رواية عندما يكون العشق صوفيا الفصل السادس عشر 16 - بقلم ruqaya H algurtani

هذا العالم مليء بالأطفال ، انظر حولَك ، كل هؤلاء الأشُـخاص ما هم إلاَّ أطفال في حقيقة الأمر ، قَليلون هم الّذين نضجوا في هذا الْعالم ، قليلون هم من استطاعُوا ألاَّ يكونوا عبيدا لشهواتِـهم.
جلال الدين الرومي

لمن ينطفي النور داخلك تكون شخص داخلك ظلام وكره للعالم صعب تشوفهم والنور طافي داخلك..

احنة اصبحنا بمجتمع مو اعمى بصر أعمى بصيرة مجتمع يحكم بالماديات مو بالروح.. ويدخل داخلهة ويحلل شنو تحتوي..
لهذا كان اكثر شي يخوفني اني اصبح هذا الانسان المجرد من المشاعر.. الحياة روتين ممل..
واجبات وتعهدات شغل دراسة..
واجبات زوجية اذا هو حب..
لذا اني صرت الانسانة الي رايدهة..
مرت الامتحانات بسرعة جاوبت الحمد لله،
وراها بااسبوعين طلعت النتائج..
علياء طلعت معدل 70واني طلعت معدل 90واعشار وكان عندي بطاقة مال أصدقاء الريس جتني درجة ودرجتين عدم رسوب..
جانو بيت خالتي فرحانين بية كلش..
ولان هو البيت الجبير عمي ذبح طلي..
عمود نجاحنا..
وجتي اشجان طبعا هي فرضت روحها..
كمل الغدا وخلصنا من هوستة..
جتي خالتي بوستني وكالت خلص طبيبة صير اذا مو صيدلانية..
شهد: لا.. خالة رح اقدم معهد معلمات..

ام شهد: عزة العزاني ولج ليش..
شهد؛ عمود اعتني بااولادي لازم اكون قريبة منهم..
ام شهد؛ ماما معليج اني اربيلج جهالج...
شهد:  ماما.. اني قررت وخلص..
فات علي.. نزل راسة لان المطبخ مملي نسوان..
اجة رغم اني مااحجي ويا.. بس كلبي بس يشوفه يطير..
ام علي؛ علي زين جيت بوكتك... تعال اكيد افكارك هاية.
شهد؛ يابة علي مالة علاقة..
اني اريد اتفرغ لبيتي..
قاطعني علي..
شنو بيتي شعندج انتي لاتضيعين معدلج عمود حجي..
ام شهد: شفتي.. فدوة الحلكة علاوي..
ليش يا ماما ضيعين تعبج..
شهد: ابني اهم عندي..
جان علي داير وجهة يطلع..
ام شهد :ياابن.. ولج..
شهد؛ اني حااامل....
ام علي؛ صدك....
اشرتلهة براسي اي..
وبدت الهلاهل..
علي التفت لمن خالتي باركتلة..
مبرووك علاوي واخيرا ربي رح اشوف حفيدي..
ظل يباوع علية علي ممصدك.. يعرف دائما اسوي بي مقالب..
اجة اتجاهي وكانو ممصدك..
علي: شهد تحجين صدك.. لو ضحكين علينا بلا شقاج...
شهد: رحنا اني وزمن وحللت وطلعت حامل..
باوع ع زمن ضحكت..
علي؛ يعني صدك..
شهد؛ والله صدك..
والله.. والله..
ومن فرحتة هو هم هلهل..
وحضني.. جان حيل فرحان..
صدك تحجين هسة تكليلي..
حبيت اسوي مفاجأة ع جمعتنة..
علي:صدك فاجاتيني..
يلا روحي للغرفة..
شهد؛ علي.. شبيك....
تعالي ارتاحي..
عمامي هم باركولي حتي بيت عمي خلدون اجوي.. شفت زوجة عمي.. بجت..
بيومهة شفت نظرة بوجه اشجان..
عرفت حسدهة رح سوي مصيبة.. جوي الولد كلهم هم باركولي..
حتى خالد..
وعمي فرح رح يجي حفيد.. وكد ماجنت مدللة دللت اكثر..
لهذا هم منفاي افضل من اهلي نفسهم..
قدمت معهد معلمات..
وصادفت ولادتي ويا بداية الدوام..
بديت مرحلة جديدة بحياتي..
اذكر يوم ولادتي.. الحمدلله زمن جانت موجودة جابت قبلي بنوتة وسمتهة ورود عمتهة اصرت واني هم شجعتهة مااحب اسمي ولااحب الحظ الجابة الي..
كانت ولادة متعسرة.. 19ساعة مستمرة من الالم كرهت الولادة ومقبل استاذ همام يشرف الا اجة ابو..
جنت خايفة... بعدين حجيت كدام خالتي..
انو حلمت طفل بالحلم اجة ركض علية ويكمز بالاربع سنين..
اسمه همام..
واني اكلة بلا وكاحة.. حجيت وعيني علي علي داا اذكرة السوا بية.. لمن سمع اسم همام..
علي: داام حلمتي بهالاسم اذن هاي رؤيا ولازم نسمي همام..
حط.. همام بحضني وطلع بسرعة... اول مرة اشيل ابني خايفة منة كلش بس ع كولة زمن فرحت لمن خليتة بحضني..
ومسكت اصابيعة الصغار حسيت بالسعادة رغم التعب..
حبيبي.. ابني اوعدك تكون حياتك سعيدة ومااعوفك ابد ولاااخلي اي احد يوصلك..
اوعدك ادافع عنك واقويك..
لا.. رح اكون قوية عمودك انت وبس..
وعد...
ظليت صافنة بوجهة واحجي حديث الروح ويا..
ولمن بجة....
خالة عفية.. رفعيلي شوي السدية.. شكله جوعان..
ام علي؛ علاوي راح يجيبلة حليب شافج تعبانة...
لا عفية خالة... اريد ارضعه ع صدري...
زمن: لج بابا جيبين التعب لروحج...
شهد؛ ميخالف.. ابني حبيبي...
يمكن مايتوقعون من طفلة تتحمل مسوولية بكدي..
وعلي تفاجا من شافني ارضعه..
الكل استاذن... وجتي علا باتت ويايا..
زمن ويا بنتهة متكدر تعوفها..
وعلي بقة يمي هم..
حمدالله ع سلامتج حبيبتي..
الله يسلمك علاوي.. كعد يبجي همام...
شهد... باعي السرسري بس شافني تقربت منج كام يبجي.. اني كمت اغار...
شهد؛ ههههه، علاوي انت الاصل...
يسلملي اصلج ام همام.. ربي مايحرمنا من بعض..
اسف حبيبتي.. اني مرات افقد واتجاوز...
شهد؛ علاوي.. احبك... حيل..
علاوي؛ واني بعد هم...
رح اروح طردوني واللله جان بقيت وياج..
بس من الصبح اجيج..
شوفي الجلب كام يبجي..
افتهمنا.. افتهمنا كايمين..
علي؛ حقة يخاف على امة..
اسمع لك اذا ضوجني اخليك بغير غرفة..
شهد؛ علي ابني وياي ميطلع من غرفتنا لما يكبر...
شبيج شهد راسا ثرتي...
على كيفك....
شهد: راح علي..
اي وابتدا هوسي باابني واحاول اوازن ويا الدوام..
الحمدلله شاطرة.. ومن الانشغال بالهوسةوالسهر ودراسة..
مرت هاي السنة بسرعة.. نجحت الحمدلله بتقدير متوسط..
طبعا همومي خلف الله علي اذا يخليني اشوف دربي...
وعلي وقت الامتحانات يساعدني بي..
وقلت ساعات العذاب لرفض زوجي.. بوجود همام اتحجج بي..
او يبجي ع طول..
بس ساعات لامهرب يكون.. علي ينزل همام لاامه..
وبعد ماكو سبب..
صار روتين لازم واجب اسوي..
بعدني مثل مااني... احس بالاذى والتعذيب.. وهنا علي بعد ميكدر يتحمل برودي ويا.. واصر يوديني طبيبة نسائية عمود تحلي هاي الازمة بين قوسين مثل ميكولون البرود الجنسي..
الرجال مهما تكون رغبتة بالمرة يحب تكون متفاعلة ويا.. مو بس جثة هامدة عالرغم جنت البس واتمكيج..
بس ردات فعلي مااكدر اسيطر عليهم..
طبعا  الدكتورة طتني علاج عمود يتحفز..
اخذتة وخربط كل هرموناتي..
للاسف المشكلة مو عضوية هاي شغلة نفسية اني جكد احب علي بس مو كادرة اتقبلة..
علي :رح يصير سنة واكثر ع زواجنا.. ولحد هسة احساس الرفض حاسة بلمعة عيونها وجسمها كله ينتفض مو مرتاح..
مخلينة شي مسوينا.. حتى شقتي القديمة بعتها وبنيت بنص بيت اهلي مشتمل..
زوج اخوية مرتضى وشكلة مرتاح..
احسدة مرات.. لمن احس علاقتهم اثنينهم.. ورغبة زوجتة بي فاضحة بالنهاية مايفهم الحب الة العايشة..
شهد رغم صغيرة وماعدها خبرة بحياتها بس احسها زوجة محبة لبيتها حريصة مثققة كمنا نتسابق عالقراية ومرات نتناقش نكعد نحجي.. احنا ثنائي مميز تحبني بشكل.. وتحب همام وحريصة حد الهوس متعوفة دقايق عد احد.. لهذا صار نحس.. والكل يشكي رغم من جنت مزوج سهى كتلهة ابني مااريد يتنقل من حضن لحضن..
بس اني حتة مكتلهة لشهد هالكلمة.. هي ثبتتلي انها ام وزوجة صالحة وملتزمة.. بس وصلت مرحلة ليش اذا كل هذا تحبة وراغبة بي ليش توصلي وتوكف..
هاي السنة سنة من بدايتها هوسة وامريكا هددت تضرب...
ويا ماكمل.. همام السنة وراها بشهر شهد حملت للمرة الثانية.. ويا خبر حملها التحقت للموت ويا حرب 2003..وتركت ابني وزوجتي الماكملت العشرين وخبر حملها حسيت بثقل اكثر..
ويا جنونهة واصرارها مااروح..
شهد؛ علي كتلك ماتروح.. ماتروح هاي الحرب خسرانة... علي.. الله يخليك..
علي:شهد.. مااكدر حبيبتي.. يعتبروهة خيانة.. شون تريديني اجيب العار لااهلي..
شهد؛ كلها رح تهرب بقة عليك انت العراق يتهدد..

علي؛ شهد اني رح اجيب رفعة راس لااولادي..
واهلي..
شهد؛ علي انت ماتحس بية.. اني منو الي غيرك..
اني اضيع بدونك..
علي: رغم لاوقتة ولامكانة هذا الحجي...
بس حجيهة ودموعهة خلوني احس بالثقة.. انو تحبني شهد.. ومتكدر بليايا...
اخذتهة بحضني بمحاولة اطمنها واني مو حاس بالاطمئنان...
هاي الحرب طاحنة وامريكا رح تستعمل كل شي.. عمود تنهي العراق بس ماعدنا غير حل....
شهد؛ ليلتهة تعاركنا واني تركتها وطلعت..
ظليت بالصالة..
شهد: اني احبك فهمت.. مااكدر على هذا الحجي.. التحجي.. شهادة ماشهادة..
علي: كمتي تخربطين لهنا وبس.. كافي شهد..
شهد: اذا رحت ماابقة بالبيت يكون بعلمك..
علي؛ انتي هنا قريبة من اهلي خليج عمود اطمن..
شهد؛ اني مو رايحة لان انت موجود اني دا اكلك اذا رحت ماتشوف شكولاتي بعد..
علي: خليج هيج خليج بخبالاتج..
انتي بعدج ماتعرفين شنو عسكرية... وشنو صدام..
اذا مامتت بالحرب صدام يسحل ابوية واخوية ويلبسنا العار..
اسكتي ولاتحجين ولاكلمة..
واتذكري اذا رحت غضبان وصار علية شي خطيتي بركبتج.. طالع طريق وتحجين هيج..

شهد؛ اني خايفة.. خايفة عليك وخايفة ع نفسي.. احبك علي مالي غيرك اضيع..
والله..
حجيت بداخلي وهو طلع.. زعلان..
جكد مااحس اكو موانع اصالحة هو دائما يصالحني..
بس مااكدر اعوفة زعلان..
كل شوي اريد افتح الباب مترددة..

ارجع اسدة..
خااايفة.. لا مو خايفة يتقربلي خايفة اخسرة يعني اخسر حياتي..
هو الي خلاني اعيش.. واستمر هو ضحكتي وسعادتي ويا بس احس جكد قوية اني..
وبدونة ماكو شي الة معنى..
خلص شهد.. هذا ماشي بطريق الموت واذا راح وزعلان منج وصار بي شي مراح سامحين روحج..

مسحت دموعي.. وطلعت..
تمشيت جان مجطول..
وبالي احجيلة حجي هواي جنت اريد احجي وخوفي وكفني..
علي.. علي..
انت كاعد.. اعرف..
علي.. كوم اسمعني..
علللللي.. لاتخليني.. اجفص بمصارينك...
علي.. اعرف دتسمعني.. تفتح.. لو انفذ تهديدي..
علي؛ هههههههه، انتي كد هالكلام...
شهد: اي كدة..
علي :امشي بابا انتي وحدة جبانة بس فالحة بالتهديد...
شهد :خوش عليك.. هسة اشوفك..
12...3الضربة القاضية...
علي: لا كعدت والله كعدت... يقولون لاتتقارش ويا المخابيل...
شهد؛ زين تعرف المخابيل شيسوون بالي يضوجهم..
علي: شيسوون..
شهد: يموتوهم من الحب...
علي؛ اويلي ياب..
وينج َمن زمان..
شهد: شنو ويني..
علي:اكلج شي بس متركضين وتعوفيني..
ولاتدورين ملابسج مثل المخبلة لو تكعدين تبجين ورا مااكوم..
شهد: جنت  تعرف..
شون مااعرف.. هاي سنتين شهد عمر من عمري انكضة.. ومااعرف مرتي حبيبتي شبيها.. ولاشنو مضوجها دمرتني..

شهد :مابية والله.. وما مضوجني شي وانت حبيبي يمي..
علي؛ اللله... كوليها مرة ثانية.. تعبت ماسامعها صار جكد.. ليش شهد.. ليش هالجفا بينا.. لو تتقصدين جيبين همام بينة..
شهد؛ علي.. اني احبببببك.. كلش هواي..
وماكو احد غيرك بالي..
والقران الكريم وداعت جهالي..
حلوة جهالي.. هو انتي جاهلة...
وتخبلين.. وبدا يمسح بااييديه ع وجهي.. ويمر ايديه بشعري...
هو هذا الي اريد اكلجيا.. دايما تتهربين..
شهد؛ خلص علاوي بس ترجع سلامات كلة يصير ماضي ورح شوف شهد جديدة..
هاي الة اكلج رح اموت يلا تحنين علية..
ااااش، اسكت علي.. لاتذكر سيرة الموت...
علي؛ كلنا لهذا الطريق..
علي.. لاتحجي هيج وتخليني ابجي..
شهد.. ام دميعة..
معاجبتك سيد علي مو...
اخذني بحضنة، لاعاجبتني وعاجبة الخلفوني..
هاي اول مرة مااحس روحي رافضة علي.. بالعكس حاسة احساس حلو تولد اليوم من خوفي وحبي  بعلي.. وهو حس بي..
علي: هاي اول مرة احسج تريديني اكثر مارايدج..
شهد؛ خلص لانحجي بها لموضوع تعال خ نام جوا..
علي؛ تامر.. امر.. ماشي..
شهد؛ ظليت الليل كلة ارجف... مااعرف ليش.. وراح علي وبالة يمي..
وبدت رحلة عذابي الجديدة وخوفي ع علي...
ظلينا سوا بيت عمي.. وساعات نحجي ونسولف ونضحك ونذكر ذكريات قديمة..
بس بالي يم علي...
وسط صفنتي.. همام.. اختفى فجاة..
صرت مثل المخبلة ادورة بالبيت.. لحد ماشافتني علا..
علا؛ شبيج شهد.. بالبيت وين يروح شوفي يم فؤاد..
فوووواد.. شعندة باابني..
فتحت.. باب غرفتة بالقوة جان يلعب هماَم ويلهي..
جريتة وشلتة..
فواد؛ شبيج ويا الطفل خلي.. يلعب..
شهد؛ انت بالذات مالك علاقة باابني..
انتي مخبلة... لان ضوجتج كبل... تطلعيهة بعلاقتي بالطفل..
شهد؛ تعصبت وطلع صوتي..
فؤاد؛ فك ياخة من ابني.. مالك علاقة بي..
كافي سويتة بية..
لج.. شبيج.. شنو سويت ولاتسوي..
شهد؛ المهم لاتوصل ابني..
ام شهد؛ شكو خيركم...
ماكو شي اني راجعة بيتنا..
ولج وين ترجعين وضرب فوك.. ابقي...
فؤاد؛ يوووم.. اخذي همام.. عندي حجاية ويا شهد..
ام شهد؛ يومة دنيا حرب.. وانتو نفس هوستكم..
فؤاد؛ كعدي شهد.. وفهميني انتي شنو فلمج.. دا اسمع...

اصعب.. شي بالدنيا انو ينطلب منك تواجه مواجعك وبحضور المجرم الي سبب الك هالوجع..
تكون مذبوح وهم تخاف منة لايكون شايل نفس السجين ومتحضر يذبحك مرة ثانية.. هو هذا احساسي بذيج اللحظة.. واخيرا حجيت  اكثر شي يوجعني وياذيني.. للشخص الي سبب الالم نفسة..
وكان الرد....

للقصة بقية.....
لاتنسون تصوتون عالبارت اذا اعجبكم..
متعة القراءة ارجوها لكم..
تحياتي...
نازك الملائكة