تحميل رواية «عاشقه السفير» PDF

#عاشقه_السفير  1

تحية طيبة .. يا والدي الطيب

الله يطول عمرك .. يا غالي يا حبيّب

أكتب لك رسالة حب .. يا غالي يا أطيب أب

وصت عليك الشرايع .. وموصي عليك الرب

ياللي راضاك عليه .. أحلى وأغلى هديه

تحية لصبرك كل شيبة في شعرك رفيقة دربك أمي

يا سهرها يا تعبها أمي .. أمي حبيبة عمرك

بوسة لدمك المحبوب .. بوسه لحبك الخالد

غازل علم العشاق .. حب هذا الزمن بارد

يا لي رضاك عليّه .. أحلى و أغلى هديه

كبرت في ظلك .. أحبك أجلك

وتحبك أكثر أمي .. ترعي الوالد يا أمي

أمي حبيبة عمرك ..

جالس حولك الأحباب .. ولا مثلك ملك جالس

تنزل على الجرح ويطيب .. هيبة وربي لك حارس

طفيت السي دي ودموعي تنزل على خدي فراكك يابويه صعب الله يرحمك ياغالي جيت هسة راح انزل غسلت وجهي ورشيت عطر لبست ساعتي الروليكس ونزلت اخويه ينتظرني وامي كاعدة تبجي كالعادة من يصير عندي مؤتمر

ديربالك ابني على نفسك لاتتأخر

بست ايدها اشبيج ماما هذا شغل مو رايح اتونس

يمه كلبي بعده محروك ماعندي غيركم بالدنيا مو حقي اخاف عليكم

ماما لاتخافين ماكو شي  كعدت يمها اهديها مو هاين عليه اعوفها تبجي مسحت دموعها كافي حبيبتي انت مو تفرحين تشوفيني مبسوط

وانت تشك بهالشي منو عندي غيركم ربي يحرسك ويحميك واشوفك بأعلى المراتب يارب ترجع من وكت لو تتأخر

عمه شنو يرجع عنده مؤتمر يعني بوفيه حلويات يحتاج تبياته عوفي يشوف نفسه

متستحي انت شنو تبياته ياسر هسة نبع الحنان تكلب من الدعاوي الى الشتائم والنصايح

عماد شنو تبياته يعني مترجع شنو هالمؤتمر

سيدي احنا حاضرين اذا تحب نروح

جايي يالله مقداد نروح ماريد اتأخر راح اركب بالسيارة الثانية اوك خلي ياسر يطلع ورانا احسن اله ماريد اكعد يمه لااكسر صف سنونه حميد

نعم سيدي

اني راح اركب بسيارة مقداد

زين سيدي تأمر

طلعت من البيت واني اشوف الحماية ينتظروني اركب حتى يرافقوني وبيدهم سلاح اكثر شي اكرهه بالدنيا عصبت شنو هذا حميد رايح للجبهة لو للمؤتمر ماريد يشيلون سلاح ماعداك افتهمتني

على كيفك عماد غير الوضع ميتأمن وخايفين عليك اني بلغتهم يشيلون سلاح

مقداد اعرف هالشي ماحبه مو بيدي تذكرني بأشياء احاول اتناساها انت اكثر واحد تعرف باللي مريت بي

اسف سيدي هسة ابلغهم تفضل حضرتك اصعد للسيارة وكلشي يصير تمام مثل ماتريد

فتحلي الباب وانطلق السيارة واني كاعد ليوراه  ويا اخويه الكبير مقداد وحميد الحارس الشخصي اليه ويا السايق كاعدين بالصدر  والسيارة الثانية بيها  ياسر ابن عمتي وزوج اختي الوحيدة شهد متوجهين لمؤتمر يناقش قضايا انسانية واني بصفتي كسفير معزوم على المؤتمر حياتي  مقسوم بين شغلي واسفاري وبين اهلي اما بالنسبة لحياتي الشخصية احس ظالم نفسي اهواية دافن نفسي بالشغل ماعندي علاقات اهواية حريص على سمعتي بالرغم من منصبي وجمالي والاغراءات الي تجيني من كل مكان واشوف اشكال والوان من النسوان ولا وحدة خلت كلبي يتحرك مرات احس نفسي صنم مو رجال يمكن اللي مريت بيه خلاني هيجي لو الخوف من منصبي ومستقبلي زاد عندي الحذر من هالناحية

اني عماد كريم ملقب بالجراح عمري۳٥ سنة مطلق من ١٠ سنين عندي دكتوراه بالقانون الدولي وحاليا سفير مالي مكان اقامة محددة كل فترة بمكان حسب شغلي عندي اخ واحد مقداد ٣٧ سنة استاذ ودكتور بالجامعة سابقا مدير لسلسلة قنوات حاليا وكاتب اشعار عازب متعقد من النسوان يرافقني بشغلي يخاف عليه اهوايه واخت وحدة شهد ٣٣ سنة متزوجة من ياسر ابن عمتي الوحيد اني وياسر ومقداد الضلع اللي ماينشلع اسرارنا وحده ابويه الله يرحمه جان يكول علينا مثلث برمودا محد يكدر يدخل بينكم اغلب سفرياتي ياسر ويايه او مقداد واحلى شي بحياتي ابني كريم عمره ١٠ سنوات عايش بيني وبين امه امي عندي بالدنيا كلها بعد خسارة والدي صارت تخاف علينا اهوايه جنا عائله مترابطة امي وابويه علاقتهم مو بس ازواج اصدقاء احباب عمرنا مشفناهم متزاعلين ابويه جان عميد جامعةعنده شهادة بروفيسور بالادارة والاعمال وامي استاذة جامعة تقاعدت بعد ولادة اختي رادت تكبرنا على طريقتها والحمدلله احنا الثلاثة مناصبنا عالية والناس تمدح بينا ولا يوم سوينا شي نخجل اهلنا بيه عائلتنا عائلة مثقفة الهم الاكبر الشهادة واثبات الذات وخدمة المجتمع هاي تربيتنا وعندي عم واحد عنده بنتين منال اللي جانت زوجتي وسارا وزوجت عمي هي خالتي وعندي عمة وحدة هي ام ياسر حالتنا المادية فوق الممتازة اهلنا كلهم اصحاب شهادات عليا واصحاب مناصب بالدولة وصلت للمؤتمر بالوقت المحدد اكثر شي يضوجني الصحافة الصفراء اللي تشوف الناس بعيونها وتزييف الحقائق لازم اوكف ساعة اجاوبهم  على اسئلتهم اللي بعيدة كل البعد عن المؤتمر والاسئلة المتكررة يمتى تتزوج شنو تحب عندك حبيبة وين عايش ويا منو شنو اكلك المفضل هواياتك عندك نية تتزوج اجاوبهم واني كوة لازم اعصابي واضطر اضحك بوجهم ومثل كل مرة متأكد راح يغيرون الي كلته ويكتبون وينشرون اللي همه يردوها دخلت للقاعة واني اشوف نظرات الانبهار والاعجاب بعيون السيدات تقدمت للمنصة قدمت خطاب بسيط كعدت اجامل هذا وذاك انتظر تخلص واطلع منا بأسرع وقت .

ياسر : نروح للمزرعه من زمان عنها شتكول عماد خلي الحراس يرجعون واحنا نروح بسيارتي

عماد : مادري بكيفكم اني تعبان كلش

مقداد : هاهيه نروح اخابر الحرس يرتبلنا كعدة بالحديقة ويحضرلنا عشا بسيط اريد اكتب مقالة جديدة

يلسر : اهم شي النركيله والسهرة صباحي اكو ناس بطرانه داير مدايرة جان اكو حلويات والأخ يسهر وحداني

عماد : جان اخذته انت وريحتنا من وجهك الخايس دواك عندي سجلت كلامك بتليفوني راح اسمعه لشهد حتى تشوفك الحلويات على اصوله هههههه.

هاي هاو شلونكم

اسم الله اشجاج من الصبح

رحت بست نانا مربيتنا من خدها وبعدها امي طلعت لساني شلونج دينا خاتون

اشبيج من الصبح نازلة ويا جنانج ههههههه

ولج روحي بدلي ملابسج كلها الوان هسة شلون نفطرمن ريحت الاصباغ

dont care mam

شنو دونت ومونت روحي غسلي

من عيوني ست الحبابيب لاتاكلون بدوني طلعت من المطبخ ركض صعدت لغرفتي

نانا :اسم الله عليها اشكد مفرحة والله لو عندي هم بكد الجبال بس اشوف آيه انسى كل شي

اي والله نانا ترى مرات اخاف عليها اكول ياربي لايجي يوم وتتغير متلوكلها بس الضحكة هي سبب سعادتنا بالبيت حتى اهلي واهل ابوها يحبوها ماتصور اكو احد ميحب آيه واحلى شي بيها هي بسيطة تحب كل الناس وتحب تساعد اللي تعرفهم واللي متعرفهم مرات اخاف عليها اكول اهوايه على نياتها اخاف يورطوها بس بعدين اكول الله اعلم بالنيات لايمكن يصير بيها شي على كلبها الطيب

مام هاي شنو لعد اني

انتي يابعد كلبي شمعة البيت

اي عبالي نسيتيني

نانا :واي دينا اكو احد ينسى القمر اوي فدوة لوردات بيت توفيق هههههه.

ياربي شلبس هسة اممم كلها عليها اصباغ يالله البس شي بسيط عادي اني آيه ٢٢ سنة خريجة فنون جميلة هوايتي التصوير والرسم انسانة مرحة الى ابعد حدود دائما مبتسمة ولا يوم ابجي اكول مادام الله منطيني كل شي صحة واهل بعد ليش مافرح واشكر الله على النعمة.

رواية #عاشقه_السفير ٢.

رويـدكَ إنَّ الموجَ في البحرِ صاخبُ

وبالله لا بـالـنّاس تُقضى المطالبُ

أرى لـكَ فـي شـأني أموراً غريبةً

أقـاومُ شـكّـي عـندها وأُغالِب

أرى لـك فـي وقت اللّقاء بشاشةٌ

بـها تبطلُ الدّعوى وتصفو المشاربُ

ويـُسـعـدنـي منك ابتسامُ مودَّةٍ

وقـولٌ جـمـيلٌ لم تشبهُ الشّوائبُ

وتـنـصـحني نُصح المحبِّ، وإنما

بـنُـصحِ سليم القلب تُمحى المثالبُ

ولـكـنـّنـي أشقى بأمركَ، كلما

دعـانـي إلـى نشر المبادئ واجبُ

كـأنـّك لم تلمس صفاءَ مشاعري

ولـم تـنقشع عن ناظريكَ الغياهبُ

لماذا أشكُّ في سلامة مقصدي؟

باباتي حبيبي روحي عمري

هههههه آيه كولي شتريدين اسمعج بسرعة قبل لاتجي امج لان هالمقدمة متبشر بخير

آيه : غير احبك شبيكم معزومة على عيد ميلاد صاحبتي واحتمال اتأخر وتعرف ماما متقبل سويلي واسطة عفية حبيبي

زين راح احجي وياها المهم امج تعرف عائلة البنية لو لا وماكو تباتين يمهم حفلة بيجاما وهالأشياء ماقبلها زين

آيه : لا حبيبي مراح اتأخر مسويتها بقاعة تخلص ساعة 2 بالليل اوصي السايق يجيني اشكرك حبيبي من غيرك جان حالتي حالة

شتسوين بحضن ابوج من الصبح تعالي ساعدينا بالمطبخ راح يجونا بيت اهلي دنيا طلعت من وكت ونانا متكدر وحدها على الاقل استفاد منج بدل ماتروحين تنقعين نفسج بالاصباغ

آيه : باباتي واحبه اتدلع عليه همست بصوت ابويه حتى يخبرها متحب حفلات مختلطة ومتقبل اروح وهاي صديقتي اكثر من مرة تعزمني استحي اردها

ام زيد على كيفج ويا بنتي الحلوة خليها بحضن ابوها لحد مايجي اللي يستحقها بعدها صغيرة بنتي الحلوة تستأذن منج تروح لحفلة بيت فلان غمزتلها حتى لاتحجي توافق لازم ننطيها شوية حرية حتى يصير عدها ثقة بنفسها لعبت بشعرها بعد لاتكصي هسة طوله حلو زين باباتي

ام زيد : زين ست آيه مسوية ابوج درع دفاع مني روحي بس ترجعين من وكت بعدين حبيبي كبرت اللي مثلها جهال بحضنهم كومي هسة ساعدينا وبعدين الله كريم

آيه : يس ماماي عاشو ماما وبابا أحبكم اثنيناتكم ماما بعدني صغيرة ومن اكبر اتزوج واحد يشبه بابا بكل شي

ابو زيد : ههههه انشالله حبيبتي

ام زيد : روحي اخ من لسانج محد يكدر عليج الله يحميكم

آيه: شخصيتي احب اساعد الناس اهواية ماعترف بشي اسمه طبقات اجتماعية اصادق واسلم حتى على عمال الشوارع احب افرح الناس اللي حولي ماحب اشوف الدمعة بعيون احد رسوماتي كلها مبهجة احب افتح معرض اشوف العالم السعادة عشقي عائلتي احلى هدية من السما ماعرف اكره احد بحياتي بابا عميد جامعة صارله ٥سنوات وعنده شغل خاص تابع لعائلته وعضو بحزب كبير بالدولة وهو عنده شهادة دكتواره بادارة واعمال ماما عدها جمعية خيرية وعدها فروع اهواية عندي اخت وحدة دينا ٢٥ سنة خريجة اعلام انسانة مثالية جميلة واثقة من نفسها سيدة مجتمع راقية اتخرجت وباشرت شغلها ويا ماما عدها هواية تكتب اشعار جانت كلش مرحة مثلي بس لما صار بابا عميد حسيتها اتغيرت صارت اكبر وتبين نفسها قوية بس اعرفها من داخلها محطمة مرات اسمعها بالليل تبجي وتحجي ويا ماما بس يشوفوني يسكتون امي متنطيها مجال مشاركتها وياها بالجمعية وعندي اخويه زيد ٧ سنين اني وياه مثل توم وجيري.

ياسر: عماد اليوم مبين جنت ضايج

عماد:اي والله اتذكرت ابويه الله يرحمه اشكد جنت اتمنى يشوفني من استلمت درع تمييز بس الله يجازي اللي جان السبب الله لاينطيهم انشالله

ياسر: ديربالك شهد تشوفك ترى اذا فتحت صنبور دموع شيسكتها والليلة خميس

مقداد :ايا حيوان متستحي ولك اختي هاي

ياسر : اشكلت زوجتي وحبيبتي خو ما مثلك حتى حضن خيالي ماكو

عماد: هههه شنو حضن خيالي

ياسر : شكولك عماد الله عليك متحب يصير عندك مرة تنتظرك ودلعك بالليل وأغمزله وتسويلك ليالي حمرة ماعرف شلون تتحمل اني اسبوع بدون شهد اموت

عماد : تصدك ياسر مو يمي علاقات جسدية احسها شي مو ضروري

ياسر : ولك والله اشك بيك لو مامخلف كريم جنت اكولك مو رجال

عماد : لاتخاف رجال بس يمكن ملكيت الانسانة اللي اريدها

ياسر : اشكد ظالم بكد شعر راسي نسوان داير مدايرك وتكول ملكيت اذا انت متلكي منو يلكي مقداد مثلا ههههه

مقداد : شكو جلاب جريتو الحجي عليه ترى تعبان اريد انام كافي لغوة

ياسر : مقداد يمتى ناوي تودع العزوبية ترى باقيلك زحلكة وطير على ٤٠

مقداد : هههههه وانت شكو مو زوجناك اختنا شتريد بعد

ياسر : شسوي مقهور عليكم انت واخوك حارمين نفسكم من النعمة

مقداد: والله اني اعتبر النسوان ماعدا امي طبعا نقمة مو نعمة

ياسر : اي حقهم متابعاتك مسمينك رجل بلا مشاعر

مقداد : هاي وحدة غبية مو كلهم يسموني هيج

عماد:وهي هالوحدة اللي مخليتك تكره نسوان

مقداد : لا طبعا ولا يمي اصلا عندي ولاشي

عماد: مقداد اخويه اتجذب على منو انت ترى اني وياسر عاجنينك وخابزيك انت لاترحم نفسك ولاترحمها.

مقداد : اذا انت ناسي هي منو ترى اني مناسي ولا يمكن انسى

ياسر : عيني مقداد هي شنو ذنبها فرضا لوهي مذنبة خو هي مو وحيدة القرن بين النسوان اكو مليون بنية تتمناك

مقداد : ماريد احد اني قفلت اشرت على كلبي من يوم اللي دفنت ابوية بالقبر .

آيه : اليوم راح نزور بيت اهل ابويه اموت على جدي وهو هم يكول انتي من تدخلين لاي بيت تجيبين الفرح وياج نفس الحال يم اهل امي مجال طوط

اوف جتي الخبلة

اني خبلة استاذ زيد

زيد : اي لعد شنو

آيه : بابا حبيبي بسته على راسه وخده

كعدي كافي راح نتاخر

آيه : زين ست سهيلة لاتخافين ترى ماكل زوجج

آيه حبيبة ابوها

نعم بابا

بنتي كملتي لوحتج الجديدة

آيه : اي باباوطلعت توب تخبل بس ماشوفكم اياها يوم الخميس سوولي معرض بالبيت وعزمو احبابي يالله اشوفكم خو مو كل شي بلاش

دينا : ياه نعزم احبابج بالبيت ولج انتي نص الكرة الارضية احبابج وين تكفيهم يا مكان

آيه : اي صدكتي ميخالف اعزمهم بكلبي بقو يضحكون عائلتي سر سعادتي امي وابويه اهواية تعبو علينا بالرغم من حالتنا الميسورة الا انه علمونا نكون ناس بسيطين منتفاخر باللي عدنا حتى مدارسنا جانت عاديه مدخلنا مدارس خاصة ماعدا زيد يداوم بمدرسه خاصة حياتنا عادية وعايشين عادي ماكو تعقيدات بس وظيفة ابوية الحاليه ودوره بالحزب شوية مسوي لامي قلق تحب ابويه وتخاف عليه اهوايه لان بابا جان استاذ بالجامعة عميد الجامعة مالتهم قتلو جماعة فبابا اجى مكانه هاجدو عجبتك الصورة مطلعتك شاب بالعشرينات

والله رجعتيني لايام الشباب أمري وتدللين شتريدين اشتريلج هدية

آيه : كاميرا حديثة والوان جديدة اي قبل لاانسى اكو رجال اعرفه حالته مو زينه عنده ايتام ياريت تساعده جدو لخاطري

ام مهند : آيه مستحيل يمر جمعه بدون متطلبين من ابويه يساعد ناس بنتي ترى مو صدك كل الناس محتاجين لاتصيرين سطحية

ماعليكم منها هاي الغالية آيه مهند باجر اسحبلي مبلغ وانطي بيد آيه خلي تساعد الرجال

مهند : حاضر جدي شعدنا غير آيه وطلباتها

أم مهند : ساحرة ابويه صارلي ساعه اكوله خلي اشتري سيارة جديدة لبنتي مو راضي ينطيني فلوس وانتي بكلمتين خليتي يوافق

ابو زيد : تستاهل آيه حبيبه ابوها واني من يمي انطيج مبلغ عفية عليج بنتي .

ابني هم تسافر وتعوفني ليش متبقى ويانا ونطلع كلنا سويه لمكان

عماد : يمه حبيبتي هو عندي عطلة هالاسابيع اريد ارتاح واتونس شوية ترى نفسيتي صفر الله يخليج خليني

زين يمه عماد الله وياك

يمه ترى ماكو شي اهناك المنطقة محمية واني راح اخذ حميد و٢ من الحماية ويايه وانتو سافرو ويا بيت خالتي لتركيا وياسر وياكم اني حجزتلكم ودفعت المصاريف كلها حبيبي كريم لاتزعل من بابا زين حبيبي بس ارتاح شوية اوعدك اجي يمك ونتونس واخذك لوين ماتحب

كريم : اوك دادي احبك اهواية

عماد : خليته بحضني وبسته من اشوفه أنسى كل الالامي

آيه : يالله اقتربنا من عطلة راس السنة متعودين كل سنة نسافر لدولة بس هالمرة اني اقترحت نروح لمصر شرم الشيخ واهلي هم وافقو ماعرف اهواية متحمسة للروحة صديقتي زينة هي من اقارب ابوية راح يسوون حفلة تنكرية راس السنة اهناك واني اول مرة اشارك بهيجي حفلة شجعتني اروح يمها ابوها تاجر جبير ومشهور كالتلي راح نتونس ونضحك اهواية اني وهي عقلنا مثل بعض تتمنى تجرب الحب بس تكول بعدني ممستقرة واني أضحك عليها اكوللها خلي نتمتع هسة بعدنا صغار ياحب يابطيخ ماعترف بهيجي شي اكبر واتزوج وخلصت

زينه : اوي اشكد عقليتج قديمة اكو هسة هيجي

آيه : والله شسوي لما اصير ٣٠ سنة اخذلي واحد وافضها

زينه : من كل عقلج آيه يمعودة اني اريد اجرب حب ورومانسيات اريد اموت وياه يالله اتزوجه

آيه : اوف يابة اعيش بعذاب عود احب لي واحد ونهايته لو اتزوجه لو لا ماريد

زينه : ولج عيشي هسة بعدنا صغار خلي نتونس والله عندي واحد بالباكيت يخبل

آيه :عوفي هالسالفة اكولج شفتي صورتي اللي نزلتها على انستا

اي مال جدج هههههههه بله شلون لقطة صراحة انتي مبدعة .

دينا : آيه حبيبتي كومي ماما تريدج

آيه : زين حبي باي زينة اشوفج بمصر نزلت جانو كاعدين اهلى بستهم كلهم

زيد : ولج ضوجتيني تروحين وتجين تبوسينا كافي بابا ماما عقلوها

زيد يمه اكو احلى من اختك وحركاتها الله يحفظها النا ويدوم عليها الضحكة ب

ام زيد كملتو شغلاتكم لان باجر راح نسافر

اي حبيبي احنا جاهزين كلشي تمام

آيه : كعدت بينهم ترى اني متحمسة فول

دينا : وانتي يمتى مجنتي متحمسة

آيه : لا علمود اروح للحفلة التنكرية بابا انتو وين تروحون

والله بنتي أحنا معزومين على يخت يومين نروح أني وامكم ودينا تبقين انتي وزيد ويا نانا بالفندق

آيه : أوك بابا ليش تضحكين دينا خاتون

دينا : معزموج عبالهم انتي طفلة

آيه : شكو بيها اصلا اني ميهمني اروح لهيجي اماكن

دينا : شنو قررتي تلبسين بالحفلة تنكرية

زيد : والله لبسي مال ساحرة شريرة تلوكلج

اسم الله بنتي أميرة ياساحرة زيد

آيه : طلعتله لساني ترى انت يازعطوط ممعزوم

زيد : أدري راح أبقى ويا نانا وراح اسوي حفلة بجناح الفندق على عنادج ها ..

آيه .وصلنا لشرم الشيخ جنا كاعدين كدام البحر ومتونسين كلنا بس عمتي وابنها مهند جانو ويانه وهو انسان كلش تافه وحقير يشتغل ويا بابه بشغله الخاص وعمتي متعجبها العجب اجى زيد تدرون منو شفت بابه سأله منو واحد سفير سألته شنو واحد سفير

مهند: خالي هذا عماد الحقير اهنا لو بيدي هسة اذبحه واشرب من دمه اشكد اكرهه هذا الحقير ترى شهر الفات كومه خسرنا فلوس بالسوك

أبو زيد : وخر من يمه لاتورطنا وياه معليك بيه جايين نتونس تسمعني مهند

زين خالي

آيه : شفت دينا اتخربطت امي لزمتها كتلها شكو شفتها تبجي وترجف امي اتوترت

ماكو يمكن مستبردة ادخلها جوا واجي

آيه : اني بالي يم هذا اللي يحجون عليه عماد مادري اكو شي يشدني أريد افتهم منو هو شنو السالفة سألت زيد وين شفت السفير كال بذاك الجهة.

#عاشقة_السفير 3

أحبّك أكثر

تكبّر.. تكبرّ!

فمهما يكن من جفاك

ستبقى، بعيني ولحمي، ملاك

وتبقى، كما شاء لي حبّنا أن أراك

نسيمك عنبر

وأرضك سكر

وإنّي أحبك.. أكثر

يداك خمائل

و لكنني لا أغنّي

ككلّ البلابل

فإنّ السّلاسل

تعلمني أن أقاتل

أقاتل.. أقاتل

لأنّي أحبّك أكثر!

غنائي خناجر ورد

وصمتي طفولة رعد

وزنيقة من دماء

فؤادي،

وأنت الثّرى والسّماء

وقلبك أخضر..!

وجزر الهوى، فيك مدّ

فكيف إذن لا أحبّك أكثر

وأنت، كما شاء لي حبّنا أن أراك:

نسيمك عنبر

وأرضك سكر

وقلبك أخضر..!

وإنّي طفل هواك

على حضنك الحلو

أنمو وأكبر!

عماد : كاعد يم البحر رحت زاوية بعيدة ماريد اشوف احد هسة وكت عطل لان راس السنة اتقرب فالناس مسافرة بكل مكان اللي متشوفه ابلدك اتشوفه برا ردت اخذ راحتي حجيت ويا اهلي جانو طالعين لتركيا ويا بيت عمي واني ومقداد اجينا على شرم الشيخ الطبيعة حلوة اهوايه اهنا ابويه الله يرحمه جان يحب البحر والطبيعه

مقداد : طلعت اوراقي بديت اكتب خواطر للخائنة بنظري اشكد كلبي حقير ميكدر عليها لعنه لو سحر هالحب البائس بديت اكتب واقرا على جوالي التعليقات على تويتر كل مانزل شي عليج احس جرحي يتجدد الله ياخذج واخلص منج  ها عماد وين تريدنا نروح بالليل اني اريد ابقى بالفندق تعبت بالسباحة اليوم

عماد : كالعادة اروح اكمل شغلي بالغرفة شنو تكتب وتالي وياك راح تنتحر من وراك وصدك اشكد غبية تتابعك وتقرا الخواطر شوف الناس شلون متأثرين بي ويحاولون يعرفون منو هي بكل مرة ريحهم وكول اسمها محد يعرفها من النك نيم صرخة امراءة  خلي اشوف شعندي مواعيد بالايام القادمه صدك باجر معزومين بحفلة رجل الاعمال المصري ليش متروح بدالي تسوي بي معروف مانساها الك ماعندي مزاج احضر حفلات من هالنوع

مقداد : وينه ياسر يسمعك ماعنده حظ دايما ميكون وياك من تكون معزوم على هيجي حفلات اروح وأمري لله

عماد : اكره أشوف الراقصات واللحم الرخيص اللي يهتز داير مداير الطاولات ينتظرون يذبون فلوس عليهم مادري شنو المتعة بهيجي نوع من الحفلات غير الهمجية ورغبة بالجسد يمتلكونه مقابل فلوس لو يجمعون بكل حفلة الفلوس اللي يوزعوها ميبقى طفل بالشارع جوعان وبدون مآوى بس عقول تافه تفكر بالشهوة لاغير

آيه : اممم كعدت بس كلبي يكولي روحي شوفي السفير ضحكت بداخلي هسة يطلع واحد شايب كوة يمشي خلي اروح اشوفه شفتهم ملتهين بالسوالف جريت نفسي ورحت ادور على واحد شايب المشكلة المكان بيها كومة ناس كبار وياهم حمايات ماعرف ياهو بيهم لزمت وحدة جانت توزع مشروبات سألتها وين السفير عماد بالبداية مجاوبتني سوت نفسها متسمع او متفتهم  انطيتها فلوس  كالتلي اهناك يم البحر رحت هم ملكيت شايب بس ادور ماكو  وينك ابو كرش مترين  وينك يالاصلع ابو المناظر رجعت لزمتها جانت فلبينيه عربيتها مكسر واني انكليزيتي مكسر  تعالي ام ربع عيون ليش تكذبين عليه وينه أشرتلي على زاوية عفتها ورحت شفت واحد كاعد وبيده عصير رحت وكفت قريبة عليه جان مغمض عيونه مسترخي بقيت واكفة اباوعله مصدومة صدك هذا سفير لو هاي الثولة خدعتني شلون اتاكد والله حلو مستحيل يمكن حس عليه اندار عليه فتح عيونه اني ماعرف اشصار بيه اباوعله ويباوعلي استغرب حجه ويايه بالانكليزي مجاوبته اصلا مركزت شيكول بس اباوعله

عماد : جنت مغمض عيوني حسيت بحركة ورايه انداريت شفت بنية واكفة استغربت جانت تباوعلي بشكل غريب بالبدايه خفت منها هاي منو وشتريد سألتها بالانكليزي مجاوبت شكلها ممبين اجنبية حجيت وياها بلغتي جاوبتني وهي متعرف شنو تحجي بس تباوع شكيت بنفسي ولو متعود نظرات النسوان عليه بس هاي غريبة رايحة بغير عالم سألتها

خير اختي محتاجه شي

آيه : ها اي اي

شكو اتفضلي

حضرتك استاذ عماد

اي خير اختي تردين شي

لزمت كلبي اوف صارلي ساعة ادور عليك

وليش أدورين عليه

ماعرف ممصدكه ترى بعدني أفكر صدك انت سفير باوعلي متعجب

انتي بيج شي

لا والله بس والله ماعرف شكولك صاح على واحد

صحت حميد يساعدها

نعم سيدي

شوف هالاخت شتريد ساعدها اني راح افوت أسبح

زين سيدي

اترخص منج

لالا الله عليك لاتروح بس اريد اكولك شي

اتفضلي كولي

باوعت لذاك الشخص المسمى حميد افتهم اترخص وعافناممكن اخذلك صورة

نعم

مممممكن صورة واروح

انتي شنو سالفتج ترى ممبين عليج من البنات اللي يذبون نفسهم على الرياجيل انتي شوية غريبة اقتربت منها انتي زاحفة لو شنو

بدون وعي جاوبته اي زاحفة

ههههه وهسة شرايدة

فدوة للضحكه بس صورة

شكلتي شتسوين بيها

اني رسامة احب الرسم

وشتسوين بصورتي

أرسمك طبعا

طبعا هم وياها متأكدة اخليج تاخذيلي صورة

وليش لا شكو بيها

لا بيها اهواية ميصير وهسة اترخص عندي شغل زحفي بغير مكان اني مو بكدج عفتها مشيت حسيتها ورايه انداريت لاتعصبيني عوفيني وروحي

  ترى بعدني مصرة اخذلك صورة

اخذي وفضيني بسرعه صبري بدى ينفذ

اخذتله صورتين مخلاني احجي شي وعافني شفت وياه حميد و٢ يمكن الحماية مالته رجعت يم اهلي واني عبالي مسوية انجاز تاريخي كلش فرحانة سألت على دينا ماما كالتلي تعبانه ترتاح صعدت لغرفتي بالفندق خابرت زينة حتى نطلع سويه .

عماد : صعدت لجناحي ارتاح كلما اتذكرها اضحك اول مرة اشوف هيجي وحدة سألتها شتريد مجاوبت  مقبلت بعدين كالتلي تريد تصورني واني عبالي هاي مسوية مصيبة وتريدني اساعدها حتى سألتني انت السفير عبالك ممصدكة

مقداد : امبين عليك مرتاح عماد افندي الصبح جان وجهك مكلوب

والله هسة صارتلي فد شي غريب

شكو خير

حجيتله السالفة بقينا نضحك

آيه : طلعت ويا زينه نفتر بالمول ويا اهلنا رايحين بس كل واحد يدخل بمحل تعبت  من الفرفرة ردت ارتاح وارجع بسرعه للفندق اشوف صورة السفير  .

#عاشقة_السفير 4

يضيق الكون في عيني وأشوفك في خيالي كون

أشوفك كلّما أغفى لأنّك حلمي السّاهر

أحبك في تفاصيلك، أحب أسلوبك المجنون

أحبك في طلوع الشمس، أحبك يا أمل باكر

أشوفك داخلي أطفال مع ريح الفرح يمشون

أحبك في أبتسامه طفل أذا ناديت يا شاطر

أحبك يا صدى صوتٍ بحاسيس الهوى مشحون

أحبك يا ربيع أخضر، أحبك يا شتا ماطر

أحبك لذة السكر، أحبك ريحة الليمون

أحبك في قصيدة شوق كتبها في الهوى شاعر

أنا صادق بحبي لك وقلبي أول العربون

أنا لا جيتك الأول بلا ثاني بلا عاشر

حقيقة اسمك الفاتن حقيقة قلبي المفتون

أنا من كثر ما أحبك أردّد دوم يا ساتر.

آيه : شلون اوصل لهذا السفير مبين مينطي وجه واني شبيه مهتمه بي لهلدرجه طلعت ويا زينه مترددة اكوللها لو لا اخاف تضحك عليه باوعتلي كانما عرفت اريد شي زيونة

زينه : كولي آيه خاتون متاكدة عندج شي هالايام انتي موتمام تعالي نكعد بكافتريا اهناك كلش حلو ناخذ راحتنا وادخن بكيفي

كعدنا حجيتلها سالفة عماد ماتت من الضحك ليش تضحكين حيوانه

مدا اصدك هيجي كايلتله

والله اني هم ممصدكة خطية الرجال شك بيه عندي شي شوفتها الصورة بكاميرتي يخبل مو

ترى اعرفه

صدك شلون معارف اهلي من بعيد بس محاجيه ويا

ليش محجيتلي تعرفين هيجي واحد

واني شمدريني تريدين تتعرفين على السفراء هههه

ياسفراء بس هو 

شنو القصة آيه ترى بديت اشك بيج لايكون مخبيه عليه شي اموتج اهنا كدام الناس

اتصدكين زينة صورته صوته متطلع من بالي

ولج خبلة لاتطلعين بالعالي ترى اكبر منج وشخصية انتي صغيرة ميباوعلج

ههييييي وين راح تفكيرج مو قصدي اللي بالج

آيه ترى مبين انتي واكعة  مو خوش وكعة عيونج تلمع  وذبلانه وصايرة مال ادبسزية

ولي زمالة  شنو هالحجي مو مال واحد يحجيلج شي غبيه  خلي نروح  كتمتي نفسي بهالجكاير يع  مادري شنو تحبين بي رجعت للفندق واني بالي أسال واعرف اكثر عن عماد باوعت على الاستقبال  صح اني ليش مسألت اهنا عليه  سألت على غرفة السفير اعتذر الرجال مني كال ممنوع ننطي معلومات على شخصيات سياسية عزا هذ عباله اروحله للغرفة  مو خوش سالفة هاي  شسوي ياربي جبت ورد كتبت على ورقة ماكو احلى منك وانت احلى من هذا الورد تحياتي وقعت عليه  وانطيتهم يرسلونه لغرفته.

عماد : كاعد اراجع اوراق شغلي دك تليفون الجناح جاوبتهم كالولي جايتلك هديه اذا تسمحلنا نصعدها استغربت ساعة ١٢ بالليل ياهدية اوك جيبوها خابرت حميد بالجناح الثاني كتله شوف شكو جاييلي هدية ورا شوية فات شفت بيده وردة حمرة وبيها ورقة انطاني واترخص شنو هذا فتحت قريت المكتوب بيه ماعرف ليش حسيتها من هالبنية الغريبة اول مرة يجيني هيجي هدية مبين مال مراهقات ردت اذبه بس خليته ورجعت على شغلي .

آيه:بدلت ملابسي ردت انام مجاني نوم طلعت كاميرا بقيت ساعتين اباوع واتامل بصورة عماد وشغلت اغنية منو إنت وتسرح في قلبي

وبين عيوني ليل ونهار؟!

و منو إنت وشاغل تفكيري

وشاعل بين ضلوعي النار؟!

يمكن انت اللي تسعدني

ويمكن انت اللي تهنيني

ويمكن انت اللي تظلمني .. اللي تعذبني .. اللي تبكيني

وداخله جو اريد انام ماكدر عيونه عذاب ياربي وصلتله الوردة لو لا اوف شسوي هسة اني شبيه احب لا شنو حب ماعرف شسوي باجر شلون اشوفه واني ماعرف بيا جناح ساكن ماكو حل غير لازم ألزم الفلبينة وانطيها فلوس تنطيني معلومات .

عماد :نزلت الصبح اركض العب رياضة واتمشى الجو كلش حلو جنت البس نظارات كبار وكاسكيت حتى ميعرفوني واخذ راحتي مرات اخذ الحمايه ويايه مرات اروح وحدي اريد اعيش حياة عاديه حالي حال الناس بس اني حياتي مو ملكي اي تصرف غير صحيح انفضح واتورط لازم احسب حساب لكل شي شفت مقداد كاعد مركز يكتب اكيد اشعار ويا واحد صديقه سلمت من بعيد مشيت مسافة باوعت شفت مجموعة جهال يلعبون اتذكرت كريم اشكد مشتاقله حبيبي انداريت اروح شفت البنية كبالي باوعتلها اقتربت مني ردت اسوي نفسي ممنتبه وامشي وكفت كدامي

آيه: صباح الخير

عماد: اهلا اختي

أسمي آيه

اهلا ممكن من رخصتج

اي اتفضل عفتها

ومشيت .

آيه:الصبح نزلت وخابرت ابويه بابا اني مراح انتظركم اترخص منك اريد افتر براحتي الله يخليك اريد اصور وارسم

بابا: زين بس ديربالج من نفسج ولاتنسين موبايلج زين حبيبتي

ايه: شكرا حبيبي واخيرا  راح اكدر اخذ راحتي رحت شفت الفلبينية شافتني ضحكت حقها انطيها فلوس سألتها شافت عماد لو لا كالتلي لا وبعدين هسة ساعة ٧ الصبح بعد وكت مجاوبتها عفتها صارلي ساعتين ادور واخيرا لكيته جان يباوع على مجموعة جهال باوعتله بحنان  فديتك تحب الجهال مثلي هاي اول صفة مشتركة بيناتنا اتخيل نفسي حامل  ا يبو اني وين وصلت بتفكيري هو حتى ميباوعلي شافني راد يروح وكفت كدامه باوعلي اني انتهيت كل قصص العشاق اجتي بالي بلحظة اتخيل نفسي وياه صحاني صوته لما كال اختي نزلني من السما اكول بكلبي يا اختك ولك اني دا اتخيل نفسي حامل منك وانت تكول اختي اوف شسوي هسة واني ماعرف شلون اتعامل ويا رجال ممجربه اول مرة اترخص وعافني بقيت اسبوع ورا مرات يسلم مرات يغلس اهلي مستغربين مني دايما وحدي بعيدة عنهم ماطلع وياهم مراقبة عماد شاغلني منسيني نفسي مرات اطلع ويا زينة بس ماحجيلها اخاف تضحك عليه واني نفسي ماعرف شبيه جنت كاعدة ويا دينا ترتب ملابسها كتلها دينا شلون الوحدة تعرف انه هي تحب شخص جانت تحجيلي سوالف ومواقف الحب واني مندمجة وياها وكفت باوعتلي

دينا: آيه حبيبتي اكو شي مخبيتها عليه

ردت اكوللها بس سكتت مو وكتها لا ليش

سؤالج غريب آيه اذا اكو شي احجيلي زين حبيبتي ترى اني مو بس أختج أمج وصديقتج واصلا انتي هالسفرة كله منعزلة لوحدج

اعرف حبي متقصرين وانتي روحي بالدنيا  بس سألت من باب الفضول لاغير لاتهتمين

عيوني انتي لاتهتمين لهيجي سوالف عيشي حياتج لاتصيرين مثلي

ليش انتي اشبيج

ماكو مابي شي آيه ممكن تخليني وحدي

دينا ليش احسج مخبيه عليه شي

لا ماكو هيجي حجي بس تعبانة واريد ارتاح

ايه:عفتها ونزلت رحت على سوبر ماركت اشتري تسالي ونمنات صارت عندي عادة  اذا ارسم لازم اكل جبس وحلويات ونساتل ترست سلة جبيرة واني ابالي الليلة راح ابدي ارسم عماد ردت اجيب ببسي شفت عماد واكف يم الثلاجه وبيده مشروب طاقه اني بدون وعي مشيت رحت يمه قبل ماحجي باوعلي وضحك يمه واخيرا ضحك يعني اكو أمل

عماد: لاتكوليلي صدفة ترى كل الصدف خلصت وياج انتي من وين تلاحكيني اخاف بالليل تطلعين من اللحاف

آيه:  ياريت

عماد:آيه من الاخير شرايدة مني

آيه: تذكرت اسمي يافرحتي بيك ممكن اخذ من وقتك ١٠ دقايق اعزمك على فنجان كهوة باوعلي

لا اني عازمج

صدك كول والله

اي والله شبيج مو مصدكه مو اريد افهم واخلص من السالفة 

مشيت قبله من الونسة احس نفسي اطير  نسيت الغراض صاحني العامل مدام الغراض طلعت فلوس وانطيته كتله الغراض هم ألك عوفني هسة رحنا كعدنا بمكان هادي

ليش مجبتي غراضج

مو خفت اتأخر عليك وتضوج

ليش هالكد مهم تكعدين ويايه

فوك متتصور

تدرين آيه انتي اغرب وحدة شفتها بحياتي

باوعتله بعين حزينة ليش انت تعرف اهواية

اشبيج انتهيتي لاتغيرين السالفة  اريد اعرف شتريدين

مني بصراحه

تصدك عماد

عماد حاف ترى اني اكبر منج

ماريد اكولك استاذ لان ماشوفك استاذ

لعد شتشوفين

سكتت وباوعتله اشوفك عماد وبس محجه شي طلبت عصير وهو كهوة اريد اكولك شي

اتفضلي من الاخير كوليها ماحب اللف والدوران

عماد اني يمكن احبك

شنو هاي برنامج مقلب ياحب عصبت منها وكفت اروح

لزمت ايده ممكن متعصب ونحجي بهدوء جر ايده مني

لاتتماديين ويايه طريقنا يختلف واني ماحب اضيع وقتي ويا مراهقة تتونس يومين وتتباهه كدام صديقاتها عدها علاقة ويا فلان شخص مشهور

اصدكني ماجذب عليك وانت اول شخص اكوله هذا الحجي بس اشوف عيونك انسى نفسي واحجي من كلبي من يوم اللي شفتك واني عايفة عقلي كام وخله فلوس

صوجي اكعد وياج ماريد اشوفج افتهمتي لاتطلعين كدامي راح اتصرف تصرف ثاني وياج

اشكرك عماد على وقتك الثمين وعلى اهانتك وجرحك لمشاعري اخر كلمة لو تموتني ماعوفك افتهمت ركضت وعفته واني ابجي اشسويت بنفسي اشايفني ليش متصور اني وحدة رخيصة ياربي صدك جذب اللي صار صعدت ابجي اباوع على نفسي من مرايات المصعد هاي اني دا ابجي .

عماد:صارلي اسبوع اشوف البنية الغريبة كدامي وين ماروح احسها تراقبني مو صدفة اليوم شفتها بسوبر ماركت اقتربت مني حجيت وياها ردت اخلص وافتهم سالفتها مو معقولة وين ماروح تطلعلي سألتها تراقبيني رادت تعزمني كتلها اني عازمج مصدكت حتى نست غراضها عبالي ماعدها فلوس بس شفتها انطت فلوس للعامل ومخذت شي جانت تمشي كدامي سريع اشبيها النوب لاتطلع مخبلة حجيت كالتلي احبك اني اتخبلت شنو هالجذب يعني وصلت بيهم البنات يطبقون المثل اللي يكول شفته وشافني وحبيته  مفاد الحجي وياها لو بيدي اضربها اخر شي هددتها توخر من طريقي وتعوفني .

#عاشقة_السفير 5

الحب موّالُ الحياة وأنت فيه الشاعريّة

كم رحت أبحث عن وجودك في متاهات خفيّة

ولبثت في ذاتي أفتش عن معانيك البهيّة

وقرأت في عينيك أطياف الوداد السرمديّة

ورسمت تاريخ الجمال على شفاه اليعربيّة

فغدوت همسة مدنف في القلب ترسمها المنيّة

وأتيت من نبض الجنون ومن سمو الآدميّة.

مقداد: هاي وينك من الصبح ادور عليك وين تليفونك امي مخابرتك وانت متجاوبها جانت خايفة طمنتها مابيك شي بعدين خابرها

عماد: يم حميد  مقداد تتذكر البنية اللي حجيتلك عنها

المراهقة شبيها

حجيتله سالفتها وانه هي تحبني اريد احد يقنعني اكو هيجي شي لان اني مو مقتنع بيها

هههه لاتخليها ابالك هاي يمكن تعيش مراهقتها متعرف شتسوي حايرة بروحها

ماعرف مقداد صوتها كلش قهرني

انت رجل سياسي تجي خبلة تلعب بعقلك

اشبيك مقداد ترى اني هم بشر

اعرف من حقك تعيش وتجرب بس انت مو شخص عادي خليها ابالك انت سفير مو انت توكع ويا المراهقات وتصير فضيحة بلسان اللي يسوى واللي مايسوى

عماد: نسيت سالفتها مرت الايام جنت معزوم بحفلة افتتاح معرض ردت شوية اغير روتيني اتأقلم ويا البنات اشكد حاولو ويايه منطيتهم وجه اتذكرت حجي ياسر عليه اشبيه اني ماحس بيهم اخاف صاير بيه خلل اتذكرت آيه وجهها ميروح من بالي وتحديها انه متعوفني جانو يوزعون هدايا انطوني هديه ردت اصيح حميد ياخذها شفتها دخلت مثل الحورية تمشي وتضحك ظليت صافن واباوعلها هاي هيجي حلوة واني ممركز عليها كلت بكلبي هسة تجي يمي مرت  حتى مباوعتلي كلت اكيد خافت من تهديدي بس بكلبي انقهرت شفت نظرات الاعجاب من الرياجيل متحملت ردت اجرها من شعرها واكوللها انتي وحدة جذابة عزمني صاحب الحفلة على البوفيه جنت اخذ عصير جتي كدامي شلونك عماد واني معصب لو سمحتي استاذ لو سعادة السفير

ايه:مو بكيفك غمزتله  عماد وبس

عماد: راحت ايا ملعونة مخلتني اكمل كلامي شفتها طلعت استحيت واصلا ميصير أطلع وراها اخ منج كون هسة الزمج وين تروحين مني  منو انتي اصلا حتى تلعبين بعقلي

ايه:.من اليوم اللي اهني عماد واني اراقبه من بعيد دا احس نفسي متعلقة بيه  رجليه تاخذني للمكان اللي هو بي ماخلي يشوفني اباوعله من بعيد واجر حسرات حتى اهلي يحاولون يعرفون شبيه اكوللهم واجاوب بضحكه ماكو شي صرت امثل الضحكة صرت جذابه كل هذا علمود شخص دخل لحياتي صدفه  اليوم رحنا لحفل افتتاح معرض ويا زينة رتبت نفسي زين دعيت اشوف عماد هو شايفني بلبس عادي ماخلي مكياج اهوايه ماحب التصنع احب الطبيعة اليوم غيرت من كل شي دخلنا شفته كلبي كام يدك لزمت نفسي بالبدايه مسلمت عليه بعدين متحملت اتقربت منه وحجيت وياه راد يكسرني بس هزمته وعفته يغلي واخيرا اني الك بالليل دزيتله وردة كتبت انت لي  لو هسة اشوف وجهه .

عماد:وصلت لغرفتي غسلت وبدلت حجيت ويا كريم ابني شوية وبعدين ويا عمي اجى حميد سيدي هم جايتلك وردة اوف بدينا جيب عيني قريت الورقة مكتوب انت لي اكص ايدي اذا مو آيه لو اعرف بنت منو هسة افوتلها للغرفة وميمهني شي حميد راقب آيه شوفها بنت منو

اوامرك سيدي

ردت انام جتي طيفها ابالي اشبيك عماد اكول لنفسي تخبلت تفكر بالخبلة شكو بيهة ليش مانطي لنفسي فرصة اعيش حياة عادية ليش حابس نفسي بس ويا منو هاي مبين عليها صغيرة اوف اشجاني هسة خابرت يجيبولي وحدة ماريد افكر بيها اريد اشتت تفكيري خلال ساعة جانت عندي وحدة اجنبية كلما اباوعلها أشوف آيه بيها مكدرت اسوي شي جنت بارد هي حاولت بس اني قفلت وبكلبي اكول هاي هسة تضحك عليه تكول رجال طول بعرض وميكدرلي خلصت منها شلون مجان وبعدين ندمت.

ايه:  الصبح رحت ويا زيد اخويه يحب الخيول رحنا لساحات الاسطبل ميعرف يركب اني همينه بس نباوع  ونشجع حسيت شخص ورايه وكلش قريب منداريت خفت كالي اني الج هذا عماد والله هو انداريت جان لابس ملابس فروسية اباوعله ممصدكه عماد حجه ويايه وكالي اني الج الحمدالله ضليت صافنة بعدين اتذكرت زيد جان ويايه باوعت ماكو اتخبلت وين راح اباوع ماكو شفت نفسي ماشية ورا عماد وتاركه زيد بمكانه رجعت شفته يبجي ويحجي عليه

زمالة شلون تعوفيني وتمشين اني الج مخفتي يبوكوني ترى اني اخوج

ههههه  هلكد منكوله لاتروح بعيد ولاتطلع للشارع وحدك يبوكوك صار يخاف يبقى وحده كافي اسكت فضحتنا  انت رجال عيب تبجي تعال اخذك للمطعم

ماريد اريد اركب مثل هذولة الناس

منين تركب متعرف اخاف يصير بيك شي

اني الج راح اكول لماما عفتيني ورحتي ورا رجال

عزا هذا راح يفضحني غشمت نفسي يارجال اسكت لا اموتك هسة امشي اعزمك على سينما

اي هيجي جري عدل .

عماد:رحنا اني ومقداد نركب احصنة شفتها واكفة ويا طفل ماعرف منو رحت لزكت بيها وكلت بأذنها اني الج عفتها شفتها عافت الطفل وتجي ورايه ردت احجي اكوللها وين جايه صاحني مقداد وتيهتها المغرب جنت اتمشى على البحر اشوف الناس كل واحد ويا وحدة وعايشين جو واني وحدي المكان كلش رومانسي وهادي مطفين الاضوية بس شموع  اتمشيت ضجت وحدي  ردت ارجع شفت آيه دتصور هالمرة اني اقتربت منها باوعتلي وكعت الكاميرا شلتها انطيتها بيدها كتلها شنو شايفة جني

ايه:لا والله شايفة ملاك

شنو هذا الحجي غزل

اي حجيتها بدون خوف

اشكد عينج قوية انتي اشرتلها نروح لزواية بعيدة جتي مثل المخدرة معرف اشبيها تمثل لو شنو سالفتها كعدنا نحجي اباوعلها رايحة غير عالم مو وياج وين رحتي اشبيج

عماد

نعم خاتون

انت عمرك حبيت

لا ليش وانتي شكو زين وانتي لاتكوليلي اول مرة ترى ماصدكج

واني ليش صدكتك اكولك ترى انت اول واحد احبه واتجرء احجي وياه واكولك اني احبك وادري بيك ممصدكني وشتكول عليه كول ميهمني لزمت ايده خليته على كلبي شدتحس عماد تحس بكلبي تحس بدكاته هاي عشقي الك نزلت ايده  ردت اروح لزمني

اوكفي مو كل مرة تعوفيني وترحين

ايه:شكو تريد تحجي عليه ماسمعك اريد احتفظ بهاللحظات الحلوة بدون متخربها بحجيك الجارح

اوكفي اكلتيني مراح احجي شي لا تخافين اليوم مزاجي زين على حضج

كعدت مادام نفسيتك زينه صير حباب وأسمحلي اخذ وياك صورة

شنو هالتطور بالبداية جنتي تردين صورتي وهسة تردين اتصور وياج اخاف تردين غير شي وساكته

اي اريد  فرصة متتعوض اكعد وياك

اني فكري راح لغير شي ياريت تطلب لمسة بوسة مجنت اعترض

اريد رقم موبايلك

😲شنو هذا طلبج اي عبالي خزنت رقم حميد بموبايلها واستأذنت

ايه:ودعته واني اغني واركص بدلت رحت تعشيت ويا اهلي انتظرت ساعة ١ بالليل حتى اخابره الوكت ميروح اغني وفرحانة واخيرا رحت لغرفتي اتمددت على فراشي خابرت مرة مرتين جاوبني صوته مو عماد كلت عماد

حميد:منو حضرتج

ممكن احجي ويا عماد

اكوله منو  حضرتج

وانت شعليك سد التليفون بوجهي هذا منو ايا جلب شلون هسة خابرت ٣ مجاوب دزيت رسالة اني آيه بعد ساعتين جنت مابين نايمة وكاعدة سمعت صوت تليفوني جاوبت الو

عماد: شنو نايمه

ايه: عماد

اي شمسويه بالحارس خبله

ممسوية شي ردت احجي وياك سده بوجهي ضحك كال زين روحي كملي نومج

لا صدك جذب يانوم

اريد ارتاح هسة كملت شغل

الله عليك بس شوية جريته لحد ساعة ٥ الصبح

الله ياخذج آيه كتلتيني باجر عندي موعد والله عيوني متنفتح كافي عوفيني

بس شوية  الله عليك عماد

باجر ترى قفلت ماكدر

سديتها منه بس منمت من الفرحة.

#عاشقة_السفير 6

ومهما حصل من بيننا صدّ وجفا

شمس حبّك في عيوني ما تغيب

وفي حنانك يا بعد عمري وفاء

فيك معنى الحب يا روحي يطيب

صادق شوقك وشوقي صفا

لو تروح بعيد من قلبي قريب

في غرامك هام قلبي واكتفاء

في غيابك مشتعل مثل اللهيب

ومن عرفتك شوق قلبي ما طفاء

صدق إني وافي يا أغلى حبيب

بنتي آيه وينج مختفية منشوفج زينة معزتها اكثر مني مشتاقلج الكعدة بدونج ممله النسوان بس يحجون بالملابس والماركات ماعندي غيرج يونسني

لو تسمعك امي هههههه ماكو من بعد معزتك احد وزينة احبها بس مو اكثر منك الله لايحرمني منك بابا

بديتي ترسمين شي اهنا المناظر كلش حلوة اني من اطلع اخذ صورة بموبايلي حتى من نرجع تاخذين اللي يعجبج بيها وترسميه بايدينج الحلوة خلي اليوم اني وياج نتمشى وحدنا نروح للمول نتسوك براحتنا

ها هسة وكته غير اريد اصير وحدي يعني ماشوف عماد شلون ورطة وماكدر ماروح ويا بابا زين بس اروح اجيب الكاميرا واجي ردت اصعد لغرفتي حتى اخابر عماد لان ماكدر اشوفه واني راح اموت من الشوق بلكي يجي للمول واشوفه اهناك

تعالي اجيبلج واحد جديد هسة تروحين تتأخرين فوك اي آيه احجيلي شلونها العطلة والسفر حلوة لو لا كلش جنتي متحمسة تجين

كلش حلو فوك ماتتصور بكلبي خصوصا عماد احلى شي بيها ياريت جاين من زمان اني وين جنت عنه صوجي ماهتم للاخبار السياسية كله اغاني وافلام من نطلع اخلي ايدي بايد ابويه يحسسني اني اميرة مو بنته يوكف بالساعات وميكول تعبان يمتظرني لحد مااشتري شي يعجبني ودايما يناقشني بأختياراتي ومن اخذ شي ميعجبه يحاول بطريقة حلوة اخذ غير شي يختار شي ثاني يكول هاي احلى عليج يخليني اقتنع برضاتي مو غصب

مقداد : راح اروح اخذ هدايا للأهل بالك شي اجيبه الك لو تروح بنفسك

عماد :  لاخابرت المصممه قبل لا اجي اهنا راح ترسلي مجموعه من الملابس الرسمية الكوليكشن الجديد عندي مناسبات اهواية اهنا واني جايب بس السبورت اخابركريم اشوفه شيريد طلب لعبه شايفها بالانترنيت راح ادزلك صورتها

زين رايح احتمال اتأخر اروح معزوم بندوة ثقافية

يعني متجي ويايه نروح للمعرض

وصلتك صور السيارات لو لا

خلي اتأكد من حميد لان خليت موبايلي يمه ردت انام شوية 

على العموم انت تشتري على ذوقك دائما متحتاجني مادري متشبع من السيارات اتصور تحب السيارات اكثر من نفسك

ههههه ادمان مو طبيعي من اشوف سيارة جديدة ماكدر الزم نفسي وماأخذها

أحسن شي الادمان بالسيارة مو غيرها  اي قبل لاانسى شبيها عيونك متورم مبين منايم زين علمود هاي تأخرت بالكعدة اليوم

ماكو شي شوية ارهاق ومراجعة حسابات وصلتني بارحة من الشركة رأس السنه نختم الميزانية ونسوي جدول جديد

اكيد لو غير شي ها عماد بديت تخبى عليه يالله اعديها هالمرة ألك هههههه اي يوم شقرا يوم مراهقة وينك ياسر تشوف عماد صار منحرف

الله وياك مو اللي ببالك كمت طلعت ملابسي رحت للحمام واني اتذكر آيه بيها شي غريب هالبنية اشكد اصدها متمل لازم اوخرها من طريقي احسن شي اخاف انجرف ورا مشاعري وادخل بعلاقات اني في غنى عنها

آيه : جهزت غراضي حتى الصبح اروح كدام البحر ارسم عماد بقينا اسبوع كل ليلة نتخابر مرات اشوفه مرات لا يحجي ويايه حجي عادي واني اتغزل بيه وهذا  ميحس ولا كأنه يسمع من اسمع صوته اروح بغير عالم عمري متخيلت الحب هيجي يسوي اشكد أكون ضايجة من يتأخر عليه بس يكول الو عبالك ملكت الدنيا بأيدي لو بس يتنازل شوية جان اني بخير فزيت سمعت صوت تليفوني مستحيل عماد يخابرني

جنت ماكدر انام بالليل اخاف يخابرني واكون نايمه لايزعل مني

آيه انتظرج بعد نص ساعة بفلان مكان

اوك حتى مسلم عليه رأسا دخل بالموضوع اوف عماد شفت ساعة ٦ الصبح بدلت ورحت جان لابس لبس سبورت  شنو هالجمال من الصبح خليط بين القمر والشمس ياربي كلبي راح يطلع من مكانه  ردت اروح احضنه وابوسه بس هذا مينطيني وجه ياحضن يابوس سلمت بأيدي كوة شلت ايدي منه اريد اشبع بهاللحظات اللي اكيد متتكرر وكعدت انطاني هدية فتحتها مداليه ذهب ردت اشكره سبقني

اني راح اسافر عندي شغل وهسة اودعج فرصة سعيدة آيه اتمنالج الموفقية مع السلامه حبيت انطيج هالهدية البسيطة

اراد يكوم لزمت ايده كتله واني

باوعتلها شكو شبيج

هيجي تكولي اودعج ومع سلامة وينتهي كل شي

اني منطيتج وعد بشي انتي تحبيني مو اني وترى انطيتج من وقتي اهوايه كافي بعد كلمن بطريقه هذا نهايتنا

عصبت جاوبته اشكد انسان اناني وماعندك احساس شايفني مرخصة نفسي الك تحجي ويايه كلمتين وتروح وهاهية انت شنو جماد اني احبك مدتفهم

شلون افهمج واني مطلبت منج تحبيبني واني اسف ماكدر ابادلج الحب مع السلامة.

آيه :راح وعافني بسهولة ولا كانه كلتله احبك طلعت صورته بقيت اتأمله تذكرت صارلي ٣ ايام مشايفته حتى اتنازلت وخابرته يوميه ميجاوب التليفون شلون انساه شراح اسوي ارسم واحجي ويا نفسي وليش انسى ليش ماخليه يحبني ترى جذب اني وكعت ماكدر انسى يانسيان اشوف عيونه العالم ينتهي عندي لميت غراضي كعدت ويا اهلي كتلها ماما ممكن تسويلي عضوية اشارك بالجمعيات الخيرية باوعتلي

صدك آيه تحبين هيجي اهتمامات

اي ماما اريد اصير مثلج ومثل دينا

بنتي ترى هذا مو لعب وضحك ونسه هذا مصير ناس وعالم محتاجة تنطيهم مو تاخذين منهم

اعرف وافتهم وراح ارفع راسج بلكي اصير سفيرة نوايا حسنة بالمستقبل كامو يضحكون عليه عبالهم اتشاقى وياهم

دينا :وانتي ليش مهتمه تصيرين سفيرة ماكو غير هالشغلة

شفت نظراتها عبارة عن شك جاوبتها هيجي ماعرف اريد اتقرب من الناس وأساعدهم باسني بابا من راسي

حبيبتي من وانتي صغيرة تحبين تساعدين غيرج طيبت كلبج ماله مثيل.

عماد : انعزمت ويا اخويه بمزرعة واحد صاحبنا عراقي عايش بمصر  بقينا 3 ايام المزرعة بمكان بعيد عن المدينة كلش متعب الطريق بس من تدخل للمنطقة عبالك جنة كل ماريد اغفى وانام صورة آيه متفارقني وهي واكفه تبجي من ودعتها وتكول احبك ليش ماكدر اصدكها شلون حبتني بهالسرعه اشكد تخابر ماجاوبها

احلى شي بهالمكان تتصرف بطبيعتك طلبنا منه نكون وحدنا بدون خدم منريد نتقيد نطبخ بنفسنا نلعب كرة قدم وتنس نسبح ماخذين حريتنا على الاخر اني طبعي صعب بالأكل ماحب اكل دسم كله صحي اكثر شي عكس مقداد وياسر يحبون الاكلات الشعبية والدسمة والحلويات الشرقية ياكلوها مباشرة بعد الاكل دايما انبههم مو زين ولا يسمعوني .

ها سفيرنا ماشالله بعدك تلعب مثل قبل عبالي خلص نسيت الحديد من صرت سفير

مقداد : لا كلشي ولا الرياضة عماد ميستغني عنها متشوف الجسم مو مثلنا

اي طالعلنا كروش صغيرة مقداد خلي ننافس عماد ونرجع نلعب من جديد والله  الشغل متعب غير واحد لازم ياكل زين حتى يتقوى بالليل شتكول عماد

اني حتى لو تعبان اخصص وقت للرياضة وانت الليل وسهراتك اهم شي عندك حتى من ورا الليل مطلع شيبات جديدة راح اخذ خريطة المزرعه عجبني شوية ديكورات اسويها بمزرعتنا بس الطبيعة اهنا تختلف

مقداد : بالنسبة اليه ماكو مثل بلدنا لو اروح لأخر العالم ماحس بالراحة غير ببيتنا

والله مقداد كلنا احنا هيجي غير الشغل وسوء احوال البلد خلانا كل واحد يطشر بمكان اني لو ماتجارة اهلي اهنا ولا اكعد دقيقة

عماد :اني اخالفك الرآي التجارة لازم تسويها بلدك حتى يستفاد منها اهلك وناسك وتدخل مشاريع جديدة وتطورات احسن من ماتكعد بالغربة وتتحسر المفروض كل واحد يسافر برا وياخذ فلوسه يستثمرها بمشاريع يستثمرها ببلده مو  تطلبون تطور  وخدمات وانتو رايحين بالاستثمار خارج بلدكم .

#عاشقة_السفير 7

لا تسألني عن الندى فلن يكون أرقّ من صوتك

ولا تسألني عن وطني فقد أقمتُهُ بين يديك

ولا تسألني عن اسمي فقد نسيته عندما أحببتُك.

ماما شوفي آيه من البارحه تكتب اسماء الاعضاء حتى تحفظ اساميهم والنشاطات عبالك داخله اختبارات سادس اعدادي اكول آيه اهتمي برسوماتج احسن لاتدخلين بشغل الكبار

دينا ليش تفشليني ترى كبرت

صح بنتي احنا جايين نتونس جم يوم ونرجع عوفي هالشي هسة اتونسي طلعي ويا زينه من نرجع اخذج ويايه بعد متكدرين تروحين وتطلعين براحتج

زيد : ماما راح تخرب شغلج ويفصلوج

زيد بابا عيب هيجي تحجي على أختك انت صرت رجال لازم توكف وياهم وتشجعهم

اي بابا اني البطل مال البيت وآيه خلي تروح حتى اخذ راحتي والعب بغراضها الا اكسر الاقلام والاصباغ مالتها كاتبة على صورتي زيود مو عيب هالكلمه

ههههه زيود اسم دلع حبيبي مو عيب منو كال عيب بالعكس هاي تبين محبتها ألك

خلي تكولي شيخ زيد مثل جدي مو زيود احسها تشتمني والله احس اني اكبر منها مو هي

نانا: ترى آيه كبرت وصارت عروسة احس الناس تباوعلها ومهتمين بيها جم مرة سألوني اهنا عليها واني أحسبها بعدها الطفلة المشاكسة جانت تكومني الصبح حتى نحضر فطور وهي متعرف تسوي شي غير تخرب الغراض

استحيت بس بداخلي كلت يجي يوم واتزوج عماد اتخيل نفسي وياه بثوب الزفاف جانو يسولفون واني مو يمهم فزيت على صراخ دينا ها شكو خلص العريس راح لبيتهم ضحكت عليه ياعريس

دينا: آيه صارلنا ساعة نحجي وياج وانتي مو اهنا

اي مو جنت اتزوج باوعتلي

دينا:وين تتزوجين

شكلت اني اتخبلت جانو يباوعولي مصدومين سويت نفسي اتشاقى وياهم ضحكت يعني ميصير الوحدة تفكر بمستقبلها

يصير ليش ميصير حبيبة ابوها اشوفج انشالله احلى عروسة ويا اللي يستاهلج انشالله

أكيد بكلبي محد يستاهلني غير عماد

بنتي اشجاج مستعجلة خلى اختج تروح بعدين انتي مو دايما تكولين بعدني صغيرة اشو هسة كبرتي

كمت متعصبة الف مرة كتلكم مراح اتزوج واذا ضايجين مني اهواية اتبرو مني

باوعتلها تبجي صار عدها هستريا

بابا على كيفج اشبيج اتخبلتي لا عبالج تمشين بكيفج ترفضين يوميه عريس ترى كبرتي ومو بكيفج

جانت تباوع لأمي وتبجي وامي تأشرلها بكلبي كلت هذولة الاثنين مو خالين وبعدين صدك هي اهواية ترفض عرسان بس نحجي بسالفة الزواج تتخبل اشبيها اخاف اسألها تفشلني

كعدو وغيرو الموضوع هسة يجوني ناس ماريد توتر

جان يباوع لدينا بغضب كامت باسته واعتذرت

روحي غيري لبسج ونزلي كعدي وياأمج وعوفي خبالاتج لا اتصرف تصرف ثاني وياج دينا

اني اترخصت منهم كتلهم انتظر زينة نروح نسبح

ديربالج تلبسين مايو مفسخ لبسي شي مستور ترى ازعل منج انتي كبرتي عيب وحرام

سويتله تحيه بأيدي تأمرني سيدي القائد ضحك

سهيلة اني حتى لو متعصب فول هاي الملعونة تنزلني للصفر وتنسيني عصبيتي

مو بنتك حبيبي طالعة عليك

اي ست سهيلة اخذي راحتج واتغزلي بأبويه

وانتو تخلون الواحد ياخذ راحته هذا حبيبي شوية انطونه مجال

تدللين خاتون رحت بدلت ملابسي انتظرت زينة طلعت صورة عماد اباوعله واحجي اكوله ولك ليش متحس اباوع لنفسي بالمراية اريد افتهم شنو يعجبه يانوع من البنات شلون اعرف اذا مينطيني مجال بس وين تروح وراك وراك احجي وأضحك مو حرام أنا ما أفكر إلا بيك

وقلبي مثل النار يالغالي عليك

وأنت ما أقساك مو فارق معاك

مو حرام .. حرام .. حرام .. حرام

زينة : هههه صرتي مغنية آيه اعترفي انتي تحبين مو

الله ياخذج خوفتيني جرتني

اعترفي زين بسرعة قبل لا اكسر راسج

راح اكولج بس لاتضحكين عليه

كولي ماضحك ومانطيج وعد مااضحك ههههه

اني احب عماد

منو عماد لاتكولين عماد الجراح

أشرتلها براسي أي

عزا آيه اتخبلتي ملكيتي غيره

ليش شبيه يمي ماكو غيره بس هو

خبلة انتي وين هو وين انتي اصغر منه وبعدين شنو ماعرف شكولج انسي السالفة حبيلج واحد بكدج وشلون عرفتي انج تحبينه

حجيتلها من اول لقاء لحد اخر لقاء باوعتلي

😲آيه هاي انتي والله ماصدك الله عليج عوفيه عيشي حياتج كلنا حبي بس حبي بأصول والله اخاف عليج

شنو تخافين عليه اكولج احبه ترى بشر مو وحش وانتي شلونج ويا ابن خالتج

والله سمن على عسل

اي ليش لا تستاهلين

حبيبة كلبي تعاي اشوفج صورنا مال البارحة

زينة بستيه لخالد

اي طبعا شبعنا بوس وحضن

شبسرعه دخلتو بالموضوع اي شنو جان شعورج

هسة عصر السرعه ماكو وصف للشعور احلى شي

ياريت اجرب هذا الشعور ويا عماد

يمه اشكد ادبسز

وانتي خاتون شبعانه حضن وبوسات حلال واليه حرام

اي ويا واحد مثل عماد حرام انتي مو بكده هسة الله يعلم يوميه ينام ويا وحدة اشكال والوان وانتي عبالج يموت عليج اذا تنطينه بوسة ترى مجرب نسوان ممحتاج بوساتج اشبيج آيه لاتبجين اني اسفة اذا بالغت وياج ليش تبجين

تأثرت بحجيها اني شلون ممفكرة عنده علاقات هو وضحلي ماعنده بس زينه صدك يوميه ينام ويا وحده

زمالة خوفتيني عبالي بيج شي واحد عنده منصب وجمال وفلوس يعني شريف مكة وماعنده علاقات يعني متعرفين المسؤولين شلون

لعد ليش ويايه جاف ومينطيني مجال

ليش تردين ينام وياج كومي قبل لاذبحج صدك اتخبلتي شنو ينام وياج

ياريت يطلب يشوفني بس زينة اني احسن نفسي ملك لعماد الله جابني للدنيا حتى احبه واكون وياه متتصورين هلاسابيع شلون تعلقت بيه بس هو وينه راح وعافني

هسة شفته يسبح شنو راح

صدك كومي ننزل

اخاف اخذج يمه تنسين نفسج تنزلين وحدج ترجعين +١

هههه الله يسمع منج زيونتي

امشي طاح حظج.

عماد: رجعت ليلة البارحة للفندق هالايام صرت افكر اهواية بآيه وخصوصا اخر موقف بينا بعدها ابالي نزلت للمسبح ويا مقداد

مقداد: اكول عماد هاي مو المراهقة الخبلة اللي تراقبك

انداريت شفتها حسيت كلبي يدك شكد حلوة ورقيقة اني اشبيه قابل اول وحدة سويت نفسي مشايفها مشفت بس وجهه بكلبي اكول هسة شلابسة من جوا

عماد دتباوع عليك اشبيك مغلس عليها خطية باوعلها

ماريد عوفها خلي نروح غير جهة بسرعه غيرت مكاني

صدك انت لوتي شوفها شلون تباوعلك حتى لبسها مستور

فرحت بداخلي من كال تباوعلك بس مجاوبت مقداد ردت اطلع شفتها كبالي تباوعلي بمكر

ايه:شلونك حبي حمدلله على السلامة

الله يسلمج ممكن اروح

لا مو ممكن حضرة السفير تقربت منه اكثر

اشبيج وخري ماريد يشوفني احد وياج

ليش خايف مني

توترت نظراتها وصوتها اثرت بيه مردت اضعف كدامها ومتنطيني مجال اروح حسيتها تقترب أكثر خلت ايديها على صدري ذبتني بالمي وراحت ايا ملعونه اني الج

واخيرا بردت كلبي من عماد يمه صدك نظراته يخوف بس اتجرأت سويت نفسية قوية وذبيته بالمي وعفته سريع

زينه: اشبيج تلهثين ونفسج مكطوع

لو تعرفين اشسويت

والله امبين عليج مسوية مصيبة

ايه: امشي نصعد فوك احتمال هسة يذبحني بس يشوفني. بالليل خابرته مرتين يالله جاوبني

عماد:شرايدة ترى منسيت سواتج اليوم وراح تاخذين جزاتج

ايه: عادي كلشي يجي منك عسل على كلبي

راح تشوفين المر مني وسديته بوجهها.

ايه:اليوم اكو حفلة خيرية بالفندق لبست على ذوق دينا وماما كلش جنت طالعة حلوة حبيت تغيراتي كلت اليوم اذا موكعته لعماد فلا اسمي آيه رحنا ويا امي للحفلة هي ودينا جانو يعرفون اهواية ناس بحكم شغلهم اني خليتهم رحت ادور على حبي شفته من بعيد واكف ويا ناس ويمهم مصورين يمكن لقاء ردت اتقرب بس خفت منه لان اعرفه حريص باوعتله من بعيد يمه اروح فدوة للحلو شنو هالجمال والاناقة امه شمرضعته من هو صغير بقيت اراقبه لحد ما راحو وبقى ويا شخص جان يشبهه يحجون متحملت رحت يمه ومسوية نفسي مشايفته انداريت باوعلي بنظرات متحملت اتقربت منهم سلمت جان نظراته مادري اعجاب شنو حسيت الشخص اللي وياه يحجي ويايه واني مو يمه لحد ما عماد كالي

ايه اعرفج اخويه الكبير مقداد

اعتذرت ورحبت بيه وباوعلي

مقداد وهاي آيه بنت بلدنا

شنو هاي شنو بنت بلدنا ولك اني احبك وانت بعدك تكولي هاي رديت وكلت وصديقة عماد باوعلي اخوه بنظرة يعني شكو

اهلا بيج بنت بلدنا

اهلا استاذ مقداد

عن اذنكم اخذو راحتكم حسيتهم يردون يحجون سويه عفتهم وحدهم

حس نظراتنا متوترة استأذن وعافنا راد عماد يروح ويعوفني كتله والله لو تروح هسة الزم ايدك كدام الناس ولايهمني احد

شنو تهدديني

اي كافي ليش متحس ترى مخسران شي اني الخسرانة

وشنو خسرانة بالله

كرامتي اللي يوميه ادوسها شفته سكت

هسة روحي بعدين نتفاهم ترى الناس تحس

انتظرك يم البحر بالليل عفته يغلي ورحت يم امي كعدت بس مباوعتله دينا اشبيج

دينا: ماكو حبيبتي متونسة تعودي اذا تردين تشتغلين ويانا على هالاجواء

ولا يهمج كدها وكدود اذا اشوف عماد بيها بكلبي

عماد :جان عندي لقاء شفت آيه من بعيد مهتميت بس كلبي وعقلي يمها عبالي اول مرة أشوفها انثى بمعنى الكلمة تموت يمكن راح اضعف كدامها اريدها وماريدها ماعرف شعوري كملت اللقاء جنت احجي ويا مقداد بأمور الشغل باوعتلها اتقربت سلمت ونست نفسها شفتها راحت اعرفها بس تشوفيني تنسى وتروح بغير عالم مردت مقداد يحس بشي عرفتها كأنما وحدة عادية بس الملعونة ورطتني كالت صديقة عماد ومقداد اني ماخبي عليه شي حسيته ضاج وعافنا استأذن ردت اروح ماريد ابقى وياها مراح الزم نفسي صرت ضعيف كسرت كل الحصون بداخلي ردت انهزم منها مخلتني هددتني بداخلي فرحت بس سويت نفسي عصبي واتفقت اشوفها بالليل بس ناوي اغلس وماروح

#عاشقة_السفير 8

هــــــذا الــــمـــســا أجــــمـــل مــــســـى جـــانـــي حــبــيــبــي ومــــانـــســـى

جـــــــانـــــي وفـــــي لـــمـــح الـــــبــصــــر نـــســانــــي هــــمـــي والأســــى

هـذا الـمـسـا أجـمـل مـسـى يـامـرحـبا ومـيـة هـلا جـانـي وحـنـيـن أكـثـر غـلا

قــــلـــت لـــه حــــــــبــــيـــبـــي هــكــذا يــــكـــون الــــهــــــوى والا فـــــــــــلا

جـــــــرحـــي شــفــى والــجــو صـــفـــا لا عـــــــادت أيـــــــــام الــــــــجــــفــــا

والـحـظ لـي الآن ابـتـسـم واقـطـفـت أثـمار الـوفـا هــذا الـمـسـا أجـمـل مـسـا

مقداد:اشبيك تجي وتروح عماد ترى دوختني ماعرف اركز بشي متشوفني اكتب

ماكو شي ماعليك اروح ماروح ياربي

نظراتك ويا آيه مو طبيعية

ليش شكو شلون مو طبيعيه

البنية غركانة بيك ومبين انت عاجبك السالفة

لا ماكو هيجي شي انت متوهم

كول هذا الحجي لغيري

ماعرف مقداد شكولك  راح احجيلك كلشي وانت احكم حجيتله من اول يوم لحد هسة كام يضحك

والله البنية منتهية خطية انطيها وجه متعرف هي بنت منو

لا مسألت لان مجنت ناوي احجي وياها

اذا ردت تتعمق وياها لازم تعرف هي منو وبنت منو لاتنسى نفسك انت سفير مو اي أحد وهسة روح خطية دااسمع صوت تليفونك صارله ساعة يدك وحتى حميد ميجاوب

اني وصيته ميجاوب اخاف اضعف

لاتضعف عيش حياتك بعدك شاب مشايف شي بس ديربالك كلشي بحدود

ايه:صارلي٣ ساعات انتظر عماد اخابره ميجاوب امي خابرتني ليش متفتحين الباب نايمة اي ماما ماكدر اكوم من الفراش باجر اشوفكم باي حبيبتي صرت اكذب على اهلي همينه وين راح يوصلني هذا الحب ردت اكوم وارجع شفته اتقرب مني مشاعر مختلطة مابين الفرحة والحزن باوعلي.

من الاخير آيه اني ماعرف الف وأدور وانتي بصراحة عاجبتني بس اكو اهواية اشياء تمنعني عنج يجوز انتي بنفسج تعوفيني اذا دخلتي حياتي ترى المظاهر مو كلشي اني عندي حياة ثانية  وطبعي صعب محد يتحمله وشغلي معقد واهم من هذا كله  أبني مابدله بالدنيا كلها

شنو وانی ارجف انت متزوج اخر شي جنت افكر بي يطلع متزوج ليش نسيت هالنقطة واني اكول ليش مينطيني وجه

هذا شي يخصني ماحب تدخلين بخصوصياتي لازم تفهمين اكو لكل سؤال حد 

واکفة مصدومة ماعرف شحجي

على العموم عرفتي جزء من حياتي وشفت ردت فعلج وهذا حقج وهسة اني لازم اروح .

جمعت نفسي جاوبته اني راضية بيك بكل شي اذا بيك عيوب الدنيا كلها اني اقبل واكون ممنونة منك اذا بادلتني نفس المشاعر

خليها على الايام كعدي ارتاحي كافي ترجفين اني مااخوف لهدرجة

كعدت قريبه عليه يحجي واني جنت بس اصفن يسألني ماعرف شجاوب فرحة مخلوطة بخوف

وين رحتي

وياك حبيبي بس ممصدكة كاعدة وياك ونحجي وحدنا اخاف حلم اذا حلم ماريد اكعد منه

هههه لا مو حلم ولازم تعرفين اني مو شخص عادي يعني تنتبهين لحركاتج ويايه اذا شفتج تغلطين ومتحترمين مكانتي اعوفج لو تموتين مارجعلج

لزمت ايده خليته بايدي باوعتله بسته

خجلتيني لازم اني ابوس بس ميخالف انتي اليوم مو بوعيج

لا والله اعذرني بعدني دايخه

هسة كومي نروح ماحب اسهر اهواية مشبعتي من السوالف

لا ماشبع منك  زين نروح بس عفية اخابرك جاوبني بنفسك لاتخلي حميد يجاوب والله اخاف منه

ههههه هذا شغله ميصير اي رقم اني اجاوب عليه هذا رقم شغلي

ليش عندك رقم شخصي

اي طبعا بس لأهلي

زين انطيني ياه اريد اسمع صوتك مباشرة بدون عمليات تخويف

مو هسة انتظري انتي بمرحلة اختبار يجوز متنجحين بيها

ويجوز اطلع الاولى انشوف اني الك وراك وراك .

نشوف واتمنى تكونين كد هالثقة مع السلامه

اليوم حفلة رأس السنة راح اروح لبيت زينة معزومة عدهم اول مرة اروح لحفلة تنكرية لبست ملابس هندية واكسسواراتها كلش جنت طالعة حلوة علاقتي بعماد عادية اني كلش مندفعة هو لا كلامه قليل حتى مرات ماشوفه يكولي بدون أذني لاتجين كدامي ماريد احد يعرف بعلاقتنا مخلي شروط وحواجز اهوايه اني ماشبع منه بس هو بخيل مخصصلي ١٠ دقايق باليوم بالليل يحجي ويايه بعد مايطمن على اهله اني اخر شي بحياته راضية وفرحانه عبالي عندي الدنيا كلها اهلي معزومين يومين على يخت بقينا اني وزيد اخويه ونانا المربية مالتنا بالفندق واني اخذت أذن من بابا اروح وابقى بيت زينة وافق بطلوع الروح اريد اكول لعماد تعال للحفلة بس خفت اكوله ويضوج

خابرته مرتين جاوبني

ليش متصلة مو اتفقنا نحجي بالليل

عماد اليوم ماعندك شي كل الدنيا بأجازة اشبيك تكبر السوالف حبيت احجي وياك قبل ماروح

شنو تلبسين لبسي لبس مستور ديربالج تغلطين عيني عليج حتى لو ماموجود

عماد بدون متكول اني حريصة على لبسي وعلمودك راح اكون احرص بتصرفاتي ولبسي

راح أسده والتزمي بأتفاقنا تعرفين وقتج مرة ثانية لاتخابرين بكيفج هاي اخر مرة انبهج

اوك احبك مجاوب سد التليفون والله الحجر احسن منه اوف ياربي يمتى يكولي احبج محتاجلج ابوسج حتى ميلزم ايدي شنو اني مو بعينه مشايفني مرة

عماد :صارلي ايام ويا آيه نحجي ونسولف بديت اتجاوب وياها ولو محظرها وحاصرها اهواية اريد اعرف تتحمل لو لا كلش بخيل بأحساسي وهي راضية مرات اهينها واحجي عليها بدون سبب متحجي شي اكمل وتكولي أحبك انطيها اقل وقت عندي هم راضية مرات احسها تمثل مرات احسها صدك تعشقني ماكو وحدة تتحمل اللي اسوي بيها وهي  مو ناقصها شي جمال وأدب  ولو مرات تنسى نفسها تريد اتعمق وياها بالعلاقة بس اعرف اني اول واحد ممجربه قبلي مبين من تصرفاتها يوميه اريد اسال هي بنت منو تطلعلي سالفة وانسى حتى وصيت حميد هم نسيت اساله يالله كلشي بوقته حلو جان عندي اجتماع طارئ بيوم أجازتي اني ماحب شغل مو مرتب الشغل شغل والعطلة اريد ارتاح بيها صدك انغثيت كلش جنت تعبان وضايج هي خابرت واني منطيها علم متخابرني بس اني اخابرها بالليل طلعت قهري بيها اعرف هي مالها ذنب بس اريد اشوف توصل لوين مو تحبني خلي تتحمل عرفت راح تروح لحفلة صديقتها واني هم معزوم بس مكتلها مو ضروري تعرف كلشي عني برأيي مانطيها وجه تتدخل بعدين بحياتي وتمشيني على كيفها

رحت  للحفلةشفت اشكال والوان ناس فرحانين اني جنت فرحانة اباوعلهم مستغربة  الحفلة كلش جبيرة وقصرهم كلش حلو يخبل

زينة آيه حبيبتي البيت بيتج اني اترخص منج وعدت اكون ويا حبي اليوم اتونسي لاتبقين بس تباوعين شوفي هذوله الشباب شون يباوعون عليج انطي لنفسج فرصة

زينة تخبلتي ياشباب اني لعماد وبس هذولة ولايمي ميوصلون لظفر عماد

خليج وراه لحد مايوديج ورا الشمس هسة الافندي اكيد متونس وانتي ابقي اتغزلي بالاطلال

روحي غثيتيني اخذي راحتج افتريت بين الناس اروح واجي بكلبي كلت هاي الحفلة ضوجتني ليش ماصعد ابدل وارجع للفندق ابقى ويا زيد احسنلي طلعت للبلكونة اختنكت من ريحة المشروبات والجكاير سديت الباب الجو كلش جان حلو والانارة خافته باوعت للنجوم واكول بكلبي أمنية ياربي اطيح عماد بحبي مثل ماطيحت بحبه ادعي واباوع حسيت بأيد على حلكي وايد على خصري جرني متت من الخوف يجر بيه واني مغمضة عيوني وارفسه مدااكدر عليه جان اقوى مني ياربي اليوم نهايتي شنو اللي يصير اخاف واحد سكران يريد يغتصبني.

#عاشقة_السفير 9

ملكه على عرشك سيبقى

هذا القلب ينبض لك مهما كان

او يكون سيبقى أعذب

وأرقى وأسمى أحساس يتملكني لك

وحدك الى أن تحين ساعتي

مهما بعدت المسافات

ومهما كثرت الحواجز والاسوار

ستظل انت متملك قلبي يا روووحي

دعنى اقترب منكـ لأنظر إلي عيناكـ

وأرسم علي شفتاكـ طريق الأمل

ودعيني أقطف الحنين

من خدودآ تملأها الأماني

واتركينى أمزق خيوط الخجل

لعلى أجد نفسي بدآخلكـ

عماد:رحت للحفلة طبعا من ورا الازياء التنكرية محد يعرف الثاني غير بالصوت شفتها الغبية لابسة ساري هندي يخبل والشباب عينهم تطلع عليها ضجت احسها ملكي ماريد احد يباوعلها راقبتها جانت تروح وتفتر متحجي ويا احد حتى يغازلوها متجاوب كأنما متسمع عجبني تصرفها شفتها دخلت للبلكونة رحت من الباب الثاني دخلت جانت تباوع للسما منظرها كلش حلو عبالك قمر كلت عماد اليوم يومك سوي شي جنوني خبال انسى نفسك شوية خليت ايدي على حلكها وجريتها بقت ترجف وترفس بس متكدرلي وديتها للحديقة الخلفية مجان اكو احد راسا درتها عليه وبستها مخليتها تنطق بكلمة تباوعلي مصدومة وترجف بالبداية امتنعت رادت توخرني جريتها ورجعت ابوسها استسلمت بقيت ابوسها واحضنها وهي ذايبة وساكته تعبت جريتها لحضني آيه

هممم

شلونج

ماعرف كعدت

كعدت وياها اباوعلها هي بعدها دايخة بجت اني عصبت بدون مافتهم السالفة حجيت كومة عليهة لزمتني ردت اروح

اوكف اشبيك داابجي لان خفت واحد سكران عبالي راح يغتصبني

يعني مو علمود بستج

لا طبعا

رجعت باستني وتقربت مني اكثر تشم عطري كلش حبيت خضوعها اليه

عطرك عيونك رجولتك خبلتني مدااحس بنفسي عماد اكرصني اريد اعرف اني بحلم لو واقع

لا خاتون انتي ويايه تصدكين اول مرة اتصرف هيجي تصرف انتي هزمتيني اني اعترفلج رتبي نفسج خلي ندخل نتونس شوية

انتظر مدااكدر اوكف على حيلي

اني راح ادخل قبلج لفي الساري زين ماريد خصرج يبين اوك بستها من راسها ودخلت بقيت بالحفلة لحد ساعة ٢ طول الوكت ايدي بأيدها ونركص ناكل ماخذ راحتي محد يعرفني

لحظة عماد والله جوعانه ليش متخليني اكل

اني شبعت من بوستج  وانتي كافي تاكلين  ماريد حبيبتي تكون سمينه شربي عصير وبس

باوعتله بحب عماد اتمنى هالليلة متخلص ونظل هيجي للأبد بدون قيود اخاف يطلع الصبح وترجع لعادتك

هههههه اكيد اطلع منا ارجع لحالتي حبي لازم اروح ماكدر اسهر اكثر استأذنت منها  لان راح اسافر باجر الصبح ودعتها .

آيه : اليوم مو احلى يوم احلى سنة راح اعلن ميلادي اليوم صعدت لغرفة زينة بدلت وغسلت اتمددت اتذكر الليلة واحضن نفسي ممصدكة خابرت اهلي جانو متونسين بس مو اكثر مني اني بالسما بالغيم ماعرف اخ راسي حيوانة ليش تخربين لحظاتي الشاعرية

زينة: صارلي ساعة اصيحج وانتي ولا اهنا حضرة السفيرة

ملكيتي الاتضربيني بحذائج

والله تعلمتها منج  احجيلي عيونج تلمع لمعان اشصار ماصار

عادي مصار شي

ولج علينا ترى شفتج ويا حضرة السفير والبوس والحضن

شلون عرفتيه هو  مجان مبين

عرفته منج مو معقول الحضن والبوس لغيره جنت قريبة عليكم

خالد مشافنه

لا غيرت اتجاهنا لاتخافين

زينة ترى اذا عرف عماد انج شفتينا والله يعوفني ولايمه هو محذرني محد يعرف بعلاقتنا

ليش آيه متزوجته عرفي لو شنو والله جديات ترى انتي مو اي وحدة كامله ماشالله مابيج شي يستعر منج وانتي بنت اوادم مو جاية من الشارع ديربالج يسيطر عليج يحمد ربه وحدة مثلج تحبه ترى معقد شايف نفسه اهوايه مادري شلون حبيتيه

مو بيدي اموت عليه واعشقه روحي ترخصله اوكفي ديخابرني

يالله اخذي راحتج الغرفة وصاحبتها تحت امرج

تسلمين الو عماد

روحي شلونج

بخير ياعمر وروح وكلب آيه

الحمدلله شتسوين

بدلت ردت انام

شلون تكدرين تنامين  بدون منحجي يعني منتظرتيني

زعلت منج

ماعرف انت محددلي موعد تليفونات ومن اخابرك تتعصب لاتزعل مني حبي

خلص هسة بدون مواعيد

صدك احبك حبيبي اليوم كله مفاجأت

فرحانة آيه اني همينة مكدرت انام بدون ماسمع صوتج ابقي ويايه لحد مانام اوك.

زينة: صباح خير حبي

ايه:صباح نور حبيبتي زينه ساعة بيش هسة

٣ العصر كومي نلبس نطلع برا نتونس شوية

اويلي هسة ماما كومة مخابرة عليه

ليش يمتى نمتي البارحة

ساعة 5 الصبح جنت احجي وياعماد

3 ساعات حجي لعد شلون سافر يمتى لحك

منو سافر

عماد هسة شفت صورته بصفحته على الفيس جان بمخيم اللاجئين بسوريا

شنو عماد مسافر شفت صوره انقهرت ليش مكلي اسافر لعد البارحة شنو جان نزوة لو

حذرتج منه هاي من البداية هيجي الله يستر بعدين لاتسكتين عليه لازم يحترمج شلون علاقة هاي

ماعرف زينه راسي راح ينفجر  اعتذر حبي ماكدر ابقى وياج لازم اروح بدلت رجعت اهلي جانو راجعين

حضري غراضج راح نرجع زين ماما

ضجت وعفتهم لعد شلون اشوف عماد كلش صعب اهنا جنت ماخذة راحتي اذا رجعنا ماكدر اطلع بكيفي لزمتني

دينا :صارلج فترة متغيرة أشبيج

ماكو شي عوفيني اروح احضر نفسي

متريدين نرجع متونسة اهنا من يصير عطلة كولي لبابا راح يجيبج

اي واني ابجي اكوللها اريد ابقى بعد

آيه انتي تحبين لو اكو بحياتج شخص

ايه اكول ماكول اخاف تكول لأمي وتصير مشكلة ماكو شي منين جبتي هالحجي .

والله تصرفاتج مال وحدة عاشقة

عماد اني راح ارجع عندي شغل انت تروح على تركيا لو ترجع لشرم الشيخ

لا اروح لتركيا اريد اكمل هالاسبوع ويا كريم طيارتي بعد ساعتين اريد ارتاح كلش تعبان منايم يومين

اشبيك منايم مريض

لا جنت متوتر وتعبان من الشغل بسته على راسه ودخلت لغرفتي ارتاح بعد ساعات وصلت يم اهلي بتركيا صارلي اسابيع مشايف كريم كتله لحميد ماريد اي مكالمات انت جاوبهم وصرفهم سلمت على بيت عمي جانو مأجرين فيلا كدام البحر سلمت على منال وزوجها علاقتي بيها بعد طلاقنا مثل أصدقاء عادي هي بنت عمي وخالتي وزوجها انسان مثقف وواعي بست ايد وراس امي كلما تشوفني تبجي شبيج يمه متتعبين من البجي

شسوي مشتاقلك انت واخوك

اتونستو اهنا

ام عماد: اي والله خطية ياسر ابتلى بينا مخله مكان بنفسنا الله يحفظه

يمه مجبور مو بكيفه لعد ليش زوجناه ست الحلوات شهودة

ياسر: ياجلب كاعد تحجي عليه حيوان اني الك اتحاضنه ويسبني شلون ورطتني هالسفرة وانت اخوك ماخذين راحتكم

والله ياسر كلش تعبان طلعت العطلة من عيني

تونست بحفلتك راس السنه

اتذكرت آيه اوف شلون نسيتها حتى مكتلها اسافر

وين وصلت روميو ترى وصلتنا اخبار حلوة منو آيه ولك

غمزتله يسكت حتى امي متفهم هسة بس تسمع سيرة نسوان تكولي اتزوج وفرحني كتلهم اريد ارتاح روح يمه ارتاح بغرفة كريم .بقيت أسبوع ويا كريم نسيت آيه وكل شي اليوم رجعت لشغلي دخل حميد سيدي نعم ست آيه تخابر اهواية شجاوبها لاتجاوب معليك سويلها حظر تأمرني باقي مراجعين اهواية لا خلص حضر السيارة اريد ارجع للبيت .

آيه: عايشة بعذاب وألم بس ابجي ماريد اشوف أحد نفسيتي صفر أهلي صارو يشكون بيه خصوصا امي ودينا يسالوني اكوللهم ماكو شي ضايجة من الروتين والملل اقترحت عليه ماما ابدي اباشر اساعدهم بالجمعيات اشتركت بدورة تدريب لمعالجة قضايا الاطفال بديت ارسم الهم وازرع البسمه على وجههم  احاول اعلمهم يرسمون اشياء بسيطة يفرحون بيها  عماد مختفي اشوف صفحته باليوم ١٠٠ مرة اتابع اخباره اول اسبوع حتى فيس ماكو بعدين جنت اشوف منشورات الندوات والمؤتمرات اللي يحضرها اني اتشجعت اكثر ابدي اطور نفسي بهذا المجال حتى اكون قريبه عليه كل ليله اخابره ميجاوب اليوم على العشا سألني ابويه

شلونج آيه ويا الدورة متحتاجين دعم تردين اوصي المسؤولين عليج

لا بابا حياتي خلوني اني ابدي من نفسي اصلا ماريد احد يعرف اني بنت منو

ليش يمه تفيدج الدنيا كلها واسطات

ماما اني اريد اثبت نفسي ماريد تدخلات راح احس نفسي فاشلة وسغلي سهل امارس هواياتي والاطفال

زين مادام طموحة هيجي بعد اسبوع عدنا زيارة ميدانية راح اخليج تشرفين على الموضوع

الله يخليج اليه ياأحلى ام

وطبعا بمساعدة رئيستج ست دينا  اريدكم ترفعون راسي

على عيني دينا وامها  ترخصت منهم صعدت لغرفتي فتحت الاستوديو

اندمجت ويا اغنية شؤون صغيرة تمر بها انت دون التفافي

تساوي لديه حياتي جميع حياتي

حوادث قد لا تسير اهتمامك اعمر منها قصور

واحيا عليها شهور واغزل منها حكاوي كثيرة

وانفس ماء وانفى جزيرة

بجيت اهواية مشتاقتله طلعت صورته اللي رسمتها طبق الاصل هو امرر اصابيعي عليه سمعت صوت تليفوني جان رقم خاص كلبي يدك أكيد هو جاوبته

مشتاقلج آيه

بجيت من الشوق  ليش هيجي تسوي بيه عماد والله ماستاهل هالمعاملة منك حرام عليك احجي وابجي

كافي آيه مخابرتج حتى تبجين لاتخليني اندم

وين جنت كل هالمدة لاتسال ولاشي اخابرك متجاوبني

بصراحة جنت مانع نفسي عنج ردت أسحب نفسي من هالعلاقة  بس مكدرت

ليش عماد شنو شفت مني غير حاضر وتم

شتسوين بشنو مشغوله هالفترة احجيلي بسرعه لان

اريد انام تعبان

محجيتله شي عن الدورة اريد اخلص وافاجئه لاتنام الله يخلي ابقى ويايه للصبح اريد تعويضات منك

آيه صدكيني ماكدر اعفيني اليوم

عماد هذا رقمك الخاص اريد منك طلب اريد اشوفك

أي رقمي اسف آيه ماكدر اوعدج هسة صعب عندي شغل اهواية وزيارات ميدانية خليها على الظروف

ممشتاقلي

والله العظيم مشتاقلج لحضنج وشفايفج

ضحكت واني هم لعيونك

يالله اترخص منج زين حبيبي تصبحين على خير.

#عاشقة_السفير 10

كُن لي حبيباً كما شاء القدر

ولا تتركني وحيداً كاللّيل بلا قمر

فكيف لي بدونك أن أعيش بين البشر

فهل للزّرع أن ينبت دون أن يسقط عليه المَطر؟

عماد :سافرت علمود احضر مؤتمر احس نفسي هالفترة مهموم ومتضايق مادري من الارهاق والشغل لو شنو احجي ويا آيه شويه مرات ارتاح وياها مرات اضوج منها ومااجاوبها اباوع على الجناح مناقصها شي vip بس اني ليش مو مرتاح بيها طلعت شوية تمشيت بالخارج الدنيا تمطر اهنا مو مثل يمنا جان حار خابرت اهلي شوية حجيت وياهم وابني كريم جنت اسمعه وهو يحجيلي تفاصيل يومه اشكد ماكون متعب اندمج وياه ومااخلي يحس بغيابي كعدت بكوفي شوب طلبت قهوة فتحت حساب آيه رايحه لحفلة عيد ميلاد احلى شي بيها عفويتها تتصرف براحه بدون تقيد عكسي بكل شي رجعت للفندق نمت حلمت بأبويه يحجي ويايه مو ميت عايش يبتسم انطاني وردة اني غركان بالدم هو مبي شي اصيح عليه بابا انت رجعت مابيك شي مجاوبني راح وعافني واني غركان بالدم متعجب منه السما صار ظلام واصوات مافتهم شي منها

حميد : سيدي انت بخير كوم سيدي

فزيت على صوت حميد احس نفسي ضيق شفت السلاح بيده صار عندي هسترية صحت عليه الف مرة كنلك لاتدخل وهذا الشي بيدك اطلع برا

اسف سيدي سمعت صوت صياحك خفت صاير شي

وخرت اللحاف مني جسمي صاير مي سحبت الروب القريب عليه لبسته اريد اهدي روحي مجرد كابوس انتهى لا مينتهى طول ماقاتل ابويه عايش ويتنفس اكيد ابويه زعلان مني منتقمت بمافيه الكفاية تليفوني يدك مقداد اوف حميد وتالي وياك جاوبته مابيه شي لاتخاف وسديته هذا الكابوس ملاحقني من 5 سنين فتحت الشبابيك الدنيا باردة ماحس بيها تعبت من هالشي يمتى ارتاح منه طلعت من الغرفة حميد كاعد اعتذرت لان عصبت عليه هو جان خايف عليه لااكثر مكدرت ارجع انام فتحت الحاسبة وكعدت اشتغل عليها .

دنيا : يالله كافي اخرتيني وانتي كل لبسج مال 5 دقايق كابوي وتيشرت اخر مرة تكعديني يوم عطلتي من النوم من ساعه 10 اني جاهزة وحضرتج رايحة تلعبين ويا زيد

آيه : قررت اغير نفسي شوية ملابسي ستايلي شعري كلشي تغير جذري طلعنا للمول نفتر احتار شنو اخذ كل دقيقة افتح موبايلي ادور على ستايلت سيدات المجتمع وارجع للمحل ادور على القطع حتى ارتبها

بس كوليلي على شنو تدورين دخت وياج ساعتين مماخذين شي مو هذا محلج المفضل جايب غراض جديدة اشتري وفضيها

لا ماريد اكول صديقتج لارا من وين تاخذ ملابسها حلوات اريد اخذ مثلها

وانتي بكدها هاي عمرها 30 سنه مو نفسج لاتقلدينها افتهمتي وبعدين اني شبي لبسي مو عاجبج

لا عاجبني اصلا محد يوصل لأناقتج دخلنا لمحل هي تتعامل وياهم ولامرة اني مشترية منهم شي لحد العصر يالله كملت ودينا بس تحجي عليه باقي اروح للصالون اعدل شعري واصبغه

شنو عيني عيدي مسمعت بأذن منو تروحين للصالون انتي كلتي لماما اريد ملابس آيه الشك يزيد عندي صيري عاقلة واحجيلي شنو سبب هالتغيرات ياترى هالشخص يستحق تسوين هيجي

ها ياشخص وشنو تقصدين شبيج تشكين بيا دايما اني كبرت اكيد لازم اغير من نفسي مسمعت كلامها رحنا للصالون سويت أظافري وكصيت شعري مدرج على طوله لان طول عمري ساده صبغت دينا جانت ملتهية تصبغ شعرها استغليت انشغالها سويت وشم حرف ع على ايدي

هاي شنو النوب لا والله انتي مو تمام شنو هالتفاهه هاي ع منو كومي امشي حسابج بالبيت انتي متستحين عيني عينك تكتبين حرف ع شسمه المحروس

لحظة خلي افهمج ردت اكتب ع ي ن بس انتي هجمتي عليه مخليتني اكملها يعني عين كل تفكيرج اني عندي شي بكيفج متصدكين

لاوالله مااصدك غشيمه لو شنو روحي صعدي بالسيارة ماريد اسمع ولا كلمه منج بنات اخر زمن

هي تحجي عليه واني مكيفه بشكلي وكاعدة اصور نفسي وانزله بالانستا علاقتي بعماد بس نحجي تليفونات مرات يفتحلي كاميرا واشوفه واسمع صوته اشكد احاول اشوفه ميقبل نتشاوف يكول اذا سافرنا عادي اهنا ميصير صرت اعرف شنو يحب شنو يكره حياته روتين الدوام مجنت اضغط عليه اشكد بخيل بمشاعره اني انطي اكثر كملت الدورة وشاركت باكثر من عمل تطوعي سوينا كروب ويااصدقائي اللي بالمعهد لمساعدة النازحين فجانو يخلون صورنا على مواقع تواصل الاجتماعي حتى الناس تتشجع وتبدي تتطوع لو تساعد.

مقداد : اليوم جان عندي مجموعة شباب متطوعين طلبو مني أساندهم مسوين حملة تبرعات شفت نشاطاتهم عجبني حماسهم ومساعداتهم للناس بدون مقابل جانو مسويين كروب بيها النشاطات وحملات تبرعات وصورهم شفت من بين الصور صورة آيه سألت عليها كالو هاي اكثر عضوة مشاركة وتساندهم بحكم شغل امها وابوها استفادينا اهوايه سألت بنت منو وهنا وقعت الكارثه اسم آيه مستحيل بنت توفيق قاتل ابويه والي بمكانه استلم عمادة الجامعة وبالحزب المعارض النا لا ياربي ليش هيجي ياامتحان صعب هذا لزمت نفسي ودعتهم كعدت دايخ راح تنعاد سالفتي ويا عماد اشبي حضنا اني واخويه بحياتنا ممسوين شي موزين ولامأذين احد ومنلكه نعشق الا بنات قاتل ابونا ماكو بنات بالدنيا شنو هالمصيبة ياربي اني عمري انتهى وراح من ورا بنت توفيق النوب اخويه شسوي شلون اتصرف عماد يدري آيه بنت توفيق ومغلس لو ميعرف وآيه تعرف بسوالف ابوها ولازكه بعماد غبية تحب عدو ابوها لو شنو ياربي راسي انسطر خابرته

عماد:علاقتي صارت ممتازة بآيه مطيعة ماعندي مشاكل وياها دااحس يوم عن يوم انجذب الها غصب مشتاقلها اهوايه بس مخلي حدود لعلاقتي بيها مرات احجي وياها حبيات اذا اني ردت مرات لا اعرف نفسي مستغل حبها الي بس تعجبني خضوعها تحسسني اني كلشي بحياتها جنت بالمكتب ويا ياسر اراجع حسابات الشركة اللي عدنا ميخص شغلي الحالي لضيق الوقت خليت ياسر مسؤول عليها كل نهاية اسبوع نكعد نحجي بالشغل خابرني مقداد

اكولك عماد شلونك ويا آيه

صارلي ايام مشايفك تخابرني تسألني هالسؤال وبعدين صوتك اشبيه صاير شي جاوبني

عماد بلا لغوة زايدة تحبها لو لا

اي احبها

اهواية تحبها

اكو شي مقداد

عماد من الاخير تحب آيه لو أبوك

طبعا ابوية وبعدين آيه هم تستاهل

زين عماد افتح فلان صفحة راح تفهم سؤالي الله وياك

ياسر :شكو عماد

ماعرف ياسر خوفني مقداد فتحت الصفحة دورت ماكو شي رجعت افتحها ياسر جان هم يدور

ياسر :هاي مو آيه

باوعت اي صفنت ليش مكايلتلي بكلبي اكول اني الج جذابه تشتغلين من غير متكوليلي

ترى حلوة

اي طبعا مو حبيبتي

ليش متتزوجها مادام هي حبيبتك

نحجي واني ادور ماعرف شنو مفتهمت السالفة مراح اتزوج لحد مانتقم لأبويه دقيقة خابرت مقداد مابيها شي الصفحة غير صور آيه صايرة متطوعه ليش خوفتني

مقداد:عماد ركز ويا الصور والاسماء

قفل تليفونه رجعت على الصور اقرا الاسامي اني انشليت شنو هذا مكتوب آيه توفيق لا مستحيل يالله ارحمني .

اول مرة مفتهم السالفة اكدت عليه يشوف أسمها سكت وسد الخط عرفت افتهم السالفة وانتهى عماد ميتحمل ياربي ماريد اخويه يمر باللي مريت بيه اني طلعت من المكتب رحت على عماد .