رواية عندما يكون العشق صوفيا الفصل الثلاثون 30 - بقلم ruqaya H algurtani

لماذا تقبعُ سجينا والبابُ أمامَكَ مفتوحٌ على مِصراعيه ؟
جلال الدين الرومي

كل مصايب الدنيا تهون بس لايبلي ام باابنهة..
رغم كل المصايب المرت بحياتي لكن اكثر شي كسرني هو مرض همام..
كان كل فترة يخابروني يتخربط وانقلة للمستشفى..
شهد: هااا.. دكتور.. بشر شنو الاخبار....
انتي اختة..
اني امة...
ااااه... مريضج.. للاسف عندة التهاب قوي بحوض الكلية...

شهد: والحل.. دكتور..
المريض لازم يلتزم بعلاج.. اكل مناسب...
وبخلاف هالحجي ترة مستقبلة عجز.. للاسف...
شهد؛ لاتكولها دكتور فدوة... لاتكول هيج عفية..
اكو اطباء استشارين واختصاص ببغداد افضل اذا حابة..
اكتبلج اسم طبيب هناك.. كلش زين.. طبعا عمرة صغير بعد بس اذا كبر وتوفر متبرع ممكن نسويلة عملية زرع..

شهد: لهالدرجةواصل...
الدكتور: للاسف.. الكلية من تحمل اكثر من طاقتها.. تبدي تتعب ويصير فشل..
شهد: احس.. النفس ضاق رجلي معادت حاملتني رجع الخوف يسيطر علية..

انهاريت.. من البجي... ولدي وياي اثنينهم...
عمار: مااما.. لاتبجين.. يووو م.. والله مرح يصير علي شي..
زينة.. جانت تبجي وياي.. خلص ماما.. مرح يصير بي شي..

زمن؛ شهد.. حبيبتي والله بس سمعت جيت ركض.. شبي همام.. شنو صار..
شهد.. بطلي بجي.. خيرج يمعودة.. كولي يالله..
شهد: ياالله.. ربي اشفيلي همام.. ربي شتريد تسوي بية سوي بس لايصير بي شي..
زمن: قصي وعلي جوا..
شهد؛ لايجي ولايشوفني وجهة.. دير بالة يوصل.. كلة من ورا الي باابني كلة من ورا...
انهاريت بلحظة ماكدرت اتحمل.. نقلوني لغير غرفة.. وانطوني مهدى..
من كعدت زمن.. كالتلي دامج صحيتي.. تكدرين تمشين..
زمن، شنو صار.. اني وين...
انتي بالمستشفى.. فزيت.. ابني بي شي.. همام.. بي شي..
زمن :مابي شي.. بس اول مصحى كال وين امي..
حبيبي.. سودة علية واني نايمة مو حاسة بي..
وديني علي زمن.. شنو هاي الكانيولا..
شيليهة الي ليش حاطيهة..
ولج صبري شهد.. هسة تجي ممرضة تشيلهة..
الممرضة؛ ربي يكوم ابنج بالسلامة..
شهد؛ مسحت دموعي..
تسلمين حبيبتي... االله يخليج..
زمن؛ غسلي وجهج واخذي نفس..
لاتوترين همام وتخوفي..
مااشي..
يلة خ نفوت..
شهد..
هاا خير زمن.. اكو شي..
علي.. جوا..
لزمت قبضة الباب ومتنرفزة اريد اتعارك ويا..
لزمتني زمن.. شهد.. لخاطر همام واللي صار قضاء وقدر..
شهد: بس لخاطر ابني وبس..
فتت..
لكيت علي وقصي كاعدين..
السلام عليكم..
وعليكم السلام..
قصي:ميشوف شر شهد يكوم بالسلامة..
الله يسلمك..
شهد: هاااماماتي.. شونك حبيبي.. عصرت روحي عمود لاابجي.. وهم بجيت مكدرت..
همام؛ ماما ليش تبجين.. قابل داااموت.. اني..
شهد؛ صمااااالله يمة يومي قبل يومك...
لزمتة حضنت راسة وتمنيت لو يرجع بية الوكت واظل حاظنتك طول العمر ولا تكون هالطلقة الي دمرت حياتك.. بجسمي. لاجسمك..

ورا مطلع همام من المستشفى نسيت كل شي وبالي بس يم همام، اكل شرب.. نام كعد..
طلباتة قبل لايكملهة مجابة..
علي: كل بالة نسيت الي سوا بية رجع لحياتة وكام يطلع ويتاخر..
الحجي بينة معدوم..
وجود زينة وياي بالبيت هون علية هواي اشياء.. هي مكاني بالبيت.. وعمار تصرفاتة صارت سيئة كلش.. يومية مشاكل.. دراستة تراجع بيها..
همام.. رغم كل المداراة.. مناعتة قلت..
وجود علي بنصنا وتر العلاقة اكثر..
ويطلع حركتة بزينة..

علي: زينة.. زينة..
زينة: هااا.. عمو.. مقبل علي زينة تبقى بس صار كدام الامر الواقع.. ومحجة من عمي.. كالة هاي بنتنا ومتطلع من بيتنا..
ولاقبل تكلة بابا.. مثل ماتكلي يووم..

هاااا.. عمو..
عماج البين صار ساعة.. من دا اصيحج.. وينج..
جنت دا اصب الغدا لهمام..
صبين غدا لهمام.. لو.. تل.. بنت.. اشجا..
شهد: جنت جاية من الشغل واسمع صوت علي.. طالع..
فتت  سمعتة يشمر حجي ع زينة.. والدمعة بعينها.

هااا.. خير شكو ليش صوتكم طالع..
شكو.. ماما.. زينة..
زينة :ماكو شي.. ماما..
يلة امشي خ نتغدا..

علي:طبعا.. عليمن تطلع سوي روحهة طرشة متسمعني..
لج متعرفين شحاطة بيتج.. قنبلة ع ساعة تنفجر..
شهد: هاي شكاعد تحجي انت..
روحي ماما.. روحي يم اخوج..
يااخ ولج.. يااخ.. حرام تبقى هنا..
سديت الباب لان صوتة عالي..

انت شتريد.. شتريد كلي.. عايفتك اني ليش متعوفني اني وجهالي بحالنا..
علي: طلعي زينة من البيت.. شابة صارت وولدج شباب..
شهد؛ هااي اختهم ربت بنصهم.. شدتحجي..
باجر ولدج يتذابحون بينهم من ورا بنت اشجان..
شهد: هاي بنتي اني فاهم ولا لاء اني ربيتهة  واني اعرف هي شنو...

عمار مراهق.. والسوالف الي ديسويهة عادي..

همام: زينة شبيج تبجين..
زينة؛ مابية شي.. حبيبي.. هيج ضايجة ومخنوكة..
همام: ابوية غثج بكلمة..
لا.. عادي...تعودت..بس مااريد امي تتعارك.. ويا عمي بسببي.
لو عندي مكان ثاني.. اروحلة جان رحت.. بس شوفة عينك..مالي احد حتة ابوية بالجذب ميسال عني.. وعمو علي يكلي ابوج باعج لعمتج بفلوس..
عمار: هااا.. سالمين هم عدنا حفلة بسببج ست زينة...
همام؛ انجب. واسكت.. بلا حجيك هذا.. لاتتجاوز..
عمار:صف ويا  امك.. صف.. تتفع تصير محامي..
بس لاينكطع نفسك بالمحكمة زين تكون امك موجودة..
همام: انت يحتاجلك من يربيك..
زينة: همام.. عمار لاتتعاركون..

شهد: انت.. شنو.. شنو غيرك.. ليش هيج صرت.. وينك انت.. شوكت تصحى..

علي: روحي.. روحي.. كلة من وراج.. حياتي خربت.. كلة من وراج..

شهد: من ورايا.. اني.. اني كتلك زوجني.. كتلك زوج نازدار.. كتلك سوي علاقة ويا اشجان.. كتلك نام ويا صورة.. كااافي.. كافي تعبت منك.. تعبت..

انتي تعبتي.. اني تعبت ويا وحدة  مريضة.. مو صاحية.. تحملت اني..
شهد: بلحظة يضيع كل التعب.. كل الصبر الي صبرتة.. ينكرة..
ضليت صافنة.. مااعرف شاارد عليه بس كنت اضرب نفسي مية ضربة جكد توفرتلي فرص اعوفة ماعفتة..
واني كاعد اتناقش ويا علي سمعت صوت صياح همام وعمار.. وزينة تبجي وتفاكك بيهم..
علي: شفتي.. بدت مجايبج.. باعي..
فتحت الباب وطلعت... مامصدكة عيني..

شهد: عمار.. همام.. لا يمة لاتتعاركون.. عمار يضرب واني وزينة نفاكك..
ومااعرف عمار الشيطان ركبة بلحظة ميسمع.. مني..
علي: كعد يصيح زينة.. طلعي برة.. طلعي جيتي وجبتي المصايب من وراج..
فكرتينا.. الله لايوفقج احتركو اهلج..
هنا نسيت ولدي..
ومااعرف هاي القوة مين جتني..
صرخة صرخة قوية..
علللللي... اطلع برة.. برة اطلع انت الصوج كلة بيك.. العيب كلة بيك.. شنو باقي يمي ماريدك ماااريدك بعد.. الله ياخذك كون الله صاحب هالظهرية ياخذك ويخلصني منك.. لك حسبي الله عليك تنتقم مني بااولادي تحرض عمار تكلة مفرقجية.. تريد ابني يكرهني ويحقد ع اخو المريض..
الله لايوفقك خليتني يومية عايشة بالفزة ابني مريض وديموت من وراك..
لك حسبي الله عليك.. مسوي روحك سيد وانت عيوب الدنيا كلها بيك.... داري مكسراتك.. ولك انت فلسين ماتسوى بسوك الرياجيل..
محسيت شون الكلمات طلعت من حلكي.. وع لحظة علي رفع سجينة راد يضربني بيهة بس السجينة جتي بالهامة..
ومن الهبطة فقدت الوعي.. زينة ركضت لزمن  دتصيح قصي..
زينة؛ خالة زمن... عمو قصي.. فدوة فتحو الباب.. دخيلكم... فتحو..
وردة بنت زمن؛ شبيج شهد.. شكو.. فدوة صيحي عمو قصي..
عمو قصي.. ابوية كتل امي..
وقصي خطية من الهبطة راكض ودشداشتة بالمقلوبي.. وحافي لبيتنا.. اجة...
واني من الهبطة خربت وولدي شالوني...
نقلوني للمستشفى عبالهم الضربة قوية..
شك صغير وخياط بس بيومها اكتشفت عندي ضغط ومفول.. لهذا الدم جان يفور ميوكف...
رجعت للبيت..
شهد؛ زمن فدوة.. اروح بيتكم مااريد اشوفة.. خلص والله هالمرة بروح ابوية ماارجعلة..
زمن؛ والله علي جان خايف عليج.. ساعة عصبية.. محس ع روحه...
شهد؛ عوفيني زمن... خايف ع روحة لايرجع السجن..

عفتها ورجعت بيتنا..
وبيومها مانشفت دمعتي حيلي مهدود..
وجسمي يرجف.. دخل علية همام.. دك الباب..
همام: ماما.. ادخل..
شهد؛ تعال.. ماما.. تعال فوت..
همام: ماما.. صاحية انتي..
تعال فوت ولك تعبانة مابية حيل..
ماما.. اني اسف.. اعتذر.. والله مجان قصدي يصير هيج.. ردت بس اسكتة وظل يتجاوز علية..

زينة: شفت همام فات لاامي.. كلت اسوي شي عمود نكعد سوا.. واصيح عمار هم.. عمود امي ترتاح..

دكيت الباب ع عمار...
عمااار: نعم..
هاي اني زينة..

خير زينة.. شتريدين..
خير.. عمار.. همام ديعتذر لاامي..

عمار: طبعا حبيب امة وين يكدر يزعلها..منو يدلله منو يجيبلة..

زينة؛ ليش تحجي هيج.. امي متفرق بينا ليش تحجي هيج..
عمار: انتي متنحسبين اختنا.. امي اذا مبقيتج.. فباقية عمود ظلين خدامة.. امي لاتحب امج ولاتحب خالو فؤاد ع اي اساس تحبج.. وتداريج تريد خدامة لهمام..
زينة؛ الله يساعدك ع كلبك عمار مليان.. حقد.. وكراهية محد رح يتاذى غيرك..

عمار: يلة طلعي.. طلعي وسدي الباب وراج..
هسة تشوفين بس يموت همام.. تنطردين برة..
زينة؛ داااا اطلع.. صار همام بوجهي..
همام.. تعال سويت عشا.. تعال نكعد يم امي..
همام: لاخليني.. انتظر اخوية يكمل حجية..
هاا عمار دتحسبلي ايام عمود اموت.. مجنت متخيل انت هيج تريد تفاركني.. واخوان واخوان..

زينة؛ صمالله عليك همام.. عمرك طويل عمار.. ميحجي من كلبة..
عمار: لاااحجي.. دووم ماانت موجود انت المفضل.. انت اللك حصة الاسد...
والباقي لعمار...
همام: وشنو فايدة الدنيا كلها باايدك وماعندك صحة..
مااكدر اكمل محاضرة خاف لااتخربط.. واصدقائي يعرفون اني مريض..
مااكدر العب طوبة خاف اتعب وينقلوني مستشفى مااكدر اكل اكله مشتهيهة.. خاف تنتكس حالتي ويفوتوني غسل..
تعرف شنو غسل..
ماتعرف.. صمالله عليك خوية متشوفة ان شاء الله..
بس كل ماادخل هالجهاز اتمنى اموت مية موتة ولااشوف هالوجع..
مااعرف جكد رح اعيش.. اذا حاسدني ع كم يوم باقيلي امي مداريتني انت امي الك العمر كلة..
رح تشوفك مزوج وتشيل جهالك وتفرح بيهم...
اني اذا عشت كم يوم محتاج احد يشيلني..
شون تحجي ويا زينة هالشكل..
زيونة.. هذا بيتج.. لو بية نفس اني اخدمج واراعيج.. لحد ماتكملين.. وانطيج لليستاهلج.. واكلة هاي تاج راسي..
دير بالك عليها..
امنيات اذا الله خلاني عايش لذاك الوكت وافرح بيكم ثنينكم واني اخوكم الجبير..

زينة: صمالله عليك حبيبي.. صمالله اني اخدمك اني اراعيك.. اني اتبرعلك.. بس لاتحجي هالحجي.. فدوة اروحلك.. لاتكول هيج اعيش خدامة جوا رجليك..
شهد: هناك ورا البااب واكفة واسمع كلام همام سجاجين تنخر بية..
كل يوم نفس الكابوس اشوفة.. اشجان حية وتلف حوالين همام وبعده طفل مو جبير.. يومية امر من يمة.. افوت لغرفتة.. واشوفة بعدة يشتم الهوا.. امسح ع راسة واكلة ربي مايحرمني من حسك حبيبي.. واباوع ع عمار واذكر اني شون هيج افرق..
معقولة اني السبب.. اني الي خليت عمار يكره اخوتة واكرر معاناتي ويا عبير شون هيج شون منتبهت..
ولا زينة رباة ايدي.. شون متعلقة بااخوها ووتتفدى بروحهة.. يارب حمد وشكر الك..
ربي يحفظ اولادي..

فتحت الباب.. عمار شاف زينة تبجي..
خلا وطلع.. دخل علي... وبا وعت بوجهة..
علي: هااا.. هم علكتيها ولج زينة.. خابري ابوج وخل يجي ياخذج.. لو روحي بيت عمج.. هجمتي بيتي..

شهد: زينة.. ماما فوتي غرفتج..
همام انت هم روح لغرفتك..
ابقى يوووم..
روحو غرفكم..
علي: اني كلت حجاية لو اني لو هي بالبيت...
ورح تطلع..
شهد: محد.. مجلب بيك.. اطلع برة...
علي: شنو.. الظاهر تخبلتي والضربة اثرت عليج..
طرديني من بيتي...
شهد: بالعكس.. الضربة صحتني.. صحتني على كل شي علي..
من اليوم.. مالك كعدة بيتي..
والي دا اكولة قانوني.. اني حصتي بالبيت مال 3ولد..وعمتي ميسون وام جاسم هم متنازليلي..

لهذا.. دا اكلك..

علي: والله كبرنا يا شهد.. جنتي عينج ماترفعيهة بعيني.. هسة راسج براسي..

شهد: الي يكبر مايكبر ع اهلة.. بس انت مو كبرت تفرعنت.. واذا اكو احد وصلك لهالمرحلة فهو اني.. كبرتك لحد مادست علية وكمت ماتهتم حتى لمشاعري.. دست ع روحي وكرامتي كلت هذا رجلي ابوجهالي مالي.. غيرة.. رحت حرت شسويت.. وزوجت وهجرتني وكلت ميخالف وخلص.. شتسوى.. طلعتني مريضة ومتحملني خلف الله عليك وعداك العيب ماقصرت ابن عمي...
بس من اليوم ماعاد يجمعنا بيت واحد..

من باجر رح اقدم دعوى تفريق وكل شي مااريد منك بس عوفني اني وجهالي بحالنا..

خلصت القصة.. باجر الم غراضك واحطها بغرفة مرتضى وهذا اخر واجب زوجي اسويلكيا...
ورجاءا بدون مشاكل..
وبدل ماتسوي مشاكل روح شوف ابنك وين راح..
عفتة وفتت لغرفتي وهاي اول مرة اكون حازمة ويا.. وانطي راي نهائي... ظليت انتظر يمتة يطلع.. عمود ارتاح اول ماجر الباب وسحبة قوي حسيتة سحب شكو ذكرى حلوة بحياتي ويا..
ثاني يوم سالت علي.. كالولي مسافر..
كلت لعمي ولخالتي ولاامي ع قراري..
واني وعلي.. رح ننفصل..
كعدت الاطراف كلها تدخل..
ودخلو زمن وقصي..
كعدونا وحدنا.. وحجينا عالمكشوف وظل يستفزني..
لحد ماسولفت ع النت وعلاقاته اليسويهة.. بالحاسبة..
زمن تحججت كامت...
ومحسيت الا انو علي كام وحلف علية.. طالك.. طالك... طالك..
وعاف البيت وطلع..
مرت أشهر العدة..
حاولت اكون طبيعية واتجاوز كل الانتقادات..
صحة عمي بالنازل.. بعد ما علي طلكني..
وصار كل ميشوفني او يشوف الجهال.. ينقهر بالزايد زينة صحتها بالنازل..
ومتاكل هادئة اغلب الوقت..
عمار شكلة ندمان بس ميعترف بخطأ للاسف طالع مثلي..
بس هم معاد يدخل بحياة همام ولايتابع خطواتة..
همام :اتجه للقراية.. مرات اشوف بي علي الحبيتة ومرات اشوف اني.. بكل تفاصيلي..

المهم مااخذ احسن الصفات، من النسوان يكولولي ملاك ياالله..
حيل انقهر علي..
خلصت هالسنة بيت رافت رجعو ورا مخلصو فلوس.. وهنا زينة قررت تنتقل بيت عمهة.. رغم انو ابن رافت من سى للاسوأ..
واخر شي رافت كال اريده لاابني ومقبلت لان لاعلم ولافهم ولاشهادة..
شهد:زينة بعدج وينج وين الشتا  شدسوين..
مباوعت بوجهي ََ..
زينة مو دا احجي وياج ماما..

انهارت من البجي..
شبيج ماما.. شبيج منو غاثج..

ماما اني اسفة.. اني هدمت بيتنا وحياتنا والله موقصدي هم تعاركو..
وانتي شعليج.. ماما هاي قديمة السالفة..

زينة؛ احسن اروح خلي عمو علي يرجع..
ولج
شاارجع رح صير سنة ومااريدة فهمي اني طلكت منة
انتي شون تريدين تعوفين امج منو الي غيرج انتي ايدي ورجلي نسيتي همام جكد يحبج.. حتى هذا الخبل عمار.. بس مطيور شسويلة..
انتي بنتي  غصبا عاليرضي والي مايرضة..
واني رح اخلي حد للحجي..
شهد؛ الوو.. يحيا.

يحيا؛ هلو ام همام شونج وشون الجهال..
شهد؛ عندي موضوع وياك ضروري..
محتاجة تكون ويايا..
يحيا؛ ماااشي.. اني اسبوع جاي رايح لااربيل.. تعالي وجيبي الجهال اريد اشوف زينة.. مااشي اتفقنا...
للقصة بقية...
🌸🌸🌸🌸🌸🌸🌸🌸
لاتنسون التصويت عالقصة فضلا وليس امرا