عالي شموخي الفصل السابع 7 - بقلم Haboooshy

يمسكها بكتفيها ليهزها .."انتِ متى تتأدبين !!
تحاول جومانه الفكاك منه ..تعرف انها لم تغضبه ولكنه يريد تفجير غضبه بها ..دائما دائما انت الضحيه ي جومانه ..
جومانه بألم "فهد ..فكني ماقلت شيء انا ..
فهد بغضب "ماقلتِ,,انتي تعصبيني تحاولين تفجرين غضبي وتطلعيني شرير معك...
جومانه بصراخ "انت جبان ..جبان ..أخوي اللي عدوك و ترجع علي انا ...ياجبان ..
فهد هنا جن جنونه وجاك يامهنا ماتمنى ..بعيون مذهوله "أنا جبان؟؟...أنا ياأخت عساف .؟
جومانه هنا ..دب الرعب في قلبها وعلمت انها ميته لامحاله لم تنطق وهي ترا المكر والحقد في عينيه..
اقترب فهد منها وامسك بشالها ليرفعه عن جهها ..هي تحاول الفكاك والهرب ومنعه لكن هو الاقوى وبغضبه لاتستطيع اي قوه ايقافه ...
يرفع فهد شالها ويرميه بعيداا ليظهر امامه وجه فاتنته هي دائما ستظل فاتنته حتى وان كانت عدوته واخت عدوه ...وجهها الدائري الصغير وعيونها الغارقه بالدموع والذهول وشفتيها الممتلئه والمرتجفه اصبح ينقل نظراته بكل منحنيات وتضاريس هذا الوجه الصغير الفاتن ..يالهي كيف يكرهها ويعشقها ...لكن الغضب هو مايسيطر عليه الآن ..اقترب ليثبت يديها بيديه على الحائط ..ويضغطها بجسده ..ويقرب رأسه من رأسها لتعلو انفاسه ..أما هي فالدموع لاتتوقف والانين يرتفع تلقائيا وبغير شعور اغمضت عينيها ..تعتقد انها في كابوس مرعب ..فبطلها وحبيبها فهد لايمكن ان يكون بهذه الصوره المقيته ..تكاد تقسم انه كابوس وليس حقيقه..(لا ..لا فهد مو كذا ..لايمكن الانسان اللي احبه والكل يحبه ...صح صح كابوس..الحين باصحى الحين باصحى ..)
اصبحت ترتجف وهي تشعر بانفاسه الحاره على وجهها وجبهته استقرت على جبهتها ..
بينما فهد لايشعر بنفسه ..غاية مناه واقصى احلامه تحققت ..هو بقربها ..هو يريدها ..يعشق هذه الانسانه منذ الصغر..يعشقها وكان مقر بداخله انها له ...رائحتها الشهيه تتغلغل داخل صدره ..ماألذها !!..
فهد بزفره"جوجو..
لم ترد عليه سوى بشهقات ...
فهد ابعد رأسه عنها ليتطلع بوجهها مجدداا"ليه تستفزيني ...ماابي اأذيك..جوجو...بس انتي مثل اخوكـ تطلعين اسوأ مافيني

جومانه ملتزمه الصمت ...
فهد يترك يديها ..ويذهب ليعود بشالها ويلبسها اياه بهدوؤ...تمسك اطراف شالها وهي مغمضه عينيها ..
فهد بهمّ"جومانه ..ردي علي انتي بخير؟؟
.....
"خلاص انا اسف لاتتضايقين ..أعوذ بالله من ابليس ..خلاص ادخلي داخل ..وغسلي وجهك ..
مد يديه ليمسح دموعها لكنها سبقته لتبتعد عنه سريعا وتركض الى داخل المنزل ..ليجلس هو ويفكر بتهوره منذ قليل ...ماهذا الجنون يافهد؟؟....

بالداخل ..جومانه تدخل اقرب غرفه لتبكي وتندب حظها ..كل مايفعله عساف يقع على رأسها ففهد ينتقم من اخيها بها هي..يكرهها تعرف ذلك ..وهي ايضا تكرهه ففهد الذي تحبه مات ..مات منذ زمن في مجلس ابيها ..منذ قال انه لايريدها ...استمرت بالبكاء ...

ريحان تنهض من احضان والدتها لتنظر إليهم بصمت ..تنظر إلى والدتها وام عساف ..لتقول .."يمه ..قررت ..أبي ولدي وولدي يبي ابوه ..بارجع لعساف خلاص..
تفرح أم عساف لهذا الخبر فتطلق زغاريط الفرح يدخل فهد بقوه وبتساؤل"شالسالفه؟؟
لاترد ريحان ولا والدته ...
بينما أم عساف بسعاده "ريحان بترجع لعساف ...الحمد لله الحمد لله..
فهد بعصبيه"من قال؟؟؟
"ردوا علي من قال ريحان بترجع له ؟؟
ريحان ورأسها منحني"أنا ..
فهد "انتي؟...وش اللي مغير رأيك ..عشان الحقير اخذ ولدك ..بترجعين له ..
ريحان ببكاء"ايه ايه ابي ولدي مااقدر اعيش بدونه ...وابوه صخر قاسي والله يحرمني منه يافهد ..باموت باموت ..ياخوي

يسرع فهد يحتضنها "بعد الشر ياقلبي...انتي هدي وانا باجيبه ..هالجبان ..
ريحان بصوت مكتوم بصدر اخيها"الله يخليك يافهد خلاص كفايه مشاكل..بارجع برضاي ارجوك ..
فهد بوجع بقلبه .."خلاص اللي تبينه ..بس والله هالمره ان غلط عليك إني لا اذبحه واللي فيها فييها ..(آآآآه ...يااختي ..بعد كل اللي صار ..بترجعين له ..مو لاوي ذراعك الا ولدك عارف)

اليوم الآخر يدخل عساف منزل والديه حاملا ابنه النائم ...ليجد امه ضاحكه مستبشره ووالده بجانبها ..ماان سلم عليهم حتى بادرته والدته "هلا ياقلبي ...ابشششر..ابشررر ..
عساف باستفهام وضحكة لسعادة والدته الظاهره على محياها .."بشارة خير يالغاليه ايش عندك؟
والدته "ابشرك برجعة ام طلال ..
ترددت الجمله كثيرا بأذنه وعقله لايستطيع التصديق فهو كآن في طريقه ليعيد طلال لأمه فطوال الأمس وهو يردد "ابي ماما ..ابي ماما .. لكن هذا الخبر سبب له الذهول والفرح وكل شعور لايستطيع وصفه..استفاق على ضحكة والده ..
ابو عساف"هههههههه ..عساف يابوك ..رد على امك تكلمك...الولد سرّح شكل بنت عمه ماخذه عقله مره ..
عساف يرد بغموض مخلوط بابتسامه لم يستطع اخفاءها "سم يبه ..انشهد أم طلال ماخذه العقل والقلب..
ابو عساف بسعاده "كفو كفو ياولدي ابي هالمره تحطها بعيونك ..ولاتقصر عليها ..شفت المره الاولى كيف زعلتها قويه ..هذاني احذرك..اول من يوقف معها انا ..
أم عساف"يوه يابو عساف الله لايجيب الزعل ..
عساف "بنت عمي بعيوني يبه ..يالله باقوم اجيبها ..
الاب"خير خير وش تجيبها ؟؟.....خلها بوقت نجيب فيه جاها ونرجعها كأنها عروس من أول وجديد..
عساف يجلس بتأفف"ياليل مااطولك ..يبه مافيني صبر ..
تفتح عينيها والدته "عساف مااصدق ياوليدي ..ماهوب انت الاول ؟؟...اركد اللي يسمعك مايقول متزوج ثنتين !!
عساف انتبه على تسرعه وسلوكه لايعرف كيف تصرف بهذا الشكل ..ياالهي ماذا فعلت به تلك الساحره !!يجب ان يضبط اعصابه ومشاعره أمامها والا فانها ستستغل ذلك ضده ...
نهض ليوصل ابنه النائم الى غرفته بالاعلى ..ماان وضع هاتفه بالكهرباء حتى اعلن عن وصول الكثير من الرسائل والمكالمات الفائته ..فهاتفه من الامس مغلق ..
فتح الهاتف ليجد مكالمات من اخته وابن عمه فهد ورسائل منهما ..تهديد من ابن عمه ..هههههه هذا الفهد مع انه يكرهني ويقف في طريقي الى انني احترمه لحبه لريحان ,..ومن لايحبها تلك الثائره الفاتنه ..على نهاية افكاره كان يرن هاتفه برقم غريب ..غير مسجل ولكن احساسه لم يسمح له إلا بالرد وبسرعه ...ليصله صوت مبحوح يعزف على اوتار اذنه ويطرب قلبه ..
ريحان "عساف؟؟