رواية أعشق أنانيتك عندما تتمناني لك وحدك الفصل الحادي وستون 61 - بقلم nona_A

&
وقف وهو مصدوم ...ويحس الدنيا سودة بوجهه ...طالع خويه ونزل رأسه. ..للورقة وهو يقرأ الاسم مرة ثانية. ..في إستراحة ومع تأجر مخدرات... قويه ي رايج قويه حيل..بسرعة طلع من المكتب ..ومن المركز كله ...أول ما وصل سيارته ركب ودق رقم فهد وقال بعصبيه:بسرعة فهد تعال انتظرك بالمركز وقفل من غير مايعطيه فرصه يتكلم ...ماهو قادر يسمع شيء آلحين. ..نزل راسه على الطاره وهو باقي مصدوم ..
رفع راسه على صوت ..الدق على الرديشة.. نزلها شوي ...

:قال بصوت قلق: عسى ماشر تحس بشيء

طالع العسكري الي ماسك خفارة قدام البوابه هز رأسه بدون صوت وقفل الدريشه ..شاف سيارة فهد وقفت وجواله رن رفض يرد عليه ارسل له(( أدخل المركز وتعرف ))
رد عليه بسرعة ((وش يعرفني أسامه قول ايش فيه مدام ماهو راضي ترد علي))
طالع المحادثه رجع كتب له ((والله مافيني أقولك بس أختك سودت وجيهنا شوفها محجوزة بتهمه قذرة مثلها و الله يعينا على هالمصيبه الي سببتها لنا ))

وحرك سيارته.وهو معصب ومصدوم وحالته أبد ماتسر ..اتجهه للبيت قبل ينزل لبيته جواله رن شاف رقم فهد فتح الخط ورد عليه بكلمة وحدة: لاتجرجني ي فهد أختك غلطت تتحمل غلطها وقفل ....رجع جواله يرن ويرن بس طنش ...
مجنون لو فكر بس يساعدها ...والله ماهو انا الي ينلعب علي ي اريج والله لا أخليك تخيسي بالسجن ...
تذكر الكلام الي ترميه ريوف ...كان ..من فترة لفتره وبذات يوم
ملك عليها قالت ملكت على الي بترفع رأسك مبروك على هالشرف ...قالتها وقتها بسخرية بس أبد مافكر في كلامها وقتها نزل معصب ..بيعرف أشلون عرفت بأخلاقها وخبت عنه .....
@
@
@
@
@
@

.زفرت بتعب ودي انام لو شوي بس ..كل مابديت اغفي معاهم وأحد فيهن يصيح وبذات لو صاحوو جيمع ....هنا صدق شوي واصيح معاهم ..
طالعتهم بحب الحمدلله نايمين الحق انام معهم شوي ..بس فزيت بخوف من فتحة الباب قلت بقهر وانا صاكه على سنوني:مجنون تفتح كذا وانا يالله قدرت انيمهم ..
.بس سكت يوم شفته قرب مني وهو معصب حده حسيت بتوتر وخوف كان وضعه ماهو طبيعي أبد قلت بهمس : ايش فيه أسامه ....
اسامه بعصبيه صرخ وهو يمسكها من عند رقبتها: عارفة كل شيء وماحذرتيني لهالدرجة تبي تشمتي صرخ وهو يشوف
الخوف بعيونها أنتقمي ي ريوف بس مو كذآ بدت تكح مخنوقه فكها وقال بغصه ليه ماقلتي عن أخلاقها...

ريوف
كنت مصدومه وخايفة بنفس الوقت ...ايش فيه الرجال حاله كذآ و يوم مسكني من عند رقبتي توقعت أموت بيده ...وماصدقت يوم فكني حسيت حالي ماهو مصدقة اني باقي عايشة صرخت بقهر وألم :مجنون كان بروح فيها. ..

أسامه بعصبيه : قولي كيف عرفتي

ريوف بصرخة : وش الي عرفته

اسامه بعصبيه : انتقامك خسيس حيل ابو عيالك مفروض ماتفكري تنزلي رأسي بهالطريقة ...حذريني ي شيخه على الأقل

ريوف حسيت حالي انا الي بنجن منه وش يقول ذا وش الي عرفته وبعد اي انتقام بصرخه : اي انتقام سكتت يوم رجع هجم علي ..ومسكني من عند كتوفي وهو يقول: مع مين شفتيها
ي ريوف ولا تحاولي تنكري أذكر تلاطيشك بالحكي عنها بس قلت غيرة نسوان ...وأكيد تقولي كذا عنها

يوم قال كذآ عرفت مين يقصد بتوترهمست له:مادري بشيء ولا شفت شيء وإذا كشفتها على حقيقتها لا تجي وتحط علي وبصرخة قهر قال ايش غيرة وعلى مين عليك أغار
ومهما وصلت الغيرة ماتوصل إني اتبلى على شرف ..ي أسامه
بس أنت طول عمرك غبي وماتشوف الي حولك إلا على فهمك تشوفه والله بعض مرات أقول أشلون ضابط ويقدر يكشف حقائق

أسامه بعصبيه قاطعها : خليني من هالكلام كله ولاتنكري انك كنتي عآرفة أخلاقها ال***** ..قولي مع
مين شفتيها بس هذا الي ودي اعرفة وبصرخه أقوى لاتحاولي تنكري بسرعة انطقي

ريوف
خفت من عصبيته ..مدري أشلون كشفها الله أعلم. .وبعدين المجنون ذا وش يبيني أقول له بالله كشفتها وهي تكلم أخوك لا ريوف ...رائد سوا معك جميل يوم تنازل عن أخوك. ..والرجال شكله تاب والدليل ...أسيل مرتاحه حرام اخرب عليهم قلت بصوت عالي عشان يفك عني :ماشفتها مع أحد ولا أعرف شيء عنها ومدام أنت عرفتها على حقيقتها انا وش دخلني فكني
ي شيخ من بلاويك أنت وبنت خالتك اقصد زوجتك
قلتها بتشفي ...

أسامه بعصبيه صرخ: ماهي بزوجتي ولا بنت خالتي وكذابه تدري بكل شيء وكنتي متشوقه لزواجي كله عشان تكسري عيني اي زوجة انتي

ريوف
ماعاد فيني امسك اعصابي آلحين اريج الي غلطانه جاي حاط
علي انا وش دخلني قلت بحقد: ايه بكسر عينك وانزل رأسك بعد وبعدين سبحان الله تذكر قبل قلت يوم انكتب آسمي جنب إسمك صار رأسك واطي آلحين صدق جت الي وطته ي أسامه ويالله أبعد بشرك عني أنت والي رفعت رأسك فيها وكملت بشماته ماشاءالله على الشرف الي شرفتك هي بنت خالتك المصون أستغفرالله الشماته ماتجوز بس فرحانه فيك أسامه ودي ..أحتفل بعد ..تصدق إعتذارك كله مافاد ولاهالفله الي هديتني هي بردت قلبي
بس آلحين والله حرقة قلبي انطفت روح الله يقهرك زود ماقهرتني
..

أسامه طالعها وهو مكسور ..ومقهور وآه من قهر الرجآل قبل
تكون زوجته تكون من أهله شرفه ..وآلحين ريوف بكلامها والشماته الي يشوفها بعيونها زودت عليه ...أعطاها ظهره وطلع ..سحب جواله من جيبه يوم رن طالع رقم أمه مافيه يرد عارف آيش تبي منه ...رجعت دقت مره ثانية قفل عيونه بصبر ورد
:بصوت مكسور أكثر منه: أسامه مالي وجهه بس تكفى عشان خالتك سوا اي مصيبة وخلها تطلع وبعدها طلقها وعد معاد أدخل بحياتك يمه تكفى طلبتك خالتك آلحين وصلت منهارة حدها يمه اكسب فيها أجر فهد دق علي يقول رفضت تسوي شيء

أسامه بحقد:قولي لخالتي وفهد بنتهم مثلها مثل غيرها غلطت تتحمل .وقولي بعد لهم والله لو حتى افرجو عليها انا الي بلفق اي مصيبه لها وبسجنها وحده مثلها ****ماتستاهل تطلع ويالله يمه بقفل معاد فيني اتحمل يكفي ال شفته ... من بنت أختك ال****
ام أسامه برجى وهي تطالع أختها الي تصيح: يمه عشاني

أسامه بضيق: يمه آسف وليت طلبك بشيء ثاني ويالله بحفظ الله وقفل

نزلت جوالها وهي حزينه على حال أختها وعلى حالهم جميع الي سوته اريج نزل رأسهم للأرض. ..جلست جنب أختها وبحزن
: سعاد اوعدك يهدا شوي ماراح يقصر صدقيني أعرفه اسامه. ..
آلحين معصب والله يلوم الي يلومه بنتك سودت وجيهنا

ام فهد قالت بحسرة :بنتي مظلومه أكيد

ام أسامه طالعت بنتها الي أبد ماهو براضيه كان على هالزواج ليتها سمعت كلامها ..وماتدخلت في حياة أسامه. ..اريج الي سوته نزلت رأسها وفشلتها بذات من ريوف ...الحين وش بتقول بنت أختك الي سعيتي عشان تأخذ ولدك شوفي كيف سوت فيكم.آه مابقي من العرس غير ايام حسبي الله عليك ي أريج ...
طالعت أختها يوم ضربت خدها وهي تصيح : كله من هالريم الي لعبت بعقلها

لطيفه بقهر : ي خاله أشلون لعبت بعقلها بالعقل اشلون تطاوعها وتروح معاها مكان كل شباب أستغفر الله بس
ام فهد ضربت في وجهاا زود وهي منهارة : هياا خذي واسمعي بنتك ي وخيتي بدت بالشماته أجل الناس وش يقولون نزلت نفسها لرجولها تكفين أمشي خلينا نروح لبيت أسامه وخليني اقنعه يسوي اي مصيبه ...ويطلعها

ام أسامه انحنت وهي تبعدها عن رجولها :سعاد الله يهديك ماهو كذا وان شاءالله الحين نروح له ...وطالعت لطيفه كلمي الشغالة تخلي السواق يجهز السيارة ...بسرعة

@
@

@
@
باقي مصدومه وماهي مصدقه الي صار ...توقعت تنكشف بس ماهو بهالسرعة ...حست بألم بحلقها مكان مسكته حاقده عليه بقوة ..مقهور ليه خبيت عنه ..مجنونه أقوله هذا الي ابيه ودي فيه اشوفك مذلول مثل ماذليتني ... .بس ودي أعرف كيف كشفها..قفلت كتل الساخن وعبت.. الترمس بتطلع غرفتها ...عند عيالها ماتبي تتقابل معه بس وقفت مكاني يوم رن الجرس وثواني وسمعت صوت ترجي وصياح ..حطيت الترمس على الطاولة وطلعت من المطبخ انصدمت من المنظر ام أريج
طايحة عند رجول أسامه ...

..: تكفي يمه وقف معنا وبعدها طلقها سوي الي تبي بعد فيها بس طلبتك طلعها فهد يقول رفضت تساعدها يمه ترضاها علينا
يمه روسنا بالأرض والله مالنا وجهه لو انحبست ...

أسامه بحده :الي مثل بنتك مكانه السجن جزها وأقل من جزاها

ام أسامه بعصبيه :أسامه خلي آلحين الكلام هذا كله وفكر بسمعتنا
أسامه بصرخة وهو مقهور :أشلون اطلعها بالله وهي ماسكينها على الجرم المشهود .. تكفين يمه وي خالة ماعندي شيء اساعدها فيها ولا تحرجوا نفسكم معي

ريوف افف سجن مرة وحدة قربت منهم وقلت بشماته وانا اطالع ام أسامه :ساعد بنت خالتك وزوجتك بعد عيب عليك تخليها بالمواقف الصعب إلا هي وش سوت بالله ..عشان تنسجن

أسامه طالعها وعض شفته بقهر : روحي غرفتك ولا تتدخلي بشيء مالك فيه

ام أسامه طالعت ريوف ...تحس الشماته واضحة عليها ..
حست بقهر أريج نزلت رأسهم بالأرض بعصبيه وهي تناظر أختها :امشي الله يسامح بنتك خلت الي مايسوى يحكي عنا وأنت
ي أسامه لو تبي تقدر تحلها بتحلها لا تقول قانون ومدري
وشهوو بس ي حسافة بتشمت الكل علينا ....وبعصبيه وهي تضرب صدره خلي عنادك وحقدك آلحين وفكر انه شرفك قبل كل شيء وتذكر قبل تكون بنت خالتك مرتك
أسامه نزل رأسه للأرض مقهور ...آه الي ذابحه انها مرته الله يأخذها ...

ريوف ابتسمت بستفزاز لهم : والله حالكم ينشفق عليه مرة مصدومين ماتوقعتم وأحد بالمية .. تسوي فيكم دلوعتكم كذآ الله لايبلانا وضعكم صعب حيل يالله أسامه سوي شيء وانقذ سمعتكم الي صارت بالتراب ...يآرب الستر
.
أسامه بعصبيه : ريوف انكتمي وروحي غرفتك واتقي شري أفضل لك ..

ريوف
جلست بعناد ..هذي فرصتي أخذ حقي منهم ياما انذليت منه ومن أمه ذي الي شايفتني حشرة عندها
ابتسمت بتشفي وانا أشوف نظرات ام أسامه. ..الحاقدة ونظرات أسامه المكسورة والي مايدري وش يسوي ...
بس والله قلبي وجعني على امها ...احسها طيبه وعيبها تصدق بنتها .......

ام أسامه :يالله ي سعاد ..وطالعت ريوف بقهر ومدام بنتك مظلومه ربي بيوقف معاها واسامه بيندم على هالحركه
ريوف ضحكت بصوت عالي غصب عني يوم قالت كذآ .: قلتي مظلومه رجعت أضحك ههههههههه بس سكتت يوم شفت نظرات امها احترمت حالي حرام الي فيها يكفيها ...ليتها ماهو معاهم كان بردت قلبي باسامه وأمه

أسامه بقهر وهو يشوف أمه تناظرة :لاتحرجوني زود أريج مافي يدي شيء اسويه غير اني أطلقها بس ....ويجعلها تخيس في السجن

ريوف
يوم طلعووا ...طالعت أسامه الي يناظرني بحقد...
وقفت بروح لغرفتي ..قبل اعلق معه مافيني عليه ...مريت من عنده وقلت بتشفي مافيني أقدر اضيع علي هالفرصة : تمنيت أخذ حقي منك ومن أمك بس ماتوقعت بهالطريقة أبد عساكم من هالحال وأكثر

أسامه مسك يدها وقربها منه وقال وهو صاك على سنونه:أقسم بالله لو سمعت كلمة زيادة بيحصل لك شيء مايعجبك ترا ماسك نفسي بالقوة ....وشغل التشمت هذا ماله داعي....ولا تعايبي تبتلي تذكري هالشيء ريوف

ريوف بحقد وهي تطالع عيونه :ماتشمت فيها ولا اني جايبه
خبرها بس قلبي برد بالي حصل فيك وفي أمك وشماتنه على الآخر عليكم رفعت يدها باقي أربعه أيام على الزواج
ي فضيحتكم ....

أسامه رفع يده بس رجع نزلها بسرعة وصرخ بعصبية : انقلعي عن وجهي ريوف
..

ريوف يوم شافته رفع يده توقعت ينزلها على خدها بس يوم رجع نزلها وصرخ بسرعة طلعت غرفتها ..لأنها لو زودت كلمه هالمرة ماراح تسلم ... ..

أسامه
بالقوة مسك حاله إلا كان ناوي عليها . على طول لسانها الي أبد ماهو وقته ...الي فيه يكفيه وهي جاية تزيد على النار حطب ...لااحترمت أمه ولا خالته ولا قدرت المصيبه الي هم فيها ...وزفر بحقد آه ليت من يوقع اريج بيده والله ماغير يذبحها
ويخليها عبره لمن حولها ....كسرته حيل وطت رأسه الخايسه
مع تاجر مخدرات بعد ...
@
@
@

@
كان يسمع من لطيفه وهو مصدوم. وبعد تقول ان امه وخالته
رايحين يقنعوا أسامه يساعدها قال بقهر: وان شاء الله بيوافق الخبل
لطيفه : مدري والله بس حسيت من كلام اسامه بالجوال يوم امي كلمته انه رافض ومدري عاد شكله يوم يشوف حالة خالتي يغير رأيه

رائد : مجنون لو يسويها وتستاهل الحقيرة بدايتها مكالمة شباب وآلحين ماسكينها في إستراحة ومع شباب حقين مخدارت وين حنا عايشين فيه الله يأخذها ويفكنا منها فضحتنا الله لايبارك فيها

لطيفه بدقه: لاتنسى رائد أنت كنت وأحد من الي تكلمهم
وبعد مافكرت انها عرضك بدل ماتردها عن هالطريق
لا ساعدتها ...

رائد بقرف من حالة:اسكتي لطيفه كل ماذكر الي سويته
اكره حالي وبذات يوم اشوف فهد بس والله اني تبت لربي ومعاد كلمت أحد ...وبذات بعد زواجي والله معاد لي بهالطريق أبد

لطيفه تحس فعلاً انه تايب وبالدليل يتكلم وهو خجلان من حاله قلت بهدوء : والله غفور رحيم والله يهدي الجيمع
رائد : اللهم آمين إلا قولي أشلون امي عرفت أكيد ماهو أسامه الي قال لها

لطيفه: لا خالتي جت هنا وهي تصيح وحالتها حالة والي يذبح في
الموضوع تقول بنتها مظلومه ..شفت كيف آخر الدلع بس والثقة الزيادة ..
رائد بقهر: هي الثقة الي ضيعتها الله يقلعها ..
وطالع امه الي توها راجعه قال بقهر:وينها خالتي عنها من زمان وآلحين تبي أسامه يتوسط لها وان شاء الخبل وافق أعرفه واعرف مرجلته الزيادة الي بعض مرات مالها داعي...

ام أسامه بعصبيه : موقتك ابد رائد يكفي الي سواه أسامه
وفشلني من أختي وفشلنا والله ماغيرالعالم كلها تحكي عنا ....

رائد بعصبيه : يمه آلحين همك أختك والناس وماهو مفكرة بموقف أسامه حرام والله يمه الرجال يموت ولايشوف عرضه وشرفه بهالشكل

ام أسامه وقلبها محروق: يسوي الي يبيه بس يفكنا من هالمصيبه وعدته من اليوم ورايح معاد بدخل بحياته بس رفض ابيه يوقف في هالموقف معنا ويكف كلام الناس
إلا أريج تخسى عاد أجيب طاريها بعد عنده ...وصاحت بوجع اريج وسخت سمعتنا الله لايبارك فيها خالتك تقول فهد مثل المجنون مايدري وش يسوي وحابس حاله بالبيت ...من وقت مارجع من المركز
رائد بقهر على خويه: الله يلوم الي يلومه ...يمه صايدها
بالاستراحة وبعد مع تاجر مخدرات أريج سودت وجيهه العايلة كلها . وسكت يوم شاف ابوه واقف عند الباب يناظرهم مصدوم
دخل وهو مفزوع وقف يوم سمع حكي رائد قال بعصبية : آلحين السواق داق علي يقول ماما واخت كبير تصيح وجيت مفزوع ..افتكرت فيكم شيء اتاري ال****بنت أختس مسودة الوجهه هذي علومها

ام اسامه لا لا هذا الي ماتبيه الله يقلع هاالسواق الي كل صغيرة وكبيرة ينقلها له. ويسامح أختها بصياحها فضحت الدينا ..وقفت بخوف وتوتر عارفته والله مانسلم من لسانه : مافي شيء الله يهديك والسواق فزعك على الفاضي وبنت أختي مظلومة وأنت فاهم السالفة غلط ... أجلس وانا افهمك

ابو أسامه بعصبية أكثر : بعد لتس عين تتدافعي عنها وتقولي مظلومة والله اني قايل مايجي من ورا عايلتس شيء زين وبصرخة أقوى هذي الي رافعة رأستس فيها ومخربة حياة ولدك عشانها حسبي الله عليتس وعليها والله لو ماالعيبه كان رميت عليتس يمين الطلاق واحرقي انتي وأهلك الي مايشرفون

لطيفه قربت من أبوها وهي تهدي عليه: يبه تكفى أهدى وامي مالها ذنب الذنب كله ذنب بنت أختها

ابو اسامه بعصييه : إلا لها الذنب كله يوم دبست الولد في بنت اختها الوسخه الي ماتخاف ربها ...

ام اسامه وهي منهارة تصيح :حرام عليك وش يدريني انا عشان
تلومني آلحين والله وجتك ي منصور الفرصة الي تشمت فيها علينا

ابو أسامه بعصبيه قرب منها وهو ناوي عليها بس رائد بسرعة منعه ...وهو يهدي عليه : يبه الله يخليك انك تهدا وأمي الي فيها يكفيها

ابو أسامه ...صرخ بعصبيه :أقسم بالله كلمه زيادة ماتجلسي على ذمتي دقيقه وبعد لو أشوف أختك توطوط عند بيتي ياويلك وبعد تقطعي العلاقه بالمرة فيهن لو تبي بيتك لعاد اشوفك تذكري أحد فيهم ...وطالع رائد وينه الهطفه قليل المرجله الي ماعرف يربي أخته

رائد :يبه فهد مايدري ان هذي علومها

ابو أسامه :أكيد مايدري عن اخته وهو بس يلاحق وراك ولا متكي عندك بهالمقلط وين ينتبه لها بالله
ام أسامه
جلست على الكنبه مصدومه أول مرة يسوي كذا معاها ...وبعد بيمد يده ..هي وش ذنبها ...الله يأخذك ي أريج مثل ماطيحتي وجيهنا بالأرض ....حسبي الله عليك. ..من بنت

بعد شهر
ريتآج طلعت من العدة ...ورفضت ولد ام سالم ...قالت لها امها عنه .ورفضت رفض تام..ماتبي تتزوج ..وليد خلاها تعوف الزواج كله. ..
.
وليد
مخنوق حده من الي هو فيه لا هو قادر ينساها ولا قادر يوصل لها....يقدر لو يبيها ترجع له بكلمه منه لعمه ولا لأبوه يرجعونه له وهو واثق بعد ... بس مايبي هالطريقة ولا يبيها ترجع له غصب ..يكفي الي قبل صار...
بيكلم شوق ..ويخليها تكلمها وتعطيه رأيها لو جاا وطلب توافق ترجع له ..يبي رضاها مايبي شيء ثاني يكفي..يوم انغصبوا على بعض ايش صار فيهم ....ليت الزمن يرجع والله مايزعلها ريتآج لها مكانه خاصه عنده ..ومميزة بعد
يوم قالت له شوق عن خطبة لطيفه ...حس بمشاعر باردة ماقدر يعبر بشيء غير يقول الله يسعدها ...بس مايدري ليه يوم عرف سالفة سالم حاول يكابر ويتظاهر قدامهم انه مايهمه وهم مايدرون انه يحترق .. من داخله ....
@
@
غلا
تموت وتعرف آيش بين بدرية وسامي ...إذا حضرت في مكان هم يجلسوا فيه ...يسكتوون على طول ..بس الي مريحها سآمي معاد يمنعها من بنتها ...تحسه مطنش وجودها على الآخر ومايوجهه لها اي كلام ...وكذا هي مرتاحة على الآخر بنتها وعندها وخلاص هذا الي تبيه .على ان بعض تصرفات تقهرها
يسويها بس بتكبر عقلها لمصلحتها ...
..
@
@
أسامه
كاره مكان عمله. ..بعد الي سوته أريج وطلب نقل من المركز كله ...بس باقي طلبه ماجا ولا بهالسهولة يجي ...ودها يطلع من الرياض كلها بعد ...بعد الفضحية الي صارت لهم ..
وللحين صامل وحالف مايساعدها ..وأفضل شيء سواه انه طلقها وارتاح منها ...وبعد حياته مع ريوف كل مره تكبر الفجوه بينهم زود عن قبل للحين مابينه وبين ريوف اي كلام بعد آخر موقف بينهم ..وده يعتذر منها على الي سواه بس يخاف يروح يعتذر منها يشوف الشماته بعيونها ..وهذا الي يذبحه ...
ريوف
طول هالمدة انا وأسامه عايشين في بيت وأحد ...بس كل أحد مايدري عن الثاني لو نقص شيء العيال ...أرسل له رساله
وهو بعد طول الوقت برا البيت مايرجع إلا ينام ...عندي فضول اعرف عاد ساعدها وخلاها تطلع .أولا وكل مابي اسأل لطيفه يوم تدق علي ..او تزورني اخجل منها .. ..وامس لمحته يوم دخل البيت متغير حيل نحيف ...وحالته حاله ...مهمل نفسه ..معقول يحبها لهالدرجة ...والله اتاري لك مكانه عنده ي أريج
عشان ينقلب حاله كذا ..

@
@
في بيت ابو أسامه
يوم الملكه
ريوف
وصلنا بيت ابو أسامه ونزلت وانا حاملة شهاب واسامه سمير
..أول مادخلنا الصالة شفت عمتي صيته وام اسامه والجده
متجمعين ..على طول هبت عمه صيته ترحب
:هلا هلا والله بالزين
وقربت سلمت عليها وطالعت أسامه تصدق كنت أحبك بس آلحين حبيتك زود بعد مانفكيت من هذيك الصفراء

ريوف طالعت أسامه شفته يناظر امه الي نزلت رأسها بسرعة
حسيتهم كل واحد مايبي يطالع الثاني ...
صيته طالعت ام أسامه : هووو لايكون زعلت مني
بس والله ماقلت غير الصدز بنت اختس ماهي بلايقه عليه وزين وهو ارتاح

أسامه بجمود :خلاص ي عمه نصيب وانتهى

صيته مسكت يده:إلا تعال قولي وش السبب الي صار وخلاك تطلقها والله سألت أبوك دار ولف ورفض يقول مستحيه اسأل أمك

ريوف فتحت عيني بصدمه مستحيه تسأل امه ...ي كافي
وآلحين بالله يعني ماهو مستحية تسأل قدامها ..قلت بهمس : ليت محدن يخجل غيرك
صتيه : وش تقولي

ريوف وقفت :سلامتك بروح أشوف لطيفة ياليت تنتبهي لهم وانا أشر على التؤام لما أجي

صيته :ان شاءالله يمه روحي شوفيها وبعدين وش هالزين كله هااه احلويتي بعد النفاس الحمدلله والخبل ذا طلق مرته

ريوف بغيت اضحك تلف وتدور وترجع لنفس السالفة
بذات مع وجهه ام أسامه الي يتلون ....

لطيفه
كنت متوترة حدي ....وخايفة بعد ..فرحت يوم شفت ريوف عند باب الغرفة واقفه : ممكن أدخل ي عروس

وقفت بفرحة:جيتي وجابك الله ...

ريوف بابتسامة : معليش تأخرت بس مثل موانتي عارفة يالله قدرت اتجهز واخلص مع صياح عيالي ...

لطيفه: ماعليه اهم شيء جيتي قبل ماوقع آه ي ريوف خايفة ومتوترة حدي والله مدري وش اسوي .. فيه شيء يقولي ارفض
على اني صليت صلاة استخارة وارتحت

ريوف بقهر: لا كذا اوفر لطيفه وش ذي المشاعر الي عندك في
شيء يقولك ارفضي واستخرتي وارتحتي بعدها وقبل كل شيء أشلون ترفضي والرجاجيل بالمجلس حرام عليك وبعدين لاتنسي عمه صيته هنا يعني استبعدي الرفض تمام وخليك عاقلة وكلها دقايق وتوقعي وعيشي حياتك وانسي الي مضى ....

لطيفه بوجع:تهقين أنسى

ريوف ابتسمت تطمنها: متأكدة بعد وبالله طمنيني أشلون اسيل
الحين
لطيفه : الحمدلله بخير ودقت علي أعتذرت ماتقدر تتحرك الدكتوره قالت نامي على ظهرك وآلحين هي في بيت أهلها

ريوف :الله يتمم عليها ان شاء الله ..

لطيفه : آللهم آمين

ريوف : أمشي خلينا ننزل تحت ....عمه صيته مسويه هيصه ...
لا تفوتنا ...
.
لطيفه نزلنا تحت ويدوب عمتي ترحب فيني إلا أسامه داخل بالدفتر ..حسيت بتردد مابي أوقع ..خايفة أندم ...ومابي عاد أرجع لبيت ابوي مطلقه لأني عارفة حالي ماهو من النوع الصبور ولو شفت شيء من شهاب مستحيل اتنازل واسكت ...هذا طبعي ...
طالعت ريوف بترددد شفتها نظرتها لي تطمني. .طالعت أسامه
الي مبستم لي حزنت عليه احسه فرحان أكثر من فرحته يوم ملكتي على وليد ..سميت بالله وقعت ...
بعد ماوقعت .أسامه على طول سلم علي وبارك لي و أخذ الدفتر امي قربت مني وسلمت علي وبعدها عمتي وجدتي وريوف بعد باركوا لي ...وبعدها عمتي صيته طلعت كاسيت من شنطتها وقربت من الاستريوا القريب من التي في ...حسيتها حايسة ماعرفت له ..ابتسمت بفرحة مابيها ....
تشغل شيء.. بس وين هذي تعجز عضيت شفتي وانا ادعي الله يصبربني يوم قالت : يمه ريوف تعالي شغلي لي هالبلى ..خليني ادبك شوي .. بعد تبي تدبك هي والكاسيت الي معاها الناس ماتت ي عمه الي تحمل عاد ...كاسيت

ريوف وقفت : أبشري وان شاء الله أعرف له تراي ماهو بعيده عنك

...طالعت ريوف الي قربت مني يوم شغلته لها وهي ماسكه ضحكتها ..قلت.بهمس : تصدقي احمد الله وأشكره إني رفضت اسوي عرس يالله ملكه وسكاتي بعد وهي كذا مرتبشه

ريوف وهي ماسكه ضحكتها : ي قلبي خليك من رقصها اسمعي بس الي مشغلته أقسم بالله حكاية ثانية ..وهي تردد وراه حظي عجاجه والحبايب قراطيس ...وتهز رأسها بقوة ودي أقوم ارقص حماس

لطيفه صغرت عيونها :كنها تقصدني هالعمه مع حظي
ريوف : والله ماتدري وش هي بعد الكلمات إلا هذي بالله تشتغل بفرح وقفت بحماس والله ودي ارقص ..معاها قومي ادبكي الفرحة مرة بالعمر ..

لطيفه طالعتها بقهر :انثبري ماهو وقت سخافتك ريوف
قال ايش ادبك شوفي بس الكلمات آه تقهر والله

ريوف هزت رأسها : حظي عجاجه والحبايب قراطيس ...

لطيفه
حسيت بقلق يوم قربت امي مني وهي تهمس لي: يمه أبوك يقول
رجلك بيأخذك معه ..آلحين

استغربت يأخذني كذا من غير حتى مايجلس معي ..هزيت رأسي بهدوء : ان شاءالله يمه وانا حزينه عليها حدي اني بفارقها أمي تغيرت حيل كسرتها أريج. ..صايرة متغيرة حيل بذات العلاقه بينها وبين أبوي ماتبشر ..آلحين اشلون يطاوعني قلبي اخليها. طالعت عمتي الي مسكت يدي :يالله يمه الصقر يحتريك

ريوف قربت منها حسيتها متوتره حدها همست لها : أمشي ي قلبي أساعدك

لطيفه هزيت رأسي بدون صوت ..طلعنا لغرفتي. ..وريوف رتتبت اغراضي هي والشغالة بسرعة
وانا طول الوقت جالسة أفكر ...كيف حياتي بتكون معه ...
كل شيء مر بسرعة خطبه ملكه وآلحين بروح معه ...
ابتسمت لريوف يوم جلست جنبي وقالت : ي قلبي ي لطيفه
والله يعز علي فراقك ليتك ساكنه بالرياض ...كان بتشوفينا انا والتؤام ناطين لك كل وقت

لطيفه بغصه : ي حبي لك انتي والتؤام

ريوف حطت يدها على كتفها : ي قلبي ي لطيفه لاتقلقي والله اني متأمله فيه خير وحاسه انه رجآل سنافي وتذكري حكيي هذا بعدين
ابتسمت لها وانا ادعي الله انه يطلع مثل ماتقول ..
ريوف : يالله قومي اسمعي عمه صيته تنادي يالله ي قلبي قبل

تطلع لنا وتحوسنا ليه لطعنا صقرها اقصد صقرك صار بعد

لطيفه وقفت ولبست العباية ..وانا مشاعري ملخبطه خايفة ومتوترة وبعد كاره هالزواج كله ...أول مانزلنا شفت أخوي أسامه واقف قدامي بالصالة ابتسمت له..بحب .. مايستاهل الي سوته في أريج. ..قربت منه وسلمت عليه وهو ضمني وقال بهمس: مبروك ي قلبي والله ربي عوضك برجال يعتمد عليه
والله ي فرحتي ماتوصف
صيته وهي تمد يدها وتفكهم عن بعض :خلاص فكها آلحين جاك هالحب لاختك فكها أقول الصقر يحتريها

أسامه إبتسم لعمته ومسكها :هاا وانتي بعد ضاغن يحتريك

صيته :ميت فيني والله ماغير يراكض وراي بس عمتك ثقيله
ماتعطيه وجهه

أسامه بسخرية :حرام يراكض وراك وانتي ماهو معطيته وجه خافي ربك في الرجال

صيته :هم تسذا الرجآل تعطيهم وجهه يشوفوا حالهم ويوم تسحبي عليهم والله ماغير يدور رضاتس ويهابد وراتس

أسامه فتح عينه بصدمه :بعد يهابد قلبتينا بعران الله يسامحك بس وبخبث أقول ي الثقيلة منهو الي خطب قبل شهر بنت الجيران وردته عشانها مقدر الجيرة هااه ..وداقه علي تشكي منه انه شايف له شوفه ومايبي عاد بيته ...

صيته بقهر ضربته على صدرة: حسبي الله على العدوو اسكت عساك الماحي والله ماغير امك تسمع وهاتي ي شماته فيني

أسامه ضحك بصوت عالي : هههههههههه

صيته بقهر :استاهل يوم دقيت عليك اشكي بس وش اسوي ماعندي ولد كبير اشكي له والصقر فديته ماحب اضيق خاطره

أسامه مسكها وسلم فوق رأسها : امزح معك يالغالية

صيته : ابعد عني خلني اطلع اختك لرجلها ...وبعدها لي تصرف معك ي الهامل ...
أسامه :ابشري بعزك وخذي حقك كله بعد مني

ريوف
كنت مستغربة من ضحك أسامه سبحان الله ينقلب شخص ثاني يوم يجلس مع عمته ....حتى نسته زعله لأريج
آه .كل ماتذكر كيف حط علي ..وعصب يومها ...انقهر ..
طالعت لطيفه الي أبد ماهي معنا وقلقانه ومتوتره ...قربت منها وقلت بهمس لها وانا اودعها:ي عمري ي لطوف وبرجع أقولها لك مرة ثانية عندي أمل ان هالرجال هو الي بيعوضك ريحي قلبك

لطيفه بهمس :ان شاءالله ادعيلي ريوف هالمرة اتوفق خايفة حيل

صيته :امشي يمه والله الرجآل طقت تسبده ...

لطيفه هزيت رأسي من غير صوت ..بس مستغربه عمتي مالبست عبايتها وجدتي بعد ...راحت مع الشغالة توديها للغرفة بعد ماسلمت علي وباركت لي ...طلعت للحوش مع أمي وعمتي واسامه ..
شفت ابوي قدامي وشهاب واقف معه.طالعني بنظرة ماحبيتها ...
ابتسمت لأبوي الي قرب وهو يرحب :ي هلا بالعروس
وضمني لصدرة بحنان وقال وانا احس الغصه بحلقه
هالله ي شهاب لا اوصيك عليها....
ماقدرت امسك دموعي ماحسيت .. إلا بشهقه طلعت مني غصب عني ماقدرت امسك حالي أكثر ..نظرته أبد ماريحتني آه يبه لو رجعت لك هالمرة بكون انتهيت صدق ...احس بندم اني وافقت من بعد نظرته ليت فكرت واعطيت نفسي وقت أكثر .
..

ابو اسامه بعتاب:افاا يبه آلحين ليه تصيحي

لطيفه مسحت دموعها وبعدت عن حضنه : مابي افراقكم يبه

أسامه حضنها وهو حزين عليها :حتى حنا مانبي نفراقك والله
آلحين مدري كيف بدخل بيت أبوي من غير ماشوفك مستنرة بهالصالة إبتسم لها بس ولا يهمك بتشوفينا عندك على طول

صيته :أقول الي يشوفكم يقول البنت هاجه لبلاد محد يوصلها
كلها حذفت حصا وهي عندكم قرب يمه شهاب قرب خذ مرتك

شهاد مد يده بجمود : مشينا

مشيت معه بهدوء ركبت السيارة وانا اسمع توصيات ابوي وأسامه أول ماحرك السيارة حسيت بتوتر ..وخوف وقلق
..سبحان الله ماحسيت بهالشي يوم زواجي من وليد ..كان مشاعري مختلفة كل الاختلاف عن الي احسه توو ...هزيت رأسي وانا أبعد وليد من رأسي آلحين أبد مووقته وخلاص وليد أنتهى من حياتي بالمرة ..طالعته يوم قال : مبروك
بلعت ريقي : الله يبارك فيك
وبعدها سكتنا وطول الطريق ماتكلم أبد علي عاد....طالعت الطريق ..عقدت حواحبي .. هذا مو طريق الديرة ...
بس طنشت ..ماسألت وين رايحين مدام هو ماقال شيء ..يوم وقف عند محطه ..قال بصوت حاد:تبي شيء محدد ولا أجيب لك على ذوقي
لطيفه آلحين يسألني أبي شيء ...وهو حتى كلام ماكلمني قلت بهدوء:شكراً مابي شيء

شهاب :اوك على راحتك

لطيفه أول مانزل وقفل الباب ....حسيت بقهر أسلوبه بارد يقهر

والله شكله مغصوب أكثر مني ...قلت بقهر صدق حظي عجاجه ي عمه
طالعتة. ..وهو طالع من المحطه وبيده أغراض. .
ركب السيارة ونزل الأغراض من يده ..وحرك ....
ودي اسأله فيني فضول لوين ...رايحين وخايفة مايرد علي ..
الرجآل شكله أبد مو طايقني ..طنشت فضولي وسندت رأسي بتعب أحس بصداع ذبحني

: صدمتني موافقتك ولا توقعتها أبد

طالعتة بصدمه من الي يقوله ..وش يبني ارد عليه بالله تنهدت بضيق وقلت بعزة نفس :عشانهم وافقت بس إلا لوعلي مابي الزواج كله مابيه
شهاب بسخرية : الأولى وافقت علي وهي ماتبيني عشان توقعت اني أقدر اخليها تكمل دراستها ويوم شافت مالها مصلحه انسحبت من حياتي وآلحين انتي وافقتي عشانهم خاطرهم وانتي ماتبيني ..

لطيفه مستغربة من كلامه الي أبد مو وقته ولا له داعي أشوفه من وجهة نظري بحده :لو سمحت شهاب لا تجلس تقارنا في بعض
من آلحين

شهاب طالعها وببرود : طيب اعصابك

لطيفه خليت فيها اعصاب لفيت رأسي ورجعت اطالع الطريق قلت بعدم صبر: عارفة انا طلعنا برا الرياض بس ممكن اعرف لوين حنا رايحين

شهاب :مكه بنأخذ عمره وبعدها لديرة ابوي بعرفك على أهلي..

لطيفه فرحت حيل يوم قال عمره بس لديرة أهل أبوه مدري حسيت بقلق وتوتر ماعرفهم أبد....قلت بفضول : وين هي ديرة أهلك
شهاب بجمود: حايل
بيت ابوعصام
قلت بقهر من حكي شوق :خلاص شوق الي بيني وبين أخوك أنتهى وشهوله تحكي بشيء منتهي

شوق وهي تحاول تنفذ كلام وليد بالضبط : ريتاج ي قلبي وليد يبك والله ومستعد يسوي الي يرضيك ومايبي غير رضاك ومايبي يدخل أحد بينكم ويبي الرد منك مسكت يدها تكفين ريتآج أعطيه فرصة والله وليد تغير حيل

ريتآج مابيها تأثر علي ... أول ماشفت عصام نازل من الدرج قلت بصوت عالي:تعال خذ مرتك وفكني منها

عصام قرب منهم وهو يضحك : وش مسويه فيها ي الشوق

شوق طالعت ريتاج بعتب: عشاني ابي مصلحتها عصبت علي
الله يسامحها بس ..

ريتآج بحده: لوتبي مصلحتي صدق ماتقنعيني أرجع لأخوك وانتي أكثر وحدة عارفة آيش بيني وبينه

عصام بعصبيه طالع شوق :مالك دخل في حياتها ي شوق خلاص ماهو لازم تجلسي تقنعيها مدام ماتبيه ماتبيه وبعد انا معاها والله ماغير اشترت راحتها

شوق بزعل: وش قصدك عصام
عصام : قصدي واضح انفكت منه ومن شوفة نفسه وحط يده على كتوف ريتاح خلاص ريحي بالك وبال أخوك خوييي طلبها مني وانا وعدته اجيب له الموافقة ..وحبيبة أخوها تدري بمصلحتها وين

شوق وقفت بصدمه : آلحين انا خايفة من ام سالم وفرحت يوم رفضته يطلع لي خويك لا عصام بدل ماتحاول ترجع ريتاج لوليد تقوم توافق على خويك ليه كذآ والله هو الوحيد الي وقف آخر معنا تذكر هالشيء

عصام بحده:والله ماتذكر إلا نذالته معنا ..وقصري صوتك وآلحين الي يسمعك يقول وليد كل وقت وهو وجاي يبي يرجعها

ريتآج حسيت بكلام عصام الأخير جرحني حيل. .فعلاً وليد بين للكل انه مايبيني وآلحين الكلام الي قالته شوق أحسه من كيسها وهو ماقاله أبد ولا أرسلها لي ...وقفت بزعل وطالعت شوق وانا ودي توصل الحكي لوليد : قول لخويك موافقة ..عليه بس ينتظر شوي لأني طالعة من تجربة فاشلة ...

عصام وقف وسلم فوق رأسها : ي بعد رأس أخوك والله اني قلت ماراح تفشليني مع خويي ....

شوق
حسيت بقهر ..من عصام ومن ريتآج
بس ليه انقهر وليد ..فعلاً ماتحرك وسوى شيء من قبل غير هاليومين جاي يقول يبيها ... خليه يستاهل
قربت منها وطالعت عصام بعناد : مدام موافقة مبروك ي قلبي
والله يسعدك معه ...ويسعد بعد أخوي

ريتآج بلعت الغصه يوم ...باركت لي شوق ...بس كابرت وقلت :-الله يبارك فيك ويالله تصبحوا على خير بروح انام

شوق
طالعتها. ..وهي طالعة الدرج فيني قهر ...والله طالعت عصام وهو مبتسم لي ابتسامه عبيطه سحبت الريموت وفتحت التي في بقهر

عصام :اعصابك شوق.

شوق بقهر :لا تكلمني هالوقت الله يخليك

عصام ابتسم : ليه طيب

شوق بحده:يوم تحترم أخوي مثل مانا أحترم أختك هذاك الوقت فكر تكلمني اوكيه

عصام : والله أخوك ماهو محترم عشان احترمه والدليل شوفي انا كيف حاطك بعيوني وهو ذل أختي الله يخسه من بين الرجآل

شوق بعصبيه : الحين عرفت ان أخوي ماهو محترم وذل أختك
وينك عنه من سنه ليه ساكت ولاخلاص ضمنت زواجك مني
والله العظيم تحب حالك وبعدين وش هالحقد كله على وليد ...

عصام بعصبيه وقف وقرب منها:شوق ماهو انا الي أفكر كذا

شوق بسخرية :قولي أشلون تفكربالله ولا أقولك مايهمني المهم مثل أنت ماتفكر بمصلحة أختك وخايف عليها وآلحين جاي تشاورها بعد بخويك
انا بعد ابي سعادة اخوي وان شاءالله ادور على الي تسعده بعد

عصام بوقاحة : الله يعين بيزيد عدد المطلقات في المجتمع الله وكيلك

شوق صرخت بقهر: عصام احترم نفسك وإلا والله ماجلس لك دقيقة على ذمتك وبدل ماتعاير آلحين بتصير مثله صدقني وانت عآرف وش اقصد

عصام عض شفته بقهر : قصدك تطلبي الطلاق مني ي شوق عشان أخوك

طلع من غرفته وبحده قال : وش طلاقه ذا الي تطلبه

عصام بسرعة :ماعليك يبه منها تعرف هذرة النسوان

شوق بقهر :والله ي عصام إني قد الي قلته وليد خط أحمر فاهم
عصام همس لها وهو صاك على سنونه .. لابوك لأبو وليد ذا الي ذبحتينا فيه اهجدي قدام أبوي ...

ابو عصام بحده: الحين وش السالفة

شوق بعدت عنه وقالت وهي تتمنى الي تسويه يغير شيء :ي عم يقول عن أخوي ماهو محترم وجالس يغلط عليه وماهو انا الي اسمع حد يغلط على أخوي واسكت

ابو عصام طالع عصام بحده: آلحين علامك على الرجآل تغلط عليه
عصام بقهر :يبه تسأل ليه ناسي وش مسوي في ريتآج
وطالع شوق اطلعي غرفتك وحسابي معك بعدين

ابو عصام بصرخه : وبعد تهدددها قدامي

ام عصام الي توها دخلت جايه من عند الجيران قالت بفزعة : بسم الله وش فيه حسكم عالية تسذا

ريتاج
سمعت صوت أبوي العالي ...يالله أكيد هو وامي علقوا في بعض آلحين معقول امداها ترجع من عند جيرانها بسرعة طلعت من غرفتي ونزلت بس وقفت يوم شفت عصام وشوق وأبوي وامي الي لابسه باقي عبايتها
ابو عصام بعصبيه : اسمعي ولدم يهددها قدامي بعد

شوق : توه يعيب ي عم على وليد ومعاملته لريتاج طالعت عصام بنت سلطان ماتهدد وآلحين ي عم تكفى توديني لبيت أبوي

عصام بعصبيه :شوق اطلعي غرفتك وفكينا .

ريتآج بسرعة قربت من شوق وقلت لها : ي قلبي السالفة ماتستاهل تكفين هدي الحين قدام ابوي وبعدها خذي حقك كله من عصام

شوق بعناد :الي يغلط على أخوي مالي قعدة عنده

ام عصام :وش غلط ولدي على أخوك بالله والله ما قال إلا الصدق يمه اخوك ماقصر في بنتنا واخرتها رجعها لنا مطلقه وليت حنا ندري طلقها ومحدن عنده علم لا شاور كبير ولا صغير
وعصام لاتلوميه من حرقته على أخته

ريتآج
أبد أبد ماهو وقت كلام أمي آلحين بتخلي أبوي يرجع يعصب وتذكرة بسالفة طلاقي ...مسكت يد شوق وانا اطالع عصام بعتاب أبد ماهو وقته يسوي مشاكل : أمشي آلحين معي ومايصير خاطرك إلا طيب

شوق بعناد: تكفى ي عم ودني بيت أهلي
ويوم يحترم ولدك أهلي هذاك الوقت أرجع لبيته
ابو عصام بحده طالع ريتاج :هذا الي تسبتتوا فيه بطلاقك انتي ولد عمك .. ومدري مين بعد الي بتخرب حياته في العايلة بسبتكم

ريتآج تألمت منه كلام أبوي. ..آلحين كل مصيبة تحصل أكون انا وليد ..سببها. ..انسحبت بسرعة.. رقيت الدرج ودخلت غرفتي
رميت حالي على السرير ..وانا اصيح أبوي. ..أبد ماهو راضي على وجودي في بيته ...أحسن شيء سويته يوم وافقت على خويي عصام ...وقلت له قول له ينتظر لا والله برجع أقوله خله يستعجل ويفكني من ذا كله
@
@
@
@
@
في بيت أسامه
في غرفة ريوف
جالسة انشف شعري. ..وانا اطالع وجهي بالمرايا. ....أحس اني سمنانه شوي ...طالعت عيالي نايمين الحمدلله....رن جوالي بسرعة أخذته. ..عقدت حواجبي يوم شفت رقم غريب
فتحت الخط وانا متردده : الوو
فزيت يوم سمعت الصوت قلت بفرحة :سمير ي قلبي

سمير وهو يتكلم بسرعة : ايه سمير كيفك حبيبتي علومك وكيف عيالك
ريوف كنت اسمع صوته ماهو مصدقه دموعي نزلت من فرحتي
:كلنا بخير تكفى طمني عنك ليه ليه ماطلعت ورائد تنازل كل يوم احتري طلعتك

سمير :ي قلب أخوك ان شاءالله ربي يفرجها قريب وماقصر رائد تنازل وسقط الحق الخاص باقي العام ولا تنسي رامي رصاص بمكان عام هذا الي عقد قضيتي ي ريوف الله يقلع الشيطان

ريوف صحت بقوه يوم سمعت الي قاله والله يسامح امك هي الي دمرتك ولعبت فينا جميع قلت بحسرة : يعني آيش ماراح تطلع قريب

سمير وهو يناظر خويه: ماعليك انا مرتاح اهم شيء انتي مرتاحه مع رجلك وفي بيتك وان شاء الله الفرج قريب دعواتك بس يالله مقدر أطول أكثر من كذآ

ريوف بغصه:انتظرك سمير على نار الله يحفظك قفلت من عنده وانا اصيح بقهر ...وحزن عليه ي قلبي صوته ضايق ...
ليت ربي يفرحني بطلعتك ي خوي قريب ....
طلعت من الغرفة بسوي...شيء أكلة شفت أسامه بوجهي
في الممر ليتني انتظرت شوي وطلعت. ..طنشته ومريت من عنده بنزل للمطبخ ..بس مد يده تمنعني ومقفل علي الطريق
رفعت حاجب وطالعتة
أسامه بوجع:لمتى حالنا كذآ
ريوف : تحمل هذا الي سواتك وأبعد عني خلني أنزل

أسامه : طلبت نقل ورفضوا

ريوف ابتسمت بسخرية : اف نقل مرة وحدة حالك انقلب فوق تحت كلها هذا عشانها سكت يوم بدت ملامحه تنقلب لعصبية قربت منه وقلت لهالدرجة تحب أريج ي أسامه

اسامه بعصبيه: احبهاحرام عليك والله ودي اذبحها وكرهت الرياض كلها بسبة وجودها فيه وثاني مرة لا توسخي فمك باسمها ...

ريوف بستهزاء :ايه واضح مرة عليك كارها

أسامه يكره هالنظرة بعيونها انتصرت عليه وبقوة بعد ندم انه تكلم معاها : تصحبي على خير واعطاها ظهره بس وقف ورجع طالعها وقال بغصه: ربي أخذ حقك كله مني

ريوف أعطيته ظهري ونزلت من غير مارد عليه ....كلمت طريقي للمطبخ ...

@
@
@
@
@

بعد يومين

دخل البيت وهو تعبان توه راجع من السفر...دخل شاف قدامه امه
وشوق وابوه. ...رد السلام وقرب منهم وسلم عليهم جيمع
جلس على الكبنه بتعب وطالع شوق بأبتسامه :ي القاطعه لك وحشه ...

شوق ابتسمت :ي حبي لك وانت بعد إلا قولي كيف جدولك مزحوم هالاسبوع بالرحلات ولا فاضي ..

وليد عقد حواجبه :أمري وش عندك

ابو وليد بحده : ماعندها غير العلم البايب مخليه بيتها وجالسة هنا ياليت تعقلها وتخليها ترجع لرجلها لأني لما آلحين مابي أشد عليها وارجعها غصب و الرجآل ماقصر جااا وحاول فيها ورفضت
شوق بقهر وقفت : رجعة لعصام ماراح أرجع خليه يتأدب ويعرف يثمن حكيه

وليد عقد حواجبه : آيش فيه بينك وبين عصام
شوق :ماعليك من عصام آلحين قولي جدولك مزحوم أو لا

وليد بحده :أول قولي وش بينك وبين رجلك

شوق :كذا بس

وليد :أشلون كذا بس قولي مد يده غلط عليك بشيء

شوق فتحت عينها بصدمه :آيش يمد يده والله اكسرها له لو يفكر بس يمدها
وليد : أجل مدام سبب تافهه أمشي قدامي بوصلك

شوق بقهر :والله مارجع له خليه يثمن كلامه ثاني مرة

وليد :قلت لك غلط عليك أحكي

شوق قالت بتردد:غلط عليك أنت وبهمس خرب الي ناوين عليه ...

وليد وقف :مدام غلط علي أمشي قدامي بوصلك له
ونصحيه لاتخربي بيتك عشان أحد

شوق بقهر :والله مارجع له لما يعتذر ويتوب على قاله
وليد بحده : خمس دقايق لو ماشوفك فيها لابسة عباتك بيكون تصرفي يزعلك شوق

شوق
حست بقهر ...غلطان عليه ويبها ترجع له ...وبعد يرجعها هوو بس وش تسوي معاد فيها تتكلم مدام وليد وأبوها ضدها ...
لبست العباية وراحت معه وهي مقهورة. .أول ماوقف السيارة قدام بيت عمه ..قبل تنزل مسك يدها :شوق مقدر كل شيء تسويه عشاني وآلحين رجعتك له لأني مابي بيتك يخرب عشاني بس لو غلط عليك والله كان موقفي يكون شيء ثاني واخليه يحفي وراك
شوق بهمس: عارفة بس ماكان ودي ترجعني له ودي يتأدب شوي وبعدين أقولك خرب الي وصيتني فيه ...

وليد :ماعليه لو ربي كاتب لنا نصيب نرجع لبعض و كوني أفضل منه وخليه يقول عني الي يبي يقوله أخوك معاد يهمه شيء

شوق : حتى ريتآج معاد تهمك

وليد ببرود ظاهري:وش دخل ريتآج آلحين

شوق:ترا المشكله عشانها صارت آيش فيك ماتفهم أقولك خرب الي متفقين عليه و خوي عصام خطبها

وليد زفر بقهر بدل ماتجيب له خبر يسعده تجيب له خبر يكدره
قاطعها ببرود ظاهري : أكيد بتنخطب

شوق بقهر من بروده: بس هالمرة وافقت ريتآج عليه ي وليد ماهو مثل سالم ردته ...

وليد ابتسم بوجع :مبروك والله يسعدها ..وبقهر ماقدر يخفيه انزلي شوق وكبري عقلك ولاتخربي بيتك عشان أحد واي شيء قلته لك تقوليه لريتاج انسيه ....
شوق
نزلت وانا ماسكه دموعي غصب ...مقهورة عليه والله مايستاهل يصير فيه كذا ...دخلت البيت ...شافتهم متجمعين كلهم على العشاء
بس عصام ماهو معاهم ..على طول عمها رحب فيها. ..
وحلف عليها تجلس تأكل جلست عشانه وأكلت شوي وطلعت غرفتها. ..أخذت دش وغيرت ملابسها ....وطلعت من الحمام الله يعز القارئ ..شافته متمدده قدامها على السرير مشغول بجواله
نشفت شعرها بالمنشفة ....وهي تناظر حالها بالمرايا وأخذت المرطب وجلست عي السرير ...حطت على يدها ...
طالعته شافته ماعبرها ولا طالع يمها أبد قالت بضيق عشان يعرف انها مغصوبه على الرجعه ولا ودها فيها : تصدق مين رجعني لك شافته طالعها من غير مايتكلم ...كملت بغصه وليد الي رجعني قلت له تكلم عنك أشلون ترجعني له بنفسك قالي
خليه يحكي ويقول الي يقوله بيتك مايخرب عشاني وعصام ولد عمي يقول الي يقوله مسموح سبحان الله شوف الفرق بينك وبينه
لو هو تكلم عنك أكيد ردك ماراح يكون كذا ومتأكده بعد
عصام جلس وقابلها :بعدك تلوميني ليه طالب التعين يكون برا الرياض والله من هذي المشاكل. ...

شوق بقهر منه ماتوقعت يرد عليها كذآ توقعت يعتذر ...
: مين قالك بروح معك من أصله وبدقه له روح أنت
ولاتقول ماتقدر تراك لطعتني بيت أبوي فوق العشر سنوات . ..
ماتفرق آلحين

عصام بحده :شوق لو بتخربي حياتنا عشان مشاكل مالنا فيها بتكوني خسرانه .. وبعدين وش ذي الحميه الي هابه فيها هاليومين

شوق رمت علبة الكريم بقهر:أخوي تتكلم عنه تبيني اسكت

عصام تنهد بضيق ومسك يدها : آسف ي بنت الحلال وحقك وحق أخوك علي
بس تكفين لا تعيدي حركاتك هذي أبد

شوق فكت يدها بقهر وبتهديد :لو وافقت على خويك صدقني حياتي وحياتك ماراح تستمر

عصام بحده : شوق حياتنا مالها دخل
وخويي برد له موافقة ريتآج رضيتي أو لا

شوق حسيت بقهر وش اسوي عشان امنع هالخطبه بغيض : توها طالعة من عدتها على طول زواج ماعندكم وقت انتم
عصام :مالك شغل ..وبعدين مين قالك انه الزواج بيصير آلحين خلي الخطبه تتم أول

شوق بغيض :مدام أنت وراها راح تتم ..

عصام ابتسم لها:قولي ان شاءالله
شوق بعصبيه صرخت وهي تسحب الابجورة تبي تحذفه

عصام رفع يده يمنعها وبسرعة قدر يأخذها من يدها :ههههههههه روقي روقي ...
.
ريتآج
حسيت براحة يوم شفت شوق ..داخله علينا. ..خفت لو تكبر المشكله . بس ان شاءالله تكف هالمشاكل كلها بعد الي قلته لعصام آه .أشلون ..أقدر أكمل حياتي مع أحد ثاني غير وليد ..بس لازم ينتهي هالموضوع ..وبسرعة بعد ...وايه وموافقتي وكاد
أفضل شيء سويته ...لأن ماهو مع اي مشكله تحصل يرجعون
يضغطوا علي ...ويكفي نظراتهم الي دايماً تحملني الذنب ....
طالعت شوق ..الي نازلة من الدرج ..ابتسمت لها : هلا هلا بالزعلانه والي سوت مشكله مالها داعي وكلها ثمنيه واربعين ساعة ورجعت هههههههه

شوق قربت منها وجلست على الكنبه وبحسرة: ليت زعلي جاب فايدة على قولك صار مالة داعي ...

ريتآج عقدت حواجبي مستغربة من ردها :أشلون

شوق :اممم تبي الصدق ليه سويت المشكله هذي كلها
صح اني انقهرت من حكي اخوك الدب ...على وليد بس الي كنت أسعى له شيء ثاني بس وليد خرب علي ...

ريتآج ميلت فمها بسخرية وهي فاهمه وش تبي تقول:وشهوو الي تبي تسعي له وأخوك خرب عليك ...

شوق : بدون زعل ريتآج والله كنت ودي تكبر المشكله
بيني وبين عصام وطبعاً العايلة كلها بتقوم وترجعك لوليد ولا تأخذي خويي عصام ..
ريتآج بقهر: مو من جدك شوق معقول عقلك صغير كذا تخربي على نفسك عشان أرجع لأخوك

شوق : مين قالك بخرب على نفسي واثقة من حبي وحب عصام وبنرجع لبعض مهما طالت المدة البلى فيكم وبالعناد الي براسكم

ريتآج : لا لا ماصدق مجنونه وخالصه وبعد غبيه أشلون كذا تسوي

شوق :وش اسوي ابيك ترجعي لوليد حرام والله مايستاهل
جالس يكابر وانا عارفة أخوي من داخل موجوع حده وانتي بعد لا تنكري والله واضح عليك مرة

ريتآج وقفت وهي تقاطعها : ماشاءالله وصلت فيك تدخلي بعد في مشاعرنا وش نحس فيه أقول خليك عاقلة وابعدي حياتي وحياة أخوك عن حياتكم عشان تعيشي بسلام وبقولك شيء ها الي تسويه يضرني أكثر ماينفعني ي شوق ..

شوق بصدمه :يعني آلحين يوم برجعك لوليد أضرك ريتآج حرام عليك والله أخوي مايستاهل بس محدن فيكم فهمه

ريتآج : والله مافي أحد فاهمه مثلي ويالله تصحبي على خير بروح أشوف أسيل
شوق وقفت معاها وبزعل : بروح معك اشوفها
طشنتها ومشيت رحت لغرفة أسيل وانا .. مقهورة ..من شوق غبيه صدق ..أشلون تفكر كذا..انا ناقصة ..انا يالله محمليني الذنب بدون مشاكل......
قال ايش أخوها مافي أحد فهمه فينا ...والله أخوك أناني ...
ومحد فينا قدر يتحمل انانيته ...
@
@
@
@
@
@
اعتمروا . واليوم مقررين يمشوون لحايل طلعت من الغرفة. ..وهي محتارة تقول له أولا. ..شهاب غريب غريب مرة ..نادر يتكلم ..وماتدري آيش بيكون رده لو قالت له انها ماتبي تروح لبيت أهل أبوه. ..خجلانه منهم حيل ...ردت السلام وجلست على الكنبه المقابله له ..وقالت بتردد :اممم شهاب ممكن تأجل روحتنا لأهل أبوك

شهاب رفع حاجب ونزل جواله : أعطيني سبب مقنع

لطيفه حست حالها متوتره ماتعرف تحكي معه : امم أحس اني مو مستعدة أبد لها لزيارة ..
شهاب :وعدت أبوي وقلت له بنجلس عندهم لمدة يومين
وبعدها نرجع للديرة

لطيفه حسيت أنه يكلمني وهو ماهو طايقني أبد : شهاب أنت مغصوب علي

شهاب طالعها مصدوم ماتوقع ترد عليه كذا عقد حواحبه وبحده :وش دخل آلحين هالسؤال

لطيفه بوجع :رد على سؤالي شهاب مغصوب علي

شهاب ابتسم ببرود: يعني لو مغصوب وش بيدتس تسويه

لطيفه حسيت بقهر من رده رفعت رأسها بشموخ: عادي خلعت قبلك الي يبيني صدق ماراح تجي عليك .....

شهاب وقف بعصبيه :آلحين هذا أسلوب بالله والله اني قايل
لعمتي انا وهالبنت مانتوافق

لطيفه وقفت وقابلته و بعصبيه : ليه طيب وافقت وتممت الزواج
ولا تمشي ورا شور عمتك ..

شهاب :توقعت تخيب ظنوني فيتس وكاد يطلع فيتس خير غير عن الأولى
لطيفه لا كذا كثير: رجعت وقارنت بيني وبينها ...شوف انت
عندك عقدة شكلك
شهاب بعصبيه : وش عقدته إلا هذي الحقيقة كلكم مثل بعض

لطيفه عضيت شفتي بقهب: مدام كذا بقولك ي شهاب وافهم حكيي زين ..انا ربي خلقني حره ومافكر بهروج الخلأيق

شهاب صغر عيونه وهو مقهور : وش معني هرجتس

لطيفه : معنى هرجي واضح طلقني لو تبي مايهمني إني أطلق بعد الزواج بثلاث أيام ومهما حكوا وقالوا مايحرك شعرة فيني

شهاب طالعها شوي وقرب منها ومسك يدها وجلسها معه على الكنبه وقال بهدوء:آلحين بدل ماتقولي ان شاءالله نتفاهم ونقدر نكمل حياتنا مع بعض ونقدر نعوض بعض على الي صار
تقولي طلقني واقدر أغيرنظرتك
لطيفه طالعت عيونه :ماينجبر قلب على قلب شهاب
وشهوله أعطي نفسي أمل

شهاب رفع حاجب :معنى كلامتس آلحين انتس ماتبيني

لطيفه هزت رأسها : معناه انك أنت الي ماتبيني
وشغل المقارنه ذا ذبحني زود

شهاب مسك يدها وابتسم:لا أبد لاتفكري كذآ ولك الي يرضيك بس سالفة الطلاق ذي مابي اسمعها وبعدين تونا مالنا مع بعض على
طول طلاق ماعندك وقت ي بنت منصور خلينا نعوض بعضنا ي لطيفه

لطيفه بهمس: آه وش اسوي لو حظي عجاجه والحبايب قراطيس

شهاب فتح عينه بصدمه : وشهووو
لطيفه ابتسمت : تصدق هذي عمتي صيته شغلتها يوم الملكه كنها تقصدني

شهاب ابتسم من طاري عمته: آلحين مالقت غيرها تشغلها في مناسبة مثل هذي
لطيفه :اي والله شغلتها والي قهرني تأشر علي وترقص

شهاب ضحك من قلب على عمته : هههههه

لطيفه أستغربت كيف انقلب حاله من جمود لهالوناسة
شهاب شافها تطالعه وقف ومد يده وبهمس :يالله عازمك لمكان يحبه قلبك ..
لطيفه بخجل منه أول مرة يكلمني كذآ : وين
شهاب: ودي اروح لجدة قبل حايل وبأخذك لفه في البحر كيف ان شاءالله بطله ماهو اخاف ومن هالكلام

لطيفه بحماس: لا مين قالك أخاف ي شيخ حماس ودي فيها من زمان ..
شهاب :أجل الله لايعوق بشر ...
@
@
@
@
في شقة سآمي
غلا
مستغربة سآمي رجع من برا وجاا وجلس معنا ..العادة لو شافني جالسة مع بدرية بالصالة مايجلس ...طالعته شفته منشغل بجواله ..وقفت بروح غرفتي بسوي نفس حركاته يوم يشوفني ... ...بس تراجعت يوم قال وهو يطالع بدريه: ها ي بدريه وش قلتي باللي كلمتك فيه

رجعت جلست فرصتي آلحين.. اعرف آيش بينهم. .بدريه لها حول الشهر
ماهي طبيعية ودها تقول لي شيء وترددد ..دايم أشوف الحكي بعيونها ....طالعت نظرته لي إلا كلها سخرية مثل الي يقولي وش جلسك طنشته وطالعت بدرية وانا أتمنى تكلم بسرعة ....

بدريه وهي تطالع غلا وبتردد :