رواية عندما يعصف الحب الفصل الرابع والعشرون 24 - بقلم زينب العبيدي(زينبيه)

شلونكم مالونكم🙋‍♀️

هذا تكملت البارت السابق متكون من١٤٥٨ كلمه

علقوووو وتفاعلووو ترى كلششش باردين وماتسوون واهسس

معقوله القصه مو حلوه

#عندما_يعصف_الحب

#بقلم_الكاتبه_مولاتي_زينب

#البارت٢٠

وصلها على البيت وقبل ماتنزل كاللها عزام ورود خليج اهنا شكم يوم واجي عليج راح أئجرلج خط مؤقتآ لحد ماترجعين خوش

نزلت ورجع صاح عليها من الجامه ورود سإلي وستشيري خواتج الاكبر منج وسالي سعاد او امي او اي واحد اكبر منج وافهم منج اي واحد قريب منج راح يفيدونج وشي واحد كليلهم عزام شاريني مو بفلوس لا شاريني بروحه

هزت راسها بمعنه اي ودخلت وراح عزام

ورود السلام عليكم

ام عزام وسعاد وعليكم السلام

كعدت ورود بالمطبخ يم امها وسعاد الي جاي يحضرن الغده وحجت يمه شبي علي وزهراء امس اسمعكم تحجون بس ما فهمت شي

ام عزام اووف يايمه بي ضيم هل مكرود مرمرته هل جلبه هاي الساقطه

ورود مو جديده طول عمرها بارده وياه وضاربه الكل عرض الحايط

ام عزام لا هل مره طركاعه اكبر طلعت هل جلبه تحب عزام

ورود صفنت شوي ماتفاجئت لان تعرف هل شي ورجعت حجت وانتم منو كلكم

سعاد عزام اتصل عليها بوجود علي وسمعه حجيها كله

ورود وعزام

سعاد شبي

ورود يعني شدراكم مايحبها هو الثاني

سعاد انجبي على اساس انتي ماتعرفين عزام وماتعرفين ان مستحيل يسويها

ورود اي اعرفه قبل بس هسه لا لن صاير هوايته الموفاجئات

سعاد لا اطمني عزام نفسه وماتغير و واضح من البدايه بس يرادله واحد نبيه يحس بي ويفهم تصرفاته وانتي تعرفين شقصد

ورود على العموم الله يساعد علي والله ياخذ زهراء الي مردت كلبه

ام عزام جاي افكر افتح ويا موضوع الزواج عسى شوي تهون عليه المصيبه وليالي خوش بنيه وحلوه

ورود ما انصحج بليالي لان هي الثانيه هم تحب عزام هه شنو هل ضيم علي يتزوج وزوجاته يحبن ا
عزام ههه والله يالله

سعاد ههههههه

ام عزام ياولج منو كلج

ورود شنو نسيتي اني عشت وياهم

ام عزام جا وفاء بنت عمج حبابه وحليوه وفقيره

ورود هه وهاي هم لا وسكتت شوي هاي شنو هل عزام كلها تحبه

ام عزام ليش لا

ورود لان فارق السن قليل بينهم ولاء احسن

ام عزام اي ولاء هم حلوه وخوش بنيه وبت عمه ونعرف تربيتها احسن من الغرب

ورود بس انصحج مو هسه تفاتحينه بالموضوع خل يمر على السالفه اقل شي شهر لان هسه بعده ملجوم وماباله زواج لاتضغطون وتلحون عليه نوب يضل يكره الزواج والنسوان

سعاد وانتي شنو سالفتج

ورود اليوم اجاني رضا

سعاد خير شيريد هذا

سولفت ورود كل الحجي الي كاله رضا وبعد ماخلصت سولفت الي صار وياها وي عزام شافتهم مانصدمو من حب عزام الها كنما الكل يدري عداها

سعاد شوفي حبيبتي ربما صدك رضا حبج بس عزام يحبج والفرق ان رضا حبج هسه بس عزام يحبج من زماان مو حب يوم وليله ولاتجبرين كلب رضا على حساب كلب عزام انطي فرصه من حقه ياخذ فرصه وياج مثل ما انطيتي رضا فرصه هذيج المره ولاتنسين رضا متزوج وراح يصير عنده طفل اينسي ويعوضه ويهون عليه شويه حتى لو مثل ماتكولين مايحب مرته بس من تصير ام ابنه راح ينجبر يحبها والطفل راح يعزز علاقتهم

ورود ما ادري اني كلت اسال كذا واحد لان صراحه رضا كسر خاطري وعزام يريد انطي فرصه

وانتي شتكولين يمه

ام عزام يمه مو لان عزام ابني لا لان انتي معزتج ومحبتج ماتقل عن محبته بنيتي الوحيده بس عزام ايحبج حب والده لدرجه وكف بوجه ابو وانطرد وتشكك بي وبصدك نيته واتحمل الخاطر يحبج ومثل ماكالت وسعاد رضا متزوج وراح يصير عنده ولد لو بنيه وينسه او يحاول ينسه لان ما لحك يحبج ذاك الزود هي كلهن ايام الكضيتيهن ويا وانتي كيفج يايمه فكري زين

ورود هزت راسها بمعنه اي وكامت اروح اني ابدل ملابسي وانام غده ما اريد من اكعد اكل

ام عزام يا ليش يمه لاريوك ولاغده صايره كاضيه

ورود لاتاخفين راح اكضي من وره ولد عمي مو من الا كل وراحت الغرفتها

بدلت وتمددت وهي صافنه وتفكر وتحجي وي نفسها ماجنت ادري رضا هاي ضروفه وهو هيج متأذي ولا جنت ادري عزام متعذب سنين ومتغرب بسببي ياربي انت خيرتي ودليلي بيوم حيرتي ياربي وجهني وحنن كلبي وسهل علي امري وحدك تعلم بالغيب اللهي فلاتتركني لنفسي اخذ بيدي وصلني الطريق خلاصي

ونامت للعصر وحست واحد يسحب منها الغطه ويدغدغ بجف رجلها سحبت رجليها بسرعه وفتحت عيونها على كبرهن وقبل لاتصرخ شافت وفاء و ولاء وهن يضحكن بصوت عالي كعدت بسرعه وصرخت عااااااابت خوفتني

وفاء ليش بالله منو حسبالج وغمزة الها

ورود اتذكرت هذاك اليوم مجرد ماشافت وفاء  وتخيلت الخيبه الي راح تشوفها على وجه اختها  وحجت بسرعه وفاء شلونج شلون صرتي

وفاء ليش شبيه جني العافيه

ولاء ليش شحسبالج احنه مثلج ننكسر ونسد على روحنه باب ونكد نبجي ونلطم على حضنه بابا هاي الدنيه مليانه تجارب ولازم انعيش ونشرب من كل كاس حتى نتعلم ونعرف شلون نتصرف ونندل طريق مصلحتنه

وفاء واني وي كل كلمه كالتها ولاء

اتنهدت ورود وحجت بكسرت خاطر وفاء ادري راح اجرحج بس لازم اكلج على هل شي

وفاء كولي

ورود عزام وسكتت

قاطعتها وفاء يحبج ويموت على شهكت الهوه الي تتنفسينها وعايش بيج ومنج والج

فتحت عيونها ورود بصدمه بس انتي شتحجين

وفاء مو هو هذا الي تردين تكولينه اعرفه صدكيني ويابختج وغبيه واكبر ثوله لو ضيعتي هل حب الي مايتعوض بكنوز الدنيه

ورود وفااء انتي الي تحجين هل حجي ما اصدك وانتي شدراج بالموضوع اصلا

وفاء وليش ما احجي اني اختج واعرف وين مصلحتج اما شدراني فاعزام كلي

ورود بس انتي مو تحبينه

اتنهدت وفاء بحزن بس بسرعه اتداركت الامر وبتسمت وحجت وشل فايده واذا حبيته هوه باله وعقله وروحه كلهن ويااج ومستحيل يفكر بغيرج واني وحده كرامتي ماتسمحلي اركض وره رجال مستحيل ايفكر بيه غير كا اخت وبس وبعدين اني بعدني اصغيره وطريقي طويل الدنيا تجارب مثل ماكالت ولاء فا ليش ادفن روحي بالتخيلات واحلام مستحيل تتحقق فقررت انسه وابعد حبه شوي شوي وبالتدريج واكيد راح انجح

ورود حجت بتعجب صدك انتي قويه وفاء ياريت لو اني مثلج كلبج مكسور وهيج تحجين وتاخذين هيج قرار واني الي ضاله بين نارين واخاف اخاطر بشي

وفاء حاولي وتجرئي واتخذي قرار حتى لو صعب وماتكدريله اهم شي المحاوله وبفشلج ماراح تنكلب الدنيه بالعكس راح تتعلمين هواي اشيااء

ولاء انتي شلي محيرج احجي واذا انتي ماتكدرين تاخذين قرارات صعبه وبيها مجازفه احنه كا خوات واجب علينه انساعدج ونرشدج حتى تاخذين قرارج

ورود يابعد عمري والله اني اكثر وحده محضوظه بالعالم لان عندي هيج خوات

وفاء اهوو راح تبجينه مثل المسلسلات

ورود ببتسامه على حجي وفاء وتقلصت ابتسامتها بسرعه وحجت اليوم اجالي رضا للجامعه وكلش كسر خاطريي

ولاء رضا شجابه

ورود بدت تحجيلهن كل الي كاله رضا الها وشلون طلب منها ترجعله

وفاء شوفي ياورود لواني بمكانج او ولاء او اي وحده فاهمه ماراح تفرط بحب عزام ويكول المثل اخذي الي يحبج ولاتاخذين الي تحبي ياورود انتي ما جاي تستوعبين عزام شكد يحبج تعرفين شنو انسان يكضي عمره بالغربه وينحرم من لمت اهله وناسه عزام اتغرب بس في سبيل يشرد من حبج لان يدري لا انتي ولا اهلج يتقبلون حبه رغم هو حبه مشروع وحلال

ولاء خل انكون واقعيين ياورود رضا واحد متزوج وراح يصير عنده طفل يعني انتي تقبلين ترجعين على ضره ويجوز بعدين تحبينه وتتعلقين بي فاراح تتأذين وانتي تشوفين وحده ثانيه تشاركج بي وتعيشين حياتج بالقهر والحسره والمرض واذا طلبتي منه يطلكها ماراح يطلكها وعدها طفل وحتى لو طلكها الخاطرج راح طبين بخطيه ام وابنها بحرمانهم من سندهم بهل دنيه

ورود بس رضا ممكن ارجعله والسبب لان تقبلت كا زوج من البدايه بس عزام جنت امفكره بي اخوي وبس ما اتخيل اكون زوجته

وفاء زين سوال بعد مادريتي بعزام يحبج شلون جاي تنضريله يعني هم تخجلين وتتقيدين من شوفته لو عادي مثل قبل ماتغير شي

ورود لا اكيد ضليت حتى استحي من اشوفه او متبدي اتواجد وياه بنفس المكان

وفاء اي هذا هو خلصنه يعني بمرور الايام تكدرين تغيرين نضرت الاخوه هذه

حجت ولاء وهي تعوج بحلكه ولج جمبيتج هو من يمته انتي نضرتيله نضرت اخوه طول عمرج تكولين عزام مو مثل باقي اخواني

ورود اي كلت بس اني حاسبته اخو صح مو مثل علاء او عماد وعلي بس اسمه اخو

وفاء ولان اسمه اخو يعني اكو احتمال يتغير هل تفكير

ورود ماجاي اتخيل هل شي وشلون

ولاء اذا انطيج حل تسوينه وترتاحين من حيرتج

ورود وشنو

ولاء رضا شيلي من حسابج صح هو خطيه ويكسر الخاطر بس مايفيدج فهمي زين واذا رضا تعذب مره عزام متعذب الف مره وبعده على هل حال
اما عزام فا انطي فرصه يعني عيشي وياه فتره هههه تحت التجربه يعني مثل الاجانب

ورود هههه عابت شنو تحت التجربه

ولاء والله احجي صدك روحي عيشي وياه فتره اتفقي وياه وعيشو سوه او يجي يعيش اهنا هو وانطي فرصه ما اكلج عا ملي كازوج بس ضغطي على نفسج وكعدي وياه على طول وسولفو طلعوا يعني مثل فترة خطوبه وبعدها شوفي كدرتي تتعودين عليه خير على خير ما كدرتي اطلكوا

وفاء والله عين العقل

ورود وهي صافنه بكلام ولاء كالت مادري افكر

ولاء والله بدون لاتفكرين لان هذا الحل الوحيد حتى اذا ماتعودتي عليه انفصلو اهم شي انطيتي فرصه وحاولتي

وفاء هاج هذا تلفونج اتصلي

اخذته ورود بتردد وعيونها على ولاء وفاء

وفاء يله يله بلا نضرت متبرعصه ههههه

ولاء شو جيبي اخذت التلفون وطلعت اسم عزام واتصلت ورود اتكللها لحظه لحظه بس هي ما سمعتلها ولمن رد عزام شمرته على ورود

عزام الوو

يتبع ........