رواية عندما يكون العشق صوفيا الفصل الثاني والعشرون 22 - بقلم ruqaya H algurtani

احذر أن يذْهب بك العُمر دون أن تَعرف من هُـو بداخل روحِك, من لا يفارقُـك دائماً.
جلال الدين الرومي

رغم كل الي سويتة بالليل مامقتنعة بي مشاعري مخربطة صح صعب واحد يصدك متزوجة وعندي اولاد اثنين وزوجي جكد مااحط بالي شغلات اريد احجيهم الة.
لكن اول مايبتسم بوجهي وياخذني بااحضانة احس اني اسعد وحدة حاسة بالامان..
بس يبعد عني احس مشاعري تتبدد صعب تعيش هذا التناقض بداخلك صعب، تختلف ع مشاعر هو كلبك نفسة ديشعره،  يمكن مشاعري تشوهت من الصار واني صغيرة لان اخوية المفروض اكون بكنفة حاسة بالامان والطمانينة هو اكثر شخص شوه كل الصور بحياتي.. حتى ويا زوجي..
ومدا اكدر اعيش واستمر بهالنظرة المزيفة اريدها تكون واقع اريد واني جالسة بين اولادي حاسة ناقصني هو..
لكن ماحسيت..
علي: هااا.. شهد.. وين رحتي..
شهد؛ مارحت المكان.. دا افكر بينا احنا..
علي: شبينة ليش..
شهد:حاسة روحي نار.. وانت مي طفيني..
علي: دير بالكم جهال لاتتقربون لماما ادفو من بعيد لبعيد...
ههههه..
رغم اولادي بعدهم صغار بس علي دايما يحجي وياهم ويلعبهم..

بقى خوفي علي مثل ماهو من يروح لحد مايرجع..
اشجان سافرت بدون ماتنطي لااحد اي خبر ارتاحيت منها بس مااتخيلت حجي خوفهة..
ومن رجعت بيت اهلي.. ادور عالاوراق الي امنلياهم خالد ملكيتهم ودخلنا بلغوة جديدة.. لاامي ولا رافت يعرف وبقت علا.. معقولة.. هي..
بس نكرت بس حسيتهة جذابة..
ارتباكها وخوفها..
كلهم يثبتون انو هي اخذتهم بيوم الي اجة علي هي شافتني من حطيتهم بس شنو مصلحتها ردت اكول لعلي بس ماصدكت صافينا.. لهذا سكتت..
بس من باب الفضول سالت حسين..
وهو كال لو موجودة الاوراق.. جان كدرنا نحبس اشجان ورافت ممكن ياخذ حكم خفيف او مينحكم من الأساس لان تحت تاثير المسكرات..
وكله حجي مااهتميت اله لان الخطر بعيد عني خ تروح هي وشرهة ورب العالمين يتولاها...
واني وعلا علاقتنة خربت.. بعد ما خالد سجل البيت بااسمي وطلعت هواي حجي بس رافت هددهة تطلك اذا حجت وسكتت..
مرت الايام واني بيني وبين الاولاد وعلي وبيتي خلصت اجازة الامومة.. ورجعت باشرت اولادي يبقون يم جديتهم ام علي..
مرتضى سافر هو وزوجتة ومنتظرين نونو بالطريق، زمن حالها مو افضل من حالي بنتها نور دايما مريضة. وحامل..
واسوا شي بالموضوع ان قصي من انضرب طلقة مكدرو يطلعوها خوفا ان يفقد حياته لحد ماتتليف بمكان ويستاصلو لهدا جانو دائما رايحين جاين لتركيا.. ونور تبقى يم عمتها زوجةاخو زمن بالرضاعة لان عندي ولد اثنين ودوام ماالحك..
وعلاقتي بيهة قلت بسبب هالهوسة كلها..
يوم عن يوم علي يحبني اكثر من قبلة مرات احس يعاملني معاملة عمار وهمام..
ردة فعلي وياه ماانتهت بس قلت واغلب الاوقات هو يقدر انو عندي اطفال متعبيني..
ويمشي الحال..
رغم مزاجة الي يختلف بس عشرة اربع سنوات علمتني شون اتعامل ويا مزاجة وتقلباتة..
دايما ارمي نفسي بااحضانة حتى لو عصبي ونار..
يمكن يحسني طفلة خايفة من العقاب.. ويجر ايدي بيعدهة ويسكت وارجع احضنة واكلةاني احبك.. كافي لاتزعل..
وتروح العصبية وتتحول إلى ابتسامة عريضة وتبين شفافة مابين شاربة الي اعشقة...
وينطيني اوامر..
نومي الجهال..
حضري الحمام..
تعاي فركيلي..
والي بعده الكل يعرفة..
كنت حاسة ان الرجل تركيبة صعبة موذية صعب ترويضها.. بس اكتشفت... انو المرة وحدها هي تعرف نقاط ضعف زوجها وتعرف شون سيطر عليهم اضافة لحبة الي..
مرت سنة ثانية..
وكل شي ماشي تمام.. اتوفت زوجة ابوية بتفجير ارهابي..
لهذا ابوية دخل مرحلة كاابة جبيرة.. وامي.. كانو بدور الشمتان الي تكولة..
طبعا تخيلت هذا الحجي اني...

لمتني ع حزني ع اولادي وانسحبت..
ودورت وحدة ثانية تضحك وتتونس وياها..
بالاخير لمن ماتت.. ضقت العذاب الي ضقتة..
مستحيل اكو اعز من الضنا..
وشوف انت مرة اثرت بيك..
هسة رافت عندة علي عمرة 14سنة و وردة عمرها 12سنة..
وكحين وميحترمون احد.. او يمكن امهم هي الي خلتهم بهالشكل..
واولادي همام 6وعمار 4 سنة..
مااعرف شون مرت هالمرحلة..
وابوية صحتة بالنازل إلى ان بيوم..
جاني ابوية للبيت.. ممسويهة قبل..
جان مسوك.. ومشتري العاب للجهال
شهد؛ همام حبيبي شوف منو بالباب خاف بيبي..
همام؛ هلو جدو شونك..
هاا.. منو همومي.. بالباب..
همام:ماما هذا جدووو...
شهد: ابوية.. عجب جاي..
هلو.. بابا شونك.. شون صحتك..
ابو رافت: زين الحمدلله بنيتي..
جيت اسال عنج وعن احوالج واشوف اولادج..
شهد: برغم ابوية ممسويهة قبل..
بس فرحت بجيتة..
بقى كم يوم.. يمنا والصبح يكعد ويا عمو ابوعلي..
وعرفت ابوية قرر يرجع للموصل رغم الضرووف مو تمام.. بس هو جان مصر يروووح..
وصلة علي للكراج..
ابو رافت: يلا تعالو حبايبي.. دير بالكم ع ماما لاتضوجوهة هاي العزيزة..
شهد: مااعرف ليش حسيت الم بصدري..
اول مرة احس ابوية قريب مني وماودي يتركني..
ابو رأفت؛ تعاي بابا تعاي... خل اودعج واروح اتاخرت..
شهد: باابا ليش متبقة يمنا شوف شون ارتاحيت ويا الجهال ويا عمي..
لا.. بابا لا عندي شغل  لازم اكملة..
عرفت ابوية مراد يترك حبيبتة وحدهة..
زوجة ابوية اندفنت بالموصل لهذا وصى علي اذا مات يندفن بصفهة..
علي؛ هااا.. عمي نروووح..
اي.. يابة رايحين..
مع السلامه.. مودعين وليداتي..

علي، مااوصيك ع شهد.. اني ماجنت الهة اب صير انت  ابوهة، انقهرت واني عايش هواي، لاتقهرهة..

علي :عمي بسلامتك شهالحجي..
ابو رافت: متعرف الواحد شوكت تجي ساعتة..
الله وياك عمي..

شهد: مر اسبوع واني كلبي يوجعني ع ابوية..
وكلت لعلي هالحجي وكلي الي وصى علي ابوية...
علي، هذا هو ابوية بي شي وصار الصار بي اني ممرتاحة..
علي :شهد شبيج.. يابة عمي تعبان ورا ماتوفت زوجتة فجاة خاف عليج شبيج...
وعلمود تطمنين هسة نخابر نسابتة ونتاكد...
شهد:علواه علي.. علواه..

علي؛ خابرت عليهم وكان الرد موصل.. لان هم جانو ينتظرون وعبالهم ميجي..
علي؛ زين.. زين.. شكرا..
شهد: هااا، علي.. شكلولك..
شبيج شهد كلولي ابوج عندة شغلة تحويل بتكريت يكملهة ويجي..
شهد: علي.. انت تكول الحقيقة..
علي: شهد شبيج..
باجر انزل اجيبة واجي..
شهد: الدورة انتي تريد تروح انت..

علي؛ مو تردين تطمنين..
اني اطمنج..
ورا اسبوع من البحث عن ابوية لكينا بالطب العدلي..
متوفي بالطريق بسكتة قلبية..

مجنت مصدووومة حيل.. ولا منقهرة.. رغم شفت امي ملخت روحها هي وعلا من عرفو بخبر وفاة ابوية..
اني جنت مقهورة لان مااعشت وشفت حنان الاب..
جنت اركز ع اولادي اخاف اعوز عليهم..

و

لانقصهم..
وعلي.. هم يحاول يخفف عني..
وبالسبعة مال والدي... اجة فؤاد وكايد باايدة اشجان ووياهم طفلة صغيرة اسمها زينة...
كل الموجودين تفاجئوبهاي الدخلة.. واشجان مناسبة شنو جاية..
ورا مخلصت الهوسة كلي اشجان مرتي وهاي زينة. بنتي..
ردت احجي.. بس اكو شي واكف بلساني.. مدا اكدر احجي..
قررت احجي ويا فؤاد على انفراد..
واكلة حقيقة اشجان وتهديدها الي تبلغ انو فؤاد هو الي جان الة ايد بكتلة خالد..
رجعت سالت علا.. عالاوراق لان تفيد بالتحقيق...

رجعت نكرت.. وراها اكتشفت اشجان قشمرت علا عمود تجيب الاوراق الي كل شي مافتهمت منها.. بس سلمتها الاشجان ضنا منها اشجان رح تنطيه حصة من حصة خالد..
بهالحالة اشجان ليش سافرت.. وعلي ليش انكلبت الوانة بس شاف اشجان..
وجان عصبي طول الوقت وتلفونة يدك بدون موعد..
اني حلفت مااشك ولااظن بعلي..
لهذا سالتة...
علي.. شبيك ليش ضايج...
شهد، يعني هاي اشجان كابوس ميخلص..
علي، شغيرك ع اشجان موجنت تتعارك ويايا عمودهة..
علي: شهد.. انتي ماتعرفين كل شي..
شهد: فهمني.. علي.. خليني افتهم..
ليش نعيش الشك مرة ثانية...

علي: بس لو الزم عليها لزمة.. الا اطيح حظهة..
شهد:اكلك وتوعدني ماتعصب...
علي : بهاي الحالة مااوعدج بس احجي..
شهد: علي.. خالد الله يرحمة..
لا تتااافف.. كتلك...
كولي.. يلا شبي....
شهد؛ الله يرحمة علي..
قبل لايسافر انطاني اوراق..
علي: يااوراق..
شهد: مااعرف.. علي ذاك الوقت.. من جيت للبيت ووو.. نقلوني دااجيب..
ومم رجعت اخذتهم بيت اهلي..
فتحتهم..
جانن لستات عبالك مال مكالمات  ارقام..
وصولات امانة..
وجان اكو رسالة من خالد..
علي؛ من صخمان مو.. ومكتيلي.. يعني شااسوي اني..
علللللي.. خالد جان كالبة حاس رح يموت..
لذا طلب السماح مني ومنك.. وجنت ناوية اشوفلكياهة..
بس اختفت..
علي: شون اختفت..
مااعرف علي.. بس اني شاكة بعلا.. مطيتهم..
علي: ليش هي غبية تنطي الادلة لوحدة يمكن الها ايد بكتلة خالد..
شهد: ممكن اشجان ورا حادثة السيارة..
علي؛ مو بعيدة عليها.. لج هاي بلوة...
شهد: فؤاد.. رح يروح بالرجلين مو...
علي :مااعرف شهد الله اليستر.. بس الكي.. دليل.. الا اضيعهة..
شهد: علي.. دخيلك.. لاتصير عصبي..
علي: مو باايدي هاي الجلبة..
شهد: شبيهة..
علي: انسي..
شهد:  مازال ناقوص الخطر يدك بابي...
ولحظتها حسيته ديدك عمود يحذرني من كارثة..
طبعا قبل 3سنين حسين ابن عمي قنعني اقدم قانون وهاي اخر سنة الي..
ظل البيت كلة مشحون ومشاكل وفؤاد يطالب بحقة بالورث علي يطلب منة ينتظر..
بلشت امتحانات.. وكان ضغط مو طبيعي..
وسط هاي الهوسة حاولت اركز..
وانجح..
واني راجعة للبيت شفت كومة ناس واكفين بالباب فتت للبيت لكيتة كلة دم وهمام بحضن علي وهو يبجي علي...
للقصة بقية..
🌸🌸🌸🌸🌸🌸🌸
لاتنسون تصوتون عالبارت فضلا وليس امرا