رواية أعشق أنانيتك عندما تتمناني لك وحدك الفصل التاسع وخمسون 59 - بقلم nona_A

:لا ترجعين
غلا
قدرت وضعه ..انا يوم مات ابوي ..كنت حالتي أصعب من حالته
وكنت ارمي حكي والدنيا ضايقة علي أعطيته ظهري ..ورحت للمطبخ ..وسويت له عشاء خفيف ...وجنبه ..عصير فرش .....ورحت له ...أول مادخلت شفته مقفل عيونه وبعد غرام نايمه .على بطنه ..قربت منهم ..حطيت الصينه ومديت يدي وسحبت غرام على طول فتح عيونه وناظرني حسيت نظرته توجع حيل ..بس فيها بعد حقد ..علي ..أول مره اشوف هالنظرة ..آه الله يعنيه ويصبره..ويجملني هاليومين وبعدها بفكه من وجهي ..
قلت بهدوء: قوم كل لك لقمة قوي نفسك فيها بدريه تقول من أمس ما أكلت شيء ...نفس النظرة بعده يناظرني فيها ...
بس يوم جلس فرحت انه بيأكل ..بس الي صار ماتوقعته منه
سآمي جلس ومد يده للباب : شيلي أكلك وفارقي عن وجهي

غلا هزيت رأسي بهدوء: ابشر بفارق بس كل أول

سامي صرخ بعصبية: فارقي عن وجهي وخذي أكلك معك قلت لك
غلا عقدت حواجبي مستغربة ردة فعلة عارفة انه زعلان ..
وبعد حزين على امه بس شوية ذوق ..حملت بنتي ...وطلعت للصالة ..
جلست على أول كنبه صادفتني ...وانا مصدومه من ردة فعلة
توقعت يفرح يوم يشوفني قدامه وواقفه معه ...طالعت بنتي الي
جالسة تصيح هزيتها شوي ..ابيها ترجع تنام ...مابيها تزعج بدرية وهي يالله نامت ... أول ماغفت ...حطيتها على الكنبه
وتمددتت جنبها ...بس يدوب بقفل عيوني شفت الي واقف على رأسي جلست على طول ...
قال بحده : باقي موجودة هنا وش قايل أنا

قلت بهمس مابي أعلي صوتي وبنتي تصحى : تعوذ من إبليس سآمي

سامي بعصبيه : غلا ارجعي بيت أبوك مابي وجودك هنا أبد

غلا أخذت نفس وانا أحاول أصبر نفسي : كيف ارجع آلحين

سامي : مثل ماجيتي بسرعة يالله..

غلا بحده وقفت و قابلته : مجنون أكيد بالله كيف
الحين أقدر ادق على المره واقولها تعالي مع رجلك وصلوني البيت شوف الساعة كم ..تحملني لبكرا بس ..وابشر بعدها معاد راح اوريك وجهي ..

سآمي قال بكره: هذا الي رادك يالله ثواني بس أجيب مفتاحي وجاي و بفك عمري ....

غلا

مصدومه من تصرفاته ...طالعت بنتي برعب ..خايفة يحرمني
منها ..بس ماقال عن غرام شيء بس خايفة يبدا بنذالته آلحين
بسرعة لبست العباية وحلمت بنتي بتملك وخوف ...
يآرب اصرف شره عني ...يآرب مايقهرني في بنتي ...
.
مشيت على طول متجهه لباب الشقة يوم شفته طلع من المجلس ...طلع قبلي وكان يمشي بعصبية ...كنت خايفة لا يقول خلي البنت ....
أول ماحرك السيارة ...كنت أدعي ربي ...يصولنا بالسلامة سياقته أبد ماتطمن طالعت بنتي ...اللي نايمه ولا هي داريه بالي حولها يآرب استر علينا يارب ....وخايفة اقول له هدي يهب علي ..أحسه هالمرة فعلاً كارهني ويبي بس كلمه وينفجر ..
أول ماوصلنا الحارة حسيت بفرحة ...يالله لك الحمد ...نزلت بسرعة وانا خايفة. منه ..دخلت البيت وقفلت الباب ..وجلست بالصالة ..وطالعت غرام ابوك طردنا اخس طردة ..حسيت بغصه ذابحتني ..ليت مارحت ولا ذليت عمري ...
بس قلت بوقف معه مثل ماوقف معي يوم موت أبوي. ..بس طلع أبوك ي غرام مايستاهل ....
@
@
@
@
@
@

@
@
في شقة أسامه
ريوف
طالعت الساعة ...اوف شوي وتجي 12 وباقي الأخ ماجا
لهالدرجة مبسوط أسامه ..الله يهنيك فيها ...حطيت يدي على بطني يوم حسيت بضربه قويه فيه ....اليوم ألم غريب ونغزات تذبح. .الله يستر بس...تمددت وغطيت نفسي بالمفرش
بس رفعت رأسي يوم باب الغرفة فتح ...عدلت نفسي وطالعتة قلت بسخرية : اوف اوف لهالدرجة الجلسة حلت لك عند العروس

أسامه قرب منها وجلس على السرير وقال برواق:فوق ماتتخيلي
اتراي بنت الخالة حبوبه وتعرف كيف تخلي الجلسة معاها وناسه
وبعد ترسل لك سلام وتعتذر على آخر موقف صار بينكم شفتي كيف الأخلاق
ريوف عضت شفتها بقهر :أخلاق اوك ...الله يسعدك معاها

أسامه وقف : آللهم آمين

اتجهه لدولاب أخذ ملابسه ودخل التواليت الله يكرمكم

ريوف

جلستها وناسه ي اسامه اوك انبسط مصيرك تعرف هالخبيثه
وي خوفي تسحرك بخبثها هنا المشكله والله قال ايش تعتذر آه بس ...أول ماشفته طلع ..قلت : متى أخوك ناوي يروح يتنازل
أسامه ببرود:خلاص تنازل

ريوف بفرحه :تقولها صادق

أسامه إبتسم : اي والله اني صادق رماها بالمنشفة الي بيده
شايفة كيف عائلة الراشد قلبها أبيض ماهو مثل أخوك الله يكفينا الشر ...

ريوف بعدت المنشفة وهي مقهورة من حركته :خلاص أخوك تنازل لا تجلس تمن

اسامه رفع حاجب: مين الي قالك الحين جالس أمن الله يسامحك بس
وتمددد على السرير وسحب المفرش ...

ريوف عقدت حواحبي مستغربة معقول بينام هنا أشلون الي اعرفة له مدة ينام بالمجلس ...ومخلي لي الغرفة....انام فيها لحالي قلت مستغربه :معقول ب تنام هنا

أسامه هز رأسه : ايه بنام هنا فيه مانع شيء

ريوف هزيت رأسي بلا:لا بس أول مرة تصير ولا يكون بترجع لنذالتك وتخليني اطلع للصالة وانام على الكنبه ترا والله مافيني حيل وانا أشر لبطني
أسامه صغر عيونه وبقهر :انتي لو تبعدي هالوسوسه الزيادة بتكوني بخير آلحين بالله مين طردك من الغرفة وقالك نامي بالصالة حرام يعني لو نمت بغرفتي

ريوف بصدمه : تنام هنا وانا بالغرفة غريبة أسامه فيه شيء متغير ...

أسامه : لا غريبة ولا شيء وياليت لو مافيك نوم تخلينا نجلس ونتكلم مع بعض ونتفاهم ..لأن عندي كلام كثير بقوله لك ..

ريوف ضحكت بسخرية : ي رجال على وشهوو نتفاهم
سهران مع زوجتك الثانية وجاي لي تبي تتفاهم ..اسامه انا وانت صعب نتفاهم. ...وآلحين مدام أخوك تنازل خلاص يارب الفرج قريب لخوي ولي بعد

أسامه دف المفرش بعصبيه وجلس : يعني لزوم النكد

ريوف يوم صرخ خفت وحسيت ألم بطني زاد علي قلت بقهر: لا تصرخ كذا بوجهي كم مرة أقول لك صوتك يالله اتحمله وانت تتكلم بهدوء

أسامه وقف بقهر : بريحك وبطلع من الغرفة ..وتلوميني ليه سهران عند أريج والله العظيم فرق عنك حيل ...
ريوف
يوم طلع ...زفرت براحه ...فكه من شرك .بس مقهورة حيل جالس يقارن ال**** بيني وبينها ..تمددت وغطيت نفسي بالمفرش ...ويا دوب بقفل عيوني حسيت شيء ضربني بظهري وبطني قوي حيل أقوى من أول بكثير ...جلست وانا مفزوعة. ..
كنت أحس بألم من العصر بس آلحين غير غير ....
أول ماهدي شوي رجعت تمددتت وانا أدعي ربي يخفف عني وأقدر أنام الليلة ...حاولت ارجع اقفل عيوني ..بس صرخت بألم يوم رجع أقوى بكثيرر بعد ..حسيت انه كل مالة يزيد ...
وقفت بسرعة وانا خايفة ...آه ماقدرت أمشي الم ظهري عاق مشيتي ...حاولت اشد على نفسي وطلعت من الغرفة دورت لاسامه بعيوني ماحصلته بسرعة سحبت رجولي غصب للمجلس ..وانا ارجف وجسمي كله عرق من الخوف ...أول مادخلت
الغرفة باردة حيل وظلام مديت يدي وفتحت النوم شفته نايم ..قربت منه وانا انادي أسمه:أسامه
مقدرت اجلس على الأرض واصحيه عليت صوتي شوي :أسامه تكفى اصحى والله بموت ...
فز مفزوع على صوتها : بسم الله وش فيه
ريوف بألم : تكفى بسرعة بموت والله بموت وصرخت بألم
أسامه وقف ومسكها ومشاها معه للصاله وجلسها على الكنبه وقال بخوف وتوتر:وين الألم بالضبط

ريوف وهي تصيح: بطني وظهري مدري كيف ألم غريب خايفة
لو اني ابي أولد أسامه باقي ماكتمل حملي بيموتوا صح
أسامه بتوتر:بسم الله عليهم وعليك والحين بسرعة بغير ملابسي وبجيب عباتك ونروح المستشفى وان شاء الله خير أهدي بس
@
@
@
@
@
@
@
@

بيت ابو أسامه

جالسة سهرانه على التي في ..
أول ماشافت رائد دخل ...رحبت فيه: ي هلا جيت بوقتك ودي احد يسهر معي ...

رائد قرب منها وجلس : هلا فيك

لطيفه :افاا وش فيك ضايق كذآ

رائد بقهر :والله فيني قهر من أسيل ماغير جالسة بيت أبوها وشكلنا ماراح نخلص من مشاكل اختها يوم تقول زعلانه من رجلها بجلس معاها ويوم تقول تطلقت ولازم اجلس معاها

لطيفه كنت أسمعه وانا مصدومه : وليد طلق ريتآج
رائد: والله وليد شكله قال بالجمله ارتاح منهن وأخذ لي وحده من هالبلاد الي اهج لها ..عرف لها الكابتن ..هههههه

لطيفه بقهر منه ماهو وقته يتمسخر:بالله صدق وليد طلق ريتاج

رائد بخبث: اخخ لا يكون ناويه ترجعي له بعد مافضي لك الجوو

لطيفه بقهر رمته بالريموت :ي ال **** والله مآتستحي

رائد مسك كتفه بألم :افف على ضربه وبعد سب لا لا قويه بالمرة
وقف قرب منها وهو يستفزها ي شيخه الملعب فاضي لك وقرص خدها

لطيفه عصبت من قلب ضربته على بطنه : والله انك تافههه ومن حقها أسيل تجحفلك كذا وتسحب عليك

رائد: عظ شفته بقهر :اخخخ اوريك في أسيل ماغير آلحين اسحبها من شوشتها

لطيفه بسخرية : تسحب مين من شوشتها أقول روح بس
والله تخاف من ظلها ي الخروف

رائد صغر عيونه بقهر: الحين الي يحترم زوجته ويقدرها
يتسمى خروف
الطيفه بعصبيه:رائد ابعد عن وجهي ..اففف غثاا

وسكتت يوم رن التلفون ...

رائد اشر لها :اسمعي لو أسيل تسأل عني قولي لها رائد سهران برا خليها تموت من غيضها ادري فيها تغار من ظلها ..
وقلد صوتها وينك سرعة قول أعترف لا لا تكذب يالله وديني بيت أبوي دحين دحين

لطيفه بسخرية: روح بس والله ماهي سأله عنك قربت وشفت رقم أسامه استغربت في هالوقت يدق على تلفون البيت ...وليه مادق على الجوال رفعت السماعة بخوف:هلا

:بتوتر:امي وين ي لطيفه

لطيفه بقلق: امي نايمه

: بسرعة روحي صحيها ادق على جوالها ماترد وانتي بعد
ماتردي ريوف تعبانه حيل وحنا بالمستشفى والدكتورة تقول عندها ولادة مبكرة ...والحين دخولها غرفة العمليات
والله اعلم بحالها ....وانا حايس لحالي

لطيفه بصدمه:ولادة مبكرة توها بالسابع
اسامه بسرعة : الله يستر بسرعة صحي امي وانا الحين جاي لها

لطيفه :لا لا تجي خلك عندها والحين رائد يوصلها ...هذا هو قدامي ...
اسامه : تكفين بسرعة خليهم يجيوون والله اني حايس مدري أشلون
أول مافتحت عينها ناظرت حولها شافت الممرضة تمسك يدها وتبتسم لها...تذكرت هي وين ...وايش صار عليها
قالت بصوت ثقيل من البنج: اشلونهم
هزت رأسها بعد فهم
بلعت ريقها وهي تحس بالم بحقلها واشرت لبطنها تبيها تفهم
مافيها تتكلم...
ابتسمت تطمنها: في حضانه ...
كلها ساعة ونقلوها لغرفة التنويم ...شافت اسامه وامه قدامها توقعت وجود أسامه بس أمه .....لا

اسامه قرب منها ومسك يدها : الحمدلله على السلامة
ريوف : عيالي اشلونهم
ام أسامه : الحمدلله على سلامتك وتطمني عيالك ماعليهن خلاف وجودهم بالحضانه عشان ناقصين بس
ريوف سكت مارديت عليه دموعي رافضه توقف
ام أسامه قالت : هدي ي ريوف ماعليهم خلاف
وآلحين بروح أجيب أغراض وراجعه لك

ريوف
استغربت حنيتها علي ...أول ماطلعت أم اسامه
..قلت بتعب وانا امسح دموعي :شكل امنيتك بتحقق

اسامه عقد حواجبه : وش قصدك

ريوف صديت بتعب ...مافيني اتكلم .. لفيت له شفته معطيني
ظهره بيطلع ...قلت بتعب : بشوفهم
ناظرها وقال : أشلون مع حالتك انتي يالله الحين نقولك من الملاحظه لهنا ولا تنسي مسويه عملية والقومه ماهي سهله لك ماغير تنضري والله

ريوف صاحت بخوف عليهم ودها تطمن عليهم :ابي اشوفهم تكفى

اسامه قرب منها و مسح دموعها وقال بحزن: تكفين لا تزيديها علي واوعدك بكرة تتحسن حالتك بخليك تشوفيهم

ريوف بعدت يده وقلت بحقد : تذكر يوم تبي الحمل ينزل آلحين امنيتك تحققت الله اعلم بحالهم أعضائهم ماهي كاملة ونسبة حياتهم ماهي كبيرة لا
تخبي علي انا عآرفة حالتهم فهمت من كلام الممرضة الي كان عندي ...

أسامه بحزن :تكفين ريوف أبد ماهو وقت هالحكي
وعيالي الله يبلغني فيهم ...واستبشري خير ...ربك كريم
تطمني ولا تشيلي هم وأمي آلحين راجعه لك ..وبتجلس معك
@
@
@
@
@
@
بعد أسبوع
؛؛
؛؛

؛؛
غلا
جالسة الف ورق العنب ...وانا بالي بعيد أفكر بسامي ..ي كافي الشر حتى إتصال قاطعه عنا ...يآربي مايدري بنته محتاجه شيء ...ولا يفكر فيها ..وقال ايش كان بيأخذها عنده ....
هذا داري عن شيء والله ماغير هياط على الفاضي ..سمعت طبه بالحوش ..قوية ..طاحت الورقة من يدي ..بخوف ...
يمه ..بلعت ريقي ...وانا متوتره حدي بس تطمنت يوم تذكرت حركة سآمي آخر مرة ..أكيد هوو ايه مثل هذاك اليوم ..طب وشوي ودق باب الصالة ..غبي مصدق ..اني بفتح له هالمرة والله ماغير اطردة مثل ماطردني كملت لف بدون إهتمام
انتظرت شوي ..ابي اسمع دقه على باب الصالة ..بس مادق ..
وقفت بقلق ...وقربت من باب الصالة ابس اسمع شيء ...
ابتعدت بخوف يوم سمعت صوت .. يختلف عن صوت سآمي حيل ..
: راجح افتح يقولون مت كيف تكذب عليهم صح بس انا لا
أخذت فلوسي وتخبيت ..
غلا
بسرعة ركضت للغرفة وحلمت بنتي ..خايفة عليها أكثر من نفسي...وبسرعة أخذت الجوال دقيت رقم سامي ...
بس مارد ...دقيت رقم خالتي بعد ماردت ..أكيد نايمه آلحين ايه ادق رقم شوق ...بس أعطاني جوالها مقفل ...يالله البنت بشهر
عسلها وابد ماهي فاضية لي ...رجعت دقيت على سآمي ..
وانا اصيح رد تكفى سامي ...آه رفعت رأسي بعجز يآرب انت الحامي يآرب احمني انا وبنتي يآرب ...فتحت الواتس ...

وفرحت يوم شفت آخر ظهور له من ثواني يعني شايف رقمي ومطنش ...كتبت بسرعة وانا أهز في بنتي مابيها تصحى ويسمع صوت ويكسر علينا الباب ..تكفى سامي تعال والله فيه حرامي
أول ما فتح المحادثة بسرعة الجوال دق بيدي ..
قال بحده :تتخيلين ... نامي وماعليك شيء

قالت بصوت مكتوم ماتبي يطلع صوتها:سامي أقولك اسمع صوته بالحوش ...وبعد ينادي بأسم أبوي

سامي عقد حواجبه : آيش

غلا بقهر: أقسم بالله ي سامي ماكذب عليك تكفى عشان بنتك بس وصرخت برعب يوم دق الباب سمعت سمعت معي يمه رجع ينادي بأسم ابوي ...
قال بسرعة : جاي جاي ..الحين خليك على الخط لاتقفلي ...عشان أطمن وقربي منك سكين ولا اي مصيبه لما أجي بس ...
وطلع من الشقة يركض ...وهو يسمع صوت بدريه تنادي بأسمه ..
ركب السيارة وحرك بسرعة جنونيه ...لو صار لهم شيء ماراح يسامح نفسه ..أول ماوقف السيارة قدام الباب مايدري كيف
وصل ...الحارة بسلام على السرعة الي كان ماشي فيها ...وبذات وهو يسمع صياح غلا ...قال وهو يطمنها : خلاص لا تخافي انا عند الباب ..وبسرعة هز الباب حصله مقفل.
.بسرعة رفع ثوبه لخصره. .وتسلق الباب ونط بالحوش ...وقرب بعصبيه للشخص الي جالس وهو يهذي قدام باب الصالة ...
مسكه من ثوبه ...وقفه كان سكران طينه ...قال بصدمه: مساعد
ماغيرك ي المجنون
قال بصوت سكران :عشان مايعطيني فلوسي كذب على الحارة انه ميت بس مايقدر يكذب علي ....كل يوم اجي البيت بس ماحصله بس اليوم حلفت أجلس له عند باب الصالة ...ومايقدر يخرج بدون ما أخذ حقي منه ...

أعطاها بكس على فمه طيح واحد من سنونه ...بقهر صرخ:ي ال*** حتى انت يالمجنون ماسلمت من شرهم ...
أشلون تتجراء وتطب البيت ....ورجع أعطاها واحد ثاني ...بس حزن عليه مجنون ..ولو حط حيله عليه خلص عليه ...مسك من ياقة ثوبه ومشاه للباب .. وخرجه للشارع وهو يدفه ومشى مع لما باب بيت جيرانهم دق الباب ...أول مافتح أخوه رماه عند رجله وبعصبيه : اقسم بالله لو اشوفه زوله بس عند بيت راجح ماغير اذبحه والحين شفقت على حالة وحال امه بس وبعصبيه انتبهوا له وخافوا الله فيه بعد مخلينه كذا هايت وحتى السم ماسلم منه يشربه ...

رد اخوه بقلب محروق : بعد ماضيعه راجح جاين تحطوا حيلكم عليه حسبي الله عليكم ..
رد بعصبيه أكثر: راجح مات ويلقى حسابه عند ربه الي ابيه الحين أخوك لا يقرب من بابه واحمدو ربكم والله شوي واذبحه

على المنظر الي شفته عليه هاجم بوسط البيت وأهلي فيه
نزل نظرة له ...ووهو مرمي بالأرض ويهذي وينادي راجح باقي هز رأسه بقهر ورجع لها وهو معصب ...حده ..دق الباب قال بحده:افتحي غلا
قربت من الباب وفتحته وهي متوتر حده وخايفه الموقف صعب حيل ... ..مسكت فيه بخوف وقالت بصدق:والله مانسى لك هالمعروف
سآمي بعدها عنه وقال بحده: خلاص هذا مساعد المجنون وبقهر أكثر أبوك حتى المجنون ماسلم منه
غلا عضت شفتها بعجز مافيها ترد عليه بشيء ...فعلاً كان يهذي في أبوها ..وي خوفي يطلع لها واحد ثاني من شلة أبوها ويمكن هذا مجنون وربي رحمها مافكر بخبث فيها ... بس الي بيحصل بعدين ماتضمن أبد ....اول ماشافت سامي تحرك لغرام سلم عليها ..ورفع نفسه وقال بجمود :خلاص بروح وانتي قفلي الباب زين ولو فيه شي دقي علي ...

قالت بسرعة : وين تروح ي تجلس عندنا ي رجلي على رجلك ...

سامي عقد حواجبه :أقول اهجدي ماعليك شي وقلت لك مجنون مجنون ماهو بعقله ....
غلا هزت رأسها بلا :والله ماجلس وعارفة انك ماتبيني ولا تبي تشوف وجهي بعد ومن حقك بس الحين الي صار حكم علي وعليك وغصب عنك تتحمل مسؤوليتي انا وبنتك ..
.

سآمي رفع حاجب وقال : بعد غصب عني حتى وانتي محتاجة أسلوبك زفت

غلا مسكت فيه وقالت بذل لأول مرة تحس نفسها كذا ضعيفه :تكفى لا تحط قوتك وجبروتك علي بهالوقت الي محتاجتك فيه تكفى عشان خاطر غرام والله ي سآمي مانمت زين من يوم ماسكنت لوحدي بس كنت أكابر بس بعد الي صار توو مستحيل

سآمي عض شفته بحيره فعلاً صعب جلسوهم لوحدهم والحمدلله جت منها قال بحده شوي :عشان غرام بس ي غلا إلا انا مالي حاجه فيك ...

غلا بسرعة :عارفة والله ثواني بس وبسرعة لبست العبايه ورجعت تركض يالله جاهزة خلني اطلع من هنا ..
سآمي
على قهره وعصبيته بس شكلها يضحك وفي نفس الوقت يحزن أول. ...ماوصلهم قال بحده:تدلي الشقة انزلي ...
ودقي الباب بدرية بتفح لك على طول ...

غلا :والله مانزل إلا يوم تنزل معي ي خوفي بعد حد مستخبي لي هنا بعد
سآمي فتح عينه بصدمه : لا كذا اوفر اقول أنزلي والله انك تخوفي بلد

غلا بقهر :ليه كذا عديم إحساس

سآمي بتهديد: ها ترا ارجعك الحارة وأخذ بنتي وانتي اجلسي بحسرتك وخوفك وشلة ابوك الفاسدة كل يوم يطب وأحد منهم ...

غلا بلعت الغصه ماتبي تصيح زود من آلحين بدا بالذل
نزلت ..ودخلت العمارة ...شفته جاي وراي ...قلت بقهر يوم قرب مني وحمل غرام : وش غير رأيك
سامي بحده :خليك ساكته أفضل ...وقرب من الباب وفتحه
وطنشها ودخل
غلا
عضيت شفتي ..وانا ادعي على مساعد هوو الي سبب لي رعب وخلاني اذل عمري له ...شفت بدريه تناظرنا مصدومه
قربت منها وسلمت عليها ..وجلست
بدريه مستغربه وجود غلا قالت : ممكن اعرف ايش الي صار وادق عليك ماترد جالسة على اعصابي والله مية فكرة جت ببالي

سامي بقهر :المجنون مساعد طب البيت عليهم يدرو راجح
الله يرحم رجلك مابقى صاحي ومجنون ماغير ذوقه السم وسحب فلوسه
بدريه بزعل : ماتجوز عليه إلا الرحمه سآمي وطالعت غلا الي منزلة رأسها وساكته ماعليه ي غلا الحمدلله جت هالمرة على خير ولا تزعلي مني والله من الأول سكنك ماهو جايز لنا أبد

غلا حست بقهر وغيض ...لا أول مرة تسمع أحد يتكلم عن ابوها وماتقدر تدافع عنه ..آه ي شين الحاجه ....طالعت بدرية بترد عليها بس سامي سبقها ...

سآمي بسخريه : لا ابشرك الحين بتنشب لنا الله يهديك ي مساعد ماسويت خير.شاف نظرتها الحاقده عليها ضحك بتشفي قلبه محروق منها حده ...

غلا وقفت بقهر : سامي ماهو تجلس

سامي قاطعها بعصبيه : انكتمتي لا اسمع لك صوت ويالله فارقي من هنا ...

غلا

ندمت انها ذلت حالها ...كذا بس والله تتحمل سامي ..
ولا تعيش ...برعب ..وخوف وهالمرة سلمت المرة الثانية ماتدري وش عواقبها ..قربت منه ونزلت نفسها شوي. ..
بتحمل بنتها ...
قال بحده : خليها وروحي
غلا عضت شفتها بصبر:وقت نومها

سامي بحده : يوم بتنعس بجيبها لك

غلا هزت رأسها فيها ترد عليه وتخليه ينكتم بعد بس موقفها ضعيف حيل اتجهت للغرفة وهي مقهورة من معاملته لها قدام أخته ...فتحت الباب ودخلت
وهي تحس بذل ...جلست على السرير مدت يدها لبطاقتة الشخصيه الي مرميه على الكومدينا... طالعت ملامح وجهه وبهمس ..شكلي مصيري متربط فيك ي سامي للأبد وهالمرة انا الي رميت حالي عليك رجعت الصورة مكانها وقفت وفكت العباية ورجعت تمدددت و حطت رأسها على المخده ..وهي تحس برعب من الي صار لها ..تحمد الله الي حماها مع بنتها
هالموقف اثبت لها انها بدون سآمي ولا شيء وجوده مهم في حياتها والله مالها غيره بعد ربي لا خالتها ولا أحد .....
تقلبت وتقلبت عيا النوم يجيها ....وبنتها بعيدة عنها ...
حاولت ماقدرت جلست وهي تتافف ...خايفة تروح ويعصب عليها ويفشلها زود قدام بدريه .....بس مافيها صبر لازم تطل على بنتها ...وقفت وطلعت من الغرفة....شافته قدامها ممددد
على الكنبه ولاهي بجواله...وغرام ماهي موجودة قربت منه بخوف : وين بنتي ...

ناظرها بستخفاف: بنتك أقول ي الأم المثالية لا تبثرينا روحي نامي وفكينا صدعتك تراي غصب متحملك ..
غلا هالمرة ماقدرت تتحمل الإهانة ..قالت بعصبيه : والله لو ارد عليك اخليك تثمن الكلمه قبل تقولها

سامي بسرعة رماها بالجوال على فمها صرخت بالم وهي مساكه فمها ...
وقف بعصبيه ومسكها بقساوة :ايش عيدي وش قلتي هزها بقوة يوم رفضت تتكلم قولي ايش قلتي

غلا حست بطعم الدم بفمها ..قالت وهي تحس سنونها وفكها يوجعها أول مارخى يده قالت :حسبي الله عليك إذا بتحط حيلك علي ومستغل حاجتي لك ..

سآمي بحده : بعد تتحسبي علي أمشي قدامي اودك بيت أبوك
ماعندي استعداد اتحملك غلا لأبي اوجعك ولا توجعيني

غلا بسرعة :من غير ماتقول بطلب منك ترجعني انا وبنتي ولنا رب يحمينا

سامي ابتسم بسخرية وهو يشوف شفتها تنزف دم :ارجعك انتي بس بنتك والله ماتشوفيها ماهو مستعد اخسرها بسبب حقد وجنون أمها

غلا بندم ليتها ماقالت له خذنا معك :لا تكفى لا تقهرني فيها
تكفى مثل ماخذتنا جيمع نرجع جميع

سآمي سحب فاين ورماه عليها وأخذ مفتاحه وقال بحده:
امسحي القرف هذا من شفتك وانتظرك بالسيارة
ولا تطوليها وهي قصيرة
غلا بسرعة وقفت بوجهه وقالت بذل :اقهرني بالي تبي بس بنتي
لا
سآمي بحقد: ليت فيني اقهرك زود امشي قدامي وانتي ساكته وانسي ان لك بنت خلاص وشوفي حياتك وانا بعد بشوف حياتي ....وبنتي بدريه راح تربيها وماراح تقصر فيها ...

غلا قالت وهي تصيح :لا سامي ماعهدتك بهالقساوه ..
تكفى خلني جنبها هنا ...والله اوعدك ما تسمع مني كلمه ....

سآمي بصرخه :خلاص غلا قلتها كلمه أمشي قدامي ساكته وجودك في حياتنا انتهى.

بدريه طلعت من الغرفة وهي مفزوعة من صوت سآمي العالي : سامي وطي صوتك يالله البنت نامت ماغير تصيح ...

غلا وهي تصيح: شفت ماتقدر تنام بدوني سآمي تكفى رجعها لي ..
بدريه طالعتها مصدومه قربت منهابحزن عليها : ليه كذا عورتها ي سامي حرام عليك اخذت فاين ومسحت لها الدم الي رافض يوقف ..هزت رأسها بحسره ... كل مرة ينعاد هالموقف وماراح يتعقد منها غير الضعيفه بنتكم يوم تفطن ...كل واحد فيكم يبها له ...وبيكسر الثاني فيها ..

غلا مسكت يدها بذل : تكفين بدرية اقنعيه يخليني أجلس مع بنتي
تكفين والله مانساها لك ....

بدريه : خلاص سآمي كبر عقلك شوي هالمرة وبعد ماعهدتك كذا وخلك أحسن منها وخلها تجلس مع بنتها .

سآمي قال بمكابرة :كلمتي ماراح اثنيها.... ويالله خلصني وجودك كاتم علي ..وصدقيني لو تأخرتي ماهو بمصلحتك

غلا وقف وقربت منه بذل وطاحت عند رجوله : عارفة مالي خاطر عندك ولا لي وجهه بس عشان خاطر امك الي بقبرها
ماتوجعني بفراق بنتي

جلس على ركبه ورفع وجها بيده طالع شفتها أشلون تنزف قال :عشان خاطر الغالية بعطيك فرصه انك تعيشي مع بنتك بس والله ي غلا لو اسمع لك صوت ولا تطويل لسان وقلة احترام للي حولك اقسم بالله مافي عاد شيء يشفع لك ...وهذي آخرفرصه ي غلا ..

غلا بفرحه مايهمها اي تهديد .آلحين غير تجلس مع بنتها قالت بفرحه : مشكور والله مانساها لك ..
وقفت بسرعة بتروح تأخذها بس وقفتها صرخته
: ارجعي الغرفة وبنتك بتجلس مع بدريه شافها بتكلم قال بتهديد كلمه زيادة اقسم برب الكعبه أنفذا الي توو قلته ...
غلا
بسرعة راحت للغرفة ...جلست على السرير وهي تصيح ..
أشلون بيحرمني من بنتي ..وبخليها عند بدريه ....آه يهون ولا
انحرم منها ...للأبد ...أعوذ بالله لو قلب شين ..@
اتحسنت حالة ريوف وكتبوا لها خروج من المستشفى
بس قبلها سوت مناحة عشان عيالها ...ماتبي تطلع بدونهم
وطول هالفترة ام أسامه ...ماخلتها لحالها جالسة معاها ..
أول ماتمددت على السرير بمساعدة اسامه قالت بحزن: الحين وش يصبرني لما يكملو التسعه شهور والله قلبي يوجعني عليهم
أسامه إبتسم :والله مصيرك تنغثي وتمرضي بعد من صياحهم

ريوف بقهر:بسم الله عليهم والله انهم طب لي ربي يعافيهم ليه يمه شفتهم كيف صغار مدري أشلون يقدرون يغيرون لهم خايفه عليهم

أسامه : ي بنت الحلال خليك من هالافكار وأكيد شغلهم ويعرفون له ..أهم شيء آلحين اصبري بس هاليومين وبنتقل لبيت الجديد

ريوف بضيق : ليتك ماسلمت الشقه قبل ماطلع كان رجعت
لها ولا ثقلت على أهلك

أسامه :حلفت تطلعي من المستشفى للفله بس ماسعفني الوقت وباقي ماكملت لك فرش الغرفة ...
ريوف بضيق مابي أجلس هنا عندهم بس وش اسوي الله يصبرني هاليومين :تكفى أسامه حاول بكرة تكملها وعادي مستعدة اجلس على فرش بس ارجع البيت ...

اسامه عارف انها متضايقة وبعد يحسها خايفه من أمه قال يطمنها : ابشري ولا يهمك وبإذن وأحد أحد اليوم بكملها ...
يالله بحفظ الله ...
ريوف بسرعة : تكفى روح طل عليهم وطمني

أسامه :ابشري
ريوف أول ماطلع ...حسيت بضيق مابي أجي هنا والله
بس اطريت ودي حجز لي فندق ولا جابني هنا ..ليته ماسلم الشقه
طالعت لطيفة الي دخلت وهي شكلها مهلوك من التحضيرات للاستقبال: قلت بخجل : والله مادري أشلون أجازيك على تعبك معي
لطيفه:ي قلبي تستاهلي ...
ومومصدقة لما آلحين انك وافقتي تجلسي عندنا
ريوف ابتسمت :ي حبي لك .والله وصدقيني يوم رفضت ماهو لشي غير مابي اتعب أحد معي ...

لطيفه : اي تعب ي شيخه والله ماغير وناسه وانتي موجودة حصلت وحدة اسولف معاها واسهر ..

ريوف ابتسمت لها وهي بالها بعيد ..ودها بعيالها معاها
وخايفة عليهم ...حدها وبالها مشغول عليهم ..قالت بضيق:
تصدقي خايفة حيل على شهاب حالته اصعب من سمير
ماهو مرتاحه له بسبب صغر حجمه مره صغير

لطيفه : ي قلبي طمني بالك والله الدكتور طمن أسامه على حالتهم ...وآلحين خليني أجيب لك شيء تأكليه قبل يجيون الجيران ..
ريوف قلت بهمس :تسلمين ي قلبي بس والله مالي نفس بشيء ماغير بس ابيك تسأعديني بروح الحمام ..الله يعز القارىء
وبأخذ دش
لطيفه : ابشري بس انتبهي تكفين جرحك لا يجي عليه مويا عمه صيته توصي عليك بس تعب جدتي منعها تجي

ريوف : ي قلبي عليها دقت علي وتعذرت

لطيفه: ان شاءالله ميمه تطيب وتجي
ريوف بهمس : ان شاءالله
أول ماوقفت بمساعدة لطيفه ..قلت بغصه أدعي معي ان ربي .. يقرعيني فيهم
لطيفه بحزن عليها : ي قلبي ي ريوف بأذن الله تشوفيهم قدامك
بس ريحي بالك شوي ..
ريوف عضت شفتها وهي ماسكه حالها بالقوة : قلبي يأكلني عليهم ماهو مرتاح هم في مكان وانا بمكان ...

@
@
@

في بيت ابو وليد
ريتآج
نزلت من غرفتي ...شفت امي بالصالة وتضحك بصوت عالي
استغربت من ضحكتها ....قربت منها وجلست مديت يدي وأخذت لي فنجان قهوة ..

قفلت السماعة وهي تضحك باقي : ي حليها ام سالم ..والله
ضحكتني حيل تخيلي داقه وش تبي

ريتآج :ام سالم غريبة داقه من زمان عنها وبذات يوم ولدها صار دكتور أذكر قلتي معاد شافت أحد وسحبت على الكل

ام عصام قالت وهي مساكه ضحكتها: لا اتاري كنت ظالمة المره وكان زعلانه مني والحين يوم درت بطلاقك رجعت دقت علي وتقول طاح الحطب

ريتاج عقدت حواجبي مستغربة : وش دخل طلاقي
ام عصام بضحكه : ياحليلها يقال أخذت بخاطرها يوم تزوجتي غير ولدها وهي تبيك من زمان له بس كنتي محيرة لبندر بس يوم مات قالت فرصتها تخطب طلع بوجهاا وليد وقتها زعلت مني لأني اعطيتها كلمه ..وقلت ان شاءالله انها لولدك .بس بعدها تزوجتي وليد والحين وقت ماتطلقتي يقال رجع الأمل لها والله هالمره العقل طار من رأسها ...ورجعت تضحك اتاريها ساحبه علينا عشان كذا هههههه

ريتآج كنت اسمع كلام امي وانا مصدومه قلت بقهر : صدق مافي برأسها عقل ...
ام عصام بجديه : والله لو جيتي للحق ولدها ماينعاب دكتور وربي معطيه من خيره ..وليت بعد تقضى عدتس وتفكري بمصلحتس وافقي قبل ماعمك يرجع يزن على رأس أبوك ...والله ماغير تضيعي بينهم

ريتاج
تخيلت وليد يوم يدري ..والله مجنون غيره.. اعرفة ماغير يذبحه
هزيت رأسي وانا أبي ابعد وليد من بالي ....آلحين وقفت وقلت بضيق : يمه مالي غير أسبوعين مطلقه وجاي تفتحتي معي هالموضوع تكفين يمه قولي للمخبوله بنتي عافت الزواج ولدك دوري نصيبه عند غيرنا وازعلي وانطقي بعد ...

ام عصام : اي والله مالها نصيب مدام عمك باقي حي

ريتاج : عمي حي ولا ميت عفت الزواج يمه مالي حظ فيه أبد

ام عصام بقهر :عوفك وليد ..حسبي الله عليه اما بندر والله كان بيكون لك الرجال الي ينسد عليه بس الله أخذ أمانته وماكتب لكم نصيب مع بعض الله يرحمه

ريتآج
ابتسمت بألم بندر وكاد لو ربي كتب نكمل مع بعض. ...مصيره ينكشف حبه لغلا ومصيره يرمي علي كلمه بلحظة غضب .وبتصير حياتي نفسها يمه نفسها ان كان مع بندر ولا وليد
وآه ي وليد محدن جرح قلبي قدرك ..ومحدن خذ غلا ومكانه بقلبي قدرك ..
طلعت لغرفتي ...وانا افكر فيه .. وش مسوي ...آلحين
اكيد مبسوط وانت انفكيت مني ...

@
@
@
@
@

في بيت ابو وليد

قالت بضيق :والله يمه أبوك زعلان وحالتة حالة

ناصر بقهر : المصيبه ماشاور ولا قال بسالفة طلاقه طلق وهج ولا يرد على اتصالاتنا أبد ماغير مقفل هاالجوال

ام وليد بقلق :والله قلبي يأكلني عليه خايفة لو به شيء

ناصر : لاتقلقي وترجعي تمرضي يمه وطمني حالك مافيه شيء

ام وليد : طيب ليه مايرد
ناصر:ماراح يرد علينا ماله وجهه وخايف من رد فعل ابوي
منيره بقهر من الشايب المتحكم :صدقوني مانفصلوا إلا هم عارفين انهم ماراح يكملون مع بعض خلوهم على راحتهم وعمي صراحة ماله حق يزعل
ناصر بحده :اسكتي يجي ويسمع كلامك وتبلشينا معه

ام وليد بقهر:اي والله ماقالت غير الصدق شوف كيف من كثر الضغط عليهم تطلقوا ولا حدن عرف ..
وهذا اخوك هاج ولاحدن يعرف مكانه وهي في بيت أبوها الله أعلم بحالها وي خوفي عليها من عمها يقول بيروح يتفاهم معاها وخايفه والله من روحته ....

منيره بقهر : وشهوله يروح ويضغط عليها البنت تطلقت
والله لو في مكانها مدام انا وهو اخترنا الي نشوفه صح
ماراجع تحت ضغط اي أحد

ناصربحده أكثر :ليتك تسكتي ولا تحشري حالك وقبلها محدن طلب رأيك

منيره زعلت من رده خير معصب عليها ...والله ماتقول غير الصدق ...يكفي كان بيجيب أختها على رأسها هالشايب العايب ليته هو يتزوج ويفكنا طالعت خالتي ام وليد لا حرام ماتستاهل بس والله ماغير تنفك منه وماعليه حسوفه ...
قمت اشوف عيالي الي حاسووا الدنيا ...واخلي السيد ناصر
يأخذ راحته بالكلام ومحدن يحشر حاله معه .....
@
@
@
@

@
@

أول ماوقف السيارة ...قال بأبتسامه : تفضلي لبيتك
وعساها مبارك عليك

ريوف طالعته وقلت بحزن: تمنيت أدخله ومعي عيالي

أسامه بضيق: ريوف توك جايه من عندهم ومطمنه عليهم والدكتور طمنا بعد على حالتهم وشهوله هالقلق كله ...

ريوف عضيت شفتي وانا ماسكه نفسي مابي اصيح: ان شاءالله خير وربي يطمني عليهم وافرح بشوفتهم

أسامه : ايه كذا خلي أملك بربي قوي

ريوف : والنعم بالله
نزلت ومشيت معه ..أول مادخلنا ...الفله
شفت الطقم الي اخترته...للصالة ..
طالعت أسامه وقلت:صمممه مثل الي بالصورة تمام الحمدلله خفت يخربه ..

أسامه : الحمدلله

باقي غرفة النوم يآرب تكون مثل الصورة الي اخترتيها وباقي البيت لما تكوني بخير نكمله مع بعض

ريوف هزيت رأسي بدون ماأتكلم ...مابي لا أثاث ولا ابي شيء ابي عيالي .. وخايفه من فقدهم ...حيل ...جلست
على الكنبه بتعب ..رن جوال أسامه أخذه وطلع ...شكلها أريج .....وأكيد بعد انها هي تمرض لو مادقت في اليوم مية مره الله يصبرني بس ...طالعته يوم رجع جاا وجلس على الكنبه المنفردة... احس عنده حكي بيقوله بس مو عارف
قلت بهمس: فيه شيء ..

أسامه بتردد : امم ريوف دقت علي امي توو و تقول أريج وخالتي بيزرونك ياليت تستقبليهم

ريوف بصدمه :ايش اريج وامها يجيون هنا انت شايف حال البيت ...مايمدي اليوم أبد

اسامه : اليوم باقي في بدايته ي ريوف .وهم ماراح يجيون الا بعد صلاة المغرب تكفين لا تحرجيني معاهم ...وبعدين الصالة مفروشه وأمي بتر سل الشغاله آلحين تنظف وترتب لك
الملابس والعفش وانا بروح اشوف الناقص وبأخذه
...
ريوف
كنت مصدومه ..حدي أريج وامها بيجوون ي قوة هالبنت
لها وجهه بعد ...ي خوفي ناويه على مصيبه بعد ..

قفلت عيوني بتعب ...ي خوفي من ام اسامه وبنت اختها لو اجتمعوا علي ...قلت قبل يطلع أسامه : هالبنت غريبة الي أعرفه
ان البنت تخجل
اسامه قاطعها قبل تكمل: وانتي الصادقة تعرف الواجب
وطلع بسرعة قبل ماترد ..
@
@
@
@
@

بيت ام فهد

ابتسمت بخبث : واجب يمه واجب

ام فهد مبسوطه من بنتها : الله يجزاك الخير يمه والله ماغير تكبري بنظر زوجك

أريج تناظر نفسها بالمرايا : وهذا الي ابيه أكبر بنظره وناظرت الساعة مو كأنه خالتي تأخرت حيل
ام فهد :آلحين ادق عليها
@
@
@

@
@
عند ريوف
جالسة على أعصابها ...طالعت في أسامه الي مشتط رايح جاي ...ماشاءالله طلع الكرم الحاتمي ..ماخلى.. حلا بالسوق إلا جابه قلت بسخرية اول ماجلس : الطاولة هذي ماناقصها غير شموع وتكمل الحفلة الي مسويها ..

اسامه طالع الضيافة ورجع طالعها بأبتسامه : عادي أجيب شموع اهم شيء تكمل الضيافة ..اقصد الحفلة
ريوف ميلت فمي بسخرية :لا لا ماله داعي وآلحين هم على وصول مايمدي صدقني تروح وترجع .
وكشرت يوم رن الجرس افف ماكلمت كلامي إلا الجرس يرن ..قلت بضيق أول ماوقف : ماهو لازم تفتح لهم الشغالة تفتح

أسامه بحده :تذكري الي جايه امي ي ريوف

ريوف بقهر : ومعاها اريج بعد

أسامه طنشها وراح يفتح الباب ..
ريوف
عصبت بقوه يوم سمعت الترحيب المبالغ فيه ...
عضيت شفتي بقهر يوم شفت ام اسامه واختها جاين وهي تتمخطر بمشيتها قدام أسامه ...كانت في كامل شياكتها ...تقول
عروس ...صدق ماتستحي ...هالبنت ...ام نظرات ام اسامه لها غير .. مبسوطه حدها من ست الحسن والدلال ...الله يسترمنهن ....قربت وسلمت علي بمبالغه شوي..
حسيتها مثل اللي تقول شوف أسامه ....انا أطيب منها ....
وبعدها امها صدق احسها طيبه غير عن بنتها
اريج طلعت لخالتها ام أسامه ...
أسامه بترحيب :ي هلا فيكم والله نور البيت بوجودكم

ام أسامه : قصدك بوجود أريج إلا انا عارفة انا وأختي مالنا نصيب من هالترحيب

أسامه طالع أريج : لو الله يمه فرحتي كبيره بوجودكم ودخلتكم للبيت ..

..ريوف
اخخ بدينا ي ام أسامه ...طالعت أسامه ابيه يرد رد يبرد قلبي بس الأخ رد رد مثل وجهه والله ي شينه صار البيت بدخلتهم ...
الله يعدي هالليلة على خير فرحت يوم اسامه استأذن بيطلع بس فتحت عيني بصدمه من جراءة هالبنت
: وين رايح تونا جاين تكفى أجلس
ام أسامه بأبتسامه : افا ي أسامه بتطلع والقمر هذي هنا
أسامه يحس حاله منحرج ...وبعد عتبان على امه مهما...كان ريوف موجوده. .مفروض تنتبه لكلامها ماله داعي الكلام الي ترميه الله يهديك يمه ...قال بتصريفه: عندي شغل يمه ويالله
قدرت افضي حالي هالوقت الي جلسته معكم وحياكم الله البيت بيتكم والمكان مكانكم ..

أريج بسرعة وقفت ومسكت كتفه بجراءة :طيب بوصلك للباب
أسامه : اوك وابتسم لها
ريوف حسيت بقهر من مسكتها له بهالطريقة ...طالعته حسيته بعد مبسوط لأنه إبتسم بطريقة مستفزة بعد ...طالعت امها بحقد سلامات ليه ماتهاوش بنتها تثقل شوي ...ماغير من وقت ماوصلت وهي تبلع بهالقهوة ...والتمر ...طالعت ام اسامه اخخخخ مبسوطه ومكيفه على الآخر ...ي سعدك الليلة
ام أسامه طالعت اختها :الله يسعدهم يآرب

ام فهد : اللهم آمين

ريوف حسيت بطفش ..ودي يروحون جيتهم مالها داعي أبد ماغير رفعوا ضغطي على الفاضي....
شفت ام الحسن والدلال جايه تتمخطر ...
أول ماجلست قالت بطريقة مستفزة :افف ماما وخالتوو المكان موحلوو بدون سوسو

فتحت عيني بصدمه...سوسو اخرتها ي اسامه صرت سوسو
يالطيف الطف ...اخخخ شوفة النفس والهيبه والمرجله الزيادة واخرتها سوسو ..ليته سمعك بس ....والله ماغير ينجلط ...
رحت فيها ي سوسو ههههه ..
بعد شهرين
غلا
تحاول تصبر حالها عشان بنتها بس ...إلا سامي خلاص مافي أمل ...تغير حيل ..من ناحيتها ...سآمي الأول انتهى ومتأكده بعد بس الي يذبحها زود انه بكل الطرق يمنعها من بنتها لدرجة النوم يخليها تنام عند بدرية وهالفترة تحسها متعلقه في بدرية أكثر منها ...صح بدرية مالها ذنب هذي أوامر سامي ..بس شيء يقهر وظلم لي ..يأخذ حقه مني بس ماهو بهالطريقة
@
@
سآمي
طول هالفترة وهو ماهو قادر ينسى امه .....كانت لها دور كبير بحياته ....وبعد قضية ابوه ..الي كل مرة يستأنف الحكم وكل مره يثبت له المحامي ....ان القصاص وارد وبذات لانه كان يهرب من برا السعودية هذا الي ذبحه ...وحالة الدحمي بعد ماتسر له شهرين في غيبوبه ..وبعد يحس بحقد غريب على غلا طول هالفترة ماقدر .ينسى..الي سوته فيه بذات آخر موقف بيننهم يوم تمنت موته ..مع اخوياه ...بس حالف ..يأخذ حقه منها بالكامل وتعرف مين سآمي أعطتها اكثى من فرصه وتحملت بمافيه الكفاية...وعارف والله مايهمها شيء غير بنتها بس هي الي مهجدتها إلا كان لسانه يطفر سم ....
محدن خابرها مثلي إنسانه حقوده ولا لها في الإحترام
بس الغبي قلبي الي حبها.... ....

@
@
@
ريوف طول هالفترة وانا مابين المستشفى والبيت ودي أجلس معاهم بعد ...بس ليت يسمحووا ...مبسوطه حدي وانا اشوفهم بدوا يكبروا عن أول بكثير صح رموش مافي ولا حواجب بس زينهم بسم الله عليهم الله يخليهم لي ...
وبعد أسامه مرة مايقصر معي .....ومخليني على راحتي ودايم يكرر البيت بيتك ولا أحد له سلطه عليك احسه متأثر من الحلم أكثر مني .بس فيه شيء يقهرها فيه تحسه يسمع كلام اريج بطريقة مستفزة ..والدليل هاليومين الست أريج القاعة على آخر شيء ماحبتها ...وجالس يدور لوحده غيرها يقدر يحجزها قبل الزواج الي مابقي منه غير أسبوعين ...وليته يتزوج ويبعد مابي انقهر أحس كل مايصير طيب معي ويتحملني اميل له ...
وهذا الي ماابيه أسامه قربه نار ...
@
@
أسامه
حده هالفترة مضغوط . من دوامه...وعندها مداهمه هالفترة جالسين يضبطون لها ... ومن شغلته على عياله وبعد قلق ريوف الي مأثر عليه... ماغير ضايقة تبي عيالها ...ماتوقعها تتعلق فيهم كذا....تعلقها فيهم غريب خايفة لدرجه الوسوسه تنام شوي وتقوم تهذي وتصيح تبيهم ..وتتخيل ان فيهم شيء صار ...بعض مرات توسوس فيه لدرجة كل وقت يدق على الحضانة ..يسأل .. .وحتى هوو ماتوقع يحبهم هالكثروندمان حده يوم رفض الحمل ويدعي الله لا يعاقبه على سواه ويغفر له .. والله يفديهم بعيونه ..والي رفع ضغطه زود ...وعصبه يوم امه خبرته ان أريج
ماتبي ..القاعة الي له شهر وزود حاجزها ...بس وش يسوي اطر يدور غيرها ويكف نفسه عن المشاكل مع امه وخالته ...
@
@
@
ريتاج
وآه ي ريتآج ماغير متنكده من مشاكل أمها وأبوها ...
ليت امها تسمع كلامها بس وتخلي عمها في حاله ...دايم ترمي كلام عليه وابوها يشتط ..آخر مرة صارت مشكله بينهم يوم زارهم عمها توقعت امها تتطلق ...من أبوها بس رائد ماقصر قدر يهدي امها ...والله ماتنسى جميله طيب حيل والله حظ اسيل فيه ...بعض مرات تفكر تدق على وليد تقول.. لها خلاص تعال رجعني وفكني ..اتحملك وأصبر ولا اشوف.. حياة امي وابوي كذآ كل مرة تنصدم أكثر في أبوها....تأكدت انه يفضل أخوه أكثر منهم ..اما اخوها عصام ي هوو عديم مسؤواليه... من وقت ماتزوج وهو بس هاج من سفر لسفر ...وفي نفس الوقت تحسه خايف لا مشكلتي مع وليد تأثر على حياته مع شوق ....وأكثر شيء أكد لي هالشيء يوم حاول انه يصير ..معيد في جامعة غير منطقه الرياض مايبي هنا ابد .....والله أفضل له يكفي انا جالسة تحت الضغط ...لو كملت عدتي وكاد ارتاح واقطع اي امل عند ابوي برجعتي لوليد آه كيف اقطع اي أمل وليد يقدر يرجعني طلقني مرة وحدة ...
@
@
@
وليد
طول هالفترة مأخذ اجازة ...وجالس لحاله ...وده يفكر في حياته على رواق فتح الجوال ودق على امه بس مرة وحده وطمنها ... ..ندم ندم مابعده ندم انه طلق ريتاج ليته ماسمع كلامها ...والحبن تأكد ان غلا ريتآج محدن وصل له أبد
آه ي بنت العم ...اخذتي وليد كله ....
واليوم رحلته للرياض والله يعنيه على...الي ينتظره ...
@.
@
@

رائد على كثرة فرحته بحمل اسيل ...بس يحس بتوتر كل ماقرب موعد زواج أسامه واريج والي ذبحه أكثر يوم دري ان اريج بتسكن بيت أبوه ...على طول دور له شقة بعيده عن أهله ...
بس أسيل ماهي راضيه ...كل مرة تطلع عيوب بالشقق الي حصلتها .بس اليوم بيروح يشوف اخر شقه وبيأخذه غصب رضت او لا ماهو في مصلحته التأخير ...
@
@
@
دخل العمارة وهو تعبان ..جاي من الدوام ومر المستشفى
الحمدلله الدكتور طمنه قال بدا يحرك أطرافه ...ي هو فرح
فرح ..واللهم بشرني بقومته بالسلامه ...حزين عليه حده
رفيق عمره ..فتح الباب. .شاف غلا جالسة تلعب غرام
أول ماشافته حس وجهاا انخطف ...والخوف بان عليها
قرب منهم وجلس على ركبه ...وقال بحده: وين بدريه عنها
غلا عضت شفتها بقهر ودها تبرد قلبها فيه بس آه ي قلة الحيله
قالت وهي تحاول تمسك نفسها: فيها شيء لو جلست مع أمها

سامي اخذها منها وقف وقال بقساوه:أم مثلك ماتبي
وبتحذير لو يوم أدخل واشوفها بيدك ماراح يعجبك الي بيصير

غلا وقفت وقابلته وقلت بغصه:الظلم شين ي سآمي

سامي ضحك بطريقة مستفزة: اوف اسمعوا بس الي تتكلم عن الظلم عارفة كم مرة ظلمتيني يكفي موت أبوك الي مالي يد فيه حملتني هوو وكم وكم بعد ذقت من ظلمك

غلا قالت وهي مكسوره : انا متحمله جلستي هنا عشان بنتي تكفى لا تحرمني منها والله شي يقهر ي سامي أشوف بنتي متعلقه في غيري أكثر مني

سآمي : قلت لك مليون مره عاجبك الحال أهلاً وسهلاً
ماهو عاجبك محدن يبيك الله يستر عليك وبنتك إذا تعلقت في غيرك جزاك وأقل من جزاك
غلا
حسيت لو زدت معه في الكلام بيرجع يطردني ...وانحرم وقتها فعلاً ...أعطيته ظهري ودخلت غرفتي وسكرت الباب ...
ورميت نفسي على السرير اصيح بقهر ...وحسرة على حالي واللي وصلت له ..ماتوقعت أبد يصير فيني كذا
في الصالة
طلعت من المطبخ وشافت غلا وهي داخله غرفتها وهي تصيح
قالت بحزن عليها : سامي مهما زعلك منها ماتذل البنت كذآ

سامي ببرود : ماقلت لها شيء غير اني أخذت منها غرام

بدريه : طيب وهذا سهل تحرمها من بنتها سامي ماتوقعتك بهالقساوه أبد

سآمي : آلحين مين قالك اني حارمها منها

بدريه: سامي لا تجلس تلف وتدور أكبر دليل أمرك علي إني انا الي اربي بنتك وانتبهه لها وتحذيرك لي اني ماخليها تقرب منها

سامي بضيق من هالسالفة :لو عاجزة عن تربيتها أجيب لها أحسن مربيه ولا هي في حاجتك

بدريه بعصبيه: لا صدق مجنون آلحين مين قال لك عاجزه عنها وبعد بتجيب مربيه وامها موجوده ي قلة العقل بس هاتي البنت موعد رضعتها ...

سآمي ناولها غرام وقال بحده: لو بتذمري من تربيتها فعلاً بجيب لها مربيه ...
بدرية أخذتها وبعناد دخلت لغلا ...الغرفة قربت منها وحطت غرام على السرير ...وجلست جنبها وقالت بحزن : ليه تصيحي
خليك قويه مثل أول وسامي هياط كذا إلا قلبه متعلق فيك والله انه
يحبك بس يكابر ...

غلا رفعت راسها وهي تمسح دموعها وقالت بضعف: مابي حبه ولا ابي شيء منه بس مابيه يبعدني عن بنتي

بدريه ناولتها غرام: خذي ي قلبي محدن بيبعدك عن بنتك

غلا مدت يدها لها بتأخذ غرام بس غرام رفضت مسكت في بدريه نزلت يدها وهي مقهورة سامي انتقم منها اخس انتقام
وهذا الدليل بنتها ماتبيها ....
بدريه حزنت عليها ...مافيها تتكلم بعد حركة غرام
رجعت ناولتها وقالت : خذي رضعيها ..

غلا :لا خليها معاك والله ي بدريه وقفتك معي مانساها و جالسة تعامليني مثل أختك على اني مااستاهل ....آسفه وعضت شفتها ماتبي تصيح
بدريه بحزن : ي قلبي كلنا غلطنا في بعض وبعدين لا تنسي انتي بنت مين بنت الغالي الشخص الي حبيته بس الله ماكتب نكمل مع بعض ...آه ب فراقه ذبح قلبي ..
غلا يوم جابت سيرة أبوها قربتها منها وضمتها بقوه وهي تصيح
فاقدته حيل ...ليته موجود ..كانت أقوى من كذآ. ...
بدريه وهي تصيح معاها فقدت زوجها وامها في سنه وحده قالت بوجع: آه ي غلا أبوك قطع فينا جميع

: اففف وش ذي الدراما
غلا بعدت عن بدريه وناظرته ...
مسحت دموعها ونزلت رأسها ماتبيه يشوفها وهي مكسوره كذآ
بدريه بعد مسحت دموعها وقالت : لو جاي وفي رأسك مشاكل ترا البنت ماهي متحمله أبد
سآمي ابتسم بسخرية: لا لا غلا ماهي متحمله أذكرها تعشق شيء به مشاكل تدخل حالها حتى لو المشكله ماتخصها ...

بدريه وقفت وقالت :بكرة عيد صفي قلبك شافته يناظرها بسخريه هزت رأسها وهي تردد الله يهديك وطلعت من الغرفة

سامي بعد ماطلعت بدريه قرب منها وجلس على السرير
وقال : بالله مو خجلانه من نفسك شوفي كيف كنتي تعاملي بدريه يوم كانت في بيتكم وشوفي كيف بدريه تعاملها معاك يوم صرتي في بيتها ..

غلا طنشته مارديت عليه ....عآرفة اني غلطانه ماله داعي يقول ...
سآمي ابتسم بسخريه : افف تطورملحوظ والله صايرة ماتردي
لا لا شكل العقاب بدا مفعوله ....

@
@
@
في بيت أسامه
اليوم مبسوطه حدها ...قال لها اسامه احتمال عيالها يخرجون بعد العيد بيومين ....الحمدلله يآرب ....
طالعت أسامه الي دخل ...وهو تعبان حده
رد السلام
قالت بسخرية : كرفتك أريج بشر حصلت قاعة

اسامه طنش الي قالته وقال :بكرة بعد صلاة العيد أبوي قال بنروح المزرعه وعازم العائله كلها تجهزي

ريوف : لا انا ماراح اروح

اسامه عقد حواجبه : ليه طيب

ريوف : أشلون اروح وعيالي بالمستشفى

أسامه : ياربي ي ريوف وش فيك كذا عيالك ماعليهن خلاف والحمدلله كل شيء فيهم اكتمل والدكتور قال لي بعد يومين تعال لهم خلاص ريحي بالك شوي وبعدين عمه صيته والله بتزعل منك ...عادتنا الكل نجتمع هناك في عيد الأضحى

ريوف تذكرت امه أكيد بتنكد علي ...بس مدام عمه صيته موجودة بروح بس خفت لا تجي اريج وامها قلت بسرعة : بشرط أريج وامها ماراح يجيون
اسامه : ي صغر عقلك بس اريج وخالتي وش يجيبهم
اقولك ابوي كل سنه يذبح الاضحيه بالمزرعه ونتجمع حنا بس وأهله

ريوف قهرني يوم قال صغر عقلك والله وهو صادق غبيه وضحت له غيرتي منهم قلت بقهر : لاتفتكر غيرانه او شيء بس مابي تحذف علي كلمه كذا ولا كذا وتصير مشكله وانت وقتها تفزع وأكيد معاهم تكون وتحرجني قدامهم

أسامه ابتسم على جنب: لا هالمره بفزع مع ام عيالي ي حبي لك ولهم
ريوف رفعت حاجب : وعد مايجيوون

اسامه كارهتهم بقوة عكس أريج دايماً تمدحها وتبي تتقرب منها قال بضيق : وعد
@
@
@
اليوم الثاني
صباح العيد ..
بعد الصلاة راحت العائله كلهم للمرزعة...

: ي حبي لتس والله ودي اجي أجلس معتس

بس مثل مانتي عارفة أمي مريضة ويالله تعافت
ريوف طالعت ناحية الجدة وقلت:سلامة امك وماعليك يكفي إتصالك كل يوم

صيته بحب لها: بشرني توو اسامه يقول صحتهم زينه الحمدلله

ريوف : اي والله اللهم لك الحمد والله يبشرني بطلوعهم
طالعت ام اسامه يوم قالت

:لطيفه دقي على خالتك وخلي فهد يجيبهم

لطيفه طالعت ناحية ريوف بس مافيها ترفض دقت عليهم

حسيت بقهر ...احسها بتنكد علي ...غصب ....
بس فرحت يوم قالت لطيفه :يمه خالتي تقول فهد مشغول بالذبيحه ولا هو فاضي يجيبهم

ام اسامه :أجل ارسل اسامه يروح لهم ودقت رقمه

ريوف تطمنت مستحيل اسامه يروح ...طالعت اسيل الي شكلها مقهورة أكثر مني ..ابتسمت لها ..اطمنها ...
إنها ماراح تجي ...وأكيد اسامه ماراح يروح مشغول بالذبيحه
وبعد وعدني ... ...
ام اسامه دقت رقم أسامه وقالت :الوو يمه اسامه حبيبي خالتك وزوجتك يبوون يجيون وفهد حده مشغول ...
ايه يمه تكفى الحين روح لهم الله يعافيك يمه ويقويك
صيته : غريبه هالمرة بيجيون دايماً حنا الي نجتمع بس

ام اسامه : متضايقه شيء من جيتهم

صيته : وشهوله اتضايق ...وطلعت تشوف الذبيحه أفضل لها من الجلسه مع ام أسامه ...
ريوف
حسيت بقهر يوم وافق أكيد بيوافق ماصدق خبر ..فتحت الواتس وارسلت له (( لا تنسى الوعد))

.