رواية على صراط امي الفصل الثامن عشر 18 - بقلم Shaqraa

مساء الخير

على صراط امي
الجزء الثامن عشر

خالد رجعني فدوة لا تاذيني.حجيتها برجفه وخوف وتوسل..
بس ولا اهتملي جرني جوا
  وذببت روحي بالكاع ويسحل بيه وانة لزمت بالقنفة
هو يجر وانة الزمها اقوى
اخر شي داس فوك كف ايدي بحذائها شاغت روحي
وفلتتها واخذني لغرفة
ذبني بالكاع كل قوته احس جسمي كله ترضرض
بس هالحجي ارجف مرعوبة ودموعي تكت

تقدم وكعد كدامي وثاني ركبة بالارض ورجل موكفها
ويباوع بوجهي بعيون مليان غل..
شبيج تبجين خايفة؟؟؟؟
ماعتقد تخافين انت ..هي التحب عبد بعد منين تخاف
كاتلات روحجن عمن تعرفلها ك****.

حجيت وانة اشهك..انت فاهم غلط لا تاذيني خالد
الله يخليك..
جرني كعدني عدل وكعد كدامي ووجهه بوجهي..
لا تتمسكنين انت حية بت حية ولج اليشوف برائتج
وفقرج ينغش
بس طلع كله تمثيل ..لزم وجهي بيده حيل وكال
هذا الوجه قناااع تخدعين بي الناس
بس منا وهيج ماكو براءة ..
حجاها وابتسم بمكر ..

وبحركة فجائية ذبني بالكاع وصار فوكي وانة اهز
براسي بخوف واتوسل
ايديه ماحسيت بيهم لان حركتي ضعيفه كلش قياسا
ويا...
بقى يباوعلي من فوك لجوا اخر شي حط وجهه بوجهي
ااخ شكد تمنيتج
حجاها هو ضاغط ع اسنانه وضربني راجدي فر وجهي
وطكت ركبتي ردت ادورها صرخت بوجع..

رجع ضرب الخد الثاني واستلمني راجديات وكفخات
ماعرفت منين تجيني
كمت اريد اشرد وحصرني بالحايط ويضرب ويغلط
ولج اريد اطفي ناااري
ولج گلبي معطببب اااااخ يابوية اريد اكطعج
ويضرب ويصيح
احس قوتي كلها انهارت بعد مابيه
يعني اول مرة انضرب هيج ومو بس جسديا انهاريت
لا حتى نفسياً
الضرب اله رهبة غريبة يعني احس قلبي
يخفق حيل ومرعوبة ..

من شافني انهاريت كلش
لزم ايديه وثبتهم فوك راسي وبدا يجر بالملابس
وانة مقاومتي تضاعفت بس ..
بس انة ضعيفة...
دموعي عمتني وراسي انسطر صار بي وجع
واصيح بس لطمني على حلكي
بدا يجر بملابسي ويبوس وانة افرفح وي كل حركة منه
بقيت اتوسل مثل الطفل
لا لا بقيت اتوسل بذل ..احس صدك ذلني واستقوى
عليه ..

وحركاته المقرفة زادت وتجرأ وانة مقاومتي صفر
ايديه بايدات حتى هو تركهن
لان ماحاجة يقيدني والدوخة والبجي شوشت نظري
وهو ينهش بيه ويغلط
بس من شفت وصل لحظات ...ينتزع الشي الحلو
الي احتفظت بي لشريك حياتي
انتفضت وانقهرت لان مايستاهل ..
مايستاهل اسلمه روحي صح انة غلطانة بس هو مايستاهل..

من شفت راد ياخذني لزمت وجهه بيديه ثنينهم وركزت
من بين دموعي وركبتي مشنجة تعابير وجهي
تعبر عن المها
حطيت عيني بعيونه وحجيت كوة..
هو انصدم من حركتي وصفن بعيوني ..جريت نفس
وكتله..
ابوس رجلك لا تضيعني خالد لا تكسر حظي ودموعي تصب
احلفك بالله اذا صدك تعرفه
حط الله بين عيونك واتركني ..

باوع بعيوني لحظات وعاط حيل..
اكرررررررررهج ...
ودفعني حيل وكام ..وانة غمضت عيوني والدنيا تفتر بيه..
بس من تذكرت وضعي كلت اكوم لا يرجعلي
فتحت عيوني كوة اشوف بس حاولت شكد مابيه
جريت ملابسي ولبست بس الملابس الفوك بس ردت
شي يسترني
واصلا اتخبط مثل الحلمان او المخمور يعني
بوقتها توقعت روحي جاي انازع وراح اموت..

بقيت مرتجة ع الحايط ومغمضة مثل نصف
فاقدة الوعيز
بس حسيت بي من ندهني وكومني للسيارة
كعدني وانة مابيه افتح عيونيز
رجيت راسي ع الجامة واحس بهزهزة السيارة
مثل هزهزة الكاروك مال الطفل
طلعت من واقعي ومن وضعي وتخيلت نفسي طفلة
وامي تهز بيه..
وبقت دموعي تنزل حارة وبديت انتبه شوية..

نزلني وساندني عليه ودك الباب جانت الدنيا غروب
انفتح الباب شفت مختار
بس ماركز عدل ..عاط بخالد شمسويلها ولك؟؟؟
وجرني عليه ..هنا بعد فقدت ماحسيت بشي...

ومن رجعت لوعيي لكيت روحي بغرفة اهلي
بس محد يمي
ملابسي مو نفسها !!ذني ملابس بيت
حركت راسي بس ركبتي ماكدرت من وجعها
فتحت حلكي احسه يوجعني
اريد انطق بس من الوجع بجيت ..
صحت بصرخة وانة ابجي ..بابا ماما وينكم...
وبقيت ابجي حيل اريد اكوم مابيه

انفتح الباب واجو امي ويمامة ومختار
امي تسمي بالرحمن وخايفة عليه ويمامة تبجي
ومختار يكلها عادي عادي كال الدكتور عادي
وحضنتني امي وتطبطب عليه
بس اصرخ وارجف وكلشي بي يوجعني..
جر ايدي مختار وضربني ابرة بالكانونة
وامي تهدي بيه وتدعي
صوت دعائها ريحني ومن الابرة دخت
ورا شوية نمت ...

ماكعدت الا الصبح باوعت للساعة بستة وثلث
ركبتي ماكدر احركها بس لمحت امي بصفي
وبابا نايم بصف السرير بالكاع..
كعدت على حيلي بصعوبة بس احسن من البارحة
اريد انزل وكعدت ماما ..
وجهها اصفر وشكلها مخطوف كالت..ها يماما شلونج هسه؟
حجيت بصعوبة لان حلكي يوجعني
زينة بس اريد حمام ..
اي كومي انة اوديج..

وكفتني نريد نمشي وبابا كعد وهي كعدة وهي وكفة واجه يمي
وباوع لوجهي بقهر وسالني
شلونها بنيتي هسه زينة احسن مو؟
حطيت راسي ع صدره وكتله اي..
بس ثنينهم مافتحو وياي اي موضوع متحفظين على
كلامهم كلش..
ورا ماغسلت اخدوني للمطبخ واجت يمامة هم حاجتني
وكالت شنو مشتهية ريوك
يعني تلطف الجو بس بابا وماما يترقبون وجهي وجوابي..
وانقهرت عليهم كلش وجوههم تعبانة ومهبوطين..

كلت ليمامة عادي اي شي..
امي وياها وهي يفترون بالمطبخ وانة الدوخة سطرتني
خليت راسي ع الميز
فز بابا بسرعة من مكانة واجاني واجو كلهم عبالهم
بيه شي
كتله بابا دايخة ارجع اتمدد..
اي امشي ارتاحي بالفراش..والتفت الهم وكال..
خلصو الريوك وجيبو نتريك يمها بالغرفة..

وداني لغرفتي ومددني بسريري وانة بس صافنة
يعني احس روحي طالعة من انفجار
كآبة وحزن والم بكل مكان بجسمي والادهى من هذا
خوف وهاجس بداخلي صعب اوصفه ومااتمنى
يصير وي احد
وبس اغمض تجي كدامي لقطات من يضربني خالد
لو من يلزم جسمي
واحس جسمي يكش وارجف وتنزل دموعي...

بابا كاعد ع الكرسي ومدنك وايديه فوك راسه
وهدوء وسكون..
شوية وانفتح الباب ودخل حسين ومختار
تقربو يمي وسالوني شلونج اليوم
وماطولو طلعو بسرعة لان وجوههم توحي بقلة صبرهم..

بعدها اجت ماما ويمامة جايبين الاكل وكعدو يمي
بدا بابا يلفلي وكوة اكل ماكدر
لا الي نفس ولا قوة بس عندي علاج ..
واحنا ناكل دخل عابد وكال..صباح الخير شنو اليوم
محولين الريوك هنا..
جاوبه بابا اي شاردين منك ابو بلعة حتى ناكل براحتنا..
اجه هو يمي وكال
تقبلين عيسى يحرمني من الريوك وبابا كله لسانك لك..
هو ضحك وكعد يمي وكال..

شلونها وطونتي انتيمتي وغريمتي لا تتدلعين شدي
حيلج عاجبني اسحلج بالبلي..
ابتسمتله بحزن وهو اخذني لحضنه ولف ذراعه وراي
وباس راسي..
بعد اخوج حقج مايضيع وانسي الصار كله..
بابا كله عابد مو هسه ..
جاوب بابا..لا شنو مو هسه ليش كلكم ساكتين ومخرعين
البنية ..
الصار مشكلة وعدت وراحت وقدر ومكتوب محد يغيره
ووطونة سبعة وتعرف تتصرف
اكيد راح تنسى الصار وتشد حيلها وتوكف ع رجلها..
حجه هيج وعصرني بحضنه..

مو صح ولج احجي لا تفشليني مو صرت جدي وحنهم سمعو
حجايتي وراح يخطبولي..
ضحكت وهزيت راسي ..وبابا عيونه غرغرت وابتسم
وماما تباوعلي بقهر ومبتسمة ويمامة دمعت..
وخلصنا الريوك وطلعت بالصالة يمهم تمددت
بس ماجابو سيرة الموضوع بعد..

وانة حتى فوني مافتحته ولا ادري بي بس كالت
يمامة فونج شحنته تردي ؟كتلها لا ماريده ..
جنت خايفه الزمه ويخابر خالد..خالد سوا عنده فوبيا منه
احس رهاب من ينذكر اسمه..

العصر بابا والولد طلعو سوا بس ماعرفت وين
وماما ويمامة يمي
كلت ليمامة تساعدني اروح للحمام وودتني وكفتلي برا..
فتت وباوعت بمراية المغسلة بس انصدمت بوجهي
حلكي وارم وجهة زركة وخدودي مشخطات مثل هاجمة
عليه بزونة
احس هسه يلا شفت روحي
بقيت اتلمس وجهي ودموعي تصب ..
اباوع لرگبتي مثل المشوهة ..ايديه ورجليه بقيت
ادور بجسمي بخوف ورهبة
وابجي وارجف..

كمت سندت نفسي شوي وفتحت الباب وشافتني يمامة
ابجي
فتحت عيونها وسندتني وتبوس بيه..
شبيج شبيج وطونة شييج حبيبة
ماكو شي لا تخافين ليش ترجفين..
رادت تصيح ماما ولزمتها..حجيت بشهكة..
خليها لا تهبطيها ..بس وديني للغرفة...
اخذتني للغرفة وتمددت وامي اجت يمنا تمددت لا تعبانة
وضغطها متخلخل ..

بقينا كاعدين بصمت ومحد منهم  يتجرا يحجي شي
الى ان ورا الصلاة اجو بابا والولد
وفتحو باب الاستقبال كالو وياهم رياجيل..
اجوني الولد للغرفة تطمنو عليه وطلعو وكالو ليمامة
حضري جاي..
وراحت يمامة وبقت بس ماما يمي ..

ورا مدة يلا راحو واجه بابا يمي للغرفة ..
ها شلونها دلوعتي كيف الحال..
هو كال هيج وانة صبن دموعي تذكرت حر ذني حجاياته ..
هو بسرعة كعد يمي ويسال شبيج وشيوجعج
بس ماحجيت شي حطيت راسي بحضنه وتمددت ..

والكل احه يمنا بالغرفة وكعدو بس عدهم شي
يردون يكولو
ومحد يحجي شي تباوع بوجه شي...
شوية وعابد كال..
وطن تكدرين ترحين للمحكمة باجر؟
فتحت عيوني بخوف..ليش؟
حتى يشوفون الاثار البيج ويطلكوج بسرعة..
من كال هيج هزيت راسي وابتسمت وبجيت وكعدت ع حيلي..
اي اروح اروح عادي...

كال عابد اي هيج صيري معدلة وقوية
باعي ترى صارلهم ساعة يريد يفتحون موضوع وياج
بس خايفين من ردة فعلج
بس انة الانتحاري ما خفت لان متعود عليج دومج خبلة..
وضحك بقهر ومسح وجهه..

بعد هالحديث شوية اهلي قل توترهم وبدو يحجون
ويسولفون
وانة دخت ونمت ..
كعدت يوم ثاني على ندهة يمامة..
كعدتني وساعدتني باللبس بس بعد ما باوعت للمراية ابد
وجهي يخوف وعيوني مورمات وحلكي ورام
شكلي كله منفوخ..
لبستني حجابي وطلعت وياي ساندتني واخذني من ايدها
عابد وحسين وبابا ويانا ورحنا للمحكمة...

وصلنا ونزلت وياهم بس بابا لازمني ويمشيني
دخلنا جوا اكو كراسي كعدنا
وبابا خابر المحامي وشوية واجه بقو يحجون ع جهة..
وانة كاعدة وطافية ودايخة زبن ماتمددت..
ورا شوية وصاحو اسمي ودخلت غرفة بيها
واحد اربعيني وبنية هم
وسالني كم سوال استفسار واحجيها كوة وارجف..
بعدين دخلت مرة ثانية غرفة بيها رجال بس كبير
ومن شاف شكلي وشلون احجي كوة
انصدم وبقى مركز وياي وشنو احجي..
وبعدها خلصنا ورجعنا للبيت..

من رجعت عدنا بابا حجي وبيبي وبيت خالو سلام..
كام وكف من شافني بابا حجي
ودخلوني الولد يمشوني ع كيف ..
هو احه تقرب منه واخذني بحضنه وباس راسي..
وخالو هو مرته وبيبي يسالون شلون صرتي
ومن الحجي..

بابا حجي كال تعاي يمي بنيتي هنا..
اجيت اكوم بصعوبة .كام هو وكعد يمي وكال يارب بسم الله..
وجر ايدي حطها بحضنه وبعدين باسها ورحعها بحضه..
عذريني جدي انة ورطتج هالورطة
بس وعيونج اخذلج حكج..
دزينه كوامة الهم واشتكينا عليه وهسه هو بالسجن..

للحكاية بقية
بقلم شقراء(قمر كانون)

عشتي وعشعشتي شيخة

متاثرة بزومبي كلش😂

صدك ضحكتيني

هذا السيخ دمج مال شيخ وسيد ولا ادري بروحي كاتبة لو ماكلتو😂