رواية علي الفصل الثالث 3 - بقلم أم احمد

#علي _ام احمد
الثالث _حقيقة
شفت خالتي گاعده ومهمومه ورحت يمها وگتله ها خاله شكو ليش مدزيتي الي العمل الي يخلي زوجي يرضى
گامت عل حيلها واجت قريب كلش عليه وگالت الي
ديري بالج تخلين زوجج يزوج ايرانيه
شنو ليش وشلون عرفتي هيه ايرانيه
دا اكلج اني لاتزوجين رجلج الها افتهمتي
وليش
راح تاخذه منج وراح تجيب اله ولد
اني اخلي يزوج علمود يصير عنده ولد
افتهمي هذا الولد راح يكون الج عدو
ليش يصير الي عدو اني راح اربيه واسويه ابني
شوفي بت حليمه اني گتلج الي عندي زين
زين خاله اني راح اسوي الي براسي لاني محتاجه لهاي العجميه بس انت انطيني شي  تخلي جلال يقبل
براحتج الي عندي گلته الج انتظري اهنا اسوي واجيبه الج جايبه شي يخصه
اي هاج هذا قميصه
لعبيها لاايدج شويه وزودي الفلوس
وطلعت منها واني اكثر مصممه عل زواج جلال مرت ايام وگلبي ماكلني اخاف لا جلال يموت بالحرب من نزل راسا بديت احضر اله العمل وشربته اله بلا ميحس جانت هاي فرصتي لان زواجه لازم يصير وهاي العجميه هيه عل گد ايدي وبس تلعب بذيلها ابلغ عليه الحزب وهمه يكملون العمل مرت يومين واني المح اله عل شهيناز وحسيت بيه قابل وحجى ويه ابو عباس الي مكدر يرفض لان جلال صاحب فضل عليه طبعا العقد بس عد سيد وبس بدون محكمه صح تم كلشي وصارت العجميه زوجه جلال واجى لليوم الي يدخل عليها گلبي وجعني حيل واكلتني الغيره اكله بس مامرت ساعه ورحت دكيت الباب عليهم واخذته الرجلي خفت لاصدك تاخذه مني مكدرت اعوفه يمها هوايه حتى مكدرت اساله كمل شغل وياها لو لا متحملت  اعوفهم هوايه
ابو عباس جان يعرف ان هدف زواج هو انجاب الولد لجلال وجان حاس بااني وره الشغله واني اضمر الهم الشر ويعرف هو ان هو مو گدي لهذا جان ساكت وبس يراقب والتحق جلال للجبهه وبديت اعمله شهيناز معامله قاسيه جانت مثل خادمه الي اتعمدت اذلها رغم كل قساوتي جاتت ساكته ومتحجي وجه بريئه كلش ومااتحمل نظراتها جانت اغلب الوكت ويه بنتي الجبيره بديت احجي ويه بنتي واغلظ گلبها عل شهيناز عمتني الغيره والكره رغم اني سعيت لزواج جلال منها بس حجي خالتي يزن براسي ومر شهر بساع ورجع جلال جان متغير هوايه عليه وراح عل شهيناز لبيتهم وظل اهناك معرفت شااسوي من طلع منهم جان كامش ايد شهيناز رحت عليه وحاولت ابعد عنها بس هو نتر بيه وصعد فوگ هو وياها من صدمه وكعت بالكاع اشهك وابجي واجت امي عليه وبناتي وظل يحاولون يفتهمون مني وراها من الصدمه اغمى عليه
فتحت عيني بغرفتي وجلال بصفي وامي وبناتي راسا حضنت لزوجي وابجي وگتله
عوفها مااريده
سروه شتحجين هيه هسه زوجتي وانت برضاتج زوجتها
وهسه اگلك عوفها
لا مااعوفها اني مو نذل اخذه ابنيه واكسرها واعوفها عرفتي
لعد طلگني
انت تخبلتي شنو گاعد تحجين انتبهي لنفسي لتخلين الغيره تعمي عيونج
وخلا وطلع مني انهاريت وظليت الطم وامي تسكت وتهدي بيه وتگلي انت هاي ردتيها اتحملي انوب تخبلت بزايد  كمت من فراشي وردت اطلع من غرفه كمشتني امي وگالت ترى اذا متعقلين جلال يشمرج ويبقي العجميه يمه اهدئي وخلينه ساكتين الى ان تحبل وتجيب الولد ونشوف شلون نقلعها من طريقنا كلام امي رجع الي عقلي رغم كل غيره وحقد الي بگلبي سكت ورجعت گعدت وباوعت عليها گتله يعني اظل اتحمل
اتحملي وراها نضرب ضربتنا انت زوجتي لوحده صغيره وحلوه  بس هيه مو عراقيه وهاي بصالحنا خليها تجيب النا الولد
اي راح اتحمل الى ان تجيب الولد
عفيه عليج فكري بعقلج احسن منخسر كلشي ونرجع لخدمه البيوت
كمشتني امي من راسي وضمتني لصدرها وكملت لاتخافين ماطول اني وياج
اخ يمه گلبي يوجعني
اتحملي احنه اقوى مجرد وگت
ومرت ايام السبعه واني اشوف جلال يفوت لغرفتها وخلصت اجازه مال جلال واني طلعت كل قهري بيها اذيتها هوايه مكدرت اسيطر عل غيرتي وكرهي الها وره يومين بدت شهيناز تظهر عليها علامات الحمل وتتقيا وتخربطت صح گلبي فرح بس مكدرت ارحمها ابد وامي بدت متقبل عل معاملتي الها وتگلي الطفل ليوگع ويصير عليه شي صح من رجع جلال طار من الفرح بس  ظل يراعي مشاعري وابد محسسني بالنقص ومرت سنه 80 وحمل شهيناز ثگل وجان جلال بالخدمه وبيوم 12 بشهر الواحد اجت الطلوكه لشهيناز وبدت تلوه من الم والدها جان مرعوب عل بنته هوايه لان بعدها صغيره مقبلت انقلها لمستشفى  وجبت الها جده وگتله لجده بعد ان حطيت اله فلوس باايدها اهم شي طفل خافت الجده من حجي بس كتله اذا ولد صار عليه شي اوديه بتهلكها اتشجعت وبدت تحضر لولاده وظلينا الليل كله ننتظر الولد وللفجر ولدت شهيناز ولد مثل الگمر يخبل اول مبجى اخذت بين ايديه  ولفيته بخاولي جانت شهيناز مبين عليه بخوف ورعب وظلت تطلب ان تشوفه اخذت الولد وطلعت وگلبي من فرحه يريد يطلع من مكانه شفت ابوعباس گبالي ومن نظرته عرفت اني نلت مبتغاي توجهت اله وگلت اله
اسمع للصبح اذا انت وبنتك لگيتكم ابلغ عليك الحزب ويجون يشبعوك جلاليق اخذ بنتك واطلع
اني طالع محاجى تهدديني يابنت اصول بس طلب اخير انطيني مهله لليل الكه مكان وبنتي تعبانه
لليل وراها تعرف شيصير
صار
ورحت عل خدامه الي اني جنت سابقا منبهتها عل تحضير الحليب وغرفه للمولود الجديد ظليت حاطه الطفل بحضني رغم فرحي بيه بس ماحبيتها مااعرف ليش يمكن لان خالتي حذرتني او لان هو ابن ضرتي طفل بدا يبجي صحت عل خدامه تاخذه مكدرت انطيه الحليب سلمته الها وطلعت بدا الصبح يشگ وشمس تعلا ظليت بغرفتي وخليت امي هيه تتولى طرد شهيناز وابوها وسمعت صوت وعياط من طلعت من غرفه جانت شهيناز تبجي وتتوسل حتى اخليها تشوف ابنها  او ترضع جان ابوها يحجي وياها بالفارسي ومجنت افهم شيگول الها جانت منهاره وتتوسل بيه بس اني مگدرت ارحمها گلبي احسه خالي من اي مشاعر الرحمه نحوها وگتلهم لليل تتطلعون والإ تعرفون النتيجه واخذها ابوها وهيه تردد الله عل ظالم الله عل ظالم  كلماتها زرفت اذاني وشفت امي گبالي وگالت هاهيه انحلت المشكله لا تخافين بعد لا من عيالج ولا من شهيناز
يمه ديري بالج عل ولد اني راح انام ماالي خلگ اله وفكري شراح نكول لجلال من يرجع
شنكول اله نگله خافوا لا امن يحس عليهم وطلعوا لان صار تفتيش عل ايرانين
مااعرف هسه بيش افكر تعبانه من اكعد الگه الها حل
ارتاحي ومن يجي جلال يلحها الف حلال
ودخلت لغرفتي ونمت مكعدت الا للعصر عل صوت الطفل يبجي رحت عل خدامه جانت تحاول ترضع بيه بس هو يبجي ويصرخ  وسالت ليش ديبجي  الطفل گالت خدامه يمكن متاذي من حليب خلي امه ترضعه
لا انطيه الي اخذته وحاولت ارضعه طفل جان ميتقبل وظل يبجي وكتله لاامي تاخذه ضجت من صوته محسيت نحوه اي عاطفه ولليل غادر ابو عباس وشهيناز البيت وعلي كدرنا نسكته ونام وعم البيت الهدوء
وره اسبوع اجى جلال من الجبهة واول مدخل سال عل شهيناز
واهنا انطيته الولد اخذه بين ايديه وشمه وباع عليه وكلي وينها
مااعرف
شنو يعني متعرفين
امن سوا حمله عل منطقه عل اثره ابو عباس اخذ بنته
انت كذابه اني اعرف طردتيهم
جلال مدااكذب عليك فوك محافظت عل ولد
لازم اعرف وينها
جلال الولد يسجل بااسمي تسميه علي
ليش وامه
امه ايرانيه شنو وين جنسيتها
اني جبت ال علي
انت علمود هاي زوجتيها الي لان تردين منها الولد حتى يسجل بااسمج مو
جلال ماكو حل غيره
صح ست سروه ماكو غير يسجل بااسمج بس اعرفي اذا عرفت انت سبب وره طلعت شهيناز الا اخليج تبجين دم
جلال  اني حبك وحياتك وام بناتك
شهيناز انظلمت
واني منظلمت من الرحم مالتي شلتوه
هذا قدر الله
الله عوضني بهذا الطفل واني مسويت شي لاامه
صار سروه صار الولد بااسمج وراح اسميه علي

تحياتي الكم _ام احمد