رواية عندما يكون العشق صوفيا الفصل الثامن والثلاثون 38 - بقلم ruqaya H algurtani

جالس العشق الذي هو جوهر روحك ، ابحث عن ذاك الذي يكون بجانبك إلى الأبد ، لا تقل "روحي" لمن هو حَزِن لروحك ، اعتبره مُحرما حتى وإن كان لك مثل الخبز.
         
جلال الدين الرومي

ثاني يوم الصبح كعدت الجهال من الصبح حضرت لكل واحد جنطة صغيرة
وانتظرت تلفون يحيى..
عمود يجي السايق واطمن ع اولادي..
كعدت الصبح لكيت حسين وعلي طالعين
وعلي جايب ريوك كيمر وكاهي ومريك رافت وحسين..
وطالعين..
اعرف الحجي الحجيتة جان قوي وموجع بس ياما توجعت وسكتت بس لمن يكون معاكي الحق لاتترددي كوني موجعة عمود الكلمة توصل للمقابل بصورة صحيحة.. ونهائية...

شهد: صباح الخير رافت شونك اليوم..
الحمد لله احسن..
شوي تعبان ونفسي تلعب..
من ورا الكيمر والكاهي الي اكلتهم..
شهد: شمازيك يارافت ليش ثكل ع روحك..
رافت؛ والله شفت الولد ياكلون واني ضربت وياهم اذكرت ايام زمان..
شهد؛ اه.. يا رافت.. ان شاء الله تكوم بالسلامة وتاكل ع كيفك..
يلة.اروح اشوف الجهال خلصو هسة يجي السايق..
رافت : ليش وين رايحين..
شهد؛ هاااا...
ترة لا دااحجي ويا علا ولامحمد ولاراضي ع زواجتهم فلاتخافين الولد كلولي كل شي..
هذا محمد دومة مفشلني..
ويريد فضيحتة رسمي..

شهد؛ كتلك يارافت.. كتلك من جان صغير.. ابنك يحتاجلة علاج.. مصدكتني..
جان حالة حال الشباب الباقين شناقصة..
رأفت :وين اودي يا شهد شكول للعالم شااحجي.. خلي همي بكلبي مااريد احجي..
شهد؛ هو هذا الفالحين بي شيكولون العالم عنا وننسى العالم اذا صار بااولادنا شي هم يلومونا لان مهملين بحقهم..

اروح..
هاااا.. نزلو الجهال....
همام.. ماما لاتنسين تحطيلي السماعة البلوتوث مالتي والبوت الابيض..
شهد؛ توني دا اكول مقطوعتي الشعرية وصار عمار بوجهي..
همام.. شو اطيني ايدك.. وايدك الثانية..
هاج ماما..
شهد؛ زين عندك ايدتين.. اصعد حط الاشياء الي تريدهم...
يلا ماما.. كبرت..

عمار: حرامات.. ردت اكول كلمة.. نقذتي روحج شهودة..
اسكت لك.. ضربتة ع جتفة..
يلا ماما.. همام اصعد جيب جنطتك.. بساع..
عمار: مفرقجية...
شهد؛ متكدر جلدك يحكك..

زينة؛ انزل همومي.. حبيبي.. اني احطهم الك..
همام: يمة فدوة لااحلى وحدة بهالعائلة..

عمار؛ ميفيد اروح اكعد ويا مرة ابوية ولاكعدتكم.. وحدة تمسح وحدة تدلل..
لزمت خدود عمار...
لك وانت هم تدلل حبيبي شعندي غيركم.. احلى اخوة.
عمار؛ صدك والله..
زينة؛ تدلل.. شكم عمار عندي..

شهد؛ ربي مايحرمكم من بعض..
بس شفت عمار نظرتة اتجاه زينة مو نظرات اخ لااختة..
يعني.. دايما يبعد لمن تحضنة ينزل راسة لمن تجي تشوفني.. شي جديد..
ويضوجها يكللهة محلوة.. وبعدين يروح يجيبلها شال ويا لبسهة..
عمود لاتتحجين ماعندج شال تلبسي ويا..
اعرف اكو مشاعر بريئة.. اتجاه زينة واني جنت محسبة انو همام تكون من نصيبة..
سبحان الله شكد مانخطط لااولادنا تبقى المشاعر والاحاسيس اكبر من اي تدبير وبالاخير كلمن يروح لصاحب نصيبة ظليت اراقب وملفتت انتباه زينة ولاعمار حبيت تبقى بريئة وممكن تختفي ويا الوقت محد يعرف شكاتب رب العالمين..
همام: ماما.. هاي منو جايب القيمر والكاهي..
شهد؛ دخيلك ياماما لاتنغص علية.. روح تونس وعوفك من هالاكل...

همام؛ رح نظل بخسرة اللكمة..

عمار: كون بية ولابيك.. عالاقل اني مااحب الا كل..
شهد؛ صمالله ماما.. شهالحجي..
زينة؛ صدك بلا هالحجي.. خلينا نتحضر.. للونسة..
شهد؛ وراها.. تتحضرون.. همام وراك سادس ومحاضرات لاتنسى..
همام؛ لاتذكريني..
عمار؛ رح اظل السفرة كلها اذكرك..
همام؛ خبيث..
هههههه..
يلة حبابين مثل ماوصيتكم..
همام لاتنسى علاجك..
زينة.. ذكري..
زينة: ماشي.. ماما..
لاتتناكرون انتي وعمار..
زينة لبسج.. دير بالج.. بلة مصير مشاكل.. ويا اخوتج..
زينة؛ قصدج عمار.. همام فديتة ميدخل..
عمار؛ حامي.. ميتحمل..
حاضر.. حاضر..
يلة مع السلامة..
مع السلامة..
امانة الله ورسولة فدوة فائق.. دير بالك عليهم.. واكثر شي همام..
فايق؛ والباقين اعوفهم عادي..
شهد؛ اكيد.. لا هم عينك عليهم..
يلة الله وياكم..

شهد: رافت.. شو مبدل ولابس.. وين.. رايح..
رأفت: رح يمر حسين علية واروح كربلاء..
لازم نحل مشكلة محمد وزينة واريد ازور..
وحسين يريد يرجع علياء واني جبيركم.. لازم موجود..
شهد؛ الله يديمك رأفت.. وينطيك الصحة والعافية..
رأفت: شهد.. الله يهنيج انتي ويحيى..
ويكتبلكم السعادة..
رافت.. انت شون...
لازم اعرف.. هذا حقج.. انتي ماقصرتي.. وربيتي اولادج وكبرتيهم.. والمرة بدون تحصين المجتمع ياكلها...
كليلة يجي لبيت عمي خلدون يطلبج..
ولو جنت اتمنى انتي وعلي ترجعون

بس كلمن يروح لنصيبة.. واذا ولد يستاهلج ويقدر.. حيااااه..
شهد؛ تسلملي رافت.. اكيد رح اكلة ليحيا يجي يتقدم لعمي خلدون.. بس لايخلون اشجان بالنص يحيي مالة علاقة بيها...

رافت اني افهم عمي.. لاتشيلين هم..
شهد؛ يعني رح تروح والله لو مو عندي قضايا لازم اعقبهم.. جان جيت وياك..
رافت؛ صدك..
احنا بيها رح اروح للمستشفى اجيك.. ونفتر فترة مرتبة بغداد تلحكين تكملين..
وتجين ويانا..
شهد؛ صدك.. بس وين ابات...
رافت؛ بيت اخوج وين راح.. مترجيتهة منج..
شهد؛ مرتك.. لاترتاحلي ولااني ارتاحلهة..
ليش اغثهة وتغثني..
معليج بيهة دامي عايش مالهة حك عليج..
شهد؛ تسلم لعد اروح عالسريع اكمل كم معاملة.. وااجل كم مرافعة.. واروح وياكم..
رأفت؛ كلش زين.. يلة لعد بدلي اخابر حسين يزتج بالطريق ونروح احنا..
شهد؛ ماكو داعي.. اني اروح وحدي وطريقي مو ع طريقكم..

رأفت : هاا.. هذا الهورن مال حسين وصل علي ورجع..
شهد؛ علي هم رايح كربلاء..
اي.. اكيد.. غير خطبة اختة وعقد قرانها...
هااا.. زين.. يلا..
شهد؛ راح.. رافت والجهال طلعو اخابر يحيا..
دك التلفون..
الووو...
الوو.. يااحلى صباح..
بعدك نايم واني مكملة.. وناوية اجيك للشركة شون مدير كسلان...

يحيى؛ صدك.. وين تجين..
هااا.. يحيو... لتكون تكذب علية..
يحيى؛ ع شنو اكذب عليج انتي عرفتيني منتف وحبيتيني يمكن شفقتي علية..
شهد؛ عندك شغل الصبح اكمل وامرلك..
يحيي؛ بيش الساعة..
ساعة ب7وربع ياكسلاان..
يووووو.. راحت علية نومة..
اكوم اغسل وابدل.. كلتي تجين علية من الصبح..
اي والله جنت ناوية اخسرك ريوك..
بس شكلي رح اتريك بالبيت كاهي وكيمر..
يحيي: اويلي.. يابة.. خ اشوف بيوم عرسي منو يجيبلي.. القيمر..
يحيى.. اني موافقة..
لحظة.. شكلتي ع شنو موافقة.
ع طلبك البارحة..
طلبي.. شطلبت منج اني..
شهد؛ كوو م غسل.. واروح اتريك قبل لااغير راي.. يعني صذك وافقتي مدتقشمرين علية..
شهد؛ وهي هاي الأشياء ولا عمري يسمحلي اتشاقة بالاشياء..
هم.. حجت بالعمر.. ولج اسكتي لاتحجين...
شهد؛ اكلك الاخبار.. رح اروح للمحكمة اقدم كم طلب زواج  وااجل مرافعات وامرلك ب11نتغدا واحجيلك كم سالوفة.. وارجع اروح ويا اخوية لكربلاء..
يحيي؛ لحظة. لحظة.. ياكربلاء هيج مناخذين راي من اولها..
شهد؛ بنت عمي رح ترجع لحسين..
وهناك تعرف الاجراات الماشية واريد ازور عمود الله يبارك بزواجنا..

لا. لا.. اني كاعد مو ودا احجي وياج..
مو حلم..
لا.. مو حلم.. وكافي هاي الدراما صحي النوم يابطل..
يحيي :خابريني عمود.. اعرف جاية..
شهد؛ مااخابرك اسويلك مفاجاة.. كبسة مفاجاة...
يحيي؛ ماشي.. خ نشوف نهاية هذا الاختبار شوكت يخلص..
شهد؛ احلى شي بيحيى يعرف اني اشك بي، مع ذلك ابد ميحاسبني ولايعتب هو عايفلي الساحة عمود اكتشفة واعرفة براحتي.. ودائما شكوكي متطلع بمحلهة.. ومرات.. يكون سعيد لان دائما يكلي المغفلين هم الي دائما مرتاحين الحياة بالنسبة الهموقت ويعدي والسلام.. اللماحين هم الي كل تفصيلة بالحياة عدهم لغز يطمعون للاكثر ودائما يحشرون خشمهم باللي مايخصهم
كملت كل شي من وكت.. بالعشرة ونص اخذت تكسي لموقع الشركة الي يشتغل بيها يحيي..
دخلت.. تفتشت وسلمت وسالت الادارة وين..
وصلت مكتب المدير..
وجنت مندفعة..
سلمت ع السكرتير وكلي ثقة..
المدير موجود..
اي.. ست تفضلي..
شهد؛ هو يعرف اني جاية..
السكرتير: دقيقة ابلغة، منو حضرتج..
دفعت السكرتير واريد افاجى يحيي..
فتت واشوف رجال جبير كاعد..
فشلت.. اعتذرت وانسحبت بسرعة واني مصدومه، ليش هيج يحيى، جان تكدر تكلي .... اني عمري مجنت بالي الماديات زين جان حجة الصبح ج جان مفشلت و لاجيت..
احجي ويا روحي...
وما اشوف الا يحيي صار كدامي.. ردت

افرغ كل غضبي بي بس ابتسامتة الي خلتني اسكت..
يحيى؛ هاااا.. شهد.. زين جيتي من وكت..
خلصت اجتماع.. تعالي يلا نطلع..
شهد؛ مشوفتني مكتبك..
يحيي؛ شبي وجهج مو على بعضج..
شهد؛ يحيى اني احب تكون صريح وياي مااريد تكذب وتتجمل..
يحيى؛ لحظة.. لحظة.. اكو احد ضوجج..
شهد؛ لا ماكو..
خل.. اطلع..
يحيى : تعالي فهميني..
اجة السكرتير من نهاية الممر ديلحك بشهد..
ياست.. اختي..
التفتت وبداخلي اكول اي هسة افشلك كدام السكرتير مالتك مثل متكول..
السكرتير؛ اختي نسيتي نظارتج.. تفضلي..
يحيي؛ انتي وين جنتي..
السكرتير؛ استاذ يحيى.. الست دخلت مكتب المدير بالغلط..
يحيي؛ شكرا.. انتي وين رحتي..
لمكتبك غير؟
يا مكتب قصدج..
اشرتلة براسي بااتجاه المكتب  مال ادارة..
يحيى؛ رحتي مكتب رئيس مجلس الادارة..
كتلج مدير بس مو مدير شركة المدير الفني..
واجة دارني ع مكتبة..
يحيي؛ وهاي انتي عمود هاي زعلانة...
هههههه.. تعالي.. تعالي اشوفج مكتبي عمود مرة ثانية متغلطين بي..
شهد: ميحتاج.. يلة نروح تاخرنا..
جرني من ايدي وكل الي بالشركة يحبون يحيى، هو شخص بشوش متواضع اخلاقة حلوة ويا الكل..
ودائما ياخذ شكوكي وتحقيقي ويا بسلامة نية..
ويضحك بالاخير يطمني ويا بس جنت احس بالسعادة.. وانو حياتي سهلة..
وراها كعدنا تغدينا.. واتفقنا ع كل شي..
وبعدين رجعني للبيت واتفقنا نتشاوف ورا 3ايام بااربيل..
ونفتح الموضوع ويا الجهال..
وبعدها نكمل كل الاجراات..
رجعت حضرت ملابسي متلهفة اول مرة اباوع بالمراية واحس روحي حلوة..
كل شي بروحي.. فرحان..
وظل يحيي.. لاتنسين كل شوي.. طمنيني عليج..
اشتاقلج اني..
احبج هواي..
وظل طول  الطريق تلفوني يجقجق..
واخر شي قفلت النت.. كام يدز عالسيمكارت..
هو هذا كنت محتاجتة.. محتاجة الاهتمام والي كنت مفتقدة..
وصلنا لكربلاء قريب المغرب..
اقترحت ع رافت.. روح نزور قبل لانروح بيتنا...

هاي اول مرة ازور ومو حاملة هموم.. داخلة سعيدة مو حزينة كنت اريد هاي فرحتي تبقى وتدوم..
دخلت وصدري منشرح وفرحانة..
كملت الزيارة وكلي فضول معقولة زينب كانت طيف مكان حقيقي، كل ماادخل اتذكر الماضي ودخلتي اني وعمار ولا اني وزينة...
ربي يحفظ اولادي ويباركلي بيهم.. واني كاعدة.. اجتي ايد انطبت ع جتفي..
جانت علياء بنت عمي.. صار هواي ممتشاوفين ومنحجي سوية..
اجتي حضنتني واني هم حضنتهة.. ونسيت مهما يكون الدم عمرة ميصير مي.. وماكو بنات بعائلتنا.. غيرهم..
توسلت بية اجي ابات يمهم..
وعلي رح يبات بيت عمي خلدون.. عرفت علي ع وجه طلاك والقاضي مقابل الاتولد وراها..
كلمن يروح حال سبيلة.. وهي عرفة قيمة حسين لمن بعدت عنة..
بالاخير رحت سلمت ع بيت رافت ولزمت محمد غسل ولبس وبالاخير اقترحت علي يراجع طبيب واني اخذة باايدي بااعتبار اني رايحة طبيب.. واعرف الخطوات..
وبعدين رجعنا لبيتنا البيت الي لم ذكرياتي كلها.. مااعرف ليش حسيت باانقباض وضيق بصدري لمن اذكر جكد بجيت وتاذيت بهالبيت ومع هذا عشت لحظات حلوة بي..
خلص شهد.. كلها كم يوم وتنتقلين حياة جديدة..
انسي كل هذا.. وابدي حياتج..
ثاني يوم رحنا للصالون وحضرنا علياء لعريسها.. حفلة صغيرة بين الاهل..
وقررت اصبغ واميش شعري..
واحف وجهي..
راسا بين.. وشعري طلع يخبل..

لبست بنطرون اسود وقميص احمر وفوكاه سترة سودة..
وبالحفلة فتحت شعري وركصت من كل كلبي.. خلص افرح واعيش حياتي الي راحت مني..
صارت الهوسة كلها بيتنا احنا.. البيت الجبير.. واني بعدني بمقام الجنة الجييرة.. وحرت بكل شي..
والحفلة حلوة.. اجة السيد وبدا يسال الطرفين..
وتذكرت ذيج الليلة الي مجنت حسبة حسابها صرت مرتك ياعلي.. برغبتك انت.. باارادتك اخذتني وباارادتك ضيعتني..
انتبهت ع علي يااشرلي ع شعري طالع.. نفس تحكمة واسلوبة متغير ولارح يتغير..
فتت للغرفة.. وشلت شعري الطويل... واحس روحي مراقبة بكل خطوة.. فجاة مااحس الة علي ورايا ودموعة تجري..
علي، شبيك ليش سديت الباب شيكولون علينا... علي شبيك..

شهد، انتي الي مستحيل صيرين لغيري ع جثتي صيرين لغيري..

للقصة بقية...

🌸🌸🌸🌸🌸🌸🌸
اعذروني على التاخير بس كان الي حديث ويا صديقة نساني حتى الجزء الي دا اكتبة، إلى كل الي قرو رصاصة الرحمة ابشركم رائد لكاها لرباب لهذا تاخرت عليكم.. انتظرو الجزء الثاني من رصاصة الرحمة طبعا بعد ماتصدر المحكمة حكمها ع رباب تابعوني..
تحياتي..
نازك الملائكة