رواية عندما يكون العشق صوفيا الفصل الخامس 5 - بقلم ruqaya H algurtani

_ مهما حدث في حياتك، ومهما بدت الأشياء مزعجة، فلا تدخل ربوع اليأس. وحتى لو ظلت جميع الأبواب موصدة، فإن الله سيفتح دربًا جديدًا لك .

جلال الدين الرومي

كان الطريق طويل كلش ومحسيت روحي شوكت غفيت وكعدت ع صوت علي..
شهد.. شهد.. ولج شهد..
شهد:فزيت وعدلت كعدتي هااا.. هاا وصلنا..
علي:لا.. وينج وين كربلاء لازم تشوفين العراق كلة يلة توصلين..
شهد:لعد.. شنو...
علي :تعاي ننزل نتغدا وبعدين نكمل..
شهد:لا مااريد.. ماجوعانة..
علي:نزلي يلا.. خل اريح شوي تعبت..
ناكلنا لكمة ونروح..
شهد:بس انيييي...
لا تبسبسين.. امشي يلا نزلي..
حجة الضابط كلمتة وانتهى..
نزلت.. وكعدنا بمطعم ع الطريق..
وبس شافو علي راسا فرغولة ميز والكل عدل كعدتة.. حسيت بسعادة داخلي مااعرف شو اوصفها حلو وحدة عدها اخ هيج هيبة وااناس تخاف منة وتحترمة..
حطو الاكل.. واني من الريحة حسيت مالي نفس اكل..
بس ظليت صافنة ع منظر علي هو ياكل.. باايديه ورافع ردانة وياكل بشهية..
وفجاة.. انتبه علية..
انتي رح ظلين صافنة بوجهي متاكلين..
لا.. مااريد.. شبعت..
لج شااكلتي انتي..
خلصت لفتين وانتي بعدج نص لفة ممكملة تعالي جيبيهة احطلج عنبة.. يلا خلصي دنروح..
مااريد.. كتلك مجوعانة..
اكلي ترة ورانة طريق طويل مااكدر اوكف بعد..
ميخالف اني...
اهووو... شو فتحي حلكج.. يلا اكلي..
مابية حيل تخربين بالطريق واضيع اجازتي بالمستشفى.. اكلي..
كالها بصوت يخوف..
واني من خوفي اكلت.. وكوة جرعت الاكل..
الحمدلله جكد جنت جوعان والله... يلا كملتي..
شفتي شون جوعانة هي مال خجل..
اكلي عمي اكلي..
وهو ميعرف اني من الخوف اكلتها...
ساق سريع وتركيزة عالشارع واني احس معدتي بدت تكلب وكل شوي اريد استفرغ...
وخايفة ينتبه وادعي اوصل وميصير شي..
بس وصلت حدهة ضربت ع رجلي وايدي ع حلكي..
علي:ها شهد شبيج..
دنيا وجه الغروب.. يمكن ع حدود ديالى..
فتحت الباب وركضت ع جانب الطريق استفرغت..
وعلي يسالني ادري شااكلتي هي نص لفة...
ظليت ساكتة بس ظلت معدتي تكلب..
وكل شوي يوكف السيارة واستفرغ... ويا اذان العشا صار وجهي اصفر وواحد من السيارات من شافنا كالة لعلي وديها مستشفى بعقوبة التعليمي..
وهناك ضاع نص يوم بالمستشفى وصار عندي تسمم..
سولي غسل معدة خلص المغذي وطلعنا..

علي:يلا تعالي.. خل ارجعلج الكرسي شوي..
سكت شوي وبعدني احس بلعبان نفس..
علي:هاا.. شكو.. يمعودة هو بقة شي تزوعي.. بس امعاءج بقت..
ظل يحجي واني كوة لازمة روحي وضاغطة ع معدتي..
بالنهاية جنت الجنونة بعد صمت مااعرف كم سنة ملكيت غير علي طك بوجهة..
شهد:كااافي.. من وراك انت كتلك مااريد.. مااريد.. ظليت تلح.. اكلي اكلي..
احجي واقلد صوتة وهو دياكل وحلكة مملي ويكلي اكلي...

وهو بالنهاية.. ضحك..
هههههه، هاي اني هيجي احجي..
شهد:انتبهت لحجي،
اني اسفة، بس ابد مااكل اذا طالعة طريق.. تلعب نفسي..
علي:مو دا اكول اني اكلت متسممت ليش انتي سممتي..
شهد:طبعا انتو بالجيش رب الي صمونكم تفشخون بي الجهال مو عاد الاكل مياثر بيكم.....
هههههه، صدك حقج بهاي..
يلا يمعودة سلامات.. مرة ثانية ذكريني..
مااخليج تاكلين...
شهد:توووبة. اني مااطلع وياك بعد مرايدة روحي...
علي:هاي.. شنوو بلة ليش خانم..
شهد :طبعا، تكول سايق سيارة مال سباق.. ز وعتني العافية من الموصل لديالى بساعه وين صايرة..
هههههه، العفو بعد مااحجي توبة لاطلعيلي سوالف جديدة...
ارتجيت ع المقعد.. وهو كل شوي يضحك..
واخطف ابتسامتة وهو يباوع علية.. ممصدك.. اني احجي..
وهاي اول مرة صدك اعبر عن داخلي بدون تردد...
تاخرنا 3ساعات عن موعدنا.. لان علي كام يسوق بطئ، واستقبلونا بالاحضان امي هم شكلها متغير صحتها احسن حتى فؤاد متغير..
وتصرفاتة فاتح مطعم صغير هو ورافت..
وصلت وامي هبطت من شافت الكانيولا باايدي...
طمنها علي وبدا يضحكهم عليه وطول الطريق كضيتة استفراغ.
بعدها غسلنا وبدلنا وهو راح نام واني هم.. جانت خالتي مفرغة غرفة لاامي واخوتي ومن جيت تحولو الولد بغرفة علي لان ممتواجد ع طول..
ثاني يوم كعدت الصبح ملكيت احد علياء مدرسة واخواني شغل مرتضى هم شغل امي بالسوك وخالتي هم بالمدرسة لان هي معلمة وعمي دوام..
ماكو احد بالبيت بس اني..
قررت اتلهى وارتب البيت واغسل مواعين الريوك..
عدلت الغرفة.. وكلت امسح البيت..
وجان اسمع صوت..
احم.. احم..
فزيت هذا علي..
شهد:انت شجابك هنا...
علي:شنو جابني هنا هذا بيتي..
شهد :العفووو...
علي:عادي.. اكلج ماكو احد هنا خالتي مرجعت..
شهد :لابعدهة.. كلهم طالعين..
وعلياء ومرتضى مدرسة..
اهاااا..
من تجي خالتي كليلهة سويلي ريوك.. رح اروح اسبح.. وراجع..
طلع برة البيت..
شهد:علي.. الحمام.. منااا...
علي:رح اسبح بالشط..
شهد:ماااشي...
ذكرت جهال اخوية بعدهم نايمين..
اوي يقهرون خطية بلا امهم..
يلة بالقليل امهة عذرهة مموجودة ، احنا كبرنا ومو حاسين ولانعرف شنو امومة..

كملت الشغل وظليت انتظر امي وبعدني احس بالضوجة اذا طلعت امي وعافتني....
ورا شوي كعدو الجهال غسلتلهم وبدلتلهم..
وكعدت اقنعهم يتريكون..
واحايلهم والعبهم من زمان احب الجهال، ومن اجو جهال رافت تخيلتهن اولادي واتخيلت الامومة وياهم.. وشفت الباب انفتحت اجة علي ردت انشغل بشي، اكوم بس هو فااات وتلكتة حنان..
شالهة ذكرت ايام زمان من جان يشيلنا اني وعلياء ولا يفرحنا بعيدية حلوة 25دينار الخضرة ام الحصونة، حلوة الذكريات اوووف..
علي:شهد.. شهددد...
سالمين وين رحتي...
شهد :هياتني.. رايد شي..
مااجتي خالتي...
هاااا...
لا بعدهة..
علي:اني ميت جوع..
راح اكل ويا الجهال.. بس صبيلي جاي..
هاااا...
صعبة عليج.. اصب اني..
لا.. هسة احمي لان برد..
واحضرلك ريوك عوف هذا اكل الجهال..
التفت للجهال.. وكعد يسوي حركات.. لا اني اريد اكل اكل حنان وعبدالله..
الله جكد طيب..
ههههنهنهههه...
من زمان علي يحب الجهال.. بس الله ماقسملة اولاد..
كمل.. وياهم...
وكالي اني كاعد بالهول..

يعني جيبيهم هناك..
اعرف..
كعدت احضر الصينية وكل شوي ارتبهة شكل شكله ينكنك مثل فؤاد. مابية حيل يقلد..
المهم بالنهاية حصلتلي صيحة... بلطف..
هااا يمعوده مخلص.. متت جوع..
شهد.. دقايق.. هاك تفضل..
ظل صافن بوجهي.. يعني تريديني اشيل صينية..
شهد:العفو.. وين تريد احطهة تعاي حطيهة بالهول..
حطيتهة وداا اريد اطلع...
علي؛ شون صرتي..
زينة الحمدلله...
اكلتي لو بعدج..
لا بعدني..
ولج من البارحة مماكلة اكلي لاتموتين..
باوعت علي دا اذكرة ع وعد البارحة..
علي:خلص.. توبة.. توبة مااكلج.. بس قابل ظلين هيج..
شهد:انتظر امي.. جيبلي شي وصيتهة..
وشوصيتيهة..
هاااا.. هسة تجي من رخصتك..
طلعت كوة حسيت روحي بااستجواب ولازم اجاوب ع كل الأسئلة... خفت ع امي لان تاخرت هواي..
كلهة نص ساعة جتي امي..
ومجايبتلي الحلاوة وصيتهة عليهة..
ليش ياماما.. ليش ماجبتيها..
لج، والله نسيتها مبالي..
كوم مسواااك،
شهد:عود مريضة والبارحة دا اموت..
وهيج مداراتكم...
ديلة ياماما.. شبيج.. يلا باجر اجيبلج..
بس ماما مشتهيتهة.. ولحد هسة مااتريكت..
يا ليش ماما.. مااتريكتي..
ياااصدك سودة عليه علاوي مااتريك..
شهد؛ اويلي يابة اشتهيتج مرة تذكريني بلا متفكرين بغيري..
اطمني ريكتة وريكت الجهال ونظفت البيت رتبت البيت بعد..
عفية بنيتي.. السبعه..
يلا تعاي ساعديني نسوي غدا...
ماما.. ماحجيتي ويا ابوية واخوتي ارجع للمدرسة حرامات سنة علية تروح..
بس امتحانين راسبه بيهم لان ماامتحنت...
ماما.. دخيلج عفية..
ام شهد: كعدي وسكتي وكافي صار من ورا راسج خالد راد يموت بين ايديهم
وهجولتي اخوتج وخطية الجهال تيتمو وامهم موجودة..

احسن الهم.. قابل شناقصهم اكل لبس مداراة..
ام شهد:ولو.. الام مكانتها غير شي..
شهد: مرات الواحد يحجي اشياء ميطبقها ع روحها وامي بهاي الكلمة نست انو هي ام نست واجباتها تجاه اولادها..
المهم، الله يهدي اخوج ويصالح مرتة..
لخاطر الجهال..
شهد: ان شاء الله..
ام شهد.. مادام ابن خالتج طلع، كومي عدلي الغرفة هسة اخوتج كالبين الغرفة
شهد؛ اني افوت لغرفة علي
لا ماما عيب شون افوت غرفتة وهو ما موجود..
لج شنو رح سوين هو عدليهة ونزلي،
يلا وتعالي عزلي المسواك ماطول الجهال ملتهين، يلا يووم.. كومي بسرعه..

حاضر ماما..
صعدت للغرفة وجان كل شي مرتب ونظيف كل شي بمكانة عرفت انو مو اخوتي سبب هذا الترتيب، بس علي هو اليحب كل شي بمكانة..
قادني فضولي اعرف الي بالغرفة شنوو، اكو مكتبة صغيرة ع الجانب، جنت اشوف من احنا صغار يقرا هواي وقت فراغة وحتى هو كاعد يحب يقرا، اكيد كتب دينية ردت اسحب كتاب وكعت الكتب الي بصفة..
شهد:اوووف ياشهد الغبية كعدت اصفط الكتب ومااعرف اذا صح او خطا دا ارتبهم، جان بين الكتب كتاب اسمه قواعد العشق الاربعين،
شهد:اهاااا، هم يفهم بالحب والله شو هذا، بس شكلة قديم، خل اقراه..
فتحت اول صفحتين وعجبني اقرا، اول محسيت خطوات جاية.. ارتبكت وردت ادحسة شون مجان بس لسوء حظي مادخل.. وعلي صار بوجهي.. ارتبكت وماعرفت شااحجي،
علي:هااا، شهد مضيعة شي دورين علي..
شهد؛ هاا، امي كالتلي رتبي الغرفة وشوفيهة اذا محتاجة تنظيف،
علي:وشفتيهة محتاجة؟
شهد: هااا، اني نازلة، ذبيت الكتاب ونزلت بسرعة..
مااعرف ليش احساس بالخوف يجيني كل مانتواجه...
عدت الايام، ظليت كل مايكون علي موجود احاول مااتواجد
فؤاد :شهد.. من يجي علي لبسي حجاب
شهد:ماا، مالبس علي مثل اخوية ومتعلمة علي ليش البس..
فؤاد:تلبسين غصبا عنج ولاتخلين صوتي يطلع،
شهد: ماما.. شوفي فؤاد شيحجي من يمتة اني البس حجاب كدام علي،
ام شهد: اي يمة لبسي، علي يضوج متلبسين حجاب متشوفي مجبجب ميكعد ويانا عالاكل من وراج..

شهد: اهووو.. اني شجابني هنا لو باقية يم ابوية مو اشرفلي من كعدتكم..
فؤاد :لج لايطلع صوتج.. فاهمة والله لوووو...
شهد:اخ ايدي.. عوفني...
بهالاثناء فات علي..
هااا، سالمين شبيكم..
شهد:حسيت بالاحراج.. عاف ايدي سحبت روحي ورحت انحبست بالغرفة وكعدت ابجي..
ويا الغدا.. مكعدت وياهم.. اخذت ماعوني كعدت بالمطبخ.. ضليت احرك بالخاشوكة بس مالي نفس اكل..

ام علي:علاوي.. يلا تعال ماما.. تغدا..
علي:جنت دا اقرأ.. وصاحوني عالغدا..
علي:الله.. بالخير..
باوعت يمنة ويسرى..
لعد شهد شو ماكووو....
ام شهد:مامشتهية..
ام علي: زعلاااانة..
فؤاد: تزعل.. وترضى وحدهة.. عوفوهة..
علي:لحظة مصارلهة يومين من جتي لحكت تزعل..
ام علي:هاي لان فؤاد كاللهة تلبس حجاب بالبيت لان انت موجود..
وهي كالت عمود هاي رح اكعد بالمطبخ..

ع

لي.. يمعود.. وين رايح..
علي:دقيقة.. هسة جاي..
شهد:جنت كاعدة.. واسفسف من الحر واختلطت دموعي ويا العرك..
واجة علي.. تنحنح.. ماباوع.. رغم ارتباكي..
احم.. احمَ...
وكفت.. ع حيلي.. لهنا ولحكتني وين اروح بعد..
علي:شنوووو...
شهد:ماكو شي... تريد شي..
طيني صينية من يمج..
هاااا...
خلصتووو..
خمس دقايق.. غسلي وجهج وروحي تغدي ويا النسوان..
لااا... مااريد..
بدون نقاش رح نكعد احنا الولد بالاستقبال..
مو مال زعل.. الحجاب فرض عليج..
وعندج 21يووم اخذي راحتج مموجود اني.. بس كدام اي احد تلبسين حجاب مفهووووم..
مفهوووم...
من يومها.. الولد يتغدون وحد والبنات وحد..
واحاول.. مااتواجه وياااا..
بس من يومهة وكبر بعيني حيل..
وكبر اكثر من قنع ابوية واخوتي ارجع للمدرسة.
وهاي قبل مايلتحق حتى اتفق ويا مديرة المدرسة مال علياء عمود اداوم على مايجيب الوثيقة، وماتروح علية دروس، بعد ماسيطر الياس علية واكتئبت ماكو شي جديد جنت نايمة وجتي امي..
شهد.. شهد..
هااا.. ماما شكووو.. من الصبح.. عمالة خو ما عمالة..
ام شهد:ولج كعدي خ اوديج المدرسة..
شهد :كعدت فازة.. اني ومكفوشة.. شنووو..
دا اوديج للمدرسة خ تشوفج المديرة اخذي صدرية من علياء على مااشتريلج..
شهد:لحظة.. ماما فهميني.. شوي شوي..
شون اداوم واني اوراقي كلها بالموصل حتى كتبي هناك..
يااا، مكتلج..
شهد:شنووو...
مو علي الله يرضى علي راح للمديرة واتفق ويااها داومين على مايجيب وثيقتج.. ودبرلج كتب...
شهد:جذذذذب..
ام شهد:امشي ولي، كملي نومتج لعد دام اجذب عليج..
شهد: لا ماما طيارة.. كعدت ابدل واجهز روحي..
ودموعي تنزل..
من الفرح..
ظليت انتظر جية علي واتخيل من يجي شون اشكرة علي سوا ويايا..
يومية اسرح بخيالي حتى بالمدرسة افكر بي..
المراهقة بهاي المرحلة لمن يتقدم ولد بالي سوا علي يصير فارس احلامها..
وعلي صار فارس احلامي، ولمن تاخر عن موعد جيتة ضجت وانسدت نفسي عن الاكل واكو ايام كعدت ابجي ومااعرف ليش يمكن البجي عندي صار عادة، افرح ابجي احزن ابجي..
والحجي اليحجو اهلي واهل علي خالتي وافكارها ولمن تكول بالي مو مرتاح، اني من يمي اتعب واخاف ع خوفهة، اكيد
كلب والدة وحاسة بشي..
وبيوم واني راجعة للبيت من المدرسة،
جان البيت هوسة وتحضير غدا خاص..
لمن امي كالتلي علي جاي..
شهد : صدك علي اجة..
محسيت ع روحي.. شمرت الجنطة ركض ع الدرج ومن فرحتي فتحت الباب بدون ماادك الباب، شفت ظهر علي كلة مضبر ومبين علي متوجع..
شهد:علللللي.. هاي شبي ظهرك..
محسيت الا ايدة ع حلكي عمود لحد يسمع..
للقصة بقية...
❤️❤️❤️❤️❤️❤️❤️
لاتنسون التصويت عالبارت اذا اعجبكم...
فضلا وليس امرا