بصعوبه من مجرد التفكير فى اللى هيحصلها بعد كده

ليييل

هااا فيه ايه

سرحانه من بدرى بنادى عليكى وانتى مش معايا خالص

اسفه افتكرت حاجه مش اكتر

طيب ممكن نختار الفستان

حاضر

ليل بدأت تتفرج على الفساتين اللى أغلبها كان مفتوح وشفاف وهى طبعا رافضة ده تماما شافت مجموعه فساتين للمحجبات بدأت تختار منهم وقع عنيها على فستان أقل مايقال عنه آية فى الجمال بس سعره غالى جدا مارضتش تبصله تانى وبدأت تشوف فستان سعره يكون بسيط

زين اخد باله ان ليل عنيها مركزة على حاجه معينه وشاف الفستان اللى عجبها عرف أنه مش هيلاقى غير عليها هى وبس حس انه حابب يفرحها مش عارف ليه لكن برر ده بانه عايز يسعدها لانها هتحنن قلب والدته عليه وكمان لانه شايفها مظلومة جدا من عيلتها

لو سمحتى ممكن الفستان ده

بلاش ده يا زين

سرح لمجرد نطقها اسمه بالهدوء والرقه اللى فيها

زين

نعم

بقولك بلاش الفستان ده

ليه

غالى جدا كفايه الفلوس اللى عمى هياخدها منك وبصت للارض بانكسار

صعبت عليه فاتكلم لا مافيش حاجه تغلى عليكى وده هيبقا جميل جدا فيكى

ابتسمت وماعلقتش على كلامه وفعلا اخدوا الفستان

خديجة:هاا ياولاد اختارتوا حاجه

اه ياماما ده وشاورلها عليه

ماشاء الله جميل جدا ربنا يسعدكم ياحبايبى وخرجوا كلهم من الاتيليه

فى لحظة كان فيه ضرب نار وزين ماحسش غير بليل بتقع فى حضنه وكلها دم وخديجة بتصرخ وبتقوله يطلب الإسعاف بسرعه

رواية زين وليل الفصل الخامس

3ساعات وهى فى أوضة العمليات وزين هيموت من القلق عليها مش عارف ليه كل اللى يعرفه أنه بيتمنى انها تكون بخير تكون بخير وبس

الدكتور خرج (كانت جملة والدته اللى فوقته من سرحانه)

جروا بسرعه ناحية الدكتور فى ثوانى كان قدامه وهو بينهج

خير يادكتور

ماتقلقش يا بشمهندس هى الحمد لله بخير الرصاصة جات فى كتفها خلال كام ساعه ان شاء الله وهتفوق

اتنفس بصوت عالى اخيرا اطمن عليها

ممكن ادخلها

ممكن تعقم نفسك فى الاوضه الأخيرة اللى هناك دى وبعدها تدخلها بس ماتفضلش وقت كبير كفايه اووى 5دقائق

تمام قالها وهو ماشى رايح لغرفة التعقيم

دخل عليها كانت نائمة شبه الملائكة ومتحاوطة بالأجهزة من كل اتجاه وصوت الأجهزة عالى كان هيفقدها وقف عند الكلمة *هيفقدها*يعنى هو بيعتبرها من ممتلكاته خلاص تليفونه رن وكانت تاليا كأن الوقت مش فى صالحها حتى لحظة حنان من زين ليها مش من حقها

بص عليها نظرة أخيرة وخرج ورد على الفون

فينك يازين انا استنيتك كتيير

ضرب على جبهته نسي ميعاده مع تاليا اخد باله ان ليل سيطرت على وقته وتركيزه

انت معايا يا زين

اه يا تاليا

ماجتش ليه

كنت مع ليل بتجيب فستان الفرح و

اه ماخلاص اخدتك منى

زفر بضيق ممكن تسمعينى

اتفضل قول

ليل اتضربت بالنار

ايه ازاى

واحنا خارجين من الاتيليه اتضربت بالنار واهى فى المستشفى

طيب خلاص يعني مش هتقدر تخرجنى النهارده

بقولك فى المستشفى يا تاليا بقا وشاف ممرضات بيجروا على أوضة ليل قفل فى وش تاليا وطلع يجرى عند ليل

خير فى ايه سأل واحده من الممرضات

المريضة فاقت

الحمد لله ودخل بسرعه عند ليل

فاقت يابنى

الحمد لله ياامى

طيب مش ترن على عمها تعرفه

اه ماشى وطلع بره واتصل على عمها وعطاله خبر وقفل فى وشه التليفون

هشااااام

ايه فى ايه

ليل اتضربت بالنار وهى خارجه من الاتيليه

ايه مين عمل كده

انا اللى بسألك

معقوله انا اعمل كده برضو

ده انت ابن كلب تعمل اى حاجه

لا انا لو هقتل يبقا هو لكن هى تخصنى

اياك تقرب منه مش عارفه كده هيتجوزها ولاايه والمليون جنيه اللى هاخده منه

خرجت نجاة مراته على صوتهم وهى بتلف طرحتها بسرعه مليون جنيه ايه اللى بتتكلم عنها بنت أخوك بتموت يلا خلينا نروحلها نطمن عليها

زين الالفى قال انها فاقت

انا ماشوفتش فى قسوة قلبك يلا معايا انت ياهشام

لا عندى ميعاد مع اصحابى

اه مع الصايعين بتوعك وترجع سكران ومش شايف قدامك

بالظبط سلام ياموزة

بصت لجوزها و نزلت لوحدها تطمن على ليل اليتيمة

هاا عملتى ايه يا تاليا

زفرت دخان سجارتها

اخلصى اوعى تكونى عملتى ده

طبعا نفذت

يانهار اسود وعملتى ايه

للاسف عايشة

زين لو عرف مش هيسكت

مين هيقوله مافيش غيرك يعرف

خايفه عليكى يا تاليا

ماتخافيش خليكى فى حالك بسبتكلمينى كده ليه يا تاليا

ده اللى عندى ولو نطقتى مش هحصل كويس وقامت سابتها

ندى لنفسها(بقيتى شيطانه يا تاليا يتخاف منك لازم أبعد عنك)

رواية زين وليل الفصل السادس

انا فين

فى المستشفى يابنتى

ليه ايه اللى حصل

واحنا طالعين من الاتيلية اتضربتى بالنار

اه افتكرت

الحمد لله انك بخير

شكرا لتعب حضرتك

انا زى والدتك يابنتى ولاايه

اكيد طبعا

احم ممكن ادخل

تعالى يازين دى هتبقى مراتك يابنى

انتى كويسه

الحمد لله

دخل الدكتور هااا مريضتنا عامله ايه

الحمد لله يادكتور بس تعبانة

العملية كانت كبيرة مش سهلة ومحتاجة راحة لفترة

تمام ممكن تكتبلها على خروج

بس هى محتاجة رعاية يابشمهندس

هتبقا فى البيت هنراعيها كويس

تمام اللى تشوفه هروح اكتبلها على خروج

اتفضل

ياحبيبى يابنتى عاملة ايه ياضنايا

الحمد لله يامرات عمى ماتقلقيش

الحمد لله انك بخير

زين بدأ يتكلم ووجه كلامه لنجاة فين عمها

فى البيت يابنى

تمام انا هكتب كتابى على ليل هنا وهتكمل علاجها عندى فى البيت

بس….

زين قاطعها كده هيبقا امان ليكى أكتر

ليل سكتت لانها عارفه انه عنده حق هو الوحيد اللى يقدر يحميها من أهلها اللى اخدوا حقها وممكن يقتلوها فى اى لحظة

ماتقلقيش ي احبيبتى ده أفضل ليكى كان كلام فاطمة والدة زين اللى خرجت ليل من تفكيرها وطمنتها

هزت ليل رأسها بالموافقه

فى دقائق كان الموضوع تم وزين كتب كتابه على ليل واخدها على الفيلا بتاعته

ليل اول ماوصلت كانت مبهورة بكل حاجه المكان حرفيا كأنه قطعه من الجنة معقوله يكون ربنا بيعوضها عن كل اللى حصلها ولا هتفوق على كابوس تانى اسمه هشام وعمها ولسه ماتعرفش ايه اللى مستخبيلها تانى

اتفضلى ده الجناح بتاعى طبعا هتبقى معايا هنا علشان امى ماتشكش فى حاجه

حاضر اسفه انا بوظتلك ترتيباتك كلها

قولتلك قبل كده انتى عدلتيها انتى كنتى عايزه تهربى من بيت عمك وابنه الجبان اللى كان عايزك ده وانا امى ضاغطة عليا فى موضوع الجواز ده ومش موافقه على تاليا فكان لازم ارضيها وكده ساعدنا بعض

طيب ايه اللى هيحصل بعد كده

انا شوية كده وهقنع امى واتجوز تاليا وابقى اطلقك

من الصدمه سكتت مااقدرتش تتكلم

اكيد مش هسيبك لعمك وابنه هأمنلك مستقبلك واحميكى

اتنهدت بارتياح

شاورلها على الحمام ادخلى خدى دش كده وفيه لبس كتير جوه ليكى

حاضر واتحركت ناحية الحمام

زين لنفسه هو ايه اللى عملته ده انا مالي مااسيبها هى وعمها لبعض اكيد هى صعبانه عليا من اللى شافته وعرفته عن حياتها ورن تليفونه برقم تاليا فوقته

ايوه ياروحى

عامله ايه ياتاليا

تمام يعني بتسأل

ماانتى عارفه الظروف ياحبيبتى

اه هى عامله ايه دلوقتى

الحمد لله طلعت من المستشفى وعندى فى البيت

نعععععم ده ليه ان شاء الله

اتجوزتها ياتاليا

ازاى تعمل كده

تانى ياتاليا مااحنا متفقين

بغير عليك يا زيزو الله

ماشى ياحبيبتى ماتقلقيش قريب هتبقى معايا

اوكيه ياروحى اشوفك بكره فى الشركة باى

باي ياحياتى

ليل دموعها نزلت وهى بتسمع المكالمة واتاكدت ان عمرها ماهترتاح فى حياتها ابدا ولازم تعتمد على نفسها واخدت قررها اللى هتنفذه اول ماتفوق شوية من تعبها ومسحت دموعها وخرجت

تعالى ارتاحى شويه

هنام على الكنبه

لا طبعا انتى تعبانه انتى هتنامى على السرير لازم ترتاحى

وانت على الكنبه

لا على السرير برضو

هااا وفتحت بوقها بصدمة

ابتسم على ردفعلها وكتم ضحكته واتحرك ناحية الكنبه وفردها سرير ودخل غير هدومه وطلع وهى لسه على نفس وضعها

ليل

نعم

تصبحي على خير

وانت من اهله وابتسمت وراحت فى النوم من التعب

تاليا هتعمل ايه تانى؟ ؟؟

رواية زين وليل الفصل السابع

فى صباح يوم جديد

زين صحى قبل ليل قرب منها أول مرة يشوفها عن قرب كده عيونها واسعه بشرتها بيضا شبه الملائكه شعرها الأسود مفرود جنبها ازاى إنسانة زى دى تتأذى بالشكل ده وعمها جاله قلب ياخد حقها لازم اجبلها حقها دى مراتي برضو وهو فى تفكيره بدأت ليل تتحرك فبعد عنها ورجع بسرعه على الكنبه كأنه لسه نايم

ليل صحيت استغربت المكان وبعدها افتكرت اللى حصل امبارح وأنها خلاص بقت مرات زين الالفى اتحركت بالراحة ناحيته وهو نايم لاحظت رموشه الطويله والكثيفه وعيونه اللى شافتها قبل كده بلون القهوة وشعره الناعم كان نازل على عنيه يااه لو كان بيحبها فعلا وعايزها مش ظروف اللى جبرته عليها فاقت من سرحانها على صوت زين

انا عارف انى حلو وزى القمر بس مش للدرجة يعنى ان واحده حلوة زيك كده تبصلى بإعجاب

ليل اتكسفت وبصت للارض انا بس كنت…

ايوه انتى ايه بقا

كنت جايه اصحيك

ليه

علشان شغلك طبعا

اممم فيه عريس برضو ينزل شغله يوم صباحيته بدرى كده

مش عارفه ماتجوزتش قبل كده

ههههه منا عارف وانا برضو

صوت خبط على الباب

ايوه مين

انا يازين ياابنى

خير يادادة

الست نجاة مرات عم ليل جايه تشوفها ياابنى

حاضر يا دادة دقائق ونازلين

تمام

رايحة فين

انزل لمرات عمى

عايزه تنزلى كده بشعرك وببيجامه انتى اتجننتى

ماهى عادى يازين

عادى ايه وزفت ايه

انت متعصب كده ليه ماهى ست زيى

افرضى هشام معاها ولاعمك

دادة ماقالتش انهم موجودين

حتى لو ماقالتش المفروض تفهمى لوحدك واياك حتى ست تشوفك كده مهما كانت ماهو استهتارك ده اللى خلى هشام يتعرضلك ويطمع فيكى انتى بقا اللى كنتى بتشجعيه

ليل دموعها نزلت رجعت تحس بالظلم من تانى مش عارفه هتخلص من ده كله امتى من غير ولا كلمه اتحركت ناحيه غرفه الملابس وقفلت الباب وراها وقعدت على الأرض تبكى حالها واللى بيحصلها

زين واقف مصدوم من الكلام اللى قاله ازاى قدر يجرحها بالطريقة دى هو عارف حكايتها كلها وأنها ملاك وسط نار عمها وابنه ايه اللى خلاه يغير عليها كده قرر أنه لازم يعتزرلها وخلاص من غير تفكير كتير

ليل خرجت وهى لابسه دريس بيبى بلو وعليه طرحه اوف وايت وكانت عاملة زى الأميرة

زين وهو بيستغفر ربه يادى النيلة دى بقت أحلى من الأول…ليل انا اس

انا جاهزة يلا نننزل وسبقته من غير ماتسمع ولا كلمه

زين وهو بيكلم نفسه غبى متوقع ايه يعني تسمعك بعد ماجرحتها ودخل ياخد دش يهدى من نار غضبه

نجاة اول ماشافت ليل نازلة اتحركت ناحيتها واخدتها بالحضن وهى بتطبطب عليها مبروووك ياحبيبتى ربنا يسعدك

احلوينا اووى ياليل ده كان صوت عمها اللى حقيقى بتقرف منه

شكرا ياعمى

طيب اسيبكم انا تقعدوا براحتكم

خليكى ياماما معانا

معلش ياحبيبتى اسيبك مع اهلك انا هطلع ارتاح شويه فى اوضتى

اتفضلى

طلعت فاطمة اوضتها وسابتهم لوحدها

هشام بصوت يشبه فحيح الأفعى هيجى يوم وادوق الحلاوه دى ياليل وهتكونى بتاعتي

ليل باشمئزاز انت بتحلم

ايه زين عجبك اووى كده

اووى راجل مافيش زيه ولا واحد زيك تيجى جنبه حاجه

هشام بعصبيه رفع ايده علشان تنزل على وش ليل وهى غمضت عنيها ومالقتش قلم نزل على وشها بدأت تفتح عيونها بالراحة لقت آدم قصادها وماسك ايد هشام وبحركه واحده كان كاسر دراعه وهشام وقع على الارض وبيصرخ من الألم

ايه يازين بيه ده احنا نسايب

هشش ياجابر مش عايز اركنك جنب ابنك ماتخلقش لسه اللى يمد ايده على مرات زين الالفى فاهمين قال آخر كلمه بصوت عالى وعصبية

فاهمين ياباشا واخد ابنه واتحرك بعصبيه وهو بينادى على نجاة مراته

نجاة بتحضن ليل قبل ماتمشى كده اطمنت عليكى بقيتى فى حماية راجل بجد يابنتى مع السلامه قالت كلامها بالراحة ومشت

ليل بصت لزين شكرا

زين ده واجبى وحابب اتأس..

اوووه زين حبيبى وحشتيني اووى

رواية زين وليل الفصل الثامن

ليل بصت لزين بتعجب بمعنى مين دى كمان

زين كان نفسه البيت يولع باللى فيه حتى كلمة أسف مش عارف يقولهالها وكمان نادين جات هى نقصاها دى كمان

اوووه روحى مش تسلم على نودى حبيبتك

ليل لنفسها اللهم صل على النبى هو فيه نادين وتاليا لا ده زين محترم اووى

احم اهلا نادين اخبارك ايه

بخير ياروحى طول ماانت بخير

وصلتي امتى من السفر

حالا من المطار على عندك هنا علطول

ده من حظى الزفت

نعم

من حظى الحلو انت شوفتك

شور حبيبى عارفه لو سمحتى انتى هاتيلى كوباية ماية

نعم يااختى

نادين دى ليل مراتى مش شغاله هنا

ايه انت اتجوزت

اه امبارح

وانا يازين نسيت وعودك عليا

والمصحف ماوعدتك بحاجه

كمان بتنكر مش عمو وبابا قرأوا قاتحتنا واحنا صغيرنا

اه والحمد لله الاتنين اتوفوا

يعنى انت فضلت البتاعه دى عليا انا نودى بنت عمك

ليل اشمئزت من طرقة كلام نادين ولبسها اللى كاشف جسمها اكتر ماهو ساتر طلعت بهدوء على اوضتها

لو سمحتى يانادين احترمى وجود ليل مراتى واياكى تتعدى حدودك معاها لو حابه تقعدى معانا فى نفس البيت

نادين بدموع تماسيح اهئ اهئ كده يازين علشان بابا وماما ماتوا يعنى بتستقوى عليا

يلا بينا يانادين مالناش مكان هنا يابنتى قولتلك نقعد فى امريكا

يلا ياانطى ليلى

استنى يانادين

انطى فاطمة وحشتينى مووت

انتى اكتر يابنتى تعالى فى حضني ياحبيبتى

شوفتي ياطنط زين بيطردنى من الفيلا

لايابنتى ده بيتك هو مايقصدش اطلعى فوق فى الأوضة اللى جنبى خدى شاور كده وغيرى هدومك وهناديكى وقت الغداء

حاضر

وانا يافاطمة

اسمى حاجة فاطمة ياليلى ماتنسيش نفسك انتى فيه اوضه الضيوف هنا تحت هتقعدى فيها قالت فاطمة كلامها وطلعت اوضتها وزين كان طلع عند ليل قبل مايخلصوا كلامهم ماكنش فيه غير ليلى بس اللى واقفه

ليلى لنفسها لسه عندك صحة يافاطمة هخلص منك زى ماخلصت من اللى قبلك دورك جاى بس كل شئ بأوانه وابتسمت بخبث ودخلت اوضتها

عند ليل كانت قاعده فى اوضتها بتفكر فى حياتها الجديدة والناس اللى حوالين زين واللى حاسه ان كلهم طمعانين فيه ماحدش بيحبه لنفسه وهو مايستاهلش كل ده حتى لو حياتها معاه مؤقته برضو وقف جنبها وساعدها ولسه بيدافع عنها رغم انها مجروحة منه من اللى قاله الصبح بس مهما كان هو برضو كويس يعنى

لييييل

ايه فيه ايه بتزعق ليه كده

يابنتى قاديلى ساعه بنادى عليكى وانتى سرحانه

مااخدتش بالى

اللى واخد عقلك

مافيش عن اذنك واتحركت علشان تمشى

زين مسك ايدها انا كنت عايز اعتذرلك على اللى قولته الصبح ماكنش قصدى انا اسف سامحيني

ليل اتوترت من قربه منها وأنه ماسك ايدها سحبت ايدها منه بالراحة واتكلمت ماحصلش حاجه كويس ان ده حصل علشان عمي وهشام فعلا كانوا تحت

انا بس ماكنتش أقصد اللى قولته ده

ماعلينا انا كنت عايزه اطلب منك حاجه

انتي تؤمرى

احم شكرا انا بس عايزه تشوفلى شغل فى اى مكان علشان يعني لما نتطلق أقدر اعتمد على نفسي

زين اتضايق من ذكرها للطلاق بس حاول مايبينش ده انا قولتلك انى هأمنلك مستقبلك

معلش انا كده هبقا مرتاحة اكتر

امممم خلاص هتبقى سكرتيرتى

بس يعنى

خلاص مافيش شغل

لا خلاص موافقه

ابتسم بانتصار تمام يا ست البنات

ليل اتحرجت من كلمته وخرجت قعدت فى البلكونة

وزين ابتسم على خجلها

*******************أميرة جمال*********

هتنفذى امتى ياندى

انا مستحيل اعمل ده ياتاليا مش هأذى إنسانة بالطريقة المقرفةدى

تاليا وهى بتطلع دخان سيجارتها بلاش تعارضينى ياندى

بتهددينى ياتاليا

اه بالظبط كده

وانا مش هعمل ده

اوكيه ياروحى انتى اللى عارضتينى اشربى بقا

ليلى تقصد ايه؟؟

تالياطلبت ايه من ندى وهتعملها ايه؟؟

رواية زين وليل الفصل التاسع

فى صباح يوم جديد

اممم تأخير من اول يوم

صباح الخير

صباح النور ياليل هانم يامتأخرة عن الشغل

هاا شغل ايه

قولتيلى انتى بتنسي اللى بتطلبيه بقا

لالا افتكرت

خلاص بقا ماانتى هتأخرى انا معايا نص ساعه بالكتير هنزل افطر وامشى

لا بالله يازين قومت خلاص وجريت على الحمام علشان تجهز بسرعه وهو نزل لتحت وهو بيضحك عليها

ربنا يسعد قلبك ياحبيبى

يارب ياامى وباس رأس فاطمة

فين ليل

بتجرى فوق قال كده وضحك

بتجرى ليه

علشان صحيتها متأخر

عندها حاجه مستعجلة يعنى

هتيجى معايا الشركه

هى بدأت بدرى اووى ليه كده مستعجلة على الفلوس كان صوت ليلى اللى قطعت كلامهم

مش هقولهالك تانى ياليلى اقعدى هنا بااحترامك وخليكى فى حالك انتى فاهمة قالتها فاطمة بعصبيه وهى بتشدد على آخر كلامتها

انا عامله عليه زين ده زي ابنى بالظبط

زين ليه ام واحده وهى انا وعايشه على وش الدنيا

اهدي ياامى الله يباركلك ولو سمحتى يامرات عمى ماتدخليش فى اى حاجه بعد كده ليكى فى نفسك وبس

ليلى طلعت تانى على اوضتها وهى هتولع من الغضب

انا جاهزة خلاص

يلا ياليل

مالك ياامى متضايقه ليه

لاابدا يابنتى مافيش خلى بالك من نفسك وجوزك

حاضر هفضل مع زين واجى معاه مش هعرف اروح لوحدى

ومين قالك انك هتمشى قبلى انتى هتفضلى معايا

ماشي يلا

اتفضلى قدامى

انتى نايمه كده ومش حاسه بحاجه

صباح الخير ياانطى فيه ايه

زين راح الشركة واخد ليل معاه

ايه ازاى ده

ده اللى حصل دى اخدت الجو خالص وانتى هتتركنى يانادين

لا طبعا مستحيل ده يحصل

يبقا اسمعى كلامى

حاضر اعمل ايه

تكلمى فاطمة على شغل

سورى مين فاطمة

ركزى يانادين مرات عمك

اه تمام

قوليلها انك حابه تشتغلى مع زين فى الشركة بدل ماتقعدى فى البيت انتى دراستك كانت فى امريكا برضو

طيب وبعدين

هتقربى من زين بقا وتعرفى كل حاجه فى الشركه وبعدين نشوف هتقربى منه ازاى

تمام كده هقوم اخد شاور بقا

روحى ابتسمت ليلى بخبث على غباء نادين وهى عارفه هتستغل ده ازاى

أميرة جمال🌸

احم هو انا مكتبى فين

معايا هنا هو ده وشاورلها على المكتب

فى نفس أوضتك ازاى

ايه المشكلة

لو حد هيدخل ويسأل عليك كده يدخل مكتبك علطول من غير استئذان

اممم عندك حق خلاص هخلى مكتبك هناك كده وفيه باب ادخل من مكتبى لعندك علطول

طيب ومرتبى كام

زين ضحك اللى انتى عايزاه

لا حسب شغلى

ماشى ياست البنات موافق

انا مش هعرف حد من الشركة انى مراتك علشان ماسببلكش اى إحراج

ايه اللى انتى بتقوليه ده اياك اسمع الكلام ده منك تانى انتى مراتى وليكى مكانتك واحترامك

ليل كانت هتطير من السعاده من كلامه اكتفت بابتسامه وخرجت راحت مكتبها

زين لنفسه وبعدين معاك يازين فوق كده اوعى تنسي تاليا انت وعدتها بالجواز وهى بتحبك فوق كده لنفسك وبدأ يشتغل علشان مايفكرش تانى

أميرة جمال

وبعدين ياباشا هنعمل ايه

جابر دخول البضاعة مسؤليتك انت ماتصدعنيش بقا وقفل التليفون فى وشه

هتعمل ايه ياحاج

مش ناقصاك انت كمان يا هشام

انا عندى الحل ياكبير

ازاى بقا

عن طريق زين

انت اتجننت عايز زين يعرف طبيعة شغلنا

لا طبعا هو حد قال كده اسمعنى بس

قول..

اسمع ياسيدى. ………………

ده انت ابن جنية

هااا ايه رأيك

عفارم عليك ابنى بصحيح

رواية زين وليل الفصل العاشر

زين كان عنده اجتماع وعنيه على ليل اللى مشغولة فى الورق لاحظ دخول حد عندها وكان مسؤل الحسابات فضل مركز معاهم وعنيه كلها شرار شافها بتضحك معاه مااقدرش يمسك نفسه واستاذن من الاجتماع ودخل عندهم بكل غضب

ايه اللى بيحصل ده احنا شركة محترمة العملاء يفتكروا ايه لما يسمعوا الضحك وقلة الأدب دى

ياافندم انا

ولا كلمه يااستاذ أحمد انت مرفود اتفضل خد باقى حسابك وانتى ياهانم حصلينى على مكتبى هدخل اخلص الإجتماع ده الأول حسابك معايا بعدين ومشى على مكتبه تانى

ليل دموعها نزلت غصب عنها من قساوته عليها هى ماعملتش حاجه لكل ده احمد مسؤل الحسابات هو اللى ضحكها لما دخل وهى اتخضت منه مش اكتر ليه دايما بيشك فيها وفى أخلاقها

تعالى حالا على مكتبى

حاضر

ليل دخلت بخوف وهى باصه فى الأرض

ارفعى وشك وفهمينى ايه المسخرة دى اللى شوفتها

ماحصلش حاجه

نععععم والضحك والمرقعه اللى كانت بره دى تبقا ايه

والله ماحصل حاجه انا ضحكت بس لما هو دخل فجأة وخضنى واعتذر على ده بس وانت دخلت

اه كنتى عايزانى اشوفك بتضحكى مع راجل غريب واسكت لو مش هتحترمى المكان اللى انتى شغاله فيه يبقا على الأقل احترمى انى جوزك يامدام

كفااايه بقا انت بتعاملنى كده ليه ليه دايما بتشك فيا وفى اخلاقى وانا اصلا من غير ماابقى مراتك انا بحافظ على نفسي كويس وبتقى ربنا فى نفسي مش كل شوية تقولى احترمك لان انا بحترم نفسي وبحترم وجودك وأنك جوزى انت اللى مااحترمتنيش فى كلامك مع نادين ودلعها عليك وتاليا اللى بتكلمها فى الفون ومش محترم انك ليك زوجة وعندها مشاعر حتى لو بالكدب طالما هنقعد مع بعض فترة يبقا نقدر بعض او خلاص كل واحد فينا يروح لحاله من دلوقتى كانت ليل بتتكلم بقهرة وهى بتنهج ودموعها مغرقه وشها

زين قلبه وجعه من كلامها عندها حق فى كل كلمة ازاى مالحظش انه بيجرحها بكلامه وتصرفاته وأنه لازم يحترم وجودها اكتر من كده فاق من شروده على صوت حاجه بتلمس الارض وماكنتش الا ليل اللى فقدت وعيها

زين شالها بسرعه ونيمها على الكنبه فى اللحظة دى دخل مراد

مين دى يازين ومالها

هات الدكتور بتاعنا بسرعه يامراد

مين دى

اخلص يامراد بسرعه قال بعصبيه ومراد اتحرك بسرعه طلب الدكتور

خير يادكتور

ماتقلقش هى بس ضغطها وطى شوية سببلها إغماء وكمان شكلها ماعملتش بجانب طبعا ان كده فى حاجه ضايقتها جامد

يعنى مافيش خطورة على ليل يادكتور

لا ماتقلقش يابشمهندس خليها ترتاح بس وتهتم باكلها وابعدها عن اى انفعال او ضغط عصبى

حاضر يادكتور متشكر جدا تقدر تتفضل

عن اذنكم

مراد بتفهم دى ليل مراتك

اه هى

ايه اللى حصل

بدأ زين يحكيله اللى حصل

حرام عليك يازين هى علشان غلبانه يعنى ده انتعارف ظروفها كلها وانا بنفسي اللى جبتلك كل المعلومات عنها وقد ايه اتظلمت فى حياتها وعذابها من عمها وابنه جاى انت كمان تكمل عليها

خلاص بقا يامراد هو انا ناقصك

امم حبيتها ولاايه

هاااا لا طبعا انا بحب تاليا وهتجوزها

روحى وحشتني موووت

مراد بصوت مسموع لزين جيبنا في سيرة الغراب

زين كتم ضحكته وبص لمراد بعصبيه

ايه اللى خلاكى تسيبى شغلك ياتاليا

ماشوفتكش من يومين يابيبى قولت اطمن عليك

انا بخير ماتقلقيش

مين دى وشاورت على ليل

دى ليل مراتى تعبت شوية

تلقاها بتدلع عليك علشان توقعك فى حبها

تاليا مالهوش لزوم الكلام ده قولتلك ليل تعبانه وقطع كلامه ليل ابتدت تفوق وحاولت تقوم كانت هتقع وزين لحقها فوقعت فى حضنه

ابعد البتاعه دى عن حضنك يازين

ليل سمعت كده كانت بتبعد عن زين لكن هو قربها منه اكتر ووجه كلامه لتاليا اعتذرى حالا ياتاليا

انا يازين اعتذر وكمان لدى وشاورت وشاورت ليل باحتقار

اعتذرى حالا واحترميها قال كلامه بعصبيه وبصوت مرعب لدرجة تاليا خافت منه

سوورى

بالعربى ياتاليا وبصوت واضح

كمان يا زينو

اسمى زين يلا

حاضر انا اسفه قالت كده وخرجت بسرعه من غضبها

مراد

نعم يازين

انا هروح انا وليل وانت استلم الشغل

هترجع تانى

لا مش قادر

تمام بس انا هكلم احمد مسؤل الحسابات علشان مايمشيش وهقوله انك كنت متعصب بلاش غيرتك تعميك

ماشي اللى تشوفه اعمله

زين سند ليل فى حضنه واتحرك بيها فى اتجاه الفيلا

أميرة جمال

الو انت يازفت

تحت امرك ياتاليا هانم

لازم تخلصنى من اللى اسمها ليل دى

نجرب تانى نضربها بالرصاص

لا ماانت جربت ومانفعش دى زى القطط بسبع أرواح

تحبى نعمل ايه

انا هقولك. ……………….

حلو اووى اللعب ده شكلها مضيقاكى جامد

وانت مالك خليك فى شغلك وبس

المهم الفلوس كله بحسابه

المهم تنفذ بس مش زى المرة اللى فاتت

لا ماتقلقيش ده سهل جدا وممكن احنا كمان ندوق ونتسلى

لا اللى قولتلك عليه بس تنفذه واياك تعمل حاجه زياده

خلاص طلباتك اواامر

قفلت تاليا التليفون وهى بتتنهد براحة بسبب أفكارها الشيطانية

اللى سمعته ده صحيح ياتاليا

ايه يابنتى خضتينى مش تكحى

ازاى تفكرى فى حاجه زى دى

عادى وانتى مالك

ارجوكى ياتاليا ارجعى عن اللى انتى بتعمليه ده

وانتى مالك انتى

انا صاحبتك ولازم انصحك

وفرى نصايحك لنفسك وبلاش تعادينى مش هقولهالك تانى ياندى

ندى اخدت شنطتها ومشيت وهى بتفكر انها تقول كل حاجه لزين

تاليا بعد ندى مامشت انا عارفه دماغك ياندى اكيد بتفكرى تعرفى زين بس مش هتلحقى ياحلوة وطلعت تليفونها وضغطت على بعض الارقام حتى جأها الرد

الو نفذ

تمام

أميرة جمال

تروحيلها بكرة يانجاة

ياجابر سيب البت فى حالها بقا مش كفايه اخدتوا ميراثها كله

انتى هترغى ياوليه اللى قولته يتنفذ من غير كلام كتير

وايه عرفك ان جوزها هيوافق

لازم يوافق مش هى مراته تتدلع عليه بقا المهم تتصرف

اوعوا تكونوا ناويين على شر

لا يااختى ده شغل عادى

ماشي هتصل بيها

قولتلك تروحيلها انتى مابتفهميش

حاضر

ابتسم جابر بشر