تحميل رواية «عاشقه السفير» PDF

#عاشقة_السفير11

انطواء وآهات

حزن على الذكريات

وآه على ما فات

أنجمع الفتات

وننسى الخلافات

أم نُمدّد الصراعات

ونُسرّب حبّنا قطرات

لتجفّ البحيرات

وتنتهي الحكايات

ونقول هذه هي الحياة

لنبقى في سبات

ننتظر المعجزات

لتحيي ما ذبل من النبات

فهذه هي المعاناة

التي جعلتني أرغب في الممات

على أن أفقد معذبتي بالنظرات

أأهمس لك بهذا همسات

أم أكتفي بهذه العبارات؟

*ملاحظة هذا الجزء راح نتكلم على الابطال الثانويين للرواية مقداد&دينا

مقداد: أني مدير اعلام وصاحب قنوات عندي شركة أدعم الشباب والقضايا الانسانية جنت أستاذ جامعة قدمت أستقالتي بعد اغتيال والدي ركبت سيارتي رجعت بيه الذاكرة لما جنت أستاذ ادرس دخلت اول محاضرة طلاب سنة الجديدة اتعرفت عليهم وعرفتهم بنفسي بقيت وياهم ٣ ساعات احجي واسولفلهم واتعرف عليهم انصحهم شلون يبدون حياتهم بالجامعة ويستغلون قدراتهم للأحسن الجامعة مكان تعليمي الانسان يثبت نفسه بيه وحجيتلهم شلون صرت دكتور وجنت الاول على دفعتي ومجنت حارم نفسي من الونسات جنت موفق بين دراستي وطلعاتي جذبتني طالبة بينهم كلش جانت دلوعة وحلوة ومبينه بنت ناس وراقية اسلوبها حلو تناقشني وتسألني مردت اطلع واعوفهم اهوايه عجبتني اول مرة تعجبني بنية بهالشكل عندي علاقات اهواية بالبنات بحكم شغلي وعملي بس مجرد صداقات اخويه هاي نظرتي تختلف الها بقيت لحد نص السنة اراقبها وعرفت هي منو عجبتني تصرفاتها واحتشامها وعائلتها ناس مقاربة النا بالتحصيل العلمي والمادي اتقربت منها اهوايه وهي جانت وحدة شاطرة تحب تسأل وتستفسر مجانت جايه تتونس وتروح وتجي صارحتها بالبداية خجلت بعد أسبوع جتني كالت أستاذ اني هم معجبة بشخصيتك بس اني ماعندي سوالف علاقات كتلها اني هم مو صغير مال علاقات اني اريدج زوجة استحت وبدت علاقتنا تتطور لعشك ماكدر بدونها وهي هم كل الكلية عرفو بحبنا ردت اتقدملها كالت امها متقبل لحد ما تتخرج شيصبرني بعد ٣ سنوات ميهم اتعرفت على اهلي واني اتعرفت على امها صرت ماتنفس بدونها وهي هم امي جانت طايرة بيها تتمنى اتزوجها اليوم قبل باجر انسانة كاملة من كل شي اشتريت قطعة ارض قريب على بيت اهلى وانطيته للمقاول يبنيه حتى اتزوج بيه خابرتها حبي وينج بالكلية

دينا: اي ميمو خلصت هسة محاضراتي مشتاقتلك

زين طلعي انتظرج كدام الباب تعالي جتي صعدي بالسيارة نروح مكان مسويلج مفاجأة

حبيبي اخاف من حجي الناس شيكولون علينا

ماعليج من أحد اصلا ٣ ارباع الجامعة يعرفون بينه صعدت لزمت ايدها بستها رحموني خلي نتزوج ماتحمل بعد ترى بعدين اخطفج وماعليه من احد.

حبيبي لو بيدي هسة اروح وياك بس تعرف اهلي ميقبلون الا اتخرج اتحمل لخاطري

ولج ماكدر انام بالليل اريدج متفتهمين

ههههههه

فديت الضحكة ارحميني

حبيبي وين رايحين

لبيتنا

نعم الله عليك لاتخوفني شلون تاخذني لبيتكم

اشبيج اول مرة تجين لبيتنا

لا بس هالمرة اهلك مموجودين مسافرين مستحيل اجي وياك رجعني للكلية الله يخليك

ههههههه

ليش تضحك عليه ترى ميضحك المسألة

اشبيج خفتي ماكو ثقة

لا والله بعد سوالفك صرت اخاف شنو ليش وكفت اهنا مقداد شنو هذا مكان

حبي عاجبج المنطقة اشتريت هالقطعة اريد ابني بيتنا بيه

واي صدك يخبل بس كلش جبير

اي ١٠٠٠م

اهوايه شنسوي بي

لا مو اهوايه اريدج تخلفين ١٢ جهال

يمه اشايفني بزونه

فديت بزونتي ام جهالي الله يخليج اليه بعد ايام نروح للمهندس نختار خريطة هذا جان حالي اني ودينا الا ان وصلنا لليوم الاسود اغتيال بابا كلشي اتغير حبيبتي صارت عدوتي عفت الجامعة وركزت بشغلي الخاص ماطيق اشوفها باي مكان بدل حجي حبيات جانت يوميه تترزل وتنهان مني كرهتها بحياتها اهواية اهلي حاولو ويايه هي ماعدها ذنب لاتحملها ذنب ابوها امي اكثر وحدة جانت تدافع عليها لان جانت تعرف مقدار حبنا لبعض بس اني مستحيل اخلي ايدي بأيد قاتل ابويه حاولو اتزوج وحدة ثانية واشوف حياتي مقبلت كلما جنت احن الها جنت اكتب اشعار اهين واجرح بيها وانشرها بالمنتديات وتغريدات تويتر اهواية حاولت تتواصل ويايه منطيتها مجال مرات اكعد اتذكرها بداخلي اخاف تتزوج واحد غيري يلمسها اتمنى متتزوج وفعلا لحد الان ممتزوجة اعرف اخبارها من اصحابنا اذا شفتها باي مكان اباوعلها بحقد واستهزاء بس هي نظراتها كلها عشق وشوق .

ياسر:عماد اشبيك عماد جاوبني اشصار شنو هذا آيه توفيق يالله عماد مجنت تعرف آيه بنت منو

ياسر اني انتهيت اليوم قتلت ابويه بأيدي احس اني القاتل مو توفيق وجماعته اني خليتهم يذبحوني مرة ثانية

عماد لاتبجي اشبيك انت رجال مو صغير خلي تولي

مابجي عليها ابجي على ابويه ولك ياسر بعدني اشم ريحة دم ابويه بملابسي واليوم اشم ريحة دمي آيه خدعتني وذبحتني بدم بارد

عماد لاتتصرف بتهور نصي صوتك لاتنسى انت وين لزمته جان يكسر بالغراض دخل حميد يجر سلاحه كتله حميد مشي الموظفين واطلع بره لتخلي احد يبقى افتهمت حاضر استاذ ياسر خابرت مقداد الحكني راح يفضح نفسه

اني بالطريق معلك بالزحمة ديربالك عليه خابرت دكتور صديقنا يجيله بسرعة صاير بيه هستريا خايف لايرجعله الحالة بعد وفاة ابوي .

اني شسويت ولج ليش آيه طلعتي بنت الجلب توفيق مكفاك توفيق ذبحت ابويه النوب خليت بنتك تذبحني بس لا اني الك مو كل مرة تذبح واسكتلك كسرت الغراض اطخ راسي بالحايط احس نفسي مخنوك نسيت نفسي اني سفير نسيت المكان اللي بيه اني بس عماد عاشق آيه بنت القاتل شفت مقداد عيوني مغرك بالدموع اني عماد ابجي للمرة ثانية بعد وفاة ابويه سمعت صوت شخص ثالث ماعرف منو محسيت الا واني بحضن مقداد وأبرة بايدي وماعرف شصار بعدها .

آيه :اوف عماد ماكو صارله شهر وين رايح هالنوب اخاف اخابر حميد يكوم يزعل مني ادور بصفحة فيس ماكو اي نشاطات اليوم راح اروح لحفلة خيرية ويا اهلي كلش متوترة وبكلبي اكول يمكن اشوف عماد بالحفلة وصلنا لمكان الحفلة بقيت ساعتين ويا دينا احنا منظمين الحفلة جمعنا تبرعات اهوايه الحفلة جانت بالفندق امي كالتلي روحي شوفي اختج وين اني راح اكمل واودع الضيوف مشيت ادور ماكو رحت ادور بالحديقة شفتها واكفة ويا مقداد شنو السالفة جسمها يهتز هاي تبجي مشيت وصلت يمهم محسو بيا جان يحجي عليها وهي تبجي وساكته متحملت حجيت استاذ مقداد رفع راسه باوعلي اختي اتوترت

دينا:ممكن استاذ مقداد تروح وتخلينا اذا تسمح

لا مو ممكن خلي اختج الجذابة هم تسمع

اتوسل بيك مو وكته

ايه: شنو السالفة فهموني منين تعرفون بعض

مقداد :سمعي ولج آيه اذا شفتج او سمعتج تحجين وتتقربين من عماد والله العظيم أذبحج بأيديه ولايهمني شي

دينا: آيه الله يخليج روحي بعدين افهمج السالفة

آيه :احس نفسي دا اختنك مقداد جرني من ايديه

لاتروحين اوكفي سمعي الحجي عماد خط احمر فهمي السالفة لابوج

ابوس ايدك كافي مقداد هي متعرف

شنو السالفة دينا ليش يحجي هيجي

والله العظيم متعرف شي .

نفهمها ماكو مشكلة تدرين منو ابو عماد آيه خاتون

أي اسمه كريم ومتوفي

لا عيني قصدج مقتول بالمختصر ابويه كريم الجراح عميد جامعة اللي هسة ابوج عميد بيها مسألتي نفسج ليش ابوج صار عميد ووين صار العميد الي قبله

اباوعله وماعرف السالفة جاوبته لا

ابوج الجلب موت ابويه واستلم مكانه افتهمتي لو بعدج مغشمة نفسج بنت القاتل.

لحظة منو قاتل شنو ابوك مقتول .

دينا :الله يخليك مقداد كافي لاتسوي بأختي اللي سويته بيه انت ليش متفهم بابا مو قاتل ليش مخليها ابالك هو والله عظيم ابويه بريئ.

ابوج مو عضو بفلان حزب منو المسؤول عن اغتيال البروفيسور كريم الجراح مو همه ومنو استلم المنصب مو ابوج لعد شلون بريئ متفهميني .

كافي الله يخليك مستحيل بابا مو قاتل مو قاتل ابويه يصلي ويصوم يخاف الله مستحيل يقتل علمود منصب احجي وابجي وماحس بنفسي ودينا لزمتني وتبجي ويايه

آيه حبيبتي هدي كافي نروح للبيت نحجي بكل شي آيه آيه جاوبيني مقداد شسويت باختي متتنفس .

منظر آيه كدامي هزني جانت واكعة حاولت اروح واعوفهم ضميري مخلاني جانت متتنفس شلتها وديناها للمستشفى ويا دينا الموقف اللي اني بيه نساني منو همة بنات منو دينا لاول مرة تكعد بسيارتي بعد اللي صار .chrakirkukiواتباد

#عاشقة_السفير 12

أحببتُكِ فعلاً حتى عرفتُ أنكِ عالمٌ يَسكُن بين ضلوعي...

أضيعُ بكِ ولكِ وإليّكِ حقاً جُننتُ بكِ...

ولا اعلم اين يأخذني جنوني...

دينا : بعد ماتخرجت  من كلية الاعلام اشتغلت بالجمعيات النسوية والانسانية عندي عضوية متقدمة وعندي شهادات تقدير وشكر لاعمالي الانسانية  احب شغلي اهوايه اليوم جان عدنا حملة تبرعات امي هي رئيسة الجمعية وقبل فترة أختي هم صارت ويانه خلال فترة قصيرة ثبتت مكانها بالجمعية تحب شغلهااني الناس تحسدني على مكانتي وحياتي يشوفوني بنية حلوة وصاحبة شهادة وعمل مرموق بس اني انسانة مجروحة ومكسورة من الداخل محد يعرف شكو بيه ماعدا امي كلشي تعرف عني وهي اللي متخليني اوكع واضعف دايما تساندني وتقويني اضعف لحظات حياتي هي لما يجوني خطابة انعزل بغرفتي وانتهي لحد مايصرفون اهلي الموضوع اني بحياتي مقداد وبس اموت ولا اتزوج غيره اعرف علاقتي صارت مستحيلة وياه بس ميهمني اني وهبت نفسي اله اليوم شفته بالحفل اشرلي اروح للحديقه مصدكت هذا مقداد بعد هجر وتجريح واهانات من ٥ سنوات يأشرلي اروح رحت وبكلبي اكول واخيرا راح نجتمع بعد العذاب ياربي امشي ممصدكة وصلت باوعتله متغير كبران بس جماله يدوخ رجولي كتله شونك باوعلى بأستهزاء

مقداد:أحسن منج بنت توفيق

بدينا ميتغير ردت احجي واكوله كافي رأسا كالي

سمعي من الاخر وخري أختج من اخويه

يا اخت يا اخويه شنوالسالفة مقداد

لاتجيبين اسمي على لسانج اختج الجلبة تلف ودور على اخويه عدهم علاقة

نعم أختي صغيرة منين تعرفت على عماد وشنو عدها علاقة بي عيب عليك هالحجي

والله روحي شوفي الصغيرة شلون تركض وطيح بالرياجيل من وراكم  ليش انتو تعرفون العيب حتى تحجين بي

لا مستحيل آيه متسوي هيجي والله ماعدها هالسوالف حجالي على علاقه آيه بعماد وشلون متعرفين على بعض وشلون عماد عرف هي بنت منو وعايفها وهي متدري بشي ردت اكوله لاتسوي باختي اللي سويته بيا متتحمل هي متستاهل مو كافي مقداد متشوف اشسويت بنفسك وبيا خاف الله انداريت سمعت صوت آيه يالله راح تنعاد معانتي بس هالمرة الضحية اختي اتوسلت مقداد ميحجي بشي بس هو ولا يهمه ينتظر اي شي حتى يذبحني ويجرحني بيها ينتقم مني اختي متحملت الحجي وكعت بالكاع ومتتنفس وديناها للمستشفى ويا مقداد .

آيه: صارلي ايام بالمستشفى ماحجي شي بس ابجي واباوع عليهم اي واحد من اهلي يحضني ارجف وابجي اريد اكوللهم وخرو مني لاتلمسوني وخصوصا ابويه احس حضنه سكاكين ويجرحني امي ودينا حاولو احجي ماجاوبهم دينا كعدت يمي طول الليل تحجي وتسولفلي شلون تعرفت على مقداد وشلون جانت علاقتهم وحبهم وشلون انتهى كلشي بيوم اغتيال ابوهم وشلون اتغير عليها ويحاربها ويهينها صارلها ٥ سنوات عايشة بعذاب وكاتمه بكلبها جاوبتها واني بس ابجي عليها اتخيل حالتي ويا عماد نفس حالتج ويكرهني مثل مقداد مايكرهج اني ماتحمل انتي جنتي قوية اني مو مثلج

دينا: حبيتي واخيرا حجيتي

اممممم اريد عماد حضنتني

حبيبتي أنسي وعييشي حياتج بعدج صغيره

مستحيل حياتي ماريدها بدون عماد موتوني احسن.

آيه حبيبتي سمعيني هو مسافر وناسيج وانتي انسي يعني انتهت علاقتكم

بست ايدها الله يخليج دينا ابوس رجلج بس عرفي هو وين بس اسمع صوته وين بيتهم كوليلي الله يخليج اي شي وين احصله ماكدر بدونه عماد نفسي بالدنيا

آيه الله يخليج كافي والله ماعرف شي عنه اتنازلت وكلت لمقداد هم مكالي شي والله لو مو لخاطرج مجنت اخابره واترزل منه

عرفت متكدر وياه جان نظرات الحقد بعيونه ذيج الليلة  زين شكرا حبيبتي ممكن ارتاح عوفيني هسة

زين عمري اروح اجيبلج شي تاكلي مراح اتأخر

انتظرتها تطلع شفت تليفوني خابرت مقفول ماكو ماتحمل  افكر وابجي  بسالفة دينا ويا مقداد لايمكن اصير مثلهم ماتحمل بلحظة ضعف كمت من فراشي شفت ادوية شربتها كلها اريد اموت

عماد :صارلي شهر مسافر وعايف شغلي اخذت امي وكريم ورحنا لقبرص اريد ارتاح وانسى كلشي احس نفسي بدوامه من اليوم اللي عرفت آيه بنت منو كرهت نفسي اهوايه اتذكرت يوم الحفلة اللي سواها ابوية بمناسبة حصولي على الدكتوراه جان حاجز قاعة بفندق فخم وعازمين شخصيات اهواية بيها نزلت من غرفتي سمعت صوت هلاهل امي وخالتي يباركولي عبالك عريس حضني بابه وباسني من راسي وباركلي

اليوم فرحتي متنوصف بيك حبيبي ابو كريم

بسته على راسه  كله بفضلك تاج راسي

ام عماد : يالله مقداد وياسر من زمان رايحين الناس بدت تروح

روحو انتو اني وعماد راح نجي سويه اليوم احب اجيبه بسيارتي للحفلة مثل الزفة

ههههه عيوني متجوز من سوالفك يالله ماشي اودعناكم

بقينا وحدنا يلف حولي ويسمي عليه عبالك يريد يشبع مني واني فرحتي متنوصف

عماد مو زعلان مني زوجتك بأختياري وطلقت وجان نتيجه الزواج طفل بينكم احس نفسي ظالمك وظلمت منال اني وعمك

لا والله بابه احسن شي صارلي بالدنيا وجود كريم صغير بحياتي ومنال الله وفقها مع غيري وكلشي قسمة يالله نروح طلعنا نركب سيارة شفت سيارة سريعة رمو علينا طلقات وملثمين وكع ابويه بحضني ويا كل طلقة احس باهتزاز جسمه صوتي مجان يطلع من الصدمة لحظات وانتهى كلشي الحفلة صارت عزا حاولت اكوم شفت ابويه غركان بدمه واني دانزف وماحس بنفسي بابا جاوبني بابا الله يخليك جاوبني ماكو لاصوت ولا نفس ابوس راسه كوم لاتعوفني بعدني محتاجك جسمي انترس دم الجوارين التمو علينا والناس بدت تجي من كل صوب تليفوني يدك وانتهيت بظلام ماشوف نفسي الا بعد ايام بالمستشفى مصاب بكتفي ورجلي اول مافتحت عيني سألت بابا بابا وينك عمي على راسي حمدلله على سلامتك ابني عرفت ابويه انتهى واستشهد بقيت اسبوع بالمستشفى وسوينا عزا ١٠ ايام لان ابويه شخص معروف واني طلعت من المستشفى على مسؤوليتي وكفت بالعزا  بقينا نسأل ونستفسر منو اله مصلحة بقتل رجل عالم وخبير غير الكوابيس اللي جنت احلم بيها اهلي جانو يسمعون صوت صياحي يدخلون غرفتي يكعدوني من النوم  بعد شهر رجع مقداد من الجامعة ضايج كال تعين توفيق مكان ابويه اسودت الدنيا بعيونه جرحنا نزف من جديد امي وكعت بالفراش اختي فقدت جنينها مرت علينه ايام صعبة لحد ما جمعت نفسي واستلمت شغل ابويه بشركتنا وصار توفيق عدونا الوحيد بين فترة وفترة اخسرهم فلوس بالسوك والكارثة الاكبرنزلت على مقداد جان ناوي يتزوج بنت توفيق بعد اللي صار كلشي اتغير حاولنا يتزوجها مقبل اني وهو التهينا بالشغل ونسينه نفسنا وياه صرت سفير رجعت الفرحة لبيتنا وجود كريم بحياتي خلاني انسان قوي قبل شهور اتعرفت على بنيه مردت انطي لنفسي فرصة احب بس مخلتني جرتني لعالم الحب والعشك هزمتني اتعلقت بيها اهوايه ولو مجنت انطيها فرصة بس هم مكدرت على كلبي سمعت صوت تليفوني شفت مقداد

شلونك ماما وكريم شونهم

زينين انتو شلونكم احنا بخير كريم متونس لان العطلة كلها اني وياه وامي مبقت سوك متروحله تشتريلكم هدايا عبالها بعدكم صغار

بوسلي ايدها وكريم اشكد مشتاقله دزلي صورته عماد يمتى ناوي ترجع مو كافي صارلك شهر عايف كل شي ميصير

مو هسة اريد ابقى ايام واجي وبعدين عندي دورة بأمريكا ابقى اهناك شهر وشغلي استمر بيها الشركة يوميا اتراسل ويا ياسر ممتوقف عليه بعد ليش ارجع

عماد آيه بالمستشفى

كأنما ضربني بسكين لا عماد انسى جاوبته واني شكو

آيه مجانت تدري بسالفة ابوها

مقداد الله يخليك ماريد اعرف شي وبعدين انت منين عرفت هي بمستشفى حجالي الي صار بالحفلة الخيرية انصدمت يعني آيه هم متعرف اني ابن منو وابوها عدوي وهسة شلونها

حاولت تنتحر بس الله ستر عليها لحكوها بسرعه ودينا تخابرني وتتوسل بيه كل يوم تريد تشوفك

ماكدر اشوفها راح اضعف كدامها اريد انسى

عماد المسألة مو مسألة مشاعر مسألة حياة اوموت ..

#عاشقة_السفير13

انا انثى

انا انثـى ان احببت ملكت من احب.

وان عشقت ملأت الدنيا عشق!

وان سهرت سأضـئ الليل بإسمك…

وان تغنيت فسأملأ الدنيا بلحن الحب.

وان اشتقت سأسقيك كاسات الحنان والود.

وسأمنحك ليالي تتمنـى أن لا يظهر الفجر.

وسأغرقك في بحور الاشتياق.

لترى اي أنثـى أحببت انت

عماد:رجعت بعد ايام من اتصال مقداد بيه  مكدرت أمنع نفسي ماشوفها شسويتي بيه آيه رحت للمستشفى بالليل مدير المستشفى صديقي دخلني بدون مايشوفني احد سألته يتأكد نايمه لو لا كال نايمه ضاربيها ابرة منوم اخذني لغرفتها دينا جانت موجودة شافتني سلمت وطلعت اتفقت وياها اجي اشوفها حتى هي تبقى يمها مو امها اقتربت منها جانت متغيرة لونها مصفر وجهها شاحب بستها من راسها وخليت ايدي على شعرها ضميتها لصدري وابوسها اريد ابجي كوة لازم نفسي من بين كل العالم كلبج اختارني واختاريتج وهاي نهايتنا احجي واكول آيه صيري قوية لاتنكسرين عيشي حياتج مراح اكدر اكولج راح انساج بس لازم ابتعد عنج وانتي لازم تعيشين بقيت ١٠ دقايق ابوسها واشمها هي  متحس واني ماخذ راحتي احجي وياها باوعت لشفتها اتذكرت ليلة رأس السنة كتلها آيه شفتج لاتخليها على شفة غيري ترى اموت ابقي مثل مانتي احتفظي بشفتج اليه بلكي يصيرلنا قسمة بالدنيا الثانية بست راسها وطلعت طول الطريق اتذكرها متمنيت هاي تكون نهايتنا .

كومي كافي نوم ياحيوانة هاي اخرته وياج تموتين كافرة

صحيت على صوت امي وهي تضرب وجهي يعني اني مامتت باوعتلها اكيد عرفت دينا متسكت

باوعيلي لاتديرين وجهج اعتبر نفسي مسمعت من دينا شي افتهمتي واللي سويتي بنفسج مراح اسكت عليه حسابج بعدين

شتريدون مني عوفوني ماريد اسمع شي ماريد اشوفكم

ماما كافي على كيفج بعدها مصايرة زينه وبابا يخابر يريد يجي يشوفها

سمعت اسم ابويه تذكرت عماد صرخت عليها دينا ماريد اشوفه عوفوني والله اذب نفسي من الشباك هسة

ألج عين تحجين حقيرة ابوج اسبوع منايم من القهر يكول بنتي صابها عين ميعرف بنته تحب واحد بكد ابوها وتنتحر علموده اضطريت اكذب عليه ومااشوهه صورتج كدامه حيوانة ملكيتي غير عدو ابوج

لاتكولين ابوج مو ابويه اللي يقتل ناس علمود منصب وانتي جنتي شريكه وياه لو لا جاوبيني

هجمت عليه تضربني دينا طلعتها برا اول مرة انضرب بحياتي ومن امي شسوي نار بصدري سمعت صوت ابويه اريد اختفي من الوجود غمضت عيني ماريد اشوفه احس لمساته على راسي وهو يبوسني نار تحرقني اريد اوخره

حبيبة بابا فتحي عينج هاي العيون الحلوة اللي حارمتني منها اسبوع لو بس اعرف شنو صاير بيج هالتعب والارهاق منين جتج

تعبانه خلوني ارتاح اريد يطلع بس ماريد شي ثاني هذا اللي حرم عماد من ابوه واني راح انحرم منه كسرتني بابا كسرت بنتك وذبحتها ياريتني ميته ولا سامعه هالشي يعني طول عمرنا عايشين وياه بخداع والصلاة والصوم كله جذب

زين بابا اعوفج ترتاحين لاتبجين كافي اذا ردتي شي خابريني عمري

طلعت من المستشفى ورجعت للبيت موبايلي ماكو اكيد امي ماخذته جبت موبايل نانا خابرت عماد مقفل حميد مسويلي حظر ياربي شسوي هسة ضليت شهرين بالبيت حابسة نفسي بالغرفة ماختلط بيهم حتى شغلي تركته كرهت كلشي حولي

كومي احجي وياج كافي خبال  كومي وغسلي ورجعي لحياتج وانسي المصيبة اللي مسويتها

اذا تقصدين حبي لعماد فاحب اكولج محد يكدر ينسيني جرتني من شعري

من يمتى صرتي تردين عليه حيوانه انتي ناسية اني منو من اليوم اللي بديت تحبين الجلب نسيتي تربيتج واخلاقج نسيتي نفسج ترى كوة لازمة نفسي منج والله اذا ابوج عرف راح يموتج افتهمتي

اي عادي افتهمت متعود يقتل مو قتل ابو حبيبي خلي يقتلني همينة

ماما: ولج انتي اشكد ادبسز صايرة تحجين على ابوج همينه تبيعين عائلتج علمود واحد مو كافي اختج النوب انتي همينه متشوفيها اشلون دمرت نفسها ليش تعيدين غلطاتها ناوية تجلطيني انتي

تصيح وتضربني واني ولايمي اخر شي كتلها عوفيني ماريد اشوفكم خلوني بحالي

مو بكيفج ترى ربج ستر ومخلينه احد يعرف انتحرتي وتفضحينا وتفضحين نفسج واحب اكولج من هاللحظة اسم عماد ميجي على لسانج وشكولج تسويها وتجين تبوسين راس ابوج وتعتذرين منه صارله اسابيع منايم ومقهور عليج يكول بنتي شبيها اكيد عين وصابتها خطية ميعرف بنته تتمعشك ويا عدوه وانتي تعرفيني صبري بيها حدود وهسة كومي نزلي

لو تموتيني مانزل ولا اعتذر من احد ماما ليش متحسين بيه اني احبه مو بيدي

لاحول ولا قوة الا بالله بنتي ميفيدج هو ميريدج ليش متفتحين عقلج شويه هذا ياحب يخليج تكرهين اهلج ولج ربيناج احسن تربية وتعليم ابوج مقصر وياج بشي وهذا جزاته متحجين وياه يريد يضمج تصيحين عوفني وعلمود منو واحد انتي يمه ولاشي افتهمتي ولاشي  والف وسفة على تعبنا عليج لو يحبج يطمن عليج

راحت وعافتني صدك اني يمه ولاشي ليش ياربي ليش هيجي يصير بيه فكرت اروحله للمكتب واواجهه ميفيد هيجي ماكله بنفسي وهو ماكو اكوم ابدل واروح لبست ونزلت بابا جان مو جود يحجي ويا ابن عمتي مهند بالشغل باوعلي ينتظر اسلم عليه لو ابوسه مثل قبل بس لا مشيت كأنما مشايفته وطلعت من يوم اللي عرفت ابويه قاتل  ماحجي وياه  صرت اكرهه اريد احس بمعاناة عماد وهو يشوف ابوه بحضنه ميت كلش صعب ياربي شلون تحمل صعدت بتكسي حتى مركبت ويا السايق مالتنا مردت يعرفون وين رايحة انطيته العنوان واني بكلبي اكول شكوله شيصير ماعرف يستقبلني لا وصلت نزلت دخلت للبناية كلش حلوة ومرتبة سألت على مكتب السفير كالولي لازم موعد انطيتهم بطاقتي مال جمعية الخيرية كالولي انتظري رحت كعدت اباوع على البنات اللي يشتغلون شوية وانجلط شنو هذولة  شنو لابسين عماد كاعد بوسط هالبنات ياربي صبرني  .

  جان عندي شغل اهواية كلش تعبان دخل حميد

استاذ عندك زيارة طارئة اكو جمعية انسانية محتاجين مساعدة

ولو كلش تعبان حميد بس ميصير حالات انسانية مو لازم يتاخر خليهم يدخلون انتظرت دخول اشخاص بس شفت آيه كلبي وكف من شوفتها حميد جان يمي لما دخلتها السكرتيرة باوعلها يمكن عرفها استأذن وطلع خابرني برا

استاذ اني اسف معرفت هي لو اعرف مخليتها تدخلك

مو مشكله عادي لاتخلي احد يدخل علينه سديته وهي بعدها واكفة وكفت اهلا آيه تفضلي باوعتلي بعتاب

شكرا سعادة السفير كلك كرم

آيه مو وكت حجي واهنا مو مكان سوالف محتاجة شي اتفضلي بشنو اكدر اساعدج بجت رأسا

الله واكبر عليك انت شنو جماد مو بشر متحس بيه اني شنو ذنبي حتى هيجي تسوي ويايه لاتصير ظالم كافي ماتحمل عماد أرحمني

كعدت يمها اش لاتبجين كافي انتي اصعب عقدة بحياتي

لاتخاف على صورتك كدام الناس اذا طلعت من اهنا البس نظارات حتى محد يحس بشي عماد اني ماكدر استغني عنك بالرغم من الي صار اريد اعرف شنو نهايتي وياك والله ماكدر بدونك احبك واني اسفة لموضوع والدك الله يرحمه واي شي تريده مني اني حاضرة حتى لو دمي ارخصها الك بس لاتعوفني جان صامت انتظرته يجاوبني.

آيه متعرفين نهايتنا مستحيله شلون اسوي نفسي عادي وياج ونرجع مثل قبل

عماد اصلا مجان اكو قبل اني اللي جنت احبك انت ولايمي

لاتكولين هيجي آيه تعرفين انتي شنو بالنسبة اليه

اي اعرف ولاشي من الاخير اكولك لاتصير انت والزمن عليه

آيه خلينه بعاد هسة حتى اجمع نفسي شوية وبعدين اقرر ماريد قرارات سريعة اتحملي

ماتحمل عماد ياتحمل اني شفت الموت بعيوني ومامتت اتمنى هسة اموت واخلص من هالمذلة

أسم الله عليج لاتحجين هيجي آيه اكره طاري الموت

ليش متريد ترتاح مني

آيه اني ماكرهج حتى اتمنالج الموت

يعني تحبني كول اي او لا اتوسل بيك جاوبني وريحني لاتخاف اذا لا والله العظيم راح اختفي من حياتك وماخليك تشوفني ابد .

قهرتني بتوسولاتها وبجيها مكدرت اصدها اكثر واذا أي

ها

ههههه اكول اذا اي

عماد تحجي صدك

أي آيه اني احبج وكلش صعب عليه اللي احنا بي لاتتصورين مرتاح ببعدج اموت باليوم الف مرة بس لازم نفسي

حضنته وبسته احبك عماد احبك

ولج وخري تريدين يطلعوني بفضيحة

ماوخر مراح اسمع كلامك موتتني لحد ماسمعت منك هالكلمة رجعت لمكاني واني ابجي واضحك وهو يضحك زين اني اترخص اخليك بس

مخبله شنو بس دمرتي وجهي من البوس

تخابرني لو لا

الله كريم

والله أدري الله كريم بس خوفي منك انت مو كريم

هههه كافي روحي مرة ثانية لاتجين اهنا زين هالمرة سماح

اي نسيت ليش مكلتلي قبل يشتغلون بنات وياك ها

آيه روحي مادام راضي عنج ماعليج بشي لاتعصبيني

رحت بسته على السريع وطلعت واخيرا ارتاحيت لازم اروح  للمكتبة اشتري غراض واصباغ اريد اليوم ارسم شي حلو ابو المكتبة يعرفني

ها عمو من زمان ماكو ليش بنتي خو ماصاير بيج شي

لا والله عمو بس ظروفي مسمحتلي وهسة جيت

الف هلا بيج  جايب غراض جديدة واقلام كلش حلوات راح احضرلج وجبه متنوعه منها المهم متوكفين عن ابداعج

تسلم عمو رجعت للبيت اغني واضحك مثل قبل شافني بابا وضحك

الحمدلله رجعت بنتي آيه لو جنت ادري من زمان مخليج تطلعين برا

اي لو تعرف وين جنت ومنو سبب هالضحكة تدفني بمكاني باوعت عليه راح من وجهي الضحكة مجاوبته ردت اصعد لزم ايدي

بنتي اشبيج ويايه ليش هيجي صايرة

اشبيك حبيبي دلع بنات يعني متعرف آيه كل يوم على وضع

ماما تسويلي حركات بعينها يعني احجي وياه ردت اكوله ليش قتلت ابو عماد بس سكتت وامي تأشرلي كتلهم من رخصتكم اروح ارسم بابا ترك ايدي وضاج اني همينه ضجت لان مهما يكون هذا ابويه هو اللي مربيني وممقصر بشي ويايه جان نعمه الاب بس اني هسة تفكيري غير اباوعله كمجرم .

#عاشقة_السفير14

حبيبي سأبقى أنا

ملكه على عرشك سيبقى

هذا القلب ينبض لك مهما كان

او يكون سيبقى أعذب

وأرقى وأسمى أحساس يتملكني لك

وحدك الى أن تحين ساعتي

مهما بعدت المسافات

ومهما كثرت الحواجز والاسوار

ستظل انت متملك قلبي يا روووحي

دعينى اقترب منكـ لأنظر إلي عيناكـ

وأرسم علي شفتاكـ طريق الأمل

ودعيني أقطف الحنين

من خدودآ تملأها الأماني

واتركينى أمزق خيوط الخجل

لعلى أجد نفسي بدآخلكـ

عماد: جنا بيت عمي معزومين حلوة لمة العائلة خالتي وعمي بس يعاتبوني ليش مازورهم مو مثل قبل جنت اني ابنهم عمي عنده بنات ٢ منال وسارا ماعنده ولد فأني من صغري اعتبر نفسي ابنهم يوميه بيتهم جنت احب منال وسارة مثل شهد واعاملهم مثلها وعمي وخالتي مثل ابويه وامي طلعاتنا سفراتنا كلها سوية منال جانت منافستي بالدراسة وعمرها مقارب اليه جانت كل همها الدراسة وتكون احسن من كل بنات العائلة من وهي صغيرة جانت تكول كولولي دكتورة منال كبرنا وكبرت طموحاتنا صرنا نطلع اني وياهم وحدنا احنا ٦ اني ومقداد وياسر شهد وسارة ومنال نبقى اسابيع نسافر بالعطل نطلع وياهم للاسواق طلبات بيت عمي كلها اني اجيبها واسوي مجنا نخليهم يحسون ماعدهم ابن اني وياسر ومقداد صايرين ابنهم بحكم عائلتي عائلة تعليمية كل همها الدراسة  اني ومقداد  مجان نعرف بنات اونسوي علاقات بالكلية او خارجها  جان عندي جماعة اصدقاء ولد كل همهم بنات وشلون يوكعون بيهم كل مرة اسمعهم شلون ينامون ويا بنات وشنو يسوون ويروحون يم بنات الليل اني الوحيد اللي مجنت مجرب ومسوي شي جانو يضحكون عليه يكولولي عماد العذراء واحد بيهم جان يومية يجي يكولي البارحة نمت ويا فلانة هيجي سويت وهيج شفت ويكولي ليش متجرب مو عيب عليك عبالك جاهل اني بالبداية مقبلت بس اكو مثل يكول كثر الزن يفك قبلت كال راح اجيبلك وحدة توب تنسيك اسمك اني كتله مو هسة خلي اشوف انتظرت صارت عطلة اهلي  مقررين يروحون لفلان مكان يوم واحد ونرجع اني اتحججت مرحت اتفقت ويا صديقي يجيبلي البنت للبيت فعلا جابها بالبداية مستغرب جنت منها تلزمني وتضحك ويايه عبالك من زمان تعرفني اني جنت متوتر بس هي متنطي مجال كالتلي وين ننام كتلها بغرفتي صعدتها للغرفة كامت تنزع ملابسي وتنزع ملابسها وتضحك بصوت عالي واني بعدني ممسوي شي متردد وخايف حتى نسيت شسوي شافتني حاير دفعتني على الفراش واتقربت مني بعدها مبدت شي انفتح الباب اني متت من مكاني جان ابويه شلون فشلة باوعلي وسد الباب محجه شي بس نظرته اليه جانت كافية دفعتها بدلت هدومي كتلها بدلي حتى اطلعج مرضت كالت عجبتني الا انام وياك يالله اروح انطيتها فلوس مرضت كتلها من الاخير اني مو رجال ارتاحيتي كالت كل هالطول والجمال ومو رجال حرام والله متستاهل اريد بس انزلها مجلبه بيه سمعت صوت سيارة ابويه عرفت راح نزلتها وسديت الباب بقيت طول اليوم انتظر رجعت ابويه ثاني يوم جنت نايم سمعت اسمي عماد ماريد اطلع راسي من الفشلة نعم بابا

اكعد احجي وياك ابني

حاضر بابا كمت

غسل وبدل انتظرك بالمكتب

باوعتله وجهه عادي مو معصب نزلت يمه

اللي صار البارحة اول مرة لو متعود

نزلت راسي كتله اولا اني اسف اهواية وثانيا هاي اول واخر مرة واللي تريده تسوي بيا اني حاضر

ابني انت شاب وهالشي غريزة بكل انسان بس كل واحد ونفسه اكو يسيطرون على نفسهم واكو عدهم شهوات حيوانيه

هالكلمة حسيته يقصدني بيها

اني مراح اعاتبك اللي راح راح بس حبيت اكولك اني البارحة خطبتلك بنت عمك منال

اهنا الكارثة ردت اكول لا بس صدمني

واتصور بعد سوايتك ماعندك اعتراض حضر نفسك يوم الخميس حفلة خطوبتك وانتهى النقاش

مجان عندي اعتراض على منال بس اني اعتبرها شهد ماكدر اعتبرها زوجة وماكدر ارفض خوفا من ابويه وعمي وهي متستاهل ابن عمها يكسرها وميريدها صارت الخطوبة وصارت الزواج منال بعالم واني بعالم اول ليلة كلش جانت صعبة ماعرف شلون دخلت عليها وشنو سويت منال جانت بكلية الطبية كل همها دراستها وتكون الاولى على دفعتها ماعدها اي اهتمام لا بالتزيين ولا بشكلها جانت مثل ماهي شلون بيت ابوها اهنا نفس الشي متهتم هي تزوجت تنتظر زوجها تتزيين ماكو واني همينه مجنت احس بشي اتجاهها جنا بنفس البيت بس ماكو اي تقارب جسدي بينا كلما اريد اقترب منها جانت تصد وتكول عندي دراسة عندي امتحانات واني ماكدر زواج ومسؤولية خليني بحالي هي جانت مجبورة مثلي بقت يمي سنة اقتربت منها ٣ مرات خلال السنة اول شهر من زواجنا صارت حامل يوميه جانت تحجي عليه صوجك اني راح يضيع مستقبلي اهلي حسو انه احنا مراح نتفاهم واني عزلت نفسي منها جنت انام بغرفة ثانية خليتها تاخذ راحتها جابت ولد سميته كريم على اسم ابويه وبعدها كالت اني ماكدر اكمل حياتي وياك انت مثل اخويه صعب عليه انام وياك فجمعنا اهلي واهلها فهمناهم سالفتنا مجان عدنا الحل الا طلاق طلقتها وبقى ابني بيني وبينها هسة عمره ١٠ سنين وعلاقتي بيها مثل قبل الزواج اخوان بست عمي حقك علي بس تعرف ظروف شغلي

ام عماد:والله اني ماشوفه يحتاج اخذ موعد حتى اروح اشوفه

ست الحبايب الزيارة الج مفتوح دايما بدون بطايق منو النا غيرج بالدنيا رجعنا لبيتنا كعدت بالصالة ويا مقداد امي راحت غرفتها ترتاح أشكد حلو لمة العائلة من زمان عنها

آيه ليش جتي للمكتب

شنو اني وين احجي وانت وين  حجيتله السالفة باوعلي مصدوم

عماد اتخبلت ليش تكوللها احبج وانت تعرف شنو نهايتكم

ماعرف مقداد مردت اصلا احجي وياها بس شفتها كلشي اتغير وكتلها احبج وفعلا اني احبها خليني اعيش وياها يوم بيوم لحد ماتفرج

وشلون راح تفرج حضرة السفير تروح تخلي ايدك بيد توفيق اللي انت سنين حاقد عليه وتحاربه بالسوك

لا طبعا اكص ايدي ماخليها بأيده

لعد شلون تبقى ويا بنته

مقداد اني اعتبر آيه حبيبتي وبس راح انسى هي بنت منو والله كريم صعدت لغرفتي خابرت آيه  احلى الو لأحلى آيه أحبج

ماتحمل هالشي عماد واني هم احبك لا قليل كلمة حب  أعبدك

أحجيلي تفاصيل حياتج اريد اعرف كلشي عنج من وانتي صغيرة

حجيتله طفولتي ومراهقتي ودراستي وشنو احب طبعا هو عكسي بكل شي ركزت من يسمع مني سالفة بيها ابويه يضوج

اذا تعزيني لاتجيبين اسمه لان ماكدر اكمل وياج حسي بيه انتي حبيبة عماد ماعندج غيري اريدج اليه وحدي زين تكدرين آيه

عماد جنت تحب زوجتك

بقيت احجي وياها للصبح ناسي هي منو وبنت منو اسألها تجاوبني نبهتها من البداية لاتدخل وتحجي بسالفة زواجي الاول بس متوب اكيد احبها مو بنت عمي

أي طبعا بنت عمك راح انجلط منه اوف زين سؤال ثاني هي حلوة

مشفتي كريم ابني هي نفس الشبه نفس الشعر والشفايف والعيون الحلوة

استاهل صوجي أسال اي كريم كلش حلو الله يخليه الك عبالي يشبهك معرفت يشبه أمه ومادام هلكد حلوة ليش طلكتها

شكو بيها الانسان ميتفاهم بداية حياته من يكبر يبدي يعرف ويقدر الاشياء اكثر ومادام كريم بيناتنا احتمالية رجوعنا وارده

واني عماد ليش هيجي تسوي بيه سنين عايفها هسة حلوت بعينك

لحظة آيه منال تخابرني خلي ارد عليها بعدين احجي وياج .

لحظة عماد قفل التليفون ساعه 4 الصبح ليش تخابر شعدها خابرته مشغول راح اتخبل هالسالفة منين طلعتلي رجعت اخابره مقفل اي ساعتين تحجي وياها تعبت ياربي شنو يحجي وياها يغازلها مثلي لا شنو يغازلها جانت زوجته يعني اكثر مني ماتحمل نزلت الصبح ضايجة فتحت التلفزيون اصلا بالي مو يمه شفت دينا معصبة كعدت يمي

نصي الصوت خلينا نحجي بهدوء سمعيني عماد انسيه افتهمتي مو اني اللي يحجون عليه من وراج

خير من الصبح شصاير

قبل فترة  جنتي يم عماد مو انتي مترتاحين الا اذا نزلت عليج مصيبة شتريدين تسوين بنفسج ولج ليش متخافين على نفسج تريدين تنفضحين وتنزلين راسنا ولج صارلج شهور تعرفينه وهيجي تسوين اني صارلي ٦ سنوات اعرف مقداد مسويت سواتج

لحظة دينا منين عرفتي

من البلوة مقداد ارتاحيتي يسبني ويحجي عليه لان حضرت جنابج رايحة لاخوه هيجي تجازين اختج اني ماستاهل منج هالاذيه كافي آيه انطيني وعد تعوفين عماد

حضنتها أسفة ماكدر احاول بعد ماجيبلج حجي حبيبتي

آيه تفضلين عماد على اختج وليش اسأل مو رخصتي روحج وانتحرتي بقت على اختج وخري مني اروح اصيح ماما عليج اني غاسلة ايدي منج

بستها والله مو بيدي وماريد اجذب عليج وانطيج وعد اني مو كدها الله يخليج دينا سامحيني .

آيه انتي الخسرانة راح تكبرين وتندمين مثلي.

#عاشقة_السفير15

مشتاق لوجهك يحميني

يحميني من وجوه الكذبة

بقول بحبك قلبي بيكبر

وسع الكون ويرجع يصغر

عمر فوق الرمل الدايب

قصر الشوق اللي ما بيتعمر

بحلم فيكي و عم بتامل

يكبر مرة الحلم ويكمل

عمر بيتي عايديكي

بيت صغير يصير الأجمل

عماد : أنشغلت هالفترة اهواية صارلي أسبوعين مسامع صوت آيه كتلها تصور نفسها كل لحظة وترسلها اليه اريد اعرف شتسوي وماتسوي لان ماكدر اشوفها ولا اخابرهاضاجت محجت شي بس يوميا ترسلي صورها صرت مدمن عليها اليوم كريم عنده حفلة بالمدرسة ولازم اني ومنال نروح وياه كل سنة يسووها هالحفلة

واحنا نروح سويا منريده يحس بالنقص اول مانزلت بدت المعلمات يصورون ويايه ويسألوني أسئلة بلا معنى اشوف كريم فرحان بيه ويباوعلي صار وقت الاجتماع المديرة طلبت مني اقدم كلمة للطلاب اشجعهم على الدراسة .

آيه من يسألوج اصدقائي على أسمج كولي اني دينا زين لاتفضحيني وتكولين آيه

ليش لايكون مو عاجبتك يازيد تحمد ربك وافقت اجي وياك

مو دايما احجيلهم مقالبنا وحركاتج هسة يضحكون عليه يكولون جايب وياه اخته المخبلة

اخ لو ماما مو مشغولة مجنت اجي وياك غبي ناقص عقل كلمة زايدة تحجي اهناك افضحك واسوي نفسي من صدك مخبلة امشي

واني اكول لماما غيرتي لبسج من طلعت لابسة فستان قصير بدون ردن الا اخليها تحجي عليج صبريلي آيه

هذا موديل مو تريد ابين انيقة علمودك لبستها احلى شي بسرعه ينخدع ولو لسانه طويل يحب دينا اكثر مني  يغار مني اهواية خصوصا من ابوي يدلعني ويمدحني يضوج وصلنا عبالك معرض مال سيارات كدام الباب طبعا مدرسة أهلية والطلبة ابناء المسؤولين  الحمايات داير مداير المدرسة اخذو مني بطاقة الدعوة ودخلنا للقاعه كعدنا زيد يعرفني على اصدقائه اني بسرعه اندمج ويا الجهال واكون علاقات عزمتهم يجون لبيتنا نتونس ارسملهم ونلعب سويا وناكل حضني مبسوط

احبج آيه شكرا

شنو اللي اشوفه عماد وياه طفل أي كريم شفت وياهم وحدة منو هاي هالنوب المشكلة ماكدر اتقرب منه اهواية ولا اكدر الزم نفسي أكعد بمكاني كمت اراقبهم يكولي مشغول ميكدر يخابرني ياجذاب رفع راسه شافني خليت عيني بعينه نزل راسه كأنما ميعرفني اخ يالقهر اي اضحك وسولف اخذ راحتك استاذ عماد

شفت آيه بين الحضور ويا اخوها مبينه زعلانة بعدج مشايفة شي اني ألج تسألين وتلحين خلي يفيدج عنادج هسة متسمعين الكلام طلعنا نتغدا بمطعم جنت متأكد راح تجي ورانا اضحك ويا منال واحجي وياها شفتها جتي وكعدت قريبه علينا مقابيلي كوة لازم نفسي لااضحك من منظرها صايرة حمرة شوية وتنفجر

مو كتلج ماريد هالمكان ليش جبتيني كومي نطلع وديني مطعم بي العاب شسوي اهنا هسة

اني دا اموت وهذا زيد ميسكت هو طلباته من شفتهم طلعو من القاعة طلعت وراهم صعدنا بالسيارة كلت للسايق يروح  ورا هالسيارتين راح اموت من القهر كاعدين يضحكون طلبو اكل اشوفه مندمج ويا ابنه وينطي اكل ركزت عليها هي اكبر مني لبسها محتشم وأنيق بس كريم يشبه عماد طبق الاصل عبالك نسخه منه لعد مو منال لايكون عماد متزوج والله احرك الدنيا على راسه شفت بعد شوية رجال اجه يمهم كعد

ليش متاكلين آيه منو ياكل هالشي اريد همبركر ليش ماطلبتيلي ماريد دجاج ميعجبني خلي نروح ضجت منج ومن هالطلعه هسة يفوتني الحلقة من وراج

الله ياخذك وياخذ الحلقة زين دفعت الفلوس طلع اهواية واصلا اني ماكلت شي طالبة مال 4 نفرات ومحاسه بنفسي بالليل خابرني سديته ماريد احجي وياه خلي يحس بناري شوية.

آيه زعلانه مني لاول مرة احس بغيابها حاولت اصالحها كل مااخابرها تبجي وتكول انت متحبني لو ماحبج ماخابرج يوميه

شفتك وياها تضحك ومتونس منسجمين مو مال مطلكين اني اعرف واحد يطلك مرته حتى لو يشوفها بالشارع يلعنها مو مثلك

الف مرة كايلج هي بنت عمي ومثل شهد آيه انتي اول حب بحياتي كافي سويت بيج مقلب حتى بعد تتوبين ومتسألين عن الماضي حبي مشفتي زوجها اجه للمطعم بعد شنو غيورة

طبعا متحس بناري لان متحبني اموت من الغيرة عماد ماتحمل اشوفك ويا اي وحدة حتى لو اختك مو بيدي ياريت اني هم مثلك

شنو مثلك اكسر راسج مرة ثانية تحجين هيجي اني واثق منج مو معناته ماغار وانتي بالبيت دايما من منو اغار عليج

زين عماد اليوم اني رايحة لحفلة صديقتي وابات يمهم وعدها اخ اكبر من عدنا شتكول

متسويها اعرفج عاقلة احبج

اخ منك ضيعتني بهالكلمة الله عليك لاتلعب باعصابي مرة ثانية عيدها كول احبج ماشبع منها

ياسر : ها حبيب آيه اليوم المزاج فول والضحكة شاكه الحلك مو من عوايدك

طبعا حبيب آيه غصبا ماعليك وانت شكو

مقداد : واني اكول الوجه منور عبالي علمود مجتمعين سويا طلعت الشغلة بيها آيه مادري وين تريد توصل انت

ادري متريدني اتواصل وياها وانهي علاقتي بيها مقداد اني مو مثلك انت استسلمت وعفت دينا اني ماعوف آيه وراح اخذها من حضن توفيق بس خلي ارتب اموري وشوف شسوي

بركاتج بنت توفيق خليتي سيادة السفير سوبرمان اي الله يهنيك بيها ولو متأكد شتكوللها توافق متعارض

أكيد متعارضني مقداد اني مو أي احد  اني عماد الجراح

اكول عنتر بن شداد  وين تلتقون ماشوفك تطلع وحدك دايما ويا الحراس

مملتقين ولا مرة لوحدنا شايفها بس مرتين بدون مااحجي وياها

سيدي السيارة وصلت المندوب جاب العقود حتى توقع على استلامها

زين حميد دخله خلي يجي متحمس اشوف السيارة بس اوقع العقود نطلع نشوفها

الف مبروك عماد تستاهل حبيبي

حبيب آيه ليش متطلع بيها ويا آيه تتونسون وهم تصير مفاجأه

لا طبعا اذا شافنا احد تريد تفضحني ياسر أفندي

لحد يمتى أظل اعلمكم ولايبين بعينكم روح لفلان منطقة محد يشوفكم أمان محمي وعلى ضمانتي

ليش اني مااخلي اختي تشك بيك هسة منين تعرف هالامكان انت ابو الدروب عماد لاتسمع كلامه

مواكول انتو مو وجه نعمه متصدكون هذا المكان  بس جماعتنا يوصلولها

مادري ليش عجبتني الفكرة واني مشتاقلها اهواية استاذنت منهم ورحت صعدت بالسيارة خابرت آيه اريد اشوفج الليلة

ها وين تشوفني تضحك عليه مو

مو مشتاقتلي

لو نهار جنت اكول الشمس منين طالعة بس هسة احنا بالليل القمر من وين طالعه

لا تصنفين مو وكته ساعة ١٢ اشوفج آيه اوك

ماعرف احاول

ماريد محاولة اريدج تجين

وين نروح

بس طلعي من بيتكم وماعليج راح تشوفين سيارة صعدي بيها اوك

بس عماد

ماكو بس نفذي وماعليج بشي

علاقتي كلش متغيرة ويا عماد صاير مثل ماريد ولو هو اهواية مشغول بس يكولي احبج انسى كلشي هالفترة احلى فترة مرت  عليه ولو مرات انقهر وانغث من الغيرة بس متأكدة منه مينطيهم وجه علاقتي بأبويه بعدها متوترة  امي عبالها اني نسيته رجعت لحياتي اما دينا فتعرف بعلاقتي وياه وتحذرني بس ويايه ميفيد بشي اليوم راح اشوف عماد لأول مرة اطلع من بيتنا بالليل بس مخايفة من فرحتي بشوفه عماد انتظرتهم ينامون رحت طفيت كاميرات المراقبة مال بيتنا وطلعت من الباب شفت سيارة سودة مضلله بس غريبه شكله حلو رحت انفتح الباب الامامي صعدت مباوعت شكو من الخوف سديت الباب طلعت السيارة من المنطقه وكلبي يدك سريع حسيت بأيد على ايدي انداريت شفت عماد كلبي وكف من الفرحة جان لابس تيشيرت وكابوي يموت اشكد حلو محجيت شي بس اباوعله

ههههه مو كافي تباوعين شلونج حبي  

زينه حبيبي

واني زين بشوفتج

جان يبوس ايدي واني دايخة ماحس وين موديني بس السيارة تمشي مثل الطلقة  اشبيك على كيفك اخاف لاتسرع

جبانه انتي ويايه ليش خايفه

مال منو هالسيارة 

مالتي هسة جابوها اليه وردتج تكوني انتي اول وحدة تركبيها ويايه وهم رجعي وكولي عماد متحبني

حلوة كلش ريحتها تخبل مثلك بالعافية عليك

وانتي منين تعرفين ريحتي ها

اعرف

متعرفين شي هسة اعرفج

وين رايحين

لمكان حلو خايفة مني آيه 

لا طبعا

احبج خبلة شنو هالجمال هذا حظي لو شنو

رحنا لمكان بعيد شويه وكف السيارة  ونزل منها واني  نزلت حضني وباسني

مشتاقلج اهوايه موتيني بصورج حرام عليج

واني همينه حبيبي

تحبيني

يعني متعرف

لا ماعرف عرفيني

شلون

بوسيني حتى اعرف

شنو استحي

من شنو تستحين اول مرة قابل

منطاني مجال باسني بقينا سويه لحد ساعة ٣ رجعني لبيتنا

حبي راح اسافر  عندي مؤتمر  مخلصت من أمي النوب انتي تبجين

يعني متريدني ابجي عليك راح اموت لحد ماترجع

حبي اكو تليفون واكو صور وفيديو مو مثل قبل .  بقينا ٣ ساعات سوية مجنت اشبع منها تمنيت ظروفنا تختلف ونتزوج اعيش وياها طول العمر الاحساس اللي احسه وياها مختلف وحلو كلش رجعت للبيت ريحتها معلكة بملابسي ميجيني نوم خابرتها اريدج آيه مشبعت منج ماكدر انام بدونج احتاجج ليش متجين تنامين يمي ليش ساكته جاوبيني آيه وين رايحة دتحسين بيا لو لا ولج شسويتي بيا ماعليه نيميني اريد انام .

#عاشقة_السفير16

لو أنَّ حبَّكِ كانْ في القلبِ عاديَّا

لمَلَلْتُهُ مِن كَثرةِ التَّكرارْ

لكنَّ أجملَ ما رأيتُ بِحبِّنا

هذا الجنونُ، وكثرةُ الأخطارْ

حينًا يُغرِّدُ في وَداعةِ طِفلةٍ

حيناً نراهُ كمارِدٍ جبَّارْ

لا يَستريحُ ولا يُريحُ فدائماً

شمسٌ تلوحُ وخَلفَها أمطارْ

حينًا يجيءُ مُدمِّراً فَيضانُهُ

ويجيءُ مُنحسِراً بِلا أعذارْ

لا تعجَبي

هذا التَّقلُّبُ مِن صَميمِ طِباعِهِ

إنَّ الجنونَ طبيعةُ الأنهارْ

مادُمتِ قد أحببتِ يا مَحبوبتي

فتَعلَّمي أن تلعبي بالنّارْ

فالحبُّ أحيانًا يُطيلُ حياتَنا

ونراهُ حيناً يَقصِفُ الأعمارْ

عيد ميلاد اخويه زيد ومثل كل سنه جدي يسويها بمزرعته تبعد عن المدينة 5 ساعات ويعزم كل العائلة نبقى ايام اهناك واحنا الشباب كلنا نسهر ونلعب واني كامرتي متنزل من ايدي اصور كل شي جدي يحب يحتفظ بهالاوقات الحلوة دايما اصعب شي جان مخابراتي وياعماد ماكو مجال اصير وحدي بغرفة النوم كل البنات ينامون بي ماكو خصوصية هالسنة جان يختلف عندي احس بضوجه اتمنى ارجع لبيتنا واخذ راحتي جنت اعزل نفسي وأخابره بالليل بعد ماينامون

عماد صاير جريئ اهواية متصورته هيجي اتذكر الليل وسوالفه ويايه واضحك شفت امي واكفة تباوعلي خفت لا تكون شافتني طالعة بالليل اكو شي

طبعا ست آيه متشوفين حركاتج عازلة نفسج عن اهل ابوج  وهمه معزومين لحفلة أخوج الصبح كله نايمه اكثر من مرة جيت اصحيج وانتي عبالك ميته من يمته تنامين من نجي اهنا لو تعزلين نفسج

بكلبي ارتاحيت اوف كتلها اسفة جنت تعبانه هسة اكوم واروح يم البنات

لا وليش تكومين الدنيا صارت مغرب رجعي نامي تصرفاتج تجيب المرض

راحت ضحكت على تفكيري  باوعت تليفوني شفت مكالمات من عماد وصورته  وهو  بالمطار واصل للدولة اللي رايحله خابرته  حجيت شويه وياه جان دايخ كالي راح انام عوفيني زين حبي نوم العوافي .نزلت شفت جدي وعمتي ومهند وبابا كاعدين مهند  يباوعلي بنظرات حقيرة مهتميت اله سلمت على عمتي سمعتني جم حجايه محلوة مجاوبتها باوعلي ابويه بنظرة شوق وعتاب متحملت رحت حضنته وبسته مصدك حضني وباسني من راسي كعدني بحضنه ومهند يباوعلي ماعرف شلون

عمتي : ترى كبرتي شنو هالحركات كعدي زين

بابا : خليها عسل على كلبي

مجان مصدك اني رجعت وياه مثل قبل جتي دينا من برا

دينا: ميته تعب ونوم ماندل طريقي

ابه: كتلها ليش

دينا:والله متت اليوم جنت أحضر الزينة والنفاخات  خو مو مثل بعض الناس بس نايمين

وانتي شكو بكيفي مو بابا

اي بابا بكيفها تنام تطلع

مهند :لا خالي غلطان البنية ميصير كلشي بكيفها مو زين

بنتي غير هاي آيه مو أي بنيه .

طبعا آيه اللي تريده يصير حفيدتي المدللة شتريد بكيفها جدو اليوم التصوير تهتمين بي حتى احتفظ بيها ويا البوماتكم

تأمر جدو من عيوني خلي اروح احضر نفسي مباقي وقت طلعت غراضي وبديت ألبس واخلي مكياج دزيت صورتي لعماد  الحفلة كلش حلوة جانت كل صورة اصورها ادزه لعماد رجعنا بالليل بعد ماخلصت الحفلة لان بابا عنده دوام وامي نفس الشي بالسيارة مكدرت افتح موبايلي وصلنا للبيت خابرته

بعد وكت ليش تعبتي نفسج جنتي تنامين وترتاحين لان حضرتج تعبانه من الحفلة وماعليج بعماد

حسيت نبرة زعل وغضب بصوته وتتصور آيه تكدر تنام من غير ماتسمع صوت عماد

بس كلام ماكو فعل شنو هالحركات واللبس لحد يمتى اعلم بيج وانتي ولا هامج

عرفت الزعل بسبب لبسي حبيبي حفلة عائلية مابيها اغراب بعدين امي مشتريتلي الفستان مكدرت مالبسه

اوعديني هاي تصير أخر مرة لاتخليني أزعل منج تدرين مكدرت لا اركز بشغلي ولاشي من القهر

اسفة حبيبي ماعيدها وانت قدر وضعي ماكدر اعاند أمي بكل شي لاتزعل مني حبي قفلت منه احس براحه وياه وجوده بحياتي اله طعم ثاني

دينا :رجعت للبيت كلي نشاط وحيوية فاقدتها من زمان رحت انام جان عندي لقاء تلفزيوني باحد القنوات التابعة لمقداد المقابلة جانت بأحد المخيمات التابعة لمنظمة انسانية اتفقت ازورهم بالقناة حتى اشوف المونتاج قبل بثها جنت فرحانة اكو شي راح يربطني بمقداد واخيرا.

عماد:اليوم راح ارجع لبلدي مشتاق لأهلي آيه كريم خابرتها علمني حبك سيدتي – كاظم الساهر

علمني حبكِ أن أتصرف كالصبيان

أن أرسم وجهك بالطبشور على الحيطان

يا امرأة قلبت تاريخي

إني مذبوح فيكِ من الشريان إلى الشريان

علمني حبك كيف الحب يغير خارطة الأزمان

علمني أني حين أحب تكف الأرض عن الدوران

علمني حبكِ أشياء ما كانت أبداً في الحسبان

آيه بدون نقاش انتظرج الليلة جايلج هسة

أحلى مفاجئة بحياتي عماد وصل بعد غياب شهرين وراح اشوفه صارت ساعة ١ بالليل وعماد ماكو جنت انتظره بالحديقة سمعت صوت سيارة طلعت من بيتنا أنداريت شفت حركة بغرفة دينا نزلت راسي وصعدت بالسيارة من الخوف نسيت أسلم مشينا مسافة انداريت عليه شلونك حبيبي

بعد وكت آيه خاتون لزمت ايدها أشبيج ترجفين

مادري عماد حسيت دينا شافتني

مو كلتيلي نايمين

اي من زمان بس شفت حركة بغرفتها قبل ماصعد بسيارتك

اتخافين يجوز متوهمه مشتاقلج موت

سمعت صوت موبايلي يدك شفت رقم دينا شوفته لعماد  مو كلتلك شافتني الله يخليك رجعني اخاف تكول لأمي .

صرت عصبي عليها صوجي اني مشتاقلج وجاي اليوم من اخر الدنيا من المطار حتى مسلمت على اهلي وهذا استقبالج اليه ردت ارجعها اعتذرت مني كتلها ارجعج هسة وبعدين تحلمين تشوفيني

بس كتله اريد ارجع صار نار اذا عصب ينسى نفسه حجه عليه اهوايه اعتذرت منه وكتله هاهي اني اسفة ومو قصدي شي لزمت ايده ابوسه واكوله والله مشتاقتلك ميته من الشوق مجاوبني ضربته على كتفه اندار عليه

شنو هذا تماديتي اهوايه راح اعاقبج بطريقتي

راضية بعقابك مو يكولون ضرب الحبيب شربت زبيب

وانتي غبية توافقين بدون متعرفين شنو نوع العقاب هاي انتي بكل قراراتج هيجي آيه

لاوالله حبيبي بس وياك

هم زين لان انتي مرات متفهمين الحجي ورأسا توافقين مثل ماهسة كتلج اعاقبج ومتأكد متعرفين شنو قصدي فمرة ثانية افتهمي يالله جاوبي اوك

وصلنا للمكان كال نزلي نكعد بالخلف كعدت حضنته وابوس بيه مشتاقلك اهوايه مو اكثر مني حبي بقينا نحجي ونسولف وتليفوني يدك خليته على الصامت لان حسيته ضاج .

اليوم آيه مزاجها خربان من الخوف جنت اهوايه متلهف لشوفتها جانت بحضني بس مو هي ماكو تجاوب مو مثل كل مرة آيه نعم حبيبي ترى ضوجتيني ليش باردة اليوم شنو ممشتاقتلي

والله مشتاقه بس ماعرف خايفة

١٠٠مرة كتلج لاتخافين ويايه افتهمتي

أي لاتزعل مال منو هالسيارة

أشبيج آيه كل مرة تسألين هالسؤال  لاتنسين اني منو

عماد اشبيك ليش هيجي تجاوبني

والله شوفي نفسج شلون بعدين حاسبيني كومي نرجع ضوجتيني

فتح الباب استغربت هذا اشبيه اليوم لزمت ايده عماد ممكن نحجي بدون عصبية رجاءا الله يخليك

آيه خلي ارجعج أحسن ماريد نحجي ونأذي بعض

رجعت لحضنه سمعت صوت تليفون عماد هذا تليفونك

اي خلي اشوف منو

جاوب واني بحضنك  

لا ميصير

نزل من السيارة بقه يحجي ١٠ دقايق ورجع فرحان اهوايه فرحني شنو سر هالسعادة منو جان على الخط

فرحان لان ردت شغلة وصارت اما بالنسبة لسؤالج منو جان ميخصج افتهمتي وهاي اخر مرة تسألين هالاسئلة

يوم عن يوم انصدم من طبيعته ماعرف شلون يحبني ميقبل اي تدخل بحياته حتى ميحجيلي شي بس يتأمر واني عليه التنفيذ وبس بجيت متحملت

اوف بدينا خربتي عليه الليلة كلها من اولها بعد لاتطلعين ويايه ولاشي.

أسفة والله لاتضوج خلص ماسوي شي يضوجك هذا حالي تنازلات واعتذارات حتى لو هو السبب رجعني لحضنه بدى يتمادى ويايه يتحسس جسمي اني فزيت راسا دفعته أشبيك شنو هالتصرف حسيته خجل

اعتذر منج ماعيدها غصبا عني مو بيدي

زين رجعني كافي رجعنا طول الطريق محجينا ولا كلمة نزلني وراح قفلت تليفوني ماكدر احجي وياه بعد اللي صار .

#عاشقة_السفير17

الكاتبةchra kirkuki

كلي احبك ايه ياعقلي وجنوني

كل البشر في كوم و انت حبيبي كوم

لو غبت بس لحظه كان الله في عوني

يعني ترى باموت لو غبت عني يوم

يدي على قلبي ومغمض عيوني

ادعي انا ربي ما افقدك في يوم

هذا انا دايم لا رحت من دوني

تضيق بي الدنيا ماذوق طعم النوم.

دينا:جنت نايمه حلمت حلم مزعج كمت اشرب مي شفت ساعة ١ باوعت على الحديقة شفت ظل يتحرك يجي ويروح خفت بالبدايه بعدين شفت شعرها  كلت لايمكن تكون آيه رحت لغرفتها ماكو مو بالفراش ياربي هاي صدك آيه ردت أنزل وأجيبها بس جانت رايحة بقيت اخابرها متجاوبني اخر شي قفلت تليفونها متأكدة طالعه ويا عماد بس شلون ياترى اول مرة متحملت اختي تكون بهالشكل بدون وعي خابرت مقداد بس سمعت صوته كأنما جاية اخذ حق عذابي من سنين اسمع خابر اخوك خلي يرجع اختي عيب عليه هالتصرفات مراهق لو شنو

مقداد : ضحكت بأستهزاء اعرف نبرة الضعف والكبرياء بصوتها محد يعرفها بكدي نعم ست دينا شتريدين اخابر اخويه شكوله بالضبط رجع البنت اللي تطلع وياك بالليل من غير علم اهلها لو اكوله يكبر ويعوف اختج اللي تركض وراه

حسيت نفسي غبية خابرته وفضحت أختي بنفسي مو مهم شلون تفهمها المهم ابتعدو عنا ميخاف على نفسه سعادة السفير لو شنو

ليش يخاف اذا اختج بايعتها وهو رجال اتصور فهمتي قصدي مرة ثانية ادبي اختج لاترمين بلاها على الناس سمعتي ولاتجيبين اسم اخويه على لسانج روحي دوري على اختج بنفسج يالله مع السلامه

رجعت صعدت لغرفتي بهدوء ردت اتنفس حسيت ضربه على وجهي شفت دينا تسبني وتشتم بيا بصوت ناصي انصدمت اول مرة انضرب منها

صارت ساعة ٣ ونصف يالله رجعت انتظرتها بغرفتها اول ماوصلت ضربتها على وجها وجريتها سديت الباب حتى اهلي ميسمعونه متستحين ولج انتي شنو بنات ليل عصبت

عيب عليج شنو هالحجي

وين جنتي بهالليل ماصدك انتي اختي شلون تتصرفين هيجي تصرفات باوعت ركبتها حمرة اتخبلت ولج شمسوية انتي حيوانة من وين جايه جنتي ويا عماد انتي متخافين من نفسج متخافين علينا تريدين تجيبيلنا العار .

كلش انحرجت من اختي جرتني للمرايه جنت لابسة قميص وكابوي فتحت قميصي

باوعي لنفسج المن تشبهين يا بنية ترجع وجهه الصبح لبيتها ركبتها وصدرها محمر مو بنات الليل

ممسوية شي غلط وانتي تعرفين منو عماد

لا اني اعرفه رجال وانتي طالعة وياه من ورا اهلج بالليل متكوليلي شلون حب ولج اني جان بينا موضوع خطبة وزواج كوة اخلي يلزم ايدي وانتي متأكدة لا يحبج ولا راح يتزوجج يتونس وياج شوية ويعوفج معلقة لاطايلة سما ولا ارض .

واني ابجي كتلها لاتكولين هيجي عليه عماد يحبني ميلعب بيه كافي اهانات وتجريح مصار شي من اللي ابالج عماد يعرف حدوده.

صفكتلها اي والله صدكتي يعرف حدوده ومسوي بيج هيج بس مو صوجه صوج بنات العوايل اللي تطلع وياه وترخص نفسها واهلها وبعدين اشكد صايرة ادبسز ومتستحين شنو تردين يسوي وياج تكوليلي مصار شي من اللي بالي اليوم مصارت مرة ثانية راح تصير وانتي تدفعين ثمنها لان بنية وهو رجال ماعليه شي بس انتي راح تنتهين وأهلج ينتهون وياج سمعيني هالمرة اسكتلج مرة ثانية اكول لماما تتصرف وياج انتي مو مال واحد يأمن بيج بعد حيوانة رحت لغرفتي ابجي قهر دايما مقداد يلكه طريقه يذلني بيها

سديت الباب دخلت للحمام اتذكر حجي دينا وتصرفات عماد الليلة كرهت نفسي فتحت المي كعدت اغسل وابجي شنو نهاية هالحب اصلا مو مبين عماد يكرهه أبوية موت دايما يكولي انتي آيه حبيبة عماد مو بنت أبوج حتى يكره اسمه ماكدر اعوف عماد اموت من دونه وبنفس الوكت ماكدر اكون وياه بس ساعات معدودة وهاي بين شهر وشهر حتى علاقتنا مو طبيعية بدلت وفتحت تليفوني شفت مكالمة لم يرد عليها عماد وصورة فتحت جان مصور ركبته وكاتب حبيبتي مصاص دماء كوليلي شلون اطلع باجر للدوام من وراج رجعت خابرته مبين عليه نايم

ها آيه ترى كوة نمت شرايده

ايه: عماد دينا شافتني وحجيتله اللي صار كال

وهي شعليها كوليلها تلزم حدودها وياج ماسمحلها تدخل بعلاقتنا وانتي خلي يكون عندج شخصية ليش تخليها تحاسبج  ترى كبرتي مو صغيرة

عماد اشبيك عصبت هي اختي واكيد تخاف عليه

مادام هي اختج وتخاف عليج مني سمعي كلامها وكعدي يمها ولاتخابريني بعد خليها تنفعج

سد التليفون بوجهي رجعت خابرته مقفل ياربي شلون تاليها ليش هيجي يصير بيه لبست ملابسي ولفيت ركبتي بشال خفت تجي امي الصبح وتشوفني .

اليوم كلش ضجت من آيه وتصرفاتها اكثر شي من حجت على اختها اني صرت نار منو هي حتى تحاسبني وتدخل بحياتي رزلتها وسديت تليفون بوجهها وقفلته ورجعت نمت اتذكرت الاتصال اللي اجاني بالليل

سيدي

نعم

اللي طلبته صار البضاعة بقت بالكمرك مراح نخليها تدخل لحد اسبوع وراها ينتهي صلاحيته ويتعفن ويتصادر ويدخلون بمشاكل ويا الموزعين وانت محد يكدر يجيب اسمك بالموضوع

شكرته وكلته لا توفيق بالذات خلي يعرف اني اللي خسرته للمرة ٧ هالشهرين .اني الك توفيق الجلب الصبح جنت كاعد اتريك ويا امي ومقداد امي عبالها احنا جهال اكل هذا اشرب حليب  .

يمه عماد مبين تعبان بارحة محسيت يمتى وصلت حتى كريم مقبل ينام من وكت جان ينتظرك

يمه الطيارة اتاخرت مو بيدي

مقداد: لاتخافين يمه عليه مبيه شي يجوز منايم زين ويغمزلي

هذا مقداد يباوع لركبتي ويضحك خابر ياسر

اكول تعال اتريك ويانا اكو تطورات بالريوك وعماد اخوك تعبان منايم خالتك تشربه حليب حتى يتقوى بعد

غصيت بالاكل

يمه اسم الله عليك ابني مقداد متجوز من سوالفك انت وياسر اشبيكم على حبيبي عماد ترى عيونكم حارة انت وياه

استأذنت وكتلهم اترخص عندي شغل

البس شي لاتبرد وتمرض ههههههههه زين عيني

طلعت رحت للمكتب تأكدت من موضوع الكمرك بنفسي  خابرت منال حتى تحضر كريم اخذه ويايه من ارجع مشتاقله اهواية طول اليوم انشغلت خابرتني آيه بالليل

شلونك حبيبي

نعم مو زين وانتي السبب نسيتي تصرفاتج البارحة شنو مو بيدج آيه اني وانتي علاقتنا مو طبيعية وتعرفين شنو اقصد اذا متكدرين تصيرين قوية وتوكفين بوجه اهلج فاحب اكولج انتي الخسرانة مو اني علاقتنا مابيها حل وسط ياقاتل يامقتول وانتي اختاري ياهو تكونين بينهم وهسة مع سلامة.

#عاشقة_السفير18

تخيل لو تزاعلنا تكون انت علي غلطان

احس ان الخطا مني واجيك اسابق اعذاري

انا قبلك ضما روحي ضما للحب للوجدان

وجيت انت وسكنت القلب وصرت بكل أفكاري

حبيبي وكل ليلٍ راح كل شي مضى لي وكان

نسيته وتحسب الاعمار يوم جت بك اقداري

لك الله كنت اظنك حلم ما قد مر بالحسبان

اقابلك وتقابلني تشوفك واقع انظاري

انا ودي اصيح اسمك واقول انك لنا برهان

ان اللي ملكه الحب عادي بضعفه يماري

انا لو ما دريت الحب فعيوني مداه يبان

يشوفونك بلفتاتي ابتساماتي وانا داري

تصدق لا طروا اسمك تاخذني وانا هيمان

واشوف الدرب لعيونك وابدأ فيك مشواري

انا لوني بهاللحظة يقابلني غريب انسان

بضمه واحسبه انت وهذا بس على الطاري.

بعد ايام جنا كاعدين نتغدا دخل مهند جان عصبي يسب ويغلط على اشخاص ماعرف منو شفت ابويه وكف يحجي وياه

اشبيك ابني شصاير

مهند: خالي خسرنا البضاعة صارله ايام ميقبلون ندخلها البارحة حصلت الموافقة دخلناها اليوم دخل علينا لجنة تفتيش صادروها لان تلفان

وليش متتأكد قبل ماتجيب بضاعة مو حرام عليك تجيب هيجي شي اني شنو مفهمك ماريد غش وفساد بالشغل

خالي والله العظيم مجان بيه شي بس لان بقوها بالطريق تلف مو مني السبب هسة اسأل واشوف السبب

ترى هالشهر خسرنا اهوايه شكول لاهلي هسة الحجي ابويه راح يضوج وحتى خوالك راح تصير مشكلة .

مهند ابني متعرفون منو هيجي يسوي وياكم

خاله أشك بالجلب عماد الجراح

أمي رأسا باوعتلي ودينا تهز براسها راح مهند اني بقيت كدامهم بوجه المدفع

الحمدالله خلصتي منه بنتي شفتي شسوى بأبوج الممتربي حرام هيجي نماذج تمثلنا خارج البلاد ولو هسة بلدنا كلها من هيجي شكولات عماد افندي

اني من الصدمة مفتحت حلكي

بنتي انتي انسانة طيبة والله يحبج هم زين نسيتيه ترى لا بكدج ولاشي وتعرفين اشكد ديأذي ابوج وهو ميستاهل بس شنكول الحمدلله اصلا اني اول مشفته مرتاحيتله شايف نفسه هو واخوه مادري على شنو

تحجي واني بس اريد اصعد واخليهم دينا تباوعلي بأستهزاء .خابرت عماد بس سؤال جاوبني انت الك ايد بسالفة بضاعة بابا لو لا

وانتي ليش تسأليني روحي سألي أبوج

عماد بربك جاوبني يعني شكوله وشسأله

ليش كوليله اشعندك ويا عماد لو الافضل تسأليه كوليله بابا ليش قتلت كريم الجراح جنت تريد تصير عميد بالجامعة  جنت تطلب من الوزارة مو تروح تقتله لو القتل اسهل الكم ومرة اخيرة اكولج لاتجيبين اسم ابوج يمي افتهمتي واخر شي اكولج مراح اخلي ابوج يتهنى بحياته وبعده مشايف شي مني

ابجي واسمعه شلون يغلط على ابويه وشكد يكرهه  عماد واني شنو بالنص ترى اللي تحجي عليه ابوية واني بنته وانت روحي بالدنيا لاتخليني ضايعة بينكم ماتحمل

اذا انتي بنت ابوج انسيني خليج بعيدة عني

اسهل شي يمك انسيني وتعوفني براحتك عماد اللي تشوفه .

مقداد: جنت كاعد ويا مدير شركة يريد اسويله اعلانات اثناء الحجي سألني

دكتور حضرتك جنت معيد بالجامعة مو

اي ليش

والله ردت أسألك على بنية جنت تدرسها حضرتك وانت ثقة علمود هاي حبيت استفسر منك تدري مواضيع زواج حساسة بالنسبة لعائلتنا

حقك بس منو هي يجوز اني ممدرسها لان عفت الجامعة من زمان

لا سألت عرفت هي عضوة بالجمعية النسائية اسمها دينا توفيق ابوها عميد بالجامعة

سكتت مادري اضحك ابجي شجاوبه يسألني على قاتلتي اخ منج ياخبيثة مراح اخلص منج جاوبته ماتذكر منو هي بالضبط اعتذر

لا تسلم دكتور  ماكو داعي للأعتذار بس قبل مادخل عليك شفتها تطلع من بناية قناتكم علمود هاي سألتك عليها

ودعته وكعدت شيكول هذا دينا جانت اهنا بنفس المكان واني مادري وهذا الحقير ملكه يسأل عليها الا مني طلبت السكرتيرة سألتها دينا توفيق اشجانت تسوي اهنا

استاذ جانت جاية علمود مونتاج البرنامج الخيري مالتها

نعم نعم عيدي منو عدها برنامج خيري دينا احجي وياها واني معصب

اي استاذ وكملو كلشي اليوم البث للحلقة الاولى

صيحيلي مدير الادارة شنو هالتسيب

استاذ حضرتك وقعت على طلب الادارة بالبرنامج

يمتى

بالاجتماع الاخير

روحي هسة اني اشصاير بيه بيدي انطيها حبل تشنقني بيها متحملت خابرتها مجاوبتني مرة مرتين جاوبت

دينا:اتفضل دكتور مقداد اكو شي

انتي متستحين من نفسج شلون توافقين تسوين برنامج بقناتي انتي ناسية منو انتي

والله انتو طلبتو مني اني مجيت عليكم وبعدين هذا عمل خيري مو غير شي .

اي وتشوفين نفسج للعالم اني دينا بنت توفيق هيجي وهيجي من عائله تساعد الناس مو الواجهة العظيمة لعائلة القاتل

من الاخير شرايد مني مشبعت من التجريح متعبت وين حبك اليه جان جذب لو قضاء وقت .

اي قضاء وقت وبس متهميني طبج مرض

كافي وصلت حدي منك عمري ديضيع مني اللي بكدي جهالهم بطولهم واني الغبية منتظرة من حضرة جنابك ابتسامة رضا .

منو كالج انتظريني اني موعدتج بشي اذا ميته على الجهال روحي اتزوجي منو لازمج .

اي صح منو لازمني بس عيب على الرجال اللي وعدني بزواج وعائلة وجهال ونسى وصار مو رجال.

منو مو رجال بنت الجلب اني الج .

سديت التليفون بوجه والله تعبت كافي كعدت بمكتبي سديت الباب عليه كعدت ابجي على حبي وعلى حياتي اللي ضاع من ورا الحب بعد كافي راح اوافق على الشخص اللي طلبني عمري خلص ورا مقداد دزيتله مسج راح اتزوج قريبا وراح اصير ام وانت ابقى على حالك.

صارلي أيام ماحجي وياعماد من اخر مكالمة بينا اتمنى يتنازل مرة ويخابرني ماكو اني همينه كلت ماخابره خالي ناجي عايش بلبنان وعنده شركة طيران خطب وحدة لبنانية اسمها ليان جانت عايشة بفرنسا من وهي صغيرة وهسة صارلها ٣ سنوات بلبنان عاداتها تختلف عنا كلش فري خالي يكون صديق اخوها وهي اخوها نائب بالبرلمان حبو بعض وخطبها وهسة جابها للعراق يسويلها حفلة ثانية للخطوبة بين اهله حتى نتعرف عليها جدي مقبل يباتون اثنينهم بنفس البيت قبل الزواج فأمي اقترحت عليها تبقى بيتنا هي وافقت وهسة تنام ويايه بالغرفة طبعها حلو كلش بسيطة اصلا ممبين عليها اخوها بالبرلمان عايشة حياتها بالطول والعرض بحكم تربيتها خارج البلاد متخليني ابقى بالبيت دقيقة بس نلبس ونطلع مخلت مكان مرحناله اكلها كله برا نطلع من الصبح نرجع بالليل نروح زيارات لاهل امي وللسوك مرات هي وخالي يطلعون مرات اطلع اني وياها نستني هم عماد اليوم جنا كاعدين بكوفي شوب طلبت نركيله اني كتلها مو لازم ناخذها ويانا للبيت .

ليان؛ لا ليش معقدة انتي عادي شلون نكعد بكوفي شوب بدون نركيله

شكوللها ميفيد ليان اهنا مو مثل لبنان يختلف النظرة عدكم عادي اهنا عليه علامة استفهام

لاتصيرين أوفر ومعقدة حبابة أخذيلج واحد ويايه

لاشكرا ماريد

ماعرف شلون هالجمال وماعندج بوي فريند لو بمكانج اموت طبعا رغم انتي حواليج شباب حلوين

أستحيت اكوللها احب شخص لو عندي علاقة مادري ليش مو مطمنة  لهالكعدة سمعت صوت شباب ورايه جنت لابسة فستان ابيض طويل نص ردن وياها صندل وفاتحة شعري وهي لابسة تيشيرت وكابوي لازك بجسمها وهي كلش طويلة وحلوة جانو يعلقون علينا ضجت كتلها خلي نكوم ونروح مقبلت .

صدك تحجين خلي يولون معليج بيهم خلينا متونسين

لازم تفرحين من تسمعين مغازلة تدرين معناته انتي مرغوبة

لا وانتي الصادقة معناته اني سهلة لاتضحكين بوجههم هسة عبالهم احنا عاجبتنا السالفة

تريدين الصدك عاجبتني طبعا

رفعت راسي شفت عماد كاعد ويا جماعة شباب وبيده نركيله لابس لبس كاجول بس شلون صاير عصبي ويباوعلي اني انتهيت من مكاني سمعت صوت مسج فتحته كومي ولي من اهنا حسابج بعدين ويايه اني بدون ماكوللها وكفت  امشي نروح اذا مجيتي اعوفج بالكوة طلعتها امشي وارجف وهي تسالني

اشبيج شصاير اهلج بيهم شي

ماعرف شلون وصلت يم سيارتنا صعدنا وكلت للسايق يودينا للبيت بالرغم من اعتراضها كتلها ضروري نرجع بعدين افهمج عوفيني ماكدر احجي هسة خلتني بحضنها تبوسني

لاتزعلين ميلوكلج الزعل والله

عماد: اليوم ياسر ومقداد طلبو نروح لكوفي شوب ويا جماعة اصدقاءنا من زمان ممجتمعين سوية دايما انروح اهناك مكان راقي وعدهم طابق vipكعدنا طلبناعصاير ونركيله كل واحد لوحده جنا نحجي بكلشي ويعاتبوني اني نسيتهم كتلهم من السفر مدالحك اشوف نفسي وعدتهم بالاسبوع مرتين نجتمع لو بالمزرعة لو اهنا سمعنا صوت شباب وضحك ياسر باوعلي رفعت راسي شفت آيه كاعدة ويا وحدة مبين مو من اهنا شكلها غريب سمعتهم يتغزلون بيها والخاتونة ممقصرة باللبس صرت نار حتى جماعتي كالو شنو هالجمال صدك تموت مال فراش اني ردت اكوم واجرها من شعرها لزمت نفسي ودزيتلها مسج بعد شوية اختفت من المكان مجانت تعرف تمشي اللي وياها مجانت تريد تروح لما راحت الجماعة كالو حرامات راحت علينا هالجمال صدك تفتح نفس

ياسر : هههههه يمكن مو بيدها راحت اوامر سي السيد

عرفت يقصدني ضحكت وياهم.

#عاشقة_السفير19

الكاتبة chra kirkuki

الله من دلع النساء و كيدهن و من جنونك يا حياتي

محبوبتي محبوبتي

أنتي الشجر و أنا المطر

لولا جميل عناقنا

ما كان في الدنيا ثمر

نحن بأحلى مكان

و ثالثنا الحنان

من أين يأتي النوم؟

همس يذيب الصدر

و وسادة كالجمر

من أين يأتي النوم

عماد :رايحين للمزرعة ويا بيت عمي وعمتي همه كل اسبوع يروحون بس اني من صرت سفير كلش قليل اروح وياهم اهلي يضوجون من الحماية مالتي واني هم ماكدر اخذ راحتي فماروح بس اليوم كريم ابني طلب اروح وياه وافقت طلبت من الحماية ميطبون جوا يبقون خارج مزرعة حتى حميد وطلبت من الحارس يسد الباب حتى اهلي ياخذون راحتهم فعلا جان يوم حلو تونست اهوايه بيها واكثر مني جان كريم لان ميشوفني اهوايه بحكم سفراتي يبقى يم امه كعدنا نشوي اني وياسر عمي حضني

ابني لاتحرمنه من وجودك ويانه شوف شلون فرحتنا بجيتك حتى كريم متونس اليوم

عمي تعرف ظروف شغلي مو بيدي اتمنى استقر بمكان واكون 24 ساعة وياكريم

ميخالف ابويه انت وفق بيناتهم مو كلشي شغل

ام عماد: المن تحجي عيني ابو منال اني غاسله ايدي منهم تعبوني لازواج يتزوجون لاجهال عدهم لا استقرار مادري شلون عايشين مقداد قاهرني اكثر من عماد على الاقل شفت كريم قبل ماموت بس مقداد مستحيل يريح كلبي ويتزوج

ماعليج ام مقداد اني وراهم كافي ترى كبرو انداريت على مقداد حبيبي اتزوج وريح كلب امك وفرحنا يادوب تلحك تخلفلك ٢ .

عمي والله مالي نفس بالزواج وامي على راسي حجيها بس مو بيدي ماريد اظلم بنات العالم ويايه اني اعرف نفسي ماكدر اعاشر مرة

ام عماد: اتزوج دينا وفضها كافي ابوك راح لدار الحق هي مالها ذنب

وانت واخوك بعدكم لازكين بأبوها عمو ابوكم صار شهيد كافي اللي راح ومنو يكول ابوها جان المسؤول لاتظلمون العالم .

عماد: متحملت عمي شلون ماله ذنب مو هو صار مكان ابويه بالجامعة يعني ماكو غيره

ابني هذا الشي تصفية بين الاحزاب مو شخص واحد وهو رجال صاحب شهادة وابن اوادم مجاي من الشارع كافي حقد خلي اخوك يتزوج ويعيش حياته ترى بعدين ميفيد الندم

عمي بالنسبة لزواج مقداد هو حر بيها اما بالنسبة لتوفيق فلا اني اله مراح اخليه يتهنى بحياته وابوي نايم بالقبر

أم عماد: ميفيد وياكم الحجي وانت عماد افندي ابنك خطية وحيد اتزوج جيبله اخوان هو شنو ذنبه يصير وحيد لا اخ لا ابن عم ترى الله ميرضاها

ماما اشبيج لازكتنا بالزواج مو وكته وبعدين ماريد اجيب مرة اب لكريم واذا على الاخوان هو عنده ٣ من امه

ام عماد : ها بنفسك تكول من امه يعني مو منك .

شهد: ماما عوفيه اولادج مو وجه نعمة خليهم لحد مايتعجزون بعدين يندمون .

مقداد: والله ست شهد اذا انتي تشوفين النسوان نعمة فأني اشوفهم العكس .

ياسر: لا مقداد اذا شهد مو نعمة منو نعمة انت واخوك ترى عمة امبين عليهم ميكدرون على الزواج فميحبون يفشلون نفسهم ويالعالم خلي الطبق مستور عليهم عوفيهم .

عمي : هههه والله يمكن حجيك صدك ياسر بيهم خلل

ام عماد: وليش متتعالجون ترى الطب اطورت هسة وهاي حالات عدها علاج

عماد :ماما شبيج صدكتي ها الحيوان مابينه شي بس مأجلين السالفة

ترى ماتشاقه احس عندك عجز ترى اخوك يعين ويعاون

حيوان مبيه شي واني أحسن منك

مبين احسن وانت بعدك بس مكالمات ورسائل ويوميا متعاركين

رحت ويا ليان للصالون سوت تاتو على أيدها صار عندي رغبة هالمرة اسويها على ظهري محد يشوفها مو على ايدي سويته وغصبوني اهلي امسحها اشوفها شلون عايشة حياتها ولايمها شي لاخوف ولاقلق

تدرين آيه اكثر وحدة حبيتها من عائلة ناجي هو انتي احس روحج شفافة وتدخلين الكلب بسرعه اتمنى نبقى اصدقاء للأبد

واني همينه ليان كلش تونست هالفترة وياج بكلبي هونتي عليه زعل عماد جنت اجهز نفسي للحفلة جان بالفندق كملت لبسي شفت ليان هم مكملة جنت لابسة مفسخ مثلها طلبنا اونلاين اثنيناتنا لان الحفلة جانت عائلية مابيها احد غريب اخذت راحتي

ليان: تعاي اخذلج صورة بموبايلج يخبل عليج الثوب نزعي الشال حتى ظهرج يبين

باوعت عجبني الصورة ظهري جان مبين وسويت تاتو دزيت الصورة لعماد وقفلت تليفوني ونزلنا للقاعة اتونسنا اهواية بقينا لحد ساعة 2 بالليل ورجعنا للبيت اول مفتحت موبايلي كومة مسجات ومكالمات من عماد وصلتني فرحت اهواية دك تليفوني جاوبت حبي

نعله على حبج زين

جاوبته بدلع ليش حبيبي هاي بدل متكول مشتاقتلك

جنت كاعد بالبيت امي عازمة اقاربنا بيتنا جان مليان من جهال ونسوان شفت مسج فتحته جانت صورة آيه بس شلون طالعة تخبل عبالك ممثلة ركزت لابسة فستان جسمها وظهرها يبين عصبت هاي وين تروح وهيجي لابسة صعدت لغرفتي خابرتها مقفول اتخبلت بعدني مناسي سالفة كوفي شوب هالنوب تطلع هيجي بقيت ساعة اجه ياسر

وين صرت عماد عيب يسألون عليك من منو وصلك مسج

يامسج

شنو يامسج ترى تعبيرات وجهك كلنا شفناها وانت تباوع على تليفونك وبدون استأذان رحت وعفتنا وصارلك ساعة كاعد بغرفتك

ماكو ياسر هسة انزل

هاي آيه مو

أي ارتاحيت لزكه

ههههه كوم ياعاشق ننزل عيب هسة نتعشى

روح هسة اجي مدااكدر الزم نفسي من العصبية اخابرها هم ماكو صارت ساعة 2بالليل خابرت جاوبتني وتكول حبي عبالك ممسوية شي حجيت عليها وهي ولا يمها تضحك وتغازلني اريد اشوفج هسة

خطيبة خالي تنام يمي شلون اعوفها ميصير باجر أجاوبه واني ميته من الشوق اكثر منه

معليه بيها اريد اشوفج وانتي لابسة هالفستان افتهمتي دقايق واني يمج

.ياربي اشبيه اتخبل هذا شلون اطلع هسة وهاي شكوللها ولو هي تموت على هيجي سوالف حبيات بس استحي سمعت صوت تليفون كتلها اني اروح يم دينا انتي اخذي راحتج احجي ويا خالي كيفت كالت اوك طلعت من البيت ورحت وياه.

#عاشقة_السفير20

الكاتبةchra kirkuki

يُغازلني ..

يُغازلُني يقولُ لي أنتِ حبيبتي ..

نسائمُكِ طلاسمٌ تُسافرُ حدَ وجدي

المُغرمِ

عيناكِ شُطآنٌ ترسو بمرفأها

مراكبي

والوجنتانِ ورديتانِ كأنهنَ سماءي

في المغرب ِ

شفتاكِ عُنقودٍ تدلى رضابهُ نبيذٍ

من عنبِ

أغارُ عليكِ مني !!

سأغزلُ معطفاً من خيوطِ البردِ

يحميكِ من لهبي

سأمحو فكرةً تسرحُ في عتمةِ

شعركِ المستبدِ ..

أغارُ من عبثي بتفاصيلكِ

أغارُ من طفلي الذي يحبو

ليفغو بين يديكِ

أغارُ من حرفي الذي يكتبُ

قصائدُ غزلٍ لكِ

أغارُ من شِعري ، من نثري

من قصيدتي التي تشدو

باسمكِ ملهمتي ..

سافرت اليوم على لبنان طلبت ليان من اهلي اروح ويها حتى اساعدها بالتجهيز عرفت كلشي بيني وبين عماد جانت تكولي عيشي حياتج معليج من أحد سألتني على علاقتنا كتلها احضان وبوسات ضحكت

بعدكم بلمرحلة التمهيدية دروحي جربي ترى راح يعوفج صيري جريئة اني جبت راس خالج بهالطريقة

لا ميصير احنا غير عنكم لازم زواج بعدين انتي متعرفين علاقتنا شلون وضعه صعب

ليش صعب مريض لو فقير ميكدر يطلب أيدج

مكدرت اكوللها يتهم ابويه بقتل ابوه جاوبتها لا لان هو وضعه حساس يعني سياسي

واو منو هو شوقتيني اشوفه واتعرف عليه عزمي نروح لمكان نفطر ونتعرف

بكلبي اي هو هم هيجي يكول اعزمه وبمكان عام حتى من صدك يعوفني مو موجود مسافر من تجين مرة ثانية اخليج تتعرفين عليه بكلبي اكول وهاي من سابع المستحيلات

أخويه هم سياسي راح تحبينه طبعه حلو جنت اتمنى تشوفي وتتعرفون على بعض وتصيرين عروسته لان هو يوميا ويا وحدة مو مستقر

لا اشكرج ميملي عيني غير حبيبي

راح تندمين شوفي صورته كلش حلو وشيك وجنتل

الله يخليه ألج حبيبي احلى من اخوج عذريني على صراحتي

آيه ساعتج كلش حلوة موديل حديث كوبي لو أصلي احب هالماركة بس غالية

باوعت على أيدي هاي هدية عماد اول مرة اعرف هاي غالية عمري مهتميت لهالتفاصيل

تدرين سعره نار الظاهر ابوج مدللج اهواية راح اطلب من خالج يكون هالساعه من ضمن المهر

مو من بابا هذا من حبيبي جابلياه بعيد الحب هدية هو يلبس كله من هالماركة

ملياردير ويحبج بعد شتريدين بس ديربالج لايكون خاين لان ماكو امان

لا مو خاين واثقة منه يحبني وبس .

عماد :كعدنا احنا ال٣ سوية ياسر مرة يحجي عليه مرة على مقداد اتذكرت اخر سهرة ويا آيه اشتاقيتلها اهواية احس نفسي وياها انسان كامل ترضين بكل شي بقيتها يمي للصبح يالله رجعتها وكفت كتلهم اريد اروح انام

تنام لو غير شي

بابا شعليكم انتو

اي حقك تستاهل اخويه تتهنى انشالله

ياسر : ترى ركبتك بعدها ملونة من البك مو

اي من البك

مقداد: امبين آيه خوش بكايه

ههههه ناعليكم منها طلعت لغرفتي خابرتها الو حبي وصلتي لو بعد .

اول ماوصلت خابرني عماد فدوة لكلبك حبيبي

مشتاقلج من هسة احس بخنكه من انتي موموجودة

نفس احساسي من انت تسافر بالشهور ومتحجي ويايه

مو كلنا بعد ماكو زعل لاتصيرين قاسية

بدى يحجيلي على اخر مرة شفنا بعض بيها مجان راضي اسافر ويا ليان فهمته اني راح اكون ويا خالي بالشقة مالته ماكعد بيت الناس

آيه هاي مبينه عليها وكيحة اخاف عليج منها لاتطلعين بالليل سهرات وهالسوالف اهناك عادي عدهم بس اني ماقبل تروحين واذا رحتي اندمج تعرفيني ميحتاج اكولج

يغازلني ويهددني حبي يعني متعرفني اني ماكسر كلامك اترخص منك هسة تعبانه .

مقداد: طول الليل بقيت افكر بحجي اهلي اتزوج واستقر ويصير عندي جهال بس اني ماريد جهال اذا مو من دينا بس شلون وهاي حالتنا والخاتون تريد تتزوج اخاف تقبل واخسرها ليش ماتزوجها وافضها هم ارتاح وهم اريحها خابرتها بدون مقدمات كتلها دينا تحبيني .

جنت كاعدة اقرا كتاب شفت رقم مقداد كلت بكلبي بدينا جاوبته كالي دينا تحبيني صوته انفاسه هو مقداد اللي حبيته ياربي اني بحلم لو واقع اكو شي

جاوبيني تحبيني

انت تدري اشكد احبك بس شنو فايدة الحب من طرف واحد.

دينا اني هم احبج كوليلي شلون اوصلج وتصيرين ملكي دينا تتزوجيني بدون علم اهلج .

جنت بسابع سما نزلني اسفل سافلين شلون اتزوجك من ورا اهلي مقداد صح اني احبك بس مو اني اللي تنزل راس اهلها واني اسفة طلبك مرفوض.بجيت ياربي هذا ميتعدل مصدكت يحجي ويايه واخرته يريدني عشيقه لو اكدر ادوس على كلبي واتزوج غيره جان سويته بس شسوي كلبي الغبي يحب جلاده.

ماتحمل ابقى اهنا وآيه مسافرة حجزت على لبنان وسافرت اخذت بس حميد ويايه اريد اخذ راحتي ويا آيه اخذت شقة قريبة على بيت خالها وحجزت غرفة بفندق لحميد اذا احتاجيته يجيني انطيته اجازة مني اريد اكون حر عماد وبس بعدني مكايللها اريد افاجئها خابرتها جاوبتني وهي نعسانة كومي ولج ليش نايمة لحد هسة

جنت نايمه تليفوني يدك جاوبت بدون ماشوف الرقم جان عماد يكولي مو وراج رجال ليش نايمه ضحكت

عايفتني ونايمه ههههههههه ضحكي كومي بدلي وطلعي عازمج على الغدا

حبيبي اشبيك اني مو يمك اني بلبنان

اني يمج

صدك

اي حبيبتي انتظرج

مصدكت كمزت من الفرحة وكعت على ليان جانت نايمه يمي لان خالي رايح لغير منطقه جان معزوم فبقيت ويا ليان بالشقه والبارحة عرفتني على صديقاتها ضلينا للصبح كاعدين دفعتني

وخري اني مو عماد ترى اهواية مشتاقة لخالج لاتجين يمي

كومي بسرعه طلعيلي لبس عماد جاي لبنان اروح اشوفه راسا كامت

صدك احب هالسوالف هسة اخلي عماد يتزوجج

رحت للمطعم شفته كاعد اتقربت جرني وحضني كعدنا ناكل ممصدكه نفسي اول مرة نكعد ناكل سويه احسه مو هو شخص ثاني عماد ياريت تبقى هيجي دايما

لاتبعدين عني خليج بحضني اني يمج وياج هسة وراح اكون مثل ماتردين

احلى مفاجأة بحياتي بعدني مو مصدكه أمشي وايدي بأيده جنت اعصره وهو يبادلني نفس الشي

مقداد :صارلي أيام مشتاق لدينا طلعت صورنا باوعت عليها وين جنا وشصار بينا ليش هيجي ليش ماكدر انساج واحب غيرج حتى ماكدر المس مرة غيرج مرات احس عندي عجز اكول لنفسي حجي ياسر صح خابرتها دينا رحميني ورحمي حالج كافي وسديته.

خابرني مقداد حجه كلمتين وسده بس الحجي رجعني لأيام زمان ياربي احبه بس طلبه مستحيل وماكو حل هو حالف ميخلي ايده بأيد ابويه واني ماكدر اتزوجه من غير موافقة اهلي البيت كلش هدوء مكان آيه خالي بالبيت مشتاقتلها كتكوته خابرتها هاي شكو آيه خاتون نايمه اي حقج متونسة واني اهنا مكروفه كرف بالشغل شلونكم ويا تجهيزات عرس لو بس تفترون بالشوارع فلتانين لاحسيب ولا رقيب اي علينا اعرفكم انتي وهي نفس الخبال والله اتمنى اجي واغير جو بس ماما متنطيني اجازة ديربالج من نفسج زين حبيبتي

جنت اطلع كل يوم بعد مايروح خالي للشغل أروح ويا عماد نفتر بالسيارة ونروح للمولات عجبني أشتري ملابس على ذوقه

لا محلو يبين جسمج بي ولا هذا عاجبني دخت وياج جايين نتونس لو نشتري ملابس اوعدج من اسافر اجيبلج من اوروبا كومة خلينا نطلع اهواية اضوج من هالاماكن

زين حبي جان مدللني دلال مو طبيعي احس نفسي مخطوبين خلي نشتري خواتم كلش حلو هالموديل

مقبل بالبداية لحيت اهوايه وافق طلب خاتم الماس واني كلتله اشتري لنفسك حلقة

ماريد حلقة الناس متكول شنو هذا وانت ممتزوج

عماد هم رجعنا لسالفة الناس ومنظرك كدامهم

آيه اني لازم اخلي ابالي ها الشي ماكدر انسى اصلا ميصير انسى نفسي علمودج هالايام نسيت نفسي حبي نكمل ونروح للشقة تعبت اريدج بحضني زين

وين نتعشى هم بالبيت

لا نرتاح ونطلع بعدين لو نطلب من مطعم

ماريد شي عماد دايما تكسر بخاطري احب تلبس شي يذكرك بيه وانت متقبل

لعد اخذ محبس ماريد ازعلج مني شوفي ياهو تختارين حتى أشتري ونروح

فدوة للي يسمع الكلام يارب خلي دايما هيجي احبك يااحلى سفير بالعالم