رواية عندما يكون العشق صوفيا الفصل السادس 6 - بقلم ruqaya H algurtani

‏يوما ما سيأخذك قلبك الى محبوبك ، يوما ما ستهتدي روحك إليه ، فلا تستسلم في غيابات الالم الحزين ، ولتعلم انه يوما ما سيكون هذا الالم هو الدواء. -
جلال الدين الرومي
ذ
بدون وعي وداخلي فرحة ولهفة
انتظرتها عمود جية علي جنت مندفعه فتحت الباب وهو كاعد يبدل وشفت ظهرة مضبر، راسا حطيت ايدي ع حلكي..
وصحت علي هاي شبي ظهرك.. بخطوتين شفتة حط ايدة ع حلكي..
علي:لج انتي شجابج.. سكتي لاتحجين امي ذاك اليوم انجلطت مااريدهة تعرف..

شهد: بس شكلة ظهرك متاذي هواي مو لازم تروح طبيب..
اني جنت اصلا بالمستشفى..
رجعت هبطت وجريت نفس مصدومة.
عزززززة..
علي؛ لج سكتي انتي فضيحة.. لج بابا لاتكولين لااحد.. ماكو شي انقصف المعسكر مالتنا.. وشوي جرووح.. ورضوض..
شهد؛ والله خالتي جان بالها بمكانة ليش مخبرتنة لعد..
اخوانج وياية لاتخافين،
جكد لئيمين واحنا كاعدين ع اعصابنا...
علي:باوع علية بنظرة.. ياهو هذا الي كاعد على اعصابة..
شهد: هاااا... الككل.. خالتي وامي وعمي..

علي:وانتي هم ظل بالج...
شهد؛ هااا.. اروح انزل يمكن امي تصيحني..
مجاوبتيني...
ع شنوووو.. حمدالله ع سلامتك... يلا انزل الغدا رح يجهز...
نسيت بلحظتهة كل شي حتة الحجاب الي ع راسي نسيتة.. وظل خيال ايدة وهو محاوط ركبتي وايدة ع شفايفي..
الة شوي ردت اوكع من الدرج..
وامي رزلتني.. لان اندفعت بوكتهة مافكرت وعلي توة جاي..
ماانتبهت.. نسيت كل شي.. اصلا اني بطبعي شخصية مندفعة وخربطت بالحجي مدا اعرف شبية..
نزلت غسلت وجهي وكل مااباوع بمراية تجي صورة علي...
عزا هاي شبية اني..
اوووف.. صدك غبية.. بعدني ماطلعت من هوسة خالد، كلة بسبب اهلي خلوني اتامل  اليوم كان يوم مميز.. علي طلب الكل يكعدون سوا..
عمود نلتم.. وعزمو عمتي جانت مسافة عنا..
اجتي وجابت بناتها وياهة..
وخالتي عزمت بنت خال ابوهة بنية ب 30متزوجة وماعدها اولاد.. زوجها صيدلاني وهي باحثة اجتماعية...
اسمها زمن..
جان البيت هوسة.. واتقدمت زمن..
زمن؛ السلام عليكم الله يساعدكم.. محتاجين مساعدة..
ام علي:لا.. زمونة سلامتج..
اكعدي.. هسة نحضر الغدا ونكعد..
زمن: والله ضجت من الكعدة مال رياجيل..
كلت اجي، يمكم عالواهس..
ام شهد؛ لاحبيبتي سلامتج.. والله استريحي..
شهد؛ ظليت اباوع من بعيد، عجبني شكلها وشخصيتها حتى ملابسها..
بس محجيت وياها حجاية..
زمن:زين عفية ممصلية اريد  سجادة اصلي ولو هوسة بالهول والاستقبال..

ام شهد؛ يمة شهد.. اخذي زمن لغرفتنا.. انطيهة السجادة خل صلي..
ماااشي ماشي..
تعالي منا.. خل اوديج.. للغرفة..
شهد؛ تفضلي.. من هنا القبلة هيج..
انتي شهد؟
اي، اني.. جاوبت وكلي فضول سبب السؤال..
انتي بيا صف شهودة..
هاااا، اني خامس علمي..
صلوات، ماشاء الله..
وشنو بالج تدخلين كلية..
شهد:خل انجح وبعدين اقرر...
بس سمعت انتي شطورة ودرجاتج عالية..
هاا.. ماما كلتلج.. لو.. خالة..
لاهاي ولا ذيج.. علي كلي..
علللي...
اي.. شو استغربتي، من ديجيبلج قبول طلب مني احجي  ويا ست فاطمة عمود داومين...
شهد: هاااا.. اي.. صح.. علاوي.. بمثابة اخوية الجبير...
اخوووج..
اي.. احنا من صغار هو حاير بينا...
يااااا...
اي..
تعرفين شهودة.. صدك انتي تنحبين..
شهد:صدك.. شكرااا..
يلا.. خل اصلي دوختج..
شهد؛ لا بالعكس..
حضرنا غدا وانتبهت  زمن وزوجها وعلي علاقتهم قوية وشقاهم قوي...
طلع.. ديانتة بس علية.. فريت بحلكي..
بس اول ما ضرب قصي ع ظهر علي اني صحت من يمي لاااا...
وهو كتم المة بداخلة،
واني من الاحراج كمت وعفت الغدا.. وكمت..
دائما احط روحي بمواقف موزينة..
ماصدكت شون كمل اليوم.. وراحو الخطار.. و
علي حجالهم ع قصف المعسكر مالتة..

واضطرو ينامون بالشارع بسببة..
وهيج فسر صيحتي.. عالغدا لان شفتة متاذي..
بس ظليت يومين مااتواجهت ويا علي من الفشلة..
إلى ان في يوم شفته كاعد وديغير الضماد لروحة..
علي: اااااه، خرب...
شهد: علي.. جكاعد سوووي...
ركضت.. ليش دتشلع الضمادة كاعد تنزف.. رح اصيح خالتي...
لزم ايدي..
علي؛ تعالي شهد.. تعالي.. انتي شنو فضيحة متكدرين ع روحج لازم تحجين..
صح جان متوجع.. بس حجية جان بجدية وبنبرة حادة.. خوفتني..
شهد؛ اني اسفة بس خفففت....
علي؛ كافي.. فدوة شهد.. دامج جيتي.. ديري ديتول بلكي تفك الضبارة لازكة..
شهد: انييييي...
علي؛ شلعيهة قوي.. اني مااوصللها وجتفي يااذيني..

شهد؛ لا.. مااكدر.. اخاف..
علي؛ لج من شنو تخافين جريهة.. عادي..
شهد؛ هسة تتوجع.. اصيح خالتي..
علي: اههههو.. هم كالت خالتي.. اااخ..
هسة وكتهم لااخوتج يروحون.. اخخخ..
روووحي..
جان.. يتوجع ومرادني اشوفة.. دائما علي بعيني شخص قوي مينكسر اول مرة احسة يصرخ من الوجع وبسكتة..
رجعت خطوات.. ودرت وجهي..

بس صعب تشوف انسان تحبة، يتوجع..
تحبة.. خفت من هذا الاحساس التولد عندي فجاة، اني دايما شايفتة اخوية الجبير، ملاكي الحارس شوكت ماكنت محتاجتة يساعدني بدون مااكلة...
رجعت وخلص اتحمل لخاطرة..

شهد :علي..
هااااا... اخخخ.. ليش مرحتي..

خلص.. كلي شااسوي.. واني اسويلك..
علي: هاج الديتول.. ديري فوكاه.. بلكي يفتح.. ااااخ..
شهد؛ دتتوجع علي.. اصيح خالتي..
علي؛ اهووو.. انتي جلبتي بخالتج...
شهد؛ اني اسفة.. بس...
علي؛ شهد.. لج ليش تبجين..
شهد؛ مو.. انتتتت..
علي؛ خلص.. اني اسف بس دا اتوجع..
شهد:تتوجع  هواااي..
علي؛ لج انتي شنو شايلة كلب لو سمجة..
ههههه.. خلص اني الغبي.. صيحت عليج..
بس بعد ماكو تراجع... خلص الله يخليج شلعيهة لو اظل الليل كلة ماانام من وراهة.. يلة سبعه..
شهد؛ علي.. رح اشلعهة..
يلااااا.
اشلعهة...
علي؛ شهد هيج اتوجع اكثر شلعيهة بدل ما شلعين كلبي..
ماااشييي...
علي؛ شفتهة جرتهة وعيونهة مغمضة...
وعاطت..
شهد.. لج انتي بدون كل شي فضيحة انتي دتتوجعين لو اني...
شهد؛ وجعتك.. اني..
علي:لا.. موجعتيني.. اطمني..
صذك..
اي والله مااتوجعت.. بعد هاي شغلتج..
اخوج دمرني شغلة شون مجان.. لعذا لزكت.. واجة قصي كمل علية..

يلة... لعد خل اعقملك ياها.. واحطلك دهن..
اخ... اخخخ..
تتوجع..
هي مال جذب توجع..
عاشت ايدج..
جيب اللفاف.. الفة..
وكل شوي.. اباوع بعيونة.. وكلي حب مفضوحة..
شونج بالدراسة..
زينة الحمدلله، امتحنت الفصليات وكلها درجاتي عالية..
عفية عليج.. شدي حيلج.. ان شاء الله متوفقة..
شهد؛ ان شاء الله.. شكرا علي.. شكرا ع كل شي.. شكرا لان انت موجود..
حياااتي..
علي:لازم.. تبطلين اندفاعج هذا يوكعج بعدين مشاكل..
شنووو...
شايفج مندفعة راسا تكولين الي حاسة بي..
بعدين تتندمين..
شهد؛ العفو اني اسفة.. جنت حابة اشكرك  بس اذا فاهمة اندفاع اسفة..
سلامتك مرة ثانية تصبح على خير..
شهععهد..
عفتة ورحت.. وصدك لمت روحي.. وطول الوقت احجي ويا روحي..
شفتي غبائج وين وصلج عبالة.. شامرة رو عندج شي تجاهة..
اصلا.. مضيعني غير اندفاعي..
خلص شهد.. من باجر تتغيرين وصيرين ثقيلة.. والحجاية.. تطلع بالكوة..

وطبعا من اسوء عذابات الروح انك تانبها ع سلامة النية والبشر..
كانو تكللها ديري ع نقاءك تراب لان متتناسب ويا تلوث قلوب البشر..

صار الحجي تقريبا معدوم بينا بس ساعة مايغير الضماد اساعدة،والحجي يادوب..

وهو احترم رغبتي ومحجة وحتى لمن ننفرد احسه رجل مجرد من المشاعر بارد،

يمكن استعجلت لمن اندفعت بمشاعري هيج كان لازم اكون حريصة اكثر من هيج..
ومختصر الي صار عمود مااتامل ، بهالفترة تكررت زيارات زمن لبيتنا وقوت علاقتي بيها، وكمت استشيرهة بهواي أشياء، والعلاقة بينة صارت اقرب ماتكون احتضان صا رت جزء من حياتي مااكدر بدونهة..
ورا مطاب علي رجع لوحدتةوهالمرة تقرب شوي حطوه قريب الحدود الايرانية..وكام يجي وينزل هواي..
وكل مايجي اعتكف بغرفتي مااطلع واتحجج بالدراسة..
وبالليل احوم بالبيت.. بحثا عن الطعام مثل ميكولون..
بوووومة..
ركزت بدراستي وامتحاناتي..
رافت اخيرا صالح مرتة..
وابوية قرر يبيع بيت الموصل ونشتري بكربلاء بقة بس عمي سمير ابو خالد بالموصل..
واسمع اخبار كومة عن خالد بس معاد هامني بس لمن سمعت هو جاي وويا اشجان.. هنا حسيت روحي مكسورة..
وسمعت اشجان.. لاحة على خالد عمود يصالح اخواني..
وتقرر يجون لبيت عمي قبل لانتحول..
ويا اجازة علي..

شهد:ماما.. دا اكلج لااسلم ولااصالح.. انتو صالحو تعاركو مشكلتكم..
اني رح الم كتبي واروح بيت زمن.. من يروحون ارجع..
فؤاد :اشوف رجليج تعلمت ع الشارع..
انتي حضرتج لو ماشية عدل جان خالد عافج..
من يوم يومج مو راحة..
شهد؛ انت معليك بية.. اني مااطلع ولااسلم..
ولج سليمة.. غصبا ماعليج تستقبليهم..
خل نحل مشاكلنا ويا بيت عمنا واخوج يستقر ويا مرتة.. كلة من ورا راسج..
شهد؛ اني ماكتلكم كتلو.. انتو بديتو ولاكلت رافت طلك مرتك انتو ليش شمرون براسي بلاكم..
بلانا.. ولج انتي صار كومة ممكتولة..

ام علي: هلا يمة شها لمفاجاة.. نورت بيتك..
فؤاد بلا مشاكل ولج.. هاي علي اجة..
شهد؛ كمل الفريق.. يووم اني كاعدة بغرفتي تحججي عندي امتحانات ومااكدر اطلع..
وعمتج مسلمين عليهة..
شهد: اصلا عمتي.. اعرف هي راس البلا..
وهذا ابنهة جاسم المخربط.. لزكة كل مايجي.. يلزك وميفهم..
ام شهد؛ روحي كعدي بغرفتج.. بلا مشاكل..
علي؛ شهد حيل تلفانة وضعفانة شبيهة وهذا فواد..
ام علي؛ يمة انت ماعندك غير شهد ملتهي بيهة.. اخوها ويحجي وياهة انت لاتدخل يمة.. وبيني وبينك عمتك جاية تخطبهة لاابنهة وخالد جاي يصالح ولد عمك..
علي؛ هذا جاسم المخربط ياخذ شهد خ يولي.. هالزعطوط..

ام علي؛ اهلها وموافقين شلنا دخل..
علي؛ يصير خير..
كمل الغدا وسط لمة الرياجيل..
وتوا زوج عمتي ديطلب شهد..
ابو جاسم: عندي وياكم سالفة اتمنى ماتردوني..
علي؛ حجايتك مكطوعة بالخير بس عندي حجاية وياكم دام عمامي وولد عماَمي كاعدين..
عمي ابو رافت؛ اتمنى ماتردني بهالطلب اني اريد اتقدم لخطبة شهد اذا ماعندك مانع..
وسط ذهول الكل علي خطبني.. جنت كاعده واسمع صوت الهلاهل خفت لاعمتي سوتهة وخطبتني لجاسم واهلي وافقو والله اموت نفسي غير اذا زوجوني فاتت زمن باركتلي..
وكالتلي علي تقدم لخطبتج وعمي ابو رافت قبل..
شنوو ...
و حجية اخر مرة شنو معناه زين ليش مفرحانة اني.. ليش خايفة...
زمن؛ لانج خايبة، والله لو شوفين  وجوهم من الهبطة وعمتج ظلت فاتحة حلكهة خو خالد بحث اخر.. مااوصفلج شون مصدوم..
المهم مبروووك حبيبتي.. صح زغير ة بس علي هيبة ويستاهلج..
شهد؛ علي طول عمرة اخ وسند..
لحد هاي اللحظة اذكر شون شالني واني صغيرة اكبر مني ب11سنة شون اكدر انسى هذا الفرق واخر مرة مشفت بعينة لااعجاب ولاحب  طيب ليش ديخطبني..
للقصة بقية....
🌸🌸🌸🌼🌼🌼
لاتنسونة من فضل تعليقاتكم وتصويتكم عالبارت اذا اعجبكم