رواية أعشق أنانيتك عندما تتمناني لك وحدك الفصل الثامن وخمسون 58 - بقلم nona_A

ي دوب برد على ام خالد عشان توصل له ردي...بس منعني الصراخ الي جاي ...من الصالة ....سكت...وانا..اشوف الي جايه مقبله علينا ...وهي معصبه

: تخطب ها المتشردة وانا عندك لا حشيمة ولا قدر لي

يوم ...شفت زوجته هجمت علي بتضربني ...تراجعت بطلع ....من بيتهم بس حسيت اني اهوي على وجهيي ...صرخت بصوت عالي ...
خايفة على الي في بطني ....وبعد ..فيه حد ينادي بأسمي ...بس ماقدرت ارد عليه .....

أول ماوصل ..نزل قرب من الباب حصله مقفل .. تداور وهو يدعي ان الباب الخلفي مفتوح ولا ماعنده غير يطب ..
حمد الله يوم حصله مفتوح...دخل بسرعة..
..واتجهه للغرفة ...وهو يتمنى تسمع دق الباب.. بسرعة قبل.. يزعج ميمته ويدري بنوم ريوف ثيقل ...شكله بينام بالحوش ...أكيد اليوم...واي نوم بعد باقي شوي ويأذن الفجر ...
قرب من الباب وطرقه خفيف ...مافي صوت زاد الطرق ...بعد
مافيه صوت ..مد يده بأخر محاولة.. وحرك المقبض فتح على طول ..عقد حواجبه بعصبيه. نايمه والباب مفتوح ...عصب من إهمالها......
أول مادخل طالعها نايمه ...وريحه فيها بعد ..قرب منها وهو زعلان منها ...ماتبيه يجي... ومقفله بوجهه ...وآلحين مخليه الباب مفتوح ونايمه لو طب حد عليها وش بتستفيد البيت مافي غيرها وغير ميمه ..والمرزعة قرييه منهم كلها عمال ...قرب منها وجلس ...حسها انها متضايقه بنومتها ...وملامح وجهاا ماهي مرتاحة أبد .....
خاف لو انها مريضة بس يوم صرخت تأكد فيها شيء..قال بقلق
: ريوف ريوف تسمعيني اصحي ريوف ..

حاولت افتح عيوني وانا اتأكد إني على السرير.. فزيت أول ماجت عيني بعين أسامه مسكت بصدره بقوه وانا مفزوعه. :أسامه اشلون جالسة اتخيل صح ..تلفتت يمين يسار ورجعت طالعتة ..انت ميت وآلحين قدامي .....خيال مدت يدها مسكت وجهه تتأكد ...

اسامه عقد حواجبه ...ومستغرب من كلامها وبعد تمسكها فيه بهالطريقه ماقد سوتها من يوم تزوجها قال بهمس وهو يهدي عليها:قولي بسم الله شكلك حلمانه . وش خيال بعد بسم الله علي مافيني إلا العافية ..لا تفاولي علي ....
ريوف

جلست اناظر بوجهه بتأكد ...انه فعلاً قدامي ....واللي عشته كله
كان حلم هزيت رأسي مابي أتذكر الي عشته يوم وقف على طول مسكت فيه .: وين

:بجيب لك مويا ثواني بس

رجعت تمددت وانا باقي تحت تأثير الحلم ...بلعت ريقي بخوف وتوتر ي شينه من حلم ... ....
أول مادخل قلت برعب :حلم رعب ...الله لا يعيده

عقد حواجبه وهو يناولها الكاس : سمي
أخذت منه وشربته دفعه وحده ..رجعت طالعته مومصدقه انه قدامي ..

أسامه يحسها مرعوبه حدها قال بستفسار : وشهوو الحلم بالضبط
ريوف سندت حالها ..على ظهر السرير وقالت بضيق: جاني خبر انك مسوي حادث وميت وبعد والله شفتك قدامي وانت جنازة ..وبعدها أبوك وامك ماقصروا فيني طردوني اخس طرده ورحت لبيت مرة ابوي طلع البيت مأخذه ولد أختها وطبعاً ...رفض يسكني الا بشرط اني أوفق على الزواج منه وي دوب أعطيهم رأي تقوم زوجته وتطب علي وطحت على وجهي
أسامه طول ماهي تحكي الحلم ساكت بس يوم قالت الشرط قلت بقهر :من حقها بعد تتوطى ببطنك قولي بالله كان نيتك توافقي
...

ريوف عضيت شفتي بقهر انا مفزوعه وحالتي حالة وهذا...جالس ..يتمسخر علي . وانا مع وجهي احكي الحلم بالتفصيل ...
قلت بقهر: والله ماوجعني غير أبوك وامك كان مره قاسين تخيل بيأخذون عيالي مني ..

اسامه :انتي الحلم باقي مسيطر علي وصدقيني لو فعلاً الي صار حقيقة أبوي مستحيل يطردك ولا يأخذ عيالك
ماتعرفي منصور الراشد ي ريوف يساعد البعيد ويكون له محزم مليان اشلون القريب

ريوف رفعت يدي ابيه يسكت :الحمدلله وهو حلم اففف أسامه مابي اتذكره ... خلاص صورتك وانت ميت مرسومه في بالي
بحاول أنساها

أسامه إبتسم : لهالدرجة وجودي مهم عندك

ريوف طالعته من غير ما اتكلم ...فعلاً وجود أسامه في حياتي مهم بقوة بعد ..بذات مع سجن أخوي احتاجه كثير وجود أسامه

أسامه يوم ماردت عليه غير السالفة وقال بستفسار : طيب فعلاً
البيت الي ساكنين فيه ماهو لابوك ...

ريوف تنهدت بتعب : لو هو لابوي الله يرحمه كان شفتني قدامك
آلحين والله ماغير ريحت بالي من زمان وانفكيت

اسامه رفع حاجب ماتوقع هالرد بذات بهاالوقت قال بقهر : من شوي بتموتي علي والحين أشوف الكلام تغير ..

ريوف ميلت فمها بسخريه :والله والبلشه أقول كنت خايفه بس من منظرك وبعد من تشردي بالشارع ومن خالد الي خطبني ....

أسامه مد يده ومسك وجهاا وهو صاك على سنونه :ترا من دقايق مشيتها لك سالفة هالخالد ..وقلت ماعليه البنت خايفه ومتوتره حدها ...بس آلحين ي ويلك تطريه

ريوف ابتسمت بتشفي ..يوم انقهر .. وبنفس الوقت فرحانه بوجوده قدامها لأنها شافت كيف عشتها بدونه ...

أسامه أول ماسمع الأذن قال : بروح اصلي الفجر وبعدها نتمشي شوي في مزرعة ميمه. الحين دخلت من الباب الخلفي الجوو فيها ما يتفوت ..بذات الصبح ...

ريوف هزيت رأسي ..بدون ماتكلم ..

جلست احمد الله انه حلم ..واللي عشته ماهو بواقع وقفت ...طلعت من الغرفة.. توضيت ورجعت... لبست جلالي .
..
وصليت الفجر . وذكرت أذكاري بعدها ...طلعت للحوش انتظر ...أسامه ..طالعت باب الجده اليوم تأخرت بنومتها ...غريبة على الأذن دايم تصحى ...طالعت أسامه الي رجع
وقفت على طول ...وانا الف الجلال ...مد يده لي أعطيته يدي
وطلعنا ...نمشي ...للباب الخلفي ..الي تطلع منه على المزرعة وحوش الغنم ..
جلسنا على الفرشة...ودي اسأله كيف أريج أعجبتك اولا. ..
عندي فضول ...أعرف ...قلت : هابشر كيف ان شاءالله العروس أعجبتك وكيف الحفلة كبيرة ولا مختصرة

أسامه إبتسم بخبث : امممم العروس ماشاءالله عليها الله يتمم بس والحفلة هذي سواليف حريم مدري عنها انا ماغير شكبت وطلعت ...

ريوف بسخرية : لا تشيل هم ان شاءالله يتمم عليكم
هذا مطلبي ...

اسامه ميل فمه بسخريه : أمرك عجيب

ريوف ابتسمت بسخريه : وش العجيب فيه ودي تشوف الي تمنيتها ترفع رأسك والحمدلله ربي حقق لك رغبتك

أسامه :جالسين آلحين انا وانتي ومبسوطين وشهوله تجيبي سيرة أريج آلحين لهااالدرجة اشغلتك وبعدين كلكم رافعين رأسي وماعليكم قصور
ريوف فتحت عينها بصدمه :افف كلامك متغير حيل...

أسامه بجديه : ريوف وضعنا ماهو عاجبني

ريوف عقدت حواجبي مستغربة من رده : ايش الي ماهو
عاجبك ماهو أنت الي مقرر الحياة كيف تكون بينا

أسامه تنهد بضيق : شوفي انا أحاول أنسى الي صار كله وبعد
بقنع نفسي إني أخذتك بختياري ومافي ضروف حدتني على إني ارتبط فيك ....

ريوف قاطعته بقهر : اسكت أسامه لعاد تتكلم زود ولا تعود حالك أبد لأن إذا أنت رضيت وحاولت تتعود على قولك
انا ماراح ارضى ...

أسامه قال بضيق :آلحين ليه كذا ماتخيلني أكمل كلامي

ريوف وهي تحاول تمسك نفسها ماتبي تصيح : لان كلامك يوجع قصدك تحاول تنسى الصورة الي كانت مدبرة من مرة ابوي وتغصب حالك وتحاول ترضي ضميرك أسامه لا تشفق علي أقسم بالله توجعني أكثر

اسامه : مين قالك شفقه الي أحس فيه شيء ثاني ي ريوف

ريوف انصدمت من كلامه شيء : أسامه أنت لو عندك إحساس
كان إعتذارك مني يكون شيء ثاني
ماهو تعرف اني بريئه تجي تحط حدود للعلاقه كيف تكون وبعدها .. تروح تخطب وامس مالك بعد ..
.في إعتذار كذا قول يوم شفته يناظرني من غير مايرد .
.وقفت بروح للغرفه انام أفضل من الجلسة معه
قهرني يوم يقول بحاول اقنع نفسي إني أخذتك بختياري ...
شفت عمت صيته بوجهي طالعة من المطبخ
: بسم الله من وين جاية انتي

رديت وانا احال مااظهر قهري : اسامه جاا وقال نطلع نجلس في المزرعة ...والحين رجعت بكمل نومتي سكت يوم شفت أسامه جاي

صيته بقهر طالعته : هذا هوو شرف لك وجهه جاي بعد

أسامه بضيق : يالله هاا كملي الي بدت فيه ريوف

صيته بقهر:بعدك تذمر والله لو منها ماجلس معك بعد بس هالبنيه خبله امس مالك على غيري واليوم أجلس معه بعد في المزرعة

اسامه قرب منها ومسكها من كتوفها وقال : ليه يمه صايرة قاسية حيل علي ....والله يقال الضره جايه على رأسك

صيته بعدت يده بقهر : والله لو هي على رأسي كان عرفت كيف اتعامل معاها بس ها الخبله والله ماغير تدوس عليها وتأكل حقها
وحق عيالها بنت سعاد وهي ماغير مفهيه

أسامه : الله يسامحك بس ظالمة البنت وحنا ماعرفنا خيرها من شرها

صيته بقهر : والله الشر كله ..روح بس غسل يدك وتعال افطر وطالعت ريوف وانتي بعد لا تنامي ...افطري وبعدها نامي ...

أسامه بضيق: لا مالي نفس وبنمشي الحين وراي دوام

ريوف
دخلت وانا مقهورة ...بعد يدافع عنها والله صادقه عمه صيته الشر كله ومصيره يطولك شرها ..بسرعة أخذت أغراضي ..ولبست العباية قبل مايدخل حتى ...اول مادخل قال :مدام جاهزة مشينا ...وكلام عمتي صيته لا تزعلي منه

ريوف: ازعل ليه هي ماقالت إلا الي تشوفه ..ماتدري انه مايهمني اي حق لي منك ...

طلعت سلمت على عمه صيته ...حسيتها ماتبيني أرجع ...
وبعد الجده سلمت عليها .....وطلعت معه ...
أول ماطلعنا السيارة ...حرك على طول بنص الطريق ...

: ريوف
طالعته من غير مارد
: والله ودي انسى الماضي ساعديني عشان نعيش مرتاحين مع
بعض ..

قلت بصدق: مالي حاجه أخوي ان شاءالله يطلع قريب
واروح معه .. وأنت عيش مع الي مالها ماضي

أسامه: ريوف فكري بعيالك وش يطلع أخوي واروح معه بالله اخوك راح يقدر ينتبه لهم مثل ابوهم قرارك هذا ماهو صايب أبد

ريوف : عيالك لو يدرون انك كنت رافض وجودهم لدرجه تشربني منع الحمل بطريقة وقحه والله مايتمنوا انهم يعيشوون معك والله يستر بعد لايكون فيهن تشوهه من الحبوب الي بلعتني فيهن

أسامه بحده : اي تشوه مسويه سونار والحمدلله الدكتورة طمنتنا على صحتهم لا تجلسي توسوسي ..
وبعصبيه اكثر .اقسم بالله لو اسمع هالكلام ينعاد والله ماتلومي إلا حالك أقسم بالله ماهي حاله ماسكتها علي ذله كل مره تسمعيني نفس الكلام كنت رافض وجودهم وانتي تدري ليه رافض ...

ريوف حسيت بخوف من عصبيته من زمان ماشفته كذا معصب ...ضروي اطول لساني .. اسوي قويه وارد اففف الله يستر بس ..طالعت السيارة الي قدامنا وشوي ويضرب فيها صرخت برعب : انتبههه أسامه
أسامه قدر يتحكم بسرعة السيارة ..أشلون مانتبه انه مسرع والسيارة قدامه تمشي على مهل قال بعصبيه :كله منك
ماغير ترمي حكي يخلي عقل الواحد يضرب ...

ريوف
طنشته مارديت عليه ...له عين ينقهر من سواته الي كان يسويها معي ...يوم أقول له الحقيقه يزعل ...يالله تعدي مسافة الطريق على خير ...

قفلت عيوني وانا اتظاهر بالنوم عشان معاد يفكر يكلمني....

: ريوف قومي وصلنا

فتحت عيني استوعب انا وين ...يالله قلت بمثل عليه بالنوم نمت جد ..نزلت وأول مادخلت شقتي تذكرت الحلم ..يوم تقول ام اسامه انهم سلموها لصاحبها ....دخلت الغرفة. .. وتمددت على السرير ... حاولت أكمل نومي ...
بس ماقدرت .احس فيني جوع ..وقفت بروح اسوي لي فطور أول ماطلعت من الغرفة شفته قدامي نايم على الكنبه ....غريبه مانام بالمجلس ....
وهو متعود ينام فيه من بعد مافرشه ..دخلت المطبخ أمشي على طرف رجولي ...
اخاف أطلع حركه ويصحى وابلش فيه ...حده معصب حتى باين من نومته هنا يدور الشر .....
في المستشفى ...يناظرها وهو ضايق...
تعبانه حيل ...ضغطها مرتفع ...حده ..قال .بشفقه :يمه عسى عمرك طويل ليه كذآ متعبه حالك ..ريحي وهدي نفسك وأبوي ان شاءالله مابه شيء ..وان شاء اليوم يجيني العلم للي يفرحك
سكت يوم صدت وقفلت عيونها يحسها معاد تصدقه آه وش بيده يسويه عجز ..طرق كل شيء عشانه بس نفس الكلام أبوك قضيته كبيره حيا .....طالع بدريه ..وهمس لها :شوفي حاولي فيها تأكل الدكتور يقول لازم تأكل ولا بتتعب زود

بدريه بضيق :رافضه ي خوي والله ماتزين حالتها إلا إذا سمعت علم عن أبوي.. راح تزين نفسيتها

سآمي تنهد بضيق .. وطلع ...من الغرفة ...
..وباله مشغول عن غلا ...له أسبوع منهم ..
وهذي العنيدة ماطاب الي برأسها ...يروح وكاد بنته ناقصها شيء

@
@
@
@
@
عند غلا ...
أخذت المقاضي الي محتاجتها لطلبية . ام فيصل ..
طلعت من البقالة .. وانا .حزنيه على غرام بهذلتها معي ..بس
وش اسوي ماعندي حد يمسكها لي ...مافي إلا تخدم حالها ...
خافت لا تطيح الأغراض من يدها ...جلست تدعي ربي يساعدها يدوب بتوصل لباب بيتهم.. إلا هالمتهور مفحط عندها شوي ويلزقها بالجدار جت بتصرخ تسبه ...بس انصدمت من الي نزل ...سآمي ي ويل أهلي الحين وش يفكني منه .

نزل من السيارة معصب حده : آلحين وش مطلعك

غلا بقهر :لك عين تسأل اسكت بالله وبحده شوي وتطيرنا انا وبنتك متهور دوم ونزلت الأغراض وفتحت الباب
ناظرته بعصبيه يوم بيدخل معاها : خير مدرعم ..يالله فارق

سامي دف يدها ودخل وقفل الباب وصرخ بعصبيه :أقسم بالله
ماهو بصاحيه أشلون تطلعي لحالك وانا موصي عليك
وبعدين وشهوو الي طلعك

غلا بقهر : يعني اموت جوع لما حضرتك تطلع ماهو يقولون مختفي مدري ميت ومن اليوم ورايح بدبر نفسي والحمدلله بكرة بسوي أول طلبيه لي بعد رجعتي لحياتي اللي أحبها ....

سآمي رفع حاجب بقهر : ماشاءالله قلتي رجعتي للحياة الي تحبيها ..

غلا بقهر :ايه مدام بعيده عنك أكيد بحبها ويالله فارق ولاعاد اشوفك عند بابي ..
سآمي بعصبيه مسكها من يدها ولفها لها بقوه ....
غلا صرخت بألم وبعد خافت بنتها تطيح من يدها قالت
بعصبيه:ي مجنون فكني

سامي وهو صاك على سنونه بقهر:أقسم بالله سكت واجد عليك
ومكبر عقلي لآخر شيء ي غلا بس توصل تروحي للبقالة لحالك لا والله ماسكت وش تبي الحارة تقول عني يكفي مخيلك لحالك ..هنا وساكت ..ابيك تعقلي بس شكل عقلك ذا مصدي
وشكل تفاهمي هالمرة غير ....

غلا فكت نفسها أول مارخى يده صرخت بعصبيه : وش بتسوي يعني

سآمي بحده : لا تحديني على اقصاي غلا

غلا ناولته غرام بعصبيه : هذا اقصاك يالله خذها مابيها لا تذلني عليها ...وانا قدر ادبر عمري الحمدلله ويالله خذها معك وفارق ولا تجلس تنشب لي على الخرجه والدخله ..وخلني اترزق
وسكتت حست بقلبها يوجعها يوم أخذ بنتها . وهي تصيح بيده خايفة من اصواتهم العالية ....
قالت بصرخه : يالله فارق كفاية فضايح الجيران كلهم سمعووا

سامي عض شفته بعصبيه ..عاجر وش يسوي معاهاا...مايبي يمد يده قاطع على نفسه عهد ..بس زودتها حيل ..ويبي لها تكسير رأس ...والله لو حط حيله عليها راح تترقد بالمستشفى ..
نزل راسه لبنته الي تصيح .لو اخذها راح يحرمها وتعرف كيف
بعدها ...طيب أخذها مين بينتبه لها بذات بهالفترة الدكتور قال
...امه يبي لها ترقيد حالتها ماتطمن مع إرتفاع الضغط ولازم يتابعون حالتها ..تعوذ من إبليس و.ناولها بنتها وقال بحده : أقسم بالله لو ظروفي تساعد كان بتثمني هالحركه وراح تثمنيها قريب ولا ماكون ولد وافي ..واعطاها ظهره وطلع وهو معصب ..ركب سيارته
أخذ جواله بيطمن على امه ...بس انصدم من كمية المكالمات

الي بجواله وأكثرها لعمار ..بسرعة رجع يدق وهو يتمنى يسمع
شيء يسره عن أبوه ..يروح يبشرها .. ...
: هلا
عمار بصوت حزين : سآمي وينك فيه

سآمي بضيق : والله بالمستشفى

عمار قال بحزن : يعني دريت وانا توني ادري ..
ليه مادقيت علي ..وقتها
سامي عقد حواجبه مستغرب : ايش الي دريت عنه

عمار : يعني ماتدري في الي صار

سآمي بقلق : وشهووو تكلم

عمار بحزن : جابر اعطاك عمره وعبد الرحمن بالعناية في غيبوبه والله اعلم بحاله ماعندنا غير الدعاء له
سامي حس الدنيا لفت فيه من قوة الخبر : وش تقول أنت
عمار : اللي سمعته وانا اخوك
سامي وهو مصدوم : امس بالليل...يترجون فييني عشان اروح معاهم ....بس تعب أمي ردني

عمار بحزن :والله هذا الي صار كان يفحطون وقلبت السيارة فيهن وبعد معاهن معزز ثاني راكب وتوفى بس حتى آلحين ماعرفنا مين من اخويا جابر ....

سآمي قال بسرعة وهو مفزوع من الخبر: جاي جاي آلحين

@
@
@
@
@
@
@
في بيت ابو عصام
بعد الغداء
أول ماطلعوا العرسان ...
ريتآج قربت من امها .وقالت لها على الطلاق .

ام عصام انصدمت من كلام ...ريتاج ..ناظرت ابو عصام الي تأخر بنومته وتوها تغرف له.. يتغدا...قالت بتوتر: فكه منه بس شكل أبوك بيزعل وبعد ليه ماقلتي من أمس يوم رجعنا من العرس
ريتآج بضيق:مابي اسوي مشاكل قبل مايسافرون شوق وعصام

ام عصام على قد فرحتها بطلاق ...ريتآج ..بس خايفة ومتوترة من رد فعل أبوها ...عارفة جاسم
ونيته مايبي طلاقها من ولد ..أخوه .طالعت ريتاج تشفق عليها حيل تحملت عشان العيله بمافيه الكفاية همست لها يوم راح يغسل يده :قولي له عشان طلاقك لا يدري منهم والله ماغير يعصب

ريتآج هزت رأسها بلا وهي ضايقه :قولي له إنتي
مافيني أقول له خايفه يزعل ..

ام عصام تنهدت بتوتر أول مارجع على طول ناولته كاس الشاي وقالت بقلق من رد فعله :أقول ي ابو عصام عندي شي بقوله
ابو عصام ناظرها بجمود :خير اللهم اجعله خير

ريتاج حسيت الوقت أبد ماهو مناسب بذات أبوي أخلاقه قافلة بس أمي وش يسكتها ....

ام عصام بدون مقدمات : ولد خيك رمى الطلاق على ريتآج ..

ابو عصام نزل كاس الشاي وهو مصدوم :وشهووطلاق كذا بدون
مشاور

ريتآج
انصدمت من رد فعل أبوها وين الي كان معاها آلحين يكون رده كذا اي والله صادقة امها في كل كلمه قالتها قالت بضيق: ليه المشارو الي ابيه الطلاق والحمدلله تطلقت .

ابو عصام بعصبيه صرخ : مالكم كبير انتي وهوو قلتي له طلاق على طول طلق الرخمه

ريتآج بزعل وقهر :يعني كان لك نيه ترجعني يبه له

ابو عصام بعصبيه : مالي نيه ارجعك له بس موضوعك كان عندي وعند عمك

ام عصام بقهر: والله مدام الموضوع عندكم البنت بتجلس معلقه طول عمرها

ابو عصام صرخ بعصبيه : كلكم ماتفهمن حريم ناقصات عقل آلحين البنت جايه مطلقه وانتي فرحانه لها حسبي الله عليك من أم ...ماتعرف مصلحة بنتها

ام عصام وقفت بعصبيه وقابلته :حسبي الله عليك أنت وأخوك ماغير دمرتوا هالبنت ضيعوتها معاكم ..وهماك كنت راضي وآلحين جاي ومغير حكيك كله ....أكيد ضغط عليك بشيء سلطان خبيث ويقدر يقلب كل شيء بصالحه بس هالمرة طاحت على رأسه ....
ابو عصام قرب منها بعصبيه:والله إني مكبر عقلي على الآخر
عليك بس شكله صبري لهنا ونفذ ...وشكلك بتلحقي بنتك آلحين

ريتآج بسرعة وقفت بوجهه ابوها وهي تترجاه : تكفى يبه
اهدي ومسكت امها تبيها تروح لغرفتها ....

ام عصام قالت بكسرة نفس: آلحين بتطلقني عشان أخوك ولده ي حسافة بس على عمري الي عشته معك ..

ريتآج بسرعة مشت امها تبيها تبعد بالقوه أبوها معصب حده .دخلت امها الغرفة ...قالت بهمس وهي حزينه على أمها : ..اسفة يمه والله ماودي تصل بينكم لكذآ سامحيني يمه
ليتني تحملت وليد ولا صار الي صار ....

ام عصام مدت يدها وقربتها منها وضمتها لصدرها بحنان وقالت بصدق:عشانتس يمه اروح فدوه مايهمني شيء غير خاطرتس يكون طيب ....ويكفي فرحتس بطلاقتس من ولد سلطان

ريتاج عضت شفتها ..وهي تحاول تمسك نفسها تعبت من كثر ماتصيح ....آه يمه ..اي فرحه الي تشوفيها والله ماغير
قلب بنتك موجوع عليه ..وليته يستاهل ...مسحت دموعها وطالعت امها ...وقالت : تكفين يمه عشاني ماتردي على ابوي خايفة يصير بينكم شيء وانا أكون سبتكم ...

ام عصام بقهر : اسكتي لاتجيبي لي سيرته والله ماغير ادق على
خالك ثامر ويجي يأخذني وانفك من هالعايله كل أبوها

ريتاج صرخت بعتراض :لا لا يمه الله يخليك لا تدخلي خالي ثامر بالسالفة تدرين به متهور والله ماغير يزيد النار حطب ..
وسكت يوم شفت أبوي دخل علينا ....حسيت الدنيا تلف فيني خايفة لو جاي يكمل الي قاله تووو ..قربت منه وانا اترجاه : الله يخليك ..انك تهدى وإذا طلاقي مزعلك مستعده ارجع لوليد وبنفسي أكلمه اخليه يردني لذمته ..

.
ابو عصام بحده:خلاص قفلي السالفة وروحي لغرفتك بتفاهم مع أمك

ام عصام بعصبيه : مابيني وبينك تفاهم آلحين بدق على أخوي ويجي لي يأخذني انا وبنتي وأنت بالطقاق

ريتآج :يمه اهدي عشاني ..

ابو عصام بعصبيه : يقال تهددي آلحين

ام عصام بتهور مسكت الجوال :لا والله مااهددد وشوف آلحين

ريتاج بسرعة سحبت الجوال من يدها : يمه يمه تكفين لا تزيديها

ابو عصام حاول يهدي نفسه ويصر أعقل منها على كبر تصير
بينهم مشاكل وتصل لأهلها تعوذ من إبليس وقال : أقول ي مره تعوذي من إبليس و كبري عقلك

ام عصام بعصبيه : معاد بي عقل وانا اشوف بنتي بتروح حياتها بسبتك وسبة أخوك

ابو عصام زفر بضيق : يالله آلحين وش تبي خلاص البنت وصافه عندك انبسطي ...

ريتاج يوم شفت ابوي كنه يحاول يراضيها ..على طول انسحبت واخذت جوالها... معي على انه تقدر تكلم من تلفون البيت لو تبي...بس كذآ أخذته معي ....وانا عندي أمل واثقه ابوي ماراح يطلع من الغرفة غير برضاها ...اما لو صار العكس ..وكبرت بينهن والله ماتسامح نفسها ...ياربي ليه كذا حياتها معلقه بها العائلتين ..

غلا
زفرت بضيق عجزت في بنتها ...رافضه تنام ...وهي فيها النوم ..قالت بقهر : افف منك وش مسهرك ودي أعرف بس نامي الله يهديك ..بكرة وراي كرف وام فيصل ما ترحم والله ماغير تسندر رأسي لو تأخرت بطلبها آه ..رجعنا للطلبات يمه كله مابي أجلس انتظر متى أبوك يتصدق علينا ..
والله يخلي ام محمد حتى وهي بعيدة ..قلبها علي ...
صغرت عيوني بقهر ..وبعد تضحكين مبسوطه ..ودي أعرف على وشهوو ...حملتها وجلستها على حجري واهز فيها ..
نامي يمه تكفين ...انبسطت يوم حسيتها بدت تنعس ..بس فزيت بخوف وانا أسمع. .صوت الباب. . الخارجي يدق ....يمه من ذا
بهالحزه جاي ..حاولت اطنش ...والله لو آيش مافتحت له ..
وثواني وسمعت صوت طبه قويه ....بالحوش ..وقفت بخوف
وانا حامله بنتي ...وبسرعة ركضت للصاله بتأكد من الباب ..
بس وقفت بخوف... يوم باب للصاله.... بعد يدق ...يمه برجع لغرفتي بس وقفت يوم ميزت الصوت ...

: غلا افتحي انا سآمي

....زفرت براحه يوم سمعت صوت سآمي حطيت بنتي على الكنبه وفتحت الباب وانا معصبه : جاي بهالليل تكمل هياطك الي الظهر ... وسكتت وهي مستغربه متلطم بالشماع ورافض يفكه
لا رد عليها طنشها وجلس على الكنبه ..وحتى ماقرب من بنته
..قالت بشك : فيه شي الي يشوف حالتك يقول حد مات رفع نظره لها من غير مايتكلم قربت منه وقالت بتوتر : آيش فيه
سامي والدنيا ضايقه فيه وماسك حاله بالقوة قال وصوته مخنوق : اخوياي واحد مات والثاني ي خوفي يلحقه نسبة حياته مقدر يكمل كلامه العبرة خنقته .. نزل رأسه ..مايبيها تشوف دموعه ...رفع رأسه وقال بحسرة وهو يفك اللطمه : انا السبب كله مني علقته بالتفحيط ....وبعدها سحبت ..

غلا بصدمه :آلحين مات وهو يفحط ..

سآمي عض شفته بحزن: اي والله جابر ماهو يم التفحيط شغلته يعزز بس من حماس الدحمي راحوا .. فيها والله يستر على الدحمي لو صار به شيء اموت بعده هذا أخوي الي ماجابته أمي .

غلا وقفت بقهر :آلحين جاي بهالليل ومزعجني عشان اخوياك المعززين ..
ليتك معاهم شافته يناظرها مصدوم كملت بقساوه لا تناظرني كذا
كم ناس راحوا بسبتكم هااقولي كم ناس تبليتوا عليهم وهم ماشين بدربهم ...ولا لهم ولا عليهم ..وانتم فجأة تدخلوا على الواحد ومسوين تشطيف ويقال شجاعه وطناخه هيا شوف آلحين وش استفدتوا واحد مرمي بالمستشفى واحد مات .. وانت جايك الدور وخلي طناختك تنفعك بعدين وآلحين شوف معززينك وين هم فيه ..وآه .ماغير حسرة وغبنه على قلب الأهل ..

. سآمي
كل شيء توقعه منها بس تكون القساوة واصله معاها لها الدرجة .
قال بحسره : تتمني إني معاهم ..من جدك غلا

غلا حست نظرته كسرة خاطرها ولأول مرة ...ينكسر خاطرها عليه قالت بمكابرة :ايه لان الي تسووونه مايرضي الله
سآمي وقف وقال بقهر : غلطان يوم جيتك والله لايبلاني بقساوتك .. آه بس عض شفته بقهر وطلع بسرعة ..
قفلت الباب ...وجلست على الكنبه ..وهي تناظر بنتها ...تحس بندم لأول مره ..مهما كان ماتتمنى هالشيء ..له ..ولا لأحد بعد جلست تستغفر وتدعي للي مات ...والي مرقد بالعناية
في شيء وجعهاا حيل ...حملت بنتها ..وراحت الغرفة ..أخذت الجوال ودقت رقمه ...عضت شفتها بقهر يوم قفل بوجهااا .
آكيد بيقفل بعد الي سمعه ..قالت بضيق ..يالله وش فيني بعد انا زعلانه عليه ..خليه مع نفسه يزعل شوي ويرجع أعرفه سامي ..يغط ويرجع .. ..

؛؛
؛؛
وقف عند الإشارة وهو مقهور ...يعني آلحين يوم راح لها وش بيستفيد ..بالله بتهدي عليه ولا بتسمعه كلمه تنسيه ضيقته وحزنه على اخوياه ..يوم شاف رقمها قفل بوجهااا ..مايبي يسمع شيء منها ...خلاص هالمرة غلا طلعت من الخاطر ..
جواله رن مرة ثانية ..افتكرها هي بعد ..طنش حتى مارفعه يشوف مين ..بس يوم رجع يرن استغرب غلا ماتسويها يالله مرة وحده تدق وبعد زين منها ... مد يده ..وأخذه شاف رقم
اخته بدريه ..
فتح الخط
: سامي الحق علي سامي بسرعة أمي ماترد علي .. والدكتور عندها بس طردني من الغرفة .....والممرضة تقول بينقولها للعناية ....
بصدمه صرخ : وش تقولي

بدريه وهي تصيح :تكفى بسرعة والله ابي اموت من خوفي عليها
قفل بوجهاا واسرع في سياقته ..وبسرعة وصل المستشفى ..
.ونزل يركض وهو يدعي مايصير فيها شيء ..بس وقف يوم شاف بدريه تصرخ قدام الباب ....عرف ايش الي صار تقدم منها وهو يجر رجوله جر...يتمنى يسمع غير الي بتقوله له ..
أول ماشافته صرخت بصوتها كله وهي تصيح :الحق علي ي سآمي الدكتور يقول ماتت ...

سآمي رفع يده وقال وهو مصدوم : لا تقوليه لا تقوليه بدريه
وبسرعة دخل للغرفة شافهم ينزلون منها الأجهزة الي ركبوها لها ... ....
قرب منها وهو منهار حده :يمه تكفين لااااااا
بدريه وهي تصيح : يمه تكفين ردي على سامي ..تكفين يمه بدونك حنا ولا شيء ..

سامي وهو يصيح نزل رأسه على رأسها وقال بوجع : خدوج رجيتك ماتخيلني والله اوعدك بسوي المستحيل عشان ابوي بس لا تنقهري تكفين يمه ردي.. علي ردي حتى لو تهاوشي بس ردي صرخ بآه مكبوته يمه تكفين دنيتي بلاك ماهي شيء يمه . .
عارف انك تحبي ابوي بس ماهو لدرجة تخسري حياتك يمه يمه تكفين ....

بدريه كانت منهارة بقوه بعد ..يوم شافت حالة سامي ...
خافت عليه بذات يوم بيأخذون امها رفض وتحسه منهار حده ..مسكت فيه وقالت وهي تصيح :تكفى سامي لا تفجعني عليك انت بعد تكفى قوي حالك عشاني مالنا غير بعض آلحين ...ي قلبي ...خلهم يأخذونها ...وحنا ماقدامنا إلا الصبر..

سآمي ضمها بقوه وصاح ....بصوت عالي ..آه ي بدريه والله مافيني حيل عاد اتحمل الظهر بخوياي والحين بعز مخلوقه على قلبي ...أشلون عيشتي بدون خدوج آه يمه
بدريه ماقدرت تهدي عليه ...هي وجعها نفس وجعه ..
الي فقدوه .. شيء كبير مايتعوض ...آه يمه .. ي وجع قلبي على مفارقك .. ((لهنا وخلاص مافيني أكمل هالموقف يوجع حيل ))

@
@
@
@
@
@
اليوم الثاني
عند غلا
شوي ويأذن المغرب ...تحس حالها مقهورة ..حدها ..
ام فيصل وعدتها العصر تجي لطلباتها ...ي خوفي خسرت بقيمة الطلبات على الفاضي ...بس هين والله ماسكت عن حقي وآلحين بدق عليها ...أخذت جوالي ودقيت رقمها أول ماسمعت ردها قلت بعتب : طلبك جاهز ي ام فيصل بس ماجيتي له يكون كنسلتي

ام فيصل :لا وشهو كنسلت بس خجلت منك يوم ام زوجك توفت
توقعت مايمديك تسوي على المصيبه الي حصلت لكم

غلا
كنت اسمعها وانا مصدومه من الي تقوله ...ام زوجي توفت ..خدوج توفت ..قلت بعدم تصديق : وش تقولي انتي ام زوجي مافيها إلا العافية

ام فيصل : ي حبي لك فجعتك وانتي ماعندك خبر ..
والله توفت امس بالليل والحين اتوقع دفنوها خلاص ...لان ام عمر تقول بعد صلاة العصر الدفن والحين حنا كلنا رايحين
مع ابو جابر ...معطينه مشوار ..

غلا كنت مصدومه حدي من الي تقوله ...بس مافيني أقول شيء قلت والعبرة خانقتني : تكفين بروح معكم وبعطي ابو جابر المشوار الي يبه

ام فيصل :سامحيني فجعتك بس والله افتكرك عندهم بذات
بهالوقت ..

غلا قلت بضيق : تكفين عجلي في ابو جابر
وقفلت ..وصحت بقوه ..خدوج ماتتت ..تذكرت آخر موقف كان بينا حسيت بندم ..ليت احترمتها ...آه ي سامي وش وضعك آلحين والله ماغير قلبك موجوع آلحين. .محدن يعرف إلا الي مجرب فرقة الأم والأب صعبه حيل ...
بسرعة لبست على السريع .وبعد لبست بنتي ...ودقيت على ام فيصل ابيها تدق على ام جابر تستعجل على رجلها يودينا ....
@
@
@
@
@
@

في شقة أسامه
ريوف
من وقت مارجعت من الديرة ..وانا ضايقة ي زين جوو الديرة
وبذات الجوو راق لي اكثر يوم ...الجده صارت ماترمي حكي مثل أول ...ولا تجرحني ..مدري وش الي غيرها يالله الله يهدي ام اسامه بعد ..و.غريبة العريس مارجع من دوامه ....شوي وتجي سته المغرب العادة يرجع إذا ماعليه إستلام ..الظهر وينه لما الحين ...شكله مسير على الست أريج ..

افف طفش وينك ي عمه صيته والله الجلسة معاها وناسه والله لو
إني ماهو مستحية ..من شبيه اسامه ..كان جلست في الديرة
..ونشبت لها ....

طالعت الباب يوم حرك المفتاح ..شرف عريس الغلفة ..
شكله تعبان ..حيل ..

.دخل و.رد السلام وتمدد بتعب ..على الكنبه ....

ريوف رديت السلام بهدوء ورجعت اطالع التلفزيون. ..
مابي اسأله ليه تأخر ...ولا ابي انشغل فيه ...أبد بس مستغربه مادخل الغرفة ...يغير ملابسه ...طالعته بطرف عيني ...شفته مقفل عيونه ...معقول نايم..ولا تعبان .....وش قصته اليوم أول مرة يرجع من دوامه وكذا حالته ..هاا صح زعلان ماشاءالله له وجهه يزعل ...أحسن شيء يوم يزعل ...عندي ....
رفعت صوت التلفزيون ...بعناد ابيه يقوم يدخل ..احس بتوتر من جلسته هنا ...بس بعد ماقام : روح غير ملابسك ونام داخل عضيت شفتي بقهر يوم مارد عليه ...زعلة جدي

طنشته ورجعت اتابع ..بس طالعته يوم الجوال رن ...
شفته مد يده ...وأخذه من على الطاولة ...وناظره شوي وبعدها رد ....وهو يرحب
: هلا اريج

حسيت بغيض ..بعد صايرة تدق ...ولها وجهه ...آه بس ي كبر خيبتك ي اسامه فيها ...قربت ودي اسمع وش تقول له ...بس
قهرتني ضحكته ...

: هههههه ابشري ي بنت الخالة تدللي بس ..وبمرك الليله
ولا يهمك ...لا ايش دعوه وشهوله الزعل ..

مدري ليه حسيت بغيرة ...وهذا وهو مايهمني
والله من الحلم هذا هوو الي عفس حياتي كلها ....غير فيني أشياء واجد ...من ناحية هالمغرور ...
رفعت حاجب يوم شفته يطالعني ..قلت بقهر :خير

اسامه جلس وقال :وش فيك كني ذابح لك أحد

ريوف بغيض : انت الي جاي ومسوي زعلان وماتتكلم لا تحطها فيني آلحين

اسامه : طيب جالس أنتظر أعتذرك من أمس وانتي ولا معبرتني ...

ريوف ضحكت غصب عني : ي قلبي حالك ينرحم جالس بالصاله حتى ماغيرت بدلتك تنظر اعتذار
أسامه إبتسم : شفتي كيف
وقف بتعب : أخذ شور بس وبنروح مشوار خليك جاهزة

ريوف بسخرية : عيبك دايم تضيع ي الأخو توك واعد اريج
ماهو أنا

أسامه قرب منها ونزل نفسه شوي وقال : لا تطمني عقلي فيني وعدتها صح بعد ماقضي مشواري معك

ريوف .قلت بدون حس وانا اناظر عيونه :وش وعدتها فيه

اسامه استوى بوقفته وهو يضحك بصوت عالي : هههههههههه ي حبي لك بس ..يالله عشر دقايق أخذ شور واغير ملابسي ونطلع اوك

ريوف حسيت بغيض من ضحكته قلت : حرام تتأخر عليها مايرضيني هالشيء روح لها وخلك مني ...

زفرت بقهر يوم أعطاني ظهره ودخل ...أخذت جوالي
اطقق مع لطيفه ابرك ...بس رجعت رميته بقهر ..فيني شيء حارق قلبي مدري وشهوو ...فتحت عيني بصدمه. .يوم طلع من الغرفة كاشخ بالثوب قلت بسخرية : ماشاءالله مسرع أخذت شور وبدلت ...والله واتصال اريج نشطك وانت من يوم جيت وأنت رامي.. حالك على الكنبه حتى عاجز تروح لغرفتك

أسامه صغرعيونه وميل فمه : أقول ريوف مو ملاحظه صايرة كثير تذمري الله ي الدنيا كان ماينسمع لك صوت ويوم تشوفيني حالة ثانية تجيك ام الركب ..
ريوف وقفت بثقل...وقابلته بقهر :والله البركه فيك خليتني اخاف حتى من خيالي من كثر الظلم الي عيشتني به ومريت من عنده بعصبيه بدخل غرفتي ابرك لي ...

اسامه بسرعة مسكها وقال بهمس:اسف والله آسف

ريوف طالعته بقهر له وجهه يتأسف قلت بغيض : أنت تسوي سواتك وتقول آسف تفتكر الي سويته تكفيه كلمة آسف
ريوف
اسامه هز راسه بلا :عارف وربي غلطان. .حدي بس قلت لك قبل اعذريني حتى لو مالي عذر وويالله خلينا نمشي

ريوف.. قهرني أشلون .. أعذره وهو ماله عذر أبد ..ي ناس
بيجلطني هالرجآل قلت بقهر : وين بالله موديني الحين ولا يكون فعلاً بتسوي فيها العادل مدام بتروح لها بطلعها قمت تبي تطلعني بعد ...عشان ترتاح من تأنيب ضميرك الي توه صحي ماشاءالله ..روح زين ولا ناسي كلامك كله يوم رجعت لك آخر مرة واتفاقنا آيش كان

أسامه إبتسم :ايوه عليك نور ضميري توه صحي

ريوف قهرني احسه جالس يطقق علي ..سحبت يدي منه بالقوة بدخل غرفتي ...بس رفض يفكني قلت بقهر : والنهاية أسامه

أسامه سبحها معه للغرفة وأخذ العباية ولبسها هي بالقوة
ريوف سحبتها منه بقوه : افف خلاص بلبسها اكره يوم تسوي هالحركه
صغر عيونه بقهر : أجل مدام تكرهيه وشهوله العناد

..عضيت شفتي بقهر و.لبستها ومشيت معه مدري وين موديني هالخبل ...
آه مافيني قوه عليه مقدر ارفض ...دايم الي يبيه يمشي ....
أول ماركبت السيارة...قلت بقهر :ودي اعرف وين اريحين فيه

أسامه بهدوء :خلي الفضول الزياد عنك

ريوف لفيت رأسي بقهر وجلست اطالع الشارع ..طلعنا من الحي الي ساكنين فيه لا يكون رايحين لأهله ...والله مافيني بعد آخر مشكله. .. صارت كرهت روحتي لهناك قلت معترضه :من آلحين أسامه لو نيتك نروح بيت أهلك والله مانزل

اسامه بطفش : يالله منك اش فيك كذا صايرة ماعهدتك بالأسلوب

ريوف بحده:اسامه الله يخليك وين موديني

حسيت بعصبيه يوم رجع طنشني ...ورفع صوت الشيلة..بعد.
مديت يدي وسكرتها شفته يطالعني بعصبيه هذي المرة بس وقويت حالي و قلت بتحدي : ماراح اسكت حتى تقول وين رايحين له
اسامه بقهر رفع الشيله وقال بتهديد : لو فيك خير عيدي الحركه
وصرخ بقهر خلاص ي بنت دقايق وتعرفي

ريوف سكت .. يوم جحدني بنظره وبدا صوته يرتفع وبعد تهديده الي مثل وجهه ..بس دخلنا حي أول مره أدخله. ..تنهدت براحه. ..يعني ماهو يم بيت أهله ...هذا اهم شيء عندي ...بس وين ي ترا
افف لايكون لبيت خالته وهناك أريج ...أكيد بيسوي فيني دقه ولا حركه بايخه ...ادري فيه قاسي ومايفكر بمشاعري وايه بعد شكل الدلوعه مارضت عليه إلا أعتذر منها ومن أمها عشان اخر موقف صار . قلت بشك: لايكون بتوديني لأريج والله اذبحك اسامه

اسامه ضحك بصوت عالي :وين الله يعطيك عقل بس هههههههه الله المستعان وصلت الحالة فيك لكذا لا لا وضعك صعب ..

ريوف بقهر :طيب قول وريحيني افف رجع طنشني ..بعدها وقف السيارة عند بيت حلوو مره ..قلت بخوف وبعد الشك لاعب فيني لعب :بيت خالتك صح أسامه تكفى لا تذلني الله يخليك

أسامه قفل السيارة وطالعها : ماهو لهادرجه ريوف انزلي وخلي عنك الأفكار الخايسة هذي ...والي قدامك رجآل ومايرضى على أهله المذله
ريوف نزلت معه وانا متردده ..فتح البوابه. .دخلت معه ...طالعت الحوش بإعجاب...كان كبير حيل .....
طالعته مستغربه : ليه جايبني هنا ....وبيت مين

أسامه مد يده وقال بهمس :تعالي ...

مشيت معه ودخلنا الفله ...فتحت فمي بصدمه من جمال التصميم ...كانت خالية من الأثاث ..وبعد جديدة توها ريحة الدهان ماسك فيها ...
اسامه وهو يناظرها كيف مبهوره وده يضحك عليها بس خاف
تزعل بذات هالفترة صايرة حساسه حيل قلت وانا أتمنى تعوض الي سويته فيها ويكون لي أعتذر بعد عن كل شيء : أعطيني رأيك

ريوف طالعته وانا مقهورة والغصه بحلقي ..آلحين جايبني هنا عشان يخليني أشوف بيت اريج...أكيد وبعد يطلب رأيييي..يالله عليك ....لفيت بطلع وقلت بغصه : الله يجعله سكن العافية لك وللعروسه ...

بس حسيت ببيده توقفني و تلفني له قال بهمس وهو يهز رأسه بلا :قصدك يجعله سكن العافية لي ولك ..ي ام شهاب
او الصدق يهنيك فيه هذا لك وحدك انتي وعيالك هديه مني لك
وشغل الأحلام والأفلام الهندية لعاد تخافي منها خذي الضمان الحين وبإذن ماينزل رأسك وانا حي أو ميت

فتحت عيني بصدمه ...هالبيت كله لي أسمعه يتكلم ..بس كنت
مصدومه وبعد ماهو مصدقه...قلت وانا تحت تأثير الصدمه :
هالبيت الفخم لي انا

اسامه ابتسم بحب :اي والله لك وماهو لغيرك
وطمني آلحين راح تعيشي فيه وانتي معززة مكرمه ...

ريوف طالعته وقلت :آلحين أخذت لي البيت بعد الحلم
خايف من أهلك صح

اسامه بضيق من تفكيرها :لا ماهو لهادرجه امس حالمه واليوم
أخذه السالفة ماهي بهالسهوله لي سنه وشوي اعمر فيه و سبحان الله كان موعد استلامي للبيت قبل أسبوع بس انشغلت ..واليوم جلست للمقاول من الظهر والحمدلله استلمت المفتاح وشوفي قدامك يصفر وبخلي الأثاث لك خذي الي تبيه وعلى ذوقك وابعدي الأفكار. .السودة عن أهلي... صدقني لو صار فيني شيء ماراح يقصرون معك لا تخلي حلم يشكك فيهن ...أبوي قلت لك يخدم البعيد مابالك القريب ..وامي ماهو بهالقساوة صدقيني ..صفي النيه ...

ريوف :ابوك فعلا يمكن ظلمه الحلم ام امك لا والله ...

أسامه بزعل :بالله وقته آلحين خلينا بالبيت و أعطيني رأيك بس ..

ريوف طالعت البيت مومصدقه انه فعلاً لي ...بس والله ماحسيت بفرحة... مدري ليه لأنه من أسامه ..احس بينا كسر ومستحيل
يجبر ...

أسامه يوم طولت تتطالع البيت وترجع تطالعه قال بأبتسامه :هااايش رأيك بالهدية عندي فضول اعرف ..

ريوف طالعته وقلت بصدق : ليت هالهديه جتني من أخوي سمير كنت بقبلها وانا في قمة سعادتي وراسي بعد مرفوع
ماهو من الي ذلني .....

أسامه بسرعة مد يده وسكر فمها مايبها تكمل ..قال بحده :وصل شكرك .. ويالله ارجعك البيت وراي مشوار ...
ريوف
مشيت معه ..وانا باقي ماهو مصدقة هالبيت بكبره لي ..
وبعد مين الي معطيني سبحان الله مبدل الحال ....أول ماركبت السيارة قلت : ليت تشاورتني في لون دهان البيت من برا أحس لونه ماهو حلووو والله شوي وافكها ضحك على النظره الي ناظرني فيها ..حسيته معصب من قلب ..والله ينطبق علي المثل شحات ويتشرط .. اخخ يسوق وهو زعلان حده ..مدري ليه احس براحه يوم اشوفه زعلان ...ودي قلبي يبرد شوي ...قال آيش وراي مشوار ... غبي بتلعب بحسبتك اريجوه ....
أول ماوقف السيارة قدام العماره ....مسكت يده يوم شفته بينزل قلت بسخرية :حلفت ماتنزل حرام تتأخر أكثر على حبيبة القلب ..وانا ادل الشقة ماعلي خلاف ...
أسامه بجمود:أجل تفضلي ...

ريوف
حسيت بقهر يبيها من الله عشان يطير لها ....افف نزلت
واتجهتت للشقة ..بس وقفت بقهر صدق اني غبيه ماعندي مفتاح بسرعة برجع اقوله قبل يمشي بس شفته جاي ...وهو معصب
وقفت انتظره يفتح لي الباب .......

أول مافتح دخلت ..بسرعة ..لغرفتي فكيت العباية ...

طالعته يوم دخل وراي .. جلست على السرير مطنشه ..وجوده .
شفته اتجهه لدولاب ..وطلع شماغ ..وجلس يتشخص عند ... التسريحه مد يده وسحب العطر .وغرق حاله ..حسيت بغيض ..صرخت بدون حس : خلاص ارحمنا شوي وانكتم

اسامه وجهه العطرعليها وبخ بعناد وقال بسخريه :وانتي بعد ارحمينا من هالعصبية الزيادة ...الي أبد ماهي لايقة على شخصيتك

ريوف صدق جالسة اتظاهر بالقوة وانا ميته رعب منه ...بس في نفس الوقت من يوم طلعت برائتي له ...صرت أقدر اتكلم وارد عليه حتى لو اخاف منه .ومن اليوم ورايح ماسكت عن حقي ..قلت بقهر :روح بس الحين تحصلها ميته عليك وهي تقلد صوتها ..ي قلبي تأخرت عليه واجد ي شين الدلع الي ماهو لايق بس
أسامه إبتسم على جنب ورفع يده ويناظر ساعته الفخمه : اي والله تأخرت يالله بحفظ الله وبسلمك عليها ولا يهمك وحرك حواجبه يقهرها ..

ريوف بقهر: ايه تكفى لا تنسى ...بموت لو ماوصلت سلامي

أسامه :ماعليك بيوصل بيوصل ...

ريوف
ودي ارميه بالجوال ...وينكسر خشمه ...
تمددت بعد ماطلع ...وانا احس الم في بطني غريب أول مره أحس فيه ....حسيت بخوف ...ياربي باقي بالسابع وانا كذا تعبانه أشلون لو اصل التاسع ...حطيت يدي على بطني وقلت بهمس : ابوكم اليوم طلع كريم ومعطيني هديه فله مره وحده اقبلها ولا ارفضها ...
امم بقلبها عشان خاطركم بس ....ولأنها أنتم احق فيها من الي رايح لها آلحين ...
في بيت ام فهد
؛؛
؛؛
؛؛
أريج ..
طالعت حالي في المرايا ..وانا اتأكد من كشختي ..
زودت الروج ..والعطر...والله لا اطيح غرورك ي سيد اسامه
واخليك. ..ماتشوف إلا أريج واي شيء ماتصدقه فيني. ..وانت ي رائد هين انبسط آلحين الوعد قدام ماغير انغص عيشتك ....
دخلت المجلس ...ردت السلام بخجل مصطنع
اسامه ..رد السلام بهدوء

ام فهد وقفت : يالله اخليكم مع بعض الله يسعدكم يارب

أريج بدلع مسكت يد امها : لا يمه أجلسي ..

ام فهد ضحكت : ي قلبي ي بنتي خجلانه منك ي أسامه

اريج بدلع : حيل

اسامه قال بأبتسامه : افف وشهوله الخجل ي اريج

ام فهد :يالله عن اخليكم والله يعينك على خجل بنتي بتتعب معه هذي هي من يومها خجوله وتستحي من ظلها بعد ..الله يتمم لكم

أسامه : ماعلية ي خالة مصيرها تتعود علي وان شاء الله
ماتشوف إلا الي يسعدها

أريج أول ماشافت امها طلعت ...نزلت رأسها يقال خجلت أكثر عرفت شخصية اسامه .. دور القوه والتحدي.. ماينفع معه ..وأكبر دليل يوم الملكه.... قالت بتمثيل يوم رفعت راسها وشافته يناظر فيها : خلاص لا تناظر كذا والله أقوم واخليك

أسامه وقف وجلس قريب منها :افاا تقومي ..وهذا وانتي الي عازمتني ..

أريج بهمس : ماما قالت لي اعزميه ولد خالتك إلا انا نووو مستحيل اسويها

اسامه بزعل مصطنع :بعد امك الي قايله لك تعزميني وانا جاي مع وجهيي فرحان ..
أريج بخبث : سوري اسامه لا تزعل .مني انا يالله رضيت عني ماتصدق قد ايش يوم دقيت عليك وقلت انك موزعلان وقبلت العزيمة ..

أسامه :ي شيخه وش ازعل ماعليك ...بس والحين مالك نيه تخلينا نقدم الزواج ..ضروري لشهر 12 كل شيء جاهز وشهوله بالله التأخير ...

أريج بدلع:مقدر أسامه الي في بالي يصير لها الليلة يبي لها شهر وزود ..
ابي وقت عشان كل شيء يطلع مرتب مدت بوزها بدلع ولا تبي
ليلة عمري تخرب يرضيك

اسامه : اوك بس هاا ماهو تطولي زود وسكت يوم رن جواله

اريج ميلت فمي بسخريه يوم حوله صامت و مارد قلت بفضول :ريوف الي داقه وسحبت عليها....

أسامه رفع حاجب وقال بحده :لو ريوف ماسحبت عليها ..

أريج بزعل :ليه يوم اجيب سيرتها تقلب كذا يوم الملكه والحين بسرعة تتحول ....وانا آلحين ما طريتها بشيء شين عشان تزعل عارفة انك تحبها أكثر مني ..

أسامه قاطعها :مين قالك آلحين زعلت بس قلت الصدق لو ريوف ماسحبت عليها والحب كلن بيكون لها غلى بقلبي لا تشيلي هم ..والي داق .المقاول .ماهو وقته آلحين اكلمه
لأنه بيسأل لو فيه شيء ناقص لأني اليوم رحت شفت البيت ...

أريج : امم قلت لي المقاول الي داق متى بتكمل تشطيب بيتك ....امي قالت لك حول السنه تعمر وباقي ماكمل ...

اسامه :خلاص اليوم استملت المفتاح مابقي شيء غير الأثاث خليته على ذوق ريوف لانه لها ولعايلها وانتي ان شاءالله حالياً بنسكن بشقة وراح ابني لك .. بس ظروفي تزين الحين البيت هذا أخذ مني الي وراي وقدامي ....ومالك إلا الي يرضيك ..
أريج بسرعة : لا مين قالك بسكن بشقه ولا ابي بيت لحالي
خالتي تبيني اسكن معاها وانا مافيني اردها أسامه ..أمك تموت فيني ..وتقول امنيتها تشوفني زوجتك ونسكن معاها ...

أسامه :لا صعب بيت أهلي فيه رائد وزوجته صعب نسكن معاهم ماراح نرتاح ولا هم بعد

اريج بقهر منه هذا الي بخرب عليها روح شيخ من قال بأخذ راحتي معك طير زين .قالت بمحاوله : وين رائد واسيل خالتي تقول بينتقولوا للملحق هذا الأسبوع عشان الست أسيل تشكي من صغر الغرفة ..حرام خالتي ضايقة بتكون لحالها ....

أسامه قال بضيق :حتى لو بالملحق بعد موجودين وليه امي تضيق لطيفه عندها ورائد وينه فيه بينهم باب بس ....وصدقيني ماراح تأخذي راحتك وراح تتضايقي ...

أريج عضت شفتها بقهر هذا أشلون يفهم..هي وافقت على خشته عشان تقرب من رائد يقوم يبعدها ... تذكرت يوم قالت لها لطيفه عن حبه لاسيل قالت وهي ناوي تستفزه عشان يوافق : قول انك ماتبي تسكن بيت فيه كان الي تحبها خلاص طلع أسيل من رأسك ودس على قلبك وخلنا نعيش عند امك هذا طلبها واجب علينا ننفذه .

أسامه حس بصدمه من كلامها قال بعصبيه:ياليت الكلام هذا
ماينعاد لمصلحتك أريج وطلعي من راسك اي شيء قذر آلحين أسيل زوجة رائد وماشوفها إلا حسبة أخت ...

أريج حاولت تنزل دمعه ولو نزلت من قهرها منه : وش اسوي احس قلبي محروق وانت تحبها وماتبي تسكن بيت أهلك عشانها لا تلوم الي تغار عليك ...وميته فيك بعد

أسامه بحده: خلاص اريج قفلي هالسيرة وراح نسكن بيت أهلي مدام هذي رغبتك بس هاا من آلحين أقولك لاتجي وتشكي بعدها ..وقف بزعل يالله مع السلامة ....
اريج بسرعة وقفت ومسكت يده بجراءة وقالت بخبث: ماعشت يوم تطلع وانت زعلان آسفة اسامه حق علي بس تعرف غيرة الحريم بس آلحين اثبت لي انها ماهي في بالك ..تكفى ماتطلع من هنا غير اشوف ابتسامتك ...

أسامه : اوك وابتسم لها يالله بحفظ الله

أريج بدلع :وين وين اجلس بس محضرة لك عشا يحبه قلبك ..
وبسرعة ركضت للباب : اعطني عشر دقايق بس ... ارجع لك

@
@
@
@
@
@
@
@
عند غلا
بعد ماراحوا الحريم ...والبيت فضي ...
قمت نظفت البيت ....وطالعت بدريه الي ممدده على.. الكنبه قلت بحزن عليها : بجيب لك شي تأكليه وبعدها روحي نامي بالغرفة ..

بدرية جلست بتعب : مالي نفس ودي بس انام بس قلقانه على سامي متأثر حيل
والله جالسة اصبر حالي عشانه ....آه يمه فراقك حيل يوجع

غلا وهي تطمنها :ماعليه يوم يطلعوون من عنده اخوياه بجلس معه روحي نامي ....أول ماقامت ..كملت تنظيف البيت

..وجلست ارضع بنتي ....الي توها تهجد مع زحمة الحريم فتحتها صياح بهذلتني معاها ....سحبت الجوال ..بناظر الساعة اف ..شوي وتجي 12 ..تمدتت بتعب على الكبنه ...بس شفت بدرية طلعت من الغرفة بسرعة جلست وقلت : محتاجه شي

بدرية بتعب : لا بس دقيت على سامي وقال اخوياه راحوا ..وهو بالمجلس لحاله بروح اشوفه وبعد بسوي شيء يأكله من امس رافض يحط شيء بفمه ..

حسيتها أم لسامي قلت بشفقه عليها وعليه :روحي ارتاحي وانا بشوفه
بدريه : تكفين غلا تراه محتاجك حيل ...
غلا عضيت شفتي : ولا يهمك روحي بس ارتاحي
وقفت محتاره يوم دخلت الغرفة ...والله مالي وجهه اقابله ...بعد الي قلته له ....
حملت غرام وكاد يشوفها يطيب خاطره شوي ..اتجهتت للمجلس ...أول مادخلت ...شفته قدامي ممددد...على الأرض ومسند رأسه على المسنده ...وشماغه على وجهه ..
قربت منه وجلست .بهدوء قربت شوي أكثر وقلت بهمس:سامي ..وانا ارفع الشماغ عن وجهه ناظرني وهو ماهو مصدق ..حسيته مصدوم ..بس آه ي نظرته توجع حيل عيونه ...صاير دم ...من لونها .قلت بغصه : عظم الله أجرك وتصبر عشان أختك الحين مالها غيرك والي خابرته انك قوي

سامي أعطاها ظهره من غير مايرد عليها ...
عضيت شفتي وانا متفشله منه..قربت غرام منه ونزلتها له أخذها مني .قلت بهمس :دقايق وراجعه

طالعها بحده : لا ترجعي
؛؛