تحميل رواية «عمر الديب» PDF

رواية عمر الديب يعود الجزء الثالث (الارحام المحروقة) الفصل الحادي عشر

وبسم الله توكلت علي الله وهو رب العرش العظيم

بصوا الاثنين ل عمر الديب اللي جوة الاوضة الازاز وهو عمال يضحك وقال ارفين

انت مين

عمر

انا واحد تاني غير اللي انتم فاكرين انه تحت ايديكم

وفي نفس الوقت يفتح باب المختبر ويدخل خانيس. فقال عمر وهو بيبص ل خانيس

اتاخرت كتير. عمر

بصو الاثنين ناحية خانيس وهما مصدومين. ومن غير اي مقدمات طلع ارفين مسدسة وحطة في وش خانيس وقال

احسن لك عمر تركع

خانيس

عمر مين انت اتجننت ارفين. انا خانيس

ارفين

خانيس عمره ما جه مختبر ميلا

خانيس

انت بعت لي ورقة مكتوب فيها بخطك. اجي لك المختبر وبمنتهي السرعه والورقة في جيبي

وحط خانيس ايدة في جيب بدلته علشان يطلع الورقة لكن عمر قال

اقتله عمر قبل ما يقتلك

وبمنتهي السرعه يدوس ارفين علي زناد مسدسة علشان تيجي الرصاصة في راس خانيس ويقع خانيس علي الارض جثة هامدة مع صرخة ميلا. اللي بصت ل ارفين وقالت

اية اللي انت عملته دة

ارفين

عملت الصح. اومال كنت اسيبة يقتلني

ميلا

لية ما تكنش انت غلط ارفين ودة خانيس لان عمر الديب جسمه مش نفس جسم خانيس

ارفين

تكنولوجيا التنكر خليت كل شئ ممكن حتي لو جسم المتنكر مش نفس جسم الشخص اللي هيتنكر في صورته وانا هثبت لك

وراح ارفين ناحية وش خانيس وحاول انه يشيل الماسك لكنة تاكد ان دة وشة طبيعي اتصدم وحط ايدة في جيب خانيس ولقي فعلا ورقة بخط ايدة مكتوب فيها

★سيد خانيس موبيلاتنا تحت المراقبة احضر حالا

ل مختبر ميلا. ل امر هام وضروري ★

هنا يسمعوا صوت تسقفية جاية من ظهرهم. وعمر بيبص لهم ويقول

برافو ارفين اصابة مباشرة ومن طلقة واحدة اصابة ما تلقش علي دكتور. انما تنفع تكون ل ظابط مخابرات مصري متمرس. وكمان ورقة بخط ايدك تجعلك في موضع شبهه.

بدات تشك ميلا في ارفين وبصت ل عمر

انت عايز تقول اية

عمر

اقصد اقول ان لية ما يكنش ارفين هو عمر الديب. او انتي ميلا تكوني هو عمر الديب.

وبص ل ارفين وقال

ما تستغربش ارفين. واسال نفسك ازاي انا خفيت لو ما كنتش ميلا هي السبب في علاجي. او اكون انا مش عمر الديب. اصلا

صوب ارفين المسدس ناحية ميلا اللي كانت بتشك وبشدة في ارفين وقال ارفين

انا متاكد اني مش عمر.

مبلا

يعني انا ارفين اللي هكون عمر. دة كلام تخريف

ارفين

جاوبي طيب علي السؤال اللي ساله. خف ازاي ميلا. او قولي فين عمر الديب الحقيقي. ولمصلحة مين عملتي كدة ميلا

ميلا

ما عرفش ارفين. ونزل المسدس دة. ولا عاوز تقتلني ارفين زي ما قتلت خانيس

عمر

مش هينفع يموت لا دمة كله محمل بالفيرس. وهينتشر بخروج الدم.

اتصدم ارفين وقال

انت بتقول اية. انا مستحيل اتحمل بالفيرس.

عمر

ودة لية لانك مش عربي. ميلا معروف عنها انها مجنونه. تفتكر انها هتحب وتخلص ل واحد زيك ارفين..

ميلا عملت من الفيرس نوعين الاول يصطاد العرب والتاني يصطاد اي شخص تختارة ميلا.

ميلا

انت مين وعرفت دة كله ازاي. انت مستحيل تكون عمر الديب لان دي معلومات ما يعرفهاش الا. انا و ،،،،،

عمر. كمل كلامها وقال

وحبيبك. دكتور اكسل

ومسك عمر الماسك اللي علي وشة وظهر اكسل الدكتور اللي هرب فريدة من سجن كوميلا واتصدمت ميلا وكانت هتجنن وقالت

اكسل. معقول

اكسل

ايوة ميلا. انا اكسل نسيتيني. ما افتكرش دة انا اللي كنت شغال معاكي علي تصنيع الفيرس لكن حبي ل فريدة المسجونة البرئية اصابك بالجنون. اكتر ما انتي مجنونه وبمجرد خروجها من السجن. ،،،،،،،،،،

ونرجع بالاحداث لكام يوم وراء وبالتحديد لما فريدة قدرت تهرب من السجن بمساعدة اكسل. وساب لها اكسل اوراق السفر الخاصة بيها ل برة السويد في شقته اللي كان بيقابل فيها ميلا. وراحت فريدة للشقة وفتحت الباب وكانت تعبانه اوي. فقررت تاخد دش ساخن وقت ما اتفتح باب الشقة ودخلت ميلا وهي لابسة جوانتي في ايدها ومعها سكينة حادة وبدات تفتح باب كل اوضة بحذر شديد وكانت بدور علي فريدة ووصلت لغاية الحمام وحطيت ودانها علي باب الحمام وسمعت صوت المية فقالت بجنون مخيف

واضح ان فريدة المسلمة تخلت عن الشرف العربي. واترمت في احضان حبيبي اكسل. احضان الوداع. لكن نهايتك فريدة هتكون الليلة علشان الوداع يكون من الدنيا مش السويد وبس

واتقفلت حنفية المية راحت بسرعه ميلا ناحية اوضة النوم واستخبت جوة الدولاب واستنت دخول فريدة للاوضة وفعلا دخلت فريدة ولبست هدومها وهنا تهجم عليها ميلا من الخلف لكن فريدة تسمع صوت خطوات رجليها اللي جاية ناحيتها بسرعه لفت وشها لقيت السكينة بتتغرز في كتفها صرخت فريدة وزقت ميلا بعيد عنها والدم نازل من ذراعها زي الشلال وخرجت من الاوضة جري لكن ميلا جريت وراء منها وغرزت السكينة تاني في ظهرها وقالت

دة جزاتك يا فريدة علشان فكرتي تاخدي مني اكسل

وقعت فريدة علي الارض غرقانه في دمها. وميلا قعدت فوق منها وحاولت فريدة منع وصول السكينة الي صدرها لكن ميلا كانت اقوي وقدرت تغرز السكينة في صدر فريدة وبدات تطعنها اكتر من 20 طعنه وكلهم في الصدر وبعد ما شافت ان فريدة قطعت النفس طلعت السكينة من صدرها وبدات تلحس الدم اللي عليها وهي بتقول

زي ما بتقولو في مصر شربت من دمك

وخرجت من الشقة وبمنتهي السرعه، ،،،،،،،،،،،،

ونرجع تاني للمختبر وميلا بتبص ل اكسل اللي بيقول

اهو بسبب اللي انتي عملتي في فريدة اتفقت مع براخا علي الانتقام منكم و براخا قدرت تحضر لي ماسك عمر الديب واوهمنا ارفين باني انا عمر الديب

ميلا

انت تعمل دة كله علشان عربية. طيب اسمع اكسل فريدة لو عايشة هقتلها تاني اكسل ولا ان عربية مسلمة زي فريدة تاخدك مني

ارفين

لية ميلا ما قولتيش من الاول ان فريدة اتقتلت علي ايدك

ميلا

علشان ما تمسكش عليه ذلة وتبدأ تساومني بيها ارفين في اي يوم من الايام

ارفين

انتي مجنونه ميلا

اكسل

انت لسة فاكر انها ميلا. دي عمر الديب.

ميلا

لعبتك مكشوفة اوي اكسل

اكسل

لو انتي مش عمر الديب اكشفي هدومك

ميلا

اكسل انت مش هاتنجح في اللي عايز توصل لي بعد كل اللي انت بتعمله دة

اكسل

قولت اكشفي هدومك

ميلا بعصبية

قولت اسكت

اكسل

انتي عمر الديب انا متاكد

ميلا بجنون

انا ميلا جوزيف

ارفين قال بمنتهي العصبية

اسكتوا انتو الاثنين والا قتلتكو.

وبص ارفين ل اكسل

طالما انت مش عمر الديب. يبقي اكيد تعرف هو فين دلوقتي لانه هو اللي ساعدك للوصول لغاية هنا

اكسل ضحك وقال باستهزاء

انت غبي ارفين. لاني لا شوفت عمر الديب ولا اعرف هو فين

ارفين

براخا سلمتك ليا علي انك هو

اكسل

كل دة تم بالاتفاق بيني وبين براخا علشان اوصل ليكم واعرف طريق ميلا. وانت وفرت عليه وقت كتير كنت هدور في علي ميلا.

ارفين

يعني انت مع براخا

اكسل

قولتها مرة وانت محتاج تسمعها تاني انا مع براخا. وهثبت لك حالا

وهنا يفتح الباب وتدخل براخا ومعها رشاش الالي مصوب ناحية ارفين وبتقول له

نزل سلاحك ارفين

نزل ارفين سلاحه وبراخا قالت

شوطو بعيد عنك

وفعلا عمل كدة. وبعدها بصت براخا ل ميلا

انتي بقي ميلا قاتلة اختي

ميلا وهي مصدومة

انتي بقي اخت فريدة التؤام

براخا

بالنسبة للعالم كله انا فعلا كدة. انما ليكي انتي انا ملك الموت

وصوبت الرشاش ناحية ميلا. ولسة هدوس علي الزناد قال اكسل

بلاش تموت قبل ما نتاكد انها مش عمر الديب

براخا

انت لية اكسل جوة الاوضة الازاز لغاية دلوقتي

اكسل

الكلام خدنا وما حدش امر بخروجي

براخا لميلا

افتحي لي وخلي يخرج

وفعلا داست ميلا علي زرار فتحت باب الاوضة الازاز وانضم اكسل ليهم ومسك مسدس ارفين وقال اكسل

اظهر يا عمر احنا معاك مش ضدك

براخا

انت اللي معه لكن انا ضده وظهورة معني الموت وعلي ايدي

اكسل

يظهر براخا وبعدها نتكلم

ارفين

قبل ما نعرف مين فينا عمر الديب. ، مش غريبة براخا اللي بتكره فريدة وقتلت ابنها معتز تبقي عايزا تنتقم ليها

براخا

سؤال صعب اجابته. لكن سؤال ما يطلعش الا من راجل مخابرات معروف بالمكر.

وبصت براخا ل اكسل وقالت

انا شاكة اكسل ان ارفين هو عمر الديب

اكسل

لكن انا حاسس انها ميلا. او علي الاقل تعرف هو فين

ارفين

من غير مراوغة جاوبي علي سؤالي براخا

براخا

اجابة السؤال دة تخص الموساد وعلشان اجاوب عليه لازم اتاكد انك عمر الديب

ارفين

اية اللي يخلينا نصدق انكم مش مع عمر الديب

براخا ضاحكا

يهودية زيي من جهاز الموساد هتتعاون مع عربي مسلم وكمان ظابط في المخابرات المصرية. ازاي دة يحصل فين عمر الديب ارفين.

ارفين

ما عرفش. وبعدين انتي لية متاكدة اوي كدة ان عمر الديب وسطينا

براخا

لانه اختفي من فترة وما حدش يعرف هو فين. واكيد هو وسطينا او فينا اللي يعرف هو فين. وبيشتغل لمصلحتة

اكسل

افتكر براخا ان جة وقت اننا نكشف الحقيقية ونعرف مين فيهم عمر الديب

براخا

يبقي انت هتروح ل ميلا اللي انت شاكك فيها وانا هروح ل ارفين

اكسل

واللي هيطلع صح

براخا

يختار مين يموت الاول. وانا معروف اختياري

وراحوا، الاثنين في نفس الوقت ومسكت براخا وش ميلا ومسك اكسل وش ارفين وبصوا الاثنين لبعض.وهنا

رواية عمر الديب يعود الجزء الثالث (الارحام المحروقة) الفصل الثاني عشر والاخير

وبسم الله توكلت علي الله وهو رب العرش العظيم

★اكسل

افتكر براخا  ان جة وقت اننا نكشف الحقيقية ونعرف مين فيهم عمر الديب

براخا

يبقي انت هتروح ل ميلا اللي انت شاكك فيها وانا هروح ل ارفين

اكسل

واللي هيطلع صح

براخا

يختار مين يموت الاول.  وانا معروف اختياري

وراحوا،  الاثنين في نفس الوقت ومسكت براخا وش ميلا ومسك اكسل وش ارفين وبصوا الاثنين لبعض. وهتا يكتشفو ان ولا واحد في الاثنين عمر الديب وبص اكسل ل براخا وقال

واضح اني كنت غلط

براخا

مش انت لوحدك اكسل

استغل ارفين ان الاثنين باصين ل بعض رمي جسمة بمنتهي السرعه واللياقة ناحية مسدسة ومسك المسدس ولف وشة بسرعه وضرب طلقة ناحية اكسل لكن اكسل كان رد فعله اسرع من ارفين وحط ميلا قصاد منه واستقبلت هي الرصاصة. اللي جت في قلبها وقعت ميلا اللحظة اللي بص فيها ارفين ل ميلا متاثر باللي حصل لها كانت كفاية اوي علشان براخا تطير ناحيته وتضربه برجليها في ايدة اللي ماسكة المسدس. يقع المسدس منه راح يجيبة سمع صوت براخا بتقول

ما افتكرش ان حركتك هتكون اسرع من الرصاصة اللي هتخرج من عندي

بص لها بخوف شديد وهي بتقول

قوم ارفين وايدك فوق دماغك

قام ارفين بحذر شديد وهنا يبص له اكسل. وبعدها يبص ل ميلا اللي سايحة في دمها  وقال

كويس اللي انت عملته دة.

ارفين

انا كنت قاصد اقتلك انت

اكسل

لية بس ارفين.  دة انا حتي بكرهك

وهنا يفتح باب المختبر تاني ويدخل اكسل وهو مكتف دكتور خالد عبد الرحمن ويرمي قدام ارفين اتصدم ارفين لما بص له خالد وقال

اية اللي بيحصل هنا ارفين

ارفين كان بيبص للاثنين اكسل ويقول

تقريبا فهمت

شال اكسل اللي كان مع براخا الماسك علشان يظهر عمر الديب. كان قلب ارفين هيقف من هول المفاجاة وعمر بيقول

مالك كدة ما تنشف. دة انت حتي راجل رمة

ارفين

انا دلوقتي فهمت انت مع اكسل.

وبص ارفين ل براخا وقال

عمر اهو اقتلي مستنيا اية

ضحكت براخا وقالت

اقتله ازاي وهو حقق لي كل اللي كنت بسعي لي وقدرت بالاتفاق معه اجيب حق اختي فريدة اللي منظمتك قتلتها مرتين مرة لما خدوا منها ابنها ومرة تانية لما طعنتها ميلا 22 طعنة بلا اي رحمة.

ارفين كان هيتجنن. وخالد عمال يقول

اية اللي بيحصل هنا ارفين فهمني

عمر بص ل خالد وقال

ولية تسال واحد يهودي.  ما انا اهو مصري زيك ومستعد اقول لك ان الحكاية بدات لما براخا جت المخابرات المصرية بجواز سفر فريدة وقررت انها تقول كل اللي عرفتوا فريدة عن منظمتكم،،،،،،،،،

ونرجع بالاحداث ل كام يوم. وبالتحديد ل اول ليلة باتت فيها براخا في شقة عمر الديب علي انها فريدة لما خبط عليها عمر وهي قالت

ادخل

دخل عمر وقعد قدام منها بالظبط. وبص لها وهو ساكت ارتبكت براخا وقالت

في اية استاذ عمر

عمر

مش عايزاني اعرف حاجة يا فريدة

براخا

حاجة اية يعني

عمر

معلومة ما حدش يعرفها عنك عن عيلتك عن، ،،،،،،،

فهمت براخا وقطعته وقالت

انت تقصد عن اختي اليهودية

عمر

مثلا

براخا

استاذ عمر طالما جيت لي بالليل كدة يبقي انت عرفت المعلومة وما حدش غيرك عرفها

عمر

احب ديما في شغلي اعرف ادق التفاصيل عن اللي هكون في صفهم او هكون ضدهم

براخا

والمعلومة دي وصلت للمخابرات المصرية

عمر

اوصلها ازاي. واقول لهم اية فريدة ليها اخت في الموساد

براخا

بس دي معلومة غلط.

عمر

واية هي المعلومة الصحيحة

براخا

اني انا مش فريدة.  انا براخا اختها

اتصدم عمر وبراخا قالت

مش عايزاك تقرر اي شئ قبل ما تسمع الحكاية كاملة. انا صحيح اخت فريدة لكنها احسن مني ميت مرة هي  دكتورة اكتشفت فساد منظمة ويمبو قررت تقول لا. وتحاربهم. كان اتصالها بيا ديما في السر علشان هي ما تحبش ان يتعرف ان ليها اخت يهودية ودة زعلني في الاول لكن بعد كدة قدرت ان فعلا ما ينفعش اكون اخت ل فريدة. لكنها احتاجت ليا لما عرفت بنشاط المنظمة الحقيقي وقضية الارحام المحروقة و عرفتني علشان اساعدها بحكم شغلي في الموساد رفض وقولت لها انا مش مهم عندي اية اللي يحصل للعرب المهم ان بلدي اسرائيل بخير قفلت معايا وهي مضايقة وعديت فترة واتصلت بيا تاني وعرفتني انهم خدوا منها ابنها معتز اتهزيت من جوة وحسيت بوجعها فقررت. اساعدها لكن المشاكل اللي بين اليهود ودولة السويد منعتني من اني اوصل لها قبل ما يتقبض عليها واتقبض عليها وما قدرتش اعمل لها اي حاجة

وبدات تعيط براخا بحرقة. وهي بتقول

كنت بشوفها بلبس السجن اتخيل نفسي مكانها. اتحرمت من ابنها وكان نفسها تشوفه وكل دة علشان هي قالت لا للشر.  حاولت كتير اهربها ما قدرتش ولو كان الموساد عرف اني في السويد بساعد فريدة كان الموت هيكون مصيري. حاولت اعرف طريق معتز وبرضو ما قدرتش ما قدرتش اعمل اي شئ لاني لوحدي لكن في اخر ايام فريدة في السجن عرفتني انها هتهرب بمساعدة من دكتور اكسل. الدكتور اللي كان معهم في المنظمة وقد اية هو بيحبها وهيساعدها لغاية ما تلاقي ابنها معتز وفعلا هربت وعرفتني انها راجعه مصر ونفسها تشوفني قبل ما اسافر وروحت اشوفها لقيتها ميتة. وبطريقة وحشية. اتوجعت اوي وقررت انتقم لها بس ازاي وانا لوحدي. وقعت عيني علي جواز سفرها قررت انزل مصر واجي لكم برجلي وكنت عارفة ومتاكدة انكم هتساعدوني ارجع معتز احقق ل فريدة اخر حلم حلمت بي.  انها تشوف ابنها.

وبدات براخا تمسح دموعها وقالت

عارفة انك عمر الديب اكتر واحد بتكرهنا. في العالم وفي جهاز الموساد انت محطوط علي قائمة المطلوبين تصفيتهم.  لكني هنا بصفتي فريدة مش براخا. وفريدة تستاهل اننا نجيب حقها ونرجع ابنها ل بلدة مصر وتكون السبب في تحرير اطفال كتير مكتوب عليهم يعيشوا بالغصب مع اب وام اشتروهم بالفلوس

عمر فضل باصص لها وساكت وبراخا قالت

مستنيا ردك. بالكتير بكرة علشان لو رفض انا هتحرك وهحارب لغاية ما اجيب حق اختي واعرف مين عمل فيها كدة او اموت زيها

عمر

انا كمان محتاج افكر لان اي قرار هاخدة دلوقتي احتمال ما يكنش صح،،،،،،،،،،

وتاني يوم الصبح كانت براخا علي السفرة بتفطر مع فيروز  وقت ما انضم ليهم عمر الديب وبص ل براخا وقال

طيارتنا كمان اربع ساعات افتكر ان كفاية اكل. ويلا نجهز للسفر

ابتسمت براخا وقالت

بجد

عمر

عمر الديب ما يعرفش يهزر، ،،،،،،،،،

ونرجع تاني للمختبر وعمر بيقول لخالد

بس بقي يا سيدي واهو من ساعتها وهي فريدة وبراخا اللي انت قابلنها في مصر تبقي مراتي فيروز. وحتي لما كنت مع براخا لوحدينا عمرها ما فكرت تتعامل معايا الا علي انها فريدة.  عرفت بقي انكم كلكم كنتم عمالين زي العرايس اللي في المسرح واللي بيحركهم انا. حتي انت يا ارفين. خليتك تشك في خانيس لما نسي اتفاقة معاك بخصوص تسليمي للمخابرات المصرية. والفضل يرجع ل دكتور اكسل والخليط اللي حطة في اكل خانيس وخلي ذاكرتة شوية بعافية.

ارفين

خطة عشوائية لكنها من ترتيب شيطان

عمر

اعتبر كلامك دة مدح ولا ذم

ارفين

اعتبره اعتراف صريح مني بعقبريتك سيد عمر. بس عايز اعرف رجال ايزاك كانو معه مين وقت اقتحام المؤسسة.

عمر

كانو مع عمر الديب

ارفين

انت كنت هنا في القفص سيد عمر

عمر

انت ما تعرفش ان اكسل قدر يخرجني من غير ما تعرف ميلا. وكمان قدر يصنع مضاد حيوي يقضي علي الفيرس.

ارفين

ودة سبب شفائك

عمر

بالظبط. زي ما انتم كنتو شغالين علي صنع الشر كان اكسل بيصنع الخير. ما هي الدنيا كدة خير وشر. وديما اهل الشر يفتكروا انهم كسبوا لكنهم ما يعرفوش انها بتتهيئا لاهل الخير.

ارفين

يعني كدة معتز لسة عايش

عمر

معتز في مصر في نفس اليوم اللي اتقتل في. ما هو كان لازم نخلص من اللي كانت ممكن اليسا تعملو لو خدنا منها بالعافية. وفي نفس الوقت استخدم رجاله ايزاك في تدمير منظمتك بالاتفاق مع اليسا للانتقام من اللي قتلو معتز

ارفين سقف ل عمر اللي قال

عجبتك الخدعه. مع انها خدعة بسيطة بنعملها كتير لكنها لغاية دلوقتي بيصدقوها اللي زيك.

ارفين

وسيد عمر اللي بيمثل الخير ناوي طبعا يحط نهاية تليق بالشر اللي هو احنا

عمر

بالظبط

ارفين بخوف شديد من مصيرة اللي مستني قال

احب اعرفك سيد عمر اني مواطن سويدي

عمر

بس يهودي ولما يتعرف انك مت ما حدش في السويد هيزعل عليك وانت عارف لية. السويد بتكرهكم

خالد

طيب انا هتعمل فيا اية. انا عربي مسلم زيك

عمر

مسلم كان هيتسبب في موت مسلمين. ما يبقاش مسلم. دي قاعدة فقهية. شكلك كنت بتغيب في حصة الدين

ارفين

لو اتعرف يا عمر انك قتلتنا العلاقات الدبلوماسية هتتوتر بين مصر والسويد. وخصوصا انك كنت بتساعد يهودية من غير ما يجي لك اوامر صريحة من جهاز مخابرات مصري

عمر بص ل اكسل اللي قال

مين قال ان عمر الديب وراء اللي هيحصل لكم انتم معروفين انكم اطباء وكنتو في المختبر دة علي اساس اكتشاف علاج للفيرس الفتاك اللي كان هيصيب شعب السويد.  و اتعرضوا للاصابة بالعدوي وموتو. وانا هكون شاهد علي كدة. وهتكونو قدام الشعب السويدي ابطال

وفي لحظة يمسك عمر ارفين ويمسك اكسل خالد ويبدوا يسحبوهم الي الاوضة الازاز وهم بيصرخوا ويتوسلو. ويطلبون الرحمة ولكن براخا قفلت عليهم باب الاوضة وراح اكسل ناحية لوحة الزارير وداس علي الزرار الخاص بالفيرس وبدأ الفيرس يتحرك ودخل من فتحات التهوية وفضل ارفين وخالد كاتمين انفاسهم وبيطلبوا الرحمة لكنهم ما قدروش يستحملو وبدأ يستنشقوا الاكسجين المحمل بالفيرس ودخل الاكسجين جوة الرئة وبدأ الفيرس يتمكن من اجسامهم وهنا قال عمر

لازم بسرعه نخفي جثة ميلا وخانيس ونمسح اي اثر لوجدنا هنا.  وبعد ما يموتو اكسل خرجهم من الاوضة الازاز واعلن خبر وفاتهم.  والفيديو اللي صورتة كاميرات مراقبة المؤسسة يتحرق تماما

وبص عمر ل براخا وقال

واندرية اظن ان اليسا قتلته بعد ما عرفت انه هو اللي سلطك علشان تقتلي معتز

براخا

حصل.  واصبح من اهل جهنم

عمر

كدة انا دوري خلص محتاج ارجع مصر ارتاح

براخا

وانا عمر.  هرجع اسرائيل. ولا مصر

عمر

دة قرارك وانتي حرة في. بس احب اعرفك ان معتز محتاج ل امه بلاش تحرمي منك

براخا

انا ممكن اكون زي فريدة

عمر

كل واحد مننا لو قال لا.  للشر باعلي صوت عنده هيكون زي فريدة. بطل في مجاله

براخا

انا هرجع اسرائيل لاني مش قد مسئولية دي

عمر

انتي حرة.

ومشي عمر خطوتين جريت وراء منه براخا وقالت

استني عمر

وقف عمر وبص لها فقالت

انا جاية معاك علشان خاطر معتز.  وفريدة تكون مرتاحة في قبرها

عمر

عملتي الصح براخا

براخا

لا. اسمي فريدة، ،،،،،،،،،،،

ومن القاهرة وجوة مكتب السيد كامل تقف براخا وفي حضنها معتز وكانت بتشكر السيد كامل وباسم وعمر ومشيت هي ومعتز واول ما مشيت بص السيد كامل ل عمر وقال

محتاج اعرف انت كنت فين طول الفترة اللي فاتت دي

عمر

في راس سدر يا فندم بصيف.

وبص عمر ل باسم وقال

هو انت ما قولتش لسيادة اللواء

باسم وهو هيتجنن

اقول له اية يا جدع انت هو انا كنت اعرف لك طريق

عمر

ازاي بس. دة انا بعت لك صوري مع كريم عبد العزيز.

وطلع عمر موبيلة وجاب صور لي مع كريم عبد العزيز بص لها السيد كامل وباسم وهما هيتجننوا وقال عمر

بس تخيل يا فندم انه في الحقيقية. اضخم بكتير من الشاشة

السيد كامل

الصور دي من سنة فاتت يا عمر

بص عمر ل تاريخ الصور فقال

صدق صح

السيد كامل بحزم شديد

عمر كام واحد مات المرة دي.

عمر

ولا واحد بايدية لكنهم خلصو علي بعض

السيد كامل

عارف يا عمر اني المفروض دلوقتي اعزلك،

عمر

لية سيدك.

السيد كامل

علشان انت ضربت كل قوانين المخابرات في الحيطة ولا كانك ليك كبير وقلبتها خناقة في شارع

عمر

انا يا فندم شغال تبع القواعد. انا روحت السويد ورجعت وما حدش يعرف اني موجود هناك

السيد كامل

انت عايز تجنني.  اومال فيروز مراتك اللي كانت عاملة نفسها براخا وعرفتهم مكانك

عمر

دول خمسة بس يا فندم اللي عرفو

السيد كامل

خمسة بس.  بس انا اعرف انهم ثلاثة

عمر

ازاي بس. مع ارفين وميلا وخالد. في خانيس وبراخا

السيد كامل

كل. دول عرفو انك في السويد وتقولي ما حدش عرف.

عمر

اصلهم خلاص ماتو

السيد كامل

الخمسة ماتو

عمر

قضاء وقدر. وعايز اي جهة رسمية في دولة السويد تطلع تدين عمر الديب ساعتها يا فندم هتلاقي استقالتي قدام منك.

السيد كامل

وفريدة اللي لقوة جثتها قبل ما تيحي مصر

عمر

دي براخا يا فندم.

وبص عمر ل باسم

ما تقوله يا باسم

باسم وهو هايتجنن

اقول اية بس هو انا اعرف حاجة

قام وقف عمر وقال

بعد اذنك يا فندم

السيد كامل

رايح فين

عمر

اجازة بقي سيدك وحشتني مراتي. وراس سدر. وادعي لي يا فندم المرة دي اتكعبل في احمد عز

وخرج عمر من المكتب وبص السيد كامل لقي باسم لقي  بيضحك فقال بعصبية

انت بتضحك علي اية

باسم سكت وقال

اسف سيدك.

السيد كامل

هو مين شغال عند مين

ضحك باسم وما قدرش السيد كامل يمسك نفسه وضحك هو كمان. لكنه قال

والله يا باسم لو سيرة عمر الديب جت في اي تقارير من السويد لكون عزله من منصبه وانت معه

باسم

طيب انا مالي حضرتك

السيد كامل

مش انت صاحبة.

باسم

ما حضرتك والده. ومش عارف تعمل معه حاجة. يبقي بقي المفروض كلنا نروح معه راس سدر

السيد كامل

بتقول اية

باسم باحراج

انا رايح اشوف. شغلي.

وخرج باسم والسيد كامل فضل يضحك ،،،،،،،،،،،،،

وبعدها باسبوع بالظبط تبدأ سكرات الموت تنهي حياة ارفين وخالد.  واعلن اكسل الخبر في كل المواقع  العالمية واعدم الفيرس تماما واكتشف اكسل علاج للارحام المحروقة. ورجع كل طفل كان مخطوف لعايلتة واستقر الحال بعض الشئ. لكن هيفضل للشر اتباع وكل شر لي تابع هيلاقي بطل يحاربه والبطل هو صقر المخابرات.  عمر الديب.