رواية اعشقه كرهآ الفصل الحادي والثلاثون 31 - بقلم زينب عبد المطلب

البارت الثلاثين
زينب عبد المطلب

بعد ما التقى فراس بامير وراد يعرف شنو الي صار وياه بالتفصيل حجاله امير شصار بيه خلال الخمس سنوات كان بنضرهم عبد الهم يشتغل ويذكروه بانو ماعنده اصل وفصل احتقر نفسه من اذكر الي صار
فراس. زين ومها ليش قتلتها
امير. بالبدايه جنت انقهر عليها لان تحبني بس من اذكرتها اندفرت من الشباك وخلصت منها
فراس. وابوها
امير. خليه متخيل انو احنا بسفره ومنرجع منها يعني يجوز متنه سوه او انهزمنه بغد هو يفصل ويلبس لوحده
فراس. قصه خياليه قصتك بس تدري اغرب شي شلون غزل اجتي بنفس المكان الي انت بيه
شاف شلون امير ملامحه اتغيرت
فراس. بعدين نحجي بهالتفاصيل
سولفلي هسه شنسوي لان اني كل الخطط الي براسي شيطانيه
امير. اول شي وصل خبر للشيوخ الي رافضين كرم خلي يعرفون اني عايش ويجتمعون سوه والحرس الجوه يتحضرون ويقتلون الحرس واريد شكو شيخ صار ضدي تقتلوه وتحركون بيته معليه لا بام لا طفل المهم اريد الكل يعرف انو اني رجعت ورجعتي حتكون عقاب للكل
اما كرم عوفه عليه
فراس جان يدري من كلام امير وطريقه وكفته وملامحه شلون متغير قبل يفكر بكل خطوه هسه وصل مرحله ميهمه احد حتى غزل
فراس. اااامممم
امير. احجي شكو
فراس. اسمعني امير اريدك تفكر بغزل زين يعني قبل متسويلها شي يعني هي الصراحه وراك مخلت شي مسوته حتى تخلي ولايتك واكفه وقويه مثل ما معروف عنها وحتى اتوسلت بكرم يقنع الكل انو ميقتلوني

طبعا فراس يعرف سبب حقد امير وعصبيته هي غزل ومتاكد انو هو هسه كارها وزيدت الطين بله من ازوجت فراس بالرغم هي تعرف مشاكل امير وياها علمود تكون بس اله

امير وبصراخ. كمللللت ولك انت شدتحس جاوبني ولك شفكر لك هذه دمرت حييياتي متت من وراها حتى مكدرت اتنفس
لك الدنيا لعبت بيه طوبه حرمتني من امي فتحت عيني ع زوجه اب حقيره شفت الموت الف مره
اني محد طيح حضي غير هذا واشر ع كلبه وضربه  دمرتني لا وكل هذا الكاها مزوجه احقر انسان اعرفه بحياتي  وخانته ويه جود نسختي الجديده رادت تدفني ويبقى هو الها
شوووف فراس اذا جبت بعد طاري غزل بلحضتها اكوم واروح واقتلها كدامك فهمت لو لا اي كلمه بخصوص غزل انو افكر بموضوعها معناتها اقتلها فهمت لو لا
هز فراس راسه
امير.  كلامي مفهووووووم
فراس. اي شيخ مفهوم
راد يطلع ساله امير
امير. تعرف منو ملاك
كرم. هاا ياملاك
امير. ماكو شي انت اكتشف وحدك راح اتونس بهالشي
فراس. هذا تخبل والله من راحت ذاكرته اتخبل وعافه وطلع
راحت غزل تشوف امير وكان منتضرها بالمكان الي قتلت ابنها بيه استغربت ليش هالمكان واذكرت الموقف واخوها والدم باوعت ع ايدها شافت الدم واذكرت كل الصار ودموعها رادت تنزل اندا امير عليها وهي مثلت الابتسامه
امير. متدرين اشكد اشتاقيتلج وتقرب عليها وباس خدها ومال. اضوج اشوفج ضايجه شبيج
غزل. اني هم مشتاقتلك مابيه شي
هاا كولي عجبتك ولايتنه
امير.  مو بكد ما انتي عاجبتني وحضنها استغربت غزل شلون بلمسه منه تنسه كل همها
ابتسمت وهو شالها ويفتر بيها وهي تضحك
امير. تدرين انتي احلى شي بحياتي
وحضنها وباسها وهي فقدك كالعاده وياه
امير. مشتاقلج
غزل.  واني اكثر
وراحو لغرفه امير وكعدو سوه وهي عيونها منزلتها عنه ولا هو
وكضو احلى ساعات وهمه سوه وجانت من احلى اللحظات الي غزل تكون ويه امير لان فعلا اول مره تحس بحبه الها
غزل. لازم اروح هسه
ضاج امير
غزل. مبقى شي ونروح باجر وره الحفله راح ننهزم ونعيش حياتنه بحب وبعيد عن المشاكل
باجر بدايه جديده النه بس اني وياك
امير. باجر راح يكون اسعد يوم بحياتج باجر حنطيج كل الي تستحقيه
غزل. اكيد لان مليت من التعاسه الي بحياتي اني احبك احبك وتضحك كمز امير عليها وكام يضحكها اكثر واكثر
امير. انعل ابو الدنيا
وبهذا اليوم غزل احلى لحظات حياتها ويه امير متوقعه الجاي حيكون احلى بس توقعها كان كله غلط

ثاني يوم
الكل كعد من الصبح واصوات العمال والخدم وضحكهم وشقاهم واصله لكل غرفه كعدت غزل والابتسامه بحلكها منتضره كلشي يخلص حتى تبدي بحياتها الجديده
وكامت بلشت نهارها ولعبت ويه ملاك لان حتشتاقلها ولمياء بلغتها انو بعد ميهدا الوضع تلحكها هي وبنتها وتبقى وياهم
كتبت رساله لكرم وشرحتله انو هي كل هالسنوات سندته بس مكدرت تحبه وحتروح تعيش حياتها وتتمنى يلتقي بانسانه تحبه وتصونه
وكضت وقت ويه كرم وكعدت وياه لان حتشتاقله
اليوم مشى بسرعه وبعد كم ساعه ع الحفله وتبدي وكرم بدا يستقبل الضيوف وغزل صعدت تبدل وطلعت من احلى المرات الي كانت بيها بدلت وكعدت تذكر كل الي صاو بيها حتترك البيت الي عاشت بيه اسوء لحظات حياتها وهي دتفكر دخلت لمياء
لمياء. وااااو طالعه اميره اليوم
غزل. يعني لايكلي
لمياء.  شو انداري
غزل كانت لابسه فستان احمر طويل وشعرها رافعته بساطه ومتمكيجه مكياج هادئ
حضنتها لمياء لان حتشتاقلها وغزل بجت اكثر
غزل. كاافي نبجي حيخرب ولج مكياجي
لمياء. صدك اصلا انتي ليش تبجين انتي زين اذا اذكرتيني حتحيرين بس بامير
غزل وبخجل.  ولج استحي
اكولج لمياء ابداا لتقطعين عني الرسائل حتى اظل ع علم بكل شي
لمياء. اكيد حبي
دخلت ملاك. واااو خالتو طالعه ملاك
غزل. ولج ماكو ملاك بس انتي اهنا

لمياء. يله حبيبتي ملاك امشي للفراش الوقت اتاخر
ملاك.  لا ماما اخاف وحدي شوفي الجو لا اكو قمر ولا ضوه ولا نجوم
لمياء. يلا بلا حجج
انقبضت روح غزل وراحت باوعت من الشباك وشافت فعلا الجو يخوووف حييل حست بخووف من الي حيصير بس حاولت اطمن روحها

امير
صعد بالسطح و واكف ويباوع ع العالم البره وشلون الكل ديحتفل ولابس ملابس راااقيه
فراس. واو طالع حلوو متحضر لازم حتى ترجع لكرسيك
امير. اكيد وهسه كولي الكل متحضر
فراس.  منتضرين ساعه الصفر الكل اجاه وحوطنه القصر كله لا احد راح يدخل ولا احد يطلع

امير. كلش زين يله بلشووو

غزل ولمياء كاعدات ويضحكن ويسولفن الحفله بدات وجانت اروع مايكون  جانت احلى اللحظات الي بين غزل ولمياء ضحكو من كل كلبهم حسو ان الدنيا كلها ملكهم
لمياء. يله غزل مبقى وقت كومي اكيد دينتضرج امير
غزل. اي يله كومي كلبي احسه حيوكف من السعاده والخوف حروح اغير ملابسي ونروحله
طلعو من قاعه الحفله وهمه ديضحكن احد ما غزل جمدت بمكانها
لمياء. هايه شنو
شعور غريب دخل باحساس غزل رجع الها الخوف والدمار  حست بشي وهي متاكده منه بس تريد تكذب روحها
شافت اكو ضوه كلش قوي بره اتقدمت اله بكل برود وهي متريد تتخيل الي صاير بره بعدت البرده وشافت نااار كل البره عباره عن نااار الاشجار الزرع الاصطبل البيوت العالم تصرخ واطفال تبجي ورياجيل يشيلون بالمي ويطفون النار تباوع ومتريد تعترف منو الي سواها اتوقعت انو هذا حريق صار بالغلط لا لا هذا حلم مو حقيقه ومسكت راسها تتوسل يارب يكون حلم يااارب
لحد ما صرخت لمياء   هذا هو رجع موووو
دخلت هالكلمه ع غزل مثل الصاعقه ملامحها صارت مثل الميتين وحست بروده صعدت لكلبها
شسوت شلون منتبهت الايام الي راحت وهي تباوع ع عيونه اي هذا هو عيونه الجامده شلون منتبهت عليها رادت تركع استندت ع الحايط لان هي الي رجعته وهي الي حكمت ع الكل بالموت برجعته وقدمتله كلشي خااافت واذكرت لمساته الها يعني جان يلعب بيه مثل قبل
غزل انتبهت ع لمياء وشافت الخوف بعيونها
غزل. لمياء بسرعه اخذي ملاك ودخلو بالمخزن يله
لمياء صافنه وممصدكه الي دشوفه
غزل. لمياااااااء شبيج رووووحي ع ملاك بسرعه
حست لمياء ع نفسها وراحت تركض بدون متندار ع غزل

وكعت غزل ع الارض ومامت تصرخ.  لا مو هو هذا مو امير لا مستحيل يكسر كلبي للمره الثانيه هو مو لهالدرجه كلبه قاسي عيونها انزل معترفه هذا امير بس كلبها مصر ويكول لا ميسويها

نروح لمكان ثاني
امير واكف وملثم وجهه و واكف كدام كرم والشيوخ الي رفضوه كلهم ميتين الارض كلها دم وكرم متفاجأ منو هذا وع اي اساس يهجم ويقتل
وتفكيره بغزل وينها وشصار وياها واكع ع الارض وجسمه كلها جروح محد كان متوقع هالشي حيصير ولا واحد كان مسلح بس امير امر الكل ينقتل ما عدا كرم وكف كدامه وظل يضرب بيه ويجرحه

كرم. انتو منو وشنو هالجرئه الي تخليك تهجم ع بيت الشيخ
امير. وين مرتك
كرم. وربي اذا تمسك شعره منها اندمك وبعدين اذا انت رجال طلع وجهك
امير. اي صح بهذه حقك
وامر احد من الرياجيل يروح يجيب مرت كرم
كرم. اشحدكم تتقربون عليها وكام ع امير وامير دفعه و وكعه مره ثانيه
امير. صاير جبان كوم اضرب مو متونس اني ع ضربك اريد موتك تكون صعبه
هسه كولي عرفتني لو لا زين هلي المحلك
اني ولدت حتى تكون انت جوه رجلي
اني الي سلبتني انت كلشي وهسه حرجعه منك
كرم. مستحيل
امير. طول عمرك اظل غبي كاافي لعب وطلع وجهه وكال. هلا بابن عمي صار هووايه مشايفني
كرم. لا مستحيل وهو مصدوم انت ميت
وفكر انو غزل تدري لو لا الف سؤال اجه اباله

امير. لا جنت نايم وهسه اني حييل معصب اول شي سويت ولايتي مأرى للمخنثين اي طبعا الي يمشي وره مرته شيكون غير مخنث
هي سوت خوش شغلات بالرغم ماكو عقل براسها بس فادتني لو ما هي محان رجعت لهنا
بلع كرم ريكه وكل ذره بجسمه وجعته. لا لا مستحيل غزل  الي ومتخوني
امير. ولك شنو الك هي للكل
عصب كرم وراد يهجم ع امير بس مسكوه
امير. ولك اكعد لو متحارش بكلب جان دافع عن نفسه احسن منك
كرم صفن بس مو ع امير شاف غزل واكفه يم الباب
تباوع غزل ع حرم الي مكعديه بالكاع وماسكيه من ايديه جسمه كله دم وعيونه حمره والقاعه كلها دم والكل ميت حست بروحها فارغه حتى عقل مظل براسها

غزل تباوع ع كرم. والله معبالي هو امير بالبدايه شكيت بيه بس هو مو امير اسمه جود وجان يشتغل ويه ابو مها وخطيب مها  واني حبيته اكو سوء فهم كلشي موحقيقي هسه مو صح

غمض عيونه كرم وعيونه نزلت. انتي شسويتي

عصبت غزل. مو هو امير ماات وكع كدامنه كلنه كل هذا سوء فهم اني راح احل الموضوع  دتمسك خده بعد كرم وجهه عنها
ملامحه الطريقه الي يباوع بيها ع غزل كرحت حالها  عيونه الي كانت كلها حب صارت بس كره 
اندارت ع امير الي يبتسم
غزل. انت من شوكت تذكر
امير. انتي عرفتيني من زمان بس محبيتي تعترفين بهالشي بس الصراحه سالفه السحر جانت حيييل قويه عبالج مراح اعرفها
غزل. اي انت امير شلون معرفتك معرفت عيونك ونضراتك الخبيثه

امير. اهووو انتي هم ضوجتيني برده فعلج وين روحكم القتاليه
دموع كرم ابد موكفت شافه امير وسحب غزل من شعرها شووفي شوفيه زين منقهرتي عليه شوفها انت هذه الي خانتك ويايه شووفها وراد يشك ملابسها وكرم غمض عيونه
غزل روحها راحت كانو ماتت واكفه ومتتحرك
كرم. ايدك عنها وخرها يا نكس وربي ارجعك للحفره الي جيت منها اذا شفتك تحاول تمسكها
مسكها امير من وره وكاللها. شفتي بعده يحبج مع الاسف شكد اذيتيه وخنتيه وهو بعده يحبج
غزل واكفه ومتتحرك راد امير منها تكول شي او تتحرك بس هي جامده
طلب انو ياخذون كرم ويحبسوه وهي انصدمت
كرم. لا امير عوف  غزل اقتلني واتركها اني الي استاهل اموت مو هي غزل بجت وتحركت ورادت تروح وره كرم بس امير سحبها و وكعها بالكاع وطلب من الكل يطلع ويتركوهم
بقو لدقايق ساكتين لحد ما امير كا
امير. باوعي عليه رفعت راسها غزل وهي تشوف الوحش الي كدامها رجع وكلبه اقسى من قبل 
امير. احجي سمعيني صوتك رفعت غزل عينها عليها ودموعها نزلت من شاف دموعها ضربها راشدي و وكعت بالكاع.  كووومي وجاوبيني واحجي ولضلين ساكته
كامت ورجلها ترجف بس محجت شي
امير. يله احجي ليش ساكته وضربها راشدي بس هالمره مسكها قبل متوكع ودفعها ع الحايط
امير. احجي او اكولج هاللحظه المن تذكرين ايكولون النسوان من ينضربن يذكرون اخوانهم يعني انتي هسه متذكرين غزوان لو لا
حس بجسم غزل رجف اكثر من جاب طاري اخوها
غزل. كافي
عصب امير يريدها تحجي تقاوم بس جاوبت بكل برود كافي
امير. كافي بس هذا ردج علمود اخوج لج اذكريه زين واذكري امج وابوج تدرين امج قطعوها من ماتت وابوج الي طايرت راسه تذكرين لو لا
اندار امير وغزل كانو الروح رجعتلها وهجمت عليه وتريد اتضربه مسكها امير ودفعها ع الحايط
امير. لا لتكوليلي اتاثرتي ولج لو تحبيهم مجان جبتيني ورجعتيني انتي مو كد الانتقام اصلا
غزل دموعها موكفت وامير يعرف كلامه يجرحها بس منسى انو بسببها جان مات ورادت تنسيه  وخانته
غزل. انعل يوووومك 😡
امير.  اخر مره حجيتي عليه انحبستي بيها بالغرفه وتذكرين اشصار وقتها
غزل. اي اذكر اذا اني مو زينه بالنسبه الك ليش تظل ورايه مثل الكلب ليش من امسكك متحس بكلشي وتفقد وحتى من صرت لكرم ضليت تريدني تدري انت اني فرحانه بشي انو ابويه جان موافق علمود يخلصون من امك الي محد جان رايدها
اهنا امير فقد مجان لازم غزل هيجي تحجي  شلون اجرأت مكان لازم هيجي تحجي راح تدفع الثمن ع كل كلمه كالتها
ابتسم وبارع عليها هز راسه ويتنفس بصعوبه حط ايده ع حلكه واخر شي شافه هو الضلمه
وره مستعاد وعيه شاف ايده كلها دم وباوع ع غزل وشاف بس دم وجها جسمها راسها عرف انو هو فقد عليها ضاربها لحد مفقدت وهو حلف قبل انو ميضربها بهالطريقه بس هي استفزته اتوقع انو تكون ماتت راح ومسكها وجان نبضها ضعيف
امير. همزين ممتي لان الي دينتضرج اتعس من الموت نفسه اصلا الموت رحمه الج هسه

مرت الاسابيع
وغزل محبوسه بالغرفه كلشي متعرف الي ديصير شنو بره لمياء شصار بيها متدري ملاك وكرم شلون شصار بيهم
حياتها صارت خوف بغرفه ظلمه اذا سمعت صوت واحد جاي عليها بس ترجف ماعدها مكان تختل بيه منه بس تستاهل هي الي رجعته ولازم تتحمله  
اخر مره زارها قبل 3ايام  اتمنت لو ميت بس تدري بيه بعده وهذا حلم انو امير اموت  اول محبسها بالغرفه بعد مضربها رجعها للغرفه وعاملها مثل الحيوانات وراها كلما تصحى يضربها وحاولت تنهزم وهو ينطيها مجال بس يرجع يلزمها ويسحلها للغرفه من شعرها سحل وعرفت الي صار بيها تستاهله وبجداره عرفت انو هو حيبقيها عايشه وهالشي اسعدها لان هالمره حتنتقم منه بايدها

واخيراا قرر امير يزور غزل انشغل عنها هالايام من كثر الاشغال والتصفيات ورجع رسميا الشيخ الكل عرف بيه كان  عايش والكل كام يخاف من امير اضعاااف خوفهم منه قبل
وهسه وقت غزل محضر الها مفاجئه ويريد يشوف رده فعلها دخل للغرفه وشافها صافنه فوك وملامحها جامده ودخل يبتسم

امير. شنو هالاستقبال البارد باوعت عليه بكل كراهيه
امير. تره دا انتضر
كامت وجسمها كله يرجف هو يباوع عليه وصافن بيها. رغم الكدمات الي بقت بجسمها و وجها الي بعده متاذي بس بعده يفقد كدامها
امير. يله بوسيني لان رجعت
غزل. شنو والله اتفل ع روحي وما اسوي هالشي
ضحك امير بصوت عالي
امير. الظاهر تريدين اللعب وياج بس الصراحه مالي وقت للعب حاليا لان اريد اعرفج ع شخص
استغربت غزل شديسوي هالخبل ومنو اتعرف عليه
وصاح امير.يلا تعالي
امير. اتصرفي بادب غزل فهمتي ودخلت وحده ماكو بجمالها احد طول وجسم ونزاكه كانو انرسمت وانصبت

امير. غزل اريدج تتعرفين بگمر زوجتي

غزل. 😳😳

يتبع
زينب عبد المطلب

✨✨✨✨✨✨✨✨✨✨✨✨✨✨✨✨✨
رايكم بهالبارت حبايبي خليتلكم بارت اليوم كله تشويق
توقعاتكم بالبارت الجاي💋💋
صوت مع تعليق ومتابعه