رواية عندما يكون العشق صوفيا الفصل السابع عشر 17 - بقلم ruqaya H algurtani

مِن عمْق الظّلام سينبثِق نُور، يطفئُ هذِه النَّار الَّتي تُحرقُ قَلبك.
جلال الدين الرومي
لحظات تحبس الانفاس ماحسيت بس بعيوني وتتبع خطوات فؤاد اخذت امي همام وعافتني ويا اكثر شخص اخاف منة بعد رشاد..
سد الباب وكانو سد ابواب الهوى ورجعني لعمر 7سنين ارجع بصدرية المدرسة امي مموجودة البيت فارغ..
بس فؤاد موجود كانو ينتظرني..
هااا، جيتي..
شهد؛ فؤاد عوفني...
فؤاد؛ شبيج.. احنة نلعب لما يجون...
بس مااريد العب وياك..
تعااالي... رح اغسلج..
شهد؛ مااااريد
فؤاد؛ تعاي ام الوسخ.. تعاي..
لاتبجين.. يلا نزعي ملابسج..
ماارييييد.. عوفني..
رح تنزعين لو احبسج بالسرداب..
وكلة ظلمة وعقارب...
لا.. عفية فؤاد لاتحبسني.. اخاف..
خلص سمعي الكلام.. يلة حبابة..
عفية سباعية..
انت ليش تنزع ملابسك..
عمود لااتبلل..
يلا تعاي ظلي بالمنشفة..
نبدل بالغرفة..
ظليت لحد صف الرابع الابتدائي وانت تتحرش بية لحد مافي يوم شفت فيلم البطلة تحاول تنتحر..
قررت اسوي مثلها.. جبت السجين.. ايدي ترجف..
بس إنهاء الحياة مكان بالسهولة الي اتوقعتها..
ولولا لطف الله بية ورافت اجة بالوقت المناسب جان اني لحكت عبير ومحمد..
سنين وابوية يوديني شيوخ واسياد.. محد يعرف..
بس ياريتني متت ولااعيش هاي العيشة بكل لحظة ظلام طيفك وطيف رشاد مافارقوني.. رعب مستمر..
اي، مو رشاد هو الي علمك اي لمن شافني محصل مني شي.. لاف عليك، واحد مريض وانت مثلة.. واحد مريض..
بس انت عايش حياتك بلا متشعر بالذنب..
عايش تنام وتاكل وتشرب بدون ميرف الك جفن بس اني الي عايشة بسجن مخاوفي وشكي.. ماعندي ثقة بااحد خايفة تعرف شنو وحدة عايشة بخوف صار 13سنة
سويتوني وحدة مريضة مخبلة.. دمرت حياتي حتى زوجي مااكدر اعيش ويا طبيعية.. لاتستغرب يومية اني بعذاب مااكدر اكون الة زوجة اذا مااتعذب بسببك.. انت..
رايحة اني....
ردت اطلع اختنكت من الحجي كلتة..
فؤاد؛ شهد.. انتي تحجين قبل 13سنة...
بس جنت وكتهة..
شهد؛ جنت حيوان.. ماكو فرق بينك وبين رشاد..
بس انت اوسخ منه دنت نفسك ع اختك.. جنت طفلة.. طفلة الله لايوفقك..
شهد.. والله طيش. جان مجان قصدي مجنت اعرف.. حرام...
انت شنو شنو.. تتحجج بالحرام والحلال..
الدين مو صوم وصلاة.. واذا ابوك وامك معلموك الدين انت وين انسانيتك.. وين عقلك شون نفسك تقبل تعيشني برعب عمود تحصل تريدة..
خليني اروح خرب ضميرك..
شهد.. اوكفي.. انتي ذبيتي قنبلة ورحتي..
اني مجنت متصور..
مجنت متصور طفلة تتذكر تفاصيل لو تعرف الي سوي غلط..
اني احسدك.. احسدك.. بس ع شنو احسدك..
انت واحد انقرف بس اسمع صوتك..
الله لايوفقك.. نايم ومرتاح واني ميتةواني عايشة اريد اقدم تفسير زوجي ليش رافضتة طلعتة حتى عن دينة صار يشك بية ويريد يعرف منو.. منو هذا..
كلتيلة..
ياريت اكدر اعترفلة بلكي يرتاح ضميري علي ميستاهل..
فؤاد؛ عفية شهد.. والله الي صار حيونة مني اعرف بس انتي اختي وغالية علية وكل السويتة لو قصدي جان منسيتة...
صوج اهلنة.. هم..
هم شنو.. ماانكر جزء من الصار يتحملو هم.. بس هذا ميبرر السويتة ابد..
اني لخاطر ماتخرب هاي العائلة سكتت واني اشوف الف اتهام.. واحاول اسكت..
مو عمودك..
عمود علي ميستاهل هيج صدمة..
فؤاد؛ شهد اني اسف.. اسف والله مجنت اعرف صدكيني لمن حجيتي عرفت الي سويته...
سكتت.. انت متعرف ..
بس اني سلمت حسابك لرب العالمين هو وحدة يعرف.. اني جكد متعذبة.. ورح ياخذ حقي منك..
حسبي الله ونعم الوكيل عليك..
شهد.. ساَمحيني.. اختي انتي..
ياريت لو اكدر احس انت اخوية صدك ..
اخوج والله واذا اي شي يصير بيج اتاذى...
واذا تحتاجيني.. رح اكون وياج..
صدكيني حبيبتي..
لاتكول هالكلمة...
اسف.. اسف..
اني صدك سامحتك.. بس انت رح تكدر تنام مرتاح  باجر من تزوج تكدر ترتاح لايكون العقاب يرجعلك بهيات انسان يضرك.. جتك بنية رح تكدر..
والله ماتكدر..
شهد؛ فؤاد.. كان اكبر مخاوفي.. جنت اخاف ارفع صوتي.. ارفع عيني اباوع بعينة..
بس هذا اليوم هذا الخوف تبدد.. راااح اصبح من الماضي بقرارة نفسي قررت ينتهي... خلص.. معاد موجود..
ياااريت.. يكون انتهى..
طلعت وكانو كل ذكرى سيئة ساقطت بذاك الممر.. صح مرات منحس بالنصر الا لمن نقدم خسائر اهم شي مخسرت روحي...
ومرات احمد ربي صار هيج جان خالد ظل يلعب بية بحجة خطيبتة وحدة خوفي هو الي نجاني من ذيج المحنة..
الحمد لله.. الحمد لله..
وصلت دا اخذ ابني همام كان كاعد بحضن امي...
تقربت اخذة..
تعال.. ماما.. تعالي...
ام رافت: يعني إلى متى تبقين انتي واخوج هيج..
شهد: ماخذة ابني ورايحة ومرح شوفوني..

كعدي واستهدي.. يعني شنووو...

ش

هد؛ الي بيني وبين فواد وكل الي صار بالبيت هذا كلة من وراج..

من ورايا اني.. لج شهد خاف عبالج زوجتي ومااكدر عليج.. ترة..
ترة شنو ياامي.. شنو.. اني كبرت من زمان وشلت الهم من زمان.. من يوم قررتي تعوفيني وتركزين بعبير.. وماتت كلت الحمدلله امي موجودة رح ترجعلي عزلتي روحج بغرفة دفنتي نفسج بالحزن نسيتي عندج طفلة محتاجتج.. شاب مراهق.. متعرفين ويامن مشة حجة.. جنت اشكيلج من اذيتة.. وتكوليلي ميخالف لو تضربيني لان طلعتج من عالم الاموات..
ام شهد؛ لج.. جنت ميتة انتي ام خ يصير ع ابنج شي وشوفي دقايق تخبلتي..
اني ثنين راحو برمشة عين.. شتريديني..
شهد؛ راحو اثنين وبقو ثلاثة..
دتشوفين العاهات اني وهذا ابنج..
اي هذا فؤاد تعرفين شجان يسوي بية..
احجيلها فواد لو تحجي انت..
فواد؛ امج تعرف.. اني كتلها.. وهي كالت انسى واختك صغيرة متفتهم هم مبالها..

شهد: ماكو الم يعادل هاي اللحظة...
جنتي تعرفين وساكتة.. امي.. باعيني جنتي تعرفين بسوالف فؤاد وساكتة.. ليش ياامي.. ليش..
ام شهد: انتي كلتي بقو ثلاثة.. شتريدين ابوج رح يذب الصوج بية..
شهد؛ ويذبة.. هو كل همج مايذب الصوج بيج.. مو هو صوجج هو جان يشتغل انتي بالبيت.. غير ديرين بالج علينا..

ام شهد؛ كااافي.. لهنا وكافي اني تعبت..
تعبت سنين شايلة المسوولية. وساكتة الي مدرسة طبيب.. كل شي..
وابوكم ماخلة ونسة بحياتة ماسواهة..
ماخلة شرب نسوان.. قمار.. كل شي واني اغطي ميخالف اهم شي تبقى صورتة حلوة بعينكم..
واخرها راح زوج.. ونسى عائلتة..
وانتي ذابين الصوج بية.. يلة شيلو من هم سنين شلتة.. مظل احد محجة.. ووصلولي حجي.. وهم بدون فائدة..
وهسة جايني تحاسبوني مجنت وياكم.. هملتكم شوية..
شهد: ياريت اهمالج جان بااكلة بشربة..
انتي نسيتي تربينا..
بهذا عمري ومزوجة.. معرفتي تنصحيني غير رضي زلمتج.. رضي زلمتج.. شلون ارضي فكرتي تكليلي.. شون ارضي..
اني حتي ماعندي صديقة..
ام شهد؛ انتي بوسي ايدج وجه وكفة عندج مثل علي..
لايفكر يزوج عليج وانتي دومج متمنعة..
فؤاد لمن سمعت الحجي صار خاص عفتهم وطلعت..
شنوووو...
علي اجة شكالي منج اكثر من مرة.. يسالني خاف غاصبيج علي..
اي.. وشكلتيلة.. شنو النصيحة نصحتيهة الة بلة..
كتلة صغيرة صير مكان ابوهة وسامحهة اذا غلطت مراهقة.. واذا جاوزت ربيهة.. بعد مرتك..
شهد: واللللله.. انتي يحتاجلج تمثال على نصايحج ياامي..
ياريت طبقتيهة ع نفسج بلكي جان حياتنا تحسنت..
اني رايحة..
مااكول غير الله يسامحج ياامي..
تعال همام.. تعال ماماتي.. تعال خ نطلع من هذا الجو الملوث خاف.. انت تشتم..

هدأ الضرب.. اخذت ابني ورحت لبيتي..
طلعت الهم كلة بالتنظيف..
رتبت البيت فتحت CD ع القران..
وكعدت اشتغل وامسح دموعي..
صليت ودعيت ربي يرجع علي بالسلامة..
يارب رجعليا بالسلامة... يارب احفظة الي ولااولادنا.. يارب طلعني من هالظلمة العايشتهة..
يارحمن يارحيم..
شوي وصارت دنيا ليل..
وظلمت الدنيا..
احساس الخوف داخلي مينوصف..
وهمام بدا يبجي..
وكانو رؤيا.. تريد تتفسر..
قررت مااخاف.. واكسر هذا الحاجز واني احاول اسكت ابني وصراع داخلي ابجي واطلع احد يساعدني..
لا.. مستحيل اعوف ابني.. اني مو خايفة مو جبانة.. وقررت اواجه الخوف.. واني اتعوذ من الشيطان واذكر كلام علي...
مثل العمية.. مشيت اتعثر لما وصلت ابني شلتة واني مو شايفة ظليت ادور عالشخاطة.. اريد اشعل.. شي..
وصلت لكيتهة.. اي.. شغلت الفانوس..
الحمدلله يارب..
الحمد لله ع نعمة البصر..
واكو.. قوة داخلي تولدت خلص هزمت اثنين من مخاوفي..
فؤاد.. والظلمة..
الحمد لله ع نعمة الايمان..
الحمد لله..
نام همام.. وظليت ليلتهة اصلي واقرا قران.. وصلت سورة الكهف.. وظليت اقرا بيهة.. وطلبت ربي يحفظ علي مثل ماحفظ اصحاب الكهف....
كملت صليت الفجر.. وبعد النوم ما اجة بعيني..
جبت همام نومتة يمي حطيتله مخدة..
قربت الفانوس يمي وكعدت اقرا..
هيج احس علي قريب مني لمن اكعد اقرا واحد من كتبة البارحة جان يوم حافل بالمواجهات والاعترافات يمكن كنت محتاجة من زمان احجي عمود ارتاح واكثر شي ضوجني لمن امي حجتلي عن ماضي ابوية طول عمري شايفتة بأحلى صورة بس هو مكان موجود بحياتنا على طول هاي الصورة امي زرعتهة بدماغنة عمود لانشوف غير الجانب الحلو الراسمتة النا..
اوووف.. خل افتح الكتاب بلكي اكدر انام.. مرات وانت تقرا كتاب اوحتى قران تقرا نص او اية كانو دترسل رسالة الك وهاي السطور حسيتهة تنطبق علية...

إذا أراد المرء ان يغير الطريقة التي يعامله فيها الناس، فيجب أن يغير اولا الطريقة التي يعامل فيها نفسه. وإذا لم يتعلم كيف يحب نفسه، حبا كاملا صادقا، فلا توجد وسيلة يمكنه فيها أن يحب. لكنه عندما يبلغ تلك المرحلة، سيشكر كل شوكة يلقيها عليه الاخرون. فهذا يدل على أن الورود ستنهمر عليه قريبا.
كنت اتمنى ينفتح هذا الباب ويجي علي يحضني ويطبع مثل مامتعود من يجي من الدوام يبوسني من خدي ويضحك باابتسامة.. ويكلي كواج الله حبيبتي..
محسيت روحي يمتة نمت.. بس حسيت نسمة باردة حطت ع خدي ابتسمت..
وكعدت ع صوت الباب وهو يندك بقوة..
للقصة بقية...
متعة القراءة ارجوها لكم..

🌸🌸🌸🌸🌸🌸
لاتنسوني من فضل تعليقاتكم وارائكم عالبارت وتصويتكم اكيد فضلا وليس امرا