رواية عندما يكون العشق صوفيا الفصل العشرون 20 - بقلم ruqaya H algurtani

وقَد يأتي أحدُهم خفيفاً يطفوا بجانبِك في كلّ هذا الغَرق كجذع شجرةٍ يصلح للنَّجاة.

جلال الدين الرومي

ع كد مالالم يااذي ويجرح.. ع كد مالايام تصير موت بطيئ..
بس رغم كل هذا رح تمضي وتنتهي...
فعلا، ممكن تكون مرحلة وتنتهي؟
ممكن يتحول شعور الجسد بدون روح الى واقع..
ومو الموت اكبر تفسير.. للي حسيتة ذاك الوقت...
لا.. اكيد اني متت واللي عايشتة هسة مجرد شبح يتجول بين الناس..

كنت متعبة من كل شي حوالية..
بس داخلي قوة تريد تكسر حاجز القيد العشت بي سنين ردت اتعلم شي من القريتة وعشتة ويا علي لازم استغني عن
ك

ل الاشياء الي تعلقت بيها واعيش لنفسي ولااولادي..
ولمن اجة حسين وكالي ع موقف خالد ورد علي من جهة عرفت اشجان كسبت المعركة.. وخسارتي لعلي اكيدة...
ورا اسبوعين طلعت من الموت مفكر حتى يشيل تلفون يطمن علية وعلى ابنة..
بس مااتصل..
وكلامة عرفت انو خلص البينة انتهى مثل مانهى خالد قبلة.. لهذا كد ماجنت مقهورة ومكسورة والدموع تريد تنزل قررت ماانزلها لو اموت.. واذا اشجان ربحت وخسرتني علي، اني رح اخسرهة كل امل تاخذ فلوس مني..
ثاني يوووم... جنت نايمة..
جتي علا علية ركض..
شهد.. شهد.. علي اجة ماانكر كلبي انتفض من مكانة.. وردت اركض الة احضنة احجيلة عن اشتياقي..
بس ذكرت جروحي وذكرت جكد جنت مذلولة لخالد ومانقهر علية..
لذا قررت مااعيد مااساة الماضي ولا اذللة واكون حدية هالمرة.. ع الأذى شفتة..
شهد: كوليلة نايمة تعبانة متريد تشوفك..
علا:وج.. شبيج جاي يشوفج ويشوف ابنة..
شهد: خلص اخذي عمار خ يشوفة.. اني مااريد اشوفة..
علا: ولج.. بطلي عنادج.. صار عندج جهال.. باوعي عليهم..
شهد : خلص اني بطلت اباوع ع احد..
اخذي وروحي..

اخذت علا.. عمار ونزلت حاولت مايكتلني فضولي.. واباوع شونة فرح.. بجية عمار.. متلهف يشوفني..
وداخلي يصرخ خلص انسي هذا اذاج ضربج ردتي تموتين باايدة ماحسيت الا يدة الباب انفتحت..
كمت دا اخذ ابني ظنا مني علا..
تاخرتي شو....
صار علي بوجهي..
يعني مو تعبانة.. وواكفة ع حيلج..
شهد:ظليت ساكتة، عينية غوركت.. اجيت اخذ عمار من ايد ابو..
بدون مااباوع بوجهة..
اول ماتقربتلة وكل احاسيس الحنين هاجت علية..
واجة عطرة وحسيت احساس خلص رح اضعف واستسلم، رغم بعيد عني بس احس بدفو جسمة ودكات كلبة احسها سريعة..
حسيت هواي احاسيس.. بلحظة تبددت.. لمن بدا يحجي بدد.. كل حبي الة..
علي؛ يعني شنو معناة الحجي الكلتي لحسين..
شهد؛ ياحجي...
علي؛ رحمة حجيتي..
تعرفين.. البنية منتظرة دتسافر شنو معناة هالتصرفات..
شهد:مثل ماكلت لحسين اعيد الك.. اني اشجان اي شي يخص خالد.. مالهة بي..
علي: شهههد.. انتي شدتحجين..
الي سمعتة علي..
ورجاءا روح اني اريد انام.. من رخصتك...
انجطلت وتغطيت وضميت راسي.. عمود لايشوفني..
اجة جر الغطة.. شهد.. كومي سمعيني... احجي وياج...
شهد: علي فكني عاد.. فكني.. لخاطر الله..
علي: افكج.. بس حجاية متثنيهة الفلوس جتج من خالد ترجعيهة لعلا واشجان...
شهد: مااارجعهم...
جرني.. من ايدي وصارت عيني بعينة لسة اثار ضربة ع جسمي..
شهد؛ اخ.. علي..
شنو مكفاك سويتة بية جاي تضربني بيت ابوية...
علي؛ تستاهلين الضرب..
شهد: استاهل.. مو. اطلع برة.. روووح خ تفيدك اشجان رح تموت عليهة...
روووح.. يلا...
دفعتة باايدي.. وحدة منهم مكسورة..
علي: شهد.. اوكفي.. هنا.. واسمعي..
خالد.. سوا هيج عمود تصير هاي الهوسة
بعده احترك وين مانام...
تدعي علي عمود وحدة مثل اشجان..
لاااا، لان طول ماانتي ويايا هو عينة عليج، ميت بيج وانتي مرتي..
شهد: كتلك مو هامني خلص.. هو ابن عمي وبس..
علي :بس ابن عمج.. مو عمودة انتي نايمة ويايا وفكرج يمة.. يلا احجي ليش ديتنازلج هالتنازل شاانطيتي.. عمود ينطيج كل شي يملكة...
شهد: لحظات السكوت افضل مو الحجي، وردت اخذ نفس.. ومااتوتر اكثر..

علي: شهد.. اني حجيت ويا عمي ورأفت واخذت موافقتهم.. ورح ارجعج لخاطر الجهال.. واحاول انسى الصار بينا..
بس مترجعين اذا ميتصفة هذا الموقف نهائي وكلمتي مااثنيهة..
شهد.. صعبة تحس انو الانسان كدامك ماكو اي احساس اتجاهك.. صعب تحس ان حبك وكل شي يخصك ميهمة.. واخيرا حسيت وحدة من الاثنين اثور وابجي والومة وياخذني بااحضانة واني شايفة جكد رغبتة بية..
اواحجي حجي اردلة الصاع صاعين..
اخذت لحظات الصمت لثواني لملمت روحي واستعديت اردلة الرد اليستحقة...
شهد؛ ومنو كلك اني اريد ارجعلك..

علي: شنو...
شهد: اني مااريدك علي بعد.. مااريدك..
علي: انتي شدتحجين...
شهد:خلص علي اني اريدك تطلكني..

علي:هذا الحجي انتي تحجينا عمي واخوتج يدرون بي..
شهد:هااي انت سمعت وبالليل رح ايلغ اهلي..
علي: فكرتي بااولادج.. شنو مصيرهم..
شهد:الافضل يعيشون بين ابو وام متفاهمين احسن ما مكضيهة معارك..
هذا اخر حجي الج...
اي هذا اخر حجي..
درت وجهي رفعت الغطة من الكاع..
وهو فتح الباب وطلع..
بعد مكدرت احبس دموعي أكثر ..
اخذ همام.. وطلع وهددني ياخذ عمار بس يكبر..
وبالليل اجة عمي ومرتضى و زوجتة وخالتي واخوية رافت.. وزوجتة...
الكل كاعد يحاول نوصل لحل..
ابو علي: عمو شهد.. انتي بنتنا قبل لاتكونين زوجة ابنة الصار صار وعلي يحبج ويريدج وعدكم جهال ثنين حرام يضيعون بالرجلين..
وانتي بعدج صغيرة..
وياما صير مشاكل احنا اهل نحلها..
شهد؛ جان عمي يحجي.. واني دموعي تنزل..
ورجعت خالتي هم تحجي.. لج عيني شهودة البيت بدونج انتي وهمام مينطاق..
اني تعلمت عليكم.. هاي علياء باجر تتزوج ويفرغ البيت.. ترضيهة ابقى وحدي ومرتضى تعرفين رح يطلع لعمان هو ومرتة.. استهدي بالرحمن وارجعي بيتج وهسة شوفين.. شون يتغير عمودج وعمود اولادج وعلي كلبة طيب..
احجي رافت.. انت ابو رافت احجيلك حجاية..
رأفت: خالة.. هذا رايها صار جكد يمكم.. مادخلت.. بس يومية بسالفة وكاسر عينة استاذ علي ساعة خطيبها وساعة رجلها واختنة تبهذلت.. ترضاها ع علياء البهذلة هاي، اني ماارضى لااختي..
ام رافت؛ خليك محضر خير رأفت..
اني هم ساكت محجيت..
بس هذا رائيها والي تريدة اني وياها اذا رجعت واذا بقت اني وياج شهد..
حسيت براحة اخوية رافت ويايا..
وامي من جهة كل شوي دغني.. عمود ارجع..
اخر شي كمت وعفتهم.. دكيت ع زمن..
شهد؛ زمن.. عفية مختنكة مااعرف وين اروح واخلص من كل الحوالية..
زمن: ليش شكو..
عمي واهلي كلهم هنا... ويريدوني ارجع..
زمن: بعد شكو.. جاين خطية ويريدوج ترجعين، رجعي بابا الجهال شيربيهم.. لاز م اب يوكف فوك راسهم.. شهد.. اني اعرف صار بيج مو هين.. بس شنسوي احنا مجتمع مكروه ليش تجيج حجاية..
صح علي زعلان.. يكول ليش تخلي الناس تحجي عليهة وع سمعتهة..
رجعي الفلوس لااهلها وهي فترة وترجعون سوا.. علي.. يحبج انطي مجال..
اريد اكلج شغلة َعلي رح يداين عمود ينطي حصة اشجان.. عمود تتكشر وتروح بلا ردة..
شهد؛ وليش علي يداين عمودهة ليش هيج مدمر روحة عمود حقهة..
زمن؛ اني مو مرتة العلي بس اعرفة عمرة ممشة غلط.. ولاسوى شي حرام احتمال انقهر عليها..
شهد؛ مشفتي.. شوون جاني فاير عمود فلوسهة واني ماكلة تبن اسبوعين وردت اموت.. مافكر يخابرني..

زمن؛ دام فاتح باب الصلح لاتضيعي شهد ورجعي لرجلج...
الله يصلح حالكم...
الله كريم..
يلا باي..
باي....
اندكت الباب...
نعم...
شهد.. بابا فتحي الباب..
نعم.. بابا...
تعالي كعدي بابا...
بابا... اعرف شتريد تحجي بابا.. الله يخليك شفتني شون طلعت من الموت رجعتلك..
ميخالف.. بابا... رجال عسكري..
رجال عسكري يدافع عني لو يسكطني..
وميتفاهم كلة ايدة والضربة..
هسة اخذ علي عهد ميضربج ولايمد ايدة عليج..
بس.. بابا..
بنتي.. انتي بنية بالعشرين عندج ولدين.. يريدون اب يضبهم ويربيهم.. وحدج ماتكدرين..
لاتشوفين رافت ظهر باجر يكول اريد اسافر ويلحك اخوج..
اني وامج تعباَنين .. واخاف عليج من بعدي.. لذا اسمعي كلامي ولاتفشليني.. رجعي زوجج.. واذا سوا شي ناقص.. ساعتها حقج والي تردي يصير...
وبالنهاية استسلمت لحجي ابوية وفكرت بجهالي...
ابو رافت:ها اكلة يجي ياخذج...
شهد؛ لابابا.. اني اروووح... ماكو داعي...
لج.. بابا غير صيرلج قيمة يجي ياخذج. ا
لاتنذلين.. كافي لهنا..
لا تخاف يابة هي بقت كرامة..
ليلتهة ماعرفت انام للصبح يمكن جنت متاملة يخابرني يكلي فرحت لرجعتج..
منتظرج ع نار..
ماكو.. ماكو...
ثاني يوم لميت غراضي.. ورافت وصلني عمود عمار.. اني فتت لبيتي.. بعد ماسلمت ع بيت عمي الفرحانين برجعتي..
واخذو عمار مني.. وهمام بقة يلعب ترخصت. وصعدت..
نزعت عباتي وكعدت انظف...
البيت نظيف ومرتب..
فتحت الثلاجة جانت مليانة..
يمكن هو مسوك..
يمكن فرحان برجعتي...
شبيج شهد متاملة.. من علي.. اني لازم اسيطر ع نفسي وابطل هوسي بعلي..
كملت شغلي وفرشت جرجف جديد..
وحاسة خنكة بصدري... اريد ابجي..
هلكد اني رخيصة... ومااسوى...
ليش هيج ضربني.. عمود خالد سجل حصتة بااسمي..
بهالاثناء سمعت صوت علي هو والجهال..
ردت اختفي...
فتت للحمام.. واسمع همام يضحك وفرحان ويا ابو..
وعمار.. شكلة نايم...
ردت اجمع كل قوتي واواجهة والي يصير خ يصير..
غسلت وجهي.. مبين علية باجية..
ترددت اسلم.. لو انتظرة يسلم...
بالاخير سلم علية..
السلام عليكم...
وعليكم السلام....
عفتهم ورحت للمطبخ دا احضر الغدا حسيت تقدم خطوات وبداخلي تخيلات كومة.. جسمي حضر الانتفاضة حتى قبل لايلمسني....
بس.. مااجة.. ولااتقدم..
علي؛ شهد.. اني حضرت غرفة للجهال...
راسا قاطعتة...
جهالي مينامون بعيد عني....
علي:وهو هم هيج.. اني حطيتلج سرير بالغرفة ذيج عمود تنامين انتي والجهال...
شهد: بس انت ماكلتلي..
علي؛ وهسة كلتلج.. اذا عندج مشكلة كولي...
شهد؛ لااابد..
علي : لاتحسبين.. حسابي عالغدا متغدي..
شهد؛ ماااشي...
ردت اباوع بوجهة واتاكد معقول العايشتة ودا اشوفة ماكو حب ماكو لهفة
عرفت اني رجعتي علي مرايدهة اهلة هم الي جبرو...
ليلة والثانية اختنكت كل شي مامرتاحة بي..
لذا قررت باجر انام اني والجهال بذيج الغرفة وخلي هو يكمز ع الاسرة...

علي: كل حياتي انقلبت بذاك اليوم الي كالتلي اشجان ع شهد... واني حاطهة مكانة محد يشاركهة بي..
ليش سوت بية هيج ليش مكلتلي...
ليش زوجتني..
زين مو كالتلي طلكني.. ليش رجعت هسة.. ليش.. بس هي دايما من نتعارك تكلي طلكني..
وجية اشجان واستعجالها مامرتاحلها لازم اعرف.. ليش خالد سجل بيت بااسم شهد وليش شهد مو قابلة تتنازل...
لايكون جان بينهم شي وظامتة علية...
اووووف.. اعوذ بالله من الشيطان الرجيم..
يمكن جنت غضبان وردت افرغ غضبي بيهة فتت لغرفة الجهال ماكو.. وين راحت.. خاف رجعت بيت اهلها..
دكيت عليهة.. سمعت صوت الدكة.. ارتاحيت.. جانت نايمة هي والجهال بذيج الغرفة.. يمكن تتقصد سوي هيج..
عمود اجي يمهة..
اي كلي رايدهة.. احبهة مااكدر بلياها..
قربت ايدي المسهة.. صحت.. سويت روحي دا اخذ مخدة وضايج..
شهد: هااا، علي شتريد..
علي؛ شااريد.. جيت انام وارتاح انتي وولدج مصفطين ونايمين.. حتة الراحة طلعوها من خشمي..
استغفر الله..

طلع ضايج.. وزعلان.. حسيت بفرحة ضوجتة.. للعصر.. لبس وكشخ... وحضر روحة يطلع..
كلي فضول وين يروح... بس مسالتة...
بس واضح اريد اعرف..
شهد: علي.. احسب حسابك عالعشا..
علي عدل ياخة القميص وحضر روحة يطلع.
لاتحسبين حسابي اني رح اتعشا برة..
ضجت كلش.. لان يتعامل وياي هيج..
كااني مموجودة..
جكد حجيت ع روحي.. لان رجعت ليش قبلت جان طلكت وخلصت منة..
بعدين هدت ثورتي لل9دعيت ربي يهديني ونومت الجهال..
اكو نار تاكل بية.. مو كادرة اطفيها... بعدين اذكرت كم ذكرى سيئة بحياتي وحسيت عم الهدوء داخلي..
فتت غسلت رغم الجو بارد..
وطلعت.. لبست دشداشة بدون ردن.. وحطيت عطر سويتلي حليب.. وكعدت.. اقرا بلكي ارتاح...
فتحت الصفحات وبديت اقرا..

لايعني الصبر أن تتحمل المصاعب سلبا بل يعني أن تكون بعيد النظر بحيث تثق بالنتيجة النهائية التي ستتمخض عن أي عملية. ماذا يعني الصبر؟ إنه يعني أن تنظر إلى الشوكة وترى الوردة، أن تنظر إلى الليل وترى الفجر، أما نفاد الصبر فيعني أن تكون قصير النظر ولا تتمكن من رؤية النتيجة. إن عشاق الله لا ينفد صبرهم مطلقا لأنهم يعرفون أنه لكي يصبح الهلال بدرا فهو يحتاج إلى وقت.

يارب قويني.. قويني عمود اكدر اكمل ومااتهور..
كلت لعلا اريد ازور...
حاسة روحي مختنكة.. كالتلي انتظري النفاس يخلص ونروح..
ماااشي..

مرت ايام والحال نفسة علي، ماكو ميحجي ولايجي يمي..
لهذا قررت اتراهن ويا روحي لازم اجيبة للطريق.. خ نشوف خشمة اليابس جكد يتحمل.. بديت يومي ويا جيتة قبل ساعة بدلت وشسورت شعري.. وحطيت عطر مليت البيت..

علي؛ يارب.. صبرنا ع بلوانا هاي الريحة كفختني قبل لااافوت..
هاي البنية ناوية علية نية كشرة..
يامثبت القلوب ثبت قلبي على دينك..
فتحت الباب... طلعت بوجهي...
علي؛ طالعة كمر....
شهد: هااااا...
د اكلج السلام عليكم..
وعليكم السلام...

علي: مسوية غدا لو اطلع اكل برة...
شهد؛ دقايق.. واجهزة...
ياربي ماااكدر بعد حلالي ومطايلة...
حطت المواعين.. ودتفوت جوا..
علي: تغديتي..
شهد : بعدين.. اكل ممشتهية..
علي: لازم تاكلين.. هذا عمار شنو ذنبة..
وانتي مصوفرة.. مابية حيل مشاكل..
شهد: يامشاكل علي..
انت صارلك ثلاث اسابيع كاعدين سوا ولاكانو موجودة
علي؛ دا اكل.. انتي  طلعتيهة سم ..
شهد: دامك.. متريدني ومتريد جهالي ليش خليتنا نرجع..
علي : ومنو كلج اني رايدج.. ابوية هو الي لح.. اني اريد اطلكج...
للقصة بقية...
لاتنسونا من فضل تعليقاتكم وتصويتكم عالبارت اذا اعجبكم...
تحياتي...
نازك الملائكة