رواية عندما يكون العشق صوفيا الفصل السابع 7 - بقلم ruqaya H algurtani

في ليلة مظلمه ومليئه بالمعاناة ، كنت أنت الشمعه التي تضيء هذا الظلام حتى يأتي الفجر. -
جلال الدين الرومي

فجاة تتحول الظلمة الساكنة داخلك إلى نور ويتحول الياس المعشش جوات قلبك الى فرح وتفاءل ويتحول احساس انعدام الثقة داخلك إلى غرور قبل لحظات كنت اضعف  مخلوقة بالارض كنت معنفة من اهلي والناس والمجتمع حتى من نفسي كان الليل شاهد جكد جنت الوم روحي ع كل هفوة ارتكبتها بحياتي، دموعي نشفت ع كد مانزلت ع أشياء عمر تقهرني جنت ادعي رب العالمين يخلصني من شدة ويقويني عمود اواجه اشجان وخالد وشكولاتهم..

متاكدة اشجان مكفاهة اخذت خالد تريد بكل لحظة تقهرني وتكسر بية

بس علي اجة وكسرهم كلهم بخطبتة الي مشفت الفرح بوجه خالتي بس امي وابوية جانو حيل فرحانين رغم تفاجئهم..
دخلت زمن وكعدت تحجي علية لان ممحضرة روحي، متعرف اصلا اني ماعندي خبر بالموضوع..
زمن؛ ولج بعدج كاعدة بعد ساعة يجي السيد يعقدلكم..
شهد؛ يعقد النا.. بهالسرعة زين غير ياخذون رااي لو مو مهم..

زمن؛ يمة منج يالعيارة مااعرف انتي تحبين علي ورايدتة..

شهد؛ احبة كااخ كموقف بس كزوج مااتخيلتة يصير زوجي..

زمن؛ ولج بطلي.. بطلي منو فز من يمة ذاك اليوم من قصي ضرب علي ع ظهرة مو انتي ولا نظراتج المتوجعه قبل علي..

شهد؛ جان مبين علية صدك..
زمن؛ اي مبين وقصي ضرب علي بسمار وهو ضحك وسكت..

شهد؛ سكت.. هو هذا اليخوفني.. ليش ساكت..
اكو شي داخلي يكلي..
احسن اروح اكللهم مااريد..

زمن؛ سكتي.. وتعاي.. تعاي..
بابا علي ميحجي هواي ولايحب يلفت الانظار.. صيري كدهة وجيبي من ياختة وهو مكيف بيج وبدلعج..

شهد؛ هيج تكولين..
زمن؛ بلا مااكول فوتي سبحي على مااروح اجيبلج فستاني لبسي عمود سلمين عليهم..

شهد؛  والله عيب استحي خليني كاعدة احسن..

زمن؛ كومي لج اياني اسمعج تكولين استحي واخاف من ذولة انتي الدولة كلهة جوا رجلج رفعي راسج وامشي ولاتهتمين للملامة..
ام شهد؛ يمة هذا علي شون فاجئ الكل شهد كومي يمة بدلي سلمي ع عمامج عما يجيبون السيد..
زمن؛ خ تفوت تغسل عما اروح اجيب فستاني تلبسة..
ام شهد؛ اي والله عاشت ايدج خ نفرح ونكسر خشم العذال..
شهد؛ بداخلي خوف ومامطمنة، وخايفة
ومدا اكدر افسر هالخوف وشنو اسبابة..
علي ماغسلت اجتي زمن راسا لبستني فستانها لونة سمائي طويل ونص ردن..
فتحت شعري شسورتليا اصلا ميحتاج هو نازل .. شالت الكدام شوي.. ومكياج خفيف وردي هم مو هواي لاني بيضة وطويلة..
وجرتني.. عمود اسلم جان الاستقبال مليان عمامي وعماتي.. وولد اعمامي وجهالهم..
اول مفاتت زمن فتحت الباب صار علي بوجهي.. وكلبي كام يدك بسرعه والحرارة صعدت لخدودي راسا حسيتة مو راضي راسا ترخص.. وطلع وجرني..
تعالي شهد رايدج..
والنسوان بالصالة تتفرج وعيونهم تلمع من الحسد على علي.. شون شكلة يحبني وملهوف علية بس داخل ذيج الغرفة جان الحجي يختلف...
علي؛ فوتي شهد..
سدي الباب وراج..

شهد؛ راسا خفت، وليش اسدة...
علي :مااريد احد يسمعنا...
شيسمع اني نازلة..
جرني من ايدي وسد الباب..

شهد؛ علي.. لسة ماعقدنا.. اني مااريدك تلمسني....
علي: هو منو لامسج.. اريد نحجي قبل لايجي السيد...
شهد:خييييير..
علي: اني سمعت جاسم يريد يتقدملج وشفت الموافقة بعين اخوانج وابوج..
لهذا اتغديت بيهم قبل لا تتورطين وتزوجين هالفاشل حتي دراسة ميخليج..
وانتي وحدة عندج طموح..
شهد؛ وانت المنقذ الي جاي تنقذني من وسط هاي..
هاااا، لا، ههههعه..
بس اريد اكسب وقت عمود تكملين...
وراها نخترع عذر وننفصل..
شهد؛ ضميت حسرة داخلي.. وردت اطك..
صحيح.. نكسب وقت عمود ننفصل..
هيج.. الكل يجرب وياي..
علي:بس اني مو مثل الكل اني تهمني مصلحتج..
شهد؛ شنو تهمني مصلحتج انت شتعرف عني من الاساس..
علي:انتي بنت عمي وخالتي ومستحيل أرضى عليج حجاية..
شهد: بس اني مااريد مساعدتك هسة نازلة اكللهم اني واذا زوجوني جاسم سهلة اموت روحي..
فتحت الباب دا اطلع.. سدة..
علي: بعد الرياجيل انطو كلمتهم بلا هوسة..
شهد؛ هو من اكو شي يخصني  غير أرضى..
علي:مشىيهة يمعودة..  شايفة الجوا كلهم منتظرين  عزة عمود يشمتون..
لاتنطيهم مجال..
شهد :كلهم جوا قندرتي عبالك اهتم اني...
محسيت بوقع الراجدي الي نزل ع خدي
مجنت اسمع غير بس صوت كرامتي الي انجرحت وصارت بين خالد الي عافني علج بحلگ العالم ،وعلي الي جاي يسوي خير براسي عبالة هو المنقذ ميعرف انو هو شالني وصعدني للأعلى سما ورجع شمرني...الى أسفل السافلين
علي:اس...اس ..لاتعلين صوتج كدامي مفهوم..
هذا الزواج رح يتم ودام انتي بهالعقل خليج..
وانسي الحجي حجيتة ،واعتبري زواج كامل، بس لاتتخيلين اعوفج تتزوجين هذا المخربط جاسم..
شهد:ماعرفت حالتي شيفسروهة ، هل هذا حب لو امتلاك..لو هو مثل مكال عمود اكمل دراستي..

كلها دقائق اعتذر لان ضربني،وكالي 
شهد،صدكي الي دا اسوي كلة لمصلحتج وهسة شوفين
مسح ع جتفي ونزل لمن كالولة اجة السيد..
واخر كلمة كالها لاتدخلين مكان بي زلم اذا مو ربطتج ع راسج ممنوع والاحسن متفوتين..
كل شي صار بسرعة..
من موجود علي محد الة دخل بية ..
أبوية شرط ماتطلع زفة الا من بيت اهلي..
خلص الخامس ونجحت بمعدل متوسط..
ومن بدأ السادس جان علي يدرسنا اني وعلياء..
ويتوسط هاي المحاضرات عن وصف العشق الالهي الي مايستند ع خوف من النار وطمع بالجنة وانما طمع بمحبة الله وكسب رضاءة..
لان العبادة مو واجبات وبس فيحس الإنسان من ضيق التكلفة وانما لمن نحب أحد نسوي كل شي في سبيل إرضاء المحبوب حتى لو على حساب حياتنا أو أشياء مكنا تتخيل نسويها بس مادامنا نحب رح نسوي برغبة ونحسة خفيف المهم بالنهاية نرضى
ومأكو احلى من الرضى، الإنسان الراضي بحكم ربة كل مصائب الدنيا رح يحسها تافهة الرضا الرباني طريق نمشي بي حتة لو مغمضين هو رح يدلنا للطريق الصحيح..
وسط كلمات علي الي تدفق مثل الموسيقى ..
مو حجي ديني وانما سمفونية لازم البشر يتعلموها..
علياء:كلامك حلو علاوي يسلملي مودك..
علي:تدللين ..بس اشوفك ملتزمة بصلاتج وفرائضج ..مو سطر وسطر..
شهد:حسيت روحي الحجي رح يوصل يمي، كلت اترخص احسن..
علي:شهد كعدي لاتروحين..
علياء:لعد اروح اني مااريد اصير عذول بالنص..
علي :امشي ..ام العذول هي٢٤ساعه تكبس وترفع علية وتكول عذول..

شهد :بعدين..اريد اروح ويا امي للصالون....
علي:شعندج رايحة للصالون...
شهد:رح اكص شعري ضوووجني..
علي:لا ..لاتكصيه..حرامات..
شهد:ع شنو حرامات..اضوج منة واول وتالي يطول..
علي:مااتكصينة ابد فاهمة..
شهد: علي ..انت ليش تدخل بها الاشياء شعري وإني حرة اكصة ابقي..
رد علية بنبرة متعصب وضرب ع الميز مو بكيفج لاتكصي ولا تروحين صالون..
وگام وعافني حيرانة هذا شبي..
علياء: متعرفين علي يموت ع الشعر الطويل جانت المرحومة شعرها عكش ومحلو بس ميقبل تكصة..

شهد:وإني شعلية بالمرحومة هو حر بيهة بس اني مالة علاقة بية..

علياء:انتي ليش هيج ويا أخوية هاي لان يحبج هيج سوين وتعاندي ترى أخوية كلمتة متصير اثنين
فاهمة...
ولااحد يكدر يناقشة فلا تحاولين تستفزي انتي مشايفة علي من يصير عصبي..
شهد : كان بكلبي شفت بيوم خطوبتي شسوة لحد هسة وقع الراجدي يكن بااذني..
جكد جنت حابتة بهاللحظة كرهتة من فرض علية لااكص شعري ..
زين هو شدخلة قابل رجلي ويتحكم..
سوالف حيرني صار ٧اشهر وزوج جاسم يعني بقة بس مرتضى وهو خاطب بنت عمتي ميسون...
اهووو..خ يروح ..
العصر أخذ امي واروح اكصة..
شهد: ها..ماما يلة نروح..
ام شهد :وين نروح..
شنو ماما مو كتلج اريد اكص شعري مدرج نسيتي..
لا ..ماما منسيت بس زلمتج مراضي ..
شون تكصي..
ماما شنو مراضي ..هو شعليه اني شايلة شعري لو هو..
ام علي:يمة الأصول تكول اذا الرجال مراضي ع شي مسوي..
وعلي يحب شعرج طويل ونازل جوا ظهرج..
شهد؛وكولي ميحب الصبغ هم..
ام علي:اي ميحبة ..يحب اللون طبيعي..

شهد؛ اهووو..شجابة علية ناقصة عقد عالعقد العندي... رااااايحة بغرفتي..
ام شهد: يا ولج  ...قليلة ادب..
ام علي:كتلة لعلي هاي زعطوطة تشلع كلبك مصدكني..
زمن :ميخالف ..دتشوفين علي جكد تغير على خبالها..
ام علي:تعبتة والله صار كم شهر يفر براسة..

زمن:هو زين خل يطلع من القوقعة العايش بيهة..

شهد:الي بيني وبين علي اتفاق محد يعرفة بس كدامهم شايفين طيور حب ومناكر ..محد يعرف الحريق الداخلي عايشتة..
علي لاهو حابني ولاهو عايفني بحالي يدخل بكل تفصيلة حتة هاي الكم شعرة  جنت اطلعهم ..مقبل الة البس حجاب كامل ..
ساعات اسرح بحجية وأذوب بكلامة واكول انيالي جكد حلو. ...
هادي ..
قوي..
ورومانسي خصوصا لمن يفاجئني بالاشياء الي اريدهم..
بس هو يعتبرني اخت صغيرة طفلة..
لو شايفني زوجه يفرض عليهم الي بريدة وبس..
ظليت يومين افكر بسالفة كص شعري..
والليل ماانام..
لهذا قررت استفزة واكص. شعري كدامة...
انتظرت جيتة من الدوام..
تعبان وحارة الدنيا..
وكاله لخالتي تحضرلة الغدا عمود يتغدا ويغسل وينام..

اول ماشفتة صعد صعدت ورا..
وياليت كوم حجي وظلم حاسستة ..اجة بالي احجي
فتحت الباب ..جان مدد وباايدة كتاب..
اول مشافني وجان ناسى الموضوع القديم

علي:خير شهد خيرج..جاية هيج ودافعة الباب..

شهد: كرهت برودة..وإني شبعانة قهر..
شهد:علي ..الى متى يخلص هالاتفاق..
علي : يااتفاق..قصدج..
الي بينه ..كلتلي فترة وننفصل .. وهاي جاسم  وزوج ومأكو أحد بالعشيرة ازوجة..
شنو بقيتي وياك...

علي:شهد ..روحي تعبان واريد انام..
شهد : مااروح اني تعبت من هالحالة ..
لامنك زوجي ع وجه ولامنك عايفني اختنكت بكل تفصيلة حاط روحك  مليت اني ..شنو ..ع كل شي تحاسبني هدومي طلعتي لبسي وياك ع كل شي تحجي ..
علي: نصي صوتج..كم مرة كتلج..

شهد :والله مليت اني كافي ..
علي: ميخالف روحي وبعدين نحجي..
شهد: ماكو بعدين هسة نحجي..

جريت الكتاب باايدة وطبيتة عالكومدي..
ظل يباوع علية..
شهد:يلا ..طلكني ..مااريدك...

هنا حسيت علي رح يطك ..
جر ايدي كعدني ..بصفة وجرني من كصيبتي..

دير بالج صيحين علية أو تامريني..
اني اسوي الشي البالي بوكته مو انتي تكليلي..
شهد: ايدو قوية وظل يجر بشعري..
قوي وعيونة تجدح نار..
رااسا دموعي نزلو..هد..شعري وتغيرت النظرة بعينة..
حسيت بالإهانة ...
مو شغلة بكيفك هسة اشوفك شنو بكيفك...
كمت افتح الإدراج وادور ع مكص اكص شعري بي ..وهو بعدة مجطول..ويبتسم من عصبيتي..
اخر شي..لكيت مكص صغير...
شهد : مو بكيفك..هي. الا اكص شعري هسة كدامك هااااا... اهااا...
قربت المكص من شعري وششكلة اعمى ميكص طفر بخطوتين..
لا ..ولج..لاتكصي خرب عشيرتج...
جيبي..
مااجيبة ..وانت معليك بية فاهم..معليك اكصة ابقي ..مالك علاقة بحياتي ..
ظل يريد ياخذة مني وحاطتة  ورا ظهري ..
درت وجهي الميز ولازمتة بايديناتي الاثنين..
حاوطني بايدينا الاثنين شالني ..
واخذ المكص وشفايفة صارت قريب ركبتي ..
دير بالج تكصينة والله اكص عمرج فاهمة ..
حجاها بهمس خلة قشعريرة بجسمي..
متكصي فاهمة..
فااااهمة الحجي..
ممنوع ينكص..

شهد:حاولت اجمع قوتي واتحرر من الحبس الحبسنيا وانفاسة ع اذني وركبتي..غمض عينة..
شهد : حتى لو اخذت مني اليوم اكصة اكصة والا اسوي ولادي بعنادك..

علي:انتي تريدين كتل..اني اعلمك..
عض اذني قوي...
شهد: لا ..علي..فدوة تاذيني..
علي..علي..
وعلى علو صوتي ..اجتي خالتي ...
دكت الباب ..علي..علي...
خيركم يمعودين صوتكم للجيارين. .
علي: ارتاحيتي فضحتينا...

شهد ؛ هدني..وراح يفتح الباب..
وإني اعدل شعري المكفوش  وهدومي..
ورسغي صار احمر من قبضة ايدو..

علي: ها.... يمة ..ماكو شي ..دا اتفاهم ويا هاي المخبلة...

شهد : حضرت روحي ..دا اطلع ..
بس يجي بابا أكلة ..اني ...
علي: جرني ..من شعري مرة ثانية.. تعالي اليوم ماكو طلعة هاي حبستج هنا...
ضلت خالتي صافنة  بوجهة..

علي: يمه ..شهد اليوم متطلع من غرفتي عقاب الها..
الغدا هنا صعدي..
رح تأكل وياي..
شهد: شنو تحبسني..
خاااالة...

علي: يوووم روحي مثل مكتلج ..وهاي تبقى هنا...
اشرلهة بعينة تروح ..وراحت وعافتنة..رجع سد الباب...
جرني وكعدني..
شهد: علي ..شنو تحبسني...
اني عندي دراسة..
علي: هسة علياء تجيبة الج كتبج كعدي درسي..
علي ميصير تحبسني اني اختنك..
لا متختنكين..اني وياج ..مااختنكت..
انت ماتفهم...
علي: اليوم ..ماكو طلعة بيتج هنا..
وياك ..نفس الغرفة..
علي: اسكتي شوية راسي يوجعني..
شهد:سكتت..اخذت ساعة ساعتين..
بدت الذكريات السيئة تجي بالي..
حبسة فؤاد..
محاصرة رشاد الي وإني صغيرة
ذاك اليوم الي اشجان قفلت علية الباب..
وحجي علي وخالد من كال مااريدج..
كلهم انجمعو..
علي تغدا وغسل ونام..
الحمام داخل الغرفة..
وإني ظليت حبيسة حتى كتبي مفتحتهم..
بس حسيت مختنكة..وكوة اجر نفسي..
صحت ..ماما. ..
عليييييي...
علي: فزيت ع صوت. شهد...

شهد..شهد..شبيج..
أحجي ودموعي تنزل..
مختنكة ..اريد هواااا..
علي ..هسة افتحلج الشبابيك..
شهد: ظلمة..ظلمة..علي..
علي : ماانتبهت ..دنيا ظلمت مااحب انام وضوة مفتوح حتى البرادي ثخينة عمود لا تفوت ضوة..

هسة افتح الضوة..
هااا فتحتة..
بعدج مختنكة ..
الباب...
افتحة هسة....
شبيج ...شهد..تعالي اغسلج..
غسلت واستنشقت مي عمود ينفتح نفسي..
علي: تعالي..تعالي انجطلي هنا..ليش بعدج بملابسج..
مابدلتي..
شهد: ظليت ساكتة بس دموعي تنزل...
ماحسيت الا بحضن دافئ وايديناتة محاوطتني..
شبيج أبوية انتي..ليش هيج سويتي بية.
شتريدين...
شهد : وكفت ..دموعي..وغصت بحضن الدافئ اي ع كد ماتعبت وبجيت بسببة
بس كل ماجنت محتاجة منة حضن يدفيني ويحسسني بالامان الي فقدتة طول حياتي..
وبقيني هنا..بحضنك ياااعلي...

للقصة بقية...

🌺🌺🌺🌺🌺🌺
لا تنسونا من فضل تعليقاتكم وتصويتكم عالبارت اذا اعجبكم...