رواية عندما يكون العشق صوفيا الفصل الحادي والثلاثون 31 - بقلم ruqaya H algurtani

لا يهدأ قلب العاشق قط ما لم يبادله المحبوب الوله وحين يشع نور الحب في القلب فذاك يعني أن هناك إحساساً بالحب في القلب الآخر.
ج

لال الدين الرومي

صعبة تاخذ قرار بلحظة استعجال وتهور سنة2014جانت سنة القرارات السريعة..
جنت متعلقة بعلي تعلق مرضي مرات جنت اخاف.. لا يروح شون اكدر بليا حتى من قررت اتركة مكدرت صعب تقتلع نبتة من جذورها وعلي جان جذوري هو الوحيد الي احس بالامان ويا..
هو الي عيشني ايام مااانساها الا.. هو مشاني عالمسار الصحيح.. هو فتح فكري خلاني اقرا واجتهد.. هو صنع شخصية شهد.. بس بعد ماصعدني سابع سما.. نزلني سابع كاع وكل مااريد اصحة يضربني ضربة لخ تكسرني.. لحد ماوصلت مرحلة خلص وصلت لااولادي ومعاد بينا حب.. لازم هاي العلاقة تنتهي لانها مو مسالة انتماء هاي مسالة حياة..
واذا بقيت رح اخسر حياتي. اخسر بنتي.. الي ديحملوها وزر مو وزرهة..

زينة مهما تكون.. هاي بنتي اني ربيتها وكبرتها.. وانطيتها من عمري.. ومااريد احد يطخها بكلمة...

لهذا قررت قرار رح يغير حياة الكل..
بلحظة جتي بالي فكرة صار سنة من طلكنا اني وعلي..
وطول هاي المدة اني ويحيا جنا ع تواصل ونحجي سوا..
دائما اشكيلة وضع همام.. وهو يسالي جماعتة بالاردن..
بعد طلاقي بعلي اغلب الناس الي كانو حوالية ابتعدو عني لاموني هواي..
بعد هالعمر، تطلكين.. ولدج بطولج..
الحجي هو.. هو ان كنتي كبيرة او صغيرة.. راح يحجون عليج..

بعد ماشفت زينة تريد تطلع خلص قررت اطلع من هالجو كلة... وقررت اخطو خطوة مااعرف ردود الفعل شون رح تكون.. ش

شهد؛ مساء الخير..
يحيا؛ مساء النور..
شونج وشون صحتج.. اخبار الشغل والجهال..
يحيا، اني كلش تعبت.. تعبت من هالهوسة الحوالية..
الكل يدخل.. يفرض.. يعني صدك مرات ابتعاد زمن وحجي امي من الصبح علية كلة عمود يخلوني كدام الامر الواقع.. وارضى ارجع..
يحيا: هو علي عرض عليج ترجعين..

شهد: تصدك.. بنص هالهوسة اكللهم صاحب الشأن مو هامة..
تعرف يمكن بالنادر اشوفة.. ومفاتح هذا الموضوع وياهم..
يحيا: احتمال هو ديخليهم وسيط.. مو بشكل مباشر..
تعرف يحيا من ساعة ماانفصلنا ماشفتة الا بالنوادر.. واكثر شي ويا عمار.. همام اسمع خالتي تكول والله ع طول يسال بس همام ماخذ موقف منة..

يحيى: كلمن عندة ضرووفة، انتي ماثر عليج،
شهد؛ لا مماثر يعني..
يحيى؛ هاي اليعني بيها معاني كثيرة..
شهد؛ ههههههه،  هاي 14سنة زواج..
يحيى؛ عشرة صدك.. الله يديم الضحكة عليج..

شهد؛ يحيى.. حتى واني اضحك.. احس غصة بصدري ع همام..
يحيى: راح تبجين حسدتج..

شهد: لا.. ماابجي..

يحيى؛ احسن كافي تبجين اضوج اني..
شهد؛ يحيي.. اني دايما اضوجك بمشاكلي.. ولامرة سالتك شونك.. شون احوالك..

يحيى: اني زين حمدالله ماعندي شي.. لادادة ولابابا.. ورا مااتوفو ابوية وامي مبقو بس خواتي.. وكل ماانزل اشوف الهام.. وايمان زوجها ميقبل ترجع بغداد..
باقين عالرسائل..
والشغل ا هنا تمام..

شهد؛ هي الشركة تشتغل بيها شركة مال برمجيات.. ننضبط كامرات لبيوت كبار هناك..
الحمدلله..
زينة شونهة.. شون دراستها..
شهد؛ التهيت بالسوالف ونسيت اكلك شغلة..
نويت انتقل بغداد..
يحيى؛ الناس هي تطفر من بغداد.. وانت تريدين تعيشين بيهة..
يحيا، لاتخرب واهسي اني قررت اخذ  بيت بغداد اكو قاضي ويانا.. يكلي بغداد بيهة شغل احسن من هنا.. توصية منا الكالي شغل..
وبيني وبينك اريد اقدم ع معهد قضاة..
يحيى؛ لا كمنا نفكر لبعيد..
الي بي صالح الج ولااولادج سوي واهم شي لاتثيرين مشاكل حولج..
من تحجين وياهم لاتكولين عمودي وعمود زينة..
كولي عمود همام والطريق والطبيب هناك اقرب..

شهد؛ هو هذا اكبر همومي..
ميخالف لاتذكرين لادراستج ولازينة..

اااخ، لويقبل فؤاد.. جان اخذت زينة اني..

شهد؛ شدتحجي يحيي.. اني ماكدر بلا بنتي.. ليش متفهمون..

يحيي؛ فاهمج والله.. بس مو ناقصة مشاكل..

اطمن.. محد الة علاقة بية..
اكلج جنج تاخرتي..

هاي شنو.. اسفة اخرتك.. اخذتني السوالف..
شو.. زعلتي عمودج اني احجي باجر شيكعدج..

ان شاء الله اكعد.. يو ساعة 2..اني رايحة..
يحيي: شهد...
هاااا..
ادك عليج الصبح..
ليش...
هههه، اقصد محتاج شي..
لا عمود اصحيج..
واودعج..
ليش..
مرح اكدر احجي وياج.. لحد منتشاوف اسبوع الجاي..
شهد؛ صدك.. وين رح تروح.. العفو اقصد شنو مشغول..
يحيي؛ رح روح مكان مابي تغطية.. لهذا دا اكلج..
شهد؛ الله يسهلك يحيي..
تصبح ع خير..
وانتي من اهلة...

صار هذا منوالي.. كل يوم.. لازم احجي نهاري كلة ليحيا وهو يسمعني.. استشيرة ودايما نصايحة مكانها...

شمرت تلفوني ورحت اطمن ع اولادي..

دايما.. زينة ضواها مفتوح وكتابها باايدها ونايمة.. تذكرني بروحي..
دايما امسح ع راسها.. واتمني اكون ممقصرة وياها.. ابوسها . وتبوس ايدي وتبتسملي..
اروح غرفة الولد.. همام تلفوونة فاتح يوتيوب ونايم وتلفونة مشتغل.. شامر غطاه..

اما عمار فنايم بملابسة وبقية الملابس مشمرة بكل مكان دايما اكو نظرة حزينة بعيونة اتمنى مااكون بتربيتي لااولادي مقصرة..

اسد الاضوية.. واحس بعد اكو داخلي.. بعد نشاط البس نظارتي بعد كبرت واكعد اقرا علي بعد ماحصل شغلة شمر كل كتب الي جان يقراهم.. واني اخذتهم..

دايما اكلب وبالاخير احب اقرا كتابي المفضل...
قواعد العشق الأربعون..
افتح اول صفحة تجي باايدي واقرا:

يوجد معلمون وأساتذة مزيفون في هذا العالم أكثر عددا من النجوم في الكون المرئي. فلا تخلط بين الأشخاص الأنانيين الذين يعملون بدافع السلطة وبين المعلمين الحقيقيين. فالمعلم الروحي الصادق لا يوجه انتباهك إليه ولا يتوقع طاعة مطلقة أو إعجابا تاما منك، بل يساعدك على أن تقدر نفسك الداخلية وتحترمها. إن المعلمين الحقيقيين شفافون كالبلور، يعبر نور الله من خلالهم. لا تحاول ان تقاوم التغييرات التي تعترض سبيلك، بل دع الحياة تعيش فيك. ولا تقلق إذا قلبت حياتك رأسا على عقب. فكيف يمكنك أن تعرف ان الجانب الذي اعتدت عليه أفضل من الجانب الذي سيأتي؟
بمنتصف القراءة دك تلفوني.. رسالة..
كمت جبت تلفوني..
جانت رسالة من يحيى...

هااا.. شكلج بعدج كاعدة...
رجعتلة مسج...
يوووو... بسابع نومة...
وكعدني صوت المسج مالك...

دزلي مسج..
اني اسف.. تخيلتج كاعدة كلت.. ادزلج نكتة...
ضحكت عالمسج.. رجعت خابرتة..

هاا.. مو هسة طردتني وتكول وكت متاخر..
يحيى: شمكعدج متنامين..
اعرف لازمة كتاب وتقرين..

شهد: ههههه... صحيح جنت اقرا..
مو كافي عليج القضايا والمرافعات..

شهد؛ الي دا اقرا يختلف...
يحيى: شدتقرين بلة..
مااكلك..
لا كولي...
كتاب اسمة قواعد العشق الاربعين..
يحيى؛ سالمين شهد دتدورين قواعد عمود تحبين كوليلي واني اعلمج.. ليش تدورين كتب ودوخين روحج..
شهد؛ هذا كتاب مو حب وماحب.. هذا يعلمك دستور بالحياة تمشي علي.. اقرالك وحدة من القواعد..
يحيى؛ يلة اطربيني...

شهد : شنو دا اغني...
هههه.. يلة ماشي اقري...
اسمع ياسيدي...

الوحدة والخلوة شيئان مختلفان، فعندما تكون وحيدا، من السهل أن تخدع نفسك ويخيل إليك أنك تسير على الطريق القويم. أما الخلوة فهي أفضل لنا، لأنها تعني أن تكون وحدك من دون أن تشعر بأنك وحيد. لكن في نهاية الأمر، من الأفضل لك أن تبحث عن شخص، شخص يكون بمثابة مرآة لك ، تذكر أنك لا تستطيع أن ترى نفسك حقا، إلا في قلب شخص آخر، وبوجود الله في داخلك. السعي وراء الحب يغيرنا، فما من أحد يسعى وراء الحب إلا وينضج أثناء رحلته، فما أن تبدأ رحلة البحث عن الحب، حتى تبدأ تتغير من الداخل والخارج.

حلو الكلام.. شو هذا خابط الحب بالدين مليوصة عندة...
رجاءا.. لاتحجي عن جلال..
ياهو هذا جلال طلع هسة مااعرفة..
هذا مولانا جلال الدين الرومي..
يحيى: بس لاتكوليلي هذا العالم الصوفي..

اي هو...
اهووووو... مجنت اعرفج..
اسالك سوال يحيى..
اسالي..
انت ماتصلي..
اصلي...
لا.. طبعا..
صدك تحجي بحياتك ممصلي..
لا شون جنت اصلي بالاعياد والمناسبات..
وبرمضان واعتزلت..
شهد؛ لا يحيى.. شاب بصحتك وعافيتك وميصلي...
يحيى؛ حجية فتنة ساعة 3دنتخابر تحجيلي محاضرة دينية..
شهد: اسفة ع تدخلي.. بس الانسان يغذي روحة بتواصلة ويا رب العالمين..
اني رح اكوم اصلي..
ياريت انت هم تصلي..
باااااي....

ع لحظة انتبهت لروحي اني حيل اندفعت ويا يحيى لدرجة نبهني.. انو تاخر الوقت ودا احجي ويا..
كمت توضيت وصليت..
كملت صلاة.. جتي صورة مكتوب عليهة صليت ركعتين عمود لازعلين...
استغفر الله منك روح نام عالاقل تنام وانت عالملة.. بااااي..

نمت.. وكعدت ع صوت التلفون وزينة تكعدني..
ماما.. ماما.. اني تاخرت رح اروح..
هذا عمو يحيى يدك عليج..
فزيت... يوو.. تاخرت..
زينة؛ ماما.. نامي اذا معندج شي سويت ريوك الي ولااخواني رح نطلع..
همام: هااا.. يوووم رايح..
الله وياك حبيبي..
عمار: يووووم.. اني رايح..
وضحك..
شهد؛ درب السلامة حبيبي.. ربي يحفظكم.. ويخليكم..
عمار: متكدرين ع روحج مفرقجية..
شهد؛ اويلي من لسانك انت.. ولك..

طلعو الجهال..
يحيى؛ دزلي مسج اني طالع اشوفج الاربعاء بااربيل..
رجعت خابرتة مغلق..

كلت اكمل شغلي واكول للجهال.. روح سفرة..
اول مرجعو كتلهم ع سفرتنة..
الكل كيف لان صادفت ويا
عطلة ربيعية..
جنت انتظر يوم الروحة ع احر من الجمر وماعرف ليش هاللهفة..
وقبل يوم من السفر اجة علي، وسم بدني وب
دن اولادة ومقبل يروحون والنتيجة رحنا اني وزينة بس ووهمام و عمار راحو ويا ابوهم لاايران...

وصلنا مطار اربيل ومناك اخذنا تكسي لبيت الهام.. جانت متحضرة خطية واولادها ماشاء الله كبرانين.. شباب صايرين زينة لكتلهة رفقة..
الهام حايرة بالغدا وهوستة..
واني بالي شغلتين الاولى همام ووضعة والثانية يحيى..
الهام: يلة نكوم نتغدا..
شهد؛ مرح ننتظر يحيي..
اقصد مرح يجي عالغدا...
يحيى راح يم صديقة..
شهد: صدك.. ليش..
الهام؛ هو يكول هيج احسن انتو بنات وحدكم، وسرمد باجر الصبح يطلع تركيا..
نبقى بس احنا البنات.. هذا تخطيط يحيى. عمود زينة..
متعرفين جكد يحبهة ودائما يكلي خابري اطمني عليها.. يعني ميريد يضايقج كل شوي شوف بيهة احراج..
شهد؛ لا شنو احراج.. يمعودة عادي..
مو كتلة..
شهد: عرفت اني مندفعه عالولد وهو كل همة زينة..
ضجت شوي ويعدين فكيت متسوة اصلا.. كملنا غدة وارتاحينا شوي العصر كعدت جان يحيى موجود وكاعد ويا زينة.. حسيت بحركة جبيرة بصدري وكلبي يدك بسرعة.. هاي شبية اني مراهقة.. رجعت غسلت وجهي وصليت العصر.. عدلت وجهي.. فد شي خفيف.. ولبست حجابي وشديت حيلي عمود ابين قوية وواثقة..
فتتت. وابتسمت..
مرحبا يحيى.. حمدالله ع سلامتك..
شوكت جيت..
اول مامديت ايدي ترجف وباردة عكس ايديه كلش دافية..
كل جسمي ارتعش منها.. رفع عينة بعيني ابتسمت.. ومثلت القوة.. واني قطعة جليد ذبت.. خلاص..
يحيى: شون سفرتكم وليش الولد مااجوي وياكم..
زينة؛ عمو علي مقبل..

يلة همزين جيتو انتو محجة وسوالكم مشاكل..

شهد؛ لا ماكو مشاكل ان شاء الله...
وهمام جان بالة يروح لاايران وعمار ع واهسة..

يحيى؛ خير ان شاءالله.. يلة اترخص الكعدة حلوة وياكم..
الهام: وين يمعود بعدك كاعد خ نشوفك..
يحيى؛ دنيا مغرب الحك عالصلاة..
لا لا.. منو هذا الي يصلي تالي وكت...
يحيى؛ لج عيب عليج.. تفشليني كدام الجهال وشهد..
شهد؛ اكو فرحة داخلي متنوصف.. معقولة هو سمع كلامي وكام يصلي..
الحمدلله اكو تاثير..
يحيى: شهد.. ممكن كلمة..
شهد: اي طبعا...
مشينا بااتجاه الحديقة..
هااا.. خير يحيى..
يحيى؛ شهد.. اني اريد اشتري تلفون لزينة.. بس كلت اخذ رايج اول...

لا.. يحيى.. وينها وين التلفون بعدها مراهقة..

يحيى : مااريد ازاحمج.. إذا ردت اسال زينة اذا تريد شي اومحتاجة..

شهد؛ رح اعتبر روحي مسمعت منك هالحجي.. للمرة الالف اكلك زينة بنتي.. بنتي يحيى.. وممخليتهة محتاجة شي..
واذا خليتك بتواصل وياها وممقصرة دتشوفني حتة جيتي اعرف جكد تعز زينة.. بغدين تكلي محتاجة مجنت منتظرة منك هالحجي...
من رخصتك...
يحيى : شهد.. شهد..

ليلتها منمت.. ظليت الوم روحي ع ملامح حسيتها بلحظة ضعف..
دك.. علية مشلتة.. بالاخير.. غلقت تلفوني
حاولت انام، حاولت افسر حالتي بذاك الوقت ماعرفت لكيت روحي ورا شوية مختنكة  ودموعي تنزل بدون سبب..
وظليت الوم روحي اني جبيرة جهالي بطولي شها التفكير.. لازم انسى انسى الحب وانسى هاي المشاعر الي هاجت فجاة...
الجو حيل حلو.. طلعت للحديقة نزعت الي برجلي داعبت رجلي العشب البارد حبيت هالاحساس...
فتحت تلفون دا اطمن ع جهالي...
جتني اشعارات رسايل.. كلهة من يحيى
شكلح بعدج زعلانة.. اني اسف..
الرسالة2
مارديتي متخيلتج هيج قلبج قاسي..
الرسالة3
بعدني كاعد.. انتضرج
4
شهد معقولة تشوفين توسلاتي وبعدج زعلانة..
5
اذا ظليتي زعلانة رح الم هدومي وارجع لعمان مااريد اضايقج..

هنا حسيت بخوف لايروح..
مااعرف ليش..
رديتلة..
جنت نايمة.. خلص شحن موبايلي.. وهسة تعبانة رح ارجع انام اشوفك باجر..

اجاني مسج راسا...
ماااشي براحتج.. باجر نتشاوف...
تصبحين على خير..
واحلام سعيدة..

تمنيت مادزيتلة المسج جان هسة بعدة يراسلني..

اخذت نفس عميق..
ردت اتعب فدمرة الا ادخل..
شوي حسيت غمضت عيوني..
ومااحس الا شي كرصني من رجلي..
صحت.. ااااااي..
راسا شفت يحيى فوك راسي ظليت لازمة رجلي..
يحيى.. ماادري شنو كرص رجلي..
شنو.. شنو كرصج..

مااعرف عكربة.. خاف.. لا عفية شنو من حظ حظي..
يحيي: تعاي فوتي جوا خل اشوفهة بالضوة..
مااكدر امشي رجلي خدرت..
اوووف.. يمة.. صخنت والله.. توجعني..

خلص.. تعالي اتجي علية..
اكلك مااكدر احركها تكلي.. اتجي علية..
بلحظات من النقاش ماحسيت ع يحيا شون شالني ودخلني جوا..
وكف كلبي ولساني لحظات..
حالة مااعرف شااوصفها صدك صخنت..
بس مو من الكرصة... من تقربي من شخص غريب علية..
وماحسيت ع روحي الا عالجذبة جذبتها..
ديحطني عالكرسي..
كليلي يارجل النكرصتي بي..
اليمنى..
بدا يتلمس رجلي ديشوف مكان الكرصة وجهة جدي مااكدر اميز انفعالاتة جان بارد وحار نفس الوقت..

خايف ومرتاح وهو يفحص رجلي..
يحيى؛ خبصتينا عكربة مو عكربة.. هاج هاي عود كارصج..
لاااامستحيل دتاذيني..

يحيى يابة ماكو شي لاتبالغين..
شهد؛ انت شجابك هنا مو جنت يم صديقك..
يحيي؛ وانتي شجابج هنا مو جنتي تعبانة ودتنامين...
شجابج بالحديقة..
شهد؛ شننننو..
انت شنو َ دتراقبني..
يحيي؛ ليش اراقبج.. جنت جايب غراض لاالهام وطالع.. شفتج صيحين جيت..

شهد:زين.. لعد روح مااعطلك...
يحيى؛ شههعد.. بعدج زعلانة...
شهد: ع شنو ازعل.. شغلة وراحت تصبح ع خير...
شهد.. اني مااجيت عمود الهام وصتني ع كم شغلة اني اجيت لان مو كادر انام وانتي ماتحجين  وياي..
شهد: هياتك حجيت وياي.. رووح نام..

شهد: احس بفرح وسعادة متنوصف.. ركضت للفراش وارتميت بي واني فرحانة حيل..
جتني مسج.. فتحته..
صافي يالبن...
رديت
صااافي..
للقصة بقية..
🌸🌸🌸🌸🌸🌸🌸🌸
لاتنسون تصويتكم عالبارت  حبايب