تحميل رواية «عايز حضن» PDF

١)الزبون بتاع الليلة طلبك بالاسم

معرفش الرجالة هيموتوا عليكي علي ايه

مع انك في سوق الحريم متساويش بصلة

قومي يا بروطة هاتيلنا فلوس

بدل منتي قاعدة كده يا قرد قطع

الكلام الخايب الي فات دا

كان كلام جوزي الله يح&رقة

ودي كانت طلباتة كل ليلة

لكن انا ديما كنت برفض اسمع كلامة

فا كان بيعاقبني بالحرمان

والجوع

عشان ارضخ لاوامره

بس المشكلة انه مكنش بيعاقبني لوحدي

لا دا كمان كان بيعاقب بنتي الي ملهاش ذنب

الجزء الاول

من رواية/

سلاسل ام غراب

المهم

لما كنت بشوف بنتي جعانة كنت بقعد اتزلل له

واقولة...

احب علي ايدك

يا...غراب

بنتك جعانة..

وعمالة تعيط م الجوع

قوم هات من امك كوباية حليب

ولا حتي هات رغيف عيش

حاف

عشان البت الصغيرة تتعشي قبل ما تنام

فا يرد المزغود غراب بكل برود

ويقولي..

مش جايبلها حاجة

ولا جايبلك انتي كمان ولا لقمة

وهسيبكم كده

لغاية ما تعضوا في الارض

م الجوع

مش انتي بتعاندي معايا ؟

ومش عايزة تنزلي الشغل؟

خلاص...

موتي انتي وبنتك من الجوع بقي

فا رديت عليه بغيظ

وقلتلة..

شغل ايه الي عايزني انزلة

يا سبع الرجال؟

انت بتسمي نوم مراتك..

في احض&ان الرجالة

كل ليلة... ....شغل؟

ياراجل اتقي الله بقي

دنتا مسيرك هيجي عليك يوم و هتموت

هتقابل ربك ازاي ..

وانت راجل ديوث

فا رد غراب

وقالي..

ملكيش دعوة بيا يا ست الشيخة

ريحي نفسك انا عاجبني حالي كده

وبدل ما تضيعي وقتك في الكلام...

انزلي طلعي مصاريفك انتي وبنتك

فا رديت عليه بغيظ

وقلتلة..

طب ما تنزل انت تشتغل

ولا عايز تقعد عاطل ...

وتشغلني الشغلانة المهببة دي

مش كفاية انك ..معيشني مع امك النصابة في بيت واحد..

وبتجبرني اسمع كلامها

طيب قولي اعمل معاكم اية

اكتر من كدة؟

امك طلبت مني اني اسحبلها النسوان ..

وفعلا...بجيبلها النسوان لغاية عندها ...وبتشفط فلوسهم

يعني بشاركها في اعمالها المنيلة

وباخد ذنب زيها بالظبط

واحدة غيري..

كان زمانها هجت... وسابتلكم البيت من زمان

في اللحظة دي

غضب غراب من كلامي

وغراب لما بيغضب بيطير عقلة وبيجن جنونة

فا قام غراب جوزي ودور فيا الضرب بكل قسوة

لغاية ما جسمي بدء يزرق... وينزف دم ....كا العادة

وفجاءة..

وصلت حماتي

(ام غراب )

علي صوت الضرب

وسالت ابنها..

وقالت..

صوتك عالي ليه يا ابن بطني؟

فا رد غراب

وقالها..

البت ... بنت ال.....

مش راضية تنزل الشغل

ومغلباني كا العادة

فا بصتلي ام غراب بقرف

ووجهت لابنها الكلام

وقالتلة..

وتغلب نفسك لية؟

وايه اصلا الي يغصبك علي كده؟

ما تطللقها وتخلص؟

فا اتفزعت لما سمعت كلامها..

وفضل جسمي يتنفض

وخوفت لا يسمع كلامها

ويطلقني بجد

فاوطيت علي ايدها.. ابوسها وانا بتوسلها

واقولها..

لا... ابوس ايدك

الا الطلاق

متخليهوش يسيبني ..

والنبي يا ام غراب..الا الطلاق

فا بصتلي وسكتت..

بعدما صعبت عليها

ولما قلبها رق لحالي

امرتني اني ابوس علي رجل غراب جوزي..

عشان يسامحني

وحكمت عليا باني ...

اطيع اوامره ..

وانزل الشغل فورا

وفعلا..

نزلت علي رجله بوستها

وقالتلة..

اضربني يا غراب ..

واعمل فيا اي حاجة..

بس بلاش الطلاق ربنا يخليك

فا قالي..

اخفي من وشي الساعه دي

وروحي اجهزي لشغلك يلا

قلت..

حاضر.. هجهز واروح الشغل

بس والنبي يا امة...

هاتي لرباب بنتي

طبق طبيخ

عشان تتعشي قبل ما اتنام

فا هزت راسها بزهق

وقالتلي..

سيبك من البت رباب وانا هبقي اطفحها ..

غوري انتي يلا ع الشغل

فا قلت..حاضر

وبالفعل..لبست القميص الاحمر العريان... ابو ترتر

ولطخت وشي بالمكياج

الفاقع

وبعدها..

حطيت علي جسمي العباية ...

وداريت شعري بالطرحة

وخرجت ركبت التوكوك مع غراب

عشان يوصلني لبيت الزبون بتاع الليلة

و.....

طبعا انتوا زمانكم بتلوموا

عليا..

وبتسالوا ..

ازاي تقبلي علي نفسك الوضع ده؟

وازاي تعيشي مع راجل ديوث معندوش نخوة ..

ولا رجولة؟

وليه رافضة الطلاق ؟

ولية متمسكة بالعيشة مع غراب.. وامة ..بالطريقة دي؟

عاايزين اجابة؟

حاضر......هفهمكم

وكويس ان..

الطريق لبيت الزبون طويل

عشان استغل الوقت الي هقضية في الطريق

واحكيلكم حكايتى

بس الاول هعرفكم بنفسي

انا عفاف

٣٠ سنة

جميلة الحمد لله

اتربيت في الريف

لكن..عايشة دلوقتي في المدينة

متجوزة ..

وعندي.. بنت اسمها رباب

حكايتي بتبدء..

من سنين فاتت

وتحديدا..

من يوم ما ...

كنت بجهز التورتة والجاتوة

عشان احتفل بعيد ميلادي ال١٨..

وكنا بنحتفل..

انا ..وامي.. وعادل اخويا

عادل اخويا كان طالب في كلية الطب ايامها

المهم..

روحنا يومها انا وامي نجيب لوازم العيد ميلاد..

وطبعا رجعنا في توكتوك

عشان كان معانا حاجات كتير

ولسؤ حظي..

السواق صاحب التوكوك

كان هو... (غراب)

و اول ما شافني عجبتة..

ودخلت دماغة...

وصمم يتجوزني..

فا جه يتقدملي

وطبعا امي رفضتة ...وطردتة كمان

لان غراب ايامها كان اكبر مني بكتير

وكمان كانت سمعتة زي الزفت..

وكل الناس كانوا بيتكلموا علية

وبيقولوا

..ان غراب..

امة ...ليها في الاعمال والسحر

وست حرفيا مبتخفش من ربنا

والكل كان عارف انها ..

بتعمل سحر بمساعدة الجن

م الاخر..

كانت مخاوية للجن

لجل ما يساعدها في عمل الاعمال السفلية

والانيل من كدة

ان غراب نفسة كان مجرم..

يعني كان بلطجي... ونصاب...

وحرامي..

وفوق ده كلة

كان ...

بيتعاطي المخدرات

والاجرام كان باين علي وشة حرفيا

فا كان في وجهة مية علامة وتعويرة

وديما ماشي

بسلاح سواء سكينة.. او مطوة او بشلة..

والاكتر من كدة..

انه كان جاهل ومش بيعرف يكتب اسمة حتي

با اختصار

غراب كان عريس مش مناسب نهائي

خصوصا

اني انا كنت صغيرة.. وجميلة

ومتعلمة

واخويا كان قرب يبقي طبيب

وانا كنت بدرس في المعهد ايامها

المهم..

غراب مفقدش الامل

لما امي طردتة

بالعكس..ده بعت امة

عشان...تكلم امي تاني

وفعلا ..لقينا ام غراب جاية عندنا البيت

وبعدما دخلت ام غراب عندنا

اخدتني... وقعدتني جنبها

وقالت لامي..

انا عايزة بنتك الحلوه دي

لابني غراب

فا رفضت امي ...

وقالت لها ..

انا ..بنتي صغيرة ومش هجوزها دلوقتي

فا بصتلها ام غراب بخبث

وقالتلها...

ومالة يا حبيبتي من حقك

وبعدين كمان

كل شيئ قسمة ونصيب

فا ردت امي وهي محرجة

وقالت..

ايوه فعلا...

كل شيئ قسمة ونصيب

وياريت متكونيش زعلانة يختي

فا ردت ام غراب

وقالت...

برغم ان كلامك نشف ريقي

لكن انا مش زعلانة

وطلبت من امي طلب اخير

وقالتلها..

هاتيلي كوباية مية يا ام العروسة

اللهي يسترك

فا خرجت امي من الاوضة

عشان تجبب المية

وفي اللحظة دي

قربت مني ام غراب

ولمست شعري

وقالتلي..

انا حبيتك..وبقيتي في غلاوة بنتي سحر

تعالي في حضني

واخدتني في حضنها فعلا

لكن...

اثناء ما كانت وخداني في حضنها

حسيت انها بتشد شعري

وبعد شوية...

بعدت عني بسرعة

اول ما شافت امي راجعة بالمية

وبعد ما ام غراب شربت شوية مية

وقفت تتمتم شوية

وبعدها ...

فضلت تتفتف وتبخ المية حواليا...

وبالرغم من ان امي انزعجت منها

ومن تصرفها الغريب ده

لكن..مسكت نفسها لغاية ما ام غراب مشيت

وفضلت امي بعدها ...

تسب وتلعن فيها ...وفي ابنها

انا طبعا ..في اليوم ده

كان راي من راي امي

وكنت شايفة ان غراب

شخص بشع

شكلا ...وموضوعا

وفعلا عمري ما كنت هوافق

علية..

حتي لو كان اخر عريس في الدنيا

لكن..

بعدما ام غراب دخلت بيتتا واخدتني في حضنها

نمت بعدها وصحيت

لقيت نفسي...

بتحايل علي امي

عشان ...

توافق علي جوازي من غراب

ومش كده وبس

لا ....دنا كمان هددتها باني هموت نفسي..

لو متجوزتش من غراب

فا اتدخل اخويا وهددني

باني لو جيبت سيرة جوازي من غراب تاني

هيحبسني في البيت ...

ويمنعني من اني اكمل تعليمي

فااضربت عن الطعام

وقلت مش هاكل ولا... اشرب

لغاية ما توافقوا علي غراب

والغريبة...

اني لا كنت بحبة...

ولا اعرفة حتي

عشان اتمسك بيه كده

لكن...كنت حاسة برغبة غير عادية

في الارتباط بغراب ...

وكاني بحبة و اعرفة من زمان

المهم...

وافقت امي اخيرا

بعدما خافت لاموت ...

ولا يجرالي حاجة

لكن..

في نفس الوقت ..

حاولت امي تضمنلي حقي زي كل البنات

وطلبت من العريس شبكة ومهر

و....و....

وطبعا وافق العريس

وجابلي الشبكة

اربع غوايش ..

وسلسلة ...وخاتم ذهب

وكتب علي نفسة قايمة كبيرة

لكن ..

كدب علينا اول كدبة

وقال..

اننا هنعيش مع امة مؤقتا

لغاية ما يبني بيتة الكبير

وينقل فيه

واقترح اننا نفرش اوضة نوم في بيت امة مؤقتا

وطبعا امي رفضت

لانها مكنتش ضمناه

ولا واثقة فيه

لكن...

انا عارضت امي وغصبت عليها توافق

وفعلا في الاخر وافقت

واكتفينا بانة...

يشتري اوضة نوم فقط

وفرشناها.. في شقة امة

ولما جه يوم الفرح

اختفي غراب يومها خالص

ومعرفناش راح فين

ولما امي سالت ام غراب عن ابنها

قالت لها...

ان عادتهم...وسلو بلدهم

بيقول..

ممنوع العريس يقعد مع العروسة في الكوشة ...نهائي

منعا للحسد

والعريس بييقابل العروسة لوحدهم

وهما.. في اوضتهم

في ليلة الدخلة ...

وفعلا..

استعديت ..ولبست الفستان الابيض

وفي ليلة الدخلة

وصلتني امي لغاية اوضة النوم

ولكن...لما دخلت الاوضة برضوا ملقتش غراب

فا قعدت استني العريس

وفي اثناء ما كنت بنتظر العريس

لقيت باب الاوضة بيتفتح

وشوفت ام غراب هي الي داخلة عليا....

ولقيتها جاية وجايبة معاها جركن مليان لبن

فا افتكرت انها جايبة اللبن نشربة انا والعريس

في اول ليلة للجواز

لكن..

اتفاجئت...ان ام غراب بتمد ايدها ليا

بالجركن الي فيه اللبن

وبتقولي..

يلا عشان تستحمي

فسالتها

وانا مستغربة

هستحمي باللبن؟

قالت ..ايوه احنا عندنا في العيلة...

لينا عاداتنا وطقوسنا الخاصة بينا

ومن اول الطقوس دي...

ان العروسة قبل ما تدخل علي عريسها

لازم تستحمي باللبن

عشان تحل البركة علي الجواز

فسالتها

قلت..

اول الطقوس؟

يعني لسة في طقوس تانية؟

قالت.... ايوه

في حاجة تانية

هبقي قولك عليها ...

بعدما تدخلي الحمام

وتستحمي بجركن اللبن

قلت...لبن في الحمام؟

مش حرام ندلق اللبن في الحمام؟

في اللحظة دي

ظغرتلي ام غراب بعينها ..

بدون ما ترد عليا

فا اترعبت منها ..

وقررت انفذ كل الي هتقولي علية

...

اصلي ...

خوفت من منظر عنيها

الي كان شكلهم مرعب ساعتها

المهم..

مشيت ادامها علي الحمام من سكات

و اخدت ام غراب جركن اللبن ... ودخلت ورايا الحمام

واول ما دخلتني الحمام

قالتلي...

اجهزي عشان تستحمي

فا قلعت هدومي

وفي اللحظة دي

لقيتها دلقت عليا جركن اللبن كلة

وفعلا....

استحميت باللبن

وكنت فاكرة اني هلبس هدومي بعدها ..

واخرج من الحمام

لكن...

اتفاجئت...

ان ام غراب خرجت وقفلت عليا باب الحمام من برة

وكمان فصلت النور

وقطعتة عن الحمام من عندها

ولما لقيت نفسي في الضلمة

اتفزعت ...وفضلت اصرخ

في الحمام

واقولها...

افتحي يا ام غراب

انا خايفة

انتي ليه حبستيني في الحمام؟

فا ردت عليا من ورا الباب

وقالتلي...

ما هي دي تاني حاجة..

في طقوس الجواز عندنا

قلت..مش فاهمة كلامك

ومش عايزة اكمل طقوسكم

انا عايزة اخرج من هنا

فا ردت ام غراب باخر كلام

..

وقالت..

لازم تنامي ليلة كاملة في الحمام

في الضلمة

والصبح ...

تفطري في الصباحية مع عريسك

فا رجعت اصرخ تاني ..

واخبط علي الباب

واقولها ....لا

انا مش هبات هنا

افتحي ..

انا عايزة اخرج

لكن.....

لاحظت ان..

ام غراب صوتها اختفي

فا فهمت انها هتسيبني كده للصبح فعلا

فا فضلت اصرخ ...

وانا مفزوعة

لغاية ما......؟

الفصل الثاني من هنا

لقراءه باقي الفصول من هنا

٢-حماتي طلبت مني اني اقلع عشان استحمي .. فا قلعت

لكن بعد كده لقيتها بتطلب مني اني استحمي باللبن

في الاول رفضت لكن ...رجعت قولت يابت نفذيلها الي هي عايزاه

وفعلا استحميت باللبن

لكن المصيبة اني وانا بستحمي لقيت.....

استنوا هكملكم الحكاية

بس الاول هبدء من لخظة ما وقفت

الجزء الثاني

سلاسل ام غراب

بعدما حبستني ام غراب

في ليلة دخلتي...

( في الحمام)

حسيت ساعتها اني هموت م الرعب

لاني كنت محبوسة في الضلمة

والي زود من هلعي..

اني بدات اشوف شيئ علي ارض الحمام

والشيئ ده...

كان بيشبة بركة المية

اينعم الدنيا كانت ضلمة

لكن...

كنت شايفة بركة من المية

في الارض متحددة ادامي

وبعدها..

بدات البركة تاخد شكل دوامة

وبدات الدوامة تلف

وانا بقيت ابص للدوامة وانا مرعوبة ...

وكنت عايزة اجري ...

وابعد عنها

لكن ..

كنت حاسة ان رجليا مربوطة بسلاسل

والدوامة بتشدني ناحيتها

ومكنش في امل

اني اهرب من الدوامة

وفضلت متسمرة مكاني..

وانا مثبتة عنيا علي الدوامة

الي شوية اشوف فيها (مية)..

وشوية اشوف فيها (دم)

لغاية ما شعرت بدوار في راسي

وغيبت عن الوعي تماما

ومفوقتش غير...

تاني يوم ...الصبح

علي ايد ام غراب

وهي بتصحيني

وبتقولي..

صباحية مباركة يا عروسة

فا فتحت عنيا..

وفضلت اتلفت حواليا...

وانا مرعوبة

وبعدين عيطت

لما افتكرت الي حصلي امبارح

و سالتها...

قلت..

اية الي حصل امبارح ده؟

وازاي....؟

وقبل ما اكمل.. كلامي

لقيتها شدتني ناحيتها بقوة

وقالتلي... بلهجة تحذير

اياكي تجيبي سيرة الي حصل امبارح قصاد حد

وخصوصا .. اهلك

ولا حتي تفكري في الي حصل

بينك وبين نفسك تاني

سامعة ولا لا؟

فا هزيت راسي وانا ببصلها

وقلت.. ايوه سامعة

حاضر ..

مش هقول لحد

فا سابتني ام غراب

في الحمام ..

وخرجت وهي بتمتم..

بكلمات مش مفهومة

وانا روحت علي الحوض عشان اغسل وشي

وفي اللحظة دي

بصيت في المراية

لقيتني اتغيرت تماما

وشوفت واحدة...

غيري خالص

واحدة بقت تبص حواليها ...

وهي خايفة من كل حاجة

و كأنها مريضة ذهنيا...

واحدة ضعيفة... وخايفة

.واحدة اتطفت...

واختفت ابتسامتها

واحدة...مبقاش عندها امل

في بكره

ولا امل في الحياة من الاساس

وللاسف..

الوحدة دي دلوقتي

بقت مسلوبة الارادة

ومش قادرة حتي تهرب

لانها حاسة ان في حاجة مسلسلاها

ورفضت اصدق..

ان الي في المراية دي ..

تبقي انا

وفضلت اعيط...

واسال نفسي

واقول..

انا ايه الي جرالي؟

وفي اللحظة دي

شكيت ان ام غراب تكون

السبب

في الي انا فيه ده

ايوه ..هي السبب

بدليل ..انها كانت قاصدة تحبسني في الحمام

اكيد الست دي عملتلي حاجة

خلتني كدة

بس ايه هي؟ ...

مش عارفة...

وازاي اهرب من الي صابني ده؟

برضوا مش عارفة

انا بقيت اسيرة شيئ خفي

حاسة انه رابطني

ومش قادرة اهرب منه ولا اخالف اوامرة..

والمصيبة انه ربطني بجوزي

المجرم

و مكنتش اقدر ابعد عن غراب مهما عمل فيا...

المهم..نرجع لليلة الدخلة

بعدما غسلت وشي

خرجت من الحمام

واول ما ام الغراب شافتني

نادت علي ابنها

وقالت..

تعالي يا عريس

عشان تفطر مع عروستك

وبعدها..

سابتنا... وخرجت

بعدما قفلت علينا باب اوضتنا

وفعلا ...

قعد غراب معابا في الاوضة لاول مرة

وبدل ما يبتسم في وشي

ويقولي مبروك

لقيتة سحب صينينة الاكل

وفضل ياكل بطريقة مقرفة

وكانة عمرة ما اكل مع بني ادمين قبل كده

فا فضلت اتابعة

وانا قرفانة من طريقة اكلة

ولما اخد بالة اني

ببصلة بتقزز

ساب الاكل وانتبه ليا

وقالي..تعالي

قلت..نعم؟

فا مسح بوقة في هدومة

زي اسماعيل يس

ما كان بيعمل في افلامة

وكرر العريس طلبة تاني

وقالي..

بقولك تعالي قربي جنبي هنا

فا قربت منه وانا خايفة..

وبقيت بقدم رجل واخر رجل

زي الطفل الي رايح يتعاقب

المهم..

بعد ما قعدت جنبة

لقيتة بيمد ايدة علي رقبتي

وبيقولي..اقلعي

فا بعدت عنة بسرعة

لاني...

شعرت بغثيان لمجرد اني شميت ريحتة

فا قلتلة..

..هقلع ...؟؟

حاضر..

بس...لو سمحت ..

اديني فرصة ...

او...شوية وقت

لما اخد عليك في الاول

وفي اللحظة دي

قرب غراب مني

وكان تقريبا بدء يهجم عليا

ولقيتة قرب من رقبتي تاني

بس المرة دي

مسك السلسلة الي في رقبتي

وقالي..

هو انا... لو عايز اخد حقي الشرعي منك

هستاذنك؟....واقولك اقلعي؟

لا يا حلوة...

انتي خلاص بقيتي من ممتلكاتي

يعني زيك زي البهيمة الي في الزريبة

اي وقت عايزك هتكوني تحت امري

فاهمة ولا لا؟

قلت..فاهمة

ومش قصدي حاجة

بس.....

انت من شوية قلت اقلعي؟

قال...ايوه

انا لما قولتلك اقلعي..

كان قصدي علي الدهب

يعني اقلعي السلسلة الي في رقبتك

والغوايش ... والخاتم

الي في ايدك

قلت.. دي شبكتي

عايز شبكتي تعمل بيها ايه؟

قال..اولا دي مش شبكتك

ده الدهب بتاع امي

وانا اخدتة منها

عشان افك ازمة مع الست امك ...

لما طلبت مني شبكة

لكن...دلوقتي خلاص

معدش له لازمة في ايدك

وبصراحة بقي

امي عايزة الدهب بتاعها

قلت.. لا

انا لايمكن.......؟

وقبل ما ابدء اعترض علي سرقة شبكتي

لقيت غراب مسكني من رقبتي

وقالي...

كلمة ...لا ...ممنوعة هنا

يعني مش عايز اسمعها هنا ابدا

مفهوم؟

فا هزيت راسي

وانا بقلع الشبكة

وقلت..مفهوم

وفعلا

قلعت شبكتي وسمعت الكلام

ومن يومها..

وانا بنفذ كل الي كانوا بيطلبوه مني ....

بدون تفكير

وبدون اعتراض

لدرجة ...

انهم طلبوا مني اني ابعد عن امي واخويا ..

واقطع صلتي بيهم..

وانا طاوعتهم

و طردت امي ...

واخويا

في اخر زيارة ليهم عندي

ومن يومها وهما قاطعوني

وكنت بسمع اخبارهم من بره

زي الناس الغريبة

المهم...

فضلت عايشة مع شخص

لا بحبة... ولا بطيقة....

وفي نفس الوقت ...

مقدرش ابعد عنة

طول النهار اشتغل في البيت

زي الطور

الي مربوط في ساقية

وباليل .. استعد للتعذييب

واروح اسلم (جثتي ) لغراب

يفعل فيها كيفما شاء

وكتير كنت بشعر...

في اللحظات المؤالمة دي...

ان في حد معايا غير غراب

او يمكن غراب ساعتها ملامحة كانت بتتغير

وصوتة كمان كان بيتغير..

وكنت بحس اني خايفة جدا

وابقي عايزة اهرب

لكن...

كنت ببقي مسلوبة الارادة

ومش قادرة اعمل حاجة غير اني اعيط...

البكاء فقط هو الحاجة الوحيدة الي كنت بعملها

وعزائي الوحيد كان بنتي

(رباب)

المهم..

مرت السنين

علي المرار ده

وانا عايشة مع شخص مجرم..

بيسرق وينصب..

وياكلنا من حرام

وامة كانت ممرطاني

ما بين الخدمة في البيت

وبين

سحب النسوان

الي عايزين يعملوا الاعمال

لجل ماتاخد منهم فلوسهم..

في مقابل انها تخربلهم بيوت

ناس تانية

وفضلت علي الوضع ده

حتي بعدما ما خلفت

بنتي رباب

واستمر الحال علي كده

لغاية ..

ما جت الطوبة في المعطوبة

فا في يوم...

غراب راح يسرق شخص بالاكراة

ولما الشخص ده

حاول يدافع عن نفسة

قام غراب اتهور و قتلة

واكتشف غراب بعدها...

ان الراجل الي هو قتلة ده

يبقي رجل شرطة

فا هرب غراب

واختفي عن العيون

لانة كان عارف ان الدنيا هتتقلب

بسبب قتلة لرجل الشرطة

وبقي نادر لما ينزل من البيت

لكن..

قلة شغلة..

خلت الفلوس تنشف في ايدة

وغراب مكنش يقدر يقعد من غير فلوس

عشان يقدر يشتري المخد&رات..

الي هو متعود عليها

فا قرر انه يشغلني انا...

ويكسب من ورايا

ونوعية الشغلانة بتاعتي

حددتها ام غراب..

لما لاحظت ...

اني جميلة.... و كل

الي بيشوفني ...بيعجب بيا

فا اخدتني من ايدي...

وروحنا لواحدة اسمها

(دندوشة)...

ودي واحدة ...

كانت بتسرح النسوان..

في المشي البطال

واتفقت ام غراب مع دندوشة

ان دي... هتبقي شغلتي

وفعلا اشتغلت ..

والمفاجئة ...

اني اكتشفت...

ان سحر اخت جوزي المطلقة

بتشتغل مع دندوشة برضوا

في نفس الشغلانة

وبتروح لنفس الزباين الي انا بروحلهم

المهم...

كل يوم

كان غراب يوصلني لدندوشة ...

وهي تاخدني...

توديني لزبون جديد

وطبعا ...لااخويا ...ولا امي

كانوا يعرفوا حاجة...

عن الشغلانة دي

المهم..

بعد فترة

سمعت ان اخويا عادل اتخرج ...وبقي دكتور

وبعدها ..

سمعت انة اتجوز

دكتورة زية ...

و بنت ناس طيبين

وبرضوا مكنتش اقدر اقرب من اخويا..

ولا اقولة مبروك

وبعد جوازة بعشر شهور..

سمعت بان اخويا

خلف بنت... وولد

تؤام

وكان نفسي اباركلة ...

و اعرف اولادة شكلهم ايه؟

لكن...

برضوا مقدرتش اروحلة

وللاسف

امي ...واخويا..كانوا فاهمين

اني.. جاحدة..وقلبي قاسي

لكن..

انا كنت مظلومة

لان ...

دي مكنتش الحقيقة طبعا

المهم ...

فضلت صابرة علي الظلم ده

وانا عايشة اسيرة لام غراب وابنها...

وبنتها سحر..

الي جت تعيش معانا بعدما اتطلقت

لغاية ما في يوم..

تعبت وانا في السوق

ووقعت في الشارع ...

واغمي عليا

ولما الخبر وصل لاخويا

جه عندي البيت

عشان يطمن عليا

وساعتها ...سحر اخت جوزي شافت عادل اخويا

وانبهرت بوسامتة ...ومركزة..

ووجاهتة

ومن يومها

معاملتها ليا اتغيرت

ومعاملتهم كلهم لاهلي اتغيرت

و مرة واحدة ...

بقوا يسمحولي اروح ازور امي... واخويا

وطبعا مش لوحدي

لا...دا ...

سحر اخت جوزي رجلها كانت علي رجلي

وسحر كانت جريئة اوي

لدرجة اننا لما كنا بنزور بيت امي

كانت.. بتتعمد تدخل الشاي لاخويا ..في اوضتة

وقت ما زوجتة بتكون في شغلها..

بدون ما حد ياذنلها...

وفي يوم...

طلبت سحر انها تدخل المطبخ

و تعمل الشاي بنفسها

وكانت هي كوباية الشاي..

الي اخويا شربها

ومن يومها والحال اتقلب

لاني بعدها...

كنت بلاحظ انهم بيقفوا يتكلموا مع بعض كتير

ولما كنت اسالها

واقولها ..

كنتوا بتتكلموا في ايه

تقولي..

كنت بسالة في استشارة طبية

ده غير انها كانت بتروحلة العيادة

بسبب وبدون سبب

ولما لاحظت انها...

بتحاول تلفت نظر عادل

ليها بكل الوسائل

عاتبتها..

لاني كنت رافضة

ان سحر تقرب من اخويا

لانها انسانة ساقطة

وليها علاقات كتير برجالة غيرة

بس انا طبعا

مكنش ينفع اقول..

المعلومات دي لاخويا

ولا كان ينفع احذرة منها ..

احسن يسالني

ويقولي.. عرفتي منين؟

وقلت لنفسي..

مش معقول عادل يبص لسحر

اخويا عاقل

ولما كانت سحر بتحاول

تلفت نظرة

كنت بضحك علي خيبتها في قرارة نفسي

واقول..

انتي فين يا سحر ؟ ...

واخويا فين؟

اصل سحر جاهلة ... وبيئة ...

واخويا عادل .. بيكره امها واخوها..

يعني استحالة يفكر فيها

وخصوصا..

ان ا اخويا دكتور...

و متجوز دكتورة زية ...

ومراتة محترمة وجميلة ..ومتعلمة

...ومثقفة...وبنت ناس

انما بقي سحر اخت غراب

فا عكسها تماما

ده كفاية..

انها سقطت الحمل

الي كان في بطنها ...

اكتر من مرة

ده غير...سمعتها السيئة

لا..لا...لا... استحالة اخويا يبصلها

عشان كده كنت مطمنة

وبسيبها تدخل بيت امي... واخويا ..

وتخرج منة

زي ما هي عايزة

وانا عارفة ...ومتاكدة

ان كلها يوم ...

ولا يومين

وعادل اخويا

هيكسفها..

ومش بعيد يطردها من البيت ...والعيادة كمان

وانتظرت ان ده يحصل فعلا

لكن ..

اتفاجئت..

ان امي بتشتكي من عادل اخويا

وبتقولي...

اخوكي

اهمل شغلة ..

وديما يتخانق مع زوجتة الجميلة ...

حتي عيالة مش طايقهم

ولا طايق يقعد معانا في البيت

فا فهمت ان سحر اخت جوزي هي السبب

فا استغليت فرصة ان...

عادل كان معزوم عند حماتي

زي كل يوم

وقررت اتكلم معاه

لكن...رجعت فكرت تاني

وقلت احاول احذر سحر الاول

يمكن تفكها منه

وفعلا

روحت لسحر

وهددتها

وقلتلها..

لو مبعدتيش عن اخويا

هقولة علي حقيقتك

وعلي الحمل الي نزلتية من بطنك...اكتر من مرة

وهقولة كمان..

ان محدش يعرف الحمل من مين

فا ردت سحر ببجاحة

وقالتلي..

اعملي الي انتي عايزاه

وبعدين

هو حد ضرب اخوكي علي ايدة؟

اخوكي بيحبني...

و هو الي بيجري ورايا

ياشاطرة

واهو عندك اسالية

ولو قدرتي تقنعية انه يحل عني

تبقي عملتي خير

لما شوفت الثقة الي سحر بتتكلم بيها...

فهمت في اللحظة دي

انهم اشتغلوا لاخويا في الاعمال

وخوفت علي اخويا

لا يحصلة ..

الي حصلي

فا انتهزت اول فرصة

ولما جه عندنا البيت

اخدتة في اوضتي

واتكلمت معاه

وبدات في التلميح لاخويا

بان سحر انسانة زبالة

و اخر واحدة

تنفع للجواز

لكن..

قبل ما اكمل

لقيت عادل بيوقفني

وبيفاجئني

وبيقولي..

كفاية تجريح يا عفاف

ميصحش تتكلمي كده علي مراة اخوكي

قلت..مراة اخويا؟

هو انت......؟

قال...ايوه

احنا كتبنا الكتاب امبارح

وانا عارف ان امك اتكلمت معاكي

واشتكتلك..

واكيد انتي متحاملة علي سحر عشان كده

لكن انا مش هسمحلك تتكلمي عن سحر كده تاني

في اللخظة دي

عرفت ان اخويا راح

زي منا روحت

ومن يوم ما ام غراب سحرتلة

واخويا اتبدل حالة

ومش بيشوف ولا بيسمع حد غيرهم

لانهم طبعا سلسلوه زي ما سلسلوني

ومن يومها...

وانا بدور علي طريقة

تنجي اخويا ..

من المصيبة الي وقع فيها

ودي كانت حكايتي

الي كنت بسردهلكم اثناء الطريق

وانا دلوقتي ..

نزلت من التوكوك

ورايحة علي العنوان الي اخدتة من دندوشة

والعنوان ل..

واحد من الزباين الي سحر

اخت جوزي

كانت بتتعامل معاه

كتير قبل كده

لكن...بصراحة هو كان جديد بالنسبالي

واول مره اروحلة

وانا النهاردة قررت استغل معرفة الزبون ده بسحر

واخلية يخرب عليها

هي واخويا

عشان تسيب اخويا في حالة

وفعلا..

روحت علي الشقة الفخمة الي فيها الزبون

ورنيت الجرس

فا اتفتح الباب

واتفاجئت ادامي ب.....؟

الفصل الثالث من هنا

لقراءه باقي الفصول من هنا

دا الطلب الوحيد الي طلبة مني الزبون ...

بمجرد ما شافني ادامة

وساعتها انا كمان كنت . ...

ثواني هقولكم موضوع الحضن دا بالتفصيل

بس الاول

هكملكم من لحظة ما وقفنا بالاحداث

من روايه سلاسل ام غراب

الجزء الثالث

......

بعدما وصلت لبيت الزبون..

ورنيت الجرس

شوية ...

واتفتح الباب

وفي اللحظة دي

اتفاجئت ادامي بشاب

كنت اول مرة اشوفة

فا حاولت اعرفة بنفسي

فاقلت..

انا الي جاية من طرف دندوشة

فا ابتسم الشاب الوسيم

وقالي..(حضن)

فا استغربت لسرعتة دي

وخصوصا..

انها كانت اول مره يشوفني فيها

فا قلت..

في ايه يا عم انت ما تهدي

انا لسة مخدتش نفسي

متسربع علي ايه

فا حاول يصحح سؤ الفهم

وقالي..لالالا..

انا حضن

اسمي كدة

انا ...اسمي حضن

قلت..اية ده ؟

هو فيه حد اسمة كدة؟

وبدل ما يرد علي سؤالي

لقيتة..بيمد كف ايدة ناحيتي

وكنت فكراه عايز يسلم عليا

لكن...

لما بصيت في كف ايدة

اتفاجئت..

بان جوا كف ايدة( نار)

فا اتلجمت من المنظر

ومعرفش لية ..

اول ما شوفت المنظر

لقيت نفسي وقعت علي الارض...

ولما جيت اقوم تاني

لقيت نفسي

بنهج... و بصب عرق

وكنت حاسة اني واقفة ادام ساحر

فا قلت لنفسي

يظهر ان المفاجئة ..و الخضة

هما السبب ...

في الحالة ..

الي حصلتلي دي

المهم..

لما الشاب ( حضن) شافني في الحالة دي

طفي النار الي في كف ايده

وقرب مني

وقالي..

متخافيش يا عفاف قومي

فا سالتة

وقلت..

انتي عرفت ازاي اني انا اسمي عفاف؟

فا ابتسم

وقالي..

لية؟

هي دندوشة

مش بتقول علي اسمك

للزباين ؟

فا اتدايقت اكتر

وفكرت بيني وبين نفسي

وقلت..

يا لهوي... الزبون عرف اسمي

ازاي دندوشة

تقول

اسمي الحقيقي للزبون؟

وفي اللحظة دي

لقيتة بيرد عليا

وبيقولي..

متزعليش من دندوشة

اصل انا..

مش زي اي زبون

فا فكرت بيني... وبين نفسي تاني

وقلت ..

مش مشكلة

انا اصلا همشي

ومش هيشوفني تاني

فا سمعتة بيرد عليا..

وكأنة سمعني

وقالي..

لا ...متفكريش انك تمشي

عشان.. عايزك

فا اتعجبت من الزبون الغريب..

الي بيقراء افكاري ده

وبعدها..

بصتلة بتعجب

وسالتة

قلت.. نعم؟

عايزني في ايه ؟

قال..عايزك

في الشغل الي انتي جاية عشانة

وشاورلي بايدة علي الاوضة

وقالي..

اتفضلي علي الاوضة ..

عشان نبدء الشغل

في اللحظة دي

حسيت اني اتاخدت ...

وقلبي اتقبض

ولقيتني برجع للخلف

وقلتلة..

انا مش هدخل معاك..

ولا هشتغل تاني خلاص

فا ابتسم

ورد ببساطة

وقالي..خلاص بلاش ندخل جوه

خلينا هنا في الصالون

فا قلت..لا ...

هو انت مسمعتنيش ولا ايه؟

بقولك انا خلاص....

مش هشتغل...

انا عايزة امشي

في اللخظة دي

قعد الزبون علي الكرسي

ولقيتة بيشاورلي بايدة عشان اقعد انا كمان

وقالي...

اقعدي يا عفاف يا بنت زينب

في اللحظة دي

رجعت استغرب تاني

وقلتلة..انت عارف اسم امي كمان؟

قال..طبعا

انا حضن

يعني مش غريب عنك

احنا عشرة سنين..

وطبيعي اني اعرف كل حاجة عنك

قلت..حضن ؟

وعشرة سنين ازاي؟

وبعدما فكرت شوية

قلتلة..

اه ...؟ اهلا...

يظهر انك جهزت نفسك للسهرة وبلبعت لك حبيتين ؟

فا ابتسم الزبون تاني

وقالي..

لا ...انا فايق...

ومش مغيب عن الوعي

ولا حاجة

بس هي دي الحقيقة

(احنا فعلا بقي بينا عشرة طويلة)

وانا واثق انك هتفضلي مع حضن علي طول

بعد ما سمعت كلامة ..

اتاكدت انه بيخرف باي كلام

فا اخدتة علي اد عقلة

وقلتلة....

ايوه انت عندك حق؟

احنا فعلا فيه بينا عشرة طويلة

وهتستمر باذن الله

بس دلوقتي ..لازم امشي

سلام عليكم

واثناء ما كنت بستعد اني امشي

سمعتة بيقولي..

اقعدي يا عفاف وطاوعيني

انا الوحيد الي

اقدر اساعدك

واخلصك من جحيم...

غراب... وامة

في اللحظة دي

انتبهت لكلامة..

وعرفت انه مش مسطول

ولا بيخرف..

ده شخص عارف عني معلومات كتير

عارف..

اسمي... واسم امي.. و اسم

غراب... وامة ..

وعارف اني بعاني معاهم كمان

فا وقفت

وقلتلة..

اسمع يا اسمك ايه

واضح انك سالت عني...

وعرفت عني شوية معلومات

وواضح برضوا

انك لما لقيتني رافضة اقضي معاك السهرة

فا قلت تهددني با انك عارف اهلي...وممكن تفضحني

عشان ارجع في كلامي

لكن..

لو فاكر اني هخاف و هرجع في كلامي

وهتضطر اقضي الليلة معاك..

تبقي غلطان

انا همشي ودلوقتي حالا

وفي اللحظة دي

لقيتة بيتكلم بصيغة امر

وشخط فيا

وقالي

قولتلك اقعدي

واسمعيني بدون جدال

بدل ما استعمل معاكي العنف

فا خوفت منة

و قعدت... لما اشوف اخرتها ايه معاه

وبعدما قعدت

لقيتة بيقولي...

انا هحكيلك حكاية

بس عايزك تسمعي الي هقولة... وتفهمية

وياريت متقاطعيش كلامي..

لغاية...

ما انتهي من حكايتي

وبعدها..

اوعدك اني مش هلمسك

وهسيبك تروحي لحالك كمان

قلت..ماشي

فا بدء في حكايتة

وقال..

انا... اعرف واحدة ست

قلبها مليان بالشر..

ومحترفة في السحر ..والاعمال

الست دي..

خضعت لقوانين الجن ..

لدرجة ..

انها كفرت بالله

واتحالفت مع الشياطين

عشان توصل لاغراضها

وبسببها اتاذي ناس كتير

وطبعا الست دي مكنتش لوحدها

دي كان معاها ابنها ...

وبنتها..

الي مكنوش يتخيروا عنها

وقلوبهم كانت مليانة بالشر

وفي يوم

(ابن) الست دي..

عجبتة بنت جميلة و طيبة

ولما راح يتقدم للعروسة الطيبة

اهلها رفضوة

فا ام العريس

اتصرفت..بطريقتها

وعملت للبنت ( عمل سفلي)..

وسلسلتها بالسحر

ومش كده وبس

دي عملت كمان لشقيق العروسة

(عمل)

ودمرت له حياتة بالسحر

في اللحظة دي

فهمت ان الشخص الي اسمة حضن

بيحكي حكايتي انا

و بيتكلم عليا انا واخويا

فا سالتة

وقلت..

العروسة دي تبقي انا؟.....

صح؟

فا رد حضن بغضب

وقالي..

قولتلك متقاطعنيش

قلت..اسفة..

كمل ارجوك

فقال..

ايوه فعلا

انتي كنتي العروسة

والكلام علي (ام غراب)

الي استعانت بالجن وعملتلك سحر (يوم دخلتك)

ومن ليلة الدخلة

وام غراب كانت عارفة..

انك هتبقي زوجة

لاتنين

وهنا..

وقفتة عن السرد

وسالتة

وانا مزهولة

وقلت..

زوجة لاتنين ازاي؟

قال..

من شروط السحر السفلي

ان الجن الي ساعد في سحرها..

هو الي يدخل بالعروسة

وفعلا..تمت دخلتك علي الجن في الحمام

وتاني يوم

تمت دخلتك علي غراب

ومن يومها وانتي متسلسلة

وعايشة مع زوجين

واحد عايش معاكي ادام الناس...

والتاني متجوزك برضوا

لكن..

عايش تحت الارض

بس الفرق بينهم

هو..

ان زوجك الي تحت الارض

بيغير عليكي جدا

و رافض ان غراب يشاركة فيكي...

انما غراب بيطلب منك تمشي في الحرام

وبيوصلك للزباين بنفسة كل ليلة

عشان كدة

زوجك الي تحت الارض قرر ينقذك

ويخلصك من غراب... وامة

في اللحظة دي

ا رتبت في الشخص الي بيحكي الحكاية

وسالتة

قلت...استني هنا

انت عرفت منين الكلام ده كلة؟

فا بصلي اوي

وفي الاخر...

مد ايده ليا

بحاجة اشبة بورقة شجر

كان مكتوب عليها كلام

ولما قرات الكلام

لقيت مكتوب

التالي...

زوج عفاف الي بين الناس

اسمة غراب

وزوجها الي تحت الارض

اسمة (حضن)

قلت..ايه الهبل ده؟

انت متخيل اني هصدق

كلمة واحدة ..

من الهري الي انت قلتة ده ؟

فا رد عليا

وقالي..

انا عارفة انها حاجة صعبة

وغرببة

ومش بالسهل انك تصدقيها

لكن..

اطلبي اي دليل

وانا معاكي وهثبتلك

قلت..

قبل الدليل وقبل اي حاجة

عايزة اعرف

فين الزبون ؟

وفين اصحاب الشقة دي

قال..

عزمت عليهم... ونيمتهم كلهم

عشان اعرف اقابلك لوحدنا

قلت..طيب وازاي هتثبتلي صحة كلامك الغريب ده؟

قال...

انا هثبتلك باكتر من دليل

اولا ..

انا فكيت السحر عن اخوكي

وهتروحي دلوقتي

هتلاقية

شفي تماما ...

وطلق مراتة سحر...

وحياتة اتظبطت

وثاني دليل

هو اني هنقذك انتي كمان

قلت..انت بتتكلم جد؟

اقصد يعني اخويا فعلا طلق سحر ؟

ومشكلتة خلاص اتحلت؟

قال..ايوه..

ده الي حصل فعلا

ومد ايده بزجاجة صغيرة

وقالي..

وانتي كمان

السحر الي مسلسلك هيتفك

بمجرد ما ام غراب وابنها يشربوا من المية دي

فا اخدت منه الزجاجة

وقلت..

انا مش مصدقة الكلام الي بسمعة ده

قال..حضن ميكدبش

روحي وشوفي اخوكي بنفسك

وانتي هتتاكد بانة نجي من علتة

وام غراب وابنها كذلك

بمجرد ما هتحطيلهم نقطتين من الزجاجة دي

هتلاقي السحر اتكشف عنك انتي كمان

قلت..طيب مهو لما السحر يتفك عني

هتحرر منك انت كمان؟

قال..مش مهم

المهم عندي...

ان غراب ميتحكمش فيكي

هو وامة..

ولا تبيعي جسمك لحد تاني

قلت..لو الي انت بتقولة ده حقيقى فعلا؟

دنتا تبقي اجمل حضن في الدنيا

فسالني

وقالي..توعديني لو اتاكدتي

من كلامي

مش هتسيبي حضن ابدا؟

قلت..اوعدك لو طلعت صادق معايا

عمري ما هفرط فيك ابدا

فا ابتسم حضن بفرحة

وقالي...طيب ومستنية ايه؟

ما تروحي تتاكدي بنفسك؟

وكنت همشي فعلا

لكن..

حضن وقفني

وقالي..

استني لما تسمعي

ثالث دليل

قلت...قول

قال...

لو وقعتي في اي ازمة...

او مشكلة..

او حسيتي بخطر

وقولتي...( حضن)

هتلاقيني جنبك في الحال

وهحللك المشكلة فورا

مهما كانت ايه

فا هزيت راسي

وقلت..

والله شكلك بتحور عليا

لكن..هجرب ..

ومش هخسر حاجة

وفعلا..

سيبت حضن في الشقة ...

ورجعت علي بيت امي

واتفاجئت انها...

واقفة في المطبخ بتعمل

رز باللبن

و متحزمة وبترقص من الفرحة

فسالتها..

قلت..في ايه يا ماما؟

قالتلي..زغرطي يا عفاف

اخوكي ربنا هداه وعقل

وطلق سحر..

ورجع لمراتة كمان

قلت..ده بجد؟

قالت..ايوه بجد

تعالي بسرعة ساعديني

عشان نفرق الرز باللبن

قلت..ده وقت رز باللبن؟

قالت انا كنت نادرة

لو...طلقها...

وغارت في داهية

هفرق رز بالبن

قلت..حاضر يا مامت

هاجي ساعدك

بس الاول هروح اعمل حاجة مهمة

عشان ...

يمكن نفرق شربات

كمان

وقبل ما امشي

سالتها عن رباب بنتي

ردت امي

وقالتلي..

رباب نايمة جوه

قلت..طيب خليها بايتة عندك الليلة

وبسرعة نزلت جيبت علبتين عصير

بالطعم الي بتحبة ام غراب

وجيبت سرنجة ...

ملتها بالمية الي

اعطهالي (حضن)

وحقنت بيها علب العصير

و رجعت علي بيت ام غراب

وانا حاطة علب العصير

في كيس بلاستيك ابيض شفاف

ولما دخلت بيه البيت

شافتني ام غراب وانا ماسكة الكيس

فسالتني

وقالتلي..

ايه الكيس الي في ايدك ده؟

قلت..دول علبتين عصير

جايباهم ليا انا ورباب بنتي

فا غضبت ام غراب كا العادة

وقالتلي..

يعني جايبة عصير ليكي انتي وبنتك ؟

وانا وابني لا؟

طيب والله منتي ديقاه

واخدت مني الكيس الي فيه العصير

وخرجت منه علبة ...

ورشقت فيها الشفاطة

وفضلت تشرب من العلبة

ومنزلتهاش من علي بوقها

غير لما خلصتها لاخر نقطة

وفي اللحظة دي

فضلت واقفة منتظرة اشوف الي هيحصلي بعدها

لما السحر يتفك من عليا

وفضلت اسال نفسي

ياتري هفضل انتفض... واتشنج

زي ما بشوف في الافلام ؟

ولا ايه الي هيحصلي؟

وبعدما فات كام دقيقة

من الانتظار

حصل بعدها...

صوت هبده جامدة

لكن...

الهبدة والصوت الجامد

الي حصل

مكنش عندي

دي كانت ام غراب

اصلي لما بصيت عليها لقيتها

وقعت علي الارض

بعدما شربت العصير

ولما حطيت ودني علي صدرها

لقيتها

قطعت النفس تماما

فا فضلت الطم

واقول..يلهوي

هي المية الي انا حطتها في العصير ..

كان فيها سم ولا ايه؟

ولقيت نفسي

بلطم واقول..

يكونش حضن ده شخص مجرم؟

وكان بيستدرجني عشان اقتلة ام غراب.

ينهار مش فايت؟

ورجعت اقول..

لا..لا.. لا

(حضن) عفريت

ومش بيكدب

لانة فك السحر عن عادل اخويا فعلا

ورجعت ابص لجثة ام غراب

واقول..

طيب وبعدين؟ هعمل ايه؟

وافتكرت كلام حضن

لما قالي..

علي الدليل الثالث

لو قعت في مشكلة انادي

واقول...(حضن)

وفعلا..وقفت انادي

بعلو صوتي

واقول....حضن...حضن...حضن

وفضلت انتظر لغاية ما..........؟

الفصل الرابع من هنا

لقراءه باقي الفصول من هنا

اخد حضن وانزل معاه تحت؟

ولا اخد غراب وافضل معاه فوق؟

طبعا انتوا مش فاهمين

انا بقول ايه؟

لحظة هفهمكم كل حاجة

بس لازم الاول نرجع للاحداث من لحظة ما وقفنا

الجزء الرابع

سلاسل ام غراب

........

بعدما سمعت كلام العفريت (حضن)

وحطيت لام غراب

المية في العصير

شربت ام غراب العصير

فعلا

بس الغريبة

ان ساعتها...

انا محصليش اي حاجة

والي وقعت في الارض هي..

ام غراب

ومش وقعت بس

لا دي قطعت النفس كمان

فا اترعبت ..

لاني شكيت في لحظتها..

ان حضن ..

يكون شخص مجرم

كان عايز يقتل ام غراب...

واستخدمني انا كا وسيلة للهدف ده

وفضلت واقفة

مش عارفة اعمل ايه؟

وافتكرت لما العفريت حضن

قالي...

نادي عليا..

لو وقعتي في مشكلة

فا وقفت انادي

واقول..

حضن...حضن..حضن

لكن..حضن مكنش له اي اثر

واتاكدت ساعتها ان حضن نصاب فعلا

وقعني في المحظور... وهرب

طيب هعمل اية دلوقتي؟

دي جثة ام غراب ...

مرمية في الصالة

ولو اي حد من ولادها دخل هيشوفها؟

وساعتها انا هيتقبض عليا

وهروح في ستين داهية

ده لو ولادها مقتلونيش قبل ما يتقبض عليا اصلا؟

كل الافكار المرعبة دي

خلتني مش عارفة افكر

فا قلت لنفسي

احسن حل

هو اني اجرجر جثة ام غراب علي الارض

لغاية ما ادخلها لاوضتها

واروح بعدها اهرب عند امي

ولو جه حد من ولادها..

واكتشف موتها..

هيفهم انها ماتت وهي نايمة

وتبان موتة طبيعية

زي اي حد ما بيموت

وفعلا..

مسكت الجثة من هدومها..

وفضلت اجرجر فيها

لغاية ما نيمتها علي سريرها

فضلت قاعدة ادام الجثة لاكتر من عشر دقايق

مش بعمل حاجة

غير اني متنحة ومش مستوعبة الي بيحصل

وبعدما فوقت لنفسي

فضلت الطم

واقول..

يلهوي...

انا ايه الي انا نيلتة ده؟

منك لله يا حضن

وفي اللحظة دي

افتكرت حضن

وقلت اجرب انادي عليه تاني

قبل ما اروح لامي

يمكن ..

يطلع في عفربت اسمة

حضن بجد...

وينقذني

وفعلا خرجت من الاوضة

وطلعت علي الصالة

وانا بنادي عليه

و اقول..

حضن..حضن...

وقبل ما اكرر النداء

اتفاجئت بغراب جوزي

قاعد في الصالة

وفي ايدة علبة العصير التانبة

وكنت هصرخ

واقولة ..لا

بلاش العصير

ومتشربش من العلبة دي

لكن ..

خوفت لا يسالني عن السبب

فا سكت

ولقيتة هو الي

بيسالني

وبيقولي..

انتي كنتي بتقولي حضن؟

فا ارتبكت من سؤالة

وقلت

ايوه....اقصد لا....

وغيرت الكلام

وانا بحاول اخد منه علبة العصير

قبل ما يشربها

وقلت..

هات علبة العصير دي

عشان انا جايباها لبنتك مش ليك

فا تجاهل كلامي

وسالني تاني

وقالي..

جاوبي الاول

انتي كنتي بتقولي حضن؟

وقبل ما الاقي اي كدبة ابرر بيها..

سبب الكلمة (حضن) الي قولتها

لقيت غراب بيشدني ناحيتة

وبيقولي..

اول مره تطلبي حضن؟

وانا مش هرفضلك طلب..

انا اصلا كنت جاي عشان اخدك علي الاوضة

فا بعدتة عني

ودي كانت اول مره

من ساعة ما اتجوزت غراب

اعترض واقول (لا)

واول مره كمان..

احس نفسي مش خايفة منه...

وبرفض حاجة بكرهها

فا قلتلة..لا

ومتقربش مني تاني

لان انا بكرهك..

وبكره ريحتك

فا بصلي غراب وهو مذهول

ومش قادر يصدق التغير

الي حصلي

وسالني

وقالي..

انتي بتكلمي مين كده؟

قلت..بكلمك انت يا غراب

يا ديوث ..

واعمل حسابك

اني مش هعيش معاك لحظة واحده بعد كده

فا بصلي بغيظ ...وغل...

وبدء جنانة يظهر في عنية

ورفع ايدة عشان يضربني

لكن..

قبل ما ينزل بايدة علي دماغي كا العادة

في حاجة وقفتة

ولقيتة بيبص حوالية

وفجائة..

وقع علي الارض

واثناء ما كان بيقع

وقعت منه علبة العصير

فا نزلت..والتقطت علبة العصير

وانا مستغربة

و مش مستوعبة الي بيحصل

لكن..

لما مسكت علبة العصير

و لقيتها فاضية

فهمت الي حصل

وعرفت ..

ان غراب شرب العصير فعلا

و كان ماسك العلبة وهي فاضية

ومعني كدة

انه مات هو كمان

وانا دلوقتي...

بقيت متهمة في جريمتين ق&تل..

مش جري&مة واحدة

وفضلت الطم واقول

يلهوي...

يادي المصيبة

دا غراب عمل زي امة ...

ومات هو كمان

طيب وبعدين؟

دي سحر اتطلقت من عادل اخويا

يعني هترجع بيت امها

و ممكن في اي وقت اللاقيها

داخلة عليا

وفضلت افكر في حل

وملقتش غير اني اسحب غراب من رجلة..

وادخلة الاوضة...

وانيمة جنب امة

لغاية ما اشوف حل

في المصايب الي انا فيها دي

وفعلا

سحبتة ونيمتة جنب امة

وخرجت وقفلت عليهم الاوضة

وطلعت ع الصالة

وانا بحسبن في الي كان السبب

وبقول..

حسبي الله ونعم الوكيل

ربنا ينتقم منك

يلي اسمك (حضن)

واول ما قولت اسم ( حضن)

اتفاجئت ..(بالعفريت حضن)

ولقيتة ظهر ادامي

وهو بيقولي

مبروك يا عفاف

انتي كده اتحررتي من السحر

عقبال ما تكملي ( الثلاثة)

وتنزلي معايا تحت الارض

قلت..ايه ده؟

انت طلعت عفربت بجد؟

فا ابتسم حضن

وقالي..

هو انتي لسة مكنتيش مصدقة؟

قلت..لا

لاني ندهت عليك اول مرة

وانت مردتش عليا

قال..

كان لازم غراب يشرب من المية ..ويموت

عشان اقدر اظهرلك تاني

فا بصتلة بدهشة

وقلت..

بس انت مقولتليش ...

ان غراب وامة هيموتوا

بمجرد ما ..

السحر يتفك من عليا ..

فا رد حضن باسف

وقال..

وكان ممكن تحصل حاجة احسن

لو كانوا بقوا ثلاثة جثث

لكن...

للاسف..

مفيش جوة غير جثتين

قلت..اشمعني ثلاثة؟

فا وضح قصدة

وقال..

لانك لو قتلتي ثلاثة اشخاص...

بزجاجة المية الي انا اديتهالك

هترجعي لعصمتي تاني

وهقدر اخدك معايا تحت الارض

قلت..نعم؟

انت عايزتي اتورط في قتيل ثالث كمان؟

مش كفاية المصيبتين الي جوه دول ؟

دنا احساسي بالذنب هيقتلني

فا رد حضن

وسالني

وقالي..

طيب وموتهم مزعلك في ايه؟

ما كده انتي خلصتي منهم هما الاتنين؟

قلت..يزعلني طبعا يا حضن

لان لو حد شاف الجثث دي

هيتقبض عليا

وخصوصا ان دي جريمة قتل

يعني.. فيها اع&دام

فا بصلي حضن بتعجب

وقالي..

يعني عايزة ايه دلوقتي؟

قلت..

عايزة اشوف حل

في الجثتين ...

الي انت ورطتني فيهم دول

فا سالني

تاني..

وقالي ..

تقصدي يعني انك

عايزة تخفي الجثث وتتخلصي منهم؟

فا رديت بغيظ

وقلتلة..امال يعني هحتفظ بيهم ولا هخللهم؟

ايوه طبعا عايزة اخلص منهم

قال..

طلباتك اوامر

اعتبريهم اختفوا

قلت..اعتبرهم ايه......؟

وقبل ما حضن يوضح قصده

سمعت حركة وصوت دوران مفتاح

في كالون الشقة

فا روحت اشوف مين عند الباب

وقبل ما اوصل للباب

لقيت ادامي سحر اخت غراب

فا اتوترت...اول ما شوفتها

وقلت ...

كده انا خلاص اتفضح امري

وبصيت باتجاه حضن

عشان اسالة

و اقولة..

ايه العمل دلوقتي؟

لكن...

اكتشفت

ان حضن كان اختفي

فا بصيت علي سحر

لقيتها..

داخلة تصرخ

وتقولي... هما فين؟

فا اتلجلجت في الكلام

وسالتها

وقلت..هما مين؟

قالت..امي واخويا فين؟

قلت..نايمين..

انتي عايزاهم لية؟

فا ردت بعصبية

وقالت..

بقي انتي مش عارفة انا عايزاهم لية؟

ماشي..

وحياة امي...

لخراب بيتك هيكون علي ايدي

امال يعني انا الي بيتي يتخرب بس؟

في اللحظة دي

ضربات قلبي زادت

ودمي بدء ينشف من حالة

القلق

الي انا وصلتلها

والي زود من قلقي..

اني شوفت سحر..

وهي طالعة تجري ناحية

الاوضة

الي فيها امها..

وده معناه طبعا..

انها هتشوف الجثث

وهتكتشف ...

مقتل ام غراب ...وابنها

وامري هيتفضح ادامها

فا وقفت في الصالة متسمرة في مكاني

وانا منتظرة اسمع صرختها

اول ما تشوف الجثتين

لكن...

عدي كام دقيقة..

علي دخولها جوه

وده محصلش

والاغرب...

ان سحر رجعت من اوضة امها

بدون ما تصرخ ...ولا تتعصب

ولقيتها بتسالني سؤال غريب

وقالت..امي فين؟

فا ابتلعت ريقي

وسالتها..

وقلت..هما مش جوه ع السرير؟

فسالتني

وقالت..هما مين؟

فا مردتش عليها

وبسرعة جريت علي اوضة

ام غراب

واتفاجئت ان السرير فاضي

والجثث اختفت

فا قلت بيني وبين نفسي

بركاتك يا (حضن)

وفي اللحظة دي

لقيت سحر بتنادي علي امها

و غراب اخوها...

وهي بتدور عليهم في البيت

ولما محدش رد عليها

سالتني

وقالتلي..

انتي مش قولتي انهم نايمين؟

قلت..ايوه

منا هفهمك الي حصل

انا اصلي لسة داخلة من بره ...

ولما ناديت عليهم محدش رد عليا

فا اعتقدت انهم نايمين

فا بصتلي سحر بقرف

وقالتلي..

انا عارفة امي فين؟

اكيد عند الست كريمة جارتنا

انا هروح اجيب امي

من عند الجيران

وهنيجي نحاسبك علي الي اخوكي عملة فيا

وبعدما هددتني بانها هتجيب

امها ..وراجعة

فضلت متبعاها بعيني

لغاية...

ما خرجت من الشقة

وبمجرد ما اتاكدت انها خرجت

ومشيت فعلا

رجعت بسرعة علي اوضة

ام غراب

وفضلت ادور تاني تحت السرير

وفي كل شبر في الاوضة

وبردوا ملقتش الجثث

وفي اللحظة دي

حاولت اهدي نفسي

عشان اقدر افهم الي بيحصل

وبعدما قلبتها في دماغي

قلت لنفسي..

انا عندي اكتر من مصيبة

لاني بدون ما اقصد

قتلت ام غراب.. وابنها

و(حضن ) طلع عفريت فعلا

وخفي الجثث

يعني غراب وامة اختفوا للابد

ودلوقتي...

سحر بتسال عن امها... واخوها..

وبمجرد ما هتتاكد من اختفائهم

هتتهمني باني ورا اختفائهم

وانا مش عارفة هقولها ايه؟

وفي اللحظة دي

حسيت اني في ازمة

واضطريت..

انادي علي حضن

وفضلت اقول...

حضن... يا حضن

وفي ثواني

سمعت صوتة ورايا

وهو بيقولي

انا هنا يا قلب حضن

فا بصيت بسرعة علي مصدر الصوت

لقيت حضن قاعد علي كرسي

وبيسالني

ايه يا حبيبي؟

قلت..محتجالك يا حضن

فا لقيتة فرح اوي

وفتحلي حضنة

وقالي..

طيب يلا..

حضن اهوه

قلت..انت فهمت ايه؟

يا حضن انا كنت بنادي عليك

عشان حاجة اهم ؟

فا رد حضن

وقالي..سبحان الله

قبل ما اسمعك وانتي بتنادي عليا

انا كنت جايلك لوحدي

فسالتة بسخرية

وقلت...

كنت جاي ليه ياتري؟

اكتشفت ان لسة معاك...

شوية سم زيادة

ومش عارف توديهم فين؟

فا رد حضن بمنتهي البراءة

وقالي..

لا طبعا ...

انا عارف ان الزجاجة

الي معاكي...

لسة فيها شوية

فا عضيت علي صوابعي

وقلتلة..

امال كنت جاي ليه ؟

خير؟

قال... منا قولتلك

وحشتيني...وعايز (حضن )

و لا انتي ناسية اني جوزك ؟

ومن حقي اخد حضن؟

قلت..لا اسمع بقي

حتي لو افترضنا ...

اننا كنا متجوزين فعلا

فاالسحر اتفك..

يعني انا خلاص مبقتش مراتك؟