تحميل رواية «عآمـلوني گ فصـليه بقلمي ايمان محمد وٌ رين الزين» PDF

____________________________________

هناء. لتخاف خويه والله ماراح يبان منها شي حتي عيونها ماراح اخليها تبين

صكر. اي حتي عيونها تدارينهن هذولي لحالهن قصة ويدوخن اكبر واحد

هناء. هههههههههه شكلك واكع والله

صكر. هههههههه انزلي يلا بلا كلام زايد

نزلنا ودخلت للصالون ومعاي بدلتي راح البسها بالصالون

صاحبة الصالون. ايه عيني منو العروس

رهف اشرت علي

ام الصالون. اللهم صل على محمد وال محمد والله ماتحتاجين شي انتي

همس. شكرا

ام الصالون. تعالي كعدي هنا يلا نبدي

كعدت واستلمتني ام الصالون حفت وجهي وسوتلي تنظيف بشرة وماسكات للبشرة وأشياء اول مرة اشوفها وغسلت وجهي واجيت حتي تحطلي مكياج

شفت وجهي بالمراية جنت متغيرة كلش لاني اول مره احف والتنظيف والماسكات خلو وجهي يلمع من البياض

حطتلي مكياج كلش حلوو ولبست البدلة وطلعت شفت حالي بالمراية شكلي حلووووو

لبستني رهف الكبوس علي راسي ودارت جسمي بيه وهناء واكفة تصلي على النبي وتخوزر بالنسوان اللي يباوعلي

همس. دكافي راح تضربين النسوان هههه

هناء. اسكتي راح يطكوج عين ... انتي ماشفتي نفسج شلون طالعة المكياج مكبرج ماشاء الله والشعر الحلو

والبدلة كاعدة كعود عليج وانتي بيضة ومدبدبة ... الله يستر الله يستر خلوني احجي صكر يجي خلي نطلع منا

رهف.هههه انتي اللي راح تحسديها هيج

هناء. انجبي انتي احسد اخيتي

كلمت هناء صكر حتي يجي علينا دزلنه ايهم يأخذنه لأنه ماكدر يجي عنده خطار وناس من غير محافظات جايين يباركوله مايصير يمشي ويعوفهم

رحنه عالسيارة وانا ماشايفة شي حاطتلي بوشية لونها ابيض ماعرف منين جابتها علي وجهي وهي ماسكتني ركبت مع هناء .وهي لافتني لف ماخلت اصبع ايدي يطلع حتي مخلصة الله يحفظها تنفذ وصية صكر بالحرف قبل مانوصل البيت بشوي دك جوال ايهم

ايهم. اي اي هسه داخلين الفرع احنه

ماشي سلام

رهف. منو هذا

ايهم بضحك. هذاا صكر يريد يطلع النه حتي ماحدا يشوف عروسته هههههههه

وصلنا البيت لكينا صكر منتظر هو وولد عمنه وكل كرايبنه بالباب نزلت هناء وجيت انزل لكيت صكر واكفلي ردت اشيل القماشة من وجهي ماقبل مسك ايدي ونزلني والشباب ضلو يرمون بالجو

كنت اشوف من تحت البوشية اللي تحت اجه ايهم جايب طلي وذبحه تحت رجلي متت من منظر الدم

فوتني صكر وطلع

اجت عمتي هناء رفعت البوشية من وجهي وضلت تصلي على محمد هي وعمتي صابرين كل النسوان ضلو صافنين علي كعدوني علي كرسي

اجو النسوان باركولي واخلاص شفتها لابسة فستان ابيض وحاطة مكياج كأنها عروس اهل اخلاص سلمو علي من ورا خشمهم شوي وكوموني لعند باب الاستقبال سالني السيد علي موافقتي عالزواج من صكر وكل نعم

طبعا ماحد هلهل لان عمو لسة مامرت سنويته

شوي ودخل صكر لابس الزي العربي حتي يلبسني الذهب

اجه علي وصفن بوجهي وصلي علي محمد بصوت ناصي بس سمعته لبسني الذهب وانا جسمي قشعر وخجلت لان فستاني صدره مبين كلش صحت لرهف تجيبلي الكبوس البسه لما صكر اجه يدخل مارضت وضلت تضحك خلص لبسني كل الذهب وانا صرت طماطايه من الخجل

اشر لرهف اجت جابت علبة جبيرة بايدها نفس العلبة اللي جان حاط بيها الحزام فتحها وطلع الحزام لبسو الي والنسوان انصدمو من حجم الحزام

وضلو يتهامسون جان الحزام عريض من عالوسط ونازل منه سلاسل باخرها ليرات ذهب خلص لبسني وباسني براسي وخدي وطلع خجلت لما باسني حيل

ضليت شوي كاعدة وجابو للنسوان العشا عشوهم ولمو الهوسة

واجتي رهف والبنات طلعوني لغرفتي

بقن رهف والبنات يطمنوني ورهف توصيني مااخاف

همس. وليش اخاف عمتي فهمتني كل شي جرح ايدي كالت صغير وماياذي

رهف. جرح ايدج منو مفهمج هالكلام

همس. عمتي كالت

رهف. لا همس مو مثل ما امي ك......

سكتت لما صكر دخل باوعتلنه وطلعت وهي تباوعلي بقلق صكر قفل الباب واجه لعندي وقتها حسيت دمي نشف ورتعشت مااعرف ليش

جنت جاهلة بالزواج واللي يصير بي وعرفت هالشي بس باصعب واقسي طريقة ممكن تشوفنا بنيه

شفت صكر كأنه اسد وانا جنت بالنسبة اله مجرد فريسة

____________________________________يتبع.

حبايب هاي تكمله البارت التاسع مانبهت انها مامنشورة وياه البارحة لحتى ايمان من شويه كالتلي

وهاي نشرته وهذا اطول بارت نكتبه لعيونكم

اريد اكولكم شنو رأيكم نسوي مجموعه ع الماسنجر لكل متابعين الروايه نكدر نحجي مع بعضنه بيها وانا هم اكدر اتواصل وياكم عليها لان الواتباد راح اغيب عنه هواي ومراح افتحه الا وقت التنزيل من انزل بارت ف لو عجبكم ردولنه خبر باجر وتصحيح هي مجموعه ع الماسنجر مو كروب ع الفيس

وهم اكلكم اكو عندي كروب اني واصدقائي خاص بالشباب والبنات تعالوو انضمو اله كلش حلو وممتع ومنشوراته تجنن اني مشرفه بي واصدقائي هم مشرفين ومسئولي لتفوتون الفرصه والله كلش حلو الكروب

اني تلاكون اسمي عليه @شہيہخہهہ آلبہنہآتہ

مع تحياتي الكم. رين الزين

هلاووو بنات

اكول شنو قرارجن نسوي مجموعه ع الماسنجر نكدر نتواصل كلنه مع بعض بيها حيكون متاح بيها كلشي

يعني خواطر لو نكت لو تحشيش لو مزح عادي واني هم راح اكون متواصله وياجن بيها دائما

سؤال الرابط الي خليته الجن بلبات البارحه فتح لو لا

شوفوه

اذا مافتح تلاكن اسمه ع الفيس

كروب شباب وبنات العراق الرسمي

گون آدخل بغيبوبهہ وآنسـى شـ عآشـرت

گون آنسـى عآلم گل خير مـنهہآ مـآشـفت

توقعت آلخير بيگم لمـن يدور آلوگت

عبآلي آوآدم آثآري حييل توهمـت

بسـ يلهہ مـتهمـوني       عبآلي مـتعوفوني

آووو مـشـگورهہ يآدنيآيهہ بآعووو حقآرهہ ويآيهہ

عفيهہ بحبآيب روحي         آتحبووني جنتو هہوآيهہ

              ع آلمـصـلحهہ و عآلغآيهہ

____________________________________

صكر

آني آلشـيخ صكر ابوي الشيخ سلمان جبير عشيرة ال.......

عندي اثنين عمام عمي عباس وعمي عمران الله يرحمه عمي عمران من جان عمري 14 سنة وهو عايفنه لأنه تزوج صديقة اله جان هاويها بدون موافقة جدي ...وجدي جان مهدده اذا يتزوجها يتبري منه

جدي جان يريد يزوجه خالتي احلام بس هو رفض لأنه جان يحب صديقته

وأصر علي صديقته و اتزوجها غصب عن الكل ومن بعدها جان كل مايجي يحاول يراضي جدي يرفض جدي يشوفه او يحاجيه ويطرده ومرت السنين وكطع عنه وما اجانه مرة ثانية لما جدي تعب وكال لابوي يتصل على عمي عمران يريد يشوفه قبل لايموت . وفعلا اجه عمي ومرته عدنه عالمستشفي يشوفون جدي وطلبو رضاته وطلعو راجعين لان بنتهم الصغيرة جانت تبجي خايفة

نص ساعة واتصل علينا واحد يكول أصحاب الرقم مسوين حادث وهو مدور بجوال صاحب السيارة وشايف رقم سلمان ابوي واتصل عليه رحنالهم بسرعة لكينا مرت عمي ماتت وعمي جان تعبان كلش وبالكوه يجر النفس اجاه ابويه ضل يوصي ابوي علي بنته وبعدها بثواني مابقى مات

زعلنن عليه كلش وسويناله فاتحة ومرت فترة علي وفاة عمي وابوي كال لعمي عباس واليه حتى نروح نجيب  بنت عمي عمران لأنها عند عمتي هناء رحنا عليهم واجت وجانت رافضة ترجع معنا وقافله نترت بيها خافت ومشت معنا بسكوت امي بالاول جانت رافضة وجودها وتكرهها بس بعدين اتقبلت وجودها وسكتت بس ضلت تكرها ... بس حب ابوي ورهف الها جان معوضها عن كل شي

مرت كم سنة وهمس عندنا وامي رادت تخطبلي بنت خالتي واسمها اخلاص بالاول رفضت ماجنت افكر بالزواج بس ضلت تلح وبالاخير وافقت لاني ماراح ابقى من دون زواج اكيد وفعلا راحت امي خطبتها واتحدد موعد العقد والمشية وبيوم العقد جنت واقف عند الدرج متنضر امي تخلص حتي نروح وسمعت صوت شهكة رفعت رأسي شفت بنية حلوة لا موحلوه ايه من الجمال ضليت اباوع الها ماعرفتها بلاول ضيكت عيوني شوي كانه تذكرت بعدين عرفتها همس بنت عمي استغربت وانصدمت معقولة همس

الطفلة كبرت وصارت بهالجمال .بس هي جانت فعلا طفلة بس تطير العقل بجمالها ... شرطت عليها ماتروح ويانه الا تلبس البوشية من يومها وانا حسيت كلبي رف عليها وبقيت اتابعها  دائما

ازوجت اخلاص ومن اول يوم تزوجتها بي وسوت مشكلة معاها وعرفتها تغار من همس وتكرها لان اللي صار مايستاهل همس جانت طفلة وماتعرف شي

ومرت الايام وعرفت اخلاص مستحيل تحمل ويصير عندها جهال حاولت اعالجها وتابعنه وبقت تأخذ أدوية علي امل تتعالج بس ماكو ميفيد ابد وفقدنه الامل

مرت الايام وحبي لهمس يزيد مع كل يوم تكبره

جانت كل يوم تكبر وتحلو جانت تطير العقل بجمالها ماخذة جمال امها الكردي مادري شلون جانت كبالي ومامنتبه الها ولا مركز بملامحها اعرف هي طفلة والفرق بيني وبينها16 سنة مو قليله بس الحب مايعرف العمر

صرت احبها حب مخابيل وغيرتي عليها خلتني امنعها من كل شي صرت امنعها تطلع من البيت  لدرجة منعتها تروح على عرس رهف من غيرتي وخوفي النسوان يشوفنها ويجن يخطبنها

وبيوم ابوي تعب ومات ... بيومها حسيت حالي فقدت سند وضهر انكسرت ايامها مرت فاتحة ابوي وبعدها بفترة جنت كاعد معاهم عالسفرة اتريك ولكيت همس طالعة لمدرستها . ماخليتها تروح وحاولت هي تقنعني تطلع تكمل اخر امتحان ماوافقت ماراح اخليها تطلع ولا يشوفها اي شخص

طلعت من البيت ورجعت بعد شوي اخذ سويج السيارة وباكيت الجكاير كابلتني اخلاص كالتلي همس طلعت

انهبلت ردت اطلع الها اجيبها .بس ايهم منعني وراح هو سكتت لاني اعرف حالي لو رحتلها راح اضربها بالشارع كدام امه محمد ورا شوي اجت مااعرف اللي صار مسكتها من شعرها ودخلتها لغرفتها وضليت اضربها لحد ما اجه ايهم وشالني من عليها

وقتها حسيت باللي سويته لما شفتها غركانه بدمها

وديناها ع المستشفي وضلت يومين فاقدة الوعي بيهن بس الحمد لله كامت منها

طلعت من المستشفي وعمي عباس راد ياخذها عنده و خطبها لابنه خالد رفضت وتخبلت ونهيت عليها عمي ماعجبه وحاول يخليني ارفع النهوة بس انا أقنعته راح اخلي همس توافق تتزوجني وماراح اغصبها علي شي واخليه يسمع موافقتها بنفسه منها

انا اكدر اتزوجها غصب عن الكل بس ماردت عمي عباس يزعل مني امي جانت رافضة بالاول لما عرفت بس بعدين وافقت لحالها وحسيت معاملتها لهمس تغيرت وصارت تحب همس اكثر من بناتها حتي فرحت أنه الله هداها علي همس وعوضتها عن حنان الام

ضليت افكر بطريقة اخلي همس توافق لكيت انو ماكو غير اوعدها تكمل دراستها لو وافقت تتزوجني صبرت وضليت ساكت لاني عرفتها راح تلح علي دراستها

وفعلا فاتحتني هي وامي بموضوع الدراسة حسيتها فرصتي كتلها راح اخليج تكملين دراستج بس بشرط فرحت وسألت عالشرط كلت بعد اسبوع اكولج علي شرطي ردتها تتأمل بدراستها  طول الاسبوع حتي وقت اللي اكول شرطي توافق ومر الاسبوع وكلت الها شرطي بالاول رفضت تركتها تفكر وترد علي وافقت اخليها تكمل رفضت مااخليها تكمل وفهمتها انه بالحالتين راح اتزوجها فتوافق برضاتها حتي تكمل الدراسة بس كتلها ماتخلي اي احد يعرف شرطي

هو انا ماراح اخليها ترجع للدراسة بس هاي وسيلة ضغط ووعدت حالي بعد مااتزوجها اخليها تحبني وتنسي الدراسة اعرف هدفها من دراستها حتي تحقق حلم اهلها وحلم ابوي بس مااكدر اخليها تطلع من البيت وكل العيون تصير عليها وفعلا وافقت وخليت عمي عباس يسمع موافقتها وحددت موعد العرس وجهزنا كل شي وبيوم العرس شفتها جانت حورية ببدلتها والمكياج مخليها اكبر من عمرها وصايرة تخبل

طلعت برا لخطاري وبعد شوي دخلت البيت وجنت صاعد الدرج سمعت امي تصيحني

رحتلها كالتلي. أنه هي فهمت همس كل شي وعلمتها اللي راح يصير اتطمنت لاني اعرف همس فاهيه و كل شي ماتعرف

صعدتلها وشفتها كاعدة وخايفة مشيت لعندها مسكت أيدها وحاولت اهديها

صكر بحنيه. لاتخافين مني حبيبتي

حسيتها استغربت

همس. حبيبتي

صكر. ايه حبيبتي وعمري وحياتي كلها

انتي جنتي بالنسبة إلي حلم ودعيت الله تكونين من نصيبي والحمد لله الله استجاب لدعائي لو تعرفين بس حبي الج شكثر وشلون احبج احسج الهوا اللي اتنفسه

اعرف حالي عصبي ويامه اذيتج بس والله جان تصرفي نابع من غيرتي عليج اغار عليج من الهوا اللي يلمس خدج التفاحه .حتى صرت اغار من تعلقج برهف

وحبج الهه

ضلت فاتحة عيونها علي وسعهم من صدمتها وعيونها ماشاء الله عليهم يخبلن ولونهن اخخخ

حاولت اتقربلها جانت رافضة ومستغربة شلون وامي كالت أنو هي فهمتها كل شي حاولت اهديها بس رفضها خبلني وانا ميت عليها ومنتظر هاليوم بفارغ الصبر ماعرفت شلون فقدت معاها ماوعيت علي حالي من تقربتلها

ماوعيت علي نفسي الا وهي فاقده ومغمي عليها ونازفة هواي

فزيت بعدت عنها بسرعة وغطيتها ونزلت بسرعة اصيح لوحدة من خواتي لكيتهم كاعدين كلهم تحت اكيد منتظرين النيشان .صحت علي اختي سناء اجت وكلهم وراها من دون كلام اخذتها معاي لفوك اول ماوصلت الغرفة كلتلها أنو همس فاقدة وتنزف خترعت علي همس دخلت الغرفة حاولت تكعد همس بس همس منتهية كلهم ضلو يدكو الباب حتي يعرفون اللي صار وليه ناديت سناء

صكر. شوفي النزيف اللي عدها لو قوي حتي اخذها للمستشفي 

شافتها ولطمت علي وجها

سناء. ولك هاي نازفة هواي وشكلها مجروحة جرح جبير كلش

انصدمت من اللي سويته

ضلو يدكون عالباب راحت سناء فتحتلهم ودخلو كلهم واجوي حولها عماتي واخوتي مصدومين ويسالن عن اللي صار مارديت ولا درتلهم بال وكلت لسناء تلبسها شي حتي اخذها للمستشفي بسرعة لبستها وشلتها ونزلت بسرعة ركبت سيارتي وامي كابلتني تسال عفتها وطلعت مو بحالها اني

طلعت السيارة حطيتها ورا واجت يمها سناء ورهف  وعمتي هناء ركبت كدام وطلعت بسرعة وطول الطريق عيني عليها اباوع وجها صار اصفر سقت باقصي سرعة سويت الساعه ربع ساعه

وصلنه نزلت وشلتها ودخلت اصيح عالدكاترة

اجوني الممرضين بسدية حطيتها عليها ودخلوها جوا دخلو وياها سناء وعمتي ضليت برا شوي لكيتهم سناء وعمتي طلعو

صكر. هاااا شنو الي صار وينها همس

سناء. جوا الدكتورة طلعتنه حتى تخيطلها الجرح

عمتي هناء. شكو  شصار ابني الدكتورة تكول جرحها جبير ونازفة هواي ورادت تبلغ الشرطة تكول هذي مغتصبيها اغتصاب بشع ليش

مسحت علي وجهي وضليت استغفر

صكر. والله عمة مااعرف اللي صار ماحسيت علي حالي ورفضها خبلني

رهف بدموع. رفضت لأنها ماتعرف شي

صكر باوعتلهت. شلوون ماتعرف وامي كالت أنو هيه مفهمتها علي كلشي

رهف تبجي. مااظن انو احد فهمها لان قبل ماانت تدخل الغرفة كلامها اكدلي هي ماتعرف شي ومالحكت افهمها

صكر. بس امج كالتلي انو هي كايلتلها

رهف. مااعرف لما نرجع للبيت نسالها ليش كالت هيج

ضلت همس جوا حوالي ساعة أو أكثر

وطلعت الدكتورة طمنتنه عليها وأنها شوي وتطلع

شوي واجو الممرضات ساندين همس ومطلعينها ركضنه عليهم وسندوها عمتي وسناء وهي ماتكدر تمشي وشكلها باجية هواااي  رحتلها ومن دون كلام شلتها لأنها تعبانة حاولت تمنعني خايفه بس ما رديت عليها وصلت للسيارة ركبتها وهما ركبو  ورحت عالصيدلية اجيب علاجها اللي الدكتورة كاتبته الها   جبته واجيت ركبت ورجعنا للبيت نزلوها من السيارة وماجانت كادرة تمشي وضلت تبجي من الوجع دموعها حسيتها تنزل علي كلبي نار وتحركه

شلتها مرة ثانية برغم رفضها ورعشتها الواضحة بين أيدي ودخلنا لكينا الكل منتظرنه جوا طلعت علي غرفتي نومتها عالجربايه وكلهم دخلو يطمنون عليها حتي اخلاص معاهم ومرة عمي عباس هم

ضلت تبجي من وجعها خليت الها  ابرة مسكنة  بالكانوله اللي بايدها اخذتها ونامت طلعو  كلهم  وعافوها تنام تقربت منها مسحت علي شعرها وضليت ابوس راسها ووجهه واعتذرلها عن اللي صار بس هي نايمة وبرغم نومها شكلها متألم ودموعها ناشفة علي خدها انكسر كلبي عليها عفتها ونزلت تحت

لما سمعت صوت امي عالي

ام صكر. ايي ست رهف وبعد حاسبيني كاني مو امج

رهف. اني ماجاي  احاسبج بس داسالج ليش سويتي بهمس هيج ليش كلتي لصكر أن هي فاهمة كل شي وانتي مامفهمتها شي

ام صكر ارتبكت. لأنها جانت خايفة وماحبيت ازود خوفها

رهف. هااااااه وليش كلتي لصكر انو انتي مفهمة همس كلشي

ام صكر. هو تحقيق ست رهف همس بنتي مثلج مثلها وبعمري ماراح اذيها سمعتي لو لا

سارة مرة عمو عباس. ايه خوش حجية والله هذاا من خوفج عليها مو جا لو تكرهينها شو راح تسوين بيها

ام صكر. شنو قصدج عيني  يعني انا اكرهها هي بنتي حالها حال بناتي

لكيت امي تبجي نزلت علي عماتي شكلهن ضايجات حيل بس ساكتين  نهيت الحديث وقفلت الموضوع وكلهم راحو لغرفهم وعماتي باتو عدنا  ومرة عمي عباس اتصلت علي خالد اجاها لان بيتهم قريب

ماتوقعت امي قاصدة تاذي همس بهالشي انا بنفسي جنت اشوف تعاملها ويا همس وشلون جانت تحبها وتعاملها مثل بناتها واكثر

طلعت للغرفة لكيت رهف كاعدة يم همس  وتبجي

حاولت اخليها تروح لغرفتها رفضت وأصرت انها تبات مع همس حتي تساعدها تروح للحمام وتساعدها بتغيير ملابسها

صكر. انا راح ابقى وياها لتخافين وراح اساعدها

رهف. بس همس اكيد راح ترفض مساعدتك وراح تبقى خايفة منك انا اعرفها

لكيت كلامها صحيح وخليتها تنام يمها وانا نمت عالقنفة اللي كبالهم

ضليت شوي عيوني علي همس وبعدها غفيت

......

همس

كعدت علي وجع قوي فتحت عيني لكيت حالي بالمشفي والدكتورة يمي تهديني

الدكتورة. اهدي ماما اهدي واحجيلي منو اللي سوالج هيجي لتخافين حبيبه

وقتها اتذكرت اللي صار واللي سواه صكر ووحشيته وياي وشلون عاملني بهمجيه مو هيج اللي كالتلي عمتي أنه راح يصير  ضليت ابجي والدكتورة تحاول تسكتني وتسأل منو سوا هيج كلت الها أنه اليوم عرسي هزت راسها بتفهم وطلعت ضلت عندي ممرضة ساعدتني البس ملابس وسندتني هي وحدة معاها وطلعوني الهم برا

لكيت عمتي وسناء ورهف وصكر اجوي الي سندوني وانا ماكادرة امشي فجأة لكيت صكر شالني حاولت امنعه بس رفض شكد جنت خايفة منه هواي

وكارهته بسبب الي سواه وصلنه والألم زاد عليه حطلي صكر إبرة بالكانوله وبعدها ماحسيت علي شي

مادري بشكد الساعه كعدت علي نفس الالم اللي حسيته بالمستشفي ورهف جانت يمي وصكر مقابيلي نايم عالقنفة هزيت رهف بسدي وانا ابجي كامت بسرعة

رهف.شكو  حبيبة ليش تبجين

همس. موجوعة رهف موجوعة حيل

وضليت ابكي

ضلت تكلب بالأدوية اللي عطاوله علي صوتها صحي صكر انتفض واجه عدنا بسرعة

صكر بصوت ناعس. شكو شبيج همس

رهف. موجوعة ودورت علي علاجها حتي تاخذه

صكر باوع ع الساعة لكاها بل3 ونص الفجر

صكر. بس مايصير تاخذ علاجها من دون اكل لازم تاكل شي

رهف. اي  راح انزل اجيبلها اكل

همس. مااريد اكل الله يخليج انطيني المسكن

صكر. رهف انزلي جيبيلها اكل ماراح تاخذي علاجج من دون اكل

نزلت رهف وطلعت بايدها صينية عليها اكل الظاهر باقي من العرس حاولت تخليني اكل ماقبلت من كثر الالم صكر مخلاني اخذ علاجي الا اكل

اكلت لكمتين بلعتهم غصب حتي اخذ دواي

عطوني الدوا وضليت شوي علي  ما الالم راح ردت اروح الحمام بس خفت من كثر الالم اللي عندي شوي ومفعول العلاج بدأ نمت بعدها

كعدت علي صوت عماتي يمي بس الحمد لله ماحسيت بوجع مثل أمس ساعدتني رهف رحت عالحمام

وطلعتني

ضليت كم يوم تعبانة بس بعدها اتحسنت شوي

عماتي ضلو معي كم يوم ورجعو لبيتهم عمتي صابرين رجعت معاها سناء لأنهم متزوجين بنفس المحافظة 

وهناء ورهف رجعو عبيتهم بعدها بيوم

وصفيت انا لحالي اجتي عمتي الي وكعدت يمي وبقت تراضيني وانه سبب اللي سوته لاني جنت خايفة وصكر يريد يحجي معاي شوي

طبعا جنت رافضة اكلمه وبنفس الوقت خايفة منه  بس لما اجت الي عمتي سكتت ووافقت يحجي وياي

صحيح جنت زعلانة من عمتي لانها جذبت علي بس ماكدرت اطول بزعلي وياها مالي غيرها

شوي و اجاني صكر وفهمني انه الزواج هو اللي صار وكل فكرتي عن الزواج غلط وطفولية وكالي صحيح صار بطريقة مو حلوة بس جان اكو سوء فهم مو اكثر وان شاء الله ماراح تتكرر بالمستقبل

مر 10 ايام علي عرسي اتحسنت ونزلت تحت حتي اساعدهم بالبيت لكيت عمتي واخلاص كاعدين كدام التليفزيون رحت كعدت يمهم شوي واخلاص نظرتها الي باحتقار بعدها سالتني حسيت السؤال من طرف خشمها 

اخلاص. شلون صرتي همس

همس. الحمد لله احسن

ام صكر. ادري بنتي سباعية

ابتسمت الها وسكتت 

حاولت اكوم اساعد ام احمد بالمطبخ عمتي ماقبلت لاني مريضة ولسة عروس كامت اخلاص ساعدتها بتجهيز الغدا وكل شي وعمتي بسدي تسولف وياي

ام صكر. اكيد صرتي زينه هسه يمة مو

همس. ايه صرت زينه

ام صكر. شوفي صكر هسه صار رجلج انسي اللي صار بيوم عرسج وركزي بالي جاي

همس. كيف مافهمت

ام صكر. يعني ماتمنعيه من حقوقه يايمة .شوفي اعرف مو مو حقي احجيج بهالشي بس انتي بنيتي ولازم كل ام تنصح بنتها

سكتت ماعرفت ارد عليها شلون اكولها أنه انا ماكادرة انسي اللي سواه صكر ومو من السهل اتقبل هالشي عادي وكأنه ماصار شي خلصو تجهيز الغدا واجا صكر من الديوان هو مايروح دوامه لأنه ماخذ إجازة

للعرس صبت اخلاص وام احمد الاكل ونقلوه عالسفرة وكعدو يتغدو انا ماكان الي نفس بس صكر صمم اكعد معاهم عالسفرة ضليت اكلب بالاكل ومااكلت الا شي بسيط خلصو وردت اساعدهم بس اخلاص رفضت استغربت اخلاص رفضت اساعدهم ..كعدت وصكر حسيته فرح لما شاف اخلاص تريد راحتي جابت الجاي واجت ضليت  شوي وطلعت غرفتي اجا صكر بعدي بشوي وضل يكلمني ويراضيني ويوصفلي حبه وأنه اللي صار غصب عنه ومن حبه الي

صكر. شنو رايج نروح اسبوع او عشر ايام إجازة لتركيا

فرحت حيل

همس. صدك كول والله

ضل يضحك صكر. والله لو وافقتي راح احجز النه ونسافر هاشنو كلتي

همس. موافقة اكيد مايحتاج تسالني

مر يومين وحجز النا وجهزنا جنطنه بس اخلاص تريد تنفجر واخذني وسافرنا لتركيا وضلينا هناك عشر ايام كان احلي ايام بعمري ورحنا زرنا متحف اسمه متحف هيراقيليس ومكان مااتذكر اسمه بس كله ينابيع ساخنة علي شكل مدرجات وزرت اماكن حلوة جثير بس اللي مانسيتهم الينابيع الساخنة حلوة حيل

صكر خلال هالفترة خلاني اتعلق بيه واحبه وجانت حياتنه وعلاقتنه طبيعية وماجبرني علي شي بالعكس جان متفهم وحنين معاي ونسيت خوفي من الي صار واتعديت هالشي وقررت افاتحه بموضوع  دراستي لما نرجع لأنه مابقي عالدراسة شي

قبل لانرجع بيوم طلعنه اشترينه هداية للكل واتعشينا بمطعم ورجعنا الفندق رتبنه جنطنه ونمنا لان طيارتنا الصبح كعدنه ثاني يوم ورحنا عالمطار ورجعنا للعراق بعد تعب وطريق طويل اول ماوصلنا سلمنه عليهم كلهم ولكيت هناء ورهف وعمتي هناء منتظرينا بالبيت

طلعنا الهم هداياهم وعطيت اخلاص هديتها اخذتها وعوجت حلكها وخلتها بسدها

صكر استأذن منهم نطلع ننام لانا جايين من سفر وتعبانين طلعنا على غرفتنه سبحت انا قبل صكر ولبست شي خفيف انام فيه اجه هو لاف الخاولي علي خصره هالعادة بيه ومايبطلها بدل ملابسه واجه علي

صكر. همستي اريد اكلج من باجر راح انام عند اخلاص يوم وانتي يوم لان صارلي فترة جبيرة عندج

ضجت بس مابينت سبحان مغير الاحوال قبل شهر ماجنت طايقته وهسه ضايجة لأنه راح يروح عند اخلاص

هزيت راسي

همس. وانا اريد اسالك  علي شي

صكر. شنهوه

همس. الدراسة اقتربت يمتى راح اروح اجيب اشياءي

صكر. ومنو كال انتي راح ترجعين تدرسين

انصدمت من كلامه بس فكرت اكيد جاي يمزح هو واعدني

همس. مو انت كلت لو وافقتي راح اخليج تكملين دراستج

صكر. ايه كلت هالشي بس رجعت بكلامي انسي دراسة ماكو ........

____________________________________

يتبع.......

سلام بنات هذا البارت مانزلته البارحه مو تاخير لا والله خفت منكم لا بعد هذا البارت اكو خبر ماحلو احتمال تجون تذبحوني اني عليه بس شنسوي الظروف تجبر مع انو مالي اي شغل بي بس ادري اني الي راح اكلها 😂

فكلت اخليه انزله اليوم وانزل معاه صور تشبيهيه للابطال لان والله مادري ليش ماجاي يتحملن كلت اجرب بعدين واشوف اذا متنزلن ماعرف شسوي بعد

اما بلنسبه للي يكولون اللهجه مختلطه بين السوري والعراقي لا حبيبات هاي اسمحلي بيها

اول شي اني متاكدة من اتقاني للهجه العراقيه

ثاني شي اني عندي خبره 4 سنوات بهاي اللهجه

ثالث شي اني لهجتي الاصليه كلش كلش قريبه للهجتكم العراقيه لان اني بنت شيوخ وعشاير مثلكم بس الفرق عشيرتي سوريه مو عراقيه اوكيهه

وبنات ليش المشاهدات ع الروايه كلش جثيرة والتصويتات قليله ترا والله جاي نتعب علشان نبقى ملتزمين والله اني بيوم الاستراحه من النشر دابقى للفجر كاعده اسوي البارت واعدله عسان انسره ثاني يوم وتقروه فلو سمحتو قبل ماتقرون البارت صوتو وسوو مشاركه للروايه حتى ترتفع نسبه مشاهداتها

ونصير ننشر كل يوم

مع تحياتي الكم. رين الزين

بنات مادري شكول والله بس اعذرني

اني وايمان ح نضطر نوقف الروايه 10 ايام

السبب

ايمان مريضه كلش وتعبانه

واني اسفه كلش اني جدتي بلمستشفى وامي تعبانه من الحمل وجاي اداريها هي واخواتي

بس والله من نرجع راح نعوضكم عن الغياب هذا كله

وراح نرجع بقووه وبارتات مليانه صدمات وقهر واخبار عن الابطال كلهم

ملاحظه. اني من نشرت البارت العاشر مثل مشفتوو صكر جان اكو كلام حجاه بلروايه صح

بس صكر من الاساس ميدري عن موضوع الروايه ابدا ولا يعرف انو همس جاي تنشر قصتها

لان كالتلنه اذا عرف يتخبل عليها

اما الكلام الي شفتوه انروا ع لسان صكر هذا جان هو حاجيه الها بعد ماتزوجو

واحنه كتبناه ع لسانه

اسفه مره ثانيه حبايب والله الظروف جبرتنه حتى نوقفها بس انتظرونه راجعين بقووه

مع تحياتي الكم. رين الزين

آتنفسـگ مـثل آلهوى حبگ مـثل هہذآ آلعمـر

يگبر آحس يووووومـي

حسـ بيهہ يل مـآبعتگ شـوف آلروح عآشـگتگ

تحبگ مـن صـدگ روحي

عشـگنهہ وآلعشـگ لآيگ علينهہ

____________________________________

صكر. اي كلت بس رجعت بكلامي

همس. بس انت وعدتني صكر

صكر. حتى واذا مرجعتج للدراسة هسه انتي ندمانة علي زواجج مني يعني انتي وافقتي تزوجيني علمود دراستج مو

همس. بالاول وافقت علمود دراستي بس هسه كلشي تغير صرت احبك صكر

صكر. واللي يحب يضحي علمود الي يحبه انا اغار عليج من الهوا والله الطاير وماريدج تضلين رايحة راده للمدرسة وكل الناس تشوفج

همس بخفوت. ب بس هذا مو سبب حتى اعوف دراستي علموده

صكر بعصبية. بس بالنسبة إليه سبب جبير ويلا طفي الضوة اريد انام شوي

خفت اطول معه بالكلام يضايق اكثر وقررت بس يهدي ارجع اكلمه  طفيت الضو وطلعت برا الغرفة وانا مخنوكة رحت لغرفة عمتي لكيتها كاعدة هي واخلاص

ام صكر. هلا وغلا تعالي بنيتي

رحتلها كعدت يمها وانا الدمعة بطرف بعيني

ام صكر. كوليلي السفرة جانت زينة

همس بصوت ناصي. اي

ام صكررفعت وجهي بايدها. منو مزعلج يايمة

مااتحملت كمت ابجي واشهك واخلاص تباوعلي ورافعة تك حاجب

ام صكر. اهدي حبيبة بس كوليلي منو اللي غاثج

همس. ماكو شي بس جنت مشتاقتلج

ام صكر بغمزة لاخلاص. روحي اخلاص سويلي استكان جاي

اخلاص. حاضر خالة وطلعت برا وقفلت الباب وراها

ام صكر. وهسه صرنا لحالنا احجيلي يلا شبيج

همس. صكر رافض ارجع للمدرسة

ام صكر. وهذاا اللي مزعلج يايمة رجلج مايحب احد يشوف عرضه وانتي تعرفينه لسه ماتعودتي عليه

همس. بس هو واعدني بس نزوج راح يخليني اكمل دراستي الله يخليج يمة احجيه انتي جنتي شاهدة علي كلامه لما كالي نتزوج وتكملين

ام صكر. لااا انا مااتدخل بهاي ألامور انتي وهو رجال ومرته ومايصير أتدخل بينكم

همس بدموع. بس هو قافل وماراح يوافق

ام صكر. شلج بالدراسة مو انتي تزوجتي وخلص ماله داعي ترجعين للمدرسة

همس. بس هذا حلمي وحلم اهلي وعمو سلمان شلون ترديني أتنازل بهاي السهولة عنه

ام صكر. اوقات الظروف تجبرنا نتنازل حتي تمشي الحياة بطلي بجي وعوفيها للايام يمكن الله يهدي ويرجعج لحاله

همس. بس مابقى وقت الدراسة راح تبدي

ام صكر. مو ضروري العام يمكن السنه الجايه أو اللي بعده اتركيها لظروف

ضليت ابجي حسيت ماحد مهتم لمشاعري ولا رغبتي وكأنه وجودي حتي ماله داعي مجرد تحصيل حاصل

صكر ادري يحبني بس مايحترم رغبتي ومايسمحلي حتي احقق حلمي

طلعت من غرفة عمتي وانا ابجي علي حظي كابلتني اخلاص والله شفت بعيونها نظره فرح لدموعي بس مابينت مرت من يمي ودخلت لغرفة عمتي مسحت دموعي ورحت للمغسلة غسلت وجهي وحسيت عيوني تحركني من كثر مابجيت

رحت كعدت بالاستقبال مااكدر اصعد للغرفة وانا ضايجه من صكر كعدت شوي افكر شلون اقنع صكر يوافق عالدراسة قررت اروح لعمو عباس وأكوله علي شرط صكر واللي يصير خله يصير بلكي يحاول يساعدني ويكلم صكر

كعدت شوي ورهف اجت هي وهناء وعمتي من برا

رهف. هموسة ليش كاعدة هنا لحالج

همس. صكر فوك نايم وين جنتو

رهف. جنا بالبيت عندي هناء ساعدتني ارتب البيت شوي تعرفيني تعبانة ومااكدر

عمتي هناء. شمالها عيونج عمة انتي باجية شي

همس رتبكت. هاا لا عمة ماباجيه

اعرفها ماصدكت بس غلست كعدنا شوي هما يسولفون وانا بالي مو يمهم  وطلعت عمتي واخلاص من الغرفة وكعدو معنا شوي وصكر نزل من فوك لابس دشداشة نيلي ولاف والغترة والسبحة بيده وجواله كعد شوي وراد يكوم

همس. صكر انا راح اروح لعمي عباس شوي

صكر باوعلي. اكو شي

همس. هاا ل لااا ماكو بس مشتاكتله

صكر. راح اتصل عليه واخليه يجي لان هو مايعرف احنا اجينا

همس. بس انا اريد اروح لعنده

صكر وهو مضيق عيونه. وليش تردين تروحين كلت راح اتصل وهو يجي اللي ببالج شيلي لأنه ماراح يصير سمعتي لو لا

طبعا الكاعدين ماحد فاهم شي ولا يعرفون علي شنو كلامنا

همس. بس هذا ظلم صكر

صكر على صوته. شنووو شنو ست همس ماسمعت عيدي بالله دشو عيدي

همس. الله يخليك صكر وافق ارجع لدراستي

صكر. انااااااا شنو كلت ماكلت لاا وخلاص الموضوع انتهي ماكو نقاش

همس بدون وعي.  بس انت كلت راح اخليج تكميلن بس نتزوج

ماوعيت علي اللي كلته الا لما رهف شهكت

ونسيت انو صكر مانعني اجيب طاري الشرط لأحد

رهف. وانا اكول ليش همس وافقت بهالسرعة اكيد لأنه مساومها علي شي بس احنا مافهمنا

عمتي هناء. انت شارط عليها تكمل دراسة بس توافق  تتزوجك ردددددد صكر

صكر ضاج وعصب كلش عيونه صارت حمر من عصبيته اجاني مسكني من شعري وضربني راجدي علي وجهي احس خدي خدر من قوه الضربه

صكر. انا اعلمج كيف توكفين بوجهي ماااكو دراسة والله ولا راح تطلعين من البيت ولو جبتي طاري الدراسة مرة ثانية راح اكسر راسك ولج

نتر ايدي من ايده ودفعني وكعت بحضن عمتي هناء لانها كانت تحاول تدافعلي

ضليت ابجي وهي تواسيني رهف تضايقت حيل وطلعت من البيت رجعت لبيتها وهناء اتصلت على رجلها يجي ياخذها

ام صكر. مو انا كلتلج اصبري شوي وعوفي موضوع الدراسة هالايام بس ماسمعتي كلمتي وهاي النتيجة

عمتي هناء. خللص سعدية كافي عوفيها بالي هي فيه

ام صكر. هاااي بنتي هناء وانا اريد مصلحتها بس هي ماسمعتني

عمتي هناء. وانتي جنتي تدرين عن هالشرط

ام صكر. اي ادري

عمتي هناء. هااا چا ليش ماوفيتو بوعدكم معاها انتي جنتي تدرين يعني كلمة منج ويا صگر تحل الأمور

ام صكر. وهو من يمتى صكر يسمع كلمة من احد ماتدرين عنيد هو راسه يابس

عمتي هناء. الك الله ياليتيم الك الله

كل هاد وانا بحضنها ابجي واتذكر شلون ضربني كدامهم

عمتي هناء. انتي ثولة ولج شلون تخليهم يشرطون عليج هالشرط هااااه ليش مااجيتي وكلتي

همس ببكاء. صكر كايلي مااكول لاي احد لأنه لو كلت راح يمنعني من الدراسة

عمتي هناء. خلاص  كافي عمة يلا اطلعي لغرفتج ارتاحي وانا راح ارجع للبيت وباجر اكون عندج

ماجنت حابة اطلع لهاي الغرفة بس ماعندي مكان غيرها اروحله فتحت الباب ودخلت مددت جسمي  عالجرباية ضليت امسح دموعي لحدما غفيت

كمت مااعرف المدة اللي نمتها  علي ايد تمسح على شعري فتحت عيوني لكيته صكر انتفضت من مكاني وبعدت عنه

صكر. هاي شنو همسي لهالدرجة كارهتني 

مارديت عليه

صكر. ادري انتي زعلانة مني بس انتي استفزتيني مو انا كلت لاتجيبين طاري الشرط لأحد وانتي كلتي كدامهم وماهمج

همس بصوت ناصي بسبب النوم وكثرة البجي.لان انت وعدتني

اقترب مني رفعني وحطني بحضنه وانا احاول ابعده عني بس ماتحرك جنه حيط

صكر. والله سبب رفضي مو كره الج ياعمري كمل بصوت ناصي  بس انا اغااااار ماريد احد يلمح طولج

مارديت عليه رجع كمل

صكر. شوفي راح ادوس علي حالي واحاول اتحكم بغيرتي و اخليج تردين للدراسة بس مو هاي السنة العام القادم لاني حلفت ماشي

همس بفرحة. كول والله

ضحك وكال ما مصدكة لا احلف يعني حسيت انه يضحك علي عقلي كأني طفلة يحاول يرضيها بس ماراح يسوي شي من اللي كاله سكتت وكلي أمل ارجع للدراسة صحيح راح تضيع سنة علي بس مو مهم  المهم ارجع وخلص

ضل شوي يصالحني وماتركني الا وانا راضية ومقتنعة أخذني ونزلنا اتعشينا وبعدها طلعنا للغرفة وكال أنه راح يصير يوم عندي ويوم عند اخلاص من باجر يعني راح يضل معاي اليوم وباجر هو عند اخلاص

شكد ضجت من هلشي بس سكتت ماتكلمت لان مو من حقي اضوج لان اخلاص مرته الأولي مايحقلي ازعل حتي وفعلا صار يوم يبات عندي ويوم لاخلاص

ومر شهرين علي زواجي ورهف هسه بالشهر الرابع من حملها الحمد لله النساوة والتعب مو مثل قبل صحيح اكو تعب بس مو مثل الاول وسوت سونار والطبيبة كايلة الها بنية وهي وايهم فرحانين حيل

اخلاص اوقات تشد وياي بس عمتي تكلمها وتبعد عني شوي وترجع مرة ثانية صكر طول هالفترة وهو مدللني ومازعلني مرة ثانية من بعد ماضربني

عمتي تحبني ومعاملتها معي كأنه امي

اول شهر بعد ماتزوجت سألتني عن موعد الشهرية  كطعتني أو لا ولما اكول اجت احسها تضايق بس تسكت وما تتكلم وهسه ثاني شهر وموعدها بس

صارلي يومين الشهرية ماخرة عن موعدها بس ماتكلمت كلت يمكن تجي عمتي كالتلي أن الشهرية لما تكطع يمكن صار حمل مر أسبوع والشهرية مااجت رحت لعمتي كلت الها انو متأخرة علي

فرحت وضلت تدعي واخلاص واكفة متوترة وتفرك بايدها

ام صكر.كومي يلا يمة بدلي ملابسج وانا راح اتصل علي صكر يودينا نسوي تحليل

همس. اي

صعدت غرفتي لبست عباتي وحجابي وأخذت البوشية بايدي البسها لما يجي صكر صكر مايخليني اطلع من دون البوشية بس اخلاص ماتلبسها ومرة سالته ليه انا البس البوشية واخلاص لا يكون رده انو يغار علي انا

اسكت ومااتكلم شنو اللي اكوله راح يغير رأيه يعني

نزلت عغرفة عمتي لكيتها مبدلة ومنتظرة صكر كعدت يمها

شوي واجا صكر دخل بسرعة شفت بعيونه فرحة بس ماتكلم

صكر. ها خلصتو

ام صكر. اي خلصنا يلا يمة

طلعنا وركبنا بالسيارة عمتي اصرت اركب انا كدام تكول اخاف يكون اكو حمل واللخبطات  اللي بالطريق

خطر عالطفل ضحكت وركبت كدام طول الطريق احس صكر متوتر علي فرحان وعمتي تدعي وتنذر انو اكون حامل وصلنا ونزلنا للعياده ودخلنا

شوي واجت دكتوره تسحب من ايدي دم حتي تسوي التحليل

جنت خايفة حيل بس قويت كلبي ومديت الها ايدي وغمضت عيوني بكل قوتي حسيت بنغزه الإبرة ضغطت على سناني من الالم سحبت الدم وكالت ساعة وتظهر النتيجة صكر اخذنا كعدنه بمطعم قريب عالعياده

شربنا عصير وكعدنا شوي صكر اشوفه باوع بساعته

صكر. يلا مرت ساعة نروح للتحليل نشوفه

رحنا وعمتي ماسكة ايدي وتدعي

صكر دخل كال علي اسمي وسأل علي تحليلي

الطبيبة. تفضل التحليل الف مبروك حامل بس لازم تتابع من طبيبة نسائية 

صكر من كثر فرحته حسيت عيونه غوركت بالدموع

وعمتي يمي تحمد الله وحضنتني وضلت تبوس بيه وانا اضحك من فرحتي ومن تصرفات عمتي طلعنا برا وصكر اتصل علي رهف سألها عن اسم الدكتورة اللي تتابع عنها

صكر. يلا دكتورة رهف موجودة بعيادتها هسه

همس. مو ضروري اليوم خلوها يوم ثاني

عمتي صاحت. لاااا نروح حتي نطمن علي صحة الطفل

باوعتلها مستغربة كل همها الطفل شافتني هي وانا مستغربة

ام صكر هااا وحتى هم  نطمن علي صحة هموسة

غلست كلت اكيد من فرحتها لخبطت بالكلام ركبنا السيارة وطلعنا علي عيادة الطبيبة انتظرنا دورنا ودخلنا انا وعمتي وصكر انتظرنا بالسيارة

الطبيبة سالتني عن اسمي وعمري

لما كلت الها عمري 16 سنة ونص

الطبيبة ضحكت  اوووووي صغيرة حيل

ضلت تسالني عن موعد آخر شهرية وهاي الأسئلة

طلعتني للسونار واشرت علي نقطة صغيرة علي الشاشة وكالت انو هذا الطفل ضحكت جنت راح ابجي من فرحتي

طول عمري احس حالي وحيدة مالي احد صحيح عمو سلمان الله يرحمه ماقصر معاي وكان اليه اب وعم وكل شي ورهف كانت  اخت الي 

وصكر وحبه اليه بس هالطفل يختلف أحسه راح يصيرلي سند وراح يكون عندي عائلة خاصة فيني

طمنتنه الدكتوره عن صحة الطفل وكتبتلي مثبتات ووصتني لازم ارتاح ومااتعب حالي حتي يستقر الطفل

طلعنا من عندها لكينا صكر منتظرنا وكأنه منتظر علي نار

صكر. هااا بشرو

ام صكر. مبروك يايمة الله يتمم حملها علي خير وتشيل طفلك بحضنك تطمن الدكتوره طمنتنه عن الطفل وكالت وضعه زين بس يرادلها راحة حتي يستقر الحمل

صكر. الف الحمد لله ياربي مبروك هموسة

همس. الله يبارك فيك

راح صكر وأخذ الرجيتة يجيب العلاج ورجعنا للبيت

دخلنا لكيت رهف منتظرة وواكفة اول ما دخلت حضنتني  وضلت تباركلي وتبكي من فرحتها ههههه

رهف. مبروك ياعمري الله يتمم علي خير وتكومين بالسلامة

همس. الله يبارك بيج حبي

رهف. انتبهي علي حالج زين هالفترة وديري بالج علي صحتج اهم شي

همس رايه اكيد

ضلت رهف شوي ورجعت بيتها صكر نزلنا وراح عالديوان لان الناس منتظرينه يحل مشكلة صايرة

شوي واجتي اخلاص بس شكلها متغير كأنها كانت تبجي مااتكلمت معي ولا كاني موجودة كل كلامها مع عمتي وتسأل عن حملي وعن الطفل استغربت منها بس كلت يمكن فرحانة الي ولصكر شوي واجه صكر اول مادخل واخلاص كامت تبجي هو راح عليها حضنها كدامي ويمسح علي ضهرها

زعلت عليها وكلبي انعصر مو سهلة علي اي واحدة ضرتها تحمل وهي لا ووعدت حالي بس اولد راح اخليها تربي الطفل وياي بس اللي استغربته انو لما يكون صكر ماموجود هي طبيعية مابيها شي

واول مايجي تكوم تبجي وعمتي تاخذهم ويدخلون غرفتها ويطلعو بعد شوي كانو ما صاير شي..... غلست عنهم ومااهتميت

اجتي هناء اخت صكر وعمتي هناء باركولي وكانو فرح

مر اول شهر بحملي وانا زينة بس ثاني شهر بدت النساوة والتعب كل مااكل شي استفرغ ودايما نايمة كانو نعس الدنيا كلو بيه بيوم كنه كاعدين كلنا بعد العشه بشوي نباوع عالتلفزيون وصكر كاعد معنه يشرب نركيله وعينه عالتليفون

فجأة حسيت نفسي داكل مانجو وصرت احس طعمها بحلكي

همس. صكر اريد اكل مانجا

صكر بستغراب. رفع رأسه من التليفون شكلتي

همس. اريد مانجا الله يخليك 

صكر بضحكة. بدت طلبات الحمل مووو

ام صكر. كوم يمة هاتلها مانجا هاي نساوتها عليها

صكر. اي كايم ورجع كمل بضحك  بس مو اجيبها وتكولين مااريد هااا

همس. لا والله مااكول بس لاتتاخر الله يخليك

راح وضل نص ساعة واجه معاه جنطة كبيرة مليانه مانجا مدها الي

صكر. هاج المانجا

اخذتها منه وفتحت الجنطة وطلعت واحدة واكلتها من دون غسيل من كثر مارايدتها

صكر. ولج لاا لا اغسليها مايصير هالشي مو نظيفة

اخلاص. هاتها صكر انا اغسلها الها هي الحمل متعبها

اخذتها وراحت المطبخ غسلتها وجابتلي ماعون مليان

ضليت اكل وهما يباوعون علي وصكر يضحك علي فرحتي بالمانجا وفرحان انو اخيرا راح يصير اب وطفله اللي ببطني  يشتهي شي

صكر. ماتزودين منها حتي لاتتعبين

همس وهي تاكل وايدها وحلكها كلهم مانجو. لا ماراح اتعب طعمها حلووووو كلش

صكر ضل يضحك ويهز برأسه

صكر. بالعافية بوية اكلي وكل اللي تشتهينه راح اجيبه الج ولولدي حبيبي

مارديت عليه اصلا موفارغة ارد

رفعت رأسي شفت عمتي تتابع التلفزيون واخلاص تباوعلي بحقد اول ماشافتني ضحكت

اخلاص. بالعافية حبيبتي

هزيت راسي وكمت غسلت ايدي ووجهي وحطيت باقي المانجا بالثلاجة واجيت كعدت معاهم شوي وكله راح لغرفته وطلعت انا وصكر لغرفتنا ونمنا  لأنه كان عند اخلاص البارحة كعدت الصبح لكيت صكر راح لدوامه حسيت عندي غثيان مو طبيعي

رحت اركض عالحمام وضليت اتقيء لما حسيت روحي راح تطلع

تعبت ونزلت لعمتي اسالها علي اي مشروب اسويه  لانو بطني توجعني ومبطلت اسفراغ اجيت افتح الباب وسمعت اخلاص وعمتي

ام صكر. خلص كافي ماتبجين مو كلنا نصبر حتي يصير اللي نريده

اخلاص. بس انا تعبت خالتي تعبت

ام صكر. تحملي هي كم شهر بس

اخلاص. وصكر شنو اللي راح يقنعه

ام صكر. يقتنع لا تخافين بس انتي نفذي اللي اكوله واستمري بخطتنه

استغربت يا خطة يحجون عنها فتحت الباب ودخلت شفت وجوهن اصفرت همس. خطة شنو عمة عن شنو جاي تحجون.......

____________________________________

سلام بنات

رجعتلكم مادري شكم يوم غبت عن الواتباد بس والله اول ماصحتلي الفرصه نشرت هذا البارت ومثل ماكلتلكم راح نعوضكم والبارتات الجايه كلها حماس وبيها قهر ومشاكل هم بس كله يهون

الي تعرف شكم يوم توقف التنزيل تكتبلي بالتعليقات

لتنسون

المتابعه

التصويت

الكومنت

مع تحياتي الكم رين الزين

____________________________________

همس خطة شنو عمه عن شنو جاي تحجون

حسيتهم انصدمو لما شافوني بس مابينو

ام صكر. هاا مو مو اخلاص تريد تروح لبغداد حتى تسوي تحاليل بلكت تسوي طفل انابيب وصكر ماموافق فنحاول نقنعه احنا ونسوي أي خطة علمود يوافق

بصراحه اقتنعت بكلامهم وسكتت واخلاص هي وعمتي يباوعن لبعضهن ويرجعن يضحكلي كعدت مع عمتي وسألتها علي اي مشروب اسويه حتي يخف وجع بطني

اخلاص .... اكعدي انا اسويلج حبيبة

وفعلا راحت سوتلي كوب زهورات وشربتها شوي شوي الالم بدأ يخف لحد ما راح ضليت معاهم شوي وحاولت اكوم اساعدهم بس ماوافقو وخاصة اخلاص رفضت اكوم وهي سوت كل شي فرحت حيل بمعاملتهم وياي اجيت اطلع لغرفتي عمتي ماوافقت وكالتلي اروح لغرفتها ارتاح فيها لان الطلعه ع الدرج كل شوي غلط عالطفل دخلت غرفة عمتي نمت شوي ماكعدت الا وصكر يكعدني حتي اتغدي حييل نمت

كمت غسلت وجهي وكعدت حاولت اكل بس مالي نفس والأكل احس ريحته ماطايقتها

جابتلي عمتي قطعة جبن مالحة اكلتها كمت سويت جاي واخلاص لمت السفرة وتركت ام احمد تغسل الاماعين

مرت فترة على حملي تعبت بيها هواي من النساوة ..اخلاص طول الفترة اللي مرت مابطلت دموع كل ماتشوف صكر تبجي اوقات عمتي تأخذ صكر لغرفتها مااعرف شنو تكله بس يطلع من عندها ضايج .... بس صارلها كم يوم ماتبجي لما يجي صكر واشوف اكو فرحة بعيونها

انا هيه بالشهر الخامس ورهوفة بالشهر التاسع ضل الها كم يوم وتولد اليوم رايحين انا وصكر وعمتي حتي اسوي سونار اطمن عالطفل واعرف بنت او ولد اخلاص رادت تروح معانه وهم وافقو حتي لاتزعل

رحنا كلنا ودخلت انا وعمتي واخلاص للطبيبة ضلت تسالني وتطمن علي وضعي

وبعدها كالتلي اصعد علي سرير الكشف حتي اسوي سونر طلعت وضلت تسويلي سونر وعمتي واخلاص عينهم عالشاشة

الطبيبة. ماشاء الله صحته تمام وحركته زينه

ام صكر. هاااا دكتورة ولد ولا بنية

الطبيبة. ولد حجية

عمتي من فرحتها نست احنا بالعيادة وضلت تهلهل وتحضن بالطبيبة والدكتورة تضحك

اخلاص حسيتها فرحت كأنه الطفل ببطنها هي وكل شوي تحمد الله ماركزت معاها كلت يمكن من فرحتها انو صكر حيصير اب

طلعنا برا لكينا صكر منتظرنا يم سيارته ويدخن

عمتي بشرته أنو اللي ببطني ولد فرح بس مونفس الفرحة اللي كنت منتظرة اشوفها لما يعرف

مااعرف أحسه متغير صارله فترة دائما شارد ونظرته اليه غريبة

وكل مااساله يكولي مشاكل بشغلي أو خايف عليج

طلعنه بالسيارة ركبت ورا انا واخلاص واخلاص مابطلت كلام طول الطريق

اخلاص. اخ لو تشوف الطفل بالشاشة صكر ياخذ قلبك صغيرون ويحرك رجليه والله خطف كلبي

وصكر عينه عليه اني بالمراية وانا اباوع لاخلاص ومبتسمة لفرحتها الي وصلنا البيت ودخلنا جوا صعدت لغرفتي غيرت ملابسي وصكر اجا وراي

همس. فرحان صكر هيجيك عمران

صكر ... منو عمران

همس .... ابني مو انا قررت اسمي عمران علي اسم بابا وان شاء الله اسمي ابني الثاني سلمان علي اسم عمو

ضل شارد بوجهي شوي وبعيونه نظرة حسيتها انا نظرة حزن أو شفقة مااعرف هي هيج لو انا اللي حسيت هيج

همس. شنو اللي شاغل بالك صكر دائما شارد وهاي الفترة متغير

صكر. ماكو شي ماكلتلك مشاكل بشغلي

همس. ومشاكل شغلك شلها بنظرة عيونك الي

صكر. شمالها نظرتي مافتهمت

همس. احس نظرتك الي حزينة واشوف نظرة شفقة مادري ليش

صكر سرح بوجهي شوي وكال. متوهمة ماكو هيج شي يلا انا راح اروح للديوان رايدة شي

همس. سلامتك

راح صكر وتركني بحيرتي ضليت بغرفتي لما سمعت رهف تناديني من تحت طلعت لكيتها واكفة بأول بايه عالدرج من تحت ضحكت عليها صايرة مثل البطة ماتكدر تمشي

همس. هههههههههه شنو اللي موكفج هيج ولج

رهف. مااكدر اصعد انزلي أنتي يلا

نزلت كعدت معها وعمتي معانه وكل شوي اعاندها واضحك علي شكلها

همس. ماشاء الله صايرة مثل البطريق كوليلي تاكلين اكل ايهم لو شنو ها

رهف. تضحكين علي هاا شوفي كلها شهر او شهرين وتصيرين مثل الفيل مو مثل البطريق

ضلينا نضحك شوي وطلعت اخلاص من غرفة عمتي واجت كعدت معانا نظرتها النا احس بيها حسرة كأنها تكول ليه هما يحملو وانا لا ليه مااصير ام مثلهم

كل مااشوف نظرتها هاي اوعد نفسي راح اخليها تربي معاي ابني ولما يكبر راح اخليه يناديها ماما مثلي

ضلت رهف شوي ورجعت لبيتها

مر أسبوع ورهف صارلها كم يوم تعبانة

عمتي تكول لازم هيج يصيرمعاها لان اول طفل ولادته تصير صعبة شوي

جنت نايمة بالليل وصكر كان عند اخلاص وسمعت أصوات طلوع ونزول عالدرج باوعت بالساعة اللي بالتليفون لكيتها 2.5الفجر طلعت من غرفتي لكيت صكر نازل من عالدرج وعمتي لابسة عباتها ومنتظرة تحت

سألتهم شنو اللي صار

رد صكر أنه رهف تعبانة وتولد وعمتي رايحة معاهم

صكر راد يروح معهم بس مايكدر يتركنا لحالنا انا واخلاص

ضلينه بقلق ومانمنا وكل شوي صكر يتصل علي ايهم يطمن علي رهف لعند الصبح الساعة 8 الصبح بشره أنه هي ولدت وصحتها زينة هي والطفلة

اخذنه نفس وحمدنا الله

حوالي الساعة 11 اجو من المستشفي ورهف اجت عدنا حتي ندير بالنا عليها لانو بيتها لحالها هي وايهم وعمتها مرة جبيرة ماتكدر تخدمها رحت عليها حضنتها واخدت الطفلة من عمتي صغيرونة وناعمة ومثل الكمر ماشاء الله عليها

ضليت ابوسها

واجا صكر شالها وهو فرحان باسها ورجعها الي

ضلت معي شوي واجت اخلاص شالتها وضلت معها فترة طويلة وهي تضحكها وتناغيها رهف دخلوها بغرفة عمتي نامت هي لأنها ماكانت تنام من تعبها صارلها كم يوم ايهم كل شوي عندنا يطمن علي رهف ويشيل الطفلة ويكلمها كانو هي كبيرة وراح تفهم كلامه عمتي تضل تضحك وتكله ماتسمعك لانها صغيرة

بس هو مصمم انو بنته تفهم عليه وتضحك لما يكلمها

عمتي تكله انو اي طفل نفاس يضحك اوقات وهو نايم

بس هو مااقتنع سألتهم اختارو اسم الطفلة

رهف. ايه اتفقنا انا وايهم نسميها همس

انصدمت لما عرفت فرحت حيل ومن فرحتي ضليت ابكي حضنتها وضليت اشكرها كنت فرحانة انو الطفلة علي اسمي بس الفرحة الأكبر بالنسبة إلي انو انا غالية علي حدا لدرجة يسمي طفله علي اسمي

دايما احس حالي مرفوضة مااعرف ليش برغم كلهم يحبوني وماقصرو معي بس احساس انو انا شي مرفوض وماله مكان كان مسيطر علي يمكن لانو اهلي تركوني من صغري أو يمكن بسبب رفض عمتي الي بالاول وكرها الي

صكر دائما كان يحاول يبعد عني هالاحساس ...لما كان يجيبلي هدية أو اي شي كنت افرح بيه حيل واضل ابجي ولما يسالني ليش ابجي ويستغرب انو من كثر فرحتي ابجي كنت اكله أن لما اتذكرني وجابلي هديه حسيت حالي مهمة والي كيان

يزعل مني انو انا لهسه احس حالي وحيدة أو مالي احد ومرفوضة ويحاول يفهمني أنو هذا بيتي مثل ماهو بيتهم كنت أفهمه انو انا اقتنعت بكلامه بس بداخلي احساس الرفض مسيطر علي عقلي

العصر اجوي هناء اخت صكر وعمتي هناء يطمنو علي رهف ويباركولها بالطفلة عمتي ضلو شوي وراحو

سناء اخت صكر مااجت ولا عمتي صابرين لأنهم بعيدين واتصلو اطمنو علي رهف وكالو راح يجو يوم سبوع الطفلة

ثاني يوم اجا عمو صالح ومرته واخوات ايهم واخوانه ونسوانهم يطمنو علي رهف وجايبين هواي هداية لرهف والطفلة باركولها وعمو صالح كان فرحان بالطفلة حيل وضل حاضنها ويبوسها وهما يضحكو عليه كانو اول حفيد عنده

احمد اخو ايهم. ايه يابه اللي يشوفك شلون تبوس بالطفلة يكول اول حفيد عندك وانت عندك جيش احفاد هههه.

عمو صالح. اللهم صل على محمد لاتكول هيج ولك تريد تحسد احفادي

ضحكنا علي طريقة كلام عمو صالح مع ابنه رجع كمل بس هاي بنت ايهم اصغر اولادي وفرحان أن الله طول بعمري لما شفت أولاده كلنا دعينه اله الله يطول بعمره لما يزوج أحفاده كلهم ضلو شوي وراحو وايهم راح معاهم وكال راح يجي يطمن علي رهف والطفلة العصر

راحت اخلاص وعمتي يجهزون الغدا ورفضو اساعدهم

كعدت يم رهف شوي وشلت همس الصغيرة بالله شكد حلوة وصغيرونة وشكلها لما تطلع لسانها كأنها ترضع شفتها يخطف القلب شوي ودخل صكر اجا كعد يمنا شال الطفلة وضل يلاعبها

رهف. يوم اللي تشيلين طفلج بحضنج هموسة

همس. تسلمين ياعمري

رهف. اكيد متحمسة للطفل ومنتظرة يوم يوم حتي تشيليه بين ايديج

همس. مسحت بطني انا منتظرة الساعات والله مو الايام وكل يوم اضل ادعي اللي يجيبو بالسلامة هذا روحي ولما اولد ماراح اتركه بالأرض راح اضل شايلته ليل ونهار الله يقرب الايام

رهف. الله يكومج بالسلامة ياروحي

همس. ان شاء الله

التفتت علي صكر لكيته سارح بوجهي ويباوعلي بنفس النظرة الغريبة مثل عادته بالفترة الأخيرة

رهف. اكيد انت حماسك للطفل اكثر من همس مو

صكر. اكيد

ناول الطفلة لرهف وكام طلع استغربت عليه شنو اللي صاير وياه طلعت وراه لكيته راح لغرفتنا وشكله مهموم كاعد علي طرف السرير ومنزل راسة وحاط ايده علي رأسه رحت لعنده ومسحت علي شعره رفع وجهه الي هالمرة ميزت النظرة اللي بعيونه كانت نظرة شفقة واضحة شنو سبب هالنظرة

همس. شكو شبيك صكر صارلك فترة علي نفس حالتك هاي ولاتكلي مشاكل بالدوام احس الموضوع اكبر من هيج

سكت شوي ورد

صكر. وشنو اللي تحسين بيه

همس. مااعرف بس احس نظرتك الي كلها شفقة وحزن كولي صكر صاير شي وانا ماادري بي

صكر. لا شنو اللي راح يصير

حط ايده علي بطني وكال

كوليلي شنو هالطفل بالنسبة الج انا ادري كل ام تحب طفلها بس انتي احس هالطفل بالنسبة لج اكبر من طفل وامه كعدت يمه وحطيت ايدي علي بطني مثل عادتي لما اتكلم عن طفلي احط ايدي علي بطني كانو طفلي يسمعني

همس. اكيد هالطفل بالنسبة إلي عائلة كاملة انت تدري انا عشت وحيدة ماعندي إخوة صحيح رهف كانت الي اخت واكثر بس كنت اتمني يكون عندي اخ او اخت احس طفلي راح يعوضني عن كل هالشي راح يصيرلي ابن واخ وصديق

صكر. تدرين شنو احساس اخلاص وهي مايصير عندها طفل

همس. حاسة بيها والله ووعدت حالي بس اولد راح اخليها تساعدني بتربية طفلي واخليه يناديها ماما مثلي

كام من مكانه ومسح علي وجهه حيل

مسح علي شعري وكال. ان شاء الله ان شاء الله

وطلع بسرعة وتركني بحيرتي شنو سبب سؤاله هذا وليه يسألني عن احساس اخلاص شوي واجتي اخلاص تصيحلي حتي اتغدي ياالله شنو اللي ديصير اخلاص جاية بنفسها تصيحلي حتي اتغدي

احس كل شي حولي غريب واحس ورا كل هالراحة والحنية ايام صعبة مااعرف ليش بس انا بعمري ماكنت صايرة مركز اهتمام لاي احد

وهسه كلهم يهتمون بيه حتي اخلاص اللي طول عمرها تكرهني الله يستر من الايام الجاية نزلت وراها لكيت صكر واخلاص وعمتي كاعدين عالسفرة رهف يصبولها كبلنا بشوي وتاكل بغرفتها لأنها لسة تعبانة شوي كعدت معهم اكلت واخلاص كل شوي تكلمني وتضحك معاي

صكر عينه علينه يتابع اللي يصير وساكت بس علي وجهه ابتسامة صغيرة من معاملة اخلاص وياي

خلصنا واخلاص لمت السفرة ورفضت اساعدها شوي وجابت جاي واجت صكر شرب جاي وراح للديوان لان اليوم ماداوم ضلينا كاعدين شوي وبعدها كل واحد راح لغرفته رحت لرهف غرفة عمتي لكيتها نايمة وهموسة الصغيرة نايمة عمتي راحت نامت يم رهف

طلعت لغرفتي ونمت كعدت بعد العصر مالكيت صكر كلت اكيد لسة بالديوان

لأنه اليوم المفروض يبات عندي اكيد ماراح لاخلاص

كمت اتوضيت وصليت طلعت من الغرفة لكيت صوت صكر وعمتي جاي من ناحية غرفة اخلاص رحت لعندهم اشوف شو اللي صاير

سمعت صكر. لاتخافي يمة انا كلت كلمة وماراح اتراجع عنها صحيح راح اظلمها بس أن شاء الله يعوضها بطفل ينسيها

عمتي. ايه يمة هذا هو عين العقل شنو ذنبها ها المسكينة تضل طول عمرها من دون اطفال وتشوف النسوان كلهم يحملو ويصير عندهم اطفال وهي لا .وانت تدري غلاوتها عندي وانو اعتبرها مثل بنتي واكيد ماكو ام تظلم بنتها

اخلاص ببكاء. ايه صكر والله حلم عمري اصير ام وانت تدري سويت كل شي وأخذت هواي علاجات وماكو فايدة وماراح يتحقق حلمي الا بهاي الطريقة شنو ذنبي مااصير ام ولا يصيرلي طفل الله يخليك حققلي حلمي والله ماراح امنعه عنها بيوم وانت تدري

فكرت أنهم يتكلمون عن اخلاص وعن عمليتها وأنها تسوي طفل انابيب بس منو اللي ماراح تمنعه

مافهمت هالشي بس مافكرت بالموضوع ونزلت تحت لرهف لكيتها كاعدة والطفلة علي رجلها ترضعها

كعدت يمهم وضلينا نتكلم شوي اجت عمتي واخلاص كعدو يمنا واخلاص بعيونها فرحة بس تحاول ماتبينها

حسيت بضربة ببطني فتحت عيوني هاي اول مرة احس بضربة كنت احس بشي مثل النبض ببطني أو ضربة خفيفة لان الدكتورة كايلتلي أنو الطفل راح تظهر حركته بهالفترة

بس هالمرة حسيت الضربة واضحة

همس. يمة حسيت بضربة ببطني

ام صكر. اي يمة الطفل هو اللي يسوي هيج

همس. يعني هالشي زين للطفل ولا خطر عليه لان الاول كانت الضربة خفيفة

رهف ضلت تضحك عليي

ام صكر. لا شنو خطر هالشي يدل أنه الطفل بخير وكل مايضرب بطنك هيك اتاكدي أن هو بخير بس لو مر يومين او اكثر وما ضرب بطنك تعالي كوليلي بسرعة حتي نروح ونطمن عليه

همس. اي

اجت اخلاص يمي وطلبت تحط أيدها علي بطني حتي تحس بضربة الطفل حطت ايدها شوي وكرر الضربة

فرحت وضلت تضحك

اخلاص شوفي خالتي كيف يضرب فديته حبيبي

ام صكر. الله يجيبه بالسلامة وينور بيت أبوه

انا ورهف كلنا ان شاء الله بس اخلاص حسيتها تدعي كانو هي الحامل مو انا

اخلاص. أن شاااء الله يارب الله يجيبه بالسلامة

ضلت رهف عدنا اسبوع واجا ايهم حتي يرجعها للبيت لأنه راح يسوي غدا وعزيمة للطفلة راحت وثاني يوم سوو العزيمة رحنا كلنا كان بيتهم مليان ناس

دخلنا وكعدت شوي واجت سناء وعمتي صابرين ومعهم اهل اخلاص

سلمت علي سناء وعمتي صابرين وحضنوني

بس اهل اخلاص كان سلامهم الي بارد ومن ورا خشمهم مااهتميت كانت اخلاص جوا بالمطبخ اول ما اجو اهلها طلعت وسلمت عليهم وأخذت امها وخالتها اللي كانت تريد بابا علي جنب وضلو يتكلمو بصوت ناصي وكل شوي يرفعو رأسهم يباوعولي واخلاص فرحتها راح تطلع من عيونها مااعرف ليش

اجت كعدت يمي سناء وضلت تسالني عن حملي وعن الطفل وفرحت لما عرفت أن اللي ببطني ولد هما مايهتمون ولد او بنت بس لان صكر شيخ ففرحتهم بالولد اكثر لان راح يشيل اسم أبوه ضلت تدعيلي الله يكومني بالسلامة صاحت عليها وحدة من النسوان تركتني وراحت رفعت

رأسي لكيت خالة اخلاص تباوعلي وبعيونها نظرة شماته وتضحك ضحكة صفرا مثل وجها يالله شكد اكره هالانسانة احسها كتلة من تلخباثة والحقد حتي نظرتها تخوف وام اخلاص تضحك وتحضن باخلاص كامت خالتها واجت لعندي من دون مقدمات حضنتني وكالت .. الف مبروك عالحمل أن شاء الله يجي الطفل بالسلامة ينور بيت أبوه وأمه

____________________________________

يتبع.....

لتنسون المتابعه لحسابي وحساب ايمان صديقتي

والتعليقات

والتصويت

حبايب تعبنه ديروح خالي بلاش يعني الروايه مشاهداتها عاليه وتصويتها قليل شاركوها حتى ترتفع

مع تحياتي الكم. رين الزين

گلبي مـن آلفرح مـحروم آضـحگ وآلگلب مـهہمـوم

ظـلمـت آنسـآن يحبگ آحذر دعوه آلمـظـلوم

عندگ گلب تترگني تخلي آلدمـعهہ تعشـگني

آنآ آعتب على گلبگ آلمـفروض ينصـفني

آلمـفروض ينصـفني

____________________________________

كالت هالكلمتين وعافتني وراحت اللي اعرفه هي تكرهني شلون تجي عليه تباركلي وتدعي اكوم بالسلامة اجتي مرة عمو عباس كعدت يمي

سارة. كيفج حبيبتي

همس. الحمد لله عمة زينة

سارة. شلون جاي تعاملج هاي اللي اسمها اخلاص

همس. معاملتها زينة معاي حتي انا متعجبة عليها

سارة. الله يهدي يمكن عرفت معدنج وعرفت مالج أحد .. اهم شي انتي مرتاحة وسعيدة بحياتج حبيبة

همس. والله ماادري عمة بس احس ورا هالراحة ايام صعبة كلبي حاسني اكو شي حيصير مادري ليش

سارة. لاتفكرين هيج حبيبتي ان شاء الله ماكو شي

همس. ان شاء الله

جتي رهف هي وبنتها الصغيرة كعدت معنا ضلينا شوي وبعدها صبو الغدا اتغدينا و اغلب النسوان راحو وماضل بالبيت الا الكرايب ومن ضمنهم اهل اخلاص

اجتي عمتي ام صكر وام اخلاص واخلاص معهم كعدو كدامي وكامو يسولفون بصوت ناصي

ورهف ناولت الطفلة لعمتي تشيلها عنها شوي

وهي كعدت ويا أصدقاءها اللي اجوي الها من الكلية حتي يباركولها عمتي سارة راحت تساعدهم بالمطبخ واخوات ايهم معها يغسلون الاماعين ويعزلون المطبخ

ضليت كاعدة انا لحالي واجتي عماتي هناء وصابرين كعدو معي شوي ورجعنا لبيتنا ومعنا اهل اخلاص وعمتي صابرين لانو راح يباتو عندنا ويرجعو باجر باتو عندنا وثاني يوم راحو وام اخلاص ضلت عندنا وماراحت معهم

مرثلاث شهور وام اخلاص عندنا بهالفترة كرهت حالي حتي بسبب ام اخلاص والله كلامها مثل السم بمرة كنا كاعدين بغرفة عمتي وانا معهم وهي سالتني

ام اخلاص. كوليلي همس ليه صكر منعك تكملي دراسة

همس. والله خالة هو يكلي ما يريدني اطلع كل شوي والناس تضل تباوعلي

هزت أيدها ماعجبها الكلام

ام اخلاص. متأكدة هو هذا السبب . يعني راح تضلين طول عمرج بالبيت وماراح تطلعين منه ولا راح تكملي دراسة

همس. لا هو واعدني ارجع لدراستي العام الجاي بس مااعرف اذا راح اكدر أو لا لان حيكون معي ابني ماراح اكدر اعوفه

ام اخلاص. ههههههههههههههه اي راح يكون معاج طفل اكيد ابوج وامك قبل لايموتون كان عندهم. حلم انو يشوفون اطفالج بس يلا مالهم نصيب ههه تدري ابوج ظلم اختي وماوافق يتزوجها وهو يدري انو هي تحبه واختار امك بس الله طلع حوبة اختي منهم وماتو اثنينهم وماتهنو بحياتهم

جانت تتكلم وعيونها تنكط حقد وكره

حسيت بغصة بقلبي شلون تحجي عن اهلي هيج وشلون تتشمت بموتهم

همس. بس بابا بعمره ماظلم اي احد ليش تكولين عنه ظالم وتتشمتين بموته وموت ماما الموت مابي شماته

وتركتهم وطلعت لغرفتي ابجي من كلامها

عمتي ام صكر واخلاص كاعدين مبتسمين علي كلامها وعلي طريقتها معاي حسيت حالي كاني غريبة عايشة بوسط عالم مااعرفهم من هاليوم وانا احاول ابعد عنها لأن كل مااشوفها اتذكر كلامها عن اهلي وكرها بالزايد صكر بالفترة هاي مشغول بدوامه وبالديوان مانشوفه الا اخر اليوم

اليوم موعد متابعتي عند الطبيبة وصكر كايلي يجي العصر حتي ياخذني اتصل علي العصر حتي البس واجهز حالي لبست ونزلت عند عمتي تحت انتظره يجي لكيتها لابسة عباتها وكاعدة واخلاص وامها بغرفة اخلاص

ام صكر تعاي حبيبة

همس كعدت يمها وهي حضنتني وضلت تكولي ماازعل من كلام ام اخلاص لانها مقهورة علي اختها لأنها اتزوجت واحد ماتحبه وتعبانة بحياتها لان زوجها مو زين وياها وحتي اتزوج عليها هي تحجي وانا اهز براسي بعمري ماراح اسامحها علي كلامها عن اهلي

اجا صكر. يله خلصتو حتي نروح

ام صكر. ايه يمة خلصنه

طلعنا ركبنا بالسيارة صكر

الفترة اللي مرت جنت احس بعيونه نظرة شفقة وندم وكل فتره يسألني عن شعور اخلاص وانو هي ماراح تصير ام بس صارله فترة عادي ورجع لطبيعته

كلت بنفسي اكيد جان عنده مشاكل بدوامه متل ماجان يكلي وصلنا العيادة دخلنا انا وعمتي وانتظرنا دورنا ودخلنا للطبيبة ضلت تسالني مثل كل مرة عن صحتي وعن حركة الطفل وهالاشياء وسوتلي سونر وطمنتنا انو صحة الطفل زينه وانو انا بنص الثامن تشكرنا منها وطلعنا رجعنا عالبيت عمتي بالطريق كالت لصكر انو ضللي بس ثلاث شهور والمفروض نجهز للطفل

حسيت بفرحة أخيرا ابني راح يجي وانا راح اجهزله

صكر. ماشي يمة باجر اخذكم للسوك وتطيبون التريدو

فرحتي انو راح اجهز لطفلي ماطولت وصلنا للبيت ودخلنا وصكر معنا لكينا اخلاص وامها كاعدين بالهول

سالت اخلاص عن وضعي انا والطفل طمنتها وعمتي رجعت فتحت موضوع تجهيز الطفل مو اتفقنا راح نروح للسوك باجر شو اللي خلاها ترجع تفتح هالموضوع

ام صكر. اخلاص راح تجين معاي انا وصكر باجر للسوك حتي نجهز للطفل لان همس ماراح تجي

التفتت عليها مصدومة منو كال ماراح اجي

همس. بس انا راح اروح حتي اشتري اللي أريده لولدي

ام صكر. واحنا راح نشتري كل شي حبيبتي وكل اللي تريدي راح نجيبه انتي مو زين عليج فرة السوك وخاف تتعبين

همس. لا تخافين ماراح اتعب

ام صكر. لا حبيبة اخلاص هي اللي راح تروح معاي مو صكر

كل هالكلام وصكر ساكت ماحجه شي

همس بدموع. صكر اريد اروح انا اجهز لابني

باوعلي شوي وحسيت لثانية بعيونه نفس نظرة الشفقة بس ماطول شوي وكال

صكر. خلص همس انتهينا اخلاص هي اللي راح تروح

اخلاص. الله لا يحرمني منك صكر والله همس راح اشتري كل اللي تريديه

ام صكر. لاتزعلي هموسة انا من خوفي عليج منعتج من روحة السوك

ام اخلاص كاعدة وعيونها تنطق فرح تركتهم من دون كلمة وصعدت لغرفتي وانا ابجي تمددت عالجرباية وضليت ابجي اجا صكر وراي وعدلني وحضني بعدته عني وانا امسح بدموعي

صكر. لا تبجين ياعمري انا خليت اخلاص هي اللي تروح حتي افرحها شوي مو شفتيها كيف فرحت لما كلت اخلاص اللي تروح انتي تدري هي ماعندها طفل وانحرمت تجهز للطفل مثل كل الامهات

همس ببكاء. ايه فانتو ماردتو تحرموها من هالاحساس وخفتو علي مشاعرها بس انااااا حرمتوني انا من هالاحساس حرمتوني اصير مثل كل الامهات ردتو سعادة اخلاص بس منو يريد سعادتي هاااا منووو

صكر. يعني احنا مانريد سعادتج همس كل هذا لانو اخلاص هي اللي راح تجهز للطفل

همس. بس هو طفلي انا ومن حقي انا اسويله كل شي

صكر. خلص همس كبرتي الموضوع ترا

مارديت

مارديت عليه ودخلت للحمام قفلت الباب وضليت ابجي بالحمام بقى يدك عالباب يريدني اطلع ويحاول يقنعني انو اللي سوا عادي مابيه شي بس مارديت عليه سمعت باب الغرفة انقفل عرفته طلع ضليت شوي وغسلت وجهي وطلعت نمت عالجربايه كل مااحاول ابطل تفكير مااكدر نزلت دموعي ضليت ابجي لما نمت ماحسيت الا ورهف يمي تمسح على شعري بحنية كمت مفزوعة حسبالي صكر لكيتها هي

رهف. اسم الله حبيبتي هاي انا لاتخافين

حضنتها وضليت ابجي وهي تواسيني

رهف. لاتزعلي حبيبتي والله صكر كلمني اجيج لانو انتي ما مبطلة بجي وكايلي على الي صار وانا والله غلطتهم وحاولت اقنعه انو تروحيم وياهم بس ماوافق من خوفه عليج

همس. لا رهف موو خوف علي خوف علي شعور اخلاص

رهف. الله لايوفقها هالاخلاص خلص لاتبجي مو زين عالطفل ولا عليج حبيبتي

ضلت تسولفلي عن بنتها وحركاتها اللي تسويها وعن ايهم شلون متعلق بيها وحاولت تخليني انزل معاها واكعد تحت بس انا رفضت

رهف. طيب انزلي تعشي واطلعي

همس. مااريد رهف والله انا حتى ماطايقه اشوف اي واحد هسه

رهف. علي راحتج ياعمري راح اجيبلج الاكل لهنا

همس. لا ماريد لاتجيبين شي

حاولت معي بس ماوافقت تركتني ونزلت لان بنتها جانت تبجي شوي ودخل صكر وبايده جنطة مالت اكل

صكر. رهف كالتلي أن انتي مانزلتي تتعشين كلت اكيد مشتهية لفات كص رحت جبتهم الج وكلت نتعشي سوا انا وانتي

همس بجفاء. شكر ماريد شي

صكر. هموسة ياعمري انتي والله كبرتي الموضوع مو فهمتج انا

همس. وانا ماحجيت شي سوي اللي تريده مو مهم همس مو مهم شنو اللي تحسه همس عسا الله ياخذ همس حتي ترتاحون كلكم

اجا حضني بكل قوته

صكر. لا تكولي هيج شلون تدعين علي حالج انتي تعرفين مالي حياة من دونج ياعمري تريديني اموت هااا

همس. لاا ماتموت من دوني لو جنت اهمك ماهانت دموعي عليك

صكر. حبيبتي والله اخلاص كابلتني وانا طالع لهنا وكالت لو همس رافضة انو انا اروح السوك اجهز للطفل ماراح اروح

همس. انا ماكلت هيج ولا منعت روحتها بس انا ردت اروح اجهز لابني وهي تروح ويانه عادي بس مو تمنعون روحتي وتخلونها هي اللي تروح

صكر. من خوفي عليج حبي خلص كافي دموعج مو مردتي كلبي

همس. يعني راح تخليني اروح

صكر. لا هموسة ماراح تروحين كلت موضوع وانتهى

درتله ضهري وضليت ابجي حاول يحجي وياي ويراضيني بس مارديت راح للحمام توضى واجه صلي

غمضت عيوني وسويت حالي نمت حتي يتركني وفعلا نمت من دون مااحس كعدت الصبح علي صوت اخلاص العالي وهي تنادي عمتي من فوك حتي تجهز لان راح يروحون حسيتها علت صوتها وصاحت عمتي حتي تسمعني صرت احس ورا معاملة اخلاص الزينة معي اكو حقارة وخبث مالكيت صكر يمي عرفته طلع حتي يروح معاهم

ضليت ابجي وأبجي لما حسيت خدودي تشككت من كثر الدموع نمت مثل الجنين ضميت رجلي كرب بطني ضليت بغرفتي مانزلت ضلو حوالي ساعتين او ثلاثة واجو سمعت هوستهم وضحك اخلاص وعمتي

شوي وفتح صكر الباب كعد يمي عالسرير رفع شعري عن وجهي ومسح على وجهي

صكر. مو كافي دموع ماتعبتي

مارديت

صكر. طيب يلا حتي تشوفين الغراض اللي اشتريناها للبيبي

دموعي مره ثانيه نزلت لما كال هيج اروح اشوف اغراض طفلي اناااا اللي هما اختاروها

ضل معي نص ساعة حاول وحاول معي بس انا لاحياة لمن تنادي رن جواله وراح سمعت صوت رهف كدام غرفتي أو غرفة اخلاص ماميزت وهي تتعارك وياهم كمت من مكاني حسيت حالي دايخة وجسمي نحلان سندت نفسي علي طرف الجرباية وعالحايط لما وصلت الباب طلعت لكيت صكر طالع الدرج وجاي عليهم

رهف بصياح. يعني انتو نفذتو اللي براسكم واختاريتو كل شي وماكفاكم رحتو كملتوها وخليتو غراض الطفل بغرفة اخلاص همين

ام صكر. ولج يمة وشكو بيها يعني خلينهاهم هسه بغرفة اخلاص ولما تولد همس راح ننقل كل شي لغرفتها

رهف. وليش تنتظرون حتى تولد انقلوهن هسه

ام صكر. لا ماراح ننقل شي

همه يحجون وانا ساكتة بس اباوع علي حياتي اللي يرتبوها علي كيفهم بس اللي زعلني اكثر شي وصدمني هو سكوت صكر عاللي يصير مامرة عارض اي شي هما يسوو أو يكولوه كانو موافق عاللي يصير عمتي ام صكر اجتي مسكت ايدي وسحبتني وراها حتي اروح لغرفة اخلاص اشوف اللي جابوه

ام صكر. تعالي يمة شوفي اللي جبناه للطفل

مشيت وراها كاني الة ماحجيت ولا كلمة حتي فتحت غرفة اخلاص وضلت تفرجيني شجابو وانا ساكتة بس اباوع

اخلاص. شوفي همس هذا الطكم شلون حلو انا اللي اختاريته حلو مو وباوعي هذا الكاروك وضلت تفرجيني وانا بس اباوع بسكووت

رهف حاولت تشيل ملابس الطفل وتنقلهم لغرفتي بس صكر منعها وهي خلت وطلعت رجعت لبيتها لأنها زعلت منهم

صكر. شو رايج هموسة باللي اشتروه حلو ولا تريدي اي شي ثاني

همس بصوت مبحوح. هو انا اختاريت شي حتي هسه تسالني اذا كان ناقص شي ثاني

ام اخلاص. مو كافي يعني من امس وانتي تبجين وضيعتي فرحتهم بلا هالعيارة الجذابة ودلع النسوان

صكر ... خلص خالة اتركيها

هزت أيدها

طلعت من الغرفه ورجعت لغرفتي كعدت علي طرف الجرباية اضغط علي عيوني وامسح بوجهي حتي ماابجي جابتلي عمتي ام صكر اكل وضلت تخوفني انو لو مااكلت راح يتاذي طفلي وممكن يصيرله شي خفت ليصير لابني شي واكلت لكمتين وشالت الصينية هي ونزلت برغم انو انا اكلت لما جابتلي الاكل بس انا زعلانة منها وكلامي معاها ثكيل لان حسيت حالي انظلمت لما حرموني اجهز طفلي واللي أتذكره انو رهف راحت للسوك هي وعمتي وجهزت طفلها وعمتي ماكالت الها مثلي ليش كالتلي انا هيج

ضليت يومين ماانزل تحت ورهف تجي الي وتحاول تخليني اكل شوي صكر بهاليومين اجا صالحني ووعدني بس اولد واصير زينة راح يخليني اشتري كل شي للطفل من جديد

سكتت واقتنعت بكلامه بس بداخلي حزن أنهم حرموني من هالشي بالاول وخلو اخلاص ام اخلاص لسة عندنا ماراحت اول مرة تطول هيج داخلة عالاربع شهور

هي جانت تكعد عدنا اسبوع او عشر ايام بالكثير

مر ثلاث اسابيع ودخلت بشهري صارلي اسبوع وكل شوي تجيني الام وتروح وعمتي تكولي هالشي عادي يصير وبيوم تعبت حيل وصكر أخذني

لدكتورتي وكالت انو موعد ولادتي قرب ولازم امشي دائما حتي تتسهل ولادتي صكر لما كان يشوف تعبي والالامي يضل يحضني ويتأسف ولما اساله ليش يأسف يكول لان مااكدر ارفع عنج هالالم بس حسيت مو لهالسبب هو جاي يعتذرلي اخلاص وياي وكل شوي تطلعني وتتمشى وياي صحيح مانسيت ضيقي منها بسبب اللي صار بس مابايدي شي مالي غيرهم لازم اتحمل اليوم صكر ماراح عدوامه ولا نزل للديوان بقى معاي ومحتار شنو يسويلي احس رجعت نظرة الندم مرة ثانية بس هالمرة اقوي من قبل كل مايشوفني تعبانة اجتي عمتي تصيح علينا نتريك وياهم

نزلت الدرج بمساعدة صكر لان احس حالي صرت مثل البطة مااكدر امشي حتي نزلت تريكت معهم وطلعت اتمشي بالحديقة شوي وصكر هالمرة هو معاي

همس. تدري صكر كل مايجي الوجع الي احس روحي تطلع مني وترجعلي بس كله يهون لعيون ابني حبيبي اكيد راح انسي كل هالشي مجرد مااشيله واضمه لصدري مو

صكر ارتبك. هاااا اي اي اكيد

سكت شوي وكمل تعاي نكعد هنا

رحنا كعدنا علي العشب اللي بالكاع

سندني هو كعدني ضلينا شوي ودخلنا جوا لكيت ام اخلاص كدامي

ام اخلاص. هااا همس الوجع لسة يجي ويروح ولا لأ

همس. ايه اوقات يجي وأوقات لا

ام اخلاص. ايه عالخير ان شاء الله

تركتني وراحت حتي سؤالها غريب مثلها

مر يومين بنفس الحال وباليوم الثالث وانا نايمة صحيت عالوجع القوي كان قران الفجر شغال حسيت اقوي وجع شفته كعدت صكر لأنه صار كم يوم يبات عندي يخاف اتعب بالليل

همس صكر صكر كوم تعبااانة الله يخليك

خطيه انتفض كام مفزوع

صكر. شكو همس شبيج

همس. تعبانة صكر راح اموت من الوجع الحكنيي فدوه

نزل لعمتي بسرعة كومها واجت هي سالتني كيف الوجع وانومثل وجعي بالايام اللي مرت

همس. لااااا عمة هذاا اقوي الله يخليكم راح اموت من الالم

صكر. يلا يمة لبسيها عباتها وانتي البسي وتعالن اني راح اشغل السياره

ام صكر. اي وليدي بسرعه لبستني وطلعنا من الغرفة لكيت اخلاص لابسة عباتها وجاية علينا حتي تساعدني وامها وراها واكفة

صكر. خليج انتي اخلاص مع خالتي شلون نعوفها لحالها

اخلاص. لا صكر الله يخليك راح اجي لا تنسي وعدك اليه صكر

ام اخلاص. روحو انتو لاتخافون علي شنو اللي راح يصيرلي يعني

حاولت اخلاص تساعدني انزل الدرج ماكدرت شالني صكر ونزلنا واخلاص راحت جابت جنطة بايدها الظاهر جنطة الطفل يالله حتي الملابس اللي راح يلبسها طفلي اول مايولد حرموني اختارها مثل كل الامهات

ركبنا بالسيارة عمتي كدام واخلاص معي ورا ورحنا للمستشفي طول الطريق انا اصرخ من الالم وصكر يسوق باقصي سرعة وصلنا للمستشفي الخاص اللي تشتغل بيه الدكتورة اللي متابعة معاها لكيناها منتظرة الظاهر صكر كلمها وشالني صكر ودخل للمشفي قابلوه الممرضين بالسدية والدكتورة معاي دخلت لغرفة الولادة وكلهم برا متانيني

اول ما دخلت غرفة الولادة حسيت بخوف ورعشة بجسمي وحسيت حالي محتاجة لامي بهالوقت اكثر من اي وقت فات نمت علي سرير الولادة والدكتورة تفحصني وانا اصرخ من الالم اللي يجي ضليت يمكن ساعة الم متواصل وماولدت لما حسيت حالي تعبت ومااكدر ارفع ايدي حتي غمضت عيوني من التعب واسمع صوت الدكتوره

الطبيبة. همس بنتي لاتغمضي ماما حاولي تدفعي حبيبتي همس همس

حسيت صوتها بعيد حيل سمعت اصوات متداخلة واحس اصوات رجلين تركض حولي

شوي وسمعت صوت صكر كانو ديبجي ويكول هموسة ياعمري تحملي حبيبتي وصيري قوية انا متانيج هنا لا تتاخرين عليه

انا سامعة صوته بس مااكدر ارد عليه مااعرف ليه احس حالي مثل الطايرة وجسمي مالامس الارض حتي الالم حسيته راح

................

رهف

جنت ضايجه حيل بسبب اللي صار مع همس وانو امي واخلاص ماخلوها تختار اي شي لطفلها وتعاركت معاهم وزعلت من صكر لما منعني اخلي الاشياء اللي تخص الطفل بغرفة همس ورجعت لبيتي

ثاني يوم رحت لهمس بس لسة زعلانة منهم

وصكر صالحها بس احس اكو غصة بقلبها ماراح تروح

صارلها كم يوم تعبانة واليوم من بعد الفجر كمت اصلي ومااعرف ليش حسيت بخوف علي همس انا اعرفها تكون كاعده بهالوكت تصلي الفجر دكيت علي جوالها اكثر من مرة ماردت

ايهم. شكو حبي ليش تتصلين عليها هسه

رهف. مااعرف ايهم كلبي مقبوض وخايفة عليها وهي ماترد

ايهم. اكيد نايمة لاتخافين

رهف. لا لا لا رهف لازم تكوم تصلي الفجر راح اتصل علي صكر والي يصير يصير

اتصلت علي صكر ورد وعرفت أنهم بالمشفي همس دتولد خفت عليها حيل ولبست بسرعة وطلعت. انا وايهم وأخذت همس الصغيرة لبيت عمي صالح

رحنا للمستشفي لكينا امي واخلاص وصكر واكفين وصكر شكله خايف عليها ورايح وراجع يدعي رحنا عليهم سألنا كالو لسة جوا صارلها اكثر من ساعة وما طلعت شوي وطلعت الطبيبة وكالت انو همس ولادتها متعسرة ولازم تسوي عملية لأنها تعبت جدا وهي هسه تعتبر فاقدة الوعي وانو سنها الصغير يعتبر سبب رئيسي بتعبها وتعسر ولادتها

ام صكر. يعني الطفل زين ماراح يصيرله شي

التفتنه عليها استغربنا كلامها

ام صكر. هااا ا ا اقصد يعني ماكو خطر عليها هي والطفل

هااي اول مرة بعمري اشوف صكر خايف هالكد وافق عالعملية وطلب من الطبيبة انو يدخل يشوف همس دقيقة دخل الها وطلع عيونه حمر كأنه باجي ضليت ابجي وادعيلها الله يكومها بالسلامة

رهف. ان شاء الله راح تصير زينة صكر لاتخاف

صكر بصوت مخنوك. ماشفتيها رهف والله شكلها يوجع الگلب ووجها اصفر من كثر التعب الله يكومها بالسلامة ياااارب ومايصيرلها شي

رهف. ان شاء الله خوية ان شاء الله

مر حوالي ساعة وطلعت الممرضة بايدها الطفل ناولته لصكر سألنا علي همس طمنونه أن هي زينة بس الدكتورة دتخيط العملية شوي وتطلعها صكر من كثر فرحته بالطفل عيونه دمعت ضل يبوسه ويحضنه واذن باذنه واخذته منه امي وهي فرحانة بي واخلاص واكفة يمها شالت منها الطفل وحضنته وضلت تضحك من فرحتها هي وامي اول مرة اشوف واحدة تفرح لضرتها

صكر انشغل بعدها بهمس وهما اخذو الطفل كالو راح يضل بالخدج شوي ويطلعوه حتي يطمنون عليه طلعو همس بغرفة عادية ورحنالها كان شكلها تعبان حيل ووجها اصفر ضلينا كلنا يمها وبدأت تصحى شوي وسألت علي ابنها كلنا الها بالخدج اجتي الممرضة وكالت راح يطلعون الطفل طلعت امي واخلاص عليها بسرعة

صحت لامي على صكر وهي شايلة الطفل طلعت وراهم

ام صكر. يمة اخلاص راح تاخذ الطفل وترجع للبيت

صكر ضل ساكت وبعيونه كل هم الدنيا

رهف. وليش تاخذه مو امه هنا خلو هنا اكيد همس راح تسال عليه مرة ثانية

ام صكر. هاا مو المستشفي مو زينة عليه وكلها امراض وممكن يتعب

رهف. لا عادي لما ولدت بنتي ضلت معاي بالمستشفي لاتخافين

صكر حجه. خلص رهف يلا اخذيه اخلاص وارجعي للبيت

باوعت على اخلاص عيونها تشع من الفرحة

رهف. لااا ماراح تروح شلون تاخذه يعني ولو همس سالت عنه شنكولها

صكر. عوفيها تروح رهف هسه أو بعدين راح تاخذه اخلاص انا واعدها والافضل همس ماتشوفه هسه حتي ماتتعب ولو سالت عنه راح نكول لسة بالخدج حتي تتحسن صحتها شوي واكولها

وكفت مصدومة من كلامة وصدمتي الاكبر لما كال

صكر. يلا اخلاص اخذي ابنج وارجعي عالبيت....

____________________________________

يتبع ...........

كتبته وانا عيوني مدمعه من هالناس الي متخاف الله

معقول اكو بشر هيج تحرم ام من شوفه ابنها هالشكل لا وبكل صلافه ينطوه لضرتها والله ماعرف شحجي وشكول ماكدر اكول هسه الا حسبي الله ونعم الوكيل بهيج بشر ميرحمون

ياناس الله كال (واما اليتيم فلا تقهر)

هذوله شنو من بشر مارحمو بحال هاليتيمه ولا قدرو صله الرحم والقرابه بينهم الله يبرد كلبها بس ادعولها

صووتو للقصه حبايبنه

وبآلمـنآسـبهہ آگو قصـهہ گلشـ حلوهہ وصـلتني ورآح آبدي بگتآبتهآ ورآ مـآ آختم هہآي آلروآيهہ

مـتأگدهہ گلشـ حتعجبگم

آنآ جذبت آنتبآهي لآن لآحظـت آنهآ مـختلفهہ گل آلآختلآف عن آلروآيآت آلبآقيهہ

لآهي فصـليهہ

ولآهي زوآج بآلآجبآر

ولآهي نهوه

ولآهي هديهہ

تختلف گل آلآختلآف عن آلروآيآت آلحآليه

آنتظـروني بيهآ بعد گتآبه هہآي آلروآيه بشـهر آنشـر آول بآرتآتهآ بسـ آگو آعلآن وآقتبآس مـمـگن آنزلهہن بأي وقت

وآي شـخص عنده قصـهہ تعبر يريد ينشـرهآ خلي يحجيني على حسـآبي آلفيس آسـمـهہ

(شہيہخہهہ آلبہنہآتہ) تلاكوه بكروب زهراء الحسناوي وهم تلاكوه عند ايمان محمد صديقتي الي نكتب اني وهي هاي الروايه تكدرون تكولولها وهي تنطيني خبر واكو الخاص مالتي هنا بلواتباد

مـع تحيآتي آلگم. رين آلزين

دورني عليهہ وگووون تلگآني

آنآ يآهو على بآب آلطـيبهہ دلآني

آني مـنين آجآني آلگبر ربعي صـغآر

وشـنو هذآ آلصـفآر آلتآرس آغصـآني

آنآ بروووحي طـفلهہ شـجآب هہذآ آلشـي

وبعدني آتزعل مـن جفوف خوآني

وبعدني لهسـهہ آحن وآحجي ويهہ لعآبآت

وآذب آلطـوبه فوووگ سـطـوح جيرآني

آريدن رووحي آريد آرجع لعمـري آلفآت

آريد آحسـآسـي ذآآآآآگ وذآآآآگ وجدآني

آريد آرجع مـثل مـآجنت نجمـهہ بليل

مـوتني آلضـوووهہ وآثر على آلوآني

ويحسـدني آلبعض يحسـدني آلبعض مـآيدري بآلمـضـمـوم

ولآ يعرف آلروووووح شـگآعد تعآني

دنطـيني دقآيق بيهہآ گون آرتآح وآخذ مـني آلحجي

آلطـآح على قمـصـآني

وحيآتي آخذهآ خل آنآم آلليل گآآآآآآفي آمـسـح دمـع

                    مـو مـلت ردآني

____________________________________

همس

فتحت عيوني لكيتهم كلهم حواليه صكر ورهف وعمتي واخلاص سالتهم علي ولدي كالولي بالخدج  حسيت بوجع قوي ببطني اجتي الممرضة حطتلي مهدئ بالكانوله حسيت بعدها براحة شوي بس عيوني كانت ثكيلة اغفي وارجع افتح مااعرف الوقت اللي مر بس لكيت رهف كاعدة يمي وتمسح بوجها وكان شكلها باجيه وصكر واكف عالشباك اللي بالغرفة ويشرب جكاير وشكله حزين وضايج خفت ليكون ابني صارله شي

همس. شكو شكو رهف صاير لابني شي

رهف. لا تخافين حبيبتي والله ابنج زين ماصايرله شي

همس براحه. طيب ليش تبجين وصكر هيج ضايج

رهف. ابجي من خوفي عليج لما دخلتي للولادة

همس. وصكر شماله زعلان

رهف. ههه لاتخافي صكر مازعلان

سالتها عن ابني رد صكر انو لسة بالخدج

همس. وليش لهسه بالخدج

صكر. الدكتور كال راح يضل كم يوم بالخدج ويطلعوه

همس. الله عليك صكر ابني زين

صكر. والله زين لاتخافين

همس. اريد اشوفه

صكر. ممنوع يطلع من الخدج همس شبيج

همس. انا اروحله موضروري يطلعوه

صكر. لا مايصير ممنوع اي احد غير الممرضين والدكاترة يدخلون للخدج حتي مايصير تلوث للاطفال

سكتت بس كنت افكر بطفلي وكل شوي اتخيل شكله وابتسم ورهف يمي كل شوي تبجي وتجي تحضني كلت اكيد من خوفها عليه مثل ماتكول صكر كل شوي يتنهد وكان هموم الدنيا كلها بيه اجتي الطبيبة تطمن عحالتي وكالت لصكر ممكن اطلع باجر بس صكر كال راح اضل بالمستشفي شوي لما اصير زينة

همس. مااريد اضل بالمستشفي صكر والله انا زينة

صكر. لا اريد اطمن عليج كم يوم ونطلع حتي انا راح اضل وياج

همس. الله يخليك والله انا زينة

صكر. خلص همس كلت راح تضلين ماكو نقاش

رهف بستهزاء. الموضوع انتهي همس ماراح تطلعين حتي يتم كل شي لاتتعبين حالج

همس. شنو قصدج

صكر بخزرة لرهف. ماتقصد شي هاي تخربط

سكتت وراح صكر يجيب اكل وأخذ رهف ماوافق تضل ويايه راحو وبعد شوي اجو حاولو يطعموني بس ماكدرت احس الم بطني وعمليتي راح ينفتح إذا أكلت

شربت بس عصير شوي وراحت رهف لان اتصلو عليها وكالو بنتها دتبجي اجه ايهم اخذها وسلم علي وراحو

ضل صكر وياي وبات عندي ليلتها وسالت عن عمتي

همس. صكر وينها عمتي ماشفتها الا لما كمت من العملية

صكر. مو هي اطمنت عليج وراحت هي واخلاص  لأنها تعبت من المستشفي

همس. شفت الطفل صكر

صكر. ايه حبيبتي شفته

همس. يشبه منو بينه

صكر. يشبهني شوي بس نفس عيونج انتي نفس اللون العجيب مالتج

همس. هههههه فديته حبيبي

ضل يكلمني شوي ونمت وهو نام عالقنفة الموجودة بالغرفة صحيت ثاني يوم  وسالت عن ابني ونفس الإجابة حوالي الساعة ثمانية ورن جوال صكر

رد واللي فهمته انو اخلاص هي اللي تتصل كاللها  تلبس وتجهز حالها وهو راح يجي شوي ومااعرف وين راح يروح وياها عافني وكالي ساعة ويرجع لانو بالبيت يحتاجون شوية طلبات راح ضل اكثر من ساعتين ورجع وانا ضليت لحالي مااعرف ليش رهف مااجت ولا عمتي ردت اروح عالحمام وانتظرت اي ممرضة تجي تساعدني بالوقت اللي ضليته لحالي وردت اي احد يساعدني ومالكيت ضليت ابكي حسيت باليتم وقتها اكيد لو ماما وياي ماراح تعوفني لحالي لو مهما صار

واكيد بابا كمان راح يضل عندي بالمستشفي حتي لو نام بلكاع اجتي بعد شوي ممرضة ساعدتني اروح الحمام دخلت وطلعت نومتني مكاني

همس. شكرا الج

الممرضة. العفو حبيبتي شوفي هذا الجرس لو ردتي اي شي اضغطي عليه وراح نجي لعندج

همس. هااا شكرا الك مااعرف انتي عند هالجرس والله

الممرضة. ولا يهمج حبي خلتني وراحت شوي واجج صكر ومعه عمتي ضلت شوي مو اكثر من ربع ساعة  وراحت اجت رهف وعمتي تطلع من الغرفة بس رهف كأنها ماشايفتها ودخلت ماكلمتها حتى

ام صكر. هااا رهف ماتسلمين علي امج حتي

رهف. مااسلم علي ناس ظلام انا

ام صكر. يعني امج ظالمة يارهف ياحسافة تربيتي يابنت بطني

رهف. ايه ظالمة وهذا الحگ لاتحسبين الله غافل والله كل مظلوم اله حوبة واتمني تصحين كبل عقاب الله

صكر بعصبيه. رهففف تخبلتيي شلوون تحجين امج بهالطريقة

رهف. لاما تخبلت بس اذكرها انو اكو حساب بعدين

طول ماهم يتكلمون وانا فاتحة عيوني علي وسعهم متعجبة من رهف أي ظلم تحجي عنه ومنو اللي ظلمته عمتي راحت ام صكر وماهامها كلام رهف

اجت رهف حضنتني واطمنت علي وسألتها ليش حجت عمتي هيج كالتلي أن مشكلة مع مرة جوارينهم وامي ظلمت هالمرة

ضليت اربع ايام بالمستشفي والطبيبة كالت اطلع اليوم لان صرت زينة وماكو داعي اضل بالمشفي اكثر من هيج المدة اللي ضليتها بالمستشفي كانت رهف  تجيني كل يوم وصكر ضل عندي بس كان يروح للبيت ساعتين او ثلاث ساعات ويرجع كل يوم وهو اللي يبات معايه ورافض انو رهف تبات عندي عمتي هناء اجتي كم مرة لان زوجها مريض وكان شكلها متغير مثل رهف وكل شوي تحضني وتبجي هناء اجت مرتين شافتني  خلال هالمدة كل مااسال عن ابني صكر يكلي لسة بالخدج سالته اليوم كبل لا اطلع من المشفي كالي يمكن يطلع باجر

جهزتلي رهف جنطتي ولمت كل غراضي لان اليوم راح اطلع من الميتشفي كتلها انو صدري ديوجعني كالتلي انو يكون حليب والمفروض الطفل يرضع

وكامت تبجي مااستغربت لانو من يوم اللي ولدت وهي تبجي  سندتني وكالت صكر منتظرنا برا عند السيارة طلعنا لكيناه واكف منتظرنا ويشرب جكاير

ركبنا بالسيارة ورجعنا للبيت لكيت ايهم وأخوانه وخالد ابن عمي واكفين اول مانزلت ضلو يرمو بالجو حركو الجو حرك وصكر شكلو مو راضي علي يسووه

صكر. كافي مو كلنا ماحد يرمي

خالد. لا والله راح نرمي لسلامة بنت عمي الله نجاها من الموت

ايهم. وليش ماتريدنه نرمي هااا مو هاي اللي ولدت ووصلت للموت

صكر. كافي الله يخليكم انتو هيج جاي تزيدون عذابي

خالد. ولسة راح تتعذب صكر والله ماراح يضيع حك هاليتيمة

راد صكر يتعارك وياه والشباب الواكفين اخذو خالد ورجعو لبيتهم دخلنا جوا بس حسيت كلامهم متعلق بيه لأنه كال حق هاليتيمة منو غيري يعني يحجون عنه

كلت اسال صكر اول ماندخل دخلنا لكيت كل العيلة عمتي هناء وهناء اخت صكر وسارة مرت عمو عباس

واهل اخلاص جانو موجودين

اجو حضنوني عماتي وتحمدولي بالسلامة بس ماحد منهم  حط عينه بعيني اجتي عمتي ام صكر سلمت عليي وكان سلامها بارد مو مثل ماتوقعت واخلاص واكفة بعيد وتسلم من ورا خشمها و بعيونها فرحة الدنيا كلها اهل اخلاص سلامهم بارد مثلهم شوي وراحو عمتي هناء وعمتي سارة كأنهم ماطايقين المكان هنا

رهف كالت راح ترجع لبيتها لانو بنتها تركتها مع ام ايهم وراحت معها هناء جابتلي اكل قبل لاتروح اكلت لكمتين وشبعت ضليت بغرفة عمتي لليل  وتعبت من الهوسة مال الاطفال كرايب اخلاص طلعت لغرفتي وانا اتسند عالدرج وماحد منهم ساعدني حتي

نمت عالجرباية ضليت بغرفتي وصكر اجه تطمن عليه وراح كال راح يضل بالديوان لان عنده ناس

اخذت علاجي ونمت لثاني يوم كعدت الساعة 11 وثلث حييل نمت وماحدا اجه ولا سأل علي حتي ولا رهف اجت ولا هناء غسلت واتسندت ونزلت تحت لكيتهم  كاعدين بغرفة عمتي كعدت معاهم وكانو انا مو موجودة سالت عمتي علي هناء ورهف كالت هناء رجعت بيتها من الصبح ورهف مااجت اليوم شوي وكالت اخت اخلاص انو جهزت الغدا

كالتلي عمتي اكوم اتغدي معهم رحنا عالسفرة اتغدينا وطلعو اكل بالديوان لصكر والناس اللي عنده اتغدينا وعمتي كالت كومي همس غسلي الاماعين

دحكت عليها واستغربت منها وكلت بنفسي ماتكول مسوية عملية والبيت مليان نسوان تركتهم كلهم وكومتني انا

كلت ماشي عمة وكفت عالسنك ودايخة من التعب غسلت الاماعين بطلوع الروح وطلعت لغرفتي لكيت جربايتي مخربطة رتبتها علي مهلي وكعدت امشط شعري فات صكر بسكوت ودخل اسبح وطلع ينشف شعره بهاولي والخاولي الثاني علي خصره

راح للكنتور يلبس ملابسه وانا اكلمه

همس. صكر

صكر. هااا

همس. يمتي راح تروح تجيب ابني من المستشفي

صكر. ابني يم امه

همس استغربت. منو انت يمتى جبت ابني تقصد انت جبته وهو عند عمتي  هسه

اندارلي وحجة وهو يقترب مني

صكر بهدوء وحذر. لاهمس مو عند امي الطفل عند اخلاص انا كتبت الطفل باسم اخلاص وهي راح تربيه

من صدمتي ضليت لااخذ ولا انطي وحسيت  نفسي ثكيل مااكدر اتنفس حتي  ضليت اباوعله بسكووووت 

اجا هزني من ايدي  وعيونه كلها قلق وضل يكلمني بس ماميزت كلامه كنت اباوع وهو يتكلم كأنه يتكلم بلغة غريبة مافهمت من كلامه شي بلعت ريكي وسألته

همس. شنو كلت

صكر. حبيبتي والله غصب عني ماشفتيها شلون جانت تبجي وانتي حامل والله حتي ليلها ماجانت تنامه بس تبجي وبعمرها ماراح تصير ام وانا وعدتها بس تولدين تربي انتي وهي الطفل وماراح تحرمج منه لاتخافين هو بس بالاسم ابنها شوفي بس تصيري زينه شوي تحملين وتجيبين طفل ثاني انا سالت دكتورتج كالت 6 شهور وتحملين لانو ولدتي بعملية الله راح يعوضج بطفل صدكيني ينسيج بس هي عمرها ماراح تحمل

مارديت علي كلامه بس سالته

همس. يعني ابني هنا

صكر. ايه همس هو من يوم اللي ولدتي وهو هنا مع اخلاص وماجان بالخدج و هو ز....

مانتظرته يكمل كلامه وطلعت من الغرفة بسرعة اركض حسيت كل التعب والألم راح كل اللي جنت حاسه بي بوقتها انو ابني ديروح مني نسيت وجعي وبس اتذكرت امومتي نزلت لغرفة عمتي لكيت عمتي واخلاص وامها وعلي ايد اخلاص جان ابني تقربت منها بسرعة حتي اخذ طفلي حسيت اكو احد مسكني من خصري ورفعني وصوت صكر يهديني بوقتها يمكن صحيت من صدمتي ضليت اصرخ وامد ايدي احاول اخذ ابني

همس. ابنيييييي انطوني  ياااااه الله يخليكم

ام صكر. شكو شبيج شصارلج تخبلتي

هذت صار ابن اخلاص مو ابنج

همس بصراخ وألم. لاااااااا هذا ولدي انا مو ولدها

صكر. اهدي ياعمري بس شوي وانا راح اسويلج اللي تريديه

ام صكر. كافي تجذب عليها هالطفل صار لاخلاص وماكو داعي لكل هالكلام

همس. الله ينتقم منكم الله يحرق كلوبكم مثل ماحركتو كلبي والله ابني ماراح اعوفه الكم والله

حاول صكر يسحبني يطلعني من الغرفة بس كل مايسحبني شوي انتر ايده اخوات اخلاص وخالتها الصفرا واكفات عيونهن تنطق شماتة وفرحة باللي يصيرلي

ام صكر بصياح. تدعين علينه ولج حقيرة وماهامج

همس بصراخ. ايه ادعي عليكم روحو الله لايوفقكم انشالله ولاتتهنون بحياتكم اريد وليديييييي

فجأة حسيت بالم رهيييب بمنطقة عمليتي وحسيت الدنيا تدور وكعت عالكاع وصكر وجهه كريب مني ويخبط علي وجهي وأيده تحسس بطني وكلها دم

لما شالني من خصري وانا ارافس كانت ايده فوك عمليتي وماحسيت شالني وانا اصرخ من الالم واصرخ اريد ابني ركبني بالسيارة ورهف لكيتها داخلة عالبيت تركض لما سمعت صراخي

ركبت يمي بالسيارة وطلع صكر بسرعة ورهف يمي تمسح بدموعي وتهديني حسيت الدنيا تدووووور

ورهف تضرب علي وجهي ودموعها تنزل علي خدي ووجهي وصكر يكوللها لاتخليها تغمض عيونها رهف

لاتغمضين هموسة وصلنا ياعمري لاتخافين وصلنا وشالني صكر دخلني لجوا ودخلوني للعمليات شوي ودكتورتي اجتي وضلت تسأل شو اللي صار وخلي العملية ترجع تفتح مرة ثانية حسيت بالم شديد حيل براسي وعيوني غوشت وبعد ماحسيت بشي ...

.....................

رهف

بعد اللي كاله صكر لاخلاص تأخذ ابن همس وتروح راحت هي وامي بالطفل سالته شو قصده بابنها كال انو هو راح يعطي الطفل لاخلاص وراح يكتبه باسمها لأنها مايصير عندها اطفال ضليت ابجي واترجاه مايسوي هالشي والله همس تموت هالطفل بالنسبة الها كل شي بحياتها مارد على كلامي شوي ودخلنه لهمس كعدت يمها ابجي وهي فاقدة حبيبتي

رهف. ياعمري انتي شفتي الموت وانتي تولدين هالطفل وعالجاهز أخذته اخلاص الحقيرة

صكر بضوجه. خلص رهف سكتي الموضوع انتهي ومالازم همس تعرف شي هسه حتي لاتتعب وهي لسة مريضة

رهف بدموع وانت تهمك همس يعني والله ماتهمك وحبك الها جان كذبة ياصكر

صكر. شلون تشككين بحبي الها هااا همس هااي عيوني وروحي ودنياي بس همس ممكن تحمل مرة ثانية وتصير ام بس اخلاص احساس النقص اللي بحياتها من ناحية الأمومة راح يضل طول عمره

يعني ضرتها اصغر منها جثير يصير عندها اطفال وهي لا هالطفل اخلاص تربيه وهمس الله يعوضها بطفل ثاني

رهف. ايه مو هي همس اله تولد وطفل لاخلاص وطفل الها كلي بالله انت بعمرك حبيت همس ولاتزوجتها حتي تخلف اطفال الك ولمرتك اخلاص الحية

صكر. لاتكولين هيج اشلون يعني تزوجتها حتى تخلفلي اطفال لو اريد طفل كان ممكن اتزوج اي واحدة واخلف منها بس انا والله احب همس أنا ادري هالشي صعب عليها بس مع الوقت راح تقبل بالأمر الواقع وترضي

رهف. هاااا راح ترضي بالأمر الواقع اكيد انت ماتعرف همس لان لو تعرفها ماكان كلت هيج همس اخذان الطفل منها راح يدمرها وراح تشوف خويه

وبالنسبة انو انت ماتزوجت اي واحدة ثانية غير همس لان همس مالها أحد واذا اخذت الطفل منها ماحدا راح يوكف بوجهكم بس نسيت الها الله اللي افضل من كل الدنيا

صكر. مع الاسف عليج خيتي والله لو هذا ظنج باخوج

مارديت عليه وضليت يم همس لما فاقت وضلت تسأل علي ابنها من خوفي عليها كلت الطفل بالخدج مر اربع ايام وهي بالمستشفي كنت اجي الها كل يوم اطمن عليها وصكر رفض ابات عندها وهو اللي راح يبات وياها حجيت لايهم اللي صار لأنه جان بعيد عنا بالمستشفي لما صكر كال هيج وبعدها اخذ امي واخلاص رجعهم للبيت ماوافق عليه وكال لعمي صالح وعمي عباس وحاولو مع صكر يرجع عن قراره رفض وكالهم الله راح يعوضها بطفل ثاني مصدك حاله وانو همس راح ترضي وتسكت يومين واجو خالاتي كلهم واخوات اخلاص يباركون لاخلاص كانو اخلاص هي اللي ولدت ماكنت اروح لبيت اهلي ولا اريد اشوفهم لأنهم ظالمين حتي امي وياهم ظالمه

ثاني يوم من ولادة همس اخذ اخلاص وراح كتب الطفل باسمها حسيت كلبي احترك وقتها وفكرت شنو راح يكون شعور همس لو عرفت كل يوم صكر يجي يطمن عالطفل ويرجع لهمس ضلت بالمستشفي اربع ايام ورجعت للبيت ولكينه ايهم وأخوانه وخالد ابن عمي عباس واكفين يرمو لهمس ويتحمدولها بالسلامة وصكر مانعهم يرمو لان الطفل بالبيت وكل الدنيا عرفت أن الطفل صار لاخلاص حاول وياهم بس عاندو وخالد راادد صكر وصكر راد يعاركه ومنعوه اخوان ايهم

دخلت همس جوا وماكدرت اضل واشوفهم رجعت لبيتي ويه اختي هناء وثاني يوم راحت من الصبح لانو ماعجبها الوضع واخوات اخلاص ماسكين البيت ويسوون كل شي كانو هما أصحاب البيت بعد الظهر بشوي سمعت صوت همس تصرخ واصوات عاليه من بيت اهلي عفت همس بنتي مع مرت حماي وطلعت اركض شفتها بمنظر مااتمناه لعدوي حتي صكر شايلها وطالع يركض ودشداشتها الورديه كلها دم من مكان عمليتها والدم نازل علكاع وراه كانو خط وهدوم صكر وأيديه كلها دم وهي تصرخ من الوجع وشوي تكول ابني كلت اكيد عرفت انو اخلاص اخذت الطفل

طلعنا عالمستشفي بسرعة وطول الطريق ضلت تبكي وتريد ابنها شوي ومن التعب هي سكتت وفاتحة عيونها لفوك وتتلفت علي كل الاتجاهات كانو عيونها تدور وبعدها فقدت

وصلنا للمستشفي ودخلوها للعمليات والحمد لله من حسن حظنه دكتورتها موجودة صكر اول مادخلوها اتصل عليها كالتله انو هي بالمستشفي وراحتلها وطلعت بعد شوي الممرضة سئلناها علي همس كالت عمليتها فتحت وتحتاج عملية جديدة وخياطة من الاول بس الدكتورة ماتكدر تبدي بالعملية لانو ضغطها ارتفع والدكتورة تحاول معها تخفض الضغط حتي تبنجها وتسوي العملية وتحتاج دم لأنها فقدت دم هواي ادعولها عافتنه بصدمتنا وراحت

كلت لصكر من يوم اللي شفت همس وشافتك وهي كاضيتها بالمستشفي الله ينتقم من كل ظالم وكل شخص يظلم

____________________________________

مـحد فهمـني مـن آلبشـر ومـحد يحسـ بحآلي

لآ حب يدآويلي جرح ولآ صـآحب يوآفآلي

آآآآآآآآآآآآآآآآهہ مـآريد آي رآحهہ بعد

بس آمـي رآحهہ بآلي ولحد يجيني ويعتذر مـآعندي

وآحد غآلي گلهم يخونون

گلهم يبيعون

گلهم يضـحگون مـن آوگع بشـده

مـنهم شـفت وييييييل دمـعهہ وسـهر ليل

هدمـولي هآلحييييل وآلجرح ينزف بعدهہ

وشـعندي ضـآل هنآآآآ ذولهہ بشـر مـو خوش

مـآفآد بيهہمـ آي تعب حبهہمـ طـلع مـغشـووش

ويييييل مـآريد آي رآحهہ بعد بسـ آمـي رآحهہ بآلي

____________________________________

يتبع........

آووووووف آليومـ آلبآرت گلهہ قهر آللهہ يعين بس

آگلگم شـنو رأيگم ووآ آسـبوع آنشـرلگم نبذه عن روآيتي آلجديده

گتلگم عنهآ بلبآرت آلمـآضـي گلشـ حتعجبگم

فگرتهآ حلوه وجديده وهم حقيقيه مـثل هآي بسـ آگو فروقآت بينهن

آنطـوني رأيگم بلگومـنتآت

لتنسـون آلمـتآبعه لحسـآبي

وآلتصـويت بنجمـه

وآلتعليقآت

مـع تحيآتي آلگم. رين آلزين

همس صارلها فترة متغيرة ودائما ساكتة وتباوعلنه بس وتحت عيونها سواااد احسها تحترك من الداخل

اليوم اجيت لاهلي لكيتهم كاعدين بالاستقبال امي واخلاص وهمس بالمطبخ تغسل اماعين سلمت عليهم ورحت لهمس لكيتها تتحرك كانو اله حتي سلمت عليها وهي بس هزت راسها

خلصت وياها المطبخ وطلعنا برا كعدنه وياهم وسلطان ابن صكر علي رجل اخلاص دتلعبه صار عمره 10 شهور وهمس عيونها منهم ماتتحرك شوي واجا صكر من دوامه ودخل بعده عمي عباس كعد كدامنه ونزع سلاحه تركه عالطاولة وكعد هو وعمي عباس يتكلمون ماعرف علي شنو

سمعنه سلطان يكول لاخلاص ماما وبعدها اشر علي صكر وكال بابا وهاي اول مرة يكول كلام مفهوم دائما كلامه مو مفهوم واخلاص تعلمه طول اليوم ماما وبابا صكر اول ماسمعه راح عليه وضل يلاعبه ويبوسه وهو علي رجل اخلاص وهو يضحك وعمي عباس يكلم صكر وانا

اااااه انا اكبر غلطة ارتكبتها بعمري لما نسيت احساس همس بوكتها وفرحتي بابن اخوي نستني اختي ورحت عالطفل ابوسه كلنا كنا حوالين الطفل واخلاص تضحك

التفتنه كلنا علي صوت سحب زناد السلاح ولكينا بايد همس موجهته علي صدرها ونظرة عيونها كلها وجع وعتب ولوم صرخت وحاول صكر يأخذ منها السلاح بس ضلت ترجع لورا

وتتكلم كانو عيونها ميتة مركزة نظرها علينا

همس. بعد مالي مكان بينكم ولا بالدنيا حتي انا مكاني بين اهلي كنت مفكرتكم اهلي بس وسفهه علي الدنيا وعلي زماني وباوعت لابنها وابني الي عمري حلم حياتي بس أخذه واحضنه وهسه يكول لغيري ماما صدقو راح انتظركم بالمكان اللي راح اروحله ورب العالمين هو اللي راح يحكم بينا ياظلمة

____________________________________

هاي نبذه عن مستقبل الابطال والروايه

وبالنسبه للي يكولون البارت قصير وداتأخر بالتنزيل والمواعيد ما مضبوطه

حبايب

مواعيد التنزيل.بين يوم ويوم هاي خامس مره اكولها

البارت قصير. ترا احنه دنستلم الاحداث من همس هيج

ودنحاول قدر الامكان انو نطوله شوي

تاخير التنزيل. ترا هنه 3 مرات تاخرنه واعتذرنه اظن وعوضناكم وهم دنعوضكم هسه باحداث كلها صدمات وحلوه

وهم احنه عدنه اشغال وعدنه مشاكل وكل الاوقات شغل عنه ودنكتب الروايه عشان ماتزعلون

البارت الي نزلته اليوم اقسم بالله بقيت سهرانه عليه البارحه للساعه 5 بعد الفجر واليوم من خلصت شغل نزلته

ف اعذرونه اذا دنتأخر بنظركم

وهم اعذروني اذا اكو تجاوز بكلامي هذا

وكولولي شنو رايكم بالكلام الي كلته عن الروايه الجديده مالتي

اشو بس عاملوني گ فصليه شاغلتكم 😅

مع تحياتي الكم. رين الزين

هآي آلآغنيهہ آحسـهآ تعبر عن حآل همـس مـن آخذو آبنهآ مـنهآ

____________________________________

شـفتو صـوتهہ شـلون فدوة شـلون تعبآن

شـفتو وجههہ آل جآن وردهہ شـلون ذبلآن

شـفتو طـولهہ آل جآن مـن آلسـمـآ للگآع

شـفتو عينهہ آلنآمـت وخلتني حيرآن

آذوني آذوني مـن حضـنهہ آخذوني مـآ بآجي

گل عمـري وبفرآگهہ بجوووني

____________________________________

رهف

بعد ماكالت الممرضة هيج وعافتنه القلق والخوف ماكل كلوبنه وانا ادعي وصكر ضل رايح وجاي احسه الندم جاي ينهش كلبه اجوي عمو عباس وخالد ابنه وعمتي هناء وياهم وايهم سألونه وينها همس كلنالهم عاللي كالته الممرضة عمي عباس ضل يلوم بصكر وأنه السبب باللي صار لهمس وصكر بس ساكت

بس لما خالد ادخل صكر هجم عليه وكامو يضربون بعضهم واحنا نفاككهم اجا دكتور وكاللهم لو سوو هوسة مرة ثانية يطردنا برا

صكر. ماحد اله شغل هذولي اثنينهم نسواني وهذا ابني الي اريدها تربي انا حر

عمي عباس. شنو هاي شلون يعني حر مو هاي بنت اخوي وام الولد اترك الجاهل لأمه وخاف الله

صكر. يعني هي اخلاص راح تاخذ الطفل وتهرب بي هو وياها وكدام عيونها ماحد راح يمنعه عنها كل شي باوله صعب عمي وهمس راح تاخذ وقت حتي تقتنع وان شاء فترة وتخلف طفل ثاني وسيف يضل مع اخلاص وكل واحدة منهم تربي طفل ويصيرون الاثنين همس واخلاص أمهاتهم

عمي عباس. انت مصدك حالك باللي تكوله يعني همس تولد الطفل الثاني الها مو طيب اذا خلفت طفل ثالث راح يصير لمنو هاااا

صكر. اخلاص راح تربي سيف بس يعوضها عن حرمانها من امومتها وهمس اي طفل ماراح أخذه منها راح يضل بس الها

عمتي هناء. هه بس خلي تكوم همس بالاول ويمر عليها انو انت اخذت ابنها وبعدها فكر بالطفل الثاني والله راح تدمرها ياصكر وباجر راح اذكرك بس وكتها مايفيد الندم

صكر بضوجه منهم. ان شاء الله ماراح يصير شي وراح تقتنع همس لما تشوف ابنها كدام عيونها وماحد مانعه عنها راح تقتنع

هزت عمتي أيدها وعمو عباس سكت بس خالد حسيته نار ويريد ينفجر وايهم واكف ماعاجبه اللي يصير بس مابيدنه شي نسويه صكر دماغه غاسلينه ومقتنع أن اللي يسوي صح

مر ساعة ونص وطلعت الطبيبة طمنتنه انو الضغط نزل ورجعت خيطت الجرح ووصتنا انو ماتسوي اي مجهود ولا احد يضايقها لانو ممكن ضغطها يرتفع مرة ثانية ومو زين لانو هي لسة من فتره صغيره ولدت شوي ودخلوها غرفتها دخلنا الها كلنه بس ايهم وخالد ضلو برا كعدنا يمها شوي وبدأت تصحصح وهي تون شوي شوي فتحت عيونها باوعت بوجوهنا وكانو تذكرت اللي صار وصارت تبجي

همس بدموع وصوت متعب. صكر الله يخليك كول أن اللي صار جان حلم وان ابني ماحد راح يأخذه مني

صكر. اهدي همس لا تبجين مو زين عليج

همس. ويطبني مرض عساني اموت وارتاح بس كولي ابني راح يصير الي ماحد راح ياخذه مني وتعبي والمي وانا اولده ماراح يروح علفاضي الله يخليك ريح كلبي والله احس حالي داموت

صكر. هسة صيري زينه والله كريم

وتركنا وطلع حتي يمنع اي كلام ثاني ضلينا يمها واجت الطبيبة وكتبت الها خروج كانت الساعة حوالي 12 بالليل اخدناها وطلعنا سندتها انا وعمتي هناء

طلعناها ركبنا بالسيارة وعمي عباس وخالد بسيارتهم وايهم وياهم لان اجو بسيارة واحدة

رجعنا عالبيت لكينا كلهم نامو وماحد فكر يطمن حتي علي همس لو باتصال صكر كال دخلوها بغرفة امي حتي يكون الكل يمها دخلنا الغرفة علي امي فتحنا الضو امي كعدت

ام صكر. هااا حبيبتي شون صرتي والله خفت عليج حيل وردت اروحلج بس ماكان اي واحد موجود وهسه تشوفيني ماكدرت انتظر اخذت علاجي وانتي تعرفي بس اخذ العلاج بنام

صكر. تسلمين يالحبيبة همس راح تضل هنا يمج بالغرفة تعرفين مو زين عليها تضل فوك لحالها

ام صكر. اي يمه خليها هنا يمي حتي ادير باللي عليها هاي بنتي تعالي يمي هنا حبيبتي

همس جانت رافضة تكعد بغرفة امي بس اقنعتها انو مايصير تضل لحالها وممكن تتعب ولازم اي احد يمها

بس رفضت تنام يم امي عالجربايه وخلتني افرشلها بالكاع وسندتها ونيمتها سلمت عليها عمتي هناء وكالت راح ترجع الصبح الها بس لازم تروح بيتها لان زوجها مريض شوي راحت عمتي مع خالد ابن عمي عباس يوصلها واجا صكر كعد يم همس باس راسها

بعدت نفسها عنه

وسألته وين ابني اريد تجيبه الي

صكر. حبيبتي ابنه هسه نايم ومايصير نشيله لانو بس يكعد يضل يبجي الصبح اجيبه الج ضلت تبجي وصكر يكلمها وهي ماترد

بكيت علي دموعها والله كلبي وجعني

همس. كوليلي بالله عليج اللي يصير هذا يرضي الله يحرموني من ابني

وضلت تبجي وجرحها وجعها خليتلها علاج بالكانوله ابرة بس اخذتها وبعد شوي نامت ودموعها علي خدها

غطيتها وبست رأسها وطلعت لايهم منتظرني برا حتي ارجع لبنتي وامي حاولت تكلمني وانا مارديت عليها

وزعلت عليه بس مااكدر اتقبل اللي سووه بهمس وامي اعرفها شريكة باللي يصير

رجعت لبيتي وثاني يوم من الصبح رحت لهمس لكيتها لسة نايمة من مفعول الدوا وصكر نايم يمها وحاضنها بثنين اديه وامي كاعدة جربايتها وتسبح بسبحتها

طلعت للمطبخ اسوي لهمس اكل لان اعرف ماحد راح يسأل عليها اكلت لو ماتت سويت الريوك وكعدت بالصالة  ليما تكعد همس بنتي كنت مخليتها عند عمتي ام ايهم حتي اتفرغ لهمس شوي وسمعت صوت همس

دخلت للغرفة لكيتها تبعد صكر عنها وتكوله روح هات ابني يلا وامي ماعاجبها الكلام وكل شوي تطلع أعذار حتي مايروح يجيب الطفل لما همس تعبت وضلت تبجي صكر راح لغرفة اخلاص شوي ونزل بايده الطفل واخلاص نازلة وراه تسأله وين ماخذ ابني بالله مصدكة حالها وانو هالطفل ابنها دخل صكر لهمس

وهي بس شافت ابنها علي ايده مدت أيدها وهي كاعدة ماتكدر تكوم والله بوقتها حسيتها طفلة صغيرة من طريقة مد أيدها حتي تاخذ الطفل وهي بالأساس طفلة كل عمرها 17 سنة

ناولها صكر الطفل وهي كأن روحها ردت الها ضمت ابنها لحضنها وضلت تبوسه وتشمه شوي فتح عيونه والله نفس لون عيون همس وهالشي اللي ماحد راح يكدر ينكره ضلت حاضنة الطفل وحسيتها نسيت حالها ونسيت كل شي كل اللي تذكره انو ابنها بحضنها

واخلاص واكفة تفور بمكانها شوي وراحت علي همس حاولت تاخذ الطفل منها وهمس ضمته مارادت اخلاص تاخذه بس صكر أخذه منها واخلاص أخذته وراحت

وهمس ضلت تبجي وتصرخ وصكر حاضنها

صكر. ياعمري هو هنا وين راح يروح مع اخلاص راح يسكتها عنه وانا وياج اضل والله راح اعوضج عن كل شي وابنج كدامج هاهو

ماردت عليه وضلت تبجي وتنشغ واحس حتي ماعندها طاقة تبعد صكر عنها جرحها تعبها ورحت جبتلها الريوك ماقبلت تتريك وأخذت العلاج علي معدة خاويةوتمددت بمكانها ودموعها علي خدها والله هاي دموعج ياهمس راح تحرك عليهم  هالبيت ضلت تشهك وتنشغ مثل الطفله ونامت ماتدري عن الدنيا شي

رهف. اتمني تكونين ارتحتي هسه ونفذتي اللي تردينه

ام صكر. دسكتي بلا هالعيارة والله اللي يشوفها يكول ميتلها واحد وين اخلاص ماخذة الطفل يعني مو كدامها

رهف. انتي ام واكيد تحسين بيها ليش قبلتي تحرمينها من ابنها

ماردت علي خليت وطلعت لكيت اهل اخلاص اللي هما خالاتي وبنات خلاتي كاعدين يتريكون برا كانو هما أصحاب البيت واخلاص هما يطلعولها الاكل فوك لغرفتها لانو ماتكدر تترك الطفل هه والله يالله كانو هي اللي امه ومريحينها والمسكينة اللي ولدته كلبها ديحترك كل يوم عليه

رجعت لبيتي ماكدرت اتحمل اللي اشوفه وكلت شوي وارجع لهمس لان بين بيتي وبيتهم مسافة كلش صغيرة

......................

همس

كعدت بعد الضهر بشوي حسيت حالي مصخنة وجسمي كله يوجعني وصدري احسة يوجعني حيل  غير وجع العملية عمتي كاعدة وام اخلاص واختها يسولفون ولا كانو انا موجودة ومريضة ماكدرت اتحرك بس صحت باسم رهف ماردو علي ولا كأنهم سامعيني ضليت اصيح وحتي علي عمتي ماردو

من وجع جسمي وتعبي وماحدا يسأل فيني وابني اللي أخذوه مني بكل جبروت بجيت وحاولت اكوم ماكدرت

ضليت كاعده بمكاني واحس حالي اغيب عن الدنيا شوي وارجع حسيت برهف يمي وتحسس كصتي وصوت صكر وهو يكلمني وصوت رهف تعارك وي امها شلون مخليتني هيج وهي ترد انو ماتعرف انا مريضة وهي رجليها توجعها وماتكدر كل شوي تنزل من الجربايه وتجي عليه

وبعدها شي بارد علي راسي ورجلي شهكت من برودته وحاولت ابعده عن كصتي بس صوت صكر يمنعني وأيده تمسك ايدي حتي لاابعد الخاولي عن راسي حاولت رهف تكومني حتي اكل اي شي وأخذ علاجي ماكدرت سندني صكر وانا كارهته بس حتي ايدي ماتعيني أبعده عني

جابت رهف شوربة ساخنة واكلتني وانا بألف يالله كدرت اكل شوي وعطتني علاجي واسمعها تحجي مع صكر انو سبب حرارتي هاي هو  الحليب بصدري وانو الطفل مايرضع مني وصكر يكولها انو خلص الطفل عند اخلاص ومو كل شوي اروح ارضعه وترجع تاخذه وان الطبيب كاتبله علي حليب واخلاص ترضعه منه

وعمتي تكول انو انا يومين واصير زينة والحليب يجف بصدري لحاله كنت اسمع وابجي علي حالي وعلي ابني اللي حرموني حتي ارضعه سمعني صكر ابجي مسح دموعي ويسألني أذا اكو شي يوجعني مارديت لان اعرف كلامي ماله داعي وفكرت بنفسي بس اصير زينة اروح لعمي عباس وعمي صالح واخليهم يرجعولي ابني ماعرفت انو انا معلقة حالي بخيوط ذايبة

مر اليوم وانا احس حالي متكسرة ووليدي ماشفته ولاحتي سمعت صوته ورهف راحت بالليل لبنتها وطول الليل صكر يمي ثاني يوم كمت علي صوت هوسة حسيت حالي احسن شوي حاولت اكوم دخلو عمتي هناء وعمتي صابرين وهناء اخت صكر وعمتي سارة ووياهم رهف

عمتي صابرين تبجي علي حالي وعلى الي صارلي

حضنوني وانا ابجي بحضنهم يمكن مالي غيرهم بعد

كعدو يمي شوي واحسهم متوترين سالت رهف علي الهوسة اللي برا شنو سببها بجو عمتي صابرين وعمتي سارة دخلت اخت اخلاص وبيدها صينية عليها اكل استغربت انو اخت اخلاص تجيب اكل النا

حطت الصينية وكالت هاك اكلي معلاك صكر لما ذبح حتي يسوي عزيمة  لسيف ابن اخلاص وكال دزو لهمس وابتسمت بحقارة وراحت حسيت حالي اغلي وقلبي يحترق عاللي يصير

سندت حالي عالجرباية حتي اكوم واطلع برا حاولو يمنعوني بس انا ماقتنعت سندتني رهف وفتحت الباب

شفت المشهد اللي كسر ظهري اخلاص كاعدة وابني بحضنها والناس تباركلها وكاعدة يمها عمتي ام صكر وسناء كاعدة قريب عليهم يااناس هذا ابني انا انا اللي المفروض تباركولي انا امه مو هي والله مو هي

رحت عندهم وانا منحني ظهري شوي بسبب عمليتي والم بطني

وصلت لعندهم وكل العيون عليه وعمتي ام صكر كامت حاولت تدخلني لغرفتي ماوفقت

همس. ليش تردين ادخليني حتي مايعرفون الناس انو هذا ابني انا مو ابنها هي خليهم يشوفوني ويشوفون وجعي والمي حتي يعرفون انو انا اللي فتحو بطنها وطلعو منها الطفل مو هذيج

ردت اخت اخلاص هالة. ايه عيني كلهم يدرون انو انتي اللي فتحتي بطنك واخلاص أخذت الطفل خلص مايفيد الكلام بعد

اخلاص ساكتة بس علي وجها احقر ابتسامة وعيونها كلها شماته

رهف. مالج دخل انتي سمعتي لو اجي هسة امسح بوجهج الاراضي

هالة. تمسحين بوجه منو الارض كل هذا لان محروكين شون اخلاص اخذت منها الطفل وصكر ماهان عليه يزعلها واكيد شاف انو همس ماتستحق تربي ابنه

فجأة عمتي سارة هجمت عليها  مسكتها من شعرها ونومتها بالأرض وضلت تضربها علي وجها بالنعال

سارة. تخسين ولج والله لو تجيبين سيرتها علي لسانج والله احركج انتي وكل اللي يدافعلج

حاولو النسوان يبعدوها واخوات هالة واخلاص حاولو يشدو عمتي سارة ويضربوها بس بنات عمتي سارة بعدوهم وواحدة من اخوات اخلاص اخذت راشدي علي وجها من بنت عمي عباس بالزور يالله كدرو يبعدو عمتي سارة عن هالة اخت اخلاص

عمتي سارة. شوفو كلكم لايغركم شكلي وانو انا مدرسة ومو من بلدكم وتفكروني راح اسكتلكم والله اللي يجيب طاري همس انهي حياته شوية كح...... ويرديدون يسوون روحهم نسوان بروسنه

كامت هالة وهي شعرها مكفش ووجها كله خطوط حمرا وخرابيش من عمتي سارة

هالة. والله ماراح اسكتلج عاللي سويتيه

عمتي سارة. ورجيني اللي راح تسوية يلا انا منتظرة

ام صكر. سارة شلون تضربين بنت اختي ببيتي

انتي ضيفة هسة ببيتي ياتحترمين البيت وناسه يااما ماتجين عندي مرة ثانية

عمتي سارة. والله خاف ماترضين وانا راح اروح بسبب كلامك لااا عيني راح اجي وغصب عن الكل طول ماهمس بالبيت ماراح اعوفها الكم تسوين هالشي حتي ازعل واروح وانتو تستفردون بهالطفلة اليتيمةلا والله ماراح تشوفيها

كامت عمتي تغلط عليه وعلي عمتي سارة وانو انا السبب باللي صار كنت كاعدة علي كرسي ماكدرت اوكف وضليت ابجي علي صارلي واللي راح يصير 

شوي واجا صكر وعمي عباس وايهم وزوج هالة

لانو ابن هالة راح الهم عالديوان وكال عالعركة اللي صارت ولأن الديوان بعيد شوي عن البيت هما ماسمعو الصوت لما تعاركن سال صكر عاللي صار وعمتي تبجي هي وهالة وانو عمتي سارة ضربتها

زوج هالة اتخبل كيف تضربو مرتي وعمو عباس ضل يسال عمتي سارة عاللي صار وهي تحجيله

كالها خلص يلا نرجع للبيت

راحت وياه بس قبل لاتروح كالت والله اللي ياذي همس راح يلاكيني كدامه سكتنا كثير الكم لحد لما اخذتو قطعة منها بس خلص ماراح اسكت مرة ثانية

راحت صكر من اول مادخل وعيونه علي وانا نظرتي اله كلها كره سندتني رهف دخلتني لغرفتي ماوافقت اروح لغرفة عمتي مرة ثانية

كل شوي اكوم اطل من الشباك عالناس وعالهوسة وابجي هذا سبوع ابني انااااا ياناس ضلت الهوسة لوقت متأخر من الليل والكل راح حتي رهف رجعت لبيتها شوي ودخل لصكر وانا كاعدة عالجربايه وعيوني حمرا بسبب دموعي طول اليوم

صكر. ما كافي هاي الدموع والله دموعج هاي تحرك بكلبي

همس. اريد ابني صكر

صكر. مو خلصنا من هالموضوع يااعمري انا والله اخلاص تحبه ومراعيته لاتخافين عليه وانتي هسه تعبانة

همس. ابني هو دواي بس اضمه لصدري انسي كل الوجع

صكر. والله تنسين الوجع وكلشي كلها مسألة وقت يعني انتي راح تكوني فرحانة واكو واحدة محرومة من الأمومة كدامج وكل يوم تتحسر عالطفل

همس. وانت هسه فرحان وانا احترك كدامك راح تكون فرحان واكو ام اخذتو منها ضناها

صكر. وين اخذناه هو كدامج ماراح يروح لمكان والله بس تهدين شوي وتفكري راح تعرفي انتي ماخسرتي ابنج

همس بشرود. تدري طول عمري مالي حظ باي شي بالاول ماما وبابا راحو وعافوني بوسط ناس كنت احسهم اغراب عني والله عوضني بعمو سلمان ماخلاني احس باليتم بس انحرمت منه وحرمتني من دراستي واحلامي وماكفاك حرمتني من ابني وهسه انا صفيت وحدي حتي اسم الطفل حرمتني اختاره وانت تدري اريد اسميه عمران

حسيته غلس عن موضوع اسم الطفل واتهرب بكلامه

صكر. وانا وين رحت انتي مو وحيدة انا يمج

ضحكت باستهزاء ودرت ظهري ونمت يجرح ويريد يداوي يسرق كل شي من حياتي ويكلي راح اعوضج

نزلت دموعي وماحسيت علي حالي لما نمت

ثاني يوم راحو اهل اخلاص وسناء وياهم حتي مااجت الي كانو تخاف علي حياتها مثلهم لو سلمت عليه

الله ينتقم من كل اللي ساعد ووافق انو طفلي ياخذو مني

مر كم يوم  كنت تعبانة بسبب الصخونة من صدري بس اتحسنت والجرح صار زين وداني صكر للدكتورة وفكت السلك

باول فترة كان صكر كل فترة يجيب الي الطفل كل كم يوم بس هسه لا عمتي رفضت وحاربته وكالتله مايجيبه الي بحجة الطفل راح يشتت بينا ولازم يصير مع اخلاص فقط حتي يعرف هي امه يوم عن يوم اكتشف انو عمتي اللي كنت احسبها امي هي سبب عذابي

وتاكدت من هالشي لما سمعتها هي واخلاص يتفقن يمنعن الطفل عني نهائيا

____________________________________

يتبع.....

همس حال الضيم حالها انظلمت بحياتها هواي اول شي تيتمت ثاني شي انحرمت من دراستها ثالث شي تزوجت غصب عنها وبعمر صغير ورابع شي اخذو ابنها منها وحرموها انها تسميه وترضعه وتشوفه وحتى حرموها تمسكه بايديها هذا ظلم كلش جبير والله الله مايرضى بس شنو بايدنه نسوي غير ندعيلها الله يفرج همها ويساعدها وحسبي الله ونعم الوكيل على كل ظالم

مع تحياتي الكم. رين الزين