رواية عندما يكون العشق صوفيا الفصل الأربعون 40 - بقلم ruqaya H algurtani

شهد: كعدت الصبح احس براحة جبيرة.. فتحت عيوني وسط الشراشف والبرادي البيض الي تطاير ويا نسمات الهوا الدافية..
كاني عايشة بحلم حلم جميل، ويكتمل هذا الحلم الجميل
وجود شخص يجعل كل شي يلمسه احلى من الاحلام،
صحي النوم ياحلو.. مطلع نوم هذا، خليني اشبع بيج قبل لاترجعين..
شهد؛ عوفني يحيى.. بداعتي..
عوفني..
يحيى: كمت واخذتلي فرة ورجعت..
بعدج نايمة.. كومي نتريك يلة..
شهد؛ عوفني ماااريد..
يحيى؛ براحتج انتي اختاريتي..
اروح اغسل واجي انام يمج..
شهد؛ لأ.. لأ.. كمت والله.. كمت..

يحيي؛ اعرف دواج.. يلا.. كومي..
شهد؛ صار شهرين من زوجت يحيى..
شهرين عايشة عيشة الملوك.. كل شي اريدة الكاه..
الحياة ويا يحيى.. حياة تختلف عن كل العشتة..
يحيي.. كل شي وعدني بي سوا..
عيشي براحتج.. طلعي براحتج.. اكلي اليعجبج..
ضايجة.. تعاي نسافر...
نسيت شي اسمه هموم.. كلها شالها عني.. حتة النكرة بين همام وعمار ماكو..
عمار.. جان الوحيد المعارض ومموافق ع زواجي بس يحيى شخص ذكي عرف شون يدخل لعمار ويقنعة.. لا ويكونون أصدقاء..
ويتشاركون العاب البلي..
همام؛ دخلنا.. بقائمة الاشخاص المحتاجين متبرع لان التوتر والسادس اثرت ع صحتة..
جان يحيى شايل عني كل شي..
زينة؛ يمكن اكثر شخص متعلق بي ويحبه بالبيت..
وطلباتها اوامر.. راتبة كلة تقريبا ينصرف عمود تكون حياتنا سهلة، وميحسسني بثقل الحياة تعلمت منة ان الحياة سهلة اذا ردناهة سهلة واذا صعبناها تصعب..
ومشيت ع نمط حياتة..

ودائما يحب يحضر الي مفاجات..
واكثر شي احبة بيحيي انو دايما احسة فخور بية..
اغلب الاحيان.. يحجي بية.. لمن نكون بمكان سوا ابد ميعوف ايدي..
وهواي اشياء تاركني ع راحتي..
وطبعا الصارلي من جنت صغيرة هو يعرفة، يمكن ماكو شخص مثلة..
وهو شجعني استمر بالعلاج النفسي عمود اتجاوز هالمحنة نهائي، علاقتة بية علاقة مفهومها اذا ماكنتي مستمتعة هو مرح يستمتع لهذا جان كل شي بااختياري..

احس حياتي فارغة..
مابيها تطورات...
.....................
شهد: حبيبي.. وين رح نروح ورا الريوك دا انشف شعري وبالبرنص..
.... يحيا.. كم مرة كتلك لاطك لي صور هيج..
يحيي؛ خل اطكلج فدخمس صور وانتي معصبة..
شهد: يحيى.. جد.. كتلك مااحب تصورني هيج..
يحيى؛ اهووو.. جكد معقدة شو تعالي.. يجرني يحضني.. يضحكني.. وهاي الحالة متنتهي..
كل مالزم موبايلة الكة صور الي واني اتفرج تلفزيون نايمة..
طالعة من الحمام..
ودايما تصير مشاكل.. بينا بسبب هالشي..
ومن يشوفني زعلانة.. يجي يقنعني انو دايما يريد يحس انو حوالية..
بعد ما زوجنا وبسبب الوضع انتقلت الشركة لااربيل..
لهذا جنت لو اني اروحلة لو هو يجينا..
علي ورا زواجي سوا مشكلة عمود فلوس البيت..
الي مشترك بيها..
ويحيى دفع المبلغ.. وحتة مفكر.. يكلي يثبت حقة.. كل ماجنت اشك بي يثبتلي العكس..
مشكلتي ويا يحيى انو ميغار ابد..
مااحس عندة مشكلة اكعد اكل اصافح ولد عادي عندة.. حتة اكثر من مرة كالي انزعي الحجاب عمود تاخذين راحتج.. دائما من نروح نشتري ملابس تجذب نظرة ملابس متليق بمحجبات..
ويمكن شوي كيفت.. وحسيت رح اسوي اشياء تمنيتها واني صغيرة.. بس رجعت بتفكيري وخفت.. خفت من رب العالمين وحسابة وكمت اوجهة عمود يلتزم ويتجه لرب العالمين، بس مكنت حاسة الي يسوي ايمان مجرد بس عمود يرضيني..
يحيى:كان محتاج عائلة وصرنا احنا عائلتة.. هو كااب وصديق لااولادي ماكو احسن منة لكن كمربي مدرس هو شخص فاشل، ويمكن حتة اكو اشياء ثوابت بحياة اولادي زرعتها تبخرت بسبب دلال يحيي الهم..
صار بينهم اسرار وخفايا..
وهذا الشي.. لفترة عيشني بشك، اصلا صرت مريضة بالشك انو بعد هاي الجنة نار رح يشوفنياها يحيى ينتقم مني بااولادي بس ماشفت ولالمست دليل ع تفكيري..
لهذا ردت انسى كل ايامي الصعبة..
واعيش هاي السعادة بسلام بس مكدرت

شهد؛ يحيى.. سويتهة زعلة.. كتلك صور مااريد بتلفونك الي.. مسحتهم ولاتكرر رجاءا يحيى،..
يحيى: لزمني جرني كعدني بحضنة..
ومن تروحين اني منو الي.. منو الي اصبر روحي بي غير صورج..
شهد؛ جنك ع صور هسة ابدل.. وطكلي جكد ماتريد، يحيى ضاع تلفونك انباك..
انت ماتعرف جكد تجينا مشاكل بسبب التلفونات وملحقاتها..
يحيى؛ شهد لو كم واحد مااهتم انشرت ولا ماانشرت جان مااستغل هاي الصور بس مجتمعنا مجتمع تعبان..
عليك نور.. مجتمعنا تعبان.. واحنا لازم نلزم حذرنا من النفوس المريضة اكيد متقبل صوري توكع بيد واحد ناقص..

يحيي؛ وانتي شعليج..
تعرفين... اني كل تفكيري نطلع من هالزلك. ناخذ الجهال ونسافر لاالمانيا دتشوفين الناس راحت..
كلهم مرتاحين..
والله الجهال ذاك اليوم كيفو من كلتلهم..
شهد؛ يحيى.. كم مرة كتلك هاي اتفاقاتك ويا الجهال لازم اعرفها اول..
بعدين الولد يروحون.. ابوهم يبقى وحدة.. وهو مريض..

يحيي؛ اويلي ياعلي امك جكد داعيتلك بحيث طليقتك زوجت وتفكر بصحتك..
شهد؛ يحيي.. احنا اتفقنا من اول.. الولد وعلاقتهم باابوهم..
وعلي ابن عمي وابو اولادي..
يحيي؛ واني ست شهد.. اني شنو بحياتج..
شهد؛ عرفت زعل وضاج وردت اتلافي الموقف لفيت ايدي حوالين ركبتة.. وكتلة..
انت حاضري ومستقبلي يحيى.. عمري ماانسى شون جنت عايشة وشون اصبحت هسة.. صرت ابوية وصديقي وحبيبي وزوجي وابني، صرت اب لااولادي وشلت عني هموم خفت مااكدر احملها لو شمااسوي مااجازيك..

يحيي: قشمرتيني.. يعني..
شهد؛ ماقشمرتك.. انت حببببببيبي..
احبك.. وماكو احد ياخذ مكانك..
يحيى؛ دامج تحبيني.. سويلي شي احبة..
شهد؛ ااامر.. كول.. شتريد..
يحيي؛ اريد طفل منج شهد...
واني ماحاطة عوارض بعدين مصارلنا شهرين من زوجنا.. وانت بجهة واني بجهة.. شون يصير حمل..
يحيى؛ خلص كعدي مطلعين اذا مضيرين حامل..
هههههه، يحيى من كل عقلك حبيبي.. هاي الشغلة باايد الله.. والدكتورة لخاطرك رحت وطمنتني كالت ماكو شي وبعد يم رب العالمين اذا راد يرزقنا يرزقنا...
شسوي..
يحيى؛ مو رب العالمين يكول عليك بالاسباب.. تعاي روح لبنان اونسال هنا شون نتعالج نسوي طفل...
شهد؛ حبيبي توي داا اكلك ماعدنا مشاكل يم رب العالمين..
يحيى؛ حقج انتي عندج اولاد، شباب ماشالله اني فتت بالعمرين شوكت اخلف شوكت اربي ابني..

شهد؛ بينت ع حقيقتك يعني اولادي مو اولادك.. وزينة مو تكول هاي بنتي.. شو غيرنا راينا..
ميخالف شهد مايمنع اريد ولد من صلبي... واتمنى تكونين انتي امة..
شهد؛ ان شاء الله يجي وتفرح بي واني رح اسوي الاكدر علي بس عمود ترتاح ماااشي...
يلا خلصنا الوقت.. خ نطلع نفتر شوي...
..................
اكو اشياء نتمناها من الدنيا ونطمح تكون واقع، بس القدر للاسف اله احكام.
مثل يحيى شخص محبوب متواضع كريم دائما يستوقفني بمواقفة الانسانية ويا العالم الة وجهة نظر خاصة بالحياة،
دائما يلفت نظري كرمة ويا اولادي ودائما ميقبل علية من امنع عنهم شي يكلي شباب خليهم يعيشون ويستمتعون وهذا الشي مسوا ابوهم نفسة ونفس الحالة بالنسبة لزينة ابوهة من يوم سافر ماشال تلفون سال عليها ولااستفقدهة، بس يحيي حل محلة وزاد..
دايما حاضر بمشاكلهم.. وعندة دايما حلول سهلة وبسيطة، هاك اخذ تدلل، ميكون خاطرك الا طيب..
وهاي الحالة تعبتني.. كامو يطلبون بدون ميفكرون خصوصا همام.. اكثر واحد عندة طلبات وروحتهم لاابوهم تواسيل ولازم يحيي يدفع رشوة..
تبقى زينة هي وبنت الهام صديقات لهذا من نفكر نسافر نامن عالاطراف...
اخوية راافت حالتة ساات وصرنا كل مايدك تلفون كربلاء نخاف لايوصلني خبر وفاة اخوية..
محمد وبالاجبار ديتعالج نفسيا..
العجز العندة نفسي مو جسدي وعلا اني وياها تقريبا ماكو مشاكل...
طبعا السوا محمد هو وصغير محد يعرفة بس اني وابو وامة وزينة ماتذكر الحمدلله كل التذكرة انو ضاعت ولكيتها..
علي انفصل عن زوجتة وجتة بنية سمتها امها كوثر..
وهاي اجة لااولادي اخت ثانية بس لحد هسة مشايفيها ولاابوهم يحب يجمعهم
وهم مشايفين غير زينة اخت الهم..

شهد: دكتورة.. اني عندي ولدين.. وزوجي حاب يكون عدنا طفل ومديصير عدنا..
الدكتورة؛ اصغر طفل جكد عمرة
..16
الدكتورة 16شهر..
لا..16سنة..
كولي والله..
والله.. وهسة ذكرتي تحملين جكد عمرج 34سنة..

ماشالله..
صارت مشاكل ورا ولادتج الثانية..
شهد؛ صار.. عندي نزف.. وولدت عملية..

الدكتورة :صار عندج مضاعفات..
شهد؛ صارت وياي حادثة..
باعي السونار والتحاليل مابيهم شي بس بقى زوجج لازم يسوي تحاليل عمود نطمن..
شهد؛ طلعت من يم الطبيبة خابرت يحيى وكتلة ع التحاليل لازم يسويهة..
يحيي:انتي وينج..
شهد؛ شنو ويني يم الدكتورة.. مو كتلك..
دتعالي رجعي بسرعة للبيت..
ليش شكو سالمين..
يحيى؛ اني بالبيت...
شهد؛ صدك.. ليش مكلت.. جان..
يحيى؛ بس تعالي الهام اختي هم جاية وياية..
شهد؛ جكد عيب يحيي.. غير تحجي عمود احضر عشا..
يحيي؛ بس تعالي اني اجيب الاكل..
شهد؛ هسة اجيب بالطريق..
يحيى؛ بس تعالي ترة هسة اضير عصبي...
هههههه.. جاية.. جاية..
بعد ماتزوجنا اني ويحيي تحولنا ببيت الجديد واجرت القديم..
رجعت للبيت جان كل شي مجهز.. كعادتة يحيى..
عرفت ورا هذا التجهيز اكو موضوع.. ويريدون يقنعوني بي..
كملنا عشا وصبينا الجاي اجة عمار كعد يم يحيي.. وكعد يااشرلة يلة كللهة..
شهد؛ شيكلي...
يحيي؛ شهد.. عمار يريد يطوع...
شهد؛ لطمت ع صدري...
ولك يمة وينك وين التطوع اكعد راحة.. بعدك صغير تريد ابوك يعزيني ويصخمني بعدين يحيى شون طاوعة مفهمتةشيصير بالي كاعد يطوعون..
عمار؛ اني اريد اروح جماعتي كلهم راحو.. واني هم اريد اروح..
شهد؛ على اساس رايحين سياحة ولازم انتهم تروح وياهم.. بعدين نسيت ابوك..
عمار؛ يمة شثبرتيني باابوية.. ابوية هو كلي روح جاهد..
شهد؛ ماتروح وهذا اخر حجي ظلت الموصل عليك انت تحررهة اكغد اكعد..
كل حجي راح وماسمعة ثاني يوم ملكيتة بفراشة.. سالت همام.. ميعرف..
زينة همينة بس باوعت بوجه يحيى..
بما معنى عمار راح..

شهد؛ عمار راح ويا جماعتة مو..
يحيى؛ شهد لا ممعقولة.. شوفي وين رايح... شهد؛ هذا ابني اعرف اذا نوة نوية ميرجع بيهة..
شهد؛ ظليت ادك ع عمار.. لحد مشالة..
عمار.. وينك ماما.. غشمت روحي..
ماما.. لاتزعلين.. اني رايح اجاهد.. ادعيلي.. يووم ودير بالج ع همام وزينة..
كليلهة يوم احبهة..
شهد؛ ولك ليش تريد تموتني.. ولك عمار ليش ماما تريد تفجعني ليش.. الراحو وينهم زلم عسكر ومدربة مادبرتهة انت..
عمار؛ يوم رح نروح معسكرات تدريب.. مو للجبهة..
شهد؛ ولك ماما شدلاك انت.. ولك مو جنت بحالك..
سد التلفون ومفتحة ظليت ادور علي لحد ماتخربط همام ونقلتة مستشفى عمود الغسل..
وبيوم.. واني نايمة حلمت نفس الحلم اشجان مثل الحية ولفت حوالين همام واني اريد اوخرة.. هدتة وزاحت...
من باب الغرفة راحت...
كعدت ويا صلاة الفجر صليت ودعيت يرجع ابني سليم ويعافي همام..
للصبح ظليت مشدودة اعصابي.. خايفة من دكة التلفون..
خابروني من كربلاء كل ظني اخوية رافت.. خابروني كالولي عوفي كل شيء وتعالي.. رجعت خابرت زينة كألت؛؛ رايحة من الصبح خابروهة..
صوته مطبك تعبان،
شهد؛ شبي صوتج..
علا؛ تعالي وبس..
اجة يحيي.. وجهة حزين..
هم معرفت شبي...
اول موصلت بيتنا الكبير اكو وحدة عاطت عيطة ظل صداهة بااذني بعدني مو فاهمة.. شكو..
اخوية رافت توفى. دخلت علا عادي مدتبجي..
ذميتهة وكلت مهما يكون زوجج ليش مايسوى تحزنين علي.. فتت جان يصير رافت بوجهي كوة يجر خطواتة وعلي كاعد يبجي والناس تطبطب علي..
عرفت.. الميت ابني..
صحت.. همااااااام..
اجة من ورا حضني همام ويبجي...
شهد دام هذا همام وهذا رافت لعد منو الميت..
دخلو ناس ودخلو تابوت.. يحيي لزمني من ايد وهمام من ايد..
شهد؛ شبيكم احد يفهمني..
شهد.. البركة بيج والله يعوضج،
شهد:عجيب يعوضني بمنو هذا اخوية وهذا ابني منو الميت..
نزلو التابوت وبدا الصياح والعياط...
لا.. لا.. هذا ابني نايم.. هذا لا مو عمار..
جذابين.. لاا.. ابني ممات.. هذا حزام ظهري من يومين جنت اتخيل شون ازوجة واركص بعرسة.. شون هيج منومي.. وخرت ايد يحيي ونزلت ع ابني مثل كل يوم نايم واصحي..
عمار.. عمار ماما.. كوم.. اندار عالحوالية واكللهم هو يومية هيج يشلع كلبي وابتسم واكللهم نايم مو.. يحيي.. نايم مو هسة يكعد اجة يحيى حط راسي بحضنة واني ادفع بي ممصدكة..
صحت صيحة.. ماصحت بعدهة..
ليييييييييش ربي.. ليييييييش.
ووكعت بين ايدين يحيى..
..... ...................
مر 3اشهر ع وفاة عمار وبعدني بوضع الصدمة.. اول مرجعت بغداد.. فرضت ع همام ينام بغرفتي هو وزينة.. وعيشتهم بجحيم الخوف العايشتة.. لحد هاي اللحظة..
للقصة بقية صغيرة..
متعة القراءة ارجوها لكم..
تحياتي
نازك الملائكة..