رواية عندما يكون العشق صوفيا الفصل السادس والعشرون 26 - بقلم ruqaya H algurtani

كُن رَفيقا للأَلَم حتَّى يبْدي لَك الطَّريق. - جلال الدين الرومي

اول شي.. ممكن انصح بي اي احد عمود يطلع من حالتة يواجه، اي يواجه مخاوفة، شون الواحد الي يوصل ع حافة الموت وتجي معجزة ترجعة للحياة

هو هذا بالضبط احساسي.. جنت خايفة اواجه لحد ماوكفت، خلص ماكو هروب بعد لازم اواجه.. ظل فؤاد ويايا  غريب هالولد عندة مواقف تحير..
شهد؛ تكدر تروح ممنون وصلتني...
يلا.. كملي شغلج.. وخ نرجع.. لا تسويلج مكسورة اكون وياج..
زين ع راحتك..
هو هذا بابهم..
اي هو هذا..
يوو منطقة تعبانة اشبه بالفضل ببغداد واسوء حالا..
اول مادكيت الباب.. رجعت خطوتين.. واذا بيحيى يفتح الباب مثل ماتفاجات بي هو بعد تفاجا بية..
يحيى.. ممكن نحجي..
بشنو نحجي مو خلص اشجان الله يرحمهة..
شهد : تخيلتك مسافر.. مختفي..
يحيي:وليش اسافر وليش اختفي..

شهد :رح نظل واكفين بالباب.. مرح تكول تفضلو..

ام يحيى : يمة من عالباب..
يحيى؛ امي.. ناس تسال..
ام يحيى:قلهم يتفضلو ليش واقفين عالباب..
شهد: بلهجة اهل الموصل الاصلية استقبلتنا مرة ستينية تبدي عليها مراحل التعب.. وابتسامتها حكاية...
طبعا بلا اسنان..
طلبت من يحيى.. يدخلنا..
كان بيتهم حيل تعبان بي كم قطعة اثاث..
تعبانة اشعة الشمس كوة توصله.. حتى فواد استغرب لمن شافة..
بيت اهل اشجان ناس متمكنين.. ناس مريشين..
استغربت وضع بيتهم.. وشغل يحيى طول هالسنوات ويا اشجان هو شريكها بكل شي.. معقول هذا وضع بيتهم غريبة..
كعدنا ع قنفة بالحديقة؛ كعدنا وبديت اسالة...

ام يحيى؛ تفضلو عيني..
شهد: شكرا خالة..
يحيي: الي بيني وبين اشجان امي متدري بي..
شهد:حسيت هاي نقطة ممكن الح علي بيهة..
وجود فواد ازم الامور..
شهد؛ يحيى.. اني جايتك بخدمة.. محتاجة مساعدتك..
يحيى؛ اعرف تريدين تطلعين رجلج وتلبسين التهمة الي..
شهد:لااا... قاطعنا فواد..
مو انت ويا اشجان سوا وكل فايناتكم اكيد تعرف شجانت مصخمة دتنتهي هالنهاية..
يحيى؛ اشجان.. مجان عدهة شي.. من يوم زوجتك.. بس للاسف ماوكفت بعينك.. الحب الحبتة الك..
فؤاد؛ ضحكتني والله، حابتني.. ونايمة ويا نص عشيرتي..
يحيى: احترم انت كاعد بيتي..
ودتهين بنت خالتي..
فؤاد : صدكتك والله، يابة انت عارف كل سوالفها ومشتغللها كو.....
يحيى:طلعو.. برة لهنا وبس.. هذا حدكم..
شهد: فؤاد.. احنا جايين عمود علي.. شنو لازمة هالحجي.. واشجان ماتت الله يرحمهة..
فؤاد :ها انتي هم صرتي ملاك الرحمة.. نسيتي بسببهة ردتي تموتين.. مو شمرت حجي عدج علاقة ويا هذا..
شهد: كااافي.. احترم نفسك وكافي هالحجي..
يحيى: شهد.. اخذي اخوج وطلعو اني لو مو ايوية وامي.. جان عرفت شغلي وياك ياسكير يلة جنت مستعد تبيع مرتك بلعبة قمار..
فؤاد : امشي شهد.. نطلع..
شهد؛ طلعنا من بيت يحيا بدون فائدة بعد تخريب فؤاد لكل شي...
شهد؛ كتلك جاية عمود اقنع يحيى يشهد يعني انت شنو..
فؤاد :هاي فوك ماجيت وياج..
يلا امشي نرجع ورايا سفر..
اجلتة عمود هالكلمتين ورفض..
شهد؛ اني صوجي اصلا جبتك ويايا.. عبالي عون خرب هالعون..
عفتة ومشيت..
توجهنا للكراج..
دنرجع بغداد..
وفؤاد جا تلفون وكالي.. اني مظطر اروح لكركوك اول يلا ارجع انتي بعد كم ساعة توصلين.. خما تخافين...
شهد: بسخرية.. لاعفية.. فدوة لاتعوفني ارجف.. والله من الخوف..

فؤاد : يلا لعد مع السلامة.. شوفج او احسن مااشوفج بعد..
نزل فواد والحمية شفتهة قبل شوي اختفت.. عافني بموقف الباصات ومشة..
كعدت اريد اجمع اولا.. فؤاد مراد علي يطلع براءة..
ثانيا.. اصرارة يفوت وياايا.. وثالثا كلامة المستفز ليحيى عمود يثور ويطردني...
وحجي يحيى والقمار ويبيع زوجتة..
لا.. مستحيل استغفر الله..
بالاخير نزلت من الحافلة ورجعت اخذت تكسي لبيت يحيى..
عمود اعرف الحقيقة..
مفكرت بااي خطوة.. بس قررت.. اجرب ويا مرة ثانية..
وصلت للباب ومترددة.. وادعي داخلي.. ياربي لاترجعني خجلانة....
دكيت الباب.. الباب مفتوح بس صوت الحجية.. منو عالباب.. مرديت..
عم قول منو عالبابب.. مابتجاوب.. مين انت..
شهد: هاي.. اني خالة..
ام يحيى: هاي انتي خالة شو رحتو ورجعتي وحدج..
شهد:خالة اخوية ويحيى مامتفاهمين..
لذا مشيتة ورجعت..
لعد يحيى ماموجود..
يحيى طلع بشغلة.. هسة ع جية..
خالة اني سمعت انتي هذا اخوج زوج اشجان..
هااااا...
اي خالة.. اشجان صديقتي جانت..
اخذت نفس طويل..
هااا.. خالة.. شكلج شايلة هم ع كلبج.. وتريدي يطلع ويا النفس..
اي والله ياخالة..

خالة ممكن اسالج كم سوال.. دام انتي رايدة اشجان ليش تربت بيت عمتها..
اوووف يمة.. كلة، من ورا ابوهة الله لايرحمة..
لا.. خالة استغفر الله.. الله يغفر اله..
اااه يابنتي.. غير ماتعرفين شسوة باامهة لااشجان..
ليش خالة..
هسة نسوي قهوة واحجيلج.. يمة..
لا.. خالة لاتكومين.. اني اسوي.. بس دليني..
مبين عليج خوش بنية..
تسلمين.. خالة..
اي خالة.. هاي القهوة...
كوليلي شسوة ابو اشجان..
اي يمة.. ام اشجان جانت اية من الجمال..
الكل يتمناها واحنا ناس ع كد حالنا..
3بنات..وثلاث ولد..
اي..
تزوجت اني.. هذا عمج مريض شوفة عينج.. عندي بنيتين ويحيى..

زوجت البنات وحدة بااربيل والثانية بتركيا..
واني شوفة عينج مبقالي بس يحيى..
جوان.. كبرت.. وحلوت وبينت معالم الانوثة عليهة..
والعيشة صعبة..
وابوية جان يشتغل بمعمل مال بلاستك..
الي ابو اشجان صاحبة..
رجال متمكن..
وفد يوم اجة بيتنا وشاف جوان..
جوان ام اشجان..
اي يمة.. هي..
جانت جيان الي ع حدي.. بعد ممزوجة..
اي.. خالة..
رح اشتغل.. وانتي احجيلي.. خالة يحتاج احد يساعدج..
لا يمة.. لاتعبين روحج..
لا.. خالة.. احسن على مايجي.. يحيى..
وتالي شصار..
والله ابو اشجان كام يتردد.. ع بيتنا..
ويساغد ابوية وتحسن وضعنا حتة اني جان يساعد ابو يحيى..
وكام يلمح لاابوية.. انو يريد يخطب..
لان زوجتة متجيب اولاد..
يااا.. مزوج..
اي يمة جان مزوج بنت عمة وهي شايلة كل شي..
المهم ابوية عبالة يريد جيان والمخبلة مصدكة وترسم حياتها..
وبيوم اجتي زوجتة.. لبيتنا خفنا لاتريد تسوي مشاكل...
بس تفاجانا تريد جوان لزوجهة..
لا.. صدك... هالحجي..
اي والله.. خالة.. وتفاجانا.. جوان مقبلت كالت صغيرة شون ازوج واحد مزوج واكبر مني بهواي خل ياخذ جيان.. وهي كبت نار وصارت عداوة..
طبعا لمكانة ابو اشجان ولان حزبي جبير..
ابوية قنع جوان تزوجة.. ودلال ورعاية ويقبل تكمل دراستها..
احسن ذهب واحسن عرس..
الكل ضل صافن علي..
ل
بس هي طلعة.. مرجعت بيها ام اشجان..
عيالها سواهة خدامة.. وماكنة مال تفريخ..
ورجلهة مخلة مرة بالديرة تعتب علي.. ومرتة راضية وسايكة ع جوان المسكينة..
غصت بدمعتها..
خالة.. عوفيها لاتكملين..
لا.. خالة نفضفض.. شسوي الفقير كل وكت مغلوب ع امرة..
وتااالي..
حملت.. جوان...
وثالث شهر كتلها.. ومن المستشفى بيت اهلي..
ظلت لما خلصت الحمل عالولادة..
لازم الاب موجود.. دزو علي..
كوم اخذ الولد وعوف الاماية بالمستشفى.. وصدرهة هالكبرة.. خطية تريد ترضع ابنها..
مااااكوووو...
رجتت للبيت ودمعتها ع خدها.. وتالي.. غصبا ع خشمها.. رجعت خدامة ومربية لاابنها وتمنت يتغير الوضع لكن من سي للاسوا كام يصبحها بكتلة ويمسيها بكتلة..
شهد: مااشتكيتو علي..
ام يحيى: نشتكي على منو.. مو هو الحكومة..
خالة.. شون..
اذا هو سكرتير عدي صدام.. منو يكدر يطخة..
اويلي ربي.. خالة شهالحالة...
مو اكلج الفقير بس الظيم الة..
وتالي متغير وياها..
بعد سنتين حملت بااشجان.. شوية خف عليهة لان زوجتة تمرضت وحار بيهة.. سرطان شالو صدرها.. والمبايض.. لما ماتت..
عزة..
كلنا اي.. هسة يحس بيهة يراعيهة.. ورا خمس اشهر.. راح جاب وحدة وزوجهة..
جتي زعلانة.. بقت للولادة..
وهم اخذ بنتة وكال مااريد بنتكم.. خليهة يمكم وجهالي يمي..
ماتت من القهر وظلت تتوسل وابوية واخواني ميكدرون لايذبهم بتهلكة..
وظلت لما هو الله هدا وكام يروح ويرجع..
كال خ ترجع خدامه جهالهة محد يتحملهم.. كيفت وكالت ميخالف ارجع لخاطرهم..
وكل يوم قهر اكثر من الثاني..
وبحملها الاخير..
شهر الخامس صار عدهة تسمم بالدم وماتت هي وابنهة وعافت جهالها يتامى.. جكد امي توسلت.. بس يجيب الجهال مقبل..
تعرفين شكال لاابوية الله يرحمة.. تريد اخلي جهالي يربون بيتك الفكر عمود تنام براسي انت وولدك..
وراهة اقترح يزوجة جيان داري جهاله..
بس جانت عاقدة ع ابن عمي..
وراحت زوجت..
وجهال جوان انحرمنا من شوفتهم للتالي... وتوصلنا اخبارهم من بعيد..
شهد؛ لعد ابو اشجان شون مات..
حكم.. ربج المنصب الي جان بيصار نقمة علي لمن رادو يغتالون عدي.. طلعو من الخونة وانعدم..
شهد؛ خالة.. هاي شون حياة..
زين بهيج حالة منو بقالهم.. ليش ماجبتوهم..
هالمره هم مقبلو.. وظلو ويا بيبيتهم وعمتهم مامزوجة وعمهم الصغير.. مااعرف يمكن بااربيل بس مجان راضي ع تصرفات اختة.. ومن توفت امه.. راد يسيطر عليهة اشتكت علي للحزب وهو طفر للاردن.. ومن صار السقوط رجع..
حاول وياها مفاد.. تالي.. ضرب البيت طلقات.. وكال اختي واني اغسل عارهة.. وصار مثل المخبل يدور عليهة.. ومحد يعرف وينهة...
شهد: لكل انسان.. خفايا.. خفايا فضيغة..
وبلحظتهة حسيت سبب كره اشجان الي..
حقدهة عليه الله اعلم شعانت ووشافت.. عمود تصير هالشكل رفعت ايدي وحمدتة.. لان دايما يسخر الي ناس يوكفون وياي..
وبعد ماخلصت القصة اجة. يحيى..
طبعا سويت شغل مال شهر.. انقهرت عالخالة.. وحدهة ومابيهة حيل تتحرك..
وظلت تحمد بية لمن اجة.. يحيى..
مكدر يحجي ولا كلمة..
يحيى: انتي شتردين...
شهد: اريد اطلع زوجي يحيى.. زوجي مالة ذنب.. ينحكم ظلم..
يحيى؛ يطلع زوجج ادخل اني..
شهد: اكو كم شك براسي اريد تفهمنيا وابد مو بالي احطك مكانة بس اريد دليل يثبت مالة علاقة.. وبس.. ساعدني..
شون اساعدج..
عم اشجان..
شبي اريد اعرف وينة.. لازم.. احساس. داخلي الة ايد..
يحيى: روحي اتهمي..
مااكدر اوجهلة تهمة بدون دليل..
وشون تجمعين ادلة..
كلي ساعدني او لا بعدين اكلك شون ولازم تجي وياي لبغداد..
عمود تلبسيني كلبجات..
لا.. ابد..
انتي ليش تعتقدين اوافق..
شهد: لان بيوم من الايام.. جنت جوا ايدك وشهامتك مخلتك تااذيني.. وبعدني اراهن عليها...
يعني شيم العربي واخذ عباتة...
شهد: بعد.. محجتلي والدتك قصة ام اشجان واساميكم اشك انت عربي..
هااا.. شكلت..
يحيى: شكرا.. عالتعب تعبتي ويا امي..
بس مااكدر اساعدج.. سامحيني..

شهد؛ اتفهم موقفك.. ولا يكون خاطرك طيب.. رح اطلع عمود لايصير احراج عليك..
مع السلامة..
الساعة سبعة العصر مشيت لراس الشارع..
واوراقي وياي..
سمعت صوت يحيى وراية..
شهد... دير بالج..
مااسمع غير صوت الطلقات فوك راسي..
جرني لزقاق داخلي.. وركضنا.. لحد ماوصلنا باصات تطلع لكركوك..
وهناك حكاية ثانية..
للقصة بقية..
🌸🌸🌸🌸🌸
اسفة تاخرت عليكم لضرووف طارئة..
لاتنسوني من  فضل تعليقاتكم والتصويت على البارت فضلا وليس امرا
متعة القراءة ارجوها لكم..
نازك الملائكة