رواية أعشق أنانيتك عندما تتمناني لك وحدك الفصل الثاني وستون 62 - بقلم nona_A

طالعت غلا : ماعندي شيء غير اني أوفق وان شاء الله بس فلوس البيت توفي مع هالمحامي الي نهبنا على الفاضي

سآمي : ان شاءالله هالمرة نسمع الخبر الي الغالية كان ودها تسمعه

غلا
آلحين بيبيعوا بيتهم عشان ...يطلعون ابوهم مجانين ذولا ...
ابوهم قضيته كبيرة....تذكرت ان مرة سامي قالي البيت باسم زوجتة الثانية قلت بسرعة وانا ودي يموت ويعفن بالسجن بتشفي : أشلون تقدروا تعرضوه للبيع والبيت باسم مرة ابوكم بالعقل ي ناس ...

سآمي انقهر من نظرة الشماته الي عليها بس هين والله آلحين اردها لك ضحك بطريقة مستفزة :ههههههه والله العقل ماهو برأسك وقال بصوت كله شماته بيت أبوك ي الفهيمه ...

غلا فتحت فمها مصدومه :وشهوو

سآمي بستفزاز يقهر :بيت أبوك
غلا وقفت معترضة: ومين قالك باسمح لكم تبيعونه عشان تجي تشاور أختك البيت لي انا فاهم

سامي ابتسم على جنب :امممم مين عشان نشاورك واي بيت لك

غلا بصرخة: بيت أبوي سآمي لا تجننني وهي تطالع بدرية تبي تفهم السالفة

سآمي بستهزاء: بيت مين أقول ي الخبلا البيت بيت بدرية وهي لها التصرف فيه وانتي مالك فيه أبد

غلا طالعت بدرية وهي تضحك بقهر وفي نفس الوفت مصدومه من الي تسمعه : اسمعي أخوك الغبي وش يقول بيفلسني من بيت أبوي بعد يفتكر مافي حكومه تدق خشمه وخشم الي جابه بعد

سآمي وقف وقرب منها وده يذبحها على هاللسان : صدقيني خشمك آلحين الي بيندق وقرب منها بطريقة مستفزة وهمس عند اذونها البيت مالك فيه ولا ريال باسم بدرية ...وحط يده بجيب بنطلونه ورفع كتوفه مالي دخل ابوك الي فلسك منه ماهو انا
يالله روحي خذي حقك منه لو تقدري ..

غلا
كنت اطالعة وارجع اطالع بدرية وانا شوي وأنهار من الي يقوله هزيت رأسي بعدم إستيعاب .: كتبه باسم بدرية أكيد تكذب عشان تقدر تبيعه اي هذي خطه من خططك القذرة ابوي مستحيل
يسويها.. بدرية قولي انه يكذب ابوي مستحيل يسوي كذآ مستحيل اعرفة أبوي مستحيل يخدعني ومايقولي حتى ولا يشاورني ..

بدرية بحزن عليها صعب صعب وضعها والله....و سآمي أبد ماهو مقصر فيها ...وصل لها بطريقة مالها داعي هي لها فترة تحاول تقول لها بس كانت خايفة من ردة فعلها بلعت ريقها بتوتر : اسمعي ي غلا والله هالشي مالي يد فيه
تذكري ..يوم حملت وسقطت قال بيطيب خاطري ويبيني اضمن مستقبلي قام كتب البيت باسمي يقال يعوضني ..على انه ماسوى لي عرس

غلا هزيت رأسي وانا اكرر كلامها:يعوضك ويضمن مستقبلك طيب وانا ليه ماضمن مستقبلي وليه ماحاول يعوضني يوم رماني على أخوك بقميصي بعد كأني مسوية مصيبه ...

بدريه بدل ماكحلها عميتها يالله وش قلت انا آلحين قلت وانا أحاول ارقع : أبوك كان واثق بسامي حيل وقال غلا عندها رجآل ومتأكد انه ماراح يضيمها وبيعوضها أكيد

غلا طالعت لسامي واشرت بيدي عليه وانا أشوف نظرة الشماته الي قاهرتني : آلحين أبوي كان متأكد من أخوك لدرجة يكتب البيت باسمك وبصرخة : أشلون لعبتي عليه أشلون خليتيه مايفكر في بنته أشلون ي قوة قلبك....على هالسواه

سآمي بعصبيه : بنت اهجدي ولا أقسم برب الكعبة اهجدك
بطريقتي آلحين وبعدين وش ذنبها بدرية تحطي عليها أبوك بكامل قواته العقلية كتبه لها وش ذنبها إذا انه كان مايفكر فيك

غلا ذبحني كلامه صادق في كل كلمه قالها ابوي مايفكر فيني أبد بنكسار : وآلحين بتعرضونه للبيع عشان ابوكم
يعني ابوكم دمرني وهو برا السجن وبعد داخل السجن
حسبي الله عليه عسا حوبتي ماتتعداه

سآمي بقهر منها :ايه عشانه وان شاء الله يطلع وقلبك ينحرق زود ي غلا وصدقيني بتدمري أكثر على هالحقد الي بقلبك

غلا : أكثر من كذا ناوين تدمروني ي عائلة وافي
حرام والله

سآمي : نصيبك كذآ معنا

غلا طالعت بدرية وانا زعلانه حيل من أبوي وسواته فيني : حلال عليكم بيت أبوي بس ان شاءالله تبيعوا الي قدامكم وراكم وماتفرحوا بخروجه وقلبكم ينحرق مثل ماحرقتوا قلبي على أبوي وهو حي وآلحين حرقتوا قلبي على بيته ...

سآمي بسرعة هجم عليها وهو يصرخ: أقسم بالله لابرد قلبي فيك اليوم يال******

بدرية بسرعة تدخلت وقفت بوجهه سآمي وهي تحلفه : تكفي ي سامي عشان امي الله يخليك تهدا شوف بنتك كيف تصرخ خايفة
غلا وهي منهارة:خليه ان شاءالله اموت بيده وارتاح من هذي العيشه الي كلها ذل لا من زوج ولا من أب

بدرية بصرخة وهي بالقوة تحاول ترد سآمي عنها :غلا روحي غرفتك وفكينا خلاص واوعدك قيمته بعطيك منها ..

غلا بعصبيه صرخت : آلحين بتعطيني بعد ايش ماخذتي الأول
والأخير

سآمي بسرعة دف بدرية ...بس غلا كانت أسرع منه وبسرعة دخلت الغرفة....وقفلت على نفسها ...وسندت حالها على الباب
ماهي مصدقة ..إنها قدرت تفلت من يده...سمعت صياح بنتها ..قلبها عورها عليها فكت الباب بتحدي وهي تطالعة ...وحملت بنتها ..ورجعت للغرفة بس وقفت يوم قال: مسكينه ي غلا
حالك ينشفق عليه لابيت لاعيله ولا شيء سبحان الله كنتي متغليه على العيشه معي وآلحين تتمني أخليك على ذمتي والمك في بيت رفع يده ولم اصباعه ونفخ عليها بطريقة مستفزة : واحد صفر

طالعته ولا أول مرة تحس صدق انها مكسورة لدرجة ماقدرت ترد عليه ...هو صادق بكل كلمة قالها آلحين محدن بقي لها غيره كان بيت أبوها رافعة رأسها فيه ...بس آلحين خلاص
أنتهى كل شيء صفقت بيدها وهي ماسكه دمعتها لا تنزل قدامه :برافوا ها لمرة لك المرة الجاية لي
سامي ضحك بصوت عالي: اي مرة جايه يرحم أمك حالك
ينشفق عليه وادعي بس اني أقدر اتحملك بس ولا مصيرك الشارع الله لايبلانا

غلا طالعت بدرية الي منزله رأسها : ربي فوق وبعدين خالتي موجودة لاتفرح مرة تاري ماهو مقطوعه من شجرة

سآمي بوقاحه : مين مين الي موجودة يرحم امك اسكتي خالتك لو تجيب سيرتك عند رجلها تطلقت وصارت جنبك ..ولا تنسي مين رجلها وايش كان موقفه من أبوك
غلا : اشمت اشمت سآمي زيد وكثر بعد
سآمي ابتسم بسفزاز: والله و طلع منه فايدة هالراجح الله يرحمه طالع أخته لها درجة وقع بغرامك ي وخيتي لدرجة نسي بنته وهي قطعه منه

بدريه بحده :سآمي خلاص خذت الموافقة خلاص فكنا

سآمي وقف ومر من عند غلا الي تناظره ساكته وبستفزاز : اوك اوك طالع وان شاءالله نحصل بس على مبلغ محترم ...
وقرب منها وقال للمرة الثانية نشكر أبوك سوا خير فينا يوم شاف دموعها بعيونها مد يده واشر لعيونها خليها تنزل عشان ترتاحي بلاش مكابرة حتى في ذي ...وزفر بضيق لو تقصري لسانك كنتي عايشة بسعادة ..حتى أبوك عرف مين بنته وخاف على أختي منك وكتب البيت باسمها بطوله منه والله

غلا دفت يده وراحت لغرفتها ...نزلت بنتها بالأرض ورمت حالها على السرير ...منهارة...وش الي سويته فيني يبه ..خليت
هالصايع يتشمت فيني حرام عليك يبه ...كسرتني حيل ...آلحين رميتني للي مايسوى وبعد كاتب البيت باسم أخته ليه يبه ليه ...
انا قطعة منك تسوي فيني كذا ودي أعرف وش عملت لك عشان تسوي هالشيء. ..حرمتني كل وأنت عايش وبعد وانت ميت آه يبه ....ي حرقة قلبي عليك وعلى الي سويته فيني....
@
@
@
@
@
@
في السيارة متجهين لحايل ..
::
::
طالعت شهاب وانا تعبانه حدي : كم باقي ونوصل

شهاب : تعبتي

لطيفه : والله تعبت مسافة مره وبعد الصدق احس بخجل أشلون بقابل أهلك

شهاب عقد حواجبه:وشهوله تخجلي مافي في البيت إلا عمتي
أمل وأبوي ومرته

لطيفه بصدمه :يعني أبوك متزوج
شهاب:ايوه متزوج جديد بعد

لطيفه : بس الي أعرفه انه كبير بالسن وبعد مريض امي قالت لي

شهاب : ايه كان مريض والحمدلله تعافى وطلب يتزوج يبي الي تونسه

لطيفه : ماهو تقول عمتك أمل موجودة عنده وشهوله يتزوج

شهاب طالعها ورجع طالع الطريق:عمتي أمل بعد مارجلها توفى نفسيتها تعبت وبس جالسه بغرفتها ونادر تطلع منها

لطيفه بحزن: ي قلبي الله يصبر قلبها ..
ربي كريم قادر يجبر كسرها

شهاب :والنعم بالله دخل لجهة المكان الي ساكنين به وقف السيارة وقال بتعب وهذا حنا وصلنا حايل الحمدلله السلامة

لطيفه شفت البيت ماهو بهذاك الزود قديم مرة همست : الله يسلمك

شهاب : يالله نزلنا

لطيفه :ان شاءالله ونزلت وانا مترددة ..أول مادخلنا
كان قدامنا حوش كبير حيل ...

شهاب : آه ي زين هوا الشملي

لطيفه:مدام تحبها غريبه ما جلست عند أبوك

شهاب : سالفة طويلة حياك تفضلي

لطيفه مشيت معه متجهين لباب الصالة أول مادخلنا شفنا رجآل كبير حيل بالسن وجنبه وحده جالسة ويفطرون

شهاب بهمس: هذا أبوي قربي سلمي عليه

ابو شهاب أول ماشاف شهاب رحب فيه: هلا هلا والله

شهاب : ي هلا فيك وقرب منه وسلم فوق رأسه

ابو شهاب : ارحب ارحب افطر ي بوك ..

شهاب :يبه هذي مرتي تعالي ي لطيفه سلمي على أبوي
لطيفه قربت سلمت عليه وانا مستحيه حيل بذات مع ترحيبه الزايد طالعت شهاب الي شكله أول مرة يشوف مرة أبوه

: ابو شهاب: اجلس ي شهاب وجلس مرتك وذوق طباخ زوجة
عمتك موضي
شهاب بتعب: مشكور يبه تونا مفطرين والله
ومابي غير نومه تريحني بس ..

موضي بدلع ماهو بمكانه: أقول ي محمد ولدك ماسلم عليه حتى
ولا يكون بعد ماهو براضي مثل أختك

ابو شهاب بعتب: افا الحين يقول يسلم عليك ولا ايش علومك ي شهاب

شهاب وقف:اسف يبه وحقك علي ي مرة أبوي وحق واجب نسلم عليك مد يده بجمود وسلم عليها و طالع لطيفه يالله ننام

موضي :بزعل منك لو ماذقت على الأقل لقمه من طباخي

لطيفه هذي شكلها لزقة حيل الرجآل ماهو بطايق حاله وهذي جالسة تستخف دمها مسكت يده وقلت بقهر: قالك مايبي عليكم بالعافية

موضي بقهر: على راحتكم حمودي حبيبي كمل أكلك

لطيفه طالعت ابو شهاب وهي تدلعه حمودي حرام عليها والله الرجآل أبد شكله ماهو بلايق عليه هالدلع لحقت شهاب يوم مشى متجهه للغرفة همس لي : نشبه صدق

لطيفه : والي مسويته كلها بيضه وهي محتفلة وتعزم بعد عليها
شهاب: نعمه ي لطيفه نحمد الله ونشكره

لطيفه :الحمدلله وعارفة انها نعمه بس اقصد الكميه مرة قليلة حيل وهي طاقة يمين نأكل منها والله لو اذوقها بس ماتقدر تذوق بعد ي من قلة الكميه هههههه

شهاب طالعها وهي تضحك ...بدون مايتكلم ...

لطيفه حسيت بطفش منه مايضحك أبد جليد هالرجال : اممم شهاب انت كذا طبعك ماتضحك وين رائد عنك والله يعلمك الفله
ويطلعك من الجمود الي انت عايش به ..

شهاب حط يده على رقبتة وحركها يمين ويسار:فيني نوم بس ودي أخذ دش قبلها ..

لطيفه
سكتت يوم شفته ماعلق على كلامي ...أحسه مايتكلم كثير ويالله اشوف ..ابتسامته.وقفت قربت من الشنطه:آلحين أطلع لك ملابس على بال ماتأخذ دش ...

شهاب مسكها وقال ببرود: مشكورة انا اطلع لنفسي

لطيفه وقفت مكاني وطالعته بدون ماتكلم فك يدي وراح لشنطته
وأخذ منها ملابس ...
.
شهاب شافها تناظره والزعل واضح عليها :ترا متعود اسوي كل شيء بنفسي

لطيفه :اوك على راحتك ...
سويت لي كوب كباتشيون ..وطلعت للحوش مدام الجو..روعة وعيالي نايمين بعد ...و المطر .توه وقف ....أول ماجلست. .طالعت جهة البوابة .غريبة اليوم مالة حس ..معقول باقي بدوامه افف وش لي أفكر به .. فزيت يوم سمعت صوته من وراي
:ليه ماسويتي لي ..

لفيت له وانا مفزوعة : بسم الله من وين طلعت أنت

أسامه جلس مقابلها وقال بهدوء: جهزي حالك بنسافر لجدة بس متى مدري بس خلال هالأيام

ريوف ابتسمت بسخرية أخذت رشفة من الكوب : اممم ليه جاا نقلك

أسامه بجمود: لا

ريوف ميلت فمي بستهزاء :افف بتهج من الرياض بدون نقل ودوامك طيب شافته يناظرها بقهر ابتسمت بتشفي اممم شوف انا معك ان وضعك صعب حيل وأشلون تداوم في مكان مسجونه فيه الشريفة زوجتك اقصد طليقتك ولا بنت خالتك المهم ماعلينا قدمت نفسي شوي وسندت على الطاولة وطالعت عيونه بشماته والله قويه حيل والله لا يحط حد مكانك .. بس مو انك تفصل من عملك ..عشانها وتشل حالك وتهج لجدة لا حبيبي وراك عيال
ومسؤولية ..

أسامه بعصبيه ضرب على الطاولة خلاها تفز من مكانها وهي
ماسكه الكوب خافت لو ينسكب :أولاً
اريج ماهي بنفس المركز مسجونه خلاص تحولت للسجن العام
..وثانياً ترا مافي حد من اخوياي يدري إني لي صلة فيها يعني ارتاحي الحمدلله الفضيحة شايلتها هي بنفسها مالي فيها ...ومن اليوم ورايح ورب البيت ي ريوف لو اسمع اسمها ينذكر قدامي انتي تعرفي اسامه زين لو عصب
وترا كلها مهمه لمدة شهر بروحها عشان اعلى رتبه ...لاتألفي شيء من رأسك وتتكلمي عن بثقة

ريوف قهرني برده وبعد عصبيته الي خوفتني بس والله مستحيل اوضح له إني خفت منه بعناد وهي داخلها ترجف تتوقع هالمرة الضربة الي بالطاولة من توو آلحين بوجهاا أكيد : امم قلت لي مهمه أجل درب السلامة انا وعيالي مالنا روحه معك

أسامه وقف : لا بتروحي ومد يدة وأخذ الكابتشينو وأعطاها ظهره

ريوف عصبني يوم رجع يفرض رأيه علي :أشوف كيف تغصبني ورجع الكابتشينو أحسن لك

اسامه لف لها وبابتسامه تقهر: لا وش اغصبك عليه تطمني بتروحي وانتي راضية ....الكابتشينو ماراح أرجعه عقاب لك عشان ثاني مرة تفكري ان معك شخص عايش بهالبيت ومن المفروض تحسبي عليه ...

ريوف وقفت بعصبيه وقابلته: خذه واشبع فيه بعد وروحه معك
والله ماروح حط هالشيء في بالك وانت ان شاءالله تجلس شهر
سنه مالي فيك .....

أسامه مد يده وضرب خدها بطريقة مستفزة : ي شين العصبيه والقوة الي مالها داعي عليك

ريوف دفيت يدة بقهر ومشيت وانا معصبه قال آيش اروح معه وانا راضية متى بالله رضيت على شيء من يوم تزوجته رجعت طالعتة وقلت بتهديد: ياويلك تكمل الكوب كله

أسامه عقد حواجبه : افف لهالدرجة بخيله روحي سوي لك غيرة

ريوف قهرني والله حيل تلفت يمين شمال ادور شيء ارميه فيه آلحين مأخذ حقي ويقول بخيله وأكثر شيء قهرني وقفته قدامي كذا ومبتسم مثل الابلهه..طنشته ودخلت ....وانا اسب فيه
@
@
@
@
@

لطيفه
بعد الغداء الي سواه ابوه جلسنا بالصالة الكبيرة
حسيت الجلسة مرة رسمية و شهاب بعد هو قليل كلام معاهم
وأكبر دليل سلم وجلس شوي وكان ساكت وبعدها وقف وطلع بسرعة ..حسيت
بطفش صراحة اروح الغرفة أحسن أجلس على جوالي .. طالعت أخته الكبيرة مارتحت لها ابد ...وقفت : عن اذنكم بروح اريح شوي
سميرة : خذي راحتك
لطيفه
رحت الغرفة وعلى طول ..كلمت امي وريوف ....جلست انتظر متى يجي بقوله نمشي مارتحت أبد هنا صراحه .....وقفت بطلع بجيب مويا ...لأني عطشانة حدي بس وقفت يوم سمعت صوت شهاب ومعاه أحد يتكلم قدام الباب

: كذآ تعرس لا مشاور ولا شيء

بضيق: جت بسرعة ي سميرة لاتنقدي علي

:إلا بنقد وبنقد زود يوم خذيت مطلقة حرام عليك الي تسويه في نفسك ولا بس أهم شيء عندك تحر طليقتك ..

شهاب أخذ نفس قوي وهو يحاول يصبر نفسة: وش دخل طليقتي آلحين

سميرة بعصبية : أجل وشهوله تأخذ مطلقة بالله آه ي حسرتي عليك بس والله مالوم إلا عمتك صيته وهذي وهي مربيتك ولا عشانها بنت أخوها خمتك فيها
شهاب :سميرة امي صيته ماقصرت وهذا نصيبي خلاص
وفكينا لا تسمعك آلحين وتزعل
سميرة بقهر: وين تسمع شكلها نايمه تقول تعبانه ...حتى علوم الحريم ماتعرفها خلت المجلس وبه حريم ...تفشلت ..حيل من حريم إخواني. ..

لطيفه

رجعت جلست على السرير ....وانا مقهورة من أخته .ومن رد شهاب الأخير ذبحني حيل ....ماقدرت اسمع ايش تقول بعد .
آلحين المطلقه فيها عيب ...ودي اطلع وابرد قلبي فيها ...بس احترمت حالي ...أول مادخل طالعتة بضيق : : كم بنجلس هنا

شهاب : لو تبي آلحين نمشي مستعد

لطيفه وقفت وانا مغبونه منه ومن أخته : ياليت

شهاب : يالله مشينا أجل مدام ما زانت لتس الجلسه

لطيفه على طول لبست العباية وشهاب أخذ الشنطه ...أول ماطلعنا من الغرفة شفنا اخته هذي سلامات ماسكه خفارة عند الغرفة .
وقفت على طول وهي معترضة :وين وين على الله انت وشلايلك وهي تأشر على الشنطه
شهاب بجمود:ماشين للديرة ميمه مقدر اخليها أكثر من تسذا

سميرة فتحت عينها بصدمه:توو مسرع جيتووا

شهاب:ماعليه ي ام سلطان عندي أشغال حدي المهم لا اوصيك في ابوي

سميرة :أبوك وينه عنا والله ماغير طايح مع مرته الجديدة حب وغرام .

شهاب ابتسم :اي والله حده طايح هالمرة

لطيفه. .طالعتها بقهر ..حقودة هذي المرة خليه يفرح وش تبيه يجلس مقابل خشتك الي تسد النفس زفرت بضيق وانا اطالع شهاب يعني امشي وخلصنا .....
تنهدت براحة يوم مشينا من عندهم ..وطلعنا من حايل كلها ..طالعتة .احسه غامض ...
...
قلت بعتب: وش فيها أختك على المطلقه .

شهاب طالعها بصدمه : أشلون

لطيفه بقهر : سمعت كلامك وكلامها وبسخريه ماشاءالله ردك كان مقنع حيل
شهاب عقد حواجبه :أشلون كنتي بالغرفة ولا يكون من النوعية الي يتصنتن ي لطيفه ي كرهي للمره الي تسذا

لطيفه بسخرية : لا تطمن بس ماشاءالله على أختك أختارت مكان جنب الغرفة الي جالسة فيها وبدت تنقد عليك وتتشرهه يعني اسمعي بالغصب ...

شهاب بضيق: كلام مأخوذ خير وش لتس بوجع الرأس

لطيفه بوجع : ايه صح مالك بوجع الرأس وترضى بالنصيب

شهاب قاطعها :أكيد برضى بنصيبي ولا مقدر أعيش مرتاح

لطيفه حسيت رده قهرني زود سكتت معاد تكلمت معه. ...

شهاب طالعها : جيعانة شيء

لطيفه : لا مشكور

شهاب: لطيفه لو جلستي تدققي بالكلام الي يضيق الخاطر ماراح ترتاحي اسمعي وطنشي وش عليتس من حكي مامنه فايدة

لطيفه بزعل:والله مافكرت بكلامها عن المطلقه ولا هزت فيني اشعرة. .وأنت لا تغصب حالك علي عادي عندي لقب مطلقة
ماراح تفرق يوم تكون المرة الثانية

شهاب بحده : وش متفقين عليه من يومين هالكلام مابي أسمعه

لطيفه : اتفقنا صح بس ردك غير كل الإتفاق

شهاب : وشهو انا قايل بالله عشان تقلبي تسذآ هدي ي بنت الحلال وفعلاً انتي نصيبي وراضي فيه وبقوة بعد وبدعي لعمه صيته على قولها انها أختارتك لي ويالله آلحين قولي لي وش ناوية تأكلي في مطعم على الطريق أكله راح تحبيه .حيل انا كل ماجي حايل أمر عليه ....

لطيفه ابتسمت بسخرية من كلامة:ليه مدام بتدعي للي أختارتني لك علامك ماقلت كذآ لأختك

شهاب : لطيفه والنهاية ترا طقت تسبدي من هالسالفة

لطيفه بعصبيه : ليتني ماواقفت عليك ولا رجعت وغربلت عمري بالزواج مالي حظ فيه وشهوله وافقت وعدت التجربة مرة ثانية

شهاب طالعها بعصبيه : آلحين وشهوله هالي مسويته لاتخليني أندم إني أخذتس لأهل أبوي ..

لطيفه بغيض:والله انا الي ندمانه اني وافقت ...أروح معك
وندمانه على هالزواج بكبره ....
شهاب بزعل : ندمانه لأنك تزوجتيني

لطيفه : حيل

شهاب ردها استفزه . ..بس حاول يمسك نفسه ..مايبي المشكله تزيد أخذ نفس قوي وقال:باقي بأول حياتنا لاتحكمي من آلحين

لطيفه ابتسمت بسخرية : الكتاب باين من عنوانه وعنوانه أبد مايبشر بخير

شهاب بحده :خلاص لطيفه ....

لطيفه : بروح لأمي قبل نروح الديرة
@
@
@
@
@
@
@
@
في المستشفى
طالع رائد الي مشغول بجواله : أقول وينه سآمي اليوم مابين
رائد طالعه ورجع طالع جواله :مدري

عبد الرحمن بطفش: أقول انت جاي تطقطق بالجوال ولا بتجلس معي عض شفته بقهر يوم مارد عليه ولا أعطاه وجهه
صرخ بصوت عالي ... رااااائد

رائد بعصبيه :الله يبلش العدوو وش عندك بثرتني
والله اني مرتاح منك يوم كنت بغيبوبه أرجع غيب عن الوعي الله يأخذك

عبدالرحمن بقهر: حسبي الله عليك انقلع قوم روح من عندي وينه سآمي الي صدق خوييي ماهو مثلك

رائد :والله سامي معطيك وجههه ويقال شافق عليك ومقدر حالتك

عبدالرحمن بقهر: خلني بس أقدر أقوم أمشي مثل قبل
والله ماغير احوس خشتك ي ال *****

رائد : ترا كلها كسر الي برجلك تقدر تحركها البلى جاك براسك الي خرب زود ماهو خربان

عبدالرحمن بقهر: ليت هالكسر برجلك وتعرف كيف ألمه وراسي الحمدلله ربي ستر كنت بروح فيها وبضيق جابر
الله يرحمه جت الضربة بعد على رأسه يقولي سآمي
رائد بحزن عليه : الله يرحمه وطالع سآمي الي دخل عليهم حيا الله ملك الطاره تعال ياخي فكني من هالبثر

عبدالرحمن : الله يقلعه ولعني بالتفحيط وهو ماصار به شيء
وانا تكسرت

سامي : أعوذ بالله من عينك وبعدين قلنا لك مية مرة تبنا وبطلت اهجول ... بس انت مصر وشوف آيش صار فيك

رائد : حرام توه هالدلوع يصيح وراك صدمه لك ي الدحمي آلحين سامي يهاوشك ..

سآمي طالع عبدالرحمن وبتهديد: أقسم بالله تقول جيب وسوي لي اذبحك فاهم أقسم بالله اعطيتك وجهه

رائد ضحك بصوت عالي وهو يشوف نظرات الدحمي :هذا الي تقول مدلعك وبنظره يفهمك وش تبي ... وانا الي مافيني فايدة

عبدالرحمن بهمس :حسبي الله عليك فضحتني توني امدح فيك
طالع رائد بقهر .. يمزح الله يأخذك ولا ماتعرف مزح سآمي
دايم كذآ دفش

سآمي :والله مامزح بثرتني ياخي ماغير هاتي وسوي

رائد وهو يضحك : خلاص ي الكنق ارحمه شوي والله حالة
ينشفق عليه

سآمي ابتسم :عشانك بس

عبدالرحمن :سامي رائد انقلعووا

رائد طالع سامي بصدمه: الرجآل طردنا ولا لا

سآمي :وانا ولد أبوي والله إلا طردنا

رائد : ي رجآل لانفهمه غلط وكاد رأسه رجع خبط
لاتنسى الضربة قويه وغيبوبه لمدة ماهي بسيطه وتوه راجع للحياة فينا نعذرة وأحمد ربك على عقلك السليم

سآمي : اي والله انك صادق أشر على رأسه ذا منتهي مرة الله يكون بعونه .

رائد : عدم ي خوك ...ولابه طب بعد ...

عبدالرحمن رفع نفسه شوي وطالع يمين يسار الي يقدر يوصل له مد يده وسحب قارورة مويه ورماها عليهم وبصرخه: برا لا بارك الله فيكم من اخويا ..
@
@
@
@
@
@
قالت وهي تصيح : يمه ارحم حالي على الأقل وخلني اشوفها بس

فهد صرخ بقهر: يمه خلاص أعتبري ان عندك بنت وماتت يعني عودي حالك انها خلاص ماهي موجودة في هالحياة ..

ام فهد وهي تصيح: أشلون يمه أقدر اسوي الي تقوله

فهد :تقدري يمه هذي وطت راسنا بالأرض

ام فهد : طيب بس اشوفها مره وحدة بتكلم معاها بسألها ليه سوت فينا كذا وش حنا قصرنا عليها

فهد بعصبيه :يمه وش تسأليها بالله هذي وحدة****** تنسأل وتأخذي وتعطي معاها ..

ام فهد وهي منهارة : لا تقول عنك أختك كذا

فهد :يمه أختي ماتت مثل ماقلت خلاص اسمها لعاد ينذكر بهالبيت وبعد جهزي حالك بنمشي اليوم
ام فهد بصدمه وهي تمسح دموعها:نمشي وين رايحين فيه

فهد : بنقل الطايف مكان لانعرف فيه أحد ولا أحد يعرفنا

ام فهد بصرخة: مجنون يمه وش سفرة ذا آلحين واختك بالسجن

فهد بعصبيه وهو منهار : مجنون لو جلست هنا ماغير حابس عمري خايف اطلع الناس تعايرني في بنتك الي وسخت سمعتنا ليتني مت قبل الي سوته فينا بنتك

ام فهد يوم شافته رجع انهار خافت عليه لا ترجع له الحالة الي صارت فيه أول ماعرف قالت بسرعة وهي تقرب منه : خلاص يمه اهدي وآلحين لو تبي نمشي ....بس تكفى خلني اودع خالتك

في بيت اسامه
::
::

ريوف
سمعت صوت الجرس ...استغربت مين جاي آلحين..بهالظهر ..طلعت من المطبخ...وقربت من الباب : مين

: افتحي

ريوف عقدت حواجبي ام أسامه وش جايبها آلحين فتحت الباب

ام أسامه : وينه أسامه ادق عليه مايرد

ريوف طالعتها مستغربة :نايم

ام أسامه : بسرعة صحيه

ريوف وانا ودي اعرف وش فيه: ان شاءالله آلحين اصحيه
بسرعة رقيت الدرج ..ودخلت الغرفة الي نايم فيها ....فتحت النور وقربت منه وقلت :أسامه
بس وين الرجآل.. بسابع نومه ولا هو يمي... أبد رفعت صوتي :أسامه قوم امك موجودة رفعت صوتي زود اسامه

يالله تحرك وحط يده على عيونه ..وبصوت ثقيل:آيش فيه
ريوف: مدري جت آلحين وتقول تبيك ضروري

أسامه دف المفرش وهو قلقان حده ...جية امه بهالوقت أكيد فيه شيء ....شافها تناظره :روحي قولي لها يغسل وجهه وجاي

ريوف هزيت رأسي ..ونزلت أول ماشافتني مسحت دموعها
ماتبيني اشوفها ....جلست على الكنبه وقلت ببرود: ثواني وتشوفيه قدامك

ام أسامه هزت رأسها من غير ماتتكلم

ريوف طالعت أسامه الي نزل وهو مستعجل وشكله قلقان حده

اسامه بقلق: هلا يمه وقرب منها وسلم عليها

ام اسامه بهمس : صرف زوجتك

أسامه آلحين عرف ان فيه شيء فعلاً طالع ريوف :روحي حضري لنا الغداء

ريوف
والله ماودي أقوم. ...أبد بس مهما كان عيب مدام طالب غداء
لها وله ..صعب افشله قدامها ...وقفت :ان شاءالله
ام أسامه أول ما ريوف دخلت المطبخ قالت بغصه:مابي أجي هنا واشمت زوجتك فيني والله بس أبوك حدني على اقصاي ورائد السواق مايدل مكان شقته وادق عليه مايرد علي

أسامه عقد حواجبه : البيت بيتك يمه وقولي الحين ابوي وش فيه

ام أسامه : اليوم جت أختي ام فهد تودعني وهو كان موجود
آه ي اسامه سمعني وسمعها كلام خلاها تروح خاطرها مكسور
وش ذنبي انا وأختي...ويسوي معنا كذآ

اسامه بضيق: ماعليه يمه أبوي زعلانه آلحين وراح ينسى
ويرجع معك مثل أول وأفضل روقي آلحين ولا يكون بخاطرك

ام أسامه :أسامه جايه عندك مابي تطيب خاطري بكلام ابيك تأخذ لي شقة وبسكن فيها أبوك أبد مايبيني

أسامه :وش شقته الله يهديك والبيت هنا موجود وكله لك

ريوف
حضرت السفرة ... بعد ما سمعت كلامها كله ..شقه مرة وحدة وبعد الاخ يعزمها تجلس في بيتي ..قربت منهم وقلت لآخر مرة ببرد قلبي بعد هذي الفرصة ماراح تكرر : تصدقين انتي ولدك ينطبق عليكم يامن شرا له من حلاله علة
بهذلتكم بنت أختك انتي مع رجلك وهذا يبي يهج من الرياض
يالله هذي نهاية الإستعجال وشوفة النفس الي مالها داعي واشرت على السفرة حياكم الأكل جاهز

اسامه بعصبيه:ريوف احترمي حالك واقصري الشر

ريوف:وش قايله انا غير الصدق والله انها حاست حياتكم وهذي اكبر دليل وهي تأشر على ام أسامه شوف كيف حالها الله المستعان بس

اسامه جحدها بنظرة يبيها تسكت مسك امه من عند كتوفها وبحزن : امشي يمه ماتنضامي وانا موجود....

ريوف أول ما مسك امه ومشى للباب قلت بصوت عالي : والغداء طيب فزيت يوم سكر الباب بقوة مالت عليك وعلى أمك

@
@
@
@
@

في شقة سامي
بدرية بحزن وهي تطالع جهة غرفة غلا : مدام خلاص عرضته للبيع من آلحين بقولك بعطي على الأقل ربع المبلع لغلا
سآمي عقد حواجبه : وش الي تعطيها خليها تنثبر مكانها

بدرية: حرام البنت مصدومه في أبوها ومن حقها صراحة

سآمي بحده: مجنونه صدق وشلون تعطيها وحنا يالله قدرنا نجمع هالمبلغ عشان المحامي وعلى فكرة باقي من اتعابه كثير فخلي عنك الإنسانية الي طلعت لك فجأة على غلا وفكري في ابوي بس

بدرية :أبوي ان شاءالله يطلع بس غلا لازم اعطيها شيء ولا صدقني بتحقد علينا وبعدين حاسة انك بتفسلها من كله سآمي عشان ماتقدر تبعد عنك صح

سآمي وقف وهو يتهرب : وش هالتخريف ومن ناحية الحقد هي حاقدة من غير وبعدين تحمد ربها وحنا ظافينها ..

بدرية : سآمي خلاص فكنا آلحين لو تسمعك والله ماتسلم من لسانها

سآمي ضحك : اففف بدرية صايرة بعد تخافي من طول لسانها أذكر ان هذي شغلتك كان ماغير تحبي تستفزيها ودي اعرف وش الي غيرك من ناحيتها

بدرية :يكفي انها بنت راجح ومن ريحته
سآمي :ضيع علومك هالراجح
بدرية بحزن :الله يرحمه المهم لا تصرف الفلوس يوم يسلمك الي بيأخذ البيت قبل تجيبها لي ..

سآمي عقد حواجبه مستغرب :وليه طيب

بدرية:حقي بشوفه

سآمي :تذكري ان ابونا الي بالسجن وخلي عنك العاطفة الي مالي داعي آلحين

بدرية بقهر منه: وانا وش الي خلاني ابيعه إلا انه أبوي بالسجن
وبعدين ماغلطت يوم قلت لك هاتيها قبل تصرفها حقي فيها شيء

سآمي رفع يده: اوك اوك بستلم المبلغ وبسلمه بيدك
@
@
@
@
@

بعد أسبوعين
::
::

طالعتة ..مستغربة أول مرة يجلس معاهم من فترة وبعدين ودها
تعرف وش صار على أمه قالت بستهزاء: ماشاءالله وش عنده اليوم الأب الحنون

اسامه طالعها بحده: ريوف بتجلسي ترمي حكي ماله داعي من آلحين أقولك مالي مزاج أبد

ريوف رفعت حاجب : على هونك لاتهب علي كذآ

أسامه طالعها بقهر ..ونزل نظره لعياله وهو يفكر بأمه الي رافضة تجلس عنده وأختارت تجلس عند رائد و أبوه يوم بدأ يكلمه طاح معايرفيها...ويتشمت ...فيها وفي أهلها .يبيه يهدا شوي ويرجع يكلمه .....أول ماصاح شهاب رفعه وناولها : خذي هذا ماحبه طالع دلوع لك بس من يشوفني يصيح .. فديته سمير بطل مثل أبوه شوفي كيف نظرته بس صقر ربي يحرسه ماهو هالجبان

ريوف أخذت شهاب: بالعكس شهاب البطل الي عرف
انك كنت رافض وجوده والحين هو رافض يتقبلك من حقه صح

أسامه بحده : والنهاية ريوف

ريوف طالعته بسخرية من غير مارد ....
أسامه وهو يحاول يمسك نفسه مايبي يسوي شيء يخليها تزعل منه زود ..قال بضيق:ماشي بعد ساعة فيك تغيري رأيك وتجي معي
ريوف : مستحيل

أسامه بضيق: ليه طيب

ريوف : تبي الصدق والله ماهو قادرة اتقبلك في حياتي ولا قادرة انسى الي صار منك واقوم أسافر معك

أسامه وقف وهو زعلان : .يالله استودعتكم الله
ريوف
ماتوقعت يوافق كذآ على طول ويستسلم اني ماسافر معه .. حسيت بحزن يوم نزل نفسه وسلم على شهاب وسمير وناظرني نظرة مودع صدق ..
بدون إحساس قلت : لاتفكر تقفل جوالك أبد
شفته يناظرني من غير مايرد أشرت على التؤام عشانهم بس

أسامه أخذ نفس قوي: تطمني الجوال ماراح يتقفل وبعد لا تنتظري دقي على زوجة رائد لو فيه شيء ورائد ماراح يقصر

ريوف هزيت رأسي من غير ماتكلم
أعطاني ظهره وطلع ...جلست على الكنبه وانا اناظر عيالي...ايه بنعيش بدونه وهذي البداية وراح نتعود.. وبطلب الطلاق ونعيش لحالنا هو كان رافض وجودنا بحياته وآلحين حنا الي راح نرفض وجودة بحياتنا .. والله مايستاهل انه يقال عنه آب....شربني مانع عشان مايتشرف يجيب مني عيال ...حسيت
بلوم من نفسي أشلون اقول هالحكي قدامهم حتى لو هم صغار
ولا يفهمن وش أقول ...بس احسه قوي عليهم .....

@
@
@
@
@

بيت ابوعصام
طالع بنته وهو متأمل ترفض ماهو مرتاح أبد لخويي عصام بس يخاف يرفض تقول كله عشان ولد أخوك وأخوك ويفتح بعد لسان امها زفر بضيق : اليوم جاين أهله وبيطلبونك رسمي عندك إعتراض شيء من آلحين نقول لهم ولا يتفشلوا يوم يجيوون

ريتآج طالعت أمها وشوق الي الزعل واضح عليها : موافقة يبه
خلهم يجيووون

عصام ابتسم بفرحة : فديتك والله ومثل طلال ماتلقي رجآل سنافي

ابو عصام وقف:أجل الله يوفقك وكلم خويك وقول لهم حياهم اليوم نتظرهم بعد صلاة العشاء
عصام : ابشر يبه وطالع ريتاج على البركه ي قلب أخوك

ريتآج ابتسمت مجاملة : الله يبارك فيك

وقفت وانا متضايقة حدي ...وخايفة بعد لا اندم على قراري هذا
رحت لغرفتي ....أخذت جوالي بلهي نفسي ومابي أفكر بشي يخليني اغير رأيي ...طالعت شوق الي واقفه جنب الباب وتناظرني بعتب : ارحبي

شوق قربت منها : ريتآج لآخر مرة اطلبك ترفضي هالعريس وتعطي أخوي فرصة تراه غبي ماهو عارف يتصرف وانتي بسبة حبك له ناويه تنتقمي منه

ريتاج بعصبية : مين قالك اني احبه بالله شوق لو سمحتي لا تجيبني شيء من عندك

شوق بسخرية:آلحين هالعصبية كلها ليه قلت لك تحبيه
تراك مكشوفه حدك حتى عصام عآرف بحبك لوليد بس يقال يأخذ حقك منه وبيذل وليد ويكسره ان بنت عمه رفضته وأختارت الغريب

ريتآج حسيت رأسي دار من كلامها: شوق بنام تكفين

شوق وقفت وبسخريه : اوك خذي لك راحة قبل مايجيون أهل
المعرس المنتظر ...
@
@
@
@
@

في شقة رائد
بحزن على امها :يمه اليوم شهاب جاي لي يقول كمل شغلته الي بالرياض ويبنا نمشي

ام أسامه : روحي يمه مع رجلك وانا ماعلي شيء رائد موجود وبعد زوجته يقول بيجيبها مدام انا بطول هنا

لطيفه : يمه لا تزعلي ويكون بخاطرك على أبوي

ام أسامه : أبوك باع العشرة ونسي الي بينا بسبب شيء مالي فيه ..
لطيفه ماتدري وش تسوي صعب تخلي أمها وهي بهالحالة : يمه صعب اخليك بعتذر من شهاب يروح لحاله وانا بجلس معك

ام أسامه بسرعة : لا وش يقولون أهل أبوك بننفضح زود يوم يدرون بجلستي هنا ..و تعرف عمتك صيته تعرفيها كلمه بس تزودها عشرة أمشي مع رجلك وانا ماعلي شيء
@
@
@
@

في شقة سآمي

طالعتها منحرجه:غلا والله حاسة فيك ومقدرة وضعك والحين خذي هالمبلغ ان شاءالله يطيب خاطرك غلا مابيك تحقدي على أبوك

غلا طالعت الظرف الي مدته لها وهي مكسورة : مالك ذنب بدرية أبوي هو الي أعطاك هو وكتبه بإسمك خلاص مالي نصيب فيه أبد .وفلوسه خليها لك ...مابي شيء منه

بدريه :والله لا تأخذي هالمبلغ

غلا فكرت ليه مأخذه فعلاً حقي ...وبعدين بكسر عين سآمي يوم يبدا يعاير ويتشمت بقول له أخذت نصيبي غصب عنكم مديت يدي وأخذت الظرف

بدريه :يالله تروحي معي عند جارتنا أرسلت بنتها وعزمتنا على القهوة

غلا :لا لا مالي نفس روحي انتي وقفت ..وأخذت بنتي ودخلت غرفتي. ..آه يبه ودي أعرف ليه سويت فيني كذآ ...الله يسامحك يبه كسرتني وانت عايش وبعد وانت ميت ...طالعت سآمي الي
دخل استغربت من مدة مادخل الغرفة الي جالسة فيها طالعته واقف ويناظرني بعصبيه ...مدري ليه حسيت بخوف ..منه وجوده هنا وبدريه ماهو موجودة بالشقه .. استغربت ماسويت له شيء ولا جيت يمه غريبه جاي معصب كذآ

سآمي بحده: نصيبك الي بدريه أعطتك هووالحين ترجعينه مالك حق فيه انا رفضت بس هي عاندت وآلحين قايلة لي قبل تطلع انها معطيتك وانتي مالك شيء مدام أبوك أعطاها راضي وبكامل قواته العقلية

غلا بسخرية طالعتة وفتحت الدرج وأخذت الظرف: آلحين متعب حالك وجاي مدرعم عشان كذا أبشر الفلوس الي أعطتني هي أختك خذها وهي تمد يدها بالظرف وادفعها لأبوك وقابلني لو طلع والله لو تبيع روحك بعد وتنتفت شعرك شعره شعره انه السيف الاحدب بيلوح لوح عند رقبته وقول غلا ماقالت الكف الي جاها خلاها تنكتم .وماتقدر تكمل كلامها ..

سآمي بعصبيه وهو صاك على سنونه قربها منه وهو ماسكها من عند رقبتها بقوه : مافيك اي ذرة رحمه حرام حرام تكوني على ذمتي دقيقه وحدة ....
غلا كنت مصدومه من الكف حدي طالعت غرام الي تطالعنا ببراءة ...قلت بوجع : لا تعقد البنت بهالعنف وهي صغيرة
وبعدين آلحين ماتبيني على ذمتك يوم دريت ان مالي مكان اجلس به صدق نذل وقليل خاتمة الله يأخذ حقي منك انت وابوك
سآمي دفها بقوه على السرير وأخذ الفلوس وقال بتهديد: خليني اسمع انك قايله لبدرية اني أخذت الفلوس والله بتشوفي شيء ماشفيته أبد بحياتك وطلع وهو معصب ...

غلا
انهارت اصيح. ..سامي ذلني بقوة .هالمرة ..حسبي الله عليك
مسكت مكان الكف احس خدي مولع نار ..الله يأخذ حقي منكم جيمع ...

@
@
@
@
@
بعد ماقفل الجوال قال بحده : مبسوط آلحين عمك داق علي يعزمني لخطبة ريتآج

وليد طالعة وهو داخله محروق حده ...نزل رأسه من غير مايتكلم

ابو وليد بعصبيه : قلت لك تحرك سوي شيء ماغير ساكت
ومطنش السالفة وكأنها ما تخصك أبد آلحين انبسط وبنت عمك
والي انغصبت عليها مثل ماتقول هذي هي اليوم بتروح للرجال الي يبيها صدق وبيعزها ام أنت أجلس بحسرتك

ام وليد بصدمه ما توقعت أبد بهالسرعة تنخطب: مسرع أخوك
يعزم على خطبة بنته

ابو وليد بعصبيه:ليه تبيه ينتظر ولدك متى يحن ويجي يقول له برد مرتي على ذمتي تصدقين يوم قلت له ي خوك أعطهم فرصه وكاد يرجعوا لبعض قال ولدك ماعبرني بكلمه حتى لو إعتذار
طالع وليد بحسرة وهو منزل رأسه فشلتني من عمك ومن بنته وآلحين تحمل ردتها لك بنت ابوها و بقوه بعد ...

وليد عض شفته بقهر ...وقف ماعاد فيه يقدر يسمع شيء ثاني من أبوه....فعلاً ريتآج ضاعت من يده ...وهو السبب ..
@
@
@
@
@
@
تحس بندم حدها ..وش الي سوته في حالها ..كله عشان رائد سوت كذا ...لا أريج رائد وش دخله في علاقتي مع بدر آه ليتني ماعرفتة....تحس حالها منبوذة حدها طلاق وتطلقت ..واخوهاا ماجا زارها أبد تنتظر زيارة امها واخوهاا على نار بس نفس الحكاية كل يوم يعدي وهم مالهم أثر. ..تحس بوحدة وبالم بذات الطريقة الي حققووا معاها ..كانت بوحشيه ليه حلفت لهم انها
مالها علاقة بالمخدرات ..

هي علاقتها فيه بس تحضر حفلاته كان ويعطيها فلوس ...وابد مالها يد بقضية المخدرات الي هو يتاجر فيها ...ودها تسوي
المستحيل عشان تطلع من هالمكان القذر ...انا اريج يصير فيني كذآ. ..ودها انسجنت مع ريم بمكان واحد كانت اخذت حقها هي اللي زينت لها الطريق ...آه وش ينفع آلحين ....طالعت الي حولها تحسهم من كبر قضيتها مستحقرينها ..واللي ذبحها زود يوم وحدة منهن قالت ليتك على قضية المخدرات ولا الوضع ال****** اللي صايدنكم فيها ...وقتها تمشكلت معاها بس وين أكلت ضرب بعدها توبت تطول لسانها على اللي موجودين كلهم وحوش مايرحمن ...آه ليت الزمن يعود لوراء والله ماتسلك هالطريق ولا تدله ...وينك يمه وينك ي فهد ...
@
@
@
@
@
@
بعد السلامات قالت بترحب فيهم : ي هلا الحين رماح زانت بوجودكم ي حبي لكم بعدين كل ذي المدة بالرياض

لطيفه ابتسمت لها بحب غير غير استقبالها لنا غير عن استقبال اهل أبوه الله لايعيدها زيارة : هلا فيك والله اشتقت لك

صيته : ي النصابه مشتاقة لي وانتي واصله الرياض من أسبوعين وساحبه علينا
لطيفه ...وش أقولها جالسة عند امي بشقة رائد عشان أسيل تعبانه عند أهلها وصعب اخليها لحالها ...ابتسمت: امي حلفت علي أجلس عندها قبل اجي استقر هنا
صيته : حياتس يمه والديرة نورت بوجودس يمه ها عسا انبسطي مع الصقر

لطيفه طالعت شهاب الي يسولف مع جدته بصوت واطي: الحمدلله انبسطت حيل ..

شهاب : بالله هذا سؤال ي عمه أكيد بتنبسط والصقر معاها

لطيفه طالعته بعتب ..ونزلت رأسها

صيته : أقول يمه قولي أخبارهم أهل أبوك عساهم بخير بس

شهاب: الحمدلله كلهم بخير ويسألن عنكم

صيته : الحمدلله وطالعت امها هالله يمه انبسطي صقرك موجود الحين يمك والله ماغير تقولي دق خابريهم وانا رافضه اقولها يمه بشهر عسل وخليهم ينبسطوا

شهاب بعتب: افاا ي يمه ميمه وقت ماتبيني تدق ومافي شيء يمنعها

الجدة مسكت يده بحب: الله لايحرمني حسك يمه
صيته وهي تصب له قهوة : تقهوى بس وقولي إلا أخبار عمتك أمل باقي ماتزوجت وطلعت من الي هي فيه

شهاب : لا باقي ماتزوجت ولو عندك عريس لها يتقدم يتفضل لان هذي شغلتك تدوري عرسان للمطلقات والأرامل

لطيفه طالعته بصدمه ...كلامه قهرني ...حيل وجرحني
علامه هو وأهله حاطين على المطلقات ...استغفر الله بس من نظرة بعض الناس ...الله لايبلانا وقفت وانا حدي متضايقه:يالله عن اذنكم بنام حدي تعبانه

صيته بحزن ناظرتها وقفت معاها : الحين بوصلك الغرفة الي جهزتها لتس وان شاءالله يعجبتس ذوقي

لطيفه طالعت شهاب بسخرية : ذوقك دايم ماعليه كلام وأكبر دليل أختارتي لي هالسنافي ...

صيته طالعت شهاب الي يناظرهم : يالله يمه نوم العافية أول مادخلت لطيفه الغرفة
رجعت وجلست وقالت بعتب:ليه يمه تقول تسذا قدامها

شهاب بندم مالها داعي كلمته بس قالها كذآ.....دايم يتريق بأمه
صيته : ماعليه مالها إلا طيبة الخاطر بنت منصور
وقف وراح الغرفة ..دخل شافها قدامه تطلع ملابس من شنطتها
ماقدر يعتذر ماله وجهه كلمته كبيرة وماله عذر أبد
أول ما مرت من عنده.. وقف بطريقها :