رواية عندما يكون العشق صوفيا الفصل الثامن 8 - بقلم ruqaya H algurtani

ليس كل ما في القلب قابل للبوح ، هناك ما يولد ويموت ولا يفصح عنه.

جلال الدين الرومي
س

اعه 6الصبح

صوت العصافير.. وضوة الشمس الي دخل للغرفة.. الضوء مفتوح.. غاص وجهي بفراش علي وظليت اتنفس عطرة بالفراش مديت ايدي ماكو هووو...
هو اني جنت بحلم لو الصار حقيقة..
باوعت جنطتي موجودة جو بالكاع يم السرير.. لااكون متوهمة والي جان البارحة حلم..
يوو.. هاي ملابسي بعدني بيهة..
وهاي غرفة علي..

بس هو مموجود.. طلع لدوامة بدون ميحجي وياي ولا يودعني...
كمت عدلت فراشة وسديت البردات والضوء وسديت الباب واني اذكر الصار البارحة داخلي فرحة مخلوطة بالحزن نزلت غسلت.. وبدلت ملابسي مال مدرسة لزمت شعري اضفرة واذكر ايد علي عليهة وهو يكلي متكصيهة..
واكفة كدام المراية.. واتلمس بيهة واذكر حضن علي وشعري مفتوح ويمسد علي ويسكتني مثل طفلة صغيرة..
واكفة واحجي ويا روحي بالمراية..
خلص شهد لاصيرين غبية.. متكصي فهمتي متكصي دامة يحبة هيج رح ابقي..
يوو و... تاخرت عالمدرسة خل اروووح..
كمل اليوم الدراسي.. وكلي لهفة من ارجع شاالبس عمود علي يشوفني..
وكل شوي خيالي يسرح والمدرسة تنبهني...
بالدرس الاخير.. اجتي المدرسة وصاحت اسمي..
شهد.. ابن عمهة جاي عليهة طرت من الفرحة.. علي جايييني اكيد..
ردت اركض لو ما مستحية من المدرسة..
وظليت افكر شرح اكلة..
بس وصلت الادارة.. وجانت المديرة تحجي ويا.. اول مدار وجهة.. مجان علي..
جان خالد...
شهد:خالد... هاي انت خير.. اكو شي اخواني بيهم شي.. ابوية..

خالد؛ لا مبيهم شي..

شهد؛ لعد شنو شكو شجابك..
ماكو شي.. بنت عمي وجيت اسال عنج..
زين.. وسالت..
هسة شتريد...
اريد احجي وياج شهد حجي جان لازم اكولة من زمان.. بس للاسف ظليت ساكت..
اصلا جنت جاي اكلج واحجي لااهلنا..
بس مااكدر.. بس انتي لازم تعرفين..
شهد.. انتي انقى شي عرفتة واني زمال ضيعتج من ايدي..
شهد؛ لحد هنا وصل حجيك ابن عمي من رخصتك وراية دروس..
خالد؛ شهد اني غركان..
شهد؛ موجودة اشجان خ طلعك..
خالد؛ اشجان هي الغركتني..
شهَد هاي اشجان مو سهلة.. قشمرت علية..
غركتني بالدين والحرام..
ومااكدر اطلع..
شهد:اعرف اشجان من تريد تخلص من احد حية تلتف وتخنكة لحد ميموت.. اني الله نجاني وطلع يحيا شريف وطلعت..
خالد.. معقولةانت توكع..
شون... كدرت توكعك..
غرتني بالفلوس والطلعات..
واخوهة اكبر.....
استغفر الله..
شهد؛ كعدت.. وشرح سوي خالد كول لااهلك.. اخواني علي..
بلكي يكدرون يساعدوك..
خالد؛ كافي اني.. اهلي خطية كافي صار وياهم..
اشجان بلة.. احسن شي اكتلهة واكتل روحي..
هيج الكل يخلص..
سامحيني.. شهد..
بس الله عوضج بواحد احسن مني..
واثنينكم تستاهلون بعض..
شهد؛ خالد لاتستسلم.. لازم اكو حل..
خالد:ان شاء الله
شهد الحجي بينا لاتحجي لااحد مااريد تكبر السالفة وتصير مشكلة..
اشجان تريد ترجع داوم..
دير بالج منها..
شهد؛ يعني هي عافت الدنيا كلها وجتي وراية..
خالد؛ لاتخافين اني لازم الكالها حل بس انتي دير بالج منها لاتجين يمهة لابخير ولا بشر... دير بالج ع روحج حبيبتي..
شهد:خااالد.. انت نسيت نفسك..
اني زوجة علي هسة..
خالد؛ اسف نسيت..
شهد؛ هاي دك الجرس يلا باي..
اجيب جنطتي..
جتي علياء.. تمشيوشايلة جنطتي..
علياء.. اكلج هذاك مو خالد ابن عمي..
شهد؛ اي هو.. جاي يسجل المحروسة مرتة..
علياء :عوذة منها جكد مكروهة خطية خالد ميستاهل..
شهد؛ هو جابهة روحة محد ضربة ع ايدة..
علياء؛ حقج تكرهي ع السوا بيج اني لو منج سلام مااسلم علي..
بس شنسوي ابن عمنا..
شهد؛ لااكرهة ولااحبة غير صوج اهلنا هم الي خلو بالنا فلان لفلانة..
علياء :انتو تكولين هالحجي لان تحبين علاوي...
شهد؛ شوف هاي ياحب الاحبة لااخوج المعقد..
علياء؛ شصار البارحة والله طلعتي مو قليلة..
شهد؛ اختنكت.. والله..
علياء :عزة شصار تعاي نمشي واحجيلي..
شهد؛ وعيونج مصار شي بس صارت ظلمة.. واختنكت وهو فتح الشبابيك والبردات.. عبالة اختنكت.. صدك..
علياء:اووووه.. شي حلو والله انيالج..
شوف هاي ع شنو نيالي اخوج واحد معقد وراد يطير اذني لما امج تدخل...
هههههه..
وتكليلي كل شي ماكو..
لج اخوية علي من يوم ماتت مرتة مارفع عينة وباوع ع بنية بس جيتي انتي صارت سيرتة انتي وهمة ومهمومة اكلت شهد شربت شهد شبيهة شهد، لا وفوكاهة لمن اجه جاسم يخطبج صارت عينة بالسكف..
ع شنو هذا المخربط يزوج شهد.. انيالج ولج.. عوبة يحبج حيل..
شهد؛ المظاهر خداعة الكل شايفة عشق..
بس اني مشايفة غير اتفاق تملك يمكن علي شخص يحب التملك شايف من تتمنة شي حلو.. ويحلة بعينك بس ماتريد تستعملة..
اول ميجي غيرك يشتري يحلة بعينك وتشتري بس عمود غيرك ميستمتع بي..
هذا شايفته بحالتي اني وعلي تحفة بمعرض الناس شايفيهة حلوة وتلمع ، وصاحبها معتز بيهة وميقبل يطلعهة..
مستحيل يكون هذا حب..
هذا امتلاك..
جتي بالي فكرة اول مااخلص امتحانات اكتب قصتي بمذكرات يمكن يجي يوم ويصحلي انشرهة..
وهاي وحدة من احلامي الخيالية، لوحتي الي نويت اخطها والونها وواغوص بالالوان...
علياء؛ لج هذا خالد بعدة واكف.. نسلم علي..
شهد؛ اني سلمت علي، امشي نسوي روحنا مشايفي.. امشي..
علياء؛ عيب والله شون.. جريت ايد علياء وهي مستحية شافت خالد ومسلمت..

شهد؛ ييييلللا...
خالد؛ علياء.. شهد..
علياء؛ هلو خالد شونك عاش من شافك..
خالد؛ انتي العايشة..
تعالو اوصلكم للبيت..
شهد؛ لا.. شكرا نندل نرجع تسلم... دمشو واني بايت يمكم عما تكمل الشقة مالتي..
شهد؛ اهوو.. وكتك هسة تجي متنتظر نتحول..
وتجي يم بيت عمك..
شهد؛ شكرا خاالد.. عدنا شغلة يم المكتبة ومريد ناخرك...
خالد؛ انتظركم ماعندي شي..
علياء؛ دغني.. ديلة خ نصعد عمود لانتبهذل بالحر..

شهد حجيت بصوت ناصي اذا عاجبج روحي بس اني مااروح..
شهد؛ شكرا خالد تكدر تروح عيب منا العالم.. يتفرجون علينا ويحجون. احنا بنات عمك.

خالد؛ براحتكم.. بعد..

علياء :اويلي متت حر كلة من وراج..
شهد؛ شبيج احنا قابل موعودين بخالد يوصلنا..
امشي يلا نغسل ونبدل..
علياء :السبت عدنا كيمياء.. بلكي علاوي يقرينا..
شهد؛ اني مااحتاج.. قارية المادة..
رح اكمل واجباتي واقرا فيزياء..
علياء؛ انيالج..فايتة اغسل..
شهد؛ السلام عليكم.. هلو ماما.. هلو خالة شونج..
ام شهد؛ هلا يمة..
ام علي؛ هلا بيخ خالة..
شهد؛ جوعانة.. حيل.. هاي شنو دتلفون دولمة..
ام علي؛ علاوي يموت عالدولمة.. وخالد جاي خطار عيب..
ام شهد؛ شهودة تخبل بلف الدولمة..
شهد؛ خالة اساعدج..
يمة مو تعبانة.. خطية..
شهد؛ خالة اليوم خميس عندي جمعه ارتاح بيهة..
الله يرضى عليج..
خالة اسويها ع طريقتي..
يمة.. جكدوتج وعندج طريقة..
شهد؛ خالة نسيتي بقيت سنة وحدي وام علا علمته الهة.. واني تعلمت كل شي.. عمود ابوية واخواني..
ام شهد؛ اي والله شهودة من جنت مريضة كل شي عليهة سودة علية..
شهد؛ جتي امي.. دتبوسني وشافت اذني زركة..
ويلي يابة هاي شبيهة اذنج شهودة..
باوعت بعين خالة ام علي واحنا كاعدين نلف الدولمة..
شهد؛ ماكو شي ماما عثرت وكعت ع طرف الزاوية ع اذني..
يمة سلامتج ماحجيتي..
ماما شااحجي ماكو داعي..
كملنا لف الدولمة عالسريع وترستها بهارات وحامض ولفيتها صغار عكس خالتي تلفهم كبار مثل ماتعودو..
كليت الكبة ويا امي.. وكملنا الغدا..
ام علي؛ كافي.. خالة صيحي علياء سوي زلاطة..
شهد؛ يمة متت حر.. خل اغسل وجهي..
دا اغسل وجهي ودخل علي..
جنت حمرة طماطا من الحر..
علي؛ السلام عليكم.. يمة شنو هالريحة الطيبة.. مسوين دولمة..
اجة فتح الجدر واني اغسل...
وظهرة صار بظهري..
الله جوعان صبيلي.. شهد..
ام علي؛ يمة عدنا خطار.. خالد ابن عمك سمير وكلت لقصي يجي هم لان زمن تتاخر بالشغل..
هااا.. خالد جاي..
يحجي ويباوع علية..
اني عفتة ورحت دا انزع ملابسي واغسل هدومي..
الحمام بظهر الاستقبال.. وبصفة التواليت النظام هيج جان قبل..
واني دا ابدل اندكت الباب..
شهد؛ رحت افتح..
صار علي بوجهي.. كلبي كام يدك بسرعة واحس ابتسامة فرح لمن اشوفة وارفع راسي الي يوصل يم ركبتة رغم طولي..
بس هو اطول بعد..
شهد؛ هااا علي.. رايد شي..
علي؛ مو تفوتين سبحين.. راح يصبون غدا..
شهد؛ بسرعة بس اسبح واطلع.. اصلا قبل لاتكملون غدا..
علي؛ متفووووتين فهمتي...
شهد؛ علي.. دتشوف ريحتي كلهة تكلي وريحة طبخ وتعبانة جاية من المدرسة مرح انتظركم للعصر يلا يروح قصي..
ويطلع خالد...
شعر ماكصينا.. نظافة وغسل منغسل.. شنو هو.. سجن..
علي؛ مو سجن.. اصعدي غسلي فوك...
وين فوووك...
غسلي بالحمام مالتي..
شهد.. انتظر وامري لاالله للعصر عما يطلعون..
علي؛ صعدي غسلي واخذي كتبج فوك..
عمود اقريج انتي وعلياء
شهد؛ مرح تغسل انت..
علي؛ لا.. اتغدا وبعدين..
فؤاد؛ علي.. يلة الولد ديغسلون.. عمود الغدا..
علي؛ يلا صعدي فوك..
شهد؛ ماشي.. بس خ يكملون تغسيل.. واصعد..
علي؛ يلا سدي الباب..
شهد؛ ماااشي..
شوي سمعتهم فاتو اخذت هدومي وصعدت..
فتت للغرفة وخمة فتحت البنكة والشبابيك.. خليت هدومي....
وفتحت الشبابيك.. فتت للحمام جانت اكو هدوم لعلي.. جانت خالتي تكلي علاوي تعلم من العسكرية هو يغسل هدومة ميكلفني ولا يكلف اختة..
حطيتهم بالطشت وكعدت اغسلهم..
تبللت ملابسي هي هم يحتاجلهة غسل غسلتهم..
وكملت فتت جوا الدووش.. وغسلت دا امد ايدي ماكووو.. يو نسيت ملابسي وشامبو برة..
اهووو.. هسة شون رح اطلع.. خاف علي يفوت فجاة.. قابل اظل محبوسة بالحمام..
لما تنشف هدومي..
بعدين هسة علي يضرب ثريد شيصعدة خل اطلع..
عزة يفوت ويشوف ملابسي الداخلية.. يا جكد عيب لفيت منشفة بالحمام وقفزت دا اجيبهم..

علي؛ الله بالخير حياكم..
يلا يابة تفضلووو..
فواد يابة اليوم الدنيا حارة ورطوبة..
ذبحتنا.. عفية علي شون متحمل بالبدلة العسكرية جان نزعتها..
علي؛ دقايق.. اروح البس دشداشة ونازل..
صعدت وإسال روحي.. هسة خلصت هي كالت بسرعة اخلص يمكن كاعده دتقرا هسة..
يلا شنو ابدل واطلع..
فتت للغرفة تنحنحت..
يا هاي بعدهة بالحمام شكاعد سوي..
يلا خل ابدل. واطلع قبل لاتطلع كعدت عالجرباية دا انزع البنطرون.. هاي شنو جواية..
اووف منجن دروب..
بهاللحظة انفتحت باب الحمام بخطوتين صارت كدامي بالمنشفة.. وشعرها مبلل..
شهد؛ هاي شدسوي انت...
علي جنت دا ابدل.. وهسة دا البس الدشداشة.. وطلعت صاحت بوجهي وهدومها باايدي..
راسا دارت وجهة وانطتني ظهرهة وياليتهة ماالتفتت..
علي؛ شون طلعين من الحمام هيج.. متستحين..
شهد؛ اني لو انت دك باب تنحنح بينلي انت موجود..
علي؛ دكيت وتنحنحت لما نشف ريكي. انتي طرشة مسمعين..
شهد بعدك واكف هنا اطلع..
علي اطلع هيج...
شهد؛ جيب ملابسي ليش لازمهم..
جريتهم وركضت للحمام.. ومااوصف جكد صارت دكات كلبي..
وكل شوي ادير ع روحي مي من الفشلة.. عزة جكد عيب اني شون هيج..
علي لبست دشداشتي بالممر.. وصورة شهد مافارقت خيالي اكل وصافن بالاكل
كل شوي..
وهم يحجون..
خالد:عاشت ايديكم..
علي:اي. يمة هاي الدولمة اليوم غير شكل تخبل..
ام علي؛ هاي شهودة لفتهة..
خالد؛ عرفت بنت عمي مسويتهة..
علي: شهد.. تعرف تطبخ شمعنى اليوم...
معقولة ع جية خالد..
كل هذا سوتة..
كملنا الغدا قصي عزم خالد يمة يبقة للعصر لان زمن راحت لااهلهة للمغرب تجي..
وفواد ورافت راحو للبيت عمود يشوفون العمال وين وصلو..
علي؛ يمة جاي اريد..
اصعد هسة خاف بعدهة بالحمام..
ليش مااتغدت ويانا..
احسن لاتتغدا خل اشوفهة فوك.. مااخليهة تنزل..
علي؛ دكيت الباب.. تنحنحت باب الحمام مفتوح.. ماكو احد.. فاتحة المبردة بغرفتي..
ومنظفةالغرفة والحمام.. ومرتبتة حتة هدومي يمكن نزلتهم جوا للغسل...
مديت ايدي للبرادي اسدهم شفت هدومي مغسولة ومشرورة..
اخ.. منج.. شدسوين بية يازعطوطة انتي..
فريتيني انتي..
انجطلت ونمت للعصر جتي علياء كعدتني..
علاوي.. علاوي.. يلا اكعد عفية قريني..
علي؛ روحي جيبيلي جاي.. علما اغسل وجهي واصلي..

ماشي تدلل..
صعدت فتحت الضوة جتي علياء كعدت..
يلا نبدي..
علي: لعد شهد وين..
شهد تكول ممحتاجة.. مسيطرة وكعدت تقرا فيزيا وبقية دروس تحضير..
علي؛ اكيد بعد ذاكالموقف مستحية تواجهني..
يلا خ نقرا..
علياء؛ علاوي كافي بعد مااستوعب نكمل باجر.. تعبت ورجلي نملت.. وهاي بنت عمك راسهة اليابس.
ليش شكووو..
مو خالد اجة اليوم للمدرسة..
خااااالد...
شعندة...
علاوي اوكف وين رايح..
علي؛ حسيت نار شبت بية..

شهد؛ كملت تنظيف وغسلت ورشيت عطر ونز لت حسيت روحي تعبانة نزلت نمت للعصر كعدت مكسرة طلعت كتبي
وكعدت احضر جدولي..
بعدة شعري مبلل ومفتوح..
وفجاة انفتح الباب وعلي عيونة تجدح..
شهد؛ هاي شنو علي.. غير دك الباب..
جرني من ايدي بدون حجي وصعدني فوك غرفتة..
شهد؛ خير علي شكو هجمت علية هيج..
علي؛ علياء نزلي جوا..
شهد؛ خير علياء.. شبي اخوج..
علي؛ مو كتلج نزلي جوا.. دراسة وخلصتي اخذي كتبج ونزلي.. ومااريد بشر يوصل الطابق الثاني..
حاضر.. حاضر.. بس لاصير عصبي..
اطلعي برة..
سد الباب قوي..
صح جنت خايفة..
بس اعرف روحي مغلطانة...

شهد؛ هااا علي.. شنو صار الحبس عادة عندك وشكلك تعلمت علي خير شكو.. شصاير..
قررت اكون هادئة ومااعلي صوتي مثل مكال واحجي بهدوء.. لان هو مشتعل نار...
علي؛ خالد شعندة جاي مدرستكم.. متواعدين..
شهد: اي متواعدين وقحطت الاماكن نتواعد بالمدرسة..
ها والموديل الجديد المديرة صاحتني..
علي؛ شجان رايد منج..
شهد: اخذت نفس طويل..
جان جاي يكلي احبج واموت عليج.. واني اسف ارجعيلي..
خااالد؛ النذل.. اني اعلمة..
توة ديطلع وكفت بالباب..
لزمتة..
شهد؛ علي كل عقلك.. صاير عصبي وين عقلك انت..
جان جاي دينقل مرتة لمدرستنا..
عرض علية اني وعلياء يوصلنا ومقبلت.. وهذا هووو..
انت اكبر من هالشي..
علي؛ من حجت هالحجايتين طفت النار جواية واكفة كدامي وماسكة ايدي..
تخيلتها بالمنشفة.. غمضت عيوني.. وهزيت راسي..
خلص تبقين هنا متنزلين..
شهد؛ علي.. شدتحجي.. ميصير هالشي..
علي :انتي زوجتي.. محد يكدر يحجي...
عافت الباب وكعدت..
شكلها مو حابة تكون زوجتي..
علي: شهد.. انتي بعدج تحبينة هذا الكلب خالد..
شهد؛ شتريدني اجاوبك علي.. ياريت تسال روحك اذا جاوبتك شنو ردة فعلك..
كعد عالجرباية وكعد يجاوب روحة...
صح احس حجية سجاجين تطعن بكلبي..
بس هذا اليوم بالذات حاسة بالرضى عن روحي ومعاد يهمني عسى مايذبحني..

علي: طبعا.. واليوم.. محضرتله الاكل.. وحايرة شمسوية..
شهد؛ انت يااكلة تحبها اكثر..
علي؛ شوف هاي شدتحجي.. شنو يااكلة احبهة..
شهد؛ عجبتك الدولمة مو.. اعرف انت تحبهة هواي.. اني لفيتهة..
علي؛ وين رايحة لا طلعين كتلج...
شهد :نازلة.. اجيب كتبي اكيد مرح اضيع دراستي بكم كلمة منك..
علي :شهد..
شهد: وفر كل الحجي الي تكولة.. او احجي اذا تريد.. بس اني جكد ماجنت متبهذلة بحياتي وماكو ايد انمدتلي.. ولاناصح فوك راسي..
انت تعرف..
بس عمر مااحد طخ ذيالي.. ولو كان خالد ابن عمي وخطيبي مثل ميكولون واذا ممصدك روح اسالة..
من رخصتك..
صح.. اني مقررة ماازعل ولااضوج شما سوت بية الدنيا بس احس بهاللحظة ميت سجين بي وهو ينزف بسكتة من الالم بس مابجيت...
أسيءُ أنا، فتـجازيني بِسُوءٍ ! قل لي إذًا: مالـفـرقُ بيني وبيـنك؟
جلال الدين الرومي
للقصة بقية....
🌸🌸🌸🌸🌸🌸
لاتنسون التصويت عالبارت حبايبي