رواية اعشقه كرهآ الفصل الثاني والثلاثون 32 - بقلم زينب عبد المطلب

البارت الواحد والثلاثين
امير بابتسامه خبيثه. هذه هي زوجتي القديمه والشيخه سابقا والخدامه حاليا
گمر. اتشرفت بمعرفتج
ماكو كلمات توصف الشعور الي حست بيه غزل باوعت بعيون امير
و وجها الشاحب مثل الاموات حست ببروده فظيعه بكل جسمها
وكلبها كانو احد طلعه من مكانه
زوجتي هالكلمه صارت تتردد باذنها مثل الطبل لو بعد مليون سنه
متخيلت هالشي يصير كدامها بلعت ريكها وتحس الهوه ميدخل
لرئتها زوجته يعني اكو مره ثانيه بحياه اميرر كرهته من من كل كلبها
بس ليش كل الي سواه مأذاها بكد ما اتأذت من عرفت بيه ازوج
عذبها من اليوم الي عرفته بس بهالخبر هذا تحس روحها اتكطعت
باوعت غزل ع امير وعيونها حمره ودموعها مدتنزل وكامت تضحك
ضحكها كان بهستيريا وحطت ايدها ع حلكها ورحعت تضحك اقوى
بالرغم من كلبها الي دينزف بس هي تضحك
ابتسم امير وهو يباوع عليها ويشوف ضحكها وبجيها عرف انو
المفاجئه عجبتها وفرح لانو منتضرتها مفاجئات هووايه بعد
سكتت غزل ورجعت تضحك اني اسفه وسكتت ورجعت تضحك
وباوعت ع گمر الي فعلا اسمها مثل شكها وطبعا هي من نوع
امير المفضل
غزل. اسفه عذريني لان ضحكت بس اتفاجئت الصراحه لان مثل
متعرفين امير ابن الكلبه متعجبه غير وحده مثلي رخيصه باوعت ع امير الي
عيونه تجدح ناار وحتى گمر استغربت من طريقه كلامها
غزل. ع العموم جنت اتمنى اقدملج هديه بهالمناسبه بس تدرين
اني حاليا اعتبر ولا شي بالنسبه اله وحتى من يجي يمي للغرفه
يكعد شويه ويستغلني ويطلع حالي حال الرخيصات
زين انتي شنو الي سويتيه بحياتي حتى الله يعاقبج بواحد مثله
گمر صفنت ع غزل كانو اول مره تشوف واحد يحجي بهالطريقه
امير. غزل انتبهي لالفاضج كدام مرتي واحترميها لتخليني احجي
واكول شنو سبب الي مخليج بهالغرفه مثل الحيوانه
باوعت عليه غزل وتمنت تشلع من مكانه بس ابتسمت وكالت. اعذريني
ع كلامي واعذريني ع ملابسه المبهذله شسوي امير ميقبل اغيرهم
يحب كلما يجي يشوفني لابستهم
گمر. ماكو داعي تعتذرين عادي حبيبتي واني صارلي 3ايام
من اجيت والصراحه امير طلب من اجي ازورج وياه وعرفت حالتج
شنو وقصتج بس صدكيني جان ساعدتج بس تعرفين زوجي كلش عنيد

جانت ملاح گمر كلش بريئه بس بالحقيقه ماكو احقر منها يعني
اخبث من جوري وفضه هنه حيات بس هذه حيه وجلدها من ملاك
غزل. لا عادي مو مشكله بس شنو تحتاجين تعالي عليه اعلمج لان
اني خبره صرت باطباعه ونسيت اكولج شي هو يحب الضرب كلش
تدرين ليش حتى يثبت رجولته بس مع الاسم هو واحد مخنث
محست غزل وره هالكلمه الا وهي ماخذه راشدي وبالكاع وكعت
گمر رجفت بمكانها. اتركها حبيبي هي معصبه
امير. انتي لتدخلين هذه الرخيصه مالتي واي احد ممسموحله يدخل
مو صح غزل
ضغطت غزل ع اسنانها ومسكت خدها وتعرف انو هي تستحق هالشي
وهي جابه لنفسها حاولت متبجي ابداا
امير. تره منتضر الرد
عرفت انو هو منضر ردها ومراح يتركها ابداا اذا مردت ومحبت تنزل
كدام گمر وتنهان اكثر فردت. اي نعم صحيح كلامك
باوع عليها امير صرله كم يوم مشايفها اشتاق الها صار عنده ادمان
بيها وطلب من گمر ترجع لغرفتها وبعدين يلحكها
شافت غزل الضوجه بعيون گمر بس ابتسمت بكذب وكالت.
اشرفت بمعرفتج غزل وان شاء الله المره الجايه اشوف احسن من هالمره
ابتسمت غزل. شنو من مره الي زوجها يكوللها روحي لان حبقى يم
وحده غيرج وهي مهتمت
غزل. من تطلعين سدي الباب وراج لان زوجي يخليني اصرخ واني
ما اريد ازعجج
گمر. لاعادي صرخي لان اصلا انتو بجه متروكه من كل هالبيت
ومحد حيسمج يعني اخذي راحتج وطلعت
انصدمت غزل وامير يباوع عليها
غزل. صدك تعرف شلون تختارهن المهم يعني هسه انت مشتاقلي
امير. مبين اليوم عاجبج تلعبين
غزل. اهوو تره تعبانه وجهزتك معاجبني اشوفها وانت مو مزوج
جديد روح عليها وبالمناسبه انتو متوالمين سوه
امير. يعني مضجتي من ازوجت عليج
غزل. اضوج اووع وع شنو اصلا اني اكثر انسانه تتمنالك السعاده
ولتنسى هسه انت مزوج من الحيه واني زوجه كرم اكو احلى من هيجي
عصب امير من حجايتها وهي متقصده اتضوجه مثل مضوجها بگمر
وتعرف ان هي زوجته بس غزل اختصاصها تضوجه بكلامها
امير. شلون حابه اعاملج اليوم
عرفت قصده غزل. روح واطلع بره
امير. هذا اقوى شي عندج
غزل. تدري انوانت انسان مريض ولك جنت اني مرت الشيخ وجان
يبوس التراب الي امشي عليه بس مرضيت وركضت وره كلبي الحقير
رحت ورجعتك اهنا بس حيجي يوم وتصير جوه رجل كرم للمره الثانيه
اهنا غزل ضربت ع الوتر وشافت ملامحه شلون تغيرت
امير. غزل تعالي اهنا
غزل. الضاهر ضربت ع الوتر الحساس مووو خطيه انت تره الحقيقه
اتاذي
حط اميره ايده ع حلكه يعني عصب
غزل. شنو الي حتسوي اليوم وحتكوليه هم راح اسوي الي اريده بيج
ابتسم من شاف الخوف بعيونها لان يدري احقر شي لغزل هو من المسها
وجانت تغلط عليه حتى يغمى عليها وتخلص بس هالمره لا
غزل. وهي تريد تبين انو هي قويه وممهتمه. روح لزوجتك الجديده امير
لو متحس برجولتك بس اهنا
امير وهو معصب كدامج ثانيتين وتجين يمي
غزل. لا
لا مراح اجيك انت الي راح تجي مثل الكلب جوه رجلي لان هو هذا
حالك حاليا ياكلب
ضحك امير. اليوم صدك حتونس
امير. متاكده من كلامج تره انطيتج فرصه تفكرين
غزل. اي صدك اريد هالشي لان تدري بيه اشمئز منك
كام امير ويمشي خطواته رايح الها
ضحكت غزل. اي مثل الكلب الي يسمع الكلام ومن اقترب متها جانت
محضره نفسها منه
جان يعرف من عيونها انو هي تريدها يضربها بس مستحيل يسويها
اتقدم عليها ومسكها من راسها وباسها بكل رقه حست غزل ودفعته
بكل قوتها وتفلت عليه
امير. يعني اليوم مبقيتي شي مسويتيه علمود اعذبج لعد استلمي
غزل جانت تعرف انو هي دتشجعه ع اذيتها بس كلبها جان متكطع
وجانت تريده يضربها حتى تنسى اوجاعها الحقيقيه
فرحت من شافته عصب تريد تفقد الوعي حتى متفكر لا بلمياء
ولا بكرم تنام وتنسى كلشي
امير. انت متقصده تعصبيني بس اليوم مراح اضربج راح اخليج
صاااحيه
غزل. ولك انت مو رجال يا جبان
محست الا وراشدي وكعها بالكاع وع راسها مسكت خدها حست
انو فكها انكسر من قوه ضربته رادت تبجي بس تحدت حالها انو
متبجي لان هي تستحق هالشي
امير. كومي
غزل تحاول بس متكدر
امير. تره دا انتضر
غزل. جعلك عمرك كلها تنتضر رحمه الله ومتلوحك
امير. تعالي
غزل. انت ليش متقتلني شمستفاد من تعذبني انت مو تكرهني
اقتلني وخلصني
امير. مممم شنو حستفاد حستفاد انو اكسر خشمج
غزل. انت مريض
امير. اي ويله تعاليلي مثل الحيوان الاليف
غزل ولك اضربني وخلصني شنو حتستفاد من جيتي الزحف يمك
ولك اني خنتك بهالطريقه تنتقم مني والله عيب
امير. هيجي شي تقريبا
صفنت غزل عليه وره فتره جاوبت. حسويها واجيك اذا اخلص من
كم يوم اسويها
امير. عفيه بالسباعيه يله تعالي
ضحكت وهي تباوع عليه شكد كرهته قبل هسه تكرهه اضعاف
وحلفت الي ترجعه وين مكان
كامت غزل ومسكت الحايط وانسندت عليه وتباوع ع امير بس بدل ما
راحتله ضربت راسها باقوى شي عدها حست بدوخه وشافت امير
كمز عليها ومسكها قبل متوكع بالكاع وهو يصرخ ويلعن بيها باوعت
عليه بس كامت تشوف مغوش والدم نزل من راسها وامير يحجي و
كلشي متفهم منه لحد ما فقدت الوعي
امير بعصبيه عبالج خلصتي مني نامي هسه واني منتضرج
تصيحين وحخليج تندمين ع خيانتج الي وزواجج من كرم
شالها وحطها ع الفراش وحضنها ويبوس براسها
يحبها بس لازم ميفكر بالمسامحه ابدا حيظل يعذب بيها لاخر يوم
بحياتها لان اول يوم الي انسجن بيه كرم وعذبه بيه كرم كله
انو غزل حبته وعاشو احلى قصه حب وجانو احلى زوجين وحتى
رادت طفل من كرم وحمدت ربها انو هي قتلت ابنك وكوومه اشياء
كالها كذب بس امير صدكها واشتعل ناار
اخذ نفس ودفع غزل عليه وحضنها ميريد هسه اياذيها وغمض عينه
وناام
الصبح فزت غزل ولكت روحها نايمه وحاضنه امير لعنت يومها و وخرت
فز امير ع نفسه شلون نام ومحس بشي يمها
غزل. اشسويتلي احجي واذكرت من ضربت راسها بس مستغربه
شعجب باقي يمها لان هو من الحبسها لليوم مباقي يمها للصبح
باوع عليها امير. يعني البارحه من اغمى عليج عبالج خلصتي مني
بالعكس حتى وانتي نايمه متخلصين مني
طبعا كذب عليها حتى لتفكر تعيد هالتصرف مره ثانيه
مسحت دموعها يعني ما اخلصك منك اني فهمني شلون من الله ياخذك
امير. ياخذني يم امج وابوج
غزل. يعني الي تسويه يخليك ترتاح فهمني
باوع عليها امير و وخر الشعر عن عيونها
بعدت غزل عنه لان حست بالتقزز منه لتمسكني مكافي الي سويته
بيه البارحه قززتني منك مسكها امير من فكها حتى تباوع عليه
امير. ديري بالج تره لصبري حدود باوع عليها وعيونها مدمعه
بعدها عيونها مسيطره عليه ويحس بالضعف كدامها وميعرف شوكت
يتحرر منها
غزل. مكافي اكو شي تريد اسويه بعد حتى اخليك تطلع لان ما
اتحمل وجودك يمي اختار الموت ولا انت تكون يمي
كلامها عصبه يعني فكره متريده يمها هالشي دمره
امير. انتي تتصرفين كانو اني ماعندي الحك اعاملج بهالطريقه
شنو نسيتي الي سويتيه بعد ايده عن فگها ومسك خدها
انتي قتلتيني تذكرين من اتفقتي ويه كرم عليه وخليتيني اخسر
كلشي وصرت عبد لناس خدعوني بحياه كلها كذب
فلتسوين هالحركات علساس انتي ممستحقه هالمعامله مني
غزل. اي اني استحق اموت موووتني اريد اخلص
امير. مو هسه
غزل. اترجاك موتني
كام امير وركضت وراه مسكت ايده وحطتها ع ركبتها
غزل. اخنكني اكسر ركبتي الله يخليك بس ريحني وموتني
والله بعد ما اتحمل
امير عيونه احمرت وكلبه كام يتكطع عليها
غزل. ليش متقتلني اني اذيتك وخنتك وازوجت كرم واني السبب
بكل شي سلبت منك كلشي اقتلني واشمرني ع كرم بهالطريقه
تحقق انتقامك مني ومنه تحجي وتبجي بهستيريه
دفعها امير كافي بس اسكتي ميتحمل يسمع كلامها اكثر
حط ايده ع راسه وراد يطلع
غزل ضحكت بصوت عالي وكالت. جبااااان وحتبقى عمرك كله جبان
حط ابالك بس تطلع من هالغرفه وانت مقاتلني اني راح اقتلك
امير. سويتيها قبل وعافها وطلع
صفنت غزل وعرفت انو هي بعدها اتائر عليه كل الي سوته بيه
وهو بعدها يحبها
عصب امير من نفسه شلون بعدها اتاثر بيه واكثر شي عصبه انو
فعلا اتاثر بيها حط ايده ع حلكه حتى يهدا نفسه
شافه فراس وهو واكف وكال. يعني مقتلتها
امير. وخر فراس تره وربي اربطك يم كرم
فراس. تمام تمام يكفيني انو هي بعدها عايشه
المهم اني سويت كل الي طلبته مني الوضع مستقر خصوصا بعد
زواجك من گمر لان ابوها سلطته واصله والكل راح يحسب حساب
لهالشي
امير. راح تستقر مؤقتا وانتبه زين
ديطلع فراس بس امير وكفه
امير. ها لكيتهم تره هي جانت موجوده بيت قريب ع ولايتنه
وانت مسالت عنها ابد
فراس. اهاا يعني هي هناك ضحك وكال. تدري مجنت اريد افكر بيها
صاار كوومه من اخر مره لفضت اسمها بداخلي شي يمنعني الكاها
امير. ليش
كرم. حتى متصير مثل غزل سنوات واني اتخيل شنو حسوي بيها
من وره السوته وهسه صارت بايدي والله خايف من نفسي عليها
امير. شنو قصدك ليش اشسوت
مسك فراس ايده وبكل قوته يعصر بيها وكال. قبل سنوات اجتني
للسجن زارتني واهوويه كالت اشياء اذاتني بيها بس اقوى شي
اذاني من كالت جانت حامل بابني وذبته لان تشمئز يكون الها
طفل مني
جان امير يباوع عليه ويبتسم عليه ويفكر شلون هالانسان يكون
مستشاره بكل شي يعني اغبى واحد يفهم انو كلامها كذب
امير. شوف اني لحد هسه ضايج فمراح اكول شي روحلها انت
وشوفها وافتح عيونك كلش زين
فراس فكر انو ميروح هسه لان معصب اروحلها واني مرتاح
حتى اقتلها ع البطئ صحيح مشتاقلها بس ما اروح هسه
طلع وكعد وحده ويباوع ع البره شلون البنيه الوحيده الي حبها
مرادته غمض عيونه وتعب من التفكير بيها حاول ينساها بالشغل
بس مكدر فتح عيني وشاف طفله كاعده يمه باوع عليها مشايف ابد
من جمالها وعيونها
فراس. منو انتي ولج
ملاك. مو عيب تحجي ع وحده متعرفها وتكول لج
فراس صفن عليها هذه منو وشجابها اهنا باوع عليها من فوك ليجوه
وكلش حس بالراحه وياها وجاوبها. اني اسف ودار وجهه
دارت وجها مثله وكالت. اني هم مثلك ضايجه هالبيت صاير لا يطاق
الكل معصب والمصيبه محد ديكولي شكوو عبالهم اني بعدني طفله
واني بس تبجي والكل الي اعرفهم اختفو وكلشي هوسه اهنا صدك
الحياه متعبه
بارع فراس عليها وحاول ميضحك. اي صح الحياه متعبه انتي شكد
عمرج
ملاك. عمري خمس سنوات بس من هسه اكولك العمر لتقيسه
بالسنوات اتقيسه بالتجارب الي تنجر تعيشها صح اني من بره
طفله بس من جوه اني عجوز صرت من الي شفته
اهنا فراس انفجررر من الضحك بعد ميتحمل انو يسكت وظل يضحك
وشافها تباوع عليه بجديه وكالت. اكو شي يضحك
فراس وهو يهز براسه ويضحك. ااااني اسف عذريني مقصدي
استهزء بيج اني بيه انهار عصبي حااد وهو سبب بهالضحك
ملاك. اي دافهمك لان امي عدها حاله تصرخ بدال متضحك و
خالتي تصرخ وتكسر كل وحده شخصيتها شكل
فراس. اي صح العائله منكدر نختارها هسه عندي صديقي مثل الاخ
وشخصيته تميل للقتل وتعذيب العالم هو هم شخصيته مختلفه
ملاك. لاهذا مريض وضحك فراس عليها من كل كلبه كل هالاسنين
مضاحك بهالطريقه
ملاك تباوع ع فراس وخجلت لان عرفت انو هذا ابوها امير الي
تعرفه وجان موجود بغير ولايه طلع هو شيخ وهو كلي روحي اهناك
وراح تشوفين رجال وهذا هو حيكون ابوج وهسه هي كاعده يمه
ملاك. انت جديد اهنا شنو اسمك
فراس. اي اني جديد واسمي فراس
ملاك. فراس مثل اسم الحصان باوع عليها اي اعرف حصان جان
نفس اسمك
فراس. اي اني فصيله ثانيه من الحيوانات
ضحكت ملاك ع كلامه وهو حس بيها مثل نسمه الهوه ونسته كل
همومه
فراس. تدرين اتمنى يصير عندي طفل ويكون مثل لسانج
ملاك. الولد يشلعون الكلب البنات احسن
فراس. لا لا مستحيل ما اريد اكره البنات اذبح نفسي اذا اجتني بنيه
ملاك. ليش
فراس. شوفي اني متعرف ع بنات بكد شعر راسج وكسرت كلوبهم
واني اخاف لتجيني بنيه ويجيها واحد يسوي بيها نفس الشي
يمه لا ما اريد اصفر وجهه حتى الفكره بهالموضوع تخوفني
بلع ريكه ويباوع ع فوك اني اعرف انو الله حيعاقبني ع الي سويته
بكل النسوان الي عرفتهم ببنتي لا عيني اموت روحي ولا تجيني بنيه
واعرف اكو احد مسكها او سوه بيها شي
شوفي ايدي كامت ترجف من الخوف هذا بس فكرت بهالشي لو
حقيقه جان شسويت بحالي
ملاك. لعد انت بورطه
باوع عليها فراس واستغرب
ملاك. يله اني حروح لان امي هسه اكيد ظل بالها عليه وكاعده تبجي
فراس. اي روحيلها واني كلش تونست وياج وحجيتلج همي وانتي
حجيتيلي بس معرفت شنو اسمج
ضحكت ملاك. بعدين اكولك وركضت ورجعت اندارت عليه وهو اندار
وكالت. انت طلعت احسن مما تخيلتك وانت اتضحك يله بااي اشوفك
بعدين ابتسم فراس وسال نفسه. بنت منو هذه
بالليل كاعد امير وگمر يمه وهو كان صافن ويفكر بلوه حياته شلون
تعب من وراها تعب من حبها من هي صغيره يعشقها لحد الكبر
كلما تغلط يبرر افعالها بس هالمره كان المبرر صعب لتصرفها
كرم مله انو هو من مات غزل كانت حامت وذبت الطفل زين اول مره
قتلته علمود ابنها بس هالمره ليش شنو السبب صحيح هو ماعنده
مشاعر ويحس بهالامور بسالي يعرفه انو شعور الامومه يختلف عند
كل مراه بس طلعت غزل تختلف حتى بهالشغله عن كل النسوان
وهو ديفكر حجت وياه گمر. حبيبي مبين عليك تعبان ليش مترتاح
باوع عليها امير. صح هي حلوه ومن النوع الي يحبه متفتح حلكها
الا لما هو يريد كانو انخلقت بس لراحته
بس تفكيره بغزل الي كرهتها اكثر من روحها
امير. اخوج موجود يمنه وحيروح باجر اريد اسوي اله حفله
گمر. اي حيفرح اخويه بهالشي وهسه اريدك تكوم ترتاح وتنسى
كلشي وباسته
اندكت الباب وامير يعرف منو الي اجه غزل لان هو طلب ايجيبوها
حتى تطلع من الغرفه وتشوف حال القصر شلون صار برجوعي
وهم كان ملان ومن تجي هي يستمتع بمعاناتها
امير. ادخل وبهالاثناء سحب گمر بحضنه حتى من تدخل تشوفه
وحتى تعرف انو هو بعد ممهتم الها
من راحو ع غزل حتى تروح لامير هي استغربت شلون حيخليها
تطلع بس عرفت انو هو ايريد ايشوفها انجازاته الي سواها وتعب
السنين الي تعبته كله هدمه فكرت انو لازم تسمع كلامه وتتهذب
ومتغلق وتتحمل كلشي حتى تعرف شنو الي ديصير بره لان هالمره
غزل ناويه مو بس ادمر امير لا حدمر نفسها وياه لان تعرف اذا
رادت انو امير يروح لازم هي هم تروح وهذا كان هو الهدف الجديد
والفكره الي براسها
من دكت الباب وسمعت صوت امير يكوللها تدخل حست بخوف وبرهبه
وحزن دخلت وشافت گمر بحضنه انصدمت من شافته يبوسها
غزل وهي تحجي ويه روحها. ديري بالج اضعفين شوفي زين
حتى تكفرين عن ذنبج تباوع عليه بكل جمود عرفت ديلعب وياها
وهي استقبلت هاللعبه وابتسمت
غزل. فديت طيور الحب اندارت گمر وهي مصدومه مو لان غزل شافتهم
لا لان شلون غزل طلعت من غرفتها
كامت گمر من حضن امير. ممممم انتي اهنا وباوعت ع امير
اني فرحانه لان امير زوجي خلاج تطلعين وتقربت عليها وحضنتها
صدكيني حبيبتي راح ترتاحين اكثر لان طلعتي حتى تغيرين جو
غزل وهي صافنه عليها. والله عرف امير هالمره شلون يختار صدك
مبينه حيه
غزل. شكراا الج وهسه وخري من كدامي قبل ما اتقيأ عليج
انصدمت گمر منها ونضرتها مالها اي ثمن
امير. لسانج غزل تره ارجعج للقفص مالتج
غزل وبكل براءه. شكووو ما احبها وتقدمت ع امير وباسته من خده
مممم اشتاقيتلي
ضحك امير وجاوب. دائما
صكت گمر اسنانها وهي معصبه من غزل شلون تجرا هيجي تحجي
وياها وهي تعرفها منو گمر هووايه سمعت عن غزل وعن ماضيها
كلها بس الي مستغربتله شلون امير لحد هسه مقتلها وخلص منها
لان امير معروف انو هو بلا كلب شنو هالسر هذا الي مخليه تاركها
ومهووس بيها لهدرجه
مهما يكون الي بينهم هي هسه هم مرته وحتراقبهم وتفهم شنو
السالفه وراها راح تتصرف وتتخلص من غزل وامير حيكون الها
گمر. اني اسفه غزل يمكن ضوجتج بس حبيت انو الطف الجو وياج
غزل. عادي مو مهم واندارت ع امير. انت ليش دزيت عليه اهنا شنو
بس علمود اشوفك انت وعروستك ومكعدها بحضنك وتبوسها
شوفلك سالفه جديده اتضوجني بيها لان هذا واشرت ع گمر. مينفع
امير. منو كال افگر انو اضوجج اني بس اشتاقيت اشوف حيواني
الاليف ابتسمت غزل بس داخلها بركان دتحجي جان تندك الباب
ودخل فراس دخل وهو فتح عيونها كلها من شاف غزل كدامه
ابتسمتله غزل لان فعلا اشتاقتله وهو ممصدك هي كدامه
غزل. اشتاقيتلك صار كوومه مشايفتك
فراس واني هم بس مبين حالتج تعبانه المهم شكد اشتاقيتيلي😊
غزل. متتخيل شكد
امير. حلو بس ناقصكم غرفه وحدكم
فراس. صدك تحجي انت شنو هالحجي وراح ع غزل بس هي بعدت
وراحت يم امير وفكر امير فعلا انو هي ذكيه
نضرات فراس لغزل كلها حزن. اسف غزل مكان بيدي شي اسوي الج
غزل. ادري بس اريد منك تنتبه ع لمياء بس هالشي اطلبه منك
امير. ينتبه عليها يعني مثلا اذا ردت اذيها اني تتوقعين راح يوكف
احد كدامي
غزل. يعني هسه انت طلعتني بره سجني مثل متكول بس علمود
انطيك حجه حتى تضربني اضربني وفضها وهي واكفه يم امير محست
الا وراشدي اجاها صفح رادت توكع بس لزمت روحها وكال امير. مو تدللين
فراس. امير شبيك الخاطر الله
امير. مابيه شي مو صح غزل
هو يعرف انو هي شوكت حتسكت يدري بيها
امير. يله اخذ گمر وروح قبلي اليوم اريد نتعشه سوه
ابتسمت گمر. اي اليوم حنكون عائله سوه حتى نتعرف ع بعض اكثر
غزل ساكته ومترد عليها
فراس وهو معصب من امير. يله غزل امشي
امير. كلتلك اخذ گمر واسبقوني ع العشه عندي كلام ويه غزل
ضاج فراس بس يعرف اذا حجه بعد كلمه وحده راح اياذي غزل
باوعت عليه وابتسمت حتى اطمنه انو هي مابيها شي طلع هو گمر
الي محجت ولا كلمه
ابتسمت غزل وره مراحو وكعدت يمه لان رجلها ترجف بس مبينت
كدام امير ضعفها وهو كام و وكف وراها
امير. تدرين انتي دائما تحبين تلفتين انتباهي بتصرفاتج
غزل. اني احب تعذيبك الي صدكني بصعوبه الوحده تحصل واحد
متوحش مثلك جفلت من حست امير يمشي ايده بركبتها
امير. شوكت تتعلمين اسدين حلكج
غزل. امير اني اعرف شتريد من دزيت عليه لحد هسه سوي الي
تريده وفضني
امير. يله غزل احجي احب اسمع لسانج الطويل شنو حيخرط بعد
وكف كدامها وعيونه بعيونها اتمنى تخرب وجها الي يشوفه يكول
قمه البراءه تتصرف وكانو هي البريئه كدامه
سحبها عليه وهو يباوع ع عيونها وفقد عرف انو هو حيظل اسير
الها العمر كله سحبها وباسها بكل قوته غزل كانت تقاوم بس
مع الاسف جسمها دائما يخونها ويرجع يضعف كدام امير
بعد دقايق غزل دفعت امير. انت حيوان راح يجي يوم واركص
ع قبرك
امير. سمعت هالحجي من زمااان وسحبها وطلع وياها
دفعا للغرفه الي ياكلون بيها اول مشافها فراس ارتاح لان جان
خايف لياذيها امير
ارتاح فراس لان يدري الامور الي يفكر بيها امير بس الي قهره
انو هو ميكدر يدخل بهالموضوع ولا يلوم امير عليه لان حيعتبر منافق
لان هو ناوي يعذب لمياء بهالطريقه فعلا ع كوله هالطفله الحياه صعبه
امير. يله كعدي وسدي حلكج ولا كلمه اريد اسمعها
فراس. شلونج غزل زينه هو سالها لان يعرف امير ضوجها بشي
غزل. كلش زينه
گمر. اليوم اني اشرفت ع الاكل
فراس وغزل يباوعون عليها والابتسامه بوجهم
امير. عاشت ايدج وباوع ع غزل حتى تنتبه
طبعا كان الاكل رووعه وغزل متكدر تقاومه بس محبت تبين لامير
انو هي كلش جوعانه فضلت تباوع ع ماعونها
امير بعصبيه. ع شنو تباوعين اكلييييي وضرب الميز جفلت گمر
من ضربته وصوته العالي بس غزل بقت ثابته ومسكت الخاشوكه
وبلشت بالاكل
فراس جان يتوسل بنضراته لغزل انو تسمع كلامه وتنفذها وتسكت
بس غزل مستحيل تسكت وسالت امير. اي صدك مكتلي منين جبت
هالرخيصه العفو اقصد زوجتك
ضحك امير وجاوب. ارقى من المكان الي جبتج منه
غزل. انت مريض
امير. اي مريض وراح تدفعين ثمن كل كلمه تحجيها وهسه سدي
حلكج من اللغوه واكلي
عرفت غزل انو من مصلحتها تسكت هسه رجعت تاكل ورفعت عينها
شافت گمر تباوع عليها كانو تريد تفهم شي من ملامحها
غزل. ع شنو تباوعين عليه ولج
فراس. ماكو فايده لا والله
گمر. اني اسفه بس ردت افهم شنو السالفه الي بينج وبين امير
اختنك فراس من سمعها هيجي تحجي وامير ضحك بس مباوع
عليهن
غزل. اتمنالج الموفقيه اذا عرفتيها وبشرفج بس تعرفين شي تعالي
وكوليلي لان اني مفاهمتها اصلا
گمر. انتو مبين واحد يحب الثاني
ابتسم فراس لان يعرف انو هالموضوع حيونسه وامير ياكل بكل هدوء
غزل. واحد يحب الثاني هههه ضحكتيني لجيبين طاري الحب
بعلاقتنه اصلا اني وياه الي يجمعهنا الكراهيه والحقد يعني بين
قوسين علاقه معقده
گمر. اذا بيناتكم الحقد والكره ليش ميتركج اتروحين لحالج
ابتسمت غزل وباوعت ع امير الصافن عليها وكالت.
صدك امير ليش متخليني اروح انت مو تكرهني
امير. اطلع كلبج من مكانه اذا فكرتي اطلعين منا واموتج قبل متركيني
باوعت غزل ع گمر. شفتي مو كتلج العلاقه معقده
الكل سكت واهم شي غزل سكتت بس فراس كال
فراس. اليوم شفت طفله تختلف عن كل البنات الي شايفهم بحياتي
ذكيه وحلوه واضحك
انتبهت غزل وعرفت قصده ع ملاك بنته يعني لمياء رجعت وعرفت انو
امير اكيد مكايله ع ملاك باوعت عليه ابتسم وهز راسه وكمل اكله
فتاكدت امير مكال لفراس واصلا لو فراس عرف يتخبل اذا عرف
عنده بنت بس اول وتالي لازم يعرف لان من حقه يعرف
غزل. فراس رحت شفت لمياء شافته عصب عرفت مرايح لازم تروح
وتشوفها
فراس. سدي الموضوع غزل لان اذا رحتلها ادمرها وصدكي حالها
يصير اسوء من حالتج

استغربت غزل من كلام فراس لان هو الي اذاها مو هي. انت شدتحجي
فراس مو انت الي اذيتها
عصب فراس. سكتي غزل تريدين اروح هسه واكسر راسها لان
قتلت ابني قبل مينولد
باوعت غزل لامير وشافته مستمتع وهذا عباله لمياء قتلت ملاك من هي
حامل بيها
امير. انتي وصديقتج ماعدكم كلب انتي سويتيها اول مره للانتقام
والثانيه للونسه مفهمت غزل شنو قصد امير دارت وجها ع فراس
غزل. اسمعني فراس وروح لمياء وافهم منها الموضوع كله كام فراس
و شمر الكرسي بالكاع
فراس. يعني اتريديني اروحلها تمام ادللي هسه اروح عرفت غزل اذا
راح مراح يسمعها واحتمال يقتلها قبل ميعرف شي هي مرادت هي
الي تكوله بس مضطره تحجي
غزل. هي مسقطت الطفل والطفل عايش اهنا فراس جمد بمكانه
اندار ع غزل وشافها من وجها مدتكذب وامير ممتفاجئ رجع باوع
ع غزل
غزل. عندك طفل وهالطفل موجود انت اب
صفن فراس عليها
امير. ولك لو للغباء اسم ثاني جان سميته فراس ولك مو دزيتها
الك الصبح وكعدت وياك شنو مشفتها باوع فراس ع امير بخوف
واذكر ملاك الي شافها الصبح اي هي بنتي بس شلون محس
رجع باوع ع غزل بخووف
غزل. اي عندك بنيه تخبل
هذه اخر كلمه سمعها فراس واغمى عليه
غزل وامير متوقعين منه هالشي وطلب امير يجون ياخذوه لغرفته
وسحب غزل كدام گمر الي متحركت ولا دارت بال من شافت امير
اخذ غزل
دخلو للغرفه ومباشرتا راح للحمام غزل مرادت تحجي لان جان كلش
معصب ومن مصلحتها تسكت
طلع من الحمام وشاف غزل فاتحه الكنتور
امير. شدتسوين
غزل. دا اريد ابدل
امير. اي وليش
غزل. لان ضجت سدت الكنتور واندارت شافته طالع بدون ملابس
بس حاط منشفه ع خصره وصفنت
امير. لازم عاجبج ارجعج للسجن مالتج
غزل. يا ريت لان ملييييت منك
امير. عادي المهم اليوم عجبتيني من شفتي فراس قابلتيه ابرود
عبالي حتروحين تتختلين وراه مني
غزل. وليش اروحله هو شيفرق عنك اصلا هو راد يقتلني من متت انت
راحت غزل واتمددت ع الجربايه اجه امير يمها بس مرايد شي
بس يكفي تتنفس وياه نفس الغرفه شاف برودها وشلون متغيره
صح اكو خوف بس مسيطره اكثر من قبل
غزل. ليش متروح يم مرتك الثانيه شعندك يمي
امير. لازم غيرانه
غزل. وع شنو اغار اووع
امير. غزل انتبهي ع كلامج
غزل. ادري اني بكلامي يخليك تريد تضربني بس انت ممليت مني
ومن تهديدي الك ولك بس كولي انت متريد انسانه طبيعيه تحبها وتحبك
ضحك امير. ههههه لازم صايره تفكرين براحتي
غزل. طبعا لا بس ع الاقل اخلص مني وعيش حياتك
مسك شعرها وكال. ع الاقل من تحجين ويايه انداري عليه شسوي
بضهرج
غمصت غزل عينها لان لمساته وكلامه بهدوء يذكرها الايام الي عاشتها
وياه من مان فاقد الذاكره وكالت. رجعني لغرفتي
امير. بعدين
غزل ضاجت وعرفت مراح يرجعها فدفعته برجلها
امير. كاافي حضربج
غزل. ما اريد ابقى يمك وديني لغرفتي اختنك من اشوفك يمي
الهوه ما اريد اتنفسه وياك
امير. سحبها وصار فوكاها. شوفي غزل لو اسكتين لو 😉
غزل اي اسكت بس بعد عني ولضوجني
امير. هيجي من الاول سكتي اريد انام
سكتت وره شويه حجت
بس اريد اعرف البنات الي عرفتهم قبل شلون حبوك
امير. مثل محبيتيني
غزل. منو يحب واحد وحش مثلك
امير. لان مثلج
غزل. ع الاقل اني ازوجتني وحفيت علمودي مو صح لو اني غلطانه
امير. استغفر الله يارب
عرفت غزل هو عصب رادت تضحك بس سكتت وتدري هي حسود
حياته بعد وبعد
كعدت غزل وشافت امير بعده نايم وظلت صافنه عليه ومسكت الوشوم
الي بجسمه شلون حلوات ومتناسقات ظلت تتلمس بيه لحد موصلت
لبطنه حست بيه نفسه بدا يثكل رفعت راسها وشافته كاعد يباوع عليها
وعيونه حمره ويلعن بيها
امير. شدتسوي
غزل. اتحسس وشومك مو دتشوف
امير. غزل لتبدين شي متكدرين تكمليه
غزل. والا تعاقبني مو تعودت ع كل اساليبك ورجعت مسكت الوشم
وفجاه كامت وكعدت ع بطنه ومسكت ركبته تدري انو ايدي لوما صغيره
جان خنكتك من زماان
امير. مبين عليج حتتخبلين لازم ارجعج لغرفتج احسلج
كامت غزل. مو كتلك من زمان بس انت فهمك بطئ كلش كامت تعدل
ملابسها وشافت عيونها عليها وهي تعرف شنو معناتها هالنظره
ابتسمت وكامت
دخلت للحمام وتفكيرها بملام ولمياء لازم تفكر شسوي علمودهم
اخذت دوش طويل وراها سمعت امير يصرخ عليها حتى تطلع
طلعت وهو مبدل ومتانق وهي لامه شعرها وجسمها بالمنشفه
صفن امير عليها وكال. فتحي المنشفه
فتحت غزل المنشفه من راسها جانت حابه اضوجه وتعصبه
امير. دتلعبين ويايه لعبه خطره
غزل. اللعب اصلا العب للجهال امثالك ضربها امير ع حلكها وكال.
يالله من البارحه عاجبني اضربج هالضربه
غزل. مع الاسف لمساتك بالضرب خفت لان محسيت بهالضربه
ابتسم امير وسحبها حيل وباسها بكل قوتها بعدته غزل بالقوه
غزل. امووت منك رجعني لغرفتي تره والله اقتل نفسي واخلص منك
امير. ما امشي بمزاجج واليوم اىما اريد اسمع حسج عندي حفله
بالليل وعافها وطلع
صرخت غزل بعصبيه لازم تلكه حل حتى تخلص وتخلص كرم من امير
كعد فراس وهو يفكر عنده بنيه ومتحلف لمياء لان هي جابتله بنيه
البنيه الي حتكبر ويجي واحد يقشمر عليها مثل ما هو قشمر ع البنات
لا لا مستحيل اقتلها ولا يجي هاليوم وكام وراح الهم

كانت غزل كاعده بالغرفه مال امير وهي تفكر شلون تتخلص من امير
وشلون اطلع كرم من حبسه صح هي رجعت امير وهوايه ماتو بسببها
بس محد اذاها غير نضره كرم الها من عرف بخيانتها
غزل. اووف اتمنى هسه لمياء يمي حتى احجيليها كلشي
بهالاثناء اندكت الباب ودخلت وحده شايله الاكل بيدها وغزل عرفنها
هذه كانت هديه من شيخ محمد وهو صديق كرم بس مأجاه للحفله
واعتبره امير محالف اله بس غزل تعرف انو هو منتضر اللحظه المناسيه
حتى يصرف
حطت الاكل ع الميز وغزل اشرت الها انو تجي يمها ومتحجي شي
لان تعرف انو اكد احذ بالباب حطه امير الها علمود متطلع
شاورتها غزل. لازم اطلع كرم من السجن لان مستحيل يبقى عايش
وامير ميقتله
الخدامه. بس انتي الي جبتي هالوحش اهنا ورجعتيه شلون اثق بيج
غزل. اعتريني أكفر عن ذنبي ادري بيج باقيه علمود اطلعين كرم
الخدامه. مستحيل نكدر واذا هزمناه قبل منطلع يلكانه امير والمشكله
لازم نلحك لان رحت اودي الاكل للحرس وشفت الشيخ كرم وهو متعذب
وبس يضربون بيه وسكتت من شافت ملامح غزل اتغيرت عرفت بيها
ضاجت
غزل. تمام هسه لازم نتخلص مم امير حتى نطلع كرم
الخدامه. اي
غزل. شوفي لعد جيبيلي سم بحيث الي يشربه ميكدر يتحرك
ويمووت من الوجع ويشله من الحركه
الخدامه. لتحاولين تعرفين امير يعرف كل انواع السموم حيعرف
حتى قبل ميحطه بحلكه وبعدين هو كوومه مسمم قبل وصل مرحله
عنده مناعه منهم
غزل. ادري ميموت اني اريد اوجعه لامير ع كل الي سواه وىوانتي
تحضري اطلعين كرم وتهربيه باجر الصبح لازم كلشي حاضر
وبالنسبه للسم شلون حيشربه هالموضوع اتركيه عليه
وافقت الخدامه وغزل مستعده باجر حيكون هو بدايه النهاايه
بالليل بدت الحفله لاخو گمر وهي لازكه بامير الي حتى مباوع عليها
تفكيره بس بغزل من الصبح مشايفها كام وترك كلشي وراحلها
حست غزل اكو صوت احد جاي وعرفت هذا امير دخل وظل يباوع
عليها وكال. انتي مثل اللعنه بحياتي صرتي لازم اتخلص منج
غزل اتقدمت عليه وكالت. متكدر تتخلص مني قبل ما اني اتخلص
منك
سحبها من ايدها وكل الي راده ينام وهو يشم عطرها وفعلا نام وهي
ضلت صافنه تفكر باجر وبخطتها لحد ما غفت
فزت الصبح وشافت امير بعده نايم واكو بيدها قاروره صغيره و وياها
ورقه عرفت انو الخدامه جابتلها السم و ياه كاتبه شلون تستخدمه
امير بعده نايم اخذت السم وراحت للحمام وسدت الباب
باوعت ع روحها بالمرايه اليوم حتكفر ولو جزء بسيط عن ذنبها
تعرف الي حتسويه يعتبر خبال بس ماكو غير هالطريقه الي يشرب
بيها امير السم فتحت القاروره وحطت شويه منها ع قطعه قماش
ومسحت بشفتها بقطعه القماش هذه هي الطريقه الوحيده الي
تكدر تنطي امير السم بدون ميحس بيها تعرف هالشي خطر ع حياتها
واختمال هالشي حيموتها هي هم بس مو مشكله المهم تتخلص منه
وترتاح وحتى يعرف كرم الي سوته وتكفر ولو شي بسيط عن ذنبها
السم مراح يقتل امير بس راح يشله بس هي احتمال اكيد انو
متعيش ارتاحت لان هي تستحق هالشي وكملت وحطت بكل شفايفها
سم
طلعت من الحمام وشافت امير ديبدل
غزل. صباح الخير. اندار امير عليها متفاجئ
غزل. شبيك مو صبحنه
امير. غزل هسه كعدت بعده الصبح مو مال اضربج من الصباحيات
غزل. ميهم وكعدت تباوع عليه وهو ديكمل تبديل ودخل للحمام
وطله وهي تباوع عليه
غزل. تدري امير اتمنى لو اني منولدت جان هسه لا شفتك ولا عرفتك
لو مكنت موجوده جان محد اتاذى من ورايه
امير. ميفرق شي اصلا
غزل. شتقصد
اندار امير عليها. من جنت فاقد الذاكره انتي كنتي ماكو بس كنت
اشتاقلج ومكنت اعرفج فمراح استغرب نفسي اذا انتي منولدتي
جان ضليت ادور عليج
صفنت غزل ع امير وهو يباوع عليها شلون الانسان يكره شخص
لهالدرجه ومن يباوع عليه يحس نفسه ملك الكون كله
امير. حياتنه اني وياج مثل الدائره يوم تكرهيني واكرهج تنتقمين
مني وانتقم منج حتى صارت ممله اتمنى يجي يوم واخلص من هذا
كله كان هسه اني ماكو اقوى مني بس انتي دضعفيني انتي دتقتليني
والحل لكل هالشي انو انتي تختفين وتموتين موتج حيحل كل مشاكلي
باوع عليها وهي عيونها كلها دموع شلون اكو واحد يحب انسانه لحد
الجنون وبنفس الوقت يكرها
اتقدمت عليه وعي تباوع ع وجهه وعيونه كلها عصبيه وبدون اي
مقدمات رفعت نفسها وباسته بكل هدوء هو ظل مجمد ومبادلها
بس من شاف دموعها وهي تنزل باسها هو هم كانت هاللحظه عباره
عن حب وعشق واشتياق مابيها كره وحقد وظل امير ييوس بيها وكانو
العالم وكف لحد ما اندكت الباب وحس ع حاله دفع غزل عنه وهي
دموعها موكفت ولا لحظه دفعها حيل كانو كانت دتحركه حط ليده ع
شعره ولعنها ولعن روحه وطلع وسد الباب وراه
غزل وهي تبتسم. كلامك صحيح امير نهايتك السعيده تصير من
اني اختفي والكل حيرتاح من اني حروح سدت عيونها وشهكت

طلع فراس من غرفه لمياء وهو يدردم. تستاهلين كل الصار بيج من وره
لسانج اتكول لسان حيه مو مراه شطوله لسانها والي سويته حيخليها
تسكت بعد
وهو يحجي ويه روحه اذكر ملاك ومعدته كامت توجعه شلون حيربيها
وهو يحس محد رباه وبهالاثناء شاف امير واكف ورساند روحه ع الحايط
و وجه مديشوفه ولا يعرف شبيه ومعرف لحد ما امير وكع ع الارض
وكام يصرخ ويضرب بكلبه ركض فراس عليه وباوع عليه واتفاجئ
شاف امير وجهه اصفر ومن حلكه ينزل دم وشراينه كانو تريد تطلع
من مكانها
فراس. ولك امير شبيك شصاير بيك
امير كان ديتوجع وهو يعرف شنو الصار بس مكدر يحجي مكان
مهتم لنفسه ابدا. باله وتفكيره ع شي ثاني كان حيموت من الخوف
مد ايده وهي ترجف من الالم ومسك فراس من ياخته وقربه يمه
وحاول بكل قوته يكوله. ا ا ا ا ا انق ذ. غزززل
فراس. شنوووووو
امير وهو يشد باسنانه وكووه يحجي. روح وانقذذها سسسسسممت
روحهاااا معلييك بيه ااااني اتوووسل اللك لتخليها تتركني
فراسسسس رووح لغززل
صرخ فرراس ايريد يجي احد ينقذ امير بس امير كال وهو ديتوجع
. انقذ زوجتي ..........
يتبع
زينب عبد المطلب
✨✨✨✨✨✨✨✨✨✨✨✨✨✨✨✨
اول شي اعتذر البارحه منزلت بارت لان حسابي بالفيس تهكر ورجعته الحمد لله فالتهيت بيه وملحكت اكتب
نزلتلكم بارت اليوم وهو تعويض عن البارحه كتبت بيه لايقل عن 5300
حرف واتمنى هالبارت يعجبكم واكيد حيعجبكم
رايكم بهالبارت واريد اعرف توقعاتكم للبارت الجاي
يعني مو بس تقرون اريد اشوف ارائكم مع صوت ومتابعه😘