رواية عندما يكون العشق صوفيا الفصل التاسع عشر 19 - بقلم ruqaya H algurtani

حتى لو غادرت بغضب ، وبقيت بعيداً لالآف السنين ، فسوف تعود إليّ لأنني غايتك.
جلال الدين الرومي

ويا استقبالنا لفصل الشتاء، وموعد ولادتي قرب..
جان علي بالدوام واني بالبيت سمعت صيحة قوية، طبعا صار بية مثل الوهواس خايفة، لااحد يجي يسمعني خبر موزين..
نزلت وخطوتي كوة اقدمها والكل جوة..
ن

زلت.. وماانتبهت.. جتي زوجة مرتضى..
من شافتني كاعده عالدرج وصارت عندي تقلصات..
رويدة: شبيج شهد.. شبيج يمعودة..
شهد: شكو.. شبيهم ديبجون.. خما علي بي شي.. كليلي فدوة..
رويدة: صمالله.. لج خالد.. ابن خالي اتوفى...
شهد: شنو.. لاتكوليهة.. فدوة..شون..
حادثة سيارة.. وصلنا البارحة فؤاد..
انطانة خبر..
اويلي يابة مسكينة علا..
مرتضى: عفية شهد لاتكولين عندح ولادة مو وكتج..
شهد؛ فدوة مرتضى وديني لااهلي...
مرتضى :كلنا رح نروح..
شهد؛ صعب تصفى بدون اهل بدون سند...
اكثر شي جان يدك بكلبي كلمات خالد وهو يطلب اسامحة.. وكالي رح اخلصج من اشجان..
الله يرحمك خالد.... ويغفر ذنوبك..
جانت علا منهارة.. حيل واول مااجيت..
حضنتني وظلت تبجي...
وج شهد.. راح اخوية.. راح الي جنت استند علي..
راحو اهلي وخلوني.. شهد..
ملكيت روحي الاابجي وياهة.. صعبة تخسر عزيز والاصعب تخسر الشخص الوحيد الي تستند علي بالحياة..
فوتو التابوت للبيت.. عمود يودعو الوداع الاخير.. وضع الولد كلة مزري..
باوعت لروح شخص.. كان ممكن يكون زوجي.. ااااخ.. كل مااذكر كلماتة كلبي يوجعني ودمعتي نزلت...
ليالي العزاء كانت طويلة حيل..
علا بوضع الصدمة واني جيت يم اهلي.. خاف اولد.. هم يمي.. فؤاد ورا الفاتحة رجع لسوريا واشجان كعدت لزمت عدة بيتنا.. لذا قررت اطلع.. مااتحمل وجودهة...
رجعت بيت عيالي.. جان علي شكلة ممرتاح.. فتت سبحت وبدلت.. وغسلت لهمام ونومتة بعد التنظيف والتعب... اخذت استراحة الظهر وهمام نايم يمي...
حسيت اكو احد فوك راسي..
شهد: هاا، علاوي شونك.. الله يساعدك اكوم اصبلك غدا..
علي؛ لاشهد خليج شكلج تعبانة..
شهد :اي صح ثقلت حيل، اخذت اجازة من المدرسة تعرف الهوسة، والاحداث..
اني خايفة لاتجيني الولادة بالليل ويا الحضر مال تجوال..
علي؛ لاتفكرين.. الله يسهلهة.. ليش مبقيتي بيت اهلج..
شهد: هيج مرايدني انت علي.
مو قصة مرايدج.. بس خايف مااكون يمج...
شهد: اخ.. ياعلي.. جايب وجع الكلب الي والك.. كل مايندك الباب كلبي يوكف...
علي:خايفة.. لااموت...
شهد؛ شهالحجي اني مو اكلك لاتحجي بهالموضوع...
علي:رح تحزنين عليه...
شهد: علي شنو هالحجي اليوم لاتاذيني واظل افكر الطبيبة كلتلي دير بالج لان الطفل نازل..
مكلتلج ولد لو بنت...
كالت طفل ممبين...
مكلتيلي شهودة رح تحزنين علية..
خل اشيل همام...
هاا.. شهد... اريد جاوبيني..
شهد؛ علي اني شعندي غيرك شهالحجي..
بدا علي يبوسني بس مو مثل كل مرة رغبة مكنت اعرف افسرها..
شهد؛ علي.. هاي شبيك..
عبالك..
شنوووو..... شارب...
شهد: شنوووور..
علي شتحجي انت تشرب...
عوفينة من هالسالفة..
جنت كاعدة دفعني للفراش...
هااا شهد... هم رح تبجين عليه مثل مبجيتي ع خالد..
شهد: ععععععلي.. معقولة انت..
اني اذا صار بيك شي اموت وراك..
علي؛ هم جنتي تكولين هالحجي لخالد.. لمن جان رايدج..
شهد: لاااا.. علي انت شكلك مو طبيعي... ورح تخليني اندم جيت..
علي: ليش منو بقالج بعد ست شهد.. خالد والله يرحمة...
شهد: ظليت الدهشة من حجي علي.. معقولة ديحجي هيج حجي...
وعلى منو خالد مااات وشبع موت وهو يجرحني بكلامة..
شهد؛ كوم.. علي.. كوم اغسلك.. وبلا هاي السوالف..
وكفت واني كوة اجر روحي.. جريت ايدة اريد اغير الموضوع...
علي: جريتهة من ايدهة قوي.. مو انتي التحدديلي شنو احجي وشوكت...
شهد؛ انت شبيك... شبيك علي...
علي: شبيه قبل ميسافر خالد انتي صاعدة ويا بالسيارة شراد منج...
شهد؛ اي... جان ارتال وكالي تعاي اوصلج.. وصعدت..
والطرطور مالتج شوكت جنتي ناوية تكولين..
ظل محاوطني كل اعصابة مبينة..
شهد؛ اصبر حبيبي اكلك..
احجي واشرلة بايدي يسمعني..
ضرب ايدي...
ولج شاااصبر... زاد قربة الي داس ع بطني خربت.. وصياحنة طلع برة..
لحد ماكسر الباب مرتضى وفات... جرة ومرة مرتضى غطتني...
وظليت اسمع صوتة يعد ويصف...
اي.. علي متغير هواي مو ذاك العلي الملتزم الي يخاف الله.. وهوايتة القراية
طيبة كلبة فجاة صارت قسوة.. ومااعرف مين جابهة.. وجاي معصب وضايج لان بجيت ع خالد بالفاتحة..
بيومهة نزلت مايات ونقلوني مستشفى..
يمكن علي ندم وحسيتة فات وباس همام، واجة اتجاهي.. جنت ماخذة مسكن عمود ارتاح..
حسيت بي اجة تقربلي مسح ع شعري
وباسني...
ردت اعرف، هو شنو ذنبي.. عمود استحق منة هالمعاملة..
ثاني يوم ما موجود نزل لدوامة من غير مايودعني..
اني تعبت.. تعبت من هالمعاملة..
عمي جابلي موبايل عمود اتصل عليهم خاف تجيني ولادة.. ومااكدر اصيح عليهم...
اعرف علي كاللهم عمود يشترولي.. حسيت بثقل مو طبيعي اريد بس يخلص الحمل.. ميخلص..
تعبت ودخلت طوارئ مرتين.. من هلكد مااقهر بروحي..
رجعت بيت اهلي.. كوة...
صح جنت تعبانة بس كل تصرف من تصرفاتها جان يخليني اثور واتعب ولو مو ابوية ورافت جان طلعت كل حركتي بيهة..
ومن عادة الانسان السيئ دائما يترك وراة اثار.. واشجان تركت اثر اكد شكوكي..
بيوم واني نازلة من غرفتي سمعتها تحجي بالتلفون.. تحجي ويا وااااحد...

اشجان: كتلك لاتخابر تريد تفضحني..
بابا كلهة كم يوم واجي... ووياية خوش صوغة..
بابا.. ذولة ولد عشاير وميرجعون مرة اتنختهم..
لهذا اني رح العب عالكبارية..
واشوف ياهو احصل منة..
بيني وبينك.. اني بالي علي..
رجال عسكري ومزوج هاي المعقدة شهد.. بكلمتين اضحك علي...
وانسي الضيم العايشة ويا هالبومة..
وفؤاد : خووو.. رجال صاحب رغبة ويقيم وحدة مثلي ويوزنهة ذهب بس خاف يكول صديقي وشون ويبيع مثاليات...
اهووو.. لك رافت حجارة لايحل ولايربط... لهذا مسحتة من القائمة بس هددت علا.. اذا ماتمشي وياية صح..
اضيعهة واخليهة تصفى بالشارع هي وجهالها...
ههههع، اطمن.. كل شي مرتب.. بس يجي هذا علي.. واعرف شغلي ويا..
يلة باي بعد لاتخابر....

شهد: كانو.. اشجان.. مرض مااكدر استاصلة من جذورة..
كل مااكول حررت جهة تلتصق بالجهة الثانية.. واذا عفت طرف من اطراف عائلتي.. تلوف ع واحد ثاني...
شنو.. الحل.. وشون ويا علي.. اذا ضحكت علي..

ثاني يوم الصبح لكيت علي نايم بصفي...
شهد؛ علللللي.. علي..
اخذ ايدي باسهة..
رغم نسياني الصار.. بس اعتذر مني...
وكال انفعلت غصبا عني..
اخذني بحضنة ونزلنا سوا...
اشجان كاعدة..
علي نزل راسة وكاللهة..
شوفي اشجان انتي لازمة عدة، وعدنا المرة تلزم عدة الزلمة مايشوف ذيالها..

ولازم تعرفين بيت بي رياجيل تحترمي...
اشجان :حاااضر علي.. بس عندي كلمتين وعايفة البيت..
علي؛ اذا مامرتاحة بالبيت تكدرين تبقين بيتنا بس عمي ميقبل..

ممكن احجي وياك بلازحمة..
شهد؛ توة ديفهمج الحدود الشرع شنو كلمتين ع انفراد...
علي؛ اشرلي اروح وهو جاي وراية..
شهد: كعدت اوكل همام وعيني ع باب الصالة واتخيل شون تغري وتمد ايدهة علي.. وشون هو يتجاوب وياها....

علي: ها.. خوية اشجان خيرج..
اشجان؛ والله ياعلي.. مستحية مااعرف شااكلك..
خير كولي..
اكول وامري لاالله..
اني قبل مصير الحادثة.. جنت حامل.. ومن سمعت الخبر من الزعل نزل الطفل ومكددرت اكللكم.. وهسة طلعت الاربعين مال مرحوم.. واني نويت ارجع سوريا..
بس اعرف انت حقاني ومترضى حقي يناكل.. اني رايدة حقي من ورث خالد..
ومؤخري.. تعرف الغربة يحتاجلها فلوس.. اصلا خالد الله يرحمة.. جان ناوي يفتح وياكم موضوع البيت...
يااابيت قصدج..
بيتكم غير..
الي اعرفة هو بيت ورثة وبيت عمو سمير الهم حصة بي وبعد ماتوفى عمو سمير بقة لخالد وعلا..
اني مااريد اوازيكم بس هذا حق؛ وبكيفك..
شهد هواي حجتلي عن شهامتك وعن موقفك وياها رغم الصار والي عرفتة ظليت ساتر ع بنت عمك مفضحتهة... رغم خالد قبلك مارضاهة لروحة.
علي؛ اوكفي.. اوكفي... شنو سالفة.. العرفةخالد...
اششجان؛ انت متعرف.. يااااا...
اعذرني علي زلكة من لساني..
ماكو شي سلامتك.. من رخصتك..
تعالي هنا.. فهميني.. شنو السالفة...
اشجان؛ لاعفية علي.. طلعني لاصير مشكلة بينك وبين مرتك.. وتوكع براسي كافي الحجي جاني من وراهة لان خالد اختارني..
جاية اخذ حقي واروح..
فهميني شنو السالفة.. واني مااخلي احد يطخج..
اشجان: وععععد...
وعد.. مني.. مااكول..
اكلك وامري لاالله..
من جانت شهد تجي يمي ايام الدراسة شافت ابن خالتي يحيا..
هو واحد مريش وطلعات وونسات... انعجبت بي وانعجب بيها..
وصار بينهم علاقة..
نصحتها كتلها هذا واحد جذاب يضحك عليج.. مسمعت مني.. وظلت ويا وظلو يتواعدون لحد ماا يحيا سافر وعافها.. وراها تخبلت علية مثل مشايف..
شنو ذنبي اني.. نصحتهة وماسمعت مني..
علي: بعد السمعتة.. ويمكن لو شهد يمي.. اخنكهة.. طلعت من يم اشجان مثل المخبل.. هاي شهد ربيتهة ع ايدي هيج سوي بية.. ممعقولة..
لااا، اكيد كابوس.. وهسة اكعد منة..
رجعت للبيت غسلت.. وجان جاي بالي اصلي.. مصليت تعاجزت...
نمت وتخيلت... شهد ويا رجال ثاني.. وتسوي اشياء ويا..
كعدت فاااز..
لبست ملابسي.. كو كادر حاس رح انفجر...
شهد؛ علا.. علي بعدة.. جوا...
اي بعدة..
هاي الجلبة لو اعرف شناوية..
اي والله ع كولتج.. جلبة.. وناوية عالشر...
علا؛ بس لاتخافين.. خالد الله يرحمة سوا شي رح يخليهة تاكل روحهة هالدبسيز....
شهد : علا.. انتي ليش شايلة هيج عليهة..
علا: لان اعرف هالشكولات الزفرة..
الله يسامحك ياااخالد.. دخلت هيج وحدة بيتنا..
شهد: شنو.. خالد.. سوااا..
عزة.. شهد.. شو رجلج مثل الثور الهايج.. طلع...
شكووو... يمعودة مابية حيل هبطات..

شهد؛ اني اعرف شغلي وياها بس الزمي همام..
شجااان... اشجااان..
نعم عيني شهد شتريدين.. بيت ورح الم هدومي واطلع..
تعالي هنا شكلتي لعلي.. وطلع متعصب..
اشجان: خليج بحالج.. تعرفين شهد شااسوي بيج وبعشيرتج..
شهد : انتي تهدديني..
لا ع شنو اهدد.. يجيج الحساب...
صار الظهر علا.. ومااجة علي.. رح اروح اني...
علا:انتظري.. هسة يجي ونفتهم عالاقل رافت موجود..
انفتحت الباب. وكانو نار السعير..
علي: شهد... تعالي دنروووح..
شهد:هسة.. اجيب همام..
علي : بقي يم اهلج... عندي حجي وياج..
شهد: ماااشي بس البس عباتي..

انتظرج بالسيارة..

حااااضر... الله يستر...

شهد :لبست عباتي ومشيت كاني شات دتتحضر للذبح.. علي مشة سريع... والدرب لبيتنا الي ب10دقايق صار دقيقتين..
علي: صعدي فوك.. جايييج هسة...
شهد: يمكن جان اكو داخلة رغبة.. ورادني.. فتت غسلت وبدلت رشيت عطر ع جسمي.. باوعت من الشباك واكف بالحديقة ويدخن جكاير مو من عوايدة..
انتظرت شوي.. اجة فات للغرفة..
شهد؛ هااا.. علاوي.. حبيبي.. بيك شي..
ماحسيت غير بوقع الراجدي وكع ع خدي..
وصياح وغضب علي طلعهم كلها ع جلدي..
مكدرت بعد اتنفس.. ظل يضربني لحد مفقدت الوعي...
عافني وطلع..
مااعرف جكد مر وقت.. لكيت روحي واكعة وملابسي مشككة.. واثار الضرب واضحة ع جسمي..
يمكن دنيا ظلمة... لا.. البرادي مسدودة.. رفعت ايدي.. "جان جوايا كله دم..
حاولت اتحرك بااتجاه الجرباية واجر موبايلي اخابر...
وبطلوع الروح خابرت عمي... وراها مااعرف شصار..
بعد 3ساعات سوولي عملية قيصرية واجة ابني قبل وقتة وظل بالحاظنة.. اما اني فصار عندي تمزق بالرحم وعندي كسور وجروح..
جروح الجسم ممكن تداوى، ممكن يمر وقت عليها وتشفى، بس جرووح الروح صعب تشفى..
بكل محنة مرت بحياتي، كان ينكسر بية شي، وجنت اقدم تضحية لكن بعد الصار بية خلص انتهى مرح اسكت ولااضحي.. ولااتحمل...
مر اسبوع علية بالمستشفى... الحمدلله الله نجانا.. من هالكارثة...
اني وابني..
قبل مااطلع بيومين جابولي ابني وابوية جان واضح علي التعب بسبب الصار..
شال ابني لحد هسة مااامسمي...
ابو علي: منتظرين يشرف ابو يسمي...
ابو رأفت: ابنك علي حساب لازم يتحاسب علي بنتي جان راحت بيها...
ابو علي: بلا متحجي يجي ويصير خير...

ام علي: يمة شهد شجاكم انتو.. ليش تعاركتو..
ظليت ساكتة..
قررت اسمي عمار...
مدام ابو مهتم.. ابني لازم يتسمة اني تعبت بي واني ردت اموت عمود اولدة..
طلعت للبيت.. اشجان رايحة بيت عمتهة بالموصل....
رافت: تعالي شوشة.. تعاي هنا.. حمدالله ع سلامتج..
الله يسلمك رأفت..
ام رافت: يمة.. مرح تحجين شصار بينج وبين رجلج وتخاربتو..
شهد: ماما... عفية جيبيلي همام مشتاقتلة..
حاضر يمة.. بس لو اعرف شصار وهيج..
عين وصابتكم والله..
مر اسبوع ثاني.. وهم مااجة علي.. ولاشاف ابنة، حتي ماخابر يطمن علية وعلى ابني..
الظاهر قصتنا انتهت....
اشجان ظلت تحوم عمود الفلوس..
لحد مااجاني ابن عمي حسين.. طالب بكلية القانون.. ويشتغل مكتب محاماة مال ابن عم ابوية..
اجة وجتي خالتي ويا لان الخالات الثلاثة متزوجات العمام ماعدا مرت عمي خلدون صير بنت خالتهم....
زمن؛ ويايا.. بس هالمرة ماكدرت تجبر خاطري...
اجة حسين حاولت مااابين متاذاية ومتكسرة عيني وخدي والم بعدة واثار الضرب بعدة..
شهد؛ ماما.. لازم اشوفهم كوليلهم تعبانة..
ام شهد؛ يمة اذا هو جااايج بالاسم شااكلة...
ههه، جاااايني اني...
اي يمة جايج يكول شغلة مهمة موصي بيهة خالد...
ذكرت خالد. والأمانة بدلت ولبست الشال وغطيت بالمكياج...
شهد؛ السلام عليكم...
حسين؛ وعليكم السلام هلو شهد..
اجة حسين لابس قاط وشكلة كباري....
وهالمرة اجة ووجهة مبتسم...

شهد: هااا حسين خيرك .. خما اكو شي..
حسين: انتي تدرين انو حصة خالد وعلا بيت جدنا، اي بيت عمي ابو علي..
خالد قبل لايتوفى.. باع الج حصتة بالبيت.. واشترى حصص علا بالبيت..
وهم حولهم الى اسمج وكالي هي تعرف
تتصرف..
شهد: صح كالي.. امانة بس ماعرفت شنو هاي اصلا اول مرة اعرف بيت عمي ابو علي مو بيتهم بيت جدي كلهة
المهم.. جاني علي.. وكالي روح كللهة خرام تاكل حرام..
شهد: هو كال هيج..
لعد اسمع مني ابن عمي.. كلة لو يبقى اخر يوم اشجان متاخذ مني درهم..
ووصلة هالحجي.. كلة خ تفيدك...
وبس اكوم ع حيلي.. اعرف ساعتها شااسوي..
ثاني يوم اجة علي.. وكان النا حديث هو بداية نهاية قصتي ويا علي او للقد حكم اخر...
لاتجبرو احدا على اعتناق ارواحكم فالحب كالدين لااكراه فيه...
جلال الدين الرومي..
للقصة بقية...
🌸🌸🌸🌸🌸🌸
لاتنسون تصوتون عالبارت اذا اعجبكم
متعة القراءة ارجوها لكم..
نازك الملائكة