تحميل رواية «عمر الديب» PDF

رواية عمر الديب يعود الجزء الثالث (الارحام المحروقة) الفصل الاول

عمر الديب اللي معروف في جهاز المخابرات ب صقر المخابرات راجع ليكم بمهمة جديدة. راجع يكشف حقيقية عملية احراق الرحم اللي عملوها لنساء السويد  ودي كانت السبب في عدم قدرة النساء علي الحمل واصابتهم بالعقم. ودة اللي ماكنش معلن لنساء السويد ولما اكتشفو الحقيقية دي قامت المظاهرات وما بطلتش علشان كدة لجأت منظمة طبية تدعي ويمبو. تابعة لكيان مجهول لفكرة تبني كل اسرة طفل واحد والطفل دة من.،،،،،،،  عايزين تعرفو الطفل دة من اية  هقولكم

وبسم الله توكلت علي الله وهو رب العرش العظيم

احنا دلوقتي بالليل ومن جوة احدي سجون السويد وهو سجن كوملا يفتح غطاء بلاعه كبيرة بحذر شديد وتخرج راس امراة في الاربعينات من عمرها وكانت بتبص يمين وشمال علي الحراس ولقيت ان الجو هادي فطلعت من البلاعه بمنتهي السرعه وجريت داخل السجن الي ان وصلت عند شجرة كبيرة قبل بوابة السجن الرئيسية وقفت وبدات تاخد نفسها ومع دقات قلبها السريعه والعاليه كانت بتبص بطرف عينها علي ثلاث حراس مسلحين واقفين عند البوابة وفضلت تبص لهم بترقب شديد. لغاية ما جة ووقف قدام منهم شاب اشقر لابس بلطو ابيض يعرفو الحراس وبص هذا الشاب لهذة المراة وكانها كانت اشارة وهنا اتحركت هذة المراة ناحية البوابة شافوها الحراس الثلاثة وقال قائدهم بلغة سويدية

اقفي عندك فريدة .

لكن هذا الشاب بسرعه البرق حط ايدة في جيبة وطلع ازازة بنج مركز وبخ في وش الثلاث حراس وبص ل فريدة وقال باللهجة العربية المكسرة

اهربي فريدة. لبعيد والاحسن ترجعي بلدك مصر

فريدة

وابني معتز. اسيبه هنا واهرب ازاي دكتور اكسل

اكسل

انتي لوحدك مش هتقدري عليهم ارجعي بلدك واطلبي المساعدة.  فريدة يلا اهربي. جواز سفرك المزيف موجود في خزنة خاصة من خزائن المطار. باسم مريم نعيم مهندسة ديكور مصرية كانت بتقضي اجازتها في السويد وطيارتك كمان ساعه.  والخزنة باسمك والباسورد عيد ميلادك.  ومع جواز السفر هتلاقي هدوم وباروكة تخليكي شبة الصورة اللي في جواز السفر

فريدة

وانت اكسل

اكسل

انا هسافر هولندا وهناك ما حدش هيقدر يوصلي

فريدة سلمت علي اكسل وقالت

متشكرة جدا اكسل

اكسل

بلاش تضيعي وقت يا فريدة. قولت لك اهربي وبسرعه قبل ما يطلع النهار ويكتشفو هروبك

وخرجت فريدة وهي بتجري من البوابة واكسل بيبص عليها، ،،،،،،،،،،،

ومن قدام مطار القاهرة تقف فريدة قدام بوابة المطار وهي في شكل وهيئة مريم نعيم وتشاور ل تاكسي واول ما يقف يبص لها السائق ويقول

علي فين يا مدام

فريدة

مبني المخابرات المصرية، ،،،،،،،،،،،،،،

ومن جوة اوضة من ازاز تقعد فريدة قدام باسم  صديق عمر الديب وكان واقف وراء الازاز عمر الديب اللي كان سامع كل الحوار اللي داير بين فريدة وباسم. وفريدة كانت بتعيط وباسم بيقول لها

افتكر انك محتاجة تهدي شوية لان عياطك مش هيخليني افهم اية المشكلة بالظبط

طلعت فريدة منديل من شنطتها ومسحت دموعها وبدات تهدأ وبعدها قالت

اسفة. بس مش قادرة استوعب لغاية دلوقتي ازاي عملو كدة. ازاي يجي لهم قلب يحرموا ام من ابنها

باسم

هما مين دول

فريدة

منظمة طبية جوة دولة السويد.

باسم

اسمها اية المنظمة دي

فريدة

ويمبو

باسم

عرفت ازاي بوجود المنظمة دي

فريدة

انا دكتورة امراض نساء وسافرت السويد مع المنظمة دي لعلاج نساء السويد اللي اتصاب معظمهم بالعقم.

باسم باستغراب

العقم. ودة ازاي حصل

فريدة

في الاول ك فريق طبي سافر للسويد افتكرنا انه فيرس معدل لفيروسات كتير بدات تنتشر في وقتنا دة. لكننا اكتشفت ان في حد متعمد يحرق المبايض اللي في الرحم وتشويها عن طريق تركيبة خطيرة من اخطر المواد  البيولوجية المحرمة دولية. مادة حارقة تسمي. ميزوري

باسم

والمواد البيولوجية دي بتوصل لرحم النساء ازاي

فريدة

عن طريق جوزها والاتصال اللي بيتم بينهم.  او صديق ليها لان زي ما حضرتك عارف اوروبا في موضوع العلاقات بين الراجل والست مش زي عندنا في المجتمع العربي

باسم

والمادة الحارقة  دي بتدخل جسم الراجل ازاي

فريدة

معروف ان في السويد الطبق الرئيسي ل اكلهم هو طبق كرات اللحم. زي الفول والطعمية كدة في مصر كانت مادة ميزوري دي بيتم وضعها  وسط كرات اللحم بالنسبة اللي ما تخليش الراجل يتصاب باي ضرر وفي نفس الوقت تصيب مراته باحراق الرحم. في منطقة حساسة جدا وهي المبايض الخاصة باحداث الحمل

باسم

ولما انتي عرفتي كل دة ما حاولتيش لية تبلغي اي حد مسئول هناك وتكشفي حقيقية منظمة ويمبو

فريدة

دة اللي حاولت اوصلة ل مديرة المستشفي لكن بعدها وللاسف عرفت انها معاهم وبتساعدهم في نشر مادة احراق الرحم. ولقيت الحكومة السويدية بتصدر امر القبض عليه وايداع ابني  في مؤسسة ويمبو اللي بتحمي الاطفال العرب.  المتضرين من عنف والديهم

باسم استغرب وقال

دة قانون سويدي

فريدة

لا. دة اقتراح منظمة ويمبو. والطفل العربي اللي يدخل المؤسسة عندهم دي بيتعرض بعد كدة للتبني. وباسعار عالية جدا.  وبيحضر للمؤسسة دي اكتر من عائلة من عائلات السويد لاختيار بين الاطفال وكانهم في سوق العبيد.  اعترض وطلبت حقي بالقانون. لكني لقيت نفسي جوة سجن كوملا بلا اي تهمة. او تقدر تقول تهمتي اني قولت لا. لما عرفت حقيقية منظمة ويمبو. وبعد 10 سنين في سجن كوملا قدرت اوصل رسالتي لدكتور السجن الدكتور السويدي اكسل اللي صدقني وقرر بساعدني اهرب من السجن وهربت وجيت علي هنا. اطلب مساعدتكم في انقاذ ابني وانقاذ اطفال كتير من العرب. والمصريين. اللي عددهم في السويد 11 الف عائلة ويمكن اكتر

باسم

افهم من كدة ان ابنك اصبح ملك ل عائلة سويدية

فريدة

افتكر كدة زية زي غيرة من اللي خدتهم مؤسسة ويمبو

هنا يفتح الباب ويدخل عمر الديب اللي كان بيسمع كل الحوار ووقف قدام فريدة وبص لها وقال

ابنك كان عنده كام سنة لما اتاخد منك

فريدة بصت ل عمر باستغراب ولسان حالها بتقول مين دة. لاحظ باسم السؤال في عيون فريدة فقال

دة عمر الديب ظابط معانا في الجهاز وطالما دخل الاوضة دي وسالك بنفسه اعرفي انه بقي معاكي

فريدة

كان عنده 8 س.

عمر

يعني دلوقتي 18 سنة.

فريدة

بالظبط

عمر

اسمه اية ابنك

فريدة

معتز

عمر ابتسم وقال

عايزك تطمئني باذن الله قريب اوي معتز هيكون في حضنك

فريدة

يارب، ،،،،،،،،،،

من جوة مكتب السيد كامل الرئيس المباشر ل عمر وباسم يقعدوا الثلاثة وكان السيد كامل بيقول

قضية معقدة وتدخلنا فيها معني التدخل في شئون داخلية ل دولة اوربية ما فيش بينا وبينهم اي مناوشات

عمر

يعني يا فندم نسكت علي اللي حصل للدكتوراة فريدة وابنها معتز. دول برضو مصريين

السيد كامل

عمر احنا شغالين في جهاز حساس ومشاكل المصريين برة مصر كتير مش مسئوليتنا احنا نحل كل المشاكل دي.  حل مشكلة ابنها عند السفارة هي المسئولة لارجاع ابنها

باسم

لو تسامحني يا فندم. بس الدكتوراه دي اتاذت بسبب انها رفضت الغلط. وتجربة زي تجربة احراق الرحم دي ممكن اوي توصل مصر ومش بعيد تكون بتطبق في مصر من غير ما نحس. لاننا احنا 120 مليون نسمة. مش زي السويد تعدادهم اقل مننا. فكان سهل اكتشاف المؤامرة الشيطانية دي

السيد كامل

انا معاك. ودة احتمال بنسبة كبيرة ممكن يكون حصل وبيحصل بس ارجع واقول لك. احنا هنا موجودين لحماية مصر من اي تهديد داخلي وخارجي ظاهر لينا ولغاية دلوقتي ما فيش تهديد صريح او اكنشاف طبي بوجود حاله واحدة من حالات احراق الرحم. في مصر

عمر

يا فندم ادينا الضوء الاخضر وخلينا ننهي الشر دة ولو حتي لسة ما بقاش عندنا

السيد كامل بحزم

القضية دة مش قضيتنا.  خلوها تروح السفارة

باسم

بس،،،،،،

السيد كامل وقف وهو بيقول

انا ماشي

وخرج السيد كامل من مكتبه وساب الاثنين يبصوا ل بعض وقال باسم

وبعدين يا اخينا

عمر

جربنا الطريقة السهلة. خلينا بقي نجيبها بالطريقة الصعبه،،،

وبعدها بيومين ومن جوة اوضة نوم السيد كامل ووقت ما كان بيشرب قهوته وبيتابع احدي البرامج السياسية سمع المذيع بيعلن عن فقرة مع الدكتورة فريدة وفعلا دخلت فريدة للاستديو وبدات تحكي حكايتها اللي حصلت في السويد اتصدم السيد كامل وحط فنجان القهوة جنب منه وقال بعصبية

اية اللي بتعلمو المجنونه دي

وقالت فريدة وسط كلامها الكتير

والمنظمة دي ليها اتياع في مصر. ومش بعيد تكون بدات من سنين في احراق الرحم.  لنساء مصر

وفضلت تتكلم بتفاصيل اكتر واكتر. وبمجرد ما خلصت الحلقة. رن الموبيل الخاص ب السيد كامل فرد بسرعه وبارتباك شديد

الو

وسكت شوية وبعتها قال

اوامر سيدك يا فندم. انا بنفسي هشوف الملف دة.

وانهي المكالمة. وحط الموبيل جنب منه وهو بيقول بعصبية

عملتها يا عمر وخلتني اقبل ملف فريدة،،،،،،،،،،،،،

رواية عمر الديب يعود الجزء الثالث (الارحام المحروقة) الفصل الثاني

وبسم الله توكلت علي الله وهو رب العرش العظيم

★وفضلت تتكلم بتفاصيل اكتر واكتر. وبمجرد ما خلصت الحلقة. رن الموبيل الخاص ب السيد كامل فرد بسرعه وبارتباك شديد

الو

وسكت شوية وبعتها قال

اوامر سيدك يا فندم. انا بنفسي هشوف الملف دة.

وانهي المكالمة. وحط الموبيل جنب منه وهو بيقول بعصبية

عملتها يا عمر وخلتني اقبل ملف فريدة. ورن موبيل السيد كامل تاني واللي كان بيتصل عمر بص للموبيل وبمجرد ما فتح الخط سمع عمر بيقول

قلبي حاسس ان حضرتك عايزني

ابتسم السيد كامل من طريقة عمر وقال

قلبك ابيض اوي ودليلك

عمر

ابن حضرتك وبدلع عليك يا فندم. المهم حضرتك جت الاوامر العليا

السيد كامل

جت وبسببك هندخل حرب ملناش فيها

عمر

ما فيش حرب خالص يا فندم. العملية هتبتدي وتنتهي من غير ما حد يعرف ان المخابرات ليها دخل

السيد كامل

عارف لو رجعت من هناك وسايب وراء منك ناس كتير مقتوله. زي ما عملت في منظمة الافعي.

**دي في احداث اول قصة ل عمر الديب **

عمر

صدقني يا فندم اللي بيموت يبقي عمره خلص انا بس كل اللي بعمله اني بحطة علي اول الطريق. والباقي بتاع ربنا

السيد كامل

يعجبني فيك ايمانك

عمر

اتعلمته من حضرتك يا فندم

السيد كامل

اطلب حماية مضعفة علي فريدة لانها اكيد بعد اللي قالته في برنامج النهاردة هيحاولو يقتلوها

عمر

يقتلوها ازاي بس وهي هتكون معايا في السويد

اتصدم السيد كامل وقال

انت مجنون عايز ترجع بيها للسويد

عمر

دة أمن مكان لانهم ببساطة عمرهم ما هيدوره عليها في السويد. واللي هيجي منهم هنا باسم يصطادة

السيد كامل

اية خطتك يا عمر

عمر

الخطة مكتوبه كاملة في ملف موجود علي مكتب حضرتك،،،،،،،،

وبعدها بشوية ومن جوة شقة عمر تقعد فيروز مراته وكانت بتذاكر لابنهم يوسف صاحب ال 5 س. فيفتح عمر باب الشقة ويدخل ومعه فريدة بصت لهم فيروز باستغراب شديد فقال عمر

تعالي يا فيروز سلمي علي الدكتورة فريدة

قامت فيروز وسلمت علي فريدة وقال عمر

فيروز مراتي.

رحبوا الاثنين ببعض وندهه عمر ل يوسف وخلاه يسلم علي فريدة وقال عمر

اية هنفضل واقفين كدة ولا اية

فيروز

لا. طبعا اتفضلو

وزي اي ست مصرية وقفت فيروز عند باب المطبخ وندهت علي عمر وقالت

ممكن يا عمر تيجي تساعدني

استاذن عمر من فريدة وسابها مع يوسف ودخل المطبخ ووقف قدام فيروز اللي قالت بشئ من العصبية ممزوجة بالغيرة

مين دي

عمر باستفزاز

دي فريدة

فيروز وهي ماسكة الكبشة. وبتشوح بيها

غيرة.

عمر

يعني اية غيره

فيروز

عرفت اسمها. عايزا معلومات تانية

عمر ببرود

دكتورة

فيروز وهي بتحط الكبشة فوق راس عمر

والله هضربك بيها. غيرة

عمر

انتي عرفتي انها دكتورة.

فيروز بعصبية لكن بصوت واطي

عرفت انها فريدة ودكتوره. بتعمل اية هنا

عمر

هتقعد معانا كام يوم كدة لغاية ما سافر انا وهي

فيروز اللي برقت وقالت

اية. وانت هتسافر معها لية. تقرب لك اية علشان تسافر معاها ولا هي تسافر معاك

عمر

مش مراتي وهنروح نقضي شهر العسل في السويد

فيروز مسكت في رقبته وقالت

نهارك اسود بلاك. هي مين دي اللي مراتك.

عمر بنفس البرود

فريدة

فيروز

انت بتحفظني اسمها. عرفنا انها فريدة. انجوزتها امتي ولية وازاي. هو انا كنت قصرت معاك في اية

عمر

لا. خالص بس انا محتاج الفترة الجاية اغير عتبه

فيروز

لا عتبه. ولا وكاله. دة انا هخليك تغير علي كل جرح هكون انا السبب في

وبدات تضرب في بالكبشة وهو بيضحك وهي تعض شوية وتضرب شوية. وهو مسك ايدها وبص في عيونها وهي عايزا تفك نفسها من لكنة قال بمنتهي الحب

ازاي تصدقي اني ممكن اتجراء وادي فرصة ل قلبي انه يحب غيرك او ادي فرصة ل عيوني يشوفو غيرك.

بدا الكلام يلين فيروز اللي قالت

اومال اية حكاية انها مراتك دي

عمر

هحكي لك لما نقعد ل وحدينا ودلوقتي لازم نرجع لفريدة بدل ما تقول انها تقيلة علينا ولا حاجة

فيروز

هي بصراحة تقيلة وحاسة كدة ان دمها واقف ورخمة وباردة كدة حاجة كدة تخلي الواحدة تبقي عايزا تجيبها من شعرها الناعم دة. حاجة تقرف،،،،،،

بعدها بشوية وبعد ما فيروز عرفت حكاية فريدة كانت واخدها في حضنها وعماله تعيط علي عياط فريدة وقدام منهم قاعد عمر وعمال بيسحب في مناديل من العلبه ويدي ل فيروز وجه يدي منديل ل فريدة مسكت فيروز المنديل منه وبصت له بصة ترعب واديت المنديل ل فريدة ورجعت تاخدها في حضنها اوي وتعيط وعمر بيبص لها وعمال يضحك من تحت ل تحت ،،،،،،،،،

ومن جوة مكتب السيد كامل يقعد الثلاثة وكان باسم بيعرض علي شاشة كبيرة قدام منهم. شعار لمنظمة ويمبو الطبية اللي عبارة عن مثلث وفي النص كلمة ويمبو وكان باسم بيقول

علي حسب مصادرنا اللي في السويد قدرت اعرف ان منظمة ويمبو الطبية بيتحكم فيها مثلث. من تلت ضلوع او بالتفصيل تلت دكاترة من اشهر دكاترة العالم في امراض النساء والتوليد. لدرجة انهم معروفين جوة المنظمة ب مثلث برمودا. ماحدش يقدر يدخل وسطيهم ويخرج سليم.

السيد كامل

قدرت تجيب صورهم

باسم

طبعا يا فندم

وبدأ باسم يتحكم في شاشة العرض ويعرض اول صورة ودي كانت لشخص ضخم الجثة شعره ابيض بياض الثلج ملامحة حادة لابعد درجة وقال

دي صورة الدكتور ارفين جوزيف نمساوي الجنسية يهودي الديانه. ودة صاحب فكرة تكوين منظمة وينمبو الطبية لعلاج النساء من العقم.

السيد كامل

ملهوش اي علاقة بالموساد

باسم

رجالتنا في السويد اكدوا انه دكتور وبس وملهوش اي علاقات مشبوهة مع اي اجهزة مخابراتية

وجاب باسم الصورة اللي بعدها ل امراة وحشة جدا وكببرة في السن ووشها شاحب وكانها مريضة وقال

ودي نائبة دكتور ارفين. الدكتورة ميلا جوزيف

عمر

دي اختة

باسم

مافيش معلومة اكيدة لكن في اللي بيقول انهم اخوات غير شرعيين. رغم ان في بينهم علاقة غير شرعية

عمر

ودي برضو يهودية

باسم

لا. مسيحية ومتعصبة جدا ومتدينه لابعد الحدود. ورغم ان كلامها قليل جدا لكنة خطر جدا

وجاب باسم صورة تالتة لدكتور مصري يعرفو كلهم دكتور مشهور وقال باسم

ودة بقي كان بالنسبة لي مفاجاة. الدكتور المصري خالد عبد الرحمن. الضلع الثالث في مثلث برمودا

السيد كامل

كدة المنظمة ليها نشاطات جوة مصر

باسم

اكيد يا فندم طالما دكتور خالد معاهم

عمر

احنا محتاجين دليل قوي دة غير انه هو دكتور واستشاري كبير فهو كمان. عضو مجلس شعب.

السيد كامل

حاسس ان المنظمة دي ورها اللي اخطر من احراق الرحم.

عمر

تفتكر يا فندم فكر ماسوني

السيد كامل

بلاش. نستعجل وخلينا ناخدها خطوة خطوة. وملف خالد مع ملف اللي هتبعتهم المنظمة لتصفية فريدة مسئول من باسم.

وبص ل باسم اللي قال

تحت امرك يا فندم

وبعدها بص السيد كامل ل عمر وقال

وانت ملفك كله هيكون في السويد. جهز نفسك لانك هتسافر بكرة. وجوازك السويدي طلع ليك ول فريدة. انت باسم البرت الكسندر. ومراتك فريدة باسم ايملي كالي

عمر

تمام يا فندم، ،،،،،،،،،،،،

وبعدها ب يوم بالظبط كان عمر اللي شكله اتغير تماما ومعه فريدة اللي شكلها اتغير تماما في قلب السويد. علشان يبتدي الجحيم، ،،،،،،،،،،،،،،،

ومن جوة مكان غامض يقعد رجل ببدلة وقدام منه اكتر من شاشة عليها قنوات اخبارية وبيتفرج علي القنوات دي وقت ما دخل عليه راجل تاني ومن غير ما يبص له قال باليهودية

وصلتو للي اسمها فريدة دي

الراجل

رجالتنا في مصر قالبين عليها الدنيا

الغامض بهدوء شديد

وهستني كتير ل غاية ما نوصل لها

الراجل

احنا مش مقصرين

الغامض بابتسامه خبيثة

دكتورة تهرب من سجنكم. وترجع بلدها تفضح امرنا ولغاية دلوقتي مش قادرين توصلو ليها وتقولي مش مقصرين. امراة تدمر لي منظمة كونتها في سنين وخليت ليها اكتر من فرع في جميع انحاء العالم وتقولي مش مقصرين

وبمنتهي العصبية ضرب ايدة في احدي الشاشات كسرها من قوة الضربة وقال

قدامك يوم كمان ولو فريدة لسة من اهل الدنيا. انت هتكون من اهل جهنم.

اترعب الراجل وبلع ريقة بصعوبه والغامض قال

اخرج

وخرج الراجل بسرعه والغامض مسك موبيلة وطلب. رقم وحط الموبيل علي ودانه واستني لحظات وبعدها قال

حضر جهاز الماسح الجيني وسجل عليه بيانات وبصمة فريدة الموجودة في ملفات السجن اللي كانت في. وابدأ امسح بي كل كراسي الطائرات اللي جت السويد في اخر 5 ساعات

وسكت للحظات وقال

مش بعيد تكون فريدة رجعت السويد تدور علي ابنها

وسكت للحظات ورجع قال

مش هتكون ل وحديها اكيد معاها اللي يساعدها وعن طريق جهاز الماسح الجيني لو بصمتها موجودة علي كرسي من كراسي الطيارة هنقدر احنا نوصل ليها وللي معاها

ورمي الموبيل جنب منه و رجع يبص للشاشات مرة تانية ، ،،،،،،،،،،،،،،،،

وفعلا اتحرك كام راجل من الشرطة السويدية ومعهم جهاز الماسح الجيني ودة جهاز عامل بالظبط زي الكلب البوليسي بس بتكنولوجيا عالية جدا وبمجرد ما تسجل عليها بصمة او صفة وراثية او فصيلة دم لاي حد عايز توصل له بيقدر يوصل عن طريق الليزر اللي جوة منه اللي لو عدي فوق مكان كان في الشخص اللي سجلت بيانته في الجهاز. بيدي اشارة انة وصل للشخص المسجل بيانتة

وبدأت رحلة البحث ووصلو الرجال للطيارة اللي كانت فيها فريدة مع عمر وراحو بالماسح الجيني عند الكرسي اللي كانت قاعدة عليها فريدة وحطوا الجهاز فوق الكرسي و،،،،،،،،،،،،

رواية عمر الديب يعود الجزء الثالث (الارحام المحروقة) الفصل الثالث

وبسم الله توكلت علي الله وهو رب العرش العظيم

وبدأت رحلة البحث ووصلو الرجال للطيارة اللي كانت فيها فريدة مع عمر وراحو بالماسح الجيني عند الكرسي اللي كانت قاعدة عليها فريدة وحطوا الجهاز فوق الكرسي و لكن الجهاز لم يصدر اي اشارة تدل علي ان فريدة كانت موجودة علي الكرسي دة. وخلصو الرجال فحص ل باقي الكراسي ونزلو من الطيارة، ،،،،،،،،،

ومن جوة ريسبشن في اغلي فنادق السويد يقف عمر ومعه فريدة قدام موظف الريسبشن. وكان الموظف بيقول لهم

اقامة سعيدة سيد البرت الكسندر.

وبص ل فريدة وقال

اقامة سعيدة مدام ايملي كالي

رد عليه عمر بالانجليزي وقال

اشكرك

وامر موظف الريسبشن احدي العمال بتوصيل شنط عمر وفريدة ل اوضتهم ،،،،،

ومن جوة الاوضة يقعد عمر علي سرير وقصاد منه تقعد فريدة علي سرير تاني وتبص للجونتي اللي في ايدها وتقول

انا هفضل لابسة الجونتي دة كتير

عمر

تقدري تقلعي لكن مش محتاجة اقول لك تاني انك مش هينفع تلمسي اي شئ حوالين مننا من غير جوانتي

فريدة باستغراب

ولية دة كله

عمر

من باب الاحتياط. لاني ما عرفش لسة انا بتعامل مع مين وبيفكر ازاي. وواصل لغاية فين في اخر احدثيات. تكنولوجيا. التعقب

فريدة وهي بتقلع الجونتي

مش قادرة افهم انت قولت اية

عمر بابتسامة خفيفة

بلاش اصدعك بتفاصيل تخص شغلنا. ونفذي اللي اطلبه منك وخلاص

فريدة

طيب ممكن اعرف اية الخطوة اللي بعد كدة

عمر

هنروح المؤسسة علشان نتبني طفل

فريدة بخوف شديد

اروح لغاية عندهم برجلي

عمر

ومالك خايفة لية كدة

فريدة

وما خفش ازاي بس اكيد هيعرفوني

عمر

دكتورة فريدة روحي بصي كدة في المريا لو عرفتي نفسك بعد المكياج اللي اتعمل ليكي يبقي هما هيعرفوكي. انتي دلوقتي ايملي كالي. اللي كانت عايشة في الساحل الشمالي طوال 10 سنين بحكم شغلها الهندسي في مفاعل الضبعه النووي

فريدة

لية التفاصيل دي. واشمعني مهندسة في مفاعل الضبعه

عمر

دة طعم علشان لو المنظمة تابعه لاي جهاز مخابرات هيساعدونا اكتر من لو كنا اتنين سويدين عادي

فريدة

ومش هيعرفوا اننا بنكذب عليهم

عمر

هيحصل ازاي دة بس وفعلا المهندسة ايملي كالي. وجوزها البرت الكسندر. مهندسين في مفاعل الضبعه النووي

فريدة

دول الحقيقين انما احنا،،،،،،،

قاطعها عمر وقال بحزم

ما تشغليش بالك بالحقيقين. لان من دلوقتي ما فيش حد غيرنا شايل اسم البرت الكسندر. و مراته ايملي كالي

ووقف عمر وقال

يلا بينا نروح مقر الموسسة، ،،،،،،،،،،،

وفي نفس الوقت كان باسم واقف قدام السيد كامل وبيقول

عمر الديب وصل السويد وبدات المهمة

السيد كامل

تواصلت معه

باسم

حصل يا فندم وهو دلوقتي مع. دكتوره فريدة رايحين للمؤسسة الخاصة بتبني الاطفال العرب

السيد كامل

واية اخر اخبار دكتور خالد عبد الرحمن

باسم

التقارير اللي جت كلها بتقول انه انسان سليم جدا. وما فيش وراء منه اي علاقات مشبوهة. سليم ل درجة انه ما بيغلطش

السيد كامل

ملاك يعني

باسم

اكيد لا. بس تقدر تقول انه حريص اوي. ودة ممكن يكون علشان هو عضو مجلس شعب

السيد كامل

او علشان عضو منظمة ويمبو ومش عايز يثير اي شك حوالين منه

باسم

احتمال برضو يا فندم. بس اللي لحظتة وانا بجمع عنه المعلومات انه اتجوز تلت مرات. بعد طليقته الاولي ومن خلفش ولا مرة من التلاتة. رغم انه خلف من اول زوجة لي

اللي خدت بنته وهاجرت كندا مع جوزها التاني. من وراء منه

السيد كامل

غريبة دي. معقوله اتجوز تلت ستات ويبقي العيب منهم

باسم

او يكون جوة جسم دكتور خالد مادة احراق الرحم ودة اللي مخلي اي ست يتجوزها تصاب بالعقم

اتعدل السيد كامل في مجلسة وقال

تقصد انه اتجوز التلاته بعد انضمامه ل منظمة ويمبو

باسم

تمام سيدك

السيد كامل

وازاي ينضم للمنظمة ويبقي من اعضاء المثلث اللي بيتحكمو فيها وهو جسمة محمل بمادة احراق الرحم

باسم

دة بقي اللي ملهوش تفسير عندي

السيد كامل

باسم باسرع وقت تاخد من دكتور خالد عينه وتتاكد من ان جسمة جوة منه المادة الحارقة. هي اسمها صحيح

باسم

ميزوري يا فندم

السيد كامل

هي دي.

باسم

تحت امرك يا فندم

السيد كامل

وبالنسبة للمطار ما فيش اي حد مشتبه في دخل مصر ويكون لي علاقة ب المنظمة

باسم

تقصد حد جاي يقتل دكتورة فريدة

السيد كامل

بالظبط

باسم

ما فيش يا فندم

السيد كامل

غريبة. يعني دكتورة مصرية تطلع في تلفزيون بلدها وتفضح امرهم وهما ما يبقاش ليهم اي رد فعل

باسم

افتكر يا فندم انهم هيقتلوها عن طريق الناس اللي ليهم جوة مصر.

السيد كامل

تقصد انهم كلفو خالد بالخلاص منها

باسم

انا لو مكانهم هعمل كدة

السيد كامل

نبقي نتاكد الاول وبعديها نفكر المفروض نعمل اية، ،،،،،،،،

ومن جوة مؤسسة ويمبو اللي كانت في منطقة خالية من السكان. يقعد عمر الديب ومعه فريدة قصاد شخص متجمد الملامح. بلا اي مشاعر حاد النظرات مستحيل يكون غير مجرم لكنه في المؤسسة هو المسئول عن الاطفال ويدعي اندرية موسكاني. وكان بيبص لهم اندرية وكانه بيفحصهم كويس جدا وبص في جوازات السفر الخاصة بيهم وبعدها قال

جوازكم تم من كام سنة

عمر

من 15 سنة

اندرية

وطول فترة جوازكم ما حصلش حمل

عمر

لو حصل حمل مكناش احتاجنا

ل تبني طفل من مؤسستكم

اندرية بابتسامه كئيبة

مفهوم. بس الاطفال الموجودة عندنا للتبني من اصل عربي

وعلشان يتم التبني لازم الزوجة تكون عقيمة

وبص بطرف عينه ل فريدة وكمل وقال

ودة اللي بيحددة لجنة طبية هتقوم بالكشف علي السيدة ايملي كالي

بلعت فريدة ريقها بصعوبه وحست ان خطتهم هتتكشف لكنها بصت

ل عمر اللي كان بيقول

واحنا جاهزين للكشف دة.

اتصدمت فريدة وهنا اندرية قال

تمام. بكرة في نفس الميعاد السيدة ايملي كالي. تيجي هنا هتكون في عربية في انتظارها هتنقلها ل مقر المستشفي التابعة ل منظمتنا ويمبو

وقف عمر وقال

هنكون موجودين في الميعاد ،،،،،،،

ومن جوة عربية اشتراها عمر للتنقل جوة السويد. تقعد فريدة جنب عمر وكانت بتقول له

ممكن افهم بقي انت ناوي علي اية

عمر بثبات

ناوي اخليهم يكشفو عليكي

فريدة

ما هما وقتها هيعرفو اني ممكن اخلف عادي وما عنديش عقم

عمر

مش هيحصل لانهم هيلاقوكي عقيمة

فريدة

ازاي بس

عمر

دة بقي شغلي انا

وهنا يلاقي عمر عربية كبيرة بصندوق تقف قدام المؤسسة وينزل من العربية رجلين ضخمين ويفتحوا باب الصندوق الخلفي علشان يشوف عمر اكتر مشهد مستفز شافو في حياته حوالي 20.طفل من 5 ل 10 س. وكلهم يصرخون في نفس واحد ويقولو بلكنات عربية كتيرة منها المغربي والسوري والمصري والعراقي

سيبونا نرجع لاهالينا مش عايزين نكون معاكم. سيبونا

لكن وبمنتهي العنف نزلوهم الرجلين من العربية وبدوا يجروا فيهم وكانهم حيونات في سلاسل منظر ما بنفعش يكون في دوله اوربية بتنادي بالحريات. بس الحرية هنا في البلاد دي ل اصحاب البلد مش للاغراب واتعصب عمر ومسك مقبض الباب وكان بيستعد للنزول والدفاع عن الاطفال لكن هنا تظهر فتاة علي موتوسيكل ومعها سلاح الي بدات تضرب النار علي الرجلين الضخمين وقع منهم واحد والتاني قدر يستخبي وراء صندوق العربية وبدأ يضرب نار علي هذة الفتاة اللي تخطيت العربية ولفت الموتوسيكل من تاني ورجعت بوشها ناحية العربية وقالت باعلي صوت عندها وبلكنه تركية

ارسلان

بص لها طفل من وسط الاطفال وقال برضو بالتركي

اختي ديلا.

ديلا وهي بتضرب نار بشكل عشوائي علي صندوق العربية لكن بعيد عن الاطفال.

اجري ناحيتي ارسلان وباسرع ما فيك

لسة هيجري ناحيتها ارسلان طلع من المؤسسة اندرية ومعه كام رجل مسلحين وبدأ يضرب النار علي ديلا اللي وقعت من فوق الموتوسيكل.

و هنا كان لازم يدخل عمر الديب.

ف داس عمر علي زرار في العربية خلي كل الازاز اللي فيها فامية غامق ما يبينش اللي جوة العربية و قال عمر ل فريدة

بتعرفي تسوقي

فريدة

اة

قعدها هي مكانه في كرسي السواق وقعد هو علي الكرسي التاني وقال

بسرعه روحي ناحية البنت دي

اتحركت فريدة بالعربية وراحت بسرعة ناحية ديلا اللي رجاله اندرية كانو رايحين ناحيتها وفتح عمر الباب ومد ايدة برة العربية وقدر يلتقط ديلا اللي كانت واقفة ورجلها بتجيب دم. وبمنتهي السرعة بقيت ديلا جوة عربية عمر ورجاله اندرية بيبصوا علي العربية وهما بيضربوا عليها نار فقال لهم اندرية

كفاية. ودخلو الاطفال دول جوة المؤسسة

احدي الرجال

وهنسيبهم يهربوا مننا

اندرية

هيرجعوا تاني، ،،،،،،،،

كانت في نفس الوقت ديلا بتحاول تفتح باب العربية وبتقول

سيبوني انزل لازم ارجع واجيب اخويا ارسلان

عمر اللي كان بيمنعها. قال

هتنزلي فين انتي رجوعك ليهم معني موتك

ديلا

انا مش مهم المهم اخويا ارسلان

عمر

اهدي واحنا هنساعدك ترجعيهم

بصت لهم ديلا اوي وبعدها قالت

انتو مين،،،،،،،،،،

ومن جوة مكتب الراجل الغامض. وكان نفس الرجل الغامض قاعد قدام الشاشات الكتير بيتابع نشرات الاخبار في اغلب دول العالم يرن الموبيل بتاعه فيمسك الموبيل ويرد قائلا

قول اللي عندك

صوت غليظ

وصلنا ل عنوان فريدة

ابتسم وقال بخبث

خليها من اهل جهنم،،،،،،،،،،،

ومن القاهرة و قدام. احدي البيوت الموجودة في وسط البلد كان واقف رجلين وواحد منهم بيقول في الموبيل وهو بيبص لشقة نورها منور.

احنا قدام البيت اهو والشقة في الدور الخامس.

رجل بيقول

متاكد ان دة اخر مكان اتشافت في فريدة

الرجل

عيب يا دكتور هو احنا بنلعب

رجل بيقول

اطلع الشقة وادخلها واقتل كل اللي فيها. لو ما قولوش فين فريدة

الرجل

اومرك يا دكتور

وفعلا طلعو الرجلين لغاية الشقة وطلعو جهاز ليزر وفتحو الباب المصفح الخاص بالشقة ودخلو الشقة واسحلتهم في ايدبهم وجاهزا لاطلاق الرصاص علي اي حد يلاقو قدام منهم. وبداو بحذر شديد يفتحوا اوضة اوضة لغاية ما فتحوا احدي الاوض ولقوا فريدة وكانت مربوطة في كرسي ومتكمم بوقها وبتصرخ صرخات مكتومة، ،،،،،،،،،،،،

رواية عمر الديب يعود الجزء الثالث (الارحام المحروقة) الفصل الرابع

وبسم الله توكلت علي الله وهو رب العرش العظيم

★وفعلا طلعو الرجلين لغاية الشقة وطلع جهاز ليزر وفتح الباب المصفح الخاص بالشقة ودخل الشقة علشان يلاقي قدام منه فريدة وكانت مربوطة في كرسي وبتصرخ صرخات مكتومة اقترب منها الرجلين بحذر شديد وفكوها وهنا قالت فريدة.

الحمد لله انتو انقذتو حياتي

واحد من الرجالين قال

انتي مين اللي عمل فيكي كدة

فريدة

فكني وانا احكي لك

وفعلا فكوها الرجلين وباسرع من البرق كانت فريدة قدرت

تضرب الرجلين في مراكز الاعصاب في الجسم وبسبب الضربات دي اصيب الرجلين بشلل تام في جسمهم ووقعوا علي الارض مغمي عليهم مدت فريدة ايدها في جيوبهم وطلعت كل اللي معاهم وكان اللي معاهم ما يفدش في اي شئ لمعرفة هما مين ف خدت الموبيلات منهم وقعدت وخرجت من الشقة بمنتهي السرعه، ،،،،،،

ومن جوة الاوضة اللي حاجزها عمر الديب في فندق السويد يقعد عمر قدام ديلا. وجنبه تقعد فريدة. وعمر كان بيقول

انا عربي زيك وممكن اساعدك

ديلا بعصبية

وانا مش محتاجة مساعدة حد.

وقامت وقفت مسك عمر ايدها وقال

اهدي وبلاش عصبية اللي انتي بتعملي دة هيكون في خطر كبير علي حياتك وحياة ارسلان اخوكي.

فريدة

انتي لية مش عايزا تصدقينا احنا معاكي مش ضدك ولينا في المؤسسة دي اللي عايزين نرجعه

ديلا

تقصدي ان اتاخد منكم طفل

فريدة

ابني عندهم من عشر سنين. واعتقد ان في اللي اتبناة. بس هما لية خدوا اخوكي رسلان

ديلا

بيقولو لحمايته من العنف الاسري اللي بيتعرض لي معانا

فريدة

نفس اللي عملو معايا

عمر

دكتورة فريدة واضح جدا ان دي سياسة بيتبوعها مع كل العرب الموجودين داخل السويد. وبمساعدة الحكومة السويدية اللي لما لقيت المظاهرات زادت في البلد قررت انها تهدي كل ست اتصابت بالعقم بسبب احراق الرحم بتاعها والمقابل انها توهبهم اطفال العرب ك تعويض عن اللي حصل لهم. السويد طول عمرها دولة بيحلم بيها اي عربي بسبب حاله الرخاء اللي بتعيش فيها

فريدة

دة حقيقية. هي من البلاد الاوربية. اللي مافيهاش فقراء تقريبا

عمر

ما فيهاش فقراء علشان الموارد اللي عندهم علي قد عدد سكانهم واعتقد لما الموارد بدات تقل لجات الحكومة السويدية لمنظمة ويمبو واتبنت فكرة الارحام المحروقة اللي بدات علي ايد مثلث برمودا التلت دكاترة رؤؤس الشر موسسي المنظمة وهما ارفين جوزيف. ميلا جوزيف. خالد عبد الرحمن. وكل دة تم بمساعدة من الحكومة السويدية

ديلا

وازاي انت لوحدك هتقدر تقف في وش حكومة دولة كاملة

عمر

ومين قال اني هقف قدام منهم

ديلا باستغراب

مش انت بتقول انك هتساعدني ارجع اخي. يبقي ازاي مش هتقف قدام منهم

عمر

ابقي غبي لو فكرت اقف قدام منهم لكن ببساطة انا هتبني اخوكي بحكم اني زوج سويدي مراته بتعاني من العقم

فريدة

دي لسة نقطة ما لقيناش ليها حل

عمر

الحل موجود دكتورة فريدة

فريدة باستغراب شديد

ازاي

عمر

باحراق الرحم بتاعك

اتصدمت فريدة وبرقت ل عمر اللي كان بيبتسم بمنتهي الهدوء، ،،،،،،،،،

ومن احدي الشوارع في مصر تمشي فريدة وقت ما رن موبيل رجل من الرجلين اللي هي ضربتهم فتحت فريدة الخط سمعت صوت بيقول

عملت اية.

فريدة

دكتور خالد. ازي حضرتك

خالد باستغراب

انتي مين

فريدة

انا اللي انت بدور عليها. انا اللي فضحت منظمتكم

خالد ضحك وقال

والله برافو. انك عرفتي تهربي من الطورين اللي بعتهم يخلصو عليكي وكمان خدي منهم موبيلاتهم

فريدة

ما توفر الضحك دة للاخر. لاني باين اوي انك ما تعرفش اية اللي مستنيك

خالد

اية يا تري اللي مستنيني

فريدة

خراب ونهاية المنظمة بتاعتكم لو ما قولت ليش فين ابني

خالد

بقول لك اية لو قريبة من كورنيش المعادي في. هناك مطعم كبير اسمه.،،،،،،

فريدة قطعته وقالت

عرفا دة بتاعك

خالد

هو. روحي علي هناك وانا جاي وراكي

وخلصت المكالمة وفريدة راحت للمطعم حسب الاتفاق، ،،،

ومن جوة المطعم تقعد فريدة علي تربيزة مستنية وصول خالد فيقف قدام منها جرسون وفي ايدة كوبية عصير ومعها ازازة مية معدنية. مسكت ازازة المية وقالت

انا ماطلبتش عصير. بس هاخد المية

الجرسون

العصير دة يا فندم مجانا من ادارة المطعم ل،،،،،،،

فريدة بحسم وهي بتفتح ازازة المية. قالت بحزم

قولت شكرا. وخلي اللي بعتك

ب العصير يخرج يقابلني.

مشئ الجرسون. ومعه العصير وفريدة بتبص عليه وهي بتشرب المية،،،،

ومن جوة المطبخ يقف خالد وقت ما دخل علية الجرسون بالصنية وعلية كوبية العصير استغرب خالد. فقال الجرسون

مش سهلة باين عليها. وعايزاك تطلع لها

خالد

طيب غير هدومك وخليك قريب مني. وانا هخرج لها

وخرج خالد وراح ناحية فريدة اللي كانت بتبتسم وهي باصة ناحيتة وهو بيقرب عليها وقعد قدام منها فقالت

مش بلدي اوي حوار كوباية العصير اللي جوة منه مخدر واشرب وادوخ واقع وحد يشلني قديم انت اوي

خالد بحدة

انتي عايزا اية بالظبط

فريدة

ابني معتز اللي خدتة مني منظمة ويمبو فين

خالد

يعني طلعتي في التيلفزيون وعملتي ل نفسك وش هيكلفك حياتك وفضحتي المنظمة كل دة علشان ابنك

فريدة

دكتور خالد احنا اتنين دكاترة زي بعض وانا مش عايزا حاجة منكم الا اني ارجع ابني

خالد

ابنك اتاخد منك علشان قلة ادبك ولسانك الطويل

فريدة

مستعدة اطلع في التيلفزيون تاني واقول اني كذابة بس ارجع ابني

خالد

في غلطة يا دكتورة لما بتتعمل ماينفعش بعديها نصلحها

فريدة

يعني اية

خالد

يعني اعلي ما في خيالك اركبي. واجهزي لان قريب اوي هيصلو عليكي صلاة الغائب

ووقف خالد واداها طهرة ومشي خطوتين فقالت فريدة

حتي لو عرفتكم ان المخابرات المصرية دخلت في اللعبة وناوية تخلص علي المنظمة. بما فيهم انت

وقف خالد زي اللي الكهرباء مسكتة ولف وشة وبص لها وقال

انتي بتقولي اية

قامت فريدة وراحت ناحيتة ووقفت قدام منه بالظبط وقالت

اللي انت سمعته. وفي السويد دلوقتي اكفاء ظابط في المخابرات المصرية. عمر الديب ومعه فريدة

خالد اتصدم اكتر وقال

فريدة اومال انتي مين

فريدة

انا برضو فريدة

وسابته ومشيت جري ورها ووقف قدام منها وقال

اوعي تفتكري انك انتي ولا الظابط اللي بتقولي عليه دة تقدروا توقفوا المنظمة. احنا ما حدش يقدر يقف قصاد مننا احنا كيان كبير

ابتسمت فريدة وقالت

بلغ اللي فوق منك يرجعولي ابني وانا اسلمهم عمر الديب هو واللي معه كلام تاني اكتر من كدة. ما عنديش. هسيبك يومين وارجع لك تاني هنا. اعرف ردهم علي العرض بتاعي

وسابته وخرجت من المطعم وهو عمال يبص لها وكان هايتجنن لكنة جري بسرعه ناحية مكتبة وطلع اللاب توب بتاعه واتصل فيديو بي ارفين جوزيف. ميلا جوزيف. واول ما بدات المكالمة قال

مصيبة

ارفين

في اية خالد

خالد

المنظمة اصبح تدميرها هدف من اهداف المخابرات المصرية

ميلا اتصدمت وقالت

جبت منين الكلام دة

خالد حكي لهم عن مقابلته مع فريدة والحوار اللي دار ما بينهم وبعد ما خلص قالت ميلا

دي مش مصيبة دي كارثة

خالد

والعمل

ارفين

لازم نعرف عمر دة عرف اية عننا لغاية دلوقتي

ميلا

مش دة المهم. المهم دخل ازاي السويد

خالد

دة اسهل خطوة عملتها المخابرات المصرية اكيد دخل بجواز سويدي

ميلا

السويديين اللي بيدخلو البلاد ويخرجوا منها كتير هنتعرف ازاي عليه

ارفين

لية نختار الطريق الصعب. ما نختار الطريق السهل

ميلا

تقصد اية ارفين

ارفين

نسلمها معتز ابنها وقت ما هي تسلمنا عمر الديب

خالد

انا شايف ان دة احسن حل

ميلا

وبعدها

ارفين

صلاة جنازة علي عمر الديب وفريدة وابنها

ميلا

وازاي يحصل دة. ومعتز اتبنتة عائلة سويدية

خالد

نفسخ عقد التبني اللي بينا وبين العائلة اللي اتبنت معتز بارجاع فلوسهم

ميلا

مش بسهولة كدة خالد تتم الامور هنا. دة كبر قصاد منهم ومعهم من 10 سنين

خالد

لو مش سهلة ميلا. لازم تبقي سهلة ولو حتي اضطرنا ل خطفة

ارفين

انا مع خالد في الراي دة. راجعي ميلا الكشوف وشوفي معتز مع مين من عائلات السويد

وبعدها ارفين وجة كلامه ل خالد وقال

وانت خالد مطلوب منك تعرف اية حكاية وجود اتنين فريدة واحدة في مصر والتانية في السويد. وتعرف مين فيهم الحقيقية، ،،،،،،،،،،،،،

وانتهت المكالمة الفيديو وبعدها ارفين يخرج من الاوضة اللي كان قاعد فيها ويروح ل للاوضة اللي فيها الرجل الغامض وهو خانيس. راجل يهودي عجوز بعين واحدة كان قاعد نفس القاعدة قدام الشاشات انحني قدام منه ارفين وقال

سمعت المكالمة كلها

بص له خانيس وقال

سمعت

ارفين

ورايك اية سيد خانيس

خانيس

نخلي معتز طعم نصطاد بي عمر الديب

ارفين

ونقتله

خانيس

هنسلمة للموساد وفي المقابل يكون الموساد لينا الدرع والسيف قصاد اي حد يفكر يوقفنا. لازم منظمة ويمبو تكبر وتصبح زي الاخطبوط. لينا في كل دولة مناصرين وتابعين لغاية ما نسلمها للملك الحقيقي للارض. ومخلصنا من الجوع والعطش. ** المسيا المنتظر. **

(المسيا المنتظر في اليهودية هو المسيح الدجال في الاسلام اللي حذر منه النبي ومن فتنته وهو من علامات يوم القيامة الكبري وفي يهود كتير بيؤمنوا بي ومستنين ظهورة للخلاص من خطايهم.)

وبص خانيس وراء منه لصورة راجل اعور صورة تشبة الصور اللي جت في وصف المسيح الدجال. وهو قاعد علي عرشة وقصاد منه كل البشر ساجدين. صورة تدل علي كفر وجنون خانيس. ،،،،،،،،،،،،،،،

رواية عمر الديب يعود الجزء الثالث (الارحام المحروقة) الفصل الخامس

وبسم الله توكلت علي الله وهو رب العرش العظيم

وبالليل ومن جوة الاوضة اللي نازل فيها عمر وفريدة. يقف عمر قدام المرايا وكان بيغير شكلة علشان يصبح رجل افريقي استغربت فريدة وديلا وقالت فريدة

انت بتعمل اية

ابتسم عمر وبص لها وقال

بحضر الاوراق اللي تثبت ان الرحم بتاعك محروق

فريدة

مش قادرة افهم انت اية اللي بيدور في دماغك

عمر بص لها وابتسم وكان بيحط اللمسات الاخيرة علي تنكرة وراح ناحية باب الاوضة قامت وراحت ناحيتة ديلا بص لها وهي قالت

اخي رسلان

عمر

اوعدك انه قريب جدا هيكون في حضنك

ديلا

مع اني ما عرفكش بس حاسة اني مصدقة انك تقدر تعمل كدة

عمر

باذن الله هقدر. بس مهما حصل

وبص لهم هما الاثنين وقال

اوعو تخرجوا من هنا لاي سبب. مفهوم

كل واحدة منهم هزت دماغها ودي اشارة معنها مفهوم. وابتسم عمر وخرج من الاوضة. وبص للكاميرا الموجودة في الطرقا وابتسم وراح ناحية سلم الطوارئ وطلع موبيلة وحط سماعة بلوتوث في ودانه واتصل برقم واستني لكام ثانية وبعدها قال

عملت اية في الصورتين اللي بعتهم ليك

صوت باسم

اول صورة لرجل جيش روسي متقاعد يدعي اندرية موسكاني مجرم حرب و قاتل متسلسل ومن اخطر رجال المافيا الروسية اختفي فترة عن عالم الاجرام وبعدها رجع تاني وظهر في السويد

كمل عمر وقال

واشتغل مع منظمة ويمبو واصبح المسئول الاول عن ملف الاطفال العرب اللي معروضين للتبني.

باسم

بالظبط كدة. ودة نشاط غريب جدا علي مجرم حرب زي اندرية.

عمر

منظمة ويمبو ستارة كبيرة علي نشاط خفي قريب هيتكشف. والصورة التانية

باسم

تخص سيدة اعمال سويدية. اسمها كاتيا كوتاجاك علي علاقة غير شرعية في السر برجل اعمال مجري اسمه الكسي ابيب والاثنين عايشين مع بعض في مدينة غوتنبرغ غرب السويد مقاطعة رقم

قاطعه عمر وقال

ابعت لي باقي العنوان علي الصفحة السرية اللي بيني وبينك

باسم

اعتبرة حصل. انما سؤال محيرني

عمر وهو لسة بينزل السلم

عايز تعرف اية علاقة. كاتيا بالمهمة

باسم

بالظبط

عمر

صورة كاتيا كانت موجودة داخل ملف خاص. علي مكتب اندرية وكاتيا واخدة ميعاد زينا للكشف عليها والموافقة علي طلبها وهو تبني طفل من المؤسسة

باسم

برضو اية علاقتها بالمهمة

عمر

هحتاج الرحم المحروق بتاعها

باسم باستغراب

مش فاهم

عمر

هخليها تكشف مكان فريدة

باسم

كدة المؤسسة هترفض ان كاتيا تتبني طفل

عمر

لكنهم هيوفقوا علي طلبنا احنا وهقدر اتبني الطفل.

باسم

وكاتيا

عمر

تجهز نفسيها لهدية نص الليل. اللي هيقدمها ليها جوزيف الزنجي

باسم

برضو مش فاهم. ومين جوزيف الزنجي دة. حد معانا في المهمة. ولية انت اصلا محتاج تتبني طفل من المؤسسة ما تخلينا نعرف مكان معتز علي طول

عمر

كل دي اسئلة اقفل يا باسم دلوقتي وبعدين افهمك

وانهي عمر المكالمة وركب عربية

ما جرها. واتحرك بيها، ،،،،

ومن قدام المؤسسة يقف عمر الديب في هيئة وشكل الرجل الافريقي وفضل عمر يبص للمؤسسة وبعدها راح ناحية البوابة علشان يقف قدام منه حارسين وقالو

انت مين وجاي في الوقت دة عايز اية

عمر عمل نفسه اخرس وبدأ يشاور علي شباك في المبني كان نوره منور استغرب الحراس وفضلو يقولو

عايز اية. احنا مش قادرين نفهم منك حاجة

وعمر لسة مكمل في خدعتهم وهما بيبصوا علي الشباك وفجاة هجم عليهم عمر ولكم الاثنين لكمات سريعة كانت كفيلة بانها تفقدهم الوعي وتخطاهم ودخل المؤسسة وبدأ عمر يمشي جوة طرقات المؤسسة بحذر شديد لكن الحراسة كانت مشددة وبدل الحارس 20 حارس بدأ عمر يفكر بسرعه وفجاة قرر اثارة الشغب والعشوائية في المؤسسة. فراح بسرعه ناحية سكينة الكهرباء ونزل سكينة الكهرباء وطلع نظارة تخلي يقدر يشوف في الظلمة ولبس النظارة وبدأ يتخلل وسط الحراس ويضرب دة ويجرح دة ويجرد دة من سلاحة ويعور دة في دماغه. لغاية ما قدر واحد من الحراس انه يرجع الاضاءة تاني وبدأ الحراس يدورو علي اللي كان بيعمل فيهم كدة لكنهم مالقوش حد اتصدمو. وكان في نفس الوقت عمر قدام باب عنبر كبير في اطفال العرب المخطوفين وقدر يفتح القفل اللي علي باب العنبر بجهاز ليزر ودخل جوة العنبر علشان يلاقي اكتر من 50 طفل علي الارض مرعوبين وخايفين اتصدم من المنظر وقال

رسلان فين

وقف رسلان وقال

تعرفني منين

عمر

مافيش وقت للكلام. تعالي

رسلان

انا مش هروح معاك في اي مكان

عمر

انا رسول من عند اختك ديلا.

راح له رسلان وقال

اختي هي فين

عمر

مش وقته

واختار عمر طفل تاني وسيم جدا. جماله جمال حصان عربي اصيل. ومسك ايدة فقال له الطفل

انت عايز مني اية

عمر

هقدمك هدية لمدة يوم. وبعدها اوعدك انك هترجع لاهلك

ومسك عمر ايد الطفل وقال

اسمك اية

الطفل

باسل

عمر بعطف شديد

متخافش باسل انا عربي زيك

بصو له باقي الاطفال بخوف شديد فقال لهم عمر

ما تخفوش قريب اوي باذن الله هرجع واحرركم كلكم

وبص عمر للطفلين وقال

عايزكم في ظهري

وبمجرد ما خرج من العنبر سمع قائد الحرس بيقول. في الموبيل وهو مصوب مسدسة ناحية عمر

وصلنا للمتسلل اندرية

هنا عمر بص له. فقال قائد الحرس

سلم نفسك ايها الزنجي

ابتسم عمر اكتر وقال

اسمي جوزيف الزنجي

وطلع عمر مسدسة الكاتم للصوت. بمنتهي السرعه وضرب طلقة في ايد قائد الحرس اللي فيها السلاح وطلقة تانية في كشاف النور اللي فوق راس قائد الحرس. وجري عمر ومعه الطفلين. والحراس وراء منه. لكن عمر كان اسرع منهم في رد فعله وفي هجومه. وقدر يهرب،،،،،،،،،،،،

وبعدها بشوية تقف عربية اندرية قدام المؤسسة وينزل منها اندرية وهو في منتهي العصبية ويدخل الي المؤسسة ويقابلة قائد الحرس وايدة لسة بتنزف وقال اندرية

ازاي رجل واحد يهرب منك انت ورجالتك.

قائد الحرس

كان سريع جدا اسرع مما تتخيل وحركتة غير متوقعه بالمرة قدر في اقل من خمس دقائق في الدخول والخروج من المؤسسة

مسك اندرية ايد قائد الحرس المصابة فتوجع قائد الحرس واندرية لا يبالي وبيبص له وبيقول بشر مخيف

قدر يخرج من مؤسسة انا المسئول عنها بطفلين. وانت السبب. تفتكر غلطة زي دي انا ممكن يكون بعدها رد فعلي اية

القائد

سامحني سيد اندرية. وانا اوعدك اني هقدر اجيبة لغاية عندك ومعه الطفلين

اندرية

24 ساعه. قبل ما اوريك رد فعلي.

وساب اندرية ايد القائد اللي كان بيتوجع اوي وبعد ما مشي اندرية وقف وقال

عرف رجالتك ان من مصلحتهم ان بلاش حد يعرف باللي حصل في المؤسسة هنا لان الكلام دة لو وصل للي اعلي مننا هتكون نهايتنا كلنا

القائد

اكيد ما حدش هيعرف

اندرية

تعالي نفرغ الكاميرات وخليني اشوف الزنجي اللي قدر يكسر هيبة قائد زيك، ،،،،،،،،،،،،،

ومن جوة حديقة قصر كاتيا يقعد عمر ومعه الطفل باسل وكاتيا كانت بتبص للطفل بانبهار شديد وتقول

طفل هدية منك. واية المقابل.

عمر اللي لسة في صورة الزنجي

تقومي بالكشف بدل مراتي.

استغربت كاتيا وقالت

اشمعني انا

عمر

علشان ميعاد الكشف الخاص بيكي نفس ميعاد كشف مراتي

كاتيا

لية طيب عايز تتبنئ طفل طالما مراتك يمكنها تحمل

عمر

دة شئ يخصني انا.

كاتيا

ولو رفض العرض اللي بتقدمه ليا

عمر

هعتبر انك بترفضي هديتي وبالتالي هسرق التقرير الطبي اللي هيطلع باسمك وهيكون باسم مراتي وفي الحالتين مش هيتوافق علي طلبك

ل تبنئ طفل

كاتيا

تعرف انك جري جدأ. جاي لغاية بيتي وبتهددني مع اني ممكن اطلب لك الشرطة والطفل يصبح ملكي

عمر ابتسم وقال

تقدري تعملي كدة. ومش هقدر امنعك لكني اقدر اهيج السلطات السويدية ضد صديقك المجري الكسي ابيب وانتي عارفة يعني اية مجري يعيش علي اراضي سويدية بعد توتر العلاقات بين الدولتين. السويد والمجر بسبب تصريحات المجر المسيئة ضد سياسات دولة السويد

ارتبكت كاتيا وقالت

انت عرفت ازاي بامر صديقي الكسي

عمر بحزم

دة امر ما يخصكيش.

ووقف عمر ومسك ايد الطفل باسل وقال

ودلوقتي محتاج اعرف رايك. هتقبلي الهدية طفل عربي اصيل ومن غير ما تدفعي اي دولار. ولا هتقبلي اني اسرق ملفك من قلب مؤسسة ويمبو وفضح امر حبيبك ضد السلطات السويدية

بصت له كاتيا وهي مغلوبة علي امرها وقالت

موافقة. بس اطمئن ازاي ان امري ما يتكشفش ويعرفو اني مش زوجتك

عمر

دة برضو من ضمن الاشياء اللي احبك ما تعرفهاش لكن احب اطمئنك انا مش هكون السبب في اي ضرر يصيبك،،،،

ومن جوة اوضة خانيس. يقف ارفين قدام خانيس وكان خانيس بيقول

اية الجديد عندك

ارفين

فريدة ليها اخت تؤام اسمها براخا شغاله في الموساد ولما عرفت بان اختها في مصر قررت تسافر مصر بتكليف من الموساد. علشان ترجع ابنها معتز

اتصدم خانيس وقال

معتز ابن فريدة

ارفين

معتز ابن براخا

خانيس اتصدم وقال

انت متاكد من اللي بتقوله دة

ارفين

زي ما انا متاكد اني واقف قدامك سيد خانيس. وزي ما انا كمان متاكد ان فريدة هنا في السويد مع ظابط مخابرات مصري اسمه عمر الديب

خانيس

ونعرف طريقهم ازاي

ارفين

الصفقة جاهزة تسليم معتز ل براخا. وبراخا تقول لنا علي مكان عمر الديب في السويد

خانيس

ارفين باسرع وقت تتم الصفقة دي. انا مش عايز اي مفاجات

ارفين

تمام، ،،،،،،،،،،،،

ومن جوة قصر كبير من اكبر قصور السويد. وقت نوم شاب ملامحة عربية اصيلة جنب امراة كبيرة في السن وهذا الشاب هو معتز وصحيو الاثنين علي صوت جرس الباب فبص معتز للست دي وقال

مين جاي لينا في وقت زي دة

قالت الست اللي اسمها اليسا. وهي الست اللي اتبنت معتز

تعالي نشوف مين

وقامو الاثنين ولبسوا هدومهم ونزلو يشوفو مين. علشان يظهر ارفين ومع خمس رجال مسلحين تستغرب اليسا وتبص ل معتز وتضحك وتقول

مين الجرئ دة اللي قدر يخش قصر اليسا ومعه رجال مسلحين

وراحت اليسا ووقفت قدام ارفين وجنب منها معتز وقالت

انت مين

ارفين

انا رسول جاي برساله من عند سيد العالم. ومخلص البشرية من خطايهم.

اليسا

كنيسة السويد اصبح ليها رجال دين مسلحين

ارفين

انا مش تابع للكنيسة.

اليسا بعصبية

يبقي تقول انت مين وجاي لية حالا. والا اصبحت انت واللي معاك مجرد جثث

ارفين

من 10 سنين. قومتي بتبنئ طفل عربي. اسمه معتز. اعتقد انه دة

وبص ارفين ل معتز فقالت اليسا

ولو نفترض انه هو اية المطلوب دلوقتي

ارفين

تسيلم معتز لينا. بلا اي شروط وارجاع اي مبلغ مالي قومتي بدفعه

ضحكت اليسا اوي اوي. وبصت ل معتز وقالت

تفتكر معتز ارجعك للمؤسسة واطلب مبلغ كام

معتز بسخرية

انا في نظرك اتباع بكام

اليسا

لما جبتك من 10 س. علشان تكون ليا مجرد ابن كنت ممكن ارجعك واطلب فيك مليون دولار. لكن دلوقتي وبعد ما بقيت جوزي. اعتقد ان فلوس الدنيا كلها صعب تنسيني حضنك

اتصدم ارفين وقال

انتو اتجوزتو

اليسا

شئ ما يخصكش. ودلوقتي خد رجالك واخرج برة قصري

ارفين

سيدة اليسا. يحزني اني اعرفك اني مش هخرج من هنا الا وانا معايا معتز

ابتسمت اليسا بثقة شديدة وقالت

باين عليك ما تعرفش انت عند مين. ومين هي اليسا ايزاك

ارفين

انتي كمان ما تعرفيش انا مين. واقدر اعمل اية

وبص ارفين ل رجاله وقال

هاتو

صرخت اليسا وقالت

خطوة كمان والسويد كلها هتتحرق لو ايزاك فيكتور والدي عرف باللي انتم عملتو في قصرة

بعد ما رجاله ارفين اتحركوا وقفوا تاني لان اسم ايزاك فيكتور في عالم الجريمة لي باع كبير. وقال احدي الرجال

ل ارفين

احنا مش قد ايزاك فيكتور.

وخرج الراجل دة ووراء منه باقي الرجال وسابوا ارفين

ل وحدة. بصت له اليسا وقالت

تحب تطلع تنام معانا ولا تخرج وراء رجالتك

ارفين وهو شايط من الغضب قال

لا. هاخرج بس عايز اقول حاجة ل معتز

وبص ارفين ل معتز وقال

انا جاي ليك. بامر من والدتك. اللي نفسها تشوف. والدتك فريدة.

معتز

امي فريدة

وحن معتز وارفين شاف الحنين في عيونه فرمي لي كارت في رقم موبيلة وقال

خلص مشكلتك مع اليسا واتصل بيا لو نفسك تشوف والدتك

وخرج ارفين وساب الكارت علي الارض قصاد معتز و اليسا بتبص ل معتز مستنيا تشوف رد فعله لكنها ما قدرتش وقالت

انت ملكي يا معتز وماحدش هياخدك مني. الا ملك الموت

وسابته وطلعت الاوضة وهو فضل يبص لها ورجع بص للكارت تاني ، ،،،،،،،،

ومن جوة الفندق وبالتحديد جوة الاوضة اللي حجزها عمر يقف عمر اللي رجع ل شكل وصورة البرت الكسندر ومعه فريدة. قصاد ديلا اللي كانت واخدة رسلان في حضنها وعماله تبوس في وهي بتعيط من شدة الفرحة وبتبص ل عمر وبتقول

انا مش عارفة اشكرك ازاي

عمر ابتسم وقال

تشكريني بانك تاخدي اخوكي وترجعي بلدك وتخلي بالك منه

لكن باب الاوضة يفتح بالماستر كين يبصوا كلهم للباب يلاقو اندرية ومعه خمس رجال من الشرطة السويدية بيبص ل عمر واللي معه بغضب شديد وخصوصا رسلان اللي في حضن اخته وهو مرعوب. ،،،،،،،،،،،

رواية عمر الديب يعود الجزء الثالث (الارحام المحروقة) الفصل السادس

وبسم الله توكلت علي الله وهو رب العرش العظيم

ومن جوة الفندق وبالتحديد جوة الاوضة اللي حجزها عمر يقف عمر اللي رجع ل شكل وصورة البرت الكسندر ومعه فريدة. قصاد ديلا اللي كانت واخدة رسلان في حضنها وعماله تبوس في وهي بتعيط من شدة الفرحة وبتبص ل عمر وبتقول

انا مش عارفة اشكرك ازاي

عمر ابتسم وقال

تشكريني بانك تاخدي اخوكي وترجعي بلدك وتخلي بالك منه

لكن باب الاوضة يفتح بالماستر كين يبصوا كلهم للباب يلاقو اندرية ومعه خمس رجال من الشرطة السويدية بيبص ل عمر واللي معه بغضب شديد وخصوصا رسلان اللي في حضن اخته وهو مرعوب. لكن عمر بص ل اندرية بثبات انفعالي شديد وقال بعصبية

انت مين وازاي تدخل اوضي بالشكل دة

اندرية

كنا بنطارد مجرم و كاميرات المراقبة تدلنا علي وجودة هنا في الغرفة دي. وخصوصا انه خرج منها قبل ارتكاب جريمتة

عمر بعصبية شديدة جدا

مجرم خرج من اوضي انا. اوضة المهندس البرت الكسندر. انت اكيد مختل ولازم اكلم الملك كارل ملك السويد واعرفه بالانتهاكات اللي حصلت دلوقتي وانا صديق العائلة الملكية. واعرف ازاي اخد حقي منك ومن اللي ساعدك تفتح باب اوضي عليه.

اندرية ارتبك وحس ان الموضوع هيكبر فقال

اعتذر ليك. بس احنا مكلفين من حكومة السويد بالقبض علي المجرم الزنجي. بعد الجريمة اللي عملها

عمر بمكر

وهو عمل اية

اندرية ارتبك وبص بطرف عينه ل رسلان لكنه قال

سرق فلوس من خزنة رجل اعمال

عمر ابتسم وقال

فلوس بس

اندرية شك لكنة اتمالك اعصابه وقال

بالظبط

عمر

ليك حق تدور عليه في كل مكان بس غريبه انك بتقول ان كاميرات المراقبة جيبته وهو خارج من عندي. مع اني انا ومراتي وضيفتنا ما سيبناش الاوضة من وقت ما جينا هنا

اصل احنا بنحتفل بعيد ميلاد ابننا الصغير.

وبص عمر ل رسلان فبص له اندرية وقال

احتفال بعيد ميلاد من غير تورته.

عمر

دة شئ ما يخصكش

احرج اندرية وقال وهو كاتم غضبة

كل سنة وهو طيب.

عمر

وانت لا. بعد اذنك محتاج اقفل الباب علشان نكمل عيد الميلاد

ومسك عمر الباب وبدأ يقفلة احرج اندرية وقال

طبعا.

وخرج اندرية وقفل عمر الباب في وشة. لسة هتتكلم ديلا بص لها عمر وقال وهو بيغني بصوت عالي

عيدك. عيد ميلاد سعيد. واحلي الاعياد.،،،،،،،

في نفس الوقت ومن قدام الباب يقف اندرية وكان بيسمع غناء عمر وهو متعصب علي الاخر وبدأ يمشي في الطرقا وطلع موبيلة واتصل برقم قائد الحرس . وانتظر لحظات واول ما تم الرد قال

الطفل المخطوف موجود هنا في غرفة 603. عند مهندس يدعي. البرت الكسندر. والغريب ان المهندس دة كان عندي الصبح في المؤسسة هو ومراته علشان يتبني طفل

القائد

ودي صدفة ولا شئ مدبر

اندرية

سواء كانت صدفة او شئ،مدبر انا عايزك تحضر فرقة خاصة لمراقبة الفندق 24 س. وتعرف لي اية علاقة البرت دة. بالمجرم جوزيف.

وانهي المكالمة وحط الموبيل في جيبة، ،،،،

في نفس الوقت كانت فريدة بتقول ل عمر

عرفو ازاي انك خرجت من هنا في صورة زنجي

عمر

انا اللي خلتهم يشوفوني في الصورة دي

استغربت فريدة وديلا حالها ما اختلفش عنها وقالت

لية

عمر

علشان عاوزهم يركزوا مع جوزيف الزنجي. وقت ما انا اكون بنفذ خطتي

فريدة

انت فزورة خطيرة

عمر

ممكن ناجل الاندهاش دة والكلام اللي ملهوش ثمن ل بعدين

وبص عمر ل ديلا وقال

ودلوقتي عايزك تجهزي علشان تنزلي انتي واخوكي

ديلا

ننزل ازاي هو انت فاكر انه صدقك. انت ما شوفتش كان بيبص ل رسلان ازاي يعني اكيد مستنينا تحت هو و رجالته.

فريدة

طيب لية لما هو متاكد انك بتكذب عليه وشاف رسلان هنا ما خدهوش مننا

عمر

اندرية ما يقدرش ياخد. رسلان من هنا لانه راجل جيش قديم مستحيل يكون عرف اصحاب المؤسسة ان في طفل اتخطف من مؤسسة هو مسئول عنها. فلازم يرجع الطفل في السر زي ما اتخطف في السر. وكمان ياخد رسلان ازاي وهو في اوضة مواطن سويدي. دي هتبقي جناية وفيها محاكمة.

ديلا

اومال عادي لما ياخدوا ولادنا واخوتنا مننا وبالقوة

عمر

علشان انتي عربية. والعربي ملهوش ديه

ديلا

وانت عارف كدة. وعايزني انزل لهم برجلي. ومعايا اخويا

فريدة ل ديلا

اكيد هينزل معاكي وبحميكي منهم

عمر ل فريدة

لا. هتنزل لوحدها

ديلا

مش قادرة افهمك

بص عمر ل رسلان بتركيز شديد وحجمة الصغير وبص ل ديلا بتركيز شديد ورفع رسلان وخلاة يلف وراء ايدة حوالين وسط ديلا وقال ل رسلان

أمسك كويس في وسط اختك

مسك رسلان كويس وعمر ابتسم وقال

بس خلاص كدة هتعدي قصاد منهم وماحدش هيشك فيكي

بصت ديلا ل فريدة وهي مش فاهمة عمر ناوي علي اية،،،،

ومن جوة اوضة خانيس يقعد خانيس وقدام منة يقف ارفين وخانيس بيقول

تفتكر معتز هيتصل بيك

ارفين

اتمني دة يحصل رغم اني اشك انه يعمل كدة

خانيس

للدرجة دي اليسا مسيطرة عليه

ارفين

لو شوفت طريقتها في الكلام والدفاع عنه. تقول انه بالنسبة ليها هو الدنيا واللي فيها

خانيس

علاقة شاذة ومعقدة من سن امة وتتبني علشان يكون ليها ابن. تقع في حبة ويقوم بينه وبينها علاقة

ارفين

مش دة بس اللي صعب في الموقف دي كمان بنت اخطر راجل في عالم الجريمة. ايزاك فيكتور

خانيس بدأ يفكر بمنتهي الهدوء وقال

بلاش نستجعل في الخطوة اللي جاية وخلينا نستني رد فعل معتز

ارفين

وعمر الديب اللي في السويد ومش قادرين نعرف هو فين وبيعمل اية

خانيس

دي كمان مشكلة لازم ليها حل في اسرع وقت. اومال فين دكتورة بيلا.

ارفين

موجودة في المستشفي بتابع بنفسيها اخر احدثيات الفيرس الجديد

خانيس

خليها تروح ل اليسا تتكلم معها هما ستات زي بعض وهي بذكائها تقدر تحل المشكلة دي من غير اي خسائر

ارفين

هقولها

خانيس

وانا من هنا هعمل اتصالاتي يمكن اوصل ل معلومة توصلني لاي خيط اقدر من خلاله اوصل ل عمر الديب، ،،،،،

في نفس الوقت ومن جوة قصر اليسا تنام اليسا وقت ما كان معتز صاحي وبيفكر في اللي حصل وقد اية هو مشتاق يشوف امه. وفي عز الاشتياق تفتح اليسا عيونها وتبص ل معتز وتقول

انت لسة صاحي

معتز

اللي حصل النهاردة صعب بعدي انام بمنتهي السهولة. دي برضو امي اللي نفسها تشوفني

اتعدلت اليسا وقالت بشر

انا مامتك معتز

معتز

امي ازاي اليسا بعد اللي حصل بينا واللي بيحصل من سنين.

اليسا

انت عرفت ان ليك ماما وهيبتدي حبك ليا يقل

معتز

حبي ليك ملهوش علاقة ب حبي ليها. هي امي وانتي

اليسا بعصبية قطعته وقالت

مامتك. انا وبس. وحبيبتك وكل شئ ليك في الدنيا ومافيش امراة تانية هتقسامني قلبك.

وقربت منه وبصت له بغضب شديد

حتي لو كانت مامتك. انا اشتريتك بفلوسي من 10 س. يعني انت ملكي

معتز وهو بيقوم من فوق السرير

انا مش قصر من قصورك ولا فستان من فساتينك. علشان تمتلكيني ب فلوسك. انا انسان ومن حقي لما اعرف انا ليا ام بدور عليه ونفسها تشوفني اشوفها.

اليسا

ودة هيكون غصب عني. معتز

معتز. بتحدي

غصب عنك اليسا

وسابها وخرج من الاوضة وهي بتبص له بغضب شديد وقالت بمنتهي العصبية.

عربي. بلا اصل، بس انا هحرمك منها قبل ما توصل لها

ومسكت الموبيل بتاعها واتصلت برقم وبعدها ب لحظات قالت

ايزاك والدي. محتاجة ليك، ،،،،،،،،،،،،

ومن جوة اوضة خانيس ووقت ما كان خانيس قاعد قصاد الشاشات يدخل عليه ارفين وقال

معتز اتصل بيا

خانيس فرحا

عظيم واية الاتفاق اللي تم ما بينكم

ارفين

بكرة الصبح هاقبلة عند الحديقة العامة

خانيس

هايل. خلي بيلا تلغي زيارتها ل اليسا

ارفين

حصل.

خانيس

وعايزك وقت ما تقابل معتز تحمي باكبر عدد ممكن من الرجال. وتعرف براخا ان ابنها معتز هيكون علي طيارة القاهرة اللي مسافرة بكرأ الظهر وهو في نص المشوار تعرفنا مكان عمر وفريدة اختها والا مش هيوصل لها حي

ارفين

وهي لو قالت لينا علي مكان عمر وفريدة معتز هيوصل حي

خانيس. ابتسم ابتسامه الشيطان وقال

اكيد لا. لاننا اول ما نوصل ل عمر الديب وفريدة. براخا هتكون من اهل جهنم

ارفين

كدة هتحصل مشكلة كبيرة مع الموساد الاسرئيلي

خانيس

مش احنا اللي عملنا كدة. دي المخابرات المصرية.

ارفين ضحك وقال

تمام سيد خانيس

خانيس

وبعدها نقعد ونتفرج علي حرب المخابرات وقت ما نقدم للموساد هديتنا الكبيرة. عمر الديب. ،،،،،،،،،،،،

ومع دقات الساعه الثانية بعد منتصف الليل يفتح عمر الديب باب الاوضة. ويخرج عمر الديب وفي ايدة جهاز يشبة الموبيل لكنة جهاز خاص للتشويش علي كاميرات المراقبة. وفعلا قدر يعطل كاميرات المراقبة الموجودة في الدور وبص جوة الاوضة وقال

تقدري تخرجي دلوقتي.

وتخرج ديلا وهي لابسة فستان خاص ب الحوامل وشكلها متغير نهائي وتحت الفستان اخوها رسلان واللي يشوف شكلها يقول انها حامل في شهرها الاخير. بص لها عمر وقال

قدامك بالظبط دقيقة قبل ما الكاميرات ترجع تشتغل تاني. اتمني انك تكوني قدرتي تخرجي من الفندق. يلا

ديلا

انا ب شكرك جدا

عمر

بلاش تضيعي وقت. يلا ب سرعه. ولما توصلي ل مكان امن طمنيني. علي رقمي اللي معاكي

وراحت ديلا بسرعه ناحية الاسنسير وركبته ونزل بيها. وخرجت من الفندق وهي قلقانه شوية وخصوصا بعد ما شافت رجال اندرية حوالين الفندق لكنها تمالكت اعصابها وقدرت تعدي قصاد منهم ورغم نظراتهم ليها الا انهم ما قدروش يعرفوها،،،،،،،،،،،

في نفس الوقت كان عمر واقف وراء ستارة الاوضة بيتابع اللي بيحصل لغاية ما اطمئن انها قدرت تعدي وما حدش فيهم عرفها وسمع صوت فريدة بتقول

قدرت تعدي

بص لها عمر وقال

قدرت الحمد لله

وراح عمر وفرد ظهرة علي السرير من شدة التعب وقال

الواحد محتاج ينام نوم عميق بعد اليوم الطويل دة

فريدة

انا مقدرة قد اية انت تعبت. بس كنت عايزا اسالك سؤال كدة. واتمني انك تجاوبني عليه

اتعدل عمر وقال

لو بعيد عن اسرار شغلي هجاوب طبعا

فريدة

انت لية مصمم علي اننا نتبنئ طفل. ومش بتحاول تدور علي مكان معتز. مع اننا هنا علشان نلاقي معتز

ابتسم عمر وبعدها ضحك استغربت فريدة وقالت

انا سؤالي ساذج ل درجة انك تضحك عليه كدة

عمر حس انها زعلت فقال

لا. خالص. انا بضحك علشان تاني مرة النهاردة اتسال السؤال دة.

فريدة

ويا تري السؤال لي اجابه ولا. هيتحط من ضمن الاسئلة اللي ملهاش اجابات

عمر

خلي من ضمن الاسئلة اللي ملهاش اجابات

فريدة

طيب هو ممكن اشوف معتز تاني واخده في حضني زي ما

قدرت ترجع رسلان ل اخته

عمر

قولي يارب

فريدة باشتياق شديد ل ابنها

يارب ،،،،،،،،،،

ويطلع النهار ويروح ارفين بنفسه ومعه كام راجل بسلاح لكنهم متخفين لان الحديقة العامة مكان عام ويقف وسط الحضور الموجود معتز في انتظار ارفين. لكن فحاة يظهر وسط الحضور رجال ايزاك فيكتور ويروحوا ناحية معتز يعرفهم معتز ويقف قدام منهم بثبات شديد ويقول

انا عارف ان اليسا اللي بعتاكم ليا. ارجعوا وعرفوها اني مصمم علي اللي في دماغي

احدي رجال ايزاك

سيد معتز مطلوب مننا احضارك وبمنتهي الهدوء

هنا يظهر في المشهد ارفين ويقول ل هذا الرجل

اتمني ان المشهد ما يصبحش دموي. معتز اختار طريقنا سيبوا ل اختيارة

رجل ايزاك

مش متاح لي الاختيار ده

معتز

لا. متاح. انا حر وهختار طريقي بعيد عن اليس،،،،،،،،

وقبل ما يكمل الجملة يشوف قدام منه علي موتوسيكل فريدة امة في صورتها الاصلية. عرفها وافتكرها فرح انه شافها لكنة اتصدم لما لاقاها طلعت مسدس كاتم للصوت وضربته طلقة في وسط دماغه. بعدها وقع علي الارض غرقان في دمة،،،،،،،،،،،،،،،

رواية عمر الديب يعود الجزء الثالث (الارحام المحروقة) الفصل السابع

وبسم الله توكلت علي الله وهو رب العرش العظيم

★معتز

لا. متاح. انا حر وهختار طريقي بعيد عن اليس،،،،،،،،

وقبل ما يكمل الجملة يشوف قدام منه علي موتوسيكل فريدة امة في صورتها الاصلية. عرفها وافتكرها فرح انه شافها لكنة اتصدم لما لاقاها طلعت مسدس كاتم للصوت وضربته طلقة في وسط دماغه. وقع علي الارض غرقان في دمة حصلت حاله هياج بين كل الموجودين وبدأ ضرب النار بشكل عشوائي علي فريدة لكنها قدرت تدخل بالموتوسيكل في احدي الشوارع الضيقة. واختفت بعدها ولا كانها شبح. ،،،،،،،،

بعدها ب ساعة ومن جوة مكتب السيد كامل يقعد السيد كامل قدام منه باسم والاثنين بيتفرجوا علي قناة اخبارية خاصة بالسويد بتعلن مقتل الشاب معتز ومع عرض التقارير الاخبارية كان السيد كامل بيقول ب عصبية

ممكن اعرف اية اللي بيحصل في السويد يا باسم

باسم

يا فندم انا مع حضرتك هنا وكل اللي بيحصل وبيوصل لي من عمر ببلغة ل حضرتك

السيد كامل

باسم. انا عارف كويس عمر وانت كمان عارفة. وتعرف ان اللي بيوصل منه شئ واللي ممكن يكون بينفذة شئ تاني خالص. عرفني يا باسم. تعرف اية انا ما عرفهوش

باسم

صدقني يا فندم انا ما عرفش غير الخطة اللي متفق عليه بينا وبين عمر

السيد كامل

يعني معتز يظهر ويتقتل بسهولة كدة في وسط النهار. وعمر ما يكنش في المشهد نهائي. انت تصدقها دي

باسم

هي صعبة تتصدق ان كل دة يحصل وعمر ما يعرفش بي

السيد كامل

اتصلي ب عمر حالا

باسم

عمر دلوقتي يا فندم في المؤسسة

السيد كامل بحدة

قولت اتصلي بي حالا.

لسة بيخلص الجملة. لقي القناة الاخبارية السويدية بتعرض صورة بالقمر الصناعي للمراة اللي ضربت النار علي معتز واتصدمو الاثنين لما شافو صورة فريدة. وقال السيد كامل وهو هايتجنن

معقول اللي بيحصل دة

باسم اللي حاله ما يختلفش عن حال السيد كامل

دة جنون يا فندم. ازاي فريدة هي اللي تعمل كدة في ابنها

السيد كامل

اتصلي حالا. ب عمر، ،،،،،،،،،،،،

في نفس الوقت كان عمر قاعد قصاد اندرية في مكتب اندرية. واندرية بيبص له وبيقول

مكتوب لي اشوفك اكتر من مرة في 24 ساعه. مهندس البرت

عمر

وتفتكر ان دة شئ يسعدني

اندرية

لو ما يسعدكش انت فهو يسعدني انا.

عمر

مراتي جاهزا للكشف

اندرية

هي فين

عمر

موجودة برة

في الوقت دة يرن موبيل عمر مكالمة من باسم. لكن عمر يكنسل ويقفل الموبيل نهائي علشان يركز مع اندرية. ويقول

جاهز نقوم علشان يتم الكشف

اندرية

جاهز

وقام اندرية بعد عمر وخرجوا من المكتب علشان يلاقي اندرية كاتيا هي اللي واقفة استغرب اندرية وقال

دي السيدة كاتيا

عمر

دي مراتي ايملي كالي

اندرية

بس دي مش مراتك. انا شوفت مراتك قبل كدة

عمر قرب من اندرية وقال

مراتي. وانت هدخلها بنفسك اوضة الكشف والا حكاية اختفاء رسلان وباسل. من عندك هتكون قصاد دكتور ارفين. سيدك

برق اندرية واتصدم وقال

انت اللي قومت بخطفهم

عمر

مش انا جوزيف الزنجي خطفهم وقدمهم ليا هدايا وانا قبلت الهدايا

اندرية

اصبح معاك طفلين. جاي لية

عمر

علشان اتبنئ طفل تالت

اندرية

ملفك مرفوض سيد البرت

عمر

تفتكر انك في وضع قوة يسمح لك بالرفض او القبول. انا مواطن سويدي زوجتي تعاني من العقم. اللي سببه ليها منظمتك الطبية.

اندرية

كلامك بلا اي دليل

عمر

وكلام. الدكتورة المصرية فريدة. برضو بلا اي دليل

اندرية

مواطن سويدي زيك. يصدق كلام امراة عربية. العرب معروفين بالكذب

عمر بحزم وهو بيبص في عيون اندرية بقوة شدية قال

الجدال مش هيخليني اغير موقفي. وانا جيت حسب ميعادنا وزوجتي جاهزة للكشف الطبي. واثبات انها عقيمة وبعدها هنختار الطفل اللي هنتبنئ. الكلام انتهي

سكت اندرية اللي كان في موقف ضعيف ولقي ان مافيش قدامه الا انه يقول

قدامي مدام كاتيا. ليتم الكشف عليكي

عمر

اسمها ايملي كالي

اندرية كتم غيظة وقال

ايملي كالي.

ومشي اندرية ومعه كاتيا. وبمجرد ما ابتعد طلع عمر موبيلة واتصل ب باسم. لكنه لقي السيد كامل بيقول وبحزم شديد

عمر اية اللي بيحصل عندك في السويد ومن غير اي لف ودوران،،،،،،،،،،،،،،،

وفي نفس الوقت كان خانيس بيعنف ارفين وبيقول بمنتهي العصبية.

ازاي معتز يتقتل. قدام منك. دة الكارت اللي كنا بي هنطمئن حماية الموساد لينا ومساعدتنا في باقي خطتنا

ارفين

صدقني سيد خانيس كل اللي حصل. حصل بمنتهي السرعه وكانت لينا مفاجئة مش متوقعه. ومين اللي تعمل كدة امه فريدة

خانيس

فريدة ولا براخا.

ارفين

براخا في مصر تحت مراقبة وعيون. دكتور خالد

خانيس

قدرت تهرب ارفين وجت السويد وقتلت معتز لكن لية تعمل كدة. وهي بتقول انه ابنها

ارفين

كدة انا لازم اتصل ب خالد اشوف براخا فعلا في مصر ولا هنا

خانيس

معقول برضو

وفعلا تم الاتصال ورد خالد وساله ارفين عن براخا فقال خالد

قصاد عيني ديما نازلة في فندق شيرتون القاهرة

بص ارفين ل خانيس اللي اتصدم وقال خانيس

خلي دلوقتي حالا. يطلع لها ويتكلم معها باي حجة. واسمع بنفسي كل اللي بيتقال

وفعلا قال ارفين ل خالد نفس اللي قاله خانيس وطلع لها خالد وخبط علي باب اوضتها لكن ما حدش فتح فقال خالد في الموبيل

ما حدش بيفتح ارفين

خانيس قال ل ارفين

هي براخا اللي قتلته

ارفين

اظاهر كدة سيد خانيس

يدوبك خلص ارفين الجملة فتحت براخا باب الاوضة وكان باين عليها النوم. وقالت لما شافت خالد

انت. عايز اية بدري اوي كدة

انصدموا كلهم لكن خالد طلع بسرعه من الصدمة وقال

جيت اطمئن عليكي.

براخا

هات اللي عندك دكتور خالد. اية اللي حصل

ارفين في ودان خالد

قولها علي موت معتز وشوف رد فعلها

خالد

هو بصراحة في خبر ما كنتش احبك تعرفي بس لازم تعرفي

براخا

قول

خالد

ابنك معتز اتقتل

اتصدمت براخا ومسكت خالد من لايقة القميص وقالت له بمنتهي العصبية

قتلتو.

خالد وهو بيبعد ايدها عنه قال

اعقلي احنا مش قتالين قتله. وتقدري تدخلي علي النت وتشوفي اللي قتلته. القمر الصناعي جاب صورتها واحدة شبهك بالظبط. المفروض انها امه

اتصدمت براخا وقالت

عملتها فريدة علشان تحرق قلبي عليه وتنتقم مني.

خالد

انا ما عرفش بقي باللي بينك وبين اختك. لكن انا حبيت اعرفك. باللي حصل ل ابنك. واظن بقي دلوقتي جت فرصتك علشان تنتقمي منها وتعرفينا مكانها هي وعمر اللي ساعدها في قتل ابنك

يراخا

هعرفكم بس اوعدني انك تصورهم فيديو وانتو بتخلصو عليهم. وتخليني اشوف الفيديو دة بعنية

خالد

اوعدك، ،،،،،،،،،،

من جوة قصر اليسا يقف ايزاك فيكتور المجرم الدولي قصاد بنته اليسا المنهارة من العياط وكانت بتقول

يعني اية مات. وازاي يموت. وكانو فين رجالتك

ايزاك

ويعملو اية رجالتي قصاد غدر وسرعة اللي عمل كدة

اليسا

انا ماليش دعوي بكل الكلام دة. انا عايزا راس اللي عملت كدة قدام مني. مهما كانت هي مين

ايزاك

من غير ما تطلبي مني اليسا بدانا فعلا البحث عن المراة تاني وقريب جدأ هنوصل لها. وراسها هتكون تحت رجليك

اليسا بصوت مقهور وحزين

اتمنها في اسرع وقت، ،،،،،،،،،،،،،

ومن جوة الاوضة اللي فيها عمر الديب وفريدة. يقف عمر قدام فريدة اللي عماله تعيط وبتقول

انت وعدتني ان قريب معتز هيكون في حضني. مش في حضن الكفن

عمر

معتز مات بسببك. دكتورة فريدة.

فريدة

بسببي انا

عمر

لما تخبي عليه انك ليكي اخت تؤام يهودية. لا وكمان من الموساد الاسرئيلي. وان معتز ابنها مش ابنك. مش دة برضو لازم يكون السبب في موت معتز

فريدة اتصدمت وقالت

انت عرفت ازاي

عمر

من المخابرات المصرية. ومحتاج دلوقتي اعرف منك الحقيقة. كاملة. مين ام معتز انتي ولا اختك براخا

فريدة بصوت حزين

هيفرق معاك. دلوقتي بعد ما خلاص مات معتز

عمر

المعلومة دي هتفرق مع مديري في جهاز المخابرات اللي معتقد اني اعرف من الاول انك ليكي اخت يهودية تؤام

فريدة

احنا حكايتنا حكاية غريبة شوية. وهي اني كبرت واتخرجت وبقيت دكتورة وبعد ما اتخرج اعرف ان ليا اخت تؤام. لا. وكمان يهودية

عمر

ازاي عرفتي معلومة زي دي

فريدة

من ابويا اللي فترة شبابة كلها كان عايشها في طابا واتعرف هناك علي امي اليهوديةو اتجوزها وهو ما يعرفش انها يهودية ولما عرف كانت حملت منه. فقرر انه يستنها تولد ولما خلفتني خدني وهرب. وماكنش يعرف ان امي حامل في تؤام. لكنة مات وانا اتقصرت شوية بالحكاية دي لكني مع ضغط الشغل نسيت وعشت حياتي ل غاية ما ظهرت براخا وانا في السويد وكان معاها ابنها هودأ.

عمر

هودا دة اللي هو معتز

فريدة

بالظبط. وقالت لي انها في خطر وانها هتموت في اي وقت وانها ما عندهاش حد غيري تامنه علي ابنها هودا. خده منها وربيته وسميته معتز وهي اختفت وانا اتسجنت في السويد وهربت وجيت مصر وبعد ماظهرت في التيلفزيون المصري وقت ما فضحت المنظمة ظهرت هي وبعدت لي في السر وطلبت مني انها تشوفني برضو في السر روحت لها. شقة في وسط البلد وقبلتها. وكلامنا مع بعض ما كانش احسن كلام كان عتاب ولوم. صوتنا علي لقيت نفسي بربطها في كرسي من كراسي الشقة ورجعت تاني ليك وسافرت معاك السويد

ابتسم عمر وقال

مش غريبة دي دكتورة زيك تقدر علي عميلة في جهاز الموساد

فريدة

ما هو انا براخا مش فريدة وكل اللي قولته كان كذب. وفريدة لسة في القاهرة مربوطة في الشقة. واعتقد ان ملك الموت قام ليها بزيارة مخصوصة. وابنها معتز في جهنم مستني يشوفها. وانت هتكون مجرد هدية للي دفع ثمن غالي فيك

وبمنتهي السرعه طلعت براخا بخاخة بنج. وبخت البنج في وش عمر بعدها وقع عمر مغمي عليه. علشان يفتح ارفين طرفة الدولاب ويخرج منها ويبص ل براخا اللي قالت

عمر الديب جاهز بكون هديتي الثمينة لك دكتور ارفين

ارفين

اشكرك براخا علي تعاونك معايا

وبص ارفين ل عمر الديب بمنتهي الشر،،،،،،،،،،

رواية عمر الديب يعود الجزء الثالث (الارحام المحروقة) الفصل الثامن

وبسم الله توكلت علي الله وهو رب العرش العظيم

من جوة اوضة خانيس يقعد خانيس وتحت اقدامه عمر الديب وهو لايزال مغمي عليه. وجنب عمر يقف ارفين وكان بيقول

اتمني هديتي تنال رضاك سيد خانيس

خانيس بنظرة الانتصار

وهو في اغلي من ظابط مخايرات مصري نقدمة هدية للموساد

ارفين

بس قبل ما تقدمه هدية لازم سيد خانيس يوافقوا علي كل طالبتنا. مع اني من رايي سيد خانيس انك تساوم عليه المخابرات المصرية. واظن ان المكسب من وراء المساومة دي هتكون افضل من انه يتقدم للموساد

خانيس

احب افهم. وضح اكتر ارفين

ارفين

دكتورة ميلا. قربت تنتهي من تصميم اول فيرس بشريحة الكترونية واللي بي هنقضي علي الاجناس العربية. الفيرس اللي هو تطور طبيعي

ل مادة احراق الارحام. واللي لما بيختلط بخلايا البشر. بيتحول لفيرس قاتل ما فيش لي علاج. واللي احنا قدرنا نخلي يقدر يميز بين الجنس العربي واي جنس تاني. علشان اللي يموت بي العرب وبس.

خانيس

كل دي معلومات انا اعرفها كويس واعرف كمان ان لسة ميلا ما نجحتش بنسبة 100%100. ولسة الفيرس في شوية مشاكل . قولي لية احسن لينا نساوم المخابرات المصرية. ب عمر الديب

ارفين

هقول لك. لو احنا ادخلنا الفيرس في جسم عمر الديب ورجع بي مصر. اول ناس هيختلط بيهم وينقلهم المرض هما قيادات عاليا في مصر وهتبقي ضربه توجع ظهر النظام المصري. وفي المقابل ناخد تعهد من المخابرات المصرية بتسليم رجالتنا هناك وعلي راسهم دكتور خالد. من غير اي مساله قانونية.

خانيس

وحماية الموساد لينا واللي هنحتاجها في انتشار وتوسيع المنظمة بتاعتنا علشان نقدر ننقل الفيرس بمنتهي السرعه والسهولة

ارفين

لو قدرنا نقنع الموساد بان مقتل معظم القيادات في مصر واللي هيحصل بعد وصول عمر الديب ليهم احنا السبب في. واننا نقدر نغتال اي عربي بالفيرس بتاعنا ويبان حادث اغتياله انه موت طبيعي. اعتقد اننا هنكسب ثقتهم وهنضمن مساعدتهم لينا

خانيس

فكرة شيطانية.

ارفين

تلميذك سيد خانيس

خانيس

مين يصدق ان منظمة تم انشائها من 11 سنة بس هتقدر تتحكم في العالم كله وتصبح اقوي من اقوي دوله عظمة

ارفين

حرب الفيروسات والتكنولوجيا يا سيد خانيس هي حرب الاجيال اللي جاية واللي يقدر يتحكم فيهم. هيقدر يمتلك العالم

خانيس

اول ما تنتهي دكتورة ميلا من تصنيع الفيرس. أبدأ بمساومة المخابرات المصرية وجهز عمر الديب للموت ،،،،،،،،،،،

ومن جوة معمل ابحاث. ووسط مجموعه من الانابيب. الخاصة بالمعامل تقف الدكتورة ميلا جوزيف وهي لابسة الهدوم الخاصة بالوقاية من الفيروسات. وقصاد منها في اوضة ازاز رجلين رجل عربي واخر اوروبي. نايمين علي سرير ومتوصل بهم اجهزة خاصة بالوصائف الحيوية الخاصة بجسمهم زي رسم القلب ورسم المخ وجهاز قياس الاكسجين في الدم. وكانت ميلا تتابع انشطتهم الحيوية بتركيز شديد. لغاية ما دخل عليها ارفين وهو لابس هدوم زي اللي لابساها وقال لها

اية اخر الاخبار ميلا

بصت وقالت

كل شئ جهاز والفبرس هيتم ضخة الان من خلال الاكسجين اللي داخل الاوضة ليهم

ارفين

طيب عظيم ابدي بنشر الفيرس.

ميلا

خايفة ارفين نفشل تاني

ارفين

حاسس بيكي ميلا. دة مجهود وتعب 7. س. لكن انا متاكد وواثق فيكي وعارف اننا هننجح المرة دي

ميلا

اتمني. علشان اقوم ب ابادة جماعية للعرب

ارفين بشر

دة حلمنا اللي بدأ صغير بحرمان اي عربي حقير موجود علي اراضي اوربية من ابنه وتقوم بتربيته ام اوربية علشان يصبح الدين مجرد ماضي. ويخرج جيل من الشباب العربي بلا اي هوية. ونجحنا بمساعدة مجنون زي خانيس. عايش في احلام وهو تمهيد الارض للمسيا المنتظر ومايعرفش ان مشروعنا اكبر بكتير من احلامه مشروعنا مشروع مليارات هتدفع للخلاص من اي عربي يفكر يقف قصاد احلام الماسونية.

ميلا

واللي هيساعدونا من العرب ارفين. الفيرس هيكون اخر هدية تقدم لي. قبل دخوله التابوت الخاص بي

ارفين

اكيد ميلا. ودلوقتي ابدي التجربة

وضحكوا الاثنين وداست ميلا علي احدي الزراير في جهاز قدام منها. وانتشر الفيرس وسط فتحات التهوية الخاصة بالاوضة وانتشر من الاكسجين. وبدات ميلا تتابع علي شاشة قدام منها خط سير الفيرس اللي يعتير تقنية عاليه جدا وفتاكة. ودخل الفيرس للاوضة وبدا ينتشر وفجاة وكانه صاروخ موجه. يروح الفيرس ناحية العربي ويترك الاوربي فيرس بيتحرك علي الجينات المحملة لي. وكانه كائن حي عارف هو هيتغذي علي مين. ودخل الفيرس جوة جسم العربي. بصت ميلا ل ارفين بفرحة شديدة. واترمت في حضنه وهي بتقول

نجحنا ارفين. نجحنا

ارفين

برافو ميلا. برافو.

ميلا

بعد. اسبوع بالظبط من دلوقتي العربي دة هيصبح مجرد كائن حي عايش من غير جهاز مناعه. وبعدها الموت هيكون مصيرة الاخير

ارفين

بعد اسبوع هنمتلك العالم كله.،،،،،،،،،،،،،،

ومن جوة مكتب السيد كامل كان باسم واقف قدام السيد كامل وبيقول له السيد كامل بمنتهي العصبية

يعني اية انقطعت اخبار عمر

باسم

دة اللي حصل يا فندم بحاول الاتصال بي لكني مش قادر اوصل له

السيد كامل بقلق شديد

يعني اية عمر اتكشف

باسم

مش قادر اقول اة. بس تقريبا دة اللي حصل

السيد كامل

انا مش قادر استوعب او اصدق ان عمر وقع في ايدهم بالسهوله دي

باسم

اتمني اننا نكون غلط وان عمر يكون مختفي لانه بيحضر لمفاجاة من مفاجاتة هتنهي المهمة دي

السيد كامل بعصبية شديدة

انا مش هسامح المرة دي ولا هسكت لو عمر كان بينفذ خطة بديلة غير الخطة المبلغ بيها. لاننا المفروض نشتغل وسط قواعد وقوانين تحمي رجالنا من غدر الاعداء مش يكون ليهم مجرد صيد سهل

باسم

عمر الديب مش صيد سهل

السيد كامل

اومال هو فين ولية مختفي

في الوقت دة يرن موبيل باسم فيرد بسرعه قائلا

اية في جديد

سكت شوية باسم وبعدها قال

ابعت لي الصور دي وبسرعه

وانهي باسم المكالمة فقال السيد كامل باهتمام شديد

في اية يا باسم

باسم

خبرين اسوء من بعض

وفي اللحظة دي ترن نغمة الرسائل الخاصة بالواتس علي موبيل باسم فيفتح باسم الصور بسرعه ويبص في الموبيل وهو مبرق وكان هايتجنن قلق السيد كامل وقال

انطق يا باسم وقول في اية

باسم

قولت لحضرتك من شوية ان في خبرين اسوء من. بعض. الاول انا رجالتنا اللي مراقبين دكتور خالد شافو النهاردة من دقيقة بالظبط مع. فريدة

اتصدم السيد كامل وقال

فريدة. ازاي

باسم

مش دة بس اللي يستاهل ان حضرتك تسال ازاي.

السيد كامل

اومال اية

باسم

لان في نفس الوقت اللي فريدة فيها مع دكتور خالد. بتعلن السلطات السويدية العثور علي جثة امراة مقتوله عدي عليها 15 يوم. جوة احدي بيوت السويد وبعد الفحص والكشف عليها اتضح انها جثة الهاربة من سجن كوملا. الدكتورة المصرية فريدة. ودي صور فريدة في الخبرين

وحط باسم الموبيل قدام السيد كامل علشان يشوف الصور بنفسه اتصدم السيد كامل وهو بيشوف الصور وقال

يعني فريدة ماتت قبل ما تيجي مصر

باسم

بالظبط حضرتك

السيد كامل

اومال مين اللي جت لغاية هنا وادعيت انها فريدة وسافرت مع عمر

باسم

دي فزورة لسة حلها مش عندنا

هنا بص السيد كامل للصورتين تاني وقال وهو بيشاور علي صورة فريدة اللي مع خالد

باسم انا عايز اللي في الصورة دي تكون قدام مني كمان ساعه مش اكتر لازم اعرف مين دي وانت بنفسك اللي هتجيبها ل غاية عندي ،،،،،،،،،

ومن داخل شيرتون القاهرة تقعد فريدة علي تربيزة في المطعم بتاكل وجبة الغداء وقت مالحظت ان في خمس رجال يرتدون بدل سموكن. داخلين المطعم وراء بعض وكل نظرتهم عليها. وبعدهم يدخل باسم. وبيبص لها بدات تشك فيهم وبصت حوالين منها وبالتحديد بصت علي احدي شبابيك المطعم. اللي جنب منها وعملت نفسها بتكح وبصت من الشباك لقته يبعد عن الارض حوالي 10.م. رجعت قعدت تاني علي الكرسي وقعدوا رجال المخايرات علي كام تربيزة بعيد عن بعض لكن باسم اقترب منها بهدوء شديد ووقف قدام منها بالظبط وقال

دكتورة فريدة مش معقوله. اية الصدفة الحلوة دي

بصت له فريدة وقالت بحدة

انا مش فريدة. واضح انك غلطان

باسم وهو بيقعد علي التربيزة قال

ازاي بس دة انا بنفسي شوفتك في التيلفزيون وكنتي زي القمر بس بصراحة انتي في الحقيقية. احلي بكتير

وقفت فريدة وقالت

قولت انا مش اللي انت بدور عليها

مسك باسم ايدها وقال

خلينا بهدوء نمشي من هنا ونتكلم في الحوار دة علي جنب

بصت فريدة ل ايد باسم اللي ماسكه ايدها وقالت

تمام

واستغلت فريدة ان باسم اطمئن لها وقام وقف وبسرعه البرق ضربت طبق الشوربة اللي كان قدامها برجلها جه في وشة اتوجع باسم لان الشوربة كانت سخنة بعض الشئ

وساب ايد فريدة اللي ضربت الارض برجليها و بمنتهي السرعه ونطت من الشباك علي سقف عربيه ملاكي كانت ركنة تحت الشباك بص باسم عليها وبدون اي تفكير نط زيها والرجاله خرجوا من المطعم وباسم فضل يجري في الشارع وراء فريدة وهي بمنتهي السرعه تقفز من هنا ل هنا وباسم وراء منها ما بيستسلمش ودخلت فريدة في شارع ضيق وباسم وراء منها وكان بيلغ رجالته يمكانه ومكانها وقرب منها بعض الشئ وفريدة دخلت في شارع سد ووقفت وبصت وراء منها علشان تلاقي باسم قدام منها وبيقول

مش كفاية شقاوة بقي. وتعالي لما اقول لك

ابتسمت فريدة وهجمت علي باسم بالركل والضربات السريعة وباسم كان بيتفادي ضرباتها وهو بيقول

ما بحبش امد ايدي علي واحدة ست.

لكن فريدة كانت لا تتوقف وتهجم اكتر واكتر وبمنتهي الشراسة وباسم يقول

يا ستي ايدي تقيلة. انا مش عايز اذيكي

فريدة

لو تعرف تاذيني اذيني

باسم

كدة. انتي اللي جيبتي ل نفسك.

وبدأ باسم يهجم عليها وهي تدافع ويهجم لغاية ما جت ايدة في خدها وخربشها واتصدم لما طلع في ظوافرة جلد صناعي بيستخدم في الماسكات فقال

ماسك. انتي مين

هجمت عليه فريدة لكنه قدر يتفادي هجموها ومسك وشها بكل قوة وبدا ينزع الجلد الصناعي عن وشها علشان يلاقي فريدة. هي فيروز مرات عمر الديب ،،،،،،،،،،،،،،،

رواية عمر الديب يعود الجزء الثالث (الارحام المحروقة) الفصل التاسع

وبسم الله توكلت علي الله وهو رب العرش العظيم

★وبدأ باسم يهجم عليها وهي تدافع ويهجم لغاية ما جت ايدة في خدها وخربشها واتصدم لما طلع في ظوافرة جلد صناعي بيستخدم في الماسكات فقال

ماسك. انتي مين

هجمت عليه فريدة لكنه قدر يتفادي هجموها ومسك وشها بكل قوة وبدا ينزع الجلد الصناعي عن وشها علشان يلاقي فريدة. هي فيروز مرات عمر الديب. قال باسم والصدمة هتصيبة بالشلل

لية يا فيروز

لمحت فيروز وصول رجال المخابرات المصرية فقالت

باسم مش هينفع اتمسك والا عمر هيكون في خطر

باسم وهو بيسيب فيروز. قال

عمر فعلا في خطر

فيروز

بتقول اية

باسم

اسف فيروز لازم اقبض عليكي ودة ل مصلحة عمر

وخرج كلبش من ايدة ولفهم حوالين ايد فيروز. واتكلم في جهاز لاسلكي وقال

عربية بسرعه

وحضرت العربية وركبت فيروز وباسم وراء منها، ،،،،،،،

من جوة مكتب السيد كامل تقعد فيروز وقصاد منها باسم ومن وراء مكتبة يقف السيد كامل وبمنتهي العصبية قال

عملها عمر الديب ولجاء ل خطة غير الخطة المتفق عليها

فيروز

صدقني يا فندم الموضوع مش زي ما حضرتك فاهم

السيد كامل

انتي لسة مصممة تكدبي عليه. باسم يقبض عليكي في صورة فريدة. وعايزاني افهم اية غير ان عمر بينفذ خطة تانية والغرض انا عارفة كويس انه يرجع من السويد وسايب وراء منه اكتر من جثة. ولا كانها خناقة في شارع واللي يوقع ناس اكتر هو الكسبان مش كدة

باسم

يا فندم اهدئة وخلينا نفهم فيروز عايزا تقول اية

قعد السيد كامل وقال

اهو هديت يارب افهم بقي عمر خلاكي تعملي لية كدة يمكن ارتاح شوية

فيروز

عمر لجأ لي لما عرف من فريدة انها ليها اخت يهودية. ومش بس كدة دي كمان جاسوسة لحساب الموساد. واسمها براخا

السيد كامل اتصدم وقال

الله اكبر ومعلومة زي دي يعرفها عمر ومايقلناش عليها لية خايف لنطلع جواسبس مثلا ونفضحة او نبيعة

باسم

اكيد لا. طبعا.

السيد كامل بانفعال شديد علي باسم

انت لية بدافع عن عمر اوي كدة. شكلك كنت معه وهو بينفذ الخطة التانية دي. وانا اعيش وسطيكم زي الاطرش في الزفة.

باسم

قسما برب العزة انا ما عرف المرة دي ان عمر خلي فيروز فريدة

فيروز

لا. انا بمثل دور براخا

السيد كامل

واية غرض عمر من التمثلية دي. طيب بلاش ما خفش عليكي منهم. مش كانو ممكن يقتلوكي

فيروز

ما كنوش يقدروا يعملو كدة. علشان انا اللي كنت هقولهم علي مكان عمر في السويد

السيد كامل اتصدم اكتر واكتر وقال

هو كمان طلب منك تسلمي ليهم

فيروز

ايوة

السيد كامل

ايوة. وتسلمي ليهم. علي انه عمر الديب ولا البرت الكسندر

فيروز

عمر الديب

باسم

جوزك دة اتجنن رسمي. ازاي يكشف لهم نفسه بمنتهي السهوله كدة

السيد كامل ل باسم

مش صاحبك فهمني بقي بيعمل لية كدة

باسم

ما عرفش بصراحة يا فندم بس عمر ما حدش يقدر يعرف هو بيفكر ازاي وفي اية. بس اللي انا متاكد منه انه هيطلع صح في الاخر

السيد كامل بعصبية

مين هو اللي صح. يكشف نفسه ليهم ويعرفهم انه عندهم وعلي ارضهم وتقولي صح.

وبص السيد كامل ل فيروز وقال

وطلب منك اية تاني المجنون دة

فيروز

هو في اية بس يا فندم. عمر بخير وكلمني امباراح

السيد كامل

عمر مش بخير وكل اتصالاتنا بي اتقطعت من امبارح بالليل

قلقت فيروز وقالت

انا ما كنتش موافقة علي اللعبة دي. لكنه هو قالي ما تخافيش انا عارف انا بعمل اية

السيد كامل

فيروز يا بنتي بالراحة كدة عايز افهم عمر لية طلب منك تكوني فريدة

فيروز

براخا

السيد كامل

مش هتفرق كتير احكي لي من الاول

فيروز

الحكاية ابتدت

هنا قاطعها السيد كامل وهو بيقول ل باسم بمنتهي الانفعال

انت قاعد بتعمل اية

باسم وقف مخضوض

اعرف الحكاية. حضرتك

السيد كامل

انت تحضر نفسك علشان هتسافر السويد علي اول طيارة. لازم تكون جنب عمر

باسم

وهو احنا نعرف عمر فين

السبد كامل

اومال انا هسفرك لية تتفسح. يلا يا باسم جهز نفسك

باسم

اوامر سيدك

وخرج من اوضة المكتب. بسرعه ورجع بص السيد كامل ل فيروز وقال

احكي وبالتفصيل، ،،،،،،،،،

ونرجع بالاحداث. ليوم كانت في فريدة نايمة في اوضة الاطفال وعمر قاعد قدام فيروز وبيقول لها

كل المعلومات اللي جمعها باسم ورجالته عن المنظمة دي معلومات مش كاملة ديما ناقصة التفاصيل اللي اقدر من خلالها اعرف انا داخل في حرب مع مين

فيروز

طالما الوضع كدة هتسافر لية السويد وتحاربهم هناك وانت في موضع ضعف مش قوة. وبعدين بقي بصراحة انا مش قادرة افهمك انت عايز ترجع معتز ل فريدة لية عايز تتبنئ طفل من المؤسسة لفة طويلة اوي

عمر

تبنئ الطفل دة مجرد خدعه مش هو دة اساس خطتي. انا بس عايز ادخل المؤسسة واعرف اللي شغالين معاهم بيفكروا ازاي وامكانيتهم اية. انما في نفس الوقت لازم اكون بتحرك في اتجاة تاني. اتجاة عكس المتوقع

فيروز

يعني عايز اية

عمر

لو المؤسسة دي تابعة لنشاط دولي يعني تبع دولة بعينها يبقي الحل الدبلوماسي اسلم حل. ومش هيخلينا ندخل في صرعات

وقام وقف عمر وبدأ يلف في الاوضة ويفكر ويفكر وقال

انما لو مؤسسة شمال تبع رجال رؤؤس الاموال او شوية مرتزقة. او تبع مخابرات دوله معادية. هنا بقي لازم الصيد السمين ولازم ادخل بيت العنكبوت واولع في. من جوة

فيروز

ودة بقي هتعرفو ازاي

عمر وهو بيمشي ايدة علي سلسلة ذهب متعلقة حوالين رقبة فيروز. قال

لنفترض ان السلسة دي وقعت منك في الشارع وحد لقاها تفتكري يتعمل بيها اية

فيروز فكرت للحظات وقالت

لو حد محتاج فلوس اوي هياخدها ويبيعها ويجيب بالفلوس اللي طلعت منها اللي ناقصة.

عمر

غيرة

فيروز

لو مش محتاج هياخدها ويديها هدية ل حد عزيز عليه او لو واحدة اللي لقتها هتلبسها مثلا لو عجباها.

عمر

ولو سلسلة مافيش منها اثنين واللي لقاها جواهرجي

فيروز

اكيد هياخدها ويحتفظ بيها او يعرضها للبيع باعلي ثمن

عمر

هو دة.

فيروز

انا مش فاهمة

عمر

انا نويت اكون السلسلة الذهب اللي هتقع علي الارض وانتي هتلاقيها وتعرضيها للبيع. وساعتها هعرف مين اللي هيشتريني من طريقة تفكيرة. فيا

فيروز

صعبة شوية عليه

عمر

ببساطة نويت اكون الطعم اللي بي اصطاد راس المنظمة او الحوت الكبير اللي ماحدش يعرفو. وبعدها الطعم هياكل الحوت. هم يا جمل

فيروز

برضو لسة صعبة عليه

عمر

بالراحة كدة تخيلي معايا ان في بدل فريدة واحدة اتنين فريدة. او براخا تؤام فريدة اللي هي حكيت لنا عنها وازاي ما حدش بيقدر يفرق ما بينهم. وهنستغل دة وبراخا دي تبان قدام المنظمة انها عدوة فريدة وان معتز ابن براخا مش ابن فريدة. وهي جاهزة تسلمهم عمر الديب ظابط المخابرات المصري اللي هيقدره كهدية هو باقي اجهزة المخابرات. وبدل ما أنا اللي بدور عليهم هما اللي هيدورو عليه.

فيروز

وافرض براخا ظهرت

عمر

تظهر ازاي بس. وهي اختفت من 10 سنين علي كلام فريدة

فيروز

طيب أفرض قتلوك

عمر

موتي مش مكسب ليهم. مهما كان هما اية. في كل الاحوال انا سلسلة ذهب الجعان هيبعيني علشان ياكل. واللي بيقدر الذهب هيخليني عنده وبعدها يقدمني هدية للي يقدر الهدايا اللي زيي

فيروز

خطة مجنونة اخاف عليك بسببها تروح مني لو انكشف امرك

عمر

ما حدش في يوم هيصدق اني ممكن اسلم نفسي ليهم وبنفسي. ومين اللي هيسلمني. براخا.

فيروز

وهي فين براخا دي. مش فريدة قالت انها ما تعرفش عنها حاجة

عمر مشي ايدة علي شعر فيروز وقال

انتي براخا. ومش محتاج اقول لك اوعي تأمني ل حد وانا واثق فيكي انك هتقدري تكوني بخير ،،،،،،،،،،،

ونرجع تاني ل مكتب السيد كامل وفيروز بتقول

وفعلا تمت الخطة وخلي رجاله دكتور خالد يوصلو لي وانا مربوطة في شقة. ومن وقتها وانا معاهم علي اتصال ومع عمر ببلغو بكل اللي بيتم بيني وبينهم.

السيد كامل

وعرفتيهم مكانه

فيروز

اة. زي ما هو طلب مني

السيد كامل

انا مش عارف اخرة اللي بيعملو جوزك دة. اية. انا خلاص هتجنن منه

فيروز

للدرجة دي الموضوع خطير

السيد كامل

بصي هو امر من اتنين يا اما هو دلوقتي وسطيهم وبيعرف هما مين وهيقتلهم كلهم. زي كل مهمة بيقوم بيها. او حصل اللي هو ما كنش متوقعه. وان اللي سافرت معه علي انها فريدة هي براخا ودي اكيد باعته ليهم

فيروز

معقول

السيد كامل

لية لا. مش بتقولي براخا تؤام فريدة وماحدش يقدر يفرق ما بينهم. وفريدة ماتت في السويد علي حسب التقارير اللي جت من هناك.

فيروز

دة كدة. تبقي الامور اتعقدت.

السيد كامل

ربنا يستر من اللي جاي، ،،،،،،،،،،،،،،،

وتبدأ التحريات والبحث عن عمر المختفي ولمدة اسبوع كامل وبعد الاسبوع يظهر عمر لكنه نايم علي السرير جوة الاوضة الازاز الموجودة في معمل ميلا. وكان مغمي عليه وميلا بتبص ورجعت تبص ل ارفين اللي واقف جنب منها

وقالت

القي النظرة الاخيرة علي صديقنا عمر الديب

ابتسم ارفين وقال

كلها ايام ويصبح مجرد ذكري ل اعظم رجل مخابرات مصري

وداست ميلا علي الزرار الخاص بانطلاق الفيرس وبدأ الفيرس يتحرك داخل فتحات التهوية اللي داخلة للاوضة

وبدأ الفيرس يختلط بالاكسجين والفيرس اصبح جوة الاوضة وبيقترب من عمر الديب و استنشق عمر الهواء المحمل بالفيرس. واصبح الفيرس جوة جسم عمر الديب ،،،،،،،،،،،،،،

رواية عمر الديب يعود الجزء الثالث (الارحام المحروقة) الفصل العاشر

وبسم الله توكلت علي الله وهو رب العرش العظيم

وداست ميلا علي الزرار الخاص بانطلاق الفيرس وبدأ الفيرس يتحرك داخل فتحات التهوية اللي داخلة للاوضة

وبدأ الفيرس يختلط بالاكسجين والفيرس اصبح جوة الاوضة وبيقترب من عمر الديب و استنشق عمر الهواء المحمل بالفيرس. واصبح الفيرس جوة جسم عمر الصديب

ضحكت ميلا بشر مخيف وقالت ل ارفين

عمر الديب جاهز للموت

ارفين

مش هيموت ل وحدة.

ميلا

انت ناوي امتي تساوم علي رجوعه المخابرات المصرية

ارفين

النهاردة. وحالا. بعد ما يتم الاتفاق بيني وبين خانيس،،،،،،

ومن قدام خانيس يقف ارفين ويبص له ويقول له

الهدية جاهزة سيد خانيس

خانيس بفرحة شديدة

عظيم. انت وميلا. محتاج اشوف عمر الديب بعد دخول الفيرس جسمة

ارفين

هيفوق وهيكون قصاد منك. وانا اعتقد ان جة وقت مساومة المخابرات المصرية

خانيس

ابدأ حالا ،،،،،،

ومن جوة مكتب السيد كامل وقت ما كان سيد كامل قاعد علي مكتبة بيشرب قهوته. يسمع خبط علي باب المكتب فقال

ادخل

فيدخل احدي رجال المخابرات يدعي وسيم. بص له السيد كامل وقال

في جديد

وسيم

في رساله جت لنا من مجهول. بيقولنا فيها انه يعرف مكان عمر الديب

انتبه السيد كامل للي بيتقال وبمنتهي التركيز قال

قدرت تحدد المكان اللي جاية منه الرساله

وسيم

لسة شغالين سيدك علي معرفه احدثيات الموقع

السيد كامل

خليني اتواصل معاهم واعرف منهم هما عايزين اية بالظبط، ،،،،،،،،،،

ومن جوة مكتب خانيس يجلس ارفين وهو يرتدي قناع اسود قدام كاميرا اللاب بتاعه ويتكلم مع السيد كامل عبر الماسنجر مكالمة فيديو وكان بيقول

دي كل طالبتنا خروج امن لكل رجالنا من الاراضي المصرية وعلي راسهم دكتور خالد. في مقابل رجوع عمر الديب ليكم سليم. لو تم الرفض هيخرجوا رجالنا من اراضيكم بالطريقة الصعبة وهيرجع ليكم عمر الديب في صندوق خشب. بتسموا تابوت

السيد كامل

وانا اية يطمئن لي. ان عمر عندكم وسليم

ارفين

وافق علي مطالبنا وانا اخليك تشوفو.

السيد كامل

دة امر انا لوحدي ما قدرش اخد في قرار. هعرض طلبك. علي القيادات وهتواصل معاك تاني

وانهي السيد كامل الاتصال وبص ل وسيم وقال

ابعت ل باسم في السويد وعرفه باللي حصل واتعاون معه علشان تقدروا تعرفوا موقع الجهاز اللي تم منه الاتصال

وسيم

اوامر سيدك يا فندم. لكن لو مقدرناش نعرف مكان الجهاز. اية الوضع وقتها سيدك

سكت السيد كامل وقال

القرار هنا هيرجع للقيادات. وانا عارف ومتاكد انهم هيوفقوا علي طلبات المنظمة. وهيرجع عمر الديب. بس هيبقي رجوعه مع. قرار ما حبش اني اخده وهو ان عمر الديب مش هيكون وقتها رجل مخابرات مصري. هيتم عزله

وسيم

معقوله يا فندم تكون دي نهاية عمر الديب

السيد كامل

اتمني ان النهاية تكون غير كدة. بس صعب. ،،،،،،،،،،

ومن جوة المعمل اللي في ميلا تجلس ميلا قدام الاجهزة اللي بتابع من خلالها المؤشرات الحيوية ل عمر الديب وتاثير الفيرس في. وقت ما هو فاق وبدأ يبص حوالين منه وبص للاجهزة المتعلقة بجسمة والخاصة ب رسم القلب ومتابعة الضغط وخلافة. واول ما حط ايدة علي الاجهزة دي قالت ميلا في ميكروفون قدام منها

احسن لك عمر الديب تسيب الاجهزة متصلة بجسمك

عمر بص للسماعات الموجودة في الاوضة وقال

انتي مين

ميلا

الدكتورة المعالجة ليك. دكتورة ميلا.

عمر

وانا بعمل اية هنا دكتورة ميلا

ميلا

حسيت بشوية تعب واحنا قررنا نعالجك. مش عايزاك تخاف

عمر

دكتورة ميلا جوزيف. باين عليكي ما تعرفيش مين هو عمر الديب وصدقيني انتي اللي محتاجة متخافيش

ضحكت ميلا. وقالت

طول عمركم دمكم خفيف. يا مصريين

ضحك عمر اكتر وقال بهزار

مش احسن من نكون زيكم.

ومرة واحدة قال بجد

مخنا هو اللي خفيف.

وفضل يضحك عمر. ويضحك ويضحك. وميلا بتبص له وهي مرعوبه منه. ومن طريقته في الكلام. لكنها تمالكت اعصابها وقالت

انت بتضحك وانت تحت ايدينا طيب ازاي قادر تجيب القوة دي

عمر بلهجة استهزاء

هو مين اللي تحت ايديكم

ميلا باستغراب

انت

عمر

أنا. مش قدامك دكتورة ميلا زي ما انتي متوقعه.

ميلا باستغراب اكتر مع سرعة دقات قلبها

مش قدامي ازاي. يعني اكذب عينية واصدقك

عمر

ايوة. كذبي عينكي وصدقيني. لاني ممكن اكون ارفين. او خانيس صاحب المنظمة لكن الاكيد اني مش عمر الديب

ورجع يضحك تاني ويضحك ويضحك. وميلا خافت اكتر واكتر وخرجت من المختبر بتاعها وضحكات عمر لا تتوقف،،،،،،

ومن قدام باب المختبر تقف ميلا وعلي ودانها الموبيل وكان بتكلم ارفين وبتقول

انا مش مجنونه. ارفين. وهو لسة قايل لي كدة دلوقتي

صوت ارفين

اهدئي ميلا. وبالعقل كدة ازاي هو قدامك وبيقول انه مش هو. لا وكمان هيطلع ارفين ولا خانيس

ميلا

شيطان زية. زي ما انت حكيت لي عنه يعمل اكتر من كدة. ولا نسيت كلامك عنه لما قولت انه اخطر ظابط مخابرات مصري في الوقت الحالي. وعايزا دليل قوي علي انك انت ارفين

ضحك ارفين اوي وقال

جري لك اية ميلا. انا ارفين. ولو اللي قدامك مش عمر الديب سهل جدا تعرفي

ميلا

هو عمر الديب اللي انت جيت بي من اسبوع فات

ارفين

وقدامك طول الوقت في المختبر وكان مغمي عليه يبقي ازاي لما فاق ما بقاش هو

ميلا

طيب لية ما يكنش انتحل شخصية خانيس.

ارفين

امتي وازاي ولو خانيس هو عمر الديب. يبقي ازاي الفيرس دخل جسم عمر الديب. هقول لك تاني اهدي ميلا. ما تخليش عمر الديب يتحكم في اعصابك ويصيبك بالجنون

ميلا بدات تهدي شوية واقتنعت كتير ان اللي حصل دلوقتي ما هي الا مجرد حيلة من ثعلب مصري. لكن اللي حصل بالليل في نفس اليوم كان شئ يجنن. وقت ما ظهر عمر الديب قدام المؤسسة وبص لها وهو بيضحك وقرب من بوابة المؤسسة ووقف قدام البوابة وبص له الحراس وقال واحد منهم

انت بتعمل اية هنا دلوقتي

بص عمر لكاميرات المراقبة ويفضل يضحك. وهنا استفز الحارس وقال

ابتعدت عن البوابة والا ضربتك بالنار

فضل عمر يضحك. استفز الحارس اكتر ورفع السلاح في وش عمر وقال بمنتهي العصبية.

قولت ابتعدت عن هنا

وفي لحظة يظهر 10 رجال مسلحين من رجاله ايزاك فيكتور ويضربوا النار علي الحراس وعمر يخرج مسدسين من جيبة ويبدأ يضرب النار علي اي حارس يقابلة. وبلا اي رحمة. وتخطي عمر الجثث وراح ناحية العنبر اللي في الاطفال المخطوفة. وفجر الباب تماما ودخل للاطفال وبص لهم ، ،،،،،،،،،،،،،،

بعدها بشوية ومن جوة اوضة خانيس يقف ارفين قصاد خانيس اللي كان بيقول بمنتهي العصبية

ازاي دة يحصل. وفين رجاله اندرية. اللي بياخدوا مني الملايين سنويا لحماية المؤسسة.

ارفين

اصل الحملة اللي دمرت المؤسسة كان علي راسها.

وسكت ارفين فقال خانيس

علي راسها مين. قول ارفين

ارفين

مش هتصدق سيد خانيس

خانيس

قولت لك قول ارفين

ارفين

عمر الديب

وقف خانيس وقال

عمر الديب. هو قدر يهرب من ميلا

ارفين

عمر الديب ماسبش المختبر اللي في ميلا. من وقت ما دخله

خانيس

يعني اية. في اتنين عمر الديب

ارفين

اللي تحت ايديبنا هو عمر الديب

خانيس

ومين التاني

ارفين

لسة ما نعرفش سيد خانيس

خانيس

احنا كدة. بيتلعب بينا ارفين

ارفين

اندرية اتحرك ومعه مجموعه من الحراس الجدد. وهيقلب السويد. لغاية ما يوصل ل عمر الديب المزيف

هنا يرن موبيل ارفين فيطلع ارفين موبيلة وبص في الشاشة واستغرب فقال خانيس

مين بيتصل ارفين

ارفين

براخا

خانيس

ودي عايزا اية. مش خدت الفلوس اللي اتفقنا عليها يوم ما سلمتنا عمر الديب

ارفين

هعرف دلوقتي. هي عايزا اية

خانيس

افتح مكبر الصوت ارفين. خليني اسمع هي بتقول اية.

وفعلا عمل كدة ارفين وفتح مكبر الصوت ورد

ايوة براخا

براخا

ازيك ارفين

ارفين

قولي براخا عايزا اية

براخا

جايب لك عرض مالي قوي وحماية مدي الحماية من الموساد لو سلمتنا عمر الديب

ارفين

عمر الديب راجع مصر براخا

براخا

المصريين هيدفعوا اكتر مننا

ارفين

مش فلوس بس اللي بنقيس بيها الامور

براخا

اومال اية ارفين

ارفين

دة شئ مش مهم تعرفي براخا. لكن قريب اوي الموساد هيتواصل معانا لاننا هنقدم لهم عرض اقوي بكتير من عرضكم

براخا

امتي ارفين

ارفين

قريب براخا. قريب.

وخلص ارفين المكالمة. فقال خانيس

لية ما وفقتش علي عرض براخا

استغرب ارفين فقال

انت نسيت اتفاقنا مع المخابرات المصرية بتسليم عمر الديب،

خانيس

ولية هنسلمهم عمر الديب

اتصدم ارفين اكتر واكتر وقال

سيد خانيس انت بخير

خانيس

مالك ارفين.

ارفين

انا اللي مالي. من امتي بتنسي اللي بيتقال دة انت معروف بصحاب الذاكرة الحديدية

خانيس

باين عليه تعبان شوية ارفين. امشئ دلوقتي و بعدين نبقي نتكلم

ارفين

امرك سيد خانيس، ،،،،،،،،

ومن جوة المختبر تقف ميلا قدام الاوضة المحجوز فيها عمر الديب ولسة بتابع حالته دخل عليها ارفين ووقف جنب منها وبص ل عمر وفضل ساكت استغربت ميلا وقالت

مالك

ارفين

حصل شئ غريب النهاردة.

ميلا

اية اللي حصل

ارفين

خانيس نسي اتفاقنا مع المخابرات المصرية. وهو معروف بالذاكرة الحديدية

ميلا بقلق

يعني اية. خانيس مش خانيس

ارفين

ما عرفش.

ميلا بقلق اكتر

يبقي اللي قدام مننا دة مش عمر

ارفين

ازاي بس.

ميلا

رجل خطير زي عمر الديب اكيد في اللي بيساعده جوة السويد وسهل انه يتنكر ويصبح في صورة خانيس. لغاية ما يدمرنا

ارفين هنا افتكر رجاله ايزاك اللي كانو معه عند بوابة المؤسسة وقال

صح ميلا. صح. واللي بيساعد عمر. هما رجاله ايزاك فيكتور.

ميلا

ولية يعملو كدة

ارفين

اكيد عمر فهمهم اننا اللي قتلنا معتز وان براخا دي تابعة لينا. وبكدة حلقة الانتقام تكتمل

وفي نفس الوقت تبدأ المؤشرات الحيوية ل جسم عمر تتغير وجهاز المناعه يرفض الفيرس وبيهاجمة بكل قوة اتصدمت ميلا وبصت للاجهزة اللي قدام منها وهي بتقول

مصيبة ارفين

ارفين

في اية ميلا

ميلا

الجسم بدأ يحارب الفيرس. وبيطردة برة الجسم

بصوا الاثنين ل عمر الديب اللي جوة الاوضة وهو عمال يضحك وقال ارفين

انت مين

عمر

انا واحد تاني غير اللي انتم فاكرين انه تحت ايديكم

وفي نفس الوقت يفتح باب المختبر ويدخل خانيس. فقال عمر وهو بيبص ل خانيس

اتاخرت كتير. عمر

بصو الاثنين ناحية خانيس وهما مصدومين، ،،،،،،،،،،،،،،،