رواية عندما يكون العشق صوفيا الفصل الثالث والعشرون 23 - بقلم ruqaya H algurtani

عندما يتراكم عليك كل شيء وتصل إلى نقطة لا تتحملها , احذر أن تستسلم ففي هذه النقطة يتم تغيير قدرك.
جلال الدين الرومي

الحياة كد ماكنت تريد تتوقع شضامتلك متحزر الحياة لغز عظيم.. دايما تدور وتعيشك الي بالضبط تريدة لذلك لاتعترض ع الدروس المجانية..
وتقبلها بصدر رحب واجعلها قاعدة في حياتك..
جنت راجعة من امتحان وشفت عالم مجمعين باب بيتنا.. تخيلت عمي اوخالتي يكون بيهم شي.. جيت ركض والناس تصبر بية اباوع بالوجوه اريد احد يفهمني ماكو...
فتت واشوف الدماية بكل مكان..
علي كاعد يبجي..
وعمار ميت خوف..
خير ياربي دم منو هذا..
اباوع ع ابني بحضن ابو الي عجز عن الحراك...
مااعرف الدم من علي من همام بس.. اعرف الاثنين حياتي واذا صار شي بيهم امووت..
صحت بعلو صوتي علي.. شبي همام...
الكل وضع المتفرج خايفين محسيت شون روحي انتزعت همام من بين ايدين ابو الي بقى متبسمر بمكانة..
جريت عمار..
هاي اول مرة اتركهم ويا ابوهم واني مطمنة.. مطمنة انو مرح يصير بيهم شي..
صحت بعلو صوتي شكو تتفرجون ابني ديموت ولكم شتنتظرون.. ودوني مستشفى رح يروح مني دخيلكم... اجة حسين ركض جاب سيارتة واخذ همام وركض للمستشفى..
ادعي ربي طول الطريق ميكون صايرلة شي ربي اعرف انت تريد تمتحني.. بس لاتمتحني بااولادي دخيلك ربي مالي غيرك انصرني يارب.. انصرني واحفظ اولادي....
نزلنا ركض حسين للطوارى صيح عليهم.. دخيلكم الولد رح يروح....
طبعا اجراات المستشفى..
وليش وشكو.. حسين اخذ المهمة وكاللهم اني محامي...
بس نقذو..
الممرضة: ابنك هذا....
حسين: اي ابني.. فوتو بسرعة..
فوتو لغرفة العمليات..
وحطيت عمار بحضني وابجي.. ربي.. شسويت بدنياتي اني ربي فدوة لعينك طلعة سالم...
طلعة سالم وشتريد سوي بية.. سوي..
ورا ساعتين طلع الطبيب.. طمنا عن وضع همام..
شهد: دكتور عفية طمني ابني شونة شصار علي..
للاسف الرصاصة مخترقة الكلية واظطرينا نستاصلها وان شاء الله ميكون العمود الفقري متاذي يكوم الطفل ونعرف ان شاء الله..
شهد؛ الدكتور ذكر الرصاصة... واني وكف عقلي.. رصاصة مين جتي الة منو ضرب ابني...
اليوم اخلص علي منو هذا..
شفت عمار طفر من حضني.. وراح ختل ورا حسين يبجي..
شهد: لاتخاف ماما.. لاتخاف.. اخوك زين هسة نطلعة..
بصوت طفل خايف ومرعوب وكلماتة المتانية..
ماما.. مجنت اعرف يضرب نار عبالي لعبة بابا جابها..
ومات همام..
صمالله.. صمالله اخوك مامات فهمت.. لاتحجي هالكلمة..
حسين: شهد ع كيفج ويا عمار طفل خايف مايفهم.. اهدي.. شهد اهدي...
كعدت بالكاع وملابسي كلها دماية..
والطم ع وجهي..
ولك شااهدى حسين شااهدى.. خرب حظي.. خرب حظي.. ناس مسيبة جهالهة بالشوارع معليهم شي.. اني الي عيني ع جهالي هيج يصير بيهم هيج..
اوووف ربي.. اوووف...
انهاريت بلحظة ونقلوني لغرفة ثانية انطوني ابرة مهدئة.. كعدت لكيت علي واكف.. وامي، عمي وعمتي جانو باايران..
ومرتضى بس سمع رجع بغداد..
جنت هادية ومسطورة.. ابني عمار وينة..
ام رافت؛ بقيتة بالبيت يم علا..
شهد: ومنو كاللكم تودو.. تريدون تموتون ابني.. تريدون تموتو كلكم اذيتوني واجة الدور لاابني..

الله لايوفقكم.. حسبي الله عليكم كلكم..
ماحسيت باايد علي وهو يبجي ع حالي وحال ابنا بالعناية المركزة..
لليل جابو عمار.. مصخن من الخوف.. وكل شوي يستفرغ..
اجة شايلة حسين..
هذا هو عمار..
باوع هياتهة ماما..
عمار.. ماما مجنت اعرف. والله ماما..
بابا جان يحجي بالتلفون..
راسا انجمعت الصور..
كانو كذامي..
علي: دا اكلج بطلي لاتخابرين..
والا.. اطيح حضج..
عمار بابا همام ضربني...
علي: رووح منا يلا بسرعة..
همام هسة اجي اكتلك..
عمار: هسة يكتلك بابا..
هسة يكتلك..
همام؛ ميكتلني، بابا ديقشمر عليك..
عمار :شفت مسدس ع ميز الطعام..
هسة بابا يضربك بهذا المسدس..
لا ميضربني وهسة رح اكلة تلعب بمسدسة..
وفجاة بضغطة بغير وقتها ولا مكانها انطلقت الرصاصة..
مجان قصدي ماما مجان قصدي..
شهد:ميخالف ماما ميخالف..
هسة يكوم بالسلامة لاتخاف..
فصلت المغذي وكمت..
ام شهد: وين رايحة..
شهد : رايحة اشوف ابني..
وصلت لكيت علي واكف كدام العناية..
محجيت ويا.. رغم جان بعيونة كلام هواي.. بس سديت حتة كلبي يسمعة بس دموعي الي تسيل  ع ابني الي حظةيشبه حظي للاسف..
اجوي الشرطة سالو عن الصار وانو هو متهم..
انطاني موبايلة ومحفظتة
شهد، هسة راجع لاتخافين..
حسين: شهد رح اروح ويا علي خليج قوية..
حاولت اتماسك ومااوكع عمود اولادي واحد نايم بالعناية والثاني مصخن من الخوف..
فجاة واني اوكل عمار اجة اشعارين للتلفون مال علي..
وحدة بيهة رسالة..
والثانية مقطع فيديو...
علي هاي اخر مرة ادزلك المرة الجاية انشرة...
وهنا وكفت كل حواسي مر ساعتين
بدون حراك.. مااعرف شااوصف الي حاستة، بس ظليت ساكتة، ظليت اريد عقلي يستوعب يمتة صار هذا هسة قبل سنة سنتين جكد اريد افهم موكادرة ياربي..
لاتكون هاي العلاقة من رجعو للعراق معقولة علي تدنا نفسة ع زوجة فؤاد..

اجتي زمن وقصي..
زمن.. عفية ماعندي ثقة بغيرج بس ابقي الجهال لما ارجع..
زمن؛ وين رايحة..
شهد؛ لازم اضرب راس الحية عمود ارتاح اني وعائلتي..
ولج، ياحية.. شهد.. حبيبتي استهدي برحمانج..
شهد: بداعتي زمن دير بالج عالجهال خاف يصير بيهم شي..

ولج.. شهد... شهد..
قصي خابر حسين.. شوف وينة شكلهة ناوية ع مصيبة..
قصي: رح اخابر ع  علي...
زمن: هذا تلفونة هنا.. لعد وينة هو..
شهد؛ طلعت وكل شياطين الدنيا تحوم براسي..
كل الي اني بي.. بسبب اشجان...
من اول مادخلتني.. ويا يحيا لحد ماوصلت علي.. وابني راد يروح بيهة..

حسين؛ هاي مو شهد فؤاد...
فؤاد؛ شهد.. شهد..
مردت.. هاي شبيهة..
حسين : يمكن.. رايحة كافتريا جيب شي للجهال..
فؤاد؛ مو كلت زمن وقصي.. موجودين..
حسين؛ صحيح..
خ نشوفهم..

زمن : عمار.. ماما.. ششافت.. وهيج صارت...
عمار:اجة.. متج.. بالموبال.. وكامت تجي..
زمن؛ موبايل بابا..
اي.. بابا.. موبايلة جان يصيح.. يكللة اشجان.. كافي..

زمن: بابا.. هيج كال..
قصي: دتستجوبينة زمن شنو سالفتج ناقصين مصايب..
زمن؛ خل اشوف اشجان شدازة مصيبة لعلي..
قصي؛ زمن مالج علاقة عيب هاي اسرارهم..

زمن: يجوز مصيبة وصديقتي رايحة برجليهة غير افتهم..

اوكف دقيقة... افتحة..
بي رمز..
شيرادلة هاي عيد ميلاد شهد..

زمن:اخذت.. صفنة.. عزة العزاك علي..
قصي؛ شنو السالفة..
هاك باوع قصي..
اروح اخابر حسين.. لاتسوي مصيبة بروحها..

حسين؛ يامصيبة قصدكم.. شكو..
فؤاد : شكو.. شو سكتو..
عمار خالو.. فيلم يخوف ماما وخالة زمن وعمو قصي.. خافو من شافووو..
فؤاد : يافيلم هذا.. قصي..
زمن؛ ماكو.. شي عمار بعده خايف..
حسين بلا زحمة عليك رايدتك بكلمة..
بلحظة فؤاد حس الموضوع بي انة..
جرة وفتح مقطع الفيديو.. شافة وشمر التلفون..
دفع حسين.. وطلع..
وكانو كارثة رح صير..
شهد؛ طول الطريق افكر بااولادي.. بحياتي بعلي وين وصلنا وليش..
اشجان كابوس محاوطني ولازم انهيها.. لازم.. ظل ابو التكسي ويباوع عالمراية..
ميعرف ليش ابجي..
سالني:
ها عمو.. شبيج.. مريضج تعبان..
الله المشافي بنتي..
شهد : ونعم بالله..
وين رايحة..
شهد : عمو.. وصلني للعنوان كتلك يا..
عمو هذا العنوان الكل يعرف مشبوه وانت ممبين عليج..
شهد: ممبين علية عمو..
اكو ناس ممبين عليها بس الدنيا تلطش بيهة.. واذا مخلصت ع اشجان.. رح اظل..
اعاني..
تحسبي بنتي.. تحسبي.. مرات الانسان يبتلي ربة عمود يشوف ايمانة..
شهد: عمو.. تعبت..
خلاص يابنتي.. اتجهي رب العالمين وادعي..
الله يكفيج شر الناس المو زينين...

شهد: عمو.. نزلني هنا..
عمو.. امشي ارجعج احسن..
شهد:شكرا عمي.. تسلم.. وصلت للشقة الكاتبة عنوانها بالمسج..
فتت وداخلي اخلص من هالمصيبة دكيت الباب..
جان مفتوح.. باوعت يمين يشار ماكو صوت..
مشيت خطوات ثانية لكيت اشجان واكعة بالكاع وغركانة بدمها..
مكدرت اسوي شي.. تراجعت خطوات وكعدت ع قنفة قريبة.. واتفرج عالانسانة الي دمرت حياتي ميتة ماتتحرك..
شوية وفات فواد وكلة عصبية..
وورا حسين.. دفع الباب قوي وركض يصيح اشجان..
فات شافني وشاف اشجان..
شههههد....
ولج شسويتي ضيعتي نفسج..
مجاوبتة..
مد ايدة ديشوف بيهة نفس...
ويصيح علية ولج ليش كتلتيهة اني جيت اغسل عاري باايدي.. ليش ضيعتي روحج..
وابنج بالمستشفى..
سالتة بصوت خافت..
ماتت..
يعني انتهى الكابوس..
حسين: فؤاد.. وينك انتظر..
وهو هم اتفاجا..

ورا دقايق فؤاد..
حسين اخذ شهد.. طلعها برة...
شهد:اوكف احجي وياها مردتها تموت بس تطلع من حياتنا وبس... طلعها حسين طلعها..
وراها بساعة ورا مرجعنا للمستشفى حسين كالي اذا سالج احد كولي رجعت للبيت.. فهمتي مالج علاقة ليش ورطتي روحج..
شهد؛ بس احجي وياها.. واااه بس احجي..
فواد بلغ الشرطة..
واخذو للتوقيف..
وعلي ماكو مختفي بعد ماطلع من التوقيف..
وصلت للمستشفى.. فاقدة كل شي..
حسين؛ زمن.. اخذيهة غسليلهة وخ تبدل ملابسها..
اي احد يسالكم.. مطلعت من المستشفى مفهوم..
زمن؛ حسين.. وين رايح..
رايح الحك ع فواد اعتقلو الولد..
زمن: عزة كتل اشجان...
حسين؛ لا مو هو.. بس..
بس شنو... رايح زمن مااوصيكم..
غسلت وظليت ارجف للصبح..

ثاني يوم اجة علي.. ووجهة هم ميتفسر..
شهد؛ ظليت اباوع علي.. هو هم يريد يسجن اشجان.. او يكتلهة.. ليكون هو كتلهة..
اووف يابة..
اجتي الشرطة وكانو صرنا اقارب.. يومية زايرتنة والعالم تتفرج..
شهد : اول مشفتهم حضرت روحي كلت رح ياخذوني..
الظابط:وين السيد علي....
قصي: هسة راح يجيب لاابنة العلاج...
خير سيدي اكو شي مو حققتو ويا بموضوع ابنة..
سيد قصي.. علي متهم بقتل المجني عليها اشجان عبد السلام محمد...
قصي: شنو؟
مثل ماكلتلك..
ياريت ماتعيق العدالة ولايهرب..
ماشي سيدي ماشي..
زمن. صدك.. الحجي سمعتة..
علي متهمي بكتلة اشجان..
يعني اشجان ماتت..
شبيك قصي..
زمن البارحة شهد..
قصي شتحجي شهد مسويهة.. شون تكدر..
تذكرين بالليل..
زمن؛ قصي.. شهد مسويهة مااصدك..
ولااصدك علي يكتل..
وحسين يكول فواد فات لكاهة ميتة..
اووف ربي.. شهالمصيبة..
شهد :ايام مضت مثل الكابوس فؤاد وعلي بالتوقيف..
طلع همام.. ميكدر يدوس رجليه..
واني نفسيتي تعبانة..

علي وفؤاد ظلو بالتوقيف والتحقيق مستمر فؤاد يشمر التهمة على علي وعلي ينكر..
وحسين ينقلي اخبارهم..
بالاخير القاضي.. قرر يحبسهم حتى يطلع تقرير الطب العدلي..
انتقلت اني واولادي بيت اهلي..
كل تركيزي ع همام وصحتة ومناعتة ضعيفة..
واني كاعدة بالبيت اوكل اولادي.. وجهال رافت باوعت زينة بنت فؤاد ماخذة جهة ومتتقرب للمائدة مر ابن رافت ضربهة..
جتي وردة دفعتهة..
رغم زينة بنت اكثر ثنين اذوني.. مرات يجي بالي واكول حيل بااشجان وفواد كد مااذوني وابني دمر بسببهة...
بس تبقة طفلة..
شفت عمار كلش انقهر عليهة اخذ ماعونة وراح جرهة وكعدو ع الدرج يوكلهة وهي مستحية...
نزلت علا صيحت عليهم ودفعت زينة..
ولي منا بنت....
شفت الدمعة بعينها بس مابجت.. راحت لغرفة امي كعدت.. طفلة عمرهة 3سنوات ونص.. عدهة كرامة وعزة نفس..
شهد؛ ليش دصيحين..
علا؛ توني منظفة والتمن يوكع جوا الدرج ماكو مكان للاكل... ياكلون يم الرجلين...
شهد؛ تكدرين تنبهيهم لو تكوليلي... مو تصيحين عليهم ذولة جهال..
ياااجهال.. غضب ذولة والله.. شوكت نخلص..
شهد؛ سكتت اكراما لاامي....
مر كم يوم واني اراقب الوضع..
ولاحظت كدمات باايد زينة اتردد اسالها خاف بداخلي تطلع مشاعر شماتة...
بيوم دخل حسين علية وكالي ع الحكم مال محكمة وفؤاد رح يطلبج شاهدة لان جنتي موجودة.. وجانت اشجان ميتة واني هم جنت موجود يعني فواد رح يطلع وعلي رح يلبس التهمة..
بسبب الادلة. ومكالمات التهديد..
علي يكول ضروري احجي وياها..
شهد؛ همام.. شون مااكدر اعوفه..
حسين؛ شهد حياة زوجج باايدج واخوج بالجهة الثانية لازم تعرفين الحقيقة عمود ابو اولادج تقبلين ينحكم ظلم..
شهد: طول عمرة حاكمني ظلم..
حسين: مو وكت عواطف.. شهد انتي محامية.. وحلفتي دافعين عالمظلومين..
شهد: ماشي.. ماااشي..
خليت همام يم خالتي ام علي..
هي وعمار..
وعمار كعد يبجي ع زينة...
جريتة.. وطلعت.. وصلنا للتوقيف..
حسين؛ السلام عليكم...
ظابط للتوقيف: وعليكم السلام..
ممكن نشوف المتهم علي..
ممنوع الزيارة..
بس لمحامي المتهم..
حسين: نعرف وهذي هي محاميتة لو سمحت..
الضابط: تدلل..
دقايق ابلغهم يجيبون المتهم....

شهد: ليش كتلهم اني محاميتة.. منو كلك اني اريد ادافع عنة..
حسين: شهد.. هذا علي.. ابو اولادج.. الرجال الي تحبي.. معقوله تريدين تركينة..
شهد: حسين بعدني ماعندي خبرة حيالله تخرجت.. بوجهي للمحكمة..
حسين: اني اسف خليتج بهالموقف.. بس
مااكدر اترافع عن فواد وعلي نفس الوقت وبيني وبينج اني متاكد من براءة فؤاد..
وعلي.. انتي اعرف الناس بي..
انفتحت الباب ودخل علي..
سلم ع حسين..
واجة يحضني رجعت..
حسين؛ رح اترككم عمود تحجون..
علي: شونج.. شهد..
شهد: زينة الحمدلله..
علي: رح تدافعين عني..
شهد: جاية اسمعك مكلت ادافع عنك..
علي: شهد.. لاتتخيلين خنتج..
شهد: علي.. رجاءا انسى اني زوجتك... احجيلي شوكت.. انت.. وااا...
بجيت.. غصبا عني..
لا.. لا.. شهد.. لاتبجين حبيبتي..
شهد؛ دفعت ايدة.. خلص خلينا بالمهم..
شوكت شفت اشجان..
بليلة الرجعنا سواا..
شهد: شنووو..
بليلة الرجعنا سوا.. قبل 4سنوات..
اي..جنت طالع.. دا اريد اتفق وياها تاخذ الفلوس.. وتسافر..
اتفقت ع موعد..
ورحت بعت سيارتي.. اتفقت ويا الولد اسلمها اله ثاني يوم.. ووافق..
خابرت اشجان... سمعتيني يومها..
طلعت كملت شغلي.. واخذت الفلوس... خابرتها كالت اشجان رح تتاخر شوية وجيب ابن خالتها عمتها.. يحيي..
وكالتلي اروح للعنوان..
ويحيى جان موجود..
قدمولي عصير.. وراها حسيت بدوخة مميزت اكو طعم بالعصير..
شهد؛ شربت عرك..
علي: لا والله ماشربت ولاحاطهة بحلكي..
شهد: لعد شنو..
حباية كبسلة منوم.. مااعرف...
بس الصور غوشت.. يحيى كال رح اجيب ورقة مكاتبة مجايبها...
جتي اشجان ولابسة لبس تخيلتهة انتي..
شهد: حطيت ايدي ع كلبي.. جكد بي كسور شكم مرة نذبح..
بس هالمرة غير..
حاسة روحي بعد ماتتحمل..
وراها كعدت بالليل..
لكيت روحي نايم بصفها..
وعرفت سويت مصيبة وعرفت انتي على حق..
رجعت للبيت جان فارغ وانتي ماكو ملابسج عالجرباية حضنتهم وبجيت..
عرفت مااكدر اعيش بلياج..
وركض د ا اجيبج خلص صفحة وانتهت..
وزرت اتمنيت ربي يسامحني..
عالي سويتة بيج..
ومن مديتي ايدج الي..
فرحت.. فرحت.. رب العالمين استجاب الي.. ورجعتي لحضني وكلت مااهدج بعد لو اموت...
شهد :حسيت اختنكت..
علي: شهد.. لاتروحين..
علي.. اختنكت عوفني..
علي: شهد.. اني ماكتلتها.. رحت ادور ع عماد.. ماشفتهة والله .. حلفت لااشوفهة ولااحجي وياها..
مشيت.. سحبت ايدي من ايدة وطلعت اركض مدري امشي سريع انسدت اذني..
حتة مسمعت حسين وهو يصيحني..
رجعت بيتنا نسيت جهالي.. اريد اتقبل الصدمة.. مو كادرة..
البيت فارغ..
سمعت صوت زينة تبجي..
فتت اريد اسكتها تعبت.. تعبت اشجان ماتت وعافت بنتهة عمود.. لاانسى..
فتحت البواب ماكو هي فتحت باب غرفة رافت شفت ابن رافت دينزعها ملابسها للطفلة وهي تصرخ..
راسا ارتسمت بالي صورة فواد وهو يتحرش بية واني ابجي.. واتوسل..
محسيت ع روحي جكد ضربتة ونتفت شعرة ضربتة مااعرف بشنو لبستهة..
واخذتهة..
حسيت كابوس.. كابوس موكادرة اخلص منة مختنكة محتاجة شمة هوا..
ملكيت روحي الا بوسط الحضرة.. بمرقد سيدنا الحسين..
ضليت ابجي.. وزينة مجلبة بركبتي.. انتبهت جكد شايلة شبه من امها..
ورح ظل تحاصرني وتناقض اساعدها لو اعوفها..
بالاخير قررت اتركها لرحمة رب العالمين..
شهد: باعي زينة.. انتي رح تبقين هنا..
فهمتي..
عمة لاتعوفيني..
لازم اعوفج.. عمود ارتاح..
اذا رجعتي خالج وابنة رح يظلون يااذوج..
زينة: شسويتلهم اني..
يااذوني..
شهد؛ مسويتلهم شي.. بس هاي الدنيا.. هاج هاي فلوس..
زينة؛ مااعرف اشتري بيهم..
اخذيني وياج عمة.. لاتعوفيني..
ظلت تجر بعباتي واريدهة تقتنع تبقى..
بالاخير ضمت ايدهة برجلهة وكعدت.. خطفت نظري واني اترك شهد هي وذكرياتها والالامها.. اتركها رب اسمة الكريم.. اكرم من الناس كلها.. هو الي رح ينتشلها نص هذي القذارة الي عائلتها عايشتها.. ظليت ابجي.. وامشي خطوات..
طلعت وياا اذان الظهر ويا صيحة الله اكبر..
الناس هواي راحت تتوضا وتصلي..
واني حسيت بالجريمة سويتهة..
رجعت ركض ادفع بالنسوان.. رجعت مالكيت زينة مكانها... صحت.. زينة.. زينة..
اختفت زينة..

للقصة بقية....
🌸🌸🌸🌸🌸🌸🌸🌸
لاتنسوني من فضل تعليقاتكم.. والتصويت عالبارت لطفا

تحياتي..
نازك الملائكة