رواية عندما يكون العشق صوفيا الفصل التاسع 9 - بقلم ruqaya H algurtani

‏يُذيبُني شوقي إليك حتى أن قلبي يتمنى أن يطير نحوك ولكن كيف للطير كسيرُ الجناح أن يطير؟ -
جلال الدين الرومي

شهد:نزلت لميت كتبي ومسحت دمعه ع خدي امي سالتني كتلهة رح اروح اصعد فوك لان علي ميقبل لان خالد جوا..
ام شهد: روحي يمة روحي رضي رجلج محد دايملج غيرة...
لا تصيرين مثل امج ضيعت الخيط والعصفور..
شهد:الندم لمن يجي بوقت متاخر
ميفيد ولايفيد اكعد احاسب امي  ع حزنهة ع اخواني يمكن لو مريت نفس الموقف، اسوي الاسوء..
بوست امي وشفت خالد فات ويا فؤاد..
سلمت عليهم وصعدت..
فتحت الباب.. علي جان ديبدل...
عبالة مااصعد بعد..
ويمكن لو ما الفشلة جان كعد
حطيت كتبي ع مكتبته وكعدت اكتب..
صلى  المغرب.. واجه بااتجاهي داخلي هواي مشاعر متناقضة..
شهد.. صليتي المغرب..
اي صليت الحمد لله..
احجي واني اكتب..
شوكت صليتي..
مشفتج..
شهد:ذبيت القلم.. صليت جوة وامي شافتني الصلاة مو الك لرب العالمين مو هذا حجيك..
علي؛ زين اني طالع هسة...
شهد؛ فهمت مرح انزل.. اطمن اني كلت لاامي.. وخالد وفؤاد رح يروحون بيت عمتي عازمتهم عالعشا وعازمة اهلك هم ورح يروحون..
كلهم..
ارتاحيت..
رجعت اكتب ومدنكة راسي..
علي: رح تبقين وحدج؟
شهد:هى.. تريدني اروح وياهم بيت عمتي ام جاسم مشفناهم من يوم فاجات الكل وخطبتني..
علي: شبيج انتي كل حجاية ترديهة سيف شكو سالمين..
شهد: العفو... رح ابقى بالغرفة مااطلع.. عندي دراسة وامتحانات ومرة رافت رح تبقى وياي اطمن..
خلص التحقيق..
علي؛ رح اطلع شوي وراجع..
شهد؛ كلتلي..
مع السلامة..
الله وياك..
اول ماطلع من الباب.. انهرت بثورة من البكاء..
اريد اوكف  مااكدر..
زادت شهكاتي ويا البجي..
وكل شوي اسكت وارجع ابجي..
من اتذكر وحدة من كلماتة..
شهد؛ طبيت القلم عالمكتبة..
مو حالة هاي افوت اسبح احسن..
فتت نزعت ملابسي غسلت وظليت احط شامبو وارجع ليورا.. لما وكفت لحظة هاي شكاعد اسوي راح شعري كد ماغسلتة بشامبو ايبك..
كملت واذكرت موقف الظهر..
اووف.. اووف.. انسي شهد..
باوعت بالمراية ضربت روحي راجدين..
يلة شهد صيري سبعه وبعد متبجين متبجين كدامة..
لفيت شعري وتقربت لتعلاكة الملابس جان قميصة معلك وبدون وعي حطيتة ع انفي وكعدت اشتم عطرة الي ملاني بي يوم حضني..
كان حضنة دافي وكلة حب..
شههههد... اصحي عاد شحجينا احنا... خلص انسي.. اوووف..
بدلت وطلعت.. صار بوجهي..
هاي شو بسرعة رجع..
عزة لا يكون سمعني..

جان يقرا كتاب..
نفس الكتاب العجبني ذاك اليوم..
لفيت شعري الي بلل التيشرت الي لابستة..
وع كد ماغسلت شعري.. الهوا يدفع بالريحة.. وهو يشتم..
ردت ارفع راسي واشوف هو هم يرفع راسة ويسرق نظرات الي..
لا مااعتقد.. كاعد يقرا وكنة خاشع يقرا قران..
بس لو اعرف شعاجبة بهالكتب خاف صدك علي عندة فكر صوفي شو كتبة كلها تحجي عن الصوفية..
مصيبة لاياكل استكانات..
كل شوي تجي فكرة بالي وابتسم..
علي: ضحكينا وياااج..
شهد: هااااا..
علي:صارلج ساعة تبتسمين.. كليلي الي يخليج فرحانة هيج شنو..
خالد راح يبات بيت عمتي..
شهد؛ كلش زين.. انزل لعد..
ماكو داعي ابقى..
علي: تعالي هنا.. منو سمحلج..
شهد؛ شنو.. سمحلي..
علي؛ اني ماصعدتج هنا عمود خالد هذا تفكيرج انتي..
انيييي...
شهد: ممكن تسكت.. شوي.. ذبيت جنطتي يم الباب..
واجيت كعدت بصفة..
طبكت الكتاب الي باايدة..
شهد: الي بيني وبين خالد عمرة مكان حب..
علي؛ حرك شفايفة بدون حجي ممقتنع..
شهد:انت حابس روحك وسط الكتب والحرب..
ماتعرف تحب ولاتفهم الحب..
اني جنت محبوسة بسجن.. مو اي سجن سجن الخوف والشك وانعدام الامان..
عمري محسيت احد يهتم لاامري..
نزلت راسي ابتسمت...
مكان لازم اكول هالحجي خاف تستغلة بعدين...
بس اول موكفت كبالي، ومديت ايدك  ونقلتني من ذاك السجن.. وطلعت صوتي حررتني.. اني وياك بس احس حرة..
وياك بس تطلع كلماتي بدون خوف..
وياك احس بالامان..
احس بالثقة.. واهم من كل هذا احس بالايمان..
اي.. احس وجودك هو الي يقربني من رب العالمين ويزرع بداخلي التفاؤل..
مااعرف شااوصف هذا الاحساس ويمكن تكول علية متسرعة وطايشة ومندفعه..
بس دائما من كنت صغيرة قلبي هو اليحركني هو الي يقودني للصح ويحذرني من الخطأ..
يمكن بحياتك مرح تفهم شعوري.. انت عاجز ان تشعر بالحواليك..
انت عايش بقوقعة زوجتك..
ومو كادر تعيش بس لشغلك وكتبك..
انت حاب تعيش بهذا السجن..
بس اني احب اطير ويمكن المس السماء
وغيومهة..
بس يحتاجلي وقت عما تشفى جناحاتي من جروحكم سواء انت او فؤاد امي ابوية..
الكل...
رح يجي يوم انسى كل شي واطير..
شكرا لااستضافتك...
تصبح على خير ابن عمي..
شهد؛ مشيت خطوات واني ممصدكة اني حجيت كل هذا.. بس مرتاحة حيل..
علي؛ شهههههد..
فجاة يجي صوت يحرك كل شعراية بجسمي..
ويحرك كلبي بطريقة رقص غناء.. مااعرف المهم الشعور حلووو..
مالتفتت..
علي: ماتنزلين...
شهد؛ شنوووو..
ماتنزلين بلكي رجع.. خالد..
شهد؛ علي انت ماتفهم.. مابيني.. ووو..
جرني حضني بصورة مفاجئة..
اني مرتي متنكشف ع رجال غيري ابد..
رجعنا نفس الخطوة هل هو حب ام تملك..
لماذا اهرب منك اليك.. ولماذا انت غايتي مبتغاي..
اي واحد فينا الطفل.. انا ام انت..
وتعود حيرتي..
اذا كنت تحبني لماذا لاتقول احبك..
علي: انتي ملكي الي وحدي وبس..
شهد: علي.. تحفة مو.. تحفة تتفرج عليهة راكنهة عالرف..
جرني جرة قوية...
شههههد.. انتي شتريدين..
كوليلي.. شتريدين نومة.. بوسة..
فراش.. هو هذا تريدي بعدج صغيرة انتي طفلة.. اني ربيتج ع ايدية.. اول خطوات مشيتهم الج اني..
شلتج حضنتج غسلتلج وبدلت..
وبيوم وليلة كبرتي..
محد يشوه وردتي ابد..
محد.. محححد..
شهد؛ علي كافي اختنكت.. كوم عفية خليني اروووح..
شايفني طفلة..؟
عوفني.. ليش شايفة الرغبة بعيونك..
كوم واتركني اني طفلة..
بلحظة حس ع روحة.. كاام..
شهد؛ اني اسفة....
وهالمرة ماانطيتة مجال..
نزلت ركض وحتى نسيت جنطتي..
وعاد احساس فقدان الثقة داخلي..
واتخيل احساس علي بية احساس شخص ناضج يتعدى ع طفلة..
شنو من احساس هذا..
غطيت راسي ونمت ولكت الدموع بعيني طريق..
ظليت كاعدة قريب الصبح..
جتي زمن.. تبشر امي وخالتي بخبر حملها..
وتعالت هلاهل خالتي.. وامي..
وسط فرحنا بهذا الخبر.. وبعد انتظار دام..خمس سنوات..
اجة خبر يرسم البسمة ع وجه صديقة غالية عليةتمنيتلهة هالفرحة وهي وعدتني اذا جتي بنوتة تسميهة ع اسمي..
حضنتني وكانو هي حاسة باللي حاستة وشافت بعيوني حزن..
راسا كشفتني..
زمن؛ شبيج شهودة حبيبتي..
شهد؛ بعدين احجيلج..
اوكي خ نتريك وتعالي يمي..
شهد؛ توسلي باامي ابقة يمج هالكم يوم علي مايجي قصي..
هلكد متاذية انتي.. سودة عليه واني جاية شالكة حلكي..
شهد؛ مبروك حبيبتي تستاهلين كل خير..
علي؛ هااا خير هلاهل من الصبح منعرف نااام بهالبيت..
شهد؛ نزل المعقد..
زمن؛ وشكلة يخوف وعيونة حمر.. شكلة باجي..
شهد؛ لا وانتي الصادكة.. شابع نوم وغايص بي اني الطايح حظ حظي امداني..
علي.. شبيكم من الصبح..
ام علي؛ يمة مبرووك رح صير عم..
علي؛ ها عالخير مرتضى اخوية رح يجي ولد..
زمن؛ ههههه،شوفي الفاهي..
شهد؛ مرتضى ممزوج..
علي؛ فرك عينة.. صحيح..
زمن؛ بعدة نايم.. ههههن
شبيك علي..
ام علي؛ يوم الالك يمة قصي مرتة حامل..
علي :صدددك.. عالخير خوية.. قصي..
شهد؛ لزمة شبكة لقصي وشكلة فرحان كانما هو منتظر المولود..
تخيلت منظري واني فرحانة ونازلة ابشر امي وخالتي اني حامل..
وكتها رح اشوف فرحة بوجه علي مثل الشايفتهة بوجه قصي..
اااه، لو كل شي نريدة يصير بس تمنيت فد يوم احلم بشي يتحقق..
اجتي زمن دغتني..
اااي..
نحن هنا.. وين رحتي..
خرب ابليسج وجعتيني..
فاتتج ياغبية..
شفاتني..
الصفنة بوجه علي عليج..
زمن:بلا رجاءاً لا تخلين فرحتج تروح بدفرة من عندي..
زمن؛ يمة صايرة تخوفين..
اروح بيتنا..
شهد؛ متروحين.. تاخذيني وياج..
كليلهة لاامي هسة.. علي راح يوصل قصي للكراج..
وانتي كليلهة..

زمن؛ كلت لاامج تكول خلي زلمتهة يقبل اني مالي دخل..
شهد؛ اهوو.. يعني اني شوكت اخلص.. ربي متموتني واخلص..
كلتهة بصوت عالي..
دا اسمع امي وخالتي..
وزمن ضربتني ع الدعوة هاي..
وفات علي بنفس الوقت..
اتنرفز.. شنو لازمتهة الدعوه هاي من الصبح..
شهد؛ احسسسسن، اريح وارتاااح..
عفتهم وطلعت..
وكانو عيوني ماتنشف.. شلالات دمع تنزل..
فتت للغرفة وظليت ابجي..
طلعت اغسل وجهي حتة ريوك مااريد..
نسيت جنطتي فوك..
صعدت اجيبهة..
دام الكل جواا هوسة..
صعدت، فراش علي مثل ماهو ممتخربط اكيد مالحك يرتبة وينزل يرزلنا من الصبح..
يمكن مانام..
اسكتي.. كافي غباء..
لميت غراضي..
واتذكرت دوام علي وسترتة ممكوية...
جبتهم من السطح وكعدت اكوي.. مااعرف ليش اني حابة اخذ هالدور..
المهم اكمل اليوم وبعد معلية بي..
عساه يحترك..
انفتح الباب..
علي؛ منو هذا اليحترك..
شهد؛ ماكو شي ضوجني البنطرون واني اكوي..
علي؛ وطلعين حركتج ببنطروني المسكين...
شهد؛ جنت جاية اخذ جنطتي كلت اكويلك ملابسك لاتحجي...
علي؛ مشكورة...
شهد: وكانو رجلي ماتريد تمشي خطوة برة الغرفة اريد ابقة ويا واريدة يحضني ويحبني اكيد اذا عرفني.. وشاف شخصيتي يحبني..
يووو.. بعدين وياج كااافي...
علي؛ شنو كافي...
حجيت بصوت عالي..
علي؛ سمعتي الجيران هم...
شهد؛ هاي شوكت بدلت..
اثناء حديثج لمدري منو..
شهد؛ قصدك للجن اليحوم حوالية..
علي: ابتسم وهو ديسد حزامة
نرفزني..
هااا، صااار عندة جهال هواي دووخونة بهوستهم..
ضل يضحك بسكتة..
ضجت..
شهد؛ اني راح اروح بيت زمن ابقى لما يرجع قصي...
علي: شنو..
اكيد مرح اعوف صديقتي وهي محتاجتني وهي بصف البيت..
علي :جاية تستشيريني لو خلص مقررة ورايحة..
شهد..
سكتي.. معناها اخذتي قرار بلا رأي..
شههد....؛
اهووو... رجعنا يريدني ازتكب جريمة...
اخذت نفس..
هدي شهد.. لاتهتمين..
عللللي.. اني رح اروح يم زمن.. لما ترجع من خفارتك هيج تطمن لااشوف خالد ولاغيرة وهسة كلهة كم يوم ونتحول بيتنا.. عمود ترتاح وتعرف تنام بلا هوسة..
علي؛ هذا مو مو ضوعنة..
ليش مااخذتي جيس الحلويات جبتة البارحة الج..
ظليت صافنة يعني كنت اتخيل روحي مخبلة وحالة نفسية طلع هذا مخربط  ونفسيات..
شهد.. شهد وين رحتي..
َهياتني.
انت ماكلت الي...
وبعدين..
شكرا.. مااريد ومااخذ شي مو الي..
علي؛ نزلي تريكي جبت قيمر وكاهي..
روحي اكلي.. ميخالف روحي ويا زمن..
طلعت... رديت الباب حشة هذا مو سليم بي شي..
كعدت احضر كم لبسة اخذهة وياي مااريد افوت للبيت واتذكر علي..
واني احضر اندك الباب..
شهد: ادخل..
علي..
رح اروح للشغل..
هاي فلوس بقيهن يمج خاف تريدين شي..
وهذا جيس الحلويات واكو كرزات عبالي البارحة..
شهد: نهض داخلي شلال الامل..
انسي المهم.. لاتطلعين وطبين..
ويجيج حجي..
شهد؛ اطمن زمن دكتورتها كالتلها لاتتحركين...
امر ثاني..
علي: شوفيني ضحكتج قبل لا اطلع..
شهد:استغفر الله دنكت راسي..
هذا شبي..
صدك يحجي..
علي: شكاعد تحجين بسرج...
شهد؛ بلا خليني اني والجني مالتي عدنا اشغال..
علي؛ خرب ابليسج مين جيبين هالسوالف..
شهد؛ منك غير خليتني افتر حوالين نفسي..
اتقرب حط ايدة ع جتفي..
علي: هلكد اني مدوخج..
شهد؛ بعدت ايدة، لاعيني لا، لامدوخني ولامدوخ غيري روح مابية حيل مشاكل من الصبح وامك سمعني اسطوانة شكبرهة عن رضا الزوج..
امشي الله يخليك..
علي؛ مااطلع اذا مااشوفج تبتسمين..
شهد: عللللي.. الله يخليك.. مابية حيل كافي تعذبني بكلامك..
والله تعبت كااافي
علي؛ شهد.. مااريدج تبجين.. اني..
شهد؛ خلص علي اطلع وعوفني ماطلعت كلمة وتنكال..
رح اطلع اني احسن...
علي : تركتني وراحت.. اني استاهل الصار
هي طفلة العب بمشاعرها...
وفاة زوجتي اثر بية هواي خلاني إنسان مكسور مهزوزة حيطانة واكفة ع هزة وانهار.. لهذا حاوطت نفسي بجدار الصمت وكعدت اقرا كتب لفتتني عن الصوفية وزهدهم وايمانهم.. وعشقهم للحياة..
وظليت هيج حتى اطباعي تغيرت
فجاة بهاي الارض الصبخة نمت وردة، ومو اي وردة بستان بحاله جنت اتصور اني انقذتهة بس بالعكس هي انتشلتني من الضياع ونقلتني ضياع اكبر منة ضياع انسان تائه بين ايمانة وزهدة عمود يصير راهب..
ورغبتة الي تريد تتفجر وترجع للحياة.. وجود شهد بالنص يخليني مشوش دائما..
ومحتار اعيش لو اموت واني عايش..
للقصة بقية...
لاتنسون التصويت عالبارت والقصة فضلا وليس امرا