رواية عندما يكون العشق صوفيا الفصل الخامس والعشرون 25 - بقلم ruqaya H algurtani

من السَّهل أن يَقف أيًّ شخصٍ وسط الجمُوع ، لكنّ الشُّجاع فقط هو من يتمكّن من الوقُوف منفردا.
جلال الدين الرومي

حسيت هالايام هواي تفاصيل بحياتي تغيرت، اول مرة احس روحي كبرت وصرت مسؤولة، مسؤولة عن ثلاث اولاد واحد منهم عندة اعاقة كل مااشوف همام كلبي يعتصر والدنيا تطبق ع انفاسي.
واول مااحس انو داخلي شوي يتغير.. واني اباوع ع زينة..
استغفر واخذ اولادي الثلاثة بحضني.. وانسى..

قضية علي مستمرة وكلة استئنافات..
شهد: حسين هاي الشغلة مرح تنحل هيج اني لازم اسافر للموصل والكى يحيا..
القاضي ممكن يحكم حتى لو يعتبرة دفاع عنالنفس..
رح يحكم ع علي.. ومنكدر نستانف..
وعلي بدا يضوج ويمل..
يلا شوي ويجي علي..
علي: هلووو حبيبتي..
شهد؛ هلو علي.. شونك..
علي: شوني.. مزفت.. لعبانة نفسي.. طكت روحي شهد.. يعني خ يحكموني اعدام ويفضوها..
حسين : سالمين.. سمعت اعدام شبيك علي.. يعني هاي إجراءات قانونية..
لازم نثبت برائتك.. عمود لايرجعون يحققون وياك..
علي: حسين... اني تساويت ويا الحرامية
تالي وكتي..
حسين؛ ميخالف بس اصبر.. شهد عدهة اقتراح..
علي: شنو اقتراحج..
شهد؛ اشرت لحسين.. كافي.. عمود يسكت اعرف ميقبل..
علي: شهد شناوية..
شهد: ناوية اطلعك..
علي: شون.. طلعيني.. حسين شنو سالفة التبسبس بينكم..
شهد: علي.. لازم اجيب يحيا..
شهادتة مهمة..
علي: وشون جيبين.......
شهد: ان شاء الله نلكي لايظل بالك...
حسين يلا نروح..
وكفت ودا اجر جنطتي..
وكف علي كبالي..
علي؛ دامج دتنهزمين اكيد ناوية سوين شي مراضي عنة..
شهد: علي.. المهم تطلع..
علي: مااريد تتهورين وتسوين شي اكبر منج...
شهد: هههههه... حسين امشي نروح...
علي؛ تعاي وين منهزمة.. جاوبي.. شرح سوين..
شهد؛ ههههنن. مع السلامة علي..
علي: لاتخليني صدك ارتكب جريمة احجي..
حسين؛ هدي اللعب ابن عمي.. احنا مركز شرطة..
شهد: خليه.. حسين ماهو طول عمرة هيج ماخذ الامور بمزاجة..
علي؛ اعوفج تخربطين..
شهد؛ دفعتة وكعدت..
حسين يتفرج..
اني الي اخربط..
لك خطبتني بلعبة وكلت من تهدى نترك..
اخذتني زوجتني غصب.. بكلمة تهورت حجيتها هنت كرامتك..
علي؛ سكتي منا العالم...
شهد؛ العالم.. كل همك العالم..
ولك شنو انت.. بحجاية من اشجان.. لزمتني ردت اموت اني وابني باايدك.. وشمرتني شمرة بنت الشوارع متنشمرهة..
كتلك خالد كلي.. ماعندة ثقة بااشجان.. وركبت راسك.. ركبتة ودست علية وعلى جهالك.. رحت نمت وياها.. مو قصدك..
موقصدك مو..
حسين :كعد يهدي بية واني الدمعة بعيني وفايرة عصبية والشرطي واكف انتبه.. لنبرة صوتي العالية..
علي: خلص.. شهد.. اسف..
شهد: شيفيدني.. اسفك اني  شيفيدني..
رح يرجع لاابني صحتة لو يرجع روحي سلبتها مني عمري.. بتهورك..
عمري مااسامحك.. مااسامحك ابد... وشدة ابني.. مباقية بس لخاطر جهالي لايعيروهم بيك... وخالتي وعمي..
ولة انت ماتسوى بعيني شي..
ومن اليوم اني محاميتك وبس.. بنت عمك اي.. بس مالك علاقة بية..
شهد: اخذت غراضي وطلعت ركض..
يعني يمتة يفهم.. اني مو جاهلة هو كل شوي يعقب ع خطواتي يراهن ع فشلي بكل خطوة دايما يحملني أخطائه بس لازم يعرف.. اني مو ذيج الشهد القديمة اني ام همام..
اخذت تكسي رجعت للبيت.. ذبيت غراضي..
وفتت جوا الدوش.. احس روحي نار ومشتعلة..
طلعت لكيت الجهال واكفين يتناقشون..
لازمين مسجلة صغيرة.. وزينة تكلة لعمار مو هيج هيج دوس على هاي الدكمة وتسجل..
دا انشف شعري واشوفهم يتناقشون اجة عمار ركض علية.. كالي ماما باوعي.. زينة تكول هيج نسجل... اخذت المسجلة منة..
شهد: زينة هاي مينلج هالمسجلة ومنو علمج تسجلين..
زينة: ماما جانت تحب تسجل وتصور دائما.. عمو يحيا.. هم يحب التصوير هو يشكل الكامرات مال بيت..
شهد: زينة حبيبتي.. ماما شجانت تصور..
يوووو، هواي أشياء..
جانت دائما صور ناس يتعاركون.. حتة صورت لعمة سراب وجانت عصبية كالتلهة شون تسجليلي مااحب التصوير..
شهد: زينة حبيبتي.. شتريدين اشتريلج..
زينة: لاعمتو.. مااريد..
زيونة.. شكتلج.. مو كلت اني ماما.. منا وهيج..
زينة؛ حاضر.. ماما..
يلا روحي جيبي مشط.. امشطلج..
عمار؛ ماما.. منلعب احنا..
رووح العب ويا همام..
عمار؛ يووو.. همام.. حتي ركض ميكدر يركض.. ليش مكتيلة طبيب يسويلة رجلي...
شهد؛ عمََااار.. اسكت اخوك بعدة مريض وهسة يصير زين..
شهد: زيونة ماما هم جانت تجمع سيديات..
شنوووو..
هذا القرص المدور..
يووو .... ماما شكد عدهة.. وحتة موبايلها.. كوم بي صور وفيديوات..
زين.. وين ظامتهم تعرفين..
بشقتنا بسوريا..
شهد :بعيدة..
زينة: بس من جينة لبغداد جابت سيديات حطتهم بالجيب السري..
الجنطة.. بيت جدو..
شهد؛ يلا بدلي خ رووح بيت جدو..
زينة: لا عمة.. مااريد ارووح..
شكلنا.. ماما.. ومحد يكدر يتقربلج.. دام اني عايشة وبابا وبيبي هناك..

يلا زيون نلم غراض امج.. ونسلم ع ابوج...

عمار.. همام.. يلا نروح بيت جدو...
شهد؛ امال هواي توكف ع كلام طفلة تمنيت يكون مفيد...
حسين؛ رحت بيت عمي.. طاهر ابو علي..
سالت ع شهد.. كلولي رايحة بيت اهلها مااعرف شون تفكر بس شربت المهنة بسرعة.. او يمكن حبها لعلي.. خلة عدهة حافز عمود تنجح..
احسدة هواي لعلي على هذا الحب..
هواي ساعات اسال روحي ليش ماكو هذا الرابط بيني وبين علياء حياتنا  واكفة..
ماحسيتهة ملهوفة ولاخايفة.. ولاحسيت بيوم تغار علية تسالني ليش تاخرت ويامن جنت..
يمكن هذا حجي مجانين.. بس الجنون بالحب هو الي يخلي عايش ومتجدد..
استفاقيت ع صوت علياء..
حسين.. حسين..
هاااااا..
شبيك امي تكول تبقى للعشا.. لو لا..
حسين: اريد ارجع للبيت تعبان.. وهلكان..
علياء؛ روووح، الله وياك..
مرح تجين وياي..
لا.. رح ابقى... بنات صديقاتي رح يجون..
ورح نبقة نتعلل..
حسين؛ وليش ميجون بيتنا..
علياء :حسين.. بيتنا صغير ويفشل.. مااكدر اجيب صديقاتي يشووفو..

حسين؛ مفهوم.. مفهوم.. اني رايح..
علياء؛ تجي علية.. لو.. اشوف وحدة من صديقاتي..
حسين؛ عندي شغل العصر..
مع السلامة..
الحجي بدون فائدة ماكو شي يعجبها..
يمكن حتى اني ماعاجبها.. اروووح انام وانسى..
شهد؛ وصلت بيت اهلي مترددة وخايفة..
بس اكو خيط داخل هالبيت..
ولازم اوصلة..
دكيت الباب.. فتحلي.. محمد.. اول مشافني رجع خطوتين..
هلو.. محمد.. ابوك موجود..
جلبت زينة باايدي خايفة منة..
شهد؛ هااا.. زيونة.. تريدين اشيلج مابية حيل...
ايدي توجعني.. مااعرف ليش..
راسا خلة وطلع..
ضحكت بسري.. ياريت عندي جرأة قبل..
لان الانسان الي يستضعف طفلة ويمارس قوتة عليها انسان جبان.. وهذا شفتة بعيون محمد اول مشافني... فتت سلمت ع امي.. وجهه ثقيل..
شهد؛ هاا ماما.. شونج..
ام شهد: شوني.. بوجودج..
خربتي البيت وكعدتي..
اخوج يضرب صفنات والثاني رح يهج.. وابن خالتج كتل اشجان وكعد.. شتريديني.. افتخر بيج..
شهد؛ افتخري.. بية ليش لا...
اخوية الي تارك عائلتة وحاير ينصح بالعالم وناسي مرتة واولادة ضايعين لاعلم ولا اخلاق.. خ يدير باله عليهم ويبطل دور المظلوم يذكرني باابوية الله يرحمة..
وفؤاد.. يايوم كابلج وكعد.. دومة ساج بالشوارع وساعة ماازوج ازوج وحدة عدهة مشاكل ويا الكل... انتبهت زينة واتندمت.. ع حجي بس مكدرت اسكت..
زيونة.. اخذي  اخوتج ولعبي برة..
زينة.. لا ماما.. خليني هنا..
ام شهد: زين سويتلج شي براسة خير..
خطية هاليتيمة ضيع بين الرجلين..
وعلا تلطش بيها..
وابن علا.. ممقصر نسخة طبق الاصل عمة مقصر ويا زينة..
شنو قصدج..
قصدي افتهمي..
ماكو داعي احجي كدام جهال..
اني صاعدة الم غراض زينة..
وغراض امهة ادزهم لخالتهة..

علا.. خما لعبت بغراضهة...
علا؛ مالي شغل بيهم..

زين.. علا.. ابنج فهم الدرس زين..
علا؛ ابو كسر راسة وميعيدهة..
شهد :اني اشوف تعرضو ع أخصائي نفسي.. ابنج مريض..
شهد؛ سالمين طلعتي ابني مخبل..
اني كلت مخبل كلت مريض..

علا: ابني مبي شي.. وهو مراهق.. وبنت اشجان مو راحة..
شهد: علا.. تعرفين انتي يحتاجلج طبيب..
بنت اشجان.. ثلاث سنوات ونص مو راحة..
افتهمي اكو خلل..
ليكون متحرش بااختة ومتدرين..
علا:صمالله ليش تحجين هيج..
ماطاخهة..
يعني بنتج المراهقة الي 24ساعة بالبرمودة ومفلكحة متدنة نفسة ومراهقة..
هاااي اختة..
هاي وساخة.. وقلة ادب.. وانتي حجي وياج بدون فائدة باجر يجيبلكم مكسورة..
من رخصتكم..
يلا زيونة..
صعدنا لغرفة فؤاد..
وبدينا نلم الغراض جريت الجنطة فرغتها من الملابس..

فتحت الجيب الداخلي.. وفعلا لكيت سيدين.. حطيتهم بجنطتي..
لململت غراض زينة وهدومها..
باوعت اكو لاب توب..
زينة؛ هذا الابتوب مال ماما..
شهد؛ مال ماما وبابا..
لا.. بس مال ماما..
اجة فؤاد ظميت الاب توب بالجنطة..
فؤاد :هااا شنو عدكم تعزيلة لازم..
انتي شون تفوتين لغرفتي بلا ماادري..
شهد؛ هلو.. ع اساس فايتة بغرفة الرئيس..
زينة: هلو.. بابا..
حضنتة نزع ايدهة.. ضايج..
شهد؛ زيونة حبيبتي.. نزلي جوا هسة راجعين للبيت كولي لااخوتج..
زينة؛ حاضر ماما..
فؤاد؛ حلو.. بسرعة روضتيهة لزينة.. وماما.. يلوكلج الماما..
شهد؛ الانسانية فد شي بعيد عنك..
فؤاد؛ وماشاء الله الانسانية يمج أعلى مستوياتها..
شهد؛ الحمدلله..
عوفنا من هالسالفة.. صدك ناوي تسافر..
فؤاد؛ اي صحيح.. خلص بعد ماعندي شي..
وحصتي بالبيت رافت كال اني اشتريهة..
وبنتك..
بنتي.. غير اول اعرف هي بنتي لو لا..
فؤاد، جكد واحد نذل انت.. توصل مواصيلك تشك مو بنتك..
دامك هيج نذل ماتعرف بالمطار يسوون تطابق للاطفال عمود يعرفون تطابق الانسجة...
بس انت.. وصلت بيك النذالة للحضيض..
فؤاد؛ والله اني جنت مزوج وحدة مثل اشجان وكل شي تكدر تسوي..
شهد؛ انت ذكي الله يسلمك، بس من جنت مثل الطلي وهي مصورتك مجنت تعرف..
مصورتني..
اي.. ياذكي.. حاب تشوف المقطع هددتني بي عمود اعوف قضية خالد واني اعرف الها ايد بموتة...
فؤاد؛ لحظة.. لحظة... انت شكاعد تحجين..
اشجان.. شوفتني مقطع فيديو استغفر الله.. ودتشكي من خالد.. وانت تكللهة شتريدين اني حااضر.. بس امري.. اني سكتت بس عمود لاتوكع بتهلكة..
فؤاد؛ اني اشجان ساعة ماعرفتها جانت جايتني تشكيلي لان خالد متغير عليهة..
وجنت سكران صح  بس وكتها خالد طلك اشجان.. من اول ماسافرو هو طلكها..
شهد؛ فؤاد.. انت تعرف اشجان جتي طالب بحصتها.. ووكعت علي..
فؤاد؛ شهد؛ سدي الموضوع.. ان شاء الله تحترك بنار جهنم..
الخاينة الجذابة..
شهد؛ فؤاد لزم ساعدني عمود اطلع علي..
فؤاد؛ اني اساعده.. لو يموت خ يعفن بالسجن الخايس يخوني ويا زوجتي..
شهد؛ كااافي عاد.. قبل لتزوجهة.. افهم..
ليش ماكالي..
شيكلك انت جيت ورا سنتين تكول سلام عليكم هاي مرتي وهاي بنتي..
انت مكلت لااحد..
فؤاد؛ المهم.. معلية اني..
شهد؛ كل كلمة جان يكولها يطعني الف طعنة..
بس داخلي احاول اطفي نار.. تريد تحرك كل شي بية اني نفسي مدا افهم هالشعور..ليش مستمرة.. واكفة..

فؤاد؛ انت رح ساعدني عمود اطلع علي..
ههههه، والله واثقة من نفسج.. بابا.. طلعي.. متعرفيني من اقفل..
شهد؛ براحتك.. بس الجلسة الجاية رح اشوف المحكمة التسجيلين الي مصورتهم الك..واكدر بااسلوبي اقنع القاضي.. انو علي مالة ذنب مجني عليه وانت واشجان اتفقتو بعد ماتقتلون خالد  واشجان تورث خالد.. تتزوجون.. وهاي وحدهة تهمة بالاضافة للشروع بالقتل..
شهد؛ اول مسمعني فز من مكانة..
ولج شهد تخبلتي شدتحجين.. جيبي التسجيل.. يلا مسحي.. جر تلفوني.. يكلب بي..

مرح تلكي.. اكيد بعد ماعلا باكت الأوراق ماامن بااحد..
عبالج تهدديني.. روحي اكدر اثبت مو بوعي..
شهد؛ صح.. تكدر.. بس رسالة خالد كالي اشجان وفؤاد سوا..
شنو رايك..
ولج انتي مخبلة دافعين عن واحد نسيتي شسوة بيج..
لا منسيت.. منسيت.. اني لو مو علي جان مكملت دراستي.. لما هو جان اني وصلة مسح بيت عمتك..
لما هو جان انتحرت بسببك.. علي السبب
اني واكفة ع حيلي..
فؤاد؛ شوكت طلع لسانج انتي وصرتي وكحة.. والله وطلع للبزون اظافر..
شهد؛ شكولاتك هنة طلعهن..

فؤاد؛ هسة شتردين..
اريد اجيب يحيا..
وشتعرفيني ضامة بجيبي الصغير..
شهد؛ تندل بيت اهل اشجان بيت خالتها..
الطرق اكيد تغيرت.. ومرح اندل..
فؤاد؛ رح اسافر.. بعد يومين..
شهد؛ بس وصلني واني.. احير بروحي..
وجهالج..
اخذهم ويايا..
خ يشوفون بيت جدهم وزينة تشوف اهل امهة..
فؤاد : لأ.. من هسة نتفق.. بنتي متروح لمكان..
زين كلت بنتي..
اهل امهة ناس كاولية طالعين عن الطريق..
اخوها سكير..
وعمتها تشتغل عالخط.. حتة ابوية الله يرحمة يعرفها..
ابوية يعرف عمة اشجان..
يوووو.. عشرة عمر.. ابوية حجالي.. من زوج خالد اشجان..
كالي شوف الدنيا جكد صغيرة جدك كعد رجل ماازوجهة.. لاامك.. دارت الدنيا بعد ماتركتها نص الطريق.. رغم علاقتنا جانت علاقة كاملة بس جدك موافق.. واني عفتهة وزوجت امك جتي اشجان اخذت نصيبج.. وزوجت خالد الي مااتخلى عن حبة رغم الكل عارضة.. وعود اني مشيت ع خطاه وطلع حضنا.. زبالة..
شهد؛ لكل انسان بحياتة قصة، قصة مخفية كلها اسرار والالام.. مرات نظل حبيسين هذا الماضي ومنكدر بليا..
هاي الفترة تعبت حيل..
ويا طريقي عمود اثبت براءة علي اكتشفت اسرار فتحت عيوني هواي أشياء.. تغيرت بية.. اني حاسة روحي ناضجة وكبيرة..
بس كلمات علي خلتني متحمسة اكثر..
ليلتهة سويت المعتاد بس اتغير  من قواعد العشق الاربعين لقواعد العشق عند اشجان..
شخصية غريبة.. جان لابتوب مالتها مقفل لازم رمز..
جربت اكثر من مرة.. اولها ميلادها ثانيا ميلاد زينة.. واخر شي ولسخرية مصدكتها نزلت ميلاد فؤاد..
وانفتح اللاب..
وكعدت ابحر بقواعد اشجان بالحياة.. واكلب بصفحات طفلة يتيمة ضاعت ع ايد عمة متخاف الله.. مشتها بطريق ومكدرت تتوقف بي..
ثاني يوم الصبح كعدت مكسرة..
عمتي مقبلت اخذ الجهال حتى زينة لان امي تعاجزت منها كالت مااتحمل مسوولية رغم طلبت منها تجي بيتي لما اروح وارجع.. اول موصلت مشيت  بشارع ملي بالذكريات الحزينة.. بس رغم الحزن بيهة.. جنت سعيدة واني اذكرها.. اخرها وصلت بيت يحيا.. وفاجاني يحيا.
بمن فتح البابق..
وسط اندهاشي اني  ومفاجئتة هو...
اكو بيبان مسدسدة فتحها يحيا...
للقصة بقية....
🌸🌸🌸🌸🌸🌸🌸🌸
لاتنسوني من فضل تعليقاتكم وتصويتكم عالبارت لطفا..
تحياتي وقبلاتي الكم ولدعمكم..
نازك الملائكة