تحميل رواية «عآمـلوني گ فصـليه بقلمي ايمان محمد وٌ رين الزين» PDF

____________________________________

فتحت اول صفحة بالدفتر ومسكت قلمي حتي اكتب مذكراتي .. بس احتاريت منين ابدي

راح ابدي من اول ذكري بدأ وياها عذابي لما جان عمري 7 سنوات

جنت اني وماما كاعدين بحديقة بيتنا نسقي ورودنا اللي زرعناهم اني وياها

فجأة انفتح باب البيت الخارجي ودخل ابوي بسرعة وكال لماما يلا جهزي غراضج انتي وهمس راح نسافر للعمارة بسرعة ابوي تعبان وطالب يشوفني

ماما طفرت من مكانها لما شافت خوف بابا وقلقه وضلت تهدي بيه وصاحتلي يلا هموسة بسرعة ماما حتى نروح

انا استغربت اول مرة نروح لبيت جدو دائما اسمع بابا يكول لماما اريد اشوف ابوي بس خايف من رد فعله اخاف يطردني

ماما كالت يلا بسرعة همس ركضت بسرعة وغيرت ملابسي وماما خلتلي بجنطة ملابس الي والها ولبابا

قفلنا الباب زين وركبنا مع بابا بالسيارة بس طول الطريق بابا خايف ويدعي كون جدو مابي شي

الطريق جان طويل كلش وتعبنا على ماوصلنا

وصلنا يم بيت كلش جبير مثل القصر

وجان اكو زلم هواي واكفين برا البيت منتظرين كانو يعرفون نحنا راح نجي

نزلنا من السيارة هما حضنو ابوي وسلمو على ماما

وبابا بسرعة كاللهم وين ابوي

كالو الشيخ غزوان بالمستشفي

ابويه انصدم وبسرعة تركني انا وكال لرجال عرفت بعدين أنه ابن عمه لابوي

كاله فوت همس يم عماتها جوا ما اكدر اخذها ويانه للمستشفى

الرجال كاله لاتخاف روح انته واحنا راح نجي وراك نحنا جينا من المشفي حتي نستقبلك

مارضينا نكولك هو بالمشفي حتي لاتخاف وانت بالطريق

كالو لبابا علي اسم المستشفي وراح هو وامي وتركوني الزلمه دخلني لنسوان جوا

وكاللهم هاي بنت عمران خلوها هنا لان ابوها وامها راحو للمستشفي يم الشيخ غزوان

اني جنت خايفة كلش وضليت ابجي اجتي وحده شكلها طيوبه حيل حضنتني وكالت تعاي بنت الغالي تعاي عمة لاتخافين

هاي اني عمتج هناء أخته لبابا لاتخافين حبيبة

اجوي اثنين نسوان سلمو عليه وحضنوني وعرفت هما عماتي خوات بابا وحده اسمها نورية والثانية صابرين

وجان اكو هواي نسوان بالبيت وعمتي كالتلي أنو هنا يصيرن نسوان عمامي وعمات بابا وبنات عمه وكرايبنه

اني جنت خايفة هواي وضليت ابجي بحضن عمتي .ودخلتني لغرفة وضلت يمي حتى غفيت

كعدت بعدها علي صوت لطم وصراخ خفت

وفكرت انه جدو يكون صارله شي

بس سمعت صوت عمتي هناء تصرخ باسم بابا

طلعت أركض علي صوت الصراخ ولكيت تابوتين جار

صرخت من خوفي من شكل النسوان وصراخهم سمعتني عمتي هناء واجت حضنتني وكالتلي بعدج صغيرونة عافوج وراحو ياعمه

اني جنت بحضنها بس عيني عالتابوتين

ومنو هما اللي عافوني ....... خوفي بوكتها مايعادله اي خوف ثاني جنت حاسة حالي غريبة بوسط ناس مااعرفهم

اجا زلمه يبجي كال لعمتي جيبيها خلي تودع ابوها وامها قبل لا نروح ندفنهم

حولت نظري ابوي وامي انااا

انصدمت من كلمة عمي ماما وبابا شلون يعني اودعهم .. سالت عمتي ليش اودعهم هما راحو للمشفي يشوفو جدو ويرجعو بابا كاللي هيج وشنو هذني التوابيت عمتي حضنتني وضلت تبجي وكالتلي راحو ياعمة بعد مايرجعون كتلها وين راحو

.كالتلي ماتو يايمه ماتوووو وضلت تبجي وتصرخ جمدت شلوون يعني ماتو هما كالو حيرجعون مايعوفوني وحدي عمي قربني على تابوت منهم كالي هذا ابوج ودعيه ياعمي .وضل يبجي جان اكو هواي نسوان واكفين يم التابوت ويبجون .عمي بعدهم قربت من التابوت ولمسته وقلت بابا انته هنا انته مامتت مثل ميكولون صح هما ديجذبون عليه وبجيت وضليت اصيح واكول تعال بابا من هنا حتى نرجع عالبيت

.عمي حضني وبعدني عن التابوت وقربني من التابوت الثاني بس طان عكس تابوت بابا ماجان اي حدا عنده كأنو اللي بداخله شيء مايخصهم قربت حطيت راسي عالتابوت وضليت ابجي واعتب على ماما ليش هي عافتني وحدي واكوللها ليش عفتوني انتو تدرون مالي حدا غيركم ضليت حاضنة جار ماما وأبجي واصرخ لحد ما عمي سحبني من عليه وعمتي مسكتني ودخلو زلم شالو تابوت ماما وبابا

وانا ضليت اصرخ وتركت عمتي وركضت وراهم بسرعة واصيح علي ماما وبابا . لاتتركونيييييييي خذوني معكككككم بابااااا ماماااا اللله يخليكم لا تتركونيييي لحكتني عمتي ومسكتني وضلت تهدي بيه وهي تبجي .. فوتتني جوا يم النسوان وكعدتني بسدها وضلت تمسد علي شعري وهي تبجي واني اكلها عمة الله يخليج اريد اروح على بابا وماما الله يخليج وديني لعدهم والله اني خاايفة من دونهم الله يخليج عمتو

..وهي تبجي وتكلي تيتمتي صغيرونة حبيبتي الله بيرد كلبج وكلوبنه وياج بس لاحظت كل نوحهم وبجيهم باسم بابا ولا حدا بجي ولا جاب اسم ماما مااعرف ليش احسهم يكرهون امي استمرت الفاتحة ثلاث ايام وانا طول هاي الايام ابجي واصرخ واسال علي ماما وبابا جنت صغيرة وجان عندي امل أنهم يرجعون بس للاسف اللي يروح بعد ميرجع ...

سمعت النسوان وهنه يحجن ويكولن أنو ماما وبابا من راحو لعند جدو عالمستشفى تايشوفونه وأنو بابا اخذ امي وياه حتى تسلم على جدو وتطلب رضاه لأنو عمره ماشاف ماما .وبعد ماطلعو من المستشفي وهما راجعين سوو حادث وأنه سيارتهم دخلت بشاحنة نقل جبيرة واتوفو قبل لايوصلو للمشفي ..

جنت اسمع كلامهم واكول ديحجون عن حدا ثاني مو عنهم . باليوم الرابع من وفاتهم عرفت أنه جدو توفي هو كمان وانعاد نفس المشهد صياح ولطم انا شفتهم يلطمون ويصرخون ضليت اصرخ من خوفي واصيح على ابوي وامي اجتي عمتي وصاحت على عمو اللي شفته يوم موت اهلي وعرفت هو أخو بابا واسمه سلمان هناء .خويه البنية راح تتخبل والله لو ضلت هنا وسط هاللطم والصراخ صيح واحد من الولد ياخذوها لعندي بالبيت تبقى يم بناتي ومع اهل زوجي لحتي تخلص الفاتحة اخذوني لبيت عمتي وضليت مع بناتها واهل زوجها وكانو حنونين عليه وجنت أنا اضل ابجي واسال على اهلي وهما يصبروني ويكولون هما راحو للجنة مكان احسن من هنا جثير واذا ضليت ابجي راح يزعلون مني

. وبناتها كلش حبابات ويحاولون يضحكوني ويخلوني انسي شوي جانو كبار عني جان عدها ثلاث بنات الكبيرة سمر جان بوقتها عمرها 17 سنة والثانية رغد جان عمرها 14 والصغيرة شهد 11 سنة ضلت عمتي حوالي أسبوع ورجعت لبيتها وانا بقيت معاهم فترة وشوي شوي بدأت اتعود عالعيشة وياهم بس مانسيت اهلي ابد ومر حوالي أسبوعين بعد ماعمتي اجت من بيت جدو وبيوم لكينا عمي سلمان جاي ومعاه عمو عباس أخو بابا كمان اجت عمتي كانت تبكي وكالتلي عمامج يريدوج

استغربت ليش عمتي تبجي طلعت لعمامي وكف عمو سلمان حضني وكالي هلا تعاي بنت الغالي تعاي بويه سلمت عليه وسلمت علي عمو عباس وكان معه واحد اول مرة اشوفه ماسلمت عليه ضحك وكالي هااا ليش ماسلمتي عليه بنت عمي ..عمو سلمان كالي كومي بنيتي سلمي علي ابن عمج بوية هاد ابني صكر سلمت عليه ورحت كعدت جا عمي ..

شوي وكالي يلا بابا حتي ترجعين ويانه انا خفت كلش وكلت عمو بس اني مرتاحة هنا كاللي لا ميصير عمو نحنا قلنا نتركج عند عمتج فترة حتي ترتاح نفسيتج بس خلص كافي ميصير تضلين هنا يالا حتي ترجعين ويانه اني ضليت ابجي واكولله والله عمو انا مرتاحة هنا ماريد ارجع وعمو يحايلني وانا مصره ماروح معهم فجأة زمخ بيه اللي اسمه صكر وكال ديلااااا كافي دلع ترجعين ويانه يعني ترجعين ماتبقين هنانه يلا بسرعة تانرووووح جانت نظرة عينه كافية تخليني ماانطق حرف واحد حتي .........

يتبع....

صحيح اول بارت قصير بس هذي البداية وان شاء الله

البارتات الجاية راح تكون اطول ومشوقة اكثر

لا تنسوا المتابعة والتصويت 🥰

بقلمي

__RynAlzeen089

__Eman Mohamed

      رحت لعند عمتي جوا ابجي واكلها ماريد اروح عمة الله يخليج وهي تبجي وتكولي يلا يمه هذا عمك ويحبج والله بس جنت خايفه كلش جهزتلي عمتي ملابس وخلتهم بجنطه وشالتها ومشت واني وراها طلعنا لعند عمي وهما كالو يلا

طلعنا لعند السيارة وركبت اني ورا وعمي سلمان يمي وصكر ديسوق ويمهه عمي عباس

طول الطريق واني ابجي وعمي حاضني ويهدي بيه

سلمان ..لاتخافين بويه والله ترتاحين عدنه مثل عمتج واكثر هذا بيت عمج بس عمتج رجلها غريب مايصير تضلين عندهم وصلنا للبيت اللي جيت عليه اول مرة لما عافوني اهلي هنا

نزلت من السيارة وعمو سلمان ماسك ايدي وبالايد الثانية شايل جنطتي الصغيرة اللي بيها ملابسي

دخلنا للبيت لكينه وحدة كاعدة عالكرسي اللي بالصالة اول مافتنه هي تولت عمو بصياح

سعدية ..سويت اللي براسك يسلمان وجبت بنت جيلان لعندي اني ماريدها ببيتي رجعها لعمتها أو خليها ببيت عمها عباس

سلمان ... هااااي أمانة اخوي والله ولا أفرط ييها وماتربى وتعيش الا ببيتي انااااا سمعتي

سعدية ...وانا مالي راي ببيتي اكلك ماريدها

سلمان ..ليش تكرهيها هااي طفلة ماسوتلج شي ولا اذتج بشي

سعدية ..ونسيت شلون ابوها رفض يتزوج احلام اختي علمود امها عاف اختي علمود جيلان

وضلت اختي متعذبة فترة جبيرة بسبب رفضه الها والناس تحجي وتكول ليش رفضهااااااا

سلمان .. واخوي يعني ماتعذب وتعاقب وابوي طرده من ديرته ومن وسط أهله لما رفض اختج وأصر علي زميلته اللي يهواها ... ماتعذب وهو عايش ببلد غريب لحاله هو ومرته .

والمرة الوحيدة اللي شاف ابوي بيها وطلب رضاه وهو بالمستشفي .وحتي مالحك يعيش وسطنا يوم واحد مات هو ومرته قبل مانشبع منه وضل عمي يبجي وانا ساكتة وخانسة ورا عمي خايفة اطلع من ورا

سلمان ..هي جلمة ماللها ثاني همس بنت اخوي بتضل هنا ببيتي ولو ماعاجبج وجودها اطلعي انتي لبيت اهلج

سعدية ...هيج صارت سلمان تطردني من بيتي علمود بنت اخوك علمود بنت جيلان بواكة الزلم

حجه اللي اسمه صكر اللي دخل ورانا بشوية بعد ما صل عمو عباس

صكر ..استهدي بالله يمة هااي يتيمة وصيت عمي عمران لبويه..قبل مايموت وصلنا انا وابوي لمكان الحادث وهو وصي ابوي وكاله همس أمانة عندك

عافتنه مرت عمي ودخلت جوا وانا لسة ماسكة بدشداشة عمي وأبجي خايفة

سلمان ..لاتخافين بويه والله محد يدوسلج علي طرف وانتي عندي هنا ..هذا بيتج بويه وصاح علي وحده اسمها رهف

نزلت اللي اسمها رهف جانت أكبر مني بشوي

سلمان .. تعالي يابه هاي بنت عمج همس اريدج تدارنيها وتبقى وياج بالغرفة هاي اخيتج الصغيرة ماشي بابا

رهف ..ايه بابا تعالي هموسة

سلمان ..روحي معاها بويه هاي اخيتج لاتخافين

طلعت مع اللي اسمها رهف صعدنا لثاني طابق وفتنه علي غرفه ورهف كالت هاي غرفتي راح تضلين معاي هنا ومسكت ايدي وفوتتني معاها وكعدنه انا وهي بالغرفة

رهف ..اي هموسة انتي شكد عمرج وبيا صف 

همس ..اني عمري 9 سنين وبالصف الرابع 

رهف ...واني عمري 13 سنة وبالصف الثاني متوسط

اخذت ملابسي وفضتلي جنب من كنتورها ورتبت بيه ملابسي ماجانت ملابس هواي جان جزء بسيط من ملابسي اللي جابتهم اليه ماما علي أساس نبقى اسبوع

رهف ... راح اكول لبابا ينطي عمتي فلوس تنزل للسوك تجيبلج ملابس

هي ضلت تحجي واني ساكتة مستغربة المكان والناس .وبنفس الوكت خايفة من مرت عمي اللي كابلتنا برا

رهف .يلا ننزل هموسة تحت حتي نتغدا وياهم

كتلهه لاا اني ماريد انزل مو جوعانة

ضلت تحاول حتى تنزلني معاها واني جان جوابي الرفض

نزلت هي تاكل وكالت هسه اجيبلج غداج لهين

بعد شوي سمعت صوت عالي تقربت من باب الغرفة لكيت مرة عمي تقول والله مايطلعلها الغدا فوك ليش بالله الخاتون ماتنزل تغدا ويانه هين شوف انته من اول يوم جبتها وتريد بنتك تخدمها

وعمي يصيح عليها وهي تكول اني رضيت وسكتت أنه هي تضل هنا ..بس ماتعيش علينه ملكة تلتزم بقوانين البيت وتنزل تاكل هنا الاكل مايصعدلها لفوك

بعد شوي صعدلي عمي سلمان حتي انزل اتغدي معاهم تحت

سلمان .. تعاي بويه ليش خايفة تنزلين خو ما تضلين هنا بالغرفة طول الوكت تعالي تغدي معانا وابقي وياهم حتى تعودين عليهم وهما يعودوم عليج

رديت بس اني مو جوعانة عمو .وو خايفة من من ..

سلمان ...لاتخافين بويه هي عمتج سعدية هيج تصيح طول اليوم بس هي كلبها طيب وانتي راح تعيشين معانه هنا وتشوفين شلون هي حنينة

ضل يكلمني ويحاول يطمني لحدما نزلت معاه جانو ديحطون الاكل عالسفره عمي خلاني اكعد يمه وهو جان ياكلني بايده ومرت عمي كل شوية تقلب عيونها ماعاجبها

البيت ماجان بي هواي ناس هو عمو ومرته وصكر ورهف

خلصنا الاكل وشالو الصحون عالمطبخ جان اكو مرة بالمطبخ تساعد عمتي بالبيت وجان اسمها

ام احمد جانت جوارينهم وزوجها متوفي وهي تجي تشتغل عند عمتي وتساعدها حتي تربي ولدها تركو الاماعين بالمطبخ تغسلهم ام احمد وسوت عمتي الجاي وصبته الهم حجت رهف

رهف .. تعالي نطلع علحديقة هموسة بيها مرجوحة نلعب شوي

سلمان ...روحي بويه مع اخيتج

طلعت مع رهف عالحديقة وكعدنه عالمرجوحه وسالتها

همس. وين كل النسوان الي جانو هنا اول مره اجيت لهين وعافوني ماما وبابا

رهف. راحن لبيوتهن خيه هذني يكونن عماتنه وبنات عم ابوي وعماته جانو جايين لان جدو جان مريض ورجعو لبيوتهم

همس. وانتي ماعندج خوات

رهف. اي عندي اختين مزوجات اكبر وحدة اسمها سناء عمرها 30 سنه مزوجه وعايشة بمحافضة ثانيه

وعدها ولدين وبنت واختي الثانية هناء هاي على اسم عمتو هناء عمرها 22 سنه متزوجه كمان وهاي اصغر من صكر ب3 سنوات

وعدها بنت وحدة وهيه حامل هسه

همس. اني ماعندي اخوة مثلج

رهف. ليش واني مو اختج وجت حضنتني حسيتها مثل عمي

نفس الطيبه ونفس الحنية مو مثل عمتي واخوها صگر

صح اني ماشفته الا مره وحدة بس ماعرف ليش اخاف من نظرة عيونه ومنه بشكل عام لانه ضخم كلش وشكله يخووف

بقينا كاعدين برا ورا شوية فتنه عالبيت لكينه عمي وصگر طالعين ومرت عمي كاعدة عالقنفة

رفعت عينهه عليه وباوعتلي وهزت ايدها ماعاجبهه

انو رهف زينه معاي

مر على وجودي ببيت عمي اربع سنين

خلال هاي الفتره مرت عمي معاملتها تحسنت وياي اوقات احسها تحبني واوقات لا

بهاي الفتره صگر خطب بنت خالته اسمها اخلاص وحددو موعد المشية والعقد

عمي انطى عمتي فلوس وكاللها اخذي البنات عالسوگ يشترون ملابس للعقد

فرحنا اني ورهف كلش ورحنا ركض نجهز حالنا حتى نروح للسوك معاها

اجت مرت عمي علينه كالت لرهف

يلا فضينه حتى نروح عالسوك ونرجع من وكت

كالتلها رهف اني خلصت باقي بس هموسه لسه تلبس

سعدية. همس مراح تروح ويانه عالسوك لانها ماراح تروح عالعقد

عيوني غوركت وانصدمت بسبب رفض عمتي اني اروح وياهم ورهف تكولها بس ابوي كال تروح ويانه

وهي رزلتها وكالتلها يلاااااا فضيها كلت متروح وخلص

همس. روحي رهوفة خلي اني ماريد اروح وراي دراسة

تركتها وركضت علحمام وضليت ابجي على حظي

وعالدنيا كل ما اكول مرت عمي الله هداها وصارت تحبني مثل رهف ترجع تسوي معاي اي شي احس انو هي تكرهني ورهف تدك عالباب تكولي لاتزعلين

والله راح اكول لابوي تروحين معانه ع العقد

والله لو مارحتي اني ماروح واضل كاعدة وياج هنا

اطلعي لا تبقين بالحمام واني راح اختارلج فستاح حلوو بدون ما امي تدري وراح تروحين ويانه والله

ضلت تلح حتى اطلع لحتى صاحتلها عمتي تكوول يلا تاخرنا ومشت

اني ورا شوي لما عيوني حركتني من البجي

غسلت وجهي ورحت على غرفتي اني وهف وطالعت كتبي وضليت ادرس حوالي ساعتين لحتى غفيت

مااعرف شكد ضليت نايمه كعدت على ايد رهوفه تهزني وتكلي ليش نايمه ع المكتب كمت فركت عيوني وكلت يمته جيتي

رهف. هسه اجينا وجبلتج فستان كلش حلووو

همس. ماله داعي الفستان اني مراح اروك وياكم

رهف. ديلاا كال متروح ويانه والله لو امي ماخلتج تروحين معانه اني هم ما اروح وخليها تروح لخلوص لحالها وضلت تضحك

طلعت الفساتين جانت جايبه الي فستان لونه اخضر زمردي من لون عيوني وهي نفس الموديل بس وردي

اني عيوني لونهم غريب اخضر بزمردي كل الي يشوفهن يصلي على محمد

لبست الفستان حتى اقيسه وطلع عليه فييت جان قصير ونفش واني بيضة حييل دبدوبه شويه

رهف ضلت تصوفرر لما شافتني

رهف. واااااااااو والله طلعتي مو هينه عيني هموسه كمان لما احطلج لمساتي واسويلج شعرج تطلعين غييير

همس. لمسات شنو هاي

رهف. ههههه مالج صالح

رمينا الفساتين ونزلنا تحت اني وياها حتى ما ترزلنه مرت عمي جهزنا الغدا مع ام احمد جانت مسويه دولمه واني ورهف سوينه الزلاطه وجهزنا اللبن

صاحت علينه مرت عمي حتى نصب لانه عمو وصگر اجوي صبينه ونقلنا الصحون عالسفرة وكعدنا ناكل

ورهف غمزتني

رهف. بابا همس بتروح ويانه عالعقد موو

سلمان. اي اكيد تروح يابه

سعديه. رهففففف اني مو كلت متروح ولا لازم تسوون افلام انتي وياها حقيرررة

رهف انصدمت شلون صيحت عليها ورزلتها كدام الكل خلت الاكل وراحت على غرفتها وهي تبجي

تركت الاكل ورحت وراها اهديها واراضيها لانها ترزلت بسببي سمعت عمي يرزل بعمتي ويكلها ليش متريدين همس تروح لعقد ولد عمها هااه كوليلي

السبب وعمتي ترادد وتعلي صوتها متريدني اروح وصگر يهدي بيهم

صگر. استهدي بالرحمن يمه ليش متريدينها تروح

سعدية. هيج بكيفي عقد ابني واني حرة اخذ الي اريده

سلمان. والله لو ماراحت همس الا الغي المشية والعقد وكلشي واللي يصير خله يصير

عمتي سكتت وفاتت جوه ورهف بعز بجيها ضحكت وكالت

رهف. ههههههه شوفي سكتت تخاف لا صكر مايتزوج خلوصه وتضل على كلب اهلها هههههههههه

ضحكت اني ماعرف ليش رهف تكره خالتها وبنتها اخلاص الي هيه خطيبه صگر ومره سألتها وكالتلي

هااي خبيثه انتي متعرفيها

ضلينه بالغرفة اني وهي ومانزلنا عالعشه حتى سمعنه صوت الباب يندك ودخل عمي سلمان

سلمان. ها حبيباتي ليش منزلتو تتعشون

رهف. مالنا نفس بابا

سلمان. كل هذا لخاطر همس لتخافين بويه والله تروحين انتي وياها غصبا عن الكل حتى لو اضطريت الغي كل المشيه

رهف ضحكت وحضنت عمو وهي تكله انته احلااا ابن بكل الدنيا وهو يضحك وسحبني لحضنه وباسني براسي وكالي ماعاش الي يزعلج ويبجي عيونج واني اشم الهوا بويه يااااالله كلمه بويه تحسسني هو ابوي مو عمي عمره ما فرق بيني وبين رهف بيوم حتى اوقات احسه يحبني اكثر من ولده مادري ليش الله يخليلنه ياه يارب

تركنه وطلع وكال جهزو حالكم حتى نطلع من وكت لان الطريق طويل نمنا اني وهي والفرحة ماسايعتنه

كعدنه ثاني يوم من وكت حتى نلحك نجهز حالنه واجتي هم هناء اخت صگر هي وبنتها وابنها الصغير

واخته سناء متزوجه ابن خالتهه اخو اخلاص ما اجت

جهزنا حالنه ولبسنا الفساتين رهف تركتلي شعري مفتوح مارضت المه او اسويله اي تسريحه تكول هيج احلا واصرت تحطلي مكياج واني ارفض اخاف عمتي تشوفني وترزلني وهي ضلت تلح حتى استسلمت الها بقت تحطلي مكياج وبعد ماخلصت باوعت لنفسي بلمراية استغربت كانه مو اني هههه شكلي كلش تغير كان المكياج كبرني ورهف تصوفر ودخلت هناء للغرفه شافتني وانصدمت

هناء. اللهم صل على محمد وآل محمد ولج شنو هالجمال ايهه عمي حقج جمال  كردي مو مثلنه وضحكت

اني ماما جانت كرديه واهلها توفوا وهي بالمتوسطه هه الظاهر متشابهين اني وامي بهشي نفقد اهلنا واحنا صغار امي عدها اخت وحدة اصغر منهه وترلت هي وخالتي عند خالهم......اني ماشفت خالتي ابد لانها مسافره لتركيا مع خالها بعد ما ماما تزوجت بابا

ولما ماما توفت اجا خالها هو وخالتي بعد وفاتهم بكم يوم وكلبو الدنيا عليهم شلون ميتصلون بيهم جانو يريدون يودعوها قبل لا تندفن......وانهم عرفو من جيران بابا لما كانو يتصلون على رقم بيتنه ومايرد وهما عدهم رقم الجيران اتصلو عليهم وعرفو انو بابا وماما سوو حادث وتوفو

جنت اني بوقتها ببيت عمتي لما طلبو يشوفوني واهل بابا رفضو خافو ياخذوني معاهم وبعد فتره لما اجيت بيت عمي سلمان هو حجالي الي صار وكالي على خالتي وجدو خال ماما وانهم يردون ياخذوني رياهم وهما خافوو عليه....وكال والله بويه مانعرف اهل امج ولا عدنه ارقامهم حتى نتصل عليهم بس هما من حركه كلبهم ما فكرو بهذا الشي وكالي لو خالتج تحبج بويه وتهميها راح تجي تزورج بس هي مازارتني

طول المدة الي جنب انا بيهه ببيت عمو ليش ماعرف

.............

خلصنا اني ورهف وهناء سبقتنه وكالت اني راح اروح مع صگر وانتن تعالن مع ابوي

ورا شوية عمي سلمان صاحلنه نزلنا والعبي بيدنا نلبسهم عالدرج باستعجال

جنت باول الدرج والعباية بيدي وباخر الدرج صگر جان واكف تصنمت بمكاني وشهكت من الصدمه ولبسي الكصير اني جنت حاسبته سبقنه عالسيارة

هو سمع صوت شهكتي ورفع راسه شافني كأن ماعرفني صفن بوجهي شوي وفتح عيونه على وسعهم.......

يتبع....

لا تنسوا المتابعة والتصويت واعطوني رايكم بالبارت

بقلمي

رين الزين و ايمان محمد

صفن بوجهي شوي كأنه ماعرفني وفتح عيونه علي وسعهم

جان يريد يصعد الدرج واجتي عمتي شافتني واكفة مصدومة نترت بيه

سعدية. روحي البسي عباتج عليش ضالة بملابسج هااااي

لبست عباتي بسرعة وصكر كال امسحي وجهج شنو اللي حاطتهه هاااذ

خفت منه ومن صوته اول مرة يعلي صوته عليه جان عمره مايتدخل بشي يخصني معتبرني مسؤليه عمي

اجا عمي وشافني ضحك وكالي

سلمان. هااا بويه كبرت الصغيرونة يلا خلصتو حتى نمشي

صكر. يابه خلها تغسل وجها بالاول وبنمشي

عمي سلمان كال. كل البنات ملونين وجهن مثلها وضل يضحك

سلمان. اتركها بوية كيف البنات بس روحي اخذي من عمتج بوشية والبسيها وكمان رهف خلها تلبس يلا بويه

صكر سكت لما سمع أني راح البس بوشية

لبسنا بوشية اني ورهف وركبنا مع صكر بلسيارة اني ورهف وهناء جنت اريد اركب بسيارة عمي بس صكر كال روحي انتي ورهف اركبو مع هناء بالسيارة

رهف كالت نريد نروح مع بابا

صكر. هااااه اني شنو كلت روووحي يلاااا

ركبنا معاهم والسيارة جانت مضللة رفعنا اني ورهف البوشيات هناء ركبت كدام يم صكر واني ورهف ليورا

وكل ماارفع راسي تجي عيني بعين صكر الكاه ديباوع عليه بالمرايه

ولما ارفع راسي يبعد عينه كأنه ماجان يباوعلي

وصلنا لبيت خالت رهف ونزلنا البوشيات وصكر كاللنا بوجهجن لجوا

فتنا انا ورهف ورا مرة عمي وورا عماتي وزوجة عمي عباس وبنات عم بابا جانن كلهن جايات

دخلنا لبيتهم جان شكلهم حالتهم تعبانة بس استقبلونا احسن استقبال سلمنا عليهم وجانت الصالة مليانة نسوان الظاهر كرابتهم

رمينا العبي والبوشيات اني ورهف النسوان كامن يباوعلنه صافنين بوجهنا ويتهامسن بينهن سمعت مرة تسلم علي رهف ورهف تكولها خالتي اجت علي تسالني ياااا منو انتي ياحلوة

همس. انا بنت عم صكر

خالة رهف. انتي بنت عمران

رهف. ايه خالة انا بنته

مشت من يمنه وراحت لمرة ثانية تتهامس معاها وتأشر علينا

المرة رفعت عينها علينا وباوعتلي بحقد ودارت وجها

سالت رهف منو هاي

همس. رهف منو هاي اللي تباوعلي بحقد

رهف ضحكت وكالت. منو هاي اللي تباوعلج اشريلي عليها واني اروح امردعها واكتلها الج ههههه

اشرتلها عالمرة

رهف. هاي خالتي اللي جانو يريدون يزوجوها لعمي عمران باوعت عليها وسكتت

جان اكو وحده كاعدة علي كرسي الظاهر العروس بس مااعرف ليش اول ما شفتها مارتحتلها جان شكلها خبيث بس جانت حلوة سمره شوي ملامحها عادية

دخلت اسلم عليها اني ورهف وهي تتأمل بوجهي وسالتني منو انتي

رهف. هاي هموسة بنت عمي عمران

اخلاص. اهااا هااااي اللي ساكنة معاكم بالبيت

رهف. اي هاي هيه

ماعرفت بشنو اوصف نظرتها بوكتها بس والله جانت كلها كره مااعرف ليش كارهتني وكل اللي بالمكان كارهيني

اجتي سناء مادري جانت وين سلمت علينا انا ورهف وضلت تحضن بينه

سناء. هلااا والله بالحلوات كبرانين ياعيني

رهف رفعت شعرها بغرور

رهف. ايه جا شنو على بالج نبقى صغيرات

سناء. لا لا اكيد بتكبرن هههههههه

صاحت عليها عمتي راحت كعدت يمها وكامن يسولفن

و البنات يركصن اجوي سحبونا اني ورهف كمنا ركصنا معاهن شوي

بعدها صاحو كالو هاتو العروس هنا حتي يعقدون

كومن اخلاص وخلنها تكعد علي كرسي يم باب الاستقبال والشيخ سألها على موافقتها علي صكر ووافقت كامت النسوان تهلهل كلها

اجتي سناء كالت البسن العبي راح يدخل صكر يلبسها الذهب كلهن لبسن العبايات ودخل صكر كعد يمها شوي وكام يلبسها الذهب واني جنت واكفه مع رهف نسولف ونضحك فجأة صكر رفع وجهه واجت عينه علينا شافني واكفه باوعلي ورا شوي لما ندسته عمتي يالله انتبه واخلاص جانت تباوعلي بحقد لما شافت نظرة صكر اليه

ليش جان يباوعلي هيجي مع أنه بعمره مارفع عينه عليه وجانت نظرته اليه مثل نظرته لرهف مااعرف ليش من وكت اللي شافني عالدرج واحس نظرته غريبة ماعرفت افسرها شنو هيه

ورا شوي خلص من تلبيسها الذهب والنسوان كامت تكلو حبها ولك حبها ولا تخاف من امها هو باسها براسها وطلع ضلينا شوي وبعدها كالو يلا حتي نروح

طلعنا وركضنه اني ورهف علي سيارة عمي حتى نركب معاه

شافنه صكر صاح على رهف وعلي وأشرلنا على سيارته ورحنا ركبنا بسيارته واحنا الممنونين

طلعت السيارات كلها واني ورهف مسافة ربع ساعة ونمنا من التعب ماعرف المدة اللي نمناها بي كعدت علي صوت صكر وهو يصحينه

نزلنا وصعدنا غرفتنا ومن التعب نمنا بملابسنا

كعدنه ثاني يوم من الصبح ونزلنا نساعد ام احمد بالبيت عمتي ماترضي نبقي من غير شغل

واحنا بهالايام إجازة العام من المدرسة انا صف ثاني متوسط

ورهف بالجامعه

مر حوالي أسبوع علي خطوبة صكر جانو محددين موعد الزواج بعد شهر يعني بعد ثلاث اسابيع

طول الايام اللي بعدها ونحنا مشغولين بالتجهيزات وصكر جاب غرفة جديدة كان لونها ابيض واحمر وتصميمها فرنسي جانت كلش حلوة

وعمتي وهناء كل يوم بالسوك يجهزن اغراض للزواج

عمي سلمان انطه لعمتي فلوس حتي نشتري ملابس انا ورهف

هناء اخذتنا عالسوك انا ورهف نشتري النا ملابس اشتريت اني فستان لونه احمر طويل وضيق شوي من فوك ونازل علي وسع ومنفوش من جوه جاان كلش حلو وعجب رهف وهناء واشتريت حذاء اسود كعب عالي

ورهف جابت فستان لونه ذهبي هم جان طويل وواسع بطبقات جان حلو كلش هواي واشترت حذاء واكسسوارات جنت فرحانة كلش انو حيصير عندنا فرح بالبيت بس اللي كان يضايقني هي نظرات صكر الي مااعرف ليش كل مايشوفني يصفن بوجهي

ودائما يرزلني علي ملابسي انا جنت البس تراكات مااحب الدشداشة ومالبسها الا لما حدا يجي لعدنه بس وطول الوقت لابسة تراك ورهف اوقات تلبس تراك مثلي وأوقات دشداشة

بيوم اللي جانو العمال يركبون غرفته هو نبه علينا مانطلع من الغرفة ضلينا بالغرفة شوي اني ورهف وبعدها عطشت ونزلت اشرب ماي ورهف جانت غافية

شافني صكر سحبني من ايدي وفوتني للغرفة مرة ثانية وكام يصيح عليه و يرزلني

صكر. اني شكلت موكلت ماتطلعن من الغرفة ليش طلعتيييييي وفوكاها لابستلي ترااك

اني جنت حاسة جسمي كله يرجف من الخوف

همس. والله جنت ع عطشانة وونزلت اشرب ماي

صكر بعصبيه. والله لوشفتج طلعتي من الغرفة مرة ثانية مايصيرلج خير سمعتي لو لااااا

همس. اي اي سمعت والله مااطلع بعد خالص

نتر ايدي من ايده وطلع وقفل الباب كمت ابجي من الخوف اللي حسيته

رهف. اووووف والله خفت افتح عيوني حتى

همس شهكت واني ابجي. اياااا حقيرة كنتي جنتي كاعده ومادافعتيلي

رهف ضحكت. والله خفت افتح عيوني واترزل لاني نمت وانتي نزلتي هههههههه

ضليت ابجي وهي تحاول تهديني سمعنه الباب اندك وصوت صكر يكول افتحو هاي الماي كامت رهف فتحت الباب اخذت المي من ايده وهو باوع شافني ابجي زفر نفس وطلع قفل الباب ومشي

من وكتها واني احاول اتجنبه وكل مايكون بالبيت اضل بغرفتي مشت الايام واجا يوم الزواج صكر ماوافق انا ورهف نروح معاهم للزفة ضلينا بالبيت مع عمتي جانو جايبين طباخ هو اللي اتولي مسؤليه الاكل واحنا ارتحنا

راحو جابو العروس واجو جنا مجهزين حالنا ولابسين ورهف أصرت تحطلي مكياج واني كالمعتاد استسلمت خلصتلي المكياج وحاطتلي حمره لون احمر من لون فستاني ورفعتلي شعري ليفوك وتركت خصل نازلة علي جوانب وجهي وهي جانت بارمة شعرها وحاطة مكياج لونه ذهبي

جاب صكر العروس فوتها لعدنه وطلع برا لعند الزلم كعدوها علي كرسي واحنا هوسنا الها شوي وركصنا اني ورهف و بنات عماتي وبنات عمي عباس ركصو معانا

عماتي وبنات عم ابويا جانن يساعدن بنقل الاكل للنسوان اجن خالات العروس وعماتها وهواي نسوان جايين معاهن

حطولهم الاكل والكل كام يأكل إلا انا ورهف

جنا خايفين ملابسنا ومكياجنا يخرب هههه ورا ساعة

خلصو الاكل ولمن الهوسة بعدها بشوي كالو زفوو العروس حتي هم صكر يزفونه

طلعوها على غرفتها فوك اجينا نطلع انا ورهف معهم عمتي صابرين ماخلتنه نطلع

دخلو صكر وزفوه طلع لغرفته والنسوان نزلت وضلو بالصالة كاعدين كانهم منتظرين شيء

انا ورهف مستغربين ليش ماراحن مو خلص الفرح

مر حوالي ساعتين ونزل صكر وعمتي وراه تهلهل وبايدها وصلة بيضة بيها دم...

اني جمدت فتحت عيوني علي وسعهم هاي شنو هذا الدم وليش عمتي دتهلهل بالوصله

عماتي كامن بوسن صكر وباركنله وخالات العروس وعماتها باركوله هم

هو اجت عينه عليه باوعلي واني

جنت بالمعنى الحرفي ارعش وشفتي ترعش من خوفي منه

ورهف ماسكة ايدي عقد حاجبه باستغراب

عمتي صابرين تسالني ليش ترجفين حبيبة

همس. عمة صكر ذبح العروس مو ذبحها بالسجية اللي يذبحون بيها الطليان وكمت ابجي من الخوف

ضحكت عمتي وكل النسوان ماتن من الضحك

وصكر ضحك بعلو صوته وطلع برا وهو يضحك

ماحد رد علينا ولا كاللنه سبب ضحكهم

نزلت عمتي ورا شوي ووياها العروس

مسحت دموعي بفرح وكلت الحمد لله عايشة وما اذبحها

النسوان كلهن باركن الها وطلعو اهلها راحو رحت اباركلها اني ورهف سلمت عليها رهف وحضنتها

اجيت اني اباركلها ردت عليه من طرف خشمها

وانا من ثولي او من طيبة كلبي

كلت الها والله خفت عليج وضليت ابجي فكرت صكر ذبحج هي شهكت بوجهي ونترت بيه

اخلاص. وليش يذبحني عيني سمعتي عني بايعة شرفيييييي هااااا

وعمتي صابرين كامت تهديها

صابرين. طفلة ماتفتهم عمة لاتاخدين على كلامها

كامت علي ومسكتني من شعري بكل قوتها وهزتني

اخلاص. هااااي طفلة والله انا اللي طفلة يمها والله لو سمعتج جايبة طاريي لامردعج واملخج سمعتي لولا كال صكر يذبحني

استغربت هجومها عليه ودمعت عيوني كمت ابجي وعمتي ام صكر تضحك وتكلها عوفيها عمه هاي ثولة ورهف تبعد أيدها عن شعري وتبجي

وعمتي صابرين وعمتي هناء كامن يبعدنها عني ماتوقعوها تمد أيدها عليه عمتي هناء سحبتني منها وحضنتني

عمتي هناء. كسر بايدج كون شجاج ويا الطفلة اللي جانت تبكي من خوفها عليج لما شافت الدم

لو هذا اسلوبج معاها من اول يوم الج هنا وانتي لساتج عروسة الله يستر من باقي الايام

اخلاص. يعني تشكك بشرفي وتريدوني اسكتلها

سناء. اخلاص هاي طفلة ماتفتهم تراج كبرتي الموضوع ها

اخلاص. هو الموضوع جبير من اساسه دخل صكر وعمي سلمان علي صوتنه

عمو سلمان. شكو شبيكم صوتكم عالي هيج ليش

اخلاص كامت تبجي وتمسح بعيونها

اخلاص. شفت عمي يشككون بشرفي

صكر. منو اللي مشكك بيج

اخلاص. هاااي وتأشر علي

سلمان باستغراب. هااي الطفلة مشككه بيج شنو اللي كالته

اخلاص. تكول فكرت صكر ذبحط شنو معنى كلاااامها يعني

صكر. اخلااااااص انلصمي لا تعلين صوتج علي ابوي سمعتي وبعدين همس ماتقصد شي من كلامها هي لما شافت النيشان بايد امي كامت تبجي وترجف خافت عليج .هي ماتعرف شيء

صكر خلاها تبوس راس عمي سلمان وتعتذرله لأنها علت صوتها عليه عمتي هناء حاضنتني وانا ابجي

عمتي هناء. خويه سلمان اني راح اخذ همس لعندي شكم يوم تغير جو وترتاح شويه

سلمان. ليش شصاير وهو يباوع على وجهي واجا حضني ليش تبجين يابويه منو اللي بجى عيونج الحلوات لاتخافين ماحدا يرزلج انتي ماقصدتي تضايقيها بكلامج واني اعرفج بويه

عمتي هناء. بس هيه ماخايفة تترزل خويه هاي دموعها لانها انضربت من عروسه صكر

عمو سلمان. انضربتتتتتت

صكر بصياح. اخلااااااااص ليش تمدين ايدج عليها منو سمحلج تضربينها والله لو لمستيها مرة ثانية لاكسرلج ايدج هاااي بنت عمي صاحبة بيتي مرة ثانية جربي اضربيها وشوفي شلون راح ادزج لاهلج افتهمتييي

عمي سلمان حاضني وصدره يطلع وينزل من عصبيته بس ماحجى خاف الموضوع يكبر لما شاف صكر شلون عصب وكام يصيح

عمتي هناء. سلمان خويه خليني اخذها عندي شكم يوم تغير جو وارجعها لهنا

عمي سلمان. ها تريدين تروحين معها يابه

همس. اي عمو خليني اروح معها

سلمان. هاهيه روحي بوية بس ماتتاخرين عليه تعرفيني مااكدر من غيرج بنيتي

طلعت اغير فستاني واجهز ملابسي

سمعت صكر صاح. ماكو طلعة من البيت......

يتبع

هلاووو حبايبي

والله ماطاوعني كلبي اعوفكم تنتظرون ساعتين هم

كلت اكتب البارت واعدله وانشره الكم غير انتو رويحتي

لاتنسون

المتابعة

التصويت

التعليق

🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰

همس.

وكفني صوت صكر. ماكو طلعة من البيت

عمتي هناء. وليش عمة يومين وارجعها بايدي

عمي سلمان. صكر بويه عوفها تروح وي عمتك تبقى يومين وترجع

صكر. يومين عمة يومين مو اكثر لو بقت اكثر من يومييين اجي اخذها اني ها

عمتي هناء. اي عمة اندارت عليه روحي هموسه غيري ملابسج وجيبي لج ملابس

طلعت ركض علي الدرج قبل لايغير صكر رأيه طلعت رهف وراي وحضنتني وكالت لاتتاخرين عليه حبيبة

همس. ماسمعتي صكر كال يومين وارجع اخذت جنطة صغيرة حطيت بيها ملابس تكفي يومين ونزلت لكيت عمتي هناء  وعمو سلمان كاعدين عالقنفة

وصكر واخلاص وعمتي ام صكر ماموجودين

كامت عمتي اول ماشافتني وطلعنا برا  وعمو سلمان طلع معانا يكول لواحد من الولد يوصلنا لكينا ايهم ولد عمي صالح ابن عم بابا  برا مع الولد صاحله عمي حتي يوصلنا كام  ايهم بسرعة وشغل سيارته وركبت عمتي كدام يمه وركبت اني وشهد ووعد بنات عمتي ليورا

طول الطريق وعمتي هناء تحجي هي وايهم وتحجيله عن اللي سوته اخلاص معي وهو عصب حيل

ايهم. والله عمة مااعرف شلون تفكر هاي حاطه عقلها بعقل طفلة

عمتي هناء. الله يهديها عمة الله يهديها

وصلنا لبيت عمتي نزلنا اني والبنات وعمتي وراح ايهم

دخلنا جوا للبيت عمتي عزلت من بيت عيالها وصار الها بيت لحالها اللي ضليت بيه لما ماتو اهلي جان بيت عيالها

عمتي هناء. ادخلن نامن بنات يلا تأخر الوقت

رحنا انا وشهد ووعد لغرفتهم اختهم سمر الجبيرة تزوجت من سنة ابن عمها شهد ووعد نامو علي جربايه وخلولي الجربايه الثانيه انام عليها وحدي

ضليت اتقلب افكر باللي صار وليش تضايقت اخلاص مني لما كلتلها هيج

ضليت افكر لحتى غفيت بدون مااحس

كعدت الصبح علي صوت عمتي تصحينه نتريك معاها

غسلت وجهي ولبست تراك لان ماكو ولد بالبيت وزوج عمتي مثل عمو سلمان نزلت جوا لكيتهم متانيني عالريوك تريكنا سويه واجيت اني اغسل الاماعين عمتي ماخلتني

مرت اليومين بسرعة واجا وكت ارجع علبيت

عمتي لبست وانا جهزت حالي ولبست دشداشة حلوة كلش عمتي جابتها اليه من السوك وما لبست العباية

طلعنا مع رجل عمتي وصلنا للبيت نزلنا كلنا رجل عمتي فات عالديوان وانا وعمتي فتنا ليجوا

صارت رهف بوجهي صرخت واجتي حضنتني وضلت تبوسني

عمتي واخلاص جانو كاعدين عالقنفة بالاستقبال سلمو علي عمتي هناء وسلمت انا على عمتي ام صكر واجيت اسلم علي اخلاص كشرت بوجهي وعافتني وراحت ع المطبخ

عمتي هناء طبطبت علي ظهري وكعدتني بسدها

ورا شوي اجتي اخلاص جايبة  صينية عليها فواكه مكطعة وعصير عمتي هناء باركتلها وضلت شوي وكامت وصت عمتي ام صكر  عليه وراحت على بيتها

اخلاص طلعت علي غرفتها أول ماعمتي مشت وعمتي ام صكر لحكتها

بقينا انا ورهف لحالنا نضحك ونحشش علي النسوان اللي جانو بزواج صكر ورا نص ساعه فات صكر من برا وشافنا اجا علينا

صكر. يمتي اجيتي همس

همس. اجيت الصبح اني وعمتي

صكر. ها ومنو جابكم

همس. ابو خالد زوج عمتي

صكر عقد حواجبه.  وينها عباتج

همس خافت. هااا مو عمتي كالتلي هاي الدشداشة حلوة ومايحتاج البس عباه

حسيت عيونه صارت بكصته من العصبيه صاح بيه

صكر. يعني اجيتي من عند عمتي هيييييج بهاي ملابسج

اني من الخوف كمت ارجف من صوته حسيته يريد يخنكني فات عمي سلمان من برا واجا حضني

سلمان. هلا هلا بويه نورتي بيتج

همس.  تت تسلم عمو

سلمان.  صاير شي صكر سمعت صوتك عالي ليش تصيح

صكر. دشوف بويه هااااي جاية من عند عمتي بطرك الدشداشة

سلمان. بعدها طفلة بويه عوفها عراحتها وشمالها الدشداشة مستورة وحلوه

صكر. ماتطلع من دون العبايه مرة ثانية راح امررلج ياها هاي المرة لخاطر ابوي مرة ثانية اطلعي من غير العباية وشوفي شلون راح احبسج بالبيت واخليج تحلمين تطلعين برا مفهوووم

همس. اي اي مفهوم

عفتهم تحت وطلعت ركض لغرفتي حطيت ايدي على كلبي من الخوف دخلت رهف وراي تضحك علي

همس برجفه.  تضحكين يانذلة مووو

رهف. اي ماشفتي شكلج وانتي ترجفين مثل السعفه هههههههههه

همس. والله حسيت كلبي حيوكف من خوفي هو اخوج بس يخزر بعيونه اني اكوم ارجف

رهف. هههههههههه جبااانة

ضلينا شوي بالغرفة ونزلنا نصب مع ام احمد الغدا والتمينه كلنا عالسفرة اتغدينا

ضبينه انا ورهف السفرة والصحون واخلاص رادت تساعدنا عمتي مارضت لان هي عروس عاونت اني  ام احمد بالاماعين والمطبخ ورهف سوت جاي وطلعته الهم وطلعت وراها كعدت معاهم لاحظت اخلاص ماطايكتني ونظرتها الي كلها حقد وكره ماادري ليش

وكل ماصكر يحاجيني اويسالني علي شي تضل تنافخ

مر جم يوم واجا يوم سبعة اخلاص سوولها حفلة واجو اهلها واجت معهم سناء واخلاص كل شوي تبدل فستان شكل اني لبست فستان جابته اليه عمتي هناء لونه نيلي واله حزام فضي بالنص وحلو كلش رهف رادت تسويلي مكياج مثل كل مرة انا مارضيت بس 

ربطت شعري ذيل حصان بدون حركات لان اني شعري كلش طويل يوصل لحد ركبي

نزلت سلمت علي اهل اخلاص امها وخالتها مثل اخلاص مايحبوني

سناء. دتعاي تعاي حبيبة كبرانين وجايينه خطابة

ام صكر. خطابتيش

سناء. مو عمة رجلي شافتها بعرس صكر وعاجبته حيل وعمي وعم رجلي راح يخطبوها من ابوي اليوم ل حماي الجبير ولما كتلهم عن عمرها وأنها صغيرة كالو يخطبون ويعقدون والعرس لما تكبر شوي

ام صكر. اي بيها الخير انشالله

ضلو يسولفون مع بعضهم واني لازمتني الخنكة من كلامهم ماريد اتزوج اني اريد اكمل تعليمي واصير دكتورة جراحه مثل مابابا جان يتمني اني اصير

ضليت طول الحفلة خايفة عمي يوافق يزوجني

ورا ساعتين

خلصت الحفلة وراحو اهل اخلاص وضلت سناء عدنا وكالت راح تبقي يمنه فد اسبوع وترجع لأنها بعرس صكر اجت ورجعت معاهم بنفس اليوم وبالليل اجا عمي وصكر اني ضليت كاعده حتى اعرف راي عمي بهلموضوع صكر من اول مادخل وهو خازرني

ام صكر. ابو صكر سناء كالتلي اكو خطابه جايين على همس وانهم خرش اوادم

سلمان. اي والله كاللي رجل سناء انهم ناس اجاويد والله يوفق ابنهم بس همس صغيرونة مو مال زواج واني رفضت

ام صكر. هم كالو انهم راح ينتظرون لما تكبر بس مجرد عقد وخطوبه

سلمان.  خلص انتهي الموضوع رفضناهم وخلصنا البنية صغيرة رهف اكبر منها وما انخطبت ازوج اني الطفلة شلون

عمتي ام صكر هزت أيدها موعاجبها الكلام

حسيت ماي بارد ونزل علي صدري من كلام عمي ومن فرحتي رحت حضنته

همس. الله يخليلي ياك عمي فديتك

سلمان. ويخليلي بنيتي الحلوة ان شاء الله تكبر وتصير طبيبة وتحقق حلم ابوها

همس. ان شاء الله عمي امين

مر حوالي 5 شهور ورجعنا اني ورهف لدوامنا واليوم اول يوم النا بالدوام طول الفترة اللي مرت واخلاص ماتركتني بحالي دائما ترزلني علي أتفه الاسباب وعمتي تصف معاها ورهف تدافعلي ومايعجبها طريقة اخلاص معاي 

بيوم جنت واكفه عالسنك اغسل اماعين الغدا بيومها ام احمد مااجت مريضة اجتي اخلاص وكالتلي اترك الاماعين هي تكملهن وانا اسوي جاي لخطار عمي بالديوان استغربت منها بس ماحجيت غسلت ايدي ورحت اسوي الجاي خدرته واجو اخذو

اجيت اطلع من المطبخ

اخلاص. هيوو وين عيوني تعالي كملي هاي الاماعين

همس. مو انا جنت اغسلهن وانتي خلتيني اسوي جاي وكلتي انتي تكمليهن

اخلاص علت صوتها. كون الله يسخطج ان شاء الله اني كلت هيج

ومسكتني من شعري دفعتني عالسنك

اخلاص. كملي شغلج لابارك الله بيج كطيعه كون

وطلعت وخلتني 

ضليت ابجي بحركه علي طريقتها معاي كمت

كملت الاماعين وعزلت المطبخ وطلعت كابلني عمي من برا شاف عيوني حمر

سلمان. هااااه بوية شمالهن عيونج الحلوات منو مزعلج

خفت اكوله علي اخلاص وتصير مشكلة بسببي لانو صكر منبهها ماتمد أيدها عليه

همس. ماكو شي عمي بس الصابون دخل بعيوني وانا اجلف السنك

سلمان. سعدية بعد لتخلون همس تغسل اماعين عيونها تتحسس من الصابون

يالله ماكو بحنيتك عمو والله

ام صكر. اذا هي طول النهار مداتسوي شي كله علي اخلاص اماعين غسلتهن صار من وراهن فلم

انصدمت من رد مرت عمي وجذبها لأنه اخلاص هي الي مداتسوي اي شي عمتي تركب الغدا أو ام احمد وانا ورهف نساعد ام احمد بالمطبخ وتعزيل البيت وطول اليوم اخلاص ماسكة جوالها وتكلم امها وخواتها او صديقاتها وبوقت جيت عمي من الديوان وصكر من دوامه  تعوف الجوال وتجي عالمطبخ علي أساس تساعدنا بالصب وعلي أساس هي اللي سوت كل الشغل

عمي يجي قبل صكر بشوي لان صكر دوامه يخلص بالساعة 2

وصكر ضابط برتبه رائد يشتغل بالمركز القريب اول مااجيت عند عمي جان دوامه اسبوع بالدوام واسبوعين بالبيت بس بعدها بفترة نقل دوامه وصار يداوم كل يوم واله اجازات أسبوعية مومثل قبل

باوعت اخلاص رفعتلي حاجبها وضحكت كانو دتكلي شفتي مهما صار ماحدا يكدر يضايقها واللي تريده تسوي من يومها واخلاص دايما تضايقني بحركاتها وطريقتها بالمعامله والكلام

بيوم رجعنا من الدوام انا ورهف ويه ايهم

صكر دوم ياخذنا ويرجعنا من الدوام ولو مشغول ايهم بداله دخلنا جوا علبيت لكينا اخلاص ومرت عمي كاعدات كدام التلفزيون فتنا سلمنا ورحنا نغير ملابسنه وننزل

داصعد اول بايه من الدرج سمعت صوت صكر اجا شافني خزرني وصيح

صكر بصياح. دتعاااي تعاي شنو هذا اللبس شنو هاااي الصدرية ليش ضيكة هيج

همس باستغراب وخوف. والله مو ضيكة هاي موديلها هيج هيه

صكر. والله دنعل ابو الموديل لابو السواه سمعي ولج والله لو لبستيها مرة ثانية مااخليج توصلين للمدرسة سمعتي لو لا

همس دمعت عيونها. اي سمعت

ماادري ليش يرزلني كدام مرته حتى تتشمت بيه زياده

مر اليوم عادي وثاني يوم رحنا للدوام ويا صكر ولبست صدرية من رهف جبيرة شوي حتي مايحجي علي صكر مره ثانيه

خلصنا الدوام ورجعنا للبيت لكينا اخلاص مفحطه من  البجي ومرت عمي تهدي بيها......

يتبع..........

هلاوووو ياحلوين اكوول كليبي مطاوعني اخليكم تنتظرون تلث ساعات ونص حتى وقت النشر فاااا استمتعو بهديتنه

لتنسون

المتابعة

والتصويت

والكومنت

المتابعة لحسابي هذا الي دانشر عليه الروايه

ومتابعة حساب صديقتي ايمان الي دتساعدني بالكتابه هذا حسابها EmanMohamed11

مع تحياتي الكم رين الزين

😘😘😘😘

بعد رآح وخسـرتهہ. بعد رآح مـن آديهہ

آلگلب صـآح وعذرتهہ. آنگسـر گلبي خطـيهہ

____________________________________

مـسـآئوووو يآحلوين

گآل آگو تقصـير مـن نآحية آلروآية ليش بشـنو دنقصـر

هہذآ آحنهہ نكتب ونعدل وننشر بلوقت

اما من ناحية مواعيد التنزيل ف اني كلت كل سبت واربعاء ينزل بارت واني انزل بليل يعني بحدود ال 12 و ال 1 اوكي هاي اني داكولكم علشان محد يشتكي من التأخير

روآيه عآمـلوني گ فصـليه

بقلمـي. رين آلزين و آيمـآن مـحمـد

____________________________________

دخلنا لكينا اخلاص فاحطة من البجي وعمتي تهدي بيها

رهف سالت شكو شصاير شبيها اخلاص

ام صكر. ماكو شي روحن لغرفتجن يلا

رهف هزت ايدها مو عاجبها الكلام لأن عمتي دايما مفضلة اخلاص حتي على رهف مفضلتها رحنه غيرنا ملابسنه ورحنا نساعد ام احمد بالمطبخ وبصب الغدا لانوعمي وصكر قرب وقت جيتهم

ضلينا بالمطبخ شوي واجه عمي وبعدها بشوي اجا صكر صبينا الغدا وكعدنن ناكل تغدينا كلنه بس اخلاص مااكلت تكول مالها نفس بعد الغدا عمتي دخلت هي وصكر على غرفتها طلعو بعد شوي وهو صعد لعند اخلاص فوك

العصر نزلو اخلاص وصكر مبدلين وعمتي لبست عباتها وطلعو مع صكر مادري لوين ولما رهف سالتهم وين راح يروحون عمتي كالت للسوك

بس ماصدقنا لان صكر بعمره مايروح معنا للسوك

ضلينا انا ورهف ندرس لحتى اجو

مافتت عمتي وجها مكدر واخلاص عيونها حمرررر وخشمها احمر مبينة باجية هواي وصكر مبين معصب كلش استغربنه انا ورهف شنو اللي مغيرهم هيج ورهف ضلت تسال وماحصلت جواب

انا حتي اخاف أسأل عمتي واخلاص يرزلوني ويفشلوني جنت احس نفسي نقطة عالشمال دائما بالنسبة لكل اللي بالبيت

الوحيدين اللي حبوني رهف وعمي وصكر جان ماله شغل بيه ولا يضايقني بس هسه صارله فترة حاطني براسه مادري ليش ودائما يرزلني علي أتفه الاسباب حتى

مر يومين احس عمتي واخلاص مو على بعضهن ودايما وجوهن مكدره ومتضايقات صكر اخذ اخلاص وراحو لبغداد كالو راح يضلو يومين

مرة كالتلي رهف انها سمعت عمتي وهي تحجي وي سناء وتحجيلها أنه اخلاص اتاخر حملها وعمتي خذتها لدكتورة تشوف سبب تاخير الحمل والدكتورة كايلتلهم أنو عدها مشاكل بالرحم تمنع أنو هي يصير عندها حمل وصكر اخذها لدكتورة ثانية وكايلة نفس الكلام وان هي مستحيل يصير عندها حمل

كال صكر صديقه مرته اتاخرت هيج بالحمل كايله علي دكتورة ببغداد مرته تابعت عندها والله رزقها وصار عندها حمل وصكر اخذها اخلاص عهاي الدكتورة بلكي الله يرزقها والله دعيت الها الله يراضيها بطفل لأن كسرت خاطري يومين متواصلات تبجي وماتاكل الا كم لكمة لما عمتي تغصبها

برغم معاملتها اليه وكرها بس ماحقدت عليها ودعيت الها والله لو عرفت شنو مخبية الي الايام مع اخلاص جنت دعيت الله ياخذ عمري ولا اعيش اللي عشته

مرن يومين ورجع صكر واخلاص وجها يبين فرحانه شوي صكر كال لعمتي أن الدكتورة كتبتلهم علاج لاخلاص تاخذه وتتابع معها وكالت ان شاء الله اكو امل ويصير عندها حمل

اول شي من اخلاص عرفت بتعبها جانت عايفتني بحالي أو بالاصح ملتهية عني بعلاجها ومتابعتها

مرت فترة ورجعت مثل قبل وزادت صارت حتي تضربني لاتفه الاسباب وعمتي تايدها دائما بس

رهف جانت تدافعلي بس ماتكدر علي اخلاص وعمتي

مر ثلاث سنوات وصار عمري 16 سنة

كل مااكبر أشبه امي اكثر ودايما تجيني خطابة بس عمي مايوافق الا اكمل دراستي واصير دكتورة

طول هاي المدة واخلاص تتابع مع دكتورتها بس ماصار عندا حمل والدكتورة باخر زيارة الها كايلة لاخلاص انو بعد ماكو امل بحملها وصار من المستحيل تحمل او تجيب جهال

صكر بالفترة اللي مرت وهو زاد تحكمه بيه

وعمي يدافعلي صار بلبسي وكل شي بحياتي يتدخل فيه وهذا الشي جان يخلي اخلاص كرهها اليه يزيد

اما رهف خطبها ايهم ابن عمو صالح من سنة والزواج بعد ماتخلص الجامعة ايهم وأبوه حجو ويا عمي سلمان انو الزواج يسوونه هسه بهاي الايام وتكمل بالجامعة عند ايهم من يزوجون عمي سلمان وافق عالعرس وتحدد بعد اسبوعين

جنه مشغولين بجهازها وكل يوم نروح للسوك عمتي ماجانت تريد تخليني اروح معاهم بس رهف تصمم أني اروح معاها وتحت إصرار رهف مرت عمي ترضي بس احسها ماتريدني اروح معهم

مر الاسبوعين بسرعة واليوم الحنه مالت رهف

كعدت الصبح ب 8 تذكرت رهف راح تزوج وتتركني . هاي اختي واكثر والله لو عندي اخت مستحيل تحبني مثل رهف جانت تدافعلي وتوكف معايه بكل شي حسيت حالي صرت وحيدة من دونها دمعت وضليت ابجي لما حسيت عيوني صارن نار من دموعي علي صوت شهكاتي كعدت رهف كامت من فراشها بسرعة واجتي لعندي وتسالني شو اللي صار

همس. منو الي بقالي بعدج رهوفه منو يدافعلي عمي سلمان ماموجود دايما حتي يدافعلي

منو يحميني من اخلاص منو رهف منوووو وضليت ابجي والله بوقتها حسيت كأنه امي اللي راح تفاركني مو بنت عمي

رهف كامت تبجي معاي

رهف. والله ما اعوفج مو هذا بيتي هنا بسدج وراح اكون معاج وانتي تجين لعندي ومانتفارك والله

كامت تهديني كمت اني غسلت وجهي ونزلت مع رهف اتريكنا سوا بس ما اكلنه ولا وحدة منه اكلت جنا نداري دموعنا ورا شوي

خلصنا ولبسنا حتي نروح عالصالون انا ورهف وهناء لبسنا العبي وطلعنا برا حتي يوصلونه للصالون

صكر شافنا اجه علينا

شغل سيارته وركبت هناء كدام وانا ورهف ورا وصلنا عالصالون نزلت هناء ورهف اجيت انا انزل وكفني صوته

صكر. سمعي همس لا تحطين مكياج علي وجهج

همس. مو مو كل البنات راح يحطون ليش بس انا

صكر. مالي شغل بالبنات انا اللي يخصني بس اتكلم عنه

استغربت منه كلهم بنات عمي وبنات عماتي يعني كلهم يخصونه مثلي بس فكرت لان اتربيت ببيتهم يحسني مسؤليته

صكر. هيووو لج وين صفنتي رهف تصيحلج انزلي يلا وتنفذين اللي كلته

همس. هاااا اي اي بس صگر فدوة شوي مكياج صغيرة والله ماازود

صكر نتر بيه. انا شنو كلت ماكلت لااااا افهمي

نزلت ودمعتي علي خدي وعفت هناء تحجي ويا .دخلتني رهف لجوا الصالون وضلت تهديني

دخلت هناء. اووووف رأسه يابس هالصكر

عرفت أنه هي جانت تحاجيه حتي احط مكياج واسوي شعري مثل البنات وهو مارضى ابتسمت ودموعي تنزل علي خدي تحكم صكر بيه وكره اخلاص ومرت عمي ورزالاتهم اليه خلتني ضعيفة شخصية اخاف اكول رأيي واخاف أسأل عن اي شي

والله لوما رهف وعمي سلمان الله اعلم شنو الي جان ممكن يصيرلي

بلشت ام الصالون برهف وطلعت فدشي وهناء كمان حطت مكياج وسوت شعرها

بس انا خفت احط مكياج وصكر يرزلني كدام البنات

خلصنا واجا صكر علينا اخذنا ورجعنا للبيت طول الطريق عينه علي بالمراية

صكر باستهزاء. عفية باللي تسمع الكلام

تجمعت الدموع بعيني حسيته يضحك علي بينه وبين نفسه واني مثل اللعبة يحركها بكيفه

وصلنا ونزلنا بوجهنا للبيت دخلت رهف تلبس فستانها وهناء

كان مالي نفس البس أو اسوي اي شي

كل البنات حاطين مكياج الا انا

انا مو طفلة وازعل من هيج شي بس اللي زعلني أنه احس حالي اقل منهم كل شي بحياتي بايد صكر

صح عمي سلمان يدافعلي ومايرضى علي صكر لما يضايقني بس اوقات لما اشكيله يكولي مايخالف ابن عمج وخايف عليج يابه

لبست فستاني لما رهف زعلت مني وحلفت ماتلبس ولا تطلع برا الا وانا معاها

فستاني لونه بنفسجي غامق وطويل واله فتحة من الجنب اليمين كان حلو حيل فردت شعري هو ناعم مايحتاج استشوار

طلعنا برا لكيت عمتي هناء وعمتي صابرين رحت عليهم وحضنت عمتي عمتي هناء وبعدها سلمت علي عمتي صابرين وحضنتها

عمتي هناء. اللهم صل على محمد وال محمد شنو هذاا الجمال حبيبة

همس. تسلمين عمة

عمتي صابرين. والله همس احلي بنت هنا شوفي البنات ملبخين وجوهن وهاي من الله حلوة ماتحتاج

ابتسمت لعمتي وسكتت

شفت اخلاص لابسة فستان اخضر وحاطة مكياج ومسوية شعرها تسريحة

حزنت علي حالي يعني ليش صكر منعني انا ومرته مامنعها ضليت كاعدة بسد عماتي شوي ورحت لرهف وركصت معها حتي ماتزعل مني اجو اخوات ايهم وامه ونسوان اخواته عنده أختين اكبر منه ومتزوجات

وعنده اخوان ثنين مزوجين وهو أصغر واحد جانو فرحانين برهف حيل ونسوان حموينها لرهف يحبوها وضلو يركصو معها وامه تهلهل

دعيتلها من كل كلبي الله يسعدها ويوفقها بحياتها

خلصت الحنة وراحو المعازيم واكو ناس باتت عندنا كرايبين عمتي ام صكر واهل اخلاص ضلو حتي يحضرون العرس جنت احاول ابتعد عن اهل اخلاص ومااختلط بيهم لان هما بس يشوفوني يضلون يضايقوني وإذا اتكلمت معهم أو سالت عن اي شي يفشلوني

نمت بحد رهف وكمنا نحجي بعضنه ونسولف كأنه ماراح نشوف بعض مرة ثانية غفينا انا وهي من دون مانحس كعدنه ثاني يوم ورهف راحت هي واخلاص وهناء للصالون انا مارضيت اروح لأن صكر مدايرضى يخليني احط مكياج أو اسوي شعري

هما مشو للصالون وانا من القهر ضليت ابجي لمن عيوني ورمت وحسيت صدري وجعني من كثر البجي

عمي سلمان ماشفته صار يومين مشغول مع خطاره

ضليت شوي وبعدها بدلت ولبست فستاني لونه ازرق قصير وكلوش رهف اللي اختارته الي خلصت وسويت شعري وماحطيت بوجهي اي شي .. نزلت تحت انتظر رهف لما تجي من الصالون

ضليت شوي وبعدها كالو اجت العروس

دخلت رهف لابسة الفستان الابيض وملبسينها كبوس للبدلة لان صدر البدلة عاري ومفتوح حضنتها وضحكت بوجها واني احاول ابقى كاتمة دموعي هوسولها شوي ورا ساعة كالو اجا العريس لبست عباتي بسرعة ووكفت يم رهف

دخل العريس وأخوانه ومسك ايد رهف وباسها بكصتها وخذاها وطلعو طلعت ورا رهف حتي اروح معاها للزفة ركبت هي وعريسها بالسيارة وام العريس ركبت وياهم كدام

جنت حابة اركب ويا رهف بس لما لكيت امه لايهم ركبت ماتكلمت ورحت اركب مع بنات عماتي

شافني صكر ماشيه صاحني رحتله لكيت اخلاص وامها راكبين بالسيارة ورا وعمتي كدام واخلاص حاطة مكياج ومسوية شعرها ورامية الحجاب علي رأسها ...طيب ليش رفض اسوي شعري أو احط مكياج اتنهدت يعني وضليت ساكتة رفعت رأسي لما صكر حجاني

صكر. وين رايحه

همس. رايحة اركب ويا بنات عمتي هناء

صكر. اممممم

مد ايديه بجيوب دشداشته وكأنه يدور علي شي

صكر. طلعي لغرفتي نسيت تليفوني فوك هاتيلياه

همس. بس الزفة راح تروح

صكر. لاتخافين انا متانيج راح تركبين معانا اكو مكان هنا واشر عالمكان اللي بحد اخلاص

ماكدرت اتكلم ولا حتي ارفض اركب معهم رحت للبيت حتي اجيبله تليفونه فتحت باب غرفتهم وضليت ادور عليه مالكيته سمعت صوت هورنات السيارت وهي تروح بس جنت افكر أنه صكر منتظرني

مالكيت التليفون ونزلت تحت اكول لصكر مالكيته

بس مالكيت اي سيارة ولا حتي صكر كلهم راحوا

كمت أتلفت حولي وانا مصدومة معقوله طلعني فوك حتي مااروح معاهم للزفة معقول حرمني من زفة وعرس اختي لا لا لا اكيد حيرجع ياخذني اكيد

شافني عمو سلمان جان كاعد ب الديوان اجاني

سلمان. همس ليش مارحتي معاهم بوية

همس. مو صكر كالي اطلع اجيب تليفونه من الغرفة وهو ينتظرني ونزلت مالكيتهم بس اكيد راح يرجعلي عمو راح يرجع ياخذني موو

عمي صگ علي سنونه وطلع تليفونه وبعد عني شوي ماعرفت منو ديكلمه بس صوته عالي تقربت منه سمعته ديحجي مع صكر

سلمان. وينكم صكر ليش عفت بنت عمك وماخذتها معاكم

ماعرفت شو رد عليه صكر بس عمي حسيته كلش ضاج منه

سلمان. وانت شنو دخلك عسى مايخطبونها كل الدنيا دتكسر خاطر هاي اليتيمة بسبب تفكيرك هذااا

وقفل عمي تليفونه بوجه صگر

همس. ها عمو راح يرجع صكر ياخدني احضر عرس رهف صح

عمو سلمان. دخلي بوية وبدلي ملابسج هاي ماحده راح يرجع هو سوه هذا الشي عشان ماتروحين معاهم للعرس وكل الولد راحو معاه والله لو اكو حدا هنا لاخليه يوصلك لعدهم

اتجمعت الدموع بعيني وشفتي كامت ترجف

حضني عمي وكمت ابجي بحضنه واناشغ من حركه كلبي وهو يطبطب علي ظهري

سلمان. لاتزعلين بويه لاتزعلين

همس. ليش عمو سوا هيجي وماخلاني احضر عرس رهف ماخلاني احضر عرس اختي

بقى عمي حاضني شوي ويهدي بيه بعدها دخلت جوا وعمو راح للديوان كعدت عالقنفة اللي بالاستقبال وضليت ابجي ليما تعبت مددت جسمي عالقنفة وضميت رجليه لصدري ودموعي علي خدي تجري ماعرفت شوكت غفيت بس كعدت علي صوت اخلاص وعمتي فتحت عيوني شفت صكر كاعد عالكرسي اللي مقابيلي ويتامل بيه فزيت من مكاني وصكر شاف دموعي اللي جافه علي خدي عقد حاجبه واتنهد

اخلاص بحقاره. ولج والله فاتج نص عمرج العرس طان يخبل والزفة كمان هههههههه

حسيت حالي انهضمت منها وتجمعت الدموع بعيوني

اخلاص والا ورهف جانت فرحانة كلش وضلت تركص وانا ركصت معها لما انهد حيلي

غمضت عيوني بقهر ونزلت دموعي علي خدي ومسحتها بسرعه بس صكر انتبهلي وحجه

صكر بنتره. اخلااااااص اسكتي دنعل ابو الزفة لابو العرس بطلي كلام فارغ

ام صكر. عوفها تحجي براحتها يمة فرحانة بعرس اخيتها

تركتهم وصعدت لفوك بسرعة رميت علي جربايه رهف وكمت ابجي بحركه

جنت افكر أن اليوم بجيت البجي اللي بحياتي مابجيته طلع اليوم اقل يوم ذرفت بيه دموع

مر علي زواج رهف شهر بهذا الشهر مارحت على بيت رهف إلا مرة وحدة هي ثاني يوم العرس صكر خلاني اروح معاهم بس رفض اروح بالسبعة مالتها

بعد اسبوع الامتحانات مالتي ضليت ادرس ودخل علي عمي ضل شوي كاعد معاي وكام يشجعني عالدراسة وأنه مهما صار لازم انجح واجيب مجموع يدخلني طب حتي احقق حلم بابا ورا شوي راح وعافني بعد ماحضني شوي استغربت وخفت ماادري ليش لما غفيت

كعدت الصبح كلبي مقبوض استغفرت ربي وصليت ونزلت اتريك بس جان مالي نفس كليت لكمتين و رتبت شوي بالبيت ورحت اساعد ام احمد بالمطبخ لان اخلاص مداتسوي شي جنه دنجهز الغدا وسمعنا صوت هوسة برا واصوات صياح عالية

طلعت برا اركض لكيت عمتي كاعدة بالكاع تصرخ وشاكة دشداشتها وتضرب على وجها ورجليها واخلاص واكفة بسدها تلطم علي وجها

انصدمت وجمدت رجلي كامت ترجف بعد ماتشيلني احس نفسي انشليت تماما......

يتبع

لتنسون

المتابعة

الكومنت

التصويت

وهذا حساب صديقتي ايمان الي دنكتب اني وياها الروايه سويه تابعو حسابها لان اوقات اني اغيب عن الواتباد ف هي الي تكلمني EmanMohamed11

وملاحظة هامه رجاءا حبايبي اني مداشوف تفاعل ع الروايه يعني احنه دنتعب بالكتابه والتعديل والمعاينه

والله دابقى سهرانه لل فجر واني اعدل بلبارت الي نكتبه اني وايمان اذا التفاعل بقى هيجي احنه حنوقف نشر الروايه حتى اشعارا اخر

اما اذا شفنه التفاعل يزيد راح نصير ننشر بين يوم ويوم واحتمال ها احتمال نصير ننشر يوميه

مع تحياتي الكم. رين آلزين

سلاما على من اجبرتنا الحياة على السير بدونهم وهم مازالو في اعماق ارواحنا

سلاما على من عشنا معهم وضحكنا معهم وتذوقنا مرارة الحياة من دونهم

سلاما علي من طابت بهم الروح لكن لم يعد لهم مكانا بيننا

سلاما علي من صنع ذكرياتنا التي لاتموت سلاما عليكم من القلب اينما كنتم

____________________________________

طلعت برا علي الصوت لكيت مرت عمي شاكه دشداشتها وتصرخ واخلاص واكفة وراها تلطم علي وجها حسيت بخوف واني رجليه بعد ماتشيلني

قتربت من عمتي وكعدت بحدها وكلبي يرجف من خوفه

همس ... شكو شنو صاير عمه ليش دتصرخين

ماردت علي وكامت تصرخ بزياده باوعت لكيت رهف جاية تركض وهي تصيح وتلطم

رهف. ااااخ بويه ليش تركتنا واجت علي عمتي وحضنتها وهي تبجي

حسيت بكلمتها كانو حدا غرس سكينة بنص قلبي معقولة عمو راح معقولة عافني وحدي زين هو يدري أنو مالي احد غيره ويعرف أنه هو سندي بالحياة

حسيت من صدمتي حتي دموعي رفضت تنزل

اجتني رهف وحضنتني

رهف. راح ابونه همس راااح الحنين

همس بصدمه. جذب عمي مايعوفني هو وعدني وكالي ماعوفج ابد والله مايعوفني والله

ضلت رهف تبكي وانا فاتحة عيوني بس وحتي دموعي ماتنزل ورجليه خدرانة ماتعيني اوكف عليها واطلع ادور علي عمو اجت هناء تصرخ من برا

التمت كل الناس عندنا بالبيت واجت عمتي هناء وضلت تصرخ وتلطم وشكت دشداشتها

انا كاعده يم عمتي اجو كومو عمتي دخلوها جوا

وانا اجتي عمتي هناء شافتني بصدمتي حاولت تكومني بس رجليا ماتشيلني

عمتي هناء تناشغ. راح عمج همس صرتي يتيمة لثاني مرة عمة

انا بس اباوع بوجها وساكتة وحتي دموعي ماتنزل

هزتني عمتي وهي تكلي اصرخي عمة ابجي بس لاتضلين هيط ساكتة راح يوكف كلبج عمة

حاولت تكومني بس رجلي خدرانات ومايعينني

اجت معها واحدة من النسوان رفعوني ودخلوني جوا

ضليت علي نفس حالتي ساكتة مر وقت طويل ودخلت عمتي صابرين لأنها سكنها بعيد وبعدها بشوي دخلت سناء

ضلو يصرخون باسم عمي ويلطمون

وكعدو مقابيل مرة عمي وضلو يبجون ويصيحون

بعد شوي اجو صكر وايهم وكرايبهم جايبين التابوت دخلوه عندنا كلهم كامو كعدو عالتابوت ويصرخون

انا وقت اللي شفت التابوت حسيت رجليه مشت لحالها وراحت عالتابوت ولا كأنهم كانو خدرانين ومايشيلني

قربت من التابوت وكعدت بسده وحطيت راسي عليه وانا احجي وي عمو

همس. عمو وين تريد تعوفني وتروح ماتعرف أنه مالي غيرك هيج هنت عليك عمو

ماكلت همس مالها احد غيري شنو مصيرها بعدي

عماتي هناء وصابرين يمي ويبجن ويمسحن علي ضهري

اجا صكر وجان شكله باجي كلش وعيونه حمر راد يشيل التابوت هوولاد عمامه انا شفتهم يرفعون التابوت لو حسيت حالي تهسترت كمت اصرخ وابعدهم عن عنه

همس. وخرووووو عوفوووو عمي وين تردون تاخذونه والله محد يتقرب منه ولا تاخذوه منا

حاولن النسوان يبعدني عن التابوت وانا مجلبة بي وادفعهم عني اريدهم يوخرون ضليت اصرخ باسم عمو واحلفهم يتركوه

همس. الله يخليكم عوفوه والله هو وعدني مايتركني وهو مايخلف بوعده ابدا وعدني يضل الي ابو ومايتركني مثل بابا وماما دكووووم عمو ليش تتركنيييييي

اجه صكر وشالني من خصري رفعني وكومني من عالتابوت وانا اصرخ وارافس برجلي أريده يعوفني

صكر بصوت عالي. يلا ارفعوه بسرعةةةةةة

شالو الولد التابوت واجوي عماتي مسكوني وصكر طلع وراهم بسرعة حاولت اركض والحكهم بس عماتي ماخلني

صرخت وبكيت وملخت وجهي ورا عمو بس اللي راح بعد ميرد عماتي جانو سألين الولد شلوو مات عمي وهو جان كلشي مابي كالو الهم هما جانو بكعدة عند ناس ويحلون مشكلة وعمي تعب شوي وكامو معاه صكر وكرايبه كلهم حتي يرجعوه للبيت بس بالطريق صدره وجعه ومسك ناحية كلبه وعلى ماوصلو بيه المشفي جان ميت

حاولو الدكاتره يسووله انعاش بس مافاد وكالولهم أنه هاي أزمة قلبية جنت اسمعهم وعيوني تصب دموع

ااااخ ياعمي راح الحنين راح ابو كلب الطيب

ضلت فاتحة عمي الله يرحمه اسبوع لانه شيخ ومعروف واجو ناس من كل المحافظات على فاتحته

بعد الأسبوع جان عندي امتحانات رفضت اروح

بس رهف شجعتني أنه لازم اروح حتي احقق حلم بابا وعمي اتذكرت قبل لايموت عمي بيوم اجاني ووصاني مهما صار ماافرط بدراستي واحقق حلمي

كأنه جان حاس أنه راح يموت ... كمت ابجي لما تذكرت

رحت اول يوم الامتحان وانا مادارسة وما اعرف حتي شو اللي كتبته بورقة الإجابة خلصت وطلعت برا وصرت ابجي عمو اللي جان يسألني بعد كل امتحان شنو سويت بالامتحان وحليت لو لا منو بعدك راح يهتملي عمو منووو رجعت البيت وجانو عماتي بعدهم ماراحو قررو يضلون معاي هالفترة حتي يشجعوني شوي وامتحن

صكر ماشفته طول هالفترة جان مشغول بالفاتحة والخطار وبعدها بالديوان ماجان يرجع عالبيت الا باخر الليل هناء وسناء ضلو عندنا ماراحو حتي يكونون ويا مرت عمي لانها تعبانة ومريضة بعد موت عمي

رهف جانت تروح بيتها وترد علينا لأنها قريبة علينا

اخلاص عايفتني هالفترة مالها علاقة بيه مااعرف لان عماتي هنا لو مكسور خاطرها علي

ضليت اسبوعين امتحن عمااتي راحن بيوتهن صارلهن يومين

اليوم اخر امتحان الي لبست ملابسي وفوكهم عبايتي والحجاب ونزلت تحت لكيتهم كلهم مجتمعين يتريكون وصكر ديتريك وياهم صار فترة جبيرة ماشفته

سلمت وردت اطلع حتي ادرس ويا البنات شوي قبل الامتحان

وكفني صوت صكر

صكر. وين راااايحة

همس. رايحة على امتحاني

صكر. ماكو امتحان ولا طلعة ادخلي جوا يلا

انصدمت شلون ماكو طلعة اليوم اخر امتحان الي

همس. الله يخليك صكر والله هذا اخر امتحان وبعد مااطلع

فتح عيونه على وسعهن وضرب بايده عالسفرة

صكر بصياح. شنووووووو اخر امتحان يعني جنتي تطلعين طول الفترة اللي راحت وانا ماادري

حاولو هناء وسناء يهدوه بس هو جان قافل

صكر. جاوبييي ولج شنو اللي طلعج ومنو جان يوصلج هااااا

بلعت ريكي من الخوف

همس. ماحد جان فارغلي وماحبيت اضايق احد بيه وجنت اروح ل لحالي

انتفض من مكانه واجه علي مسكني من زندي بكل قوته

صكر. جنتي تروحين لحاااالج وانا هنا شنوووو كواااااا..... ماعرف شي مووووو

اجت سناء ومسكت ايده وتهدي بي وتبعده عني

سناء. اهدى صكر شبيك خويه ماصار شي هاي امتحاناتها واحنا اللي شجعناها حتي تروح وهي جانت رافضة تروح هذا اخر امتحان الها شبيها

صكر. دخلي جوا ولج بعد دراسة ماكوو

همس. صكر والله حرام عليك الله يخليك هذا اخر امتحان الله يوفقك لا تضيعه علي

صكر بصراخ حاد. ادخلللي جواااااا كلت ماكو بعد درااااسة ولا حتي اكو جامعة

همس. وليش اريد احقق حلمي وحلم عمي اريد ادخل طب

صكر. انتي ماتفهمين كلت ماكو دراسة ولا راح تطلعين من البيت

همس. لااا الله يخليك مو رهف بالجامعة ليش بس انا ترفض اكمل دراستي

صكر. انا ماجنت موافق علي دخول رهف الجامعة بس ابوي هو اللي أصر وهسه هي بيت رجلها مااكدر امنعها بس انتي ماراح تطلعين مرة ثانية

لما سمعته مادري شنو صارلي حسيت حالي اتهسترت وماعرفت شنو اللي كلته حتى

همس بصياح. بس هذااا ظللللللم انت مالك حكم علي ... وراح اطلع للامتحان غصب عنك

ماحسيت الا براشدي فر وجهي فر انصدمت لأنه بحياتي ماحد ضربني او مد ايده علي حتى عمي

صكر. الظاهر جنه مدللينج وعينج كويت فرجيني لشوف شنو راح تسوين يلا

ضليت ابكي واشهك واتكلمت بصوت عالي

همس. ليش عفتني عمو عفتني الهم حتي يذلوني

صكر. اطلعي لغرفتج يلا ماكو طلعة

الكل سكت وماحد دافعلي ووكف بوجه صكر خالص

طلعت لغرفتي ابجي باوعت بالساعة المعلكة بالحايط لسة اكو وقت عالامتحان راح اروح واللي يصير خل يصير ماراح اضيع حلمي علمود صكر نزلت تحت احاول اكلم صكر مرة ثانية يمكن يرضي

سالت عليه كالولي طلع عنده عالم بالديوان

الديوان بعيد عن البيت شوي جانت هناء جالسة وبحدها اخلاص كلت لهناء أنه راح اروح الامتحان

وطلعت اركض بسرعة وهناء حاولت توكفني مارديت عليها

مشيت بسرعة حتي الحك الامتحان

وصلت وامتحنت وطول الامتحان وانا ارجف من خوفي من صكر وشو راح تكون ردة فعله خلصت وطلعت

لكيت ايهم منتظرني برا بسيارته

رحت عليه وانا ارجف خوف

ايهم. تعالي همس شنو اللي طلعج من غير موافقة صكر

همس. مو هو رفض اجي على اخر امتحان الي

ايهم. اي وتطلعين من وراه مو الله يستر بس نوصل البيت

بلعت ريكي وسألته. هو هو صكر عرف انا طلعت

ايهم. ايه عرف وبالبيت يتحلفلج جان يريد يجي عليج واني بالزور منعته واجيت عليج لاني ماضمن ردة فعلة هنا بالشارع

ركبت بالسيارة وطول الطريق خايفة ودكات كلبي سريعة من خوفي

وصلنا للبيت ونزلت من السيارة ايهم اجا يدخل معاي وصاح عليه ولد عند الديوان

ايهم. ادخلي خويه همس وانا راح اجي بعدج

دخلت جوا وانا ارجف وعيوني انملت دموع من خوفي

لكيت كلهم كاعدين وصكر صاير نار وشرار ويمشي بالاستقبال وبايده العكال ماسكه

دخلت وعيونهم انرفعت الي كلهم وصكر بس شافني اجا علي بسرعة ومسكني من شعري وسحبني من شعري وراه وداني لغرفتي وكلهم وراه يحاولو يمنعوه ياخذني

وهو يدفعهم ومستمر يسحلني دخلني للغرفة ورماني عالكالع وقفل الباب بالمفتاح وانا ضليت ارجع لورا من خوفي

صكر. انا تكسرين جلمتيييييييي ولججج

مو كلت ماكو طلعة ولا امتحان هاه كلت لو لاااااا

همس. ايه اا اي ه كك كلت بس هذا ااخر امتحان الي

صكر. اي وطلعتي وكسرتي جلمتي وماهامج مووووووو

همس برجفه. لا لا والله مو هي...

مالحكت اكمل كلامي من الضربة اللي اجتني من العكال علي أيدي

صرخت وحاولت احمي نفسي وهو ضل يضربني بالعكال لما حسيت روحي متت

رمي العكال من ايده ونزل لتحت بجسمه مسك شعري وكام يهز براسي ويحجي بس انا من كثر الضرب ماميزت كلامه .... داس علي رجلي بكل قوته سمعت صوت كسر مع الم شلع كلبي شلع صرخت بكل قوتي من الوجع

رجع ضربني راشدي علي وجهي خله شفتي تنزف

حسيت الدنيا تدور بيه ورد ضربني راشدي ثاني

والدنيا صارت ضباب كلها جنت ارفع ايدي عالباب كاني اصيحلهم ينقذوني منه بس صوتي مايطلع ..جنت ارفع ايدي وتوكع مابيه اي حيل يعيني حتي ارفع ايدي

اسمع صوت ايهم وصوتهم يحاولون يفتحون الباب بس صوتهم جان بعييييييد عيني عالباب وعيوني تغمض غصب عني كأن الباب واللي وراه هما املي الوحيد بالنجاة

وانكسر الباب

ودخلو وبعدها ماكدرت افتح عيني غمضت لحالها ورحت بغير عالم

رهف

انا اسمي رهف بنت عمها لهمس اكبر من همس ب٣ سنوات

من يوم اجت همس عدنا وشفتها اول مرة كيف ماسكة بهدوم بابا ومتخبية بضهره من خوفها من ماما وانا قلبي رف الها وحبيتها جانت مخبية حالها ومابين منها إلا عيونها اللي اول مرة اشوف هاي العيون وهذا اللون لونهم مو اخضر لا زمردي من لون احجار الزمرد

اعتبرتها اختي وضلت معي طول الوقت جنت اشوف كيف ماما تكرها وماتحبها

جان يتقطع كلبي عليها وانا اشوف كيف ماما ترزلها واشوف عيونها تدور علي اي حنية من عندها

بابا جان يحبها حيل يعتبرني انا وهي بناته ومايوم فرق بينا

صكر جان مايهتم لهمس كانو مو موجودة جان معتبرها مسؤلية بابا وماله شغل بيها لأنه جان مشغول بدوامه

امي جانت تلح علي صكر أنه دائما يتزوج وهو مايوافق وبيوم امي كالت لصكر علي اخلاص بنت خالتي وانها حلوة ومناسبة لصكر وضلت تقنع بصكر لما وافق جنت اكرها لاخلاص ومااطيقها احسها خبيثة

اخلاص اصغر من صكر بثلاث سنوات

وجان كل مايجيها خطابة ترفض لأنها تحب صكر

وامي تعرف بهالشي وأصرت علي صكر يتزوجها راحت امي واخواتي وعماتي ونسوان عمامي يخطبوها لاخلاص وضلينا انا وهمس وبيوم العقد كالولنا تورحون معانا امي جانت رافضة رهف تروح مادري ليش ورفضت تروح معانا للسوك

رحت انا وماما واخترت انا لهمس فستان من لون عيونها وحلو

رجعنا البيت وفتحت موضوع روحة همس معنا للعقد

وبابا عرف أنه ماما رافضة همس تروح معنا وهددها انا لو ماراحت همس حيخرب العقد والمشية وماما اضطرت توافق

لبست همس وانا حطيت الها مكياج صارت حلوة كلش وهي اصلا حلوة سبقتها انا وهي نزلت وراي وصكر شافها عالدرج وفستانها والمكياج كان مخلي شكلها كبير ومن يوم اللي شافها صكر بالفستان وهو عيونه دائما عليها رحنا عالعقد وكل خالاتي كارهين همس

والله طفلة طفلة ياناس ليش تكرهونها مالها دخل برفض ابوها لخالتي

مرت فترة وتزوج صكر وبيوم عرسه استغربنا انا وهمس القطعة اللي بايد امي اللي عليها دم وهمس صارت ترجف من خوفها ليكون صكر ذبح عروسته هههههههه

ونزلت اخلاص وهمس كالت الها عن خوفها ليكون صكر ذبحها

واخلاص انكلبت وضربت همس من بعدها واخلاص مابطلت أذية لهمس

مرت السنين وهمس كبرت وصارت تخبل كلش بجمالها جانت بيضة وعيونها لحالهم قصة وشعرها بني وطويل يوصل لعند ركبها

ويوم عن يوم احس بحب صكر لهمس

جان كل تصرفاته نابعة من غيرته عليها ودائما يرزلها علي لبسها اخلاص لما تشوف صكر وغيرته علي همس تزيد من اذيتها الها بس همس ماجانت تكول لأحد حتي ماتصير مشاكل بسببها ايهم ابن عمي صالح كان يجي عندنا وكانت عينه دائما علي وخطبني من ابوية واتزوجنا بعد فترة جبيرة وعشت معه احلي حياة بس بعد زواجي بفترة قليلة اقل من شهر

اجاني ايهم وجان شكله باجي عيونه حمر وكالي أنه ابوية مات

صرخت وطلعت اجري علي بيت اهلي بدشداشة البيت وهو وراي يركض وحطلي العباية علي راسي

دخلت لكيت ماما تصرخ وتلطم وهمس يمها كأنها فاصلة عن العالم مفتحة عيونها وساكتة

ولما شافت تابوت اللي بي بابا حبيبي كأنها صحت ع نفسها وضلت تصرخ

جان اسوء ايام بعمري الفترة اللي مات بيها بابا حسيت حالي راح اموت من حزني عليه

بس برغم هو ابوي وحزني ماله وصف حسيت همس حزنها اكثر مني انا فقدت اب لكن حسيت همس فقدت كل شي نظرة الضياع اللي بعيونها كسرت كلبي عليها

كل شوي تتلفت حواليها كأنها تدور علي ابوية بوسط الناس

دايما بابا جان يدافعلها ويحميها من الكل جان الها سند وظهر وعيلة كاملة حسيتها انكسرت بموته

مر اسبوع علي وفاة ابوية وهمس وراها امتحان جانت رافضة تروح كعدت معاها وضليت اقنعها واذكرها بحلم ابوها وحلم ابوية أنه تصير طبيبة

كانو كلامي ذكرها انها وعدت بابا تكمل دراسة

وثاني يوم راحت الامتحان

وظلت اسبوعين تمتحن

وباخر يوم الها بالامتحان

جنت أنا ببيتي .. وجيت حوالي الساعة ١١ لكيت هناء اختي واخلاص يتعاركن

واللي فهمته انو صكر رفض همس تروح الامتحان الاخير وهي طلعت بعد ماهو راح وكسرت كلمته وضل بالديوان شوي

ولما رجع للبيت جان ناسي سويج سيارته جان يريد يروح يجيب مسواك حتي يسوي ثواب لبابا اخلاص كايلتله أن همس راحت الامتحان وكسررت كلامه ...

هو تخبل وجان يريد يروح يجيبها ضلينا نهدي بيه ..وانا بسرعة اتصلت علي ايهم اجا وشاف صكر وأصر أنه يروح يجيبها من خوفه لصكر يسويلها شي بالشارع

راح ايهم يجيبها وصكر متخبل كام يروح ويجي ونزع عكاله مسكه بايده

دخلت انا للمطبخ اشرب مي سمعت صوت صكر عالي وصوت همس تبجي

طلعت اركض لكيته ساحبها من شعرها ورايح علي غرفة همس قفل الباب وضلينا ندك الباب نريده يفتح وبس نسمع صوت همس تصرخ وصكر يسبها ويغلط عليها

هناء مسكت اخلاص من شعرها

هناء. كله منج ياحقيرة لو ماحجيتي ما جان عرف انها طلعت

اخلاص. وخري ايدج عوفيني صار الغلط مني هسه لو بنت عمج سمعت كلامه من الاول وماطلعت ماجان صار شي بس هي كح..... ولا ينكدرلها

انا سمعتها هيج كالت لو تخبلت رحت عليها اريد اضربها بس امي وخرتنه عنها علي صوتنا وصوت صراخ همس اجا ايهم وضل يضرب عالباب

ولما صكر مافتح كام يدفع بالباب وكسره

دخلنا لكينا همس ممددة بالكاع وصكر ماسكها من شعرها ويضرب رأسها بالكاع بقوه ورفعها وضربها علي وجها راشديات وهي فاقدة مثل الميته بين ايديه

وجها كله دم وملابسها من ضرب العكال مكطعة وجسمها ينزف

ركضنه عليه جان فاقد تماما ماحاس بحاله سحبه ايهم من عليها بلكوه

همس جانت فاقدة لا ايد ولا رجل حاولنا نصحيها ماتصحي

صكر بعد ماسحبه ايهم من عليها كأنه حس بالي سواه اجا عليها بسرعة سحبها منا وحاول يكعدها وهي بعالم ثاني

بسرعة شالها وطلع يركض على السياره برا واحنا وراه راح ايهم فتح سيارته وركب صكر ورا وخلي همس بحضنه وركبت انا كدام وطلع بسرعة عالمستشفي

طول الطريق وصكر يحاول يكعد همس وماكو فائدة

وصلنا المستشفي بسرعة شالها صكر جوا واجو عليه الممرضين بالسديه

حطوها عليها ودخلو علي غرفة ووراهم دكتور

واحنا ضلينا برا ننتظر صكر رايح وجاي من خوفه عليها

رحت عليه اريد اكلمه واعاتبه علي صار بهمس بس منعني ايهم لان صكر باين عليه الندم بس شيفيد بعد حوالي تلث ساعات واحنا برا علي اعصابنه كاعدين

طلع الدكتور شفناه ركضنه عليه

صكر بتوتر. ها دكتور بشر شلونها زينة

الدكتور جان مبين ضايج. منو اللي مسوي بيها هيج هذا تعذيب اسمه .انا مضطر ابلغ الشرطة

صكر طلع هويته وفرجاها للدكتور

وسأله علي حال همس

الدكتور بأسف. جسمها كله جروح من الضرب وعندها كسر برجلها اليمين وارتجاج بالمخ

وهي حاليا داخله بغيبوبة حاولنا نصحيها بس ماصحت ادعو الله تكوم منها في خلال ٣ ايام لأنه لو ماصحت بهاي المدة .... وسكت ..

صكر سمع هيج وجسمه ارتخى عالكرسي اللي وراه مصدوم

وانا صرخت بعلو صوتي

____________________________________

شِفَتْوَ صِوتهہ شـلوون فدوووهہ شـلون تعبآن

شـفتو وجهآ آل جآن وردهہ شـلون ذبلآن

شـفتو طـولهہ آل جآن مـن آلسـمـآ للگآع

شـفتو عينهہ آل نآمـت وخلتني حيرآن

يتبع........

هہلآووو حبآيب

لتنسـون

آلمـتآبعة

آلتصـويت

آلتعليق

هذا حساب صديقتي ايمان اظن صرتو تعرفوها

هي الي ترد عليكم بالتعليقات تابعو حسابها

لان اوقات اني اغيب عن الواتباد والفيس

ف هي الي تكلمني ......

وعلى فكره ايمان حتنشر بارتات الروايه بلفيس

على كروب زهراء الحسناوي بعد ما اني انشرهن

هنا بحسابي

وبالنسبه للنشر ايمان كالتلي انو نصير ننشر بين يوم ويوم واني ماعندي مشكله بس كون تتفاعلون بالروايه وتشاركونها

النشر ابتداء من يوم الاحد الجاي حيصير بين يوم ويوم الساعه 12 بليل لان هذا بس وقت فراغي للنشر

وشفت تعليق لبنيه دتسأل اذا اكو صور للابطال

حبيبتي هاي القصة حقيقية منكدر ننشر صور ابطالها

بس لعيونج الحلوات بقيت اربع ساعات يله كدرت الاكي تشبيه للابطال مع العلم اني هسه داكتبلكم والساعة عندي 2:51ص 😂

بس يله كرمال عين تكرم دوله

مع تحياتي الكم. رين آلزين

آآآآآآآآآآآآآآآآآهہ

گآفي تعبت هہوآيهہ صـبرت

گآفي يآدنيآ آتمـرمـرت

حتى آلآحبهہ رآآآح وخلآلي هہمـ وجرآح

يآدنيهہ مـآمـرتآح وآللهہ مـتت وآللهہ مـتت

____________________________________

من سمعنه كلام الدكتور صكر انهار ورجع عالكرسي اللي وراه واني صرخت بعلو صوتي

رهف. رتاااااحيت صكر كتلت همس هاا ولك شسوتلك بس فهمني شسوتلك

ايهم. اهدي رهف ماتشوفين حالته

سكتت وضليت ابجي

شوي واجا عمي عباس وعمتي هناء وخالد ابن عمي عباس وعمي صالح ابو ايهم ...اجا علينا عمي عباس يجري وشكله خايف علي همس

عمي عباس. شنو اللي صار صكر وينها همس

صكر ساكت كأنه مو مستوعب اللي صار بهمس من وراه

عمتي هناء. طمنونه ابني الله يخليكم

ايهم. الدكتور طلع من شوي وكال احتمال أنه همس بغيبوبة

عمي عباس. غيبووووبة وشو اللي صار ودخلها بالغيبوبة هاااااي ردووووو

رد صكر وعيونة مرغرغة بالدموع. بسببي عمي بسببي

عمي عباس. بسببك انت شلون ويمتى

صكر مسح وجهه ورد. منعتها تروح امتحانها وهي طلعت من وراي وتخبلت عليها وضربتها

عمي عباس. شنوووووو ضربتها وليش ضربتها انت مالك ضرب عليها وضربك الها يوصلها لغيبوبة ضربتها شلون

عمتي هناء بدموع. ياريتني ماتركتج همس والله كلبي جان حاسني حيصير شي

سكت صكر

رهف بدموع. ماضربها والله اللي سواه صكر مااسمه ضرب جان يشيل رأسها ويركعه بالأرض غير جسمها اللي مكطعه من العكال والكسر اللي برجلها

وعلى صوتي بالبجي والدكتور كايل لو ماكامت خلال ٣ ايام الله يعلم شنو اللي ممكن يصير بيها

ممكن تدخل بغيبوبة كاملة ماتكوم منها

عمي عباس. شنو هاي كل هذاا يصير ببنت اخوي وانا ماادري استقويتو علي هاي اليتيمة وماخفتو الله بيها

صح ماجنت ادخل بشي يخصها وتاركها عندكم

جنت مأمنها عند اخوي سلمان ومطمان عليها لاني أعرفه يحبها

وجنت رايد اخذها لعندي بعد وفاته بس كلت خل يمر شوية وقت واحجيك بالموضوع واخذها عندي

بس خلها تكوم وتصير زينة وبعدها يصير خير

يصير خير

صكر بصوت عالي. والله ولا تأخذها من عندي هذاا بيتها وماراح تطلع منه

عمي عباس. مووو بكيفك ولا مفكر أنك صرت شيخ وتكدر تسوي اللي براسك

اجا صكر يحجي سحبه ايهم من ايده حتي لاتكبر السالفع وتصير مشكلة بالمستشفي

هناء ضلت تبجي

عمتي هناء. وينك عمران عفت بنيتك وذلوها بعدك ااااخ ياسلماااان ااخ ياخويه على الي صار بهاي اليتيمة بعدك

كعدت يم عمتي وضليت ابجي وياها

.........

همس

مادري شكول بس شفت حالي بمكان حلوو وبابا وماما وعمي سلمان هناك

من شفتهم طلعت اركض عليهم اريد احضنهم

بس حسيت اكو شي ماسكني منعني اروح لعندهم

ضليت اصيح عليهم يجون يفكوني واروح معاهم

وهما بس يبتسمولي وماتكلمو وانا اصيحلهم بكل صوتي

حسيت حدا يسحبني بعيد عنهم واصوات متداخلة

ينادون علي بعض حاولت افتح عيوني سمعت

الدكتور. بدت تصحى هات الإبرة اضربها الها

فتحت عيوني وحسيت بوجع رهيب براسي لكيت حالي بغرفة بيضة وحواليه دكاترة

الدكتور. بابا همس تسمعيني

ومعه مثل الكشاف الصغير يوجهه علي عيني لما يجي نوره بعيني اغمض

الدكتور. الحمد لله كامت

همس. ااااه راسي

الدكتور. هسه ترتاحين واسر للممرضة اللي بحدي حطت ابرة بالمغذي اللي بايدي

حسيت بعد شوي الوجع بده يخف

مر شوية وقت ودخلت رهف وعمتي هناء الي اجتي رهف حضنتني

رهف. الحمد لله علي سلامتج همس

همس بصوت ناصي. الله يسلمج رهوفة

اجتي عمتي هناء وضلت تبطي وحضنتني

عمتي هناء. الحمد لله علي سلامتج عمة الله يجعلها ببختهم اللي مايخافون الله

ضلو عندي شوي وبعدها طلعو

اجو كل كرايبنا زاروني بالمشفي

ضليت بالمشفي كم يوم واشاعات وعلاجات لما حسيت حالي انتهيت واطمنو علي وضعي بعدها الدكتور كتبلي علي خروج

اجتي عمتي هناء وعمي عباس ورهف

سندتني عمتي هناء ورهف لان رجلي مااكدر امشي عليها وطلعت معهم لبرا لكيت صكر منتظرنا عند السيارة مااعرف اول ماشفته تذكرت اللي صارلي والضرب اللي ضربه الي حسيت بخوف ودموعي نزلت لحالها

اجاني صكر راد يسندني وعمي عباس منعه كام ينافخ وراح فتح باب السيارة حتي اركب معه عمي عباس رفض وراد ياخذني بسيارته

صكر. والله ماتروح الا معاي وماراح تروح الا لبيتنا

عمي عباس. موبكيفك

ضلو يتكلمون ويردو علي بعض بصوت عالي

حاولت عمتي هناء تهدي الوضع

عمتي هناء. خلينا نروح مع صكر ياخوي ونوصل البيت ونتكلم صوتنه عالي بالشارع والناس جاي تتفرج علينا

استسلم عمي عباس للأمر وركبت بسيارة صكر ورهف يمي وعمتي هناء كدام بسد صكر

واجه عمي عباس ورانا بسيارته هو وايهم

حسيت حالي راح يغمي علي من خوفي مع أنه معاي عمتي ورهف

بس كل مااتذكر شلون جان يضربني والباب مقفول وماحدا كادر يمنعه اضل ارجف لا اراديا

طول الطريق وانا عيني بالأرض واحرك باصابعي سمعت صوته

صكر كيفج همس

هزيت راسي وضليت ساكتة

هو ضل ينافخ ويستغفر طول الطريق

وصلنا للبيت واجت عمتي ورهف سندوني ودخلوني جوا كعدوني بالاستقبال وراح عمي عباس وصكر وايهم وكرايبنا كانو منتظرين عالديوان وعمي صالح معهم

اجت عمتي ام صكر سلمت علي

واجت اخلاص حسيت بعيونها نظرة شماتة

اخلاص. كيفج هسه همس

همس. الحمد الله

اخلاص. والله زعلت عليج وكسرتي خاطري لما شفت صكر يضربج شافت رجلي مجبرة وكالت يااااه رجليج مكسورة كمان اللي يشافيج والله .. هو كل اللي صار بسببج حتي تتعلمين تسمعين الكلام

تجمعت الدموع بعيني وسكتت اجت رهف ترد سكتتها عمتي هناء

عمتي هناء. متأكدة اللي صار بسببها ولا بسبب اللي مايخافون من الله

سكتت اخلاص وعمتي ام صكر كالت لعمتي هناء .... اعذريني والله ماعرفت اجي المشفي تعرفيني بفترة عدة

عمتي هناء. معذورة ام صكر

ضلينا شوي وبعدها سمعنا صوت عالي من الديوان وصوت عمي عباس وصكر كأنهم يتعاركون

........

رهف

مر يومين علي همس ماكامت وكلنا خفنا يمر اليوم الثالث وماتكعد جنت اروح البيت ابدل ملابسي وارجع وحتي جنت انام بالمشفي وايهم ماجان يمنعني لأنه يعرف غلات همس عندي

وعمتي هناء وعمي عباس ماتركو همس جانو كل يوم عندها اما صكر ماترك المستشفي دقيقة حتي ملازم غرفتها وايهم جان يجيبله ملابس يغير بالمستشفي

والله بلحظة وجعني قلبي عليه حسيته ندمان والحزن مالي عيونه وحاس بالذنب أنه السبب بالي صارلها

وباليوم الثالث لكينا الدكاترة يركضوون علي غرفة

همس خفنه يكون صارلها شي وماحد طلع وطمنا

ضلينا برا والخوف اكل قلوبنا وصكر رايح وراجع وعمي عباس يدعي وعمتي هناء تبجي وتدعي الله يطمنه علي همس وايهم يمي يحاول يهديني ويطمني

مر ساعة وطلع الطبيب كلنا كمنا عليه

وكالنه انه همس كامت

ضلينا نحمد الله وصكر من فرحته سجد بالأرض

دخلنا انا وعمتي هناء لكيناها تعبانة بالكوة تتكلم ماضغطنا عليها ضلينا شوي وطلعنا

صكر راد يدخل الها بس عمتي هناء منعته خوفا علي همس لتتعب لو شافته ضلت بالمشفي اسبوع حتي يطمنون عليها

عمتي هناء سالتني شنو اللي صار لهمس لأنها ماتعرف الا أنه صكر ضاربها بس ماتعرف التفاصيل

حجيت الها اللي صار وأنه اخلاص هي اللي كالت لصكر أنه همس طلعت ولو ماكالت ماجان حيعرف

بقت عمتي تتحسب وتدعي عليها

الدكتور سمح لهمس تطلع من المشفي

سندناها انا وعمتي وطلعنا برا جان صكر منتظرنه عند سيارته وعيونه علي همس حسيته يريد يجي يحضنها والله من لهفته وخوفه عليها

حاول عمي عباس يأخذها لعنده بس صكر رفض وركبنا مع صكر وطول الطريق هو عينه على همس وهي عيونها بالكاع وصلنا ودخلنا جوا اجت امي اتحمدت السلامة لهمس

واجت اخلاص الحية حسيتها فرحانة باللي صار لهمس

ولما اتكلمت وكالت لهمس انتي السبب باللي صارلك حتي تتعلمين تسمعين الكلام

اجيت ارد عليها بس عمتي هناء مسكتني وردت هي واخلاص سكتت

امي اتعذرت انها مازارت همس بسبب التزامها بالعدة بس انا اعرف حتي لوما التزامها لامي بالعدة ماجانت حتزور همس بس هي كالت هيج حتي مايكولون كارهة همس أو رافضة تزورها

ضلينا شوي كاعدين وسمعنا صوتهم علي بالديوان

وبعد شوي اجا ايهم وصاحني حتي نرجع لبيتنا بس شكله جنه ضايج

رحت سلمت علي همس ووعدتها اجي الها بالليل وابات معها رحت مع ايهم وصلنا البيت

وسألته

رهف. شنو اللي صار ايهم ليش ضايج وشنو اللي صار بالديوان وصوتكم عالي

ايهم كام يحجيلي اللي صار ..... عمي عباس راد يأخذ همس عنده وصكر ماوافق بحجة عنده ولد بالبيت

وعمي كايله أنه انت ابن عمها حالك من حالهم كايله

صكر. لااااا ماحالي من حالهم همس متربية معانه بالبيت وطول عمرها عندي وعمري ماراح اكون مثلهم ابداا

عمي عباس ..... انا رايد همس لخالد ابني يخطبها هسه ونعقد وبعد سنوية سلمان نزوجهم وتضل طول هاي الفترة عند هناء لعند موعد الزواج انا مااامن تضل عندك بعد اللي صار الها

صكر متخبل علي. شنهووووووو كلت تخطبها لمنووووو همس اليييييه وماراح تصير لغيري

الكل انصدم من كلام صكر

عمي صالح ابو ايهم. بس انت متزوج ابني وهمس صغيرة

صكر. وشكو بيها متزوج الشرع حللي أربعة وانا رايد بنت عمي

عمي عباس. لا والله مايصيرررر كلنا نعرف كره اهلك لهمس وانا اريد أنقذها من عذابكم وانت تريدها تضل عمرها كله بهالعذاب

صكر. عذابيش هذا ضربي الها بسبب طلعتها وانا مانعها

عمي عباس. وليش منعتها مو هذاا مستقبلها وانت تعرف أنه حلم ابوها تصير طبيبة وهي جانت تريد تنفذ حلم ابوها

صكر. هذا الي عندي والكل يسمع والحاضر يعلم الغايب من هذا اليوم وهاي الساعه وهاللحظة همس بنت عمي عمران انا ناهي عليها وماحد راح يتزوجها غيري

عمي عباس ضاج وضل يصرخ علي صكر وأنه يتراجع عن قراره ويفك النهوة وهو رفض

وكل اللي بالديوان حاولو يقنعون صكر وهو نهي الموضوع أنه بس همس تصير زينة راح يعقد عليها وهو عقد وزواج من دون عرس ماراح ينتظر

بعد ماحجالي ايهم عاللي صار تخبلت وضليت ابجي علي همس وعلي حظها

هي اخلاص من غير شي ماطايقتها جا لو صارت ضرتها شراح تسوي بيها وانا اعرف صكر مادام اخذ قرار مستحيل يتراجع عنه وهو من زمان شكله يحب همس واللي صار فرصته وماراح يتنازل عنها

..

همس

صوتهم علي بالديوان وبعد شوي سكتو واجه ايهم أخذ رهف وراحو بس جان مبين عليه ضايج كلش

تعبت من الكعدة وردت اطلع غرفتي بس ماكدرت مااكدر اصعد الدرج ورجلي مكسورة

عمتي ام صكر كالت الي اضل بغرفتها لحدما افك الجبيرة عن رجلي استغربت معقول قلبها حن علي وحبتني

ودتني عمتي هناء لغرفة عمتي ام صكر وفرشتلي بالكاع جنت احسب راح ابقى يم عمتي عالسرير لان رجلي ما اكدر اضل بالأرض ولازم مكان عالي حتي يسهل علي اكوم واكعد بالأرض صعبة علي

كلت لعمتي اريد اصعد لغرفتي لان ماراح ارتاح هنا

عمتي هناء. ميخالف عمة تحملي لازم احد يبقى وياج والله ردت اخذج عندي علبيت بس صكر مايوافق ومااكدر اضل هنا تعرفين البنات لحالهم

استسلمت وكعدت يم عمتي شوي وسمعت صوت صكر برا وعمي عباس طلعت عمتي هناء عليهم ودخلت عمتي ام صكر اخذت بوشية الها وطلعت لأنه مايصح احد يشوفها وهي بفترة العدة

عمتي هناء صوتها جان عالي بس ماجان الكلام واضح لان باب الغرفة مقفول

شوي ودخلت اخلاص هدت عليه وتريد تضربني استغربت منها واجت وراها عمتي ام صكر اخذتها وطلعتها من الغرفة واخلاص تفشر علي وتغلط

راحو واجتي عمتي هناء سلمت علي ومشت بسرعة وشكلها ضايجه ودتبجي

ضليت لحالي شوي وبعدها اجتي عمتي ام صكر الي

ام صكر. ياااه حبيبتي ليش كاعده بلكاع تعاي يمي هنا عالجرباية

انصدمت من كلامها وأسلوبها الحنين معاي

اجت سندتني وكومتني عالجرباية وكل شوي تسالني لو محتاجة شي واخلاص بعد ماهدت علي ورادت تضربني وعمتي اخذتها وطلعت سكتت عني بس كانت نظراتها الي كلها كره

رهف طول الفترة اللي فاتت مااجتي هي وعمتي هناء مااعرف ليش

مر فترة علي واليوم موعد افك الجبيرة عن رجلي وجسمي بدأ يطيب من آثار الضرب اجت رهف الي كنت زعلانة منها لان مازارتني طول الفترة اللي فاتت

ضلت تراضيني وتصالحني بس ماحطت عينها بعيوني ابد وعرفت منها أن هي حامل لسه باول شهر

فرحت الها ودعيت الله يتمم حملها بخير

اخذنا صكر ورحنا عالمستشفي

ماجنت رايده اروح معاه بس عمي عباس مااجاني وماكو أحد غيره يوصلنا للمشفي كلت لرهف مااريد اروح مع صكر خلي نشوف احد غيره يوصلنا

رهف. على أساس لو اكو غيره راح يرضى استاذ صكر يخلينا نروح معاه

سكتت ووصلنا المشفي وفكولي جبيرتي بعد ماسوولي إشاعة وتاكدو أن رجلي صارت زينة وماعاد بيكا كسر

رجعنا عالبيت وصكر حسيته فرحان ومرتاح

بس رهف كان كلامها معه ثقيل وصلنا ونزلت لحالي من السيارة حسيت أن رجلي كان عليها حمل وراح

ردت اصعد لغرفتي وعمتي ام صكر زعلت مني

ام صكر .... ليه حبيبة تردين تعوفيني والله تعودت علي وجودج معايه بالغرفة

ماحبيت اكسر بخاطرها وضليت معها وكالتلي اطلع اجيب ملابسي من غرفتي وفرغتلي مكان بالكنتور ورتبت ملابسي فيه

حبيت حنيتها علي وقررت اضل معها علي طول ومااتركها وكلت الله عوضني وحنن قلب عمتي علي

مر علي وفاة عمو شهرين وقررو يطلعو النجف يزورو جهزنا روحنا وطلعنا للنجف

رحنا وعمتي هناء وعمي عباس ومرته وولاده عنده ٣ اولاد واثنين بنات ورهف وايهم وعمي صالح ومرته

وجتي هناء وسناء وعمتي صابرين كلهم باتو عندنا حتي نطلع ثاني يوم الفجر

طلعنا كلنا الفجر وصلنا الوادي ودخلنا عند قبر عمي كمنه نبجي وعمتي صارت تملخ بروحها وصكر يرش مي وورد عالقبر ويقرا قران

تقربت انا من القبر وضليت امسد عليه وأبجي كاني داطبطب علي عمي مو علي تراب قبره

قريت قران ودعيت لعمي ربي يرزقه بالجنة علي كفالته الي وأنه اتولي مسؤليتي وانا يتيمة

ومايوم فرقني عن بناته

ضليت ابجي واذكر حنية عمو معي

هما خلصو زيارة لعمي واجو عند قبر بابا كلهم وقفو عنده وما حد منهم قرب من قبر ماما قريت لبابا الفاتحة ودعيت اله

ورحت عند قبر ماما وكفت قريت الها شوي قران واجتي لعندي رهف دعت لامي شوي بس ماحد غيرها اجه لقبرها مادري ليش يكرهونها

عمتي هناء كالتلي مرة أنه كرههم لامي لأنهم حاسين هي سرقت بابا من عندهم وترك أهله وناسه بسببها

كنت مستغربة منهم بابا حب ماما واتزوجها ماغلطو

برغم حب عمتي هناء الي بس ماتحب امي حتي وهي ميتة

ضجت علي امي وحزنت عليها فوك حزني حسيتها غريبة مالها احد ولا حد يزورها

بس انا ماما والله راح اضل ازورج وميهمني اذا حبوج لو لا

خلصنا زيارة وطلعنا حتي نبات بفندق وبعدها نزور ونرجع باجر نمنه بفندق ورحنا ثاني يوم زرنا ورجعنا

مرت الايام وجسمي خف الالم عنه والاثار اللي بيه راحت وعمتي زينة معاي ومعاملتها معاي احسن مايكون

واخلاص مااتعرضتلي من يوم اللي رادت تضربني

بس نظرتها تنطق سم وحقد

انا فكرت حب عمتي الي وحنيتها لان مكسور خاطرها علي وحستني مالي حدا غيرهم

بس جان كل هذا تمثيل مجرررد تمثيل حتي تحقق هدف الها وانا الغبية مافهمت والله مافهمت الا بعد فوات الاوان

____________________________________

رآح ورحل 💔 رآح ورحل

وفي رجعتهہ مـآلي آمـل

آلحزن في وجهہي آگتمـل رحمـتگ بهہ يآ مـن خذيتهہ

يتبع............

هہلآآآآآووو شـلونگمـ گيفگمـ شـخبآرگمـ علومـگمـ

صـآرلي 2 مـدري 3 آيآمـ مـآفتحت وآتبآد آلآ مـن نشـرت آلآعتذآر عن نزول آلبآرت هہذآ

بسـ صـدگ صـآر عندي مـشـآگل

وهم دالاحظ انو المشاهدات جثيره والتصويت قليل كلش عالروايه حبايبي والله احنه دنتعب بلكتابه والسرد باحداث الروايه اني وايمان نبقى ساعات نكتب بالبارتات واني احتاج 4 ساعات لتعديل البارت واللهجة ف ممكن من تخلصون البارت تصوتون عليه لان هالشي يفرحنه وهم يصعد الروايه

وهہسـه صـآر مـوعد تنزيل آلبآرتآت صـآر بين يومـ ويومـ بسـ آلوقت وآلسـآعه مـآتحددن لسـهہ لآن هہآي آلآيآمـ مـآرآح آگون فآضـيهہ ورآح آغيب عن آلوآتبآد هہوآي رآح آفتحهہ بسـ مـن آنزل آلبآرت وآنتو آي شـي تريونهہ مـني گولو ل آيمـآن عليهہ وهہمـ سـوو مـتآبعهہ لحسـآبهآ بلوآتبآد وآلفيسـ لآن هيهہ دتنشـر آلبآرتآت ع آلفيسـ بعد مـآ آني آنشـرهہن هنآ

آمـآ صـور آلآبطـآل آنآ دورت ودورت ودورت وبعد عنآآآآآآآء طـويل لگيت وآگثر وآحد عذبني بآلبحث عن شـبيهہ آلهہ نو صـگيرر بسـ مـن جيت آنشـرهہن مـآتحمـلن مـآدري ليشـ يمـگن آنتو تدرون آنطـوِنِي حل أّوِ نِنِشٍرهِنِ بِلَفِّيَِّّس

وآگو بنيه تشـگرتنهہ لآن دنگتب روآيتنه بآللهجه آلعرآقيهہ ودتگول آدري صـعبهہ عليجن

حبي آني وآيمـآن آلنهہ آلشـرف آنو نگتب بلهہجتگم وآلعرآق بلدي آلثآني وآعشـگهہ وآعشـگ گلشـي بي وآصـلآ آللهجه آلعرآقيهہ مـو صـعبهہ مـثل مـدآتگولين گلشـ سـهہله وآلدليل آني دآحجي ويآج بيهآ هسـهہ وشـگرآ على آسـلوبج آلرآقي بلگلآمـ

مـع تحيآتي آلگم. رين آلزين

حبايبي اليوم مراح انزل بارت اسفه كلش بس والله عندي هواي مشاكل بس الله يعلم بيها وهم ماما حامل وشغل البيت كله عليهه اقسم بالله مداخلص شغلي لساعه عشرة بليل واكعد اسويلكم البارت ولساعه 3 الصبح يالله اخلص

بس باجر انشره الساعه 2 بليل

وهم الكم بارت هديه بعده رضاوه الكم

ياحلوين

اسفههه

مع تحياتي الكم. رين الزين

                   مَأّ عٌلَى أّلَدِنِيِّهِ عٌتّبِ

ظّلَأّمَ ظّلَأّمَ أّحٌبِأّبِيِّ طلّعو ظَلّاَْمٌ

                 آوۣهۣۗہآمۣۗ آوۣهۣۗہآمۣۗ كۣۗل آلبنينآهہ آوهہآم

آيآم آيآم ضـآع حبنهہ ب آيآم

وآللهہ آحبهہمـ نسـوني عجيبهہ مـآقدرو حنآني

يآدنيهہ غريبهہ شـفتهہمـ يگلبي نسـوگ آلتحبهہمـ

              آحبآب گلبي ظـلآآآآآآآآآآمـ

____________________________________

مرت فترة ومعاملة عمتي ام صكر زينة وياي بس دائما لما اخلاص تضوجني وتحاول تتعارك معي حتي من دون سبب  تاخذ اخلاص ويكعدون بغرفتها يضلو شوي ويطلعو

رهف بهاي الفترة وعمتي هناء رجعو يجون لعندي مثل قبل  وهم هناء وسناء اجوي وكعدو عدنا كم يوم حسيتهم فرحانين من بعد وفاة عمو واحنا الحزن ماكل قلوبنا بس بعد مااجو يزوروني حسيت انهم تغيرو وفرحو مااعرف ليش

صكر طول الفترة اللي مرت ماكنت اشوفه الا قليل

وهو ماحاول يضوجني او يتعرضلي حتي

عمو عباس جان يجي اليه وكل مرة احس بعيونه كلام بس مايتكلم مرت عمو عباس اجتي زارتني اسمها سارة انسانة مثقفة وواعيه كلش وكلامها حلو ماكنت اشوفها الا قليل لأنها ماتخرج من بيتها الا قليل

وعرفت أنه هي كانت مدرسة بالجامعة بس بعد ماخلفت وانشغلت بالاطفال تركت عملها

لما تتكلم معي احس كلامها مثل البلسم عالقلب وتقول الحق لو علي كص ركبتها وكلهم يشهدو بهالشي عمتي كالتلنه أنه صكر بعد كم يوم راح يعزم كل العيلة ويسوي ثواب علي روح عمو

بدينا نجهز التحضيرات للعزيمة وهناء وسناء ضلو مارجعو بيوتهم كالو بعد العزيمة نرجع

بيوم العزيمة اجو كل كرايبنا من وقت حتي يساعدونه واجتي عمتي هناء وبناتها وحتي سمر المتزوجة اجت معهم انشغلنه بالمطبخ واخلاص كل شوي ترزلني علي شي تافه وعمتي هناء اللي دومها تدافعلي مااتكلمت كأنها تعرف سبب كرها الي

رهف اللي ماعجبها الوضع

رهف. شبيج اخلاص ماتكفين شرج عنها هي ماسوتلج شي ماتشوفيها مريضة واجتي تساعدنه

اخلاص. وليش عيني شنو سويتلها اني

رهف. لااااا ماسويتي شي انا اللي كارهة همس  وكل شوي ارزلها من دون سبب

عمتي هناء سكتتهم سالت علي عمتي صابرين يمتى تجي كالتلي عمتي هناء ماتكدر تجي رجلها شوي مريض وماتكدر تتركه خلصنا تجهيز الاكل وبعد الاذان صبينا الغدا للزلم ودوه عالديوان وبعدها صبينا للنسوان بالاستقبال خلصو الغدا ونقلنا الاماعين للمطبخ اجيت اغسل معهم الاماعين اجتي اخلاص

اخلاص. عوفي هاي الاماعين وشيلي الجدورة الكبار واطلعي اغسليهم بالحديقة

ردت مرت عمو عباس. لاااا حبيبة ماتكدر علي هاي الجدورة اتركيهم الشباب يغسلوهم

اخلاص. واحنا نبقى منتظرين الشباب يجون حتي يغسلوهن النه

سارة. تصدقين وياج حق مايصير ننتظر الشباب وانتي موجودة اطلعي انتي اغسليهن برا واجلفيهن لان همس ماراح تغسل شي اليوم انا من الصبح اشوفها تشتغل معاكم وهي تعبانة هسه راح ترتاح وكافي عليها الشغل اللي اشتغلته ماتخافين الله انتي

اخلاص. وشدعوة هالكد ضايجه علمود هاي الحقيرة

سارة. ماراح انزل لمستواج وارد عليج تعالي همس يله ماما

سحبتني من ايدي وطلعتني معها لبرا طول كلامهم مع بعض ماجنت اتكلم او احجي شي

خوفي أنه اخلاص تشتكيني لصكر ويرجع يضربني جان مسيطر عليه ومرت عمو عباس ماقصرت ودافعتلي فدوة لعمرها

طلعت وكعدت مع البنات شوي واجن بنات عمتي هناء شايلين بنت سمر الصغيرة وكل شوي يتعاركون عليها

لأنها بيضة ومربربه دبدوبه وتضحك للهوه الله يحفظها الهم

عمتي ام صكر صاحتلي. تعالي ماما يمي هنا من فترة وهي كل ماتصيحلي تكلي ماما والله احس هاي  الكلمة تردلي روحي رحت كعدت يمها وهي تمسد علي ظهري

ام صكر. تعبتي حبيبتي بالمطبخ معاهم اليوم

همس. لا عمه ماتعبت والله

ام صكر. اي حبيبة لاتعبين حالج لأن انتي لسه مريضة لاتضغطين علي نفسج هواي

همس. ايه عمه حاضر

ام صكر بعتب. عمة انا ماكلتلج انا امج كوليلي يمه لان انتي بنيتي

فرحت والله اول فرحة احس بيها من بعد موت عمو سلمان لما كالتلي كولي يمه

همس حضنتها. ايه عمة اقصد يمة

كل الكاعدين كامو يدعون لعمتي علي معاملتها الزينة معاي

بس مرة عمو عباس كانت نظرتها لعمتي نظرة شك وكأنها مامقتنعة بحنية عمتي ام صكر علي

مر  أسبوع عالعزيمة اللي سواها صكر

ولكيت صكر اجه يكلمني استغربت وبنفس الوقت خفت منه

دخل لعندي على غرفة عمتي وجانت عمتي برا بالاستقبال

اجا كعد كدامي عالكرسي وانا كنت جالسة علي حرف الجربايه

صكر. كيفج هموسه

همس برجفه. ز زينة

صكر. رجلج لسة توجعج لو جسمج لسة متاذي

همس. نزلت راسي وكلتله لا  بصوت ناصي

صكر. لاتزعلين مني هموسة ..بس لما عرفت انتي ام انتي طلعتي وانا جنت مانعج من الطلعه تخبلت وماضل عقل براسي  ... وحتي وانا اضربك جنت حاس اني مابوعيي والله وماحسيت علي حالي الا لما ايهم سحبني

همس تجمعت الدموع بعيني لما تذكرت اللي صار

صكر. كافي لاتبجين هموسة والله اسف

رفعت عيوني اله اول مرة صكر يعتذر لأحد

صكر. هاي انا اعتذرت الج وشوفي اللي يرضيج اسوي اطلبي اي شي وانا اسوي الج

همس بسرعة ومن دون تفكير .. اريد اكمل دراستي وادخل طب

صكر. لاااا انسي الدراسة والطلعة من البيت بعد ماكو هذاا صار بيتج وراح تضلين بي طول العمر..اطلبي شي ثاني غير الدراسة وانا انفذه الج

همس. ماريد الا دراستي

صكر. خلص براحتج بس دراسة ماكو

سكتت شوي

همس. انا اريد اروح لعند عمي عباس

صكر. وليش تروحين لعنده

همس. اريد اعيش معاهم

صكر من كلت هيج انتفض من مكانه كام ومسك ايدي بكل قوته

صكر بصوت عالي. كلت انا لو ماكلت طلعة منا ماكو

همس بالم.  ع عوف ايدي الله يخليك وجعتني

نتر ايدي من ايده وطلع برا

سمعت عمتي تسأله ليش جان صوته عالي ويصرخ علي سمعت صكر يحجي معاها ويكول بصياح روحي لعدها وفهميها مالها طلعة منا والله لو عادتها ماراح يصيرلها خير

بعد شوي اجتي عمتي الي وكعدت بحدي وانا ابجي وحضنتني

ام صكر. تردين تعوفيني همس وتروحين تعيشين عند عمج اكو واحدة تترك امها وتروح

همس تناشغ بجي. تعبت يمة من معاملة صكر اليه واريد اكمل دراستي

ام صكر. ميخالف يمة خلي صكر يهدأ شوية وبعدين انا احجي معاه

همس. اي الله يخليج يمة حاجيه

ام صكر. من عيوني حبيبة

طلعت عمتي برا وتركتني ضليت افكر شوية وادعي أنه صكر يوافق اكمل دراستي ماحسيت علي حالي لما غفيت

كعدت المغرب لكيت رهف عدنا وشكله الحمل والنساوة  متعبينها وكالت راح تبقى كم يوم عدنا شوي وكمت اجهز عشا انا رادت رهف تساعدني ماقبلت لأنها تعبانة  و اخلاص مانزلت من غرفتها ولا سوت اي شي

جهزت انا  العشا ورهف كاعدة معهم بالاستقبال خلصت وصبيت ونقلت الاكل عالسفرة وصكر اجا من الديوان واتعشينا كلنه وشلت انا السفرة ودخلت للمطبخ اغسل الاماعين  ونزلت اخلاص اتعشت وكعدت حتي ماكالت اساعد واغسل الاماعين عنج

رتبت المطبخ وخلصته وسويت جاي اجتي اخلاص اخذت الجاي وطلعت علي أساس هي اللي سوته

طلعت كعدت معهم برا شوي

رهف. انا تعبت وراح اطلع انام بغرفتي انا وهمس

رادتني اطلع معاها لغرفتنه ننام سوا مثل قبل لا تتزوج

وعمتي مارضت

ام صكر. لا والله حبيبة مااكدر استغني عن بنيتي انا تعودت عليها

رهف. يمة هنه يومين راح اضل خلي همس تبات معايه

عمتي مارضت وحضنتني وانا ضحكت

صكر. خلص رهف روحي انتي هاي امج ماراح تتنازل عن همس لاتعبين حالج

رهف. ماشي بس والله ردتها تبات معاي مثل قبل

طلعت هي نامت  لان تعبانة واحنا ضلينا كاعدين لان لسه مو وكت نوم هسه

ام صكر. صكر اريد اطلب منك شي

صكر. امري حجية

ام صكر. مايامر عليك ظالم ابني انا اريدك تخلي  همس تكمل دراستها

صكر باوعلي ورد باوع لامه.  انا كلت هذا الموضوع منتهي ماكو دراسة ولا جامعة

همس .... الله يخليك صكر عوفني اكمل دراستي

باوعلي شوي كأنه يفكر بشي وبعدها كال

ممكن اخليج تكملين دراسة بس عندي شرط

همس بلهفة. موافقة والله

صكر. اعرفي شرطي بالاول

همس. موافقة علي اي شي والله

صكر. تمام اسبوع واكولج علي شرطي اذا وافقتي عليه اخليج تكملين دراستج

فرحت كلش  وحمدت الله اني راح احقق حلم بابا وعمو سلمان

ضلت رهف عندنا يومين ورجعت بيتها وانا التفكير اكل عقلي شنو هو شرط صكر

مر الاسبوع واجا صكر وكنا كاعدين بالاستقبال انا وعمتي واخلاص

همس بسرعة اول ماشافت صكر. شو شرطك صكر مر الاسبوع

ضحك بصوت رجولي خشن. مستعجلة تعرفي شرطي

اسمعي انا من فترة لما طلعتي من المشفي عمي عباس راد يخطبج لابنه خالد وتروحين تعيشي عند عمتي هناء لحد موعد الزواج  وانا رفضت وكلت همس الي وماتصير لغيري

وعمج رفض وصمم علي ابنه خالد لاني متزوج

وانا نهيت عليج يعني ماتصيرين لغيري ... عمي عباس وكل كرايبنا ضاجو وزعلو مني حاسين أنو انا ظالمج وانا كلت الهم ماراح نتزوج الا برضاتج

جنت اسمع كلامه واني جامده ومصدومة

كمل هو. وشرطي انا أنج توافقين نتزوج  وانا بالمقابل اعوفج تكملين دراسة  .... ولا تفكرين شرطي هذا خوف من عمي عباس او شي بس حبيت أنو يكون كل شئ برضاتج

لاني اكدر ازوجج غصبا عن الكل..... ها شكلتي يابه

ضليت ساكتة ماكدرت انطق ولا اي حرف من صدمتي

انا اتزوج صكر عمري ماتخيلت هالشي ولا فكرت بي حتي رفعت عيني لاخلاص لكيت نظرتها الي كأنها تريد تكوم تاكلني بس سكوتها هو اللي صدمني

ماتخيلت ممكن تسكت علي هالكلام

وعمتي كاعدة يمي تكلمني وتحاول تقنعني

ضليت ابلعم وكلت. وو لو رفضت

صكر .... عادي ارفضي بس راح نتزوج غصب عنج وانتي اللي راح تخسرين وما راح تكملين دراسة ولا تحققين حلمج ...انا ردت الزواج يصير برضاتج لا اكثر

فكري وردي علي معتج اسبوع ولو مارديتي خلال اسبوع راح اعتبره رفض لشرطي وراح اتصرف انا وقتها

سكتت ومارديت وتجمعت الدموع بعيني كمت ابجي 

كام صكر عافنن وانا دخلت لغرفة عمتي بسرعة ابجي

ضليت ابجي بحركه شوي ودخلت عمتي وحاولت تقنعني اوافق على شروط صكر

ام صكر. لاتبكين حبيبة والله انا ماردتج تطلعين من البيت واتمنيت تتزوجين صكر حتي تضلين معاي هنا علي طول

همس. بس انا ماريد اتزوجه

ام صكر. صكر مو سيء لهالدرجة اللي تخليج تبجين وترفضينه يايمه

همس بدموع. لا يمة مو هيج بس انا مافكرت بيوم اتزوج صكر وهو أكبر مني ومتزوج هم

وضليت ابجي

ام صكر. بس هو ناهي عليج يعني ماتكدرين تتزوجين غيره وافقي واستغلي شرطه حتي تكملين دراستج

ضليت ساكتة وأبجي مارديت عافتني عمتي وطلعت برا

مر يومين علي وانا افكر بشرط صكر

واكول راح ارفض بس اذا رفضت راح يضيع حلمي

واذا وافقت راح اضل تحت رحمته كل العمر

وعمتي مالحت علي تركتني افكر وماضغطت علي

صكر كنت اشوفه بس ماسالني عن رأيي

رهف تجي بس ماتكلمت معي بالموضوع

كلهم تاركين اليه حرية التفكير

وكاني مثلا مخيرة كل شي  راح يصير مو برضاتي

اذا وافقت  علي صكر راح يتركني اكمل دراسة

واذا ماوافقت عليه راح يتزوجني غصب عني واخسر دراستي

يعني بالحالتين مصيري مرتبط بصكر فكرت اروح لعمو عباس احجيله عاللي صار وعلي شرط صكر بس خفت من صكر وأنه يعاند معايه ويلغي قراره اني اكمل دراسة ياالله حسيت راسي راح ينفجر من التفكير

اخلاص ماشفتها خلال اليومين اللي مرو كانت عمتي تطلع الها الاكل لغرفتها فوك وتضل معاها اغلب الوقت  لأنها ماترضي تنزل تاكل معنا

ولما حاولت ارفض وتحججت باخلاص وكلت لعمتي اخلاص ماراح توافق عمتي كالتلي لا اخلاص موافقة لاتشيلي همها ولو تريدين اخليها تجي تكلج هي بنفسها موافقة اجيبها

حسيت الدنيا قفلت بوجهي وماكو حل كدامي غير موافقتي علي صكر

كلت لعمتي علي موافقتي وهي تبلغ صكر

ثاني يوم المغرب اجا عمي عباس ومرته وهناء اخت صكر ورهف وعمتي هناء النا

عمتي كالتلي  وحذرتني ماجيب طاري عن شرط صكر

طلعت كعدت معهم وجهزنا عشا انا وهناء

واجتي عمتي هناء وكفت معنا

سوينا كباب وكبة ومقبلات وعمتي هناء سوت الزلاطة وخفكت لبن وصكر جاب دجاج  شوي واخلاص اجت وكفت ماسوت شي وحتي ماانحرجت من عمتي هناء وهي تساعدنا  فرشنا السفرة واتعشينا كلنا

لمينا السفرة وغسلت هناء الاماعين ماوافقت انا اغسلهم

سويت جاي وصبيته وطلعته الهم

كعدت يم عمتي ام صكر

سالني عمو عباس. ايه همس صكر كايلي أنه سالج عن موافقتج عالزواج

همس بصوت ناصي. ايه عمو سالني

عمو عباس. وشو رايج

سكت شوي حاسة لساني مايكدر ينطق

همس. اا ايه عمو م موافقة

صكر ابتسم. هااا صدكت هسه عمي.... موعد العرس ان شاء الله يوم الخميس الجاي

انصدمت يعني بعد 6 ايام

عمو عباس. خلي العقد يوم الخميس والزواج ورا سنوية سلمان حتي نكدر نسوي العرس

صكر. ماله داعي عرس وهوسة هو نسوي غدا للوادم وخلص

همست لرهف بسدي. يعني ماراح اكدر البس البدلة واروح للصالون  هيج

رهف ضحكت. لا راح تلبسين البدلة وتروحين للصالون بس ماراح يسوون زفة ولا راح يكون اكو اغاني بالعرس يعني العرس يكون بسكتة

همس. مو مهم المهم البس البدلة واروح للصالون مثل كل العرايس

جانت كل فكرتي عن الزواج هو البدلة والصالون جنت من صدك طفلة مااعرف شو هو الزواج ولا حتي جان احد يتكلم معاي بهاي المواضيع وكل اصدقاءي بالمدرسة مثلي مطفين من الرئيسي  كل همنا درجاتنا ودروسنا

____________________________________

يتبع.   

شـونگم شـخبآرگم عسـآگم بخير يل مـآلين آلگلب وآلعين آمـووووت آني وتعيشـون آنتو آحلآ سـنين

مـثلگم آني آجيب مـنين جنت مـوزينهہ بغيآبگمـ بسـ ويآگمـ گلشـ زينهہ آحبگمـ حيل وآتمـنهہ آعيشـ ويآگمـ آحلآ سـنين

صـرتلگم سـيف نبيل يآحلوين 😅

حبآيبي علقو ع آلفقرآت آحب آشـوف تعليقآتگم عليهآ

مـع تحيآتي آلگم.  رين آلزين

____________________________________

بعد ماحددو موعد العرس

اجتي سناء ثاني يوم وراح تبقى عدنا ليوم العرس

وهناء ورهف اجو بنفس اليوم الي اجتي بي سناء وراح يبقن عدنا عشان ثاني يوم نروح للسوك اكمل جهازي

عمتي ام صكر كالت ماراح تروح معانه لان رجليها توجعها مااعرف عمي عباس اتفق مع صكر علي المقدم والمؤخر ضلو عمتي واخوات صكر عندنا

وحسيت هناء وسناء اخوات صكر فرحانين لأنه صكر راح يتزوجني وكل شوي يحضنوني

رهف رادتني انام معاها بغرفتنه بس عمتي مارضت .وانا ماحبيت ازعل عمتي وضليت معها

رهف وعمتي هناء باتو بغرفتي وهناء وسناء  بغرفة ثانية هاي للخطار اخلاص ماشفتها باليوم اللي اجو فيه طلعت بس سلمت عليهم ودخلت غرفتها وعمتي كانت تاخذلها الاكل لغرفتها

وكل شوي تروحلها تضل معها شوي وترجع النا

ثاني يوم من الصبح عمتي هناء اجت كعدتني حتي نروح للسوك لبست عباتي وحجابي وطلعت لكيتهم جاهزين كلهم وصكر هو اللي راح يودينا

طلعنا برا للسيارة وركبت عمتي هناء كدام وانا وهناء  وسناء ورا

رهف ماجت معنا كامت الصبح دايخة و تعبانة من الحمل صكر ضل يتكلم مع اخواته وعمتي هناء وفرحان اول مرة اشوفه هيج يحجي ومنطلق ويضحك

وصلنا وصكر نزلنا وانطى لعمتي هناء فلوس حتي نجيب كل شيء نزلو هما واجيت انزل انا صكر صاحلي

صكر. همس كل اللي تردينه خلي عمتي تجيبه الج ومايهمج فلوس ماشي

همس. ماشي

صكر. اليوم مالبستج بوشية حتي ماتتقيدين وانتي جاي تشترين اشيائج بس مرة ثانية راح تلبسيها

ضجت حيل هاي البوشية صارت جزء من ملابسي ولازم بكل طلعة البسها

همس. بس ليش البس بوشية انا مامخليه شي علي وجهي ابدا

صكر. ميخالف اني ماريدن احد يشوف وجهج الحلو وغمزلي

انصدمت حسيت خدودي صارن نار من خجلتي اول مرة صكر يحجي معاي بهاي الطريقة

ضحك وكالي انزلي يابه موجلمة هاي وصرتي حمرة طماطايه نزلت لكيتهم واكفين منتظريني وهناء تغمزلي وتضحك سويت حالي مامنتبهة الها

هناء. هاا حبيبة ليش صاحلج صكيير

همس. هااا ماكو شي بس يوصيني اشتري كل اللي أريده

هناء. اي اي صدكتج انا وليش من نزلتي خدودج جنها طماطه هااااا

همس. م ماكو شي

ولحكت عمتي حتي اخلص من لح هناء دخلنا السوك واشتريت جثير اشياء ملابس هواي وعطور ومكياجات

واكسسوارات

وطبعا السوك مايخلى من الشباب اللي كل شوي يرمون كلمة وانا اسمع واحس رجلي ترجف وهما وصوني مااجيب طاري لصكر عن هاي المعاكسات لأن ممكن يتخبل

هاي مايعرفون انا اخاف اكول لصكر اي شي مو اروح وأكله علي صار عمتي هناء والبنات ضلو  يختارون معي تعبنا من كثر اللف وعمتي هناء كالت نرجع للبيت وباجر نجي نكمل ونجيب الذهب  ونحجز البدلة والصالون اتصلت سناء علي صكر اجا اخذنه

بس السيارة ماراح تكفينا والأشياء اللي اشتريناها معانه

اتصل صكر علي ايهم يجي علينا ضلينا منتظرين بالسيارة والجنط  اللي اشتريناها مصفطة بالأرض يم السيارة راح صكر اشترالنه عصير واجه سال عمتي هناء

صكر. خلصتو كل شي عمة

عمتي هناء. لا والله وين نلحك ونخلص كل شي بيوم

راح نرجع باجر ان شاء الله نحاول نكمل

صكر. ان شاء الله

اجا ايهم وصكر خلاهم يركبون معه كلهم

وخلاني انا وغراضي معاه بسيارته هههههه

خلي شوية اشياء بجنطة السيارة والباقي عالكرسي الورا وانا ركبت كدام

جنت خجلانة منه حيل بعد غمزته الي الصبح وبنفس الوقت خايفة من يوم اللي ضربني بيه واخاف ابقى معاه بمكان لحالي مااعرف ليه احسه باي وقت راح يضوج ويضربني ركب وشغل السيارة وطلع طول الطريق يحاول يحجيني وانا ارد بكلمة لو اثنين

وصلنا البيت ونزلت طلعو عمتي هناء  والبنات ساعدوني اشيل الجنط شلنه منهن شوي وصكر شال الباقي دخلتهم غرفة عمتي لان غرفتي صكر راح يجيب  الغرفة الجديدة عليها باجر

اجتي اخلاص ضلت تتفرج عالاشياء من غير استئذان حتي ضلت تطلع وتتفرج  وتكوم علي بعضه ماتلمه حتي وترمي الملابس بغل استغربت منها بس ماحجيت

ليه تسوي هالشي وليش رغم كرهها الي وافقت أن صكر يتزوجني

اخلاص. مو هواي هاي الملابس

سناء. لا هاي عروس وحتي ماكملنا الها لسة باقي أشياء راح نجيبها باجر

اخلاص كلبت وجها ضاجت ورمت اللي بايدها وطلعت لغرفتها وعمتي ام صكر طلعت وراها بعد شوي اجتي رهف وكعدت تتفرج عالملابس وتلمهم بجنطهم انا  وهي وسناء وهناء بس طول ماتتفرج سرحانة كأنها تفكر بشي

.......................

رهف

بعد ماكلي ايهم علي قرار صكر ونهوته علي همس ضجت منه كلش وخفت علي همس ترفض ويتزوجها غصب لو يضربها لاني أعرفه عصبي وبوقت عصبيته مايشوف كدامه

رحت بعد فترة لبيت اهلي لاني ماجنت اروح اخاف همس تحس اني زعلانه وتسالني وهما موصين ماحد يكوللها لان صكر هو اللي راح يكلمها

يمكن ارتاحيت شوي لما عرفت صكر راح يحجي مع همس ويقنعها بالزواج منه بهدوء

رحت كعدت مع همس شوي وضلت تعاتبني لاني ماازورها وتحججت بحملي لاني قبل يومين  عرفت حالي حامل باول شهر لما تعبت وايهم وعمتي اخذوني للطبيبة وطلبت مني التحليل وعرفت حالي حامل شكد فرحت وايهم وعمتي حسيتهم طايرين من فرحتهم بهلخبر وايهم كل شوي يضحك ويحمد الله

حجيت لهمس اللي صار فرحت  ونست عتبها ونست زعلها وباركتلي وضلت تدعي يتم حملي علي خير انا دائما استبشر بدعوة همس احسها يتيمة ودعوتها مستجابة

ضليت عندهم يومين لاني جنت تعبانة من النساوة وعرفت صكر كلم همس وتركها اسبوع تفكر

رجعت لبيتي وجنت شاكة أنه همس راح ترفض بس اللي استغربته موافقتها وجنت عند اهلي بيوم واجه عمي عباس حتي يسال همس علي موافقتها

هاا علي أساس لو رفضت صكر راح يتركها مثلا

ووافقت وصكر حدد العرس بعد 6 ايام

حاول عمو عباس معه حتي يسوي عقد وخطوبة بس وياجل  العرس  لبعدد سنوية بابا  حتي يكدرون يسوون الها عرس وزفه بس صكر ماوافق يسوي العقد وماوافق  وصمم العرس بعد اسبوع

همس سمعتهم وخافت لما سمعت مايكدر يسوي عرس يعني ماراح تلبس بدلة ولاتروح للصالون الفطيرة كل فكرها الزواج بدلة وصالون ماتعرف شي

طمنتها أنه راح تلبس البدلة وتروح للصالون فرحت وماهمها العرس ولا الزفة

فرحتها بهاي الأشياء البسيطة تاكد حرمانها من كل شي وماانسي أنه صكر منعها تحط مكياج بحنتي

وثاني يوم منعها تحضر عرسي فهاي الاشياء بالنسبة الها كلش جبيرة

امي كالتلي اتصل علي سناء وهناء  يجون واكوللهم أن العرس بهاي الايام حتى يجون يساعدون همس تجهز اتصلت كتلهن وفرحن حيل لأنهن جانن يتمنن صكر يصير عنده ولد وبزواجه من همس راح يتحقق هالشي لأنه اخلاص مستحيل يصير عندها حمل

وحتي اخلاص هما مايحبوها هالكد يحبون همس ودائما يتمنونها لصكر وأنها ماتطلع من بيتنا

ماجذبن خبر واجت سناء ثاني يوم بعد الظهر وهناء حتي يضلو لميعاد العرس رحت عليهم ونمت عند اهلي بعد مالحيت علي ايهم وبالويل ياللي وافق وكان خايف علي من روحة السوك ووعدته ادير باللي

وعمتي هناء اجتي تبات حتي ثاني يوم نطلع السوك من وكت لأنه ماباقي الا خمس ايام عالعرس واليوم هذا محسوب منهن يعني الوقت قليل كلش ولازم نخلص كل شي

كمت ثاني يوم تعبانة وماكدرت اروح معهم للسوك راحو هما وطولو يالله اجو جنت بغرفتي انا وهمس  والغرفة اللي يم غرفتي غرفة صكر واخلاص وسمعت صوت اخلاص تحجي وصوتها عالي وامي تحاول تهديها طلعت حتي اشوف شنو اللي صاير سمعت كلامهن

اخلاص تصيح. انا مااااريد صكر يتزوجها انتي ضليتي تقنعي بيه وبالاخر ماحدا راح يخسر غيري

ام صكر. نصي حسج واسمعي وفتحي مخج صكر بموافقتك او من دونها راح يتزوجها انا وانتي ندري هو من زمان شكله هاويها وبعد مانهي عليها مستحيل يتنازل عنها وحتي لو هااا لووو ترك همس راح يتزوج غيرها لأنه يريد اطفال  وانتي راح تضلين هيج

همس مالها اهل وماحدا راح يكدر يمنعنه

لازم نكمل اللي بديناه حتي نكدر نحقق هدفنه

اخلاص. بس انا اكرهها لهاي همس اكرههاا

ام صكر. تحملي هو وقت واللي نريده راح يصير

استغربت شنو خطتهم وليش تكولها همس مالها اهل

طلعت امي لكتني بوجها حسيتها انصدمت بس مابينت

ام صكر ....  شكو رهف لسة تعبانة

رهف مابينتلها شي. هااااا لا ماتعبانة

ام صكر. الحمد لله تعاي ننزل الهم تحت يله

سبقتني ونزلت وانا نزلت وراها بس ضل الكلام اللي سمعته شاغلني وافكر بي شنو خطتهم وشنو قصدهم

قررت احجي لسناء اختي اللي سمعته اخذتها وصعدت لغرفتي وحجيت الها اللي صار كله

سناء. اكيد قصدها أنو اخلاص تتحمل حتي يصير عند صكر طفل وأنه همس ماغريبة

رهف. مااعرف بس حاسة اكو شي غلط

سناء. لا لاتفكرين هيج اكيد مايقصدون شى

اقتنعت نوعا ما وحاولت اتناسي بس ماانسي

والايام راح تبين كل شي

...........

همس

رحنا ثاني يوم للسوك حتي نكمل ونجيب الذهب وصكر جان يريدني البس بوشية وعمتي هناء وسناء ضلو يقنعوه يخليني اروح من غيرها

بالف ياعلي حتى اقتنع وراح معانه للسوك رحنا انا وعمتي هناء وسناء واجت رهف اليوم وهناء ضلت

رحنه لمحل الذهب وكالولي  اختار اللي يعجبني

بس انا مااعرف بالذهب ولا اعرف شو هو المناسب

رهف اختارتلي طقم نازك وحلو عليه فراشات وقلوب صغيرة شكله حلو

وعمتي اختارتلي 6 اساور حلوات

وجابولي خاتم ودبله راد صكر يحاسب ونطلع بس

رجع واختار حزام ذهب ينلف عالخصر ضخم وجبير حيل وشكله غالي

عمتي سالته. ليش هذا عمة

صكر. هايه هدية عمتي لناس غاليين عليه كلش وباوعلي

صكر اخذ الحزام بعلبة لوحده وأخذه بايده ماحطه مع باقي الذهب الظاهر مايريد احد يشوفه

اخذن الذهب وطلعنا حتي نكمل باقي الاشياء

دخلو لمحل يبيع داخليات انحرجت حيل لأنه صكر معنا باوع علي وضحك وبعدين  كال راح اروح حتي تاخذو راحتكم  ولما تخلصون خابروني

دخلو وانا رحت اختار الي ملابس داخلية ولكيت عمتي ورهف وسناء يختارن قمصان قصيرة ومشلتحة

رحت سألتهم

همس. المن تشترن هاي الشغلات

سناء بضحك. الج يعني لمنو

همس استغربت. ليه اني وشنو راح اسوي بيهم انا مالبس هاي الاشياء

سناء. لاحبيبة لازم تلبسيهم كل عروس تجيها هالاشياء

همس والله مالبسهم 

رهف صارت تضحك

رهف. عوفيها ام فهد هاي مطفية من الرئيسي اعرفها.... وماتعرف اي شي بعدين انا افهمها

سناء وعمتي ضلو يضحكون

استغربت ليش يضحكون شكو من اللي كلته يضحك

خلصنا وطلعنا من المحل ورحنا حتي نحجز البدلة  والصالون

طبعا ماراح يسوولي حنة هو العرس وهو العقد بس يعني كله بيوم واحد

رحت عند البدلات شفت البدل ودموعي نزلت اذكرت لما عمو سلمان جان دائما يكلي انا اللي راح  اسلمج لرجلج بايدي وانتي راح تكونين احلي عروس لبست البدلة البيضه

اجت رهف الي شفتها مسحت دموعي بسرعة حتي مااخليها تضوج او تزعل وهي حامل

اختاريت بدلة لونها ابيض حلوة حيل بس كصة صدرها تبين نص صدري وضهرها شفاف والها كلوشة  من تحت عجبتهم كلهم

وكانو يريدوني اختار بدل ثانية البسها واغير كل شوي بدلة كتعويض عن يوم الحنة بس انا ماوافقت مااحب هالشي هي بدلة واحدة حلوة تكفي وانا كنت اتمني البدلة البيضة احسها للاميرات

رحنا للصالون حجزنا الموعد وطلعنا اتصلو علي صكر شوي واجه ركبنا ركبت ورا يم رهف وسناء

وصكر عينه عليه بالمراية

صكر. خلصتو عمتي اللي ناقص  ولا ترجعون يوم ثاني

عمتي هناء. لا ابني خلصنا

صكر بضحكة. والمحل اللي دخلتوه بالاخير  جبتو منه كل شيء

عمتي ضحكت. اي جبنا كل شي لاتخاف

رهف وسناء يضحكن وانا اباوعلهم مستغربة ليش يضحكون

اجت عيني بعين صكر بالمراية شافني مستغربة من ضحكهم طكها ضحكة بصوت عالي لما عيونه دمعت

ضلو يضحكون شوي وانا نظرتي الهم

صكر بهالايام متغير مو كأنه صكر العصبي لا جان فرحان ومنطلق يسولف ويحشش ويا الكل الله يهدي ويضل هيج على طول بس كأنهم مجانين ويضحكون من دون سبب  وصلنا ونزلنا ورجينه الذهب لعمتي ورهف دخلت باقي الملابس علغرفه وقفلت عليهم حتي ماتجي اخلاص تقلب فيهم

عمتي ام صكر  عجبها الذهب

اجتي اخلاص ضلت تتفرج عالذهب وهزت رأسها

اخلاص. وليش كل هالذهب مو جثير

سناء. لا مو جثير هموسة تستاهل اكثر

اخلاص بضوجه. ماجبتو الا الذهب وين باقي اللي اشتريتوه

رهف باوعتلها. ماشترينه شي هو الذهب وحجزنه الصالون والبدلة بس

اخلاص قلبت عيونها وتركتنا وطلعت مااعرف ليش كل مااشتري شي تجي تشوفه شنو هدفها من هالشي

رحت لغرفة عمتي سبحت وغيرت هدومي وصليت فرضي

وطلعت اساعد ام احمد اللي صارلها فترة جبيرة من  بعد موت عمو ماكانت تجي لان كانت مريضة

خلصنا الغدا وصبينا وصكر اجه من الديوان اتغدا هو وايهم خلصنا الغدا ولمينا السفرة وهناء رفضت اغسل الاماعين  تكولي انتي عروس غسلتهم هي وام احمد كملو المطبخ رهف رجعت بيتها مع ايهم وكالت اجي باجر وايهم اخذ عمتي هناء يوصلها

صكر كال ادخلو غرفكم راح يجو ناس يشيلون الغرفة القديمة اللي جانت الي انا ورهف وراح ينصبون الغرفة الجديدة راحو سناء وهناء لغرفة الخطار وعمتي راحت مع اخلاص لغرفتها وانا دخلت غرفة عمتي حطيت راسي عالمخدة ونمت ماحسيت بشي من التعب واللف بالسوك

كعدت المغرب علي صوت سناء تصحيني

سناء. همس كومي حبيبة صار المغرب ومو زين النوم بهالوقت

همس بصوت ناعس. ايه كمت كمت

سناء كومي يلا راح نطلع غراضج بالغرفة الجديدة تعاي معانهحتي ترتبينهم علي كيفج

همس. ماشي اغسل وجهي بس

سناء. راح اسبقج انا وهناء ننقل الجنط لفوك وانتي الحكينه

طلعت ورحت غسلت وجهي وطلعت وراها لكيتهن ديرتبن الملابس بالكنتور

جانت الغرفة ضخمة وحلوة  احساس حلو  انه هاي راح تكون غرفتي وخاصة الي طول عمري مالي شي خاص جنت أنا ورهف بغرفة واحدة

وبعدها رحت مع عمتي بغرفتها ماجان الي شي خاص بيه فد يوم مو معني هيج أني جنت كارهة اني مع رهف بغرفة وحدة سويه لا والله جنت مرتاحة معاها واحبها بس حبيت يكون اليه شي خاص

رحت ساعدتهم وخلصنه ترتيب الملابس وطلعوني وهما يكملون باقي الغرفة ويفرشوها ورفضو اضل معهم حتي اشوفها يوم العرس مفاجأة

طلعت وتركتهم سناء وولدها مااجو معها كالت راح يجون مع ابوهم بيوم العرس عندها ولدين وبنت ابنها الكبير عمره 17 اسمه فهد وبعده بنتها ندي عمرها 14 وابنها الصغير اسمه محمد عمره 11 سنة

ماتجيبهم معاها الا قليل

لان ابوهم مايوافق يضلو برا البيت وقت طويل

زوجها يكون اخو اخلاص نزلت لعمتي تحت كعدت بسدها وحطيت راسي بحضنها

همس. شفتي غرفتي يمة

ام صكر. ايه حبيبتي حلوة الله يسعدج ويهنيج

همس. تسلميم الله يخليلياج

....

مر يومين وباجر العرس اجت عمتي صابرين اليوم واهل اخلاص اجو كمان جانو ماطيقيني وانا ماكعدت معاهم لان اعرفهم يكرهوني  دخلت لغرفة عمتي وضليت بيها اجني رهف وهناء وكالولي راح يسوولي جسمي رفضت وخفت اقنعوني أنه لازم كل عروس تسوي هيك

سوولي جسمي كله بالشيرة من فوك لجوا علي ماخلصو حسيت روحي طلعت ضحكو وتركوني اروح اسبح ورهف كالتلي لما تسبحين تعالي لعندي بغرفة الخطار اللي كاعدين بيها هناء وسناء اريد احجي معاج بموضوع مهم

رحت اسبحت بالحمام اللي بالغرفة لان كل غرفة الها حمام خاص بيها حسيت جسمي بعد ماسووه صار يبرك من البياض خلصت ونشفت جسمي لبست ملابسي طلعت لكيت عمتي كاعدة بالغرفة

ام صكر. خلصتي يمة اجوي البنات سولج جسمج

همس. اي يمة بس والله طلعت روحي من الوجع

ام صكر. معليش حبيبة لازم هيج

همس. وليش لازم اذا بس ايدي راح يطلعن من البدلة

ام صكر. تعالي كعدي هنا

كعدت بسدها كالت

ام صكر. انتي تعرفين اللي راح يصير باجر

همس. شنو راح يصير مو باجر العرس وراح البس البدلة واروح للصالون

ام صكر. ايه ادري وبعد ماتعرفين اللي راح يصير بينج انتي وصكر

همس باستغراب. شنو اللي راح يصير مااعرف

ام صكر ابتسمت. هااااا لا ماكو شي شوفي اول ماتطلعون للغرفة صكر راح يجرح ايدك  جرح صغيرون ويحطه عالمنديل الابيض وينزله النا

وبهيك تكونو اتزوجتو

همس .... ايه مثل المنديل اللي كان بيوم عرسه هو واخلاص

ام صكر..... ايه مثله ... شفتي لما الرجل يبوس مرته بالافلام ...

همس .... اي

ام صكر .....وبعدها يجرح أيدها ويكونوا اتزوجو

همس .... اي

ام صكر ..... وهو هاد اللي راح يصير

همس .... ماشي يمة

اجت رهف الي

رهف .... مو كلت لما تخلصي تعي عندي احكي معك

ام صكر ...... شو اللي تريدي تحكيه انا فهمتها  كل شي

رهف ...... ماشي والله كنت شايلة هم كيف راح احكيلها

استغربت ليه تشيل هم مو عمتي حكتلي كل شي والموضوع عادي مايستاهل تشيل همه

عمتي خلتني عندها باقي اليوم ولو طلعت انا معها ماخلت رهف تحكي معي

يمكن تستغربو كيف عندي 16 سنة ومااعرف اي شي بهالموضوع

بس فعلا ماكنت اعرف لاني ماعمري تكلمت مع احد بهالشي وحتي محد يحكي بهالاشياء كدامنا وصكر كان مانعني اروح لاي مكان وحتي ممنوع اروح لعند بنات عمي

هالشي خلاني انطواءية شوي

حتي لما كانو يجو عندي بنات عمي كنا نكون كلنا كاعدين مع بعض وعمتي ام صكر معنا فكلامنا يكون محدود عالدراسة وهالاشياء

حتي رهف ماكنا نتكلم انا وهي ابدا بهالكلام

وكان كل حياتي دراسة وبس

وحتي تليفون ماعندي بس رهف عندها لما دخلت الجامعة عمو سلمان جابو الها

وكان واعدني لما ادخل الجامعة يجبلي تليفون

وبالمدرسة درسنا عن التلقيح بس المدرسات يشرحولنا شرحهم سطحي وبس يريدو يخلصو الحصة ويطلعو

فكنت جاهلة جدا بهالشي

ولما عمتي ام صكر حكتلي لكيت الموضوع سهل جدا وعادي

اجا ثاني يوم وصحيت من الصبح اتريكت انا ورهف بغرفة عمتي ماطلعت ماحبيت اشوف اخلاص واهلها

خلصنا ورحنا الصالون انا ورهف وهناء معنا

صكر راح يوصلنا وطول الطريق يوصي هناء مايبان مني اي شي