رواية عندما يكون العشق صوفيا الفصل الخامس عشر 15 - بقلم ruqaya H algurtani

‏إن سألتني كم مرةً جئت في بالي سأقول مرةً ، لأنكَ أتيتَ ولم تغادرني.

جلال الدين الرومي

بدت اجراس الامتحانات والتوتر يزيد رغم اني مسيطرة الحمد لله بس داخلي خوف وتعب وقلت شهيتي للاكل.. ويا غياب علي عن البيت لان داخل معسكرات التدريب..
ويومية بالليل اكعد اقرا جزء من كتاب علي لما اغفى وانام..
الخوف داخلي.. قل عززت ثقتي بنفسي ومثل مكال علي قويت ايماني لان ماكو قوة تهز المؤمن بالله وخليت ثقتي بربي..
ماتركت صلاتي.. وقرائتي للقران.. وابدد خوفي بالحفظ عمود لا تحاصرني الذكريات السيئة ولا افكر افكار سلبية، من اسوء الاشياء الي واجهتهة سفر زمن لان زوجها ميكدر يروح ويرجع لااهلة..
وامة متقبل تجي لكربلاء فكان الافضل يتحولون هم، مرتضى قرر عالعطلة يزوج  بنت عمتي.. بس نتحول احنة لشقتنا رغم خوفي اتحول الها..
بس خلص نتجاوز مخاوفنا ونبدي مرحلة جديدة بحياتنا..
بعيد عن الشكوك والخوف..
مااوصف راحة الانسان لمن يكون خالي البال.. وَمرتاح وزمن كل ميصير عدهة مجال تخابرني..
زمونة حبيبتي رح اشتاقلج..
شون رح تولدين مو يمي انتي ومااشيل بنتج..
لاتخافين كلهة شهرين ثلاثة واقنع قصي نرجع.. المهم انتي حبيبتي شهد دير بالج ع نفسج.. وع علي.. واطردي الافكار السيئة ركزي بدراستج..
شهد؛ اني مفكرة اكلة لعلي كل شي بس يجي..
زمن: هيج تفتحين ع روحج وع اهلج باب متنسد..
لعد ابقة ضامة علي.. احس مااستاهل علي..
وليش متستاهلي جان يطول وحدة مثلج..
شهد: احس روحي وسخة..
زمن؛ حبيبتي.. ماصار شي انتي تعظمين هاي الأشياء خلص انسيهة..
نسوان يصادقن ويلعبن لعب وبالنهاية يزوجن تاج راسهم وشفتي اشجان ابسط مثال كدامج..
شهد؛ اني خايفة ابقة هيج..
زمن؛ اني كدامج باعيني..
ونسيت وعشت..
انتي وحدج عايشة بهالكابوس انسي..
ماشي.. ماشي..
رح احاول..
ماتحاولين.. خلص انتهى..
انتي تحبين علي وهو يحبج اكثر..
انسي كل شي وعيشي هالسعادة..

شهد: رح تعوفيني وحدي.. منو الي غيرج..
زمن: انتي مامحتاجتني محتاجة روحج اكثر..
سمعيني اخبارج..
مااشي..
تعاي احضنج.. والله رح اشتاقلج خبولة..
شهد؛ واني هم.. زمونة..
زمن؛ بس لج مو كلنا مانبجي..
خل اشد شعري  ضوجتني هالقراصة..
يووو.. خرب وكعت جوا..
شهد؛ لادنكين.. اني اجيبهة..
زمن: صماللة هاي شبيج..
شهد؛ مابية شو دخت ولفت بية الدنية..
تعاي كعدي هنا.. شبيج..
مااعرف يمكن فقر دم.. صار بية...
خاف حامل..
شهد؛ زمن بلا شقاج ويني وين الحمل..
مصار اسبوعين من ازوجت..

زمن؛ حبيبتي شهد مااريد اذكرج... بس اخر موعد لشهريتج جان قبل...

شهد: جان قبل مايغتصبني علي..
بلحظة حسيت كل حيلي انهد.. كعدت.. مهزوزة من الداخل..
جكد مااحاول انسى لازم اكو شي يخليني اتذكر هاليوم وماانسى..
ورحريقترن حملي بتاريخ جنت رايدة اشيلة من ذاكرتي.. بس رح اظل اذكرة ويا كل دقيقة تمر علية..

زمن؛ شهودة.. حبيبتي انسي انتي مزوجه وهذا الشي يفرح وعلي هم رح يفرح هواي اذا طلعتي حامل..
واني زمن.. شوكت افرح.. شوكت..
شهد؛ هسة تفرحين لمن تشوفين ابنج بحضنج وعلي مكيف بيكم..
انسي حبيبتي انسي..
شهد: انسى اي لازم انسى..

زمن؛ كومي لبسي حجابج...
شهد؛ ليش..
نتمشة للطبيبة تفحصج  ونسوي تحليل..
لا زمن.. سويتيهة صدك..
شهد.. لازم نعرف  عمود ناخذ احتياطاتنا..
زمن.. عفية لاتكوليها وكليتي.. وصيدلة..
وكلة..

زمن؛ خل نتاكد وبعدين نحجي..
يلا امشي..
شهد؛ وشنكوللهم..
زمن؛ عندي تقلصات رح اخذ شهد ويايا..

بلحظات انتظار عمود اتاكد.. اكيد رح ينظاف لهمومي هم جديد هم اكون ام واني اصلا بعدي طفلة...
عندي احلام وطموحات..
بس احلامي تطشرت لما صاحو علينا نفوت للطبيبة وباايدي تحليل..
خايفة يطلع صح...

ولو اني مااشجع وحدة تزوج بهالعمر لا وجمالة تحمل.. ع شنو مستعجلة ماما..

شهد؛ ماعرفت ارد من الصدمة .. خايفة لا اكون جبت كابوس لروحي..

طلعت النتيجة ايجابية..
ومن عرفت ظليت ابجي..
وقافلة ع روحي..
اخرها.. سبحت ونمت..
وحسيت نفس تقرب لوجهي.. باسني من خدي..
علي: صح النوم ياحلو صارت مغرب..
شهد؛ علاوي حبيبي .. اجيت تعرف جكد مشتاقتلك جكد جنت احس تعبانة وانت ماكو..
علي؛ هياتني جيت.. واني مشتاقلج كلش..
اجة ارتمى بحضني وكالعادة جسمي يرفض..
حاولت ادفعة امنعة فهمة تدلل وتمنع عمود ازيدة رغبة بية وهو  ميعرف داخلي.. د اتعذب.. خصوصا هو جاي مشتاق حيل..
مكدرت اقاوم ظليت متاذية واحاول اكتم صرخاتي بلكي توصلة..
بس مردت يزعل ولايبعد عني لهذا سكتت..
وكل مرة يجي يمي.. بس يطلع اظل ابجي.. تعبانة..
مرت اسبوعين وعلي رايح جاي..
خلص اجتي الامتحانات.. ماعندي وحام قوي بس كل الاذكرة اني جنت اتمني مايكون موجود هالحمل..
رجعت متنرفزة وضايجة  واتحجج بلكي صير عركة وازعل..

علي؛ كمل الشقة وقررنا بس تخلص امتحاناتي.. نتحول خصوصا لمن صارت جاهزة..
اخذني علي.. عمود نقضي اخر ليلة قبل ماابدي امتحاناتي..
وهنا ماكو ناس حوالينة نستحي لايسمعونة ولايشوفونة.. انفتحت شهية علي.. ورغبتة رغبة اي متزوج جديد.. وصار هواي.. مشايف..
ولمن يكون يتعلق الموضوع باامراة يحبها وهي تحبة..
علي: هلو ياعسل...
شهد: علي فززتني.. على كيفك والله..
افز..
دام فززتج تعالي
تعالي..
شهد: ععععللللي... كافي شنو كل شوية كافي متشبع..
وكانو خلص تعبت من التمثيل.. ولازم اصيح.. واسمع صوتي..
علي؛ رجعت خطوتين وقررت  انسحب وماافرض روحي عليهة بس زعلت..
واخذت.. ركن شوي وجتي تتوسل..

شهد؛ علي اني اسفة.. موقصدي اصيح عليك..
بس متوترة..
علي:عادي مو مشكلة... بس وخري دا اباوع...
شهد؛ علي.. انت بعدك زعلان..
علي: شهد.. دا اكلج وخري لاتلحين يلة...
شهد: براحتك..
ظليت كاعدة فترة طويلة.. انتظر يكوم يغير مكانة ماكو..
كانو ديعاقبني الموضوع تعذيب  بحد ذاتة...
لان بكرة رايح للدوام ومرح اشوفة لما بعد الامتحانات..
كل شوي.. اريد اكلة اني حامل استحي.. اكيد هسة يكلي شون وزواجنا وشوكت لحكنا.. اني شون هيج احجي ع روحي..
تعبت وانا احدق بذلك الشخص الذي هو عالمي...
تعبت وانا احترق لااجعل من نفسي شمعة لاارضائك..

شهد؛ شايف من توصل مرحلة التعب انو الشخص المقابل يرفض الشعور الحاسة..
اوووف..
خليني ادخل جوة احسن..
تركتة وتركت اهمالة وفتت للغرفة واني احس بتعب الحمل.. الي اخفيه عن الجميع كاني احمل بااحشائي ابن حرام..
حتى فرحة مفرحت..
دمعت عيني واني احس بمغص فجاة اجاني..
حطيت ايدي ع بطني ونمت..
وحلمت كاني نفس نومتي هاي.. واجاني طفل عمرة ب4اوخمس سنين..
اجة كانو ركض من الصالة برة واجة كمز ع بطني..
همام.. همام.. لا.. بلا وكاحة..
فتحت عيوني.. جان علي فوك راسي وعيونة تلمح بجحيم قادم..

شهد: علاوي.. ها حبيبي تريد شي..
محسيت وقع الراجدي..
وهجومة مرة ثانية علية.. منو هذا همام.. احجي لا وتحجين بحلمج عنا..
احجي منو.. ها...
منوو.. هذا ترفضيني عمودة....
شهد؛ بلحظة وهو كاعد فوكاية.. وحاسة بالاختناق واحاول ادفعة باايدي..
تحول الى شخص متوحش.. اخذ حقة عنوة وكام..
وراهة.. كان الندم واضح بعينة وهو يكلي انتي خليتي مني حيوان.. ياخذ حقة بالقوة...
محجينا بعدها.. هو كام غسل وصلى... نام بالصالة..
واني هم كملت وغسلت ولفيت روحي ونمت..
محجينا.. كعدت الصبح لكيتة ماكو..
هنا عندي فرصة اقف حداد ع روحي الجريحة الي مو كادرة تتحمل الالام اضافية..
بس سكتت.. حتى لايكولون علية طفلة... وتتحججين... شلون ترفضين زوجج كلها جرائم جرموها الي...
ماكو مرة متزوجة ترفض زوجها..

هذا كلة لازم نتحمل.. ميصير نشكي.. كافي بيوم اويومين كان زين وياي..
بس شوكت جان زين وياي..
وقت ماطلعت عينة وخليتةيفتر من ورا مشاكلي...
خلص.. اني تعبت.. مالكيت غير صاعدة ع حافة البلكونة.. الداخلية الطالعة من المطبخ..
ومااعرف شنو اجة بالي.. يمكن هيج احسن.. يمكن هذا احسن الي ولعلي وحتى هذا الطفل مايدمر مصيرة بسبب ام مريضة واب متذبذب..
اني مو كاعده افهمة..
لو المشكلة بية اني اكو شي دا اسوي مو حاسة بي.. بس شنو الشي دا اسوي والله ممسوية شي..
صحيت.. ع صوت علي..
شهد.. هاي شكاعد سوين..
تعااالي...
مرديت بس جنت مستعدة اشمر روحي... ولما اجة زادت هاي الرغبة..
شهد.. لج شكاعد سوين منو هذا الي يستحق تموتين روحج بسببة.. يستاهل هو عايش وانتي تنهين حياتج..
تخسرين دنيا واخرة.

شهد :مجنت احجي.. بس روحي جانت تجاوب..
الله غفور رحيم.. رحمتة وسعت كل شي ورح تسعني رحمتة لمن يحاسب وحدة مثلي طفلة مخبلة.. ابتسمت..
شهد... ماافكرتي بااهلج مفكرتي بية شرح يكولون.. ليش مرتك موتت روحهة لان مو زينة..
التفتت الة، ويمكن قرا جوابي.
هو هذا اكبر همك الناس شتكول...
يعني ماتكولي اني شرح يصير بية بعدج..
مرديت علي..
علي؛ خليج موتي احسن.. خلصيني.. تعبت منج ومن خبالاتج واسرارج..
تعبت.. كافي يلا شمري روحج اني طالع...
اختفى من كدام عيوني..
صدك هيج.. انسان تحبة وتشوفة ع باب الموت ومتمد ايدك الة..
طفلة.. مفكرت تقشمرني بكلمتين..
كل هذا ماشفتة بيك وانت الشخص الواعي، المتدين، حامي الحما..
بالنهاية نزلت.. خلص المشهد كمزت ع البلكونة..
اجه ركض.. خاف لااكون نفذت تهديدي.. نفضت هدومي وجيت مريت من يمة ويمكن حسيت بنبضات كلبة من الخوف واني فايتة..
اول مااتواجهت عيوني المغوركة.. جرني من ايدي وضربني راجدي..
وصيح علية.. اصحي.. شهد. اصحي لخاطر الله...
شهد: خلاص.. اني صحيت.. اطمن.. صحيت...
فتت من يمة وخلاص داخلي صار حطام...
ساعات الانسان لازم يمر بمشهد الموت.. عمود يعرف الانسان الكدامة انتي شنو بالنسبة الة وساعات الموت هو يكون اول مراحل الولادة.. واني انولدت اليوم..

للقصة بقية...
🌸🌸🌸🌸🌸🌸
اعرف بيكم مليتو لان بين بارت وبارت دنشوف تذبذب مو بس بشخصية شهد وانما شخصية علي.. وهي تمثل شخصية الرجل الشرقي بصورة عامة والرجل العراقي بصورة خاصة..
دايما يلجا للعنف اذا حس انهان بكرامتة..
وينسى انسانيتة ينسة دينة اني حابة اوصللكم شغلة مهمة النا احنا النساء..
لمن نربي اولادنا منعلمهم دينهم دين صلاة وصوم وبقية شعائر وننسى نزرع بيهم روح الاسلام الصحيح.. الي تخلي الانسان يتخلى عن انانيتة وغضبة..
نسينة نهذب اولادنا بروح الاسلام، اوبعيدا عن النهج الديني لازم نعلمهم يكونون انسانين قبل مايكونو مسلمين..
لاننسى امهاتنا اخواتنا نعلم اولادنا الاحترام قبل كل شي..
مااكرمهن الاكريم ومااهانهن الالئيم..
لازم نعلمهم ان العنف يولد مجتمع مهمش.. فئة مريضة حتة، لو بينت العكس..
طهرو ارواحكم من الانانية..
اسفة عالاطالة... َ
تحياتي..
نازك الملائكة
لاتنسون تصويتكم عالبارت اذا اعجبكم