رواية 30 يوم جواز الفصل الثالث
مرام : انت بتلبس كده يوم اجازتك ورايح على فين . ؟
احمد : ورايا مشوار مهم
مرام : مشوار ايه ده ؟
احمد : هو تحقيق ولا ايه ؟ مش اتفقنا اننا نعدى اليومين دول ف راحه كده وسكينه بعيدا عن جو بتعمل ايه ورايح فين والكلام بتاع المتجوزين ده ؟
مرام : ماختلفناش ياعم بس بردو رايح فين ..
احمد : رايح اقابل عشق
مرام : عشق ؟ ااااه قولتلى .. طيب تمام ربنا معاك بس ابقي احترمنى شويه المفروض انك جوزى
احمد : اديكى قولتى .. المفروض . ادينا بنمشي اليومين يا مرمر بقي
مرام : مرمر ؟ انت هتصاحبنى ؟ ايه مرمر دى . وبعدين ماشي ياخويا روح براحتك
احمد : ناولينى البرفان ده
مرام : وانت اتكسحت .. ناوله لنفسك ..
( بعد عشر دقايق احمد بيسمع صوت مرام وهى بتزعق وبتصرخ )
احمد : ايه فيه ايه ؟ فيه ايه مالك ؟
مرام : إلحقنى يا احمد بطنى بتتقطع
احمد : فيه ايه بس مالك مانتى كنتى كويسه ؟ اخدك اكشف عليك ؟
مرام : مش قادره ( بتصرخ ) مش قادره همووووت هاتلى الدكتور بسرعه ..
احمد : طيب ( بلهوجه ) نمرة الدكتور ايمن فين مش لاقيها . هو ده وقته ؟ فين
مرام : اتصرف انا بموووووت ...
احمد : خلاص خلاص لقيته . استنى ... الو .. دكتور ايمن تعالالي ع البيت . المدام تعبانه شويه وماسكه بطنها . بسرعه من فضلك
...
احمد : اهدى يا حبيبتى اهدى .. اهدى الدكتور زمانه على وصول
مرام : اااااااه . مش قادره .. إلحقنى بقولك
احمد : خلاص هانت .. اعملك حاجه تشربيها طيب ..
مرام : نعناع .. اعملى نعناع
احمد : هو فين ؟
مرام : ف المطبخ ... ع الرف اللى جنب الشاى
احمد : طيب امسكى نفسك .. انا جاي حالا
....
( بيدخل المطبخ بيفضل يدور على النعناع ... بيلاقى ملوخيه بيمسكها وبيجرى علي مرام يشوفها هى ولا لا .. لانه عمره ما دخل المطبخ ..)
احمد : بقولك ايه ... هى دى ؟
مرام : انت عاوز تشربنى ملوخيه ؟ عاوز تموتنى .. اتصل ع الدكتور خليه مايجيش .. بطنى بدات تتحسن شويه .. بس خليك جنبي يا احمد انا حاسه انى مش كويسه
احمد : طب وليه يابنتى ماتخليه ييجى يشوفك
مرام : لا مش مهم . الدور ده جالى كتير قبل كده ... اعملى بس كوبايه نعناع مغليه وانا هبقي تمام
احمد : طيب فين ام النعناع ده ....
مرام : دووور عليه . انت ايه مابتعرفش تعمل حاجه
احمد : اوووووووف
.......
احمد : هو ده ؟
مرام : اه هو ...
احمد : اعمله ازاى بقي ؟
مرام : اغليه ف الميه غلوتين وصفيه بعد ما يغلى وهاته ... خليك جنبي يا احمد ماتسيبنيش الليلادى
احمد : خلاص هخلينى مش هقدر انزل اصلا وانتى ف الحاله دى .. ( بيحط ايده على جبينها بيشوف حرارتها )
احمد : انتى حرارتك كويسه اهو ..
مرام : لا الحراره عندى بتبقي داخليه .. قوم شوف النعناع زمانه خلص
احمد : طيب ...
.........
احمد : خدى اشربي ...
مرام : متشكره ... هتخليك معايا ؟
احمد : ياستى ايوه هخلينى معاك . انتى بتذلينى ؟ ماخلاص
مرام : طيب ... حلو النعناع على فكره .. معملتلكش كوبايه ليه ؟
احمد : مابحبوش
مرام : ايه عمرك ما شربت شاى بنعناع ؟
احمد : لا .. بشربه بقرنفل
مرام : قرنفل ؟ مجربتوش .. حلو يعنى ؟
احمد : اه حلو .. واحد صاحبى عودنى عليه .. هبقي اعملهولك
مرام : ماشي .. مش هتغير هدومك ؟
احمد : هقوم دلوقتى لما تمسكى نفسك شويه ...
مرام : انا حاسه انى بردانه .. بردانه اوى .. جسمى بيتنفض
احمد : ماقولتلك اجيب الدكتور
مرام : لا النعناع دلوقتى هيخلينى انام ... غطينى
احمد : اهو .. حلو اللحاف كده ؟
مرام : احكيلى حدوته خلينى انام
احمد : حدوته ايه دلوقتى يابنتى .. خليكى ف اللى انتى فيه
مرام : لا الحدوته هتخلينى اعرف انام .. بردانه بقولك ومش حاسه برجلى
احمد : طيب .. كان ياما كان ياساده يا كرام
مرام : بقولك
احمد : هاااا خلينى اكمل
مرام : انت مش نازل مش كده . ؟
....
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!