رواية عندما يكون العشق صوفيا الفصل الحادي والعشرون 21 - بقلم ruqaya H algurtani

كُن مصباحا ، كُن قاربا ، كُن سُلَّما ،كُن شفاءً للأرْواح التَّائهَة.
جلال الدين الرومي

كاني ويا واحد ثاني مو علي، هذا انسان مااعرفة..
شهد: بداخلي، انهز جكد جنت اطلب من علي يطلكني بس من لفظهة هز كل شي بكياني..
خفت لااخسرة..
مجاوبتة عفته وفتت للغرفة.. واحس روحي مختنكة مذبوحة..
بس مو كادرة اصرخ..
تمددت يم اولادي واكللهم ابوكم باعنا.. باعنا خلص..
سويت روحي نايمة...
وحسيت علي العصر ديبدل ملابسة يتقصد يطلع اصوات عمود احس..
اخرها عمار كعد يبجي..
هااا، ماما.. تعال..
علي؛ الطفل مديشبع.. شدترضعي انتي...
شهد: هي هاي راحتك تااذيني بالحجي والتصرفات..
اخذت عمار وطلعت..
بالغرفة الثانية.. كعدت ارضع بي.. سمعت ديخابر اشجان..
يعني يتقصد يخابرهة كدامي..
ويقهرني..
اخر شي ذكرت خالد بيوم الركبت ويا انطاني اوراق..
يلا.. عمار حبيبي.. يلا...
فات كبل.. شافني دا ارضع..
نزل راسة..
اني طالع..
ولاتحسبين حسابي عالعشا مااجي اتاخر..
شهد؛ انت هم لاتحسب حسابنا بالرجعة رح اروح لااهلي..
علي: بدينا المشاكل..
علي: شهد.. ترة مناقص وجع راس واهلج يكرعون راسي..
واهلي من جهة ثانية...
قااطعتة...
اني رايحة زيارة... علا خابرتني وكالت رح روح نزور بعدين نروح للنجف.. نقرا فاتحة ع روح اخواني وخالد...
علي : حقة خالد لازم سوين ويا الواجب تركلج بيت وين اكو بهالوكت واحد يسوي ل.......
شهد؛ ظل جرح.. جرح وااذي روحي التحبك.. واني استاهل اليجينيَ من عندك..
كد ماحبيتك كبرت علية..
ماتردين مايعجبج الحجي.. تعرفين من ورا جنابج.. رح ابيع السيارة.. عمود اسكت اشجان...
شهد؛ براحتك.. انطيهة.. اني شلي علاقة..
اني ابن عمي امني امانة ومرح اسوي غيرها...
علي؛ دتعرفين.. انتي دتراهنين ع حياتج من تحجين هالحجي.. لاتختبرين صبري...
شهد؛ بدون مااختبرك اعرف ابسط شي عندك الضربة، حتة لو ام جهالك..
علي؛ حمدي ربج مستعجل وداا اطلع..
جان عرفتي حسابي وياج..

شهد: باجر بس تعرف الحقيقة انت اكثر واحد رح تتندم.. صدكني..
طلع..
واني احس اكو قوة تولدت داخلي..
بدلت للجهال.. وحضرت ملابسي..
اريد اذكر وين حطيت الاوراق الي نطاهم الي خالد...
ظليت ادور اريد اذكر.. اخر شي لكيتهم..
جانت وصلات امانة كمبيالات..
اكو اوراق هواية... شفت الساعة تاخرت..
خابرت زمن عمود قصي يوصلنا..
صعدتلي دتنزل الجهال رحت سلمت ع خالتي واستئذنت منها..
وطول الطريق افكر خالد صدك شمعنى خلا حصتة بااسمي.. وليش هالاوراق اطانياها..
وصدري مقبوض..
زمن: شهد.. وين صفة بيج الدهر...
هااا، وياكم..
قصي: علي حيل مشحون وعصبي..
شهد؛ بسبب منو؟
مو هو السبب ديركض ورا ذيج ...
قصي: ع كيفج.. شهد يمعودة اعصابج..

خ تولي هالحجاية راحت لحال سبيلها..
بس لا تتعصبين..
شهد:مو عصبية...
قصي: صح.. اني العصبي...
زمن : فك ياخة منها قصي...
حبيبتي شهودة معليج بيهم مو خوش اوادم..
شهد: وصلت لااهلي... ولكيت اشجان هناك هي ويحيا...
اول ماشفتة تخيلت ذاك اليوم صارت عصرة بمعدتي...
اذا هي هنا علي وين لعد..

زمن: السلام عليكم..
ردو السلام..
شهد : شاورت زمن... دتشوفين.. هذا يحيي..
زمن: عزة.. يمة هديني عليهم الا اطيح حظ حظهم..
شهد:عوفيهم.. اني اريد اعرف شغلة وكااني شاكة بيهة..
زمن؛ شنو شاكة بي..

شهد؛ بعدين...
من رخصتكم...
همام.. تعال ماما...
يحيا؛ الله يخلي..
اتوجهت لاابني وحجيت ويا يحيا..
دير بالك تقرب لاابني..

شهد: ماما هاي شعدها هنا..
عالاساس فؤاد موصيهة ع كم شغلة
ش

هد؛ ادهدة الجدر ولكة غطا..
ام رافت؛ شنو قصدج..
شهد؛ ولا شي..

صعدت فوك انوم عمار.. وكتلني الفضول اكمل القريتة..
شفت لستات مال شركة اتصالات اثير.. مفهمت شنو هاي..
واكو صور... اشخاص وبنات ويا اشجان مفهمت كل شي...
لكيت رسالة ويا الاوراق اذا محبيتي تقرين انطي هالاوراق لعلي...
فتحت الرسالة...

طبعا بعد السلام.. مااحب اطول عليكم..
علي قبل اربع سنوات شهد جانت بالنسبة الي دنيا..
وزوجة وام اولادي..
لحد مااتعرفت ع اشجان.. وبديت اتعلق بيها بدت تشمر حجي عالخفيف.. وبعدين ذبتلي قنبلة انو شهد عدها علاقة ويا قريب اشجان وهي حاولت تبعدهم.. وتنصح بس مقبلتي..
يمكن ماكان ارتباط عميق وويا وجود اشجان لكيتهة فرصة اخلص من هالارتباط..
بعد فترة حسيت مسيطرة ع كل شب..
عرفتني ع مجموعة تعرفهم..
طبعا كلة ونسة وبنات وقمار.. شوي شوي
جرتني للطريق..
ساعدتني بفلوس عمود اداين.. ولخاطرك من هاي السوالف..
وكلة خلاني اسير الهة لحد مازوجتها..
واكتشفت اكتشاف..
هاي حوبتج شهد اني بدلت بنت عمي بوحدة وسخة مثل اشجان..

اشجان هددتني باافلام.. وديون..
اي لاتستغربين وحدة وسخة مثلها كل شي سوي..
عرفت عمتها شغلها واجهة كدام الناس.. مهندسة ومهندسة..
طلعت مهندسة بالدجل والدعارة.. واشجان اول وحدة تاجرت بيهة عمتهة.. وهي حبت هالشغلة.. حتة ورا مزوجتها.. والله حوبتج شهد..
جانت تقشمرني.. رايحة صديقة.. وهي تخوني..
اوووف شااحجي.. بيوم من الايام راجع بيت عمتهة بايتة رحت اجيبها لكيت رجال جبير.. كتلهة منو.. كالتلي هذا عمي..
واني الغبي صدكت.. ولمن كشفتها اني غركت...
وظلت تريد تااذيج شهد وانتي مخطوبة..
رادت تخليج شكين بعلي..
ونجحت...
بعد ماياست اطلع نفسي...
قررت اسافر هناك رح ابلغ عنها وعن اخوها الساقط.. الي يشتغل ع اختة..
وهاي نسخة من كل شي.. خاف يصير بية شي ابريني الذمة..
اني مااكدر اثق بااحد غيرج وانتي انصحج لاثقين بااحد... سامحيني اذا زعلتج واذيتج.. والله الصاع رجعلي صاعين...
اتمنى بيت جدي يبقى مثل ماهو..
ووكت ماتخلصين من كل هاي الهوسة اني حتة حصة علا اشتريتة عمود لاتضحك عليهة علا...
اشجان؛ الكل اشتغلتهم..
لهذا مااريد بيت جدي يروح لناس متسوة..
صفيت ديوني.. واتمنى رب العالمين يسامحني...
شهد.. اشجان.. ماتريدج ترتاحين لان متكدر تتخيل اكو بنية ممكن تكدر تحافظ ع نفسها لهذا..
رح ظل وراج وتحاول تشوه حياتج..
وفؤاد.. صار بالقائمة حاولي ساعدي..
انفتحت الباب..
فاتت اشجان..
لميت الاوراق لاتشوفهم...
شهد: شنو.. جابج هنا...
اشجان؛ باوعي شهد مااريد مشاكل..
انطيني فلوسي وخل اروح..
شهد: ماعندج فلوس عندي..
اشجان؛ شهد.. انتي وحدة متستفيدين من تجاربج..
ماتخافين...
شهد؛ لاااا.. مااخاف.. من هاي اللحظة مااخاف...
وباعي اشجان.. اليوم قبل باجر تاخذين ابن خالتج وطلعون من بيتنا ومن حياتنا..
روووحي.. طوفي بالوسخ...
بس باعي اشجان اني شايلة ومحملة عليج...
لاتقربين من زوجي او احد يخصني..
والا نهايتج ع ايدي...
اشجان : ماشاء الله لسانج طولان.. وصايرة تهددين..
شهد؛ تربيتج.. انتي.. تعلمت منج..
باعي اشجان.. اطلعي من حياتي لا مااخليج شوفين ضوة بحياتج..

اشجان، انتي ورا موتت خالد.. خالد جان ديطلكج.. هو كلي..
اكيد ملعوب من ملعوبج.. واني وراج لما تحصلين جزائج...
اشجان: بس مو وحدي.. اكو شخص شاركني..
وخري .. طلعي برة...
انتظري حبيبتي.. لازم شوفين هالمقطع..
يااامقطع؟
المقطع.. هذا..
جان تصوير فؤاد.. هو واشجان.. وحجي جرجر بي وهو سكران.. شرح سوي عمودي..
خالد؛ الي تردي يصير..
ابن عمك صاير مزعج ومضايقني..
يجرالج بس كولي شسوي..

شهد؛ انتي وحدة حقيرة.. ويارب توكعين بشر اعمالج..

اشجان؛ نشوف...

شكلتي.. رح تنطيني فلوس..
شهد؛ انتي وحدة حقيرة.. واني رح احرص تنسجنين ع كل شي سويتي.. بية وبخالد، رح يجي يوم وتندمين ع كل هذا..

اشجان:حبيبتي الندم خلي الج ولاامثالج اني هالكلمة مموجودة بقاموسي...
وطول ماانتي واكفة بوجهي رح اخسرج كل شي..
اخلي حياتج جحيم...
شهد:انتي ليش تكرهيني.. ليش حاطة حياتي عثرة بحياتج..
اشجان: اني اهتم وحدة مثلج..
انتي لاشى بالنسبة الي..

شهد: اشجان.. ارجعي لمكانج افضل الج وانسي عائلتي..
والا.. عندي اشياء توديج ورا الشمس..
اويلي ياب.. ههههههنههنه....
اشجان: سكتت لحظة عرفت ضحكتها تريد تبدد تهديدي وهي تعرف اكدر اكسرها...
طلعت....
واني لميت الغراض.. ورجعتهم بالجيس...

اشجان راحت.. بالليل حسيت علا فاتت..
كلتلي علي يريدج..
شهد: شنوووو...
علي هنا.. ويكول خ تجي نرجع... للبيت...
شهد: هذا شبي مخبل..
كليلة.. متجي..
علي:دخل علينا فاجانا..
شهد.. يلا كومي...
راح على همام يريد يكعدة مقبل..
شهد : صحت بهمس.. دا اكلة شبيك عوف الطفل.. بحالة..
نايم...
علي: احسابج بالبيت...
شهد: ع شنووو..
علي؛ شون تطلعين بدون موافقتي..
علا؛ شهد.. كسري الشر دام علي خلا عرضة مااروح..
شهد؛ اشرتلهة انتظري اقنعة...
مقبلت..
علي اخذ شهد وخلي همام..
نايم خطية..
بدلت وشلت الجيس ضميتة جوا جنطة سفر فوك الكنتور جان عالي ذبيتة.. هيج..
طلعنا ساعة ب2بالليل..
اباوع هذا مو طريق بيتنا وين دنروح..
شهد؛ علي انت وين موديني..
علي: مو تردين زورين..
شهد؛ طبعا.. بس دنيا ليل علي.. هسة ننضرب..
لاتخافين.. واني جاي.. كلت للسيطرة...
حجيت بسري...
عمري ماخفت وانت وياي دايما خوفي عليك وع نفسي اذا خسرتك..

وصلنا للامام..
كالي البسي عباتج..
رح اروح ازور وانتي هم.. زوري..
واهنا نتشاوف...
مااااشي...
راح بعيد.. ودموعي نزلت رغم كل القسوة بداخلك اعرف ومتاكدة جكد تحبني...
فتت زرت... ودعيت رب العالمين يفرجهة علي ويرجعلي حياتي..
اني تعبت هواي يارب.. تعبت واني اعد جروحي ماتخلص.. طلعني.. من هالشدة واغفرلي..
وخلصني من اشجان والشر الرايدتة الي ولعائلتي...
ردت اصلي.. مكدرت عمار باايدي..
كلت انطي لعلي واصلي..
جتي وحدة بصفي..
صدقة ل الله جكد حلو الله يحفظة...
شهد: تسلمين.. شكرا الج..
انتي مزوجة..
زينب: لا.. بعدني بطرك روحي..
شهد؛ جاية.. وحدج..
زينب: لا والله جايبة فيلق وياي اهلي ميقبلون..
باوعي.. هناك امي تقرا قران..
واخوية بالحرم مال رياجيل يصلي..
شهد :اووف وين احير بيك عمار.. هسة يكعد يبجي...
زينب؛ وليش يبجي..
شهد؛ جوعان.. واريد ارضعة..
زينب؛ وليش مترضعي..
شهد استحي...
وشنو ذنبة خطية..
شو تعالي هاج هالخاولي.. غطي صدرج.. ورفعي راس ابنج.. خطية يختنك...
سويت الكالتة..
وعمار ورا مشبع دخل غيبوبة نوم..
ممسويهة قبل...
زينب؛ جيبي خلي ع جتفج.. خلي يتريع اول..
شهد؛ شكلج تفهمين بالجهال..
زينب؛ يووو.. جهال المسلمين كلهم بركبتي..
رح اكمطة.. الظاهر ممرتاح هيج..
شهد؛ حطتة ع رجلهة وفتحت كماطة وكمطته..
وقرت ع راسة..
الله يحفظك لااهلك ويجعلك قرة عين لاامك ويرزقهة فرح تنسة همومهة واحزانها ويباركك بفضل محمد وال بيتة..
مسحت ع وجهة.. وباستة من راسة..
شهد؛ ظليت.. صافنة شون عرفت عندي هموم.. يمكن دعيت بصوت عالي..
زينب؛ لاتخافين من شي.. ورب العالمين رح ينصرج شكلج لامه هموم ومخليتها واكفة كدام حياتج..
شهد: صحيح.. كلامج..
زينب: ماكو اكثر من رسول الله كان مهموم، بس كان دايما مبتسم..
ويشجع الناس ان الهم والكدر مرض متعرفين شوكت يتشعب لداخلج ويسيطر عليج لاتحملين هموم اكبر منج.. انسيهة..
شهد: اني ياااسة خسرت عائلتي...
زينب؛ اطمني ماخسرتيهة..
شهد؛ شون عرفتي.. كلتهة بدهشةهاي البنية مااعرف حسيتهة تعرفني وتعرف كل شي عني..
زينب؛ هااا شبيج.. خفتي مني...
شهد؛ بالعكس ارتحت الج..
زينب: تعرفين شنو الي يخليني دائما ع يقين انو الهم رح يزول...
شهد: شنوووو...
زينب:قوله تعالى (ولاتهنو ولاتحزنو وانتم الاعلون) شون واحد بعد هاي الاية يشك بقدرة رب العالمين..
شهد؛ الي كدامج.. شايلة هموم من الله خلقها..
وليبلوكم بالشر والخير...
شهد؛ حجيج مريح..
زينب: شكرا الج..
شهد: عندي هم.. ممكن احجي الج.. بلكي ارتاح..
زينب؛ اشوف لو صلين ركعتين وطلبين من الباري عز وجل وتسالي يهديج الصراط المستقيم....
شهد؛ مو شون عمارر..
زينب: جيبي.. وصلي واستغفري ربج..
وخلي العفو والاصلاح دينج وممشاج...
الحياة كدامج وفاتحة ذراعاتها بس دوري عليهة بداخلج.. صدكين رح شوفين جكد حياتنا تافهة..
شهد: مااااشي.. رح اصلي.. بس خاف ازاحمج..
لا اني كاعده شعندي...
سويت الكالته الي ودعيت.. التفتت.. جان عمار عالارض وجوا راسة خاولي..
وزينب.. مالها اثر حتى ماشكرتهة.. ع الحجي المتعبني وارتاحيت من حجيت وياها..
العبد شوكت يعرف حب رب العالمين الة..
رح اجاوب على هالسوال لان جوابة داخلي..
ان رب العالمين اذا احب عبدا ابتلاه عمود يعرف صبرة.. جكد..
يهيالة ملاك بهيأة انسان.. يجي ينطي حلول او يطمنة..
الشر والخير موجودات داخلنا.. بس احنا الي لازم نختار الطريق...
كملت واخذت عمار وطلعنا جانت قريب الفجر..
شفت علي.. وع كد ماجنت حاقدة علي هذا الشعور تبخر..
وبيني وبين نفسي..
علي.. بيوم من الايام انتشلني من الظلمة للنور.. بفضل حبة اني عندي ولدين اثنين..
جان منتظرني..
وقاطب حاجبة..
علي؛ تاخرتي..
شهد؛ كملت زيارة وصليت وطلعت..
هياتني..
علي: نرجع للبيت.. لو تروحين للنجف..
شهد؛ لا.. تاخر الوقت.. واني ارتاحيت بالزيارة..
علي؛ الله يقوي ايمانج..
شهد :الفضل الك ابو همام..
علي: كانو طلعت وحدة ثانية..
شهد: اي علاوي.. انت دليتني الطريق وضعت بعدين.. بس الي علمتة الي بحياتي مرح انسى اللك..
علي؛ رح نرجع بيتنا والصبح اروح اجيب همام..
شهد؛ براحتك...
علي، ظل متفاجى...
رجعنا للبيت..
خلص شجعت.. واريد احجي ويا علي..
جان مرتاج.. وفاتح تلفزيون يتفرج..
شهد: علي...
علي؛ نعم...
اني دزيت لعمو باجر اروح للطابو...
علي؛ شسوين رايحة..
شهد؛ اني رح اتنازل بحصتي من البيت لعمي...
علي: شنو غير رايج.. مو امانة...
شهد:اكو طبلة جبيرة كدام القنفات.. ردت يشوف لمعة عيني ويعرف جكد احبة...
علي: هاااا.. اكو شي جديد..
شهد: رغم انت مامهتم الي.. وضايج وزعلان..
بس انت كل اهتمامي..
واني اختنك بس اشوفك هيج..
لهذا قررت اسوي الي كالة خالد..
خالد ميريد هذا البيت يتشتت وينباع..
ويعرف علا مهامهة.. لهذا سجلة بااسمي لان يعرف اشجان وحدة متستاهل..
وعلا.. مو هامهة تبيع وتاخذ فلوس..
وخالد اطاهة حصتها عمود يبقة هالبيت..
علي..

محجة ولاكلمة..
واني تركتة ورحت نمت...
حطيت عمار بسريرة.. ونمت اني.. ظليت اكلب بي هذا نايم..
خفت علي..
حسيت روحي داخل الغرفة..
وظلام دامس..
واجتي اشجان بهيأة حية لفت داير مداير همام... ودتخنكة...
واني اصيح.. عوفي عوفي...
محسيت بروحي جكد منهارة وعلي فوك راسي..
يحاول يصحيني..
شهد.. شهد.. ضربني ع وجهي..
وصحيت واني راسي ع ايدة..
علي؛ شبيج.. شهد.. شبيج..
شهد؛ جنت ابجي واحجي..
علي.. والله جذابة.. لاتصدكها جذابة..
علي؛ خ تولي.. بس اهدي.. اهدي حبيبتي..
شهد، علي.. اني حبيبتك
علي: رايح انام.. كعدت ع صوتج..
شهد؛ تمسكت باايدة بايديناتي الاثنين..
علاوي.. تعال بفراشك كافي تبتعد عني..
مااحمل فراكك..
علي :ماااشي..
يلا... تعاي...
شهد: استغليتها فرصة حضنتة...
ونمت مرتاحة...
ثاني يوم علي الصبح.. اجة وشايل همام..
والريوك باايدة..
علي؛ روح.. كعد.. ماما..
شهد؛ كاااعدة..
علي؛ صباح الخير..
جان ديحط القوري.. عالنار..
ويحضر الكاهي والكيمر.. وملتهي..
جيت حضنتة من ورا..
ربي مايحرمني منك.. علاوي..
علي: لج شهد واكف عالطباخ.. احترك..
شهد؛ صمالله عليك ابو همومي..
بية ولا بيك..
علي : لابية ولابيج.. رب يبعد عنا الشر واهلة...
شهد؛ امين...
اروح احضر روحي واكعد عمي..
علي؛ رحت قبلج.. وفهمتة ع وصية خالد...
ومقبل.. كال اولها وتاليهة.. الحصة بقيها لااولادك..
شهد؛ مااروح اتنازل..
علي؛ ماكو حاجة.. ابيع سيارتي وانطيهة فلوس، وخ تروح لحال سبيلها..
شهد؛ علي انت متعرف شسوت..

علي؛ مااريد اعرف.. راحة البال اهم من كل هذا..
لهذا لحيت عليج لمن شفتج مزمتة برايج وتضوجيني..
علي: اني اعتذر منج.. شهد.. احبج.. ومالي غيرج انتي وجهاانا..
شهد؛ اعرف.. واني اكثر بعد..
علي: متغير الأسلوب الله يديمة..
شهد: صح.. اني بية اخطاء ورح احاول اصححهم..
وانت هم علي.. وين دينك والتزامك..
اني منك تعلمت.. انت قدوتي..
واريد صير قدوة لااولادنا..
علي؛ ماشي عيني ام همام الله يهدي الجني مالتج ويبقى هيج ع طول..
شهد؛ مقبولة منك.. ويهدي.. الشياطين الحايمة براسك.. علاوي..
علي: ههنننننن.. يلا تعالي.. خ نتريك..
وهذا ماعونج كلة تخلصي خل ابني يتغذى..
شهد؛ حاضر...

🌸🌸🌸🌸🌸🌸🌸🌸🌸🌸
واستعينو بالصبر والصلاة.. احنا دايما نشوف التضحية فد شي مموجود.. فد شي مثالي..
وشبيهة المثالية ليش مندورها بداخلنا ليش مانكبر الخير والصلاح باانفسنا..
نحسس أولادنا انو احنا قدوة يحتذون بينا..
يا بنات.. لاتعتبرين حبج لزوجج وتقربج الة تذلل.. الموضوع كلة باايدنا..
اعرف الموضوع صعب..
بس لمن اجتي امراة سالت الرسول.. محدثتا..
عن ابن عباس ـ رضي الله عنهما ـ قال :
جاءت امرأه إلى النبي صلى الله وعليه وسلم فقالت : يا رسول الله ، أنا وافده النساء إليك : هذا الجهاد ، كتبه الله على الرجال
، فإن يصيبوا أجروا ، وإن قتلوا كانوا أحياء عند ربهم يرزقون ؛ ونحن معشر النساء نقوم عليهم ، فما لنا من ذلك ؟
قال: فقال رسول الله :" أبلغني من لقيت من النساء : أن طاعه الزوج واعترافا بحقه يعدل ذلك، وقليل منكن من يفعله".
لاتستهينين بفضلج ووجودج هو اساس العائلة..
للقصة بقية...
🌸🌸🌸🌸🌸🌸🌸🌸
لاتنسوني من فضل دعائكم اولا وتعليقاتكم الي تثلج صدري ثانيا والتصويت عالقصة عمود الفضل يعم الجميع..
تحياتي الكم...
نازك الملائكة