رواية عندما يكون العشق صوفيا الفصل التاسع والثلاثون 39 - بقلم ruqaya H algurtani

مهما غِبت سنة سنتين عشرُ سنين أو أكثر ، مهما أبتعدت مسافةُ ليلة ليلتين ليالٍ أو اكثر ، لا يتغيرُ شيء ، عشقُك بقلبي لا تبددهُ الغيابات والمسافات. جلال الدين الرومي

علي.. شبيك.. العالم منا.. عيب الدسوي..

علي:شهد.. بعد مااكدر اشوفج ضيعين مني، كل يوم وكل لحظة تمر بغيابج جمر يحركني، ياكل بية اكل..
اني كابرت، غلطت هواي ومكدرت اعترف، اني احبج شهد عمرج ماغبتي لحظة عن بالي،
تقرب خطوات واني رجعت اريد اهرب منة ذكرت لمن اغتصبني اول مرة..

ردت الملم شتات روحي الي حاصرتها الذكريات، ردت ابجي بس مكدرت.
شهد؛ انت عبالك سدة الباب وحجيك رح يخليني ارجع، لا علي لا اني مو ذيج الطفلة الي تضحك عليهة بكلمتين ولاذيج البنية المراهقة الي توسلت بيك ورغم هذا اغتصبتني..
علي: اني احبج..
شهد؛ ياحب.. هذا علي.. ياحب 3سنوات كدامك، مظل احد ولافرصة عمود يصلحون بينا وانت متقبل، لان شنو اني جنت طفلة.. طفلة ياعلي لاحول ولاقوة..
فؤاد..
اسكتي.. اسكتي اني لو فؤاد يمي جان شربت من دمة.. هو السبب..

شهد؛ لا.. علي لا مو هو السبب انت السبب تفكيرك المريض هو السبب، انت شو شايف.. اريد اسالك من جنت تنام وياي ششوف شتتخيل، طفلة عمرها سبع سنين عدهة رغبة،
كااافي.. علي.. كااافي انت مرح تكدر تنسى الي صار ولا اني كادرة اتناسى انت تعرف وشون تفكر...
بس مع هذا مكنت مثلك جنت ادوس ع كلبي وروحي عمود انت ترتاح وتكون سعيد، عمري مرفضتك، بس انت اول معرفت جريت فراشك وهجرتني عمري 26سنة انهجرت من زوجي بدون سابق انذار، الكل يحجون حوالية واني مااعرف شنو بية يرفض.. مو حلوة مو صغيرة مااخلف، مو خوش ادمية، انام واكعد دمعتي ع خدي..

علي؛ شهد.. اطيني فرصة.. فرصة اعوضج.. وانسيج ذيج الايام واذا رايدة طفل نسوي وزينة ارجع اعتبرهة مثل بنتي واربيهة ويا ولدي.. بس رجعيلي..

شهد: صعب.. صعب.. علي.. مااكدر..
علا صوتة وصار عصبي..
علي: شنو الصعب شنو المتكدرين سوينة.. انتي الي شهد.. الي.. شبساع نسيتي هاي ايدي جكد شالتج.. نسيتي حضني.. نسيتي علي.. شسوالج يحيا دتحبينة واحد مكطم لااهل ولا عزوة.. شسوالج وحبيتي ورح تتزوجي..

شهد: ليش انت واهلي شسويتولي انتو انتو اكثر ناس اذيتوني.. هذا المكطم وكف ساتر كدامي عمود لاتلوحني طلقة..
بيوم كسرتني وعرفت ازوجت نازدار.. هو دفعني كالي روحي بيتج جهالج طلعي رجلج..
احتضني..

حضنج.. شوكت بينكم شي نام وياج، اعرف ايام وليالي تباتين بيت اختة لو بحضنة احجي..

شهد؛ شفت.. هذا الفرق بينك وبينة.
الحضن عندك فراش والاحتضان عندة احتواء، هو عمرة مسالني.. تحبين قبلي.. عرفتي غيري.. عمرة متجاوز حدودة وياي واثق مني..
وهو يعرفني كم يوم..
بس انت.. انت.. يلي ربيت ع ايدك واحضانك... بااول كلمة تكتلني كتلة موت..
وسط هالحجي علي حسيتة انهار وكعد بصف سرير قديم لخالتي..
وكعدت دموعة تنزل..
اني ضيعتج.. اني كلة مني دمرت حياتنا وحياة اولادنا..
قبل لااخطبج.. جنت رايح عمرة.. ايام مكانت ايامي بس لرب العالمين جنتي اشبه بسحر يجذبني للحياة..
واني اجر روحي اكول بعدج طفلة بعدج.. بريئة ماالوث برائتج..
انتي بنتي.. رباة ايدي..
واني رايح خفت هواي.. خفت من الشهوة الصارت تسيطر علية كل ماشفتج..
كل ماالمحج فتي حمام.. وطلعتي وشعرج مبلل جنتي انتي الشيطان الي يسحبني للملذات..
لهذا بوقتهة واني راجع جان قيصر واختة يحجون حجي قوي..
واني لان عراقين ثارني الفضول طلبت منهم.. ينصون صوتهم لان بالحرم والبنية جانت تبجي وتكول لااخوها والله يااخوية موقصدي.. والله غصبا عني قشمر علية...
وراها.. اخوها حلف يكتلها وكاللها اذا انتي شريفة ومتريدين انسجن.. ذبي روحج من اعلى الحرم..
شهد: جنت اسمع حجي علي لااول مرة يعترفلي..
علي؛ تخيلي.. واحد بمكان مقدس وجاي هو واختة..
عمود كدام الناس ترجع نازدار البنية الطاهرة المسكينة راحت تزور ربها وتلقاها..
تقدم الاخ كدامها ومنتظر العالم تكلة الحك اختك.. توفت...
جانت منكسرة وتطلب من ربها السماح..
وتشاهدت.. وتريد تكتل روحها.. بااخر لحظة.. حجيت وياها..
وكتلها يااختي قتل النفس حرام.. وانت بااشرف بقعة من الارض..
حراااام.. تسوين بروحج هيج..
اجة اخوها وهددتة أبلغ عنة.. انو ديحرض اختة تقتل نفسها..
حجالي القصة وشون خطيبها اغتصبها وتركها حتة بدون عقد بينهم..
ردت اطهر روحي واعتق هاي البنية من الموت ع ايد اهلها..
اتفقت وياها هذا الزواج موقت..

يعني اني مارايد زواج.. بس عمود استر عليها.. واتفقت ويا اخوها عهالحجي وهو هم شكرني وكالي فضل ماانسى الك سترتني وسترت اختي.. واني مااعرف شون اجازيك..
عقدنا بمكة.. عقد شيخ..
ورجعنا اشهرنا الزواج كدام اهلها وعمامها ورجعت للبيت..
بس.. الزواج الي زوجتة مكدر يمنع طيفج يحوم حوالية طول الليل والنهار كمت اراقب خطواتج وين مارحتي.. تعبت كل جدران الي بنيتهة بسنين مكدرت توكف كدام حبي ورغبتي بيج..
جنتي هم جبير.. ودايما روحي بصراع من ورا هذا الاحساس الحاسة..
جنت ضعيف كلش وخفت لايبين ضعفي كدام احد..

اخذ.. حسرة جبيرة.. وفرك عينة الي الدموع تنزل منها بدون سيطرة..
اني جنت ضعيف كدام طفلة..
انتي نقطة ضعفي.. انتي..
جنت دايما اكول خلص علي اعقل.. اعقل.. مو طفلة صغيرة تهزك..

لحد ما رجعت ذيج الليلة، وجنت مجروح وشفتج جكد مقهورة علية ويمكن متاذاية علية اكثر مني..
لمساتج بذيج الليلة نهتني.. جكد مجان الالم موجع بس لمساتج ع جسمي، مثل جويات جنت اضغط على اسناني واسد حلكي لايعترفلج بحبة وجكد مشتاق..

ولمن جنتي تحاصريني.. جانت رغبتي افرغها بنازدار..
عمود لااضعف..
بس لمن شفتج رح تنخطبين ماكدرت مااتحملت وردتي تصير لغيري رغم معرفتي بسالفة خالد.. جنت اعاند نفسي..
واكول لا مااحبهة مستحيل.. شنو هالزعطوطة.. واحبهة..
بس حبيتج..
حبيتج هوااااي، يمكن اكثر ماحبيت سهى...
اني جنت اخاف عليج من الهوا..
احبج.. والله احبج..
ونازدار ضحكت علية وكالت حامل...
استشاريت رافت اخوج..
وكالي طلكها بس تجيب..

شهد: ولادتها طولت لحد ماجبت ولدين اثنين، ومجابت.. شهالحجة..
علي: مجنت افهم رفضج الي.. جنت خايف بعدج تحبين خالد..
وجنت اروح لنازدار وكلها رغبة بية عكسج جنت احس كل مااتقربتلج كارهتني غصب نايمة ويايا...
شهد: عمرك سالت روحك ليش اني هيج..
فكرت تسالني.. يمكن عندي مشكلة..
لا.. انت جنت تفكر بكرامتك الي اهينهة واني اتعذب وياك..

شهد:واشجان.. اشجان من نمت وياها.. هم لان استفزيتك..
علي؛ جنت كل مااروح لنازدار ادوخ.. ادوخ والكى روحي نايم وياها..
ومااعرف ليش بس بيوم الي اشجان سجلتلي..
كالتلي انت جنت جاي سكران ويحيا نزلك من السيارة.. كل الوان الدنيا جنت اشوفها..
وبنص الليل ماحسيت الاصوت اشجان يمي..
واني...
ومااذكر شي..
شهد: يعني.. مو اشجان الي حطتلك الحبة..
ولا يحيا... انت جنت جاي مكبسل ومحضر..
علي؛ لاتساليني..
اني هذا الي جنت اعتقدة..
بس لمن صارت حادثة همام وطلبو دم للتبرع.. عرفت روحي اكو مادة مخدرة بجسمي ودا اخذهة من زمان..

عرفت نازدار المعنية..
لان بيوم رحتلهة وقدمتلي عصير..
كلتلهة شربي مقبلت وعرفت هي ورا كل هذا.. وليلتها تعاركت ويا اخوها..
ونمت بالسجن..

شهد؛ ليش دتكلي هذا الحجي هسة..
علي؛ من حقج تعرفين..
من حقي اعرف شغلة صارلها 17سنة من قبل ماينولد همام وتكلي من حقي اعرف..
ليش مكلتلي.. ليش مشركتني حياتك
ليش.. خايف لايكبر راسي واكشفك..
ليش ياعلي.. مو جنت يمك وبين ايديك ليش مكلتلي.. طول هاي السنين مجيت كلت خطية من حقها تعرف، بس انت شون تنزل من مستواك وتكول غلطان..
تنكلب الارض..
صدكني هالحجي مرح يفيدك...
اني انطيت ليحيا كلمة ومااكدر اتراجع عنها..
علي؛ وحبنا..
حبنا نهيتة باايدك.. ياعلي.
جنت اتمنى ماتكون زوجي كنت فارس احلامي. وصفيت اسوا كوابيسي...
انصحك ترجع مرتك وحاول تعوض ابنك الجديد.. اعتني بي ربي سوي الماكدرت تسوي وياي ويا جهالي..
توني دافتح الباب... فاتت زمن...
شهد.. بيج شي.. باوعت ع علي وطلعنا
زمن: ضايقج بشي..
شهد: لااا..
لغد شبيج...
ماابية..
جنت بعدني زعلانة ع زمن..
جرتني من ايدي.. وتوسلت بية..
شهد.. مو كافي.. كافي الخسرنا اني مفتقدتج بحياتي..
شهد؛ بداعتي سامحيني..
هاي صار سنتين.. مو كافي....

شهد: هذا هو زمن.. تعاي نرجع للحفلة..
هسة يستفقدونا.. بذيج الليلة صالحت الناس كلها علي، سامحتة اتمنيت يكون مرتاح اعرف داخلي عمري مرح اكرهة لان كان بفترة من الفترات احن واكثر امانا من اهلي نفسهم..
سامحت علياءوتمنيت بعودتها لحسين حياة جديدة مليئة بالسعادة..
سامحت زمن بس عمري مرح اكدر اثق بيها، لان كانت سبب بخراب حياتي وتعاستي، كملت تنظيف البيت والمواعين وطلبت من محمد ينتظرني عمود ارجع ويا للبيت وكانت بداية لشخص ممكن المجتمع ينبذة وهذا خطأ كل بني ادم خطائين وخير الخطائين التوابين) فااذا كان رب العباد يغفر فشو احنا البشر ليش منسامح وهذا ابن اخوية..
غلقت تلفوني وردت اعدي هاليومين بدون ضغوط اريد اعرف صدك اني رايدتة ليحيا لو قلبي بعدة متعلق بعلي.. لان ساعة ماشفتة يبجي تمنيت الزمن يرجع وتمنيت يرجع بحضني يمكن لو مو منطية ليحيى كلمة جان تراجعت..

بس يحيى مو بس وهبني حياة مريحة وكلمات حب محتاجة اسمعها يحيى انطاني ثقة وحرية اعيش الحياة الي اريدهة..
كملت شغلي وسديت اضوية البيت وقفلتة.. ويمكن قفلت شكو ذكرى بي...

ظليت الليل كلة اتكلب.. مكدرت انام واني افكر بحجي علي..
احس حركة بصدري حاسة روحي مدا اعرف اخذ قرار..
ثاني يوم محمد وصلني للمطار مال نجف ومناك لااربيل لكيت يحيا ينتظرني قبل ساعة.. نفس ابتسامتة وبشاشتة مسالني ليش قفلت تلفوني ولا شجنت اسوي بس حسيت بحرارة الاشتياق رغم بعد المسافة..
يحيى: توها نورت اربيل..
شهد: نورك اكيد..
يحيي؛ تعبانة لو بيج حيل..
ليش شمحضرلي..
يحيي؛ بيج حيل.. يعني.. تعالي...
يحيي وين ماخذني..
هسة تعرفين..
شهد: جان يحيي فرحان بس اني جانت فرحتي ممزوجة بحزن وخوف، خايفة من التجربة الجديدة، بس يحيى يحبني وهذا المهم..
يحيى؛ يلا تفضلي..
شهد: وين.. فتحلي الباب.. واجينا نفس الكازينو الي احتفلت بي بعيد ميلادي..
جان طول الطريق يدز مسجات ويخابر..
وبالاخير اول مدخلنا جان اولادي كاعدين والهام واولادها..
صح عمار جان ضايج شوي، بس حضني وهناني بعيد ميلادي كعادتة يحيي يحب المفاجات، ومثل ماوعدني كل عيد ميلاد الي، نحتفل بي بهذا المكان..
واخرها طلب من همام وعمار الموافقة يخطبني.. بااعتبارهم هم اولياء امري..
جنت عايشة الحب بكل تفاصيلة والاجمل من هذا اولادي حوالية وفرحانين الي همام نظراتة نحو بنت الهام مبينة وعمار وعينة ع زينة..
يحيى؛ كل عام وانتي بخير حبيبي، ان شاءالله السنة الجاية نسوي عيد زواجنا هنا..
شهد؛ شكرا.. يحيي.. شكرا ع كل شي..
انت اشعلت شموع حياتي من جديد ولك قلبي ونبضاتة كما تريد... احبك لان انت الي تحسسني بالامان والثقة والحرية وياك بس انسى شنو هموم وماافكر بس بالسعادة وشون اعيشهة..

يحيي: شهد. هاي شنو.. هاي دموع..
لاتهتم.. هاي دموع الفرح اني فرحانة بيك وفرحانة بحبنا.. وعائلتنا الجديدة..
رجعت اني والجهال ويحيى لحكنا بكربلاء تمت الخطبة يحيي جاب عمامة اول مرة اعرف عندة عمام ناس بسطاء بعد احداث الموصل نزحو لبغداد..
وعمي شرط يكون عقد سيد..
تخيلت يحيى رح يعارض بس كعادتة ياخذ الامور بفكاهية... يحيى؛ يمعودين جيبونة سيد راهب المهم نتزوج ونخلص..
شوي ودخل السيد.. صاحوني.. تعرفون شنو افتقدت بكل هاي اللمة افتقدت علي، افتقدتة واني اكتب اول تفصيلة بحياتي وهو مو جزء منها... ولكيت دموعي تنزل..
زمن؛ شهد.. شهد.. السيد يحجي وياج..
السيد؛ هل تقبلين بيحيي عماد زوجا لك..

شهد: هاي ثاني مرة اوكف هاي الوكفة ومااعرف شااكول.. اقبل او لا..
للقصة بقية...
🌸🌸🌸🌸🌸🌸🌸🌸
هواي بنات كالولي الاحداث الاخيرة مو واقعية ماكو هيج بمجتمعنا اني اعرف ماموجودة او قليلة التواجد، لازم المطلقين بينهم حرب وتبادل للاتهامات..
وظلم بس حبيت يكون بقصتي فسحة للنفاهم يمكن ادطلاق ينهي حياة اثنين مزوجين بس هذا مو معناه ينبذون بعض وتبدي الحرب مال نفقة والحضانة اذا اكو اولاد واذا عن شعور البطلة فااحب اكللكم شهد فتحت عينهة ع علي يعني علي ايام مجان خاطب جان يشيلهة ويودية لبيت خطيبتة هو يحبهة ويقريهة كان بالنسبة الها اب وام ومدرس واخ وصديق.. صعب بين يوم وليلة تصفين بدون كل هذا اترككم مع جزء القصة واسفة للتاخير