رواية على صراط امي الفصل السادس عشر 16 - بقلم Shaqraa

مساء العسل

على صراط امي
الجزء السادس عشر

ولج مخليتني مكرن ومخليتني مضحكة طاح حظج
وحظ الرباج ..
دفعته من صدره بكل قوتي بحيث هو تفاجأ فتح عيونه..
رفعت اصبعي بوجهه ودموعي تكت..حجيت بقهر وصرخة..
لا تسب اهلييي ..
تقدم عليه وخنكني احس اصابعه اخترقت رقبتي
ولج ساقطة تتجاسرين فوك ك****
اليوم اطلع روحج بيدي..

ويخنك بيه اريد اخلص نفسي ماكو
اخر شي شرمخت وجهه حيل ودفعني..
بس دفعني ماحسيت بشي فقدت الوعي..
ومن كعدت لكيت راسي بحضنه ويغسل بوجهي
بس فتحت عيوني وشفته كمت وانة مامتوازنة
بس صرت ع جهة خايفة منه..
بقيت بسد القنفة مقرفصة وحاضنه نفسي وابجي..

هو كعد بالكاع وارتجى ع القنفة ويفرك بوجهه
ويحجي..
تبجين مو؟؟تبجين خايفة لو تبجين على حبج الضايع؟؟
ولج ساقطة راح يصيرلي شهر وياج
ايدج ماتخليني اكضها وتلبسين حجاب واكول معذورة
تستحي واقنع روحي
بس انة حمار جان عرفت من يوم المهر من
طفرت دمعتج الردتي تضيعيها ومااشوفها
بس طفرت من عينج وصارت بحلكي
بيوم خطوبتي منج ضكت دموعج هه..

بقى يدك بقبضة ايدة ع صدره ويحجي..
شربت دمعتج على حبيبج العبد هههههههههههه شكد
مهزلة ..
صار كدام وفتح عيونه بغضب ويحجي..مهزززلة
مهزلة اخطب وتطلع خطيبتي مصاحبتلها عبد
ومفضله العبد عليه...
جر ايدي حيل وكطع السوار ولزمه بيده ويباوعله..

لابسة هديته؟وانة جبتلج ذهب اغلى منج ومالابسة
منه غير الحلقة وهم لو ماتخافين
من اهلج مالبستيها..
احجي ليس ساكته؟؟مسوية روحج خايفة؟؟؟؟
رفعي رااااسج...حجاها بصرخة...

بس رفعت راسي عليه شمر الشسوار بوجهي
اجه بخدي لزمته حيل..
لزمني من زندي حيل وانة عليت بجيتي خفت ياذيني
كال مااطكج ..بس كليلي شنو صار بينكم؟؟
احجيلي شايف جسمج لازمج بايسج؟؟
انة دموعي تكت واهز براسي لا ..
عوج حلكه باستهزاء ويحجي بغضب..
طبعا تكولين لا هو الحرامي يكول بكت؟؟

بس بسيطة انة الج عبالج اعوفج؟واطلكج اخليج
تبقين بنية؟
ههه لا مو خالد الينزرع بكاعه وينوخذ محصوله وهو
يطلع صفر اليدين..
تقرب ولزم حنكي وعصره حيل وخزرني وحجه بغضب..
اكسرج وارجعج لاهلج اخذ حگي مربع من كل
واحد شارك بهاي المهزلة
وكله اخذه منج اذا ماكرهتج بشي اسمه زواج
اطلع مو من ظهر ابوي...

ودفعني بمكاني حيل وكام فتح الباب الي من جهة الحديقة وطلع
انة نمت بمكاني وبقيت اشهك بعلو صوتي واصيح...
بااابااا بااابااا..
اجو بابا ويمامة والولد يركضون كلهم بس
من شافوني فترو بصدمة
دفع الكل بابا واجاني يكلب بيه مثل اليريد يشوف بيه شي
متاذية من مكان..
وانة ذبيت روحي بحضنه وابجي ع صدره حيل...
ويمامة وراي تسالني شبيه...

صرخ حسين ولج احجي شبيييج ..كله بابا اسكتت ..
رفع راسي من حضنه وسالني بعد شيبي بس كليلي شسوالج
ويحجي بعيون متوسلة..
نطقت كوة من بين شهكاتي..ضربني بس ضربني..
تنهد ورجع راسي لصدره وحضني حيل...
سكتي ريحي كافي بجي اوشش وبقى يمسح براسي..

رفع راسه وكل للولد..امكم وين ؟
طلع عابد وسمعنا صوته صاح بابا ولكم لحكووو...
فز ابوي وانة ويا كمنا وركضنا شفنا امي بحضن عابد بالممر
ويضرب بخدودها وماكو
واحد يجيب ماي ويمامة تشممها بالعطر وهي ماكو ..
كال بابا جيبولها عباية بسرعة..

ركضت يمامة جابتلها عباية ولبسوها وراحو الولد وبابا
ويمامة
وبابا كل لعابد ابقى يم اختك ..
ردت اروح وياهم ماقبل بابا..
وكعدت انوح والوم بروحي بس فاصلة عن الدنيا
وابجي واسال نفسي شلون عرف خالد
وحتى لو عرف بحر وشعرفه بالسوار اصلا..
عابد يمي يدخن ويسالني شصار بينكم وشنو السبب..
انة ابجي وصافنة مااحجي..
وهو يروح ويرجع ويطحن بالجكاير ويباوع للساعة ويخابر..

جابلي ماي شربت وغسل وجهي ..
وشوية ودك فونه ..جاوب وانة اباوعله بترقب وخايفه..
بس من تنهد براحة ارتاحيت..
وسال هسه شلونها؟
لا زينة وطن احسن..
يلا ننتظركم ..هلا بيك..
سد الخط وكال ..مابيها شي امي لا يضل بالج..
بس صاير عدها هبوط ومعلكيلها مغذي
هسه شوية ويجون..
هزيتله راسي ورجعت حضنت نفسي..

بقينا كاعدين الى ان اجو ودخلت ماما وشفتها
ارتاحيت شوية..
اخذوها لغرفتها وطلعو الولد حتى ترتاح وبابا كال ليمامة
سويلها اومي بصرة..
وانة صاحتني ونيمتني ع صدرها وبابا كعد ع الكرسي ..
يروحلج فدوة لا تنقهرين
الا نخلي يبوس الرجلين ويتعذر..
كتلها يولي لا تشغلين بالج المهم صحتج..

بابا كال وطونة بابا شصاير بينكم احجيلنا بنيتي
شبي وليش ضربج حتى اتصرف ويا..؟-
شلت راسي من صدر امي وكعدت عدل ومسحت دموعي...
دنكت وبقيت افرك بيديه..
ماادري منو كايله عن حر وعلاقتي بي..
شلون شلون؟؟
اي اليوم بس طلعتى هجم عليه وضربني وكلي تلعبين من وراي
وبقى يسب ويغلط ..

اجه بابا يمي كعد قريب وامي كعدت وواحد يباوع للثاني..
كال باب..
هو صح صعبة يعرف عدج علاقة قبله بس مو يضربج
لو ياذيج وبنص بيتنا..
انة اتصرف ويا انت ماعليج ولا تجاوبين حتى لو خابر..
هزيتله راسي وخايفه من الراح يصير..

كام بابا بدل اخذ فونه وكال ابقي يم امج تمددي وارتاحي
هسه انة اجي..
هو طلع وانة تمددت يم امي..
بقت تلعب بشعري وتبجي بصمت..ماخلتني اشوفها
بس حسيت بيها...
كعدت وحاجيتها...
ليش تبجين ماما فدوة الج كلشي يصير بس لا تنقهرين..
مسحت دمعتها وابتسمت..
مقهورة ع حظج ياوطن..اااااه ياوطن بكلشي خذيتي حظي
وجنت اتمنى تاخذين مثل ابوج..

يايمه من صرت ضدج وقنعتج بخالد لان اعرف حر
محد يقبل بي..
ردت اوفر عليج معاناة وسهر ودمع وقهر ولوعة وضرب
وجفه وفراك وعصيان
ردتج تنسين مثل ماانة حطيت ربي بين عيوني وكلت مااخون
رجلي
وفعلا تناسيت الماضي وحبيت عيسى الجنت اشوفه بحرمة
اخوي..
بس انت مو مثلي انت وفية ياوطن..ههه لابسة سبحته
بيدج وتبجيله ليليه وحتى ضحكتج
صارت باردة وانخطفت من بعد ماجنتي تلاعبين الهوا...

مانسيتي ولا خنتي ونفس الوقت ماخنتي خطيبج
سويتي الماسويته انة قبل ..
جنت اشرد من الدوام واطلع وي فخري بالمنتزه الظهر
انام بحضنه وابوسه وعشت ويا معالم الحب
بس انت لا..محد منهم لزمج ..لا رجلج خليتي
لان وافية لحبج وماتردين تخونين..ولا الحبيتي لزمج
لان وافيتلتا وماتردين تخونينا...
مو عبالج ماندري بيج ولا نحس..بس ردنا نجنبج
عذاب عسنا بي سنين..
وللاسف زدناها عليج وحوبة حبج الطاهر طلعت
وحوبة حر الشريف صارت لعنة علينا...

على كلامها اهز راسي خفيف وانود وابجي
وابتسمتلها بأسف..
ماما انة ضايعة..
لا ماتضيعين واحنا اهلج..
احنا جنا ناطين فرصه لخطيبج وماردنا نظلمه
بس مدام هيج ومدامه عرف يعني يراويج الويل
مو مال عشرة بعد..
نطلكج منه وخلصي وارتاحي..
وانشالله الفات يتعوض وبعدنا باول الطريق...
عضيت شفتي بقهر..الله كريم...

تذكرت مامصلية والاذان فات..
كمت توضيت واجيت صليت يمها ويمامة بالمطبخ
خلصت صلاتي وطلعت للمطبخ
الولد بالصالة وسالوني عن حالتي وعن امي وطمنتهم
بابا جان يمهم من طلعت راح لامي..
وسالتني يمامة عنها كتلها لا زينة...
كعدت ع الميز يمها وهي جاي تحمس معلاك وريحته
فاتت بخشمي شكد جوعانة
بس يانفس الي واكدر اكل...

سالتني ع الصار بينا وحجيتلها كلشي..بقت مستغربة
وتكول شلون عرف ومنو كله؟؟
بقينا انة وياها نحجي بالسالفة ودخل بابا وصاحني..
رحت ويا للصالة كعدت والولد يمنا...
كال..
شوفي بابا انة خابرت هذا وكتله تعال نتفاهم
هسه راح يجي انت شنو رايج وشتردين؟؟
غمضت عيوني بوجع كتله..
بابا مااريد اكمل وياه وبس ..
تنهد وكال ..احسن وهذا اللازم يصير من الاول
واخوانج موافقيني الرأي

واحنا هم ماظلمناه انطيناه فرصة..
صح هالمشكلة مو هو الغلطان ثنينكم وحقه شي صعب العرفه
بس مايصير ببيتنا ويتعدا عليج
هذا باجر تصيرين يمه اقل شي يكفخج ويسبج..
خلاص يجي وننهي السالفة وياه وكل واحد يروح لحال
سبيله..
والصواب اليوجعك اليقويك بابا مو صح ..حجاها وباوع بعيوني..
هزيتله راسي وابتسمت بوجع...

وشوية واجه خالد وراح بابا والولد يمه وانة ماطلعت
بس رحت انة ويمامه يم الشباك بالطارمة
لان الصوت يصير اقرب وهم محد يشوفنا لان الشباك صاير ورا..
وكفنت نتسمع وهو بس حاجاه بابا بقى يشمر بالحجي
وكلساع واحدمن الولد يهد وبابا بس يكلهم باسمهم
يعني معناها اسكت ويسكتون...
كله بابا شنو الصار ومن عرفت السالفة وليش ما
تاكدت وتفاهمت؟؟
عندك الضرب شربة ماي لا تهاب احد ولا تحسب حساب؟

جاوبه ويحجي معلك..شتفاهم وشتاكد؟؟
اذا هو بنفسه اجه وحاجاني ..لا متبلي عليها ولا ملفق ..
اجاني وكلي طلكها واطلع بالمعروف احسنلك
جاي تشوفها تصدك وما تريدك ليش جابرها عليك
مثل مااهلها جبروها!!
انة وياها نحب بعض وخطبتها ومانطوها الي لان عبد
وانطوها الك مجبورة..
وتلاويت وياه بس هو جان واثق بحجيه من كد ماظهره
قوي بيها
وكال لو صدك رضت بيك مالابسة سواري الجبته الها لهسه بيدها...

كله بابا ..وشنو الخلاك تصدك؟؟مو يجوز تهمة وكذب؟
لا عمي مو تهمة لان هي مانكرت
لو بس ناكرة جان رحت بطلقة وحدة كومته كبال بيتهم
لان حجه بيها
بس هي مانكرت واكدتلي حجيه..
استغفر الله..لو مهما جان السبب ماتتعدا عليها ببيتي و
تخنكها ورادت تموت بيدك
الحياة بدون تفاهم ماتنعاش..وانت ياابني كل تفاهم ماعندك..
هذا هو لهنا وكافي كلمن يروح بسبيله والطرفين يرتاح..

شنو شنو؟؟لا عمي لا..مرتي واتمم زواجي وياها و
طلاك مااطلك..
حجاها وكام ونسمع بابا كله اكعد ..
بس هو بقى واكف وكله..
مااطلكها عمي ومن رخصتك انة رايح عدي شغل..
همج عليه حسين وعابد وبابا صح بيهم وهو طلع...

من طلع وصاحني بابا وحجى الكلام السمعته..
كال يولي لان بعده مقهور من الصار..
وانت هم السبب بفورة اعصابه بعد هو رجال وسمع
شتردي يسوي..
كتله صح كلامك..

بس انة افكر بحر السواها صدك وكال اخرب بس
هو ماخرب بالعكس انوب راح يسرع الزواج..
ردت اخابره وارزله بس يمامة منعتني..
كالت تصرفه متوقع لان كلج من قبل وحجالج الشي الاريده
اخذه واكون او لا اكون
وحتى انتقد تصرف ابو من ترك امي يعني مستعد كلشي
يسوي..
لهذا ابتعدي عن كلشي وخلي نفسيتج ترتاح ...
وفعلا ماخابرته ولا حاجيته ولا هو خابر..
بس سبأ خابرتني وحجيتلها وكالت متوقعه هالشي
ونصحتني هم مااخابره ولا اعاتبه حتى لا يجرحني بالحجي...

ومرت شهرين كاملات وماقبل يطلك بالتي هي احسن
وهدده بابا يوكل محامي وتصير محاكم احسن
بس هو كال لبابا افضحها واكلهم خانتني وهي ع ذمتي
واجيب مكالمات وحتى صور افبرك عليها واسويها
قضيه شرف..
انة لحمي مر ومو انة الينضحك عليه...

************************************

بعد مرور خمس سنوات

ماما وين ميار ؟؟
يا ولج مصيبة بس لا صعدو فوك هو ورضا لحكي
صعدي
اووف صاعدة صاعدة هو هذا ابنج هم بشر
وج وطينه الوكحة ماخايفة ع اخوها بس ع ابنها ..

وصعدت ادور لكيتهم خاتلين يم عابد بالغرفة
يباوعون لبته اسما عمرها اربع اشهر..
نزلتهم بالكوة وشبعوني عض وشمرتهم جوا
كاعد بابا وماما ومرت مرتجى تضحك عليه ..
ها وين لكيتي الشواذي..

اوف غير رايحين يم اسما خوفي يفطسوها ذولي الثنين..
لا ولج اصلا يلتهي وياهم الجاهل
هسه علاوي لو كاعد جان تلكي يزحف بنصهم وهم
يدورن عليه مثل الدراويش هههه...
ديلا عاد ابنج من عقله اوكح منهم..

وانة احجي وكال بابا شوكت يجي رجلج؟
مطيت شفايفي بزعل..فد شوية العصر ويجي
كلش كارهة الروحة بابا..
لا بابا عيب هالحجي عفا عليج..
اريد اجاوبه ودك ...

للحكاية بقية
بقلم شقراء قمر كانون

عود محذرتها ماتدعي بس مو بيدها ومن امس لليوم محتارة بفهري منو

هذا التعليق موتني ضحك تذكرت الحصة

كالعادة ام صقر تنورني بابياتها الراقية

نورا جابت المفيد

تسلميلي وردة

عجبني رايها كلش

تجنن هالاببات خصوصا اخر شي شهيتني كمأ

وطبعا ماافرق بينكم واتحيز ربي يشهد يعني لا احد يزعل مني
بس مثل ماكتلكم التعليق الي اله صدى انزله واحبكم كلكم
وحنزللكم هالقصيدة كلش حلوة للشاعر يحيى العلاق

الى مايسمى ...
الانسان العربي
ابمولدك مالك خيار . .
ابموتتك مالك خيار .
يانتيجة فعل فاضح ياحصيلة خلوه في احدى الديار..
انته غلطه ابعقد شرعي
. ..نزوه مدعومه ابقرار
انته سلعه ابلا ضمان ساعه عن العمل تعطل ساعه تعطل بانفجار!
كلشي عندك مايخصك عينك الجدك الرابع.. طولك الجدك السابع ..
حتى طبعك مستعار
طيبتك من دم عمامك...
عصبيتك من خوالك لأن خالك دمه حار
الصدفه لعبت دور بيك...
وراح اكلك شنو الصار
والدك مره استخار
يرتبط .يتزوج امك يستقر يفتحله دار
حتى ماشايف شكلهه...
الحب ثلج والرغبه نار
وافقت بالحال امك وكفت اباقرب محطه..وصعدت باول قطار
وافقت تحت شعار!!
جوه ظل رجال احسن..
من عقم ظل الجدار
اتصارعوا امك وابوك ..
اتضاجعو ليل ونهار
عاطفه اشبه بالشجار !!!
ابدون كلمه.. ابدون همسه ..
ابدون ابيات النزار
خلصت ايام وليالي..مرت اشهور انتظار
صرت انته الولد صار
حتى تحمل اسمه هوه..
وحتى تحمل نعشه هوه هذا دورك باختصار
وي نزلتك نزل دمعك ...
تدري نفسك للزمن مطلوب ثار
والدك يوميه يدعي...
كون تطلع ولد بار
وصرت فعلا ولد (بار)؟؟
لان اولاد الجوامع حللو دم الزغار
والدك جان ايتمنى...
اتصير اكبر مستشار
رغم مايوم استشارك...والدك ضد الحوار
وترجع انته ابكل عزيمه واقتدار
تتبع نفس المسار..
تكرر السواه ابوك ..ببطن وحدة بطيبة
امك
خاطر تعوض الهزيمة بانتصار..