رواية عندما يكون العشق صوفيا الفصل الثاني والثلاثون 32 - بقلم ruqaya H algurtani

لا يسيء الظن بك من عرفك بقلبه لا بعينه.
جلال الدين الرومي

اعرف العايشتة مو من حقي، لاحقي، يمكن اني عمري ماعشت تجربة حب عمري مسويت شي بااختياري كل حياتي اكو ناس متحكمة بيهة اهلي صديقاتي زوجي الناس شيكولون، كان نفسي اعيش بخيالي واتخيل انسان يحبني ويسهر عمودي مينام اذا ميسمع صوتي يصحى وهو فرحان لان موجودة بحياتي، يتركني براحتي  يوجهني لااشياء ويتركني اختار، ميرسملي خط ويكلي امشي علي واذا زليت عن الطريق
يعاقبني يأذيني..
هاي كانت حياتي ويا علي بس نختلف الاكي انسان غير انسان متوحش اناني ميقدر مشاعري مرات احس يحب يااذيني عمود يشوفني متعصبة عمود اثيرة واثير غريزتة..
احسة يحب يشوفني الطفلة البجاية.. هيج ارضي..
يبقى هذا احساس داخلي..
مجنت اعرف شنو احساسة اتجاهي.. رغم حبي الة ودايما اثير مشاكل عمود ينتبهلي بس جانت كلماتة قليلة.. حتة لمن يصالحني كان يختمهة برغبة ويدير راسة وينام..
رغم كل هذا.. اني حاسة اذا وكف كدامي رح اضعف كدامة مو حب احترام الة ولشخصة..
هو اول واحد فتحت عيني علي..
بس الاحساس اتجاه يحيى يختلف احاول اكون مثالية حتى بتصرفاتي مجنت رايدة اخسرة..
حتة لو ميكون حبيبي ياريت يبقى صديقي مدى الحياة اعرف هاي انانية  قلة عقل.. بس مااعرف مشاعري مشوشة..
ثاني يوم من الصبح اتفقنا نتريك ونطلع
ن

فتر شوية نروح للقلعة...
نفتر كم مول.. زينة تحب هالشي.. الشي الي جنا اني وزينة نختلف بي الحجاب.. هي ماتحب تلبس مجبرة تلبسة لان الاهل والمكان ميسمح..
وبنت الهام حيل ماخذة راحتها باللبس وزينة.. تحب تقلد او عندهة خيال تريد تعيشة..
زينة؛ ماما.. ماما.. يلا كعدي..
شهد؛ ولج ليش من صباحية ربج كاعدة..
ماما.. شو نسيتي عمو يحيى كال باجر افركم فرة بالشمال اكيد مرح نظل محبوسين بالبيت..
شهد: فهمت.. كعدت.. خ نشوف هاي الهوسة شلها داعي..
مو كاعدين نريد نرتاح..

احجي.. وداخلي حماس وفرحة.. اكثر من زينة نفسها بس كتمت فرحتي لااحد يعرف خايفة لاينهار وقاري كدام بنتي..

فتت سبحت.. فتحت جنطتي..
ملابسي كلها عريضة ومو مال صعدة ونزلة.. علي مجان يقبل البس بنطرون..
وملابسي كلها جبب.. اوتنورات طوال..

لهذا طلبت من الهام.. هاي اول مرة البس بنطرون وفد شي طويل..
تغير.. حسيت ملابسة شي..
بس.. عمود اخذ راحتي.. زينة طلبت مني ماتلبس ربطة.. والهام.. ويحيا وبنت الهام هم شجعتها..

شهد: حسيت بالذنب.. ممقتنعة..
زينة.. ماما كلنا مانلبس حجاب.. بس مو هيج لبس.. ضيق.. روحي بدلي..
زينة: ماما.. عفية خليني ع راحتي.. الله يخليج..
الهام: خليهة شهد.. خليهة براحتهة بعدين صعدة ونزلة.. تتبهذل خليهة بعدهة صغيرة..
ضجت كلش اجة بالي اجر زينة ونرجع..
الهام: يحيا احجيلك حجاية قنعها لشهد..

انتظرت يحيا يحجي...
وكان بقلبي رح يضغط عليه عمود اقتنع..

يحيا: بابا شهد.. سوي الي تكولة الج امج.. ميصير تكسرين كلمتها.. اذا مقبلت اني هم مااقبل.. وبلاها الطلعه..
شهد: طير عصفور كلبي.. ساعة ماحجة يحيى ويا زينة.. اشكرك.. اشكرك من كل كلبي..
راحت زينة لبست تيشرت طويل عالبنطرون والسترة فوك..
طلعنا.. وكانت لحظات من العمر.. كنت كااني مسوية مكسورة كاعدة وهم شبعو لعب بالمي.. وضحك ويحيا يشمر مي ع زينة.. والهام ترجع تجب مي علي.. واني اباوع واضحك ع شقاهم..
كل شوي ياشرلي يحيا تعالي واكلة لا هيج مرتاحة..
اخر شي اشر للبنات جروني ودفعوني بالمي...
يحيا: انتي.. الة هيج يلة تكومين خرب ابليسج...
شهد: خرب.. بللتوني..
يحيا: تبللتي موووو..
شال مي وذب علية....  لا عفية يحيا هاي شون رح نمشي وملابسنا مبلله..

يحيا: ممكن تنسين كل شي واستمتعي ملحوكة تشيلين  هم لااحد..
يلة امشي.. خ نكمل ونستنا..
جنا نحجي اني ويحيى وجتي زينة..
وفجاة سمعت احد بظهري .. يسلم علية..
ام.. همام.. ام همام..
شهد: مرحبا نزار.. شونك وشون الاهل..
الحمدلله شنو علي مجاي وياكم ..
لا والله.. الولد وعلي باايران..
نزار؛ ماشي عيني.. سلمينا ع ابو همام...
من رخصتج..
غالي، اهلا وسهلا..
شهد: هذا نزار صديق علي..
شون موقف...
يحيى؛ ياموقف.. انتي شكاعد سوين بعدين انتو مطلقين.. مالة حق عليج..

صح، بس جماعتة ميعرفون..
يحيى :مشكلتة هو.. مو مشكلتج..
شهد: يلا هذا هو..
الهام: هاشبيكم.. شو انكلبت الوجوه.. شبيك يحيي..
مابية صيحي البنات خ نرجع للبيت..
لييييش، يمعود مو كلت نكعد نفرفر روح للمول..
يحيى؛ دتشوفين روحج شوفينا مبللين..
انسي..
روحي صيحي البنات..
جان ضايج ومتعصب..
الظاهر الرياجيل كلهم هيج..
اخذ كرسي وكعد شرب مي.. وشكلة متحامل كلش..

شهد: يحيى.. اني مااحب طلع عصبيتك لان كلتلك صديق علي..
اذا نسيت احنا بمجتمع شرقي.. حتى لو علي مو زوجي ابن عمي.. رح يجي حجي.. لعمي..
متسوى تزعل..
يحيى: اني اسف... اني ضجت عمودج..
عمودي.. ليش..
لان حتى الضحكة خايفة ضحكيهة لاتتحاسبين عليها..
لازم يكون عندج ثقة بروحج انتي ممسوية شي غلط.. واحنا مكان عام.. الا اذا بالج تريدين طريق رجعة لعلي..

شهد: يحيى.. شهالحجي.. خل اخذ زينة.. ونرجع للبيت..
يحيى: خلص عوفيها.. خ تتونس شوي..
رايدج فد شغلة..
شهد: هااا... خير..
بس تعالي..
بس ملابسي مبللة..
ميخالف.. عادي هسة تنشف.. بالطريق..
ياطريق.. هذا..
يحيى بس اسمعي كلامي وبس..
والهام والبنات..
معليج بيهم الهام ترجعهم للبيت..
ببببببس..
بس تعالي.. والله متندمين..
شهد؛ جاااية خ نشوف...
طلعنا ساعة وحدة من اربيل وصلنا لدهوك.. وهناك.. اكو كازينو بمكان عالي..
والشلال نازل من اعلى جبل..  تكعد تشوف  المنظر جان حلو عجبني.. اشتميت الهوا نظيف...
الله.. اول مرررررة..
درت وجهي جانت مفاجئة محضرهة يحيى الي..
جايب كيكة وشموع.. وغنالي هبي بيرث ذاي تو يو..
شهد؛ هاااي شنو.. يحيي.. شنو سالفة الكيكة..
كل عام وانتي بخير اليوم عيد ميلادج.. حبيت افاجئج..
شهد تفاجئني.. واني كاشخة مو هيج..
لاشكر ع واجب.. تدللين...

انتبهت ع قلة ذوقي ويا..
اني اسفة يحيى.. شكرا... على المفاجئة..
يحيى: ولووو.. كل عام وانتي بخير رح اظل اكلج كل شوي كل عام وانتي بخير بكد سنوات عمرج..
جكد صار عمري.. هاي اول مرة احد يحتفل بعيد ميلادي..

صدك..
خلص وعد كل سنة دام هالمكان عجبج
نجي نحتفل بعيد ميلادج..
ههععههه.. اااااه...
يحيى: هاي شنو.. لأ.. لأ.. ممنوع بجي فاهمة.. اني جايبج هنا عمود تضحكين وبس.. مفهووووم..

مفهوم...
يلة طفي شموعج...

اخذت نفس.. داخلي فرحة خايفة عليهة لاتختفي...

لحظة.. تمني امنية...
هي مال هاي السوالف.. يايحيى..
اسكتي وسوي الشعائر..
غمضي عيونج...
هاي شنو بلة... لازم تتمنين من كل كلبج..
لازم يعني..

طبعا...
غمضت عيني وتمنيت.. تمنيت اعيش هاي اللحظة للابد..
وطفيت شموعي...
كعدنا شوي وظل يحيى ينكت ويضحكني.. اخذنالنة فرة واشتريت كم شغلة للولد...
ورجعنا...
عشت اجمل لحظات حياتي عرفت السعادة تتجاوز مرحلة تكونين مزوجة وعندج بيتج واطفالج، شغل.. هموم وتعب، الحياة بيها اشياء حلوة ثانية..
واني ماعشتهة.. يحيى فتح عيوني عليها..
رجعنا لبيت الهام ويحيى.. راح بيت صديقة.. قررت انقل الجهال لبغداد..
واستقر هناك بعيدا عن تدخلات ومراقبة الاهل.. لاسوين لاطلعين لاتكولين مطلقة.. عادي زوجي هاجرني مزوج مصادق بس المهم لايكتشفون اني مطلقة..
مضت اجمل ثلاث ايام بحياتي..
وباليوم الرابع عمي ابو علي خابرني وكال رجعي للبيت..

شهد: الهام.. اني لازم ارجع للبيت..
خير مصارلج يومين من جيتي..
شبيج شهد.. ليش ترجفين..
زينة: ماما.. شبيج..
شهد؛ مختنكة.. مختنكة.. مااعرف ليش..
الهام؛ زينة.. روحي خابري يحيى...
ركضي...
ولج شهد شبيج يمعودة...
شهد؛ عمي خابرني كال رجعي هسة..
كالي رجعي الهام.. ابني بي شي اكيد..
اكيد صاير بي شي وخابروني..
الهام: صمالله شهد ليش تفاولين ع ابنج.. شوف شكو صاير ودك عليج..

شهد؛ عمي ممسويهة والله متاكدة همام بي شي..

اهدي والله اهدي ياحبيبتي هسة يجيج الخبر الزين.. بس اهدي..
ولج جسمج كلة يرجف..

زينة: الوووو.. عمو يحيى الحك ع امي.. تخربطت..
يحيى: شنو.. شبيهة امج..
مااعرف.. كلش مو زينة.. عمو..
خلص.. باباتي لاتخافين جايكم.. هسة..

يحيى: جنت نايم.. ودك تلفوني من الصبح جانت زينة تبجي وشهد متخربطة معرفت شون لبست ملابسي..

وطلعت ركض لبيت الهام..
لما وصلت كلبي راد يوكف..
شهد: فدوة الهام ساعديني خل ابدل مابية حيل رجلي مدا شيلني..

ظليت منهارة بجي.. لما اجة يحيى..

يحيى: شهد.. شبيج.. شبيج شصار..
شهد: لزم ايدي ترجف..
شهد.. شبيج.. حبيبتي.. اخذي نفس..

شهد؛ يحيي.. يحيى.. خابروني.. عمي..
همام...
وطكيت بجي صوتي انكطع.. وارجف..
يحيى؛ الهام جيبي مي.. زينة جيبي عطر.. بسرعة..
ظليت اشهق مختنكة صدري كام يوجعني.. اريد كلمة تطلع.. متطلع..
الهام: هاااااك..
يحيى: هاج.. يلة شربي مي..
مااكدر..
دا اكلج شربي مي رح يوكف كلبج..
جيبي العطر زينة..

مدي ايدج.. مديهة..
رش عطر... ع ايدي..
يلة شمي..
شمي بعد..
اهدي.. يلة اخذي نفس..
يلة.. اهدي.. استهدي برحمانج..
يلة الهام خليهة تغسل وجههة.. هسة دقايق جاي..
زينة تعاي..
يحيى:زينة.. تعالي..
هااا.. عمو..
اكلج.. همام عندة تلفون..
اي.. عندة.. ماما كل شوي دك علي.. بس هو باايران ماعندة يمكن اصلا خدمة..

خلص.. جيبي التلفون.. وخابري همام.. خ نتاكد اخوج.. بي شي..
زينة؛ عمو صدك همام.. مااات..
يحيي: زينة مناقصج.. روحي جيبي تلفون امج.. وخابري..
كعدت وحسيت بتوتر.. اني اعرف همام شنو بالنسبة لشهد..
جتي زينة واريد اتفحص ملامحها خايف لايكون بي شي صدك..
يحيى : هاا.. زينة شبيج.. خير خو ماكو شي..
زينة؛ عمو خابرت همام.. ووو...
و شنو زينة متحجين..

عمو علي..
شبي.. بي شي..
لا مابي شي..
لعد شنو فتيتيني...
عمو علي راجع من ايران مسوي مشكلة جبيرة..
ليش شكو.. وشدخل امج بي..

عمود سفرتنة.. شايفينة وكايلين لعمو علي وكالب الدنيا..

يحيي: خلص.. اهدي يلة.. وخلي همام يخابر امج يطمنهة علي رح اكعد وكليلة يخابر..

ماشي...
يحيى؛ هااا.. شهد.. شون صرتي..

شهد: علي لازم ارجع هسة.. لازم.. ارجع..
يحيى: ماشي بس اهدي.. اول ونروح..
مااكدر اخليج تروحين.. وانتي بهالحالة..

يحيى.. شون بية اذا همام بي شي.. اني صوجي اني عفتة..
يحيى: والله مبي شي هسة شوفين هذا خوفج كلة مالة مبرر..
زينة: ماما.. هذا.. هماام..
شهد: همام.. فزيت.. من مكاني.. همام.. همام.. عالتلفون..

اي.. ماما..

همام.. حبيبي.. بيك شي.. انت زين..
باوعت ليحيى.. اشرلي.. باايدة اهدي..
طلعت واطمنت علي.. وكالي ارجع اكو مشكلة صايرة..

يحيى: ها شكلنا...
لزمت زينة وحضنتها.. اخوج مابي شي..
مو كتلج.. من اول.. ظل بالج عالخالي بلاش..
شهد: اني اسفة يحيى اسفة الهام وترتكم وخوفتكم عالخالي بلاش.. والله عبالي همام بي شي..
يحيى: المهم طمنتي علي..
شهد: يحيى.. لازم ارجع..
يحيى: هسة رح اروح احجزلكم..
وحاولي تهدين وتعوضين الدموع النزلت منج...

شهد: ماااشي.. اجي وياك..
تعالي اذا تريدين بس جيبيلي جوازج وجواز زينة.. خ نروح يلة..

وصلنا المطار و حجزنا..
يحيى؛ تعالي وكف كلبي من وراج...

شهد: اسفة والله اسفة..
ممكن تعوفين هالاسف.. وتنتبهين روحج..
شهد؛ شااسوي يعني..
يحيي: رح ظلين عمرج كلة خايفة كل مادك تلفون.. تاخر بالرد ظلين بواهس..

شهد؛ شااسوي يحيا.. مو باايد ي اني دايما بواهس.. لان شفت بمنامي..
يحيي ششفتي..
انسى مااريد.. اضوجك.. للمهم..
يحيى؛ لاتخافين.. الي كاتبة الله يصير..
شهد؛ اسالك سؤال..

اسالي...
يحيى.. انت متغير.. اكو اشياء بيك..
يعني...

يحيى؛ خلص ليش كوة الكلمة تطلع.. احجيها اني تغيرت لان اكو شي جديد دخل بحياتي وغيرها..

اني حاس اني عايش.. وعندي شي عايش عمودة..
شهد اني....
دك تلفوني.. هسة دقيقة اجاوب..
علي؛ الووو..
الووو.. من رخصتك يحيي..
اشرتلة..
اوكي ماااشي..
نعم علي.. خير شكو.. كالب الدنيا..
تعرف شصار بية من خابر عمي..
قطع كلامي.. باوعي لج شهد..
هسة تجين.. فاهمة ترجعين انتي وزينة للبيت لااجي اهجم الدنيا على راسج.. ولج شنو انتي تريدين تخزينا دتتواعدين ويا واحد..
تقشمرين علينا شوفين صديقتج وانتي تلعبين شاطي باطي..

شهد؛ لحظة علي سالمين شكو.. مو انت مقبلت الولد يجون ويايا..
شنو هالحجي..
باوعي.... اذا مجيتي تحلمين شوفين ولدج بحياتج فاهمة...
شهد؛ عععلي.. بلة حجيك هذا.. اني العصر طيارتي..
اي العفو.. طيارتج..
تعالي.. واني الة اشوفج الي دسوي شنو..
شهد: سديت التلفون واعرف عصبية علي لامفر منها.. واكيد رح يسويلي مشكلة..
يحيى: هذا علي مو؟
شهد: خلينا نرجع ونشوف شكو..
يحيى : براحتج يلة امشي حضري روحج وارتاحي قبل لاسافرين..
شهد: مااشي.. يلة..
للعصر ودعت الهام ووصلنا يحيا.. للمطار...
يحيى؛ تريدين اجي وياكم.. خاف تحتاجون شي.. خاف بعدج تعبانة..
شهد: خلص يحيى مابية شي..
من توصلون خابروني..
ماااشي..
مع السلامة...
حسيت الرحلة بسرعة حطت بمطار النجف.. خايفة حيل...
وصلت للنجف وخابرت يحيى..
خلاص وصلنا للنجف رح اخذ تكسي وارجع لكربلاء..
حمدالله ع سلامتكم..
من توصلين للبيت طمنيني..
يحيي.. اني خايفة لاعلي محضرلي مشكلة..
لاتخافين انتي ممسوية شي غلط.. لاتنسين انتي محامية توكفين كدام الآلاف الناس وتدافعين عنهم.. لازم تكونين قوية وتدافعين عن نفسج مهما يكون اتهامة او مشاكلة هو عبالة انتي بعدج صغيرة.. وبكيفة يتحكم بيج..
صحيح كلامك مرح اخاف.. يلة احنا صاعدين بالتكسي ادعيلي..
مااشي انتظر تلفونج..
باااي..
اول موصلنا توني فتت للبيت سلمت ع همام.. وعمار.. حضنتهم اثنينهم..
شوي ومااحس الا الباب اندفر وفات علي مثل الثور الهايج..
وينج.. وينج.. خزيتينا تعالي.. تعالي..
جرني من ايدي وصياحة واصل سابع جار، كوة جريت حجابي..
وطلعت عمي كاعد..
دفعني.. ع القنفة..
علي: هاااك، استلم بنت اخوك.. يلة شوفني شون رح تحاسبهة..
يلة.. هاي المتستحي ع روحهة لج حتى بنات الشارع احسن منج..

شهد؛ ظليت.. واكفة.. ممصدكة شلون في يوم من الايام حبيت هالانسان.. شون شفتة دنيا.. هيج.. كاعد يشمر علية الحجي..
ضليت صافنة بي واني مو عارفة شنو اله داعي هالحجي..
ابو علي: هااا، شهد هي هاي الثقة الي اطيناجياها...
ليش.. هيج سويتي..
بعدني مصدومة بموقف علي.. معقولة انمسح كل شي ماكو شي حلو بحياتي ويا يذكرة..
شهد.. شهد.. دنحجي وياج جاوبي..
علي: شجاوبك اذا هي غلطانة من ساسها لراسها..
من يوم يومها مخربطة.. وام دكايك..

خلص.. هنا خلصت مرافعتك واجة دوري عمود ادافع عن نفسي..
شهد؛ نعم عمي.. يعني شنو الة داعي هالحجي والخربطة.. ومكالمتك متت خوف عبالي همام بي شي..

علي: عيني ليش هامج.. كاعدة وية الحب.. وراجعة تراهقين.. نسيتي ولدج بطولج..
شهد؛ وكفت بوجهة.. ماناسية.. ماناسية ياسيد ياتقي.. ساكتة عن عمايلك..
مو اني الي مكابل اللاب وعلاقاتك.. الي متستحي.. ولة زواجات المتعة الي رايح جاي يحجيلي ميعرفون طلكنا..

مو اني الي دا اراهق.. انت..
عمري مسويت شي غلط..
انت الغلط.. كلك غلط...
واذا حبيت او اريد ازوج انت معليك.. مالك علاقة..
علي : انجبي.. اكسر راسج فاهمة...
رفع ايدة بلحظة جنت انتظر الراجدي الي يحط ع وجهي غمضت عيني.. واشوف ولدي اثنينهم واكفين بوجه ابوهم..
وعمار.. عينة بعين ابو..
دير بالك ترفع ايدك ع امي..
امي اشرف منكم كلكم ومن كل العرفتهم.. انت العيب بيك مالك علاقة..
من اليوم اذا عتبت باب بيتنا احنا نوكف بوجهك..
علي: انجب لك.. انجب.. انتو ممرباين..
منو امكم.. هاي.. الي ممخلية.. شي..
ابو علي:عععععلي.. انت الي يحتاجلك تربية من جديد.. انت الي محترمت وجودي..
انت شنو دخلك مو طلكتها..
رايد ترجعها.. كول وهناك الك حق او لا...
شهد؛ بلحظة حسيت.. رح يكول اي رايدهة.. اريدهة ترجعلي اتمنيت يكولها وينلم شملنا بس عمود وكفة اولادنا مااريد اخسر اولادي.. سندي.. صح هالموقف صحاني.. شلي بالحب.. عندي اولادي.. اعيش عمودهم..
علي: طبعا لأ مااريد...
هو هذا كان رد علي..
للقصة بقية..
🌸🌸🌸🌸🌸🌸
لاتنسون تصويتكم عالقصة حبايب تصبحون ع خير...
نازك الملائكة