رواية عندما يكون العشق صوفيا الفصل السابع والثلاثون 37 - بقلم ruqaya H algurtani

‏ما كان البعد زهدا بيننا وكيف أزهد فيك وأنت أنا ، ولكنها الأقدار خطت أمرنا فضاق على وسع الزمان لقاؤنا.
جلال الدين الرومي

شنووو..
اللي سمعتي.. اني اريدج ع سنة الله ورسوله وهاي ثاني مرة، لاترديني شهد
تعاي نجمع اولادج وزينة ونعيش سوا وانسيج كل شي راح واني اتكفل بكل شي انتي بس كولي اي واني اصيرلج دنيا واحميج من كل شي، شهد متعرفين الضيم العايشة واني اباوع عليج من بعيد تعبت شهد وروح امي تعبت، اريد تصيريلي  اصبح بوجهج وامسي، احس بالامان والراحة وياج بودي ماافاركج طول العمر
شهد:يحيى..
لاتحجين ولاتنطيني ردج كعدي وفكري واسالي اولادج واني مستعد لكل شي مستعد اكون ابو اخو صديق الي يردونة..
بس لاتبعدين عني..
شهد اني احبج اكثر مما تتخيلين كلبي انتي مفتاحة بلياج مو كادر افكر بكل شي...
اليوم وانتي نازلة ولمسة ايدج جانت دافية تمنيت احضنج..
يحيى.. توقف.. احنا بعدنا بااولها شهالحجي..
دخلت زينة فجاة ردت ادارى واسوي روحي دا احجي بقضية شي..
بس ماردت اعلمهة شي غلط.
شهد؛ هاي زينة جتي.. يحيا اني اروح..
وبعدين نحجي..
ماشي.. انطيني زينة...
لييييش؟
صار يومين ماحاجي وياها..
اوكي عيني اوكي..
ظليت واكفة واباوع بعيون زينة هم اكو لمعة حب فرح..
بس جانت عادية سمعت صوتة وهو يكوللهة هااا باباتي..
شونج..
زينة.. عمو يحيا بعدني..
بس امي كالت راح تحلوهة..
يحيى: لاتخافين.. وعيونج ميصير غير الي انتي تريدي..
ماشي عمو....
يلة روحي لاامج..
مع السلامة..
مع السلامة..
ش

هد: زينة.. لاتكولين لااحد احنا نحجي ويا يحيي..
طبعا.. ماما سمعت الي كلتي لعمو علي وحسين.. اني احبج حيل.. وحضنتني اجة عمار يتمخطر..
عمار؛ هاا.. سالمين بيها حضن اكو مصيبة رح صير..
شهد : خو انت متكدر على لسانك لازم.. تدعبلنا بحجايتين..
غير انتو سوالفكم تخوف الاماية والبنتاية.. اذا اتفقن ع سالفة عالدنيا السلام..
زينة؛ عمممااار..
عمار: هااااا...
وجعا لتكون تغار.. انت... 
شهد؛ ضلت زينة تكرص وتدغدغ عمار وصوتهم وصل الجوا..
تغار.. مو... تغار تعال لاتضوج اني احضنك وابوسك...

عمار؛ ولج صرتي بطولي بطلي سوالفج.. عيب صرنا كبار..
زينة: بس اني بعدني صغيرة.. لج ياصغيرة.. شكبرج بعيرة صرتي..
لا.. عمار باجر اذا رحت تتحسر ع كعدتي..
وين تروحين شحدة الي يوصلج اسحلة سحل والله..
زينة؛ متشوف شون احبك اني.. فدواتك.. حبيبي.. وظلت تعصر بخدودة وتبوس..
هذولة الاثنين صارو شباب..
ونزلو الدرج وهم يتشاقون لحد ماخزرهم علي.. وهدأوو..

صبينا العشا.. وزينة تفلس السمج لهمام.. وتصبلة.. من زمان هي معتنية بي وتحبة..
وعمار يشيل اللكمة ويكللهة عوفي المدلل مال امة موجودة هي طعمة اكلي انتي.. صايرة كصبة مطيرجي.. وترجع تشيل الدجاجة وتحطهة بحلك عمار.. انت بس لاتحط عينك بلكمة همام اوكلك وادللك بس لاتغار..
ظلو يداهرون عالاكل واني اباوع عليهم لحد ماانتبهت ع صوت علي المتعصب..
يعني شنو لاتحترمون نعمة لاتحترمون جبير مو عيب عليكم..
رافت؛ دعوفهم والله متونس ع نكرتهم..
حسين: اي والله الله يحفظهم الج شهد..
تسلملي حسوني يوم الالك طبيت باايدي ع جتفة..
وهم علي يراقب..
مرات اريد افسر هذي المراقبة شنو.. حب تملك.. شنو معناها.. مااعرف وليش اجة بات يمنا مو عندة بيت ليش زوجتة تقبل ينام بيت طليقتة..
اني لااعرفهة ولاشايفتهة.. بس شايفة علي تعبان ومو مرتاح بزواجتة رغم كل شي سوا بية علي بس اكو شي داخلي يتحرك اتجاهة..
ابدا مو حب.. لان عمرة مكان حب..
بس انتبه ع شي جان ملكي بيوم من الايام.. كان الي وطن.. واصبح منفى..
مرات احس علي يحبني حب جبير بس معرفتة بماضي تجعلة يبعد اميال..

مع هذا.. بعد اكو خوف داخلي علي مااعرف شااوصفة..

عمار؛ ماما.. مرة ثانية خلينا احنا الجهال وحد والكبار وحد..

شهد؛ كم مرة اكللكم.. لاتحجون عالاكل ... يلة دامكم كملتو كومو شيلو المواعين وغسلو دااصبلكم جاي..
عمار.. زينة انتي شيليهة..
زينة.. همام شيلها انت..
همام: امي تخاف علية مااشيل شي..
مثل كل مرة وبالاخير اني اشيل المواعين وهم يكعدون يتعاركون عالريموت منو رح يتابع برنامجة..

جنت اتابعهم وادعي بسري ربي مايحرمني من حسكم بحياتي يارب..

ياترى اذا كتلكم ع زواجي شنو ردكم رح يكون والهوسة هاية كلها.. منو رح يحلها علي شرح يخلصني منه.
حسين؛ اليوم هواي صفنتي اكو قضية واكفة بالج لو قضية زينة..

شهد؛ يو حسين ليش شايل المواعين جيبهم..
حسين؛ يمعودة دجيبي اتعلمت اني اغسل مواعيني امي كبرت بعد مابيهة حيل واخواني كلمن بيتة..
شهد؛ ميخالف بس انت ببيتي هسة اني اغسلهم روح اكعد هسة اجيبلج جاي..
حسين؛ شهد.. لاتخافين اني وياج وزينة متصير لمحمد..
اني احلها الج..
شهد؛ صدك حسين شون..
دهاج شيلي هالمواعين.. واني هسة احجيلج بس هاي الخدمة مو بلاش لازم الها مقابل..
جنا واكفين.. اني وحسين وهو يغسل مواعين ويناوشني..

ويحجي وياي ويضحك..
وجان علي واكف..

شهد؛ تدلل بس كول..
علي؛ رافت.. نايم.. والجهال ديتفرجون عالتلفزيون واني كاعد..

شهد؛ تعال.. علي شيخلصنة احنا..
اكعد.. تعال انت حسين كعدو.. يلة اصبلكم جاي..
شهد؛ اي.. حسين.. كول.. شرح نسوي..
لو بعدين نتناقش..
حسين؛ ع شنو.. علي هم يعرف وهو شاهد..
شهد؛ متحجي حسين..
هاك الجاي..
علي هاك جايك..
مابي شكر حطيتلك سكرين..

علي: اتمنا.. لو تكرهيني.. تحاربيني.. تسوين اي شي بس لاتعامليني هيج ببرود.. محد ملة مكانج شهد محد.. كادر يكون..
ولا اني كادر اتفرج عليج وحسين يبادلج اسرار  وحجي ممكشوف..
مو كادر انساج.. ولا كادر اكمل وحدي.. ليتني ماعرفت ليتني.. مكنت حيوان وكنت استاهلج.. واكدر اساعدج شون كادرة تعامليني هيج واني اكثر شخص اذيتج..
كل مرضي وتعبي سببة بعدي عنج..
انتي حبيبتي طفلتي لعبتي المفضلة..

بس مو كادر.. مو باايدي اذا كنتي وياي رح اظل اتخيل الصار وادمر حياتج..

شهد؛ علي.. علي.. شبيك..
خما مرتفع سكرك.. يمعود ادز عمار يجيبلك..
علي؛ لامبية.. شي.. بس شوي تعبان..
شهد:تروح..
علي؛ هاي.. طردة.. شو نسيتي عندي حصة بالبيت هذا..
شهد؛ لا منسيت.. ياعلي بس خاف مرتك مترضي مابينة حيل مشاكل..

حسين؛ هههنهه،صدك علي يمعود.. مابينة حيل مشاكل لو صدك زعلانة مثل ماسمعت..

شهد: اعرف وجودي بالمكان ممكن يسبب الة احراج اني اعرف طبع علي صعب.. ومينحمل.. واكيد زوجتة عانت ويا او يمكن العكس مثل ما كالت علا..

علي: يمعود.. النسوان بس مغثة.. اصلا غلطت عمري زوجت بعد سهى، جنت مرتاح والي دنيتي شورطت روحي..
باوع.. علية حسين..

شهد؛ عادي تعلمت حسين خ يكمل..
اصلا ذبانة اذا وكفت ع اكلة هسة يكول شهد.. دزتها..

علي؛ دا اكول الحقيقة..
شهد: ميخالف.. انضربت ع راسك وزوجت مرة ثانية ليش..

علي:شسوي.. لازم سنة الحياة..
طيب ليش جاي يمي متروح يم مرتك..
علي؛ يم بيت اهلها..
شهد؛ كتلها بايت يمي..

علي؛ وليش اكللها هذا بيت جهالي.. وبنت عمي..
شهد: هلة بيك بس لاجيبلي دوخة راس..
حسين؛ شنو موضوعك انت.. ناوي تزوج..

اي.. ناوي..

علي؛ صدك...
حسين؛ علي... بعدين نحجي المهم نحجي بموضوع زينة..
شون.. نخلص من هالموضوع بشكل نهائي..
علي: يعني هي اولها وتاليها تزوج بس هذا محمد مخربط.. وعندة مشاكل وامة هي الي حطت زينة براسة لان ماعدهة احد اذا صار الي صار..
شهد: طبعا انتو الاثنين.. دتخوفوني شنو سالفتكم..
حسين: علي.. شهد مو غريبة وهي بمقام ام زينة.. لازم تعرف..
علي: والله سالفة تفشل..
شهد: ماتحجون شنو السالفة..

حسين: خلص رح اكللهة.. لاتباوع علية..
قبل فترة محمد لازمينة كاتل بنية كتلة مرتبة واهلها ناوين يرفعون علي دعوى جان رافت بالهند ديتعالج وهو خابرني..
شهد؛ اي وليش كاتل البنية..
علي؛ من ستر مسلما في الدنيا...
شهد؛ علي.. هذا زواج مو بلة لازم نعرف كل شي..
حسين: صحيح...
محمد مزوجهة زواج موقت..
عزة العزا..
ومن جاي ياخذها العفوووو...
شهد: شنو..
حسين: شنو.. شنو مخلفة 3 ومحامية متعرفين شنو..
شهد؛ لا مستحيل.. شنو هالحجي..
حسين: تعرفين المصيبة وين..
وين..
هاي مو اول مرة هاي رابع مرة.. يزوج ونفس المشكلة تصير والبنية الكاتلهة ناوية تفضحة لان تلاغو.. وجابونة اني وعلي تكفلنا وطلعنا..

شهد؛ صدك.. يعني تعرفون ومحجيتو.. ليش تخلوني صار شهر اتكلى...
اني وبنتي...
علي؛ والله خبلتيني.. بنتج.. وبنتج وهي بنت اشجان..
شهد؛ ميخالف.. الام هي الي تربي مو الي جيب.
المهم رح انام مرتاحة.. ومحمد حسابة وياي.. بعدين..
حسين: عوفينا احنا نحلها شهد.. سالفة رياجيل وعلي حجة ويا.. وهو تراجع شوية..
شهد: صدك.. علي.. لعد ليش مكلتلي..
علي: سالفة رياجيل.. شنو اكلهة الج..
شهد: بعدك بير غميج محد يكدر يوصلك..
شهد:ماشي.. لعد.. اروح افرشلكم وتعذروني قفلت رح انام صار ثلاث ايام منايمة.. رحت افرشلهم وضلو بالمطبخ يتناقشون كعدت رافت شربتة دوا..
جيت يم الجهال..
كتلهم باجر رح تروحون للشمال.. طارو من الفرحة سكتتهم ب اشششش.. كتلهم نتفاهم فوك...
دك موبايلي كمزت.. نسيت بالمطبخ وحسين وعلي كاعدين..
علي.. جنت كايم اشرب مي.. وشفت تلفون شهد دك..
وجان اسم يحيى المتصل وخطفت تلهث دتاخذ الموبايل لااحد يشوف..
شهد: العفو.. نسيت تلفوني..
رغم لابسة حجابها بس بعدني احس بعطر شعرهة بس تقرب مني..
يلة.. تصبحون على خير..
الجهال صعدو.. اذا تريدون تنامون اخذو راحتكم..
علي حطيتلك مخدتين.. اعرف متنام اذا متصفطهم وحدة فوك الثانية..
من رخصتكم..
شهد؛ صعدت فوك..
وجان يحيا دازلي مسج مانومتي جهالج..
سويلهم مميات وتعالي يمي اطلبج هواااي..
ميكدر ع روحة..
حجيت ويا الجهال. وفهمتهم.. السايق الي راح يجي اقارب وحدة من صديقاتي..
واريدهم يبتعدون عن جو التوتر  والهام تستلمهم هناك..
وولدهة بكصة ولدي يتفاهمون..
راحو نامو وانتظرت زينة تنام.. يلا كدرت ارد ع يحيى..

الوووو..
الووو.. بعد خليهة للفجر عمود نصلي فد مرة..
شهد؛ شسوي.. غير انتظر الكل ينام..
يحيى؛ شو صوتج ناصي شبيج..
شبية مااكدر اعلي صوتي احد يسمع..
يحيي: اويلي يابة.. هيج احلى.. الواحد يحس روحة مراهق..
شهد؛ لا يامراهق.. كبرنا على هالسوالف..
يحيى : انتي ليش كل شوي ذكريني جبير جبير.. خليني عايش احلى جو.. ودا اسمع موسيقى واحجي ويا الحب مالي.. شااريد من الدنيا بس تجي يمي وتشرف مكاني..
شهد؛ باوع يحيى.. اذا تحجي هيج والله اسد التلفون..
يحيى؛ شبيج.. مشتهي جاي.. هسة واتعاجز اسوي لو عندي مرة جان هسة كامت مثل الحبابة وسوتلي..
شهد؛ لاعبالك اسويلك تحلم اني اذا حطيت راسي عالمخدة مااكوم منها..

يحيي: شحجيتي هسة..
شهد؛ محجيت شي..
كلتي اني مااكعد.. بديتي تتقبلين فكرة زواجنا..
شهد؛ يحيى.. اوعدني ماتتركني.. اكو اشياء لازم تعرفهة قبل زواجنا ومترددة اكولهةالك.. بس انت لازم تعرف كل شي..
شهد: اني قابل بيج شون متكونين واعرف كلشي عنج.. بس كولي اي ورح تشوفين جنة يحيا شنو...

شهد؛ واذا كلتلك لأ..
يحيى: انتظري لحظة.. ناوية تكولين لأ..
اذا كلت..

خلص اروح لبنان انفه عن نفسي..
شهد: رح تكرهني.. مو..
يحيى؛ اني اعرف تحبيني..
واذا كلتي لأ.. الج اسبابج..
رح احترم.. رفضج الي كزوج.. بس كصديق.. رح ترفضيني هم..
شهد؛ اني يمكن اكون انانية اذا كلتلك يحيي.. لاتعوفني خليك يمي..
مااكدر بلياك..
يحيي: شنو.. هالبلوة الطاحت ع راسك يا يحيي..
شهد؛ طاحت.. كمت تسحب من برة..
شسويلج طركاعة كشرة..
ههههن.. هاي نوب مين جتي..
معليج الج الصافي..
بس لاتصدميني.. انتظر شهد شكو ورايا.. شو راح العمر وصار عمرين..

شهد؛ بعدك.. شباب.. بعدين اذا زوجتني.. تريد مني اطفال..
يحيى: غير امي من صدك داعيتلي اذا اخلف من شهد.. واحد بس مو طماع..
شو واحد مو وحدة..
عمي واحد.. وحدة نص قابل..
بس نول رضاج..
شهد؛ يحيى.. اني احبك.. احبك لدرجة مااعرف اوصفها..
بس لاتتركني حتة لو كتلك عوفني وروح..
يحيى؛ ماتعرفيني اني شون لزكة مااعوفج حتى لو صرتي امل طه..
شهد؛ شايفني سمينة..
يحيى؛ تخبلين... مارلين منرو تروحلج فدوة بس اقبلي..
شهد؛ تصبح ع خير يحيو..
شنو يحيو..
من تصبغ وتجذب اكلك يحيو..
وراسج مااجذب..
يحيو.. يحيو..
اوكي.. باي باي.. امل طه...
تصبحين ع خير..
هههههه... وانت من اهلة حبي..
باااي..
شهههههد..
هااا...
قربي خدج للتلفون..
قربتي
اي شكو...
سمعت صوت بوسة قوية بالتلفون..
سديتة وضحكت..
دزلي مسج.. شو سديتي..
شهد؛ انت واحد سيز.. روح نام...
دزلي مسجات...
كلها سمايلات..
😘😘😘😘😘😘😘
🤩🤩🤩🤩🤩🤩🤩
💘💘💘💘💘💘💘💘
تصبحين على خير.. تفاحتي..
............................
صدق من قال ان الحب.. هو اجمل شعور ممكن يحسة الانسان بحياتة..
طاقة تنبعث لااطراف الانسان وتجعلة يضج بالطاقة والحرارة.. يفصلك عن العالم الخارجي يجعلك مو طايق الارض الي تمشي عليها..
وتريد تطير وتطير..
بعد ماتركت حسين وعلي جوا..
كان الهم حديث..
علي: حسين.. انت وشهد بيناتكم شي..
حسين؛ واذا بينا شي انت شعليك علي..
علي؛ انت نسيت هي ام اولادي..
حسين؛ مانسيت.. بس هذا مو سبب يخليك عارض..
هي مطلقة واني مطلق.. بعد بكيفنا..
علي؛ ضرب ع المنضدة.. مستتتتحيل...
حسين: دامك تحبهة ليش مارجعتها ليش مخليهة وقف وانت ماشية حياتك شهالانانية..
علي؛ من يوم طلكت شهد وعرفت مشاكلك ويا علياء حجة عمود توصل لمرتي..
حسين؛ مو.. مرتك.. علي.. افهم.. خلي البنية بحالها..
علي؛ مو كادر.. مو كادر اتخيلها ويا احد غيري..
حسين؛ ع فكرة اني وعلياء ناوين نرجع وشهد هي الوسيط..
علي؛ يعني مو شهد المقصودة..
لا طبعا..
علي.. انصحك تتلاحك ع روحك مااعرف المشكلة بينكَم.. بس شهد درة لاتضيعها لاتخليهة تروح والله تتندم.. بعدين..
علي:ان شاء الله..
حسين: رايح انام..
شهد: ورا ماسديت من يحيى.. حسيت كوم احاسيس..
عطشانة.. جوعانة اريد حلويات.. نزلت.. ادورلي شي اكلة..لكيت ضوة المطبخ مشعول..
وعلي كاعد.. وحدة..
شهد؛ علي.. بيك شي..
علي: مابية هيج مجايني نوم..
شهد؛ تريد اسويلك شي..
اسويلك حليب وجاي.. انت متعود...
شههههههد.. كااافي..
اكرهيني.. سبيني شمتي بية بس لاتتحسسيني.. اني عمري مكنت اعنيلج شي..
انتي جنتي تحبيني متكدرين بليايا..
جنتي تضيعين.. هسة وين حبج  ضاع..
شهد؛ علي.. انت كاعد نص الليل تفكر.. اني ليش.. مااكرهك.. مااشمت بيك..
هو هذا الي يخليك ضايج وتعبان..
جكد اناني انت..
اصلا كمت اشك انك طبيعي..
رح اريحك.. ياعلي..
اي اني كرهتك.. وسبيتك دعيت عليك بسري.. بس مابينتلك.. مااحب اكون مكسورة.. اني دايما جنت قوية كدام العالم وجواية اضعف من الضعف نفسة..
لحد فترة اخيرة جنت اتمنى ينلم شملنا خايفة ارتبط..
خايفة اخسرك.. بس لمن زوجت خلص.. لكيت روحي لاكارهتك.. ولاشايلة عليك..
لان طول مامزوجتك محسسني اني لاشيء..
ورح اظل حاسة روحي متحملة لان قبلت بية.. بس بالحقيقة مثل مالملمتني
اني طلعتك من الظلمة العايشهة وسط كتبك.. تعرف جنت تحجيلي.. عنة ومامستفاد منة بس اني استفاديت منة هواي خليتلي قاعدة بحياتي..
وانطيتني ولدين اني ممنونة الك بيهم..
بس هسة.. لا اني كارهتك ولاحابتك.. انت ابن عمي وابو اولادي..
علي؛ شهد اني بعدني احبج.. محتاجج...
شهد؛ باجر.. بس تعيش وياي متكدر تتقبلني..
اكول كمل حياتك وانساني..
بعدين اني ردت اكلك اني رح ازوج..
علي؛ تعرفين اخذ جهالج اذا زوجتي...
اعرف.. بس ولدي مو اطفال ولدي شباب، ومااصور زوجتك الي مامتحملتك رح تتحمل شباب اثنين  واحد منهم محتاج عناية24ساعة والثاني اني امة مو كادرة علي مابالك زوجة ابو..
تصبح ع خير.. ابو همام...
جكد جنت شايلة هم.. خلص كل همومي انزاحت.. بس اكيد مو وحدهة...
انتهت.. اني سعيت عمود اخلصها خلص باجر اكول ليحيي ردي.. واولادي الهم قرار يقبلون او ميقبلون بقت يمهم..

للقصة بقية....

🌸🌸🌸🌸🌸
عذرا عالتاخير.. بارت لعيونكم حبيباتي
اتمنى يكون عند حسن ظنكم..
تحياتي الكم..
نازك الملائكة..
هذا البارت برعاية اغنية اليسا اكرهني هاي الاغنية علي يكولها لشهد