رواية عندما يكون العشق صوفيا الفصل الثامن والعشرون 28 - بقلم ruqaya H algurtani

سلامٌ على أولئك الذين رأوا جدار روحك يريد أن ينقض فأقاموه، ولم يفكروا أن يتخذوا عليه أجرًا

جلال الدين الرومي

مر يومين واني بهالحالة بعت محبسي وكلادتي ردت احجز فندق.. وابقى بس ماعندي اذن بالبقاء يحيى اقترح ابقى يم اختة واني من الصدمة معرفت شااسوي فبقيت..
اخت يحيى الهام لطيفة جدا وخلوقة.. وهي زوجهة هم مزوج عليها زوجتة الثانية بتركيا.. رادت تخفف عني لان جنت بعالم ثاني..
يحيى : الهام.. احجي وياها.. خليهة ترجع لجهالها خطية.. عايفتهم من عرفت زوجها متزوج عليها..
الهام: خطية.. مو سهلة بعدها صغيرة..
وحلوة وشهادة ليش هيج يسوي بيهة..

يحيى ؛ ليش رجلج زوج عليج...
الهام: متكدر اذا متجفص..
العفو.. بس شسوي ذيل الجلب مينعدل..
الهام: اي والله صدكت.. ذيل الجلب مينعدل..
رح اروح احجي وياها.. عينك عالجهال..
خلي هم يخلون عينهم علية ميخلون شي ميشمرو..ع راسي..

شهد: جانت الحديقة بيت اشجان هي منفاي اكعد ومااعرف عقلي وين يوديني حتى اريد دموعي تنزل مانزلت..
اريد افكر اذا اكو نقص بحياتي.. اي يمكن اني ناقصة وعلي زوج علية وارجع اثور واذكر جكد تعذبت وتاذيت.. عمود هذا الحب.. وتاليتها اكثر احد تاااذى اني..

الهام: هاااا.. ام همام.. وين الدنيا راحت بيج..
شهد: ماراحت.. بعدني هنا.. اريد اذكر فد عيب.. بية خلا يروح يسوي هيج..

الهام: لاتفكرين.. حتى لو كاملة مكملة ومداريتة وحالج ومالج باايدة بلحظة تجي وحدة تلوف علي.. ويزوجها..
ويكلج صوجج انتي هاملتني..

شهد: ماهملتة والله.. جنت ويا ع الحلوة والمرة..

الهام: الي كدامج كضت ويا خمس سنين بدون ذرية..
مخلينا باب مطرقنا..
ومستشفيات وتجارب..
كل شي طبق علية..
اطفال انابيب..
ومااوصفلج الفلوس الي نذبها ع المستشفيات كلها دين وسلف من صديقاتي..
نعمر البيت من جهة والمستشفى من جهة..
شهد: اسفة.. مجنت اعرف..

الهام:ستي.. المهم نجحت عملية الزرع.. كوة طلعولة حيامل عايشة بس ضعيفة..
دخلت العملية واكول ياربي لخاطر التعب والبهذلة، لخاطرة اريد يصير عندي طفل..
والحمدلله.. نجح الزرع.. وحملت وطول الحمل ايدي ع كلبي.. وهو هم فرح..
بس اكو ارشادات عمود الحمل يستمر جان يروح ويجي تركيا..
عمود شغلة..
وصلت شهر التاسع فرحتي متنوصف..
رح اجيب تواءم ثلاثة...
وحرت جهزت وحضرت..
والحمد لله كرمني بااثنين والثالث مكتبلة يعيش..
فرح.. وطار.. اخيرا صار عدنا جهال..
جنت اتصور مشكلتنا الجهال..
كامت سفراتة تزيد.. واني كعدت بالبيت كمت اراقب..
صار جهالي عمرهم سنة صارت عندي تليفات.. وعقد بالرحم اشيلها كورتاج وارجع ليورى لحد ماكالتلي الطبيبة اكو جذور حرة داخل الرحم وخاف تطفر للمبايض..
خ نستاصل الرحم عمود نخلص..
سويت العملية وكلت اهم شي عافية الانسان ابقى لجهالي بعافيتي..
وارجعلهم..
بدا يتغير علية ويسوي مشاكل من جوا الكاع..
لحد ماكشفت مزوج..

شهد: ازوج عليج لان استاصلتي رحمج..

الهام: اني جنت اعتقد هيج.. بس لمن سافرت والجهال تعرفو ع مرة ابوهم اكتشفت عندة ولد عمرة 3سنين..

شهد: لاااا
الهام : اي حبيبتي متزوج علية حتة قبل لااحمل..
ومن سالتة ليش مكلتلي.. واحنا جنا ثنينا نعاني من مشاكل..

كالي اصدقاءي كالولي غير كرفتك..

شهد؛ شنو كرفة..
الهام: يعني غير كاعك بلكي يصيرلك زرع..
شهد؛ وشسويتي..
شااسوي.. اني عندي طفلين اهلي كوة شايلين روحهم وراتبي ميكفي..
ومرة ماعندي شي اقدمة زوجي هو متفضل علية.. مبقيني..
ومرتة، للحق مالهة علاقة بينا بالعكس دز هدايا لااولادي وتذكرني كل ماتجي..

شهد؛ انتي مرة قوية انيالج..

الهام: وانتي مااعتقد اقل قوة مني..
يحيى حجالي عنج..
انتي بعدج بااول عمرج لاتدخلين بكاابة ويااس...
صيري قوية.. المرة الي تعبر محافظة والنار فوك راسها.. متنكسر بحقيقة عرفتها..
هو لازم يشعر بالذنب.. لان اختار وحدة غيرج..
تعرفين شنو مخليني قوية..
شنو؟
اولادي.. كل مااشوفهم يكبرون اكول ذولة سندي حياتي..
شنو رجال يروح ويرجع.. بس جهالي باجر يكبرون.. ويرفعون راسي.. وينسوني ابو الرجال..
انتي هم.. روحي كملي البديتي بي..
هيني وانتي تدافعين عنة..
كعدتج هنا بس جيبلج الحجي..

شهد؛ ياحجي اني..
الهام: الناس تكول عايفة رجلها وكاعده تتونس..

يلا.. انتفضي ورجعي جهالج راعيهم..
وانسي..

يحيى : لج.. الهام جهالج ذولة شنو من مشعوذين..
الله يساعدج عليهم..

الهام؛ شد حيلك وخ نشوف انتاجك.. هم ملائكة.. لو تترحم ع جهالي..

شهد: نظرة الحزن بعين يحيى ، نظرة شخص مو خسر حبيبتة بس خسر حياته كلها...
يمكن علي.. مكدر يحبني.. اني مجرد انسانة دخلت حياتة بالغلط.. وكملت خطوات... مجان محسب توصل هيج مراحل..

الحمد لله.. اني صدك شون كدرت انسى اولادي...
كل تفكيري علي.. محور حياتي هو..
نسيت حياتي واولادي.. وفكرت بي..

يحيى ؛ الصفنة هاي وراها كارثة...
ها شهد شقررتي..
قررت ارجع...

يلا لعد نلحك الطيارة..

الهام :لك ياطيارة...
يحيى :نسيت اكلج.. المحروسة تغير رايها باللحظات..
لك عيب شدسوي هسة تحسبهة طردة..
شهد؛ بالعكس..
شكرا لان فكرت هيج.. خل اروح..
الهام: مااكدر اكلج ابقي بس بيتي مفتوحلج دائما امانة المرة الجاية جيبيهم وياج طبعا اذا علي قبل..

شهد؛ الهام شكرا ع استضافتج الي.. الاخوة ميسوون هيج..

الهام؛ هذا هو اعتبريني اختج من اليوم..
تسلميلي.. سلمي ع خالة..
خابرتها الصبح هي هم سلم عليج..

يلا.. تعالو جهال سلمو ع خالتكم رح تروح..

شهد: مع السلامة حبايبي..
مع السلامة..
يحيى:شهد.. يلة لانتاخر..
ماااشي..

ودعت بيت الهام.. واني افكر شون رح  اتواجه ويا علي.. رح اكدر اكون قوية واكدر ادافع عنة وهو طاعني الف طعنة..

وصلنا للمطار مال اربيل..
وانطاني يحيى التذكرة..
شهد؛ مكلتلي جكد سعر التذكرة..
يحيى: انسي اعتبريها هدية مني لزينة..
شهد: لهالدرجة تحبها..

يحيى: اووووف.. يلا روحي.. دير بالج ع روحج.. وع الجهال..

شكرا الك يحيى.. تكدر تجي تشوفها اذا تريد..
يحيى :ان شاء الله..

ك

لها خطوات صعدت وهاي اول مرة اركب طيارة.. وصلت للنجف قريب المغرب.. وقررت ازور وابقى للصبح.. صح وجودي وحدي يعتبر خطأ.. بس رديت اصفي راسي قبل لاارجع..
كملت.. طلعت.. اخابر ع حسين..
الو..
الووو. هاي انتي شهد.. لج شون بيج.. الدنيا مكلوبة عليج وانتي ماكو لاتلفون.. ولاخبر منج.. وين جنتي..
علي كلب الدنيا.. وفؤاد اخوج حار شحجة عليج..
انتي وين..
حسين اني بالنجف.. رح ازور الصبح ارجع مااكدر دنيا ليل... والله..
بس طمنهم قبل شوي اشتريت تلفون..
انتي ليش مااجيتي لهنا كبل..
شهد؛ باجر بالمرافعة تعرف..
ان شاء الله قبل التسعة يمكم بس خلي علياء تحضرلي جنطتي والروب..
الله يسهل..
حسين؛ شبي صوتج مبحوح..
شهد: ماكو شي.. بس طمنهم..
حسين؛ تريدين اجي اخذج. ترة همام تعبان...
شهد؛ ابني شبي..
حسين:شهد فؤاد اخذ زينة ... يكول اهل امهة يريدوهة..
منو اهل امهة...
عم امهة.. رجال...
اعرفة.. بس كول لفؤاد احسن الة ميلعب بالنار باجر يطلع علي يفوت بمكانة..

حسين؛ خوفتيني.. شنو السالفة..
شهد: لما اخاف عليك تجي جان كتلك تعال اخذني.. بس دنيا ليل...
حسين: هسة جايج... خلي تلفونج مفتوح..
حسين: حلو الواحد.. يخاف عليك.. اني اعرف مشاعري مو بمكانها.. بس اكو شي اكبر مني..
شهد؛ حسين والله متسوى..
باجر اجي..
حسين :خلص جايج ...
شهد: كعدت انتظر حسين.. ودعيت هواي.. دعيت الله يقويني.. واكدر  اواجهة من غير مااحس باالانكسار...
شلون اكدر اكون قوية.. شلون اكدر اكمل..

شرح اسوي بحياتي.. اصير مثل الهام وانسى.. لو اعوف علي وارجع لااهلي الي هربت منهم لعلي..

كلها.. ساعة حسين دكلي..
ورجعنا.. للبيت..
شهد: حسين.. وديني لااهلي اول..
حسين؛ ماكو داعي شهد.. البنية مرايحة غريب بيت اهل امهة وابوهة راضي..
شهد؛ بس وديني مالك علاقة..
حسين؛ حاضر..
شهد؛ تسلم حسين تكدر تروح..
ابقى وياج احسن..
حسين.. اكو شغلات عائلية.. لازم احلها اول..
ماشي اذا صار شي دكيلي..
اوكي..
دفعت الباب وفتت.. ومجنت محضرة اي حجي..
جان صوت امي طالع.. زينة تبجي..
وردة كاتلتها..
لان كاسرة.. طاكها..
وفؤاد يصيح عالهوسة..
فتت.. كاني كتلة من الجليد.. محملة..
استقبلتني زينة..
وهي تبجي...

مااااااما... مااااااما..
ام رأفت؛ جتي العروسة.. كللليش..
تفلت بوجهي.. خزيتينا ياااعار...
لحد هسة مفهمت..
صعدت..
صارت بوجهي علا...
زين ذكرتي عندج اهل تواجهيهم بعد كسران الوجه..
رأفت: وين جنتي شهد.. الدنيا مكلوبة عليج وعلي حالف بس ترجعين يطلكج..
عفتة.. فتت غرفة فؤاد..

جان متجي ع جربايتة..
وبحضنة لابتوب..
لابتوب اشجان..
الي نسيتة بالمستشفى..

عرفت كشفوني.. بس..
هلو.. فؤاد.. لو اعرف معتز بلابتوب المرحومة.. جان كتلي واني ارجعلكيا..
ليش اتعب المبرمج ينسخلي شكو افلام مصورة بي ها وزيادة كرم منة نسخة عشر نسخ.. واخرها تسجيلات اليوم الماتت بي اشجان..
اشجان وحدة ذكية.. للاسف ماتت ومااستغلت ذكائها عالناس الصح..

فؤاد؛ شدتحجين..
ويااافلام... وين وديتيهم اسرار مرتي..
شهد: ياعيني عالشهامة الي عندك.. الي تخلي مسلحين يشحطون مرتك كدامك وانت بلا غيرة ماتحركت..
طبيعي.. مااستغرب الي... تدنا.. 

فواد :تريدين دارين فضيحتج كدام الناس تتغدين بية قبل لااتعشى بيج..

فؤاد :خلص وقتك فؤاد.. باجر تدخل للسجن مكانك الطبيعي..
انت الي ورطت علي بها الجريمة بس للاسف تلفون علي جان باايدي.. واني جان لبست القضية... شون تقبلها ع روحك.. تسوي تمثيلية المصدوم وتخليهم يشمرون مرتك بشقة مشبوهة.. بس عمود العار يرافق بنتك طول عمرها..

مو بنتي.. اني رح انطيها لعمام امهة..
انت واحد غيرةسيز.. شرفك ولك شرفك..
شون تقبل.. لاتكون مو رجال..
بلحظة راد يضربني وكف رافت بوجهة...
رافت؛ اوكف مكانك.. اني اخوكم الجبير
اني اعرف شغلي وياها..
اني اربيها..
واسمع علا.. تصيح.. اي ربيها الي ماتستحي..
شهد؛ بدل ماتربيني.. ربي ابنك..
تحب اكول لفؤاد..
تراجع بالكلمة.. ورجع خطوتين..
رافت: انتي عار.. عار علينا كلنا..
فؤاد: شتكلي...
ام رافت؛ لكم منا الجوارين فضحتونا وانتي ام المشاكل.. جيتي وسبيتي البيت..
شهد: دام اكتمل النصاب...
خلينا نفرش فضايحنا... وهذا الباب انسد..
شهد: خل.. ابدي بروحي..
انتي ياوالدتي العزيزة.. الي جنتي حايرة بحزنج المفروض.. متكولين جنتي تتبعين خطوات الوالد.. وفضايحة حبة لغيرج.. خلاج تتركين مراهق.. ماعندة اخلاق.. مالومة منو ابو منو امه..
تعرف رافت فؤاد... شجان يسوي من انتو ماموجودين..
تعرف.. جان ينزعني. جان يتصرف ويا اي مثل ماانت ومرتك بغرفة النوم...
فؤاد؛ انجبي.. سكتي.. جذابة مو صحيح.. رافت....
رافت؛ شدتحجين.. انتي.. سكتي..
كافي.. وحدة مخبلة مو صاحية..
ام رافت: حقة رجلج يزوج عليج... انتي..
سكتت..
شهد: هي هاي الطعنة.. الاخيرة..
الي لازم تنهيني.
شهد: كليلي مجنتي تعرفين.. علي زوج علية...
رافت؛ علي مزوج قبل لايخطبج..
شهد: زوجتة الله يرحمهة...
لا.. زوجتة الجديدة..
قبلج...
ورا مجبتي همام كال طلكتها...

شهد: يعني جنت تعرف.. جنت تعرف ومخليني عايشة مغفلة..
كلكم.. كلكم انتو ماعدكم غير شهد.. شهد بشنو اذتكم. بشنوووووو..

رافت : الشرع حلل اربعة..
شهد: صح.. هاي الحافظة من الدين. 
شهد: اني لهنا خلص. احسب روحي.. كلكم متو.. ماعندي اهل.. خلص.. ماعندي....
فؤاد؛ بكيفج انتي.. تعالي وين رايحة..
شهد؛ كل شي عندي ينهيك.. فهمت اذا تاخرت.. رح تنزل بالاخبار انت وجماعتك.
اني رح اخذ زينة.. اربيها... احسن ماتعيش ويا اب مثلك...
بنتي.. شكو تاخذيهة..
تتربى بيت جدهة..
رافت: صح.. بنتنا متطلع منا..
شهد: نسيت اكلك فؤاد.. ابن اخوك رافت
طالع نسخة عنك بكل شي.. حتى شذوذك..
الخلف مامات.. تصدك..

ام رأفت: ارتاحيتي هديتيهة ومشيتي..
شهد؛ انتي بالذات مرح اكلج شي خليج.. خليج..
كل الي صار.. شرح تكولين لربج انتي وزوجج..
نزلت.. من الدرج.. عفتهم..
تركتو تلك البقعة السوداء في حياتي انها جذوري نعم جذوري الفاسدة...
وداعا.. وداعا يامعاناتي وداعا ياايتها الدموع السوداء، ايها السند المكسور...
ايتها الادغال الضارة... ساابني جذوري بعيدا عنكم بعيدا عن تلوثكم.. حسدكم حقدكم مكركم.. وداعا.. ياماااساتي...

زينة؛ ماما.. اخذيني وياج..
يلة ماما.. تعالي.. خ نطلع منا.. اختنكت..
الدموع الي حابستهة صار ايام خلص.. نزلت..

ظليت ابجي.. وزينة تمسح دموعي..
ماما.. لاتبجين.. لاتبجين..
اني احبج.. اني احبج.. وهمام.. وعمار احنا نحبج..

حضنت زينة واني هم.. احبج حيل.. احبج انتي وهمام وعمار.. انتو بس.. انتو سندي..
وصلنا بيتنا...
جانت الوجوه مكلوبة ماعدا عمي.. جان منتظر يسمعني..
ابو علي: هلا عمي.. حمدالله ع سلامتج..
الله يسلمك عمو..
حسيت الكل يريد يقاضيني..
عمو؛ ها زيونة.. جيتي.. اشتاقيتلج جدو..
اشر لعلياء.. تسوي جاي..
اني طالعة.. صديقتي اليوم خطوبتها..
ولج شون الج نفس تفرحين واخوج بالسجن..
علياء :مو هاي مرتة رجلها بالسجن وهي تتونس بالشمال مدري ويامن..
ابو علي؛ انجبي..
ضحكت.. ذكرت كلمة الهام.. صدك العالم عليها بالظاهر..
اني طالعة.. خليكم ويا شهد.. ماشاءالله كلكم محامين...
شهد؛ عمو لاتخاف.. اني جبت دليل براءة علي..
ام علي: صدك يمة.. صدك رح طلعي..
ابوسج من راسج..
استغربت.. قبل دقيقتين جانت ضايجة مني..
ابو علي؛ دروحي سوينا عشا..
ام علي.. من عيني..
شهد؛ خالة لاتحسبين حسابي.. اني مااريد...
ابو علي؛ كلنا نتعشا ماكو هيج حجي..
علياء: حسين يلا تعال وصلني..
حسين: مصرة تروحين..
علياء؛ مو رجلي.. ماجبت الخاتون من النجف..
ابو علي: صدك حسين..
اي عمي بس هي.. جانت تريد تروح بيت اهلها....
علياء :والله قوية شون كدرتي طلعين من جوا فواد ورافت..
الله ربج والله شايلة خرزة..
حسين: مكافي عاد.. امشي يلا. امشي.. خل اوصلج.. خلصينا..
ابو علي؛ هاي الكل راح وبقينا بس احنا..
رح تحجين لعمج الصار..
شهد: اي عمي.. اي احجيلك..
شصار.... حجيتلة من ساعة منزلت لحد ماركبت الطيارة.. ورجعت للنجف واجة حسين اخذني..
ابو علي: عمي.. الله نجاج وهذا يحيى لازم واحد يكافئة علي سوا وياج.. وفؤاد لازم كعدة كبار تعلمة شون يفرط بشرفة..
مالة فوتة لبيتي.. وراد يوكع علي بتهلكة..
شهد: طبعا البشر كلمن يجري على ليلاه..
صفنت بي وهو يعد ع فؤاد..
شهد؛ عمو.. وعلي شيحتاجلة..
ابو علي: عمو علي غلط.. ومرح اسكتلة لازم يطلكها هاي المنعرف اصلها مين..
بس.. يطلكها.. واني عمي.. اني شون رح يرجع حقي.. شلون اكدر اعيش ويا وهو كل يوم غلطان من راسة لرجليه.. شون.. اكدر اواجهة من غير مااتخيل خايني..
عمو.. هذا ابن عمج وابو اولادج..
عمو تعرف لو مو التلفون جان يخابر بي مجان ابني بهالحالة..
اي عمو لاتستغرب.. علي جان دائما مشغول وعصبي وجنت اشك بروحي.. اكول اي بسببي بسبب تقصيري ويا.. واني ماعندي قصور..
والله ماعندي.. قصور..
ابو علي: عمو.. خلص.. عمي حقج..
شهد؛ عمو انت هسة ابوية وبنتك انطعنت.. واريدك تاخذ حقي..
ابو علي؛ خلص عمو يطلع علي والي تريدي يجرالج..

ام علي: يمة شهد.. استهدي برحمانج عندج جهال وهاي بت اخوج هم حمل عليج..
شهد: هاي بنتي خالة من اليوم زينة بنتي...
ويطلع علي ويصير خير.. تصبح ع خير.. عمو..
يلا جهال.. امشو ماما.. نصعد.. امشو...
كانت ليلة طويلة معرفت شااسوي بيهة..
حتى القراية جنت انسة وقتي بيهة.. مكدرت اقرا..
بس توجهت لرب العالمين.. وقريت قران.. وتوجهت للمحاكمة... خفت هواي.. خفت بس اول مشفت علي.. وجانت نظراتة كلها غضب وأسئلة..
وبادلتة نفس الاسئلة... اتذكرت جكد جنت بريئة ساذجة ضعيفة.. كل موقف بحياتة وياي..
قاطعني صوت الحاجب وهو ينادي عالقضية..
وطول الدعوى.. عين علي تخزرني.. واني متجاهلتة..
القاضي؛ الدفاع.. عندك مرافعة تقدمهة..
شهد: سيدي الرئيس الاعضاء المحترمون...
سيادة النائب العام.. اخذت نفس..
باوعت للكل من اهلي.. لااهل علي.. حسين..
يحيا جان موجود..
ابتسملي..
عقدت حاجبي.. ورجعت ترافعت..
سيدي الرئيس ذكرت انو موكلي تعرض للابتزاز من قبل المجني عليها غصيت واني اعرف مو هاي الحقيقة..
مع ذلك.. لم يبادر باايذاء الضحية..

والضحية كان الهة عداوات هواي..
واولهم اهلها نفسهم واذا اعتبرنا تهديد موكلي دليل ع كونة القاتل..
اقدم امام سيادتكم صور وبلاغات مقدمتها المدعوة سراب عمة الضحية.. واشجان ايضا توجهلهة نفس التهديد... كان من البديهي من المحكمة توجيه الاتهام لذويها.. من باب احكام القانون...
كحق ذوي الضحية بما يعرف بغسل العار..
وايضا ميحقلهم بااعتبار زوج الضحية موجود..
الوكيل: بس هذا مايثبت براءة موكلج..
بااعتبار هم بمكانة مايريدون يضرون مكانتهم.. ويمتلكون حصانة..
عوفك من كل هذا..
سيدي الرئيس هذا تقرير الطب الشرعي الي يبين انو اشجان فارقت الحياة بتمام الساعة 6مساءا من تاريخ اليوم المذكور بالتقرير وهذا الوقت موكلي.. جان بالتوقيف..
غصيت بالكلمة..
العفو سيدي..
توقف موكلي بتهمة عراك صار ويا اهل زوجتة.. وهذا التعهد كتبة زوجي... اقصد موكلي.. بعدم التعرض والتاريخ والساعة مكتوبين.. وهذا يبري موكلي من التهمة لان من الساعة خمسة العصر لثاني يوم الصبح الساعة ب8تم اطلاق سراحة بعد كتابة التعهد..
وهذا يتنافى ويا تقرير الطب الشرعي.. لذا اطالب ببراءة.. زو... موكلي واسقاط كافة التهم الموجهة اليه... مع شكري وتقديري لحضراتكم...
شكرا..
القاضي: شكرا الج بنتي.. بارك الله بجهودج..

القاضي: تم الحكم.. وبعد المداولة وبعد الاطلاع ع اوراق الدفاع والتحقيقات.
تم الحكم ببراءة المتهم من كل التهم الموجهة الة...
شهد: كانت صدمة للكل.. واكثر شي علي.. جان مصدوم...
باوعت علي.. بنظرة.. خلاص.. تصافينا معدت ممنونة الك بااي شي.. انتهينا علي..
الكل جان يباركلي..
حتى القاضي.. هناني وشكرني ع شجاعتي.. عمود اثبت براءة زوجي.. متناسية الاشياء الاخرى..
تمشيت خطوات لعلي..
حمدالله ع سلامتك ابن عمي..
تنذكر متنعاد..
علي: شهههههد...
غمضت عيني..
اي غمضتها.. معدت شايفتك ولاحاسة بيك..
انت انتهيت.. انتهيت للابد...
مشيت خطوات بعيدة عنة مسمعت صوتة ولارف كلبي.. علمودة.. اني حاسة جكد قوية.. اي قوية واتذكرت المقولة الي قريتها لااستاذي  باللحظة الي تدوس ع جرحك ومتحس بالالم اعرف انت عبرت ...
حسين: مبروووك.. الدعاوي رح تتهاوى عليج منا وهيج..
شهد: خلص.. كمل الإجراءات مال تخريج.. اني راجعة.. لااولادي..خلص...
طلعت..من باب القاعة....
يحيا: بقيت بس اني مباركتلج يصير هيج..
شهد: انت.. باركتلي.. ساعة ماركبتني ذيج الطيارة..
اني ممنونتك.. لان فتحت عيني...
ولاتنسى سلامي لاالهام..
يحيى:هذا وداع.. لو بداية طريق...
شهد: اكيد بدااااية طريق..
مع السلامة...
للقصة بقية...
🌸🌸🌸🌸🌸🌸
رغم القصة هي من تاليفي ومن خيالي..
لكن فعلا الانسان طول ماعايش مجروح عمرة مرح يتقدم خطوة بس ساعة مايدوس ع الجرح رح يلكة روحة عبر اميال بدون ميحس.. القصة بيه عبر هواي.. واحداث يمكن دنعيشها وعشناها. انقلبت حياتنا وصار كل شي بالعكس..
منو يتفق وياي ومنو ضدي..
انا احترم راي الجميع..
احبكم...
تحياتي..
نازك الملائكة
بارت هدية الكم...