رواية عندما يكون العشق صوفيا الفصل الرابع والعشرون 24 - بقلم ruqaya H algurtani

وإن أماتُوا زهرة في جوفِك ؛ فبستانُك مازال حيَّا.
جلال الدين الرومي

اسوء اساليب ابليس انو يخيلك الاسود ابيض والشر خير والجنة نار.. يدخل الى نقاط ضعفك ويسيطر عالتركيب الصغير الي ابدع الرحمن بخلقة.. يجمد العقل لحظات .. ويرتكب ابشع وسائل الظلم ويطلع الوحشية داخلك...
وبعدين تحس ع روحك شسويت..
او يمكن ضميرك يكون مرتاح طول العمر وانت ظالم عبد او حتى حيوان.. وهنا تكون ودعت انسانيتك.. للابد..
فجاة قبل لااطلع من الحضرة صحة ضميري.. صحيت من درك الشيطان الي وزني اترك طفلة لاحول ولاقوة.. اتحول انسانة ظالمة فقدت انسانيتها حتى لااشوف اشباح الماضي بعيونها.. ولااشوف وجع عايش داخلي.. خيانة زوجي.. عوق ابني.. ردت اهرب وبس..
نسيت انسانيتي وصحيت ع الله اكبر..
الله اكبر عليج ياشهد شسويتي..
راسا رجعت للحضرة ادور عليهة..
ماكو.. سالت هواي نسوان مشافوها..
كالولي تخلص الصلاة وخ ينادولج لاتخافين..
بس جنت ميتة خوف..
لاتكون ضاعت بسببي..
تعبت من التدوير..
وحدة من البنات كالتلي كومي توضي وتعاي صلي ولاتخافين..
فتت.. للحمامات وكلي تعب..
وتفكير شرح اسوي..
واسمع صوت من بعيد..
يلة.. غسلي وجهج هسة تجي ماما..
واسمع صوت زينة.. نط كلبي شوفتها..
ممصدكة..
شهد: ززززز ينة.. جريتهة بقوة.. وانبتها.. موكتلج متتحركين من مكانج ليش تحركتي..
زينب: هلو شهد..
سبحان الله الدنيا صغيرة..
شهد :رفعت راسي.. زينب..
هاي انتي.. ردت.. اشك...
زينب: تعاي نلحك ع الصلاة وبعدين نحجي..
شهد: مو ترحين لازم نحجي..
زينب : وين اروح.. يلا تعاي..

كملنا صلاة واخذت زينة وكعدنا بركن..
زينب: ليش محتارة ياشهد.. داخلج ظلمة وباايدج النور.. داير مدايرج صبخة وكاعج لسة خضرة لاتخلين حياتج مثل هالكاع..
شهد: اني.. مختنكة.. وخايفة.. زوجي واكع يورطة واني مشتتة.. مااعرف شسوي..
طلعت ومااعرف ابن اخوية عدل عايش..
اجتي زينة وكعدت بحضني نامت.. وداخلي احساس خايفة منة.. باوعت عليهة وهي دتغفي..

قاطعتني زينب..
حلوة بنتج الله يخليهة...
شهد؛ بس هي.. مو...
زينب كلنا انولدنا من اب وام..
بس لاالنبي ابراهيم تحاسب لان ابو كافر ولاالنبي نوح تحاسب ع جبروت ابنة..
رب العالمين يقول بمحكم كتابة (وَلْيَعْفُوا وَلْيَصْفَحُوا أَلا تُحِبُّونَ أَنْ يَغْفِرَ اللَّهُ لَكُمْ) {النور: 22}. وقال أيضاً: (فَمَنْ عَفَا وَأَصْلَحَ فَأَجْرُهُ عَلَى اللَّهِ) {الشورى: 40}. وقال صلى الله عليه وسلم: (ما زاد الله عبداً بعفوا إلا عزاً.)
شهد: اني خايفة من روحي.. لااظلمهة.. لزينة..
مرح تظلميهة..
انتي شون كادرة تكونين متاكدة اذا اني نفسي ماواثقة بروحي اني بساعة شيطان ردت اضيعها....
زينب: مرح ضيعيها..
شهد: شوووون..
من رجعت شفتي زينة كاني لكيتي روحج الضايعة..
شهد: روحي الضايعة..
دومج تايهة وخايفة ومترددة اليوم حررتي شهد و رجعتي تمسكتي بيهة..
انتي داخلج نور كبري وطلعي من الظلمة ابدي حياة جديدة لاتوكفين عالماضي..
بس ابننني..
لاتفكر ان لها مدبر..
باجر بس تكعدين تذكرين كلامي..
وتكولين كالت زينب..
دوري جواب سؤالج بداخلج اتخيلي وردة واسكيها.. مرح يطلعلج عاككول..
رح يطلعلج ورد ويملي بيتج هدوء وسكينة بس احتسبي ربي العالمين..
شلت زينة الي بدت تصحصح..
ها زينة.. تكدرين تمشين جيبي ايدج..
زينب :دير بالج ع روحج شهد وع اولادج..
انا وكافل اليتيم بالجنة.. زينة بنتج من اليوم لاتتركيها..
اكلج زنوبة اريد رقمج ممكن.. وين خليت الموبايل.. زينة تعالي..
بس درت وجهي اختفت زينب.. خفت لاتكون زينب طيف حضرني لمن كنت محتاجتة اخذت زينة.. وجانت مترددة تكول جوعانة..
جان ازدحام.. شلتهة..
ومشينا.. فتنا كم محل اشتريتلهة ملابس.. ولوازم.. جانت فرحانة وانفتحت شهيتهة للطلب.. واشتريلهة وادعي ربي تنسى هاي الذكرى الي زرعتها بذاكرتها لمن عفتهة...
جانت تعبانة حيل..
وصلت لعيالي العصر كلش...
الكل جان يدور علية.. واخوية رافت راد يبلغ عن فقداني..
فتت.. تلكتني عمتي.. وعلياء وحسين البيت كلة متوتر..
وشكلهم تعبان..
الغريب اني بعد هالموقف رغم اني دائما خايفة وافكر شرح يصير جنت هادئة كلش..
نزلت زينة وحطيت الجياس ع جهة.. بوست جهالي..
اجتي علا ورأفت وابنهم مزورك مجنت اتخيل اني اذيتة هيج وراسة مخيط..

رأفت؛ ولج مخبلة تعالي فهميني.. ليش هيج ورمتي ابني..
وليش تاخذين زينة غصب من بيت جدهة.. هاي جف كالج لاطلعيهة اهلي ميقبلون...
ام علي؛ ع كيفكم وياها.. وهياتهة البنية سالمة وجتي بحضن عمتهة شهالحجي...

شهد: لحظة.. لحظة.. انتو شعبالكم..
رافت الا شوي ردت ابلغ لاسوين مصيبة واحنا مناقصين...
علا: كلة من ورا اشجان وخلايفهة هجمت بيوتنة..

ردت الفضيحة متكبر وظل لازكة بااشجان..
رافت :يلا عمو زينة تعاي نرجع للبيت
..
زينة جتي ركضت وجلبت بعباتي خايفة...
شهد؛ زينة رح تبقى يمي..
رافت : تبقى امشي... للبيت..

شهد؛ اني وجهالي رح نبقى بيتنا لما يجي ابوهم..

رافت: ولو قراراتج بالثانية بس براحتج..
يلا زينة امشي..
جلبت اكثر بية وكامت تبجي متريد تروح...
علا : عوفهة رافت.. خل تبقى هاي المصيبة بيتهم كافي اجة منها.....
شهد: عمو عمة علياء حسين من رخصتكم عندي حجاية ويا اخوية ومرتة..
ام علي: حاضر يمة... شهد: خالة اخذي الجهال وياج..

ديطلعون.. صحت لاابن رافت انت ابقي..
سديت الباب..
علا: خير شكو.. عندج شي ثاني..
رافت؛ اني مقدر وضعج لان دتمرين بضرووف صعبة..
بس جان الي حساب وياج..
شهد؛ رأفت دير بالك ع ابنك.. ربي زين.. بدل ماتنشر خطب وصلاة.. علمة الحرام والحلال.. علمة يكون انسان مو حيوان..

علا: هاك استلم بدت فيوزاتها تطلع..
شهد؛ مااحجي وياج.. انتي اصلا مااستغرب اخلاق ابنج هيج..
علا؛ ولللللج..
رأفت: علا.. سكتي.. انتي..
شهد فهميني شنو لازمة هالحجي..
شهد: رافت ابنك حيوان يتحرش ببنت عمة..
رافت: لحظة يابنت عمة..
قصدج زينة..
علا: عمود صدكني.. لك اختك تخبلت..
مااتخبلت.. ابنك يتحرش بيهة.. ويااذيهة.. ياما شفت كدمات..
محمد: كذب.. بابا... كذب..

رافت؛ شهد.. اصحي شتحجين ابني يتحرش ببنت عمة الطفلة هو..
علا: اكيد بنت اشجان كالت.. بعد بنت منو هي مو اخوية بالكبور من وراها..

شهد؛ دامج تعرفين من وراها ليش بكتي الاوراق ليش مسلمتيهة الي..
لو الفلوس عمت عينج.. هسة تكولين اخوية..
رافت: لحظة.. لحظة.. انطوني.. نفس..
خل استوعب كل هذا الحجي..
محمد:بابا كذب والله تكذب..
رافت..
اخذ نفس..
علا: لاتصدكها هاي بنت اشجان..

رافت: جذب شهد ابني ميسويهة.. ميسويهة..

ا

مشي علا.. امشي محمد..
وانتي مو اختي.. وغراضج توصلج انتي وهاي النقمة.. الي خربتي بيني وبينج..

شهد؛ بس اني ناوية اشتكي..
رافت؛ ع منو وشنو شدتحجين...
شهد؛ انت ماسالتني وين جنت..
رافت؛ ميهمني.. امشي..
شهد : جنت بالطب العدلي.. وسوو فحص لزينة.. واكدت الطبيبة متعرضة لتحرش وعنف.. ولحسن حظ هاي الطفلة اكو جلد مجلب بااظفرهة..
وكلة كم يوم ويطلع التقرير ويطابق ويا ابنك..
وخل نشوف منو الجذاب..
رافت: شهد.. شكاعد.. تحجين.. الله اكبر شدتحجين...
شهد: صم اذنك صم..
اعلك قران انت وزوجتك وتباهو بدينكم وولدك خيسة..
انصحك تسال وردة خاف متحرش بيها اخوها..
علا : سكتي..
شهد؛ مرح اسكت.. والا اخلي ابنج يكضيلة كم سنة بالاحداث وهناك شنو يرحبون بهيج حالات.. يزوعونة العافية..
ويطلع.. اذا طلع بعاهة مستديمة عمود يعرف يمد ايدة ع عرضة..
رافت: شهد.. جذب.. جذب..
علا؛ تسجنين ابن اخوج عمود بنت اشجان..
شهد: هاااي بنت فؤاد.. لاتنسين ابد..
والبيت كاعدين بي ابوها الة بي حصة..
يلة خلصت حجي..
وانت اعرف اخترعلك كذبة ع ابوك بلكت يصدكك..
رافت؛ شهد الحجي تحجينة صح.. يعني مو كابوس..
لا مووو، كابوس..
روح بدل ماتنصح الناس دور ع عائلتك خلي حدود الهم علمهم الخوف.. علمهم يصيرون بشر مو حيوانات..
محمد: ماما.. مااريد انحبس..
رافت.. ظليت مصدوم مااعرف شااحجي..
علا: اسكت ولك.. كافي..
رافت؛ شهد.. المطلوب... شنو..
شهد: جنت بس اريد اشوفك الي مو شايفة..
بس هسة دام علا حجت..
اريد الأوراق الباكتهم مني..

علا: مين اجيبهم..
شهد؛ محاولة اخيرة عمود اجمع ادلة عمود انتقل لقضية علي.. واثبت برائتة..

مااعرف.. دبريهم وجيبيهم الي..
تفضلو.. مع السلامة اني تعبانة كلش.
سديت الباب.. بلا ماالتفت..
كعدت ويا عمي واستئذنتة ابقي زينة يمي لما يطلع ابوهة..

اجووي عمتي.. وكالتلي مبينة البنية متاذية..
باع ايدهة ركبتها..
مااردت اسمع هالحجي..
جريت زينة... من رخصتج عمة.. زينة تعبت اليوم..
رح اخذهة.. اغسللها وانومها...
يلا تعاي..
جتي ركضت ولمست ايدي بكفوفها الصغار فتحتلها شعرها..
يلا.. ماما..
طلعت الكلمة بدون مااحس..
نزعي ملابسج..
شلت الهدوم ذبيتهم بالزبالة..
خ يولون نلبس ملابس جديدة...
زينة: ماشي..
كانت زينة قطعة من السما عيون كبار وخشم مرسوم وشعر اسود طويل وسرح..
غسلتلهة وبدلتلهة.. مشطت شعرها..
يلا.. كملنا..
اجتي حضنتني حيل..
اني احبش.. هووووواي..
جانت اول مرة ابتسم من ساعة حادثة همام..
رجعت حضنتها..
وهمست بداخلي.. يارب تسامحيني.. عالسويتة..
نزلنا تعشينا..
ولملمت المواعين وغسلتهم ويا علياء..
الي ماكتبلها لحد هسة يصير عدهة اولاد..
سوينا جاي..
ظليت ساكتة.. وكانو داخلي حسبة..
حسين سالني شرح سوين ولازم نحضر مرافعة.. او نشوف محامي شاطر.. يطلع علي..
مجاوبتة.. اخذت اولادي صعدتهم اي اولادي.. ونومتهم كلهم بحضني ليلتهة.. بالاخير لكيت روحي بالارض.. فزيت بنص الليل..
ع حلم كابوس.. اجتي اشجان.. وشعرهة نازل ع وجهة.. وهدومها ممتناسقة..
كانو رفعت ايد شهد وحطتهة ع رجل همام..
ابتسمت الي.. وكالت هذا جزاءج ممنونة..
كعدت فازة مااعرف شنو تفسير الحلم بس اعرف دماغي مشوش.. ومااعرف شااسوي مين ابدي..
شون رح اساعد علي..
خصوصا انو موقعة موقع شك وهدد اشجان اكثر من مرة...
اوووف..
صليت قريت قران وكعدت اقرا..
قواعد العشق الاربعين..
ان كل إنسان عبارة عن كتاب مفتوح، وكل واحد منا قرآن متنقل. إن البحث عن الله متأصل في قلوب الجميع، سواء أكان وليا ام قديسا أم مومسا. فالحب يقبع في داخل كل منا منذ اللحظة التي نولد فيها، وينتظر الفرصة التي يظهر فيها منذ تلك اللحظة. يقبع الكون داخل كل إنسان، كل شيء تراه حولك، بما في ذلك الاشياء التي لا تحبها، حتى الاشخاص الذين تحتقرهم أو تمقتهم، يقبعون في داخلك بدرجات متفاوتة. لا تبحث عن الشيطان خارج نفسك، فالشيطان ليس قوة خارقة تهاجمك من الخارج بل هو صوت عادي ينبعث من داخلك فاذا تعرفت على نفسك تماما وواجهت بصدق وقسوة جانبيك المظلم والمشرق، عندها تبلغ ارقى اشكال الوعي. وعندما تعرف نفسك، فإنك ستعرف الله.

ثاني يوم الصبح.. كعدت ع دكة الباب القوية..
نزلت.. جانت علا بالباب..
شهد؛ هاج الاوراق بس لاتدخلين ابني السجن لاتدمرين مستقبلة ماعندي غير جهالي تعرفين رافت ع شعرة وياي بس دخيلج لا تسجني ماعندي غيرة واني رح اربي والله دخيلج شهد..

فوتي جوا.. لاتحجين بالباب...
لاميحتاج... رايحة مااوصيج..

وهذا اول فايل يثبت براءة علي.. ويورط يحيا..
خل ابقي جهال يم عمتي ورا الريوك..
وانتبهت جكد متفاهمين عبالك زينة وياهم عمر..
كملو الولد وبدت تساعدني تريد تنقل المواعين للسنك..
واكو قوة جبيرة تشدني الهة..
شهد: روحي زينة لعبي ويا اخوتج..
يلا..
طلعت من البيت..
طكطكت صور لكل شي.. خفت لاتنباك مرة ثانية
عمتي وعمي صحتهم تعبانة من يوم المصيبة..
شهد: حسين.. لازم اشوف علي..
حسين: هااا.. حنيت الك.. حنيت..
شهد: لاتنسة هو موكلي..
اويلي الله يساعدك.. علي..
شهد؛ يلا.. امشي..
وصلنا للتوقيف..
وجابو علي.. تعبان وضعفان..
ولحيتة مربيهة..
عافونا..
علي: شهد.. عرفت مااهون عليج.. تعوفيني..
شهد: علي.. ان شاء الله اطلعك.. الادلة رح تجي باايدي..
بس لازم تحجيلي بالتفصيل لان القاضي بس يشوف اختلاف او تلكؤ رح يكون الحكم مو بصالحك..
مد ايدة ع شعراية طالعة من حجابي...
علي؛ اني واثق منج.. واثق حبيبتي مرح تخليني اعاني... مشتاقلج..
شهد: علي.. شو نسيت روحك احنا بالتوقيف..
علي: ماشي.. اصبر.. الله يفرجها ويجمعني بيج..
شهد؛ خلص.. الاحد الجاي اول مرافعة لازم ندور ع يحيا..
علي: ظليت اباوع عالطفلة الي ذاك اليوم جانت صغيرة حيل واشيلها بايديناتي..
شبساع كبرتي.. شبساع صرتي هيج..
محسيت.. روحي شون ايدي صارت ع ايديهة... وكل شوق وفخر لزوجتي...
شهد: علي.. رجاءا بلا تصرفاتك هاي..
علي: شهد.. سامحتيني..
سامحتيني مو...
شهد: علي.. خلصت الزيارة.. اشوفك بالمرافعة..
جانت ايام صعبة فؤاد طلع براءة بس مقبل ياخذ زينة كال بقوهة يم امي..
وهنا حجيت ويا عمود ابقي زينة يمي تتربى خصوصا بعد العرفتة عن اشجان.. قررت تكون بدايتي هي..
اول زرعة ازرعها..
للقصة.. بقية...
🌸🌸🌸🌸🌸🌸🌸
لاتنسون التصويت عالبارت اذا اعجبكم...