رواية عندما يكون العشق صوفيا الفصل السابع والعشرون 27 - بقلم ruqaya H algurtani

في اللحظة التي تتقبل بها كل شيء ، حتى الآلام , سيفتح لك الباب.
جلال الدين الرومي

فجاة وسط خيبة امل ودماغ مشوش بقصة اشجان واهلها، قررت ارجع للبيت واراعي اولادي واهتم بيهم،

واكثر شي زينة اشتاقيتلهة، وقررت مااتركهة تكون نسخة عن اشجان،

طلعت من بيت يحيا، نسيت اني بمكان مو مكاني ولا شنو الضروووف مشيت خطوات ماكو احد بالشارع والغريب انو مرات كل الضرووف حوالية تخوف مع هذا مجنت خايفة..
جان الشارع هادي ماكو ناس.. بس اكو حركة غريبة..
واني ماشية..
صار رمي قوي فوك راسي.. وناس تركض..
ومدرعات امريكية تفتر بس سمعت صوت يحيا يكلي دير بالج شهد..
جرني كالي اركضي بس يشوفونة امريكان يعتقلونة..
ركضنا ومكدرنا نرجع بيت يحيا.. لان الامريكان نزلو بشارعهم..
ركضنا.. وصلنا مستشفى قريب..
جان امريكان هم ناصبين سيطرة..
وجنت كوة اجر نفس..
خوف.. وقلق.. مواجهة الموت مو سهلة...
يحيا نزع فانيلتة واشرلهم عمود لايرمونة..
تقرب واحد من الجنود..
ووجه سلاحة النة..
حجة حجي مفهمتة بس كم كلمة كالهة يحيا..
سيتزن مدنين
سيستر اختي
سيك مريضة..
الجندي كال يسما..
مفهم.. يحيا..
ذكرت قريتهة مرة..
سويت روحي ساات اكثر..
ومااكدر اتنفس..
رفعت ايدي بمعنى عندي حساسية..
راسا فتحو الطريق..
جر ايدي يحيا.. بس مجبورة.. عمود بس اطلع من هالمصيبة...
واني اذكر ابوية واخواني.. يكولون الامريكان يخطفون البنات يعتدون عليهم ويشمروهم..
فتنا للمستشفي جابولي كرسي... دخلنا الطوارئ اكو ممرضة واكفة.. كالت هسة يجي الطبيب..
راحت..
يحيا سد البردة..
هااا.. صدك بيج ربو مكلتي..
شهد : لا.. طبعا.. بس ردت اخلص متت من خوفي.. هاي وين كاعدين مو خلصت الحرب..
يحيا: يمنا متخلص..
انتي شون طلعين.. متعرفين الشوارع كلها ملضومة لو امريكان لو قاعدة..
يعني اذا قاعدة خطفوج واذا امريكان كتلوج..

شهد؛ مجنت اتخيل هيج.. صارت الموصل..
يحيا: بعد مشفتي شي... بالليل ناس تفتر عالمرضى وصفي الي معاجبهة..
شهد؛ واني كلت خلصت..
يحيا؛ دخلتي نفسج بمعمعة..
اكعدي يم جهالج وسكتي..
وخلي هو يطلع روحة.. شعليج..
شهد: مرديتله.. شكرتة...
شكرا الك تكدر تروح اذا تريد اني ادبر اموري وحدي..
شهد: اجة يحيا قريب مني وكالي..
يحيا: دير بالج تكولين جاية من كربلاء اكو ناس شغلتهة تصفي ولاتكولين محامية.. يخطفوج والله..
شهد: ع كيفك.. ورجاءا بعد..
يحيا: لازم تبينيلهم احنا اخوة انتي متعرفين عم اشجان شون عندة شعبية..
بس يشتم خبر يمحيج من وجه الارض..

شهد: عمها.. هو كتلها.. تعرف مو... ليش مشهدت ضدة...
يحيا: صوتج نصي لحد يسمع..

شهد؛ مكلتلي دامك.. هيج تعرف القاتل ليش متشهد ليش تخلي زوجي ينحبس...
يحيا؛ باعي يابنت الناس يطلع الصبح..
واوصلج لكركوك.. ومناك حيري بروحج وعداني العيب.. بس لحد مايطلع الصبح انتي اختي... ولاتجيبين سيرة... (ط.ه)..
هذا عم اشجان صدك تحجي..
لا مستحيل..
يحيا: بس ادعي ربج مايكون شم خبر جيتج... لو التقينا يعلكنا بوابة الموصل..

شهد: اكو قانون.. لازم....
يحيا: ضحكتيني.. ياام القانون..
شهد: هسة تشوف...
يحيا: براحتج.. هذا حدنا.. اني حذرتج..
الله يرحمج مقدما..

شهد: حسيت برهبة من الكلمة قبل دقايق لو ما جية يحيا.. جان صدك الله يرحمني..

وجهالي خطية يتيتمون..
وابوهم خطية.. هيج ياكل حكم ع جلدة..
زاد عنادي.. وقررت اواجه..
واقدم للمحكمة التهديد الي هددة لسراب واشجان..
وحتى سفرة لسوريا عمود يدور عليهم..

وبعدين سمعت صوت برة..
واحد يسال الممرضة.. مشفتي اثنين..
وكعد يوصف.. مديت راسي دا اشوف..
جان واحد مسلح..
عرفت لحظات الموت اقتربتلي شون اطلع.. ياربي.. همام... عمار.. زينة..
علي.. شرح يصير بي.. اذاعرف متتت..
رح ينقهر..

جكد الانسان يتمنى الموت.. بس من تحس خلص اقترب الموت ع اعتابك تنهار..
مااعرف شااسوي.. ابجي.. اصيح.. اهرب رجلي.. مكادرة احركها..

بلحظة صوت المسلح اقترب..
واني نبضات قلبي زادت..

اريد اذكر شنو لازم اسوي او اكول..
ماكو اختفت الكلمات كلها بلحظة..
كنت بموعد ويا الموت.. وبااخر لحظة..
انجرت البردة الجانبية للسدية المقابيلي بغمضة عين..
خلص لكيت روحي امشي بخطوات سريعة.. خلص جروني للموت..

لحظة.. اني باايد يحيا.. بلحظات اشبهه بااحد الافلام الامريكية..
كنت.. امشي بخطوات سريعة..
برة المستشفى..

شهد: خلص نجيت من الموت..
اي طلعت.. من الموت.. منو طلعني..
يحيا.. يحيا..
امشي بسرعة لايلكطونة..
شهد:صح.. متعرف ايد التنمدلك عمود تنقذك من الدمار هي ايد انسان متوسخة ايدة بااعراض الناس ودمهم..

والي يقتلك شخص راهب، شيخ.. عالم من علماء الدين جعل الدين غطاء لحياتة برر قتل الابرياء في سبيل يحافظ ع منصبة..
طلعنا بسرعة..
الامريكان.. جانو ع بعد امتار.. يحيا اشرلهم باايدة..
كال للجندي.. اكو مسلحين داخل المستشفى بلحظات هربنا وتحاوطت المستشفى.. وخلصنا من الجماعة الي جانو يركضون ورانا.. لان الامريكان حاوطو المستشفى يدورون عالمسلحين...
خصوصا بعد الهجوم الاخير عالارتال..
ومقتل مذيعة مااعرف بصوت نينوى خطفوها وبعد ساعات قليلة.. لكو جثتها بالطب العدلي..

كاني كنت داخل غشاء انفصلت عن العالم.. كل ضني الحرب انتهت وماكو دم بعد..
بس اكتشفت.. انو الحرب وشلال الدم بدا ويا سقوط بغداد..
وهسة يلة شفت الناس.. وعرفت افلام الرعب اليحجوها موجودة مو كذب..
وذولة الناس ميخافون من الله. وميهمهم صغير جبير طفل مرة..
ذَولة بشر لا حشا البشر منهم ذولة ناس قتلة..
يحيا: تعالي..
دخلنا بيت متروك..
هاي اخر مرة اساعدج..
الصبح يطلع.. تطلعين كركوك ومناك للنجف قبل.. مااريد مشاكل..
شغل اللايت مال موبايلة..
يلا تعالي فوتي..

شهد: شاافوت.. بيت متروك وظلمة.. واني ويااااا...
يحيا؛ لاتخافين من الظلمة.. مرات الظلمة ترسملج طريق.. وبعدين اذا شافو ضوة الجيران يحسون يجون علينه..
شهد؛ عبالهم حرامية...

يحيا؛ لا دنزور البيت ان شاء الله زين...
شهد؛ ميصير ندخل بيت مو بيتنا..
اني مو مرتاحة..
يحيا: شهد.. انتي.. تعبتيني ترة اني ورايا اهل اكدر اعوفج. واروح..
بس زينة.. منو الهة.. اذا صار بيج شي..
شهد: وجهالي.. واهلي..

يحيا؛ تعاي فوتي جهالج بيت جدهم ميعوفوهم.. واهلج يحزنون يومين وينسون..
بس زينة.. تضيع.. مالهة احد.. يلا فوتي.. لاتخافين اني موجود..

جانت هاي الجملة علي ع طول علي يكوليا..
جان يكلي لاتخافين دام راسي يشم الهوا محد ياذيج.. انتي بنتي وحبيبتي وكل مااملك الي ياذيج احط ايدي بعينة امحي من الوجود..
تعال.. علي وينك.. اني خايفة.. متاذية مجروحة وجروووحي كلها منك.. بس ليش دا افكر بيك وانت خنتني.. معقولة اكدر اتجاوز هالمرحلة.. بدون مااذكر الصار...
يحيا:الي يحب يسامح.. وانتي لاتترددين..
اني رح اساعدج بس اوعديني هالشي مرح ياثر عليج..
شهد: يعني.. شون.. يااذيني..
يحيا : باجر تعرفين وبوجهج لجهالج.
محد يسوى تضيعين حياتج عمودة..
شهد: رح تشهد لعلي مو..
يحيى؛ شهادتي مرح تفرق ولا السيديات عندج جان فادت اشجان..

وسراب..
سراب ماتت...
يحيى: تعرفين هي شسوت باخوها لعبت بي جولة.. بلغت علي الفرقة الحزبية يمهم طبعا الكل يعرف هي شنو وحدة د...
ممخلية رفيق حزبي يعتب عليهة..
ورا السقوط جانت مسنودة بواحد  الله لايرحمة...جانت اشجان بعدهة صغيرة..
 
اخوها هو والماكو سوا.. من يوم يومة غيرة سيز ومستهتر...
شهد؛ وينة هسة..
يحيى: يمكن بعمان يمكن بااوربا..

شهد: يدري موتت اخته..
يحيى: طبعا يدري.. بس يكول جماعتة احنا غسلنا عارنا وخلص..

شهد: هذا اعتراف منة انو الهم ايد بكتلتها..
يحيى:مو بس حجيهم... تصوير الكاميرات..
مسجل منو كتلهة..

شهد: شون راحت من بالي..
بس الشرطة شون معرفت اكو كاميرات بالبيت.. المفروض يحققون...

يحيى: انتي شون محامية.. معقولة متعرفين بلدنا شون القوانين ماشية بي..
وبعدين كل تصوير الكاميرا.. اخذو مني...

ولما ستر الله جان ودعوات امي.. جان رحت بالرجلين...
هذا بلد سايب.. من تعيس الى اتعس..
هههههعع...

شهد: شنو الي يضحك...
يحيى : يحضرني المثل الي يكول اه ياام حسين جنتي بوحدة صرتي بااثنين لازم نكول العدد مفتوح...
شهد: قصدك علي رح يلبس التهمة.. مااكدر اثبت برائتة..

يحيى : بس يتوازى رح يطلع نفسة لاتخافين..
شنو قصدك...
هسة تعرفين...
انت ليش تحاول تشككني بعلي.. عمود اشجان..

يحيى: اشجان جانت مبينة كدام الناس وحدة قوية محتالة مومس بس محد سال روحة ليش وصلت هالمرحلة.. لو مجتمعنة مجتمع بي خير.. جان نصفها..

شهد: انت لان تحبها تحجي هيج..
يحيى: صح اني احبها.. بس اشجان توسخت هواي.. غصبا عنها..
هي وخالتي...
انظلمو بسبب التجار الي يتاجرون بحياتنا وعيشتنا..

شهد: ولان حياة اشجان مو زينة تخرب حياتي اني.. انتقامها يدور حوالية وحوالين عائلتي..

يحيى؛ يعني لو والدج ماغادر بعمة اشجان.. وياريت علاقة وحجي..
سراب جانت زوجتة.. وعدهة واملهة ضحك عليها.. وبعدين كاللهة مو باايدي..
هيج بسهولة..

جان اشجان ربت بيتنا.. وكبرت.. وصارت مثلي ومثلج..
شهد: مثلك.. انت واحد.. ايدك متوسخة بااعراض العالم..
يحيى: دامج صرتي محامية.. صرتي توجهين اتهامات للكل..
شهد: مو هي هاي الحقيقة..
يحيى: لان جابتج اشجان بيتهم ورادتني..
شهد: اسكت..

سكتت.. بس عمري ماطخيت احد غير اشجان.. وراحت..
ووصلت يمج.. مكدرت..

شهد: مو انتو سوا بكل شي.. حتى من توكعون الناس..
وانت انطيت لعلي.. المخدر..

يحيى: ههننننن.. اكول نامي احسنلج..
مخدر.. هههه..

الخطيئة.. يرسمها الشيطان ويزينهة للبشر.. بس هو ميكدر يجبر بشر ع ارتكابها.. عقل الانسان هو الي باايدة.. يوكعة اويبقي..
ويرجع للطريق..

شهد: مستحيل.. علي انسان متدين.. ميسويهة.. انت كذاب..

يحيى؛ براحتج.. دامج واثقة منة.. ابقي..
بس طلعي برة دائرتة.. عمود تعرفين تفكرين..

شهد: انت واحد شيطان.. شيطان.. مااصدككك..
يحيى: احسنلج.. الانسان المغفل هو الوحيد المرتاح بالدنيا..
شهد: شنو قصدك اني مغفلة..

يحيى: لاحشا.. انتي لو مغفلة جان ارتاحيتي..
بس انتي تفكرين بعقلج قبل كلبج..
بس بخصوص علي للاسف متستخدمين جمجمتج..

رح اطلع انام بالصالة.. الصبح حضري روحج..

شهد: اكثر شي اكرهة لمن يدخل الشك والوسواس بداخلي..
وظليت الليل كلة انتظر طلعة الصبح عمود اسافر واحتضن اولادي..
يارب نجيني.. ياااااارب...

شهد للصبح... حسيت غفيت شوية وكعدت..
اللايت مال مويايل مشتعل..
طفيتة..
موبايل يحيى باايدي.. كعدت لحضات وبديت اكلب بموبايلة.. مقاطع فيديو..

شفت مقاطع فيديو لفواد يهدد اشجان..
ويسالها.. عن عمها وعمتهة..
وحالف عليهة..
وهي جانت تحجيلة انو تحبة وتتوسل بي.. وهو يكللهة طلعتي.... انتي وعمتج...
اني اسلمج لعمج باايدي... جانت مستسلمة..
جوي مسلحين ثنين.. وياهم رجال.. هذا شايفته.. بالتلف....
عزة.. وين ماخذيها..
وبعدين هالرجال حجة ويا فؤاد..
هذا تلفون.. اشجان ميزتة من الظهر.. شديسوي بي...

يحيى: مو اكلج بس المغفلين.. مرتاحين..

شهد: بس هذا... فؤاد..

وهاي عرفتي.. شرح سوين طلعين زوجج ودخلين اخوج..
شنو رايج..
بس.. اشجان دزتلي مسجات..
يحيى؛ بس التلفون جان بيد فؤاد..
شهد: قابل يحبس اختة..
اني جنت رايحة..
يحيى؛ المسج مو الج لعلي..

عمود يروح لهالمكان.. ويلبس الجريمة مكان مشبوه مابي كاميرة...

القضية رح تعتبر.. رد شرف.. وينحكم كم سنة...

شهد: مو كادرة اصدك..
وعلي اكلهة ع جلده المسكين...
يحيى: كلنا.. مساكين...
لازم تقوين كلبج وتتحضرين للجاي..
مو تريدين تطلعي براءة علي عندة حجة غياب..

شهد: الله واايدك كولياهة..
يحيى: اشوفلجياها.. ليش اكولها واطلع جذاب...

يلة امشي.. بس قبل كل هذا.. لازم تبدلين ملابسج..
شهد: شبيهة ملابسي..
يحيى: تصيح وتكول اني بنت النجف..
شهد: اكو.. محل قريب.. يلا نلحك..
يحيى، شكرا الك.. مااكدر اردلك جميلك هذا..
يحيى: بس ربي زينة وراعيها.. وفيتيني وكفيتيني.. عالاقل مااحس بتانيب الضمير..
ليش شسويت؟
اشجان قبل لاتموت طلبت مني اساعدها واني رفضت...
يلا نرووووح....
يحيى: يلا... نروووح...
مشينا.. لحد هاالمحل.. اشتريت ملابس جديدة.. بدلت وطلعنا..
ركبنا بسيارة لااربيل بوجهنا..
انت مو كلت رووح كركوك..
مو تريدين براءة علي..
اي.. طبعا..
خلص.. امشي.. ويايا..
وصلنا الظهر.. فتنا حجزنا فندق..
العصر.. طلعنا بتكسي وكفنا يم بيت..
نزل يحيى سال..
دلو..
رجع للسيارة كالي اليوم ماكو.. لازم ننتظر للاربعاء..
شهد: يااربعاء دا اكلك.. لازم ارجع.. وانت شكلك تضحك علية..
يحيى: انتي حرة.. معاجبج تفضلي اركبج بالباص ورجعي..

شهد: حسيت بالياس..
شمعنى الأربعاء.. بعدين اني خلصت كل الفلوس وياايا..
يحيى: خلص تعاي نغلق الحجز وروح بيت اختي..
شهد: يحيى.. مااكدر.. شون افتر وياك هيج.. شافنا احد..
يحيى؛ منو هذا الاحد.. فؤاد بدهوك هسة
ورافت بيتهم ميطلع..
امشي.. اختي عدهة بنات وزوجها بتركيا..
شهد: ميحاسبونة احنا عرب هنا..
يحيى: لاتخافين دتشوفين ختم عصورة الكاكا..
هاي اني..
يلا.. امشي..
وصلنا بيت اختة ليحيى.. واستقبلتنا..
يحيى؛ كال لااختة شغلة ايام..
وهو طلع..
راح بيت صديقة عمود لااحس بمضايقة او شي..
نسيت اخابر اهلي...
تلفوني بقى بالمستشفى..
طلبت من يحيى اخابر.. لكيت الدنيا مهجومة ورايا..
شهد: الووو..
حسين: نعم تفضلي منو وياي..
حسين هاي اني.. شهد..
شهد.. ولج وينج الدنيا كلها مكلوبة عليج..
نخابر ع تلفونج.. يكولون لاكي بمستشفى..
وفؤاد.. يكول ركبته الباص.. عمود ترجع واخبار مو زينة هناك وهنا..

وينج..
قصة طويلة من ارجع احجيلكياها..
بس ان شاء الله اجيب براءة علي ويايا طمنة..
عفية حسين جهالي شونهم..
همام، عمار.. زينة.. بالي يمهم..
زينين.. لاتخافين عليهم..
الحمدلله طمنتينا عليج..
عفية حسين روح اخذ العقد وسقط السيمكارت لايسوون مصيبة..

ان شاء الله..
انتي وين هسة...
انيييي....
طووووووط..
هاي شنو...
ليش سديت التلفون...
يحيى؛ مااريد مصيبة تجي لااختي بسببي..
بس هذا...
انتي بعد.. عندج ثقة والله عمي زين..
شهد؛ فهمت اسفة مااريد اسويلك مشاكل..
خلص.. كلها يومين وتنحل هاي الازمة..
دا اخابر بلكي قبل الأربعاء..

شهد؛ ممكن تكلي.. هو شنو لازم اعرفة واتصرف..
مااكدر اكلج.. لازم تسمعي بااذنج ومااعرف ردة فعلج شرح تكون..

شهد التهيت غصبا عني ويا اخت يحيا وحجتلي هواي عن عائلتهم وعن يحيى.
وجهالهة.. واجة اليوم المشؤوم..
اليوم الي مفروض اكون سعيدة لان اثبت براءة علي..
معرفت اني رح انطعن بسجين الخيانة للمرة الثانية..
يحيى؛ شهد.. لازم تكونين قوية..
شهد؛ يابة قوية شسالفة اريد ارجع بسرعة..
يحيى: ماشي.. خ ندك الباب.
شهد :فتحتلي بنية بنهاية الثلاثينان..
سلم عليها يحيى مرحبا نازدار..
شهد: سلمت عليها بدون مااعرف.. منو هاي البنية وشنو دخلها بالصار..
مرحبا شهد.. اهلا وسهلا بيج.. اني اسفة علي صار بهمام..
ظليت صافنة وودرت وجهي ليحيى..
هي مين تعرف همام والصار بي..

يحيى: اخذ نفس عميق..
نازدار.. علي تحول للمحاكمة بتهمة قتل اشجان..
ونريد نثبت بيومهة جان يمج..

شهد: كاني عايشة بدوامة...
والصوت اسمعه مشوش.. شنو مدا افتهم الوضع..
يحيى؛ شهد.. علي يوم الحادث مال همام.. متحلف لنازدار.. ورايح بيتهم متعارك وكاتل اخوها.. ومحولي للتوقيف.. يعني يوم موتت اشجان جان بالتوقيف بتهمة التعدي ع اخو نازدار..

شهد؛ انتي جذابة.. منو انتي.. منو انتي.. عمود علي...
نازدار: حبيبتي اني زوجتة..

حالي من حالج..
كانو ضربة اجتي ع راسي
لا مستحيل هي الدنيا ماعدهة غيري تلطش بي.. ليش ياربي ممصدكة..
ممصدكة اني..
اخذت جنطتي وطلعت من البيت كاني مضروبة.. اصوات ضحكات علي احضانة..
كلها كذب.. كذب علية..
كل عيشتة وياي كذب.. مدا اصدك.. شون عايش وياي ويحبني.. شون..

يحيى: شهد.. اني اعرف صدمة مو سهلة عليج..
بس اني جبت نسخة من التعهد.. سوا علي...
جريت الورقة بعدني ممصدكة.. بس هذا خط علي وهذا توقيعة..
يحيي؛ شهد.. ترجعين.. اليوم..
شهد؛ تندل صايغ قريب..
يحيى؛ مرح ارجع هسة..
شنوووو....

للقصة بقية...
تحياتي...
نازك الملائكة
🌸🌸🌸🌸🌸🌸🌸🌸
اسفة عالتاخير بس عندي لود شغل..
ان شاء الله اذا كدرت انشر بارت اضافي بالليل..
لاتنسوني بالتصويت همتكم حبايب