الفصل الرابع

رواية على ذمة الحب الجزء الرابع 4 بقلم نيرة السيد على ذمة الحبرواية على ذمة الحب الحلقة الرابعة _مابقاش منه تاني الكلام ده ي چنه انا خلاص اتجوزت ، اه بحبك بس مش هقدر اكون ليكي انا هبدأ حياه تانيه زي ما انتي كمان بداتي مترنيش عليا تاني لو سمحتي

جسمي كله تلج.. حتى صوت النفس اختفى. كنت واقفة ورا الباب وببصله كأني أول مرة أشوفه.”، هوا مش بيحبني هوا بيحب غيري محستش بيه وهوا واقف قدامي ولا حسيت بدموعي اللي بتنزل ومتكلمش وسابني وخد هدومه وراح الاوضه التانيه ، هوا ازاي بارد كده ازاي مش حاسس باللي عمله فيا هوا عشان اتكسر فيكسرني معاه تاني يوم اهلي جم اتعامل عادي وبيضحك وانا ببصله مستغربه ازاي انت كده كله مشي وفضلنا قاعدين قصاد بعض ساكتين لحد اما اخيرا اتكلمت

_ولما انت مش بتحبني اتجوزتني ليه!؟ =…. _لا مابقاش ينفع السكوت من حقي اعرف =مش عارف ينور مش عارف _بجد،،، بجد مش عارف _ادم انا عاوزه اطلق =طلاق ايه بس ينور احنا اتجوزنا امبارح بس _مالكش دعوه طلقتي وبس =افهمي انتي اللي هتتأذي ، الناس هتقول ايه لما تطلقي من تاني يوم؟ _لا متعملش فيها خايف عليا بس =نور انا فعلا خايف عليكي مينفعش علي الاقل الوقتي _قولتلك خليك في حالك

=يابنتي متعنديش وخلاص طب ست شهور بس خلينا سوا ست شهور وبعدها هعملك اللي انتي عاوزاه _مش عارفه اقولك ايه بجد ، حتي قلبي مش مطاوعني احسبن عليك وسبته ودخلت أوضتي وسمحت لنفسي انهار مكنتش حابه اهين نفسي قدامه كفايه اوي لحد كده _نور ممكن تقومي عشان نتغدي =…. _طب هتفضلي حابسه نفسك لامتي؟ فتحت الباب وخرجت =عشان بس نكون متفقين طول الفتره دي ،، اتعامل كأني مش في البيت ومالكش دعوه بيا _نور مقدر انك مضايقه =مضايقه!؟؟

.. لا خالص يعني ايه مضايقه اصلا ..ادم متحرقش دمي وابعد عني حقيقي مش عاوزه اكرهك اكتر من كده _اكتر من كده؟ =اه ي ادم ….. _انا مش قادره اصدق ..معقوله؟ = مقهوره ي حنين كل اللي حاسه بيه قهره وبس _بعد الشر عليكي من القهره ي حبيبتي =انا عاوزه اطلق وهوا مش موافق بيقولي علي الاقل نقعد سوا ست شهور _يابنتي يعني ايه تطلقي بعد جوازك ب اسبوع اصلا مينفعش طبعا … وبعدين ده بدل ما تكسبي حبيبك ويرجعلك تاني =انتي بتقولي ايه ؟

_ايوه زي مابقولك كده ،، الحب مش بأدينا اه حب غيرك واتجوزك وهوا لسه متعفاش ،، وانتي اصلا كنتي بعيده عن عينه =لا والله ، ولما انا بعيده عن عينه ايه خلاه يفتكرني ويتجوزني _اكيد ده شغل امهات بقا ،، فخليكي انتي شاطره واكسبي حب جوزك =انتي بتقولي ايه مستحيل طبعا ،، حنين انا حاسه بوجع واهانه مش قادره اوصفهم ليكي _مقدره اللي انتي فيه ، بس خلاص اتجوزتيه حاولي تكسبيه ويشوفك =مش عاوزه اعمل كده مابقتش عاوزاه

_هتكدبي عليا يبت باين حبك ليه لسه =وهيفيد ب ايه وهوا قلبه لغيري _خلاص يبقا انتي وشطارتك خليه ليكي مش قادره اقتنع بكلام حنين انا اكيد مش معدومه الكرامه إن اعمل كده _نور ، ممكن تخرجي شويا عاوز اتكلم معاكي =…. _نور لو سمحتي ردي عليا واخرجي نتكلم

فضلنا علي الحال ده كتير لا انا قابله منه كلام ولا قادره اقرب زي ما حنين قالت حاول كتير يتكلم معايا بس انا بدخل أوضتي قبل اما يجي واخرج منها بعد اما يمشي ل شغله وهوا تقريبا يأس لا بقا بيتكلم ولا بيحاول انه يتكلم تاني حياتنا بقت في الصامت _عاش من شافك =جاي بدري _انتي شايفه ايه =تصبح علي خير _نور استني =نعم _انا عارف اني ظلمتك وعارف انك اتوجعتي مني ، بس انا حابب ابدأ معاكي من جديد =تبدأ من جديد!؟

انت عارف انك دمرتلي فرحتي عارف ان من يوم ما انت اتقدمتلي انا ماتبسطتش وعيشت احداث فرحتي زي ما كل البنات بتحب ده انت حتي مهانش عليك تجاملني وتقول لي كلمه تفرحني، طب انا لو مكنتش سمعتك كنت هتفضل تعاملني بتجاهل وانا زي العبيطه كنت هفضل اشحت منك الاهتمام وفي الاخر بتقولي عاوز تبدا من جديد ، انت انسان اناني ي ادم _نور انا أسف

=وبعدين هتعمل ايه كلمه اسف دي ،ولا حاجه ولا حاجه يادم ، خلينا نعدي الكام شهر دول وكل واحد يروح لحاله _بس انا مش عاوز اطلقك =مفيش حاجه اسمها مش عاوز ، كفايه بجد ارحمني وسيبني في حالي الايام بتعدي وانا مش بعمل حاجه غير اني بحط الاكل واسيبه ياكل وادخل الاوضه ،، مش قادره اسامحه مش قادره اتعامل عادي كسره قلبي مش سهله خالص المفروض النهارده هنروح عند حماتي افتكرت لما جه قالي _مساء الخير _اخبارك ايه النهارده!؟

=الاكل علي السفره هدخل انام انا تصبح علي خير مسك ايدي _استني =سيب ايدي لو سمحت كأنه استوعب وقام سايبها بسرعه _ممكن تقعدي اتعشي معايا =شكرا اكلت -محتاج اتكلم معاكي =مش عاوزه اتكلم -نور لو سمحتي =خير ي ادم _امي مكلماني عزمانا عندها اخر الاسبوع =تمام مفيش مشكله _ممكن ينور ناخد هدنه ونحاول نتعامل عادي =…. -عشان خاطري مش حابب حد من اللي هناك يحس بحاجه =طيب -متشكر

رن عليا عشان اجهز نفسي ونروح عند حماتي وجه اخدني ركبت جانبه وانا ساكته وهوا ساكت بس حسيت بتوتر في الجو اخدت بالي منه كذا مره يحاول انه يتكلم معايا ويسكت وانا محاولتش اتكلم خالص وصلنا واول مدخلنا الكل كان مبسوط بينا وحماتي اول مشافتني اخدتني بالحضن وسلمت عليا _عروستنا الحلوه , مش متخيله انا فرحانه ازاي بوجودك وسطنا النهارده ابتسمت بالعافيه=تسلميلي يطنط متحرمش منك،انا كمان مبسوطه -تعالي يادم جمب مراتك واقف بعيد ليه

=ابدا ي امي بس شايفها اخدت الجو مني اتكلمت اخته الكبيره _طبعا لازم تاخد الجو مش عروستنا القموره دي حاولت اندمج معاهم في الكلام عشان محدش ياخد باله كنت قاعدة مع الستات في الصالون، وأدم دخل قاعد مع الرجالة بره في البلكونة. الكل بيتكلم ويضحك وأنا قاعدة ساكتة بشرود. _مالك ياعروسة؟ ساكتة ليه؟ ابتسمت بالعافية =مفيش يا طنط. في نفس اللحظة دخلت بنت من قرايبهم، تقريبًا في سني، وكانت بتتكلم بأريحية زيادة مع أدم وتضحك بصوت عالي.

_ياااه يا أدم بقا اتجوزت أخيرًا؟ مكنتش متخيلة اليوم ده والله. ابتسم مجاملة، وأنا بصيت الناحية التانية كأني مش مهتمة. البنت قعدت جمبه تكلمه عادي، وأنا قلبي بيتقبض غصب عني… فضلت مركزة معاهم من بعيد لحد ما سمعتها بتقوله بدلع: _طب ماعرفتناش على مراتك بقا. أدم لف بعينه عليا… أول مرة من أول القعدة يبصلي بالشكل ده. _نور… ممكن تيجي لو سمحتي استغربت، بس قومت ناحيتهم. أول ما وقفت جمبه، 1 2الصفحة التالية مدونة كامومنذ 4 ساعات

0 7 دقائق