رواية عندما يعصف الحب الفصل الخامس والعشرون 25 - بقلم زينب العبيدي(زينبيه)

سلاموووون عليكممم🙋‍♀️

اسفه على التاخير ترى اخيتكم مشغوله وتعبانه😭 والله
وجاي اضغط على نفسي ويادوب الكه😣 وكت اكتب الكم جاي ارتب بيتنه🤦‍♀️ الجديد وكفشتي اكبر مني🤪

عزام الوو

سكتت ورود متردده ولاء و وفاء يأشرآ الها بمعنه احجي

عزام ورود شبيج

ورود الو ها اكلك وسكتت

عزام كولي مو انشلع كلبي

ورود ها اي تعال

عزام اجي وين اجيج

ورود اي تعال عندي حجي وياك

عزام جايج مسافة الطريق بس لا تكسرين كلبي اذا بيها كسران كلب احجي بالتلفون

ورود لا ماينفع تلفون

عزام يعني ناويه تكسرينه هل الاغم الحبج

ورود اهووو شسالفه كتلك تعال

عزام بالطريق شبيج قابل اطير

ورود اوك باي

عزام الله وياج ويهديج

سدت التلفون وباوعت الخواتها وحجت والله محتاره احس صعبه السالفه

ولاء ماتاكلين بصل بله

ورود عابت احر ماعندي ابرد ماعندج

وفاء وادفه ماعندي

وكعدن يعلمن شتحجي وشتكول و ولاء تمشط شعرها وتعدل ملابسها وهي تهمش بولاء تريد تبعدها بس هذيج كلساع وركعتها على راسها.

ورا ١٠ دقايق اجت سعاد

سعاد. ورود اجه عزام ويكول انتي تردين تحجين ويا

وفاء اي اي خل يجي

ورود. وين يجي خل اروحله اني

ولاء والله يا الله هم البيت بيتهم وهم ماتخلي يدخل عمي الغرفه غرفته كليله حياك والتفتت على سعاد خل يتفظل

سعاد. وانتن هم تفضلن بره

ولاء. عابت يهو كلج احنه نريد انضل

ورود جا شلون اضل ابحدي استحي منه

سعاد. يالعياره تستحي يامه انتي ويا ضليتو ابحدكم ونمتو نفس الغرفه حجت وهي تظحك

ورود اي هذا قبل من جان اخوي

صفكت ولاء حيل يعني اعترفتي هسه هو مو اخوج

ورود لا مو هذا قصدي بس اني جنت حسبالي هو معتبرني اخته ما ادري بتفكيره شيطاني

سعاد. يمه ونعم الشيطان حماي يله طلعن بره
وطلعن حجت سعاد بهمس ها شصار اكيد قنعتنها

ولاء جا شحسبالج مشت الخطه مثل ماخططنه

سعاد. ماعندي شك لان اني صاحبة الفكره والخطه الجهنميه

وفاء. اكول صمي حلكج الخطه حجي اللسان التعب بالتنفيذ

ولاء. هسه عوفن العرك خل انصيح للولد ونصنط وبعدين اتعاركن وعرفن التعبت اكثر

راحت سعاد. صاحت العزام الي جان كاعد يم امه ويشرب جاي

كام عزام. وكف اكبال سعاد قبل لا يكمل طريقه الغرفة ورود وحجه. عندج معلومه. عن الموضوع لتريدني بي ورود

سعاد صراحه لا بس شكلها ما يبشر بالخير اتصور جاي تفكر بالطلاك

عزام لو تعلك ماطلك لاتخليني استخدم وياها طرق التخبيث والقسوه

سعاد. هسه روح والله كريم

دار ظهره وكمل طريقه وصادف ولاء و وفاء وسلم عليهن ودخل الغرفة ورود اما هنه. لزكن اذاناتهن ع الباب وياهن سعاد

دخل وعينه على ورود الي جانت تعض على اضافرها
من التوتر
رفعت عيونها وباوعتله

عزام. ها شلونج

ورود. وهي تحاول تبعد نظرات عيونها عنه تمام

عزام. حجه وهو يكعد يمه على الجربايه اي احجي اسمعج

ورود. يعني الصراحه هو أأأ وضلت تحرك ايديها بطريقه عشوائيه وكملت هو اقتراح ولاء يعني هاا مو اني يعني هم شجعوني وو يعني انو احاول ويعني اني كلت لازم اكلك هووا ويعني أ أ أ الاقتراح يعني

قاطعها عزام يعني راح تكضينها علي يعني احجي وردايه بدون يعني ولاتخجلين مو كلبي ماضل بي مكان صاحي كله مفطر

ورود. اخذت نفس قوي. وحجت بهمس ياربي ساعدني شهل توتر ماعرف اجمع كلمتين على بعض

عزام ارتاحي شوي. وطلع نقاله يكلب بي بس اعيونه جانت عليها مو ع النقال ويتأملها

اما هي فا جانت تحجي بهمس وتتدرب ع الي راح تكوله وتنهدت وبعدها رفعت عيونه وباوعتله ولمن شافت نظراته الصافنه عليها ورجعت توترت وضلت تمتمت وتمسلت ماعرفت شتحجي

عزام. زين ماراح اباوعلج ودنك ع نقاله اسمعج

ورود. ولاء اقترحت علي هي ووفاء ان اني وسكتت

عزام. أمم

ورود. اي ان انطيك فرصه حجت وهي تعصر بأصابعها
مجرد مانطقت الكلمه رفع عيونه عليها بصدمه وفرح
ماجان متوقع راح تكله هيج وخصوصأً بعد كلام سعاد عن سالفه الطلاك وابتسم ما ادري شكول بس فرحتيني

ورود بس عندي شروط. بما ان اني اعتبرك او عشت طول عمر حاسبتك اخ فالازم تكون علاقتنه محدوه

عزام. شنو قصدج ابمحدوده اذا. قصدج نبقه كما احنه واحد بحلب والثاني بالشام فا ماسوينه شي راح اضل انه انه وانتي لنتي

ورود. بالله هذا شلون افهمه يعني اقصد. مثل ثنين ستوهم تعرفو على بعض او بداية خطوبتهم

عزام. هممم وهز راسه ماشي

ورود وبعد عندي شرط ثاني. اذا ماتعودت عليك ولا كدرت اتقبلك اوعدني اطلكني

عزام. هسه أجلي هذا الموضوع وخل نبدي بالفكره وبعدين نحجي هل حجي.

ورود لا هذا واحد من شروطي

عزام. هسه عود الله كريم

ورود. وشرط ثالث بعد. انعيش اهنا

عزام. وابوي

ورود. نحجي ويا مره ثانيه. واذا ما وافق اجي وياك

عزام. ولو انه افضل انروح اهناك احسن بس ميخالف اموافق يحجي وهو يباوع على تفاصيل وجهه بتدقيق

ورود. اوك تمام هذا هو خلصت

عزام. سكت عزام دقايق وحجه تدرين. ورود من يمته حبيتج ويايوم بالذات

دنكت وسكتت بدون اي كلمه

كمل عزام حجيه وهو يكول جان عمرج ١٤ سنه بتحديد سنه ٢٠١٠/١/١٥. جان عيد ميلادج وبمثل العاده ابوي ماتعبر سنه اذا مايسويلج عيد ميلاد

ورود. اي صحيح

عزام. ما ادري تذكرين او لا انه بوكتها جبتلج

ورود جبتلي هذا الدب وأشرت على الدب بزاوية الغرفه جبير كلش

التفت عزام وهو يبتسم اي صح هو هذا وكمل وبوكتها انتي. شبكتيني حيل. من الفرحه اهنا انه اختلت كل موازيني رغم انتي جنتي صغيره بنت ١٤ بس الضاهر كلبي هرف وحبج من عدها عرفت ان اني ماعندي اتجاهج شعور ابد غير الحب حاولت هواي اتبعد عنج واجذب شعوري بس شفت كلما اجذبه يعاندني ويكبر لحد ماوصلت. الهذا حالي صرتي انفاسي نبضاتي تفكيري صرتي دنيتي كلها تدرين شنو سميتج. فتح نقاله وراواها رقمها امسجله امنيتي تعرفين شنو يعني امنيتي يعني كل بشر عنده امنيه وكل يوم يحلم هي تتحقق
وانه كل يوم اكعد الصبح واكول اليوم تتحقق اليوم تكتمل بس كل يوم الكه روحي افشل بتحقيقها ع العموم كل الي اعرفه انه احبج هل حجي كل و ورود تعصر بأصابعها ومدنكه للكاع كلش.

عزام. وهو يباوع الها. تره احب الخجل اهواي اعشقه وانتي جاي تخجلين حيل.

كامت ورود. بسرعه.من سمعت حجاياته اني اريد اروح اتغده ماجعت ااا اقصد اني من اجيت تغديت ما نمت وهسه جعت أ أ اتنفست حيل وهي تطرد التوتر وشفايفها يرجفن بالكلام الماتعرف اتسفطه

ضحك. عزام قصدج انتي جوعانه مامتغديه من رجعتي نمتي وهسه جعتي

ورود تنهدت اي اي

عزام. انه هم جوعان خل نطلع ناكل بره

ورود. هو اني مشتهيه مركة شبزي مامشتهيه اطلع

عزام. اتصور امي كلتلي غداكم. باميه. وكلتلي اصبلك. كلتلها لا منين اجه الشبزي

ورود اي اي اقصد الباميه احبه

عزام. اكول. جا شلون الفرصه الراح تنطيني ايها اذا طلعه ماتقبلين اطلعين وياي

ورود. والله انيي... بعدها مامكمله وسمعو الباب يندك حيل

فتح الباب عزام وشافه ولاء وفاء وسعاد

وفاء. اني نسيت نق نق نقالي

عزام بس انتي مو ماعندج نقال

وفاء مال سعااد مال سعااد قصدي

غمزتله سعاد وهي تأشرله يطلع

طلع وهمستله سعاد نقنعها شبيك نقنعها

عزام وهو يرفع حاجبه على شنو تقنعونها

ولاء تطلع وياك شبيك.

ضيك على عيونه وانتن شدراجن

ضلن وحده تباوع ع الثانيه وبس النظرات امطشره

سعاد. اكول احمد ربك تره اني خططت وهنه نفذن. ولو ما احنه ماجان انطتك فرصه وماجان خجلت قبل شوي حجت اكلمتين الاخيره وهي تبتسم

عزام. شتت عيونه بخجل احم اي.. انه كاعد هناك

ضحكن هنه على خجله ودخلن بسرعه للغرفه

ورود شنو جنتو تحجون

وفاء ابد ماكال شي كال كلولها نطلع اني وياها

ورود لا مستحيل ولجن والله خجلني كلش واستحي منه

سعاد. اكول يله كل وحده تشوف شغلها وراحت باتجاه الكنتور وعي اطلع الها ملابس' وهاي الطلعت احذيتها وهاي تطلع الها شال واكسسوارات

ولاء يله عاد لبسي لو البسج تره ماعندي مانع

ورود. عفيه عفيه والله ماريد اطلع اصلا كلش مابالي اطلع يعني مو من بدايتها طلعات

وفاء. اكول لاتصدكين روحج انتم استوكم تعرفون بعض ولبسي وانتي ساكته

ورود. بس. تروحن وياي

ولاء هاي مصختها تعالن خل نلبسه وهجمن عليها

ورود وهي تصرخ لا لا اني راح اللبس

طلعن ولبست ورود وكملت وطلعت لكت عزام والبنات كاعدين ويسولفون اجت وكعدت يمهم كام عزام بسرعه يله وطلع قبلها
كامت وهي تهمس للبنات ما اضن راح اكدر اتعلم عليه كا زوج

اشرتلها سعاد روحي روحي

راحت لكته كاعد بالسياره ويعدل بشعره كبال المرايه مال السياره صعدت بالسياره

عزام وين انروح

ورود ما ادري

عزام اول خل نروح نتغده مادري نتعشه

ورود كيفك

عزام اشو صاير كلش عاقله ماتعودت عليج هيج

ورود تعبانه من الي صار

هز راسه عزام بمعنه اعرف

وشغل الراديو مالت السياره وضل يكلب بالقنوات وفاجئه ستوقفه مقطع من اغنيه كاضم السهر هل عندكي شك غنه وياه بصوته وهو يباوع على ورود الي كلشوي تلتفت عليه اول مره تسمعه يغني ومن كلبه

قولي لي كيف سانقذ نفسي من اشواقي واحزاني
قولي لي ماذا افعل فيكِ '''انافي حالة ادمان
قولي ما الحل فا اشواقي وصلت لحدود الهذيان
قاتلتي ترقص حافيه القدمين في مدخل شرياني
من اين اتيتِ وكيف اتيتِ وكيف عصفتِ بوجداني

ولزم ايدها وبسرعه سحبتها

وحجت بسرعه عزام بلا هل حركات رجائآ

عزام ولج احبج

ورود حجت وهي وجها للجامه بس لاتتجاوز حدودك وياي

عزام اول شي انتي زوجتي وحلالي وثاني شي احنه بفترة خطوبه مثل ماتفضلتي ويحقلي كا خطيب يحب خطيبته ان الزم ايدج على الاقل

ورود بس اني بعدني مامتعوده عليك هيج

عزام تتعودين بس انتي لاترفضين حتى لو تتحمليني على اعصابج بس لاترفضيني لان لازم اتحاولين مو هيج انتي كلتي

هزت راسها بمعنه اي بس بعدم اقتناع ودارت وجها على الجامه

وصلو المطعم وتعشو وبعدها اشتروا موطه وكعدو على الكورنيش جانت ورود طول الوكت ساكته بس تجاوب عزام على كد السؤال وتسكت

ورود يله خل نرجع

عزام هز راسه بمعنه اي وكام صعدوا بالسياره

ورود عزام زواجنه صار بخطه منك لو هو اجه فاجئه

عزام ما انكر ياورو ان انه جنت كليوم اتمنه انج تطلكين حتى ترجعين وبعد ما افرط بيج لو تنطبك السبعه عل سبعه بس ماخططت بخبث بالصدفه شفت رضا ويا زوجته وهم بعياده مال دكتوره نسائيه وتبعتهم ما انكر فرحتي بهل شي لان عرفت ماراح تضلين ويا بعد ماتعرفين بالاضافه ان انه انقهرت عليج عروسه وشبعتي ضيم وتالي يطلع الاخ متزوج فا ماترددت ان اجي واكلج ولمن اتطلكتي جن ملكت الدنيا بطلاكج وثقي ترى لو مامتزوجج جان اجه عمي وياه رضا ورجعوج وترجعين النفس الذل هذا سبب والسبب الثاني والاول هو حبي الج لهل اسباب اتزوجتج

ورود بس رضا اجاني وهو يعتذر

عزام اشتعل بالغضب حاول يسيطر على اعصابه بس ماكدر يتحكم بنبرة صوته وكال بصوت الغضب يمته ووين وشيريد

ورود اليوم من وداني علاء اجه يعتذر عن الي سواه بيه

عزام على شنو يعتذر وهو الاعتذار يفيد بالي سواه بيج

ورود بس هو شرحلي ضروفه

عزام ماكو ضروف تخلينه نضلم بشر بلا ذنب هذا جهل وستهتار

ورود بس هو مر بهواي اذيه بحياته من قبل خمس سنوات جان يح..

قاطعها عزام بصوت عالي ماايهمني شنو الي مر بي وشنو دوافعه ولاتدافعين عن فعايله وتصيرين غشيمه فطيره ..ششراااد منج

ورود ماراد شي

عزام احجي الصدك شراد منج لاتقنعيني بس اعتذار والسلام

ورود بس اعصابك شبيك

عزام جا احجي وفضيها

ورود رادني ارجعله

اتكهرب عزام لمجرد سمع الكلمه وضل يصيح بصوت عالي وعصبيه هذااا مخبل اكييد هذا يريد ايمووت على ايددي الضاهر بس مايعرف شلووون بسيطه اليوم اخلي حد الهل شيي

ورود بخوف عزام لاتخليني اندم لان كتلك صوجي لان جاي احجيلك

عزام بعصبيه اكبر وانتي شكلتتتتيله هااا

ورود ماخلاني انطي رأيي كلي فكريي وردي

عزام هااا وانتي قبلتي تفكريين هااا ...اي باله شنوو ناويه تطلكيين وترجعيله مووو

ورود لو اريد ارجعله ما انطيتك فرصه وجان رفضتك

عزام اعلمه اريد اعلمه شلون يعدل تفكيره هل حيوان المريض وخلي اشوفه موطوط يم باب الجامعه مره ثانيه اله اكسر رجليه واخليهن بايده

لزمت ايده ورود وهي تترجه بي فدوه عزام عوفه ما اريد مشاكل من جوه راسي عيب عليكم كل واحد شكبره وتتعاركون علمودي شبيكم

عزام بعصبيه لو يصير عمري ٦٠ هاا هم اكص رجله وافكس عينه ليباوع طولج موبعد يتعده ويسوي السواه رضا

ورود عزام فدوه لاتخليني اضم عليك وما اصارحك بعد شبيك ليش عصبي والله مااريد ارجعله

سكت عزام وهو عاكد حواجبه وعيونه بكصته وره مده طويله من السكوتت

حجه شوفي ورود حتى لو ماتقبلتين وكرهتيني لاتاخذين رضا لاتاخذين واحد اعرفه حتى ما احترك كل لحظه واكول فضلت ابن عمي علي رادت ابن عمي وتركت كلبي العاشكها

سكتت ورود ودنكت

عزام ورود اذا فديوم خطر ببالج ان انه اليادرجه احبج او شكد اعشكج فا خل انطيج الجواب مقدما احبج لدرجه ما اختنك بدونج انسه ان انه عايش احبج الدرجه الموووت تعرفين شنو الموت مستعد احبج واحبج واضل احبج حتى لو اتمرمر بالثانيه الف مره
اتمنه تقدرين حبي ورايه

سكتت ورود وهي تفكر شلون جان كادر يضم هل كم من المشاعر عفيه صبر عليه معقوله هلكد يحبني وصابر ومتحمل ومتعذب حجت بصوت مسموع بس ليش قررت هسه اله تحجي

اتهد عزام لان جنت مكتفي بشوفتج كدامي ماطالب من القدر اكثر يكفيني اشوف وجهج او اسمع صوتج او بس اسمع اخبارج لان ادري الدنيه راح توكف ضد حبي واول المعارضين انتي ناراح تتقبليني ولوله الاقدار لعبت دور جان هسه من سابع المستحيلات تقبلين بيه كازوج بس القدر خلاج امام الامر الواقع وخلاج تنجبرين تنطيني فرصه بس لمن شفتج انزفيتي كبال عيني لا اتغيرت الموازين ان انه خسرت حتى النضره الجنت اكتفي بيها وتحرمتي علي طول العمر وتحللتي الغيري هل شيي خبلني خلاني ما اعرف طعم النوم خلاني اواجه ابوي واواجهج وما اقبل بالقليل بعد لا اريدج الي باقرب واكثر علاقه مقدسه وحلال وهو الزواج

جانت ورود تسمع حجيه وساكته بلا ماتنطق اي كلمه

وصلو للبيت ونزلو ورود راحت الغرفتها اما عزام دخل على امه للمطبخ جانت هي وسعاد يسون عشه

عزام السلام عليكم

ردن امه وسعاد السلام

وكف وهو يشرب ماي من البراد وحجه يمه ابوي وين

ام عزام فوك يم علي

عزام ليش صاير شي

ام عزام خذه حيلي وليدي مكسور كلبه على بعد الي صار بي

عزام اهاا وراح صعد الغرفة علي فتح الباب ودخل وسلم ردو عليه السلام

عزام ها علي شلونك

علي على الله

عزام ونعم بالله شنو ناوي تضل هيج شهل مياعه خويه انت زلمه واكبر بهواي من الي صار لاتخلي تجربه فاشله تشل اطرافك وماتكدر تكوم بعد صير قوي ترى بهل دنيه كلشي انشوف وكلشي متوقع اكو ناس الشيطان يستعيذ منهم بس مانعرفهم اله بعد ما ننغش بيهم ونأمن الهم

ابو عزام اي كله فهمه خل ينسه الي صار

عزام لا يبا هو اصلن ناسي بس محتاج مرة تسد خلوت كلبه مو صح علي حجه وهو يبتسم

ابو عزام اي والله كتله هل حجي ولاء بنت عمكم تختلف عن زهيره الكلبه اختلاف النهار من الليل

عزام اي والله صحيح عاد ولاء نعم الاخلاق ونعم التربيه وثكيله ورزنه وحلوه ونصير انه وياك شاربين من نفس الكاس حجه وهو يضحك

علي ادري والله ولاء مابيها شي يتعيب لامن خلقه ولامن اخلاق بس مو هسه خلوني ارتاح شوي واجر نفس من الي صار وانسه فعلت هل ساقطه وبعدين فتحو الموضوع وي عمي

عزام وهو هيج ارتاح محد ضاغط عليك كلش على راحتك

والتفت على ابو يباا سمعت علي راح ياخذ ولاء بنت عمي يعني اخت ورود يعني هي هم بنت عمي يعني ما مسوي شي حرام وزوجنه الله مشرعه ليش توكف بوجهنه

ابو عزام اتنهدجنت اريد احاجيك اليوم بنفس الموضوع

عزام كول يبا اسمعك

ابو عزام بويه بالبدايه جنت خايف من حجي الناس عليك وجنت متصور ان انه لوعارضت انت يوم يومين وتسه بس الضاهر حبك البت عمك اكبر من مخيلتي فا قررت ان استسلم لواقعنه والي بيها بيها

عزام بابتسامه صدك بويه والله ماتدري شكد فرحتني واخيراً فهمتو علي فهمتو شكد احبها

بس يبا هي بعدها رافضتني بس اتفقنه انه وياها ناخذ فرصه اذا تقبلتني زوج الف خير واذا ما كدرت نطلك ولو هل شي من سابع المستحيلات بس جان شرطها نكعد اهنا بالبيت ماقبلت انروح البيتي

علي ليش هي ماجانت قابله تتزوجك وشلون اقنعت جا

عزام هاي سالفه اي ماجانت قابله و وافقت علي مؤقت بس علمود لاترجع الرضا ماتدري بيه انه احبهل وهاي اجتلي من الله

علي هههه ياشويطيين

ابو عزام حجه وهو يكوم ومتجه للباب يريد يطلع بويه البيت بيتك وكدام وجهك وين ماتريد تكعد اكعد

عزام مشكور بويه وباس راسه قبل لايطلع وطلع عزام وراه نزل الغرفة ورود فتح الباب على كيف جانت واكفه كبال الكنتور وايديها على خصرها وتباوع بي محتاره شتطلع منه

اتقرب على كيف وصار وراها مد ايده على شعرها شاله بايده وخلاه من صفح وكمزت من مكانها وبسرعه التفتت

انت شدخلك هنااا حجت بخووف

ابتسم عزام وحجه ابوي قبل انعيش وياهم هنا

ورود اهاا حلو

عزام مو احلى منج

ورود اهوو عزام بدينه

عزام ياريت لو نبدي حجه وهو يضحك

ورود روح مناا لاطلعني عن طوري

عزام اشو بالله طلعي عن طورج حتى اشك حلكج....ابوسه

ورود شهل حجي هذا عزام ترى ما اقبل

عزام بس وحده شبيج

ركضت ورود وطلعت من الغرفه وتركت عزام بالغرفه وهو يضحك عليها

يتبع......